1822
SSS yoki saytlarga sig'magan so'zlar... Muallif: Abror Zohidov Murojaat uchun: @Abror_Zohidov Инстаграм: instagram.com/abrorzohidov1
✍️“Қўмсаш” рукнидан: Лайло
“Лайло” қўшиғини кўпчилик Илҳом Фармонов куйлаган деб ўйлайди. Бизнинг авлод шу қўшиқни эшитганмиз. Аслида бу қўшиқни илк бор Дадахон Ҳасанов айтган. Сўзлари Рауф Парфи қаламига мансуб. Шеър қўшиқ давомида ўзгарган, силлиқлашган, енгиллаштирилган.
Афсус, Дадахон Ҳасанов ҳам, Рауф Парфи ҳам муносиб баҳоланмади...
Эшитинг ва ўқинг: Лайло
Балки ўчган эдим ёдингдан,
Ширин хаёлингни буздимми?
Лайло-Лайло, сенинг ёнингда
Япроқ каби кўрдим ўзимни,
Ширин хаёлингни буздимми?
Сени ўйлаб келмайдир уйқу –
Қора туннинг ўзга сеҳри бор.
Тушларимда топай деб гулрў
Ман ухларман мангу эҳтимол.
Гўзал тушлар тилайман, Лайло...
Яна пайдо бўлдинг йўлимда,
Яна йўлларингда бўзладим.
Бечора қалб сенинг қўлингда,
Кўзларингда менинг кўзларим.
Нечун пайдо бўлдинг йўлимда?..
Аброр Зоҳидов
Телеграм | Инстаграм
✍️ Хўрланишдан тўйган Ғазо қизалоғи
– Сенга биринчи навбатда нима зарур?
– Менга егулик керак...
❓Биласизми, ким бой?
🤷🏻♂️ Пули кўплар қирилиб ётибди, бадавлат одамлар ҳисобини билмайди. Лекин зиқна, қайишмайди. Ҳақиқий бой – қалби кенг одам бой.
Менинг ҳам дўстларим орасида ҳақиқий бойлар бор. Улар доим ёрдамга тайёр!
Нодирбек Йўлдошев 40 йиллик дўстим. Уйида кўп меҳмон бўлганман. Яна бир бор кенгфеъллик намоён қилди – оққонга чалинган бола учун тоғдаги оддий уйидан жой берди. Азизбек дам олди, маза қилиб ўйнади, айланди.
✍️ Нодирбек шундай деб ёзмоқда:
“Сен кучлисан” лойиҳасининг иқтидорли болаларидан бири оҳангаронлик Азизбек Раҳимов 7-14 июль кунлари Зомин тоғларида ҳаво алмаштирди. Жудаям самимий, очиқкўнгил йигит экан, тезда тил топишиб кетдик. Бугун эрталаб уйларига кузатиб қўйдим.
Агар яна Зомин тоғларида ҳаво алмаштириш ниятида бўлган болалар бўлса хабарини беринглар. Яшаши ва овқатлари бепул”.
✅ Инсон!
Аброр Зоҳидов
Телеграм | Инстаграм
✍️ Ҳавасда яшаш билан бирга астойдил ишлаш керак. Аллоҳ зиёда қилсин!
Илҳомжон укамиз бўлади. Олис-олисда – Австралияда яшайди.
"Ўзбекларимиз бу давлатларга ҳам боришсин, ишлашсин, катта даромадлар ва барака топишсин" дейди.
Мени кузатиб юраркан. Бир куни мен билан уйлар масаласида боғланди (танишганимизга ҳам бир йилча бўлиб қолди). Ўзимча ақллилик қилиб, қанақа уйлар олиш кераклигини роса тушунтирибман. Билсам, ўша пайтдаёқ ўнта квартира олган экан. Бугун яна суҳбатлашдик, яна кўпайтирибди. Ҳалоли бўлсин!
Аброр Зоҳидов
Телеграм | Инстаграм
❓Давр саволи: вақт тезлашмоқдами?
Охирги пайтлар ҳаммамиз вақт тезлашгани ҳақидаги фикрларни тез-тез тилга оладиган бўлиб қолдик.
Бир қарашда бу фикрда мантиқ йўқдек, ҳеч қачон 25 кунда бир ой ўтмаганидек, 50 дақиқада бир соат вақт ўтиб қолмайди. Лекин нега унда ҳаммамиз бирваракайига бу жараённи ҳис қилмоқдамиз? Бунинг аниқ жавоби йўқ, бўлиши ҳам мумкин эмас. Аммо айрим фикрларга эътибор қаратсак.
Масалан, ҳозир вақтнинг тез ўтаётгандек туюлишига ҳар қадамда кўзимиз тушаётган соатлар сабабчи бўлмаяптимикан (соат деганда вақтни ўлчовчи асбоб — хронометр назарда тутилмоқда)? Ахир нима узлуксиз ўлчанаверса, қадрли, нима қадрли бўлса, тез сарфланаётгандек туюлмайдими?
Яқин-яқинда ҳам соат тақиш бойлик белгиси бўлиб, кишининг анча илғорлаб кетганини англатарди. Ота-боболаримизнинг суратхоналардаги соатларни вақтинча тақиб, қўлларини иякларига тираб тушган суратларини ҳаммамиз кўрганмиз.
Ҳозир телевизор ҳам аниқ вақтни кўрсатиб пўписа қилади, ҳамиша ёнимизда юрувчи уяли телефонлар экранининг ярмини ўтаётган ва ортга қайтмайдиган фурсатларни англатаётган рақамлар эгаллаб олган, тикилаётган компьютерларимизнинг бир четида ўтаётган вақтимиз ўлчанмоқда. Камига бир вақтлар ҳавас билан деворларга илинган ва ҳануз тушиш нияти бўлмаган йирик соатларимиз ҳар дақиқада бонг уриб туришибди.
Хуллас, пойабзалимизгача ҳамма жойда соат бор. Агар шулар бўлмаса, табиат ҳодисаларига қараймиз ва тонг отиши, кун ботиши сингари жараёнларга руҳан тайёрланамиз, аниқ муддатларга кўпам боғланавермаймиз ва, табиийки, ўтган фурсатларга бунчалар ачинмаймиз, шошмаймиз...
Балки биз шошаверганимиз, умрни узлуксиз ўлчайверганимиздан вақт тезлашаётганини ҳис қилаётгандирмиз. Яна бир фикр шуки, балки беҳад кўпайган соат(хронометр)ларнинг ҳар бири ўз ишини "ўта аъло даражада уддалаб", бизга аталган вақтни бўлакларга бўлиб юлиб олиб кетаётгандир... Балки, балки...
Ҳарнечук шуниси аниқки, икки нарса чексиз, бири само, бири вақт!
(12 йил аввал ёзганман)
Аброр Зоҳидов
Телеграм | Инстаграм
✅ “Олтин қалам” оласан, Kun.uz'дан кетасан! ☺️
✍️ Kun.uz'да “Олтин қалам” мукофотини олганлар жуда кўпчилик. Аниқроғи собиқ олганлар.
Ўз вақтида Kun.uz'да ишлаганлар, “Олтин қалам”ни жаранглатиб олганлар рўйхатидан от ҳуркади: Элмурод Эрматов, Шуҳрат Шокиржонов, Жамшид Ниёзов, Илёс Сафаров ва бир чеккада Аброр Зоҳидов...
Энди тавсиям – “Олтин қалам” олманг! Ҳали ишлаб турганлар ва бу мукофотни олганлар – Шокир ака Шарипов ва Руслан Сабуровлар эҳтиёт бўлинг. Ҳайдалиб кетасиз))
Ҳазил албатта. Kun.uz'да умримизнинг чиройли дамлари ўтган, жамоамизга ҳалигача боғланиб турамиз, чойхона қиламиз. Бу ташкилот доим очиқ юз билан кутиб олган, хурсандчилик билан ишлашга шароит берган, кетганда ҳам ҳурмат билан кузатиб қўйган. Фахрланаман!
✅ “Олтин қалам” олганлар рўйхати бундан ҳам узун бўлаверсин!
Аброр Зоҳидов
Телеграм | Инстаграм
🤷🏻♂️ Бу онангни эмгурлар бир йилдаёқ янги метрони бошқатдан бузиб ташлайверадими?
Ўрисни ёмон дердик, совет даври ёмон дердик. Мен туғилмасимдан аввал, 50 йил олдин қурилган, ота-онам мени чақалоқлигимда ҳавас қилиб метрога олиб тушишганига ҳам 45 йил бўлибди.
Шу темирйўллар, шу бетонлар, шу кўприклар қилт этмай турибди. Бу йенангни от тепгурлар яп-янги метро линиясини бир йилдаёқ бошқатдан бузяптими, сифатсиз бўлганми демак?
❓Бу метро кимнинг пулига қурилган?! Халқ шўрига ҳар доимгидек...
* Узр, энг маънавий услубда ёздим.
Аброр Зоҳидов
Телеграм | Инстаграм
✅ Санъат бу!
🥗 Бу ошпазни ўн йиллардан бери кузатаман. Ҳар куни тонналаб ош тайёрлаш осон иш эмас. Ўртача 5-7 минг киши келиб кетади.
⚡️ Кўринг, завқланинг. Келганингизда ўзим ошга эрийман.
Аброр Зоҳидов
Телеграм | Инстаграм
✍️ * Боғланиш фақат /channel/Abror_Zohidov телеграм орқали, узр, телефон рақами берилмайди. Келиш вақти бўйича огоҳлантирилиши ва бўш кунлар аниқлаб олиниши шарт.
✅ Биринчи навбатда – шифохонага келганлар (5 кунгача, егулик билан), иккинчи – вилоятларда иши битмай турли ташкилотларга келганлар (2 кунгача), учинчи – талабалар, ишга келганларга (квартира топгунларича бўлган 2-3 кунга) уй топширилади. Бепул квартирага келганларга озиқ-овқат беғараз берилади.
✅ Мана бу бошқа гап!
Хато ҳаммада бўлади. Муҳими – хатони тан олиш ва камчиликни бартараф қилиш. ИИВ тизими эркакча жавоб берди. Маладес!!!
Аброр Зоҳидов
Телеграм | Инстаграм
🤷🏻♂️ Ижара нархлари пасаймоқда
✅ Муҳим жиҳатни унутмаслик лозим – нархлар даромадларга нисбатан арзон бўлиб кетмади. Шунчаки олдинги даврларга нисбатан пасайди.
Тошкентдаги эълонларга жавобан бўлаётган қўнғироқлар, бозорга чиқарилаётган вариантлар нархига кўра шундай хулоса қилиш мумкин: яқиндагина 400 долларга берилаётган хонадонлар бугун 300-350 доллар атрофида таклиф қилиняпти, 250-300 долларга талаш бўлаётган квартираларга бугун талаб ҳаминқадар.
Эътиборлиси – нарх тушиши бюджет (яъни шартли олсак, нархи 250-300 долларгача бўлган) вариантларга жиддий таъсир қилгани йўқ. Вазият мазкур бозор ваниҳоят чўққисига чиқиб, маълум жиловланишга тушганини англатади.
Бунга нималар сабаб бўлди?
1. Россия омили. Жуда кўпчилик релокантлар Ўзбекистонга келишди. Аммо уларнинг аксарияти учун шаҳарларимиз, хусусан пойтахт Тошкент вақтинча бошпана эди. Узоқ режа тузганлари ҳам бу ерда муносиб иш, ҳаётдаги ўрнини топа олишмади ва қайтиб кетишди;
2. Иқтисодий омил. Аҳоли даромадлари кўнгилдагидек эмас, инфляция муттасил ошиб бормоқда, тирикчилик қийинлашяпти. Бундай пайтда қиммат ижарага талаб пасаяди. Қиммати тушиши эса арзонига ҳам таъсир қилади;
3. Умумий ижараларнинг тахминан ярми тўғри келадиган Тошкент олдингидек жозибадор эмас. Пойтахтда иш топиш, оилани таъминлаш жуда қийинлашиб кетди. Вилоятларда даромад у қадар катта бўлмасада, арзонлик ортидан кун кўриш мумкин. Айрим ёшлар ишлаш учун бошқа ҳудудларни ҳам излашяпти;
4. Пойтахтнинг коммунал муаммолардан холи яшаши ҳақидаги афсонага путур етди. Ўтган йилги аномал совуқда ва аномал иссиқда кўриндики, тошкентликлар вилоятларга нисбатан ҳам қийин аҳволда қолишди. Бу ҳам Ўзбекистон марказига интилишни пасайтирди;
5. Талабалар таътил муносабати билан йирик шаҳарлардан кетишди. Камхарж қатлам бўлсада, талабалар ҳам маълум талабни ҳосил қилишар, ижара бозорига жиддий таъсир кўрсатишарди. Айнан улар сентябрдан бошлаб янги тўлқинни ҳосил қилишлари мумкин.
Ижарачилар бу вазиятда нима қилишлари керак?
Дарҳол уй эгасига ультиматум қўйманг. Чунки 50 доллар иқтисод қиламан деб, яшаб турган уйингиздан чиқиб кетиш ўзини мутлақо оқламайди. Маклер тўлови, кўчиш харажатлари, адаптация жараёни бу пулни бефойда қилиб қўяди. Лекин мулкдорга вазиятни ётиғи билан тушунтирсангиз, тенденция шу тарзда давом этса, нархни қайта кўриб чиқишни таклиф қилсангиз бўлади.
⭕️ Ҳозир дастлабки ютуқ – муттасил ошиш тўхтади, доллар пасайиши, ижара харажати енгиллаши. Энди пасайиш жараёни ҳеч бўлмаса бир-икки мавсум давом этса, аҳолига осон бўларди. Янаям ким биларди – Ўзбекистоннинг бу ёввойи бозорини тушуниб бўлмайди...
Аброр Зоҳидов
Телеграм | Инстаграм
✋Ҳоким тайинланса:
1. Янги ҳоким албатта янги амали ҳақида билмаган, “ҳеч қўйишмагани” учун рози бўлган;
2. Янги ҳоким албатта қўлини кўксига қўйиб расмга тушиб бериши керак;
3. Янги ҳоким албатта халқ учун ишлашни ваъда қилади;
4. Депутатлар кенгаши бир овоздан қўллайди, ҳатто уни танимаса ҳам;
5. Янги ҳоким тайинланаётганда йиғилиш бўлади. Бирор киши (бирорррр жонзот) қаршилик қилмайди, ҳеч бўлмаса бир калом танқид ҳақида гапирмайди.
P.S.: Яккабоғ тумани янги ҳокимининг айби йўқ. Шунчаки бугун шу одамнинг расми тўғри келиб қолди. Бу гаплар либбой янги ҳокимга тўғри келаверади.
Аброр Зоҳидов
Телеграм | Инстаграм
👁 Азизлар! Мунавваройни таниб қолдингиз а?
👏 Энди унинг 30 млн сўм пули бор! Қизалоқ яхши инсонларга берган пуллари учун раҳмат айтяпти.
Яхши хабарлар бор, Мунавварой даволаняпти. Бугундан янги курсга киришди, яна 20 кун даволанади. Яқинлари билан гаплашиб турибман, жуда хурсанд бўлишди.
– Йиғилган пул бизга ҳозирча етарли, бошқа ўтказманг. Операциясигача ўзимизни ўнглаб оламиз. 30 млн сўмдан ортиғини бошқаларга ўтказиб берамиз – дейишди.
💯 Дўстларим! Сизга ишонардим...
Аброр Зоҳидов
Телеграм | Инстаграм
✍️ Бир укамиз аёлидан айрилди, бешта боласи қақшаб қолди
👁 Жудаям-жудаям ажойиб, ёш йигит. Хотини вафот этди, рак деган бало енгди ваниҳоят.
Беш йил аёлини даволатди, кўзига қараб ўтди. Ҳеч нарсаси қолмади, эзилмаган куни бўлмади. Иложсиз экан, ҳаёт давом этади-да. Беш нафар болани парваришлаш, тарбиялашнинг ўзи бўладими?!
Яқинлари, биз ҳам уйланмаса бўлмаслигини айтдик. Болаларини ўйлаб “йўқ” деди, болаларини ўйлаб “ҳа” деди. Розилик билан ўзи битмас экан. Келишган, соғлом йигит. Лекин кимга борса, андиша қилади, беш болани ўйлаб ҳадиксирайди.
Бир қизни топишди. Онаси эрта ўтган, тўрт нафар ука-синглисига қараб қолган экан. Жигарлари деб турмуш қилмабди, ҳаммасини уй-жойли қилибди.
Анча кўнмади. “Болаларга онасининг ўрнини босолмайман” дебди. Укамиз бир чора қилибди: учрашувга чақириб, эсини таниб қолган катта қизини етаклаб олиб борибди. Онага ташна бўлиб турган қизи қучоқлаб олибди. Болага кўзлари меҳри тўлиб турган қиз йиғлаб бағрига босибди.
Кеча укамиз бир иш билан кирганди. Янгиликка қизиқдим. “Ўзи олдингизга хабар айтгани келдим. Эртага "ЗАГС"дан ўтяпмиз...” – деди.
🤲 Кетди. Йиғладим. Хурсанд бўлдим...
Аброр Зоҳидов
Телеграм | Инстаграм
🔥 Супер ҳангома: Лимон!
✍️ Ҳар доим лимонни кўрсам тишим қамашиб, студентлик пайти эсимга тушади ва маза қилиб куламан.
Бир дўстимиз шундай деганди:
– Уйимизда кўпгина лимон дарахтлари бор, истаганча еймиз!
Яна бир дўстим жавоб берганди:
– Нечта ейсан? Ўзи умуман лимонни нечта ейиш мумкин?! 😂😂😂
Аброр Зоҳидов
Телеграм | Инстаграм
🔥 Ўзбегим менинг!
✅ Отам "Тўйни ихчам қилиш керак. Нима кераги бор бунча харажатнинг?" деган ва катта тўй қилиб, мени уйлантирганди. Мен "Тўйни кичкина қиламиз" деб ўғлимга зўр зўр базм қиламан канешна. Худо хоҳласа неварам "Ўзи тўй нимага керак?” деб ақл ўргатади ва камида минг кишини тўплаб тантана қилади...
Аброр Зоҳидов
Телеграм | Инстаграм
✅ Фалсафа мана энди тушунарли бўлдииииии!
Аброр Зоҳидов
Телеграм | Инстаграм
🙋♂️ Болалигимда тарвузни шунақа қилиб ердим. Вообщето ҳозир ҳам шунақа қилиб ейман 😄
Читать полностью…
🔥 Икки қиз 7 қаватдан ташлаб жонига қасд қилди. Иккови шунчаки ўзини ўлдирмади – ота-онаси ва жигарларини ёндириб кетди
👁 Эй бола! Бу жон омонат, ҳаёт неъматини атайлаб йўқотиш ҳеч нарсага арзимайди. Ҳеч нарсага!
Энди ёру-дўстларинг, яқинларинг бутун умр мана шу дақиқа ҳақида ўйлаб ўтади.
Ёшлар ўз жонига қасд қилиш тугул ўзини хатарга қўйишга ҳам ҳаққи йўқ. Ота-она болани яхши ният билан катта қилади, ҳар куни кўзларига қараб умид билан яшайди.
Ҳой инсон! Ҳеч бўлмаса ҳаётга қараб ақлингни йиғ: оққон ёки саратонга чалинган болажонларнинг нигоҳларига бир қара. Улар бир лаҳзалик умр учун илҳақ бўлиб ўтиришади-ку!
⭕️ Урганчлик 15-16 ёшли қизлар. Эҳҳҳ...
Аброр Зоҳидов
Телеграм | Инстаграм
✍️ Ҳей билимдонлар, бяхкенг! Нимаси хота, нармалний йозилганку!
Читать полностью…
✍️ “Бепул квартира” ҳақида ҳар 10-15 кунда пост қўяман
🤷🏻♂️ 5 йилдан бери бепул квартира бераман. Негадир навбатда постим жуда оммалашиб кетди. Бир кунда 2 мингдан ортиқ лайк, салкам 500 та изоҳ ёзди, 75 киши бўлишишди. Кўпчилик алоқага чиқишди ва саволлар беришди.
Айримларини айтиб ўтсам:
* * *
– Бир йилга берасизми?
– Йўқ.
* * *
– Дархонда борми?
– Йўқ.
* * *
– Бепул квартирангиз “мышеловка”ку?!
– Келинг, кўринг.
* * *
– 25 минг доллар бериб тура оласизми?
– Йўқ.
* * *
– Дўхтирларни ҳам гаплашиб берасизми?
– Қийин масала. Ўртага тушиб, кўп азият чекканман.
* * *
– Мошина қўйишга шароит борми?
– Билмадим, ўзим пиёда юраман.
* * *
– Бошқаларнинг ёнига эмас, менинг бир ўзимга алоҳида квартира қилиб берасизми?
– Йўқ. Оилавий ёки жамоавий бўлса майли эди...
* * *
– Бепул керак эмас. Ойига 100 долларгача бўлса, ўзимиз тўлаймиз.
– ...
* * *
– Тошкентда бошланғич уйга тўловга ёрдам қила оласизми?
– Йўқ.
* * *
– Сизники фақат Чилонзорда эканку?
– Бори шулар.
* * *
– Кредитимга ёрдам бера оласизми? Уйга кредит топиб бера оласизми? Кафил бўла оласизми?
– Йўқ. Йўқ. Йўқ.
(Кўпчиликка рад қилиб, хафа қилган бўлсам узр албатта)
Аброр Зоҳидов
Телеграм | Инстаграм
Ғазо қизалоқлари: "Шаҳид бўлган отам бизни ҳам ўзи билан олиб кетса эди..."
Даҳшатли урушни бошидан кечираётган замин болаларининг гапларини эшитиб титраб кетасан киши.
– Оч-наҳор ҳолатда ва совуқда ухлаймиз. Отамиз шаҳид бўлган. У тирик вақтида ўтинимиз бўларди, иссиқ жойда ухлардик. Ҳаммаси барбод бўлди. Ҳамма отаси бор болалар илиқ жойда ухлайди. Мен отамиз бизниям ўзи билан олиб кетишини истардим!..
P.S.: Бу лавҳани кўриш учун таржима ҳам шарт эмас, нигоҳларнинг ўзи етарли. Инсон ўзинг, инсон ўзинг...
👁 ЙИҒЛАНГ!!!
Аброр Зоҳидов
Телеграм | Инстаграм
Гурвак дейдилар буни!
Кўрган одам “хомак бўлса керак” деб ўйлаши аниқ. Лекин Хоразм гурваги либбой қовунни ортда қолдиради.
Жигарим, Ботир оғамдан ҳар мавсум бир қоп гурвак келади. Ўзим ейман, яқинларга бераман, қўшниларга бир тиликдан тарқатаман. Бу мазани фақат еб кўриб баҳо бериш мумкин.
Олдин ҳам ёзгандим: “Бир марта хоразмликлар билан қайси қовун ширинроқ эканлиги тўғрисида тортишиб, Тошкентдан поездда бир қоп қилиб амири, обиноввот, кўкча ва бошқа қовунлар кўтариб боргандим. Ўзим тан олмай тураверганман ўшанда. Лекин менинг бир қоп қовунимни кўримсиз ҳандалакдеккина гурвак ортда қолдирганди. Вей, тилни ёрадия...”
Аброр Зоҳидов
Телеграм | Инстаграм
Замминистрнинг хотини синди: ГАИ бошлиғининг хотини ундан ҳам кучли экан!
Фарғона ИИБ ЙҲХБ бошлиғи Акмал Аҳмедовнинг хотини қора “Малибу”да бор-йўғи 61 та жарима қилибди. Албатта, тўламаган.
Тўламайдиямда! ГАИ начальнигининг эрка хотини штраф қилган бўлса, ким ундирарди? Анекдот бўлардида ўзи. Янаям зўр жойи – эр ўзининг хотини учун қарор чиқариб, “охирги зарурат юзасидан содир этилган” деб топибди ва 61 та жаримани бекор қилибди.
Аши минг йиллик гап: қонун қора халқ учун, имтиёз амалдорлар учун. Жааа бўлса “интизомий чора” кўрилади-да, нимўпти шунга?..
✅ Фақат биз хотинимиздан қўрқамиз, деб юргандик. Ана, ГАИ началнигиям қўрқаркан-ку 😄.
Манба: Kun.uz
Аброр Зоҳидов
Телеграм | Инстаграм
🔥 Ғазо манзараси
Қизи учун жонини берадиган инсон – ота. Бир куни жавоби борку ахир...
Аброр Зоҳидов
Телеграм | Инстаграм
✍️ Каримовни даврини соғинадиганлар, шахсини қўмсайдиганлар бор
Албатта, Ислом Каримов мураккаб инсон бўлган. Яхшими, ёмонми, ҳар бир киши ўз фикрига эга. Тарих ўзи баҳосини беради.
Интернетда биринчи президентга оид видеолар тарқаляпти. Ислом Каримовнинг онаси Самарқанддан бошқа ҳеч жойга бормагани ҳайратланарли. “Онасини кўп жойларга олиб бориш энди менга армон”, дегани таъсирли. Энг қизиғи, “давлат президентида эмас, бошқа самолётда онамни олиб борардим” деган. Яъни катта бир давлатнинг раҳбари бўлса ҳам президент самолётида онасини олиб юришга ноқулай бўлган.
⭕️ Буни кўрганлар ўзи яшаган босқичини эсга олади, хотирасини тиклайди, ҳар бир ўтмиш каби бу даврни ҳам қўмсайди. Соғинганлар бўлса, бир дуо қилиб қўямиз.
Аброр Зоҳидов
Телеграм | Инстаграм
👁 Бу қизгина мўлтираб туришига чидаб бўлмайди...
✍️ Муштдай боланинг бир буйрагини олиб ташлашга тўғри келяпти. Беш ёшли қизгина қон сийиб азоб чекаётганини эшитишнинг ўзи қийин.
Мунавваройни кўрсангиз кўзлари мунгли. Эсини таниб қолган – ҳар бир нигоҳга нажот билан қарайди. Миллий марказда узоқ вақт даволаниши керак, операцияга милён-милён харажат зарур. Вилоятдан келиб яшаш осон эмас, яқинлари дарвоза ёнида янгилик кутавериб тинкаси қуриб кетган.
Айтдим, хайрия қандай бўлишини, бу бир омаддек гап. Баъзан битта болага 50-60 млн сўмлаб пул йиғилади, баъзан ўнлаб болаларга 5-6 млн ҳам йиғилмайди. Аммо шу қизгинага бошқача ачиниш ва умид билан қарадим. Соғайиб кетсин илоҳим.
🤲 Азизларим, сизга ишонаман! 9860120119792220 Tursunova Mohigul, онаси, NBU;9860120119758023 Chunaxunova Zuhra, бувиси, NBU.
P.S.: Бу қизчанинг бувиси уйғурлар авлодидан экан. Ген таъсири бўлса керак, кўзлардаги мунг шундадир балки...
Аброр Зоҳидов
Телеграм | Инстаграм
😡 Лопес ва Собчак учун 820 млн сўм давлат гарданига!
Женнифер Лопеснинг Тошкентдаги концертини Ксения Собчак инстаграм саҳифасида реклама қилиш учун 820 млн сўм ажратилибди.
Энг даҳшатлиси – бу пулни Маданият ва санъатни ривожлантириш жамғармаси тўлабди.
🤷🏻♂️ Ёрвординглар борку!
Аброр Зоҳидов
Телеграм | Инстаграм