Orif Tolib sahifasi

10 March 2025 05:00

Nima degani?

Soʻz va iboralar maʼnosiga oid maqolalar

5-qism

🔹 Sapcha nima?
🔹 “Ohori toʻkildi”: ohor nima?
🔹 “Dilgir” nima degani?
🔹 “Reza-reza ter qopladi”: reza nima?
🔹 “Aka” soʻzining lugʻaviy maʼnosi nima?
🔹 Anomal issiq: “anomal” nima degani?
🔹 “Juma” soʻzining maʼnosi
🔹 “Bakovuling boʻloyin”: bakovul kim?
🔹 “Unniqmoq” nima degani?
🔹 “Xaos” nima degani?
🔹 “Dorilamon” nima degani?
🔹 “Lom-mim demaslik” nima degani?
🔹 “Vakuum” nima degani?
🔹 “Beshbattar”dagi besh nima?
🔹 Kvazarlar nima?

👉 1-qism
👉 2-qism
👉 3-qism
👉 4-qism

@oriftolib | Boshqa sahifalarimiz

Orif Tolib sahifasi

07 March 2025 13:40

#chegirma

🎉 Ramazon chegirmasini kutib oling!

📍Manzillarimiz

☎️ +998-71-217-59-99 📥 @hilol_reception

@hilolnashr_uz

Orif Tolib sahifasi

06 March 2025 12:04

Tayyormisizlar? Jamoamiz bilan “ZUKKOTEST” loyihasiga start berdik!

Endi bilimdon yoshlar o‘z bilimini sinab ko‘rish bilan birga qimmatbaho sovg‘alar yutib olishlari ham mumkin. 13-mart kuni quyidagi yo‘nalishlar bo‘yicha test sinovlari o‘tkaziladi:

1. “Mutolaa” ilovasidan “Galaktikada bir kun” 1-2 kitob;
2. “Ibrat farzandlari” ingliz tili darsligi;
3. “Ustoz AI” loyihasining matematika darsligi;
4. “Uzchess” loyihasining shaxmat darsligi;
5. “Zakovat” intellektual savollari

Test qanday o‘tadi?
• 45 ta savol (turli mavzulardan tasodifiy tanlanadi);
• Har bir savolga 1 daqiqa vaqt.

⚡️Mukofotlar:

TOP10 bilimdon: Har biriga 1 million so‘m pul mukofoti;

TOP100 reytingdan o‘rin olganlarga “Mutolaa” va “Ibrat Academy” ilovalari uchun 3 oylik premium obuna;

70%+ natija: “Mutolaa” va “Ibrat Academy” ilovalari uchun 50% chegirma;

Ishtirok etish uchun @kitobxontestbot orqali ro‘yxatdan o‘ting va hozirdan tayyorgarlikni boshlang!

Orif Tolib sahifasi

06 March 2025 06:15

Maqsad ravishdoshi: tahrirdagi nozik jihat

-gani qoʻshimchasi maqsad ravishdoshini yasaydi. U badiiy adabiyotda -gali shaklida ham ishlatiladi:

Shahardan atay sizni koʻrgani kelibdi.

Bu yerda -gani qoʻshimchasi uchun maʼnosiga ega:

Shahardan atay sizni koʻrish uchun kelibdi.

Lekin -gani ravishdoshi va uchun koʻmakchisini almashlab qoʻllash har doim ham oʻzini oqlamaydi, baʼzan jumlada gʻalizlik keltirib chiqarishi mumkin:

Mavzuni chuqurroq tushunish uchun koʻp oʻqish, tilni his qilish kerak. ✅

Mavzuni chuqurroq tushungani koʻp oʻqish, tilni his qilish kerak. ❌

Bu jumlada -gani ravishdoshining maqsad maʼnosi aniq ifodalanmagan. Uni sifatdosh bilan almashtirib yuborish ehtimoli ham bor.

Tahrirda jumlaning aniq va ravonligi muhim. Chunki matn alaloqibat boshqalar uchun yoziladi. Shu bois tushunarlilikka jiddiy ahamiyat berish shart.

Orif Tolib sahifasi

05 March 2025 13:59

Magistratura va doktoranturaga kirish uchun talab etiladigan chet tili sertifikatlarining ro‘yxati.


Bunda qaysi mutaxassislikka C1, B2 va B1 daraja talab etilishi belgilangan.

Masalan, ko‘pchilik so‘ragan tarix mutaxassisligi uchun B2 daraja, sog‘liqni saqlash uchun esa B1 daraja talab etiladi.

👉Yangiliklardan habardor bo’lish uchun
Kuzatib boring👇

Orif Tolib sahifasi

05 March 2025 08:00

Savodxonlik testlari

Imlo boʻyicha bilimlarimni sinayman deganlar kanalda eʼlon qilingan testlar bilan tanishishi va yechishi mumkin.

5-qism

🔹 Atir, atr
🔹 Munojot, munojat
🔹 Amnitsiya, amnistiya, amnitsiya
🔹 Ayirboshlash, ayriboshlash
🔹 Talatoʻp, talotoʻp
🔹 Alaloqibat, alal-oqibat
🔹 Immillamoq, imillamoq
🔹 Toʻgʻrilamoq, toʻgʻirlamoq
🔹 Qobilyat, qobiliyat
🔹 Shovillamoq, shovullamoq
🔹 Urinmoq, urunmoq
🔹 Dukakli ekinlar, dukkakli ekinlar
🔹 Lallaymoq, lalaymoq
🔹 Boyoqish, boyaqish
🔹 Junbish, junbush, jumbush

Oldingi qismlari:
👉 1-qism
👉 2-qism
👉 3-qism
👉 4-qism

@oriftolib | Boshqa sahifalarimiz

Orif Tolib sahifasi

04 March 2025 14:20

30,000 ta belgi

Endi Premium tarifidagi foydalanuvchilar har kuni Sayqalchidan 30,000 ta belgi ishlata oladilar. Oldin bu miqdor 15,000 ta edi, lekin ko‘p takliflar va so‘rovlarga javoban biz bu miqdorni ikki barobarga ko‘paytirishga qaror qildik.

5,000 ta belgi

Bepul tarifdagi foydalanuvchilar ham e’tibordan chetda qolib ketmadi. Ular har kuni 5,000 ta Sayqalchi belgilarini ishlata oladilar, oldin bu 1,000 ta belgi edi.

Fayllar tarjimasini qo‘shishdan oldin cheklov miqdorlarini ko‘paytirishga qaror qildik...

Sinab ko‘ring: tilmoch.ai

Orif Tolib sahifasi

03 March 2025 14:00

​​Halollik yoʻli

2012-yilning dekabr oyida Ispaniyaning Navarra viloyatida yengil atletika boʻyicha muhim musobaqa boʻlib oʻtdi. Yutuqqa katta mukofot qoʻyilgan, poygada dunyoning yetakchi atletlari qatnashardi. Ular orasida Londonda oʻtgan Olimpiada oʻyinlarining 3000 metrga toʻsiqlar osha yugurish boʻyicha bronza medali sohibi keniyalik Abul Mutoi ham bor edi. U bu galgi poygada yetakchi boʻldi, hammadan oʻzib ketdi. Biroq marraga oʻn metrcha qolganda toʻxtab qoldi. Keniyalik atlet marra chizigʻini kesib oʻtdim degan yanglish xulosaga kelgandi. Mutoyi tomoshabinlarga qarab qarsak chalar, yutugʻidan xursand edi. Odamlar unga ispanchalab bir nimalar der, oʻn metr nariga ishora qilar, biroq u bulardan hech narsani anglamasdi.

Ikkinchi boʻlib kelgan ispaniyalik poygachi Fernandes Anayya uni bemalol ortda qoldirib oʻtishi va sovrindor boʻlishi mumkin edi. Biroq u raqibining xatosidan foydalanib qolish oʻrniga yelkasidan turtib, olgʻa yurishga chorladi. Oʻn metr naridagi finishni qoʻli bilan koʻrsatib, tushuntirdi. Ispaniyalik sportchi shundoq qoʻlga kiray deb turgan gʻoliblikdan voz kechdi, keniyalik raqibini marragacha olib keldi, undan keyingina chiziqni bosib oʻtdi.

Musobaqadan soʻng Fernandes Anayyani savolga tutishdi:

– Nahotki gʻolib boʻlishni istamadingiz?

5000 metrga yugurish boʻyicha Ispaniya chempioni boʻlgan Anayya shunday javob berdi:

– Yoʻq, men gʻoliblikni juda xohlagandim. Ammo sovringa qoʻshib Ispaniya termasi tarkibida Yevropa chempionatida qatnashish imkonini berganlarida ham, shu yoʻlni tutgan boʻlardim. Men gʻalabaga loyiq darajada yugura olmadim. Agar raqibim xato qilmaganida, unga yeta olmasdim. Men uchun sovrindor boʻlishdan koʻra shaʼnimni saqlab qolish afzal. Odamlar juda koʻp hollarda xato yoʻlni tanlaydi, axloqi tuban ekanini koʻrsatib qoʻyadi. Men bunday yoʻl tutmaganimdan, halollik yoʻlini tanlaganimdan mamnunman.

👉 Ibratli hikoyalardan

@oriftolib | Boshqa sahifalarimiz

Orif Tolib sahifasi

03 March 2025 06:50

Nima degani?

Soʻz va iboralar maʼnosiga oid maqolalar

4-qism

🔹 Suqsurday qiz: suqsur nima?
🔹 Taqsir kim?
🔹 Oʻz koʻmochiga kul tortmoq: “koʻmoch” nima?
🔹 Oʻtirsa – oʻpoq, tursa – soʻpoq: “oʻpoq” va “soʻpoq” nima?
🔹 Xonim kim? Begim kim?
🔹 Xoʻja va xoja
🔹 Hazir boʻling: “hazir” nima degani?
🔹 Ensasi qotdi: ensa qayer?
🔹 “Moʻndi” nima degani?
🔹 “Azaldan”: azal nima?
🔹 Nashida nima?
🔹 “Sarpoychan” nima degani?
🔹 Dukkakli ekinlar: dukkak nima?
🔹 Ayyomingiz bilan: ayyom nima?
🔹 Saʼy-harakat: saʼy nima?

👉 1-qism
👉 2-qism
👉 3-qism

@oriftolib | Boshqa sahifalarimiz

Orif Tolib sahifasi

02 March 2025 11:30

Marjumakdan shoʻrva qilib boʻladimi?

Oramizda marjumak soʻzini eshitganlar topilsa kerak. Lekin uni oʻzbekcha emas, turkcha maʼnoda tushunadiganlar koʻproq, menimcha. Turk taomlarini yoqtiradigan kishilar marjumak shoʻrvasini yaxshi biladi. Biroq turklar marjumak deganda umuman boshqa narsani – yasmiqni nazarda tutadi. Ruslar чечевица deydigan bu don dukkaklilar oilasiga mansub, noʻxatga juda yaqin.

Xoʻsh, unda marjumak nima? U koʻpchiligimiz yaxshi biladigan, lekin asosan ruscha nomini qoʻllaydigan grechkadir. Ruslar bu don bilan yunonlar orqali tanishgan, shu sababli unga greklarning doni maʼnosida гречиха, греча, гречка kabi nomlarni bergan. Aslida marjumak yunonlarga oid emas. Yongʻoq rus tilida грецкий орех deb atalganiga oʻxshash holat bu.

Aytgancha, marjumakdan ham suyuq osh qilish mumkin, lekin u shoʻrvaga emas, koʻproq mastavaga oʻxshaydi.

🌐 Sayt 🛜 Telegram ▶️ oriftolib">YouTube

Orif Tolib sahifasi

02 March 2025 06:30

Ozroq eʼtiborli boʻlsangiz yetadi – xato qilmaysiz | 6️⃣0️⃣-dars | Oʻzbek tilidan savodxonlik darslari

👉 YouTubeʼda koʻrish

🌐 Sayt 🛜 Telegram ▶️ oriftolib">YouTube

Orif Tolib sahifasi

28 February 2025 05:00

Saviyasiz videolar, bachkana vaynlarni koʻrish miya hajmining qisqarishiga olib kelishi mumkin. Bu esa diqqatning yoʻqolishi, fikrlamaslik, aqlning oʻtmaslashishi, hatto iymonning kuchsizlanishiga sabab boʻladi. Vaqtingizni nimaga sarflayotganingizga qarang. Vaqt bu – siz. Bugun internetda nimanidir tomosha qilar ekansiz umringizning bir qismini shunga alishyapsiz.

Koʻring, koʻp foyda olasiz:
👉 youtu.be/itkUJSYrg1U

🌐 Sayt 🛜 Telegram ▶️ oriftolib">YouTube

Orif Tolib sahifasi

26 February 2025 15:27

😊 “Mutolaachi” tanlovi taqdirlash marosimidan qaynoq lavhalar.

Telegram | Instagram | Ilova

Orif Tolib sahifasi

26 February 2025 05:30

Bahodir Iso vafot etdi

Taniqli shoir, O‘zbekiston Respublikasida xizmat ko‘rsatgan yoshlar murabbiysi Bahodir Iso vafot etibdi.

Shoirning “Odamlar ichidan odam izladim” (2005), “Yaxshilar bor yaxshiyam” (2008), “Otam kutgan kunlar” (2013), “Muhammad Yusuf” (2014), “Kuy tili” (2015), “Qishloqdagi shoir” (2016) nomli she’riy to‘plamlari qo‘lma-qo‘l o‘qilgan, juda koʻp sheʼr va gʻazallari ajoyib qoʻshiqlarga aylangan.

Bahodir aka bilan koʻp hamsuhbat boʻlganman. Qalbi ochiq, samimiy va xayrixoh inson edi. Boshqalarning unib-oʻsishi, kamol topishi, muvaffaqiyatga erishishini chin koʻngildan istar, qoʻlidan kelgancha qoʻllab-quvvatlar edi.

Oxirati obod, joylari jannatdan boʻlsin.

🌐 Sayt 🛜 Telegram ▶️ oriftolib">YouTube

Orif Tolib sahifasi

25 February 2025 14:50

Maymunjon, parmanchak va boldirgʻon

Milliy ensiklopediyaga koʻra, Shimoliy Amerika va Yevrosiyoda bu rezavor mevaning 400 dan ortiq turi uchraydi. Shulardan 90 turi, asosan koʻk maymunjon va mayda mevali maymunjon turlari Oʻrta Osiyoda ham bor. Maymunjon Oʻzbekistonning togʻoldi mintaqalarida, dalalarda oʻsadi, tomorqa va bogʻlarda oʻstiriladi. Mintaqamizda tarqalgani sabab mevaning oʻzbekcha nomi bizga bir qadar tanish. Ammo uni ruscha nomi bilan yejevika deb ataydiganlar ham yetarlicha topiladi.

Maymunjon shevada parmanchak yoki parmachak deyiladi. Bu atama ilmiy tilga ham koʻchib oʻtgan va adabiyotlarda maymunjon yoki uning turlari uchun ishlatiladi.

Koʻk maymunjonning boldirgʻon degan nomi ham bor, baʼzan ilmiy adabiyotlarda u zangori maymunjon yoki parmanchak deb ham beriladi.

Qarang, kamyob bu mevaning tilimizda shuncha nomi bor.

🌐 Sayt 🛜 Telegram ▶️ oriftolib">YouTube

Orif Tolib sahifasi

07 March 2025 16:00

​​Lev Tolstoy qoidalari

Buyuk yozuvchi Lev Tolstoy 22 yoshida oʻzi uchun hayotiy tartib-qoidalar tuzadi va unga butun umr amal qiladi. Iroda, faollik, xotira va aqliy qobiliyatni rivojlantiradigan bu yoʻriqlar siz-u bizga ham katta foyda berishi aniq.

🔹 Har tong kunlik reja tuz va uni albatta bajar.
🔹 Iloji boricha kam uxla.
🔹 Har qanday jismoniy mashaqqatga chida, qiynalganingni boshqalarga bildirma.
🔹 Biror ishni boshlasang, oxiriga yetkazmay tashlab ketma.
🔹 Oʻzing bilmagan yoki yoqtirmaydigan odamlarning maqtovini olishga urinma.
🔹 Har qanday narsaga har tomonlama nazar sol – foydasini ham, zararini ham koʻr.
🔹 Boshqalarning fikrini oʻylab oʻtirgandan koʻra oʻz ustingda koʻproq ishla.
🔹 Yaxshi boʻl va sening yaxshi ekaningni hech kim bilmasligiga intil.
🔹 Boshqa odamlarning hamisha yaxshi tomonini izla, yomon tomonini emas.
🔹 Hech qachon hissiyotlaringni oshkor qilma.
🔹 Har tun kunduzi oʻrganganlaringni takrorla.
🔹 Har kun zaifroq biladigan tilingda sheʼr yodla.
🔹 Oʻn barobar boyib ketsang-da, hayot tarzingni oʻzgartirma.
🔹 Ortiqcha narsangni oʻzing uchun emas, jamiyat uchun ishlat.
🔹 Shuhrat uchun sarf-xarajat qilma.
🔹 Oʻzing uchun iloji boricha koʻp mashgʻulot oʻylab top.
🔹 Qoʻlingdagi mulkning oʻndan birini ehson qil.
🔹 Bir oʻzing yakunlashing mumkin boʻlgan ishga yordamchi talab qilma.
🔹 Sharoit qancha yomon boʻlsa, harakatni shuncha kuchaytir.
🔹 Bor narsalarga qanoat qil.
🔹 Yaxshilik qilishga imkon izla.
🔹 Yaqinlaringning hayoti shirin boʻlishiga hissa qoʻsh.
🔹 Elning muhabbati uchun mayda tuygʻulardan voz kech.
🔹 Hammani birday yaxshi koʻr, bu muhabbatdan oʻzing ham chetda qolma.
🔹 Yaqin kishingni oʻzingday yaxshi koʻr, ikki yaqin kishingni esa oʻzingdan ham koʻproq yaxshi koʻr.

“Yoshlik” jurnalida chop etilgan.

@oriftolib | Boshqa sahifalarimiz

Orif Tolib sahifasi

06 March 2025 14:00

“Oldini olish”dagi xatoning oldini olish

Oldini olish birikmasi bilan tushum kelishigini qoʻllash juda koʻp uchraydi:

Jinoyatchilikni oldini olish, korrupsiyani oldini olish, xatolarni oldini olish, kasallikni oldini olish ❌

Ikki ism soʻzni bogʻlashda tushum emas, qaratqich kelishigi qoʻshimchasi ishlatiladi. Yuqoridagi misollarda jinoyatchilik, korrupsiya, xatolar, kasallik soʻzlari ot soʻz turkumiga mansub, yaʼni ism soʻz. Undan keyingi old soʻzi ham ism soʻz. Demak, bu oʻrinda qaratqich kelishigi qoʻshimchasi -ning ishlatilishi kerak:

Jinoyatchilikning oldini olish, korrupsiyaning oldini olish, xatolarning oldini olish, kasallikning oldini olish ✅

🔄 Mavzuga aloqador:
🔹 -ni va -ning qanday farqlanadi?
🔹 Morfologik xatolar
🔹 -ni va majhul nisbat
🔹 Ilk qadam: qoʻshimchalar qanday tahrirlanadi?

@oriftolib | Boshqa sahifalarimiz

Orif Tolib sahifasi

06 March 2025 11:10

#Amaliyot

Samarqandlik yangi Zulfiya nomidagi Davlat mukofoti sohiblari ❌

Zulfiya nomidagi Davlat mukofotining samarqandlik yangi sohiblari ✅

Agar ayol-qizlarni taʼkidlab koʻrsatish kerak boʻlsa, sohiba soʻzini ishlatish zarur:

Zulfiya nomidagi Davlat mukofotining samarqandlik yangi sohibalari ✅

@oriftolib | Boshqa sahifalarimiz

Orif Tolib sahifasi

05 March 2025 16:05

Farqi nimada?

Soʻz va iboralar maʼnolaridagi nozik farqlarni oʻrganing.

2-qism

🔹 Daraxt va buta
🔹 Tabaq, taboq va tovoq
🔹 Isrof va uvol: farqi nimada?
🔹 Yoqilgʻi va yonilgʻi: farqi nimada?
🔹 Poshsho, poshsha va posho
🔹 Son va raqam
🔹 Voha va vodiy: farqi nimada?
🔹 Tashriflar va ularning bir-biridan farqi
🔹 Imorat, inshoot, bino: farqi nimada?
🔹 Fentezi, fantastika, ilmiy-fantastika: farqi nimada?
🔹 Olimpiada va Olimpiya
🔹 “Uchrashuv oʻtkazdi” va “uchrashdi”: farqi nimada?
🔹 Atamoq, nomlamoq va ism qoʻymoq
🔹 Koʻy va kuy: farqi nimada?
🔹 Chaqaloq va goʻdak

Oldingi qismlari:
👉 1-qism

@oriftolib | Boshqa sahifalarimiz

Orif Tolib sahifasi

05 March 2025 11:00

Zirk va uning qoraqandi

Zirkni koʻpchilik bilsa kerak. Togʻ, choʻl, adir va yonbagʻirlarda yovvoyi holda oʻsadigan oʻsimlik va uning mevasi shu nom bilan ataladi. Bu rezavor meva dalalarda maxsus yetishtiriladi ham. Yurtimizda qizil va qora zirk tarqalgan. Pishgan mevasi baʼzan nordon, baʼzan shirin boʻladi. Turli ovqatlarga, masalan, oshga solinadi. Tabobatda dorivor sifatida ishlatiladi.

Qora zirkning alohida nomi bor, uning atalishi tusiga mos – qoraqand. Bu nom zirk singari ommalashmagan, uni hamma ham bilavermaydi.

Rang-roʻyi, tovlanishi sabab zirkka nisbatan qizil yoqut degan ibora ham qoʻllanadi.

Zirkni turklar barbaris yoki kizamik, ozarlar zirinj, qozoqlar boʻriqoraqat, qirgʻizlar boʻru qaragʻat kabi nomlar bilan ataydi.

@oriftolib | Boshqa sahifalarimiz

Orif Tolib sahifasi

05 March 2025 05:00

Yomon bek unga boʻysungan odamlar oldida bahodirga aylanadi, yomon erkak xotini oldida.

Buryat maqoli

@oriftolib | Boshqa sahifalarimiz

Orif Tolib sahifasi

04 March 2025 13:00

​​Chorsu maydonidagi rasm

Usta bir rassomning shogirdi tahsilni tamomladi. Bitiruvchisini kuzatishdan oldin yana bir saboq berishni istagan ustoz unga shunday dedi:

– Eng oxirgi ishlagan rasmingni shaharning eng gavjum joyiga il. Yonida qizil qalam va qogʻoz qoldir. Iltimosnoma yozib qoʻy, odamlar oʻziga maʼqul tushmagan jihatlarni shu qogʻozga tushirib ketsin.

Ustozining aytganlarini bajargan shogird bir necha kundan soʻng rasm ilingan joyga – Chorsu maydoniga bordi. Odamlar alohida qoʻyilgan qogʻozni toʻldirib, rasmning oʻziga ham tanqidlarini yozishibdi. Shogird tushkun kayfiyatda ustozining oldiga keldi. Ustoz esa xafa boʻlmasligini, shu rasmni boshqatdan chizishini aytdi. Rasm tayyor boʻlgach, yana shaharning eng gavjum joyiga ilishni buyurdi. Faqat bu safar surat yoniga boʻyoqlar jamlanmasi va qalam-choʻtka qoʻyishni, yoniga maʼqul boʻlmagan oʻrinlarni tuzatishni soʻrab iltimosnoma yozishni topshirdi.

Shogird bir necha kundan soʻng hayajon ichida Chorsu maydoniga bordi. Rasmga umuman teginilmagan edi. Sevinchi ichiga sigʻmagan shogird ustozining yoniga juda xursand holda keldi.

– Birinchi gal koʻrding: odamlarga imkon berilsa, oʻylamay-netmay tanqid qilishni qotirishadi, – dedi ustoz. – Hatto rassomlikdan mutlaqo xabarsiz kishilar ham rasmingni qoraladi. Ikkinchi safar esa ulardan aniq dalil, amaliy harakat soʻrading. Har qanday kasbda, xususan, rassomlikda ham qobiliyat va tarbiya kerak. Shu sababli ham hech kim oʻzi bilmagan narsani tuzatishga jasorat eta olmadi. Demak, yodingda boʻlsin:

– Mehnat-mashaqqatlaringning haqi yoki mukofotini qilgan ishingni tushunmagan odamlardan ololmaysan.
– Qadringni bilmaganlarga jon kuydirib, mehnatingni sarflama.
– Bilmaganlar bilan aslo tortishma.

Orif Tolib sahifasi

03 March 2025 11:00

​​Savodxonlik darslari

“Ibrat farzandlari” loyihasida tayyorlangan videodarslar:

1-dars. Bogʻgami yo boqqa?
2-dars. Qoʻshma ot va qoʻshma sifatlar imlosi
3-dars. -illa va -dir qoʻshimchalari imlosi
4-dars. Takror tovushlar imlosi
5-dars. Juft soʻz va takror soʻzlar imlosi
6-dars. Chiziqcha bilan yozish qoidalari
7-dars. Yuklamalar imlosi
8-dars. Koʻmakchilar imlosi
9-dars. Hammayoq yoki hamma yoq?
10-dars. Timqorami yo tim qora?
11-dars. Toʻgʻridan-toʻgʻrimi yoki toʻgʻridan toʻgʻri?
12-dars. Izofali birikmalar imlosi
13-dars. Joy nomlari imlosi
14-dars. Qisqartma soʻzlar imlosi
15-dars. Sayyora, yulduz va boshqa osmon jismlari nomi imlosi
16-dars. Asarlar, mahsulotlar, bino va inshootlar nomi imlosi
17-dars. Muhim tarixiy sana va bayramlarning nomlari imlosi
18-dars. Tartib sonlar imlosi
19-dars. Tashkilotlar va mansablar nomi imlosi
20-dars. Unvonlar qanday yoziladi?
21-dars. Boʻgʻin koʻchirish qoidalari #1
22-dars. Boʻgʻin koʻchirish qoidalari #2
23-dars. Qonun, qaror, farmon, farmoyish nomlari imlosi
24-dars. Mana bu va manavi, ana bu va anavi
25-dars. Fan nomi qanday yoziladi?
26-dars. -yapti, -yabdi, -ayapti
27-dars. Variantdosh soʻzlar imlosi
28-dars. Sulola nomi qanday yoziladi?
29-dars. Oliy oʻquv yurtlari, fakultetlar, yoʻnalishlar va kafedralar nomi imlosi
30-dars. Koʻcha nomlari va uy raqamlari imlosi
31-dars. Maktablar va sinflar nomi qanday yoziladi?
32-dars. -chi: chiziqcha bilan va chiziqchasiz
33-dars. Qanday yozamiz: bosh harfdami yoki kichik?
34-dars. Ism-familiyalar imlosi
35-dars. Tutuq belgisining qiyinchiliklari
36-dars. Kattalik birliklari imlosi (1-qism)
37-dars. Kattalik birliklari imlosi (2-qism)
38-dars. Soʻz va qoʻshimchalar raqamlardan ajratib yoziladi
39-dars. -u, -yu va chiziqcha
40-dars. Takror soʻzlar va takrorlangan soʻzlar imlosi
41-dars. Taqlid soʻzlar va ulardan yasalgan soʻzlar imlosi
42-dars. “Al” va uning imlosi
43-dars. Mavzu nomlari qanday yoziladi?
44-dars. Elektron OAV va portallar nomi qanday yoziladi?
45-dars. Sport musobaqalari nomi imlosi
46-dars. Qoʻsh undoshli oʻzlashmalar imlosi
47-dars. “H” va “X”ni qanday oson farqlash mumkin?
48-dars. Imlosi qiyin soʻzlar (1-qism)
49-dars. Imlosi qiyin soʻzlar (2-qism)
50-dars. Imlosi qiyin soʻzlar (3-qism)
51-dars. Imlosi qiyin soʻzlar (4-qism)
52-dars. Imlosi qiyin soʻzlar (5-qism)
53-dars. Imlosi qiyin soʻzlar (6-qism)
54-dars. Imlosi qiyin soʻzlar (7-qism)
55-dars. Juvonmardni juvonmarg qilmang
56-dars. Toʻgʻrisi yod, xatosi yot boʻlsin
57-dars. Joniga oro kirdimi yo ora kirdi?
58-dars. Ziyolilarni ham adashtiradigan so‘zlar
59-dars. Talaffuzi sabab imlosi qiyinlashgan so‘zlar
60-dars. Ozroq eʼtiborli boʻlsangiz yetadi – xato qilmaysiz

👉 YouTube’da koʻrish

@oriftolib | Boshqa sahifalarimiz

Orif Tolib sahifasi

02 March 2025 14:00

Soʻzlar

Eri xotiniga ayollar bir kunda qancha soʻz ishlatishi haqidagi maqoladan parcha oʻqidi: “...Erkaklar 15000 ta soʻz ishlatgan bir paytda ayollar 30000 ta soʻzni sarf qilib yuboradi”.

Bu maʼlumot xotinning nafsoniyatiga ozgina tegib oʻtdi. Shu sababli norozilik bildirdi:

– Bekorga bunaqamas-da! Bu erkaklar birorta gapni bitta gapirganda tushunmaydi. Doim takrorlashing kerak.

Er gazetadan bosh koʻtarib, xotiniga qaradi:

– Nima deding?

👉 Ibratli hikoyalardan

🌐 Sayt 🛜 Telegram ▶️ oriftolib">YouTube

Orif Tolib sahifasi

02 March 2025 09:00

Ibratli hikoyalar

3-qism

🔹 Labirintdan chiqish yoʻli
🔹 Manguga ajraladi
🔹 Miyadagi zahar
🔹 Muqarrar jazo
🔹 Moʻrt sovgʻalar
🔹 Moʻjizaning bahosi
🔹 Nechta doʻstim boʻlishi kerak?
🔹 Nimani izlashga bogʻliq
🔹 Oqibat rishtalari
🔹 Oqsoq mushukcha
🔹 Olim boʻlish uchun...
🔹 Omon qolsang, unutma
🔹 Poldagi pul
🔹 Professorning sabogʻi
🔹 Sinov darvozasi

👉 1-qism
👉 2-qism

🌐 Sayt 🛜 Telegram ▶️ oriftolib">YouTube

Orif Tolib sahifasi

28 February 2025 07:01

Befarq boʻlmang: atamalar boʻyicha amaliy qadamlar tashlanyapti!

Xorijiy atamalarni o‘zbekcha muqobillariga almashtirish bo‘yicha takliflar tayyorlandi. Ishchi organ taqdim etilayotgan atamalarning milliy muqobillari boʻyicha boshqa fikr va mulohazalarni ham koʻrib chiqmoqchi.

Takliflar alohida Word faylda taqdim etilgan. Tanishib chiqing va takliflaringizni bildiring. Koʻpdan koʻp fikr chiqadi, eng maqbul taklifni aynan siz bildirishingiz mumkin.

Atamalarni, ayniqsa neologizmlarni oʻzbekchalashtirish tilimiz rivojiga ijobiy taʼsir koʻrsatadi.

Orif Tolib sahifasi

27 February 2025 12:15

​​Xoʻjayin boʻlolmagan xoʻjagʻat

Dabdurustdan kimdir “Xoʻjagʻat nima?” deb soʻrab qolsa, javob topolmay qolamiz. Bu soʻzni biladigan-ku uncha-muncha topilar, lekin ishlatadigan topilarmikan? Asosan kitoblar va maqolalarda uchraydigan xoʻjagʻat atamasi – sizu bizga yaxshi tanish malinaning oʻzbekcha nomi. U butaning oʻzini ham, mevasini ham anglatadi. Xoʻjagʻat Oʻrta Osiyo, Sharqiy Sibir, Uzoq Sharq, AQSH va Yevropa mamlakatlarida oʻstiriladi.

Oʻzbekchada bu rezavor mevaning boshqa bir nomi ham bor – buldurgʻun. Eʼtibor bergan boʻlsangiz, koʻk maymunjonni anglatuvchi boldirgʻon soʻziga yaqin, uning talaffuz varianti. Har ikki meva bitta turkumga oid boʻlgani sababli soʻzlar almashlab ishlatilgan boʻlishi mumkin. Lekin baribir talaffuzda farq yuzaga kelgan va ular alohida soʻzlarga aylangan.

Xoʻjagʻat, buldurgʻun soʻzlari ilmiy va ilmiy-ommabop matnlarda uchrasa-da, tilimizda qoʻllanmaydi hisob. Hatto ensiklopediyalar, kitob va qoʻllanmalarda ham asosan malina soʻzi ishlatiladi. Xoʻjagʻat va buldurgʻunni oʻz uyida xoʻjayin boʻla olmagan soʻzlar deyish mumkin.

🌐 Sayt 🛜 Telegram ▶️ oriftolib">YouTube

Orif Tolib sahifasi

26 February 2025 07:00

Maskning Grok neyrotarmogʻi Mask va Trampni eng katta yolgʻonchilar deb atadi – KunUz

Mask uni eng rostgoʻy va murosasiz model deb maqtangan edi. “Hozir kim Amerikaga koʻproq zarar yetkazmoqda?” degan savolga Grok shunday javob berdi: “Putin, Tramp, Mask”.

Ilon togʻa:
– Voy, ablah... Oʻzimizniki boʻlaturib, oʻzimizni yomonlaysanmi?! Buqoq, sol!

Grok bola:
– Ha, men, men! Boy otamniyam soʻydim, hoʻkizniyam oʻldirdim, eshakniyam soʻydim, sichqonniyam dumini kesdim!

Orif Tolib sahifasi

25 February 2025 16:00

Tilmochni ishlatib koʻrdingizmi?

Tahrirchi ijodkorlari yana bir ajoyib loyihani ishga tushirgan – Tilmoch. Uning algoritmlariga 1960-yillardan buyon chop etilgan 4000 ga yaqin kitob va darsliklar kiritilgan. Shu bois u matnni shunchaki tarjima qilmaydi, balki uning konteksti, uslubi va ifodasini chuqur anglaydi va tahlil qiladi.

“So‘zlarni emas, ma’noni tarjima qiling!” degan fikrni olgʻa suryapti dastur asoschilari. Sinab koʻring. Oʻzim ham Tilmochdan foydalanaman, tobora kuchiga kuch qoʻshilib, sifati oshib boryapti.

👉 tilmoch.ai

🌐 Sayt 🛜 Telegram ▶️ oriftolib">YouTube

Orif Tolib sahifasi

24 February 2025 05:45

Ozroq eʼtiborli boʻlsangiz yetadi – xato qilmaysiz

“Ibrat farzandlari” loyihasida savodxonlik boʻyicha navbatdagi dars eʼlon qilindi. Lavhada yozishda koʻp xato qilinadigan soʻzlarning maʼno-mazmuni, qoʻllanishi, imlosidagi eʼtiborli jihatlar tushuntirilgan.

Darsda faqat imlo emas, soʻz qoʻllash va tahrir boʻyicha ham maʼlumotlar olasiz.