Hikoyalar (G&M)

05 October 2023 03:49

Онасининг нафақаси арзимаган пул эди.
Аммо ҳар ой почтачи у аёлнинг қўлига кўпроқ пул тутқазиб кетарди... буни ўша аёлнинг фарзанди ўз ёнидан почтачига беришини содда аёл билмасди.

"Шу пулни ўз қўлинг билан онангга ўзинг берсанг бўлмайдими?" деб сўрадим. У эса "Онамга қанча пул керак бўлса бераман, берган пулимни оғриниб қолмасинлар, деган истиҳолада қаерга сарф қилганларини сўрамайман хам, аммо барибир ўзининг пули ўзиники-да, одам бемалол ишлатади. Онам бемалол, бехижолат ишлатсин деб нафақаларини ўз ҳисобимдан бир неча боробар кўпайтириб қўйганман, боламнинг пули, деб иқтисод қилиб юрмасинлар, дейман" - деди.

Hikoyalar (G&M)

02 October 2023 07:31

✒️Ибрат.

Мадиналик икки йигит Туркияга сафар қилишга қарор қилдилар. Уларнинг бу сафардан кўзлаган мақсадлари иш топиш эмасди. Ёки бирон-бир университетга топшириш ҳам эмасди. Яна шонли аждодлари сингари Исломиятни ёйиш учун ҳам эмасди...

Улар бу ерда ўз шаҳарларида қилолмайдиган бир иш - тўйгунча спиртли ичимлик ичиш ниятида эдилар...

Улар Истанбулга етиб келиб, ичкилик сотиб олишди. Таксига ўтириб, ҳеч ким кўрмасин дея, шаҳар ташқарисидаги бир меҳмонхонага бориб жойлашдилар. Меҳмонхона администратори рўйхатга қўяр экан, қаердан келганликларини сўради. Мадиналик эканликларини эшитиб хурсанд бўлиб кетди. Дунёнинг энг нурли шаҳрининг инсонлари бўлган бу йигитларга оддий хона бергиси келмади. Пайғамбаримиз соллаллоҳу алайҳи васалламга бўлган ҳурмат ва муҳаббат, у шаҳарнинг саодатли аҳолисига бўлган юксак эҳтироми туфайли, меҳмонхонанинг бутун бошли бир бўлагини ажратиб берди...

Меҳмонхона ходимининг бу ажойиб меҳмондўстлиги сабабини ўйлаб ҳам ўтирмаган йигитлар хоналарига жойлашдилар. Ярим кечагача Истанбулдан сотиб олган ичкиликларини ичишлик билан машғул бўлдилар. Бири ғирт маст ҳолга келди. Иккинчиси эса, оёқда аранг турар бўлди. Шундан сўнг икковлон ухлаб қолдилар....

Соат 5.30 да эшик тақиллади. Ким бўлиши мумкин бундай эрта тонгда? Дўстлардан бири уйғонди ва бир амаллаб эшикни очди. Ярим юмуқ кўз билан қия очилган эшикдан мўралади. Эшикда администратор турарди. У ҳеч нарсадан шубҳа қилмай деди:
- Бизнинг масжидимиз имоми бу ерда Мадиналик меҳмонлар борлигини эшитиб, бамдод намозини ўқиб беришликдан воз кечди. Марҳамат қилиб тушинглар. Биз сизни пастда, масжидда кутамиз...

Йигит эшитган сўзларидан қотиб қолди. Тезда шеригини уйғотди.
- Сен Қуръондан у-бу нарса биласанми?
- Намоз ўқиб берадиган ҳолатда эмасман, - деди.

Гуноҳ устида қўлга тушган жиноятчилар, ҳали тўла хушёрлашмаган дўстлар бу ноқулай аҳволдан чиқиш йўлини ўйлай бошлашди. Бирдан яна эшик тақиллади.
- Бўла қолинглар. Жамоат кутяпти. Қуёш чиқишига оз қолди...

Бошқа чора йўқ!

Улар тез ваннахонага кириб, яхшилаб ғусл қилишди. Кейин пастга тушишди. Ханақох худди жумадагидек одам билан тўла эди. Ҳамма уларга қараб жилмаяр, хуш келдингиз, дея назарлари билан саломлашишар эди. Йигитлардан бири имомнинг ўрнига чиқди...

Такбири таҳримадан сўнг, "Фотиҳа"ни ўқий бошлади. Аллоҳ таъолонинг ҳузурида ўзининг бу тубан холатидан уялганидан йигит йиғлаб юборди...

Жамоат ҳам Мадина соғинчидан ва Расулуллоҳ соллаллоҳу алайҳи васалламни эслаб, пиқ-пиқ йиғлай бошладилар...

Воқеа қаҳрамонининг ҳикоя қилишича:
- Икки ракаатда ҳам зўр-базўр замга "Ихлос"ни ўқидим. Чунки, мен "Фотиҳа" ва "Ихлос"дан бошқа ҳеч бир сурани билмасдим... Намоздан сўнг одамлар саломлашиш учун мен томонга ёпирилдилар. Бирин- кетин мени қучоқлай кетдилар...

Бу воқеа икки дўстнинг ҳидоят топишларига сабаб бўлди. Улар Мадинага қайтиб, илм олдилар.
Ҳозирда ўша намоз ўқиб берган йигит бир масжидда имом бўлиб, инсонларни Аллоҳнинг динига чақирувчи - ажойиб даъватчига айланган...

Баъзан Роббимиз шундай ҳолатларга соладики, бу нарса бизни тамоман ўзгаришимизга сабаб бўлади. Биз аввал қадрламаган нарсаларни қадрлашга ўргатади!

Дарҳақиқат, Аллоҳ хоҳлаган бандасини адаштиради. Ва хоҳлаган бандасини тўғри йўлга бошлайди!


Eng zo'r, sara, tarbiyaviy va sevimli @Hikoyalar shu yerda

📜📚📖 @Hikoyalar kanaliga qo'shilish uchun 👇
https://t.me/joinchat/AAAAADuknkYHGVbghYjS1A
👆 ni bosing va OK.
Bizni aslo tark etmang! Yaxshilari albatta bo'ladi. Biz izlanishdamiz!

Hikoyalar (G&M)

30 September 2023 03:00

Макка ва Мадинага нима учун келгансиз.?
Ҳозир Мадинадамиз, гўё ҳамма одамни миясида бир дард, "Равзага кириш".
Агар кирмаса, келгани татимайди, айниқса аёллар жуда ташвишда қолишган.
Синглим, сиз Мадинага суюкли пайғамбарингизни ва у кишини муборак шаҳарларини зиёрати, бир ракаат намози минга татувчи намозини ўқигани келинг.
Равзага киришга сунъий тўсиқлар қилишган, ундан ўтиш учун қиммат вақтингиз ва асабингизни сарф қилманг.
Мен кирганим йўқ.
Маккадаги ташвиш эса,"Қора тошни" ўпиш (любой ценой), ҳаёлингизни жамланг, сиз тавба қилгани келинг.
Мен уни ўпгани ҳаракат ҳам қилмадим, аввало одамларга озор беришим керак,кегин у эрда эркак аёл ўралашиб, япишиб,қапишиб ётибди.

Аммо бир муаммо бор...
Одамлар, "Равзага кирдингми", "Қора тошни" ўптингми деса, нима дейман 😳.
Одамлар учун яшаб, одамлар учун ўлмаган Ўзбек, Ўзбек эмас😡

Rustamjon Domla facebook sahifasidan.

Hikoyalar (G&M)

28 September 2023 18:22

Маййитнинг қабрдаги биринчи кундан йигирма беш йилгача бўлган ҳолати:
• Аввалги кечада қорин ва фаржларидан хид чиқишни бошлайди. Субҳаналлоҳ! Одам боласи дунё ҳаётида кўп эътибор берган ва сақлашга тиришган бу икки нарса аввалги кечадан сасишни бошлайди. Сўнгра, жисм кўкара бошлайди. Тез орада бутун жасад бир хил рангга киради.
• Иккинчи кунда бутун тана аъзолари — жигар, буйрак, талоқ, ичаклар чиришни бошлайди.
• Учунчи кунда барча аъзолардан сассиқ ҳид чиқа бошлайди.
• Бир хафтада юз қисмда, яъни кўзлар, тиллар, яноқлар шиша бошлайди.
• Ўн кунда бутун аъзолар ишиб кетади.
• Икки ҳафтада сочлар ва бадандаги бошқа туклар тўкила бошлайди.
• Ўн беш кунда қора пашша жасаднинг ҳидини беш километр узоқдан сеза бошлайди. Бу орада қабр қурти бутун жасадни ўраб олади.
• Олти ойда фақатгина суякларнинг ўзи қолади. Бошқа аъзоларни қурт еб битиради.
• Йигирма беш йилдан сўнг бу суяклар хам чириб, майда дончалик қисми қолади. Бунинг ичида кичкина суяк чиримайди. Манашу кичкина суякдан қиёмат кунида қайта тириламиз...
• Мана туну кун авайлаб парваришлаган жисмимизнинг ахволи! Мана шуни деб Аллоҳ таолога исён қилган жисмимизнинг ахволи!

Қабр кунда бизга беш марта нидо қилиб:
1. Мен ёлғизлик уйиман! Қуръон тиловатини ўзингга мунис қилиб кел!
2. Мен зулмат уйиман! Кечалари намоз ўқиб мунаввар қилиб кел!
3. Мен тупроқ уйиман! Солиҳ амалларни тўшаб кел!
4. Мен илонлар уйиман! Тирёқинг(илон заҳрига қарши дори)ни тайёрлаб кел! У "БИСМИЛЛАҲИР РОҲМААНИР РОҲИЙМ"дир.
5. Мен Мункар ва Накир уйиман! Шаҳодат калимасини кўпроқ айтиб кел!

Энди қабрдаги холингни бир тафаккур қилиб кўр! Қай аҳволга тушасан? Қурту қумурсқалардан қандай қочиб қутиласан? Қаёққа қочасан? Тавба қил, жигарим! Солиҳ амалларни кўпайтир! Ўз ҳолингга ўзинг раҳм қил!

Hikoyalar (G&M)

26 September 2023 11:30

#bayram #chegirma

Assalomu alaykum.
Hurmatli aziz yurtdoshlar!

BAYON kitoblar do'koni siz azizlarga Muhammad Mustafo sallollohu alayhi vasallamning tavallud topgan oylari va "1-oktabr - Ustozlar va murabbiylar" kuni munosabati bilan 29-30 sentabr va 1-oktabr kunlari CHEGIRMA e'lon qiladi.

- barcha uchun 10%;
- ustoz va murabbiylar, imom xatiblar va hudud otinoylari uchun 15%;

*Izoh: Ustozlar tarkibiga XUSUSIY TA'LIM MASKANlarida dars berayotgan ustozlar(repititorlar) ham kiradi.

Alloh taolo jamiyat uchun ilm yo'lida xizmat qilayotgan barcha ustozlarni umrlarini uzoq va barokatli qilsin.

Aziz ustozlar bayramingiz muborak bo'lsin!

@bayonbooks

Hikoyalar (G&M)

25 September 2023 04:11

🌿 – Ketyabman... - dedi erkak. Ayol yig'ladi.
Xojasining bo'ynidan quchdi.
– Qaramang!.. - dedi qat'iy, ammo past tovushda.
– Kimga, jonim? - deya so'radi erkak. Titroq ovozda ohista shivirladi ayol:
– Jannatdagi hurlarga!
Er tishini-tishiga qo'yib chuqur "uh" tortdi.
Og'ir-og'ir so'zladi:
– Sen mening jufti halolimsan. Boshqalar birodarim!.. Seni jannatda kutaman!

©️"Seni jannatda kutaman" kitobidan.

@Hikoyalar

Hikoyalar (G&M)

24 September 2023 19:01

Telegram tarmog'ida hozirgi kunda foydali va manfaatli kanallar kamayib ketmoqda...

Siz uchun eng sara kanallar jamlanmasini tayyorladik barchasiga obuna bo'lib olishingiz mumkin:

1. @Hayot_Falsafasi – siqilsangiz kiring, taskin topasiz...

2. @hazratikursdosh – qitmir talabalar kanali.

3. @Liderlaruzb – kuchli biznesmenlardan motivatsiyalar.

4. @pdf_book_uz – pullik kitoblarni bepulga topa olasiz.

5. @Elektron_Kutubxona – keyin izlab ham topa olmaysiz!

6. @Endi_BiIdimm – endi telegramda!

7. @Ijod_Sehri – siz izlagan hikoyalar Feruza Salxodjaevaning mualliflik kanalida.

8. @Xazon_Rezgi – hayotiy hikoyalar siz uchun!

9. @Mutolaa_Zavqi – diniy kitoblardan parchalar

10. @Audio_kitoblar – psixologiya va biznesga oid audio kitoblar.

11. @Maqsad – maqsadlilar uchun!

12. @shamsinurijodi – hikoyalar dunyosi.

13. @StivJobs – motivatsion olam.

14. @kitobiyiqtibos – kitobdan jumlalar.

15. @Ruhiybarkamollik - qalblar taskin topadigan maskan...

16. @Hikoyalar – hikoyalar olami!

17. @Motivatsiya_olami – motivatsiyani "buqasi".

18. @SizgaManfaatli – foydali ma'lumotlar maskani!

«FOYDALI ILM» – ushbu kanallarning barchasi birgina jildda.

Hikoyalar (G&M)

24 September 2023 06:26

УСТА

Кеча машинам бузилиб кўчада қолиб кетдим. Хечам ўт олмасди. Аксига олиб биров тўхтаб ёрдам керакми хам демасди. Визовга келадиган устахонага телефон қилдим. Хозир боради кутинг дейишди. Хар доимгидек бўш қолишим билан фейсбукни очиб кавлай бошладим. Берилиб кетиб уста келганини сезмай қолибман.
-- Ассалому Алайкум. Нима бўлди ака?
-- Зават бўлмаяпти.
-- Хозир кўрамиз-- дея копотни очиб қарай бошлади. Шунда эътибор берсам, устидаги кийим янги ва арзон эмас. Ха энди битта шурупни бураб эллик минг сўм оладиганларидан бўлса керакда.
-- Роса айлантирибсизда аккумлятор хам утирибди ака, мен хозир--деб машинасидан аккумлятор олиб келиб қўйди.
-- Қани зават қилингчи.
Барибир ўт олмади. Уста тромблёрни очиб кавлай бошлади. Уқувсиз уста экан хамма ёғи қора мойга ботиб бир соат деганда тромблёрни созлади. Қимматбахо кийими расво бўлди. Юз минг минг сўм чиқардим.
--Нима бу?
-- Камми? Яна эллик қўшаман бошқа бермайман.
--Буни айтмаяпман.Пулингиз хамма ерда ўтадими? Масалан жаннатни дарвозасидан кириш учун бу акчангиздан қанча керак бўлади?
-- Эсиз жойидами? Жаннатга амал билан кирилади укам.
-- Унда шу амалим учун бир дуо қилин акажон.Охиратда тош боссин.
Хайрон бўлдим.Бундай устани биринчи кўришим эди.Лекин юракдан дуо қилдим.
У негадир хурсанд бўлиб машинасига ўтирдию кетди..
Мен хам энди копотни ёпишга чоғланиб турувдим орқамдан бир йигит тўхтатди:
-- Тухтанг братан келдим ман.
-- Кел укам нима хизмат.
-- Братан сиздан сўраш кере нима хизмат деб.Сервисга телфон қиб чақирибсизку.Визовга келдим.
Хаммасини англадим.Бояги йигит оддий йўловчи экан.Машинани бироз тушунгани учун бир биродарига ёрдам бериш учун тўхтаган оддий мусулмон..Қоп қора мойга ботиб дуо олгач,ўзида йўқ хурсанд булган бир муъмин..
-- Алё братан.-- йигитни сўзлари хаёлларимни бузди.-- Нимаси бузилди?
-- Бўлди укам машина тузалди.
-- Яхши юз минг беринг ман кетдим.
-- Кўпмасми? Хеч нарса қилмадингку?
-- Иш қилса қилмаса визовга юз минг оламиза братан.
Талашдим тортишдим фойдаси бўлмади.Барибир пулни олиб кетди.
Ўйлаб қолдим,бояги йигит билан қанчалик фарқлари бор.Бири пулдан воз кечиб дуо сўрайди,бири қарғиш олиб бўлса хам пул сўрайди.Лекин икковларини борадиган жойи бир.Борган жойларида эса фақат бояги йўловчи йигитни "пули" хақиқий хисобланади.

Hikoyalar (G&M)

23 September 2023 08:28

Жонлантириш бўлимидаги холат

Минг афсуски аччиқ хақиқат😢

Hikoyalar (G&M)

21 September 2023 18:03

Biliming bir tiyin .
O’zbekiston bu..

Fikringiz muhim lekin hechkimga ahamiyatsiz …

Hikoyalar (G&M)

21 September 2023 10:16

Уйда балиқ пиширсак, дадам доим калласини ердилар. Уларга шу жуда ёқади деб ўйлаган эканман ўшанда...

Hikoyalar (G&M)

20 September 2023 19:01

#ҲАҚИҚАТ

• Ўлганимизда пулларимиз қолиб кетади, аммо тириклигимизда сарфлашга пулимиз йўқ!
• Хитойлик бир миллиардер ўлди, банкда 1.9 миллиард доллар пули хотинига қолди.
• Хотин ўлган эрининг ҳайдовчисига турмушга чиқди.
• Ҳайдовчи айтади:
- Мен умр бўйи ҳўжайинга хизмат қилдим, деб ўйлар эканман, аслида ҳўжайин умри давомида мен учун хизмат қилган экан!
• Аччиқ ҳақиқат шу!
• Эртага ишлатаман деб олиб қўйган нарсаларимиз бошқаларга қолиб кетиши мумкин!
• Энг сўнги модел телефоннинг етмиш фоиз функциясини ишлатмайсиз!
• Люкс машинангиздаги етмиш фоиз қурулмалар сиз учун кераксиз!
• Яшаш учун қурган ҳашаматли уйингизнинг етмиш фоизидан фойдаланмайсиз!
• Кийим жавонингиздаги кийимларингиздан етмиш фоизи кийилмайди!
• Умрингиз мобайнида топган маблағингизнинг етмиш фоизи бошқаларга насиба бўлади!
• Шундай экан бой бўла олмасангизда бахтли бўлишга урининг!
• Чунки бахт кўп нарсани қўлга киритишда эмас, балки қўлга киритган нарсангиз билан хурсанд бўла олишда!
• Яқинларингизга вақт айиринг, бўлмаса вақт сизни яқинларингиздан айиради!

©️ Уильям Голдинг, Инглиз адиби, шоир
©️ Тарж. Маҳбубий

Hikoyalar (G&M)

19 September 2023 09:57

#kanalfaoliyatidantashqarivideo

Криштиану Роналду билан учрашиш орзусида бугун "Аль Наср" автобусини оҳиригача таъқиб қилиб бориб меҳмонхона эшиги олдида йиғлаб қолган эронлик болакайни португалиялик футболчининг ўзи ёнига чақирди.

Hikoyalar (G&M)

17 September 2023 10:30

Шукр қилиб яшаш...(ҳаётий воқеа)
Бир одам дуоси мустажоб улуғ бир зотнинг ҳузурига бориб, «Ҳазрат, дуо қилинг, мен яхши яшамоқчиман, тўқ, хотиржам ҳаёт кечирмоқчиман», дебди. Ҳазрат «Майли, дуо қиламан, лекин кимга ўхшаб яшамоқчисан? Одамлар орасидан ўзинг ҳавас қилган бирор одам борми, бориб бир қидириб кел-чи, кейин мен ўша одамга ўхшаб яшашингни сўраб, Аллоҳдан дуо қилиб бераман», дебди. Ҳалиги одам шаҳар айланибди. Қараса, бир одам ниҳоятда яхши яшаяпти, олдида ўғиллари хизматга бел боғлаган, егани олдида, емагани ортида. У шу одамга ҳавас қилиб, ҳазратга бориб, «Фалончини биласизми, тақсир? Фалон кўча, фалон маҳаллада яшайди. Ўша одамга ҳавас қилдим, шунга ўхшаб яшагим келяпти, дуо қилинг», дебди. Ҳазрат шундай дебдилар: «Майли, дуо қиламан. Лекин сен шошмагин, болам. Бориб, у одам билан бир гаплашиб кўргин. У одамни бирон муаммоси, бир дарди бўлмасин тағин. Дуо қилсам, ундаги неъмат билан қўшилиб, дарди ҳам сенга ўтиб қолмасин, кейин қийналиб юрма». 
Бу одам яна бориб, ўша бой билан гаплашибди. Мен ҳазратнинг ҳузурларига бориб, сизга ҳавас қилганимни, сизга ўхшаб яшашимни сўраб, дуо қилишларини сўрасам, сизга юбордилар. Сизда ҳеч бир дард, муаммо йўқдир ҳар ҳолда?» дебди. У гапини тугатар-тугатмас, ҳалиги бой, ўзига тўқ, ҳаётдан хурсанд, мамнун бўлиб яшаётгандек кўринган одам йиғлаб юборибди, «Бу дунёда мендан бахтсиз одам бўлмаса керак. Келиб, мендан сўраб тўғри қилибсиз» деб, ўзининг тарихини айтиб берибди: 
«Оила қурдим, уйландим. Эр-хотин бир-биримизни жуда яхши кўрар эдик. Аммо кўп йиллар олдин аёлим оғир дардга чалинди, ўлим тўшагига михланди. Ўлиши аниқ бўлиб қолгач, орамиздаги тилларда достон бўлгудек муҳаббат туфайли аёлимнинг рашки қўзиб, «Мен ўлсам, бошқасига уйланиб оласиз» деб тинмай йиғлайверди. Ўзи ўлим азобида қийналиб ётибди, яна рашки ҳам қийнаяпти деб, раҳмим келиб, «Хотиржам бўл, мен сендан бошқа аёлга қарамайман. Бутун умр сенга садоқат билан яшаб ўтаман», деявердим. Аммо у бу гапимга кўнмади.

Мен ҳам уни ниҳоятда яхши кўрар эдим, муҳаббатдан кўзим кўр бўлиб, сўзимни исботлаш учун ошхонага кириб, пичоқни олиб, ўзимни ўзим бичиб ташладим. Шундан кейин аёлим хотиржам бўлди, хурсанд бўлди, «Энди кўнглим жойига тушди», деди. Мен ҳам хурсанд бўлиб, энди тинчгина оёғини узатиб, дунёдан ўтадиган бўлди деб турсам, Аллоҳ шифо бериб, хотиним ўзига келиб, соғайиб кетди. Оғир касалдан тузалиб, нақ ўлимнинг ёқасидан қайтиб келди. Аммо бу қувончимиз узоққа чўзилмади. Унга кўрсатган вафодорлигим ҳурмати аёлим мен билан бир-икки йил сабр қилиб яшади, аммо кейин тоқат қила олмади. Мана бу менга хизмат қилиб юрган ўғиллар менинг фарзандларим эмас. Мен ана шундай азоб тўла ҳаётда яшаяпман, сен кўрган нарса менинг ташқи кўринишим, аммо ичимдаги дардим дунёга сиғмайди». 
Шайх Зулфиқор Аҳмад Нақшбандий ҳафизаҳуллоҳ ушбу ривоятни келтириб, шундай дейдилар: «Ҳар бир инсон ўз ҳолига, ҳаётига, қисматига, тақдирига рози бўлишни, шукр қилишни ўрганиши керак. Чунки бу ҳаётни унга Аллоҳ субҳанаҳу ва таоло раво кўрди, шундай бўлишини ирода қилди. Шунинг ўзи катта марҳамат, шунинг ўзи катта бир неъмат. Шукр қилсак, Аллоҳ бундан ҳам зиёда қилиши мумкин. Аммо ношукрлик қиладиган бўлсак, бошқа ҳаётларга ҳавас қиладиган бўлсак, ўзимиздаги боридан ҳам маҳрум бўлиб қолишимиз мумкин.

Hikoyalar (G&M)

17 September 2023 02:30

Бир кишига дўстлари эчкиэмар совға қилишди. У бу ноёб мавжудотни парвариш қила бошлади. Кунларнинг бирида кутилмаганда эчкиэмар унинг бармоғидан тишлаб олди. Жон аччиғида бу махлуқни йўқотмоқчи бўлди-ю, жониворнинг кўзларига кўзи тушгач, бўшашиб, ғазаби босилди. Эчкиэмар гўёки унга садоқат тўла нигоҳлари билан маҳзун боқиб: - “кечир хўжайин” – деяётгандай туйилди. Жонивор кун бўйи унинг ортидан эргашиб бир қадам ҳам нари кетмади. Хўжайин шундай содиқ дўстни йўқотмоқчи бўлганлигини ўйлаб бироз хижолат ҳам бўлди.
Эрталаб уйғониб қараса “дўсти” тун бўйи ёнидан жилмай, ундан кўз узмай, ғамгин нигоҳлари билан унга қараб турганини кўрди. Ва ичидан қандай ажойиб, ғамхўр ҳайвони борлигини ўйлаб суюнди. Унинг бу мамнунлигини кечаги жароҳатланган бармоғининг шишиб, чидаб бўлмас оғриқ бериши бузар эди. Эчкиэмарини ёнига олиб шифокор кўригига борди.
У ерда маълум бўлишича эчкиэмарнинг бу тури заҳарли ҳисобланиб, заҳар кучсиз бўлганлиги сабабли ўлжа бирданига ўлмаган, шунинг учун бу ақлсиз махлуқлар ўлжани аввал тишлаб, кейин унинг ўлишини пойлаб, ортидан эргашишар экан...
Садоқат билан кўзларингизга боқиб, ортингиздан эргашадиган, ўтирсангиз атрофингизда тикка турадиганларга кўпам ишонаверманг, улар шунчаки пайтини пойлаб, жисмингизни парчалашни кутаётган бўлишлари ҳам мумкин...

Eng zo'r, sara, tarbiyaviy va sevimli @Hikoyalar shu yerda

📜📚📖 @Hikoyalar kanaliga qo'shilish uchun 👇
https://t.me/joinchat/AAAAADuknkYHGVbghYjS1A
👆 ni bosing va OK.
Bizni aslo tark etmang! Yaxshilari albatta bo'ladi. Biz izlanishdamiz!

Hikoyalar (G&M)

04 October 2023 18:24

Ачинарли холат!
(Мутойиба кўринишида)

Бола ҳаммомга кириб, «толаъал бадру....» нашидасини (қўшиғини) айта бошлади. Тасодифан боланинг отаси ҳаммомга кириб қолди. Шу пайт боласининг нашид айтаётганини эшитиб қолди. Ғазабланиб боласини урди. Бола йиғлаб юборди. Боланинг йиғисини эшитган она боланинг олдига келиб, турмуш ўртоғидан: «Нима учун болани урдингиз?», дея сўради. Ота ғазабланиб: «Фарзандимиз ҳаммомда Қуръон ўқияпти. Шунинг учун унга жазо бўлсин, деб урдим», деди. Она: «Дадажониси, бу Қуръон эмас балки, бир арабий қасидадур (шеърга ўхшаш)», деди. Бу сўздан сўнг, ота йиғлаб юборди. Аёли: «Сиз нима учун йиғлаяпсиз?», дея сўради. Шунда ота: «Мен ушбу қасидани Қуръон, дея ўттиз йилдан буён намозларимда ўқиган эканман!», дея жавоб берди.

© Элёрбек Эркинбек таржимаси....

Hikoyalar (G&M)

30 September 2023 18:51

Ўқитувчиларни маошини 1000 доллар кўтаришни куттирмай бошқа томонлама қўллаб-қувватласакчи?

Масалан

Ўқитувчи газ-электр ҳаққини 50 фоизини тўласа..

Ўқитувчи мол-мулк солиғидан озод қилинса..

Ўқитувчи ҳар йили бир марта бепул санаторияга борса..

Ўқитувчи касал бўлиб қолса шифохонада бепул (дори-дармон билан) даволанса..

Ўқитувчига мошина кредити фоизсиз бўлса..

Ўқитувчига автобус, поезд, метро бепул, самолёт (ички) 50 фоиз бўлса..

Ўқитувчини боласига олий таълимга кириш учун имтиёз бўлса..

Ўқитувчи тўй қилса бир марталик моддий ёрдам қилинса..

Ўқитувчи уй (квартира) олмоқчи бўлса 25 фоизини давлат тўлаб, фоизсиз 20 йилга берса...

Ўқитувчи дикретга ёки таътилга чиқса ҳам ўша маоши кетаверса..

Ўқитувчи оғир бемор бўлса чет элда даволанишни оталиққа олса..

Ўқитувчини ногирон боласи бўлса маошига 20 фоиз устама қўшиб берилса..

Ўқитувчини хурмати хокимникидай бўлса...

Манича 1000 доллар қилишни, кутишни кераги йўқ!

Ўқитувчилар соғ бўлишсин!
Байрамларинг билан!

Дима Қаюм

Hikoyalar (G&M)

29 September 2023 18:26

Аёл эрига қаҳва тайёрлади, бироқ шакар солмади. Сўнг кийимларни дазмол қилиш учун нариги хонага чиқмоқчи бўлди. Шунда эри аёлининг қўлидан тутиб, “Сен ўзинг қаҳва ичмайсанми?” деб сўради. Аёли ҳозир ичгиси келмаётганини, кейинроқ ичишини айтди.

Эри аёлига “Ёнимда ўтир” деган эди, аёли “Нариги хонада дазмол қилишим керак, дадаси” деди.

Шунда эри аёлига “Дазмолни кейин қиласан, кел, ўтир, биласанку, мен шакарли қаҳвани ёқтираман” деди.

Эрининг гапларидан “Сен мисоли шакарсан, ёнимда ўтирсанг, аччиқ қаҳваям ширин туюлиб қолади” деган маънони англаган аёли ўзини қандай ҳис этди экан.

Hikoyalar (G&M)

28 September 2023 18:17

#Таббассум

Бир солиҳа аёл бор экан. У доим жуфтига: "Уйқу ҳам, овқат ҳам сиздан афзал эмас", дея доим унинг атрофида парвона бўлар экан. Бир куни эр хотинига аёл киши ҳақида гап очганда "Ҳозир вақтим йўқ, кейин гаплашамиз" деган экан. 😊

Тугади...

Hikoyalar (G&M)

26 September 2023 03:42

ДАЛАДА ДАРС ЎТГАН УСТОЗИМ
Мактаб йилларим собиқ СССРнинг сўнгги йилларига тўғри келган, ўшанда ҳатто тўртинчи синф ўқувчиси ҳам Коммунистик партия топшириғига “лаббай” деб жавоб бериши керак эди. Район, область, Республика пахта плани, кейинчалик мажбурияти тўлмагунча ўқитувчиларнинг ҳам, ўқувчиларнинг ҳам даладан қайтишга ҳаққи йўқ эди.
...Ўша куни синф раҳбаримиз Гуландам Эшчанова барчамизни тўплади-да, юзида қувонч билан эртага пахта териш тамом бўлишини, шунинг учун ҳамма келиб ҳеч бўлмаса бир килограммдан пахта териб синф планини бажариш шарт эканлиги, кейин мактаб бошланишини айтди. Бу коммунистик партия топшириғи экани, унга “лаббай” деб жавоб бериб, охирги чигитгача териб олиш лозимлигини уқтирди. Гарчи “Коммунистик партия” исмли аканинг кимлигини кўрмаган бўлсакда, унинг топшириғини биз болалар ҳам “жон”деб бажаришга мажбур эдик.
Эртаси куни эса... Бугунги кунда ишониш ҳам, тасаввур қилиш ҳам қийин-у, аммо 8 декабрь эди. Бир килограмм у ёқда турсин, қор остидан унинг ярмини топиб териш ҳам амримаҳол эди. Шунинг учун онамнинг қор тагидан кўсак териб келиб тонггача тозалаган бир қоп пахтасини олдим-да, тиззагача қорда гоҳ орқалаб, гоҳ судраб дала бошигача олиб бордим. Буни кўрган ўқитувчимизнинг ҳам, синфдошларимнинг ҳам қувончи чексиз эди. Гўё мактабнинг очилиши мана шу бир халта пахтага қараб тургандек эди.
“Табелчи” акамиз пахтани осма тарозига илдирди-да, унинг учини бир икки марта босиб кўриб “18 килограмм”, деди. Хуллас, синфимиз ўша куни пахта планни бажарганди. Биз 4 “в” нинг болалари ҳам, раҳбаримиз Гуландом опа ҳам ўша даврнинг қаҳрамонига айлангандик. Ва эртаси 8 декабрь куни мактаб очилган эди...
Ўша пайтда партия топшириғини бажаришга мажбур бўлган устозларимизга қанчалик қийин бўлганлигини, даладаги қаҳратон қишнинг совуғини, қорли, қировли кунларнинг изғиринини Гуландам устознинг меҳри илитиб биз болаларни асраганини энди тушунаяпмиз. Ота-оналаримиз ҳам партия топшириғидан қўрққанидан эмас, устозларга бўлган ишончи, уларга нисбатан ҳурмати баландлиги учун ҳам ҳар қандай совуққа қарамасдан болаларини ўша пайтда пахтага жўнатганини энди англаяпмиз...


@Hikoyalar

Hikoyalar (G&M)

24 September 2023 19:15

«FOYDALI ILM» – ko'k yozuv ustiga bosib barcha kanallarimizga obuna bo'lishingiz mumkin!

Hikoyalar (G&M)

24 September 2023 09:46

Остингдаги арғумоққа кўпам маҳлиё бўлаверма

Негадир бизда автомобилга ўзгача меҳр қўйилган. У шунчаки узоқни яқин, оғирни енгил қилувчи восита эмас, фахр, шижоат, бошқалардан устунлик берувчи мулк сифатида қаралади.

Бу фикрлар анчадан бери кўнглимда пала-партиш айланиб юрганди. Яқинда ўтказилган “Автомобилсиз кун” акциясидан кейин бу ҳақда ёзишга қарор қилдим.
Биласиз, менинг мошинам йўқ. Асосан таксида, қисман жамоат транспортида юраман. Лекин бу сотиб олишга қурбим етмаслигидан эмас. Шунчаки бошқарувга қизиқмайман, шаҳарнинг тартибсиз ҳаракатида хотиржам юришимга кўзим етмайди.

Яёвлигим учун кўзининг қири билан қараб қўядиганлар ҳам бор ва улар кулгимни келтиради. Ишонинг, истасам бир кунда “Тесла” оламан. Лекин уни нима қиламан? Рўзғорга битта “Киа” бор, яраб турибди.

Турли таҳририятларда кўпчилик ёшлар билан ишлаганман. Айримларининг саводи ҳаминқадар бўларди. Ўргангани ўрганарди, йўқса кетарди. Биттаси бор эди – саводсизлиги, дунёқараши ҳам ўта торлиги камдек, буни тушунишни, ўз устида ишлашни истамасди. Жуда “одам бўлмайсан” демаган бўлсам ҳам, “бу “салоҳият”инг билан бирор ютуққа эришишинг қийин” дегандек танбеҳлар берганим рост.

Йиллар ўтиб кетди, у йигитни унутиб ҳам юборгандим. Кунларнинг бирида уй таъмирлаётган усталар ёнидан чиқиб, йўл бўйида тургандим. Уст-бош чанг, соқоллар ўсган. Ёнимга қора “Жентра” келиб тўхтади ва ойна туширилди. Аввал ўша таниш нигоҳлар бошимдан оёғим қадар қараб чиқди, кейин тўртта бармоқнинг ярми ташқарига чиқарилди.

– Яхшимисиз Аброр ака?
– Ие, фалончибек, тузукмисиз? (шу пайт олдин сенлаганим эсимга тушиб кетди, қора “Жентра”нинг салобатини қаранг))
– Раҳмат. Узр, офисга шошиб турувдим, бўлмаса олиб бориб қўярдим.
– Ҳа, йўға. Ўзим шу яқин...
Мошина жавобим якунланмай ванғиллаб кетди. Собиқ “шогирд” қай даражада ғурур туйганини эслаб бир неча кун жилмайиб юрдим.

Майли, ҳалоли бўлсин!

Аброр Зоҳидов

@az_sss

Hikoyalar (G&M)

23 September 2023 17:00

ЛАГАНБАРДОР КИМСАЛАР

Бой товоғин ялайди,
Камбағални талайди,
Маддоҳликда сайрайди.
Майли ҳўп ранжисалар,
Лаганбардор кимсалар.

Мансабдорни тоғам деб,
Етти ётни, оғам деб,
Вайсабти-да, соғам деб,
Майли ҳўп инжитсалар,
Лаганбардор кимсалар.

Виждон нима билмайди,
Тили билан тиғлайди,
Ғурур ожиз йиғлайди.
Майли англаб кулсалар,
Лаганбардор кимсалар.

Ниқобин тутар пинҳон,
Ор - номусдан йўқ нишон,
Авлиё мен - дер ишон.
Қани англаб жимсалар,
Лаганбардор кимсалар.

Бой бўлгани бу ёмон,
Мансаб кўрса, у осмон,
“Қўлимда дейди замон”
Майли инкор қилсалар,
Лаганбардор кимсалар.

Қиёси бор донишга,
Сўзи таёр - хонишга,
Лой чаплайди мой ишга.
Сўзим аччиқ илсалар,
Лаганбардор кимсалар.

Сиз сабабли ғавғо бор,
Сиз сабаб ёлғон бисёр,
“Бегуноҳлар ҳамон хор”
Майли ғазаб қилсалар,
Лаганбардор кимсалар.

Ҳақ дунёни унутган,
Инсофини еб битган,
Нафс гирдобида ботган.
Бироз ўйлаб кўрсалар,
Лаганбардор кимсалар.

Одамлар жабр кўрди,
Мозорлар қабр кўрди,
Сизни деб адо бўлди
Энди инсоф қилсалар,
Лаганбардор кимсалар.

Бўлди етар сўз демай,
Ўзимнинг бошим емай,
Қалам санчди, чидолмай.
Ит ҳам содиқ билсалар,
Лаганбардор кимсалар.

© Абдувоҳид Сувонов
/channel/Adabiyot_olami

@Hikoyalar

Hikoyalar (G&M)

23 September 2023 06:00

❓Нима учун эркакларга ўзининг аёлидан кўра бошқа аёллар чиройли кўринади?

Hikoyalar (G&M)

21 September 2023 12:36

Farzandingizga bolalik xotiralarini sovgʻa qiling

Bugun @jijinauz dan farzandim uchun kundalik xarid qilgandim. Juda yoqdi. Ichiga bir yoshgacha boʻlgan xotiralari, ona qornidaligidagi ilk qimirlashidan tortib, tugʻilishi, birinchi aytgan soʻzi, dastlabki qadami — hamma-hammasi ota-ona tomonidan yozib borilar ekan.

Sizga ham tavsiya qilaman. Shu bir kundalik bilan bolangizning eng shirin davrlarida his qilgan iliq tuygʻularingizni bir umrga saqlab qoʻying.


Siz xam buyurtma qilmoqchi bo’lsangiz buyurtma uchun @Q_Marjona

Hikoyalar (G&M)

21 September 2023 03:10

Pullaringiz qayerda? Siz istagan pullar qayerda o'zi?

Keling, xayol surmaymiz. Nega ko'nglingizdagi summa qo'lingizda yo'qligining aniq, konkret 8 ta sababiga o'tamiz. Axir gap pul haqida ketarkan, oldi-qochdidan nima foyda? 😀

1️⃣ O'sha pulni topish uchun baloyam qilmaysiz

To'g'risiyam-da. Yozda issiq deysiz, qishda sovuq. Qo'lingizni qimirlatgingiz kelmaydi. Falon-falon ishlarni qiling, desak, qilolmasligingizga sabablarni qalashtirib tashlaysiz.

Shunchaki hissiyotga berilish, chiroyli xayol surish, pullarni tush ko'rish va hayajonli ovozda "menda ham bo'lishini xohlaymaaaan" deyish bilan ish bitsa ekan 🙄

2️⃣ Tilingiz bilan yurasiz

Xafa bo'lmang. Hurmat-izzatdanam gapirmang. Ammo siz faqat tilda pul topadiganlardansiz. Aslida harakatga kelganda qo'rqoqsiz!

Qayerdan boshlashni, qanday qilishni bilmasligingiz mayli. Hatto uni birovdan so'rashdan cho'chiysiz. Undan ko'ra tilingiz botir: "O'zi qoyillatardim-kuya, xohlamayman-da!" 😌

3️⃣ Aniq maqsadingiz yo'q

Shunchaki uxlashdan oldin Jenifer Lopez yoki Bred Pit o'ynagan filmlarda o'zingizni tasavvur qilishingiz, instagramdagi boooy, zoooodagon oilalar qahramonlari o'rniga o'zingizni qo'yib ko'rishingiz mumkin. Tamom.

Shu xolos. Tasavvur xolos. Maqsad yo'q.

4️⃣ Gaplashishni bilmaysiz

Kommunikatsiya qila olish qobiliyati bu — oltin! Ishonavering, agar sizda bu ko'nikma bo'lsa, ohho, necha kilogramm tillaning pulini topa olasiz.

Hamsuhbatingizning hissiyotlarini payqay olasizmi? Unga to'g'ri savollar bera olasizmi? O'zingizga munosib baho berib, istalgan paytda xohlagan mavzuda har qanday davrada nutq so'zlay olasizmi?

Unda tabriklayman! Siz dahosiz.

Qolganlar, davomini o'qing. 😀

5️⃣ O'zingizni taqdim etishni bilmaysiz

Ha, sizda qobiliyat bor. Kimdir do'lmani zo'r pishiradi. Kimdir kitoblarni qoyillatib o'qiydi. Yana kimdir tozalash ishlarida epchil. Huuu anavi odam esa matn yozishda as bo'lib ketgan.

Lekiiiiiiin shu xizmatlarini buyurtmachiga qanday taqdim etishni... yo'q, shu buyurtmachini qayerdan topib, qanday murojaat qilishniyam bilmaydi.

Eng yomoni, bunga urinmaydi ham. Nima, unda pul o'zi eshik qoqib kelsinmi? 😜

6️⃣ Pul topishning o'ziga xos qonuniyati/formulasi/yo'l-yo'rig'i/algoritmi bor deb hisoblaysiz

Mana shunday fikrlar doim g'ashimni keltirgan. Aslida esa sehrni siz yaratasiz, siz!

Hamma uchun xizmat qiladigan yagona shablon yo'q! Kopiraytingdami, pedagogikadami, marketingdami... umuman bunaqasi yo'q.

Biz turli yo'llardan yuradigan turli odamlarmiz. Shunday ekan, hammaning o'z (birovnikimas) muvaffaqiyat formulasi bor!

7️⃣ Juda maydakashsiz

Kattaroq nimadir qilishdan qochasiz. Hatto choy-chaqagayam eeeeng kichik kupyuralarni ataysiz.

Unday qilmang. Qiymatni, hech bo'lmasa, mana shundan boshlab oshiring. Sizdan kutganlaridan ortig'ini berishga, mana, bugundan boshlab o'rganing.

Bu nafaqat pul, balki, maslahat, tavsiya, taklif shaklida ham bo'lishi mumkin. Zo'r tomoni, hayot — bumerang. 🙃

8️⃣ Ooo, siz donolar donosisiz!

Shuning uchun rivojlanishga ham, yangi bilimlar olishga ham, malaka oshirishga ham urinmaysiz. Qiymatingizni oshirmaysiz.  Bechora pullar esa o'zi sizga yalinib, eshigingizdan kirib kelishi kerak 😖

Bir narsani biling: yangi nimadir o'rganmas ekansiz, daromadingiz yangi songa o'zgarmaydi.

Shunchaki o'qigan bo'lmang. Har bir punktni xulosalang. O'zingizda bor-yo'qligini tahlil qiling.

Bir summani orzu qiling va unga erishishning kichik bosqichlarini tuzib chiqing. Men ham sizning borligingizni his qilishim va omad tilashim uchun esa reaksiya qoldiring ❤️

😊 Pulingiz ko'p, daromadingiz mo'l bo'lsin, yaxshi inson.
@kopirayterkundaligi

Hikoyalar (G&M)

20 September 2023 17:39

Do’stlarimizga yuborib qo’yamiz ✔️

Hikoyalar (G&M)

18 September 2023 19:17

БИР КУНИ

  Бола эдим. Дадам ишдан келишини ухламай кутардим. Кундузи жамоат транспортида ҳайдовчилик қилган дадам гоҳида тунда ҳам навбатчиликда ишларди. Ҳориган, қўллари  меҳнатдан қадоқ бўлиб кетган дадамнинг кўзларида ғам, сўзларида миннат йўқ эди. Қўлларига сув қуймай туриб кафтларини ҳидлашни яхши кўрардим. Дадам бечора ўша пайтда шодланиб кетарди. “Мой ҳиди келиб турган қўлларимни битта сиз яхши кўрасиз-да, қизим”, - деб бошимни силарди. 
    Бир куни дадам уйга хурсанд қайтди. Дастурхонга овқатини қўяётган онамга қараб: – Эртага автобазада катта  мажлис бўларкан. Кадр бошлиғи мени чақириб, “Сизни мукофотга кўрсатдик. Эртага яхши кийиниб келинг, Тошкентдан катта раҳбарлар келяпти, ўз қўллари билан топширишади. Сиз Андижон вилоятидаги биринчи ҳайдовчи экансиз”, – деди.  Ўша паллада отамнинг кўзларида қандайдир бир нур, қувонч жилваланди. Туни билан ухламай, хаёл сурдим. Хаёлимда дадамга каттароқ туҳфа берса, касалдан турган одам кўтаришга қийналмасмикан, деган хаёл ҳам ўтарди. Бола эканман-да, пул берса керак, кўўппп пул, деб уйқум қочарди. Ва ниҳоят тонг отди. Оҳорли кийимларни кийиб, кўчага отланаётган дадамнинг қўлидан тутиб: “Дада, кечикиб қолманг. Мен сизни кўчада кутиб ўтираман”, дедим. Ўтирдим ҳам. Кун оға бошлади. Кўча бошида дадамнинг автобусини кўриб, пешвоз чиқдим. Қўлидаги катта қутичани қувнаб менга тутди. Уйга кириб ҳаммамиз тўпланиб уни очдик. Мени қучоғимга аранг сиққан каттагина, жимжимадор қутининг ичида ёғочдан ясалган миттигина айиқча бор экан. Кўзларимга ишонмай, қутининг тагларини очиб кўрдим. Унинг оёқлари остига ўрнатилган тахтачада ўйиб ёзилган ёзувлар ҳам бор эди. Кафтларим орасига олган айиқчага ўкиниб, алам билан термилдим. Туни билан ухламай ўйлаган ўйимни ота-онам, акаларим билиб қоладигандек, совғани дарров жойига қўйдим. Дадамнинг кўзига қаролмасдим. Негадир ҳеч ким ҳеч нарса демади. Фақат бир акам: “ Айиқча бекорга асал бочка кўтариб олмаган. Бу уйимизга бойлик келтиради, дегани-да”, - деди. Токчада турган айиқчани ҳар кўрганимда бўғзимга бир нима қадаларди. Ўтириб дадамнинг оёғини қучиб, бор овозим билан йиғлагим келарди. Кейин... кейин акаларим дадамнинг туғилган кунида биргалашиб девор соати сотиб олишди. Деворга илинган соатнинг устидан жой олган айиқча дадамга термилиб ўтиргандек яқин эди. Қирқ йил, ундан ҳам кўпроқ йиллар дадамнинг қошида бўлди. Акаларим тўрт тарафга тарқалди. Мен ҳам тақдирнинг этагидан тутиб кетдим. Айиқча эса дадамнинг ёнида бўлди. У дадам жойнамоз устида бизга дуолар қилганида ҳам, бемор синглим бошида ўтириб, кўзларидан ёшлар қуйилганда ҳам, тақдир синовларида “воҳ” деганда, “оҳ” деганда ҳам  дадамнинг ёнида бўлди.  
    Бир куни дадам мени ёнига чорлади. Қўлида ўша айиқча. “Қизим, мен сизларга тарбия бердим, бахтли бўлишингиз учун жонимни фидо қилиб меҳнат қилдим. Оқу қорани танитдим. Сиз катта шоир бўласиз, дея дуолар қиляпман. Умидим бор... Қаридим. Тўқсонга қараб кетаётган одамга ишонч йўқ. Сизларга  берадиган бойлигим, қимматли бисотим йўқ. Сизга мана шу айиқчани бермоқчиман. Яхшиям жони йўқ экан, чидади. Энди  сиз билан бўлсин. Мен унга гапириб турардим. Бошини силаб эркалатардим. Қорнинг дардга тўлиб кетмадими, деб ҳол сўрардим. Сиз ҳам шундай қилинг. Дадамнинг ярим асрлик дўсти, деб қадр қилинг”, - деди... 
  Воҳ, дадам, жоним дадам-а!!! Шу бир жонсиз ўйинчоқчалик бўлмаган қизингизни кечиринг... Мени кечиринг, ДАДАЖОН...

Мунаввара УСМОНОВА - 
Ўзбекистон Республикасида хизмат кўрсатган
 маданият ходими,"Саодат" журнали Бош муҳаррири,
 шоира

Hikoyalar (G&M)

17 September 2023 08:43

@youtubabot

Hikoyalar (G&M)

16 September 2023 10:43

ЎҒЛИМГА

Ўғлим, кўзларингга кўрмайин ҳадик,
Қўрқув босмасин ҳеч, елкаларингни.
Дарё дек, тошқин оқ, яша бўрон дек,
Эрк шамоли қучсин елканларингни!

Ўғлим, қарши чиқ сен, номардга мудом,
Бандасидан қўрқма, бандалар ожиз.
Асл, Ўзбек марди этсинлар давом,
Миллатнинг юзидек қолдир яхши из!

Ўғлим, бошинг тик тут, бошинг эгмагин,
Аммо кибр қилма, кибр этар хор.
Ҳалол луқма изла, ҳаром емагин,
Унутма, олдинда ҚИЁМАТ ҳам бор!..

Ўғлим, мағрур яша, жўш урсин ғурур,
Ҳар онинг совурма, ҳуда беҳуда.
Адолатли бўлгин, зийрак бўл жасур,
Оқил кишилар-ла ҳаёт осуда...

Ўғлим, калхат бўлма бургут дек яша,
Ўлакса гўштидан қилгин сен ҳазар.
Замон оғир дема, қилма хархаша -
Эрта не бўлишин, билмайди башар...

Ўғлим, бўри бўлгин, зинҳор шер бўлма,
Шерлар тахти учун, қилишади жанг.
Халқ томон бўлгин, халқдан юз бурма,
Халқ билан бўлганлар, қилмайди аттанг!

Ўғлим, эрта ким бор, эртамиз гумон,
Ўлим шарбатини тортмоқлик - қадар.
Бу сўзларим сенга, мактуб, бу имкон,
Кимдир қирққа, кимдир етмишдан ошар!

© Абдувоҳид Сувонов
2023 Сентабр
http://t.me/Adabiyot_olami

@Hikoyalar