21523
Фақат реклама:👉 @Victorbek 😎 Жаннатмакон каналим:👉 @Zafarello
Бугун каналимда сиз билан жуда қизиқарли видеони бўлишмоқчиман. 🎮 Кибер Уздаги дўстларим тайёрлаган бу роликда, мутахассисларнинг танқидига учраган, аммо шунга қарамай бутун дунёда улкан шуҳрат қозонган ўйинлар ҳақида ҳикоя қилинади. Қизиқ, қандай қилиб шундай бўлиши мумкин? Видеони томоша қилиб, жавобини билиб олишингиз мумкин!
https://youtu.be/Gzhttf_weBo?si=xBjn1ObNkfwTzsmI
Raven прогрессив матрицалари — бу ақл-идрок тестидир. Унда одамга шакллардан иборат кетма-кетлик берилади ва шу кетма-кетликдаги йўқ жойни тўлдириш учун тўғри шаклни танлаш керак бўлади.
Бу тест орқали инсоннинг мантиқий фикрлаши, муваффақиятли нақшларни топиши, ва муаммоларни ҳал қилиш қобилияти ўлчанади. У сўзсиз бўлгани учун ҳар хил тилларда гапирадиган одамлар учун тенг имконият яратади.
Оддий қилиб айтганда, бу тест сизнинг миянгиз нақш ва қонуниятларни қай даражада тез ва тўғри тушунишини текширади.
Видеога ҳавола:
https://youtu.be/dhPIabOxqcI?si=JHJpS7Ew0zozkVzM
Бугунги ер ости портлашидан видео. Қора жентрадаги аканинг реакциясига 5+
👉 @Zafarbek_Solijonov
Жуда кўп давлат ташкилотларида шу масалага ҳануз дуч келяпман. Иш вақти йўқ, мажлис жуда кўп, дам олиш кунлариям чақириб олишади. Меҳнат ҳуқуқларига масъул бўлганларга гапиришдан фойда йўқ. Тизим ўзгармади, ўзгармаяпти.
Ҳалигача бизникилар иш самарадорлиги деган нарсаларни тушунмаяпти. Ходим ишдан маълум вақтга узилиши оилавий ҳаётидаям, ишидаям ижобий натижаларга олиб боришини англашмагани қизиқ. Балки самарасиз ишлашдир мақсадлари. Сиёсатда ҳеч нарса ўзгармай туриши, барчани қоғозга чўмилтириш ҳаммаси жойида деганидир балки. Билмадим.
👉 @Zafarbek_Solijonov
Шароф Рашидов ҳокими бир пачка пора билан қўлга тушгани айтиляпти. Сал олдинроқ президент селекторлардан бирида ҳуқуқни муҳофаза қилувчи ташкилотлар раҳбарларига ҳоким, вазирлар, қўмита раислариниям коррупция масаласида назоратга олишни буюрганди. Инсайд аниқ тасдиқланмаганига чиқармагандим бу хабарни. Ўша селектор натижаси бу😎
👉 @Zafarbek_Solijonov
"Гулнора Каримова" иши
БМТ Инсон ҳуқуқлари кенгашининг Ўзбошимчалик билан ҳибсга олишлар бўйича ишчи гуруҳи томонидан Г.Каримованинг жиноий жавобгарликка тортилиши юзасидан қабул қилинган 17/2025-сонли мулоҳазасига жавобан Ўзбекистон Республикаси Ҳукумати қуйидагиларни маълум қилади:
1. Ҳукумат Ишчи гуруҳнинг фикри Манба томонидан тақдим этилган бир томонлама субъектив маълумотлар асосида шакллантирилгани, Ўзбекистон Ҳукуматининг бу борада расмий жавоби тақдим этилгани, аммо у расмий процессуал муддатлар туфайли эътиборга олинмаганидан ташвиш билдиради. Бундай ёндашув БМТ органлари амал қилиши зарур бўлган холислик ва беғаразлик принципларига путур етказади.
2. Ўзбекистон ўзаро ҳурмат, халқаро ҳуқуқ нормаларига риоя қилиш ва икки ёқлама стандартларга йўл қўймаслик тамойилларига асосланган мулоқот ва халқаро ҳамкорлик учун ҳамиша очиқ.
3. Г.Каримовага нисбатан барча жиноий ишлар жиноят ва жиноят-процессуал қонунчилик нормаларига қатъий риоя қилган ҳолда, шунингдек, мамлакатнинг халқаро мажбуриятларини, жумладан Фуқаролик ва сиёсий ҳуқуқлар тўғрисидаги халқаро пакт қоидаларини инобатга олган ҳолда қўзғатилган ҳамда кўриб чиқилган.
4. Ҳимояга бўлган ҳуқуқ ва одил судлов ҳуқуқи жиноят процессининг барча босқичларида таъминланган. Г.Каримова мустақил равишда танланган ёки белгиланган тартибда тайинланган ҳимоячиларга мурожаат қилиш ҳуқуқига эга бўлган. Жиноят ишига оид материаллар билан танишиш, қарорлар устидан шикоят қилиш ҳамда ҳимоячи билан мулоқотнинг махфийлиги тамойилига риоя қилинган.
5. Г.Каримова иши бўйича суд қарорлари ваколатли судлар томонидан оғир ва ўта оғир жиноятлар, жумладан солиқларни тўлашдан бўйин товлаш, жиноий даромадларни легаллаштириш, давлат мулкини ғайриқонуний ўзлаштириш, фирибгарлик ва давлатга жуда катта миқдорда зарар етказган бошқа жиноятлар содир этилганлигини тасдиқловчи етарли далиллар асосида чиқарилган.
6. Г.Каримованинг 2014 йилда гўёки ўзбошимчалик билан ҳибсга олингани, узоқ муддат уй қамоғила сақлангани, “ошхонадаги суд” ва бошқа шу каби даъволар асоссиздир. Барча процессуал ҳаракатлар ва суд муҳокамалари процессуал қонунчилик нормалари ва талабларига тўлиқ мувофиқ ҳолда ўтказилган. Ҳозирги вақтда маҳкума суд қарорлари устидан қонунда белгиланган тартибда шикоят қилиш ҳуқуқига эга.
7. Ўзбекистон Республикаси Ҳукумати мазкур иш бўйича сиёсий сабаблар мавжудлиги тўғрисидаги даъволарни қатъиян рад этади. Ҳуқуқни муҳофаза қилувчи ва суд органларининг барча ҳаракатлари фақат судланувчининг жиноий ҳаракатларни содир этишдаги айбини тўлиқ тасдиқловчи ҳуқуқий ва далилий жиҳатларга асосланган бўлиб, унинг қонуний иқтисодий фаолияти ва/ёки сиёсий мавқеи ёки қарашларига дахл қилмаган.
8. Шу нуқтаи назардан, 2022 йилда Швейцария Конфедерацияси билан Ўзбекистон Республикаси Ҳукумати ўртасидаги Битим доирасида Г.Каримова илгари жиноий йўл билан орттирган ва қайтарилган молиявий маблағлардан Ўзбекистон Ҳукуматининг ислоҳотлар дастурини қўллаб-қувватлаш ва БМТнинг Барқарор ривожланиш мақсадларига эришиш учун фойдаланиш мақсадида “Vision 2030” жамғармаси ташкил этилганини таъкидлаймиз. Жамғарма бошқаруви БМТнинг Кўп томонлама шериклик траст жамғармаси орқали амалга оширилмоқда.
9. Ўзбекистон инсон ҳуқуқлари соҳасидаги халқаро мажбуриятларини виждонан бажариб келмоқда ва БМТ механизмлари, жумладан махсус тартиб-таомиллари билан конструктив мулоқотни қўллаб-қувватлашга тайёрлигини тасдиқлайди.
10. Ҳукумат халқаро тузилмаларда ўз обрўсини ҳимоя қилиш, шунингдек, ишончли ахборотни манфаатдор томонларнинг кенг доирасига тушунтириш бўйича кейинги қадамларни қўйиш ҳуқуқини ўзида сақлаб қолади.
👉 @Zafarbek_Solijonov
Парламентнинг "китоблар цензураси" тўғрисидаги янги қонунига ҳамма қарши чиқиши керак. Ҳужжатни сенаторлар қайтариб юборади деган умиддаман.
👉 @Zafarbek_Solijonov
Гулнора Каримовани озод бўлди деган гаплар ҳақиқатга тўғри келмаса керак. Синглиси опасининг туғилган куни сабаб табриклади шекилли. Умуман олганда, амалдаги бошқарувга унинг озодликка чиқишидан кўра ичкарида назоратда ушлангани хавфсиз. Яна билмадим, мен жуда кичкина одамман😁
👉 @Zafarbek_Solijonov
Деҳқон маҳсулот етиштиряпти, лекин зарар кўряпти. Нега?
Нега деҳқонлар йил давомида ер ковлаб, ҳосил етиштириб йил охирида зарар билан қоляпти?
ЎзЛиДеП томонидан ташкил этилган “Тараққиёт нуқтаси” мунозара клубининг биринчи сони айнан шу оғриқли масалага бағишланди.
Мунозара жараёнида қишлоқ хўжалигида ҳосилдорликнинг пасайиши, рентабелликнинг етарли даражада эмаслиги, маҳсулот етиштириш ва сотишдаги тизимсизликлар, сифат ва самарадорлик масалалари муҳокама қилинди.
Ечимлар айтилди. Лекин деҳқон учун гап эмас, натижа керак.
Тўлиқ видеони шу ҳавола орқали кўришингиз мумкин:
https://youtu.be/YGhu5HcoZyg
👉@Zafarbek_Solijonov
Соғлом турмуш тарзини кўпроқ тарғиб қилиш керак. Инсон соғлом ва узоқ умр кўриши бирламчи тиббий хизмат, овқатланишга боғлиқ демоқда соҳа мутахассиси.
Қўштирноқ подкастда шу ва бошқа масалаларда яхши подкаст чиққан. Биздаги тиббиёт ва ривожланган давлатлардаги тиббиёт ҳолати ҳам солиштирилган. Кўришни тавсия қиламан.
https://youtu.be/lz1Mx303jdM
Мана шунақа видеолар жуда самимий кўринади. Одамга ёқади. Мен ҳурмат қилган президент матбуот котиби, дипломат Шерзод Икромовичдан шунақа видеолар кўпроқ чиқаришини сўраб қолардим😎
👉 @Zafarbek_Solijonov
Францияда "Анорбанк"нинг ягона акционери Қаҳрамон Олимов ўғирлаб кетилди ва товон пули эвазига қўйиб юборилди. Бу ҳақда Le Monde хабар бермоқда.
Олимов Парижга бизнес ҳамкорлари билан учрашгани борган. У ерда эса кутилмаган тарзда ўғирлаб кетилган.
Каҳрамонжон Олимов 48 ёшда бўлиб, Франция пойтахтида икки кундан ортиқ вақт давомида номаълум жойда сақланган.
Шундан сўнг уни озод қилиш учун пул сўрашган ва ундан кейин қўйиб юборишган. Ҳозирда бир киши "ташкилотчиликда қатнашган ҳолда гаровга олиш" айби билан ҳибсга олинган .
25 июн куни Олимов Париждаги Хотел‑Диеу шифохонасида шифокор кўригидан ўтказилган. Унинг танасида кўплаб кўкаришлар ва жароҳатлар аниқланган. Шу билан бирга, у уйқусидан шикоят қилган.
Унинг шахсий котиби таърифича, бу ҳодиса “у учун жуда ёқимсиз бўлган”, аммо соғлом қайтишга муваффақ бўлган. У Парижнинг марказий, обрўли ҳудудида гаровга олиниб, кейин эса Ницца яқинидаги виллалардан бирининг ер ости қисмига олиб борилган. У ерда жисмоний зўравонлик, таҳдидларни бошдан кечирди, дейилади хабарда.
Каҳрамонжон Олимов "Анорбанк"нинг ягона акционери ҳисобланади — бу банк 1 миллиард евродан ортиқ активларни бошқаради ва у Ўзбекистон банклари ичида "энг яхши 10 таликка киради" деб ҳисоблаб келинади .
Шунингдек, у Нидерландияга рўйхатдан олинган компания орқали Ўзбекистонда, Сурхондарё вилоятида, EDF билан ҳамкорликда газ ёқилғили комбинацияланган марказ қуриш лойиҳасига ҳам алоқадор.
Манба
👉 @Zafarbek_Solojonov
Машнақа кичик нарсалар йиғилиб, миллат, давлат улуғлигини кўрсатади.
👉 @Zafarbek_Solijonov
Бугунги авлод бошқаларига ўхшамайди
30 июнь — Ёшлар кунида Президент билан учрашган ёшлардан бири олтиариқлик Азизбек Зайлобиддиновдир. У ўзининг ҳаракати, интилиши ва билими билан 17 ёшида дунёдаги энг нуфузли университетлардан бири ҳисобланган Гарвардга 100 фоизлик грант ютган.
Журналист Азиза Қурбонова ундан қисқача интервью олибди. Азизбекнинг теран фикрлаши, гапларини эшитиб, ҳар бир ота-она “фарзандим шу йигитга ўхшасин” деб ният қилса арзийди.
Бугун Ўзбекистонда Азизбек каби билимли, яратилган имкониятлардан унумли фойдаланиб, ўз кучи билан катта ютуқларга эришаётган ёшларнинг саноғи йўқ. Бу авлод аввалгиларга ўхшамайди. Шулар юртнинг ҳақиқий олтин авлоди.
Тан олиш керак, охирги йилларда ёшлар сиёсатида мисли кўрилмаган имкониятлар берилди. Бу эса мана энди-энди ўз мевасини беряпти ва бу ҳали бошланиши эканига ишончим комил.
👉 @Zafarbek_Solijonov
Ўзбекистонда давлат облигациялари билан таъминланган токен чиқарилди
HUMO токени – HUMO миллий тўлов тизимининг лойиҳаси. Давлат облигациялари билан таъминланганлик унинг барқарорлигини кафолатлайди ва қийматдаги қалқишларни текислайди.
HUMO токенининг афзалликлари:
· токенни фиат воситаларига алмаштириш бўйича кечикишлар ва воситачиларсиз бир зумдаги ва автоматлашган жараёнлар;
· транзакциявий харажатларнинг қисқариши;
· амалиётларнининг шаффофлиги ва хавфсизлигини ошириш учун уларни маълумотларнинг тақсимланган реестри (блокчейн)да қайд этиш.
📲Тафсилотлар – сайтда
Фуқаролик жамияти институтларидан 850 та ариза қабул қилиниб, 172 таси молиялаштириладиган бўлди
Олий Мажлис ҳузуридаги Фуқаролик жамияти институтларини қўллаб-қувватлаш жамоат фонди томонидан бир қатор ижтимоий муҳим соҳалар — аҳоли бандлиги, соғлиқни сақлаш, таълим, маданият, спорт, атроф-муҳит, коррупцияга қарши кураш каби йўналишларда грант танлови ўтказилди.
Ушбу танловда ННТлар, маҳалла фуқаролари йиғинлари ва ОАВлар жами 850 та лойиҳа тақдим этди. Парламент комиссияси томонидан улар кўриб чиқилиб, 172 та лойиҳа ғолиб деб топилди.
Эндиликда давлат грантини олиш учун барча жараёнлар — ариза юборишдан тортиб, шартнома имзолаш ва ҳисобот топширишгача ngo.gov.uz платформаси орқали амалга оширилмоқда.
🔗 Танлов натижалари билан бу ерда танишишингиз мумкин.
👉 @Zafarbek_Solijonov
UZ24 стилини ўзгартиргандан бери янгиликларни фақат шу каналдан кузатишни бошладим. Қулайликлари кўп, янгиликлар қисқа шу билан бирга маълумотга бой тарзда берилади. Энг муҳими чиқаётган хабарни ўқишга кўп вақт сарфламайман.
Ҳозир замон шу, иложи борича халқ тилига ўтавериш керак. Шу ишни UZ24 бошлаб берибди. Маслаҳатим обуна бўлиб қўйинглар, янгиликларни ўқишга кетадиган вақтингизни тежашга ёрдам беради анча — @uz24newsuz.
Бугун "китоб нашр қилишда цензура жорий қилинаркан" деган мазмунда пост ёздим. Постим мазмуни Қонунчилик палатаси хабаридан келиб чиққанди. Унда ноширлик тўғрисидаги қонунга қўшимча ва ўзгартириш киритилади. Китобларни нашр қилишда эстетик ва маънавий-маърифий жиҳатларга қаралади дейилганди. Ушбу хабар барчада нотўғри хулоса пайдо бўлишига олиб келган. Аслида қандай?
Биринчидан, ноширлик тўғрисида алоҳида янги қонун ишлаб чиқилгани йўқ. Амалдаги қонуннинг бир нечта моддалари ўзгаряпти, мазмунан бойитилмоқда. Иккинчидан, китобларни нашр қилишга эстетик, маънавий жиҳатдан алоҳида цензура жорий қилингани йўқ ва режаям қилинмаган. Чунки бунга алоҳида эҳтиёжам йўқ. Қадриятлар масаласида амалдаги қонунчилик етарли даражада ҳимояланган деб ўйлайман.
Учинчидан, президент ташаббуси билан нечта-нечта ёшлар машина, пул ва бошқа қимматбаҳо буюмлар билан рағбатлантирилмоқда. Бундан ташқари, мутолаа, минг китоб ва бошқа лойиҳалар ҳам шу сиёсатнинг давоми. Эндиликда янги киритиладиган қўшимча билан китоб сотиб олган ёшларниям рағбатлантириш режаланмоқда. Қонуннинг янги 6 моддасида шуни кўрдим.
Тўртинчидан, янгиланаётган қонуннинг 15¹ моддаси билан бош муҳаррирнинг ҳуқуқий мақоми янада аниқ белгилаб қўйиляпти. Нашрларни чиқариш тўғрисидаги қарор бош муҳаррир томонидан қабул қилиниши, таҳририятнинг ижодий фаолиятига тўлиқ бош муҳаррир жавоб бериши кўрсатиляпти. Тушунишимча, эндиликда янги ўзгартириш билан нашриётга пул тиккан тадбиркор солиқ, молия масаларигагина жавоб беради ва бу жуда нормал ҳолат.
Қонунни ўзим кўриб чиқдим. Либерал сиёсат тарафдори бўлган юрист сифатида айтишим мумкинки, бу борада алоҳида цензура, тақиқ ёки китоб ишлаб чиқариш жараёнини қийинлаштириб ташловчи нормалар йўқ. Қонунчилик палатаси хабариям таҳрирланган.
👉 @Zafarbek_Solijonov
Асанизм асосчиси Элдор Асанов бошлиқ минг китоб лойиҳасидан янги китоблар тўплами чиқишни бошлади. Рўйхатда либерализм, социализм, фалсафа борлигининг ўзиёқ одамга умид беради. Ит ҳурар карвон ўтар, босингизлар😎
👉 @Zafarbek_Solijonov
376-йилда Рим ўз дарвозаларини душманга эмас, ёрдам сўраган қочқинларга очди ва шу билан ҳалокат бошланди. Вестготлар Византиядан бошпана сўраб, Дунайдан ўтди, аммо уларни қулдек муомала кутарди. Қулликка тушиб қолган бу "меҳмонлар" охир-оқибат қўзғолон кўтарди ва 378-йилда Адрианополда Рим қўшинини йўқ қилди. Бу биринчи марта варварлар Рим қўшинини бундай мудҳиш тарзда мағлуб этган ҳодиса эди.
Ушбу видеода сиз Римнинг "яхшилик" билан очилган эшиги қандай фожиага айланганини кўрасиз: https://youtu.be/3Lnh2lJ5-k8?si=3fBvFillBQS4r05M
Либерализмга қадам ташламаётган, унга мос қонунлар ишлаб чиқмаётган парламент амалдаги бошқарувни қонунлар билан мустаҳкамлаб берувчи институтга айланади. Ўзининг оддий ташаббуслариям рад жавобини олаверади. Тепа нима буюртма берса, улар шуни бажаради. Қизиғи, ўзларини ишлаётгандек тутишади, "ўзимизнинг ташаббус" деб ўзларини мустақилдек тинчлантиради.
Каримов пайтида 99 йилларгача демократия, либерализмга майда қадамлар ташланган. Шу доирада кичик ҳужжатлар ишлаб чиқилган. Оддий журналист фаолиятига доир ҳужжатларам ўшанда қабул қилинган, ҳозиргача янгилари деярли қабул қилинмади. Кейин "ватан туйғуси"," миллий истиқлол", "маънавият" деган жумлалар ўйлаб топилиб, бекорчи ва натижасиз тарғиботлар бошланган.
ПАда ўтирган бир ҳовуч ўзини зиёли ҳисоблайдиган қари тулкилар нашриётлар очиб, тарғибот дарслик, китоблар чиқариб, майда киссавурлик орқасидан бойиган. Буюртмани ортиғи билан бажарган бу тўда ҳалигача нима қилиб қўйганини тушунмайди деб ўйлайман. Миллатни диктатура ботқоғига отиб юборган ўша пенсионерлар яна парламентга таъсир қилишни бошлади шекилли ёки шогиртлари катта бўлди ва улар ичкарида.
👉 @Zafarbek_Solijonov
Хотира китобда эмас, авлод қалбида яшайди
Бугунги Қурултой меҳмони Ўзбекистон халқ артисти Гавҳар Зокирова. У Абдулла Авлонийнинг эвараси.
Бу сафар тарих архивдан эмас, уй хотирасидан сўзлайди. Гавҳар опа катта бобоси Авлоний ҳақида, у қолдирган излар ҳақида гапиради.
Бу подкаст бир сулола ва бир ғоя ҳақида. Қалбга яқин, юракка оғир тушадиган драматик кадрлар билан.
🎙 Гавҳар опа Зокирова билан махсус сон
Youtube'да томоша қилинг: https://youtu.be/cISifa5w36s
Янги фейкнинг классик намунаси
Фейсбукда: “Фермерларга янги жарима”. Телеграмда: “Ер экин қилмасанг уч баробар солиқ тўлайсан”. Реал воқеликда эса: Қонун лойиҳаси ҳали муҳокама жараёнида.
Қуйи палатажа қонун қабул қилиниши 3 босқичда ўтади. Буёқда фақат 1-ўқиш бўлган. Яъни депутатлар: “Айтган фикрларимиз ҳисобга олинса, муҳокамани давом эттирамиз”, деган. Бу — босқичма-босқич жараён.
Жамоатчилик фикри шундоқ ташлаб қўйилмайди. Асосий иш энди бошланди.
👉 @Zafarbek_Solijonov
"Анор" – хорижда истиқомат қилувчи ўзбек ёшлари учун амалий лойиҳа
1 июль куни “Ватандошлар” жамоат фонди томонидан ташкил этилган “Анор” лойиҳасининг ёпилиш маросими бўлиб ўтди.
Ушбу лойиҳада Қувайт, Қатар, Россия, Қозоғистон, Қирғизистон ва Тожикистон давлатларида яшовчи 50 нафар ёш ватандошлар учун 12 кунлик ҳордиқ чиқариш дастури ташкил этилди. Лойиҳа доирасида иштирокчилар тўгаракларда қатнашди, она тили, миллий қадриятлар, спорт ва ижодга оид машғулотларда фаол бўлди.
📌 Лойиҳага 400 дан зиёд ариза келиб тушган бўлиб, улардан энг муносиб 50 нафар ёш танлаб олинган. Улар орасида халқаро ўзбек тили олимпиадаси ғолиблари ҳам бор.
Шунингдек, тадбир доирасида “O‘zbekistonlikmiz” мобил иловасининг тақдимоти ҳам бўлиб ўтди. Бу илова хорижда истиқомат қилувчи ватандош ёшларга ўзбек тилини ўрганиш учун ажойиб имконият бўлди, дейиш мумкин.
Фикримча, бундай лойиҳалар ёшларимизни миллийлик руҳи билан боғлайди, уларнинг она тили ва маданиятини асрашда муҳим ўрин тутади. Бу каби дастурлар келажак авлод учун зарур.
👉@Zafarbek_Solijonov
Тармоқда Тошкент вилоят матбуот хизмати раҳбари Беҳзод Қобулов ҳақида "гўёки қораланган" материал эълон қилинди. Мақолани тўлиқ ўқиб чиқдим. Энди хулосаларимни эшитинг.
Журналист давлатнинг душмани бўлмаслиги керак. Давлатнинг қайсидир ходими ҳақида хабар келса, уни албатта охиригача ва холис ўрганиши шарт. Ҳар битта ҳолат бўйича манбадан далил сўраш журналистнинг биринчи галдаги вазифаси. Далили бўлмаган, айбловларга асоси йўқ, соддароқ айтсам имзо, муҳр бўлмаган қисмлар бўйича давлат ходими тушунтириш беришга умуман мажбурмас. Журналист ҳам далилсиз қисмларни материалидан олиб ташлаши керак, туҳмат, ёлғонни тарқатмай, агар ўзини холис, профессионал ҳисоблайдиган бўлса. Бунга жиноят кодексида жазо борлигиниям унутмаслик лозим.
Агар йўқ, шуниси тўғри дейдиган бўлсангиз, бу туришда ҳамма нарсанинг расвоси чиқади. Ҳозирги кунда анонимга айланишдан осони бораканми? Телеграмда бир зумда аноним профил очасиз, қайсидир тумандаги шахсий душманингиз бўлган бўлим бошлиғи устидан бир дунё мағзава орттирилган пост ёзасиз ва бўхтонни қўрқмай тарқатадиган каналда "хабар келди" шаклида тарқатасиз. Шуми журналистикангиз?
Давлатнинг имижи тўлиқ қорага чиқарилаётган, тўғри сиёсати ҳам аламзадалар томонидан нотўғри талқин қилинаётган бир пайтда ўқувчи анави далилсиз гаплар юборган шахсга ишонмай профессионал матбуот котибига ишонади деб ўйлайсизми? Қўйсангизчи. Буни умуман журналистика сифатида қабул қилмаслик керак.
Энди Қобулов ҳақида битта кичик ҳолатни айтай. Тошкент вилоятида мансабдорларни онаси қолмай, отаси қолмай сўкиб ташлайдиган, кимларгадир ишониб қўлида далилсиз ёппасига туҳмат қиладиган биттаси бориди. Ваҳоланки, ҳаракатлари жиноят кодекси моддаларига бемалол тортарди. Камида бир йилга қамаш мумкиниди. Шунча қилганига қарамай Беҳзод Қобулов унга қонуний чораям кўргизмади. Органдагиларниям ўзи тинчлантирди. Ўшанда "нега қонуний тарафдан бормаяпсиз, булар яшашни истайдиган ривожланган давлатда бу ҳаракатлар учун аллақачон жазога тортилган бўларди" десам, "Зафарбек, мен журналист-блогер, жамоат ва ҳуқуқ фаолларини оиламдек кўраман, эртага уларнинг тасаввурида мени жазолатган деган тасаввурда қолишниям истамайман, ҳаётиниям расвоси чиқади, ўзига келиб қолар, яна вазиятни тушунтираман" деганди.
Ишлаётган вилоят ҳокимининг ишлаётган матбуот котиби ҳақида ортиқча мақтов шартмас. Вилоят, республика даражасидаги журналист, блогерлар уларни қанақалигини жуда яхши билади. 2018-2019 йилларда "сўз эркинлиги, олға, ошкоралиииик" деб бақирган нечта матбуот котиби, мансабдорларни биламан, эслайман. Сал давлат позициясини ўзгартирганди, улардан асарам қолмади, жамоатчиликка тупурди, умуман қўлламай, эсламай ҳам қўйди. Беҳзод ака, қаддингизни кўтаринг, ишлашдан тўхтаманг ака. Сизнинг қанақа мард, профессионал эканингизни биз яхши биламиз. 2018 йилда қандай бўлса, 2025 йилда ҳам журналист, блогерларга муносабати ўзгармаган кам сонли давлат хизматчиларидансиз. Сизга ҳурматимиз чексиз🫡
👉 @Zafarbek_Solijonov
Таълим тизимида ислоҳотлар чуқурлашмоқда: Талабалар ҳуқуқи марказда
Вазирлар Маҳкамаси томонидан нодавлат таълим хизматлари сифатини ошириш ҳақида қарор қабул қилинди. Қарор орқали янги ташкил этилаётган хусусий олий таълим муассасалари учун жиддий талаблар белгилаб берилди. Эндиликда фақатгина рўйхатдан ўтиш ёки лицензия олиш билан чекланилмайди — ҳар бир таълим дастури махсус аккредитациядан ўтиши шарт, замонавий инфратузилма ва молиявий кафолатлар бўлиши керак.
Албатта, бу талаблар ҳаммага ёқмаслиги мумкин. Айримлар қарорни “ортиқча тўсиқ” деб ҳам қабул қилаётгандир. Лекин чуқурроқ қаралса, бу ислоҳотларнинг ҳар бир банди ёшлар, жамият ва таълим келажаги учун хизмат қилади.
Оддий мисол: илгари университет очиш учун фақат рухсатнома олиш кифоя эди. Энди эса дастур, ўқув базаси, моддий имконият, реинвестиция мажбурияти — буларнинг барчаси умумий стратегияга айлантирилди.
Ислоҳотлар доим бирдан натижа бермайди. Лекин бу сафарги қадам узоқ муддатли фойда учун энг асосий пойдевор бўлиб қолади. Айтганча, биз бу талабларга жавоб берамиз деган ОТМлар бу талабга оддий қарайди.
👉 @Zafarbek_Solijonov
Биттаси тинмай "лотореядан миллион доллар ютволай" деб тинмай дуо қиларкан. Вақти кeлиб, куни битиб ўлибди. Худога нолибди, "шунча дуо қилдим, лекин сен қабул қилмадинг" дебди. Кейин Худо "олдин лоторея ўйнаш керагиди" деганакан.
Мана шу анекдот давлат ходимларини хунукка чиқарган Равшан отарчи ва масаланинг тагига етмай қўлига нима тушса тарқатадиган блогер биродар, биродаркаларга тегишликан😁
👉 @Zafarbek_Solijonov
Хусусий ОТМлар: илм даргоҳими ёки бизнес лойиҳа?
Сўнгги йилларда мамлакатимизда хусусий университет ва институтлар сони кескин кўпайди. Бу яхши албатта. Ёшларимизда танлаш имкони кўпаймоқда. Бироқ бу ўзгаришлар таълимда рақобатни ошириши, сифатни яхшилаши ҳам керак эди. Аммо амалда бошқача ҳолатлар кузатиляпти. Баъзи ОТМларда сифат эмас, фақат даромад асосга айланиб қолган.
Мисол учун хусусий олий таълим муассасаларининг барчасида ҳам профессор-ўқитувчилар салоҳияти, ўқув режалари, моддий-техник база давлат талабларига тўлиқ жавоб бермайди. Улар ўзининг илмий салоҳиятли жамоасини шакллантирмасдан, бошқа давлат ОТМларида ишлайдиган ўқитувчиларни “ўриндошлик” асосида жалб қилмоқда. Бу эса таълим сифати, тадқиқот имкониятлари ва талабага берилган эътиборга салбий таъсир кўрсатади.
Қолаверса, хусусий ОТМлар таълим учун мослашмаган биноларда фаолият юритмоқда. Тасаввур қилинг, 4 қаватли бино. Биринчи қаватида дўкон, иккинчисида бизнес марказ, учинчи ва тўртинчи қаватида эса – университет! У ҳам ижарада. Ким келиб-кетаяпти, хавфсизлик қандай таъминланяпти, таълим муҳити қай даражада? Бу саволларга жавоб йўқ.
Таълим бу – ишбилармонлик эмас, келажакни қуриш дегани. Шу боис, университет дўкон ёки бизнес сентр билан бир бинода бўладиган маскан эмас. Илмга етаклайдиган ҳар қандай ташаббусда, энг аввало, масъулият ва сидқидиллик бўлиши шарт. Акс ҳолда, бугунги дипломлар эртанги ҳаётга фойда бермайди.
Шу боис, давлат бу масалани жиддий тартибга олмаса, яқин келажакда бундан ҳам салбий ҳолатлар кузатилиши мумкин.
👉 @Zafarbek_Solijonov
Алоқа вазири бўлиш учун ҳоким ҳузурига келганми?)
👉 @Zafarbek_Solijonov