أعضاء قناتي الأعزاء

تحت هاشتاق #محتوى_الكتب🌸 ح اتشارك معاكم في القناة من هنا ورايح اقتراحات القراءة من الكتب والروايات حسب أذواق اعضاء النادي الخاص بي

نادي القراءة والبودكاست مع تنزيل ✨

القروب بتاعنا مشاء الله اللهم بارك حاجة كدة ما عادية❤️❤️

متكيفة منهم شديد ومتكيفة عشان أنا لميت الناس العندها كلها شغف واحد في مكان واحد ✨.

ولأني بشجعهم على القراءة ودائماً كنت بقول ليهم أنا ح ارفع اقترااحاتكم في قناتي

اها الليلة قررت خلاص بجدية اعمل كدة

يلا تعالو نشوف مع بعض اميز الإقتراحات الإنطرحت في النادي😍👏🏼واصحابها قالو عنها شنو ؟؟!


⁃ أي كتاب /رواية حتنزل بالنبذة الخاصة بصاحبها(يعني الوصف ما منسوخ من اي موقع او قناة ..لا ده رأي القارئ نفسه بيشارك تجربتو لينا✨.

⁃ الكتب حتترسل هنا او بس اشارك رابط تحميلها مباشرة من وحدة من قنوات الكتب عندي .. "مكتبتي او كباية شاي ".

ــــــــــــــــــــــــــــــــــــــــــــــــــــــ

محتوى جديد وخاص✨

المهتمين ومتحمسين ؟ اجدعو لايك(❤️)

Tanzeel Saber.

Читать полностью…

#هذا_المساء❤️

"آنسة جو" قالت:

من شوي شفت اقتباس جميل جدًا ولمسني بيقول :

‏İ hope you find someone who speaks your language
‏So you don't have to spend an entire lifetime translating your soul . ) "

و‏معناه :
‏( أتمنىٰ أن تَجد شخص يتحدث لغتك حتىٰ لا تضطر إلىٰ قضاء حياتك كلها في ترجمة روحك❤️ . )
...

وانا بقول:

انا بتمنى في اللحظة دي كلنا نلاقي اشخاص كمان مش شخص واحد يتحدث لغتنا.

لأنو حاسّة بإمكانّا نكون محظوظين ونتوفق في إختيار أشخاصنا المُلائمين لأرواحنا وتكون لغتهم نفس لغتنا .

وبصراحة اتمنى رحلة بحثي الشخصية تكون موفقة ، بعترف الطريق مش سهل وفي الغالب بيوجع ومُتعب بس لم النتيجة تجي على مقاسك بالضبط؟ بتعوّض وتنسي المُرّ❤️.
...

والمُتعة في الرحلة بقولو مش في الوصول صح ؟!

فنحاول نستمتع على قدر ما نقدر
نتعب اوك عادي
نيأس اوك
نقرر فجأة نقنعَ ونقفل على روحنا
ويمكن نفتكر رحلة البحث ما تستاهل كل ده أصلاً ..

بس في الآخر
وبصراحة يعني
ما بتتعاش بدون وِنس

الدنيا ما بتتعاش ياخ.
فإن شاء الله كلنا نوفٌق في اختياراتنا ♡゙."

ــــــــــــــــــــــــــــــــــــــــــــــــــــــ
Tanzeel Saber

Читать полностью…

قد تكون دي آخر فرصة للتذكير!📣

الإشتراكات المدفوعة لـ جيميني برو 🚀القدمتها ليكم قبل يومين على وشك النفاااااذ !!

وحقيقي دي فرصة ممكن ما تتكرر قريب🔥

العروض الـ زي دي عندي ناس اصحابي طوالي بوروني ليها عشان عارفين عندي كمية طلاب واصحاب محتوى ومنصات طبية وبزنس بحتاجو ليها.

وانا بدوري بحاول انشرها على اكبر نطاق.

اها أنا مشيت سألت سعر التفعيل ده نفسو من ناس تانين وفيهم ناس بعرفهم لقيتو بترواح ما بين 66,60,55 اقل شي لو حيجاملوكم عشاني 50 ألف.

وده تفعيل بكون شهر!!

*لاحظو ناس مؤسسة الإحسان بتديكم ميزة تفعل جيميني برو سنة ونص🔥🔥بـ 30 ألف بس !!*

- وليه ؟؟

لأنو الشركة البتفعل وعاملة العرض دي متعاقدة مع Google و العرض فيه كمية محدودة ممكن ينتهي في أي وقت 🚫.

طيب هل الحسابات المدفوعة لجميني برو حتكون مشتركة ولا حساب خاص بي؟؟

- حساب خاص تماماً بفعلوهو ليك في إيميلك الخاص 😍

- مدى مصداقية العرض ؟ وممكن يتلغي بعد شهر او شهرين ؟؟😖

ان شاء الله ما حيتلغي❤️لأنو العرض ده فتحوهو ناس الشركة من اول السنة و في ناس بعرفهم فعلوهو من زمان و شغالين بيهو لحدي هسا🔥

الفرصة دي انت كسبان فيها كسبااان💯.

☎️تواصل؟
@Tanzeel99

Читать полностью…

عاااااااااااااجل 📣📣

⭕️ لفترة محدودة جدا ⚠️

متوفر اشتراك
Gemini Pro 🎖 (Google AI one Pro)

لمدة 18 شهر (سنة و نص) بـ 30ألف فقط 🔥

وللما عارف سعره بدون العرض حقنا دا ؟؟

3 مليار و 200 ألف 😂💔
و هسا ب36 ألف بس ✨

مُميزات الإشتراك 🎖:

🔵 تقدر تستخدم أحدث موديل من جيمناي في نفس لحظة نزولها (حالياً جيمناي 3.8 و جيمناي 4 قرب يطلع) الحساب حقك حالياً شغال بجيمناي 3.5 القديم

🔵 ذاكرة قوقل درايف حتبقى من 15 قيقا لـ5 تيرا بايت (5120 قيقا ) ممكن ترفع فيها صورك و ملفاتك و تعمل نسخة إحتياطية من الواتساب عشان رسائلك تاني ما تضيع

🔵 باقة ضخمة جدآ للصور و الملفات و تقدر تولد صور بجودة أكبر و بأضعاف الحساب العادي

🔵 Notebook LLM حيكون عندك متاح بباقة ضخمة و دي ممكن تبحث عنه للما بيعرفو عشان حاجاتو كتيرة شديد

🔵 بتقدر تعمل فيديوهات ذكاء اصطناعي بس عددها كم ما جربناه

🔵 بتقدر تستعمل ميزة البحث العميق و دا مهم لناس البحوث

🔵 بتقدر تستخدم جيمناي في يوتيوب و تخليهو يلخص ليك الفيديوهات أو يديك معلومة من جوا فيديو معين في يوتيوب

🔵 جيمناي حيكون ليك مدمج بالإيميل و كل تطبيقات قوقل

🔵 Gemini Spark

و دا AI agent بتكلفو بمهام يعملها بدلك يجهز ليك Presentation او يعمل ليك PDF لحاجة معينة او يقرا بدلك الإيميلات و يديك ملخص كل يوم و ممكن يعمل Automation للمهام البتديها ليهو.


للتواصل والإستفسار؟!

Whatsapp:
+249997486454
Telegram:
/channel/Tanzeel99

نقلا عن مؤسسة الإحسان الطبي للتعليم🚀

Читать полностью…

الناس البتحب وضعية المشاهد👀

حقو تجو تدو طلّلة سريعة على الكومنتات في قناة مكتبتي . 🔥❤️

/channel/Gedo_Library/54658

اما انا ناسي من قناة الواتسب؟
it's TANZEEL PODCAST

فـ أنا حالياً مستمعتة خالص وانا بقرا في الكومنتس 🥰

و أصلاً بعترف قاعدة احترم جداً عقلية ووجهات نظر ناسي شديييد ❤️❤️❤️❤️✨ فعلٱ عندي أرهب متابعين

...

يلا كل المشاركات او اغلبها زي المرة الفاتت حتترفع.

لكن حالياً خلوني اسمع رآيكم 👇🏻

رابط قناة الواتس اب
https://whatsapp.com/channel/0029VayVyn7A89MpgD1hGY0v/1316

Читать полностью…

#هذا_المساء

"كنت أمقت كوني حساس،
ولكن، خذ هذه الصفة الواحدة مني
وستأخذ جوهر ما يجعلني أنا فعلًا،
ستأخذ ضميري،
وتعاطفي، وحدسي، وابداعي،
وتقديري لكل تلك الأشياء الصغيرة،
وحياتي الداخلية الصاخبة،
ووعيي العميق بألم الآخرين،
وفوق ذلك
شغفي بهذا كله❤️.

- كايتلن جابا

Читать полностью…

مسا مسا يا دكاترة ❤️✨

ناس "زنقة الكلاب"😂😔💔💔🔥

From 4th _6th Year

لو انت حاسس انو الإستكر ده في الصورة بعبّر عن حالتك؟؟

=فـالبوست ده طالع عشانك❤️
..

الليلة جاية اذكركم بكم حاجة كدة زابطة نشرتها سابقاً حتنفعكم في الوقت ده ان شاء الله🌷

عليكم أولاً بالاستشارات دي 👇🏻

⁃ إستشارة زابطة في السيرجري 💜

/channel/tanzeelmedicine/740

في الاوبس عندكم ديل 🩷:

/channel/tanzeelmedicine/783

/channel/tanzeelmedicine/790?single

⁃ ودي :

/channel/tanzeelmedicine/784

ديل كمان سميتهم "ساعة الصفر" اغلبيتهم نصائح 🌸:

/channel/tanzeelmedicine/642

/channel/tanzeelmedicine/645

/channel/tanzeelmedicine/650

⁃ بحب ارشح دائماً كمان لناس الكلينيكال اللستة دي :

/channel/tanzeelmedicine/596

⁃وكمان دي ازبط تجميعة قنوات🔥 :

/channel/ThirdyearExams/4486

ويلا مستحييييييل زول في الوضع ده ما ارشح ليه كورسات الكيسات من مؤسسة الإحسان 👏🏼🔥🔥

/channel/tanzeelmedicine/664

يارب فترة وتعدي بنجاح وتوفيق✨
ما تتردّدو للتواصل خاص

Tanzeel Saber

#بصمة_طبيبة.
#يلا_نزبطها.

Читать полностью…

• نوع من الإعترافات مافي داع نتجاهلها:

" ماف حد بياخد مكان حد..

ماف حد بيعوض غياب حد

ممكن يخفّف ايوة ..

بس حتفضل نفس الحتة فاضية.

وشعور الحنين حيفضل يلسَع كلما يلقى فرصة

حتحاول تملاها .. وتعوّض

حتتعلّم تستحمل
وتتعود تتعايش

بس في الآخر وبكل أمانة

وجودك ما كان ليهُ مَثيل

وغيابك ما ليهُ بديل❤️."


- Tanzeel Saber

Читать полностью…

#هذا_المساء❤️

Читать полностью…

#تنزيل_والمحتوى_الطبي

المتابعين من طب بشري ،رابع خامس وسادس خصيصاً 📣

ما تفوتكم آخر الورشات في الميديسن💛

بارت 1

/channel/ThirdyearExams/5010

بارت 2

/channel/ThirdyearExams/5025

🚨 الخريجين و ناس الإمتياز التجميعة دي ليكم 👇🏻
ــــــــــــــــــــــــــــــــــــــــــ

بوستات ممكن تفيدكم:

⁃ الاستشارة دي كانت أول إستشارة تنزل للإمتياز 👇🏻
/channel/tanzeelmedicine/833?single


⁃ رتبنا هنا أنا ودكتورة تبيان مجموعة داتا كويسة شديد هنا في القروب ده

/channel/tanzeelchanell98/137

⁃ نزلت هنا مجموعة ترشيحات لكتب للإمتياز
/channel/tanzeelmedicine/843

⁃ اقتراح لبوت رشحوهو لي ، فيهو داتا برضو وقسم للإمتياز عديل
/channel/tanzeelmedicine/847


⁃ واليوم نزلت بوست جديد ليكم🥰

لكن عن موضوع قد يبدو غير مألوف شويةبس يلا🤩 !!!

/channel/tanzeelmedicine/850

📍لطلب الإستشارات ؟!
/channel/tanzeelmedicine/787

Tanzeel Saber .

Читать полностью…

#تحبو_نتونس؟؟!

بوست لإثارة الجدل!! 🔥

#تحليلات_نفسية🔍

Читать полностью…

لما تحسبها ورقة وقلم..
في حاجات كتير بتظهر كأنها ضاعت..

في حاجات كتير ممكن تلقى فرصك فيها معدومة..

بالمنطق.. مستحيل..
مستحيل اللي هنا يحصل.. ومستحيل اللي هناك يتم..

وشوية شوية.. بتلاقي نفسك بديت تتنازل.. من جواك كدة.. بتتنازل..

عن طموحات.. أحلام.. وحاجات كنت شايف زمان إنك بتستحقها..
بتقلل اللي بتطلبه.. ومعاها يمكن تقلل حتى نظرتك لنفسك..

ح تقول ماهو ده الواقع.. الظروف.. الحظ.. أو أي شماعة..
المهم تلاقي الصياغة المناسبة اللي تخليك تنوم آخر الليل..

بس..
ما بتتحسب كدة..
والله ما بتتحسب كدة.. !

ما بتتحسب ورقة وقلم.. ولا منطق كمان..

أي.. خليك واقعي.. وفكّر في المعطيات اللي عندك..

بس وانت بتتذكر في المعطيات.. في الواقع بتاعك.. في الحياة دي؟

أتذكر إنه فيها ربنا.. فيها دعوة آخر الليل.. فيها الصدقة.. فيها:

"وَأَنَّ سَعْيَهُ سَوْفَ يُرَىٰ"..

وفيها:

"إِنَّا لَا نُضِيعُ أَجْرَ مَنْ أَحْسَنَ عَمَلًا"..

لما تحسبها ورقة وقلم.. وتخت القلم من يدك.. ارفع يدك دي للسماء.. واسأل اللي قدرته أكبر من منطقك ورقتك وقلمك.❤️

- علي عباس

@fadfadah98

Читать полностью…

تغريدة الجُمعة❤️

" اللهم في صباح هذا الجمعة...
أقبِل علينا بكرمك، ولا تردنا خائبين
واكتب لنا من الخير أوفره، ومن
الرزق أطيبه، ومن الرحمة أكملها
واجعل لنا في كل خطوة توفيقًا
وفي كل أمرٍ تيسيرًا، وفي كل دعاءٍ
إجابة، واغفر لنا ولوالدينا ولجميع
المسلمين الأحياء منهم والميتين🌷" .

اللهم صل وسلم على نبينا محمد
وعلى اله وصحبه اجمعين✨

• لا تنسى قراءة سورة الكهف
(متوفرةpdf اضغط هنا

Читать полностью…

"أنا ما بحبك… أنا بعرفك❤️"

كيف ممكن ترتاح لزول… كأنك عارفو من سنين، رغم إنو ده أول لقاء بينكم؟؟
....

تخيل معاي كده… في ناس بتقابلهم، وما بتحس إنو ده أول لقاء. لا في رهبة، لا في بداية تقيلة… كأنو الحاصل ده حاجة قديمة، راجعة تاني بس.

أنا حاسس إني بعرفك من زمن… زمن ما قادر أحددو. لأنو ما كل لقاء بيكون بداية، في لقاءات بتيجي بهدوء غريب… ما بتخبط الباب، بتلقاها فاتحة من جوة.

ما بتحس إنك بتكتشف زول جديد… بتحس إنك بتتذكر. كأنك راجع لإحساس قديم، كنت مفكر إنو انتهى.

في علاقات بتتبني حبة حبة… نفهمها، نفسرها. وفي علاقات تانية؟ بتجي مرة واحدة كده. بدون مقدمات. كأنها كانت موجودة أصلًا، بس منتظرة اللحظة المناسبة تظهر.

معاك… ما حسيت إني ببدأ حاجة جديدة. حسيت إني بكمل حاجة وقفت.

ما كان في توتر التعارف… ولا محاولة إني أكون نسخة أحسن. كنت أنا، ساي. بدون تجهيز. وكأني متأكد إنو ما في حاجة فيني حتكون غريبة عليك.

وده السؤال الغريب:

كيف الواحد يرتاح لزول، الزمن ما أداه أدلة كفاية؟

كيف يثق بدون تاريخ؟

يمكن الإجابة ما في الحاضر… يمكن في إحساس خفي إنو الحاصل ده، ما أول مرة.

في ناس ما بضيفوا ليك حاجة جديدة… هم بس برجعوك لنفسك، بالشكل المفروض تكون عليه.

لما نتكلم، ما بحس إني بشرح نفسي… بحس إني بتكلم بلغة مفهومة من زمان. ما بفتش للكلام، ما بخاف أتفهم غلط.

والراحة دي؟ ما راحة بس… دي نجاة.

الغريب إني ما حاولت أكون مثالي… ما خبيت تناقضاتي، ولا هذبت حِدّتي. كأنو أنا عارف إنك شايف كل ده قبل كده… في زمن ما بتذكرو، لكن حاسو.

عشان كده… الحاصل بينا ما شكلو علاقة بتتبني. شكلو حوار قديم… اتوقف نص جملة، ورجعنا نكملو هسع.

في علاقات ما بتبدأ… هي بس بتتواصل من الذاكرة.

وأحيانًا، ما بفكر في الحاصل قدامنا… بقدر ما بفكر في التأخير.
ليه اتأخرنا كل الزمن ده؟
كم فرصة ضاعت؟
كم مرة كنا قريبين… وما حصل اللقاء؟

كأنو الدنيا كانت بترتب نفسها، ما عشان تجمعنا وقت ما دايرين… لكن وقت ما نكون جاهزين.

القدر ما بجمع الناس لما يرغبوا… بجمعهم لما يكونوا مستعدين.

وهنا بيجي الخوف الحقيقي…
ما منك… من الإحساس ذاته.

إنو يكون واضح زيادة عن اللزوم… بدون دليل، بدون منطق.

طيب لو كنا اتلاقينا بدري؟
كنا حنفهم الحاصل؟
ولا كنا حنضيعو ساي… زي حاجات كتيرة ضاعت؟

يمكن لازم نمر بكل الحصل… عشان نصل اللحظة دي، ونحن قادرين نشوف بعض زي ما نحن، ما زي ما دايرين نكون.

نحن ما بنلقى الزول المناسب في الوقت المناسب… نحن بنكون مناسبين، وبعدين نلتقي.

معاك… ما حاسس دي تجربة يا تنجح يا تفشل.
حاسسها حاجة أكبر من كده.

حاجة تقيلة… وجميلة في نفس الوقت.
إنك تكون قدام حاجة حقيقية… بدون ضمان إنها تستمر.

لكن برضو… ما بقدر أشوفك مجرد احتمال عابر.
أشوفك جزء من طريق طويل… بدأ قبل ما أعرفك، وحيستمر، سواء بقيت أو لا.

وجودك ما جا يملأ فراغ… جا يعيد تعريف الحاجات القديمة.

عشان كده… ما بقول أحبك.
الكلمة دي خفيفة على الحاصل.

أنا بقول:
حاسس إني رجعت لنقطة في حياتي… كان مفروض أصلها من زمان.

يمكن ما اتلاقينا عشان نقضي وقت مع بعض…
يمكن اتلاقينا عشان نفهم حاجة ناقصة فينا.

نكمل معنى بدأ… وما انتهى.
أو يمكن… نديهو فرصة تانية.

وأكبر خوف؟
إنك تعيش لحظة نادرة في حياتك… وما تعرف إنها النهاية.

في النهاية…
ما مهم حنستمر ولا حنفترق.

المهم إنو اللقاء ده ما كان عابر.
ما كان بدون معنى.

كان محاولة تانية…
لفهم أعمق،
لإحساس أصدق،
ولحياة… كان ناقصها حاجة واحدة بس:

إننا نتلاقى ❤️

- ريما عباس.
من البعد الآخر

@fadfadah98

Читать полностью…

تغريدة الجُمعة❤️

" اللهم اصنعني على عينك وثبت
كتابك في قلبي وارزقني خيري
الدنيا والآخرة واعف عنِي .
ربّ اجعل عملي كلَّه صالحًا، و
اجعله لوجهك خالصًا، ولا تجعل
لأحدٍ فيه شيئًا."

اللهم صل وسلم على نبينا محمد
وعلى اله وصحبه اجمعين✨

• لا تنسى قراءة سورة الكهف
(متوفرةpdf اضغط هنا)🎁

Читать полностью…

الليلة وانا بحضر في المسلسل

وفي اللقطة دي بالذات اتذكرت حاجة
وحبيت اجي احكيها ليكم

ماف داعي للخجل صح ؟

المهم ..

من كم شهر فاتو إتحتم علي لسبب من الأسباب انو اكل لوحدي .

واكتشفت انو قدر شنو الموضوع ده طلع صعب بالنسبة لي وما حاجة هينة.

ليه؟
تعويدة بس
والتعويدة حااارة

اكتشفت طووول عمري الفات ما كنت باكل براي الا ما ندر
(الإسناكس ما محسوب😂)

كنت دائما باكل مع اخواني وناس البيت.

حاجة اتعودت عليها بس ..وبقى ده الطبيعي عندي .

لدرجة لم وعيت اكتشفت قيمتها... وكيف اثرت علي.

وما حسيت بتأثيرها علي الا بعد ما اتحرمت منها.

المهم
أنا فضلت شهور
شهور بجد ما قادرة احسبها حالياً
اتفرض علي فيها اتعلم اكل براي

كان الموضوع بالتدريج في البداية لحدي ما بقيت مضطرة بجد اكل براي .

وهنا هوبااااا

اكتشفت انو الموضوع طلع ما بسيط !! 😁💔

سبحان الله

اتذكرت بوست قدييم أنا بنفسي نشرتو" لصفية مصطفى "

كان حكت فيه انها برضو من نوع الناس ال ما بعرفو ياكلو براهم..

لكن وقتها البوست بصراحة ما اثار جواي تعاطف يقولو عليه.. وما كنت مُقتنعة انها مشكلة كبيرة .. او حتى مشكلة تستاهل يتحكي عنها.


أنا كنت بجوع
بجد جعت شهور

كنت بقدر اعمل اكل
وكنت بعمل
لكن ما كنت عارفة اكل
ما كان عندي أي شهية حرفياً

ولم كنت باكل
وكنت باكل اكل يأكل عصافير😂

وانا في العادة الحمد لله شهيتي كويسة وزولة بحب الطقةة/الاكل.

اها بالتدريج اخد الموضوع يأثر علي بجدية.

الوزن ده خلو ما حنك
كويس ينزل
لكن صحتي اتهدورت
دي الحاجة الماكنت قادرة اكسر حنكها.

كنت بعاني بجد
من قصة اني نفسي اكل
ونفسي يكون عندي شهية زي زمان .

حاولت احل القصة بكم طريقة
وافتح نفسي للأكل
إستشرت و اخدت افكار من اصحابي

لكن ماف حاجة سمعتها نفعت معاي

واصلاً ما حسيت انو الموضوع نفسو في حد اخدو بجدية .

فقررت أنا اخدو بجدية
لأنو بخصني أنا
وأنا العارفة قدر شنو مؤثر علي.

ولأنو ما عندي حل غير انو لازم اتقبل واتعايش مع الوضوع ده بأي طريقة .

المهم

أخيراً شهر 7 الفات ده كان بداية التغير.
والحمد لله لقيت الحل على طريقتي الخاصة

فعلاً ماف زول فهمني الا أنا
وماف زول قدر يحل مشكلتي إلا أنا.

المشكلة دي وغيرها برهنت لي قدر شنو أنا مسؤلة من نفسي وإحتياجاتي

لأنو ماف زول مسؤول منها.

ما اعتراف حزين بقدر ما هو واقعي وكان ليه تاثير إيجابي في الآخر.

"طالما أنا كدة كدة كنت حاسة ؟
ف افضل استغل الحاسة ده لصالحي."

بقيت بفكر كدة مؤخراً لم اقرر اشاور عقلي بدل قلبي .

طالما أنا حاسة انو ماف حد بياخد معاناتي بجدية ؟!
يبقى أنا اخدها بجدية وما أستجدي الشفقة من حد .


طالما أنا حاسة اني وحيدة ؟
ف افضل أتصرف بناءاً على كدة
واحاول املأ الفجوة براي.

طالما أنا حاسة انو ناقصني إهتمام او تركيز ؟ او فاقدة شي معين ؟!

يبقى احسن استغل الشعور ده لصالحي
وأستحمل مسؤلية إشبااع إحتياجاتي

فـ ألف طريقة صحية ممكن اعمل بيها كدة.

...
مرات لم تقرر تطلع من دور الضحية
وتشوف نفسك بيعون تانية ..
ما صح تشوفها بعيون الإتهام او تأنِبها .

المفروض انت اكتر من تنظر لنفسك بعيون الرحمة.
لأنك وحدك الكنت قاعد هناك وشايف وحاسس بكل حاجة

اديت نفسك فرص كتيرة في طريق
يمكن جه الوقت تغيره ؟ وتسلك واحد جديد!؟

في دائماً متسع لإتخاذ طريق جديد ..وقرار جديد ✨.

#على_الهامش:

اعتراف صغيروني!!

(( عارفين بعدما اتعودت على الأكل براي

بقت في ناس بتعايرني و وبيشوفوني كيف ؟؟

زي الكلب

الكلب البياكل براه!

ههههه

مع انو الكلب لو جينا للحق ما دايماً بياكل براه مش ؟!

ولو لقى كلب تاني او كلاب تشاركو ما بيرفض صح ؟!

سؤال

الكلب مع بياكل مع اخوانو ؟؟

الكلبة الأم ما بتاكل مع اولادها ؟؟

يااااه
تفكير رجعي شديد 🤦🏻‍♀

كويس انو ما شغالة بيهم وما قاعدة اخلي الكلام ده يهزّ فيني .

#تنزيل_صابر.

ــــــــــــــــــــــــــــــــــــــــــــــــــــــــــــ
🏷 عن نفسي واشياء كثيرة .

مذكراتي من مسلسل: "هل يمكن ترجمة هذا الحب".

لو بتحبو الكيدرامات عمومًا؟ ده تعقيبي على أول حلقة:

/channel/fadfadah22/5971

Читать полностью…

"العُمق هو الترف الجديد".

" إنهاء كتاب. التحدث دون وجود هاتف على الطاولة. التفكير في مشكلة لأكثر من عشر دقائق. الاستماع إلى ألبوم كامل. الكتابة دون انقطاع. التواجد في مكان ما دون النشر عنه.

في عالم يروّج للتشتيت الجماعي، أصبح التركيز المتواصل امتيازاً لأولئك الذين يملكون القرار. ويعيشون حقاً❤️."

— غوتو سيدريرا

@fadfadah98

Читать полностью…

تغريدة الجُمعة❤️

يا ربّ أيامًا جميلة تخلو من الوحشة
وأُنَاسًا حَنُونةً علينا أكثر منَّا تشدُّ
الوِثَاق بنَا. يا ربّ طُرقًا لا تُشقِينا
ولا تَغلِبُنا أو تَنلْ منَّا ، ونفسًا آمِنةً
مُطْمَئِنَّة ومُسْتَقرَّة.

اللهم صل وسلم على نبينا محمد
وعلى اله وصحبه اجمعين🌼

• لا تنسى قراءة سورة الكهف
(متوفرةpdf اضغط هنا)

Читать полностью…

رسالة لقلبك❤️

" لا تُطارد من اختار الابتعاد عنك
المحبة لا تعني أن تتنازل عن كرامتك باستمرار.

أحيانًا يكون إحترامك لنفسك هو أن تترك مساحة للطرف الآخر، بدل الضغط عليه.

واحياناً احترامك لنفسك بأن تختار ان تبتعد انت-رغماً عنك- عن طريق من اختار رفضك.

وحينها لا يزال هناك متسعٌ من الوقت لترميم كل شيء ✨."

@fadfadah98

Читать полностью…

"تساؤل اليوم🌸 "

هو عبارة عن فقرة صغيرة ..افتح بها باب للمشاركة وسماع اكبر قدر من الأراء عن طريق سؤال خاص اطرحو.

..
سؤال اليوم :

لو انطلب منكم توصفو فترة العشرينات ..حتقولو شنو ؟!

سواء من واقع خبرة (ان كنتم لا تزالون فيها او اتجاوزتوها ويكون رأي مرغوب اكثر ✨)

او حسب ما قرأتم او سمعتم عنه.

ــــــــــــــــــــــــــــــــــــــــــــــــــــــ
• استقبل الإجابات على :
- التعليقات اسفل البوست.
- بوتي الخاص
@Tanzeel22bot

Читать полностью…

تغريدة الجُمعة❤️

" يارب قرَّ عينيَّ بالخير، وإذا قضيت
لي أمرًا فبعزتك ارضِني به؛ فلا ألتفت
خطوة للوراء أعض أصابع الندم علىٰ
ما فاتني.وإن قطعتُ سبيلًا، لا يزيِّنن
لي الشيطان غيره، وإن ملكتُ شيئًا لا
تُمدنَّ عيناي إلا ما ليس في قبضتي."

اللهم صل وسلم على نبينا محمد
وعلى اله وصحبه اجمعين🍒✨

• لا تنسى قراءة سورة الكهف
(متوفرةpdf اضغط هنا)


@fadfadah98

Читать полностью…

إلى الخريجين 🤍

والمُقدمين طلب للإمتياز

وعندهم فترة إنتظار -لقرار المجلس الطبي- ممكن يستغلوها بأشكال كتيرة .

ولأنها أصلاً إجازة!
فـ أنا ممكن ارشح ليكم حاجات خارج اطار الطب شوية .. فيهم حاجات :

⁃ ممُتعة ✨ممكن تعتبرهم مكآفأة لنفسك بعد مشوار سنين من التعب المُضني يا عزيزي الجونيور دكتور

⁃ وفيهم حاجات ممتعة كمان لكن حتفيدك لو انت من الناس المهووسة بأي شي لازم تستفيد منه 🌷.

طيب من الإقتراحات البقدمها ليكم اليوم ومفيدو خالص تقوية جانب اللغات.

زي الإنجليزي طبعا بالذات للناس المفكرة في الزمالات (لأنها لاحقاً حتحتاج كدة كدة تظبط موضوع الأيلتيس او توفل )

طيب من الإقتراحات الحلوة لتنمية لغتك وبأبسط طريقة .. أنك تقرا أدب انجليزي🌸 .

ممكن تبدأ بالـ literature من المستوى الكنا بناخدو من ايام الثانوي (لو انت امتحنت شهادة ثانوية ) حتلقى كتير من كتب الجيب الصغيرة وهي عبارة عن قصص بسيطة مكتوبة بلغة بسيطة وسهلة.
من الإقتراحات تستعين بشات جي بي يقرا معاك ويترجم ليك ترجمة ذات معنى = ترجمة أدبية مش ترجمة حرفية . ولازم تطلع من كل بارت الكلمات الجديدة تستمع لنطقها وتحفظها. برضو يفضل تنزل نفس الكتاب بتسجيل صوتي عشان تسمع اللغة وتتعود عليها.( اغلبية الكتب بتتوفر ليها نسخ صوتية
في بوتيوب او تلجرام او حتى لو بحثت في قوقل ، ما متاكدة لو شات جي بي تي ممكن يقرأ ليك او لا .) .


🌸🌸🌸

وعلى سيرة الأدب الانجليزي :

صادفني من يومين البوست ده في مجموعة للكتب وقررت انزلو ليكم زي ما هو 👇🏻

بتقول:
🌸🌸 🌸

Hello guys

حبيت شارك معاكم ترشيح لقرءاة رواية تُحفة من أدب الكلاسيكيات الأمريكي للكاتبة العظيمة Jean Webster ( أحد أشهر كتاب الأدب الأمريكي الذي أهتمت بمناقشت قضايا المجتمع الأمريكي )

اسم الرواية Daddy- Long -legs أبي ذو الساقان الطويلة ( هذه الرواية حولت إلي أنمي بأسم صاحب الظل الطويل )

الرواية تناقش حياة الأيتام والمشاكل التي يواجهونها في حياتهم حتي بعد خروجهم من الملجأ .

الرواية من نوع أدب الرسائل ومستواها B1-B2 .

هذه الرواية ستجعلك تري الحياة بعيون إيجابية وإمتنان وستكتسب حصيلة كلمات رائعة.

سأترك رابط لتحميل الرواية من موقع بشكل مجاني ( حلال)

Source: Project Gutenberg https://share.google/mPSl7DTuQW1E2Gp77

📌 الموقع يحتوي علي الكثير والكثير من الروايات والكتب بصورة مجانيه.

سأترك أيضا رابط لتسجيل صوتي لها من يوتيوب بصوت بشري

https://youtu.be/8lWXsTVWZLU?si=v153oEmVSvYCfvLH

أنصح بطريقة القراءة هذه ( طريقة أخذتها من معلمة برطانية تسمي لوسي) وهي كالتالي :

١) أستمع إلي اللغة في نفس الوقت التي تنظر إلي نفس ذات الصفحة لتربط الكلام بالمعني .

٢) ترجم فقط الكلمات التي علقت معك وإذا فهمت السياق العام لا تترجم شئ

٣) أقرأ بصوت مسموع الفصل التي إستمعت له لتدرب عضلات اللسان علي اللفظ الصحيح

لا تنسي أن تشاركوني رأيكم بها بعد قرأتها حتما ستعجبكم .

And that’s all for this pthi post ✨.

ــــــــــــــــــــــــــــــــــــــــــــــــــــــ

⁃ إذا حبيت الإقتراح 🥰؟ ما تنسى تعمل فرودة repost ما معروف حيلهم كم زول !

أنا تنزيل صابر.. خريجة طب بشري ورائدة في مجال الأعمال وعندي إهتمام بصناعة المحتوى . بتمنى تتابعني وتستفيد مني ❤️.

/channel/tanzeelmedicine

Tanzeel Saber.

#يلا_نزبط_الإمتياز.

Читать полностью…

لا بأس طالما حيين بنتلاقى♥️.

تجي نتونس؟!

في كل مرة علاقتي مع صحباتي بتثبت لي أنّ لا بأس فعلًا مهما تبعدنا المسافات والأميال
وتفرقنا المطارات والقارات
طالما باقي فينا النفس بنتلاقى
وياهو مصير الحي يلاقي. ♥️

رغم أنّ فكرة البعد في حد ذاتها مؤلمة
لكن مالينا غير بعض!
حنمشي ونقرأ ونرجع ونسافر ونقعد بعد سنين في مكان مختلف
وأشكالنا متغيرة من هموم الدنيا
ونحكي
ونحكي
و نحكي
ع اللي سوته فينا السنين ونتورد تاني ♥️

ماشرط نتصل على بعض كل يوم
الدنيا تلاهي
بس شرط نتلاقى عشان نكون تمام من تاني. ♥️

«من كانَ لهُ خِلٌّ يُحاورهُ
فهو في نعمةٍ
لا يعرف قَدرها إلّا من حُرِم.»♥️

#ميمونة_هيثم.

@fadfadah98

Читать полностью…

صباح الخير يا بتاعين الروايات

اي حد قرا او سمع بـ كل أزرق السماء 💙؟!

/channel/Gedo_Library/54616

وبالأخص تحديداً اللي قروها ؟؟
يمسكو حماستهم عليهم
🔥🔥🔥

ويجوني في قروبي 👏🏼🌷

https://chat.whatsapp.com/G8qPrLc2iqjL7MdxIksNIY

نادي القراءة الخاص بي.

Читать полностью…

هذا المساء❤️
#تحبو_نتونس؟

يا جماعة بمناسبة الصورة دي، تعالوا نحكي عن قصة بتحصل كتير شديد، لكن اغلب الناس بتناقشها من زاوية المرأة المتزوجة اللي خانت راجلها ..

⁃ طيب الراجل المتزوج البيستهدف النساء متزوجات، قصتو شنو؟؟ 👀

⁃ وليه في رجال تحديدا بنجذبوا للمرأة المتزوجة الناجحة، الشاطرة، صاحبة النفوذ والمكانة؟

أولاً:

طبعا ما كل راجل خان عنده التركيبة دي.. وما كل علاقة مع متزوجة أسبابها واحدة ومتشابهة.

أنا هنا حاتكلم عن نمط معين ومتكرر وبجيني كتير في جلسات الكوتشينق

ليه المتزوجة ممكن تكون مغرية للراجل البفتش عن المغامرات العاطفية العابرة ؟

= لأنها في حساباته ممكن تكون أقل خطورة ،هي ذاتها عندها حاجات تخسرها بيت، زوج، أطفال، سمعة، مكانة اجتماعية فحتكون أحرص منه على السرية لو اتنادل معاها أو عمل أي شى

لما علاقته بها تنتهي ما حتجي تعمل ليه مشكلة علنية وتقول إنت لعبت بي، ضيعت مستقبلي، عرسني، أمشي قابل أهلي ...الخ
هي محتاجة تخفي العلاقة اكتر منه فهنا وفرت له الحميمة مع النجاة من المحاسبة ده

لكن في نوع تاني الموضوع عنده أعقد من كده بكتييييير وده الأخطر في نظري !!

ده راجل ما بكفيه إنه يكون مرغوب و محتاج لا يحس إنه (قدر عليك) .

بالذات لو هو مضروب في قيمته الذاتية واحتياجه لإثبات رجولته عالي فيكون عنده مزاج عديييل كدة تجاه أي ست محترمة متزوجة ناجحة عندها مركز اجتماعي وأم كويسة وزوجها موجود والناس شايفنها مستقرة دي بذات هو عاوز يوقعها في شباكة و تتعلق بيه أو تخاطر عشانه أو تديه امتيازات ما بتديها لأي زول دي فريسته المفضلة

لأنها بالنسبة ليه جائزة نفسية ضخمة (أنا قدرت أخترق الحصن ده)

الموضوع بالنسبة له ما عنده أي علاقة بالحب هو عاوز يحس بالراهابة قدر يجيب راس وحدة زي دي ..

وفي واخد بكون تركيبة النفسية أسوأ من كدة ما بس عاوز يحس بالعظمة والرهابة لا ده كمان عنده فرضية داخلية (النسوان في سوق العمل كلهن خائنات ولافات ما في واحدة مأمونة ولا محترمة حتى لو ادعت العكس )

يقوم هو ذاته يمشي يستهدف زميلاتة المتزوجات، يقرب منهم يغازل فيهم ، يختبر حدودهم ، يصبر، يسمع، يحتوي، يدخل من الشقوق الصغيرة ولمن واحدة فيهن تقع في شباكة يقول لنفسه وللرجال المقتنعين بالافكار دي (أها ما قلت ليكم؟ النسوان في سوق العمل دي كلهن كده)

يا حبيبنا إنت ما اكتشفت قانون كوني 😂؟؟

إنت قاعد تختار الحالات البتأكد ليك اعتقادك وبتشارك بنفسك في صناعتها .(غايتو النفس البشرية دي معقدة خلاص )

المهم نرجع لكلامنا النوع ده بكون ناجح جدا وعنده وضعه في سوق العمل لكن لما يجي يتزوج مستحيل يختار من زميلاته يتزوج المرأة الآمنة حسب حساباته ويطارد المرأة المثيرة له الموجودة معاه في مناحي الحياة المختلفة

فهو اختياره للزواج مختلف عن اختياره للإثارة ، في العادة يختار للزواج بنت أصغر، خبرتها أقل، عالمها أصغر، شايفاه هو الكبير والفاهم والعنده الخبرة العلاقة دي بتديه أمان وسيطرة ومخاطرة أقل

لكن في جزء تاني منه مفتون شديد بالمرأة البتخوفو دي ، الناجحة القوية المتعلمة صاحبة القروش صاحبة النفوذ المرأة العندها عالم كامل ما محتاجه فيه فهو عاوزها باي حنك الا انه عاوز يتزوجها

لأن الاستمتاع بقوتها حاجة، والعيشة يوميا مع امرأة ند ليك حاجة تانية خاالص

فتلقى في حياته في واحدة مريحة ليه للزواج وواحدة مثيرة ليه للإثبات والإثارة ، وكمان لو التانية متزوجة ده أحلى سيناريو بالنسبة للتركيبة دي لانه علم على راجلها ،فيجي ياخد منها الإثارة والإعجاب والتحدي، بدون ما يضطر بالضرورة يدخل معاها في استحقاقات الحياة الحقيقية.

وفوق ده كله لو المرأة القوية دي اتأثرت بيه، هو داخليا حيتاكد المرأة مهما كانت قوية، الراجل قادر يخليها تضعف قدامة فيتاكد أنه السجون الصانعها لزوجته الأصلية كانت صح و ده الانتصار النفسي العاوزه أكتر من المرأة ذاتها 🤫!!
...

السؤال⁉️

⁃ ليه المرأة العاقلة الناجحة ممكن تقع في الفخ ده؟

نشوف في البوست الجاي🏃🏻‍♀🔥

#وصال.
#سعة_نماء
#علاقات.
#تحليلات_نفسية.

@fadfadah98

Читать полностью…

في حوجه مستعجله جداً جداً
طفل كانسر ، عمرو ٦ سنوات
محتاج ل تكلفه اخر جرعات كيماوي

الاسره اتعسرت عن الدفع
جا دورنا احنا ، صدقه الجمعه الليله
اللي قادر عارفه ما بتأخر
مطلوب مبلغ 450 الف جنيه فقط

للمساهمه بنك الخرطوم
2155179
ريم محمد

اوكاش 1812720

الرجاء ارسل الاشعار باسم الطفل حسام الدين

@Reema35_a

وجعلها الله في ميزان حسناتكم جميعاً


تحديث متبقي 70 الف
اللي عندو نيه مساهمه ما يتأخر

Читать полностью…

#هذا_المساء❤️

Читать полностью…

ممتحن تالتة السنة دي وعايز تطوّر من مستواك في الإنجليزي؟
حاسّي نفسك مشتّت وما عارف تبدأ من وين؟

سيبك من الكورسات الغالية والأساتذة الخصوصيين، مع كورس « هدف» حنختصر عليك الطريق، ونخلّيك الأفضل والأكثر تميّزًا وبأقل تكلفة ومن بيتك.

🔹مكوّنات الكورس:

بتكون من 3 كورسات مخصّصة لي أي مشكلة، شوف الحاجة الإنت ضعيف فيها:

🔹 كورس الـGrammar
شرح مبسّط ومرتّب، وشامل لكل القواعد.

🔹كورس الـSuffixes & Prefixes
تبسيط القاعدة العامة لمشتقّات الكلمات.

🔹 كورس الـComprehension + Composition + Summary
أكتر أسئلة مِضيّعة درجات الطالب، تفكيك آلياتها مع التدريب المكثّف.

🔹 الكورس الشامل:
دا بيجمع كل الفوق دا، إذا إنت عايز تضمن إنو تدخل تالتة وإنت ما عندك مشكلة في الإنجليزي.


- متطلبات التسجيل:

الاسم ثلاثي.
تحديد الكورس الذي تريده الإنضمام له.
إشعار الدفع.


- تفاصيل أكثر:
- الكورس على التليجرام.
- مخصص لطلاب الشهادة السودانية فقط.
- المقاعد محدودة.

للتسجيل والإستفسار؟
تواصل على واتساب 0124871083

(اعلان مدفوع)

Читать полностью…

#هذا_المساء❤️

Читать полностью…

"إقتباس يمثلني"

ثلاثة مشاعِر، بسيطة لكنّها غامِرة، تحكمت في حياتي❤️:

اللهفة للحُب، البحث عن المعرِفة، والشّفقة التي لا تُطاق لمُعاناة البَشر! ".

- برتراند راسل

Читать полностью…