42763
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
❤️🩹 «Я не веру дагэтуль, што гэта атрымалася»
Ціханоўскі распавёў, што перад вызваленнем яго, схуднеўшага да 75 кілаграмаў, спецыяльна адкормлівалі:
«Мяне апошні месяц адкормлівалі – мяса, малако, тварог, двайная порцыя пайкі. Гэта так апошні месяц, і я так выглядаю»
І апошні 30-ы дзень «дыеты» яго вывезлі з мяхом на галаве і ў кайданках у СІЗА КДБ у Менску:
«Тады зразумеў, што ўсё – група, усіх збіраюць»
На насутпны дзень палітвязні ўжо былі пад абаронай амерыканскіх дыпламатаў.
Ціханоўскі падзякаваў Літве за тое, што дазволілі выехаць. Таксама паводле былога палітвязня, Лукашэнка «вытанцоўвае лезгінку» перад Трампам.
📌 У МАГАТЭ склікаюць экстранную нараду з-за ўдараў па Іране
Яна адбудзецца заўтра 23 чэрвеня, заявіў кіраўнік агенцтва Рафаэль Гросі.
Пакуль МАГАТЭ не зафіксавала павышэння радыяцыі пасля ўдараў ЗША па ядравых аб'ектах Ірану. Аналагічную заяву выпусціла Камісія па ядравым і радыелагічным рэгуляванні Саудаўскай Аравіі. Улады Ірану таксама заявілі пра адсутнасць радыяцыйных выкідаў.
ℹ️ МАГАТЭ – Міжнароднае агенцтва па атамнай энергіі. Яе асноўныя задачы:
▪️ кантроль за нераспаўсюджаннем ядравай зброі;
▪️навукова-тэхнічная супраца ў галіне мірнага атама;
▪️падтрымка даследаванняў у галіне ўжывання атамных тэхналогіяў у медыцыне, прамысловасці і сельскай гаспадарцы.
⚡️ Ціханоўскі збіраецца апублікаваць на сваіх стрымах доказы беззаконня, якія чынілі ўлады Беларусі супраць яго пачынаючы з 2020 года
Былы палітвязень пагадзіўся, што вызваленне Беларусі не адбудзецца, пакуль не падзе пуцінскі рэжым. Паводле яго, калі б не Пуцін, то беларускія пратэсты ужо перамаглі ў 2020-2021 гадах.
Ціханоўскі таксама адзначыў, што меркаваў пра сваё вызваленне яшчэ са студзеня 2025 года. І заявіў, што яшчэ ў жніўні 2024 года яму прапаноўваў памочнік пракурора напісаць прашэнне пра памілаванне. Яшчэ дыпламаты часоў адміністрацыі Джо Байдэна.
Сяргей плануе вярнуцца ў Беларусь і не плануе ўмешвацца ў дзейнасць офіса дэмакратычных сілаў. Ён падкрэсліў, што пяць гадоў знаходзіўся пяць гадоў у адзіночнай камеры, а больш як тры гады – у поўнай ізаляцыі. У яго вельмі мала інфармацыі і трэба шмат чаго даведацца:
«Я як у нейкай паралельнай рэальнасці».
📌Сяргей Ціханоўскі падзякаваў усім, хто дапамог ягонаму вызваленню
Перадусім Трампу:
«Прэзідэнт Трамп зараз валодае такой моцай і магчымасцю, калі ён можа адным словам вызваліць усіх палітычных вязняў у Беларусі. І я прашу яго сказаць гэтае слова»
«Калі вы чакалі знак, то вось ён»Читать полностью…
⚡️Першы публічны выступ Сяргея Ціханоўскага на волі!
Далучайцеся да нашай трансляцыі. 👉 Пачынаем а 12.30 паводле Менскага часу
📌 Емен афіцыйна ўступіць у ірана-ізраільскую вайну
Пра гэта гаворыцца ў акаўнце еменскай арміі ў сацсетцы Х :
«Емен афіцыйна ўступіць у вайну. Трымаеце свае караблі далей ад нашых тэрытарыяльных вод»
💔 Памёр былы палітвязень, асуджаны на тры з паловай гады калоніі ўзмоцненага рэжыму за ўдзел у пратэстах 2010 года
Пра смерць Алега Гнедчыка на Facebook паведаміў лідар ініцыятывы «Альтэрнатыва» Алег Корбан. Падрабязнасцяў смерці ён не ведае.
Паводле Корбана, Гнедчык «не засвяціўся» ў пратэстах 2020 года, «трымаў дыстанцыю, заставаўся жыць у Менску».
ℹ️ Алег Гнедчык быў актывістам «Маладога фронту». У 2003–2006 гадах яго каралі за актывізм адміністратыўнымі арыштамі. У студзені 2011 года быў затрыманы за ўдзел у «Плошчы-2010», асуджаны на тры з паловай гады калоніі ўзмоцненага рэжыму, вызвалены праз памілаванне 1 верасня 2011-га. Палітвязень Мікола Статкевіч тады пісаў, што ў няволі «больш за ўсё дастаецца Гнедчыку»
☕️ Не ведаеце, што пачытаць за ранішняй каваю?
Сабралі для вас найбольш цікавыя матэрыялы «Белсату», які вы маглі прапусціць:
🔺 «Той самы Сяргей, якога мы ведалі да 2020 года»
Як сябе адчувае вызвалены Ціханоўскі?
🔺 Наталля Дуліна: «Я хачу заставацца ў Беларусі, у мяне там мой дом»
Сярод вызваленых 21 чэрвеня палітвязняў апынулася былая дацэнтка МДЛУ Наталля Дуліна. Яна падзялілася сваімі ўражаннямі пасля вызвалення і расказала крыху пра тое, як гэта адбвалася.
🔺 Якую «гістарычную праўду» абараняюць улады?
Апошнім часам з рупараў дзяржаўнай прапаганды, чыноўнікаў і ідэолагаў усё часцей чуецца наратыў пра абарону «гістарычнай праўды». Але што яны пад ёй разумеюць?
#штопачытаць
💥 #галоўнае за 21 чэрвеня
✔️Адпушчаны на волю Сяргей Ціханоўскі і яшчэ 13 палітвязняў. Большасць з іх – замежныя грамадзяне (у тым ліку трое палякаў). Вось так выглядае Ціханоўскі пасля 5 гадоў зняволення
✔️Сярод вызваленых сёння – журналіст «Радыё Свабода» Ігар Карней і былая выкладчыца МДЛУ Наталля Дуліна. Наталля дала нам эксклюзіўны каментар і расказала пра тое, што папярэднічала вызваленню
✔️Перад тым, як адпусціць на волю 14 палітзняволеных, Лукашэнка сустрэўся ў Менску са спецпрадстаўніком Трампа Кітам Кэлагам. Сустрэчу нідзе не анансавалі загадзя
✔️«Лукашэнка, можа быць, разлічвае, што Ціханоўскі са сваёй актыўнасцю можа ўнесці разлад сярод дэмакратычных сілаў, якіх зараз і так хапае без яго». Меркаванне Віталя Цыганкова
✔️У польскім МЗС заявілі, што працягнуць дамагацца вызвалення палітвязняў у Беларусі, у тым ліку этнічных палякаў з беларускім грамадзянствам
✔️Імавернай прычынаю смерці беларуса Змітра Каспяровіча, што жыў пад Варшаваю, стала «тупая траўма галавы»
✔️Сябар Каспяровіча, які знайшоў яго мёртвым, расказаў «Белсату», што пабачыў на месцы трагедыі
✔️Ці магчыма Беларусі вырвацца з «інфармацыйнага палону» Расеі?
💬 «Адчыніў дзверы, пабачыў шмат крыві пры ўваходзе. Былі сляды босых ног з крывёю – ён падымаўся да сябе ў пакой»
Сябар загінулага Змітра Каспяровіча Юрый Фабішэўскі расказаў «Белсату», пра што размаўляў з актывістам напярэдадні ягонай смерці ды што пабачыў у доме, дзе жыў Зміцер, калі прыехаў туды ў чацвер.
☝️Чытайце эксклюзіў у нас на сайце
📍 Лукашэнкаўская прэс-сакратарка Эйсмант: «Рашэнне пра яго [Ціханоўскага] вызваленне — выключна з гуманітарных меркаванняў — дзеля ўз’яднання сям’і»
Сярод 14 вызваленых у асноўным замежнікі: 2 грамадзяніны Японіі, 3 — Польшчы, 2 — Латвіі, а таксама грамадзяне Эстоніі, Швецыі і ЗША.
💬 «Табе за апошнія два гады даходзілі ад мяне лісты? Ніводнага, так?»
У сацсетках Святланы Ціханоўскай з'явіўся фрагмент ейнай першай за доўгі час тэлефоннай размовы з мужам Сяргеем. Яна адбылася незадоўга да таго, як яны сустрэліся.
📹 Відэа: @tsikhanouskaya
💬 «Намеснік начальніка калоніі сказаў: "Дуліна, апошні раз ёсць магчымасць прызнаць віну". Я сказала "не". Ён кажа "Ну, значыць на расстрэл!"»
Выкладчыца італьянскай мовы і былая дацэнтка МДЛУ Наталля Дуліна, якая апынулася сярод вызваленых сёння палітзняволеных, падрабязна расказала нашаму карэспандэнту пра тое, як выглядаў працэс вызвалення «знутры».
Вязні да апошняга не ведалі, куды і з якой мэтаю іх вязуць.
Паслухайце!
🔹Глядзіце таксама ў спецвыданні, якое ідзе ў нашым эфіры проста цяпер
☝️Крыніцы «Белсату»: на волю сёння выйшлі толькі 5 беларусаў, усе іншыя вызваленыя – замежнікі
Згоднай з нашай інфармацыяй, гэта ў тым ліку трое палякаў. Праўда, сярод іх няма Анджэя Пачобута.
👀 Падрабязнасці глядзіце па спасылцы
❗️Паводле нашай інфармацыі, сярод вызваленых сёння палітзняволеных – трое грамадзянаў Польшчы
Іхныя імёны пакуль не раскрываюцца.
😡 Пратасевіч паказваў Ціханоўскаму кадры з візіту да Віктара Бабарыкі
І распавёў, што ездзіць яшчэ да 20 палітвязняў, а астатнімі займаюцца іншыя. «Я яго прадынаміў па ўсіх пытаннях», – сказаў Ціханоўскі.
Пасля адмовы падпісваць дакументы з Пратасевічам, яго забралі да супрацоўнікаў КДБ. У выніку пагрозаў чэкістаў, Ціханоўскі заявіў, што падпісаў паперку, што не супраць таго, каб яго адправілі за мяжу. Таксама яму праводзілі дэзынфармацыю пра дзейнасць офісу.
«Больш шчырага чалавека, як Святлана я не сустракаў. Я ейнага мізінца няварты. А яны такія рэчы расказвалі рэчы – проста кашмар, і пра яе, і пра офіс»
Ціханоўскі мяркуе, што яго выпусцілі, каб ён учыніў разлад у дэмакратычных сілах, але ён сказаў, што не збіраецца такога рабіць. І заклікаў кожнага беларуса дзейнічаць.
📌 Пратасевіч угаворваў Ціханоўскага напісаць прашэнне аб памілаванні
У студзені 2025 года пасля двух тыдняў ШІЗА да Сяргея Ціханоўскага прыехаў Раман Пратасевіч. Дзеля гэтага палітвязня адправілі памыцца і забралі касцюм з біркай, даўшы новы. Пратасевіч угаворваў Ціханоўскага напісаць прашэнне аб памілаванні, але той назваў яго «палітычнай шпаной».
Пратасевіч таксама прапанаваў напісаць, што не супраць, каб яго паслалі за мяжу. Але Ціханоўскі адмовіўся пісаць і гэта. Таксама прапагандыст прывёз старыя лісты ад сям’і і прасіў сфатаграфаваць ці зняць відэа. Але Сяргей прыгразіў, што знойдзе яго, калі Пратасевіч выкладзе дзесьці фота і відэа, той спужаўся. ☝️Болей за тое, па словах Ціханоўскага, Пратасевіч расказаў, што яго пабіла Марыя Калеснікава, калі ён прыязджаў да яе з аналагічнымі прапановамі.
«...рэальна шкада. Ён малады хлопец не асуджайце яго»Читать полностью…
💔 Дачка не пазнала Сяргея Ціханоўскага
Распавядаючы пра гэта, мужчына не змог стрымаць слёз.
❤️ «Мы разам і разам працягваем барацьбу за нашу краіну і вызваленне астатніх палітвязняў», – заявіла на пачатку прэс-канферэнцыі Святлана Ціханоўская, каментуючы вызваленне свайго мужа Сяргея.
Таксама Ціханоўская падзякавала Доналду Трампу, Кіту Келагу, Джону Коўлу і Крысу Сміту, падкрэсліўшы, што «без іх вызваленне было б немагчымым».
Беларуская лідарка зазначыла, што поспех стаўся дзякуючы міжнароднай салідарнасці
«Гэта наша супольная перамога»
«Я заклікаю Аляксандра Лукашэнку вызваліць астатніх закладнікаў з турмаў. Гэта першы крок да нацыянальнага дыялогу, які нам патрэбны»
😡 Рэжым Лукашэнкі даўно знішчае гістарычныя помнікі, каб напісаць сваю гісторыю
Асаблівы маштаб гэты працэс набыў пасля 2022 года. У нашай краіне пачалі знішчацца любыя згадкі пра супраціў беларусаў Расейскай акупацыі і тыя часы, калі сама Масква была ў васальнай залежнасці ад Вялікага Княства Літоўскага.
👉 Пачытайце, якія якія помнікі былі знішчаныя ў Беларусі
📌 Сярод вызваленых учора палітвязняў ёсць грамадзянін Польшчы
Ежы Жывалеўскі быў асуджаны на 4 гады калоніі за нібы «агентурную дзейнасць». Ён стаў першым палякам, якога прызналі палітвязнем у Беларусі, піша Наша Ніва.
Жывалеўскі быў затрыманы ўвесну 2022 года. Дзяржаўная прапаганда сцвярджала, што мужчына нібыта быў завербаваны польскімі спецслужбамі і меў псеўданім «Пасейдон».
📌 ЗША ўсё ж атакавалі Іран і цалкам знішчылі яго ядравыя аб’екты
Пра гэта паведаміў Доналд Трамп і заклікаў Іран заключыць мір, прыгразіўшы наступнымі атакамі.
Трамп не раскрыў дэталяў аперацыі, але распавёў, што ўдары былі нанесеныя па трох ключавых аб’ектах іранскай ядравай праграмы.
👉 Падрабязнасці чытайце на нашай старонцы
💥 «Раніца з Белсатам»: пачніце нядзельную раніцу з пазітывам
Далучайцеся да нашага эфіру ⤵️
https://www.youtube.com/live/Xx-6hdKXTSw
🐘 Слонікі таксама любяць быць прыгожымі
Карыстальнік сацсетак паказаў, як выглядае слон пасля «барбершопу».
Паказваем і вам!
❤️🩹 Гэтыя фотаздымкі кажуць больш, чым словы
Вось, што рэжым Лукашэнкі робіць з людзьмі ў турмах. А колькі ўсяго мы яшчэ ўбачым і даведаемся...
💬 «Лукашэнка, можа быць, разлічвае, што Ціханоўскі са сваёй актыўнасцю можа ўнесці разлад сярод дэмакратычных сілаў, якіх зараз і так хапае без яго»
Паразмаўлялі пра сённяшняе нечаканае вызваленне Сяргея Ціханоўскага з палітычным аглядальнікам Віталем Цыганковым.
Што маглі прапанаваць самаабвешчанаму кіраўніку Беларусі за вызваленне свайго асабістага ворага ды як паставіцца да такога кроку Крэмль?
📍Чытайце меркаванне Віталя Цыганкова на нашай старонцы
🇵🇱 У польскім МЗС пракаментавалі сённяшняе вызваленне палітвязняў з лукашэнкаўскіх турмаў
Нагадаем, што сярод вызваленых ёсць трое грамадзянаў Польшчы. Прэсавы сакратар ведамства Павел Вроньскі паведаміў, што спробы вызваліць этнічных палякаў, якія маюць грамадзянства РБ, таксама прадпрымаюцца.
📍Чытайце болей па спасылцы
🔹Таксама глядзіце нашае спецвыданне, якое ідзе ў эфіры проста цяпер
🔴 Спецыяльны эфір «Белсату» – на волю выйшлі некаторыя палітвязні. Сярод іх Сяргей Ціханоўскі
Далучайцеся да нашага эфіру ⤵️
⚡️⚡️Глядзіце на «Белсаце» спецыяльнае выданне, прысвечанае вызваленню палітвязняў
Яно з'явіцца ў эфіры замест традыцыйнага «Аб'ектыву» а 19-й гадзіне паводле беларускага часу (18-я гадзіна паводле сярэднееўрапейскага часу).
Абмяркоўваем выхад на волю Сяргея Ціханоўскага і яшчэ 13-ці былых палітзняволеных, а таксама нечаканую сустрэчу Лукашэнкі з Кітам Кэлагам, што адбылася перад тым.
Не прапусціце! ⏰
💬 «Хто адчувае сілы – уліваемся і працуем далей, бо яшчэ тысячы людзей там»
Яшчэ адно відэа з вызваленымі сёння палітзняволенымі. Цяпер яны знаходзяцца ў Вільні.
📹 Відэа: @tsikhanouskaya