Orif Tolib sahifasi
20 February 2025 09:00
Talaffuzi sabab imlosi qiyinlashgan so‘zlar | 5️⃣9️⃣-dars | Oʻzbek tilidan savodxonlik darslari
👉 YouTubeʼda koʻrish
🌐 Sayt 🛜 Telegram ▶️ oriftolib">YouTube
Читать полностью…
Orif Tolib sahifasi
19 February 2025 12:00
Yolgʻoningdan emas, meni unga ishontirganingdan hafsalam pir boʻldi.
Boshnoq maqoli
🌐 Sayt 🛜 Telegram ▶️ oriftolib">YouTube
Читать полностью…
Orif Tolib sahifasi
19 February 2025 10:30
Turk tilidan milliy sertifikatga tayyorlanayotganlar diqqatiga!
Hilol Edu til markazi milliy sertifikat boʻyicha sinov imtihoni oʻtkazyapti ekan.
Sinov imtihoni yordamida bilim va koʻnikmalaringizga tashqaridan baho bera olasiz. Oʻzim ham bunday imtihonda qatnashganman, natijasi yaxshi boʻlgan.
👉 Qiziqqanlar uchun batafsil
🌐 Sayt 🛜 Telegram ▶️ oriftolib">YouTube
Читать полностью…
Orif Tolib sahifasi
17 February 2025 07:21
Talaffuzi sabab imlosi qiyinlashgan so‘zlar
“Ibrat farzandlari” loyihasida savodxonlik boʻyicha navbatdagi dars eʼlon qilindi. Lavhada yozishda koʻp xato qilinadigan soʻzlarning maʼno-mazmuni, qoʻllanishi, imlosidagi eʼtiborli jihatlar tushuntirilgan.
Darsda faqat imlo emas, soʻz qoʻllash va tahrir boʻyicha ham maʼlumotlar olasiz.
👉
youtu.be/5uzuFcRB9lA🌐
Sayt 🛜
Telegram ▶️
oriftolib">YouTube
Читать полностью…
Orif Tolib sahifasi
16 February 2025 06:00
Ziyolilarni ham adashtiradigan so‘zlar | 5️⃣8️⃣-dars | Oʻzbek tilidan savodxonlik darslari
👉 YouTubeʼda koʻrish
🌐 Sayt 🛜 Telegram ▶️ oriftolib">YouTube
Читать полностью…
Orif Tolib sahifasi
14 February 2025 07:45
Xalqaro konferensiyaga maqolalar qabuli boshlandi!
Alisher Navoiy nomidagi Toshkent davlat oʻzbek tili va adabiyoti universitetida oʻtkaziladigan “Turkiy xalqlarning maʼnaviy integratsiyasi: tili, adabiyoti va madaniyati” mavzusidagi xalqaro konferensiyaga maqolalar qabuli boshlandi.
Konferensiyaning asosiy yoʻnalishlari:
1️⃣ Turkiy xalqlar adabiyoti va xalq ogʻzaki ijodi masalalari.
2️⃣ Hozirgi turkiy tilshunoslikning dolzarb muammolari.
3️⃣ Madaniyatlararo muloqotda turkiy tillar va tarjimashunoslik.
4️⃣ Turkiy xalqlarning umumiy madaniy merosi.
5️⃣ Madaniy hamkorlikning taʼlim tizimidagi oʻrni: til va adabiyot.
6️⃣ Turkiy tillar taraqqiyoti va zamonaviy lingvodidaktika masalalari.
7️⃣ Turkiy xalqlar adabiyotini oʻqitishda zamonaviy yondashuvlar.
Oʻtkazilish sanasi: 30.05.2025
Maqola qabul qilish tugaydigan muddat: 10.05.2025
Kengroq maʼlumotni axborot xatidan olishingiz mumkin.
🌐 Sayt 🛜 Telegram ▶️ oriftolib">YouTube
Читать полностью…
Orif Tolib sahifasi
13 February 2025 08:32
Oʻz oyogʻiga bolta urish
Oxirgi paytlarda arab tilini, baʼzan fors tilini kamsitish, bu tildan kirgan oʻzlashmalarga olayib qarash kabi holatlar uchrayapti. Tilimizga tabiiy singgan, oʻzbekcha boʻlib ketgan soʻzlar, qaysi tildan kirgan boʻlishidan qatʼi nazar, hurmatga arziydi. Agar arabcha soʻzlarni ishlatmaymiz desak, lugʻatimizning juda koʻp qismidan ayrilamiz, hatto eplab gapira olmay qolishimiz ham mumkin.
Erkin Vohidov oʻzbek tilining soʻz boyligi, ifoda imkoniyatlari haqida gapirar ekan tilimizni uch daryodan suv ichgan dengiz deya taʼriflaydi va bu daryolarsiz oʻzbek tili Orol dengizi kabi qurishini taʼkidlaydi.
Til tozaligi uchun kurash boshqa, oʻz oyogʻiga bolta urish boshqa. Til sandigʻimizdan munosib joy olgan arabcha, forscha soʻzlar oʻz soʻzlarimizdir. Bunday boylikdan voz kechish yoki voz kechishga chaqirish farosatli odamning ishi emas.
🌐 Sayt 🛜 Telegram ▶️ oriftolib">YouTube
Читать полностью…
Orif Tolib sahifasi
07 February 2025 04:30
Sotuv operatorlarini va Administratorlarni Hilol Edu jamoasiga taklif qilamiz!
🔗 4 yildan beri faoliyat olib borayotgan Hilol Edu o’quv markazi o’z jamoasiga sotuv operatorlarini va administratorlarni (ayol-qizlarni) ishga taklif qiladi.
🔖 Talablarimiz:
•Operatorlik yoki adminstratorlik bo'yicha kamida 6 oylik tajriba;
•18 yoshdan yuqori bo’lishi;
•Mas’uliyatli bo’lishi kerak.
🔥 Imkoniyatlarimiz:
•Shaxsiy va kasbiy rivojlanish;
•Qulay lokatsiya va shinam ofis;
•Maxsus kurslar.
Hilol Edu jamoasiga qo’shilish imkonini qo'ldan boy bermang. Hoziroq CV'ingizni bizga yuboring!
👉 @
Читать полностью…
Orif Tolib sahifasi
06 February 2025 15:30
“Davolay olmayman...”
Mashhur olmon vrachi va mikrobiologi, fiziologiya va tibbiyot sohasida Nobel mukofoti sovrindori Robert Koxning huzuriga bashang kiyingan dimogʻdor bir ayol kirib keladi.
– Nima shikoyatingiz bor, xonim? – deb soʻraydi vrach.
– Janob professor, – deya nafratlangan qiyofada gap boshlaydi haligi ayol. – Bu nima adabsizlik? Kim bilan gaplashayotganingizni bilasizmi? Menga hamisha “muhtarama xonim” deb murojaat etishadi. Boshqacha chaqirishlariga oʻrganmaganman.
– Ming afsus, men bu kasallikni davolay olmayman, – deb quruqqina javob beradi Kox va eshikka yuzlanadi: – Navbatdagi kim?
🌐 Sayt 🛜 Telegram ▶️ oriftolib">YouTube
Читать полностью…
Orif Tolib sahifasi
06 February 2025 08:10
Tahrir amaliyoti: hikoya matn tahriri
Yodingizda boʻlsa, ilmiy tadqiqotimda oʻtkazgan tajriba-sinov materiallaridan birini eʼlon qilgandim. Berilgan hikoya matndagi xatolarni topib, tahrir qilish kerak edi. Quyida shu matnning tahrirlangan varianti bilan tanishishingiz mumkin. Qayerda qanday xatolar tuzatilganiga eʼtibor bering.
Kerakli va keraksiz narsalarUstoz maqsadga erishish uchun keraksiz narsalardan voz kechish zarurligini shogirdiga bot-bot uqtirardi. Shogird bu soʻzlarni juda yaxshi yodlab olgan edi,
lekin nima kerakli-yu nima keraksiz ekanini toʻla anglab yetolmasdi.
Bir kuni ikkalalari
togʻga sayrga chiqishdi. Togʻ ungurida yurgan yoʻlbars pastroqda ikki kishi oʻtirganini koʻrdi va ularga qarab yugurdi.
Ustoz xotirjam oʻrnidan turdi va nari ketdi. Yoʻlbars esa negadir shogirdni quvlashga tushdi. Yigit yugurarkan boʻyniga osib olgan xurjunini, hatto kiyimlarini ham yechib tashladi. Bir amallab baland daraxtga chiqib oldi. Birozdan soʻng yoʻlbars ketdi, biroq shogird qoʻrqqani sababli
ustozi kelgunicha daraxtdan tushmay oʻtiraverdi. Muallim dagʻ-dagʻ titrayotgan yalangʻoch oʻquvchisiga razm solib qaradi va jilmayib dedi:
– Mana, maqsadga erishish uchun barcha keraksiz narsalardan voz kechishni oʻrganib olding va bu hayotingni qutqardi.
– Ustoz, – deb hayratlanib soʻradi shogird, – siz
qilichingizni ham, kiyimlaringizni ham yechganingiz yoʻq. Hatto qochishga ham urinmadingiz. Ammo yoʻlbars sizga tegmadi. Nega?
– Sendan farqim: qoʻrquvni yengdim, shuning uchun yoʻlbars meni payqamadi, – deb javob berdi muallim. – Chunki maqsadim shu edi. Har bir kishi maqsadni toʻgʻri qoʻyishni oʻrganishi zarur, shundan keyingina unga erishish uchun biror nimadan voz kechish kerakmi, yoʻqmi – bir qarorga kelish mumkin. Koʻpchilik bu narsaga eʼtibor bermaydi va xatoga yoʻl qoʻyadi.
Mana, endi sen buning mohiyatini tushunib olding.
Qissadan hissa: bu ibratli hikoyada behuda narsalarga vaqt sarflamay, maqsad sari olgʻa qadam tashlash zarurligi uqtirilmoqda.🌐
Sayt 🛜
Telegram ▶️
oriftolib">YouTube
Читать полностью…
Orif Tolib sahifasi
05 February 2025 17:05
Asar yozishda gʻoya birlamchi emas. Negaki millionlab gʻoyalar mavjud va ular odatda oʻzgarmas, sayyor!
Qiyini, shu gʻoyaga oʻquvchini ishontirishda, gʻoyagacha bosib oʻtiladigan adabiy yoʻlda.
Saʼdullo Quronov
yozuvchi
🌐 Sayt 🛜 Telegram ▶️ oriftolib">YouTube
Читать полностью…
Orif Tolib sahifasi
03 February 2025 07:45
Oliy taʼlim oʻqituvchilari va mutaxassislari diqqatiga!
“Talabalarda adabiy tahrir malakasini shakllantirish metodikasi” mavzusidagi ilmiy tadqiqot ishi uchun soʻrovnoma oʻtkazilyapti. Soʻrovnoma savollariga javob berish uzogʻi 2 daqiqa vaqtingizni olishi mumkin. Lekin siz bergan javoblar adabiy tahrir taʼlimining hozirgi holati, bu koʻnikmaning zarurati, mavjud muammolar haqida xulosa olishga imkon beradi.
Soʻrovnomada adabiy tahrirga bevosita aloqador va aloqador boʻlmagan yoʻnalish vakillari ishtirok etishi mumkin.
🟢 Muhim jihat: soʻrovnoma anonim, ism-familiya yoki boshqa shaxsiy maʼlumotlarni koʻrsatish talab etilmaydi. Nimadir yozish, kiritish ham shart emas. Berilgan javoblarni xolis tanlash yetarli.
Talabalarga dars beradigan yoki dars bergan mutaxassislar yordamlarini ayamaydi degan umiddaman:
👉
forms.gle/688GN1CNdSviio4m8🌐
Sayt 🛜
Telegram ▶️
oriftolib">YouTube
Читать полностью…
Orif Tolib sahifasi
02 February 2025 16:53
Hammasi “Muqaddima”dan boshlanadi
Youtubeʼda ajoyib bir podkast koʻrdim. Ibn Xaldunning “Muqaddima” asari, uning oʻziga xosliklari, asarning Sharq va Gʻarb tafakkuri, taraqqiyotiga taʼsiri haqida qiziq maʼlumotlar aytilibdi.
Ibn Xaldunning tarixni yoritishdagi yangicha yondashuvi, tahliliy va falsafiy mushohadasi, mavzuni oʻta keng miqyosda koʻra olgani, sivilizatsiyalarning yuzaga kelish qonuniyatlarini tushuntirgani, alohida inson va butun jamiyatning tabiati, tutumi, fikrlash tarziga geografik joylashuvning taʼsirini koʻrsatib bergani, asarlarida bugungi juda koʻp muammolarga yechimlar borligi kabilar qiziqishimni juda oshirdi. Boshqa har qanday ishni qoʻyib, “Muqaddima”ni oʻqish ishtiyoqini uygʻotdi.
Tasavvur qiling: Sharq xalqlarining hayot va tafakkur tarzini, ular qurgan saltanatlarning rivoji va tanazzuli sabablarini ichidan bilgan, chuqur tahlil qilgan, oʻtkir aql va idrok sohibi boʻlgan mutafakkir bilan gʻoyibona suhbatlashish imkoningiz bor. Bu imkonni qoʻldan boy bermaslik kerak.
Nasib qilsa, mutolaa taassurotlarini alohida yozaman.
🟢 Mana bu esa podkast manzili: youtu.be/ayHJd2xcFjQ
🌐 Sayt 🛜 Telegram ▶️ oriftolib">YouTube
Читать полностью…
Orif Tolib sahifasi
01 February 2025 11:45
Joniga oro kirdimi yo ora kirdi? | 5️⃣7️⃣-dars | Oʻzbek tilidan savodxonlik darslari
👉 YouTubeʼda koʻrish
🌐 Sayt 🛜 Telegram ▶️ oriftolib">YouTube
Читать полностью…
5508
