Hikoyalar (G&M)

06 June 2023 19:01

#ибрат

Буюк ёзувчи Лев Толстой 22 ёшида ўзи учун ҳаётий тартиб-қоидалар тузади ва унга бутун умр амал қилади. Ирода, фаоллик, хотира ва ақлий қобилиятни ривожлантирадиган бу йўриқлар сизу бизга ҳам катта фойда бериши аниқ.

• Ҳар қандай жисмоний машаққатга чида, қийналганингни бошқаларга билдирма.

• Ҳар кун заифроқ биладиган тилингда шеър ёдла.

• Қўлингдаги мулкнинг ўндан бирини эҳсон қил.

• Ўн баробар бойиб кетсангда, ҳаёт тарзингни ўзгартирма.

• Ҳар қандай нарсага ҳар томонлама назар сол – фойдасини ҳам, зарарини ҳам кўр.

• Ўзинг билмаган ёки ёқтирмайдиган одамларнинг мақтовини олишга уринма.

• Ҳар тонг кунлик режа туз ва уни албатта бажар.

• Бошқаларнинг фикрини ўйлаб ўтиргандан кўра ўз устингда кўпроқ ишла.

• Шуҳрат учун сарф-харажат қилма.

• Ўзинг учун иложи борича кўп машғулот ўйлаб топ.

• Бир ўзинг якунлашинг мумкин бўлган ишга ёрдамчи талаб қилма.

• Ҳеч қачон ҳиссиётларингни ошкор қилма.

• Яқин кишингни ўзингдай яхши кўр, икки яқин кишингни эса ўзингдан ҳам кўпроқ яхши кўр.

• Иложи борича кам ухла.

• Ҳар тун кундузи ўрганганларингни такрорла.

• Ортиқча нарсангни ўзинг учун эмас, жамият учун ишлат.

• Яхшилик қилишга имкон изла.

• Яхши бўл ва сенинг яхши эканингни ҳеч ким билмаслигига интил.

• Ҳаммани бирдай яхши кўр, бу муҳаббатдан ўзинг ҳам четда қолма.

• Элнинг муҳаббати учун майда туйғулардан воз кеч.

• Шароит қанча ёмон бўлса, ҳаракатни шунча кучайтир.

• Бор нарсаларга қаноат қил.

• Бирор ишни бошласанг, охирига етказмай ташлаб кетма.

Hikoyalar (G&M)

06 June 2023 05:50

Жанубий Американинг кичик шаҳарчасидаги судда прокурор ўзининг биринчи гувоҳи - жуда кекса бир аёлни чақирди.
У суд жараёнида кампирдан сўради:
Миссис Жонс, мени танийсизми?
- Албатта, мен сизни танийман, жаноб Уилямс. Мен сизни ёш болалигингиздан биламан ва ростини айтсам, бундан хафаман. Сиз ёлғон гапирасиз, хотинингизни алдайсиз, одамларни манипулятсия қиласиз ва уларнинг орқасидан ёмон гапларни гапирасиз. Сиз ўзингизни катта одам деб хисоблайсиз, афсус сиз оддийгина кичик бюрократ эканлигингизни тушунишингиз учун ақлингиз етмайди.
Прокурор ҳайратда қолди. Кейин нима қилишни билмай, хонанинг нариги томонида турган шахсни кўрсатиб яна бир савол берди:
— Жонс хоним, адвокатни биласизми?
— Албатта, биламан. Мен жаноб Бредлини ҳам ёш болалигидан бери биламан. У дангаса, одамларга нисбатан тоқатсиз ва пиёнисталиги каби муаммоларга эга. У ҳеч ким билан тинч мулоқот ўрнатолмайди ва унинг адвокатлик фирмаси давлатимиздаги энг ёмонларидан биридир. У хотинини алдаб бир эмас уч аёл билан яшаб юрганини айтмаса ҳам бўлади. Айтганча, улардан бири сизнинг хотинингиз. Ҳа, мен буни аниқ биламан!
Адвокат бу сўзлардан шокга тушиб қотиб қолди.
Судя прокурор ва адвокатни олдига чақирди ва жуда паст овозда деди:
“Агар кампирдан мени таниши хақида сўрасанглар, иккалангизни хам электр курсига ўтказаман!

@Hikoyalar

Hikoyalar (G&M)

04 June 2023 17:23

#МашАллоҳ

❗️Хозирги замонда бунақа Ота-бола ўтиришлар камайиб кеткан хавасим келди.

Биз билан булинг👇
/channel/bagdaddrivers

Hikoyalar (G&M)

03 June 2023 05:12

Бу Эроннинг Зинжон шахрида яшаган бир дўкондорнинг расми. Нотаниш бир киши велосипедини унга омонат қўйиб қайтиб келмаган.
Дўкондор хар куни эгаси келар деб велосипедни ташқарига олиб чиқиб қўйган. Аммо эгаси келмаган.
Бу хол 45 йил давом этган. Охири дўкондор вафот этган. Давлат эса вафо ва омонатдорлик тимсоли ўлароқ дўкондор хайкалини ўрнатган...

Hikoyalar

Hikoyalar (G&M)

02 June 2023 15:47

ҚИЗ ЎҒРИСИ...
(Воқеа реал ҳаётдан олинган)

Дунёда ҳиссиётини жиловлай олмайдиганлар ҳам учраб туради. Ана шундайлардан бири ҳис-туйғу бир кун келиб душман бўлиши ҳам мумкинлигини вақтида англаб етмади. Оқибатда эса…
Бу қизнинг исми Шарофат эди. Хотинидан яқиндагина ажралиб, кейинги пайтларда ёлғизликнинг аччиқ ошини татиб кўра бошлаган Маъмур ундан бир қарашдаёқ кўз узолмай анграйиб қолди. Қизнинг юпқа лаблари, узун киприклари-ю, майин сочлари йигирма бешни уриб қўйган норғул ва табиатан қайсар йигитнинг тинчини ўғирлади.
— Шу қиз меники бўлиши шарт. — Ўзига ўзи сўз берди Маъмур. — Фақат ўзимники бўлади…
Мана шу сўзлар йигитни олдинга етаклади. Қалбини жунбушга келтирди ва янада қайсарлантирди. Энди ҳар куни шаҳардаги катта бозорга эрта тонгда келиб, молини ёйиб, икки пештахта нарида туриб атир-упаларини қиз-жувонларга кўз-кўз қилиш билан банд бўлган Шарофатга маҳлиё бўлишни одат қилди. Лекин яқин боришга, гап ташлашга шошилмади. Қулай фурсатни кутди. Фурсат ҳам узоқ кутдирмади. Кунларнинг бирида ёши Маъмурдан улуғроқ бир йигит Шарофатни чув туширмоқчи бўлди. Атирни сумкасига солдию, пулини тўламасдан жуфтакни ростлашга тутинди. Қиз ҳам анойи эмасди. Йигитнинг йўлини тўсиб атирнинг ҳақини талаб қила бошлади. Ўртада жанжал чиқди. Харидор Шарофатга мушт ўқталишгача етганда, унинг қаршисида Маъмур пайдо бўлди ва ҳе йўқ, бе йўқ харидорнинг юзига мушт туширди. Кетидан бир-икки тепиб ҳам қўйди.
Қисқаси, қизнинг ҳақини ундириб берди-ю, йигит кетгани заҳоти Шарофатга суқ аралаш тикилиб қолди. Қиз буни сезди. Бироқ сир бой бермаслик ниятида ўзини мағрурроқ тутмоққа шайланди. Яъни, баландпарвозроқ савол ташлади:
— Зўрсиз-ку-а?...
Маъмур ҳам бўш келишни хоҳламади.
— Зўрлигимни ҳали кўрганингиз йўқ деди у.
— Кўрганингизда бошқачароқ сўзлаган бўлардингиз.
— Осмондан келманг, ака! дея гапни илиб кетди Шарофат.
— Уйдаги акаларим сизданам зўрроқ.
— Шунақами?... Унда эшитиб олинг! Мен сизни севиб қолдим. Меники бўлишингизни истайман.
— Чучварани хом санабсиз деди Шарофат.
— Менинг севган йигитим-чи, катта бир фирмада ишлайди. Кунига фалон минг долларлаб пул топади. Бу гапингизни эшитиб қолса…
— Ўша йигитингизга айтиб қўйинг. Мен қайтмас ва қайсар боламан. Мен турганда долларлариям ип эшолмайди.
— Мен хотин қўйганларга тегмайман.
— Кўрамиз.
Шунинг билан суҳбат якун топди.
Йўқ, Маъмур асло афсусланмади. Аксинча, ўзи ёқтириб қолган қизга яқинлашиш имкони пайдо бўлганидан мамнун тортди.
Бозор-ўчарга ўралашган одам хоҳ ёш, хоҳ кекса бўлсин, барибир кўп нарсаларни пул билан ўлчашга одатланади. Бозор муҳити уни шу кўчага киритиб қўяди. Маъмурга ҳам Шарофатнинг оғзини тўлдириб гапирган гаплари, мақтанишлари эриш туюлмаганди. Бунинг акси ўлароқ фақат Шарофат ҳақида ўйлар, қандайдир йўл билан унинг кўнглига киришни хоҳларди. Афсуски, бир неча ойлик уринишлар беҳуда кетиб, қиз унга рўйхушлик бера қолмади. Ҳар рўпарасига келиб турли қочирим гапларни айтганда, Маъмурни ё силтаб ташлади, ё терс ўгирилиб, ёнидаги аёллар билан суҳбатлашишга тутинди.
Охир оқибат Маъмур алай-балай гапларни йиғиштириб, Азозил ҳукмига қулоқ тутди. Нима қилиб бўлмасин, Шарофатни қўйнига солиш пайига тушди.
— Сен ҳали кимлигимни билмас экансан, Шарофат! деди ўзига ўзи.
— Сени ёқтирдимми, тамом, бошқа йигитнинг сенга уйланишга ҳаққи йўқ. Бу менинг ҳақиқатим. Ҳали қараб тургин, ўзинг туриб балли дейсан. Кўзини шира босган одам ҳўлу қуруқни баравар тепкилаб ўтади. Маъмур висол йўлида бозор-ўчарни ҳам бир четга суриб қўйди. Олдинига яқин ошнаси Валини қидириб топди. Вали яқиндагина қамоқдан қайтиб, тоғасининг Нексиясида киракашлик қилиб юрганди. У Маъмурнинг режаларини тинглаб кўргач, елка қисган бўлди.
— Қалтис-да бу иш! деди қаршисида кўзлари дунёга бежо боқаётган Маъмурга тик боқиб.
— Қиз ўғирлаш Кавказ тарафларда удум бўлган. Бизда эса.....
— Рози қиламан дедим-ку, Вали! деди тоқатсизланиб Маъмур.— Тушуняпсанми, у қизнинг отаси ўлиб кетган. Қариндош-уруғи ҳам айтарли йўқ ҳисоб. Икки акаси мактабда муаллимлик қилади.
​​— Нима бўпти? деди Вали энсаси қотиб.
— Тил-забони бордир, ахир!?.
— Э, аниқ биламан, қизнинг ўзиниям кўнгли бор менда.

Hikoyalar (G&M)

01 June 2023 13:10

Agar ko’zizga yosh kelmasa demak siz bag’ritosh ekansiz .
Yusuf nega yig’ladi ?

Hikoyalar (G&M)

30 May 2023 04:02

Вақт  ажратиб ўқишга арзийдиган ҳикоя

Бир йигит донишманднинг олдига келиб:
— Мен Оксфорд университети магистриман, Гарвард университети фахрий докториман, дунё фалсафаси бўйича номзодлик даражасига, Мантиқ фани бўйича докторлик даражасига эгаман. Билимларимда мабодо оқ доғлар қолган бўлса ўшаларни ҳам тўлдириш учун сиздан бирор нарса ўрганмоқчиман, — дебди.
Шунда донишманд:
— Сенга бирор нарса ўргатиш бефойда, — дебди.
Унга жавобан йигит:
— Бефойдами ёки ўргатишга илмингиз етишмайдими, — дебди кулиб.
— Майли, сенга мантиқ бўйича битта савол бераман, агар унга тўғри жавоб берсанг, сени шогирд сифатида биринчи синфга оламан, — дебди донишманд. —Эшит, ўғлим, мантиқ бўйича савол: Икки киши бир мўридан тушишди. Бирининг бети қора бўлди, иккинчисиники эса тоза. Қани айтчи қайси бири бетини ювгани боради?

Йигитни жаҳли чиқиб, шу ҳам саволми, шу ҳам мантиқми, ахир буни оми одам ҳам биладику, албатта, бети қора бўлганида
— Йўқ сен адашдинг, — дебди донишманд. — Мана, мантиқан ўйлаб қара. Иккаласи мўридан тушди ва бир-бирининг бетига қарадилар. Бети қора шеригининг бетига қараса у тоза, ўзини ҳам бетини тоза деб ўйлайди. Иккинчиси эса шеригининг бетининг қоралигини кўриб, ўзини ҳам шундай ўйлаб бетини ювгани борадида. Бети тозаси боради.
— Ҳа, бу томонини ўйламабман. Майли, яна бир савол беринг-чи, — дебди йигит шашти тушиб.
— Майли эшит яна битта мантиқий савол дебди донишманд. Икки киши бир мўридан тушишди. Бирининг бети қора бўлди, иккинчисиники эса тоза. Қани айтчи қайси бири бетини ювгани боради?
— Вой устимдан кулаяпсизми, ҳозир аниқлаб олдик-ку, албатта, бети тозаси-да.
— Йўқ, яна адашдинг, — дебди донишманд. — Мана, ўзинг мантиқан ўйлаб қара. Бети тоза инсон шеригининг бетини кўриб, ювингани боради. Иккинчиси эса ўзининг ҳам бетини қоралигини сезиб у ҳам ювингани боради. Иккаласи ҳам ювингани боради
— Ҳа, мен яна бунисини ўйламабман. Яна битта савол мўмкинми, — дебди йигит секингина.
— Майли, эшит. Икки киши бир мўридан тушишди. Бирининг бети қора бўлди, иккинчисиники эса тоза. Қани айтчи қайси бири бетини ювгани боради?
— Ахир аниқладик-ку иккаласи ҳам борадида, — дебди йигит асабийлашиб.
— Йўқ, яна топа олмадинг. Мантиқан ўйламаяпсан. Бети қораси шеригининг бетини тозалигини кўриб ювгани бормайди. Иккинчиси эса бундан ўзининг бети тозалигини билиб, у ҳам бормайди. Демак иккаласи ҳам бормайди.
— Хўп, майли, мен енгилдим, — деб таслим бўлибди, профессор. — Лекин мен сизга шогирд бўлиб, ўргатаётганингизни ўзлаштира оламан. Бошқа бирор нарса сўранг, — дебди.
— Икки киши мўридан...
— Бўлди, бўлди, ахир, билдик-ку, мантиқан иккаласи ҳам бормайдида.
— Йўқ сен мантиқан адашдинг.
— Сенинг "Мен ҳамма нарсани биламан" деган фикринг сени кўр қилган. Сен оддий ҳақиқатни кўрмаяпсан. Сен устозингни эшитмаяпсан. Ахир ўзинг мантиқан ўйлаб қара, қандай қилиб бир мўридан тушган икки инсоннинг бирини бети тоза иккинчисиники қора бўлиши мумкин. Ушбу саволнинг ўзиёқ мантиқсиз эди. Сен шундай мантиқсиз саволларга жавоб қидирсанг, ҳаётингда мантиқ қолмайди. Сен бошиданоқ хато йўлда эдинг. Ўрганиш учун келдингми, ўрганишга тайёр бўл. Асосни, мақсадни кўздан қочирма. Мантиқсиз, кераксиз нарсани изидан қувма.

Тўла идишга сув қуйиб бўлмайди. Сен ўзингча тўласан, сенга билим қуйиб бўлмайди, тўкилиб кетади. Сен аввало идишингни бўшат,  билим олиш учун, ўрганиш учун тайёр бўл. Ўзингдан олдин ушбу йўлни босиб ўтган, сен бормоқчи бўлган манзилга борган инсонни эшитишни, уни сўзсиз қабул қилишни ўрган.

@Hikoyalar

Hikoyalar (G&M)

28 May 2023 19:31

МОХОВ ОЛИМ ВА ҚИЗНИНГ ҲИММАТИ

Ашраф Али Таҳонавий ҳикоя қиладилар:
“Ҳиндистонда Қурайший Мажзум деган бир пир ўтган экан. У кишининг ёши 30 дан ошган бўлса-да, мохов касаллигига дучор бўлгани учун уйланолмаган экан.

Бир куни у зотнинг олдига шогирди келса, унга дебдилар:
— Мен ҳам уйланишни хоҳлайман. Лекин мана бу дардим бор. Сен бир суриштириб кўрмайсанми? Биронтаси қизини менга бермасмикин?

Шогирдлари йўлда кетаркан, ўйланибди: «У зотнинг мохов эканлигини ҳамма билади. Одамлар ўз қизини мохов одамга бермаслигини ҳам биламан. Қандай юз билан одамларга устозимга қизингизни беринг, дейман? Энди нима қилдим? Кимга ҳам айтардим? Ўз қизимга айтаманда...».

Уйига келиб, қизига дебди:
— Қизим, устозим бир қиз топсанг, уйланардим, демоқдалар. Шу кишига, сен эрга теголмайсанми?

— У кишига хизмат қилиш мен учун шараф! Розиман.

Шогирд бу хабарни устозга айтса, у киши сўрабдилар:
— Менинг дардимни ҳам қизингга айтдингми? Шундай бўлса-да рози бўлдими?
— Ҳа, айтдим. Шундай бўлса-да рози бўлди.

Шунда Қурайший йиғлаб дуо қилган эканлар:
— Бир инсонда ҳиммат бўлса, шунчалик бўлади-да. Аллоҳим, Сендан ёлвориб сўрайман. Менинг баданимни ўзгартир.

Меҳрибон Аллоҳ унинг дуосини қабул қилибди.

Никоҳ кечаси келиннинг ҳузурига кирган олимдан келин ўзини олиб қочибдида, сўрабди:
— Кимсиз?
— Мен Қурайший Мажзумман.
— Уни мохов дейишардику.
— Мен сенинг ҳимматингни кўриб, Худога йиғладим...
— Аттанг, сиз менинг савобимни барбод қилдингизку! Мен сизнинг маъзурлигингиз (касаллигингиз) учун рози бўлгандим. Менга бунақа барно йигит керак эмас. Ҳеч ким қилмаган ишни қилиб, Аллоҳдан савоб умид қилгандим. Ўша дардингиз билан яшасангиз бирга яшайман. Акс ҳолда жавобимни беринг.

Таҳонавий айтадилар:
«Мен шу одамнинг бир кунда барно бўлиб, сўнг яна мохов бўлганини кўрганман... Қурайший Мажзум умрининг охиригача мохов бўлиб ўтди. Аёли ҳам умрининг охиригача унга хизмат қилди...»


@Hikoyalar

Hikoyalar (G&M)

27 May 2023 04:42

Бозорда думалаган, қаттиқ зарба еган машина йўқ. Сиз йўлларда кўрган думалаб кетган, пачоқланиб, мажоқланиб кетган машиналар бозорга кирмайди. Металлоломга кетади.

Олх, авто эълон каби нарсалар савдони ўлдирганмиш. Барака йўқ эмиш.

Қўқонда машҳур запчаст бозор бор. Бозорга чиқиб, улгуржи сотадиганлардан нарх сўрасангиз, бегонага нарх айтмай қўйибди. Нимага, деб танишдан қизиқдим. Менга конкурентларим одам юбориб, нарх сўраяпти. Нархни айтсам, Хитойга бориб, худди шу нарсани сифати паст, лекин нархи арзон қилиб чиқариб келиб, тагимдан қўйяпти, деяпти.

Запчастда ҳам аввалгидай барака йўқ эмиш. Савдо ўлган эмиш.

Монополия қилиб олиб, соққани қилаётган ҳожи ака ёки бой акаларга қуллуқ қилиб, ҳавас қиламиз.

Монополистга хизмат қилиб, соққани қиладиганлар адолат истайди. Нолиб қўяди.

Санаганларим Орган, прокуратура, DXX, ИИБ, божхона, солиқ каби ташкилотлардаги ҳаромхўрликлар эмас. Юрт ичидаги оддий одамларни ишлари. Бир биримизга бўлган муносабат.

Мен бурнимни тиқмаган, юқорида келтирмаган ишларни, соҳаларни сиз яхши биласиз.

Ҳамма менга ўхшаб фаришта бўлса, юқоридаги ишларни қайси ола бўжи қиляпти?

©️ Sayyid Islom

Hikoyalar (G&M)

26 May 2023 15:17

Ўзбекистонда куни кеча ғўза хайдовида бўлган воқеа

Она қуш болалари химояси учун тракторга қарши чиқяпти😢
👇
@Hikoyalar

Hikoyalar (G&M)

23 May 2023 10:05

#Субҳаналлоҳ

@Fatima_Aliy

Hikoyalar (G&M)

22 May 2023 18:11

Ғийбатнинг зарарлари.

1.Дуо қабул бўлмаслиги.
2.Яхшиликларнинг номайи аъмолдан камайишлиги.
3. Ёмонликларнинг номайи аъмолда кўпайишлиги.
4. Яхшиликларнинг қабул бўлмаслиги.
5. Қиёмат куни ҳақ эгаларининг фарёди.
6. Ҳисоб китобнинг қаттиқ бўлишлиги.
7. Қиёмат куни ҳасрат ва надомат зиёда бўлишлиги.
8. Қиёмат куни ғийбати қилинган кимса ғийбат қилган кимсанинг гўштини ейишлиги.
9. Қиёмат куни ўз гўштини ейишлик.
10. Қиёмат куни баданини тирноқлари ила тирнашлиги.
11. Жаҳаннамда қичима касалига мубтало бўлишлик.
12. Жаннатга энг охири ва дўзахга энг биринчи киришлик.
13. Охиратда маймунга айланишлик.
14. Қабр азоби жуда қаттиқ бўлишлик.
15. Мунофиқнинг сифати пайдо бўлишлик.
16. Охиратда хеч қандай эътибори бўлмаслик.
17. Мусулмонларга зулм қилишлик.
18. Шайтоннинг яхши кўргани бўлишлик.
19. Аллоҳ таъолога осийлик ва хилофлик қилишлик.
20. Росулуллоҳ соллаллоҳу алайҳи васалламга хилофлик қилишлик.
21. Тутган рўзаси макруҳ рўза бўлишлик.
22. Ғийбат эшитгандан кейин адоват пайдо бўлишлик.
23. Сирлари ошкор бўлишлик.
24. Ғийбат сабабли таҳорати нуқсонли бўлишлик.

Ҳазрат Муҳаммад Абдулҳай Лакҳнавий раҳматуллоҳи алайҳ.

Hikoyalar (G&M)

21 May 2023 18:29

#нимадир.

Кеча ҳудди шу вақтда уйимни ёнидаги тез тиббий ёрдам бўлимига укол олгани чиққандим, ҳўжайиним билан.

Астматиклар ҳуруж пайти кўчага чиқса кўзи фақат скамейкаларни ёки қўл билан ушлаб суяниш мумкин бўлган жойларни кўради.

Манам ичкарига кириб амал-тақал битта ўриндиққа ўтириб олганман. Юрак тезлаб кетган, секинлашишини, сокинлашишини кутяпман. Чунки бу аҳволда муолажа олиш ҳавфли...

Сал ўзимга келгач, атрофни бир четдан кузата бошладим. Қарасам, фаррошлар плиталарни шунақанги ярақлатиб артибди-ки, қараб ўтириб завқим келди.

Чеҳрам яшнаганини кўриб турмуш ўртоғим ҳам "ҳа, яхшимисиз?" деб савол бериб қолдилар.

"Барака топсин, бўлмаса шу фаррошлар ўзи ҳеч қанча маош олмайди. Аммо сидқидилдан меҳнат қилгани таҳсинга сазовор. Биров дўқ уриб қилдирганми, яхши гапириб қилдирганми, нима бўлган тақдирда ҳам инсон ҳаққини ҳалоллагани қандай яхши!" деб жавоб бердим.

Тўғри, сал нарида шуваштириб артилган жойлариям бор. Аммо ман фақат тоза артилган жойларига қарадим. Юрагим секин аста эски ритмига қайтди ва камина муолажа хонасига қараб йўл олдим.

Бир қарашда постимда очиқламоқчи бўлган мавзуйим кўпчилик учун оддий мавзу! Аммо ақл эгалари учун бунда ҳам ўзига яраша ибратлар бор.

Тўғри, ҳозир бировнинг меҳнатини кўриб завқ оладиган, уни "ўлма, барака топ!" деб ғойибона дуо қиладиган инсонлар кам. Аммо "кўзи ёғ босиб қолган, назари қурумга тўлган ва яхшиликларни кўролмайдиган бўлиб қолган" фаришта зоти йўқ.

Улар яхшиликларни ҳар доим кўришади, гувоҳи ва шоҳидига айланишади. Қиёматда тўрт томондан тўртта фаришта келиб ҳатто ўзингизнинг ҳам эсингиздан чиқиб кетган қандайдир бир яхши амалингизни Парвардигорга эслатса, шоҳидликка ўтса бу дунё ҳазиналаридан ҳам аълороқ бўлган бир ҳазина эмасми?

Яхши инсоннинг шаънини қаердадир копток қилиб тепишаётган бўлса Аллоҳ розичилиги учун уни бир оғиз оқлаб қўйинг! Жим ўгирилиб кетманг...

Майли бу ишингиз ҳеч қаерда айтилмас, ҳеч қаерда очко ишлаб олиш ва чиройли кўринишнинг имкони йўқдир бироқ бу асли садақаи жория!

Сизни содда дейишадими, гўл дейишадими, фарқи йўқ. Биров биладими ёки билмайдими, нима бўлган тақдирда ҳам ўз ишингизни зўр, биров гап тополмайдиган даражада бажаринг!

Агар шунақа ҳар бир ишни сидқидилдан бажариш сифатингиз бўлса сиз фаррош бўлсангиз ҳам академиклар даражасидаги одамсиз!

Қиёматда Аллоҳ таоло "бу қулим дунё ҳаётида байтимни тозаловчи эди!" деса, "йўқ ман кичкинагина шаҳарда, умрим бўйи доим бир касалхонанинг полини артганман!" деб раддия билдиролмайсиз. Буни ҳатто зарурати ҳам йўқ.

Аммо ҳеч ўйлаб кўрганмисиз сиз ишлаган ўша кичкинагина касалхона остонасини босиб ҳар куни ҳар хил одам келиб-кетади. Ўша жойда туриб Азроил алайҳиссалом билан учрашиб, олди-бердисини ҳал қилиб оладиганлар ҳам бор.

Инсон яшаса аслан шундай яшаши керак: Ҳамма ишни асл устаси каби бажариб, одамларга завқ бериб, ишонч улашиб...

Кетса, дарахтларни мунғайтириб қўйиб, биноларни ичиктириб, остоналарни бўзлатиб...

Мен хаёл қиламанки: одамлар нима экан, сидқидилдан ишлаётган, ҳаққини ҳалоллаш устида заҳмат чекаётган бандасининг ишини, юмушини манимча Парвардигорнинг ўзи ҳам завқ билан кузатиб туради.

Комил ижодида комиллик нуқсини кўриб севинади...

Раҳмат ва мағфират назари билан боқади...

Ишимизга, қалбимизга, амалларимизга, юзимизга пок Парвардигорнинг ҳар кун, ҳар лаҳза назари тушиб турадиган одамлар бўлайлик.

©️Азизахон Исмоилова

Hikoyalar (G&M)

20 May 2023 08:50

Оилам бузилиб кетишидан қўрқиб кўрмаган чорам қолмади: эримга яхши гапириб ҳам кўрдим, ўша хонандага одам жўнатиб ​​йўлга солишга ҳам ҳаракат қилдим, лекин эрим кундан-кунга мендан совиб борарди. Аслида ўзига қарамай юрадиган аёллардан эмасдим, аммо барибир эримга ёқмай қолгандим. Рўзғордаги жанжаллар билан бўлиб, қайнсинглимдан хабар олиш ҳам ёдимдан кўтарилганди. Уни муддатидан олдин туғруқхонага олиб кетишганини эшитиб, қайнонам иккаламиз ўша ёққа югурдик. Аҳволи оғирлашиб қолган қайнсинглимни тезда жарроҳлик столига ётқизишди, лекин кўп қон йўқотгани сабаб аҳволи жуда оғир эди. Шифокорлар жарроҳлик йўли билан болани олиб Қизалоқ, ҳолва дейишдию, қувонишга ҳам улгурмай онанинг ҳаётини сақлаб қолиш учун киришишди. Қиз деган сўзни эшитган куёв қутириб кетгандек бақириб-сўкиниб дарахтларни тепа бошлади, қизингиз ҳам, қизи ҳам керакмас, олиб кетинг, деб қайнонамга удағайлаётган маҳалда ичкаридан ёмон хабар чиқди… Ўзини ҳолсиз курсига ташлаган қайнонам, кетди... дея олди, холос. Бунақа бўлишини кутмаган куёв нима қилишни билмай довдираганча қолаверди… Қизининг ҳасратида соғлигидан ҳам айрилган қайнонамнинг умри укол-дори билан ўтарди. Қайнсинглимнинг чақалоғига қараб қийналаётганимни кўрган қайнонам бироз ўзини қўлга олди, қизининг уч қизини ҳам олиб келди. Қудасига: Сизникида қизим рўшнолик кўрмаганди, қизлари кўрармиди. Ўлмасам ўзим қарайман, ўлсам келинимга топшириб кетаман, дебди жаҳл билан. Қудаси ҳам қўйинг, олиб кетманг демади. Шундай қилиб энди еттита бола бўлгандик. Синглисининг ўлимдан кейин бироз ақлини йиққандек бўлган эрим, кўп ўтмай яна эски ҳунарини бошлади. Энди янги баҳона топганди: Бу уй эмас, бозор деб тўнғиллаб чиқиб кетарди. Аслида булар шунчаки баҳона бўлиб, эрим ўша хонандага аллақачон уйланиб олганди. Бир куни ишга кетгани бўйича қайтиб келмади… Биз бир уй одам хавотир олиб ярим кечаси барча таниш-билишларга қўнғироқ қилиб, қидирсак, у эса жазманининг уйида туғилган кунини нишонлаётган экан… Эримни ўша хонандага бой бердим. Уйга қайтариш учун кўп ҳаракат қилдим. Ҳозир улар ҳақида гапиргим, ўзимни ерга урганларимни, ҳақоратларга, мазахларга чидаганларимни эсга олгим келмаяпти… Хуллас, эрим барибир кетди. Шундан кейин қайнонам билан қайнотам ўзгариб қолишди. Улар кўзимга қараёлмай мунғайиб ўтиришар, қайнсинглимнинг қизлари менга ортиқчалк қилмаяптимикан, деб хавотирланишаётганини сезардим. Эримнинг номардлигидан йиғлаб адо бўлмаслигимга ишим ёрдам берди. Энди бутун оиланинг ташвиши бир ўзимнинг зиммамда эди. Бир куни қайнонам: Келин, бизга ва қизимнинг болаларига қараш мажбуриятини олмагансиз, истасангиз ота-онангизникига кетишингиз ёки алоҳида яшашингиз мумкин. Бу нодон бола сизнинг қадрингизни билмади, қўшнилар ўғли ташлаб кетганига бир йилдан ошган бўлсада, келинининг бахтини боғлаб, хизматкорликка олиб ўтирибди дейишяпти… деди йиғламсираб. Менинг ҳам кўнглим бузилди кейин озиб-тузиб бир бурда бўлиб қолган қайнонамни бағримга босдим. Кўчанинг гапига эътибор берманг, ойижон. Юринг, овқатга уннайлик ҳозир болалар мактабдан, боғчадан келишади… дедим. Шундай қилиб, қайнонамникида умрбод қолдим. Болаларимни оёққа қўйишга ёрдам берган, оғир кунимда суянчиқ бўлган одамни ёрдамим керак бўлганда ташлаб кетармидим. Унда қайнонамнинг: Фаросатли келин танлаганман, деб мақтанишлари қаерга кетади…
Эрим бизни ташлаб кетганига беш йил бўлди, оғир кунларимиз ҳам ортда қолди. Қайнонам иккаламиз етти болани оёққа қўйиб, катта қилдик. Яқинда биринчи қизимни узатяпмиз. Қайнонам: Дадасини ҳам тўйга чақирайлик, деяптилар. Орқаворотдан эшитиб юрибман, эрим қилган ишидан қаттиқ пушаймон эмишу, аммо қайтиб келишга юзи чидамаётган экан. Балки қизининг тўйи баҳона келар… ​Хуллас, мен шундай яшадим. Кимдир эри бўлмасада, умрини қайнона-қайнотасига бағишлаган аҳмоқ, деди яна бошқа биров тўғри қилибсан, меҳнатингнинг самарасини болаларингдан топасан, деди… Кейин нима бўлишини эса фақат Худо билади, асосийси, кўнглимга қарши иш қилмадим, сизларга етказмоқчи бўлган ҳақиқатим шу эди…

Тамом...

Hikoyalar (G&M)

19 May 2023 08:38

#Диққат #Тарқатинг

⚡️Экстремизм ва терроризмга оид деб топилган материаллар номлари эълон қилинди

Ўзбекистонда тайёрлаш, тарқатиш ва намойиш этиш тақиқланган канал, гуруҳ, нашида номлари эълон қилинди.

❗️Яқинларга улашинг, ўзингиз билмаган ҳолда турли ақидапараст террористик оқимларга тушиб қолманг, огоҳ бўлинг👇👇

https://telegram.me/joinchat/AAAAAD_lW99cezw409xXGA

Hikoyalar (G&M)

06 June 2023 17:21

Manashu yerda turatursin …

Hikoyalar (G&M)

05 June 2023 08:57

Ижтимоий тармоқларга қозоғистонлик бир бола дипломини кўрсатиш учун отасининг қабри ёнига келди

"Дада, қаранг, нима олдим. Мен 2 синфни тугатдим ва энди учинчи синфга бораман",

@Hikoyalar

Hikoyalar (G&M)

03 June 2023 06:37

Японияда таҳсил олган бир ёш африкалик Facebook’даги саҳифасида шундай деб ёзганди:

"Мен Япониядаги беш юлдузли отелларни бирида меҳмон бўлгандим. Яшаётган меҳмонхонанинг ҳовузига чўмилиш учун борганимда, бассейнда мендан бошқа ҳеч ким йўқ эди. Сувда қистаб қолганди, шартта сувга чоптирвордим.

Бирдан... сув пушти рангга айланиб кетди ва сигнал чалинди. Дарҳол меҳмонхона ишчилари етиб келишиб, мени бассейндан чиқариб олишди.

Кейин улар сувни бўшатиб, ҳовузни тозалашларини ва мен меҳмонхонанинг муҳим ҳудудидаги тартибни бузганлигимни айтишди  (ичимдан дарз кетиш бўлди).

Шундан сўнг улар менинг хонамга қўнғироқ қилишди. Меҳмонхона котибаси менга паспортимни қайтариб берар экан, меҳмонхонани тарк этишимни сўради.

Бу меҳмонхонадан чиқиб, бошқа бир шунга ўхшаш, бассейни бор бўлган муқобилини излар эканман, ҳар сафар бирор меҳмонхонага кирганимда қабулхона ходими паспортимга қараб: “Кечирасиз, бу сизмисиз.... Эҳ...,” дея узр сўрашар ва мени қабул қилолмаслигини айтишарди. Аҳвол шундай давом этарди.

Оҳири менга ҳеч қандай меҳмонхонада қолишга рухсат беришмаётгани учун элчихонамга мурожаат қилдим.

Элчихонадагилар менга бассейни бўлмаган меҳмонхонага боришни маслаҳат беришди...

Япониядан чиқиб кетаётганимда паспортимга муҳр босар экан, паспорт нозири: “Умид қиламанки, сен яхшигина сабоқ олдинг", деди.

Бассейнга сийганимни бутун Япония билди. Бу ерда — уйимда эса, ҳукуматимиз давлатнинг хазинасидан миллиардлаб долларларни ким ўғирлаётганлигини ҳали ҳам билмайди."

Фейсбукдан олинди

👉 @Hikoyalar

Hikoyalar (G&M)

02 June 2023 15:47

Нозланяпти-да! Суробини тўғриласам, мушукдай мулойим бўп қолади.
— Мелисага топширворса-чи?...
— Унисидан қўрқмайман. Яхши кўрмаса, менминан умуман гаплашмасди. Гаплашяпти-ку!
— Йигити-чи?
— Қанақа йигит? Айтаверади-да ҳар балони!..
— Ўзинг биласан гапни калта қилди Вали.
— Бир гап бўлса, мени ваабще танимайсан.
— Келишдик.
— Унда мен таниш йигитлардан иккитасини ёллайман. Сен бизни қишлоқдаги ўша ҳовлида кутасан. Хизмат ҳақи эса икки минг кўкида бўлади.
— Гап йўқ дедим-ку! талмовсиради Маъмур.
— Шарофат меники бўлса бас. Пул деганининг юзига қараб ўтирмайман. Икки минг кўки ҳазилакам пул эмас. Ўғирликнинг турли кўчаларида тажрибаси ошган Вали бу пулларни негадир ҳалоллаб олишни хоҳлаб қолди.
Маъмур қўлга тушган тақдирда ҳам сотмаслигига ишонса-да, қиз ўғирлашнинг янги режасини тузди.
Шарофат тушлик пайти овқатини олиб ейдиган эркак таниш эди. Косалардаги овқатлардан бирига бошқа бир йигит орқали ухлатадиган дори қўштирди. Йигит ошпазга айнан шу косадаги овқатни тутқазишни уқтирди ва ўзи ҳам назорат қилиб турди. Кўрибсизки, Шарофат овқатни егач, кўз олди қоронғилашиб, кўнгли озаётганини ҳис этди. Пайтдан фойдаланган йигит дарҳол бир четда бекиниб турган икки нафар оқ халатли шерикларига қўнғироқ қилиб юборди. Бозорда ким суриштириб ўтирибди. Бозордагилар оқ халатдагиларни Тез ёрдамчилар деб ўй лашди.
Шарофат шу заҳоти махсус замбилга ётқизилиб, ташқарига Валининг Нексияси томон олиб кетилди. Маъмур машина етиб келгунга қадар хонтахтани ноз-неъматларга тўлдириб, оҳори тўкилмаган либосларда интиқлик билан висол онларини кутарди. У қаттиқ ишонарди. Қиз бола барибир кўз очиб кўрган йигитга кўнгил қўяди. Яқин ўтмишини унутиб, ўша йигитгагина қалбини очади.
Ниҳоят ташқарида машина чўзиб сигнал чалди. Маъмур ҳовлиққанча чиқиб дарвозани очди.
— Тез ичкарига олиб киринглар! буюрди Вали йигитларга.
— Маъмур, ўн дақиқадан сўнг ўзига келиши керак. Лекин ҳушёр бўл! Бу жуда қалтис иш.
— Буёғини ўзимга қўйиб беравер, ошна! деди кафтларини бир-бирига ишқалаб Маъмур.
— Мана, ваъда қилинган пуллар!
— Сотиш йўғ-а? эҳтиёт шарт қайтадан сўраган бўлди Вали.
— Менга ишонмайсанми нима бало? Ўша гап-гап!
Дарвозани ичкаридан тамбалаб келгач, Маъмур Шарофатнинг тепасига келиб ўтирди. Бирпас унинг гўзал чеҳрасига термилиб қолди. Барибир сабри чидамади. Уйғонишидан, кутилмаганда бақир-чақир қилишидан қўрқди ва шоша-пиша ечиниб қизнинг бағрига кирди…
Шу паллада дори таъсири тугаб, қиз кўзларини очди ва беихтиёр Маъмурнинг кучли қўлларидан халос бўлишга урина бошлади.
— Нима қиляпсан, ифлос? Қ-қўйвор-р!... Қўйвор дедим!...
— Йўқ, деди уни маҳкам кўксидан босиб Маъмур.
— Сенга берган ваъдамнинг устидан чиқдим, асалим! Энди сен меникисан. Фақат меники…
— Йў-ў-ўқ!
Шарофатнинг ҳайқириғи мисоли бутун дунёни тутди. У жонҳолатда Маъмурнинг дуч келган ерига чанг солар, ўкириб-ўкириб йиғларди.
Йўқ, нафс исканжасига банди бўлган, ҳисларини жиловлай олмаган Маъмур барибир қизнинг кўнглидан жой ололмади. Гарчи номуси поймол этилган бўлса-да, Шарофат эртаси куниёқ милицияга арз қилди.

Олимжон ҲАЙИТ.

Hikoyalar (G&M)

01 June 2023 15:26

Унинг исмини телефонимга "Хадича" деб ёзиб қўйдим, лекин бу ҳақида ўзига индамаган эдим. Бир куни қўл телефонимни олиб ундан фойдаланмоқчи бўлди... Қараса телефонда нотаниш бўлган "Хадича" исми турган экан. Дарров шу заҳоти қони қайнаб, пешонасидан тер доналари чиқиб кетди... Қаттиқ хафа бўлиб мендан Хадичани ким эканлигини сўради. Мен ўзимни иккилангандай тутиб, саволига жавоб бермадим. Яна ҳам хафалиги зиёда бўлиб:
–«Айтинг, жавоб беринг. Мени кўзларимга қараб айтинг...» деди. Ва ниҳоят унга жавоб бердим:
–«Унинг ўзидан сўра...».
У бўлса:
–«Жуда яхши, ўзидан сўрайман...» деди. Телефонга Хадича исми билан ёзилган инсонга қўнғироқ қилиши билан ўзининг қўл телефонини жиринглаган овозини эшитиб қолди. Телефонига қараши билан қўнғироқ қилаётган инсон мен эканлигимни кўриб, хайрон бўлиб жим бўлиб қолди... Ҳеч нарсани англаб етмай телефонига қараб деди:
–«Мени исмим Хадича эмас-ку...!».
Шунда мен:
–«Сифатинг-чи? Меҳринг-чи? Мени тушунишинг-чи? Менга бўлган муҳаббатинг-чи? Мендан хавотир олишларинг-чи? Сен менинг оиламсан. Сен бу дунёдаги бутун мол-у давлатим... Сен менинг номим ва шарафим, айбларимни яширгувчимсан, ИншаАллоҳ Олий Фирдавсдаги рафиқамсан... Сен менинг аёлимсан...»
Қўлларим билан унинг ёноқларидан оқиб тушган кўз ёшларини артар эканман, сўзимда давом этдим:
–«Энди билдинг-ми Хадича ким эканлигини...?»
У шундай жавоб берди:
–«ИншаАллоҳ шундай ҳам бўламан. Юзингизни асло ерга қаратмайман...».

Меҳрибон Роббимиз Аллоҳ! Биз Сендан Ўзинг рози бўладиган, икки дунёларимиз учун хайрли бўлган ҳалол ва пок муҳаббатни барча ака-ука, опа-сингилларимизга сўраб қоламиз... Барчаларимизни аҳли-оилаларимизни мустаҳкам қилгин! Фароғат қасри бўлган оила қурганлар ва бу бахтга эришиш арафaсида турганларнинг ўрталарига отамиз Одам алайҳиссалом ва онамиз Момо Ҳавво, Ҳабибимиз Расули Акрам соллаллоҳу алайҳи васаллам ва онамиз Хадичаи Кубро, Али карромаллоҳу важҳаҳу ва Фотимаи Заҳро оналаримизнинг ўрталарига солган оташин меҳр-муҳаббат ва маваддат, ўзаро ҳурмат, меҳр-шафқат, вафо-мурувват, илоҳий бахт-у саодатни солгин! Устиларимиздан Ўзингнинг раҳматинг, мағфиратинг, қут-барокотингни ёғдиргин! Амийн!

Улар сизга либосдир, сиз уларга либосдирсиз...

(Бақара сураси 187-оят

Hikoyalar (G&M)

01 June 2023 06:20

Erkaklar ko’rishi shart bo’lgan videokontent

Hikoyalar (G&M)

29 May 2023 03:47

Hozirgi va ertangi zamon...

@Hikoyalar

Hikoyalar (G&M)

28 May 2023 18:24

Har kim Hulosani O’zi chiqaradi.
Izohsiz …

Hikoyalar (G&M)

27 May 2023 04:42

Қурилиш қилиб, бозорга бордим. Тахта бозор. Усталар "5*3 река керак", деди. Бозордан река қарадим. Нархи 5500 сўм экан. Бир сотувчи айтди "ака, сизга 5*3 керакми? Булар 5*3 дегани билан шунча чиқмайди. Мана...", деб ўлчаб берди. Ҳақиқатда 4*2 экан. 5*3 олиш учун 6*4 деганидан олиш керак экан. Рози бўлиб, 6*4 олдим. Усталар бўйини 6 метрлик бўлсин деган эди. 6 метрлик сўрадим. "Мана", деб дарров юклашни бошлади. Бирдан каллага фикр келиб қолди. "ука, метрни олинг", дедимда ўлчадим. 6 метр деб сотилган река 5*70 экан. Ҳам энидан, ҳам бўйидан....

Юртда барака йўқ. Савдо йўқ. Қимматчилик....

Усталар билан ғишт уришга шартнома қилдим. Ғиштни урганидан эмас, машинада келганидан санар экан. Зилда келган ғиштни эринмай доналаб санадим. 5000 та дейилган ғиштдан инсофлиги 300 та, стандарти беш юзта кам келар экан. Уста шуни билгани учун урганидан эмас, келганида. Ҳисоб олар экан. Ҳам машинада келганидан, ҳам устадан олиб ейсиз.

Юртда барака йўқ. Савдо йўқ. Қимматчилик...

Усталар ҳаммаси "дом строй"га (қурилиш материаллари сотадиган катта дўкон) етаклайди. Усталар у ердан карта очиб олган. Пластикка ўхшаган. Уйни эгаси бориб савдо қилади. Устага ўн фоиз картасига пул келиб тушади.

Юртда барака йўқ. Қимматчилик....

Бир ака антифриз чиқардилар. Антифриз қоғозда ёзилгани каби -20 градус ва -40 градуслик чиқди. Бозордаги ҳамма маҳаллий антифриздан қиммат. Сабабини тушунмай, ҳамма антифризларни олиб келиб, -5 градус холодильникка қўйилган. Уч соатда ҳамма антифриз тахта бўлиб қолган. Ишлаб чиқарувчиларга ҳолат видеога олиб юборилган. Ҳожи акалар парвойига ҳам олмаган.

Юртда барака йўқ. Қимматчилик.... эканини айтишади.

Ўртоғим бензин заправкада ишлайди. Энг инсофлик заправка ўнига бир литр, қолганлари икки литр урар экан. "Мени билганим урмайдигани йўқ", дейди. Ҳамма билар экан шундайлигини.

Юртда барака йўқ, ҳаммаёқ қимматчилик эмиш.

Бошқа бир танишимни иши порасиз, откатсиз битмас эмиш. Пора бермаса, давлат ташкилотлари олмас эмиш.

Айтишича, Юртда барака йўқ. Аввалгидай савдо йўқ эмиш.

Уйфурушларга уйингизни сотмоқчи эканлигингизни айтасиз. Бўлди, нақдга ўзимиз оламиз, деб баҳолайди. Табиийки сиз қимматроқ нарх хоҳлайсиз. Уёғига тузоғига тушганингиз шу. Каналида эълон беради уйингиз сотилиши ҳақида. Сиз клиэнт кутасиз. Уйингизни олмоқчи бўлган харидор уйфурушга телефон қилади. Уйфуруш у уй сотилганини, истаса бошқа уй борлигини айтади. Сизга эса ҳамтовоғини жўнатади. Ҳамтовоқ уйингизни кўриб, дастлабки уйфуриш айтган нархдан анча паст баҳо айтади. Шу тариқа учинчиси, тўртинчиси келиб арзон нарх айтаверади. Тоқатингиз тоқ бўлиб, биринчи айтган нархингизга ўзингиз олиб қўя қолинг, дейсиз. Ҳоп, дейди деб ўйлайсизми? Содда бўлманг. Энди уйингизни биров олмаётганини. Бошида берганда майли деб олишини, ҳозир эса яна беш юз ёки минг арзонга олиб қолишини айтади. Пул зарурлигидан рози бўлиб юборасиз. Бу приёмни ҳаммага ҳам қилмайди. Пул зарур, "пожар" деган одамлар "жирний" клиэнт.

Ҳа, айтганча, жума куни маклер акаларимиз ишлашмайди. Дам олиш куни.

Бозорда кабелчилар бор. Давлат муассасаларига, қурилиш объектларига сим сотишади. Улгуржи. Заводдан кабелни олиб, чўзишади. Хато эшитмадингиз. Эшилади. 2*2.5 кабель, 2*2 ёки ундан ҳам камроққа, метри кўпроққа айланади. Заводни упаковкасини қайтадан қилиб, сизга беришади. Бутун бошли катта заводлар қуриб, кабель сотиб ётишибди. Цехда қилинган, бирортаси айтилган талабга жавоб бермайдиган кабеллар. Лекин тонналаб, навбатга қўйиб сотишади. Откат бор экан, кабель сотилаверади.

Лекин Аввалгидай савдо йўқ. Барака йўқ экан.

Бу каби ишларни саноғи йўқ. Оддий сода бор. Совет давридан бери 500 гмлик қадоқда бўлар эди. Грами камайиб, камайиб, 250 гмга тушган. Билмаган "ҳақиқийси фалончида қиммат экан, мана бу арзон сотади", деб олаверади. Ичи тўла бўладиган гугурт ярим бўлиб қолган. Сантиметрлаб, миллиграмлаб урилаверади. Камаяверади.

Цементга қум қўшаётганлар, сутга сув қўшаётганлар ҳеч кимга сир бўлмай қолган.

Машина бозорга чиқсангиз ҳамма машинани доктор ёки ўқитувчи минган. Ишга бориб келган бўлади. Уч марта думалаган машинада озгина петно бўлади.

Hikoyalar (G&M)

26 May 2023 08:47

​Даҳшатли хавф қаршисида турибмиз

Бир нарсани ўйлаб қолдим: бугун ижтимоий тармоқлардан, айниқса Телеграмдан фойдаланмайдиган одамни топиш қийин. Сўнгги воқеалар ривожи шуни кўрсатмоқдаки, диний мазмундаги маълумотларни кимгадир, айниқса гуруҳларга йўллаш ортидан қамоққа равона бўлиш ҳеч гап эмас.

Энди масаланинг бошқа жиҳатига қарайлик – биламизки, Телеграм профилларимиз тўла ҳимояланмаган. Бунинг ортидан жуда кўпчилигимиз унинг бузиб кирилишидан, номимиздан барча таниш ва нотанишларимизга, энг чатоғи – аъзо бўлган гуруҳларимизга ҳакерлик хабарлари жўнатилишидан азият чекдик, хижолат бўлдик.
Туппа-тузук одамлардан келган “Мен президент тарқатаётган 688 минг ёрдам пулини олдим. Сиз ҳам олинг, мана бу ҳаволани босинг” деган мазмундаги хабарларни эсланг.

Хўш, хавф нимада? Ўша ҳакерлар профилимизни бузиб кириб, оммавий тарзда диний материаллар тарқатишса нима бўлади? Айбсизлигимизни исботлагунча қанча асабимиз ва вақтимиз кетади? Исботлай олмасак-чи?!

Янада хавфлиси – қайсидир тузилмалар ўзларига ёқмаётган, “тили чиқиб” қолган, оқимга қарши сузмоқчи бўлганларни шу усул билан осонгина қафасга тиқиб олмайдиларми?!

Хуллас, мен хавотирга тушдим, сиз-чи?

Аброр Зоҳидов

@az_sss

Hikoyalar (G&M)

23 May 2023 10:05

Sogʻinchning ismi - Ona.
Uning yana ismi juda ham kam sonli kishilargagina tanish, lekin u joylashgan yurtning ismi - Oʻzbekiston. Sogʻinchning ikkinchi ismi - Oʻzbekiston.

Alloh Sogʻinchlarimni doim ofiyatda qil. Har birining ostonasini koʻzga surib, omonlikda koʻrishishni nasib et. 🤲🌹🕊🌹


/channel/ilmSafariAmman

Hikoyalar (G&M)

21 May 2023 19:35

#уламолар
ОТА-ОНА АФЗАЛМИ ЁКИ УСТОЗ?

Шайхулислом муфтий Муҳаммад Тақий Усмоний ҳафизаҳуллоҳ айтадилар: “Кунларнинг бирида Мисрнинг катта фақиҳларидан бўлмиш шайх Абдулаҳад Азҳарий каминанинг ҳузурида меҳмон бўлдилар ва бир мажлисда кўпчилик жамоатнинг олдида ниҳоятда гўзал тарзда Қуръон қироат қилдилар.Сўнгра ўзаро суҳбат бошланди.
Шунда мажлисда ўтирганлар ўртасида “Қуръон Араб диёрида нозил бўлган,Мисрда қироат қилинган ва Ҳинд диёрида тушунилган”,-деган гап айлана бошлади.

Бу гапни эшитгандан сўнг Абдулаҳад Азҳарий ўзлари билан бўлиб ўтган қуйидаги воқеани сўзлаб бердилар:
“Бир куни мен Масжиди Набавийда ҳозир бўлдим.Айрим мухлис уламолар каминани юқорига ўткизиб,уларга насиҳат қилишимни айтдилар.Уларга ваъз қилганимдан сўнг ўзаро савол-жавоблар бошланди.Шу орада кимдир “Устознинг мартабаси улуғми ёки ота-онанинг мартабасими?”,-дея савол берди.
Мен:
“Баъзи уламолар узтознинг мартабаси улуғ эканини ёзганлар.Чунки ота-она фарзандни пастликка,яъни дунё тарафига юришига кўмаклашсалар, устоз эса, болани пастдан юқорига кўтарилиши йўлида меҳнат қилади”,-деб жавоб бердим.
Шунда ўрта ёшли бир киши:
“Сизнинг бу жавобингизни тушуна олмадим”,- деди.
Мен унга:
“У ҳолда ўзингиз тушунтириб беринг”,-дедим.
У киши деди:
“Саҳобалар замонидан буён аввало, Аллоҳнинг китоби,сўнгра Пайғамбаримиз алайҳиссалом суннатлари,сўнгра саҳобаларнинг амаллари ва охирда қиёс жорий бўлиб келмоқда.
Сиз юқорида айтган гапингизда биринчи қиёсдан далилландингиз.
Ҳолбуки, ота-онанинг мартабаси насс (яъни ояти карима) билан собит бўлган.Сиз келтирган далил эса,қиёсдир.Зеро, Қуръони карим бирор нарсанинг фазилати борасида ворид бўлган бўлса ва унинг хилофига бошқа бир насс (матн) келмаган бўлса, у ҳар ҳолатда афзал саналади”.
Бу гап мен учун катта дакки каби бўлди ва ўзимга ўзим бу дакки етишига қандай йўл қўйдим, деб ўйлай бошладим.Ваҳоланки, усулий қоидага биноан, бирор нарсанинг фазилати ёки савоб ҳамда азобга ҳақли бўлишини исбот қилиш учун дарҳақиқат насс (яъни ояти карима) бўлиши ёки муттасил санад билан келган Пайғамбаримиз соллаллоҳу алайҳи ва салламнинг сўзлари лозим бўлади.
Кейин мен у кишига:
“Ҳақиқатда, мендан хато ўтибди.Бу борада яна тушунча берсангиз”,-дедим.
У киши деди:
“Абу Лаҳабнинг Сувайба исмли озод қилган чўриси бор эди.У бир неча кун Пайғамбаримиз соллаллоҳу алайҳи ва салламни гўдаклик чоғларида эмизганди. Кейинчалик,Сувайба бир бор ташриф буюрган вақтда Пайғамбаримиз соллаллоҳу алайҳи ва саллам ўзларининг муборак саллаларини унинг йўлига ёздилар ва у аёлга жуда юксак эҳтиром кўрсатдилар. Ўйлаб кўрингчи,сут эмизганга шунча ҳақ берилса, туғиб, катта қилган кимсага қандай улкан ҳақдорликлар бўларкин?
Бошқа жиҳатдан қараганда,ҳазрати Жаброил алайҳиссалом бир эътибордан Пайғамбаримиз соллаллоҳу алайҳи ва салламнинг устозлари бўладилар.Лекин, Жаброил алайҳиссалом Пайғамбаримиз соллаллоҳу алайҳи ва салламнинг ҳузурларига ташриф буюрганларида юқоридаги каби икром қилиш ҳолати кузатилмаган”.
Кейин мен дедим:
“Мен сизнинг жавобингиздан хотиржам бўлдим.Аллоҳнинг каломи ва Пайғамбаримиз соллаллоҳу алайҳи ва салламнинг амалларидан сўнг менга бошқа бирор нарса зарур эмас”.
Сўнгра у киши чиқиб кетди.
Мен:
“Эҳтимол,у киши катта фақиҳ олим бўлса керак”,-деб ўйлаб қолдим.
Шунда мажлисда ўтирганлар:
“Бу киши Ҳиндистондаги Дорул-улум Девбанднинг ҳадис фанидан устози шайх муфтий Саид Аҳмад Боланпурий* бўладилар” дейишди. (Мажалису Усмоний)дан.
Абиев Ҳикматуллоҳ
“Аҳмаджон қори” жоме масжиди имом ноиби.
fitrat.uz

*Устоз Ёрқинжон домла рохимахуллох сўнгги пайтларда қилган кўпгина сухбатларида: "Хазрат домлам айтдилар...",-деб шу кишини айтардилар ва
"Сунани Термизий"га ёзган шархларидан илмий маърузалар қилардилар.
Аллоҳ икковларини ҳам ўз рахматига олсин!
Омийн!
20/05/2023 йил.
Odilhon Aliev

Hikoyalar (G&M)

20 May 2023 13:28

Bolalaringizni begona bilan ketmaslikni o'rgating!

@Hikoyalar

Hikoyalar (G&M)

20 May 2023 08:50

Хаётий.
Ўқишни тугатишим билан ишга жойлашгани ҳам қўймай дадамнинг танишига узатишди. Куёв бўлмиш мусиқа билим юртини тугатган, дунёқараши кенг, хушмуомала йигит бўлиб, биринчи учрашувдаёқ кўнглимга ўтиришди. Тўйдан олдин одамларнинг қайноналар ёмон бўлади, минг қилсанг ҳам келинни ўз фарзандидек кўрмайди деган ваҳималарини кўп эшитганим учун бегона уйда бироз чўчиб юрдим… Лекин қайнонам на муомаласи, на муносабати билан ёмонлик қиладиганга ўхшамасди. Аксинча, кундан-кунга у кишини ўз онамдек яхши кўриб борардим. Айниқса, биринчи фарзандимга ҳомиладор бўлганимда қайнонамни янада яқиндан билганман. Маҳалладаги бошқа келинлар инқиллаб каллаи саҳарлаб кўчага сув сепиб, супуриб юрса, қайнонам оғироёқ ҳолингизда ҳар куни челак-челак сув кўтаришингиз шартмас, тонг-саҳардан турманг, бироздан кейин қайнсинглингиз ёки ўзим супириб оламан, деб қўймасди. Уйдаги оғир ишларни ўғлига айтиб қилдирар, хотининг ҳомиладорлигида яхши қарасанг, болаларинг соғлом бўлади, аксинча қилсанг, эртага умринг болаларингни дўхтирма-дўхтир олиб юриш билан ўтади. Кун бўйи тик оёқда иш қилиб, асаблари чарчаган аёлнинг боласи ҳам инжиқ, йиғлоқи бўлади, деб тушунтирарди. Турмуш ўртоғим баъзида Ойи, келинингизни жуда эркалатиб юборяпсиз, эртага дангасаликка ўрганиб қолса, ўзингизга малол келади, деб кулиб қўйса, қайнонам: Ишинг бўлмасин, келинимнинг фаросати жойида, деб қўярди. Қўшни келинларнинг менга роса ҳаваси келарди. Улар ҳомиладор ҳолида ҳам иссиқ ошхонада тоғора-тоғора пишириқ пишириш, хамир қилиш, ҳовлию кўчаларни супириш, қучоқ-қучоқ кирларни ювиш каби юмушларни бажаришарди. Бизнинг уйда ҳам бу юмушлар бажариларди, фақат уни қайнонам, мен ва қайнсинглим бараварига қилардик. Бир куни қўшни келинлардан бири: Сизга мазада, қайнонангизнинг бурнидан ип ўтказиб олгансиз, ҳамма ишни ўзи қилади. Бунга қандай эришгансиз, бизга ҳам ўргатинг. Мен у ёғим оғрияпти, бу ёғим оғрияпти, деб ёлғондан инқилласам ҳам қайнонамнинг сира жони ачимайди. Артистликни қўйиб, ишингизни қилинг, биз ҳам ҳомиладор бўлганмиз, дейди. Лекин сиз жуда шум экансиз, деб қолди. Уятдан ерга кириб кетай дедим. Ҳеч қанақа шум эмасман, дедиму, қайнона-келин муносабатимиз ташқаридан қандай кўринишини тасаввур этиб, хижолат чекдим. Бу гапларни ичимга сиғдиролмай қайнонамга айтдим. Улар индамай тингладиларда, кейин: Кўчани гапига эътибор берманг, туринг, кечки овқатга уннайлик ҳозир дадангиз билан эрингиз ишдан келади, деб яна ишга киришиб кетдилар. Шу тарзда аҳил-иноқ яшаб, кетма-кет фарзандлар кўрдим. Бу орада қайнсинглимни узатдик. Эрим мусиқа ўқитувчиси эди, шаҳар маданият бўлими бошлиғи лавозимигача кўтарилди. Қайнонам гоҳ койиб, гоҳ яхши гапириб рўзғор ишларини ўргатди. Барча ишларни ўз зиммамга олиб, болаларни биргаликда катта қилдик. Мактабда бошланғич синфларга дарс берардим. Ишдалигимда қайнонам болаларимга қарар, уларни ўқитиш, мусиқа мактабига олиб бориш, майда-чуйда ишларни ўргатиш барча-барчаси қайнонам ўз зиммасига олганди. Уларга ўзингизни кўп уринтирманг, десак бекордан Худо безор деб қўярдилар. Лекин ҳаёт ҳаммавақт ҳам бир текис кечмас экан. Эрим кундан-кунга инжиқ, қўрс бўлиб бораётгани етмагандек бу ёқдан қайнсинглимнинг ҳам оиласи нотинч эди. У кетма-кет уч қиз фарзанд кўргани учун ўғил ниятида яна ҳомиладор бўлганди. Лекин эри эри яна қиз туғадиган бўлсанг, туғруқхонада тўғри онангникига жўнайсан, деб таҳдид қилишини қўймасди. Оиласи тинч бўлмаганга яраша соғлигини ҳам йўқотган қайнсинглимга шифокорлар туғишни тақиқлашди. Қайнонам гоҳ қизига, гоҳ ўғлига қараб, нима қилишни билмасди. Ҳар куни базму жамшидлардан ярим кеча маст ҳолда келадиган эрим бир куни менга: Учта болангни олу, уйимдан йўқол, деди. Мастликда нима деяётганини билмаяптида, деб индамай қўя қолдим. Лекин у жиддий гапирарди... Қўл остида ишлайдиган аллақандай хонандага ўралашиб қолган эрим энди кунда жанжал қилар, менга хотин сифатида ўлгудек зерикарлисан, нуқул уй-жойни қиртишлаганинг қиртишлаган, эрни кутиб олишларни, ноз-карашмаларни билмайсан! деб таъна қиларди.

Hikoyalar (G&M)

19 May 2023 07:27

Фарзандларимизга ўз ватанида маоши четда ишлагандан баланд бўлган иш бериш қудратига эга бўлайлик! Фарзандларимизга яхши билим бериш имкониятидан хар бир юртдош фойдалана олар даражада кенг эшиклар бўлсин!

Ижтимоий тармокларда ру́й бераётган вокеа-ходисаларни, яъни бири у́з фарзандини йил давомида калтаклаган бу́лса, иккинчиси шафкатсизларча бир эмас, икки фарзандини бу́гиб у́лдирган иблисларни ку́риб, бир хикоя ёдимга тушди:

"Бир Судья ишини ўзгартириб, ўқитувчилик касбига ўтиб кетибди. Танишлари у нега бундай қилганини сўрашганида, у шундай жавоб қилибди:

- Менга келган судланувчиларга разм солсам, уларнинг аксарияти ё ўқимаган ёки тўғри қарашга эга бўлмаган одамлар эканлигига гувоҳ бўлдим ва мен ўзимга "Барглар билан шуғулланиш ўрнига, илдизни тўғирлашимиз керак" деган хулосага келдим.

Саводсизлик қанча кам бўлса, жиноят шунча кам бўлади. Жамиятнинг ривожи учун сифатли таълимнинг ўрни бебаҳодир.

Фарзандларимизга илм, билим берайлик, токи мудхиш жиноятларга ку́л урмасин!

Фарзандларини гўдаклик чоғиданоқ уриб ташлайдиган ота-оналарга улуғ олим Пифагорнинг бир гапини эслатаман: «Қабрингиз устида йиғлай олишлари учун фарзандларингизнинг кўз ёшини тўкманг»

@Hikoyalar