808
Носиржон ЖЎРАЕВ ижодига мансуб 📝 Шеърлар 🎙 Аудиолар 🎶 Мусиқалар 🎬 Кўрсатувлар t.me/Ijodiydavra
#ЯНГИ_ШЕЪР
* * *
Ҳар қатлам хазоннинг остида ғусса,
Шовқинсиз оқади мезонлар – ҳасрат.
Сен менинг дилимга ёйилган кузсан,
Сен – юрагим ичра оғриган хос дард!
Япроқдек қовжираб борар бу руҳим,
Сен менинг умримда кузсан яхшики.
Ишқ билан тугаса қисмат буйруғим,
Менга таскин берган умидим шуки:
Сен гарчи ўйламай ҳар битта баргни
Бандидан чирт узиб ўйнаган кузсан!
Хазонлар остидан бир жувонмаргни
Ўпиб бағрингга бос, ёдингга тушса…
7.10.2024.
✍ Носиржон ЖЎРАЕВ
👉 https://www.facebook.com/share/p/wg3M1DM86uzbY9j9/
👉 /channel/Nosirjon_Jorayev
#ЯНГИ_ШЕЪР
* * *
Ишдан қайтаётган ҳорғин шаҳарда,
Қалби – чироқлари ёрқин шаҳарда,
Бир исм кезади куз мисол рангпар,
У исм кўксимда куйдек жаранглар!
Бунча ҳасратларга яқин куй келди!
Кўчаларни руҳдек супургай шамол,
Кейин орқасидан ёмғирлар хол-хол,
Чиқиб кетиб бўлмас бу манзарадан,
Ҳижрон оҳи келар ҳамма заррадан!
Бунча кўнглим аро хомуш ўй келди!
Қисмат буюрди, мен исён истадим,
Бахтимга тескари кетди қисматим,
Бир қаҳва ичгунча ютқаздим дилни,
Мен ахир шунчалик нўноқ эдимми?
Бунча қиморбозлар художўй келди!
Хазон оқаётган йўллар умримдир,
Ёнимда хазондек қолдими кимдир,
Бу кенг ёлғизликда ўзим шоирман,
Тангри ҳузурида ва жим шоирман!
Куз тўлган дунёга хабаргўй келди!
Бунча ҳасратларга яқин куй келди!
30.09.2024.
✍ Носиржон ЖЎРАЕВ
👉 https://www.facebook.com/share/p/DiDxMUiRKxigRZ7E/?mibextid=oFDknk
👉 /channel/Nosirjon_Jorayev
#МУЛОҚОТ
🔺Наманган давлат педагогика институтида «МАЪРИФАТ УЛАШИБ» республика лойиҳаси доирасида эл ардоғидаги шоир ва ёзувчилар Носиржон ЖЎРАЕВ ҳамда Зиёвуддин МАНСУР билан ижодий учрашув бўлиб ўтди.
👉 /channel/Nosirjon_Jorayev
🟦🟦🟦🟦🟦🟦
🔺Namangan davlat pedagogika institutiga "Ma'rifat ulashib" loyihasi doirasida tashrif buyurgan ijodkorlar Nosirjon Jo'rayev hamda Ziyovuddin Mansur talabalar turar joyiga tashrif buyurdilar.
♻️ Kanalga ulanish👇
🌐 /channel/namspi
@Nosirjon_Jorayev
ҲУКМИГА ТУШУНДИМ
Чамаси бир чаноқ пахта юки ҳам
Нозик капалакка залолат бўлгай.
Қандчой тагидаги шакар юқи ҳам
Пашшага чинакам ҳалокат бўлгай.
Яратган адлига шубҳа йўқ зарра,
Эҳтимол, худога яқинроқман мен:
Елкамга тоғдек дард қўймиш агарда –
Ҳукмига тушундим, демак тоғман мен.
✍️ Носиржон ЖЎРАЕВ
📖 ШАРҲBizning kanal👇👇👇👇
/channel/Nosirjon_Jorayev
#мухлисдан
#аудиошеър
Кузни олиб келдим қошингга ахир,
Aхир сен баҳорга арзимас эдинг.
✍️ Носиржон ЖЎРАЕВ
🎤 Нилуфар Эргашева
#Кайфият
Жимгина уйига жўнади август...
Шеър: Носиржон Жўраев
Ижро: Мирзо Озод
@Behzod_Qobulov
#фонотекага
#қўшиқ_тайм
#ЯНГИ_ҚЎШИҚ
Саҳарлаб муждалар келди!
Хушовоз хонандамиз, ижод аҳлининг дўсти бўлган Шуҳрат Дарёдан яна бир ажойиб қўшиқ. Катта саҳналар ва катта экранларда янграсин, деб тилак билдирамиз.
Чумоли ўрмалаб ўтган из каби
Майда имло билан ёзган хатингда
Қалқиган кўзёшинг, титраган лабинг
Сездим, демак ҳамон бари ёдингда.
Хотирам занглари тўкилди бехос
Бирдан эслагандек олис бир тушни,
Кафтларингдек оппоқ ва юмшоқ қоғоз
Шапалоқ сингари юзимга тушди.
Аччиқ қаҳвасиз ҳам, тамакисиз ҳам
Кўнглимга бедорлик кирди шу туни,
Шаҳарнинг аёвсиз шовқинин бир дам
Кесиб ўтганида хазон шитири.
Ва бирдан англадим: қотибди дийдам,
Руҳим шикаст ебди оғир йўлларда,
Ҳаётни уйғотган муқаддас куйдай
Икки энлик хатинг жонимга далда
Бўлди-ю, ақлимга зид юрдим илк бор
Бир жумлага жамлаб ҳамма оҳимни,
Энди юрагимда хотиржамлик бор –
Энди сенга маълум – “Сени соғиндим”.
#фонотекага
#қўшиқ_тайм
#ЯНГИ_ҚЎШИҚ
Бугун тонгда бизга бир янгилик келди. Таниқли ва хушнафас хонанда Аслиддин Дўстов устозимиз Носиржон Жўраевнинг шеърини гўзал қилиб куйга солибдилар. Чайқалиб-чайқалиб тинглагулик қўшиқ бўлибди.
Сизга ҳам илиндик!
✍️ Носиржон ЖЎРАЕВ
🎤Аслиддин ДЎСТОВ
* * *Читать полностью…
Қўлим чўзсам, дегайларки,
бу гул нозик, бу гул нозик,
Бу гул ҳақда хаёл этмоқ
бу гулдан ҳам тугул нозик.
Не бир мушкул ипи бирла
дилимни боғлади бу гул,
Магар ечмоққа қасд этсам,
ҳама банди чигил нозик.
Юзимга сув уриб лолман,
яна бошга сочиб тупроқ,
Бўлурму деб наҳот шунча
азалда обигил нозик.
Магар кўргансан оламда
тугал нозик юмушларни,
Аё шоир, бу гул ҳақда
десанг ҳам не дегил нозик.
Омонат турса-да жоним
ажаб нозик замонларда,
Қўлим чўзмай десам гулга,
кўнгул нозик, кўнгул нозик.
#ХУШХАБАР
Тайланддаги илмий журналда ўзбек ва қозоқ муаллифларининг устозимиз Носиржон Жўраев ҳақидаги илмий мақолалари эълон қилинди. Ушбу янгиликни сизлар билан баҳам кўрмоқчимиз. Барча ўзбек шоирларининг ижоди дунёга машҳур бўлаверсин.
Устозимизни канал жамоаси номидан табриклаймиз!
БИЗНИНГ САФИМИЗДА БАҲОДИРЛАР ЙЎҚ!
Иқбол ФБга пост қўйди. Ҳожиакбар ака ҳақида. Ҳамма қатори мен ҳам Иқбол Қўшшаевага, унинг шамолдек эркин ва ўз навбатида юкли фикрларига мухлисман. Аммо постни ўқиб шапалоқ егандек сескандим. Чунки…
Биз кўзгудаги ўз аксимизга қараш учун аввалоси “куҳ-куҳ”лаб ойнани хиралаштириб олиб, кейин ҳовур босган кўзгуга боқадиган авлодмиз. Чунки ундаги тиниқ тасвирни, аниқроғи, аянчли, қўрқоқ ва абгор қиёфамизни кўргимиз келмайди…
Унвону мукофотларга муштоқ зиёлилар, юқорига ўзини эслатиш учун тадбирларда бот-бот кўриниш беришни хуш кўрадиган қалам аҳли, эринчоқ ва оммавий жазаваларга мойил ёшлар орасидан бутун, майдаланмаган, майдалашмаган бир юрак ахтариб тополмаймиз.
Энг ёмони, ўзимиз ҳам аллақачон ялтироқ иборалару ялтироқ “тақин”ларга мойил бўлиб қолганимизни тан олмаймиз. Бундай нарсалардан юқори туришни ўргатиб кетган Ойбек домла, Шавкат Раҳмонлар китобини ушлаб титраб кетамизу, виждонимиз бир оғриб берадию, аммо ҳаял ўтмай бирон тенги-тўшинг мартабага минса, ҳаммасини унутамиз.
Биз адабиётга, ижодга риё қилишни оддий ҳол санаб қолдик. Орамизда Иқбол айтган Баҳодирлар, Риммалар, Ҳожиакбарлар, Шавкат Раҳмонга ўхшаганлар йўқ. Бизнинг авлодда ўз сафдошига мансаб отида туриб беписанд назар ташлашни хуш кўрадиган, талантини шоуларга сарфлайдиган, ҳаёни йиғиштириб қўйиб “дежурный” шеърлар билан тезроқ кўтарилишга уринаётганлар, охирида “тирикчилик” деган бир қора сўз билан ҳаммасини оқлаб оладиганлар бор.
Биз сўз, фикр одами эдик, ҳозир киммиз?!
✍️ Носиржон ЖЎРАЕВ
👉 Facebook
#ВИДЕОШЕЪР
* * *
Юрт деб куйламоқмас,
Юрт деб куймоқдир,
Чекингга тушса, шу – одамлик шарти,
Бирга хўрсинмоқдир элнинг ёнида –
Аввалроқ қанотлар ўсиб чиқарди,
Елкамда шунча қарз бўлмаганида.
Болам, сенга тушса Ватаннинг дарди,
Жажжи қанотингни ечиб улоқтир!
Токи юртинг келиб суянганида
Халақит бермасин бу қанотларинг...
Онанг келбатингга суюнганида,
Ўткир тиғ бўлганда сабза хатларинг,
Унутма, манглайинг шунчалар оқдир –
Унда Аллоҳ билан Ватан бор холос...
Бошқа майдаларга қилмагин ихлос!
Ахир мен ҳаётнинг хашак ғамларин
Сенга қолдирмасдан яшаб бераман,
Ахир қирқ йил кучни нега жамладим,
Мен сенга оқ йўллар ясаб бераман.
Ёнингда, сўнг ёдда бўлган дамларим
Сен яшаб берсанг бас орзуимга мос,
Шу тўрт сатр,
бошқа ўтинчим йўқдир!
Болам, отанг шоир ва ор,
Шулар учун ваъданг бўлсин!
Юрагингда Парвардигор,
Пешонангда Ватан бўлсин!
3.06.2024.
✍️ Носиржон ЖЎРАЕВ
🎙Шоҳира ҲАМРО
#Фонотекага
МУҲАББАТ
Пешонамга омоч тортади кунлар,
Кўзимда милтиллаб сўнар учқунлар.
Теранлашган сайин манглайимда хат,
Тобора олислаб борар муҳаббат.
Шунча йил ёнимда юрган дўст эди,
Қалбингга қўшилиб тезроқ ўс, деди.
Мени улғайтирган, одам қилган дард —
Тобора олислаб борар муҳаббат.
Тиниқ тортган сари ақлу шуурим,
Мазмунин йўқотиб боряпти умрим.
Менинг зараримга ўйин қилар вақт,
Тобора олислаб борар муҳаббат.
Кеча умримга ранг қўшилган эди,
Қадам товушим ҳам қўшиқдай эди.
Энди ноёб-ноёб кўксимда ҳайрат,
Тобора олислаб борар муҳаббат.
Баралла айтгани ҳасрат-оҳимни,
Бўғзимдан бўшатдим бўйинбоғимни.
Одамдай яшашга келганда навбат,
Тобора олислаб борар муҳаббат.
Юзимнинг нурини шимириб ҳаёт,
Яшар қучоғимда семириб ҳаёт.
Мени шу азобга солиб тоабад,
Тобора олислаб борар муҳаббат.
✍️ Носиржон ЖЎРАЕВ
❗️Бу ва бошқа янгиликларни ижтимоий тармоқларимиздан топишингиз мумкин
⤵️⤵️⤵️ | ⤵️⤵️⤵️ | ⤵️⤵️⤵️
Telegram | Facebook | Instagram
* * *
Дераза олдига қолдир қаҳвамни,
Маркес тураверсин столда очиқ.
Тонг ёришиб кетди, пуфлаб қўй шамни,
Шундоқ ҳам умримнинг шамлари ўчиқ.
Нонуштам устига сочиқ ташлаб қўй,
Тўкиб-чайиб ташла биллур кулдонни.
Толстойга тегма, шу насиҳатгўй
Менга англатади рост ва ёлғонни.
Ғалвирнинг мингдан бир кўзи сингари
Шаҳарнинг мингдан бир хонадонида
Ғоят маъқул бўлиб кўнгил сирлари,
Яшадим Ремаркдек жаноб ёнида...
Ҳечам ўзгармасин мана шу тартиб,
Ҳечам унутмагин азиз ёдимни.
Фақат сен қадрига етоласан деб,
Уйингда қолдирдим ўз ҳаётимни.
📔 "АКСИНЧА"
✍️ Носиржон ЖЎРАЕВ
#Севимли
#янги_шеър
...Ўзга шамол лаб босган манглайингга
Менинг исмим ортиқча юк бўлмасин!
Президентимизнинг жорий йил 19 июлдаги “Сиёсий қатағон қурбони бўлган ватандошларимиз ҳаёти ва фаолиятини ўрганиш, тарғиб этиш ҳамда уларнинг хотирасини абадийлаштириш борасидаги ишларни кенгайтириш тўғрисида”ги қарори билан Ўзбекистонда ҳар йили октябрь ойининг биринчи ҳафтаси Сиёсий қатағон қурбонларини ёд этиш ҳафталиги сифатида нишонланади.
Шу муносабат билан Божхона институти курсантлари иштирокида тайёрланган видеороликни эътиборингизга ҳавола қиламиз.
#ИЖОДИЙ_УЧРАШУВ
🔷 Наманган тўқимачилик саноати институтига «МАЪРИФАТ УЛАШИБ» республика лойиҳаси доирасида таниқли шоир ва адиб Носиржон ЖЎРАЕВ ташриф буюрди.
👉 /channel/Nosirjon_Jorayev
#ЯНГИ_ШЕЪР
* * *
Куз эди, васлингга сиғмади ҳаддим,
Хазонлар оралаб бир ўзим кетдим.
Йўллар – узун ҳасрат, адоғи йўқдир,
Лек икки ёнида ишқ боғи йўқдир.
Тўрт томон ёлғизлик – заъфарон баргли,
Бу куз сен бор бўлган кузлардан фарқли.
Дунё – айрилиққа тўлган қалб, жоним,
Бошимдан ғам сочар майдалаб, жоним.
Умримдан япроқдек узилдинг, кетдинг,
Қалбингни менданми, куздан беркитдинг!
Менсиз гулзорларинг буткул хазонми?
Бир ўзинг бир ўзинг учун осонми?
Сен хазонлар ичра ёп-ёлғиз гулсан,
Кечир мени, энди олис туюлсам…
Мен сени хазонлар ичра йўқотдим,
Куз эди, васлингга етмади ҳаддим.
28.09.2024
✍ Носиржон ЖЎРАЕВ
👉 https://www.facebook.com/share/p/N9Zg7g17JNkqepTM/?mibextid=oFDknk
👉 /channel/Nosirjon_Jorayev
#ЯНГИ_ШЕЪР* * *
Куз хат ёзар юракча баргларга ва
Шод бўлиб юборар юракларга ва
Гоҳ шамолга, гоҳ сувга ялинар ва
Ҳасратлари юз баргга бўлинар ва
Мактуби қатида ишқ борлигин ва
Бу севгига ҳижронлар ёрлигин ва
Соғинч хазон этган умри ҳақда ва
Барчасини айтар битта шарҳда ва
Ёмғирдан кейин бу эзгин боғда ва
Ҳоли ёмғирдан ҳам эзгин чоғда ва
Куз хат ёзар юрак – япроқларга ва
Бу хатлар кўмилар тупроқларга ва
Баҳор униб чиқар энди хатлардан!
19.09.2024.
✍ Носиржон ЖЎРАЕВ
👉 https://www.facebook.com/share/p/4b6xGyMv1pZHKcNy/?mibextid=oFDknk
👉 /channel/Nosirjon_Jorayev
#ЯНГИ_ШЕЪР
ОР ҚЎШИҒИ
Ғижимланиб ётар қуёш бир четда –
Майиздек пучмайган тоғлар мук тушган,
Шавкат Раҳмон завол топган муҳитда
Сарғайган гулларга энг кўп юк тушган.
Нам еган кесакдек уваланар куз,
Гулламоқ ишқи йўқ боғлар қонида.
Сип-силлиқ гаплар бор,
Йўқ бир тирик сўз,
Шавкат Раҳмон йўқдир шоҳлар ёнида.
Уйғонсанг булбуллар ўлган тонгларда
Майда шиорлар ва нағмалар қолган,
Аммо қуш саслари кезар онгларда,
Юракда бир туркий тамғалар қолган.
Орлар қўзғаларми,
Мудрамасми қалб,
Шамолдек чопарми озод исёнлар!
Хазондек дилдираб титрамасми халқ,
Сал изза бўларми фалон-писмонлар.
Юрт-ку бутун ҳали, аммо қўрқаман:
Бугун майда-майда сўз сотган тараф,
Мабодо қўлига тушса бу Ватан,
Сотиб юбормасми майда-майдалаб...
12.09.2024.
✍ Носиржон ЖЎРАЕВ
👉 https://www.facebook.com/share/p/JiRJQEW4pTe3jhZP/?mibextid=oFDknk
👉 /channel/Nosirjon_Jorayev
Ватандан олисда Ватаннинг ҳар бир
нуқтаси худдики жаннат кўрингай.
Бошда ўйнаб турса қиличлар зарби,
мағрур яшаб бермоқ санъат кўрингай!
“Тошкент-АЭРО” ихтисослаштирилган божхона комплексидан байрамона туҳфа!
Истиқлол айёми муборак бўлсин!
ЖИМГИНА УЙИГА ЖЎНАДИ АВГУСТ...
Бир саҳар уйғондик улкан қалб билан,
Худди авлиёлар киргандек тушга.
Буюк бир иқрорни айтдик зарб билан,
Сабримиз етмади кузни кутишга.
Бизнинг қувончларга йўқ эди ташбеҳ,
Бошимизга бахтлар ёғди устма-уст.
Ҳаммани унутдик!
Бермасдан танбеҳ,
Жимгина уйига жўнади август.
Куз келди. Этигин лойини қоқди.
Хазонрез кунларга очдим қучоғим.
Сенинг кўзларингга бу ранг ҳам ёқди,
Сарғайди дунёнинг милёнта боғи.
Сўнг уч ой алдади бизни бу фасл,
Уч ой бошимизда айланди тўзон.
Сенга заъфарон ранг қилмади таъсир,
Менга маъқул келди бир дунё хазон...
Бир саҳар уйғондик.
Ҳаммаёқ оппоқ.
Лол қолдик — бу олам шунча бўм-бўшми!
Ва бирдан тушундик, қилмадик оҳ-воҳ,
Эслаб ўтирмадик ҳеч қайси тушни.
Бўйнингни ўрадинг оппоқ шарф билан,
Этигимни кийдим.
(Қайга шошамиз!)
Тонгни кутаяпмиз битта шарт билан
Эртага абадий хайрлашамиз.
📕Муҳаббатдан сўнг
✍️Носиржон ЖЎРАЕВ
#фонотекага
#қўшиқ_тайм
Эй, севги эркалаб ўстирган гуллар,
Сўнг йиллар шамоли тўздирган гуллар,
Менинг хотирамда мангу қолгурлар,
Сизнинг ёдингиздан кечиб бўлмайди.
Кўҳна ўзанларга тўлар янги сув,
Нима эски дард бор, менга янги шу.
Қачон қай юракка кирдим янглиш-у,
Ўтмиш дафтаридан ўчиб бўлмайди.
Эринмай санчади кўксим кечалар,
Ҳар санчиқ – кечадан мундарижалар.
Кўчада баҳорга тўлган кўчалар,
Аммо кўнгил тўлиб қучиб бўлмайди.
Бутун бахт бермади ҳаёт ё менга,
Бир лаҳза ҳолимга қўймас ё нега?
Ахир бу дунёдан Аллоҳ ёнига
Бўм-бўш юрак билан кўчиб бўлмайди.
✍️ Носиржон ЖЎРАЕВ
🎼 Шуҳрат ДАРЁ
#видеотека
#мухлисданСЎНГГИ КИНОЯ
✍ Носиржон Жўраев
🎤 Дурдона Баҳодирова
❗️Бу ва бошқа янгиликларни ижтимоий тармоқларимиздан топишингиз мумкин
⤵️⤵️⤵️ | ⤵️⤵️⤵️ | ⤵️⤵️⤵️
Telegram | Facebook | Instagram
“Ноябрь куйи”, “Аксинча” номли китобларим ва туркум шеърларим энди Mutolaa платформасида! Жамоа ишига омад!
#mutolaa #yoshlarishlariagentligi #kitob
🖊️ХХ АСР. ШАВКАТ РАҲМОН
Худонинг кўзида турибди ҳар иш –
Мумкинмас бир он ҳам риёга чалғиш.
“Онажон Ватан!” деб, Ватандан олқиш
Кутиб ўсганлардан шоир чиқмагай.
Гарчи Навоийни чандон ўқиган...
Талтайиб суянар Ернинг ўқига.
“Онажон халқим!” деб, халқнинг юкига
Елка қисганлардан шоир чиқмагай.
Туркий ҳусну кўрки тилим-тилимдир –
Қамиш шимган каби тилим тилинди.
“Онажон тилим!” деб, она тилимни
Атай кесганлардан шоир чиқмагай.
Акалар! Укалар! Мен-ку энди йўқ.
Аммо бу Ватан ва халқнинг тенги йўқ!
Айтиши керак-ку кимдир – менми-йўқ...
Ғафлат босганлардан шоир чиқмагай.
✍️ Носиржон ЖЎРАЕВ
🎙Шоҳира ҲАМРО
#видеотека
#мухлисдан
✍️ Носиржон ЖЎРАЕВ
🎙Жавоҳир МАНСУРОВ
❗️Бу ва бошқа янгиликларни ижтимоий тармоқларимиздан топишингиз мумкин
⤵️⤵️⤵️ | ⤵️⤵️⤵️ | ⤵️⤵️⤵️
Telegram | Facebook | Instagram
#видеотека
#мухлисдан
✍️ Носиржон ЖЎРАЕВ
🎙Гулруҳ ПИРНАЗАРОВА
❗️Бу ва бошқа янгиликларни ижтимоий тармоқларимиздан топишингиз мумкин
⤵️⤵️⤵️ | ⤵️⤵️⤵️ | ⤵️⤵️⤵️
Telegram | Facebook | Instagram
#ЯНГИ_ШЕЪР
УСМОН НОСИР. ХХ АСР.
Бу не жойдир – туйнуклари панжарали,
Панжарада мазлумларнинг панжалари.
Бу не макон – зулми кўпу илм йўқдир,
Наҳот илму урфон ичра элим йўқдир!
Суягимни тешиб ўтган совуқмас, дард,
Наҳот битта йигит шундай ўлиши шарт!
Олисларда яғир чопон ичра бир халқ,
Уйғонолмай қийналади баҳодир халқ!
Қорин ғами не бошларни чотга тиққан,
Сал ўмганин кўтарганни ортга тиққан!
Мен-ку битта ўқдан қўрқиб юрганим йўқ,
Фақат пошшо элим қани, кўрганим йўқ!
Бошда қора қарғаларми, ғам қораси,
Худди қора китобларнинг муқоваси!
Товонимдан ўтаётган муз-ку майли,
Кўзёшлардан дилда қотган туз-ку майли,
Мен халқимни яна қайта баланд кўрсам,
Маишатмас, илму урфонга банд кўрсам!
Йигит сўзим – бошқа нолиб ўтирмасдим,
Манов туйнукка кўз солиб ўтирмасдим.
Энам элим, отам элим дердиму бир,
Ахир элим билан қувонч-дардиму бир,
Осмонларга учар эдим мисоли барг
Ва ортимда қолар эди шеър жувонмарг!
Ҳув алплардан тўраган бу шажарамни
Эзмасин деб синдираман панжарани.
Қонаб ётган шеърларим, шу қоним билан,
Усмон деган исён бўлдим жоним билан!
Элим, қачон дуо қилсанг тегрангдаман,
Маҳшаргача фақат сен учун жангдаман!
📆14.07.2024
✍️ Носиржон ЖЎРАЕВ
Носиржон Жўраев "Қақнус" кўрсатуви меҳмони
...Намунча ўзингга муҳтож қилмасанг -
Сен Худомассан-ку,
Худомассан-ку!