2049
خادمة اهل البيت عليهم السلام الشاعره أم عون الحلاويه قاسي ويهد الروح ندري العطش زين يامن شربت الماي لاتنسى الحسين
#الشاعرة_ام_عون_الحلاويه
لطميه للسيده الزهراء عليها السلام ( شايله الليله )
وين ام المحنه شايله الليله
ردي بالضعن والبيت رديله
ردي بالضعن والروحه عوفيهه
بنتج يم حسن عدمن تخليهه
عليچ اتنوح ماتگطع بواچيهه
تون ومگدره والمدمع اتسيله
وين ام المحنه شايله الليله
تون ومگدره وتصيح رديلي
يمه اتگول عگبج منهدم حيلي
لاغمضت عيني ولا نمت ليلي
يمرني الليل وانه مگابله الشيله
وين ام المحنه شايله الليله
يمرني الليل واشتم بعبايتهه
گلبي يذوب لوصدن لحچرتهه
اگولن ليش ماترچع وسدتهه
شعدهه للگبر شالت الگحيله
وين ام المحنه شايله الليله
شعدهه اللحد والمگبره شعدهه
عون المگبره بامي واحسدهه
من عدنه خذتهه وبعد شيردهه
گلبي يريدهه وشنهو اسويله
وين ام المحنه شايله الليله
گلبي يريدهه وضل ينتحب ليهه
لاينطي الباري العتدى اعليهه
سطرهه بعينهه والسطره تاذيهه
وطاح اچنينهه وبدموع تبچيله
وين ام المحنه شايله الليله
✍️لخادمة اهل البيت ع
الشاعره ام عون الحلاويه
غير مبري الذمه من يحذف اسم الشاعرة او ينسب الرثاء لشخص اخر
@jfhfhggr
/channel/jfhfhggr
رابط قناة الشاعرة ام عون الحلاويه واتساب👇👇اشتركوا بها ليصلكم كل جديد وشاركوا الرابط للأجر والثواب
https://whatsapp.com/channel/0029VbAUoylJf05XBN30hM44
#الشاعرة_ام_عون_الحلاويه
فزاعيه للسيده فاطمة الزهراء عليها السلام ( من شالت المضلومه )
هاليوم الصميده شگال
من شالت المضلومه
وداهه بدمع همال
ومن عنده تراده الحال
فراك ام الحسن چتال
وضل ينده يمهضومه
ضل يصيح يازهره
فراگچ نايبه شگبره
لضلعچ ماتصح چبره
وضلعچ تنزف ادمومه
ضلعچ مادوه يفيده
ضل حيدر يدك بايده
يگول افراك ماريده
وروحه اليوم مالومه
مالومه علي روحه
وزادت گلش اچروحه
مابطل ابد نوحه
ينوح بروح مهدومه
ينوح وتهمل عيونه
يصيح هنا يمحزونه
طولچ حيف يخفونه
وتتوسدين بالهومه
✍️لخادمة اهل البيت ع
الشاعره ام عون الحلاويه
غير مبري الذمه من يحذف اسم الشاعرة او ينسب الرثاء لشخص اخر
@jfhfhggr
/channel/jfhfhggr
رابط قناة الشاعرة ام عون الحلاويه واتساب👇👇اشتركوا بها ليصلكم كل جديد وشاركوا الرابط للأجر والثواب
https://whatsapp.com/channel/0029VbAUoylJf05XBN30hM44
#الشاعرة_ام_عون_الحلاويه
فزاعيه للسيدة فاطمة الزهراء ( عليها السلام )
اليوم حيل تگدرت
من امي عافت بيتهه
┄┉❈«💔»❈┉┄
عافت البيت وحملت
وللمگبره امي مشت
وعيوني عليهه نعمت
وترد علي وصيتهه
┄┉❈«💔»❈┉┄
وصيتهه ترد للنزل
وعيوني للزهره تهل
ومن البواچي ماامل
والونه ما فليتهه
┄┉❈«💔»❈┉┄
وني ولا افله بعد
نامت الزهره بلحد
وعليهه ضل يبچي الولد
ويگول ترچع ريتهه
┄┉❈«💔»❈┉┄
ويگول خل ترچع الي
دمعاتي عليهه تهلي
وضيمي بعد ماينچلي
وگت العصر ناديتهه
┄┉❈«💔»❈┉┄
يشتاگ گلبي بگل عصر
للراحت زغيرة عمر
وخلت دليلي ينعصر
وشيلتها ما هديتهه
┄┉❈«💔»❈┉┄
وشيلتها اگابلهه واون
وينچ ييمه يم حسن
عفتيني ليش بهلمحن
والموته الي اتمنيتهه
┄┉❈«💔»❈┉┄
✍️لخادمة اهل البيت ع
الشاعره ام عون الحلاويه
غير مبري الذمه من يحذف اسم الشاعرة او ينسب الرثاء لشخص اخر
@jfhfhggr
/channel/jfhfhggr
رابط قناة الشاعرة ام عون الحلاويه واتساب👇👇اشتركوا بها ليصلكم كل جديد وشاركوا الرابط للأجر والثواب
https://whatsapp.com/channel/0029VbAUoylJf05XBN30hM44
#الشاعرة_ام_عون_الحلاويه
لطميه للسيدة الزهراء عليها السلام
┄┉❈«💔»❈┉┄
ولچ ياعين هلي ... وصبي دموم
شالن وابعدن حلوات الرسوم
┄┉❈«💔»❈┉┄
شلچ بالنضر عگب الحنينات
شالن للمگابر والمضلمات
وردتهن بعد للدار هيهات
نامن بالحد ويطولن النوم
ولج ياعين هلي وصبي دموم
┄┉❈«💔»❈┉┄
طويله بالحد ياحيف نومتهن
وعافن بالنزل تنحب بنيتهن
گلفه وتشده الدلال فرگتهن
وذني معدلات ويومهن يوم
ولج ياعين هلي وصبي دموم
┄┉❈«💔»❈┉┄
يوم فراگهن يشده الدلال
يخيه وداعهن ماچان عالبال
حادي ضعونهن هلحمل وشال
وضلينه بنزلهن نبچي ونحوم
ولج ياعين هلي وصبي دموم
┄┉❈«💔»❈┉┄
ضلينه بنزلهن نبچي ونوح
مايشفه الگلب خلنه مچروح
ليش ام المحنه تمشي وتروح
وماترچع بعد وفراگهه يدوم
ولج ياعين هلي وصبي دموم
┄┉❈«💔»❈┉┄
وماترچع بعد ويطول الغياب
وعليهه تون وتبچي الاحباب
بضلع ام الحسن ماخله هلباب
البسمار خله الضلع مهشوم
ولج ياعين هلي وصبي دموم
┄┉❈«💔»❈┉┄
✍️لخادمة اهل البيت ع
الشاعره ام عون الحلاويه
غير مبري الذمه من يحذف اسم الشاعرة او ينسب الرثاء لشخص اخر
@jfhfhggr
/channel/jfhfhggr
رابط قناة الشاعرة ام عون الحلاويه واتساب👇👇اشتركوا بها ليصلكم كل جديد وشاركوا الرابط للأجر والثواب
https://whatsapp.com/channel/0029VbAUoylJf05XBN30hM44
#الشاعرة_ام_عون_الحلاويه
لطميه للسيدة الزهراء عليها السلام ( عافت يتاماهه )
ليش ام الحسن ... عافت يتاماهه
ياهو الزعلاهه ومن حچه وياهه
//////////////////
ياهو الزعلاهه بضعة المختار
وياهو الي بصدرهه نبت البسمار
وياهو الچاب نار وحرگ باب الدار
وياهو السگط المحسن واذاهه
ليش ام الحسن ... عافت يتاماهه
//////////////////
ياملعون اذاها وسطر خدهه
وياملعون يالماهاب والدهه
حرمه بدارهه شيردون من عدهه
گوم بلا شرف حرگو ثناياهه
ليش ام الحسن ... عافت يتاماهه
//////////////////
گوم بلا شرف ميته ضمايرهم
وي ام الحسن بت النبي شعدهم
ملة بليس ذوله الگوم ملتهم
خلفو گل وصيه من النبي طاهه
ليش ام الحسن ... عافت يتاماهه
//////////////////
خلفوهه الوصيه واذو الزهره
ماهابو ابوهه سيد العتره
فوك العين سطرو فاطمه سطره
ودم بنت النبي تسيل عيناهه
ليش ام الحسن ... عافت يتاماهه
//////////////////
تسيل عيونهه ومورمه الضلوع
مانامت الزهره تلوچ وتلوع
يون الهه الحسن ويهل الدموع
يگول امي نشيل نريد وياهه
ليش ام الحسن ... عافت يتاماهه
//////////////////
گلنه نشيل وي امنه المضلومه
وي ام المحنه نسگن الهومه
اخذنه وياها ياحيدر يچيدومه
مانرهم ابد امنه بلاياهه
ليش ام الحسن ... عافت يتاماهه
//////////////////
ماتنطب عگبه وتوحش الديران
اخذنه وي زچيه ياعضيم الشان
نعوف الدار گلنه ونسگن التربان
ماينشال يگتل يوم فرگاهه
ليش ام الحسن ... عافت يتاماهه
//////////////////
✍️لخادمة اهل البيت ع
الشاعره ام عون الحلاويه
غير مبري الذمه من يحذف اسم الشاعرة او ينسب الرثاء لشخص اخر
@jfhfhggr
/channel/jfhfhggr
رابط قناة الشاعرة ام عون الحلاويه واتساب👇👇اشتركوا بها ليصلكم كل جديد وشاركوا الرابط للأجر والثواب
https://whatsapp.com/channel/0029VbAUoylJf05XBN30hM44
ابوصالح يريد اليوم لطامه
بصوت // المله ام علي ديالى
كلمات // الشاعره ام عون الحلاويه
#الشاعرة_ام_عون_الحلاويه
لطميه للمحسن عليه السلام ( المحسن طاح )
المحسن طاح ... ياحيدر يكرار
عليه تبچي الزچيه وبالگلب نار
طاح من الزچيه بعتبت الباب
يعين الله الصميده بهاذا المصاب
وليدك راح نسمه وي الهوه الهاب
دماه اتسيل من عصرة الكفار
المحسن طاح ... ياحيدر يكرار
بالباب انعصر وسفه الزغيرون
ومات اليوم من گيد اليگرهون
الزهره اعله الولد تتصبر اشلون
وهيه تعد يچيهه ليل ونهار
المحسن طاح ... ياحيدر يكرار
تتنطر يچي وتحسب ليالي
اريد ابني تصيح اعليه غالي
اشوفه شلون طايح هيچي تالي
لبوي اشگي السده هاليوم والصار
المحسن طاح ... ياحيدر يكرار
لبوي اشگي المصاب وطيحت ابني
المحسن طاح يابويه وفچعني
كله من النذل بيده دفعني
وضلعي يالنبي صوبه بسمار
المحسن طاح ... ياحيدر يكرار
دفعاني النذل طيح جنيني
اريد ابني عليه اچذب ونيني
المحسن يدفن وتريده عيني
ومايحمل ترب تدري الترب حار
المحسن طاح ... ياحيدر يكرار
✍️لخادمة اهل البيت ع
الشاعره ام عون الحلاويه
غير مبري الذمه من يحذف اسم الشاعرة او ينسب الرثاء لشخص اخر
@jfhfhggr
/channel/jfhfhggr
رابط قناة الشاعرة ام عون الحلاويه واتساب👇👇اشتركوا بها ليصلكم كل جديد وشاركوا الرابط للأجر والثواب
https://whatsapp.com/channel/0029VbAUoylJf05XBN30hM44
#الشاعرة_ام_عون_الحلاويه
لطميه للعسكري عن لسان حال مولاي المهدي عليهم السلام ( صعب الغياب )
صعب الغياب يبويه صعب الغياب
گلبي انعاب بدونك گلبي انعاب
يصيح صوتين ويون / شلون طولك يندفن
ـــــــــــــــــــــــــــــــ
يصيح صوته والدمع منه يطيح
مغيره الوانه ويون مثل الچريح
الموت اريده وياك يابويه يصيح
بويه يالگلبك حنين / وين وعني اليوم وين
ماگو اچواب عليه ماگو اچواب
ـــــــــــــــــــــــــــــــ
ماگو اي چواب ميت مايچيب
عيونه نامت راح ويطول المغيب
تبقى عگبه سيدي وحيد وغريب
وحيد صعبه ضلته // وللأبو تهل دمعته
بدمع سچاب ينادي بدمع سچاب
ـــــــــــــــــــــــــــــــ
بدمع يبقى خلاف ابوه شحاله
يساعده الله وموش زينه احواله
شال ابوه الچان دومه اگباله
چان يمه ومايروح // هسه خلاه بس ينوح
شنهي السباب يكله شنهي السباب
ـــــــــــــــــــــــــــــــ
شنهي الاسباب عفتنه يالحنين
موش تدري اعليك بويه معلمين
هسه ليش اتعوفني وحيد وحزين
ابچي وتناشد عليك / گلبي بويه يريد ليك
بالهوه الهاب انشدن بالهوه الهاب
ـــــــــــــــــــــــــــــــ
بالهوه اتناشد ودم عيني يسيل
يميل بيه الهوه وياه انه اميل
ليش بويه من وگت تمشي وتشيل
ماتگلي بويه ليش // عگبك اشلون انه اعيش
ماالي احباب وحيد وماالي احباب
ـــــــــــــــــــــــــــــــ
✍️لخادمة اهل البيت ع
الشاعره ام عون الحلاويه
غير مبري الذمه من يحذف اسم الشاعرة او ينسب الرثاء لشخص اخر
@jfhfhggr
/channel/jfhfhggr
رابط قناة الشاعرة ام عون الحلاويه واتساب👇👇اشتركوا بها ليصلكم كل جديد وشاركوا الرابط للأجر والثواب
https://whatsapp.com/channel/0029VbAUoylJf05XBN30hM44
#الشاعرة_ام_عون_الحلاويه
لطميه للأمام الحسن العسكري عليه السلام ( نعازي اچينه المنتضر )
نعازي اچينه المنتضر عالأبو كلبه انكسر
ويلي اويلاه ويلي اويلاه
..........✍✍✍✍
عالأبو الليله انفچع دلاله
واندفن وسط اللحود هلاله
خلافه ضل حال الهضايم حاله
حالته تفسر الصخر عالأبو كلبه انكسر
ويلي اويلاه. ويلي اويلاه
..........✍✍✍✍
يفسر المرمر يحاله خلافه
عمره خمس اعوام ابوه وعافه
العسكري بحاله شيضل لو شافه
محني من عنده الضهر عالأبو كلبه انكسر
ويلي اويلاه. ويلي اويلاه
..........✍✍✍✍
محني ضهره فگد ابوه هد حيله
مگدر ودمعه عله ابوه يسيله
يگول خالي مچان ابوي الليله
اه من افعال الدهر عالأبو كلبه انكسر
ويلي اويلاه. ويلي اويلاه
..........✍✍✍✍
اه من هاذه الدهر وافعاله
خله دمعات اليتم هماله
ويه ابوه المات عونه اشواله
ولايضل بهل قهر عالأبو كلبه انكسر
ويلي اويلاه. ويلي اويلاه
..........✍✍✍✍
ولايضل يتيم من بعد الدلال
اليوم حال المهدي مايشبهله حال
حمله ثگلان ويعادله چبال
ولاينام وبس سهر وعالأبو كلبه انكسر
ويلي اويلاه. ويلي اويلاه
..........✍✍✍✍
ماينام وبس يون للعسگري
يگول ليش تنام بويه بلغري
يابعد عيني يبويه وناضري
چرحي بغيابك كبر وعالأبو كلبه انكسر
ويلي اويلاه. ويلي اويلاه
..........✍✍✍✍
✍️لخادمة اهل البيت ع
الشاعره ام عون الحلاويه
غير مبري الذمه من يحذف اسم الشاعرة او ينسب الرثاء لشخص اخر
@jfhfhggr
/channel/jfhfhggr
رابط قناة الشاعرة ام عون الحلاويه واتساب👇👇اشتركوا بها ليصلكم كل جديد وشاركوا الرابط للأجر والثواب
https://whatsapp.com/channel/0029VbAUoylJf05XBN30hM44
#الشاعرة_ام_عون_الحلاويه
لطميه للأمام العسكري عليه السلام ( وي امه يونون )
┄┉❈«💔»❈┉┄
المهدي اليوم وي امه يونون
راح العسكري منهم يگولون
┄┉❈«💔»❈┉┄
المهدي يگول ابونه ضيعناه
لفراگه يون وتسيل عيناه
وامه مگدره وتتناحب وياه
تگله شلون يبني نصبر شلون
المهدي اليوم وي امه يونون
┄┉❈«💔»❈┉┄
تگله شلون نتحمل غيابه
تاذي الحيد خافنهه الترابه
ابوك اشاف بعده من شبابه
سمعانه الگبر بس لليگبرون
المهدي اليوم وي امه يونون
┄┉❈«💔»❈┉┄
سمعانه الگبر مو للشبابات
حار ترابهه وحشه المضلمات
شله العسگري بنوم الترابات
ومعروف التراب يودر العيون
المهدي اليوم وي امه يونون
┄┉❈«💔»❈┉┄
معروف التراب يغير الرسوم
يبني حيف ابوك يموت مسموم
چان بشوفته تنزال الهموم
وگلساعه يگل النه شتريدون
المهدي اليوم وي امه يونون
┄┉❈«💔»❈┉┄
مدللنه الولي وماگو بدلاله
حيف اليوم يتوسد ارماله
حنين ومايگول بيوم لاله
منه شمانريد يگول ممنون
المهدي اليوم وي امه يونون
┄┉❈«💔»❈┉┄
✍️لخادمة اهل البيت ع
الشاعره ام عون الحلاويه
غير مبري الذمه من يحذف اسم الشاعرة او ينسب الرثاء لشخص اخر
@jfhfhggr
/channel/jfhfhggr
رابط قناة الشاعرة ام عون الحلاويه واتساب👇👇اشتركوا بها ليصلكم كل جديد وشاركوا الرابط للأجر والثواب
https://whatsapp.com/channel/0029VbAUoylJf05XBN30hM44
#الشاعرة_ام_عون_الحلاويه
لطميه للعسكري عليه السلام ( نام العسكري بالگاع )
نام العسگري بالگاع
والمهدي يجر ونه
┄┉❈«💔»❈┉┄
نام اليعدل الميله
غيابه ايگول شيشيله
ليلة حزن هاليله
وتهمل عين المچنه
┄┉❈«💔»❈┉┄
نام الموش اله النومه
وليده مگابل اهدومه
ويبچي بروح مهضومه
ابوي يگول اريدنه
┄┉❈«💔»❈┉┄
يريد الحلوه اطباعه
ابد مايحمل وداعه
يحن اعليه گلساعه
واغيابه يون منه
┄┉❈«💔»❈┉┄
يون مايحمل اغيابه
المهدي يصيح يايابه
ناره يگول لهابه
ويلهب گلبي احسنه
┄┉❈«💔»❈┉┄
گلبي اتفور نيرانه
نريده العسگري ويانه
ضلمه خلافه ديرانه
وگوه البيت اطبنه
┄┉❈«💔»❈┉┄
مايراد ابد بيته
گوه اعليه طبيته
بيدك بويه عليته
ومنك خالي اشوفنه
┄┉❈«💔»❈┉┄
✍️لخادمة اهل البيت ع
الشاعره ام عون الحلاويه
غير مبري الذمه من يحذف اسم الشاعرة او ينسب الرثاء لشخص اخر
@jfhfhggr
/channel/jfhfhggr
رابط قناة الشاعرة ام عون الحلاويه واتساب👇👇اشتركوا بها ليصلكم كل جديد وشاركوا الرابط للأجر والثواب
https://whatsapp.com/channel/0029VbAUoylJf05XBN30hM44
هوسة مع لطمية ختامية للأمام العسكري عليه السلام ( هاي ام الحسن )
طبت للعزه تلگنهه بت ياسين
تلطم عالصدر ومهشمه الضلعين
تون للعسكري اليوم وتهل العين
شماله تگول يفتر عالحنين البين
( النزال )
هاي ام الحسن ... گومي وعازيهه
وطبت للعزه وتدرين مابيهه
تون للعسكري والدمعه تچريهه
نحلانه وتريد الي تواسيهه
مسموم الولد ومصابه گاضيهه
ماتنساچ يامن عاونيتيهه
يون المنتضر ضل وياذيهه
(( اليوم المهدي مگدر ويون الليله ))
✍️لخادمة اهل البيت ع
الشاعره ام عون الحلاويه
غير مبري الذمه من يحذف اسم الشاعرة او ينسب الرثاء لشخص اخر
@jfhfhggr
/channel/jfhfhggr
رابط قناة الشاعرة ام عون الحلاويه واتساب👇👇اشتركوا بها ليصلكم كل جديد وشاركوا الرابط للأجر والثواب
https://whatsapp.com/channel/0029VbAUoylJf05XBN30hM44
#الشاعرة_ام_عون_الحلاويه
لطميه للأمام الحسن العسكري عليه السلام ( وتون الولايه )
شال العسكري // وتون الولايه
وخل انروح گلنه ونرفع الرايه
سامره حزينه وصبحت ظلمه
مسموم الأمام تلوگله اللطمه
ضل ابنه ينوح وبالگلب هضمه
مهضوم وحزين ومنشده رايه
شال العسكري // وتون الولايه
مهضوم وتهل مانشفت عيونه
تره فراك الابو چتال تدرونه
المهدي يصيح ابويه لاتدفنونه
فراك المندفن ايطول اهوايه
شال العسكري // وتون الولايه
فراك الموت مامنه بعد چيه
ابنه يصيح بويه وعينه مچريه
من تروح ياهو الي يمر بيه
اضل وحدي يتيم ومحد ويايه
شال العسكري // وتون الولايه
المهدي يصيح وحدي لاتخليني
بعد ماريدهه ماتنفع اسنيني
الشيعه اليوم خليهه تواسيني
يواسوني ونعم شيعتي الوفايه
شال العسكري // وتون الولايه
الشيعه ونعم منهم يواسوني
اذگرهم تره گلمن يذگروني
گله دين هاذه وهمه يدروني
دنيا واخره الشيعه بحمايه
شال العسكري // وتون الولايه
✍️لخادمة اهل البيت ع
الشاعره ام عون الحلاويه
غير مبري الذمه من يحذف اسم الشاعرة او ينسب الرثاء لشخص اخر
@jfhfhggr
/channel/jfhfhggr
رابط قناة الشاعرة ام عون الحلاويه واتساب👇👇اشتركوا بها ليصلكم كل جديد وشاركوا الرابط للأجر والثواب
https://whatsapp.com/channel/0029VbAUoylJf05XBN30hM44
#الشاعرة_ام_عون_الحلاويه
لطميه للأمام الحسن العسكري عليه السلام ( بسمك نصبناها )
هاي الفاتحه ... بسمك نصبناها
يبو المهدي عزيتك مانسيناها
يبو المهدي تلوك عليك ونتنه
گل عام اليمر ننصب عزيتنه
عليك تلوك يالمسموم لطمتنه
وامك فاطمه نتعازه وياها
هاي الفاتحه ... بسمك نصبناها
نلطم حيل ويه الزهره نتعازه
مهضومه وگلبه مضيع عزازه
تگول عله الشباب البين يتوازه
وعونه تريد واحنه العاونيناها
هاي الفاتحه ... بسمك نصبناها
عونه تريد للمسموم لطامه
وچينه وياها نلطملك عالهامه
وهاذه ابنك يون ماتهچع الامه
يگول ايام ابونه ضيعيناها
هاي الفاتحه ... بسمك نصبناها
المهدي يگول ابوي اليوم ضيعته
چوه المگبره وچوه الترب عفته
گلبي يگول مايگطع بعد ونته
رسومه بالحد وسفه دفناها
هاي الفاتحه ... بسمك نصبناها
رسوم العسگري بالگاع مخفيه
والمهدي يون اله برگبه محنيه
الراح يگول مايرچع بعد ليه
العشره بالعچاله وياه فلاها
هاي الفاتحه ... بسمك نصبناها
✍️لخادمة اهل البيت ع
الشاعره ام عون الحلاويه
غير مبري الذمه من يحذف اسم الشاعرة او ينسب الرثاء لشخص اخر
@jfhfhggr
/channel/jfhfhggr
رابط قناة الشاعرة ام عون الحلاويه واتساب👇👇اشتركوا بها ليصلكم كل جديد وشاركوا الرابط للأجر والثواب
https://whatsapp.com/channel/0029VbAUoylJf05XBN30hM44
#الشاعرة_ام_عون_الحلاويه
فزاعيه للسيده فاطمة الزهراء عليها السلام ( بالضلوع مصيوبه )
بنتك الليله يالنبي
بالضلوع مصيوبه
ماتدري بنتك بيهه
هدو الگوم اعليهه
وگسر الضلع ياذيهه
ومن الضلع متعوبه
من الضلع تعبانه
ابنيتك الريحانه
صبحت تون حزنانه
وموش الگبل مهيوبه
اذوهه محد هابهه
وحرگو الوادم بابهه
وشبت بنار اثيابهه
وام الحسن مرعوبه
هاليوم رعبوهه العده
نصابت بعله ضاهده
وصبحت نحيله مدده
ودموعهه مسچوبه
تهل وتسيل دموعهه
وعالضلع زايد لوعهه
وطفت الليله شموعهه
وماترد بعد النوبه
✍️لخادمة اهل البيت ع
الشاعره ام عون الحلاويه
غير مبري الذمه من يحذف اسم الشاعرة او ينسب الرثاء لشخص اخر
@jfhfhggr
/channel/jfhfhggr
رابط قناة الشاعرة ام عون الحلاويه واتساب👇👇اشتركوا بها ليصلكم كل جديد وشاركوا الرابط للأجر والثواب
https://whatsapp.com/channel/0029VbAUoylJf05XBN30hM44
#الشاعرة_ام_عون_الحلاويه
فزاعيه ندبة للزهراء عليها السلام ( بس انتي التشافينه )
والوچعان يم حسين
بس انتي التشافينه
يبنت المصطفى ياسين
العله بيدچ تطيبين
بس يمچ تگر العين
گل معلول من ايدچ تطيبينه
ايدچ تشفي المعلول
يبنت الهادي المرسول
نوصفچ بيمن وشنگول
وانتي الباب من ابواب بارينه
عد الباري الچ چم باب
شافي البلمرض منصاب
ننخاچ بدمع سچاب
وصفه نريد للعله المو زينه
وصفه وعلاچ انريد
مدينه لديچ الايد
نحلفچ بعلي الصنديد
بداحي الباب احلفچ مو تردينه
بداحي الباب حلفناچ
يتگضي النايبه يمناچ
واحنه الدوم ماننساچ
نصيح بياذنب ضلعچ مهشمينه
يزهره بياذنب صابوچ
مگسور الصدر خلوچ
بنت النبي وما هابوچ
بقرباچ النبي الهادي موصينه
وصه الدنيا گلهه عليچ
وتاليهه النذل ياذيچ
بس الشيعه ماناسيچ
وباچر بالحشر يالزهره احضرينه
✍️لخادمة اهل البيت ع
الشاعره ام عون الحلاويه
غير مبري الذمه من يحذف اسم الشاعرة او ينسب الرثاء لشخص اخر
@jfhfhggr
/channel/jfhfhggr
رابط قناة الشاعرة ام عون الحلاويه واتساب👇👇اشتركوا بها ليصلكم كل جديد وشاركوا الرابط للأجر والثواب
https://whatsapp.com/channel/0029VbAUoylJf05XBN30hM44
#الشاعرة_ام_عون_الحلاويه
لطميه للسيده الزهراء عليها السلام ( وياچ ماريده )
عزيزه والوداع ... وياچ ماريده
عفتي الدار ليش ورحتي للبيده
/////////////////////////
وداعچ موسهل يم گلب الحنين
نريد وياچ نمشي ونسگن الطين
ينعاچ النزل ضل والحياطين
(( الدار تون ... موش بهيده ))
/////////////////////////
عليچ الدار حزنانه وتون حيل
ماتنطب ييمه تنزل الحيل
يالشالوچ ليش بعتمت الليل
(( شالاچ الحادي ... بچف ايده ))
/////////////////////////
نص الليل شالچ مني الحادي
عفتي الدار ومعچله عله الوادي
ماگلتي عليه تنحب اولادي
(( ماگلتي وليدي ... شيهيده ))
/////////////////////////
حزنان الولد يبچي عله فرگاج
يصيح ارچوچ يمه خذيني وياچ
زغير عله اليتم يعتاز لرباچ
(( يصيح امي ... ليش بعيده ))
/////////////////////////
امي يصيح شو بالدار ماهيه
من الفرگه الولد ذبلت معانيه
يون حسين ويه المشتبى اخيه
(( متگابل يبچي ... وي عضيده ))
/////////////////////////
ضلو يالزچيه عليچ يبچون
وين الغاليه راحت يصيحون
وزينب ناحله وماضلت عيون
(( خلتني تگول ... امي وحيده ))
/////////////////////////
✍️لخادمة اهل البيت ع
الشاعره ام عون الحلاويه
غير مبري الذمه من يحذف اسم الشاعرة او ينسب الرثاء لشخص اخر
@jfhfhggr
/channel/jfhfhggr
رابط قناة الشاعرة ام عون الحلاويه واتساب👇👇اشتركوا بها ليصلكم كل جديد وشاركوا الرابط للأجر والثواب
https://whatsapp.com/channel/0029VbAUoylJf05XBN30hM44
#الشاعرة_ام_عون_الحلاويه
لطميه للسيدة الزهراء عليها السلام ( المن عايفه البيت )
يم البيت المن عايفه البيت
اليوم لشوفتچ يازهره حنيت
/////////////////
احن لشوفتچ يمه يزهره
عفتيني يتيمه بگلبي عبره
عليچ حسين يتباچه شيصبره
اسمع ونته ووياه ونيت
يم البيت المن عايفه البيت
/////////////////
اسمع ونت حسين علفرگاچ
ويانه يم حسن هاليوم ردناچ
وحشه ومضلمه ضلت بناياچ
گون وياچ للغبره تعنيت
يم البيت المن عايفه البيت
/////////////////
گون وياچ اسگن بلترايب
ولاضلن وحيده وي الغرايب
غيرچ يم حسن مالي حبايب
ميته وياچ يحبيبه تمنيت
يم البيت المن عايفه البيت
/////////////////
كون الموت وي ضعنچ خذاني
ولاضلن يتيمه وتكثر احزاني
ويتگوه علي عگبچ زماني
ياخذ گل هلي وللضيم ضليت
يم البيت المن عايفه البيت
/////////////////
ياخذ گل هلي وجملة اخواني
يخليني سبيه بيد عدواني
ويشدون الحبل بثنين ذرعاني
ويضربوني اذا سمعوني ونيت
يم البيت المن عايفه البيت
/////////////////
✍️لخادمة اهل البيت ع
الشاعره ام عون الحلاويه
غير مبري الذمه من يحذف اسم الشاعرة او ينسب الرثاء لشخص اخر
@jfhfhggr
/channel/jfhfhggr
رابط قناة الشاعرة ام عون الحلاويه واتساب👇👇اشتركوا بها ليصلكم كل جديد وشاركوا الرابط للأجر والثواب
https://whatsapp.com/channel/0029VbAUoylJf05XBN30hM44
لطميه للام ( شال ياضعن الحبايب )
شال ياضعن الحبايب ضل عليهن گلبي ذايب
شالن وشيله طويله ... فراگهن مابيه حيله
يلحبايب يلحبايب
//////////////////
شالن وعافن الدار وگل العيال
بسرعه ياضعن الحبايب حمل وشال
يومهن يرهن الحيل ويشده البال
فراگهن يگسر الخاطر ... ليش شالن للمگابر
يلحبايب يلحبايب
//////////////////
ليش شالن للحود وعافن البيت
وياچن امشي للمنيه شگد تمنيت
مااريد الدار وعليچن توازيت
گلبي لهفان شگثر ... يخلص اتمنى العمر
يلحبايب يلحبايب
//////////////////
يخلص اتمنى العمر وامشي وياهن
ليش خلاني الحادي من خذاهن
بلترب حيف الوگت عني خفاهن
ذني حلوات السمر ... ليش نامن بالگبر
يلحبايب يلحبايب
//////////////////
ذني حلوات الحچي وحلوات الرسوم
حيف فرگتهن علينه تطول وتدوم
شالن وضل اليحبهن گلبه مهضوم
اليحبهن ضل يون ... ولهن هوايه يحن
يلحبايب يلحبايب
//////////////////
ذني وصله من الگلب ذني الحنينات
هواي چنه بيتهن نگعد وانبات
فلت العشره وياهن ياحرامات
فلن العشره بعد ... ومايردن للابد
يلحبايب. يلحبايب
/////////////////////////
المستهل بقلم✍️ الملة ام سجاد المياحي
الابيات بقلم ✍️الشاعره إم عون الحلاويه
غير مبري الذمه من يحذف اسم الشاعرة او ينسب الرثاء لشخص اخر
/channel/jfhfhggr
#الشاعرة_ام_عون_الحلاويه
نعي للسيده فاطمة الزهراء عليها السلام
┄┉❈«💔»❈┉┄
ضعن ام المحنه اليوم شايل
وخلافها وحشه المنازل
من دم يدمع العين سايل
┄┉❈«💔»❈┉┄
طيفج يمرني من اانام
وكلبي عليج هواي محتام
مايعوضونج خوال ولاعمام
┄┉❈«💔»❈┉┄
كل الخلك لامايعوضوج
دمعي يهل وروحي تلوج
عليج امر كل مااضوج
┄┉❈«💔»❈┉┄
عليمن نمر خلاف عينج
ماانسى ارباج وحنينج
ضاگ الخلگ يحبيبه وينج
┄┉❈«💔»❈┉┄
اريدج ييمه وضاگ خلكي
ومن اعمي العينين حكي
بدارج امر وبعد شلكي
┄┉❈«💔»❈┉┄
طلگتي وحبلتي شهور بيه
ومن الهوه خفتي عليه
وياريت موتتنى سويه
┄┉❈«💔»❈┉┄
شلتيني بطنج تسعة اشهور
مااجازيج يلجنتي علي سور
المات كون ترده النذور
┄┉❈«💔»❈┉┄
هيهات ابد لا ماترده
راحت مثل ماي وتبده
دفان باب الكبر سده
┄┉❈«💔»❈┉┄
✍️لخادمة اهل البيت ع
الشاعره ام عون الحلاويه
غير مبري الذمه من يحذف اسم الشاعرة او ينسب الرثاء لشخص اخر
@jfhfhggr
/channel/jfhfhggr
رابط قناة الشاعرة ام عون الحلاويه واتساب👇👇اشتركوا بها ليصلكم كل جديد وشاركوا الرابط للأجر والثواب
https://whatsapp.com/channel/0029VbAUoylJf05XBN30hM44
هوسات اعله ابوه يريد مهدينه
بصوت // المله ام هبه الواسطي
كلمات // الشاعره ام عون الحلاويه
#الشاعرة_ام_عون_الحلاويه
فزاعيه عن الهچوم على دار الزهراء عليها السلام ( عدوانچ يدفعونه )
┄┉❈«💔»❈┉┄
بابچ يم حسن چاليش
عدوانچ يدفعونه
┄┉❈«💔»❈┉┄
وخلف الباب من لذتي
شونيتي وشنو گلتي
يازهره تلوعتي
ومتعمدين دلالچ يهضمونه
┄┉❈«💔»❈┉┄
متعمدين عدوانچ
رادو تگثر احزانچ
ومنچ راحت الوانچ
وچهچ يم حسن اصفر صبح لونه
┄┉❈«💔»❈┉┄
وچهچ راحت الوانه
ومن الباب نحلانه
وضلعچ صار نيشانه
ومهشوم ودمه ينزف يمحزونه
┄┉❈«💔»❈┉┄
مهشوم الضلع منچ
وتون زينب لونچ
يمه شلون اضيعنچ
طولچ خاف للتربان ينطونه
┄┉❈«💔»❈┉┄
خافن طولچ انضيعه
نون بگلوب متصدعه
يمنه ضلي يالبضعه
يصيح حسين والدمعات بعيونه
┄┉❈«💔»❈┉┄
✍️لخادمة اهل البيت ع
الشاعره ام عون الحلاويه
غير مبري الذمه من يحذف اسم الشاعرة او ينسب الرثاء لشخص اخر
@jfhfhggr
/channel/jfhfhggr
رابط قناة الشاعرة ام عون الحلاويه واتساب👇👇اشتركوا بها ليصلكم كل جديد وشاركوا الرابط للأجر والثواب
https://whatsapp.com/channel/0029VbAUoylJf05XBN30hM44
#الشاعرة_ام_عون_الحلاويه
فزاعيه للأمام العسكري ( مهضومه حگميه )
........
مهضومه حگميه
خل نعازيهه
........
تون ونه اعله ونه
على الكله محنه
خلت هالدار منه
واخته تنوح ماتگطع بواچيهه
........
تون وتنوح اخيته
ومهضومه بثنيته
تون وتگول ريته
ماغرب ولا ضلمه السگن بيهه
........
تون وتريد اخوهه
بعلومه هضمومهه
ونو وعاونوهه
وناتچ عله المسموم خليهه
........
عله العايف اعياله
هالمأتم حلاله
تگول اخته ابداله
ياخذني اللحد واسگن بذاريهه
........
مبادل گون يرهم
ونرچع المشيم
ابنه اعليه معلم
حگيمه اتصيح روحه بروحي اشريهه
........
روحي لروحه فدوه
الحسن لعياله تچوه
سبع گله مروه
نام وعيلته ياهو اليضل ليهه
........
✍️لخادمة اهل البيت ع
الشاعره ام عون الحلاويه
غير مبري الذمه من يحذف اسم الشاعرة او ينسب الرثاء لشخص اخر
@jfhfhggr
/channel/jfhfhggr
رابط قناة الشاعرة ام عون الحلاويه واتساب👇👇اشتركوا بها ليصلكم كل جديد وشاركوا الرابط للأجر والثواب
https://whatsapp.com/channel/0029VbAUoylJf05XBN30hM44
#الشاعرة_ام_عون_الحلاويه
لطميه للأمام العسكري عليه السلام ( ابوصالح يريد )
ابوصالح يريد ... اليوم لطامه
شال وراح منه اليرفع الهامه
┄┉❈«💔»❈┉┄
لطمه يريد منه اليوم مهدينه
بالتربان نام يگول والينه
ياشيعة علي يصيح وتهل عينه
(( وعازوني ياشيعه ينادي ))
┄┉❈«💔»❈┉┄
ياشيعه ببوي يصيح عازوني
لمصابه تهل ماتنشف عيوني
انتم شيعتي وانتم تواسوني
(( الوفايه انتم شيعتنه ))
┄┉❈«💔»❈┉┄
تذگرونه ونعم منگم يشيعتنه
للمسموم حلوه تلوك لطمتنه
وتحله عليه من ننصب عزيتنه
(( نون وياه اليوم المهدي ))
┄┉❈«💔»❈┉┄
گلنه سيدي وياك ونينه
ابوك الشال يستاهل بواچينه
مسموم ويون ماغمضت عينه
(( وبدلاله والسم شسوه ))
┄┉❈«💔»❈┉┄
دلاله تگطع وانهدم حيله
مصابه موسهل چتال شيشيله
لطمه يريد مهدينه دلطميله
( ولطامه ويريد لعوده ))
┄┉❈«💔»❈┉┄
✍️لخادمة اهل البيت ع
الشاعره ام عون الحلاويه
غير مبري الذمه من يحذف اسم الشاعرة او ينسب الرثاء لشخص اخر
@jfhfhggr
/channel/jfhfhggr
رابط قناة الشاعرة ام عون الحلاويه واتساب👇👇اشتركوا بها ليصلكم كل جديد وشاركوا الرابط للأجر والثواب
https://whatsapp.com/channel/0029VbAUoylJf05XBN30hM44
#الشاعرة_ام_عون_الحلاويه
فزاعيه للعسكري عليه السلام ( ضلمه ومغبره يگولون )
ضلمه ومغبره يگولون
ليش اليوم سامره
┄┉❈«💔»❈┉┄
ضلمه وناسهه يونون
وبيه الوادم يهوسون
شنهو الي سده بالگون
وحزنانه السمه وحمره
┄┉❈«💔»❈┉┄
وحزنانه السمه شبيهه
وسامره شسده بيهه
يمگن شال واليهه
ونسمع نايحه وعبره
┄┉❈«💔»❈┉┄
نسمع نايحه ونه
ومگلوب الفلك چنه
خير شال من عدنه
وگلفه مصيبته وگشره
┄┉❈«💔»❈┉┄
گشره مصيبته وگلفه
بالسم مات ياوسفه
وعينه بالترب تغفه
ومالاگت اله الغبره
┄┉❈«💔»❈┉┄
الغبره عليه ابد متلوك
هاذا الي يطلع حكوك
گلب المنتضر محروك
وتسري بگلبه الچمره
┄┉❈«💔»❈┉┄
✍️لخادمة اهل البيت ع
الشاعره ام عون الحلاويه
غير مبري الذمه من يحذف اسم الشاعرة او ينسب الرثاء لشخص اخر
@jfhfhggr
/channel/jfhfhggr
رابط قناة الشاعرة ام عون الحلاويه واتساب👇👇اشتركوا بها ليصلكم كل جديد وشاركوا الرابط للأجر والثواب
https://whatsapp.com/channel/0029VbAUoylJf05XBN30hM44
#الشاعرة_ام_عون_الحلاويه
لطميه مع هوسات للأمام الحسن العسكري عليه السلام ( يريد مهدينه)
هوسات اعله ابوه ... يريد مهدينه
مهضوم ودمعته لاچت بعينه
🌱🌱🌱🌱🌱
هوسات وعراضه يريد مولانه
احنه شيعته وياه عوانه
لطمي حيل لتگولين تعبانه
لطمه معدله من ايدچ الزينه
((لطميله // الميت بالسم ))
🌱🌱🌱🌱🌱
لطمه معدله لطمي يشيعيه
ابد ماريد وحده تگول مابيه
تره المهدي دموعه اليوم مچريه
واحنه وياه سوينه تعازينه
(( وماننساه // الشايل منك ))
🌱🌱🌱🌱🌱
هاذه العسگري وللموت ماننساه
المهدي يريد هوسه وهوسينه وياه
والبيرغ لبوه اليوم هزيناه
يامرنه امر وانصيح لبينه
( ومولانه // وانگلك حاضر ))
🌱🌱🌱🌱🌱
تامرنه امر للموت وياگم
ونلطم حيل گل مانحضر اعزاگم
ننسه رواحنه وهيهات ننساگم
شيعه احنه ونون لمصاب والينه
( وهزيناه // اليوم البيرغ ))
🌱🌱🌱🌱🌱
نهوس بالبياغ چينه والرايه
يستاهل عليه نتعنه عنايه
وي العسگري للموت وفايه
مسموم وعليه تحله بواچينه
(( وعازيناه // اليوم وليدك ))
🌱🌱🌱🌱🌱
✍️لخادمة اهل البيت ع
الشاعره ام عون الحلاويه
غير مبري الذمه من يحذف اسم الشاعرة او ينسب الرثاء لشخص اخر
@jfhfhggr
/channel/jfhfhggr
رابط قناة الشاعرة ام عون الحلاويه واتساب👇👇اشتركوا بها ليصلكم كل جديد وشاركوا الرابط للأجر والثواب
https://whatsapp.com/channel/0029VbAUoylJf05XBN30hM44
#الشاعرة_ام_عون_الحلاويه
لطميه للأمام الحسن العسكري عليه السلام ( مصباحك شلونه )
احاه يالمنتضر مصباحك شلونه
شال اليوم ابوك وحمل اضعونه
شال البي حميه ويوچع اغيابه
حكك من تون واتصيح يايابه
شلون العسگري يتوسد اترابه
ومايرچع بعد يالنامت اعيونه
احاه يالمنتضر مصباحك شلونه
مايرچع بعد للدار شيرچعه
مسموم الحسن وتلوگله الدمعه
ضيعت الحنين البالوصف طبعه
شلون اتعيش يامولانه من دونه
احاه يالمنتضر مصباحك شلونه
شلون اتعيش عگبه وتگعد بداره
چوه الگاع نام وراحت اخباره
عيونك عالابو من حگهه تتچاره
ماعنده ذنب واعداه يسمونه
احاه يالمنتضر مصباحك شلونه
شمسوي الحسن وتسمه عدوانه
اضنك عالأمام اتريد عوانه
اچينه وياك ونادي يمولانه
ونلطم حيل اله واللطمه موزونه
احاه يالمنتضر مصباحك شلونه
نلطمله عدل ونادي بعبره
نضره نريد منك سيدي نضره
بداعت والدك ومصيبته الگشره
الشيعي انريد بالمحشر تحضرونه
احاه يالمنتضر مصباحك شلونه
✍️لخادمة اهل البيت ع
الشاعره ام عون الحلاويه
غير مبري الذمه من يحذف اسم الشاعرة او ينسب الرثاء لشخص اخر
@jfhfhggr
/channel/jfhfhggr
رابط قناة الشاعرة ام عون الحلاويه واتساب👇👇اشتركوا بها ليصلكم كل جديد وشاركوا الرابط للأجر والثواب
https://whatsapp.com/channel/0029VbAUoylJf05XBN30hM44
#الشاعرة_ام_عون_الحلاويه
لطميه للأمام الحسن العسكري عليه السلام ( عظم الله اچرك )
عظم الله اچرك يمهدي بهالمصاب
اليوم بسم والدك دلاله ذاب
يابوصالح عظم الله مصابك
وياك اچت تنحب حزينه احبابك
اليوم ماينعد أبد دولابك
توسد الليله ابوك عله التراب
عظم الله اچرك يمهدي بهالمصاب
توسد الغبره ابوك الليله
وحگك المدمع عليه تسيله
اليوم شال الچان والي العيله
ومايرد هيهات ويطول الغياب
عظم الله اچرك يمهدي بهالمصاب
مايرد وتطول حيل الغيبه
للنزل بعد الحسن شيچيبه
خيمه چان الگم فياي وهيبه
ومن بعد عينه تشوفون العذاب
عظم الله اچرك يمهدي بهالمصاب
من بعد عينه تسيل عيونك
ومحد يگلك خلافه شلونك
تضل يتيم وهالزمان يخونك
تضل حزين وسود عالوالي الثياب
عظم الله اچرك يمهدي بهالمصاب
سود تبقى هدومك وايامك
شال ابوك البي تشد حزامك
عونه اچوك اليوم گل خدامك
سچل الخدام وانطيهم ثواب
عظم الله اچرك يمهدي بهالمصاب
✍️لخادمة اهل البيت ع
الشاعره ام عون الحلاويه
غير مبري الذمه من يحذف اسم الشاعرة او ينسب الرثاء لشخص اخر
@jfhfhggr
/channel/jfhfhggr
رابط قناة الشاعرة ام عون الحلاويه واتساب👇👇اشتركوا بها ليصلكم كل جديد وشاركوا الرابط للأجر والثواب
https://whatsapp.com/channel/0029VbAUoylJf05XBN30hM44
#الشاعرة_ام_عون_الحلاويه
🎤📓فزاعيه للأمام الحسن العسكري عليه السلام ( خنعزي المضلومه )
هاليوم شال العسكري
خنعزي المضلومه
🏴🏴🏴🏴🏴
ثني وعازي فاطمه
شال اليحل الموزمه
ولفگده حزنانه السمه
وگلهه تنوح ليومه
🏴🏴🏴🏴🏴
عليه الزچيه نايحه
ونصبت اليوم الفاتحه
وتريد عونه صايحه
عينيها عالچيدومه
🏴🏴🏴🏴🏴
تريد منچن عونه
للعسگري محزونه
وين اليدك امتونه
للشايعات علومه
🏴🏴🏴🏴🏴
للشايعات اخباره
للضيف فاتح داره
طفوها ليش انواره
وداره صفت مهضومه
🏴🏴🏴🏴🏴
والدار ضلمه خلافه
ابنه يون ماشافه
والنوح ابد ماعافه
وذبلت المهدي رسومه
🏴🏴🏴🏴🏴
ذبلت رسومه المزهره
عالأبو ناره موچره
بصدره العبره مگسره
وروحه لبوه مالومه
🏴🏴🏴🏴🏴
✍️لخادمة اهل البيت ع
الشاعره ام عون الحلاويه
غير مبري الذمه من يحذف اسم الشاعرة او ينسب الرثاء لشخص اخر
@jfhfhggr
/channel/jfhfhggr
رابط قناة الشاعرة ام عون الحلاويه واتساب👇👇اشتركوا بها ليصلكم كل جديد وشاركوا الرابط للأجر والثواب
https://whatsapp.com/channel/0029VbAUoylJf05XBN30hM44