492
قناة خاصة بنشر قصائد اهل البيت عليهم السلام للتواصل مع الشاعر @Alshmree89
#قصائد_شهادة_فاطمة_الزهراء_ع
أسمعو مني هل راي
نفس الكطعو الماي
دفعو بابهه اليلله أكسروهه
وصاحت فاطمه بس مارعوهه
أعرف أجدادهم تعبد بل الأصنام
وأعرف أحفادهم شكد شمرو سهام
وأعرف الدفع بابج يدعي أسلام
بزغ نور الحقيقه ذبو اللثام
مجموعه عصابه
ويسموهم صحابه
ورده ومن علي بغفله اكطعوهه
وصاحت فاطمه بس مارعوهه
---------------------
أجامل ليش أجامل عمري خلصان
الدفع بابج عمر ما اكول انه افلان
اليزعل من كلامي يكول خوان
أكمل هل الطريق أبلايه صحبان
شسوي بيهم أصحاب
ويفشلوني وي ابوتراب
ابد ما ريدهم خل يسمعوهه
وصاحت فاطمه بس مارعوهه
---------------------
مثل سيف الولي الكلمه من اسلهه
وكلمن طينته ابكصته أخلهه
ياناس العصابه ذيج كلهه
دفعو فاطمه وشتمو اهلهه
خل يحجي البخاري
انه بكلبي ناري
صورهم سود خلي يجملوهه
وصاحت فاطمه بس مارعوهه
---------------------
تضل ذيج الظلامه وذيج الأفعال
تضل شاهد عيان لذول الأنذال
مابيهم حميه ولاهم ارجال
لاهزهم دمعهه والدمه السال
مو من دين الاسلام
خوارج ذوله ظلام
هاي أفعالهم لا ينكروهه
وصاحت فاطمه بس مارعوهه
---------------------
هواي هواي من عدهم دمعنه
نطلبهم ضوه طفو شمعنه
وي كسر الضلع هدمو وضعنه
ومثل كلب الولي بكل بيت محنه
عليهم لعنت الله
بركبهم شوغه كل اه
البضعه الطاهره بسطره وعموهه
وصاحت فاطمه بس ما رعوهه
مهند الشمري
@mohand8989
#للهلال
من شفت لهلال بالسبعة عله
رجعت براسي مصايب كربله
حاشه لو انسه الجره بذاك الصباح
والاطفال امشرده وصوت الصياح
والنسه بلا عون سلوتهه النياح
ساعه لنه البيت من اهله خله
------------------------
من اجونه الكوم بينه استفردو
صيحت خويه اجونه هل اجو
وانت مارديت سلبونه ومشو
وانه ساعتهة اعرفت كلبي بتله
------------------------
صارت أكبالي حرك ذيج الخيام
ورجعت ابالي رشك ذاك السهام
وانه اشوف اكبالي مصيوب الامام
والعطش فطر چبته وذبله
-------------------------
والمصيبه الاكبر ابيوم السبي
تفرج القاصي علي والاجنبي
ماكو حرمه انه بت بنت النبي
هذا كونك كله عني وساله
---------------------------
اه يا كلبي شحملت من الوجع
والله لو غيري كلب جان انشلع
انه بعيوني شفت فرسه رجع
ومن دمه احسين الرچاب مبلله
مهند الشمري
@mohand8989
#ياحسين_ياشهيد_كربلاء
دمع عيني تحظر حان…وگتا
ثواب اعله لحسين ابچيه…وگتا
كلبي بدون دمعه ولطم… وك تاه
اريده بمجلسه يدليه بيه
🌷🌷🌷🌷🌷🌷🌷🌷🌷🌷
يطيب لي أن أزف إليكم أحر التهاني والتبريكات وأطيب الأماني والدعوات وخالص تحياتي بحلول ﴿عيد الأضحى المبارك﴾
أسأل الله تعالى أن يتقبل أعمالكم وطاعاتكم ويحفظكم من كل سوء وبلاء ووباء ويطيل عمركم في طاعة الله وأن يعيده علينا وعليكم ونحن تحت لواء إمامنا صاحب العصر والزمان ﴿عجل الله تعالى فرجه الشريف﴾
🌷🌷🌷🌷🌷🌷🌷🌷🌷🌷
مهند الشمري
#أستشهاد_الامام_الجواد_عليه_السلام
#نزلة
ابچو دموع بالحظره يزوار
واسو جدته ا لزهره يزوار
ابچي ادموع لاتقصر يزاير
وصل دموعك الحد المناير
ابچي ولا تخلي الدمع حاير
يزامط بيكم الليله يل أنصار
ــــــــــــــــــــــــــــــــــــــــــــــــــــــــ
دگ اعله الصدر حد ماتكسره
ابد لاتخلي بي اليوم عبره
بالعشرين وسفه ومات عمره
مثل أمصيبته لا ابد ما صار
ــــــــــــــــــــــــــــــــــــــــــــــــــــــــ
ابچي اعيون فدوه يروح شوفك
بيوم المحشر وحاشه يعوفك
تشهد بالطم عنده چفوفك
تشهد تنكتب انته من الابرار
ــــــــــــــــــــــــــــــــــــــــــــــــــــــــ
مثل حسين نفس القصه قصته
ثلاثت ايام ما مدفونه چثته
مات وهم تگطع مثله جبده
الجواد ويه الحسين اتبادل ادوار
ــــــــــــــــــــــــــــــــــــــــــــــــــــــــ
اه اعله الجواد المات بالسم
كون بكل ارض ننصبله ماتم
عبره وعبرة للمعلول بلسم
من عندة الشفه لا تضل محتار
ــــــــــــــــــــــــــــــــــــــــــــــــــــــــ
بكل بغداد ننصبلك مواكب
ومشيلك مشي ماجيك راكب
يبلل ثوبي دمعي بحركه ساچب
نفزعله مشي جن ركض ثوار
مهند الشمري
@mohand8989
نظره ياباب المراد---نظره ياباب المراد
نظره مولاي الجواد---نظره ياباب المراد
ياجواد اهل الكرم والشيمه
بجفك انريدك تزيح الغيمه
الزاير أبابك يسولف ضيمه
وانته ذكرك للنفس ترنيمه
نظره ياباب المراد
ــــــــــــــــــــــــــــــــــــــــــــــــــــــــ
ياتقي ودرب ربك ماعفت
رادتك دنياك بس ماتلتفت
نفس جدك انته مولاي عشت
وجبدك اتفطر ونفسه من متت
نظره ياباب المراد
ــــــــــــــــــــــــــــــــــــــــــــــــــــــــ
يارضى وعدت نهج المرتضى
الماحظه بمثلك چا بيمن حضه
نظر من عندك يا ابن الرضا
تسوه الاكوان بكبرهه والفضا
نظره يا باب المراد
ــــــــــــــــــــــــــــــــــــــــــــــــــــــــ
القانع وهل لقب ليگ بس الك
كل بني العباس رادت توصلك
جبل ما هزوك لا هزو هلك
الحاربك مولاي ماضل وهلك
نظره يا باب المراد
ــــــــــــــــــــــــــــــــــــــــــــــــــــــــ
يازكي وطاهر وما غيروك
كل بني العباس لمن حاربوك
بالولايه حاولو بس لان لگوك
بالرفض رديت طالع چن ابوك
نظره يا باب المراد
مهند الشمري
@mohand8989
قصيدة الى سيدي ومولاي جعفر الصادق
(علية السلام)
للبقيع اكلوبنه ونشغت بجينه
الله يلعن كلمن امعطل مشينه
احنه شيعه مجربين
الشاهد بدرب الحسين
الله يلعن هل عصابه الحاكمه
ال أميه وبنهجهه قائمه
عل ظلم والسيف منهه معلمه
وكل حكم ميدوم مادام بدمه
وين هارون وشموخه والعجب
صار ماضي وگبة الكاظم ذهب
جان وين وهسه وين
الشاهد بدرب الحسين
----------------------
بكل كلب شيعي أنصب مأتم اله
والمجالس جنهه مالت كربله
محزمة الخدام والصوت اعتله
يالثار الغرقد واحنه هله
يالثار الصادق وهدم الكبر
برگبه ال سعود اخوان الشمر
حقد الأف السنين
الشاهد بدرب الحسين
---------------------
جعفر الصادق عقيده ومعتقد
بهل طريق انسير نبقة للأبد
ماتغيرنه المواقف لا ابد
ومن تهزنه الدنيا نكثر بالعدد
منهج الصادق نعرفه بالدليل
احنه اصحابه نميل شما يميل
شيعه اصحاب اليمين
الشاهد بدرب الحسين
----------------------
چا حجة اتراب الكبر لو مااللسان
خل تعرف الناس قيمه هل مكان
بلا كبر مولاي من غم الزمان
واليزورك كافر ويصبح مدان
مايدوم الكافر وعمره گصير
كلنا نعرفهه النهايه والمصير
يبجي دم من الثنين
الشهاد بدرب الحسين
----------------------
باجر المهدي يجي يبني القباب
وياخذ بثار البقيع وعنده باب
ثمنطعش ماتت عمرهه بالشباب
هل حقيقه مسجله لا مو سراب
ننصب الهيئات يم باب البقيع
ومن نزور الاف أكبار ورضيع
كولو يا ام البنين
الشاهد بدرب الحسين
مهند الشمري
@mohand8989
عظم الله لكم الأجر والثواب في مصاب امير المؤمنين علي بن ابي طالب
Читать полностью…
بويه أخذني وياك لا تخليني
الفرگه صعبة وبعدك أياذيني
بويه حاجيني اريدن صوتك
انه بنتك فدوه رد امروتك
كلشي متوقعه فقط بس موتك
كون ميته ولا اشوف ابعيني
الفرگه صعبه وبعدك أياذيني
-----------------------
بويه خذني وياك حطني بالكبر
بدون عينك ابد مايسوه العمر
فدوه دليني بدرب بي انتظر
حتى احجي وياك وتحاجيني
الفرگه صعبه وبعدك أياذيني
------------------------
بويه حيدر شو تغير لونك
صد عليه ولاتغمض اعيونك
تدري زينب ماتعيش بدونك
دون عينك ما اريد اسنيني
الفرگه صعبه وبعدك أياذيني
-----------------------
بويه وحشه شلون اخلص ليلي
صوتك يمثل وحي ويوحيلي
والله مشتاگة الحروفه احجيلي
فرگتك يابو الحسن تعميني
-----------------------
بويه مرلي بطيف سكن روحي
وصل اي سابع سلف حد نوحي
جروحي حيل كبار بويه جروحي
والله نيران البعد تجويني
الفرگه صعبه وبعدك أياذيني
مهند الشمري
@mohand8989
ياابو طالب وداعك صعب
قران اسمك ضروري انرتله
لازم نسبقه اكيد ابسمله
موخالي عنده اليصل هل منزله
لازم ننصفك ياشيخ العرب
-----------------------
ياشيخ الاسلام تاريخك نهر
نعطش نرد ليك تروينه درر
لونكتب عليك ميكفي الدهر
يامحلى طاريك بالساني عذب
-----------------------
رب السموات يشهدلك عدل
معصوم انت حاشه من الزلل
بشعر وفصاحه مضرب للمثل
وبدربك انسير يانعم الدرب
-----------------------
كافر يكولن ماصدك تره
كافر يهل ناس يخلف حيدره
كافر حفيده سبع الكنطره
وين اهل العقل معقوله شعجب
-----------------------
التاريخ يذكر حاميت الرسول
واكفلك اجلال من شخصك خجول
حيرت الاقلام حيرت العقول
ياخيبر الحق شيدفعك صلب
----------------------
بحضنك ربه الدين من ذاك الوكت
ومن اجل الاسلام هواي تحملت
جن يوم الحسين يومك من متت
شيحمله الافراك يكدر ياكلب
مهند الشمري
@mohand8989
كلام انطيك اخذه وهذا مضمونه
لان والد علي رادو يكفرونه
كالو رافضي ومات
وصحنه بصوت هيهات
يااهل العقل وهل المصادر
اليخلف علي معقوله كافر
البكلهن تصدى وسيفه حاضر
من ذاك الوكت زلمة سواتر
لان هدم فكرهم كله بيده
ولان كال العدل محد يريده
خلف زلم كلفات
وصحنه بصوت هيهات
---------------------
رادو كلشي رادو وحنه ردنه
ابو طالب مقدس جن حشدنه
بعده بظهر ابو المنه يدنه
بقلم وبسيوف متحزمه ولدنه
شيعه ومارضينه بكلمه تنجاس
واليمسك عصابه وكومه انجاس
عقيده وموش چلمات
وصحنه بصوت هيهات
----------------------
رادو بالولي يدورون خله
لان بالسيف شبعهم مذله
نور الله وجلاله بي تجله
ابو طالب حضاره شكم مسله
هم شعر وفصاحه وهم رجوله
ابو طالب سمه محد ينوله
شحده العبر والفات
وصحنه بصوت هيهات
----------------------
نجم سهيل اسمه ويلمع أبليل
مثل عين الشمس ميصده غربيل
هم عدهم سقيفه بهيئة الفيل
وهم عدنه علي ومطرهه سجيل
صاحب منزله وصاحب كرامه
الدليل بهاي خلفلك نشامه
طاهر طيب الذات
وصحنه بصوت هيهات
---------------------
ماهمنه الحجه خل يحجي عنه
اليغرف بالبحر ما أخذ منه
اليريد النار عوفه انريد جنه
ابو طالب ابونه ولم شملنه
فكرك باقي بينه او ولدك احنه
ولي وابنك ولي وبصوت صحنه
وسفه نخلي شمات
وصحنه بصوت هيهات
مهند الشمري
@mohand8989
-ما يبقة وحده اعلة الجسر-
-أمشونه يشيعة انشيلة-
شدو الحزم شدو العزم
خطوات نكظيهة لطم
الصدر لازم ينهدم
بجفونة يرف العلم
نعزي مهدينة بحزن
ونتوسل بتعجيلة
ــــــــــــــــــــــــــــــــــــــــــــــــــــــــ
الأف نتعنة اله
بغداد جتة وكربله
صوت الحزن بيهم عله
وكل دار من اهله خله
الشيعة بدموع الحزن
حفاي اجت تمشيلة
ــــــــــــــــــــــــــــــــــــــــــــــــــــــــ
حفاي نوصل كل سنه
يا اغلى من كل الضنه
ظهري عله مصابه انحنه
ناذرلك اعيوني انه
ازغار وكبار ونسه
محنية اله وتبجيلة
ــــــــــــــــــــــــــــــــــــــــــــــــــــــــ
ياوسفه سمو الكفر
مرمي بقة فوك الجسر
بقيود ظهرة منكسر
خلصهة من عسر العسر
بكلوب تارسهة الألم
الاف اجت تشكيلة
ــــــــــــــــــــــــــــــــــــــــــــــــــــــــ
هارون خلا بسجن
ليله ونهارة بس يون
كلبة علة الشيعة يحن
ياوسفة مسجون الوطن
ربعة وعمامة بكل فجر
بكل ركعة الة تدعيلة
ــــــــــــــــــــــــــــــــــــــــــــــــــــــــ
مايبقة وحده بلا اهل
بجتاف لازم ينحمل
موسى عقد بيكم امل
والچبد متگطع وصل
والكلب من فوك الجسر
بدگاتة الة يوميلة
ــــــــــــــــــــــــــــــــــــــــــــــــــــــــ
علنت حداد العاصمه
بغداد اجته لاطمه
تبجي الارض تبجي السمه
وتعزي امك فاطمه
يم الجسر لمن يصل
كل شيعي ناذر حيلة
مهند الشمري
@mohand8989
يافارس الزنزانه
بقيد وهزم سجانه
ماغيبك سجنك يوم
ويانة جن ويانة
رادو يضمون صوتك--ذوله فعلآ واهمين
انته شيضمك قيامه--جايهم لو بعد حين
لمن ادكوم الصلاتك--ادكول يا ام البنين
وهوه التوكل عليهه--فايز بنصرا مبين
ويانه ابد ماغايب
مثل الرمش والحاجب
تعرف بكلب اليهواك
ويانه جن ويانه
--------------------------
صح غايب انته ومسجون--لكن بكلهن حاظر
لو كصد بابك محتاج--تفرحه وتكحل الناظر
ياوصف يرهم وياك--- حيرت اكبر شاعر
كل الشعر والاوزان --- واكف ابابك حاير
ماتنسه واحد بينه
نواسيك وتواسينه
دمع وملح من سنين
ويانة جن ويانة
------------------------
اكبر عقل بيك احتار---الزنانه صارت كبه
ذاب بمحبته السجان---اعلن اسلامه وحبه
وين الرشيد السلطان--بيا جحر وكتك ذبه
وضليت ايه وبرهان---لكل عبد عاشك ربه
كعبة حوائج مولاي
يالنعمتك مثل الماي
حي اليزورك داريين
ويانة جن ويانة
----------------------
بالغرب ندري الموت---الناس تهجر ذكره
غيرت هذا المفهوم---اصبحت اكبر فكره
باب الحوائج سموك---وضليت عبره وعبرة
قبلةوتحج بيك الناس--وتفيي مثل الشجره
واليخدمك يلبس تاج
وشوف اليخدمون افواج
ماميت بكلب الناس
ويانة جن ويانة
---------------------
بتشيعيه واكف جبريل--محني ويهل الدمعه
كل الملك تبجي ويا---بطرس بصوته ينعه
لا موغريب انته بهاي---نعشك يريد الفزعه
ياسابع من اهل البيت--جتك تشيع السبعه
كل السمه صارت لون
اسود بنعشك يبجون
اتشرفت بغداد اليوم
ويانة جن ويانة
@mohand8989
ياموسى ابن جعفر هاي اخبارك
تحجيهة ٲفخر متعنية زوارك
زوارك تعنة والحزن بيهة
اجت بيك اتعزة وانتة عزيهة
انة بكلبي امانة ولزم احجيهة
يا باب الكرم مشهودة اثارك
بسواد اتوشح العالم عله مصابك
وتلطم هلمسة بالصحن احبابك
تتعنة وتطوف اليوم يم بابك
وبعطرك يبعد الروح تتبارك
تلبسلك سواد وترفع الراية
يا اية صبر وانتة ٲصبحت اية
اجتك هل احباب اليوم مشاية
والصوت يتعالي اليوم يا ثارك
تنصبلك مواكب وزعت زادك
يا مولاي نظرة رايدة مرادك
كل احنة خدم احسبة لولادك
واملاك السمة ويانة تتشارك
جنة علة الارض ياسيدي قبرك
ومجانين العشك متعنية وتخبرك
علمني الخبر علمني شنهو امرك
هذا الكون كلة حبك ٲختارك
متاكد اردن اخذ ٲمرادي
وارجع والفرح باين علي بادي
اريدك تحفظ الزوار وبلادي
وانتة اصل الكرم واليوم خطارك
مهند الشمري
@mohand8989
#قصائد_شهادة_فاطمة_الزهراء_ع
اول روايات الحزن
تطبع اجفوفي اعله المتن
يازهراء--يازهراء
ثامن ربيع بكل سنه متحظرين
نبچي بدمع يافاطمة مال سنين
احياء الروايه من ثوابت هل دين
كون العمر نحيي الج ومقصرين
عاشور يومج من يمر
وينحسب بس يومج عمر
يازهراء--يازهراء
///
نختار دمعات الچبيره الزينه
لو طاحت اعله الخد شرط تجوينه
والناعي بس ابأسمج يبجينه
امنة ودليل ابيتهة التمينه
والجزع مسموح الزع
بالطم ضلعي ينسمع
يازهراء--يازهراء
///
لميت كل ربعي وهلي والجيران
مجلس الج سوينه ويعلي الشان
بكل المقايسس الحزن ها قد حان
ومسابگ اعله الحزن همت دفان
نبچي بدمع تارگ فرض
ندري بدمعنة ينعرض
يازهراء--يازهراء
///
عونه الحظر مجلس الج ياعونه
بالباب حيدر واكف ويدعونه
خادم الزهرة بكل فخر سمونه
ننطي القليل هواي من ينطونه
وياكم وثابت عهد
من المهد منطي الوعد
يازهراء--يازهراء
/////
كلبي بمصابج جنه شد اوزاره
فرغ الذمة وياي ذمته اتباره
يوكف حزن وياج يومه اختاره
نذكر مصابه شما تحل زياره
مايگدر يشوف الجره
بالباب نار أموجره
يازهراء--يازهراء
مهند الشمري
@mohand8989
يالله
اعظم الله لكم الاجر والثواب وجعلكم من المعزين والخدام الى محمد وال محمد الاطهار والثابتين والسائرين على نهجهم
غدآ ان شاء الله المصادف 29/7/2022
سنبدأ معكم بنشر قصائد محرم الحرام الهذا العام ونسال الله القبول منا ومنكم
وخادم لجميع الاخوه المشتركين في اي طلب لخدمة محمد وال محمد
خادمكم
مهند الشمري
#استشهاد_الامام_الباقر
#علية_السلام
هوه الشاهد بعينه خيمهم
زين وضل عدل مامات يمهم
يبو الصادق سلامآ
روايه شكد عمر ما سولف ابهاي
المهم شاف وسمع من كطعو الماي
انجوه كلبه بجمر وحتار بالراي
مصايب كربله ياعالم هواي
من ذاك الوكت حانت منيته
من راعي العلم طولت جيته
يبو الصادق سلاما
---------------------
كباله وخيمة الحره اوصلوهه
من ذيج اضن روحه خذوهه
عايش بس جسد من سلبوهه
سمع صوت الشمر زينب سبوهه
ياخامس نجم تفكد سمانه
نكسر ظهر السمه طافي ضوانه
يبو الصادق سلاما
---------------------
شكم ليلة سبي عاش وحظرهه
وليالي الشام معروفه ابأمرهه
ذله بنص غرب يفتر شمرهه
طفل عاش العسر ماشم يسرهه
بعد بيمن يصبر الروح صعبه
قبل ميموت اضنن مات كلبه
يبو الصادق سلاما
----------------------
جرعت السم صغير بنضرت العين
ويا سم اليضاهي وكعت احسين
الله يعين كلبك شفته مرتين
وحيد ومنجتل والراس نصين
تمنيت النظر كونك فكدته
توجع عل ترب مطرح عفته
يبو الصادق سلاما
----------------------
زين وضل نظر من المصايب
زين وضل كلب بعده مذايب
برمشت عين ماضلو كرايب
روس اعله الارض عاف الحبايب
جم صواب نص الكلب مصيوب
يبو كلب الجبير ودوم مجهوب
يبو الصادق سلاما
مهند الشمري
@mohand8989
#استشهاد_الإمام_الجواد
#عليه_السلام
بدمعة واحزان العباد
الليله توديع الجواد
الليله يامسموم يم بابك نصيح
من بجينه اعيونه لجلك تطيح
نلبس اسود ونتوجه للضريح
وكل مولاي يعلن اعليك الحداد
----------------------
واكفه اتعزي ملائكة السمه
والمعزب بالعزه حامي الحمه
بصوت دافي من نعتلك فاطمه
حتى كرسي العرش متوشح سواد
----------------------
لاغفت عين بمصابك لا هدت
الشيعه اجت افواج يمه اتوسدت
جنهة ردت كربله وهسه ابتدت
وجنة رد انوب خالي النه الجواد
---------------------
من جديد توسد بكلبي الحزن
يامصابك مثل المضيع وطن
البيهن اقرالك عساهن لو عمن
ياكسرنه يشبه اتلاثه بجماد
----------------------
محزن الكون بمصاب ابن الرضا
وتلطم اعله الراس كل الرافضه
والهوى مخنوگ حزنان الفضه
كل مصايب كربله اعلينه اعاد
مهند الشمري
@mohand8989
الصادق اهل البيت ابچي اعيوني
هذا ابونه وجعفري ايسموني
هذا ميزان الحقيقة والوفاء
واليحبه لازم يقدم دماء
جعفر الصادق امام الأتقياء
انه اتشرف اله يحسبوني
------------------------
هزنه حيل هواي أذانه الزمن
والمصيبه بدينه صارت فتن
غير جعفر احنه ماعدنه وطن
انه شيعي وثابت يعرفوني
-----------------------
كالو انسا والك وشما تريد
وياي كتلهم حجيكم مايفيد
همه ما يدرون جن حبل الوريد
ثابت بروحي وحلم يشروني
------------------------
نسال الله الثابت بهل درب
بغير حبهم مايدگ كون الكلب
لا حله زادي ابعدهم لا شرب
خيري منهم همه اليوفقوني
-------------------------
للبقيع هناك ابعثلك سلام
هدم گبرك مايضر انته امام
بكل كلب شيعي الك گبه ومقام
هوه ديني وخلهم يلموني
--------------------------
محزمه الخدام للصادق خدم
محزمين احزام مشدوده الهمم
بكل مواكبنه يرف باسمة العلم
كون خادم بس اله يسجلوني
مهند الشمري
@mohand8989
عظم الله لك الاجر مولاي ياصاحب الزمان
قصيدة بمناسبة هدم قبور أئمة البقيع عليهم السلام…
كبه الهم بالكب معموره
ويا دكات الكلب انزوره
الكبه معناهه العقيده
حيدر امشيدهة بيده
صفح التاريخ واقراه شكاتبين
احنه أصحاب العقيده من سنين
بعالم الارواح نصرخ ياحسين
وجنه من انزور ننطيهه الادين
ما اكابر بالهدم هدمونه
من جديد انخضر ايعرفونه
هدم الاحجار شيفيده
حيدر مشيدهة بيده
--------------------------
انه شيعي وحيدري بالعالمين
وسط روحي عايشه ام البنين
انته تفكيرك بعيد وانه وين
انه انطر يومهم وبجيلي عين
بعالم الاصلاب حبهم طابع
بينه غيره ادكول يوم السابع
عوف البالك بعيده
حيدر مشيدهة بيده
------------------------
منهج الصادق نعرفه من الزغر
ماتغير منهجه بهدم الكبر
شوف قبلك شنهو سوا الشمر
وشوف غير حسين ياهو الينذكر
الله يعرف وين يوضع سره
ماتسمعون الحقيقه ومره
ربك أختار اليريده
وحيدر مشيدهة بيده
--------------------------
واهم ورايح بعيد العنده ضن
اليهدم الكبه ويفلش كل صحن
ينهي موضوع العقيدة ويطمأن
حبهم بنص الكلب مثل الوطن
ما تفرقونة ابد لا مستحيل
من فروع الدين حبهم بالدليل
مسلم وحن الحميده
وحيدر مشيدهة بيده
---------------------------
باجر المهدي يرد يبني القبور
ونكطع جفوف الكفر شيعه ونثور
وحق عباس الكفل ننطي النحور
ونلغي كل واحد دخيل وماله دور
يالثارات البقيع بهل شعار
ناخذ مربع ابد ماننسه ثار
المهدي كل حقنه يعيده
وحيدر مشيدهه بيده
مهند الشمري
@mohand8989
تقبل الله صيامكم وقيامكم باحسن القبول وجعلكم الله من اتباع وانصار محمد وال محمد
عيد فطر مبارك عليكم خواتي اخوتي احبتي اجمعين…
عرش الله انفجع مو فقط محرابه
طاح الكون كله الليله بصوابه
كلشي اليوم مجروح
كلشي ملثم ينوح
ودأعا ياعلي
الله يعين ربعه الليله وأيتامه
شكم كلب نكسر وي طبرة الهامه
اضن حتى العرش يلطم عله العمامه
لان الدين النبي هل ذبحو اسلامه
حد سابع سمه صوت النعي ترتل
جبريل النعا ويقرأ بالمقتل
حتى الجزع مسموع
كلشي ملثم ينوح
ودأعا ياعلي
ــــــــــــــــــــــــــــــــــــــــــــــــــــــــ
مخنوك الهوه مايرضة بالريه
لان زينب وضعهة اليله مو هيه
حزنان الكمر ومسوي لطميه
رح الابو الجنه انسير ابفيه
فكدك ياعلي بين شكو خله
منين انجيب حيدر مثله ونخله
الكون ابأسره مذبوح
كلشي ملثم ينوح
ودأعا ياعلي
ــــــــــــــــــــــــــــــــــــــــــــــــــــــــ
القران القصد معروفه هل غايه
لان براس حيدر شكم الف ايه
بلكي يطيح منهن ويه الدمايه
بلكي يموت حيدر ناخذ الرايه
سبطين وعقيله حفظو الدين
ميموت اليخلف حسن وحسين
القيامة بطلعة الروح
كلشي ملثم ينوح
وأعا ياعلي
ــــــــــــــــــــــــــــــــــــــــــــــــــــــــ
من ذاك الوكت والكوفه حزنانه
صعب حيدر علي ياهو اليجي مچانه
وحگك ياعلي فگدك الأذانه
نبجي اعيونه لو نسمع أذانه
طبرت هامتك چن طبرو الكون
جن ارض وسمه كامو يلطمون
صوت الدنيا مبحوح
كلشي ملثم ينوح
ودأعا ياعلي
ــــــــــــــــــــــــــــــــــــــــــــــــــــــــ
وداعا ياعلي والكلب بي حصره
تردلهم علي والشيعة منتظره
طبرت هامتك خلفت چم طبره
بكلب الشيعة اثرهة كلوبهم جمره
وداعا ياعلي ماتمم الصوم
وداعا ياعلي والكلب ملجوم
عليك الشوف مشبوح
كلشي ملثم ينوح
وداعا ياعلي
مهند الشمري
@mohand8989
مات ابونه وخلصت احروف الكلام
مات ابونه وبعد عل دنيه السلام
كلشي عندي وماعشت
انه مو انته المتت
ماتو ابونه
وياك أخذهن يالرحت ماريدهن
العينه رمده اي كحل ما يفيدهن
غاب الهلال وتفرهد عيدهن
وهاي ضلتهن بطر من ايدهن
مدري ابونه مدري مدفون الهوه
عمري بعده هوه والماكو سوه
وياك بترابك ردت
انه مو انته المتت
مات ابونه
ــــــــــــــــــــــــــــــــــــــــــــــــــــــــ
منين ماصدن اشوفه بكل كتر
بكلهن الزينات اسمك ينذكر
بلا وعي دمعي يتوزر ينفجر
بويه ساعة نريد رخصه من الكبر
شوفي شيعيته وشطبت سنيني
ما اشوفن جني دافن عيني
حيل بعده تمرمرت
انه مو انته المتت
مات ابونه
ــــــــــــــــــــــــــــــــــــــــــــــــــــــــ
اليوم دگ رجله الگلب ل عزازاه
وعازة الولد يعالم عازه
لو بچيت اعيوني ما يجازه
اني عايش بس نفس وجنازه
احسد العنده ابو ويشوفه
والله مشتاگ الحنان اجفوفه
گلبي عطشانك صحت
انه مو انته المتت
مات ابونه
ــــــــــــــــــــــــــــــــــــــــــــــــــــــــ
شيبي تارسني واريد احظانك
هذا يا خال اليعوض امچانك
و لا تعوضني كثر خوانك
انته عنوان وصعب عنوانك
سر عظيم بشخصه وبحنيته
روحي اصبرهه بعطر خاچيته
بليلي عگبه اتلوعت
انه مو انت المتت
مات ابونه
ــــــــــــــــــــــــــــــــــــــــــــــــــــــــ
كلشي بينه يكول ما ناسينك
بشده واندور فزعت وينك
هذا خطار اجه متانينك
هواي شنساهن البيني وبينك
كون اموت وكون بس نتلاكه
حتى كلبي يبرد من اشواگه
كمت چم مره وطحت
انه مو انته المتت
مات ابونه
مهند الشمري
@mohand8989
بسم الله الرحمن الرحيم
(ونريد أن نمنّ على الذين استضعفوا في الأرض ونجعلهم أئمة ونجعلهم الوارثين)
نبارك للأمة الإسلامية جمعاء، ولمراجعنا العظام، بمناسبة الولادة الميمونة لكلمة الله في أرضه، وحجته على عباده، صاحب العصر والزمان وطاووس أهل الجنة الإمام الحجة بن الحسن (عليه وآبائه السلام)، في الخامس عشر من شهر شعبان المعظم ، أعادها الله على المسلمين بالأفراح والمسرات، ويديم الامن والامان على العراق واهله.
خادمكم
مهند الشمري
بحزن كون زيارته
هيجي رايد شيعته
تعرف بحقة صدك
مو فقط صدرك تدك
بذمتك ممخلي حك
ونتك چن ونته
--------------
الزياره يا عباد
تگصد الباب المراد
وكون كل طولك سواد
فقط بيدك رايته
----------------
عينك الدربه تصد
ومايعطلك اي بعد
ابد مارايد عدد
كلنه نعرف غايته
-----------------
ولو تطول بالسجود
تشيل عن ايده القيود
و ل لله ماتعبر حدود
تشيل عنه غربته
-----------------
بالحمد تگضي الدرب
وبالدمع يمه تطب
هيج اوصاف المحب
فعل كون محبته
-----------------
وبالمواكب من تمر
لا تباوع عل يمر
سفره خلصان العمر
واسي عنه گربته
------------------
وبصلاتك تلتزم
فارغه كون الذمم
هاي اوصاف الزلم
ماتصلي السمته
مهند الشمري
@mohand8989
(اسلام عليك ياسجين)
شلون دنيا شلون تحكم يازمن
بالعرش هارون موسى بالسجن
رادو يغيبون ذكره من الوطن
وبالاخير تحول الكبه وصحن
(يا أمام العالمين)
-------------------------
بالسجن مولاي ما شاف الضوه
النهار وليل صارلنه سوه
كل عرش طاغوت ماضل وهوة
وموسى نهر الدين والدنيا روى
(ياحبيب المؤمنين)
-------------------------
شنهو تالي الليل لازم ينجلي
والشمش تخفي النجوم وتعتلي
ذاك جدة شكثر سبو بي علي
صار قبلة وحجه وال طه ولي
(ياطريق العارفين)
------------------------
اربعة يشيلو امام الرافضه
عل جسر مشمور هذا ابو الرضا
دارت الدنيه وتريد اتعوضه
اليوم كل شيعة اجتة وراكضه
(ياحقيقة ويايقين)
-------------------------
ياوسافه العمر خلص مبتعد
وعل جسر گال نتشاوف والوعد
حظرت الناس وتجددله العهد
ولنة مسموم ولا واحد شهد
(بالدموع وبالأنيين)
مهند الشمري
@mohand8989
وسط الروح اهموم اثگال
يمك جينة ونشكي الحال
ابلزمت بابك يصفة البال
حاشه تردنه---حاشه تردنه
احنه ازغار ونسمع بيهه
تكضي الحاجه لهاي الناس
تنطي لكمن جاك اتعنه
بيدك جودك جن عباس
فضلك زاد وخيرك زايد
من اجدامي لحد الراس
كل الوادم تحجي بحاتم
يا حاتم انته المقياس
منظر شفنة إيسر اعيون
أطفال اتعزب باليمشون
لبسوا اسود وينادون
حاشه تردنه---حاشه تردنه
--------------------------
تعمه اعيوني كون اليوم
ماشوفن وبجيك هواي
ازحف ووصول يم الحظره
مقصر من اوصل مشاي
يامسموم بصوت انشيعك
ونلطم عل راس وحفاي
والله مقصر ماوفيتك
اطلب عذرك يا مولاي
بساعة موتك صيحة ارتفعت
من بغداد الدنية اهتزت
وهاي الصيحه اليوم اتعلت
حاشه تردنه---حاشه تردنه
-----------------------------
منعوفك وحدك هل مره
مسموم واهلك غياب
فرد حزام تحزمت ربعك
ناسك جتك والأحباب
ياقلعة حاجات الوادام
شكد زحمة مننكلك باب
الله يعين العاش فراكك
بذكره اغيابك كلبي ذاب
ذكرك عايش بينة ايدوم
امصابك جمرة بدمنة تحوم
الشيعة تنادي يا مسموم
حاشه تردنه---حاشه تردنه
----------------------------
انياله اليخدم يسجل
خادم موسى بهذا اليوم
وبدفتر فاطم نلكه اسمه
خدام وليدي المسموم
وبصوت انردد بالحظره
ثارك ثارك يالمظلوم
ويم الباري يشهد دمعي
بس دموعي هناك ادوم
حته الزهرة ابهذا اليوم
تحضر حتماً شي معلوم
بدمعة اتنادي يا مهضوم
حاشه تردنه---حاشه تردنه
--------------------------
تنطي امراد وتعرف كلبي
ماسولف تندله البيه
مفضوح العاشك من عينه
تترس جفي بلا منيه
حاشه ترد بابك لو يندك
تنطيهم كلمن عل نيه
احفظ كلمن يهتف باسمك
بشوغات الراحت مسبيه
اباب القبلة انهل ادموع
صوت الدمعه جن مسموع
كل شيعي ينادي ومفجوع
حاشه تردنه---حاشه تردنه
مهند الشمري
@mohand8989
(أمشونه نشيع بت علي)
يله يشعه امشونه-(أمشونه نشيع بت علي)
وصرخاتكم سمعونه (أمشونه نشيع بت علي)
شيعة علي يسمونه(أمشونه نشيع بت علي)
نجزع ولا يلومونه(أمشونه نشيع بت علي)
وي زينب ايجفونه(أمشونه نشيع بت علي)
انه وعمامي وكل هلي(أمشونه نشيع بت علي)
ــــــــــــــــــــــــــــــــــــــــــــــــــــــــ
دمعاتكم فوك الوجن(أمشونه نشيع بت علي)
تستاهل نجدد حزن(أمشونه نشيع بت علي)
مسبيه راحت للوطن(أمشونه نشيع بت علي)
والمتن يالون المتن(أمشونه نشيع بت علي)
نلطم ونلطم بالعلن-(أمشونه نشيع بت علي)
دار الوحي اصبح خلي(أمشونه نشيع بت علي)
ــــــــــــــــــــــــــــــــــــــــــــــــــــــــ
يخسه اليكول مسلبه(أمشونه نشيع بت علي)
بالناگه وبچفهه العبة(أمشونه نشيع بت علي)
عفه وشرف من الصبه(أمشونه نشيع بت علي)
بت حيدر ونعم الربه(أمشونه نشيع بت علي)
مو مالت گيود وسبه(أمشونه نشيع بت علي)
الله يعينك يالولي(أمشونه نشيع بت علي)
ــــــــــــــــــــــــــــــــــــــــــــــــــــــــ
خلونه نلطم عل صدر(أمشونه نشيع بت علي)
بسمانه مبيوگ البدر(أمشونه نشيع بت علي)
نبچي دمع لم الخدر(أمشونه نشيع بت علي)
والقدر باكاهه القدر(أمشونه نشيع بت علي)
يأمر من هذا الأمر(أمشونه نشيع بت علي)
والحزن صوته يعتلي(أمشونه نشيع بت علي)
ــــــــــــــــــــــــــــــــــــــــــــــــــــــــ
وي فاطمه نصب الدمع(أمشونه نشيع بت علي)
وصوت البچي خل ينسمع(أمشونه نشيع بت علي)
وگلب ذايب چل شمع (أمشونه نشيع بت علي)
والحزن بينه يجتمع (أمشونه نشيع بت علي)
چفي عله وجهي انطبع(أمشونه نشيع بت علي)
رايات زينب تعتلي(أمشونه نشيع بت علي)
مهند الشمري
@mohand8989