2148
ما أخطأ من دعاك قمرًا؛ مذ خُلقت وأنتَ تستمدّ سناك من شمس الحُسين، وتمثّل لنا إشراقًا مستمرّا. 🧡 °°قَصَائدَ حَسَيَنَيَهَ • ❥˓#ألُِحٍآن حٍسينيهـ يـ๛ـ؏ـدنـا تـواجـدڪـم مـ۶ـنـا
خدام الحسين ع
ان شاءالله مأجورين
💔
خادم الحسين ع
الشاعرعباس حاجيان
واه ويلاه على الكسروا ضلعها
...............
ييمه أعليج ذابل كلبـــــــي والشوف
وصدري أمن اللطم يا يمه مخسوف
ليــــــل أنهار طيفج بالفضى أيطوف
أشما أريد أفزع أيلزمنـــــي اللجفوف
فدوة حاجيني ...يا نبع المحنة
...................................................
يم الباب أكعد من يجـــــــــــي الليل
وأسولف وي جذعها ومدمعي أيسيل
أمن أذكــــــــر طيحتج والآه والويل
أشهك يمه شكهة أتهدم الحيـــــــــــل
كون ألج جية...أشم أتراب جدمج
.......................................................
وي كـــــــل مغربية أشعل أشموع
وأشوطن شوطة البوليــــده مفجوع
ثكيلة أدموع عيني أشحال الاضلوع
من كسروا ضلعهـا بصوت مسموع
حيرتي حيره...حيرة كسر ضلعج
.....................................................
يريت أوياج ميته يمه يا ريـــت
ولا بعدج وحيده الوحدي ضليت
صوتج ذكرياتج وحشـــــة البيت
بيهن راسي شيًب والـــــج حنيت
ريحة أثيابج...أشمها وروحي تطلع
....................................................
مثل دور الرحى دهري بقه أيدور
وبكل غرفــــة أشعل شمع وبخور
الفاكد ماي عينيه ويمشــي مكسور
علي هــــــــــذا علي يا يمه معذور
الخذوا عافيته...يعيش ألمن ييمه
.............................................
الفاكد أمـــــــــــه يمه شله بالعين
وشله بروحـــــــه واحبابه بعيدين
تعاي وشوفي يمه الحسن وحسين
يم كبرج أجـــــــــوا عدلين ميتين
طيحة الدمعة...طاحوا يمه ولدج
.......................................................
خادم خدمة الحسين
الشاعر
محمد الموالي
قصيدة لطم( يازهرتي ) للسيدة فاطمة الزهراء ع... جديد... لسان حال الامام علي ع ..
غطاج الاتراب ...... يااغله الاحباب
يازهرتي يافرحتي عكبج تغيير لوني
.................................................
يازهرة ايام العمر ظلمه الحياة ابدونج
رحتي وتركتيني بعجل مشتاك انه لعيونج
هسه اني كاعد عالكبر اسأل عليج اشلونج
ياجنة الله فاطمه ليش ابلحد خلونج
اثمنطعش عام ...... ياوسفه الايام
طفو الي شمعة علي والدمعه وسط اعيوني
.................................................
وردي ذبل وي روحتج يالزهره يالحبيبه
من رحتي ما مرني فرح منين الفرح اجيبه
مايشفه جرحي لا ابد انتي الدوه طبيبه
ما جن علي وداعة علي بعدج تره مصيبه
مكسور الاجناح ..... ماظني ارتاح
دمعي نزل عالمغتسل بدالج انه دفنوني
................................................
الدافن اعز غالي اله حقه يموت ابحسره
واني ادفنتها شمعتي ام الحسن الزهره
انفاسي محتاجه هوه صدري اختنك بالعبره
ياناس جمرة فاطمه ماتنطفي هالجمره
ياشمعة البيت ..... لوحدي ضليت
هيه الهوه هيه الضوه هسه بعدها اشلوني
................................................
عفتيلي زينب للدمع شيسكت المفجوعه
والفاكد امه بالزغر نار وتجوي اظلوعه
والدمعه عالخد نازله تجري بأثر مطبوعه
تنعه اعله كبرج فاطمه والونه هل مسموعه
والله مصيبه ...... تبجي الحبيبه
ياحسرتي ياهظمتي زاد التعب بأمتوني
................................................
هذا الحسن وحسين اجه يم الكبر ينعونج
يبجون وبحسرة ألم ينادون يمه اشلونج
حاير اسكتهم انه يالزهره فتحي اعيونج
صوت الحنان الوالده اشتاكو تره يسمعونج
بس فتحي هالعين .... لخاطر حسين
مارد خبر ظهري انكسر واني احس هظموني
.................................................
الخادم... ابو فدك الشامي
خويه اريد وياجن انحب علي وليدي
وانه اريد انعه يزينب. علي وليدي
خويه كلجن كابلني
صيحن شماصيح يبني
كلبي من الحركه شيب علي وليدي
خويه اريد وياجن انحب علي وليدي
علي يبني علي يبني علي يبني
.............
وخرن وخلني وحدي ارد اشم اوليدي شم
وارد اصب دموعي كلهن لحد ما ابجيله دم
بيش اوجد بعد دربي يالولد شوفي انعدم
وينه حيلي وحتى اكلك من رحت حيلي انهدم
ماي واتبده شبابك. علي وليدي
هدمت حيلي بغيابك. علي وليدي
علي يبني. علي يبني. علي يبني
.......
حكي من الطم يزينب عيشتي صارت عذاب
ليش بس وليدي الاكبر ماتهنه وي الشباب
ردته يدفني اعله ايده وهو اليهيل التراب
جنت اظنه يلم كبرتي عمت عيني وظني خاب
جنت اظن وليدي يكبر علي وليدي
وخيبت ظني يا الاكبر علي وليدي
علي يبني علي يبني علي يبني
......
ليله وينج كابليني انتي ام الفاتحه
ما اريد اللطم يبرد نايحه تجر نايحه
وليدي جان وياي يضحك عمت عيني البارحه
عفيه كلبي شلون اشوفه وليدي سيف الذابحه
ما اريدن لطم بارد. علي وليدي
جنت والد هسه فاگد. علي وليدي
علي يبني علي يبني علي يبني
.........
لا تلوموني من انوحن والد مفارگ ولد
يا شباب وليدي الاكبر وين احصلنه بعد
انت شايف لو وليدك يجي وبكلبك كعد
تسگي بي لمن يورد منجل الموت الحصد
حلمي جن عريس اشوفه. علي وليدي
مو دمه محني ازلوفه. علي وليدي
علي يبني علي يبني علي يبني
...........
وين ذيج الضحكه يبني وين كل ذاك الجمال
وين ذيج الكشخه كلهه وطولك الشابع دلال
الوالد من يفارگ ابنه عمره يگصر لا محال
لو تريد حسين عايش غيبلك يوم وتعال
جلمه سامعهه من اهلنه. علي اوليدي
ايموت كلمن يفگد ابنه. علي اوليدي
علي يبني. علي يبني. علي يبني
الخادم موسى البطلي
بصوت المبدع ملا عقيل الخفاجي
ابوذيات للسيده ام البنين والعباس (ع)
يحادي الـظعن گلي الـظـعـن ٠٠٠ وين تاه
من طاح الــحــسـيــن وعــلــت ٠٠٠ ونتاه
اخـــوك انــذبــح يــا عـــبـــاس ٠٠٠ ونتاه
حــي لــو گـبــلــه طـحـت اعلى الـوطـيـه
٠
ذكـرتــج من طحت يــمــه ٠٠٠ تره وميت
جـرح بـيـه آنـه وبــزنــدي ٠٠٠ تره وميت
فـوگ الـمشـرعـه اجفوفي ٠٠٠ تره وميت
گــبــل حـســيــن ذبــحــتــنــي آل امـيــه
٠
ملاحظه الجناسات
1/ 100 جرح/2/اشرت الج/3/ميت/
٠
خــدي امـن الــصـطـر بــيـدي ٠٠٠ ملخته
وصحت خوما گمـر هـاشم ٠٠٠ مل اخته
لـيـش الـراس صار ابـيض ٠٠٠ مال اخته
وأجــت مــوبـت علي اتـگول اجــنـبــيــه
٠
الـحـوافـر جـن سنـون الـشـمـر ٠٠٠ لاجن
الاجــــســــاد وابــــد لاهــــاد ٠٠٠ لاجن
ســلـبـوهــا الــعــيــال ايـصيـح ٠٠٠ لاجن
الــتــــراجــــي آنــه الــجــرنــهــن بــديــه
٠
#الشكرلله خادم الزهراء ع ملا علي
#نسالكم_الدعاء328✍
🕊🎶🖤🎶🕊
جديد ان شاء الله
*
ميمر للزهراء ع
كسر الضلع حرگ الباب
يالزهره ماننساهن
----------------
هاي المصـــيبه ابكل زمـن تجدد
وجمـر الحزن يم الحســن مايبرد
هـــذا العــزاء طول الدهر يتخلد
مثل الورث واصـــــلنه أباً عن جَدْ
وعيونه انحسها اتشوف
لو الچ بچيناهن
--------------
موفقط اهل الارض مجلس يحيون
مأتم الــــچ اهل الجـــنان اينصبون
عنــــــــچ شعر كاظم وربعه يكتبون
وحمــــزه الزغير والرميثي اليقرون
وصدورنه اوياهم حيل
بالطم وشمناهن
----------------
تبـت يداه ذاك الكســـرها اظلـوعچ
وتبچين گمتي ويضحك اعله دموعچ
الموضوع اليفت الصـــخر موضوعچ
الظـــلام طفو شمعه مـــن شموعچ
طيحت المحسن عالگاع
اجروح النبي اذاهن
--------------------
اعـــداچ لمحمد يا عـــذر يحچونه
اصــــــــبع ندمهم باچـــر ايعضونه
معقـــوله عـار افعـــــــالهم ينسونه
البيـت النـزل بيه الوحـي يحرگونه
كلمة وأن والبسمار
يدمي الگلب بلواهن
------------------
باب البخـت بابــــچ ولكن حـــرگوه
وعصروچ خلفه وضلع منچ كسروه
ابفعلتهم الدين ونبــــــــــيهم باعوه
حقچ غصب يالزهره منـــچ اخذوه
وبسوطه قنفذ ويلا
امتونچ زرگ سواهن
----------------
✍️ الخادم
كامل السعيدي
@tyyuuiiopp
شي من الوجدان بحق
مالك الروح والوجدان
#ياحسين_ياشهيد_كربلاء
مگدر الحب اعله اطوله
ياعشكنه من الطفوله
موبدينه من هوينه----ياحسين
يامالك اكلوب البشر بالفطره
ثاري المحبه من الزغر هم شمره
تلكاهة بذرة ومحله ذيج البذره
كلمن يحب هذا عارف قدره
ياحسين شلون بينه
هل عشگ لا موبدينه
موبدينه من هوينه----ياحسين
----------------
يحله العشگ لمن اصل للحظره
لمن انظرك وانته منك نظره
صاحب بخت يابو علي لتحظره
كل لحظه يمك تسوه حجه وعمره
انته ياشيخ اعله كلبي
افتخر بس الك حبي
موبدينه من هوينه----ياحسين
-------------
من الزغر وانه طفل بيامي
من اضحك حسين اليجي بحلامي
عل فطره گلبي شكد حقيقي اسلامي
ماعندي غيرك انت بس كدامي
نعمه يانعمه شكبرهه
هسه حسيت بثمرهه
موبدينه من هوينه----ياحسين
-----------------
مشكور ياگلبي عرفت وحبيت
نعم الحبيب حسين من اختاريت
ياريت من عدنه بعد اه ياريت
باب العشك سديته مني ارتاحيت
عشگ الحسين شحلاته
هل بشر ماكو بغلاته
موبدينه من هوينه----ياحسين
----------------
لذت عشگ بشفافي من ادعيله
لا اشر بجفي ولا اوميله
بعيوني يعرف حاجتي من اشكيله
قران اسمه يلفظ ترتيله
عدنه عشره من الطفوله
مايرد شما نكوله
موبدينه من هوينه----ياحسين
مهند الشمري
ابوذيه للزهراء عليها السلام
امسحي الدم يفضه من يره الدم
اخاف ايموت ابني من يرى الدم
عليّه الباب شفته من يره الدم
ردم ظلعي وتهشّم بين اديه
الشاعر محمد حسن ضيغم
#اللهم_عجل_لوليك_الفرج
فتحت عزاء
احفر گبرهـا ودمعي يحفر خدي
راحت ضواي وضلمه صارت عندي
ــــــــــــــــــ
احفر بگبر الوديعه وجني احفر بيدي گبري
ارفض النسمه اشمها تجرح النسمات صدري
مو سنه وسنتين مني فاطمه كل سنه بعمري
واكف الكون على جرحي ودمي وي دمعاتي يجري
كل المصايب بيه صارت ضدي
راحت ضواي وضلمه صارت عندي
ــــــــــــــــــ
باقي بس عطرج بديه ياشمل روحي وحياتي
وحشه هالليل وضلامه وحشتج جنها مماتي
عودت شوفي على رسمج شايل بطبعج صفاتي
سولفت وي روحي عنج يا اعز كل ذكرياتي
يانضر عيني باقي بعدج وحدي
راحت ضواي وضلمه صارت عندي
ــــــــــــــــــ
البشر يدفن حبيبه تنكسر روحه وي دفنه
تصبح الدنيا كئيبا جنها لوحة وبيها صفنه
قلب واحد نبضه وحده بالعشك هذا انعرفنه
شكد بسيطين اجتمعنه بس صعوبه من افترگنه
مويمي هسه يلي جنتي بسدي
راحت ضواي وضلمه صارت عندي
ــــــــــــــــــ
شلون اوسدنج بديه صعبه يالزهره عليه
هالفراق شلون يذبح مابقى كل حيلي بيه
راح اضل ابجي على كبرج بلكي تلفيني المنيه
كون الحكج هسه لكن امر من رب البريه
وياج اموت امنيتي اني وبدي
راحت ضواي وضلمه صارت عندي
ــــــــــــــــــ
سبحتج اخذها بيدي واشتم التسبيحه بيها
هاي المصلايه يمي فاطم تصلي عليها
مثل دمع الشمعه دمعي عيني محترگة بجيها
هايه روحي المغربيه تنقبض واشعر اذيها
اكثر يذكرني بحياتج ولدي
راحت ضواي وضلمه صارت عندي
ــــــــــــــــــ
لو يردج بيه دمعي ما وكف دمعي دقيقه
يالي جنتي ابروحي روحي اكثر انتي من الحقيقه
انتي وي دكات قلبي بالعلاقه شكد وثيقه
يالعيوني انتي وضواها شوفي بيج اندل طريقه
يانظر عيني وراحتي انتي وسعدي
راحت ضواي وضلمه صارت عندي
ــــــــــــــــــ
ماغمض جفني ابوداعج يا طمأنينة سلامي
انتي محراب القداسه يا صلاتي ويا صيامي
انتي نور الله وشعاعه بت رسول الله هيامي
الدنيا من بعدج ضواها اسود وصاير ضلامي
انتي الاميره واني عندج جندي
راحت ضواي وضلمه صارت عندي
ــــــــــــــــــ
روحتج خلتلي عله تعثر الروح بحزنها
من اونن اه يزهره تطلع الروح من اونها
ما تلم دمعي المدينه لو بجيت اطفح سفنها
هالزمن اذه الزجيه ويلي من لوعة زمنها
طالق ثلاثه الدنيا عبرت حدي
راحت ضواي وضلمه صارت عندي
ــــــــــــــــــ
الشاعر زين العابدين الشمري
قصايد
مو بالكيف هذا المجلس انحظره
هالدعوه تجي من فاطمه الزهره
أول ما تهل دمعك لبو اليمه
گول الزهره اجت للمجلس ابهمه
يايمه تصيح حسين يايمه
يامضلوم والحسره ابأثر حسره
موش ابكيفنه ام الحسن رادتنه
نحظر هالعزاء ونجري دمعتنه
مو إحنه الاجينه الزهره جابتنه
تدوِّر عالحزين وناره متوجره
الزهره اتريد وادم ضايگه اللوعه
وين البا لمجالس يرخص ادموعه
مفجوعه وتحب الروحه مفجوعه
منكسره وتريد اگلوب منكسره
إدعي وگول يامولاتي وفقيني
للتعزيه يم حسين وديني
إذا ماعندي دمعه إنتي ارزقيني
خيعونه اليهل بالتعزيه عَبره
من تحظر عزاء وتجري دمع العين
بالزهره استغيث وگلهه يم حسين
انتي العالِمه وبحالِتي تدرين
من عينچ ردت يافاطمه نظره
ابجاه ام الحزن وابجاه ابو اليمه
خليني أذوب ابعالم الخدمه
رزقيني الدمع والحرگه والهِمَّه
ولخير انفاسي إلكم أكتب وأقره
سيد علي الموسوي
لطميه للوالده (خل احب امي برجلها)
خل احب امي برجلها هاي جنه ولامثلها
لاتشيلون الضعينه خاف زعلانه الحنينه
سامحيني اليوم اگلها هاي جنه ولامثلها
سامحيني… خاف زعلانه عليه
سامحيني… يمه ياجنه وزهيه
سامحيني… وريضي خل نگعد شويه
سامحيني… ارد اشد راسچ بديه
خل اشمچ خل احضنچ يمه ماشبعيت منچ
اسوالفچ حلوه اشيملها هاي جنه ولامثلها
سولفينه… وياچ حلوات السوالف
سولفينه… يمه يالكلچ عواطف
سولفينه… غير وجهچ مانوالف
سولفينه… گلبي من الموت خايف
آه يالموت الخذاچ عافني اتحسر وراچ
صوب الروح وخذلها هاي جنه ولامثلها
هاي روحي… امهدمه وتسأل عليچ
هاي روحي… وين اشوفنچ واجيچ
هاي روحي… كون احب راسچ واديچ
هاي روحي… والرمل شيسوي بيچ
كون اضمچ بالدليل لليتم مابيه حيل
عشرتچ مابيه افلها هاي جنه ولامثلها
والله حلوه… عشرتچ ماكو احله منها
والله حلوه… ريحتچ خل اشمنها
والله حلوه… وشيلتچ بيدي اعدلنها
والله حلوه… سبحتچ راح اضمنها
والعبايه اتغطه بيها من احن واشتاگ اجيها
امي امي وين اگلها هاي جنه ولامثلها
بس عباتچ… راح تبقه اوياي ذكره
بس عباتچ… وبالگلب سبعين عبره
بس عباتچ… من يحن اشلون اصبره
بس عباتچ… يمه وتحضرچ الزهره
لايضل مكسور ضهرچ فاطمه الزهره تحضرچ
تسند المايل حملها هاي جنه ولامثلها
الشاعره المله
ام هجران العمارچيه
اهداء الى روح والدتي خادمة اهل البيت المله ام
#لاحول ولاقوة الا بالله العلي العظيم
#انا لله وانا اليه راجعون
#تنعى مؤسسة منبريون الحسينية فقيدها
الرادود الشيخ عز الدين الشيخ علي شيخ عشائر الدبات في كربلاء المقدسة
#اخوية الغالي شفيعك الحسين ع
#الفاتحة يرحمكم الله
مولاتی زینب الکبری(سلام الله علیها) تخاطب أمها الزهراء(صلوات الله وسلامه علیها)*
*علیچ أنکسر دلالی وظهری*
*وأون لیلیه لفراگچ وظهری*
*تعای بطیفی لو مره وظهری*
*وطفی النار البگلبی سریــــه*
😔💔😔💔😔💔😔
*✍🏻: علي أبوکوثـــــ المنصوري ــــر*
بسم الله الرحمن الرحيم
اللهم صل على محمد وآل محمد
....................................
يارحمة الله الواسعه بالشده مذكوره
يم البنين اﻷربعه مآجوره مآجوره
...................................
موﻻتي ربيتي أربعه قربان للدين
تعبانه سهرانه الليالي لجل الحسين
وفيتي عهدج للزجيه أبقرة العين
عباس سبع الكنطره وجفوفه مبتوره
....................................
واسيتي بالطف فاطمه ياأم البنين
ضحيتي موﻻتي أربعه أسباع وميامين
السلوه الزجيه فاطمه خير النساوين
قدمتي ولدج تضحيه والجنه معموره
....................................
واحدهم أبطف كربله موﻻتي معدود
جيش ويقاتل بالحرب لوعدوا جنود
بتارهم ماينغمد بالشده وحيود
عالخيم مايگرب عدو مآمونه مستوره
...................................
الله يعينج عالجره ماتنفع اﻵه
صوبج ياحيف الدهر بسهام بلواه
تلوجين گلبج منمرد مكسور خلاه
مفجوعه ﻻجن صابره أتونين معذوره
..................................
شاركتي زينب بالحزن وبعظم المصاب
نوح وعويل وفاتحه والدمع سجاب
صرخات أحظر ياعلي ياداحي الباب
اﻷجساد ظلت عالثره والروس منحوره
....................................
موﻻتي دارج خاليه أيعينج الرحمن
عبد الله غاب ومايرد وياه عثمان
ﻻ جعفر يرد وحشتج ﻻ گمر عدنان
أﻷقمار ياويلي أنطفت والدار مهجوره
....................................
باب الحوائج والرجه يالكلج إيمان
الدين ناده أبكربله قدمتي قربان
أربعه واحدهم گمر وتلاثه شبان
ولعظم هاي التضحيه موﻻتي مشكوره
...................................
موﻻتي ياباب الرجه يارأفه وأحساس
يارحمه من رب السمه يارفعة الراس
أبحاجاتنه نگصد ألج من دون هالناس
ونقسم عليج أبفاطمه خليها ميسوره
..................................
لخادم آل البيت . عليهم الصلاة والسلام .
عبد الكريم سيد سعد . نسألكم الدعاء
لسان حال ام البین وحبها وشغفها لابی الاحرار
ابوذيه
مسیت ابحب ابو السجاد وضحیت
ودادی اله ابگــول وفـعل وضحیت
اله اربع بنیـــنی انطــیت وضحیت
وبعدنی امقصره احس لابن الزچیه
عباس حاجیان
غطاج الاتراب.. يا اغله الاحباب
Читать полностью…
السلام عليكِ يامولاتي يافاطمة الزهراء
ـــــــــــــــــــــــــــــــــــــــــــ
راحت أمي والفرح بـيامي مات
راحت أمي اوماتت اوياهه الحياة
ياأم حسن أظلم البيت
اني زيــنب الـــج حنيت
ـــــــــــــــــــــــــــــــــــــــــــ
مــــو كسرة غــــصن ونكول يتــجبر
كسر بالروح فكدج يا ام حسن وكثر
سبب موتج ييمه من جفوف الشـــر
هاي اول رزيه وعله الديــــن أخــــطر
مات الحنان ـــــــــــ راح الأمـــان
اذوها ليـش ـــــــــــ ماضل ضمان
ياضوانه السافر العالم بعيد
ياضوانه نور من عـندك نريد
من المصيبه والله ونيت
انـي زيــنـب الـــج حنيت
ـــــــــــــــــــــــــــــــــــــــــــ
ردي البيــت أظــلــــم يا ضوه عيـوني
زغـــــيـــــر بلايه أم كــــام يـــــنادوني
هاي الماتت امها ضـــل يسمعـــونــي
وضل ابجـي ونــوحـن من يهضموني
عمري زغيـر ـــــــــــ بعدج احـيـر
انـتـي دواي ـــــــــــ جرحي جبـير
انتي خيمه الجان اتلمنه بدفو
انتي خيمه ولعلي صرتي كـفو
يالحبــيـبه بصوتي ناديـت
انـي زيــنـب الـــج حنيت
ـــــــــــــــــــــــــــــــــــــــــــ
يـيمـه الدنيــا غربـه والـعــرف انــتـي
اشلـون بـحال زيـنـب وانـتـي ودعتـي
ياروحي وحيـــاتي مــــا رحــم وكتـي
تـفــارگــنه ييمه وبأسمـي ما صـحتـي
ماضلي حيل ـــــــــــ دنيانه ليــل
ماضن تجين ـــــــــ دمعي يسيل
يالحبـيـبه اشلون مدفونه بگبر
يالحبـيـبه بعده ما اريده العمر
جم جرح يادهري خليت
انـي زيــنـب الـــج حنيت
ـــــــــــــــــــــــــــــــــــــــــــ
بـثــيــابــج اشمن يمـه مـن اشتـاك
زغيـر عله البعـد مابــيه حيـل افـراك
ويـوم اغـيـــاب وجهـج بالكلب حراك
اوطعنات الوكت وسط الدليل الحاك
اهواي الجروح ـــــــــــ جاوين اروح
سيف الغياب ـــــــــــ خــلاني انــوح
انتي عمري والله يا أم الحسن
انتي عمري وگـصه وياج الزمن
من الهجر لحزاني رديت
انـي زيــنـب الـــج حنـيت
ـــــــــــــــــــــــــــــــــــــــــــ
مــو سهل المفارك جلمه نحــجيـهـا
الدنيا بلايه امـــي اشلـــــون نكظيـها
جرح طول الــعـــمـر صــارت لياليها
لســــه الـــباب أثـــار الــحرك بــيـهـا
الدنيا عـذاب ـــــــــــ صارت مصاب
ينزف حنين ــــــــــــــ جرح الـغـياب
وين اشوفج وانتـي يايمه بلحد
وين اشوفج ودري وجهج مايرد
ياكبر يا وجه ضمــــيــت
انـي زيــنـب الـــج حنيت
ـــــــــــــــــــــــــــــــــــــــــــ
الشاعر : خالد جودي العارضي
#نعي
حال مولانا امير المؤمنين
روحي فداه
حسرة غيبتچ مامنهه حسره
يفاطم وانكسرنه اشلون كسره
علي اخلافچ الدنيا ابعينه ضلمه
ولمَّن ودّعچ چن وَدَّع امَّه
دمع العين ياعين التضمَّه
حالي اعليچ هذا وربنا أدره
أگظي امن النهار ويلفي ليلي
وون يافاطمه ومهدوم حيلي
وانادي يم حسن بلله اندعيلي
الله ايعِينِّي وگلبي يصبره
أنه او ولدچ گعدنه اشلون گعده
وحده اجروحنه او ونَّتنه وحده
شِدَّه امصيبتچ يالزهره شِدَّه
ونهل اعليچ عبره ابأثر عبره
تسعر جمرتي ويتغير اللون
امن اشوف اولادنه الفگدچ ينوحون
واصد اعله الحسن وحسين يبچون
وزينب خاطري اكثرهم تكسره
اشما صدينه يافاطمه عالباب
تذكرنه الجنين وذاك المصاب
تهيج احزانَّه والدمع سچاب
وكسر اگلوبنه ياهو اليجبره
سيد علي الموسوي
#اللهم_عجل_لوليك_الفرج
#نعي مفجع العلويات
يـحـســيـن رد الـضـعـن بـيـنـه
ومـن الـسبـي هاليـوم اجـيـنـه
بأرض الغرب عفـنـه الـحـنيـنـه
مــاتـت رقـــيـــه يــا ولــيـنـــه
خـويـه الـعـتـب والـوم عـفـنـه
رغـم اشـكثـر لـو عـات شـفـنـه
انـزيـد الألـم يحـسـيـن خـفـنـه
الـگـبـرك اجـيـنـه بنوح طـفـنـه
الفرگـه الطويلـه ضگـنـه مـرهـه
وفوگ الـهـزل يـكـتـل سـهـرهـه
اسـيـوف الـدهـر لـمـن شـهـرهـه
خـلـه الـحــرم حـارت بـأمـرهـه
ألـمــن نـرد ونـعــوف اهـلـنــه
بـيـثـرب بـعـد يـانـاس شـلـنـه
ريـت الـدفـنـهــم هــم دفـنــه
جـوه الـتـرب يــم الـكـفــلـنــه
✍خادم الحسين ع
الشاعر رعد الجريخي
#اللهم_عجل_لوليك_الفرج
مكَدر الحب اعله طوله
الشاعر مهند الشمري
من فاطمه كسرو ضلع كسرة غصن
والتهظم أكثر ياخلگ كلمة (وإن)
هـل يا دمـع والمنفگد أم وأبـن
لاذت ورة الباب أبحذر....وتدافع أوياهم قهر
وبالعصرة محسنها وگع.. ويلي وضلع منها أنكسر
مابي روح،، محسن على العتبه وگع
وأمه تنوح،، بشهگة نفسها امن الوجع
مامذبوح،، من صدمة الباب أنصرع
////// /////
كسر الضلع لا مو سهل أصعب كسر
لا يـنـفـع أضماد ودوة ولا ينجبر
لو شافه حيدر مايظل عنده صبر
لو شاهد أبعينه الضلع .. أيهد حيله ويطيح الدمع
يبچيها غيرة ومرجله.... وينحب عليها وينفجع
غربه وليل،، مو بالعلن صار الدفن
دم يسيل،، من حيدرة دمع الجفن
مابي حيل،، خاطر على الزهراء يون
////////////
بيا حاله توصف حالته گلب الحسن
مامر على عيونه بغياب امه الوسن
مهظوم مكروب ونواعيه بـشـجـن
ينعى ونواعيه بألم...العظم المصاب دموعه دم
فاگد أحن أم وأخو... وبعيونه الفراگ أنرسم
وآ أماه،، ينعى المصيبه بيا حزن
دمعه وآه،، شيصبره گلبه الممتحن
وا ويلاه،، لمن يحن يبچي ويون
////////////////
بيت وبلا أم مگبره أيحسه الولد
ظامي الحنان أمه وبعد مترد أبد
تتألم أضلوعه الحسين شما نـهـد
الفگد أمه بگليبه جرح.. وباچر ورا خيل وذبح
وبسمار المصوب ضلع.. باچر يرد بالطف رمح
بدمع العين،، باب أمه كل ما شاهده
يعلى أونين،، هل حاله كلش تضهده
حال حسين،، مامر على أنسان وسده
///////////////////
لا يا زمــن لا تمتحن صـبـر الگلب
دمعه غريبه من جفن زينب تصب
باچـر وراهـا كربله وطـف وغـرب
النار الـ عله الباب أسعرت.. حسبة وقت من أنطفت
باچـر تـرد تحرگ خـيـم... أتفر الفواطم لـو دوت
نفس النار ،، باچر بالمخيم توج
والكفار،،، اليسبوهه من نفس العرج
عالأطهار،، هذا الحقد عدهم نهج~~~~
حسين حمدان الدلفي ✍🏻
قصيده الام البنين عليهاالسلام
وزن الموشح على تفاعيل:
فاعلاتن فاعلاتن فاعلات
كون حضره تصير الج يم البنين
نطوفج ونشتم عطربيج لحسين
كون كبه وعاليه وبيها المقام
نبدي أول خطوه بالحب ولكرام
مره نقره الفاتحه ومره السلام
نعتنيج افواج نبجي وزائرين
ننصب بصفج جوادر للمصاب
نسوي تعزيات ونوزع ثواب
بحبج احنه نفوز باجر بالحساب
أيد وحده وبيد كلنه مسالمين
نشم ريحه وبالبقيع أجمل عطور
نوفي كلشي جايبنه من نذور
بالصحن مولاتي ونصيح ونزور
يم كفيل أخته أجينه مكدرين
كون گبه ومن ذهب بيها لأذان
والعيون تشاهدج بااخر زمان
وعالم ليلقي روأيه بكل مكان
بين شباجج نطوف مجلبين
نهدف بصوت العداله وبنياح
زيارتج اداوي من عدنه الجراح
كون يوميه نعاهد كل صباح
بالمدينه اروأحنه وهم جالسين
خادمة الزهراء والسيده رقيه ع
✍️الشاعره ام زهراءالفاطميه
لايجوزحذف الاسم أسم الكتاب لبيك
يازهراءبتاريخ الثلاثاء/2024/11/19
١٦جمادي الاولى سنة هجري ١٤٤٦نسالكم
الدعاءلي ولوالدي🙏🙏 اللهم عجل
لوليك الفرج 🙏🙏
بيش المّــك ... عندي بس هاي العبايه الساترتني
وين اضمك ... خاف لو غطيك بيها تشوف متني
شلون ألمك وأنت كل وصله بكتر
وبيش اشيلك وانـه هد حليلي الشمر
كون اراويك السياط الكاتلتني
ــــــــــــــــــــــــــــــــــــــ
جيت ونده وين اخوي الدلل اختـه ارد اسولفله علـى الضيم الجرعتــــه
وين وجهه اوين مكَفـاه ماعرفتــه لاعبــات الخيــل ميـدان اعلـى جثتــه
كل شي مابي ينعرف بلكَـوه شفته بس عرفته حسين من عطره وشبكَته
عمت عيني مكَطع وصاير وذر
شمــالهــم ماخلــو لجسمك اثــر
ريتـهــــا ويــاك الحــوافــر وذرتنـــي
ــــــــــــــــــــــــــــــــــــــ
شلون ألمك وأنت كل وصله بنويه
ومخاذات ضلوعك خيول ال اميـه
منيـن مـــا اشيلنــك اطيــح منـديــه
بلّــه كَلــي شلــون اراويـك لرقيــه
نيمتهــا وجيتــك ومـاتـــدري بيـــه وهســــه يمكـن طلعت ادور عليــه
الدمع شكَ خدودها الجانت ورد
وسكتتهــا بجلمـة الهلبت يــــرد
يــــابعــــد كَلبــي ابنـاتك حيرتنــــي
ــــــــــــــــــــــــــــــــــــــ
شيبت راسي شكثر تنشدنــي عنك
ويـــن مااوديهــا تشتــم ريحـه منـك
شرد اكَلها الخيل بالطف طشرنك
ومـدري يـاصوب بحوافرهن خـذك
حتـى يــم خيمتهـا يمكـن وصلنّك
جنه نسمع صوتهن من رضرضنك
تنشــد شمــا ينكسـر منـك ضلــع
عمه ليش منسمع الصوت انوجع
وشيبــت راس الكَـلب مــن نــاشدتـنــي
ــــــــــــــــــــــــــــــــــــــ
خويـه بنتك كَلبت الدنيــا ابحـزنهـا
فات وكت المغرب وفكَدت حظنها
مدري ياهو الجر تراجيهـا منذنهـا
ومـدري ياهو الطاكَهه وورم جفها
حتى فوكَ جفوفها احتركَت ردنهـا
وساحكَه برجليها فوكَ النار اضنها
خويه كسرة كَلبي ملجومه وتون
ذابلـه وحاجبهـا طـايـح ع الجفـن
حسيــن بتـك هدمت حيلي وعمتنــي
ــــــــــــــــــــــــــــــــــــــ
والمهـم يحسيـن بنتــك سكتتـهــــا ونايمه اعلى رماد المخيم عفتهــا
وجيت الم اوصالك وماوجــدتهــا وصله منـك يم علي الاكبرشفتهــا
ووحـده يمكن يم ابوفاضل جستها دنكَت بس مالــي حيـل ومـاشلتهـا
شفت يمها جفوف عباس وطحت
عفيـه ظلت روح بيـــه ومــامتت
ظالــه المن مــامتت مــن ودعتـنـــي
ــــــــــــــــــــــــــــــــــــــ
خنصرك مـكَطوع لــو مشتبهه آنــه الكَص اصبعك ريته لايهنه بزمانه
ويـــن حطه وليش مــارده لمجـانـه شفتـــه لابس محبسك مــن سلبـانـه
وفـوكَ مـاسلبنه طكَنـه وشتمانــه
وين مـارحنـه النذل يفتـر ورانـه
مـاكفــاه جدامنـه الشعبت حـركَ
بلايه وجعت كَلب يتوجه ويطكَ
سلبتـك نفس الجفــــوف السلبـتنـي
ــــــــــــــــــــــــــــــــــــــ
بيش ألمك عندي بس هاي العبـايـه
وآنه محتــازتها بــاجــر للسبـايـه
كَلت اغطيك بعلم ساجي الضمايــه
اتعـذر العبـاس هـم مـاعنده رايــه
والله هدت حيلي يحسين الرزايــــه
خويه نار وخيل ومصايح ردايــه
خويه اجيتك كَوه اجرن بالجدم
حتــى مــابيــاش اردن للخيــم
عفيـه خـوش اجدام عنـدي وشـايلتنــي
رائد الناشي الناشر ابو يعقوب السوداني
نعي للام
نعي يوجع القلب بحق الأم الحنونه
ييمه البيت بعدج. مينراد
. يريت ايامنه. وياج تنعاد
بشوفج نرتوي ياريع الفاد
يانبع الحنان اوماي صافي
ثلثين. تعبج. من. يوافي
يالكلج. محنه. وحضن دافي
يم الهله. شمحلاته. ملكاج
بينه الدنيه مالت من فكدناج
يالحنينه يهد. الحيل. فركاج
لوادي النجف. نتعنه. ونروح
ولشوفج ييمه. مفرفحه الروح
ومن البواجي الصوت. مبحوح
اكعدي. شهل نومه. الطويله
ييمه الفركه. خلتنه. نحيله
نون. عليج. والمدمع. نسيله
بقلم العلويه ام رائد زوين 😭✍
تعبانه بويه اهوايه تعبانه
تدري انجويت اهنانه وهنانه
لتكلي بويه شلوني سووها زرگه امتوني
****
عالرمح راسك ودار العين اليه
جن تگلي شلونج ابنيتي رقيه
شرد اسولف وآنه محتركات اديه
من اليسر والضيم بويه شظال بيه
مجروحه من فرگاك مجروحه
ويابويه راسك عالي ما الوحه
غيمه الدمع بعيوني وسووها زرگه امتوني
**
اركض وبثيابي بويه مجلبه النار
حافيه وكل ساع اعثر والرمل حار
عليه كل الطك يبويه والشتم صار
زغيره وجروح البمتني كلهن اكبار
تدري شكثر بالصوط ضربوني
من صوطه بويه راحن امتوني
ابجي شكثر خلوني وسووها زرگه امتوني
*
ليش سلابي يبويه ما رعاني
حيل جر ترجيتي مني ودرفعاني
گمت اصيح ودمي ظل يجري من اذاني
گتله بت حسين انه وشتماني
وآنه صحت لو عندك بنيه
جا ما خذت من عندي ترجيه
لمن رحت هضموني وسووها زرگه امتوني
****
بويه اجانه الليل واحنه بلايه خيمه
بالحوافر بويه راحت جم يتيمه
والشمر يفتر عله زينب هضيمه
وتدري شوغات اليسر كلش اليمه
عماتي وينك گامن ايصيحن
وكلهن سوه لوجرهن ايطيحن
وانه شكثر جروني وسووها زرگه امتوني
*
اه يدرب الشام يالوعت عذابه
واحنه ماعدنه عشيره ولا كرابه
صعبه من خلونه يابويه بخرابه
بلا سگف ونام گمنه عله الترابه
آنه عله زينب دمعي يتجاره
ازرك متنها وبينه محتاره
الزينب تغير لوني وسووها زرگه متوني
***
بويه من النوم فزيت واريدك
وانه ما متعلمه انام اله عله ايدك
بشوك احضننك ردت وشتم وريدك
عالطشت خاف ابجي بويه وحرگه ازيدك
جابولي راسك بويه جابولي
هذا ابوج حسين كلولي
وعليه متت شافوني وسووها زرگه امتوني
***
تمت
ميثم العمري
تعبانه بويه اهوايه تعبانه
تدري انجويت اهنانه وهنانه
لتكلي بويه شلوني سووها زرگه امتوني
****
عالرمح راسك ودار العين اليه
جن تگلي شلونج ابنيتي رقيه
شرد اسولف وآنه محتركات اديه
من اليسر والضيم بويه شظال بيه
مجروحه من فرگاك مجروحه
ويابويه راسك عالي ما الوحه
غيمه الدمع بعيوني وسووها زرگه امتوني
**
اركض وبثيابي بويه مجلبه النار
حافيه وكل ساع اعثر والرمل حار
عليه كل الطك يبويه والشتم صار
زغيره وجروح البمتني كلهن اكبار
تدري شكثر بالصوط ضربوني
من صوطه بويه راحن امتوني
ابجي شكثر خلوني وسووها زرگه امتوني
*
ليش سلابي يبويه ما رعاني
حيل جر ترجيتي مني ودرفعاني
گمت اصيح ودمي ظل يجري من اذاني
گتله بت حسين انه وشتماني
وآنه صحت لو عندك بنيه
جا ما خذت من عندي ترجيه
لمن رحت هضموني وسووها زرگه امتوني
****
بويه اجانه الليل واحنه بلايه خيمه
بالحوافر بويه راحت جم يتيمه
والشمر يفتر عله زينب هضيمه
وتدري شوغات اليسر كلش اليمه
عماتي وينك گامن ايصيحن
وكلهن سوه لوجرهن ايطيحن
وانه شكثر جروني وسووها زرگه امتوني
*
اه يدرب الشام يالوعت عذابه
واحنه ماعدنه عشيره ولا كرابه
صعبه من خلونه يابويه بخرابه
بلا سگف ونام گمنه عله الترابه
آنه عله زينب دمعي يتجاره
ازرك متنها وبينه محتاره
الزينب تغير لوني وسووها زرگه متوني
***
بويه من النوم فزيت واريدك
وانه ما متعلمه انام اله عله ايدك
بشوك احضننك ردت وشتم وريدك
عالطشت خاف ابجي بويه وحرگه ازيدك
جابولي راسك بويه جابولي
هذا ابوج حسين كلولي
وعليه متت شافوني وسووها زرگه امتوني
***
تمت
ميثم العمري
في سبيل الزهراء...عمري كله اقرايه
بالمواكب نشأتي...عاللطم نظراتي
أقره وي روحي عزه...واستمع وناتي
كبر عودي واكبرت...وحققت غاياتي
وانذرت عمري وقف...الفاطمه مولاتي
هالعشگ يامحلاه...عندي صار اكفايه
في سبيل الزهراء...عمري كله اقرايه
يختلف عن كل عشگ...هالعشگ ياناسي
من عشگت ام الحسن...صار حظ ابراسي
هالخدامه وهالذكر...طيبن أنفاسي
والله دنيه وآخره....بيهن ارفع راسي
هالشرف وين الگاه...أشكر الله اهوايه
في سبيل الزهراء....عمري كله اقرايه
عندي عشره اويه الگلب...من زغر خاويته
دير بالك عالعشگ...ياگلب وصيته
چنه جاوبني النبض...إي نعم حسيته
الما يحب ام الحسن...والله ماحبيته
مدرسة عاشوراء...خرجت وفايه
في سبيل الزهراء...عمري كله اقرايه
امن الولاده فاطمي...مو عبث ميلادي
وافتخاري ابدنيتي...أهوه بيت الهادي
ياعلي ويافاطمه...گلبي دوم اينادي
هذا من الله فضل....خادم الأسيادي
هالفضل ما أنساه...كون اوفي ابهايه
في سبيل الزهراء....عمري كله اقرايه
الليله مجلس فاطمه...ابلهفه متعنينه
باچر ابيوم الحشر....حيدر ايجازينه
حيدريه وعالعهد....كل وكت يلگينه
صرخه والآخر نفس...مانعوف احسينه
يااباعبدالله....هذه اغله احچايه
في سبيل الزهراء....عمري كله اقرايه
سيد علي الموسوي
#موشح لشهادة السيدة الزهراء عليها السلام - جديد
——————————
أشكرك يحسين روحي احييتها
ابمجلسك لم الحسن من جيتها
@@@@
كرمتني يا حسين ابهالشرف
اسمي خادم بين هالناس انعرف
مخلص الكم مو ورا الشهره انجرف
روحي انته ابمجلسك ربيتها
@@
خادمك وصّلته لاعلى مستوى
بيدك ارفعته على گد الهوى
فوگ عرش المكرمه *ثم استوى*
والسماء السابعه طرّيتها
@@
حبك الاحياني من بعد العدم
واكتمل خلقي ابوگفتي اويه الخدم
ماتزل ليه على دربك قدم
ثابته ولو تنحرف گصيتها
@@
هذا بيتك وانه خادم من اجي
ابعتبتك منّ النوايب التجي
لجل ترضى اعليه فاطم ارتجي
ابين ادين الزاكيه حطيتها
@@@@
سيدي يحسين عندي هالطلب
كون اسمي اويه اليلطمون انكتب
والعن ابكل ساعه من صف الحطب
نيته الملعون يحرگ بيتها
@@
كون اجري من دمه ماي الدمع
والطم ابضلعي على كسر الضلع
واحضر ابيوم الحشر وسط الجمع
چفي من دم الصدر حنيتها
@@@
سيدي ابابك اهل دمعي دمه
واذكر الباب اشصنع وي فاطمه
من اجتها واعصرتها الظالمه
ومن نشب مسمارها حسيتها
——————————-
ثامر بوجبارة