30344
በዚህ Channel ውስጥ የኢትዮጵያ ኦርቶዶክስ ተዋህዶ ቤተ ክርስቲያንን ዶግማ ፤ ቀኖና እና ትውፊት የጠበቁ ትምህርቶች ይተላለፉበታል፡፡ ለአስተያየት: ጥቆማና ጥያቄ በዚህ ያግኙን ☞ @Ethiopian_Orthodox_bot Buy ads: https://telega.io/c/Ethiopian_Orthodox
እንደዚሁም ሁሉ ልብስ ለሰውነት (ለሥጋ) ተነግሯል። በዚህ ትርጓሜ መሠረት ወንጌላዊው «ለነፍሳችሁ በምትበሉትና በምትጠጡት ስለ ሰውነታችሁም ደግሞ በምትለብሱት አትጨነቁ» ሲል ምን ማለቱ እንደሆነ ግልጽ ነው።ማቴ6፥25 እንኳን ትርፍ ስለ ሆነ ስለ «ማጌጥ» ይቅርና ዕርቃን የሚያስቀር የልብስ አጦት ችግር ቢፈጠር እንኳን «መጨነቅ» እንደማያስፈልግ ይገልጻል፡፡
ስለ አለባበስ ትኩረት ሰጥቶ ማሰብ ባያስነቅፍም መጨነቅ ግን የሚገባ ነገር አይደለም።«መጨነቅ» ከማሰብ ከፍ ያለ መጠን አልባ ነገር ነው።ጌታችን በወንጌል «ስለምትልበሱት አትጨነቁ» ብሏል። ብዙዎች የሚለብሱትን በማጣት ሳይሆን መምረጥ አቅቷቸው ይጨነቃሉ፡፡ ይህ እጅግ የሚያሳዝን ነው።እንኳን «ያስኬዳል አያስኬድም» እያልን ቀርቶ የምንለብሰው ባይኖረን እንኳን አዳምንና ሔዋንን ቁርበት ያለበሰ አምላክ ያለብሰኛል ማለት ይገባናል፡፡ዘፍ 3:2
ደግሞስ እስራኤላዊያን በምድረ በዳ ለአርባ ዓመታት ሲንከራተቱ «ጫማቸው ሳይፈታ፣ በትራቸው ሳይወድቅ፣ ልብሳቸው ላያልቅ» ያኖራቸው እግዚአብሔር አይደለምን? ስለዚህ እስራኤል ዘነፍስ የተባልኩኝ እኔንም አይተወኝም ማለት እንዴት ያቅተኛል?
ይብላኝ እንጂ ለእኔ እምነት ለጎደለኝ «የሜዳ አበቦችን የሚያለብሳቸው» እርሱ እኔን ማልበስ አይሳነውም።ማቴ 6፥28 በእምነት ጠንክሬ እንደ ቅዱስ ዳዊት ‹እግዚአብሔር እረኛዬ ነው የሚያሳጣኝም የለም» እያልኩኝ የምዘምረው መቼ ይሆን? መዝ 22፣1 እንደ ቅዱስ ጳውሎስስ «ምግብና ልብስ ከኖረን ግን እርሱ ይበቃናል» በማለት ለመመሰከር እበቃ ይሆን? 1ጢሞ6፥8
➺ የሰው ነፍስ ስለ አለባበስ በቂ ግንዛቤ አላት!
ልብስ የሚያስፈልግው ለነፍስ እስከ ሆነ ድረስ ነፍስ ስለ ልብስ ማንም ሳያስተምራት በደንብ ታውቃለች፡፡ አዳምና ሔዋን ጸጋቸው በተገፈፈ ጊዜ «የበለስ ቅጠሎችን ቆርጠው ለእነርሱ ለራሳቸው ግልድም አደረጉ» ይህን ማን አስተምሯቸው ነው? ነፍስ መልበስ እንደሚገባ ስለምታውቅ አይደለምን? ዘፍ3:7 ከዚህ አንቀጽ ሳንዘል ነፍስ ስለ ልብስ ያላትን ግንዛቤ በሚገባ መመርመር ይኖርብናል። ምክንያቱም ነፍስ ልብስ አስፈላጊ መሆኑን ብቻ ሳይሆን መልበስ ያለብንን የልብስ ዓይነትና በዋናነት መሸፈን የሚገባውን የአካል ክፍል ለይታ ማወቋን ይጠቁመናልና፡፡
በዘመነ አዳም ሌሎች ፍጥረታት፡ ለምሳሌ፡ እንስሳት ልብስ አልለበሱም ነበር። አዳምና ሔዋን ግን ለራሳቸው «አገለደሙ» እንጂ እነርሱን አይተው እኛም መልበስ አያስፈልገንም አላሉም፡፡ ከሁሉ- የሚደንቀው ደግሞ ብዙ ፅፀዋት እያሉ ከእነዚያ መካከል በለስን መምረጣቸው ሳያንስ ያን ሰፍተው ማገልደማቸው ነው:: የለበሱት ብርድን ለመከላከል ብቻ ቢሆን ኖሮ ከማገልደም ይልቅ ሌላ አካላቸውንም ጨምረው ባለበሱ ነበር።ነገር ግን ነፍስ ቅድሚያ መልበስ ያለበትንም አካል ታውቃለችና «አገለደሙ» እንጂ ሙሉ ለሙሉ አልለበሱም። ልብሳቸው የበለስ ቅጠል ሆኖ በመቸገራቸው እንጂ ከወሊድ ጋር ተዛማጅነት ያላቸውን ሌሎች ሕዋሳቶቻቸውንም ጨምረው ይሽፍኑ እንደ ነበር ጥርጥር የለውም።ነገር ግን ከነበረባቸው የልብስ ችግርና ማንም ሳይመክራቸው እንዲህ ማድረጋቸውም ለኛ ብዙ ትምህርት ያስጨብጠናል። አካላቸውን የሸፈኑት በለስ እስከ መስፋት ተቸግረው ነውና፡፡ እኅቴ ሆይ እስኪ ልጠይቅሽ! አንቺ ይህን ያህል ተቸግረሽ ሰውነትሽን ለመሸፈን ትጥሪያለሽ? ወይስ የሚያስጨንቅሽ ሕዋሳቶችሽን በዘዴ አጋልጦ ሌሎች እንዲያዩሽ ለማድረግ አለመቻልሽ ነው?
አዳምና ሔዋን ማገልደማቸው ብቻ በቂ አለመሆኑን ከዚያ በኋላ እግዚአብሔር የቁርበት ልብስ እንዲለብሱ በማድረጉ አስረድቶናል፡፡ መጽሐፍ ቅዱስ «አለበሳቸው» ይላል እንጂ ግልድም ሰጣቸው አይልም፡፡ እኛንም ግልድማችንን አስወልቆ እንደ እነርሱ ያልብሰን፡፡ አሜን! ዘፍ3፡21
ከአዳምና ከሔዋን ታሪክ ሌላም ቁም ነገር እንማራለን፡፡ ሰው ምን ዓይነት ልብስ መልበስ እንዳለበት ሌላውን ሰው መጠየቅ አይኖርበትም፡፡ ከዚህ ይልቅ ራሱን ይመርምር፣ ነፍሱንም ይጠይቅ፡፡ ሕሊናውን የሚሰማ ከሆነ በቂ መልስ ያገኛል።ብዙ እኅቶች ግን ስሜታቸውን እንጂ የነፍሳቸውን ፈቃድ አይከተሉም፡፡ ሆኖም ነፍስ መሆን ያለበትን መጠቆሟን፣ መንፈስ ቅዱስም «በማይገባ ልብስ» ስንሽለም መውቀሱን ስለማይተው ሴቶቻችን የለበሱት ተገቢ ልብስ አለመሆኑ ይታወቅ ዘንድ ሲያፍሩ፣ አጠረ ብለው የለበሱትን ሲጎትቱና ወይም በልዩ ልዩ ዘዴ የተራቆተውን የሰውነት ክፍል ለመሸፈን ሲሞክሩ ይታያሉ። ከዚህ ሁሉ ግን ይበልጥ የሚጠቅመው የነፍስን ፈቃድ አዳምጦ ተገቢ ልብስ መልበስ ነበር።
ድንግል ሴት ትፈልጋለህ ?
ምንም እንኳን ሰዎች ሁሉም ባይሆኑም ብዙ ስዎች ግን የሚያገቧት ሴት ድንግል እንድትሆን ይፈልጋሉ፡፡ አንዳንዶች ደግሞ መፈለግ ብቻ ሳይሆን የመጀመሪያ መስፈርታቸው ያደርጉታል፡፡ ይህ እጅግ ደስ የሚያሰኝ አቋም ነው፡፡ ምክንያቱም የሁሉም ሰው አቋም እንዲህ ቢሆን ኖሮ ሴቶች ሁሉ በንጽሕና መኖርን ለወደፊት ትዳራቸው መቃናት ሲሉ ስለሚለማመዱት ነው::
ታዲያ ሚስቱ ድንግላዊ ሆና ቢያገኛት የሚመኝ ሰው እርሱም ድንግልናውን የጠበቀ ሆኖ መገኘት እንዳለበት ለአፍታም እንኳ ቢሆን መዘንጋት የለበትም፡፡ ስለዚህ ይህን የሚመኝ ራሱን ይጠብቅ።ካላገባሃት ሴት ጋር አንሶላ መጋፈፍን አትሻ።ልታገባ አንድ ቀን የቀረህ ቢሆን እንኳን ሳታገባት ይህን መሞክር የለብህም:: በሰዓታትና በቅጽበት ውስጥ በእቅፍህ ያለች እጮኛህ ያንተ ሚስት መሆን የማትችልበት ሁኔታ ይፈጠር እንደ ሆነ አታውቅምና፡፡ አንተ ራስህ ከነድንግልናህ የምትፈለግበት ጋብቻ ከፊትህ ይጠብቅሃል፡፡ እርሷንም በምትሄድበት ቦታ ባሏ ከነ ሙሉ ክብሯ ይሻታል፡፡ ታዲያ ካላገባሃት ሴት ጋር ለምን ትተኛለህ?
ካላገቧት ሴት ጋር ምንጣፍ መጋራት በሰው ቤት መግባትና ከባለ ትዳር ሴት ጋር እንደ ማመንዘር ነው።ያላገባች መሆኗ ልዩነቱ ባሏን መቅደምህ ብቻ ነው።አንተ በሰው ተዳር እንዲህ የምትገባ ከሆነ ሌሎች ደግሞ አንተ የምታገባትን ሴት ከክብር አሳንሰው ንጽሕናዋን ገፈው ያቆዩልሃል፡፡ አንተ ድንግል ሳትሆንና የብዙዎችን ሕግ አፍርሰህ ድንግል ሴት መፈለግህ አያስገርምም?
ሰው የራሱን ድንግልና ቢጠብቅ እግዚአብሔር ደግሞ በድንግልና የተጠበቀች ሚስት እንደፍላጎቱ ሊሰጠው ተስፋ ሰጥቷል፡፡ ሰው የራሱን «ዕቃ» ቢጠብቅ ለእርሱ የሚገባውን «ዕቃ≫ እግዚአብሔር በክብር ይጠብቅለታል:: በመጽሐፍ ቅዱስ «ዕቃ የሚባለው አባለ ዘርዕ (ኀፍረተ አካል) ነው ቅዱስ ዳዊት «በእውነት ከወጣን ጀምረን እኛ ሰውነታችንን ከሴቶች ሦስት ቀን ጠብቀናል፣ የብላቴኖችም ዕቃ የተቀደሰች ናት፣ ስለዚህ ዛሬ ዕቃቸው የተቀደሰች በመሆኗ እንጀራው እንደሚበላ እንጀራ ይሆናል።» 1ሳሙ21÷5 በማለት የተናገረው ቃል ኀፍረተ አካል «ዕቃ» እንደሚባል በሚገባ ያስረዳል::
የራሱን ንጽሕና የጠበቀ ሰው ለእርሱ የምትሆነው ሚስቱ ከነቅድስናዋ፣ ከነንጽሕናዋና ከነሙሉ ክብሯ (ድንግልናዋ) እንደሚያገኛት ማወቅ አለበት ሲል ሐዋርያው «ከእናንተ እንያንዳንዱ የራሱን ዕቃ (ሚስቱ የምትሆነውን) በቅድስናና በክብር (ከነድንግልናዋ) ያገኝ ዘንድ እንዲያውቅ» በማለት ይናገራል:: «ዕቃ» የሚለው ኀፍረተ አካልን መሆኑ ከላይ በማያሻማ መልኩ ተገልጿል፡፡ ስለዚህ ድንግልን ማግባት የሚፈልግ ሰው የራሱን ክብር መጠበቅ ይኖርበታል:: 1ኛተሰ 4፥5
በቀጣይ ምዕራፍ ዘጠኝ ክፍል አንድ :
👉 ትውዝፍት(የምንዝር ጌጥ)
👉 የሰው ነፍስ ስለ አለባበስ በቂ ግንዛቤ አላት!
👉 አለባበስን በተመለከተ ስለ ወንዶችስ ምን ሊባል ይችላል ?
በሚል ይቀጥላል....
ለጥያቄና አስተያየት @Ethiopian_Orthodox_bot ተጠቀሙ።
@Ethiopian_Orthodox
@Ethiopian_Orthodox
አንቺ ወጣት ሴት ስለ ድንግልናሽ ምን ታስቢያለሽ? እግዚአብሔር ከነድንግልናሽ እንዲጠብቅሽ ጸልየሽ ታውቂያለሽን? ወይስ «እኔን ወንዶች የማይቀርቡኝ ምን አድርገህ ፈጥረኸኝ ነው?» ብለሽ በእግዚአብሔር ላይ ታለቅሽበታለሽ? በድንግልና ሆኖ እግዚአብሔርን ማገልገልስ ታስቦሽ ያውቃል? ቤተሰቦችሽ አንቺን ከአደጋ ለመጠበቅ ሲሉ የሚያደርጉትን ቁጥጥር በምን መልኩ ታይዋለሽ? ይህን አትልበሺ፣ አምሽተሽ አትግቢ የሚል ቁጥጥር እኮ ጭቆና አይደለም:: ነው እንዴ?
ድንግልናን መጠበቅ ብርቱ ትግል ይጠይቃል። ያ ባይሆን ኖሮ «ድካማቸውን ይቀበል ዘንድ ስለ ደናግል እንማልዳለን›› ተብሎ ስለ ደናግል ድካም ባልተጻፈ ነበር፡፡ ታዲያ ይህን ድካም እግዚአብሔር ሳይረዳሽ ትችይዋለሽን? የእግዚአብሔርን እርዳታ ለማግኘት ደግሞ መጸለይ ያስፈልጋል ያውም ከዕንባ ጋር፡፡ (ሥርዓተ ቅዳሴ በእንተ ቅድሳት)
ቤተ ክርስቲያን አንቺን _ ጨምሮ ስለ ደናግል ሁሉ ትጸልያለች፡፡ ዘወትር በቅዳሴ «እግዚአብሔር የድንግልናቸውን ዋጋ (አክሊል) ይሰጣቸው ዘንድ ለእግዚአብሔር ወንዶችም ሴቶችም ልጆች ይሆኑ ዘንድ ድካማቸውንም ይቀበል ዘንድ ስለ ደናግል እንማልዳለን::» ትላለች። ቤተ ክርስቲያን ስለ አንቺ እየጸለየች" የጉዳዩ ባለቤት አንቺ ግን ባትጸልዪ አሜን ለማለት እንኳን እንደኮራሽ ይቆጠርብሻል፡፡
ፈጣሪ አንድ ቀን ድንግልናችንን በተመለከተ እንድንቆጭ ማድረጉ አይቀርም። እንዲያገባን የምንቋምጠው ወንድ ካለን ሌላ ነገር ሁሉ ይልቅ ድንግልና ቢኖረን የሚወድ ይሆንና አንድ ቀን እናዝን ይሆናል፡፡ ወይም ሌላ የምንሻቸው ነገሮች ድንግልናችንን ባለመጠበቃችን የተነሣ እናጣቸውና እንቆጫለን። ለምሳሌ:- በዚህ ምክንያት ለሥርዓተ ተክሊል ወንዶች ደግሞ ለድቁናና ለሌላም መንፈሳዊ ማዕርግ የማንበቃ እንሆንና የምናዝንበት ጊዜ ይኖራል፡፡ ይህ ሁሉ የሚሆነው ድንግልና ያለውን የከበረ ዋጋ እንድናውቅ እግዚአብሔር ስለሚፈልግ ነው:: ክብርን ባለመጠበቅ ምክንያት የሚፈልጉትን ማጣት እጅግ ያሳዝናል፡፡ አያሳዝንም እንዴ?
እርግጥ ነው ድንግልናቸውን ያቃለሉ ሰዎች ስለ ናቁት ድንግልናቸው ምርር ብለው በቁጭት የሚያለቅሱበት ጊዜ ይመጣል፡፡ ይህም ስለ ክብረ ድንግልና ጥልቅ መንፈሳዊ ትምህርት በሚሰሙበት ጊዜ ሊሆን ይችላል። ሆኖም ከዚያ በፊት ደናግል ሆነው ሳለ እንደ ዮፍታሔ ልጅ ስለ ድንግልናቸው የሚያለቅሱ ሰዎች እንዴት የተመሰገኑ ናቸው? እንደ ዮፍታሔ ልጅ ሁሉ ከማኅበረ ደናግል ተለይታ ወደ ዝሙት ዓለም የገባች አንዲት ሴት ተጸጽታ ስታለቅስ ጓደኞቿም አብረው ያለቅሱላት ነበር። በኋላም የእርሷና የጓደኞቿ ዕንባ ከበደሏ ጋር ቢመዘን ኀዘኗ በልጦ ስለ ተገኘ በድጋሚ ከመኀበረ ደናግል ገብታ መቆጠሯን ተአምረ ማርያም ይናገራል፡፡ ይህም ስለ ድንግልና ማልቀስ እንደሚገባ ያሳያል:: ደናግላን ክብራቸውን ለማቆየት እያለቀሱ ከዕንባ ጋር መኖር ከተገባቸው ክብራቸውን ያልጠበቁ ሰዎች እንዴት ይልቅ ማዘንና ማልቀስ ይገባቸው ይሆን?
ድንግልናን ጠብቆ ለመቆየት ራስን መግዛት ያስፈልጋል፡፡ ራስን ለመግዛት ደግሞ ጾም ከፍተኛ እገዛ ያደርጋል:: ስለቢህ ጾምን ጠልቶ ድንግልናን ጠብቆ ማቆየት አዳጋች ነው። በድንግልናዊ አኗኗራቸው የምናወድሳቸው ቅዱሳን በሙሉ የጾምና የትሕርምት ሰዎች ነበሩ:: ለምሳሌ:- ነቢዩ ኤልያስን ብንወስድ ምንም እሀል ሳይቀምስ አስከ አርባ ቀን ድረስ ለመቆየት የቻለ የጾም ሰው እንደ ነበር መጽሐፍ ቅዱስ ይተርክልናል፡፡ 1ነገ19፥8
ማር ይስሐቅ ‹‹እስመ ጾም ወስኖሙ ለድንግልና ወለቅድስና» ማለትም «የድንግልናና የቅድስና ውበታቸው ጾም ነውና» በማለት ተናግሯል፡፡ ይህም ጾምና ድንግልና ያላቸውን ጥብቅ ዝምድና ያስረዳል። ቤተ ክርስቲያን «ድካማቸውን ይቀበል ዘንድ» እያለች ስለ ደናግል የምትጸልየው ደናግላን ድንግልናቸውን ጠብቆ ለማቆየት በብዙ ጾም፣ ጸሎትና ስግደት ስለሚደክሙ አይደለምን? ስለዚህ በድንግልና ለመቆየት የሚፈልግ ሰው ጾምን መውደድ አለበት፡፡
እያንዳንዱ ሰው የገዛ ሕይወቱን ቢመረምር ከላይ የተጠቀሰውን የእግዚአብሐር ጠባቂነት የሚያረጋግጥ ገጠመኝ ይኖረዋል፡፡ በዝሙት ለመውደቅ ባለው ኃይል ተጠቅሞ ሲጣጣር፣ ከሰው ሲደበቅ፣ ሥውር ቦታ ሲሻ፣ ምቹ ጊዜ ሲጠባበቅ ባልጠበቀው ሁኔታ እግዚአብሔር ዕቅዱን ያላፈረሰበት ድንግል ነኝ ባይ ከቶ አይገኝም፡፡ እንደ ሰውዬው ፈቃደኝነት፣ የልቡና ምኞትና ለዝሙት መዘጋጀት ቢሆን ኖሮ ድንግልናውን ከጊዜያት በፊት ባፈረሰው ነበር። እንደዚህ ከሆነ እግዚአብሔር ጠብቆ ባቆየው ድንግልና መመካት ይገባልን? በጭራሽ ይልቁኑም «ጥበቃውን ከእኔ ያላራቀ እግዚአብሔር ይመስገን» እያሉ ፈጣሪን ማመስገን ለሁሉም የሚገባ ነው።
ከተፈጥሮተ ሥጋ ተፈጥሮተ ነፍስ እንደሚበልጥ ከድንጋሌ ሥጋም ድንጋሌ ነፍስ ይበልጣል። ታዲያ በሥጋ ድንግል መሆናችን ትዕቢትና ትምክህት ፈጥሮ የነፍስ ድንግልና እንዳይኖረን የሚያደርግ ከሆነ እግዚአብሔር ትሑት ሆነን የነፍስ ድንግልናችን እንዲጠበቅልን ለማድረግ የሥጋ ድንግልናችንን በማይረባ ምክንያት እንዲጠፋ ጥበቃውን ከእኛ የሚያርቅበት ጊዜ አለ። እግዚአብሔር «ትዕቢተኞችን ይቃወማልና፥ ለትሑታን ግን ጸጋን ይሰጣልና» ያዕ 4÷6
የሐሳዌ መሢሕ (የሐሰተኛው ክርስቶስ) እናት ከነገደ ዳን የተወለደች ናት፡፡ የሐሰት ነቢያት «በድንግልና ፀንሰሽ በድንግልና ትወልጃለሽ› እያሉ ትንቢት ይናገሩላታል፡፡ ለጊዜው ድንጋሌ ሥጋ ነበራትና ትዕቢት ያድርባታል:: ከዚያ በኋላም ከመቃብረ አረሚ (የአረማዊያን መቃብር) ቆማ ስትጸልይ ከነገደ ዔሳው የተወለደ አንድ ዓይና ጎልማሳ ከወደ ምሥራቅ ይመጣና ከክብር ያሳንሳታል፡፡ በዚህ ጊዜ ፀንሳ ልጅ ትወልዳለች፡፡ አንድ ጊዜ መንፈሰ ትዕቢት አድሮባታልና በድንግልና ፀንሼ በድንግልና ወለድሁት ትላለች፡፡ ልጇም ተወልዶ ሲያድግ አምልክ ነኝ ፈጣሪ ነኝ ማለት ይጀምራል፡፡ (ራእ13÷1 ትርጓሜ)
ከላይ የተጠቀሰችው የሐሳዌ መሢሕ እናት ገና ለወደፊት የምትመጣ ናት፡፡ ሆኖም ግን ትዕቢቷና ክፉ ግብሯ አስቀድሞ ታውቆ ተገልጧል።ትዕቢቷና በድንግልናዋ መመካቷ ለመደፈር አበቃት።ሰው ሲመካ ረድኤተ እግዚአብሔር ይለየዋል። በዚህ ጊዜ ከላይ እንደ ተጠቀሰችው ሴት ለብዙ ክፉ ነገሮች ይጋለጣል፡፡ አንችም እኅቴ በድንግልናሽ ብትመኪ ዕጣሽ ከዚህ የተለየ አይሆንም:: በድንግልናዋ የምትመካና ድንግል ሳትሆን «ድንግል ነኝ» እያለች የምትዋሽ ሴት ሁሉ በግብርዋ የሐሳዌ መሢሕ እናትን መምሰሏ ጥርጥር የለውም፡፡
እመቤታችን ድንግል ማርያም ግን እጅግ የሚያስደንቅ ትሕትናን ተጐናጽፋ እናያታለን፡፡ ትንቢተ ኢሳይያስን በምታነብበት ጊዜ «እነሆ ድንግል ትፀንሳለች» ከሚለውን አንቀጽ ስትደርስ «አምላክን ለመውለድ ለታደለች ለዚያች ሴት ከዘመንዋ በደረስኩና ወጥቼ ወርጄ ባገለገልኳት ትል ነበር እንጂ እኔ ብሆን ወይም እኔ ነኝ›› አላለችም:: በዚህ ሐሳቧና ንግግሯ ቅዱስ ኤፍሬም በውዳሴው «ደብር ነባቢት በትሕትና፣ በትሕትና የምትናገር ተራራ» በማለት አወድሷታል:: (ውዳሴ ማርያም ትርጓሜ ዘረቡዕ)
አምሳያ ከሌለው ድንግልናና ንጽሕናዋ ጋር ይህን የመሰለ ትሕትና ይዛ በመገኘቷ «ወደ ትሑት፡ በቃሌም ወደ ሚንቀጠቀጥ ሰው እመለከታለሁ፡፡» ኢሳ66÷2 በማለት የተናገረ እግዚአብሔር በድንግል ማርያም ማኅፀን አደረ፡፡ ድንግል ማርያም ከትሕትናዋ ብዛት የሁሉን ፈጣሪ ከፀነሰች በኋላ እንኳን ስትጸልይ «የባሪያውን ትሕትና ተመልከቷልና› አለች እንጂ, «የእናቱን ትሕትና» አላለችም:: መመካት ቢያስፈልግ ከድንግል ማርያም በቀር የሚያስመካ ድንግልና ያለው የሰው ዘር አልነበረም፡፡ እርሷ ካልተመካች ሊመካ የሚችል ማን ይኖራል? ሉቃ1÷ 48
በሥጋ ንጽሕናና በድንግልና መመካትና በሌሎች መፍረድ አይገባም። ይህ ትዕቢት ነውና፡፡ ትላንት በትዕቢታቸው ምክንያት ብዙዎችን ያዋረደና ያሳፈረ እግዚአብሔር ዛሬም በድንግልናቸው የሚመኩትን ሰዎች ብቃታቸው ከራሳቸው እንዳልሆነ ያውቁ ዘንድ በሚያሳፍር ሁኔታ ሊጥላቸው ይቻለዋል፡፡ በድንጋሌ ሥጋ ከሚመካ ትዕቢተኛ ድንጋሌ ሥጋ የሌለው ትሑት ሰው በእጅጉ ይሻላልና መመካት አያስፈልግም::
በቀጣይ ምዕራፍ ስምንት ክፍል ሰባት :
👉 ስለ ድንግልና ማልቀስና መጾም ይገባል!
👉 ድንግልናን ማቃለል ያስቀስፋል!
👉ድንግል ሴት ትፈልጋለህ? በሚል ይቀጥላል....
ለጥያቄና አስተያየት @Ethiopian_Orthodox_bot ተጠቀሙ።
@Ethiopian_Orthodox
@Ethiopian_Orthodox
ሕይወተ ወራዙት(የወጣቶች ሕይወት)
ምዕራፍ ስምንት ክፍል ስድስት
.................................................
ድንግልና ያስመካል?
ድንግልናን መጠበቅ መልካም ነገር ቢሆንም የሚያመጻድቅና ብዙ የሚያስመካ ግን መሆን የለበትም:: «ድንግል ነኝ እኮ!» ብሎ መመጻደቅ የሚያስከትለው ወቀሳና መዘዝ ድንግልናን ከማጣት በላይ ነው። አንድ ሰው በድንግልናው የሚመጻደቀው መንፈሳዊነት ሲጐድለውና ዕውቀቱም ያነሰ ሲሆን ነው፡፡
ነቢዩ ኤልያስ በእግዚአብሔር ዘንድ የተወደደ ድንግላዊ ኑሮ ነበረው፡፡ በተጨማሪም ለእግዚአብሔር ቀናዒና ንጹሕ የሆነ አምልኮት የነበረው ታላቅ ነቢይ ነው፡፡ ነገር ግን በዚህ መልኩ የሚኖረው እሱ ብቻ ይመስለው ነበር፡፡ ስለዚህ አንድ ቀን ከእግዚአብሔር ጋር ሲነጋገር «እኔም ብቻዬን ቀርቻለሁ» ሲል እናነባለን፡፡ ነገር ግን እግዚአብሔር «ከእስራኤል ጉልበታቸውን ለበኣል (ለጣዖት) ያላንበረከኩትን ሁሉ፣ በአፋቸውም ያልሳሙትን ሁሉ ሰባት ሺህ ሰዎች ለእኔ አስቀራለሁ።» በማለት መልሶለታል፡፡ 1ነገ19፥14(18)
ዛሬም ቢሆን ደናግላን የሉም ማለት አይቻልም።ጉልበታቸውን ለዝሙት ያላንበረከኩ የልጅ ፍቅር፣ የሴት ከንፈር ያልማረካቸው ወንዶችና የወንድ ፍቅር ያላገበራቸው ብዙ ሴቶች አሉ፡፡ በንጽሕና ኖረው ለምናኔ፣ ለምንኩስና የሚበቁ «ሰባት ሺህ» የመንግሥተ ሰማያት ዜጐች ለእግዚአብሔር አሉት፡፡«ሰባት» ቁጥር በዕብራውያን ፍጹም ቁጥር ነውና፤ «ሰባት ሺህ ዜጎች ለእግዚአብሔር» አሉት ማለት ፍጹም ብዙ ቁጥር ያላቸው ወዳጆች አሉት ማለት ነው፡፡
"ዮም ፍሰሐ ኮነ በእንተ ልደታ ለማርያም"
ዘማሪ ፍቃዱ አማረ
@Ethiopian_Orthodox
@Ethiopian_Orthodox
🌿 "ኢያቄም ወለዳ" 🌿
ኢያቄም ወለዳ ኢያቄም(፪)
ዳዊት ዘመዳ ኢያቄም ወለዳ።(፬)
ከሰማይ እግዚአብሔር ክንዱንም ሰደደ
ማደሪያው እንድትሆን ጽዮንን ወደደ
ከእሴይ ዘር ሐረግ ከዳዊት ወገን
መረጣት ንጉሱ ማደሪያው እንድትሆን
ዳዊት ዘመዳ ኢያቄም ወለዳ(፬)
ሁለቱ አዕሩግ ቅዱሳን የሆኑ
በምግባር ትሩፋት በዕምነት የጸኑ
ኢያቄም ወሐና የሐይማኖት ፍሬ
የአምላክን እናት አስገኙልን ዛሬ
ዳዊት ዘመዳ ኢያቄም ወለዳ(፬)
ኢያቄም ለሕይወት አንቺን ያፈራባት
የሐና ማኅጸን ምንኛ ድንቅ ናት
ማርያም ሆይ ልደትሽ ጽልመትን ገለጠ
መልአከ ሞት ፈራ ሰይጣን ደነገጠ
ዳዊት ዘመዳ ኢያቄም ወለዳ(፬)
ሰላም ለልደትሽ ለሰው ዘር ለሆነው
ለጽንሰትሽ ሰላም ድውያንን ላዳነው
እግዚአብሔር ከፍጥረት ዘር ባያስቀርልን
ሰዶምን በመሰልን ገሞራንም በሆንን
ዳዊት ዘመዳ ኢያቄም ወለዳ(፬)
ኢያቄም ወለዳ ኢያቄም(፪)
ዳዊት ዘመዳ ኢያቄም ወለዳ(፬)
በማኅበረ ቅዱሳን መዘምራን
@Ethiopian_Orthodox
@Ethiopian_Orthodox
.....ያሳታትን ዲያብሎስ በቅድስና መንገዷን ሰውራ የምታስተውን (ግራ የምታጋባውን) መድኃኒት ልጇን ተወልዳ አይታ በደስታ አነባች፡፡ የፍጥረት እናትና አባት የሆኑ አዳምና ሔዋን ልጃቸውን እናታችን፣ ካሳችን፣ መድኃኒታችን፣ ሰማያችን ተወለደች እያሉ ሲደሰቱ ሲያመሰግኑ ልጆቻቸውም ከእነርሱ ጋር የባሕርያችን መመኪያ የድኅነታችን ቀርን ዛሬ ተወለደች እያሉ ተደሰቱ፡፡ ከአንድ ከዲያብሎስ በቀር ሁሉም ደስ አላቸው። እርሷም በኋላ እንኳን የቀደመው የኋላው ትውልድ ሁሉ ብፅዕት ይሉኛል አለች። እንግዲያስ በእርሷ መወለድ እንደ ዲያብሎስ አይክፋን፤ ይልቁንም የፍጥረት ሁሉ አባትና እናት እንደሆኑት እንደ አባታችን አዳምና እንደ እናታችን ሔዋን፣ እንደ ነቢያትና አበው ሁሉ አብረን ደስ ይበለን፡፡ እንኳን ደስ አለን፤ ዛሬ የባሕርያችን መመኪያ፣ ሰማይ የደረሰችው መሰላል፣ እግዚአብሔር ከእርሷ ጋር ሆኖ አማኑኤል ተብሎ ከእኛም ጋር እንዲሆን ምክንያት የሆነችልን የእመቤታችን ልደት የእኛም የሁላችን ልደት ነውና፡፡
ሰማይ የደረስሽው መሰላል፣ ከምድር ባሕርያችን የተሠራሽ ሰማይ ሆነሽ የጽድቅ ፀሐይን ያወጣሽልን ሰማይ ሆይ እግዚአብሔር ከአንቺ ጋር ነውና ዛሬም የዲያብሎስ ግሣት የሆነውን ዘረኝነትን፤ መለያየትን እና ርኩሰትን አስወግጅልን፡፡ የባሕርያችን መመኪያ ሆይ ለአጋንንትና ለመናፍቃን መሳለቂያ አታድርጊን፡፡ በእኛ ጉድለት ምክንያት ታምነውባት አፈሩ፣ ተማጽነውባት መልስ አጡ እያለ ዝንጉዎችን እንዳያጠራጥር ቸሪቱ አማላጂቱ ሆይ በልደትሽ ስላስደሰትሻቸው ከሐፍረትና ከውረደትም ስላዳንሻቸው እናትና አባትሽ ስለኢያቄምና ስለሐና ፣ ስለአዳምና ሔዋን ብለሽ ድረሽልን፡፡
በእሥራኤል ትውፊት እሥራኤል በተጨነቁ ቁጥር ራሔል ስትጮህ ይሰማቸው እንደነበረ ዛሬም አንቺ ከጮሕሽ ልጅሽ ይምራልና በእውነት ይቅር ይለን ዘንደ ለምኝልን፤ ሰአሊ ለነ ቅድስት፡፡
በክርስትናው ለሚያምን ሁሉ እንኳን ደስ አለን፤ እንኳንም ለእናታችን ልደት ለሁላችንም የጋራ የልደት በዓል አደረሰን፡፡
@Ethiopian_Orthodox
@Ethiopian_Orthodox
"መልክአ ማርቆስ"
በኆኅተ መንግስተ ሰማያት ሰንበት ትምህርት ቤት
@Ethiopian_Orthodox
@Ethiopian_Orthodox
ሚያዝያ ፴
ቅዱስ ማርቆስ ሐዋርያ
ሚያዝያ ሠላሳ በዚች ቀን ለእስክንድርያ ሊቃነ ጳጳሳት አለቃ የሆነ ወንጌልን የጻፈ ሐዋርያው ቅዱስ ማርቆስ በሰማዕትነት አረፈ።
የዚህም ቅዱስ የአባቱ ስም አርስጦቡሎስ ነው እርሱም ከአምስቱ አገሮች የሆነ የእናቱም ስም ማርያም ነው እርሷም በሐዋርያት ሥራ መጽሐፍ ተጽፋለች እርሱም አስቀድሞ ስሙ ዮሐንስ ነው። በግብረ ሐዋርያት ማርቆስ በተባለ በዮሐንስ እናት ቤት ሐዋርያት ይጸልዩ ነበር ተብሎ እንደ ተጻፈ። እርሷም ባለጸጋ ነበረችና የዮናናውያንን የሮማይስጥን የዕብራይስጥን ትምህርት ለልጅዋ ለማርቆስ አስተማረችው።
በአደገም ጊዜ በርናባስ ወንጌልን ለመስበክ ከጳውሎስ ጋራ ሲሔድ ይዞት ሔደ በእነርሱም ላይ የሚደርስባቸውን መከራ አይቶ በጵንፍልያ ከተማ ሳሉ ትቷቸው ወደ ኢየሩሳሌም ተመለሰ።
ሐዋርያትም በተመለሱ ጊዜ የክብር ባለቤት የሆነ ጌታችን ኢየሱስ ክርስቶስን ወደ ማመን አሕዛብ እንደ ተመለሱ እግዚአብሔርም በእጆቻቸው ላይ ድንቅ ተአምራትን እንዳደረገ ተናገሩ። ይህ ብላቴና ማርቆስም ከእርሳቸው ስለ መለየቱ አዘነ ተጸጸተ።
ከዚያም አብሮአቸው ሊሔድ ፈለገ አስቀድሞ ትቷቸው ስለተመለሰ ጳውሎስ ሊአስከትለው አልወደደም በርናባስ ግን ወሰደው አጎቱ ነውና። በርናባስም ከአረፈ በኋላ ወደ ሮሜ አገር ወደ ቅዱስ ጴጥሮስ ሒዶ ለእርሱ ደቀ መዝሙሩ ሆነ በዚያም ቅዱስ ጴጥሮስ የተረጐመለትን ወንጌልን ጻፈ በሮሜ አገርም አስተማረበት። ከዚያም በክብር ባለቤት በጌታችን ኢየሱስ ክርስቶስ ትእዛዝና በሐዋርያትም ትእዛዝ ወደ እስክንድርያ አገር ሔደ። በውስጥዋም የከበረ ወንጌልን አስተማረ ደግሞም በአፍራቅያና በአምስቱ አገሮች በርቃ በሚባልም አገር ወደ እስክንድርያ ከተማ በገባ ጊዜ ጫማው ተቆረጠ።
በዚያም በከተማው መግቢያ ጫማ ሰፊ ነበረ። ቅዱስ ማርቆስም እንዲሰፋለት ለርሱ ሰጠው ሲሰፋም ጣቱን ወግቶ ሰነጠቀው ከእርሱም ደም ፈሰሰ በዮናኒም ቋንቋ ኢታስታዖስ አለ ትርጓሜውም አንድ እግዚአብሔር ማለት ነው። ቅዱስ ማርቆስም ስሙን የምትጠራው አውቀኸው ነውን አለው እንጠራዋለን እንጂ አናውቀውም አለ።
እግዚአብሔር ሰማይና ምድርን ከፈጠረበት ጊዜ ጀምሮ አባታችን አዳም ትእዛዙን እንደተላለፈ የጥፋት ውኃም እንደ መጣ ሙሴንም እንደላከውና እስራኤልን ከግብጽ እንዳወጣቸው ሕግንም እንደ ሠራላቸው ናቡከደነጾርም ወደ ባቢሎን ማርኮ እንደወሰዳቸውና ከሰባ ዓመት በኋላ ወደ አገራቸው ኢየሩሳሌም እንደ ተመለሱ ክርስቶስ ሥጋ በመልበስ ወደ ዓለም ስለ መምጣቱ ነቢያት ትንቢት እንደ ተናገሩ ያስተምረው ዘንድ ጀመረ።
ከዚያም በኋላ ወደ ምድር ምራቁን ትፍ ብሎ ጭቃ አድርጎ ጣቱን ቀባው ወዲያው ዳነ በጌታችንም አመነ። ያም ሰፊ ስሙ አንያኖስ ነው። ቅዱስ ማርቆስንም ወደ ቤቱ ወስዶ ልጆቹን ዘመዶቹንም ወደ ርሱ አቀረበ እርሱም አስተምሮ አንድ አምላክ በሆነ በአብ በወልድ በመንፈስ ቅዱስ ስም የክርስትና ጥምቀትን አጠመቃቸው።
በክብር ባለቤት በጌታችን ኢየሱስ ክርስቶስ ያመኑ ሰዎች በበዙ ጊዜ የቅዱስ ማርቆስን ዜና ሰምተው የአገር ሰዎች ሊገድሉት ተሰበሰቡ እርሱም አንያኖስን ኤጲስቆጶስ አድርጎ ሹሞ ልጆቹን ቄሶችና ዲያቆኖች አድርጎ ከዚያም ወደ በርቃ ወደ አምስቱ አገሮችም ወጥቶ አስተማረ። በቀናች ሃይማኖትም አጸናቸው በእርሳቸውም ዘንድ ሁለት ዓመት ኖረ ኤጲስቆጶሳትን ቀሳውስትንና ዲያቆናትን ሾመላቸው።
ከዚህም በኋላ ወደ እስክንድርያ ተመለሰ ምእመናንም ተጨምረው በዝተው በታወቁ ቦታዎች ሁሉ በባሕሩም ዳር በላሞች መካበቢያ በሚባለውም አብያተ ክርስቲያን ሠርተው አገኛቸው።
ከሀድያንም የከበረ ሐዋርያን ይገድሉት ዘንድ በብዙ ድካም ፈለጉት እርሱም አምስቱን አገሮች ሲጐበኝ በሥውር ወደ እስክንድርያ ከተማ ይገባ ይወጣ ነበር። በአንዲትም ዓመትም ከአምስቱ አገሮች ተመልሶ ሚያዝያ ዐሥራ ሰባት ቀን በመድኃኒታችን የትንሣኤ በዓል ወደ ቤተክርስቲያን ገባ ሕዝቡም ሁሉ በዙሪያው አሉ። ከሀድያንም ወደ ቤተ ክርስቲያን ገብተው በአንገቱ ውስጥ ገመዶችን አድርገው በከተማው ሁሉ ጎተቱት። እነርሱም ገና እንደፍየል ሙክት እንጎትተዋለን እያሉ ይጮኹ ነበር። በላሞች መካበቢያና በሀገሪቱ አደባባይ በከተማውም ዙሪያ በየቀኑ ሲጎትቱት ኖሩ።
ሌሊትም በሆነ ጊዜ የክብር ባለቤት ጌታችን ኢየሱስ ክርስቶስ ከሐዋርያት ጋራ በነበረበት አርአያ ሁኖ ተገለጠለት ሰላምታም ሰጥቶ አጽናናው ቃል ኪዳንም ሰጠው። እነሆ አንተ ከወንድሞችህ ሐዋርያት ጋር ተካከልህ አለው። እርሱም በልቡናው ፈጽሞ ደስ አለው። በማግሥቱም ሁለተኛ ገመዶችን በአንገቱ አድርገው በአገሮች ሁሉ ጎተቱት በቀኑም መጨረሻ ነፍሱን አሳልፎ ሰጠ።
ከሀዲዎችም ታላቅ እሳትን አንድደው የቅዱስ ማርቆስን ሥጋ ከውስጡ ጨመሩ። በክብር ባለቤት ጌታችን ፈቃድም ንውጽውጽታ ጨለማ ቀዝቃዛ ነፋስ መብረቅና ነጐድጓድ ሆነ። ፀሐይም ጨለመ ከሀዲዎችም ሸሹ ምእመናንም መጥተው የሐዋርያ ቅዱስ ማርቆስን ሥጋ ወሰዱ ምንም ጥፋት ሳይደርስበት ደኀና ሆኖ አገኙት በመልካም ልብስም ገንዘው በጥሩ ቦታ አኖሩት መታሰቢያውንም አደረጉ።
ለእግዚአብሔርም ምስጋና ይሁን እኛንም በቅዱስ ማርቆስ ጸሎት ይማረን በረከቱ ከእኛ ጋር ለዘላለሙ ትኑር አሜን።
@Ethiopian_Orthodox
@Ethiopian_Orthodox
ከዚህ በላይ በጣም የሚያሳዝነው ይህ የዝሙት ተግባር በመንፈሳዊነት ሰበብ ሲከናወን ማየት ነው፡፡ ልጸልይልሽ፣ ላስጠምቅሽና ላጥምቅሽ፣ በሚሉ ሰዎች ብዙ ሴቶች ክብራቸውን አጥተዋል። ይህ የሚሆነው ሰውን ከመጠን በላይ ማመን ሲደራ ነው:: ጉዳዩ መንፈሳዊ መሆኑ ደግሞ ሰዎቹን የበለጠ እንዳይጠራጠሩ ያደርጋል። ይህን በመሰለ ነገር ብዙዎች ተሰነካክለዋልና አስቀድሞ እንደተገለጸው በሰው ብዙ አለመተማመን መልካም ነው። ፈዋሽ ጠበል አለ ወደ ተባለበት ቦታ ሁሉ «እግዚአብሔር አለ ምን እሆናለሁ?!» እያሉ ፈጣሪን መፈታተን አይገባም፡፡ ይልቁንም ብዙ ሰው ወደማይኖርባቸውና በየጫካዎች ወደሚገኙ የጠበል ቦታዎች ጨለማን እንኳን ሳይፈሩ ረጅም መንገድ እጓዛለሁ ማለት እጅግ መታወር ነው፡፡ ከዚህ ቀደም ምንም ጉዳት ባይደርስብን እንኳን ከዚህ በኋላ መሞክር አይኖርብንም፡፡ በዚህ ምክንያት ተማሮ ጨርሶ ከቤተ ክርስቲያን ከመራቅ ከወዲህ መጠንቀቅ ይገባል።
ሌላውን ማስታመም ያንቺን የንጽሕና ኑሮ አደጋ ላይ የሚጥለው ከሆነ አለማስታመም ወይም ታማሚም ብትሆኚ አስታማሚ ማጣትሽ ይመረጣል፡፡ ከሥጋ ሕመም ቅድስናን ማጣት ይከፋልና፡፡ ሰይጣን ዝሙትን ለማስፈጸም ታማሚ ወይም አስታማሚ የሚያደርግበት ጊዜ አለ፡፡ ትዕማር የተባለች የዳዊት ልጅ ድንግልናዋን ያጣችው አምኖንን አስታምማለሁ ብላ ስትንጎዳጎድ ነው። 2ሳሙ13÷7-17 ይህ ታሪክ ለምን የተጻፈ ይመስልሻል? እግዚአብሔር አንቺን ለማስተማር ፈልጐ አይደለምን? ማስታመም ብቻ ሳይሆን አንቺ ራስሽ ብትታመሚም በምትጎጂበት መንገድ አስታማሚ አትፈልጊ፡፡ አስታማሚ አግኝቶ ንጽሕናን ከማጣት ከነንጽሕና መሞት ይመረጣል። ብታምኚ ግን እግዚአብሔር አስታማሚ የላትም ብሎ ለሞት አያበቃሽም። እርግጥ ሕመም መግቢያ ያሳጣልና ወደማንፈልገው ነገር በግድ እንድንገባ የሚያደርግበት ጊዜ አለ:: ሰይጣንም ወጥመዱን በሕመም ምክንያት የሚዘረጋው በዚህ ምክንያት ነው፡፡ ሆኖም ለዘለዓለም ሕይወት የሚበጀውን አውቆ መጠንቀቅና እርምጃ መውሰድ የሰው ፋንታ ነው::
ተ. ሴቶች ድንግልናቸውን እንዳይጠብቁ ለማጥመድ ሰይጣን በዚህ ዓለም የዘራው ብዙ ዓይነት የተሳሳተ አመለካከት አለ። ከነዚህ ውስጥ አንዱ ሩካቤ ማድረግ በወንዶች ዘንድ ፍቅርን የሚያጸና (መወደድን የሚያመጣ) አድርጐ ማሳሰብ ነው፡፡ ስለዚህ ብዙ ሴቶች ድንግልናቸውን አሳልፈው ላላገቡት ወንድ ይሰጣሉ፡፡ ይህ አስተሳሰብ ፍጹም ቂልነት ነው፡፡ ምንም እንኳን ድርጊቱን የፈጸመው ራሱ ቢሆን ለእርሱ ይህ አይታሰበውም፡፡ ከዚህ ይልቅ ሳላገባት እንዲህ ካደረገች ከሌላም ካላገባችው ሰው ጋር ቢሆንም አንዲሁ ናት ብሎ በልቡናው ይታዘብሻል እንጂ ሊወድሽ አይችልም:: ፍቅር ምንም ምክንያት አያሻውም እውነተኛ ወዳጅ እንዲሁ ይወዳል፡፡ በምክንያት የሚወድ ግን በምክንያት ይጠላል፡፡ ራስሽን ስትሰጪው የወደደሽ የመሰለሽ ሰው አንዴ ብትቀሪበት እንደሚጠላሽ አታውቂምን? ወይስ እንዳንቺ ራሷን አሳልፋ የምትሰጠው ሴት ቢያገኝ ትቶሽ እንደሚሄድ አታስተውይምን? ምክንያቱም ይህ ሰው የሚወደው ሲሰጡት ብቻ ነውና፡፡
«ወንዶች አብራቸው የተኛችን ሴት ያፈቅራሉ» የሚለው አመለካከት ፍጹም የተዛባ መሆኑን የሚያረጋግጥልን አንድ መጽሐፍ ቅዱሳዊ ታሪክ አለ፡፡ ይኸውም የትዕማር ታሪክ ነው፡፡ አምኖን የተባለው ሰው ትዕማር የተባለች ከሌላ እናት የምትወለደውን የገዛ እኅቱን ወደደ፡፡ መጽሐፍ ቅዱስ አምኖን ለትዕማር የነበረውን ፍቅር ሲገልጽ «አምኖንም ከእኅቱ የተነሣ እጅግ ስለተከዘ ታመመ፣ ድንግልም ስለነበረች አንዳችም ያደርጋት ዘንድ በዓይኑ ፊት ጭንቅ ሆነበት ይላል፡፡» 2ሳሙ13÷2 ይህን የመስለ ፍቅር የነበረው አምኖን አብሯት ከተኛና ሕጓን ከወሰደ በኋላ ግን ምን እንደ ተሰማው ሲገልጽ «ከዚያ በኋላ አምኖን ፈጽሞ ጠላት አስቀድሞ ከወደዳት ውድ ይልቅ በኋላ የጠላት ጥል በለጠ ይላል።» 2ሳሙ13፥15 ታዲያ ሕጌን ቢወስድ ይወደኛል ማለት ቂልነት መባሉ አያንሰውምን? በዚህ ዓይነት አስተሳሰብ ሄደው ክብራቸውን ያጡ፣ ያረገዙ፣ ለውርጃ የተጋለጡ ብዙ የመንፈስ ስብራት ያገኛቸውን ሴቶች ቤት ይቁጠራቸው።
ቸ. ሴቶችም ሆኑ ወንዶች ስለ ንጽሕናቸው በትኵረት ማሰብ ይገባቸዋል፡፡ አንድ በዙሪያቸው የሚከናወንን ነገር ፍጻሜው ወዴት እንደሚሆን በጥንቃቄ መመርመር አለባቸው። የነገር መነሻ ላያሳስብ ይችላል፡፡ ወይም ከፍጻሜው ጋር የማይገናኝ ይመስል ይሆናል፡፡ በደንብ ያስተዋለ ግን በእርግጥ የሚያገናኛቸው ነገር መኖር አለመኖሩን ሊረዳ ይችላል:: ለምሳሌ፡- መጽሐፈ መነኮሳት «ነጭ ልብስ የለበሰ ሰው ትሕትና የለውም›› ይላል፡፡ እዚህ ላይ አንድ ሰው ነጭ ልብስ ከትዕቢት ጋር ምን አገናኘው? ብሎ ሊጠይቅ ይችላል:: ለዚህ ሐተታ ሲሰጥ ነጭ ልብስ የለበሰ ሰው ከሱ ይልቅ ሊከበር የሚገባው ሰው ተነሥቶ ልብስህ እንዳይቆሽሽ እዚህ ላይ ተቀመጥ ብሎ በራስ መቀመጫ ላይ እንዲቀመጥ ቢያስተናግደው ሳይግደረደርና ምንም ሳያቅማማ ሄዶ ይቀመጣል፡፡ ታዲያ አይገባኝም ማለት ሲገባው ለልብሱ ሲል የትሕትና ሥራ አጉድሎ ግብዣውን ሳያቅማማ መቀበሉ ትሕትና ጎደለበት አያሰኝምን? ይህ ምሳሌ ነጭ ልብስ መልበስና ትዕቢተኛነት ያላቸውን ረቂቅ ትሥሥር ያስረዳል፡፡ እንደዚሁም ሁሉ የምንለብሰው ልብስ፣ የምንጠጣው መጠጥ፣ የምንሄድበት ቦታ ወዘተ እንዴት ለዝሙት ሊያጋልጠን እንደሚችል ተረድተን መጠንቀቅ ይገባናል፡፡
ፍጻሜውን ባለማስተዋል፣ በመታለልና በመሞኘት ክብረ ንጽሕናቸውን አጥተው የሚቆጩ ሴቶች ብዙ ናቸው:: አንድ ሹፌር የመኪና ሞተር ለማስነሣት ቁልፍ አስገብቶ ማዞሩን እንጂ በውስጡ የሚካሄዱትን ነገሮች በውል ላይረዳ ይችላል:: አንድ የቴክኒክ ባለሙያ ግን ከቁልፉ መዞር ባሻገር ምን ምን ነገሮች ተካሂደው በመጨረሻ ሞተሩ እንደ ተነሣ በተሻለ ይረዳዋል:: የአንድን ነገር ሂደት በዚህ መልኩ በጥልቀት መረዳት ከስሕተት ያድናል:: ወጣቶች እንኳን የሚሠሩት የሚመኙት ነገር በአንክሮ ቢጤን አንድ ጾታዊ ጉዳይ አይታጣበትም፡፡ የሚመርጡት የሥራ ዓይነት፣ የሚመኙት ቤትና መኪና፣ የሚሹት ታዋቂነት፣ ዝንባሌያቸው ወዘተ መጨረሻው ከፆታዊ ጉዳይ ጋር ቁርኝት ያለው ሆኖ ይገኛልና ራስን መመርመር ያስፈልጋል፡፡
ነ. ድንግል ነሽ? አይደለሽም? ዓይነት ውርርድና ጨዋታ መቼም ቢሆን የሚያስፈልግ አይደለም:: ወደ ግል ሕይወትሽ የሚያመራ ይህን የመሰለ ጨዋታ መሸሽ ይገባሻል፡፡ ለማንም ድንግል ነኝ አትበይ እንደውም ግድ መናገር ካስፈለገ ሁኔታውን አይቶ ድንግል አይደለሁም ማለት ሳይሻል አይቀርም:: ምክንያቱም ድንግል ነኝ በማለታቸው ብዙዎች ካላሰቡት ወጥመድ ውስጥ ገብተዋልና፡፡
የሚያገባሽ ሆኖ ስለ አኗኗርሽ በግድ ማወቅ ከሚያሻው ሰው በቀር ለማንም ስለ ራስሽ ድንግል መሆንም ሆነ አለመሆን አታውሪ፡፡ ብታወሪ ግን ለጊዜው ሊያኮራሽ ይችል ይሆናል:: ዘግይቶ ግን ሳታዝኚበት አትቀሪም፡፡ ምክንያቱም ከድንግል ሴት ጋር መተኛት ንጹሕ መሥዋዕት የማቅረብን ያህል የሚያስደስታቸው ሰዎች ብዙ ናቸውና፡፡ ስለዚህ ድንግል ነኝ በማለትሽ በራስሽ ላይ የፈተና ትብትብ ትሸከሚያለሽ፡፡
ከሁሉ የሚያሳዝነው «ድንግልናዬን ያጣሁበትን መንገድ ምንም እንኳን በመንፈሳዊ ዓይን ሳየው ሥራዬ እጅግ ቢያስቆጨኝም በወቅቱ ግን ያን በማድረጌ ደስተኛ ነበርኩኝ› በማለት ለመናገር የሚደፍሩ ጥቂቶች ብቻ መሆናቸው ነው:: ምክንያቱም የብዙዎች ሰዎች ድንግልና ማጣት በአንድ ወገን ጫናና ፍላጎት ብቻ የተፈጸመ ከመሆኑም በላይ በቦታ ዐቅም እንኳን ጎንን ማሳረፊያ በሌለበት በየሜዳውና በየፈፋው፣ በአጥር ጥግና በመኪና ውስጥ፣ በፊልም ቤት፣ በምግብ ማብሰያና በመጸዳጃ ቤት፣ በየትምህርት ተቋማት ማደሪያዎች፣ በቢሮዎችና በየኮሪደሩ፣ በድብደባ፣ በጉተታና በልዩ ልዩ መንገድ የተፈጸሙ በመሆናቸው ነው:: ሕጋዊ ባልሆነ መንገድ በምንም ዓይነት ምቾት ቢሆን ድንግልናን ያህል ነገር ከጋብቻ ውጭ ማጣት የሚያሳዝን ነገር ቢሆንም በዚህ መልኩ መሆኑ ደግሞ ሲታሰብ እንኳን ይዘገንናል፡፡
ከዚህ በታች ድንግልናን ለማጣት የሚዳርጉ ወሳኝ ወቅቶች፣ ቦታዎችና ሁኔታዎች ተዘርዝረዋል። የተነሡት ነጥቦች አብዛኞቹ እውነተኛ ታሪኮች ናቸው:: ሆኖም «ታሪክ ራሱን ይደግማል›› እንደሚባለው እነዚህ ሰዎች በተጓዙበትና በተጎዱበት የስሕተት ጐዳና የሚሯሯጡ ብዙ ሰዎች ዛሬም ይገኛሉ፡፡ ብልህ ሰው ከሰው ጉዳት ብዙ ይማራል፡፡ በራስ ላይ ክፉ ነገር ሳይደርስ በሌሎች ከደረሰ ጉዳት መማር ታላቅ ዕድል ነው፡፡
ሀ. ብዙዎች ክብረ ድንግልናቸውን ያጡበት መንገድ ተገድዶ መደፈር ነው፡፡ ይህ ጉዳይ በሀገር አቀፍ ደረጃ ዐቢይ መነጋገሪያ እየሆነ ከመጣ ዘመናትን አስቆጥሯል፡፡ በመጽሐፍ ቅዱስም ስለ አስገድዶ መድፈር ተጽፏል፡፡ በወቅቱ በደፋሪነት የሚታወቀው ወንድ ተደፋሪዋ ደግሞ ሴት በመሆኗ ደፋሪው ስለሚገባው ቅጣት ተደፋሪዋ ማድረግ ስላለባት ነገር በዝርዝር ተጽፎ ነበር፡፡ ዘዳ22፥23-27
እንደ ሥርዓተ ኦሪት ከሆነ ተደፋሪዋ ሴት ድርጊቱን መቃወሟ የሚታወቀው ቢያንስ ‹መጮኽ›› በሚቻላት ጊዜ ሁሉ ‹‹መጮኽ› ከቻለች ብቻ ነበር፡፡ ይህ ካልሆነ ግን በድርጊቱ እንደተስማማች ይቆጠርና ከደፋሪዋ ጋር እርሷም አብራ በድንጋይ ትወገር ነበር፡፡ ለምን ቢባል «በከተማ ውስጥ ሳለች አልጮኸችምና» በማለት ቅዱስ መጽሐፍ መልስ ይሰጠናል፡፡ ዘዳ22 ፥ 24
ይህ የመጽሐፍ ቅዱስ ሥርዓት የሚያስተምረው ከመደፈር ለመዳን ሴቶች ከ‹መጮኽ›› አንሥቶ በአለባበስ፣ በድርጊት፣ በቦታ፣ ወንዶች ሥጋ እንዳየ አንበሳ በኃይል እንዲነሡባቸው ከማድረግ በመቆጠብ የበኩላቸውን አስተዋጽኦ ማድረግ እንዳለባቸው ነው፡፡ ‹‹መብቴ ነው» እያሉ እንደፈቀዱ መሆን ይቻል ይሆናል፡፡ መብትሽ ከሰው በታች የሚያደርግሽ ከሆነ ምን ይረባሻል? በመንፈስ፣ በሥነ ልቦናና በአካል ጉዳት ላይ ከወደቅሽ በኋላ ለዚህ ያበቃሽ ሰው በሕግ መቀጣቱ ተገቢ ነገር ነው:: ቢሆንም ላንቺ ግን እንኳን መታሰሩ ብቻ ይቅርና በስቅላት የሚቀጣም ቢሆን ምንም አይጠቅምሽም፡፡ላንቺ የሚበጅሽ ከመጀመሪያው ጉዳት ባይደርስብሽ ነውና፡፡ ስለዚህ ከወዲሁ ራስሽን ለአስገድዶ መደፈር አታጋልጪው፡፡
ለ. መደፈር በኃይል በመገደድ ብቻ አይደለም፡፡ ከመነሻው ከወንዶች ጋር የሚኖርሽን ግንኙነት በጥንቃቄ አድርጊ፡፡ እርዳታ ካስፈለገሽ አቋምሽን ገልጸሽ በቀና የመረዳዳት መንፈስ እርዳታ ተቀበይ፡፡ አንቺም ሌሎችን ስትረጂ በዚሁ መንገድ አድርጊው:: በእርዳታና በውለታ ብዛት መደፈር አለና ያለ አግባብ እርዳታ ብታገኚ ሳትወጂ በግድ ራስሽን ትሰጪያለሽ፡፡ ስለዚህ እርዳታ ከመጠየቅ ወይም ከመቀበልሽ በፊት በውኑ ይህን ዓይነት እርዳታ የሚያስፈልገኝ ሰው ነኝን? የሚረዳኝስ ሰው ምን ዓይነት ነው? ፆታው፣ እድሜው፣ የኑሮ ሁኔታው፣ ቅርርባችንስ ምን ያህል ነው? ወይም ምን ይመስላል? ለምን ይረዳኛል? ለሚሉት ጥያቄዎች መልስ አግኚላቸው።ይህ ሰው ለኔ የሚያደርገውን ያህል እርዳታ የሚያስፈልጋቸውና ከኔ ይልቅ የሚቀርቡት ሌሎች ወገኖች የሉምን? ታዲያ እኔ በምን ምክንያት ቀዳሚያቸው ሆንኩኝ? በመጨረሻም ምን አልባት በመጨረሻ ከዚህ ሰው ያላሰብኩት ፆታዊ ጥያቄ ቢሰነዘርብኝ በምን መልኩ መልስ መስጠት እችላለሁ? ብለሽ አስቢበት።
እግዚአብሔር ስለ ንጽሕና ከሰው የሚፈልገው ንጽሕናን ብቻ ነው:: ዝሙት በንስሓ እንጂ በምጽዋት ሊሠረይ አይችልም፡፡ ንጽሕና በዋጋ የሚሸምቱት ሸቀጥ አይደለምና፡፡ ምጽዋት ተቀባይነት የሚኖረው ከንጽሕና ሥራ ጋር ሲተባበር ነው:: እንዲህ ከሆነ በምንም ዓይነት መንገድ ቢሆን ለተዋለልን ውለታ በሰውነታችን ለመክፈል ማሰብ ሞኝነት ነው:: ውለታ ከተቻለ በዚያው መንገድ ሊከፈል ይገባል:: ካልሆነም «እግዚአብሔር ይስጥልኝ» ማለት ብቻ ውለታን ሊመልስ ይችላል፡፡ ምክንያቱም ውለታ ብድር አይደለምና። ሆኖም ይህ ምስጢር ሳይገባቸው ቀርቶ ለማግኘት ስለሚፈልጉት ነገር ወይም አስቀድሞ ስለተደረገላቸው ውለታ ሰውነታቸውን ለዝሙት አሳልፈው የሚሰጡና ድንግልናቸውንም በዚህ መንገድ እያጡ ያሉ ሴቶች ቁጥር እጅግ ብዙ ነው:: አንቺስ በሕይወትሽ የምትመኚውን ትልቅ ነገር ሊያደርግልሽ የሚችል ወንድ ብታገኚ በድንግልናሽ እንደማትዋዋዪ ምን ያህል እርግጠኛ ነሽ?
ሐ. ከለላ ለማግኘት ስትዪ ከአንዱ ወንድ ጋር እጅግ አትጣበቂ፡፡ ከፈራሻቸው ሌሎች ይልቅ መጥፊያሽ የተማመንሽበት እንዳይሆን ተጠንቀቂ፡፡ እንዲህ ባለ ጐዳና ብዙዎች ተሰናክለዋልና፡፡ እጅግም በሰው መተማመን አይገባም፡፡ እርሱ ራሱ ሸክላ ነውና፡፡ ለምሳሌ:- በሚያስፈራ ጭለማ ብትሄጂ በራስሽ መመዘኛ ከሰከረ ያልሰከረውን ከእብድ ይልቅ ደግሞ ያልቀወሰውን ተማምነሽ ትጠጊ ይሆናል፡፡ እነዚህን ግን ማን የተሻሉ አረጋቸው? ብሰውስ ይገኙ እንደ ሆን ምን ታውቂያለሽ ? ስለዚህ ይህን በመሳሰለ ጥርጣሬ ብትሄጂ ሊያገኝሽ የሚችለው ጉዳት በእጅጉ ይቀንሳል፡፡ ሰውን ማመን አያጸድቅምና፡፡
መ. የሰው ባሕርይ እንደ ተቀጠቀጠ ሸንበቆ ነው፡፡ ብዙ ሲደገፉት መሰበሩና መውጋቱ አይቀርም:: በራስም ሆነ በሌላ ሰው ብዙ መተማመን አይገባም:: ብዙ ጊዜ ስሜት ከዕውቀት ይልቅ ይበረታል:: መጥፎነቱን እያወቅን ማድረግ የማንፈልገውን ነገር ደጋግመን ለመሥራት የምንገደደው ስሜት ከዕውቀት ይልቅ ስለሚበረታ ነው።
ብዙ ሰዎች ድንግልናቸውን ሲጠብቁ ኖረው ከዚህ ክብር የሚወድቁት ጋብቻቸውን ለመፈጸም ጥቂት ቀናት ወይም ሰዓታት ሲቀራቸው ነው:: ይህም የሚሆነው ከላይ እንደተገለጸው ቀኑ በቀረበ ቁጥር የኔነት ስሜት እየተሰማቸው በሚፈጥሩት መቀራረብና መተማመን ምክንያት ስለሚዘናጉ ነው፡፡ ስለዚህ ይህን አስቸጋሪ ወቅት እንደወትሮው ሁሉ መቀራረብን በልክ አድርጐ በጥንቃቄ መጓዝ ያስፈልጋል:: እንዲህ ካልሆነ የአንዲት ቅፅበትን ስህተት በዕድሜ ልክ እንባ ማጥራት ሊሳነን ይችላል፡፡
ከላይ የተጠቀሰውን የማሳሳቻ ዘዴ (ማዘናጋት) በመጠቀም እንጋባ የሚል ሐሳብ ሲነሣ ጆሮአቸውን ይይዙ የነበሩ ወንዶች ከጋብቻ በፊት የሩካቤ ጥያቄ አንሥተው ውድቅ ሲሆንባቸው በአጭር ጊዜ ውስጥ ለማግባት እንደወሰኑ ቃል መግባትና መሐላ መደርደር ይጀምራሉ፡፡ ይህን የሚያደርጉት «የሚያገባኝ ከሆነ ምን አስጨነቀኝ» በማለት አቋምሽ እንዲላላና እንድትዘናጊ ለማድረግ ነው፡፡ ይህንን በመሰለ ጊዜ አለመፈታትና አቋምን ጥብቅ አድርጐ በመያዝ እስከ ጋብቻ ዕለት ድንግልናን ጠብቆ መቆየት አግባብ ነው፡፡
📌 በደንብ ይነበብ 📌
ቅዱሳን በአጸደ ነፍስ ያማልዳሉ☑️
ማስረጃ 2 ይቀጥላል🙌
join በማለት እናበረታታው 🙏
/channel/KM_thoughts
/channel/KM_thoughts
ሚያዝያ ፳፫
ቅዱስ ጊዮርጊስ ሊቀ ሰማዕት
ሚያዝያ ሃያ ሦስት በዚህች ቀን ፀሐይና የአጥቢያ ኮከብ የተባለ ታላቅና ክቡር የሆነ የሰማዕቱ የቅዱስ ጊዮርጊስ የምስክርነት ፍጻሜ ሆነ። የዚህም ቅዱስ አባቱ መስፍን ነው ስሙም አንስጣስዮስ ይባላል ከቀጰዶቅያ አገር ነው የእናቱም ስም ቴዎብስታ ይባላል ከፍልስጥዔም አገር ናት ታናሽ ሆኖ ሳለ አባቱ አረፈ።
ሃያ ዓመትም በሆነው ጊዜ የአባቱን ሹመት ሊቀበል ወደ ንጉሥ ዱድያኖስ ዘንድ ሔደ፡፡ ንጉሡም ጣዖት አቁሞ ጣዖትን እንዲአመልኩ ሰዎችን ሁሉ ሲያስገድዳቸው አገኘው። ይህንንም አይቶ ቅዱስ ጊዮርጊስ እጅግ አዘነ በእርሱ ዘንድ ያለውን ገንዘቡን ሁሉ ለድኆች ለምስኪኖች ሰጠ ባሮቹንም ነፃ አወጣቸው።
ከዚህ በኋላ በንጉሥ ፊት ቁሞ በክብር ባለቤት በጌታችን ኢየሱስ ክርስቶስ ታመነ። ንጉሡም አባበለው ብዙ ቃልኪዳንም ገባለት እርሱ ግን አልተቀበለውም። ለመስማት እንኳ የሚያስጨንቅ ሥቃይን አሠቃየው ጌታችን ግን ያጸናዋል ቍስሉንም ያድነዋል ሦስት ጊዜም እንደ ሚሞት እርሱም እንደሚአሰነሣው በአራተኛውም የምስክርነት አክሊልን እንደሚቀበል ነገረው። ቃል ኪዳንም ሰጠው ስሙ በዓለሙ ሁሉ የተገለጠ ይሆን ዘንድ በተጋድሎና መከራ በመቀበልም ጽኑዕ በሆነ ሥቃይም ሰባት ዓመት እንደሚኖር መላእክትም እንደሚአገለግሉት ነገረው።
ንጉሡም ቅዱስ ጊዮርጊስ ባለመታዘዙና ባለመመለሱ እጅግ አዘነ ስለዚህም አትናስዮስ የሚባል ታላቅ ሥራየኛ አመጣ እርሱም መርዝን ቀምሞ በጽዋ መልቶ አስማት ደግሞ እንዲጠጣ ለቅዱስ ጊዮርጊስ ሰጠው። ወዲያውኑ የሚሞት መስሎት ነበር። ቅዱሱም ያንን ጽዋ ጠጣው ምንም ጉዳት አልደረሰበትም።
ያ መሠርይም በክብር ባለቤት በጌታ ኢየሱስ አምኖ በሰማዕትነት ሞተ። ከእርሱም ጋራ ሌሎች ብዙዎች ሰዎች በሰማዕትነት ሙተው የሕይወት አክሊል ተቀበሉ ቍጥራቸውም ሠላሳ ሺህ ሰባት መቶ ነፍስ ነው።
ቅዱስ ጊዮርጊስም በዱድያኖስና በሰባ ነገሥታት ፊት በቆመ ጊዜ በዚያም የተቀመጡባቸው የዕንጨት ወንበሮች ነበሩ። ቅዱሱንም እሊህን የተቀመጥንባቸውን ወንበሮች እንዲበቅሉ እንዲአብቡና እንዲአፈሩ ታደርጋቸው ዘንድ ከአንተ እንሻለን አሉት። በዚያን ጊዜ ጸለየ እንዳሉትም አደረጋቸው ይህንንም ድንቅ ሥራ አይተው ቍጥር የሌላቸው ብዙ አሕዛብ በጌታችን አመኑ።
ከዚህም በኋላ ቅዱሱን ወስደው በጐድጓዳ ብረት ምጣድ ውስጥ አበሰሉት። አቃጥለው አሳርረውም ሥጋውንና አጥንቱን ፈጭተው አመድ አድርገው ከረጅም ተራራ ላይ በተኑት። ጌታችንም ነፍሱን ወደ ሥጋው መልሷት ደግሞ አስነሣው። ወደ ነገሥታቱም ተመልሶ በክብር ባለቤት በጌታችን ኢየሱስ ስም ሰበከ ቁጥር የሌላቸው አሕዛብ አይተው አደነቁ በጌታችንም አምነው በሰማዕትነት ሞቱ።
ነገሥታቱም ደግመው ሙታኖችን ብታሥነሣ አምላክህ እውነተኛ አምላክ እንደሆነ እናውቃለን በእርሱም እናምናለን አሉት። ቅዱሱም ጸለየ ከጉድጓድም ውስጥ ወንዶችና ሴቶች ጎልማሶችንም አስነሣላቸው እነዚያም በክብር ባለቤት በጌታችን ስም አስተማሩ የገሀነምንም ወሬ ተናገሩ ጥምቀትንም ተቀብለው ተመልሰው አረፉ።
ከሀድያን ነገሥታት ግን ሙታንን ያስነሣህ አይደለም የረቀቁ ሰይጣናትን አሳየህ እንጂ ብለው ተከራከሩ። ከዚያም ከጭንቀታቸው ብዛት የተነሣ ከአንዲት ድኃ ሴት ዘንድ አስጠበቁት እርሷም እንጀራ ልትለምንለት ወጣች የእግዚአብሔርም መልአክ በላዩ ከበጎ ነገር ሁሉ የተመላ ማዕድን አቀረበላት። የዚያች መበለትም የቤቷ ምሰሶ ቅርንጫፍን አበቀለ ታላቅ ዛፍም ሆነ። ያቺም መበለት በተመለሰች ጊዜ የቤቷ ምሰሶ ቅርንጫፍ አብቅሎ ታላቅ ዛፍ እንደሆነ ስለ ማዕዱም ይህን ታላቅ ምልክት አይታ የክርስቲያኖች አምላክ ሰው ተመስሎ ወደእኔ መጣ አለች።
ቅዱሱም እኔ አምላክ አይደለሁም የአምላክ ባሪያ ነኝ እንጂ አላት። እርሷም እንዲህ ብላ ለመነችው የአምላክ አገልጋይ ከሆንክ ቸርነትህ እንድትደርሰኝ አለምንሃለሁ። ዕውር ደንቆሮ ዲዳ ጐባጣ የሆነ ልጅ አለኝና ታድንልኝ ዘንድ እለምንሃለሁ። ስለ ጌታችን እምነትም አስተማራትና በመስቀል ምልክት አማተበው ያንጊዜም አየ። ቅዱሱም በሌላ ጊዜ እንዲሰማ እንዲናገርና እንዲሔድ እንዲአገለግለኝም እኔ እሻለሁ አላት።
በዚያን ጊዜ ንጉሡ በአገሩ ሜዳ ውስጥ ሲዘዋወር ያቺን ዛፍ አይቶ አደነቀ ስለ እርሷም ጠየቀ ቅዱስ ጊዮርጊስ በእርሷ ዘንድ የተቀመጠባት የዚያች መበለት የቤቷ ምሰሶ እንደሆነ ነገሩት። ንጉሡም ተቆጣ ቅዱሱንም ከዚያ ወስዶ አሰገረፈው በመንኰራኩርም አበራዩት ሙቶም ከከተማ ውጭ ጣሉት ጌታም ከሞት አስነሣው ወደ ነገሥታቱም ተመለሰ ንጉሡም አይቶ ደነገጠ ስለ ሕይወቱም አደነቀ።
ከዚህም በኋላ ይሸነግለው ዘንድ ጀመረ በመንግሥቱ ላይም ሁለተኛ ያደርገው ዘንድ ቃል ገባለት ቅዱስ ጊዮርጊስም እየዘበተበት ነገ በጥዋት ለአማልክቶችህ መሥዋዕትን አቀርባለሁ አንተም ሕዝቡ እንዲሰበሰቡ እዘዝ እኔ ስሠዋ እንዲአዩ አለው፡፡ ንጉሡም ዕውነት የሚሠዋ መስሎት ደስ አለው ወደ ቤተ መንግሥቱም እልፍኝ አስገብቶ አሳደረው፡፡
ለጸሎትም ተነሣ የዳዊትንም መዝሙር አነበበ የዱድያኖስ ሚስቱ እለስክንድርያ ንግሥት ሰምታ ቃሉ ደስ አሰኛት የሚያነበውንም ይተረጒምላት ዘንድ ለመነችው እርሱም እግዚአብሔር ዓለምን ከፈጠረበት ሰው እስከሆነበት ጊዜ የሆነውን ሁሉ ሊያስረዳትና ሊያስገነዝባት ጀመረ ትምህርቱም በልቡዋ ተቀርጾ በክብር ባለቤት በጌታችን አመነች፡፡
በማግሥቱም ቅዱስ ጊዮርጊስ ለአማልክት ሲሠዋ ለማየት ሰው ሁሉ እንዲሰበሰብ ዐዋጅ ነጋሪ ዞረ የቤቷን ምሰሶ ያበቀለላት ያቺ መበለት ሰምታ ዕውነት መስሏት እጅግ እያዘነች ልጅዋን ተሸክማ እያለቀሰችም ወጣች፡፡
ቅዱስ ጊዮርጊስም በአያት ጊዜ ፈገግ አለ ልጅሽን በምድር ላይ አኑሪው አላት ከዚያም ልጅዋን ጠርቶ ወደ አጵሎን ሒድ ወደእኔም ይመጣ ዘንድ በክብር ባለቤት በጌታዬ ኢየሱስ ስም እዘዘው አለው፡፡ ያን ጊዜ ያ ልጅ ድኖ ቅዱስ ጊዮርጊስ እንዳዘዘው ወደ ጣዖቱ ቦታ ሒዶ አዘዘው፡፡ በጣዖቱ ያደረ ያ ርኵስ መንፈስም ከማደሪያው ወጥቶ ቅዱስ ጊዮርጊስ ወደ አለበት መጥቶ እኔ ሰውን ሁሉ የማስት እንጂ አምላክ አይደለሁም ብሎ በሕዝቡ ሁሉ ፊት አመነ፡፡ ቅዱሱም ትውጠው ዘንድ ምድርን አዘዛትና ወዲያውኑ ዋጠችው ጣዖታቱንም ከአገልጋዮቻቸው ጋራ አጠፋቸው ንጉሡም ከወገኖቹ ጋር አፈረ፡፡
ብስጭትና ቁጣንም እንደተመላ ወደ ንግሥት ሚስቱ ዘንድ ገባ፡፡ እርሷም አምላካቸው ጽኑዕና ኃያል ነውና ክርስቲያኖችን አትጣላቸው አላልኩህምን አለችው፡፡ ይህንንም ከእርስዋ ሰምቶ በእርሷ ላይ እጅግ ተቆጣ ወደ ክብር ባለቤት ክርስቶስ እምነት የከበረ ጊዮርጊስ እንደአስገባት አወቀ፡፡
ከዚህም በኋላ ከከተማ ውጭ እንዲጐትቷትና በመጋዝም እንዲሰነጥቋት አዘዘ የሰማዕትነት አክሊልንም በመንግሥተ ሰማያት ተቀበለች፡፡ በዚያም ጊዜ ስለ ቅዱስ ጊዮርጊስ ሥራ ነገሥታቱ ሁሉም ደነገጡ ኀፍረት ደግሞ እንዳይጨምርባቸው ከእርሱም እንዲአርፍ ራሱን በሰይፍ ይቆርጡ ዘንድ እንዲጽፍ ንጉሥ ዱድያኖስን መከሩት፡፡
ያን ጊዜም የክቡር ጊዮርጊስን ራስ በሰይፍ ይቆርጡ ዘንድ አዘዘ ድል አድራጊ ጊዮርጊስም እጅግ ደስ አለው እሳት ከሰማይ አውርዶ ሰባውን ነገሥት ያቃጥላቸው ዘንድ መከራውም ከክርስቲያን ወገን ጸጥ ይል ዘንድ ጌታችንን ለመነው፡፡ ወዲያው እሳት ወርዶ ከሠራዊታቸው ጋር ሰባውን ነገሥታት አቃጠላቸው፡፡
ሕይወተ ወራዙት(የወጣቶች ሕይወት)
ምዕራፍ ዘጠኝ ክፍል አንድ
.................................................
ትውዝፍት (የምንዝር ጌጥ)
እግዚአብሔር የሰው ልጆች እንዲታረዙ (እንዲራቆቱ) አይፈልግም፡፡ስለዚህ አዳምና ሔዋን ትእዛዙን አፍርሰው የጸጋ ልብሳቸውን በተገፋፉ ጊዜ «የቁርበት ልብስ አደረገላቸው፤ አለበሳቸውም» ዘፍ3፥21 ነገር ግን ከልክ በላይ ከፍተኛ ዋጋ በማውጣትና ግብረ ገብነት በጎደለው መልኩ ማጌጥ መልበስ የሚያስፈልግበትን ትክክለኛ መንፈሳዊ ትርጉም ያጠፋል፡፡
በልብስ የሚጠቀመው ሥጋ ቢሆንም ልብስ ግን አስፈላጊነቱ ለነፍስ ነው። ለምሳሌ፦ አንድ ሰው ነፍስ ብትለየው አያፍርም፣ አይለብስም።ልብሰ መግነዝ እንኳን የሚያለብሱት መልበስ ተገቢ መሆኑን የሚያውቁ ነፍስ ያላቸው ሰዎች ናቸው፡፡ሆኖም በመልበስ ከቁርና ከብርድ የሚድነው ሥጋ በመሆኑ ልብስ ጠቃሚነቱ ለሥጋ እንደ ሆነ ተደርጎ ይነገራል፡፡
ትርጓሜ ወንጌል «ስለነፍሳችሁ በምትበሉትና በምትጠጡት ወይም ስለ ሰውነታችው በምትለብሱት አትጨነቁ» የሚለውን ሲተረጉም እንዲህ ይላል፦ ጌታችንና አምላካችን ኢየሱስ ክርስቶስ በወንጌል «ስለ ነፍሳችሁ በምትበሉትና በምትጠጡት አትጨነቁ» ያለው ነፍስ ሥጋዊ መብል የምትበላ ሥጋዊ መጠጥም የምትጠጣ ሆና አይደለም። ነገር ግን የበሉት የጠጡት ደም ይሆናል (ከሰውነት ጋር ይዋሐዳል)።የበሉት የጠጡት ደም በመሆኑ ደግሞ ተጠቃሚዋ ነፍስ ናት።ምክንያቱም «እስመ ነፍስ ተኀድር በደም ፣ ነፍስ በደም ታድራለችና» ተብሎ ተጽፏልና፡፡ ደም ባይኖር ወይም ቢደርቅ ነፍስ በምን ታድራለች? ደም ፈሶ ሲያልቅ ሰው የሚሞተው ነፍስ ማደሪያዋን በማጣቷ ምክንያት ስለምትለይ ነው።ስለዚህ ተመጋቢው ምንም ሥጋ ቢሆን በዋናነት ተጠቃሚዋ ነፍስ በመሆኗ መብል መጠጥ ለነፍስ እንደሆነ ተደርጎ ይነገራል፡፡
ድንግልናን ማቃለል ያስቀሥፋል!
ድንግልና ወጀብ የበዛበትን የዓለም ባሕር የምንሻገርበት መርከብ ነው። ስለዚህ ድንግልና ከመከራ ይሠውራል። ድንግል ማርያም ሄሮድስ ሊያደርስባት ካሰበው ኀዘንና መከራ እንዴት እንደዳነች መጽሐፍ ቅዱስ ሲናገር እንዲህ ይላል፦ «ከእባቡም ፊት ርቃ ዘመን፥ ዘመናትም፥ የዘመንም እኵሌታ ወደምትመገብበት ወደ ስፍራዋ ወደ በረሃ እንድትበር ለሴቱቱ ሁለት የታላቁ ንሥር ክንፎች ተሰጣት።» ራእይ12፥14 እንደሚታወቀው እመቤታችን ከሄሮድስ ፊት ሸሽታ ወደ ግበፅ በረሃ ሄዳለች:: ለዚህም የረዷት ሁለት ክንፎች ንጽሐ ሥጋዋና ንጽሐ ነፍሷ ናቸው።
እመቤታችን ቅድስት ድንግል ማርያም ከመከራ የተሠወረችው በንጽሕናዋ ነው፡፡ ንጽሕና ከመከራ ይሠውራልና።በሁለት ወገን በነፍስና በሥጋ የሚገኝ ድንግልናዋም ሁለት የንሥር ክንፍ ተብሏል፡ ድንግልና ክንፍ ይባላልና፡፡ ስለ ድንግልና ስያሜ በመግቢያ ላይ እንደ ተገለጠው አረጋዊ ዮሴፍ «ኦ ወለተ እስራኤል መኑ ቀረጸ አክናፈ ድንግልናኪ፣ አንቺ የእስራኤል ልጅ የድንግልናሽን ክንፍ ማን ገሠሠው?» በማለት የተናገረው ቃል ድንግልና «ክንፍ› ለመባሉ ምስክር ነው።
ድንግልናን መጠበቅ ከመከራ ከሠወረ ድንግልናን አለመጠበቅ ለመከራ እንደሚያጋልጥ ግልጽ ነው፡፡ ክብርን አለመጠበቅ ያስቀጣል፡፡ ሕግን ያለመጠበቅ የሚያመጣውን ቅጣት ድርሳነ ሚካኤል ‹‹ወይ ለክን አሌ ለክን እለ ታማስና ድንግልናክን ዘእንበለ ጊዜሁ እስመ ሀለወክን አፍሐመ እሳት ዘይበልዓክን ዘእንበለ ዓቅም- ድንግልናችሁን ያለ ጊዜው በማይገባ የምታጠፉ እናንተ ወዮላችሁ ወዮታ አለባችሁ! እናንተንም የሚበላ የገሃነም እሳት ተዘጋጅቷልና» በማለት ይናገራል፡፡ በገሃነም ከመጣል የሚበልጥ ምን መቅሠፍት አለ? ድንግልናን መጣል በገሃነም ያስጥላል፡፡ (ድርሳነ ሚካኤል ዘጥቅምት)
በእስራኤላዊያን ዘንድ አንዲት ሴት ሳታገባ በአባቷ ቤት ሳለች ድንግልናዋን ብታጠፋ በድንጋይ ተወግራ ትገደል ነበር፡፡ ይህን እንዲፈጽሙ ነቢዩ ሙሴ «ነገሩ እውነት ቢሆን፡ በብላቴናይቱም ድንግልናዋ ባይገኝ፡ ብላቴናይቱን ወደ አባቷ ቤት ደጅ ያወጡአት፥ በእስራኤልም ዘንድ የማይገባውን ነገር አድርጋለችና በአባቷም ቤት አመንዝራለችና የከተማዋ ሰዎች እስክትሞት ድረስ በድንጋይ ይወገሩአት፡ እንዲሁም ክፉውን ነገር ከመካከልህ ታስወግዳለህ፡፡» በዳ22÷20-21 በማለት አዝዟቸው ነበር:: በዘመነ ኦሪት በሕይወት ዘመን ለልዩ ልዩ መከራ ከማጋለጥና በኋላም በገሃነም እሳት ከማስኮነን ሌላ ድንግልናን አለመጠበቅ የሚያመጣው ተጨማሪ መቅሠፍት በድንጋይ ተወግሮ መሞት ነበር፡፡
እግዚአብሔር ነገደ ብንያምንም ስለ ክፉ ሥራችው ለመበቀል ፈልጐ እስራኤላዊያንን ለጦርነት እንዲወጡ ትእዛዝ ባስተላለፈ ጊዜ ከኢያቢስ ገለዓድ ወደ እግዚአብሔር ጉባዔ ወደ ምጽጳ ያልወጡ ብዙ ሰዎች ነበሩ፡፡ ባልወጡት ሰዎች ላይ የጉባዬው ውሳኔ «ሂዱ በኢያቢስ ገለዓድም ያሉትን ሰዎች ከሴቶችና ከሕፃናት ጋር በሰይፍ ስለት ግደሉ፡፡ የምታደርጉትም ይህ ነው:: ወንድን ሁሉ ከወንድ ጋር የተኛችይቱንም ሴት ሁሉ ፈጽማችሁ አጥፉ ብለው አዘዟቸው፡፡ ወንድ ያላወቁ አራት መቶ ቆነጃጅት ደናግሎች በኢያቢስ ገለዓድ በሚኖሩ መካከል አገኙ፥ በከነዓንም አገር ወዳለችው ወደ ሴሎ ወደ ሰፈሩ አመጡአቸው።>> መሳ21፥10-12
ከላይ ከተጻፈው ታሪክ ሕፃናትን ጨምሮ ከወንድ ጋር የተኙና ድንግልናቸውን ያልጠበቁ ሴቶች በሙሉ በሰይፍ ስለት ስያልቁ ለመዳን የቻሉ ግን አራት መቶ የሚሆኑ ድንግልናቸውን የጠበቁ ቆነጃጅት ብቻ ነበሩ፡፡ እነዚህ ከጦርነት መቅሠፍት የተረፉ ደናግላን መዳናቸው ብቻ ሳይበቃቸው መልካም ትዳር ለማግኘት በቅተዋል፡፡ ይህም በቁጥር 14 ላይ «ከኢያቢስ ገለዓድም ሴቶች ያዳኗቸውን ሴቶች አገቡአቸው።» በማለት በማያሻማ መልኩ መጽሐፍ ቅዱስ ይናገራል፡፡
ዛሬም ቢሆን ድንግልናን መጠበቅ ከመቅሠፍት ያድናል፡፡ ድንግላዊ ካልሆነ በቀር ኤድስን ጨምሮ ከተለያዩ የአባለዘር በሽታዎች ነጻ የመሆን ስሜት የሚሰማው ማን ነው? በዚህ ዘመን ድንግልናን ባልጠበቁ ሰዎች ላይ እግዚአብሔር ያዘዘው መቅሠፍት እንደ ኢያቢስ ገለዓድ ሰዎች ሰይፍ የታጠቁ ወታደሮችን ሳይሆን ልዩ ልዩ ደዌን፤ ሰላም ማጣትን፣ የአእምሮ ጭንቀትን፣ ሥጋትን፣ ግጭትን፣ ጥርጥርን፣ አለመግባባትን፣ መለያየትንና የመሳሰሉትን ነው፡፡ እንደ አያቢስ ገለዓድ ሰዎች ድንግልናቸውን ያለ ጊዜውና ያለ አግባብ ያጠፉትን ሰዎች የሚቀሥፍ ወታደር (መልአክ) ዛሬም የሚላክ ቢሆን ኖሮ ስንቶቻችን በሕይወት እንተርፍ ነበር? ነገር ግን እግዚአብሔር እንደ ኀጢአታችን አላደረገብንምና ፈጣሪያችን ይክበር ይመስገን!
ሕይወተ ወራዙት(የወጣቶች ሕይወት)
ምዕራፍ ስምንት ክፍል ሰባት
.................................................
ስለ ድንግልና ማልቀስና መጾም ይገባል!
በመጽሐፍ ቅዱስ ታሪኩ የተመዘገበለት ዮፍታሔ የተባለው መስፍን አንዲት ሴት ልጅ ነበረችው:: ከእርሷም በቀር ወንድ ወይም ሴት ሌላ ልጅ አልነበረውም:: ይህች ሴት ልጁ ወንድ የማታውቅ ድንግል ነበረች:: በድንግልና ሆና እስከ መጨረሻው ለመኖር ውሳኔ ነበራት፡፡
ከዕለታት በአንድ ቀን ዮፍታሔ ለጦርነት ሲወጣ ጦርነቱን በድል ከፈጸምኩኝና «በደኅና በተመለስኩ ጊዜ ሊገናኘኝ ከቤቴ ደጅ የሚወጣው ማንኛውም ለእግዚአብሔር ይሆናል፣ ለሚቃጠልም መሥዋዕት አቀርበዋለሁ።» ብሎ ለእግዚአብሔር ስእለት ተሳለ ጦርነቱንም በድል በፈጸመ ጊዜ «እነሆም ልጁ ከበሮ ይዛ እየዘፈነች ልትገናኘው ወጣች» ይላል።እንደ ስእለቱም እርሷን መሠዋት ነበረበትና ያለምንም ቅድመ ሁኔታ ይህን አሳወቃት። በዚህ ጊዜ ምንም _ ሳታቅማማ በፍጹም ታዛዥነት በአፍህ እንደተናገርህ አድርግብኝ›› አለችው፡፡ መሳ11÷29-40
ነገር ግን ከመሠዋቷ በፊት አባቷን «ለድንግልናዬ እንዳለቅስ ሁለት ወር አሰናብተኝ» መሳ11፥37 በማለት አባቷን ተማጸነችው፤ አባቷም ፈቀደላት፡፡ ከዚህ በኋላ «በተራሮች ላይ ስለድንግልናዋ አለቀሰች» መሳ11÷ 29 ይህች ሴት ያለቀሰችው ለምንድር ነው? ምክንያቷ ምንም ይሁን ምን ለእኛ ግን ስለድንግልና ማልቀስ አስተማረችን፡፡
መጽሐፍ ቅዱስ በየዘመኑ ብዙ ደናግላን መኖራቸውን ገልጾ ይናገራል፡፡ ለምሳሌ፦ «በስድስተኛው ወር መልአኩ ገብርኤል ናዝሬት ወደምትባል ወደ ገሊላ ከተማ ከዳዊት ወገን ለሆነው ዮሴፍ ለሚባል ሰው ወደ ታጨት ወደ አንዲት ድንግል ከእግዚአብሔር ዘንድ ተላከ›› ይላል፡፡ ይህን የወንጌላዊ ቃል መምህራን ሲተረጉሙ ብዙ ገሊላዎች አሉና ከእነዚያ ለመለየት «የናዝሬት ከተማ» ሲል ብዙ ዮሴፎች አሉና አረጋዊ ዮሴፍን «ከዳዊት ወገን ለሆነው» በማለት ለይቶ ጠቅሶታል:: በዚያው ዘመን ደግሞ ብዙ ደናግል ነበሩና ከእነዚያ ለመለየት «ዮሴፍ ለሚባል ሰው ወደ ታጨች ወደ አንዲት ድንግል» በማለት ተናገረ ይላሉ፡፡ ይህም ትርጓሜ በየዘመኑ ብዙ ደናግላን መኖራቸውን ያስረዳል። ሉቃ 1÷26-27
ሐቁ ይህ ሆኖ ሳለ ይህ ትውልድ ግን ዛሬ ዛሬ ደናግላንን ማግኘት ጭንቅ እንደሆነ ይናገራል፡፡ የዚህ ነገር ዐቢይ ምክንያት ይህ ትውልድ አመንዝራ በመሆኑና ሁሉን የሚመለከተው እንደ ራሱ ስለሆነ ነው:: ይህ ሐሳብ የተጋባባቸው አንዳንድ ደናግላንም ድንግልናቸውን እነሱ ብቻ ጠብቀው እንደሚኖሩ ይሰማቸዋል:: ነገር ግን የሰይጣን ጆሮ ይደፈንና ድንግልናዊ አኗኗርን ከምታወድስ ከቤተ ክርስቲያን ዘልቀው ቢመለከቱ በየጊዜው እንደ ዕንቁ የሚያበሩ ደናግላን ምእመናንን በዐፀዷ ዙሪያ ተኮልኩለው መመልከት ይቻላል:: በዚህ ምክንያት ሰይጣን ብዙ ሴሰኞች ዓይኖቻቸውን በቤተ ክርስቲያን ልጆች ላይ እንዲያነጣጥሩ ማድረጉ ሊታወቅ ይገባል::
ዛሬ ዛሬ ድንግልና የሚገኘው በማዋለጃ ሆስፒታል ውስጥ በሚገኙ ሕፃናት ዘንድ ብቻ እንደሆነ ተደርጎ የሚናኘው ቀልድ መሰል አሉባልታ እጅግ የተጋነነ የሰይጣን ወሬ ነው፡፡ ይህ ዓይነት የተጋነነ ወሬ ድንግልናቸውን ያፈረሱ ሰዎች ከመጸጸትና ንስሐ ከመግባት ይልቅ «በእኔ አልተጀመረ» እያሉ እንዲጽናኑ ሲያደርጋቸው፣ ሌሎችን ደግሞ «በድንግልና የምገኝ እኔ ብቻ ነኝ» በማለት በትዕቢት እንዲወደቁ አድርጓቸዋል።
ደናግላን በቁጥር ብዙ መሆናቸው መታወቁ ማንም በድንግልናው እንዳይመካ ያደርጋል። ብዙ ሰው በያዘው ነገር መመካት አይመችምና፡፡ ከዚህም በተጨማሪ በድንግልናው የሚመካ ሰው ራሱን ቢመረምር አንዳይመካ የሚያደርገውና ለድንግልናዊ ኑሮው የማይስማማ እጅግ በጣም ብዙ የልቡና ርኩሰት ይገኝበታል፡፡ ለምሳሌ፡- መመካት፣ በሌላው መፍረድ፣ መታበይ፣ ማማት፣ ክፉ ፍትወት፣ ሰዶማዊነት፣ ትምክህት የመሳሰሉት ናቸው፡፡ ታዲያ ከእነዚህ ሁሉ የረከሱ ሥራዎች ጋር እንደ ትኋን ተጣብቀው እየኖሩ «ድንግል ነኝ እኮ!» እያሉ መመካት አያሳፍርም?
አንዳንዶች ደግሞ በድንግልናቸው ይመኩ እንጂ እነርሱ ራሳቸው በልዩ ልዩ መንገድ ሲያቃልሉት ይገኛሉ፡፡ ለምሳሌ፡- ድንግልና በገንዘብ የማይተመን ሆኖ ሳለ አንዲት ልጃገረድ «ድንግል ነኝኮ» እያለች የሚመጣላትን ባል «አንዱን ዕውቀት፣ አንዱን ሹመት፣ አንዱን ገንዘብ፣ አንዱን ንብረት ሌላውን ደግሞ ማራኪ ቁመናና ውበት የለውም» በማለት ከድንግልና ጋር የማይወዳደሩ ነገሮችን ብታማርጥበት ንጽሕናዋን ለተጠቀሱት ነገሮች እንደ መሸጥ አይቆጠርባትምን? ስለ ንጽሕናዋ ንጽሕናን መሻትና መመልከት ሲገባት የሀብትን መጠንና ሌሎች ነገሮችን በማየቷ ድንግልናን እንደሚገባው መጠን ታከብራለች ለማለት አያስደፍርም፡፡ ስለ ድንግልና እንዲህ ዓይነት የተዛባ አመለካከት ይዞ በድንግልና መመካት እንዴት ያሳፍራል?
በመጨረሻም ማስተዋል ያለብን ድንግልናችንን ለመጠበቅ የመጀመያዎቹ ተጠቃሾች እኛው ራሳችን ብንሆንም ዐስበ ድንግልናችንን (የድንግልናችንን ዋጋ) ለማግኘት ያህል ነው እንጂ ድንግልናችንን የሚጠብቅልን ራሱ እግዚአብሔር ነው:: መጽሐፈ አርጋኖን ስለ መንፈስ ቅዱስ "ንጹሐን ደናግልን ያበረታቸው እርሱ ነው።"ይልና «በድንግልናም ጊዜ የንጽሕና መንፈስ ነው» በማለት ይናገራል፡፡ (አርጋኖን ዘእሁድ) ነቢየ እግዚአብሔር ቅዱስ ዳዊት ደግሞ «እግዚአብሔር ከተማን ካልጠበቀ ጠባቂ በከንቱ ይደክማል» መዝ126÷1 በማለት ተናግሯል፡፡ ትርጓሜውም እግዚአብሔር በከተማ የሚመስለውን ሰውነትን በንጽሕና በድንግልና ካልጠበቀ ራሴን ጠብቄ ድንግልናዬን እቆያለው ማለት ከንቱ ድካም ነው ይለናል፡፡
ዛሬ ለምን ንፍሮ እንበላለን?
@Ethiopian_Orthodox
@Ethiopian_Orthodox
በደጅ መወለድሽ - በገዛ እጅሽ አንቺን የሚሸከም ቤት በዚህ ዓለም አልተገኘምና ልደትሽ በውጭ ኾነ። ቅዱስ ያዕቆብ የሰማይ ደጅ እንዳለሽ ትዝ ይለናል። ድሮስ ሰማይን የሚችል ምን ቤት በዚህ ዓለም ይኖራል? ከምድር እስከ ሰማይ የተዘረጋሽ መሰላል ይልሻል። እናስ አንቺን ምን ዓይነት ቤት ያስተናግድሻል?
ደግሞ ስትመጪ ብቻሽን አይደለም። የራቀንን እግዚአብሔርን ከአሽከሮቹ መላእክት ጋር ይዘሽ እንጅ። እኮ ለአንችም ቤት አላገኘን ስንኳን ለምሉዕ በኩለሄው። እስከዛሬ የሚመጥንሽን ቤት ልንሠራ አልተቻለንም። ያ ወንጌላዊ ስፍራ አልተገኘላቸውም ያለን ለዚህ ነበር ለካ።
አንች ግን ቅዱስ ዳዊት እንደተናገረው ሰማይና ምድር ለማይችሉት ቤቱ ኾንሽ።
ለወለዱሽ ለተራሮች መልሰሽ እናት ኾንሻቸው። ያ ዶኪማስ እንኳን ልጅሽ ተጨምሮ ለአንችም ቤቱ እንዳይበቃ ዐውቆ በአዳራሽ በድንኳን ቢያስቀምጥሽ ከመንበርሽ ሳለሽ ጓዳውን ዐየሽበት። ቤቱን ከባዶነት ወደ መትረፍረፍ ለወጥሽው።
አክስትሽ ቅድስት ኤልሳቤጥም ቤቷ እንዳይበቃሽ ዐውቃ ወደ እኔ ትመጪ ዘንድ እንዴት ይኾናል? ብላ ተርበተበተች። አንቺ ግን ገና በደጅ ሳለሽ በቤት በነበረችው በአክስትሽ ማኅፀን ላለው ጽንስ ታየሽ። በረድኤትሽ ቀርበሽዋልና ጠብ እርግፍ ብሎ ሰገደልሽ። የኾነው ሁሉ የተገለጠላት ቅድስት ኤልሳቤጥ እኛ ሁሉ እንሰማው ዘንድ በታላቅ ድምፅ ዐወጀችሽ። ከቤቷ በላይ ነሽና።
ሰማይ ነሽ ብለን ስንደነቅ ምድር ኾነሽ ያለ ዘር ታበቅያለሽ። ምድር ነሽ ስንል ሰማይ ቤት ደርሰሽ ዙፋን ትዘረጊያለሽ። በሰማይ አንድ ልጅ ብቻ ቢኖር የእርሱም እናቱ ኾንሽ። አብ አንድ ዘር ቢኖረው ሙሽራው አደረገሽ። ያለ እናት ቢወልደው ያለአባት ወለድሺው። ታዲያ ምን ዓይነት ቤት ይችልሽ ኖሯል? እመቤታችንሆይ በደጅ የተወለድሽው በገዛ እጅሽ ከአቅማችን ስለገዘፍሽ ነው።
@Ethiopian_Orthodox
ልደትሽ ልደታችን ነው❤️
@Ethiopian_Orthodox
@Ethiopian_Orthodox
🌿 🌿 ግንቦት ፩ 🌿 🌿
🌿 ልደታ ለማርያም 🌿
የፍጥረት ሁሉ ደስታ
ግንቦት አንድ ቀን የእመቤታችን የንጽሕት ቅድስት ድንግል ማርያም በዓለ ልደት ስለሆነ የደስታችን ቀን ነው፡፡ የቀደሙ አባቶቻችን ሁሉ በፍጹም ደስታ ያሳለፉት ቀን ነው፡፡
የልደቷ ቀን የሐና የደስታ ዕለት ነበር፤ "አንች ያልወለድሽ መካን ሆይ ደስ ይበልሸ የሚለውን ቃል ሰምታበታለችና" ኢሳ 54፤1/፡፡ የልደቷ ቀን የኢያቄም የደስታ ዕለት ነበር፡፡ ከዕሴይ ግንደ በትር ይወጣል /ኢሳ 11፤1/ የሚለው ቃለ ነቢይ በውድ ልጁ ሲፈጸምና በበትሩ ሠራዊተ አጋንንትን ሲርቁ አይቷልና፡፡
በእርሷ ልደት ነቢያት ሁሉ ተደስተዋል። ትንቢታቸው ፍጻሜ ሲደርስ ፤ የንባባቸው መንፈሰ ሲገለጥ፣ ሕግ ለጸጋ፣ ኦሪት ለወንጌል ሊያስረክቡ፣ ነገደ ሌዊ ሊቀ ካህንነቱን ለነገደ ይሁዳ ሊያስረክብ ሲሰላለፉ አይተዋልና፡፡ የእርሷ ልደት የያዕቆብ ፍጹም ደስታ ነበረ፡፡ በሕልሙ ከመሬት እስከ ሰማይ ተዘርግታ ያያት መሰላል በእውን ከምድር ወደ ላይ በቅድስና ስትደርስ ለማየት በቅቷልና። ራስዋ ላይ እግዚአብሔር የተቀመጠባት እውነተኛዋ መሰላላችን በርግጥም ድንግል ማርያም ናት፡፡ ቅዱስ ጳውሎስ የሴት ሁሉ ራስ ወንድ ነው/1ኛ ቆሮ 11፤1/ አለ፡፡ የእርሷ ራስ ግን ያዕቆብ እንዳየው እግዚአብሔር ነው፡፡ ወንድ ስለማላውቅ ይህ እንዴት ይሆንልኛል ያለችው ቅዱስ ጳውሎስ የሴት ሁሉ ራሰ ያለው ወንድ በእርሷ ዘንድ ስላልነበረ ነውና፡፡ ቅዱስ ገብርኤልም ይህን ልዩ መሆኗን ስለሚያውቅ አንቺ ከሴቶች ሁሉ ተለይተሸ የተባረክሽ ነሺ፤ ጸጋን የተመላሽ ሆይ ደስ ይበልሽ፤ ጽንስሽም እንደ ሌሎቹ ሴቶች አይደለም እያለ ሲሰግድላትና ሲያመሰግናት እርሱን አልፋ ለእግዚአብሔር መቀመጫ ዙፋን ማደሪያ መቅደስ መሆኗን ያየው አባታችን ያዕቆብ በእውነት ደስ አለው፡፡
አብርሃም ልጁን ይስሐቅን የተቤዠለትን አማናዊ በግ ይዛለት የምትወርደውን ዕፀ ሳቤቅ ተወልዳ አይቶ ደስ አለው፡፡ እርሷ ስትወለድ ያች ያያት ቀን መድረሷን አውቆ ፍጹም ደስ አለው፡፡ ይስሐቅም ከታሰረበት ያስፈታችውን ስለእርሱ ፋንታ ቤዛውን ይዛለት ከች ያለችውን ስትወለድ አይቶ በደስታ ቃል ዘለለ፡፡ ከሲኦል እስራት የሚፈታበት ቀንም እንደ ደረሰ በእርሷ ልደት ደወሉን ሰምቷልና ፈነደቀ፡፡ ሙሴ በእርሷ ልደት በደስታ ብዛት ቦረቀ፡፡ ከሩቅ ያያት የማትቃጠል ቁጥቋጦ በሐና ጭን ቁጭ ብላ ሲያይ እንደገነና ወደ እርሷ ሊገሰግስ ወደደ፤ ያኔ ጫማህን አውልቅ ያለውን ድምጽ አቃጨለበትና ባለበት ቆሞ ያያት ጀመር፡፡ ሲያያት ሕብረ ብዙ ሆና አስደነቀችው፡፡ ኦሪትን በሥነ ፍጥረት ሲጀምር በሁለተኛው ቀን ሰኞ እግዚአብሔር ከውኃ ጠፈር ያለውን ሰማይ እንዳሳየው ዛሬ ደግሞ ከመሬት አዳም የተወለደችውን ድንግል አዲስ ሰማይ ሁለተኛ ሰማይ አድርጎ ሲያሳየው ተገረመ፡፡ ያኛው ሰማይ ለዚህ ዐለም ፀሐይ ሲዘጋጅ ወደ ኋላ እንዳየ አሁን ደግሞ የአማናዊው የጽድቅ ፀሐይ መውጫ ስትወለድ ፀሐዩን ሊሞቅ ጊዜው መድረሱን አይቶ ተደሰተ፡፡ እንደገና ሲያያት ደግሞ አሁንም ሕብሯን ለውጣ ታየችው፡፡ ምድር ከመረገሟ በፊት ያለ ዘር ዕፀዋት አዝርእትን ስታበቅል አይቶ የነገረን ሙሴ
ከእናቱ ከሔዋን ልጆች ሆና መርገም ያላረፈባት ያለወንድ ዘር የሕይወት እንጀራ ሆኖ የሚሰጠውን ፍሬ የምታስገኘውን አማናዊት ገራኅተ ሠሉስ አይቶ እንደገና አደነቀ፡፡
ሙሴ ከተመስጦ አልተመለሰም፡፡ መንፈስ ቅዱስን እንደ ጣት አድርጎ በጽላት ላይ ቃሉን ጽፎ የሰጠው እርሱ አካላዊ ቃል ሰው ሆኖ የሚታይባትን ጽሌ ተወልዳ ሲያይ ተገረመ፡፡ ፊትህን አሳየኝ ሲለው ፊቴን ልታይ አትችልም ነገር ግን ጀርባዬን ታያለህ ያለው አምላክ የሚወልደባትን ተወልዳ ሲያይ የጌታን ጀርባ በደብረታቦር የሚያይበት ቀን መድረሱን አውቆ በደስታ ዘለለ፡፡ የመገናኛውን ድንኳን የተከለው ሙሴ ከድምፁ በቀር ያላገኘውን አምላክ የሚያገኝባት እውነተኛዋ የመገናኛው ድንኳን ተተክላ ባያት ጊዜ ደስ አለው። መቅረዝ ፣ ሙዳየ መና፣ ታቦትና የሥረየት መክደኛ ላይ ደም እየረጨ ሲያመልክ የነበረው ሙሴ አማናዊው ብርሃን የሚበራባት መቅረዝ፣ እውነተኛው መና የሚገኝባት ሙዳይ፣ እውነተኛው የሥረየት ደም የሚረጭባት ምሥዋዕ፤ አካላዊ ቃል የተቀረጸባት በሁለተናዋ ጽሩይ ወርቅ በተባለ ፍጹም ንጽሕና ተጊጣ ድንግሊቱን ባያት ጊዜ መደነቁን አበዛ፡፡ ድንኳኑን ሲያስብ እርሷ፣ ታቦቱንም ሲያስብ እርሷ፣ ጽላቱን ሲያስብ እርሷ፣ ሙዳየ መናውንም ሲያስብ እርሷ፣ መቅረዙንም ሲያስብ እርሷ፣ ማዕጠንተ ወርቁንም ሲያስብ እርሷ ስትሆንበት እንዴት አይደነቅ በእውነት፡፡ ሙሴ በዚህ አላበቃም፡፡ ሕግ የተቀበለበትን የጨሰውን ተራራ አስታወሰና ልጁን ዳዊትን ጠራው። ዳዊትም የአባቱን ሙሴን ጥሪ ሰምቶ ሲነሣ የረጋችው ተራራ ተወልዳ አያትና እርሱም በደስታ ዘለለ፡፡ አዎ "የእግዚአብሔር ተራራ የለመለመ ተራራ ነው፤ የጸኑ ተራራዎች ለምን ይነሣሉ፤ እግዚአብሔር ይህን ተራራ ያድርበት ዘንድ ወደደው " /መዝ 68 ፤ 16/ ብሎ የተናገረላት ተራራ ስትወለድ አይቶ ደስ አለዉ፡፡
ሐላፊውን ብሉይ ኪዳን አባቱ ሙሴ ሲቀበል በነጓድጓድ ድምጽ በረዓድና በፍርሃት ነበረ፡፡ የማያልፈው ሐዲሱ ኪዳን ግን በጸና ተራራ እንደሚሰጥ የተናገረላት ያድርባት ዘንድ የወደደዳት አማናዊት የንጽሕና የቅድስና ተራራ ተወልዳ አይቶ ደስ እያለው መዝሙሮችን በአናት በአናት አከታተለ፡፡ ልጁ ሰሎሞንም "ወዳጄ ሆይ፥ እነሆ፥ ውብ ነሽ እነሆ፥ አንቺ ውብ ነሽ በዓይነ ርግብ መሸፈኛሽ ውስጥ ዓይኖችሽ እንደ ርግቦች ናቸው፤ ጠጕርሽ በገለዓድ ተራራ እንደሚወርድ እንደ ፍየል መንጋ ነው" /መኃ 4 ፤ 1/ እያለ በምስጋና ተከተለው። ኢሳይያስም ንጹሕ ወረቀቱን አይቶ ደስ አለው፡፡ እንደ ታሸገች የተጻፈባት ሀዝብም አህዛብም ይህን ደብዳቤ ልናንብበው አንችልም ያሏት አካላዊ ቃል በድንግልና የሚጻፍባትን ንጹሕ ወረቀት /ኢሳ 29;11/ አይቶ ተደነቀ። ሕዝቅኤልም ሁለንተናዋ ዝግ ሆኖ እግዚአብሔር ብቻ ገብቶ የወጣባት መቅደሱን ተሠርታ አይቶ ደስ አለው፡፡
ተራ በተራ ሁሉም ነቢያት ትንቢቶቻቸውን ይዘው ስለእርሷ ያዩትን ራእይ፣ ምሳሌና ትንቢት ፍጻሜውን እያዩ ተደነቁ። መሐንዲስ የሕንጻውን ንድፍና የሚሠራውን ሕንጻ እንደሚያስተያይ እነርሱም በልደቷ ትንቢታቸውን ከፍጻሜው መጀመሪያ መሠረት ጋር እያስተያዩ ተደሰቱ፡፡
በመጨረሻም የፍጥረት ሁሉ አባት አዳም ከልጆቹ ጋር ደስ አለው፡፡ አዳም ሆይ መሬት ነህና ወደ መሬት ትመለሳለህ ያለው ጌታው ከጨለማ ሲኦል ሊያውጣው ልጁን ከመሬት ባሕርዩ አንሥቶ እርሷን ሰማይ አድርጎ ሲያያት በእርሷም ላይ እርሱ ፀሐይ ሆኖ ሊወጣ ወገግታውን ሲያሳየው በደስታ አነባ። የሰጠኸኝ ሴት አሳተችኝ ብሎ የከሰሳት ሔዋንን ተክታ የሚያመሰግናት ሌላ ሔዋን ተወልዳ ሲያይ ደስስስ አለው፡፡ ምሳሌና የሚተካከላት እንደሌለም ሲያይ ልጁን ሰሎሞንን ጠርቶ "ለእኗቷ አንዲት ናት፣ ለወለደቻትም የተመረጠች ናት" የሚለውን ዘምር አለው፡፡
ልጆቹ ሁሉ ከመረገሙ በፊት ያለ ክብሩን ስላላዩ በተገቢው መጠን የማያደንቁለትን ከስሕተት በፊት የነበረ ክብሩንና ጸጋውን ይዛ ስትወለድ በደስታ ተንሰቀሰቀ። የአዳምን ለቅሶ ሰምታ ሔዋን እናቷ የመርገም ጨርቋን ጥላ ብድግ አለች። አንድ ልጇን እያየች በደስታ አለቀሰች። በልጆቿ ሳይቀር ምነው እባብን ሰማሽው የሚል ወቀሳ እየሰማች ስታዝን የኖረች ምስኪን እናት መርገሟን ወርውራ በቅድስና ከብራ መላአክትን በልጣ እንደ ጨረቃ ስታበራ ስታያት መካሷን አይታ ፈነደቀች፡፡......
ቅዱስ ማርቆስ ሐዋርያ
@Ethiopian_Orthodox
@Ethiopian_Orthodox
ሰይጣንም ቢሆን ሕገ ወጥ በሆነ መንገድ ደናግላን ክብራቸውን ሲያጡለት ጻድቃንን ያስኮነነ ያህል እጅግ ደስ ይሰኛል:: ስለዚህ ለትዳር ያሰብሽው ሰውም ቢሆን እስከ ጋብቻ ድረስ ከሩካቤ ተጠብቆ መኖር እንደሚገባ የማያምን ሆኖ ካገኘሽው ስለ ድንግልናሽ አታውሪለት፡፡ ብዙ ካጠናሽውና መልካም ሰው ሆኖ ካገኘሽው አንቺ እንኳን ብትሰንፊ እርሱ ሊረዳሽ ይችላልና መጠንቀቅሽ እንዳለ ሆኖ አኗኗርሽን ቢያውቅ መልካም ነው። ድንግል ሳይሆኑ ድንግል ነኝ ማለት ይጎዳል እንጂ ድንግል ሆነው ድንግል መባል አይገባኝም ወይም አይደለሁም ማለት ምንም አይጐዳም፡፡
ኘ. ድንግልና ማጓጓቱ አይቀርም ይልቁንም ድንግል የሆነ ሰው የበለጠ ድንግልን ይፈልጋል፡፡ ታዲያ እንዲህ ዓይነት ሰው ሆነህ ሳለ ተፈትሖ ያገኛት (ድንግል ያልሆነች) ሚስት ብታጭ ሕሊናህ ድንግል ወደ ሆነች ሌላ ሴት እንዳይሳብ መጠንቀቅ አለብህ:: መጀመሪያ ድንግል የሆነች ሴት ብታጭ መልካም ነበር፡፡ ያ ካልሆነ ግን በያዝከው መጽናት አለብህ እንጂ ከሚስትህ ጋር ክብር በማጣት ለመተካክል ስትል ድንግልናህን ለሌላ አትስጥ፡፡ ወይም ሌላ ድንግልን በመሻት አታመነዝር! ብዙዎች በዚህ ምክንያት ስተዋልና፡፡ ድንግል ሴት አጓጉታኽ እንዳታመነዝር ተጠንቀቅ።
አ. ኢዮናዳብ የተባለው ሰው ከትዕማር ጋር እንዲተኛ አምኖንን እንደ መከረው ይህን እንድታደርግ የሚመክሩህ ብዙ ባልንጀሮች ሊኖሩህ ይችላሉ፡፡ ቢሆንም ምክራቸውን በመቀበል ክብርህን መጣልህ ተገቢ አይደለም፡፡ በእንዲህ ዓይነቱ ምክር አምኖንም ቢሆን በሰይፍ ከመገደል በቀር የተጠቀመው ምንም ነገር የለም:: ለሰዎች ግፊት በቀላሉ መረታት አያስፈልግም፡፡ ከሰዎች ግፊት በላይ ደግሞ የመጠጥ ግፊት ተጠቃሽ ነው። ብዙዎች በመጠጥ ግፊት ንጽሕናቸውን አሳድፈዋል:: ስለዚህ ከዝሙት ለመጠበቅ ከስካር መጠበቅ ዋነኛ መንገድ ነው፡፡
ከ. ለብዙዎች ሰዎች ከክብር ማነስና ለንጽሕናቸው መጉደፍ ሌላው ዓቢይ ተጠቃሽ ነገር ቢኖር ግብዣ ነው፡፡ በልዩ ልዩ ምክንያት የሚከናወኑ የራት ግብዣዎች ብዙዎችን ይህን ለመሰለ ጥፋት ዳርገዋል፡፡ ስለዚህ ይህን በመሰሉ ፓርቲዎች፣ የራት ግብዣዎችና መዝናኛ ኘሮግራሞች ከቻልክ ጨርሶ ተሳታፊ አለመሆን መልካም ነው፡፡ ካልሆነም እንዴት በጥንቃቄ ራስህን ማስተናገድ እንዳለብህ የራስህን እቅድ ነድፈህ በጊዜ ወደ ቤትህ የምትገባበትን መንገድ ማመቻቸት ይኖርብሃል፡፡ በግብዣው ቦታ ሳለኽም ጥበቃ ባለው መልኩ መንቀሳቀስ፣ ከምታፍረውና ከሚታፈር ሰው ጋር መቀመጥ በእጅጉ ይጠቅማል፡፡ በጣም ማምሸትንና ከቤት ውጭ ማደርን ግን በጭራሽ መሞከር የለብህም:: ይህ የብዙዎች መጥፊያ ሆኗልና::
ወ. ወንድ ከሆንክ ብዙ ጓደኞችህ ሴቶች አይሁኑ፡፡ ይህ ማለት ግን ሴት ጓደኞች አይኑሩህ ማለት አይደለም:: ይልቁኑም ሴቶችን በዙሪያህ አታብዛ ወይም ልክ ሳይኖርህ ወንዶችን የምታቀርበውን ያህል ሴቶችን ምሥጢረኛ አታድርግ ማለት ነው:: ይህ አካሄድ በንጽሕና ለመኖር ለፈለገ ሰው የበለጠ ይጠቅመዋልና:: ሴትም ከሆንሽ እንዲሁ የቅርብ ጓደኞችሽ ወንዶች አይሁኑ:: እንዲሁም ከብዙ ወንዶች ጋር ያለ ውድ በግድ እንዳትቀራረቢና ክብርሽን ለሚያሳጣ የዝሙት ተግባር እንዳትጋለጪ ተማሪ ሳለሽ እንኳን የምትመርጪው የትምህርት ዘርፍ ወደ ሥራ ዓለም ስትመጪ በይበልጥ የሚያቀራርብሽ ከወንዶች ጋር እንዳይሆን ተጠንቀቂ:: ይህ ሐሳብ የሕይወት ጎዳናን ጠባብ የሚያደርግ ኋላ ቀር ሐሳብ ሊመስል ይችላል:: ሆኖም በንጽሕና መኖር ከምንም ነገር በልጦ የሚታየው ሰው የዚህ ምክር ጥቅም ይገባዋል፡፡
ወንዶችና ሴቶች ባልንጀራሞች ቢሆኑ የሚገኘውን ጥቅም ማንም ይረዳዋል:: ነገር ግን ሴቶች ሴቶችን እየራቁ ከወንዶች ጋር በተወዳጁ ቁጥር የሚያጡትንም ሴትነትና ወንዶችም ሴቶችን ብቻ በመቅረባቸው የሚመጣውን የአርአያ ለውጥ ከግምት ውስጥ ማስገባት ያስፈልጋል፡፡ አንዲት ሴት ሴቶችን እየነቀፈች «ወንዶች ይሻሉኛል» በማለት ብዙ ወንዶችን እጅግ ብትላመድ የሴትነት መገለጫዎቿን እያጣች ከመሄዷም ሌላ ለዝሙት የተጋለጠች ትሆናለች:: ክብረ ድንግልናዋንም በቀላሉ ታጣለች:: ወንዱም ቢሆን እንዲሁ ነው:: ታዲያ ለተፈጥሮአችን በሚስማማ መልኩ ብዙውን ጊዜ ባለንጀሮቻችን ከእኛ ጋር ተመሳሳይ ጾታ ያላቸው እንዲሆኑ ለምን ጥረት እናደርግም? በተረፈ ግን የመቀራረባችን ሁኔታ ልክ ይኑረው እንጂ ተቃራኒን ጾታ ባለንጀራ ማድረግ ስሕተት አይደለም፡፡
ዐ. በዚህ ዘመን ንጽሕናውን ጠብቆ መኖር የሚሻ ሰው ራሱን ደብቆ ካልሆነ እጅግ ይቸገራል:: ስለዚህ ሴቶች እኅቶቻችን ከአለባበስ አንሥቶ ትሑት መሆን ይኖርባቸዋል:: ልይ! ልታይ! እና ልወቅ! ልታወቅ ! ማለት ድንግልናን ያሳጣል፡፡ ያለ ምክንያትም አደባባይ መውጣትም እንዲሁ ነው:: በዚህ ዓይነት አካሄድ ድንግልናን ጠብቆ መኖር እንደማይቻል ማር ይስሐቅ እንዲህ ብሏል፡- «ወኢትትዐወቅ ድንግል በውስተ ጉባኤያት ወትዕይንታት» ይህም «ወንዶች መኻል እየዋለች ከተማ እየዞረች በድንግልና የምትገኝ ሴት የለችም›› እንደ ማለት ነው፡፡ (ማር.ይስ.አን.28 ምዕ.2) ስለዚህ ክብርን ለማጣት ከሚያጋልጡ ሁኔታዎች አንዱ ወጣ! ወጣ! ማለትና እግርን አለመሰብሰብ ነው ማለት ነው።
በቀጣይ ምዕራፍ ስምንት ክፍል ስድስት :
👉 ድንግልና ያስመካል? በሚል ይቀጥላል....
ለጥያቄና አስተያየት @Ethiopian_Orthodox_bot ተጠቀሙ።
@Ethiopian_Orthodox
@Ethiopian_Orthodox
ሠ. ስለወር አበባ በተጻፈበት አንቀጽ እንደተገለጸው በወቅቱ ልዩ ልዩ የሕመም ስሜት እንደሚኖር የታወቀ ነው። በዚህ ጊዜ ሕመሙ የጠና ከሆነ ወደ ሐኪም ዘንድ መሄድ ግድ ይላል፡፡ አብዛኞቹ የሕክምና ባለሙያዎች ከሚሰጡት ሙያዊ እገዛ በተጨማሪ «ከወንዶች ጋር ሩካቤ ማድረግ ስትጀምሪ ሕመሙ ይቀንሳል ወይም ይተውሻል» የሚል የመፍትሔ ምክር መደመጡ አይቀርም፡፡
አስቀድሞ በውስጣቸው ከነበረው ተቃራኒ ጾታን የመፈለግ ግፊት በተጨማሪ ይህን ለመሰለ ሕመማቸው ሩካቤ መፈጸም መፍትሔ እንደሆነ ሲነገራቸው ዔሳው «ብኩርናዬ ለኔ ምኔ ናት?» እንዳለ «ድንግናዬ ምን ያደርግልኛል?» በማለት ለዝሙት የተጋለጡም ሰዎች አልጠፉም፡፡ ስለዚህ ይህን የመሰለ ክብር እንድናጣ በብዙ መልኩ መፈተን አይቀርልንም፡፡ ለጊዜው የሚሆን መጠነኛ የሕመም ስሜትን መታገሥ አቅቶን ለማያልፍ ጸጸት አንጋለጥ፡፡ በዚህ መልኩ እንኳን ሐኪም መክሮን ይቅርና አዞንም ቢሆን ሕገ ወጥ ሩካቤ ማለትም ከጋብቻ በፊት የሚደረግ ሩካቤን መሞከር የለብንም፡፡
ረ. ድንግልና ያላትን ሴት አጭተሃል እንበል፡፡ ምንም ሳትደርስባት ራሳችሁን ጠብቃችው እየኖራችሁ ሳለ በድንገት ተለያያችሁ:: የዚህ ጊዜ ምን ይሰማሃል? ወይኔ ሕጓን እንኳን በገሠሥኩ ኖሮ እያልክ ትቆጫለህን? ሊቆጭህ አይገባም! በእርግጥ ይህንን የሚያውቁ ጓደኞችህ አሁን አንተ ወንድ ነህ? እያሉ ሊዘባበቱብህ ይችላሉ:: አንተ ግን መመካት አይገባህም እንጂ ከወንድም ወንድ መሆንህን እመን፡፡ ምክንያቱም ከጋብቻ በፊት ድንግልናን መግሠሥ የዘማውያን ሙያ እንጂ የወንድነት መታወቂያ አይደለም፡፡ እንዲያውም ወንድ የሚያሰኘው ራስን በንጽሕና ለመጠበቅ መቻል ነው።
ደግሞስ አንተን ብቻ ድንግልና ወሳጅ ማን አደረገኽ? አንተ የሷን ድንግልና በምትወስድበት ጊዜና ጎዳና ያንተም ድንግልና እንደሚገሠሥ አታውቅምን? እኔ እንኳን ድንግልናዬን ቀደም አጥፍቼው ነበር ብትል እንኳን ኃጢአት እየሠራኽ መሆኑን ማን በነገረኽ? ዝሙት መሥራት ስልጣኔ፣ ችሎታና ዘመናዊነት አይደለም:: ከሰብአ ትካት፣ ከሰብኣ ሰዶምና ከሰብኣ ገሞራ ጊዜ ጀምሮ የነበረ ዘማዊነት በምን ምክንያት ስልጣኔና ዘመናዊነት ይሆናል፡፡
ሰ. ሊጋቡ ሲቃረቡ ድንግልናቸውን እንደሚያጡ ሰዎች ሁሉ የተጫጩ ወንድና ሴት የሚለያዩበት ሁኔታም ሲፈጠር ድንግልናቸውን ያጡ ብዙዎች አሉ፡፡ ሁለቱ ተፈቃቃሪዎች ራሳቸውን ጠብቀው ከኖሩ በኋላ የሚያለያያቸው አለመግባባት ሲፈጠር «ንጽሕናቸውን ሳላስፈርስ?» በማለት ሰይጣን በቁጣ ይነሣሣባቸዋል፡፡ ይህ ርኩስ መንፈስ በሁለቱም ወይም ለጥፋት ሐሳቡ በተመቸው በአንደኛው ያድርና ሲሆን በውዴታና በማባበል ካልሆነ ደግሞ አስገድዶ በመድፈርም ቢሆን እንዲፈጽመው ሊገፋፋው ይችላል፡፡
ፍቅረኛሞች የሚለያዩበት ጊዜ እጅግ ፈታኝ ወቅት ነው፡፡ ስለዚህ በፍቅር ከሚኖሩበት ጊዜ ይልቅ በሚለያዩበት ጊዜ ንጽሕናን ጠብቆ ለመቆየት የበለጠ ጥንቃቄ ይጠይቃል:: በሚለያዩበት ወቅት ሁለቱም ወይም ከሁለቱ አንዱ መከፋታቸው አይቀርም ስለዚህ እንክብካቤ ባላደርግ «ግፍ» ይሆንብኛል የሚል ሐሳብ ይፈጠርና ቢያንስ አንዱ ወገን መንከባከብ እንዳለበት ይሰማዋል፡፡ የተጎዳን ሰው መንከባከብ ባልከፋ ነበር ነገር ግን መሰናክልና ድንግልናን ማጣት የሚፈጠረው በዚህ የመንከባከብ ሂደት ውስጥ ነው:: ስለዚህ ይህን በመሰለ ጊዜ ጠንቀቅ ማለት ይበጃል::
ከሁሉ የሚያስደንቀውና የሚያሳዝነው እንዲህ ባለ የመለያየት ዋዜማ ፍቅራቸው ለሁልጊዜ መሆኑን የገለጡና ማስታወሻ ያኖሩ እየመሰላቸው ድንግልናቸውን የሚጥሉ ሴቶች መኖራቸው ነው:: አንዳንዶችማ «ለሌላ ከምሰጠው» እስከ ማለት ደርሰው ለሚለያቸው ወንድ ድንግልናቸውን አሳልፈው ይሰጣሉ:: እንዲህ የምታስቢ ከሆነ እስኪ ይህንን ጥያቄ ለመመለስ ሞክሪ፡፡ እየተለየሽ ያለው ወንድ ኋላ ከምታገቢው ወንድ የበለጠ ተፈቃሪ መሆኑን በምን አረጋገጥሽ? ከበለጠስ ለምን ትለይዋለሽ? ለሚመጣው ባልሽስ ያስቀረሽለት ምን ስጦታ አለሽ? ምን ላድርግለት የሚያሰኝ እጅግ ተወዳጅ ባልስ ብታገኚ የቀድሞ ሥራሽ ጸጸት አያስከትልብሽምን? የምታገቢው ባል ከቀድሞ ፍቅረኛሽና ወደ ፊት ልታገኚው ከምትችይው ማንኛውም ወንድ የበለጠ ልታፈቅሪው ካልቻልሽ ማግባትሽ መቼም ቢሆን ፍጹም ትክክል አይሆንም፡፡ ስለዚህ ድንግልናን ጨምሮ ምርጥ ነገሮች ሁሉ ሊያገባ ላጨሽ ወይም አጭቶሽ ለነበረ ሰው ሳይሆን ላገባሽው ወንድ ብቻ መሆን ይኖርበታል:: በተጨማሪም ዝሙት ምጽዋት ሊሆን እንደማይችል «ዜና ሥላሴ» ይናገራል፡፡ ስለዚህ ዝሙት ሠርተሽ «አሳዝኖኝ ነው!» ብትዩ የሚሰማሽ የለም፡፡
ሸ. የመለያየት ነገር ሲነሣ ሙሉ ለሙሉ ላለመገናኘት የሚደረግ መለያየት ሳይሆን በሥራና በትምህርት ምክንያት ወደ ሌላ ቦታ ርቆ የመሄድ ዓይነት መለያየት በሚፈጠርበት ጊዜ ወንድና ሴት ተፋቃሪዎች ሩካቤ መፈጸምን ሻይ፣ ቡና እንደ ማለት እየቆጠሩት ይገኛል፡፡ በዚህ ዓይነት አጋጣሚ ክብረ ድንግልናቸውን ያጡ ሰዎች ቁጥር ቀላል አይደለም፡፡ ይህም ሰው ስለ ድንግልና አጠባበቅ ያለውን የተዛባ አመለካከት ያሳያል፡፡
ቀ. ሐዋርያው ቅዱስ ጳውሎስ «ስለ ድንግልናው ያፈረ ሰው ቢኖር» 1ኛ ቆሮ 7÷36 በድንግልና መኖራቸው የሚያሳፍራቸው፣ ያልሠለጠነ፤ አላዋቂ፣ ጤና ቢስ፣ ወንድነት የሌላቸውና ተፈላጊነትን ያጡ ተደርገው እንደሚቆጠሩ አድርገው ሚያስቡ ብዙዎች አሉ፡፡ እንደዚህ ያሉ ሰዎች ማንኛውም ሰው አብሮአቸው ቢተኛ ተፈላጊነታቸው፣ አዋቂነታቸውና ሥልጡን መሆናቸው የተረጋገጠ ይመስላቸዋል፡፡ ይህ ዓይነቱ ሐሳብ በተገኘው ተራ አጋጣሚ ንጽሕናችንን አሳልፈን እንድንሰጥ ከማድረግ ያለፈ ፋይዳ የለውም፡፡ ስለሆነም ይህን ከመሰለ ደካማ አመለካከት ተላቆ ንጽሕናን መጠበቅ ተገቢ ነገር ነው፡፡
በ. ሰው ወደዚህ ዓለም ከመጣ ጀምሮ በልዩ ልዩ ጊዜ በተለያየ ደዌ ሲሠቃይ ይታያል።በዚህ ጊዜ የታመሙትን በሚገባ ማስታመም ለመንግሥተ ሰማይ የሚያበቃ የጽድቅ ሥራ ነው፡፡ ሆኖም አንዳንድ ክፉ መንፈስ ያደረባቸው ሰዎች ታማሚዎችን በማስታመም ሰበብ ዝሙት ሲፈጽሙባቸው መስማት ለጆሮ የሚዘገንን ቢሆንም ይህ አስነዋሪ ተግባር በተለያየ ጊዜ ተፈጽሟል። በዚህ ድርጊታቸው ክስ የተመሠረተባቸው ብዙ የሕክምና ባለሙያዎችም ይገኛሉ።
እንዲህ ባሉ ቦታዎች የበለጠ ለዝሙት ተግባር የሚያነሣሡ ምክንያቶች አይጠፉም:: አንደኛ ቦታው መጠመቂያ ወይም የሕክምና ቦታ እስከ ሆነ ድረስ ሰዎች ከልብስ ተራቁተው የሚታዩበት ጊዜ አለ፡፡ሌላው በተለይ በጸበል መጠመቂያ ስፍራዎች ደግሞ ሰይጣን ታማሚዎችን እያወራጨ ከልብስ ያራቁታቸውና አካላቸውን እያዩ ሌሎች በዝሙት እንዲፈተኑ ያደርጋል፡፡ ከዚህም አልፎ ተርፎ ታማሚዎቹን «ሮጠን እናመልጣለን›› እያሰኘ ከአስታማሚዎቻቸው ጋር እንዲጓተቱና እንዲታገሉ ያደርጋል:: ታማሚዋና አስታማሚው የተለያየ ፆታ እስካላቸው ድረስ ይህ መላፋት በአስታማሚው ላይ የሚፈጥረው የፍትወት መነሣሣት በምንም ለመመለስ የሚያስቸግር ይሆናል፡፡ ይህን አጋጣሚ እንደ ምቹና እንደ አስደሳች ነገር በመቁጠር ማስታመም ጸጋቸው ሳይሆን ለመላፋትና የሰዎችን ገላ ለመመልከት ከጠበል ስፍራ የማይጠፉ ሰዎች እንዳለ አስተውለው ያውቃሉ? እንዲህ ከሆነ ከየትም ቦታ ይልቅ በጠበል ቦታዎች በይበልጥ ከሰይጣነ ዝሙት መጠንቀቅ እንደሚያስፈልግ አያጠራጥርም።
ሕይወተ ወራዙት(የወጣቶች ሕይወት)
ምዕራፍ ስምንት ክፍል አምስት
.................................................
ድንግልናን የሚያሳጡ አደገኛ ወቅቶች፣ ቦታዎችና አጋጣሚዎች
ሕጋዊ ባልሆነ ሩካቤ ምክንያት ሰዎች ድንግልናቸውን የሚያጡት በተለያየ የዕድሜ ደረጃ ላይ እያሉ ነው፡፡ አንዳንዶች ገና በልጅነትና በመጀመሪያዎቹ የወጣትነት አፍላ ጊዜያት ድንግልናቸውን ያጣሉ። ሌሎች ደግሞ አስቸጋሪውን የወጣትነት ዕድሜ አጋምሰው ክብራቸውን የሚያጡበት ሁኔታ ይፈጠራል፤ጥቂቶች ደግሞ ያን ሁሉ የወጣትነት ፈተና ካገባደዱ በኋላ ወደ መጨረሻ ሲደርሱ ክብራቸውን የሚያጡበት ጊዜ አለ፡፡ በዚህ መልኩ ከፍጻሜ ሲደርሱ ለክብር አለመብቃት በእጅጉ ያስቆጫል።
ይህ የሚሆነው ልጆች ስለተቃራኒ ፆታ ግንኙነት ከሚኖራቸው የአመለካከት ልዩነት፣ ለዚህ ዓይነቱ ግንኙነት ከሚኖራቸው መጋለጥ፣ ከራሳቸው መንፈሳዊና አካላዊ ጥንካሬ፣ ከባሕልና ከአስተዳደግ ልዩነት ወዘተ የተነሣ ነው:: ሆኖም ግን ብዙ ነገር ተቋቁመው ካለፉ በኋላ የፈተናው መጠን በሚቀንስበትና ወደ ጋብቻ በሚቃረቡበት ሰዓት ሳያገቡ ድንግልናን ማጣት ከሁሉ የበለጠ የሚያስቆጭ ነው።
ከዚህም በኋላ የክብር ባለቤት ጌታችን ኢየሱስ ክርስቶስ ለቅዱስ ጊዮርጊስ ተገልጾ ብዙ ቃል ኪዳን ሰጠው፡፡ በምድር መታሰቢያህን ለሚያደርግ ሁሉ እኔ ኃጢአቱን ሁሉ እደመስሳለሁ በመከራም ውስጥ ሁኖ በባሕርም ሆነ በየብስ ወይም በደዌ በስምህ የሚለምነኝን እኔ ፈጥኜ ከመከራው አድነዋለሁ ይህንንም ጌታችን ተናግሮ በክብር ወደ ሰማይ ወጣ፡፡
ከዚህ በኋላ ራሱን ዘንበል አድርጎ በሰይፍ ቆረጡት በመንግሥተ ሰማያት አክሊላትን ተቀበለ፡፡ ከአገልጋዮቹም የቀሩት ሥጋውን ወስደው በልብስ ጠቀለሉት ወደ ሀገሩ ልዳም ወሰዱት፡፡ ቤተ ክርስቲያንም ሠርተው በውስጥዋ አኖሩት ከእርሱም ቍጥር የሌላቸው ብዙዎች ድንቆች ተአምራቶች ተገለጡ፡፡
የሰማዕቱ ረድኤትና በረከት አይለየን!
©ስንክሳር
@Ethiopian_Orthodox
@Ethiopian_Orthodox
2. ብፁዕ አቡነ ገብርኤል “ማርያም ቤዛዊተ ዓለም” አትባልም በማለት ከቤተ ክርስቲያናችን የነገረ ማርያም አስተምህሮ ውጪ የሰጡት ሕጸጽ ያለበት ትምህርት በሊቃውንት ጉባኤ በኩል በሚገባ ተመርምሮና ተጣርቶ ከመፍትሔ ሐሳብ ጋር ለቋሚ ሲኖዶስ በአስቸኳይ እንዲቀርብ ብፁዕነታቸውም ጉዳዩ ተጣርቶ የመጨረሻ ውሳኔ እስኪያገኝ ድረስ በመንበረ ፓትርያርክ ጠቅላይ ቤተ ክህነት ጽ/ቤት ግቢ ውስጥ በሚገኘው መኖሪያ ቤታቸው በተአቅቦ እንዲቆዩ፣
3. ብፁዕ አቡነ ፊልጶስ የደቡብ ኦሞና አሪ ዞኖች ሀ/ስብከት ሊቀ ጳጳስ የቅድስት ሥላሴ መንፈሳዊ ዩኒቨርሲቲ ፕሬዝደንት እና ብፁዕ አቡነ በርናባስ የደቡብ ካሊፎርኒያ ሀገረ ስብከት ሊቀ ጳጳስ ያስተላለፏቸው የስሕተት ትምህርቶችና በሌሎችም መምህራን የተላለፉ ነቀፋ ያለባቸው ትምህርቶች ካሉ የሊቃውንት ጉባኤ ከቤተ ክርስቲያኒቱ አስተምህሮ አንጻር በሚገባ መርምሮና አጣርቶ ከመፍትሔ ሐሳብ ጭምር በአጭር ጊዜ ውስጥ ለቋሚ ሲኖዶስ እንዲያቀርብ፣
4. የኢትዮጵያ ኦርቶዶክስ ተዋሕዶ ቤተ ክርስቲያን መገናኝ ብዙኃን ስርጭት ድርጅት ለፍኖተ ጽድቅ ጠቅላላ ማህበር ሚዲያ የአየር ሰዓት የሰጠበትን ዝርዝር ሁኔታና ከማኅበሩ ጋር በተያያዘ አየር ላይ ያዋላቸውን ትምህርቶች የሚያሳይ ሪፖርት እንዲያቀርብ ይደረግ በማለት ቋሚ ሲኖዶስ ወስኖ የዕለቱን ጉባኤ በቅዱስነታቸው ጸሎተ ቡራኬ አጠናቋል።
ምንጭ የኢ/ኦ/ተ/ቤ/ክ የሕዝብ ግንኙነት መምሪያ
@Ethiopian_Orthodox
@Ethiopian_Orthodox