هۆنراوەکانی مامۆستا جەلال مەلەکشا
27 December 2023 20:13
ڕەشەبا
کۆچی بە عەشیرەی
پەپوولە کردووە!
🔸مەلەڪشا
@
Читать полностью…
هۆنراوەکانی مامۆستا جەلال مەلەکشا
19 December 2023 10:05
⚫️🥀 گەڕانەوەی هەمووان بۆ لای خودایە.
🤍تۆ ئەوینمی!
"هەر بە چاوی دڵ دەڕوانمە دیمەنی ئەوینەکەت"
ڕۆڵە نازەنینەکەم!
💔داخ و پەژارە و خەم دەست لە گەردنی دڵ ناکاتەوە.
بیستنی هەواڵی کۆچی ناوادەی کیژە جوانەکەی برای دڵسۆز و ئازیزمان،
"کاک بەختیار"
@
دڵمانی تاساند و چرکەکانمانی پڕ لە ماتەم و حەسرەت کرد.
ئەندامانی کۆڕەکانی هۆنراوە و گۆرانیی کوردی کۆڕی دێرینە شێعرو کاناڵەکانی مامۆستا جەلال مەلەکشا، دێرینە شێعری کوردی، هۆنراوە و گۆرانیی چەم و چیا ژیلا حوسێنی و ، بەگشتی هەموو ئەو ئازیزانەی دوور و نزیک کاک بەختیار و بنەماڵەی بەڕێزیان دەناسن، لەو کارەساتە دڵتەزێنە ئاگادار دەکەینەوە و وێڕای ئاواتی سڵامەتی و تەمەنی درێژ بۆ ئێوە ئازیزان هەروەها کاک بەختیار و بنەماڵەی خۆشەویستیان، ٭پرسە و سەرەخۆشیی خۆمان ئاراستەی بنەماڵەی کاک بەختیار و خێزانی و کەسوکاریان دەکەین و لە خودای گەورە و دلۆڤان دەپاڕێینەوە ئۆقرە و هێمنی بە دڵە پڕ ژانەکەیان بدات و ماڵە نوێیەکەی گوڵە جوانەکەمان، چڵە هەنارەکەی نیشتمان، نوقمی ڕەحمەت و بەزەیی خودای گەورە و دلۆڤان بێت و گوڵزاری بەهەشت جێگای بێ ... ٭
▪️لە لایان دەستەی بەڕێوبەرایەتیی:
کۆڕ و کاناڵەکانی
مامۆستا جەلال مەلەکشا
دێرینە شێعری کوردی
هۆنراوە و پەخشانی چەم و چیا
هۆنراوە و گۆرانیی کوردی
@
Читать полностью…
هۆنراوەکانی مامۆستا جەلال مەلەکشا
15 December 2023 19:46
مامە کوردۆ
یەک نەفەر بوو!
بەڵام ڕەنجبەری چوار ئاغا
وەکوو چوار کەس
تەنیا یەک لە ئاغاکانی
سەد و هەشتا و یەکجاران
لە سێدارەی هەڵکێشابوو
ئەوەندە جاریان کوشتبوو!
عەرزم کردی بێ‌فریادڕەس؛
بە ئەمری خوا ئەجەل هات
و تەنگی لە ئاغا هەڵچنی؛
ئاغا مرد و مامە کوردۆ
کردی بە شایی و شایلۆغان!
ئەوسا وتی گەلی دۆست و برادەران
ئێستا وەرن تەماشاکەن
لە دیوانی عەداڵەتی خوداوەندی
چی لێدەکەن!
کە ئاغا لە دیوانی بەرزی خودا
ئەهاتە خوار
بەڵگەی بەرائەتی پێ بوو
پێئەکەنی و ڕایەشەکاند
بەرەو باخی ئیرەم ئەچوو!
جەلال مەلەکشا
@
Читать полностью…
هۆنراوەکانی مامۆستا جەلال مەلەکشا
06 December 2023 07:43
⭕️ هۆنراوەی نەمر
مامۆستا جەلال مەلەکشا
خاتوون سێوە کامیل
شار
/channel/zagrosDaily
Читать полностью…
هۆنراوەکانی مامۆستا جەلال مەلەکشا
02 November 2023 10:05
💥#سنە _10 خەرمانان
گوندی مەلەكشان
سێیەمین ساڵیادی كۆچی دوایی شاعیری ناوداری كورد #جەلال مەلەكشا
/channel/zagrosDaily
Читать полностью…
هۆنراوەکانی مامۆستا جەلال مەلەکشا
01 November 2023 12:01
پرسە
"بۆکۆچی شاعیری کورد
ماموستا جەلال مەلەکشا"
ـــــــــــــــــــــــــــــــــــــ
بەژنی ئەم خەمە نازانم
لەکفنی کام وشە بگرم
چاوەکانتم لێ ون نەکا
کەژاوەی ژانی ئەم کۆچە
لەکام رەش دەوار داگرم
کە شینگێڕی تۆم بۆ نەکا
هەنگە ژاڵی ئازارەکان
پوورەیان بەستۆ لەسەرت
هەناسەی ساردی گەڵاکان
هەنگاوی پێ شل نەکردی
لەخەزەڵوەری سەفەرت
تاسەی بریاکانت لە پاڵ
کام لاپاڵی کامەرانی و
کام ئاسۆگی چاوەڕوانی
کام پێدەشتی شادمانی
دا بنێژم
پەیکەرەی رەنج وتەنیایی
ئێوارە خەمینەکانیش
لە بێ تۆیی دڵتەنگ دەبن
پەژارە قەتیسەکانیش
لە سینەم دا بێدەنگ دەبن
ئێستاسێبەری تەرمەکەت
لەسەرشانی داوەڵەکان
لەشەقامی
جەفاسالاری شارەکان
بەبەر دەمی
دماری ویژدان تۆپیوی
دەمامکەکان
کایە دەکا
خۆشی نەدیوەکەی
درێژایی ژیان
هەڤاڵە نامرادەکەی
رێگای زریان
ئەمڕۆ لەسەفەری دووری هەڵوەدایی
گەڕایەوە بۆنێو باوەشی نیشتمان
ئارام بگرە
لەدەس شەقژنی برک وژان
بحەسێوە
لەوپەڕی پردی بوون ومان
نەدیویش بی
ناوت هەردەمێنێ هەرمان
-------------------------------------------------
ئومێد حەیدەری موکری
تاران - پاییزی ۹۹
/channel/omidhmokri
Читать полностью…
هۆنراوەکانی مامۆستا جەلال مەلەکشا
01 November 2023 07:35
#هۆنراوەی_کاروان بەدەنگە کزەکەی مامۆستای نیشتمانی #جەلال_مەلەکشا
ڕۆحی پاک و بەرزت شاد بێت دڵدارەکەی کوردستان.🖤🖤🖤🖤
@🥀
/channel/smayil_aghay_chavgali
Читать полностью…
هۆنراوەکانی مامۆستا جەلال مەلەکشا
31 October 2023 21:30
باخەوانی دارەپیرە
منی تینووی ئاوی ڕەزی شێعرستانت
بادەی موژدەی ژیانەوەی پیرە دارم بۆ هێناوی
گەشانەوەی، چرۆی بیر و هەڵکردنی شنەی شعوور
پیرە دارێک، ژوانگە و لانکەی فکری سەوزی دڵدارانە
ڕاژانی با، سەمای گەڵا و هەوای دەمی دارەپیرە
بەستەی وشە دیلەکانی تۆیە، سترانی دەشت و کێوانم
بە خامەی دڵ بە خوێنی خاک و ڕیشەوە
زڕەی چڕانی زنجیر و ڕۆحی ڕەهای هەڵوێستی تۆ تۆمار دەکەن
لە تەوێڵی بەرد و سینگی سووری هەردا
بەرزەلانی سەرپەلانی داری شێعرت، سەوزی ڕازی ژیان بووە
پڕ لە فێرگەی مەلی شەیدای وشەکانتە
هەڵۆی هاوار، چەکی خامە و وانەی فڕین،
شەوی خەوی نیشتمانیان شەق کردووە
ئێستا تەور، لە تاوی شەرمی دەستی خۆی
توانای نییە، لە هەیبەتی بووژانەوەی پیرەداری تۆ بڕوانێ
چریکەی ناو قەفەسکەی کەوی شێعرت
ژەنگی زەنگی ڕەوتی چەوتی کاروانی زوو زڕاندەوە
دەبێ بەڕۆژ بکرێنەوە، بازگەکانی ڕەوت و ڕوانین
وا دەبینم خێڵێ پواز، بە ڕووزەردی
بۆ سڕینی پەڵەی شەرمێ
گشت سەرگەرمی وانەی سەوزی پەشیمانین
ئێستا هەموو گوڵاڵانی پەلکە شۆڕ و خانمەداری باخانی شار
بە شەونمی چاوی گریاوی شێعری تۆ
قژەکانی ئەندێشەیان ڕەنگساژ ئەکەن
ئەی باخەوانی شێعرستان!
هەستە بسکی خەزانکاری سنەی ئەوین بهۆنەوە
ئەمڕۆ پۆل پۆل کچە ڕۆز و ژنە یاسی شەقامانت
دەستە گوڵی باخچەی ئازادی شێعری تۆ
ئەدەن لە لای لێوی قژی پەرێشانیان
هەتا گوڵاوی بزەیان بڕژێتە سەر دەمی جێ ژوان
هاوڕێی شێعر و ڕازی ئەوین!
هاتووم عەتری مزگێنییەک لە سەر بووکی مەزارەکەت بپرژێنم
هاتووم بڵێم: جەلال هەستە،
قوفڵی لێوی شەقام شکا
لە سەر باڵای جوانییەکانی نیشتمانت
هەرچەند خونچەی گوڵمان وەرین
بەڵام داڵی زاڵی سەرپۆش، فڕین!
#ڕەحیم_لوقمانی
@
Читать полностью…
هۆنراوەکانی مامۆستا جەلال مەلەکشا
31 October 2023 18:57
توانیم شەرافەتمەندانە بژیم و بە ویژدانێکی ئاسوودەوە بمرم!
@
Читать полностью…
هۆنراوەکانی مامۆستا جەلال مەلەکشا
04 September 2023 11:57
🔸دوا ڕۆژانی سەدەی بیست
ئێمە خێڵی چەواشەی نێو مێژووی دڵی خۆمانین و
چاومان تا سەر کڵاوەی لووتمان هەتەر ناڪا
هێشتا بیرمان ڪرچ و ڪاڵە!
هێشتا خەنجەر
ئەندێشەمان سەر ئەبڕێت و
هێشتا تفەنگ،
فەرهەنگێکە تاڵ و تووڕە
بە سەر ژیانمانا زاڵە!
تفەنگ نەبێ لاڵ و کوێرین
لە هەوراز و لە نشێودا
تفەنگ گۆچانی دەستمانە!
بە زمانی تفەنگ دەدوێین
لە جاسووسەی تفەنگەوە
چاومان بۆ دنیا ئەڕوانێ
تەنیا تفەنگ، تفەنگ، تفەنگ مەبەستمانە!
لە بەرانبەر دوژمن مەردین
پۆڵاین، بەردین!
سەرمان لە حاستی گەردووندا دانانەوێ
هەمبەر، قەندیل و هەڵگوردین!
لە هەڵمەتا، شێرین، پەڵەنگین، نەبەردین!
بەڵام ڕێگا باش ناناسین، زوو ئەخڵەتین!
سەدات کەڕەت
نەوت و خوێن لە شاری کەرکووک ئاوێتە بوو
سنە سووتا
دیاربەکر، لە ئاگری داخا هەڵگیرسا
گردی سەیوانی سلێمانی خەڵتان خوێن بوو
هەزار قازی
لە چوارچرای مەهابادا
لە دار درا...
بەڵام هیچمان بە هیچ نەبوو!
کاتێ هەستاین
کاتێ ویستمان دەنگ هەڵبڕین
زەخم و زووخی مێژینەمان
بە گوێی جیهانا دەربڕین
هەموو بە یەک ڕێگا بڕۆین
تفەنگ بۆمان بوو بە مەبەست!
ئامانج دزرا و ڕێگا ون بوو...
هەرکە سازی خۆی گرتەدەست!
یەکێ چوو بۆ باوەش دوژمن
توورەکەی جاشی کردە سەر
لەم لایشەوە
بۆ چۆن مردن، گیان بەخت کردن
بێگانە بوو بە ڕاوێژکەر!
تەماشا کەن
تەماشای دەور و بەرتان کەن
هەر قۆناخێ پێداویستی خۆی گەرەکە!
ئێستا، بیر و مێشک و ئەندێشە پێویستە
بەجێی تفەنگ
بەچاوی خۆمان بڕوانین
بە هێزی مێشک و ئەندێشە
بارودۆخی ژین بگۆڕین
تەماشا کەن
دوا ڕۆژانی سەدەی بیستە!
🔸مامۆستا جەلال مەلەکشا
@
Читать полностью…
هۆنراوەکانی مامۆستا جەلال مەلەکشا
31 August 2023 08:11
لە نوتفەی قابیلین!
تاوانی ئادەم و
فریوی شەیتان و
شەهوەتی حەوامان لە کۆڵە
دەعبایەڪ دەروونم دەڪۆڵێ
دەنگی پێی دەبیسم
خرتە خرت خەریڪە
مێشڪــــ دەجوێ دڵ دەخوات..
🔹شەرەفی شێعر؛ جەلال مەلەڪشا
@
Читать полностью…
هۆنراوەکانی مامۆستا جەلال مەلەکشا
21 August 2023 19:55
شوشە عەترەڪـەم .....💔😔
#لەبارەی_خواوە_بۆتان_ئەدوێم
#مەجلیس_زیکر
Читать полностью…
هۆنراوەکانی مامۆستا جەلال مەلەکشا
14 August 2023 15:21
سڵاو و ڕێز بەڕێزان و بەشداربووانی کۆڕی ناوەندی کولتووریی کورد
وێڕای بەخێراتن و سپاس بۆ بەشداریتان لەو کۆڕەدا. ڕایدەگەیێنین کە سبەینێ شەوێ کاتژمێر 10ی شەو بە کاتی ڕۆژهەڵات و 8:30 خولەک بە کاتی ئورووپا وتووێژێکی هاوبەشمان دەبی لەسەر چۆنییەتی بەڕێوەبردن و درووستکردنی ناوەرۆکی کۆڕ .
بۆیە ئاگادارتان دەکەینەوە کە بەشداریی ئێوەی ئازیز کە بە شێوەی دەربڕینی بیروڕا و وڵام و پرسیار دەبێ، دەبێتە هەنگاوی دەستپێکی کوڕی ناوەندی کولتووریی کورد.
ئەگەر پرسیارێکیشتان هەیە یان کاتی داندراو گونجاو نییە بیفەرموون لەخزمەتتانداین بۆ وڵام و جێگۆڕکێی کاتەکەی.
لەگەڵ ڕێز و سپاس
ــــــــــــــــــــــــــــــــــــــــــــــــــــــــــــــ
🪩 تیشک کاناڵ، هەوڵی ناساندنی کولتووری کوردە.
یارمەتیدەرمان بن لەو ڕێگایەدا.
🆔 @
Читать полностью…
هۆنراوەکانی مامۆستا جەلال مەلەکشا
06 August 2023 18:38
وەتەن چاوی لێمانە....🥀
ئەندامان و نیشتمان دۆستانی بەڕێز🌱
🔶دوای پەیوەندی گرتن لەگەڵ دۆستانمان لە ئەنجومەنی چیای مەریوان بڕیارماندا تیمێک لە ئەندامان بۆ یارمەتیان بنێرین
دۆستانێک کە دێن تکایە پێمان ڕابگەیەنن 🙏🏻💚
‼️بە زوویی کاتی و شێوازی چوونمان ڕادەگەیەنین
🌱خۆشم دەوێ وڵاتەکەم🌱
________________
@an
Читать полностью…
هۆنراوەکانی مامۆستا جەلال مەلەکشا
05 August 2023 21:30
📣ئاگاداری گرینگ و بەپەلە
هاووڵاتییانی هێژا و بەڕێز و نیشتمانپەروەر!
🔹هەروەک ئاگادارن ماوەی چەند ڕۆژێکە دارستانە جوانەکانی مەریوان کە سەرگوڵی سروشتی کوردەوارین لە ئاورێکی دەستکردی نەیارانەدا دەسووتێ کە دوای کووژاندنەوەی سەرەتایی دیسان سەری هەڵداوەتەوە.
بەداخەوا ئێستا لە دەورووبەری گوند و دێهاتەکانی: #دەرەوەران_کیکن_نەچێ_هەنجیران_مڕانە_بایەوە_کۆلیت گڕی ئاگرەکە تەشقی ئاسمان دادەگرێ و ئەندامانی دڵسۆزی سەوزی چیا و کەسانی خۆبەخشی نیشتماندۆست وا نزیک دوو شەو و ڕۆژە نەخوتوون و خەریکی بەربەرەکانی لەگەڵ گڕی ئاورەکەن.
❗️ئەو بەڕێزانە ماندوو و تینوو و برسین و پێویستیان بە پشوویە.
💚ئەوڕۆ ڕۆژی قۆڵهەڵماڵین بۆ بەرگری لە نیشتمانە و هەر کەس هەر چی لە توانایدایە نابێ بڵێ نا (تکایە).
تکایە، تکایە، دیسان تکایە ڕێگە مەدەن ئەوڕۆ بۆمان ببیێتە حەزێکی لەدەست چوو.
بۆ یارمەتی و ئاریکاری خۆتان بگەیەننە #باوەڕەشی
ژمارەی پێوەندی و گرێدەر بۆ بەڕێوەبەری
09187765338
14ی گەلاوێژ
.
.
Читать полностью…
4663