1339
شاعر حسيني للمراسله عبر الخاص اضغط على الرابط @HaeiderALkhazaily .
نزله عگيلي
●●●●●●●●●●●●
الليله المهدي اتهدم حيله
الليله المهدي اتهدم حيله
■■■■■■■■■■
شايل رايه المهدي و گاصد
صوب الكاظم اول واحد
قبل الشيعه لصحنه وگاعد
يصرخ ياجدي و يبچيله
الليله المهدي اتهدم حيله
■■■■■■■■■■
صاحب مأتم حتماً حاضر
جوه الگبه و قبل الزاير
دمعه بخده واحمر صاير
خل انواسيه و نمشيله
الليله المهدي اتهدم حيله
■■■■■■■■■■
كاشف راسه بلايه عمامه
يبچي ويلطم فوگ الهامه
عالخلصت بسجون ايامه
اعله الكاظم دمعه يسيله
الليله المهدي اتهدم حيله
■■■■■■■■■■
ويه الوادم وسط الحضره
شايل نعشه و چن الزهره
ويه الناعي تبچي و تقره
نعشه الرمزي المهدي يشيله
الليله المهدي اتهدم حيله
■■■■■■■■■■
شايل نعشه وشايل ثاره
سيفه بغمده وتلهب ناره
ربك يعلم شنهو اسراره
يم الكاظم چن يشكيله
الليله المهدي اتهدم حيله
■■■■■■■■■■
يم الكاظم جده ويدعي
ويسمع امه تصرخ ضلعي
يگله حسين الغير وضعي
عجل يارب خل ندعيله
الليله المهدي اتهدم حيله
■■■■■■■■■■
المهدي ايسجل كل الزاره
بيده الدفتر تملي احباره
بي نتشرف و بأنضاره
النضره تكفي وممنونيله
الليله المهدي اتهدم حيله
■■■■■■■■■■
الشاعر : حيدر العمار الخزعلي
■■■■■■■■■■
نعي شهادة الامام الكاظم (ع)
ـــــــــــــــــــــــــــــــــــــــــــــــــــــــــــــــ
عصرهه الهم مثل عصرة الحره
مَعصومه تنـوح و تلـطم ابكتره
على الكاظم دموع التهل حمره
و كثيره اشـياء مــن الغاضـريه
كثيره اشياء من الطف حـَوتهه
عذاب وخوف واهموم السلتهه
على المسجون تتلوه و بچـتله
ياشبيه حسين عطشان ورميه
لواهه البين چن فاطم سبوهه
بني العباس بالكـاظم چِـووهه
مثل سكـنه يتـيمه وروعــوهه
تنــوح اعلـــيه ظلــت للمــنيه
.............................
حيدر العمار الخزعلي
.
لعمل هندسة صوتية لاستشهاد الامام الكاظم ع
عن طريقة بصمة التلجرام التواصل مع
@ahmed_alziwar0
شلون اغمض اعيوني حيره
ما وصل بدر العشيره
وينه عباس .. وينه عباس
@@@@@@@@@@@@@@@@@
خـل يشــد اعنـان مهـره يعتـنيـنـي
خل يجيب وياه چف يسدلي عيني
لخاطري لوعندي خاطر خل يجيني
هــوه الاتمنــاه يـرجــع مـو بنيـنـي
هايـه انفاسي الاخيره
ما وصل بدر العشيره
وينه عباس ... وينه عباس
@@@@@@@@@@@@@@@@
لو يزيح اتراب صدره بهل مسيـه
يوگف اگبالي واشوفه يصد عليه
راح احلفه بروح اخونه وبالحميه
يم الحسيـن انـدفـن بـالغـاضـريه
اكبر احلامي الزغيره
ما وصل بـدر العشيره
وينه عباس ... وينه عباس
@@@@@@@@@@@@@@@@
وينه ما بين بقالي بعمري لحضات
ارد اسئله بالله يرضه بگاع شمات
عيني تغفه والأماكن بيهه لجمات
هنانه دمعه هناك طفله ونار اهات
طفله ماتت مو چبيره
ما وصل بدر العشيره
وينه عباس ... وينه عباس
@@@@@@@@@@@@@@@@
خاف مـا يندل مكاني بديـره الشـام
دهري دولبني رجعـت بدون الايتـام
عيـن حمره متون زرگه و نار الخيام
لسه احس بجسمي تاكل والله مانام
راح اموت وهم اسيره
ما وصل بـدر العشيره
وينه عباس ... وينه عباس
@@@@@@@@@@@@@@@@
ادري ما معقوله يرجع و شيـرجعـه
راسه مگطوع وسهم عينه شيطلعه
بس دليلـي يـا خلايـق واش يقنعـه
يگلـي ميعوفـچ يزينب عنده فزعه
القلب صوته وضميره
ما وصل بـدر العشيره
وينه عباس ... وينه عباس
@@@@@@@@@@@@@@@@
حيدر العمار الخزعلي
.
يا فاطمه المحسن وين .. ينشد حيـدر بم حسين
ينشد بيهه وضل محتار .. بين الدين و بين الثـار
يافاطمه المحسن وين
••••••••••••••••••••••••••••••••••••••
من رجع لدار حيدر شاهد اثار المصيبه
شاهد النيران تلهب طب يدور عالحبيبه
عالارض الدموم ينظر ناده يافاطم عجيبه
يلـي ممتازه بخصل
منهو لأعتابچ وصل
شنهو البدارچ حصل
گولي وارميهم وصل
يافاطمه احچيلي اشصار .. منهو الشاعل هاي النار
انتي الروح و نور العـين .. يافاطمه المحسن وين
••••••••••••••••••••••••••••••••••••••
يزچيه اشصار گولي ليش مهضومه وحزينه
ليش بالوجنات دمعچ و الحسن ايده بجبينه
شبيهه يـالحوراء أمـچ شنهـو صاير يالحنينه
شبيهه فاطم موحرت
گوه للحجره اوصلت
ليش يحسين اسكتت
من يجاوب مومتت
ما متعوده هيچ اتنام .. خافـن اذوهه الضلام
يبرد گلبي لو تحچين .. يافاطمه المحسن وين
••••••••••••••••••••••••••••••••••••••
ما حچوله وفضه تبچي گالت الوادم اجو
كسرو اضلوع الزچيه سيدي عنوه اعتنو
انعصر بالباب محسن طاح وبهايه رضـو
شفته بالعتبه سجد
صاح ياحيدر مدد
أمه نـادت يالـولد
بسك وچانو عدد
يم اعتابك عسكر دار .. وسلبو ثوب المختار
زينب صاحت لتخافين .. يافاطمه المحسن وين
••••••••••••••••••••••••••••••••••••••
گلهه شتگولين فاطم اطلع واحصد رگبهم
الوصيه حيل صعبه واصعب اعليه فعلهم
والله يالزهراء حيره و رايد بسيفي اذلهم
شنهـو رايچ و الأمـر
ناري شبـت بالصـدر
صعبه صارت والعمر
شيسوه بعدچ يستمر
شلون بحالچ محتارين .. گلبي اتگطع لا تبچين
ليش اتعنه لضلعچ بين .. يافاطمه المحسن وين
••••••••••••••••••••••••••••••••••••••
شيعتچ يالزهره باجر تعرف اسرار القضيه
تنصب لأجلچ مواكب واتلث ليالي فاطميه
تنعه وتنوح لمصابچ رغـم انـوف الناصبيه
شيعتچ خير الخدم
تنعه واتنوح بألم
والدمع بالوجنه دم
ما تعوفچ لا قسم
تلطم تصرخ بالأهات .. بس دموع وبس حسرات
وانه الشافع للباچين .. يافاطمه المحسن وين
••••••••••••••••••••••••••••••••••••••
(( حيدر العمار الخزعلي ))
.
اجمل قنوات التلجرام لنشر وتلحين القصائد الحسينية👇
/channel/+QYhwKvqAiD7e_b1P
الليالي الفاطمية
شهادة فاطمة الزهراء (ع)
قصيدة (( ياضالم ))
لسان حال الحوراء زينب (ع)
ـــــــــــــــــــــــــــــــــــــــــــــــــــــــــــــــ
صاحت ليش تدفعني
خلف الباب تعصرني
البسـمــار صـوبنــي
يا ضالم
🕸🕸🕸🕸🕸🕸🕸🕸🕸🕸🕸🕸
چنت يمهه خلـف الباب اساعدهـه
من دفعوهه وانطبگت على خدهه
ردت احميهه عـن البـاب اباعـدهه
لچن چانـت ثگيلـه هواي شيردهه
ثگـل البـاب حيرني
وحرگ الدار شيبني
فعلك هـاذ يتمـنـي
يا ضالم
🕸🕸🕸🕸🕸🕸🕸🕸🕸🕸🕸🕸
شفت قنفذ رفع سوطه ويشتمهه
شفت بسمار احمر صار من دمهه
على الغبره هوه المحسن يكلمهه
علي وينه لچن ماچان علي يمهه
عشت الموت والحيره
بنـص النار چـن طيره
خمس سنين وصغيره
يا ضالم
🕸🕸🕸🕸🕸🕸🕸🕸🕸🕸🕸🕸
مثـل گلبـي ضلــع أمـي الـِتكسر
عشت آهات يـوم الباب والمنظر
شفتهه تريـد بـس اتگوم ماتگدر
صدرهه انعاب عالانفاس تتحسر
راح الصوت والبسمه
مــا ضـل دار لا لَمــه
ضل الصوت والكلمه
يا ضالم
🕸🕸🕸🕸🕸🕸🕸🕸🕸🕸🕸🕸
بُقــت ايـام نهـار وليـل تتـألـم
تريد اتگـوم تريد اتنـام تتلچم
صـار الماي مثل اجبـال تتهدم
بين اضلوع ام حسين المخذم
گـام المـاي يتكسـر
چن فَـخـار يتطشـر
من ترميه لون احمر
يا ضالم
🕸🕸🕸🕸🕸🕸🕸🕸🕸🕸🕸🕸
حتى الموت سمعته بيوم حاچاهه
اخذهه وراح و انه اتمنيت وياهـه
بگبرهه كـون اضلـن فـوگ يمناهـه
انــام ارتــاح ولا لچمـات فـرگاهـه
هـذا الصـار بـالزهـره
ام الكــون و العتـــره
خدهه انعاب بلسطره
يا ضالم
🕸🕸🕸🕸🕸🕸🕸🕸🕸🕸🕸🕸
حيـدر العمـار الخزعلـي
🕸🕸🕸🕸🕸🕸🕸🕸🕸🕸🕸🕸
الليالي الفاطميّة
قصيدة ( ناري توج ونارچ)
لسان حال الامام الحسين وهو يخاطب امه الزهراء (ع)
ـــــــــــــــــــــــــــــــــــــــــــــــــــــــــــــــ
نــاري تــوج و نــارچ
حرگو خيامي ودارچ
مثلچ ضلوعي يمه متكسره
عبـدالله مثـل المحسن
ارض وسمه لأجله تون
ويلي لمصابچ يُـمه يالزهره
########################
قصتي شبيهه لقصتچ واسراري نفس اسرارچ
زينب علينه الي تـوون و المهـدي ياخـذ ثارچ
يُمـه سبب كـل الحقـد حيدرنه چيف اختارچ
رادو يغيضون الوصي وانتي الوحي خطارچ
چانو تره يعرفونچ
عمـداً أجـو اذونچ
گالـو يبايعنـه علي انجبـره
حركوهه داره لغايه
رادو يغييــر رايــه
ويلي لمصابچ يُـمه يالزهره
########################
اثيابـچ التگطر دمـه مـا تفرق اعله اثيابـي
الحاله الوحيده و الفـرق لمـن إجـه سلابـي
ماخله منهـن كلشي الي و ساتر عليه ترابي
الي اختلط ويه الدمه وغطاني يوم مصابي
حالـي شبيـه لحالـچ
وثيابي نفس اثيابچ
مـن العساكر و الـدمه حمره
خـدي تغـيـر لـونـه
بالحافر ايسحگونه
ويلي لمصابچ يُـمه يالزهره
########################
دمعـچ يسيل بموتتچ عينـچ علينه تـلالي
مثلچ صفيت بطيحتي عيني تصد اعيالي
يالـدافنچ بيـده علي وليدي علـي بالتالـي
هوه التولـه دفنتي و صـار الولـي لعيالـي
نفـس الاسـم دافنـه
شايل نعشنه وهمنه
بس كسرتچ ياالوالده كسره
تبچي عليچ السبعه
يالطاهـره يالبضعـه
ويلي لمصابچ يُـمه يالزهره
########################
يافاطمه دمعچ تره وفضلچ عليه اهوايه
بكل المجالس حاضره البيهه عليه اقرايه
بعاشور تبچيلي جمر وتمشين هم مشايه
واجب حضوري لمأتمـچ يالوالده الوفايه
كل مجلس اليقرالچ
واجب اجي وانعالچ
بلكت ضلوعچ بالدمـع تبره
انه بعزائچ حاضر
دمعي يهد الخاطر
ويلي لمصابچ يُـمه يالزهره
########################
فـدوه رحـت يُمه ألـچ أنـه و دمـاء اوريدي
يالدفترچ مملي خدم لأجلي وحـق اوليدي
اسـم اليطـب لمجلسـچ انـه اكتبــه بـأيـدي
أخـذ اديـه لجنتـه و ادعيهـه خيـراً زيــدي
كل البچه لأخبارچ
نـاح و تمنـه زارچ
انه شفيعه وحاضره بگبره
ماعوفه يوم المحشر
الچان بعزائچ يحضر
ويلي لمصابچ يُـمه يالزهره
########################
آوصيتي لأبني المنتظر اول ميضهر باچر
بثارچ يطالب يبتدي وبعدين عود الحافر
يا اول اجروح النبي بعـدچ بقينـه انكـابر
ماشفنه راحه ولاهنى قبل الذبح والعاشر
بسرعه گضـن ايامچ
وصرنه ييُمه ايتامچ
لاضحكه عدنه وللفرح فقره
شمتانه بينه الوادم
واحنه نتاني القائم
ويلي لمصابچ يُـمه يالزهره
########################
كلمات : حيدر العمار الخزعلي
.
شهادة الرسول الاعظم (ص)
قصيدة (كلشي اخلافك بويه اتغير)
لسان حال فاطمة الزهراء عليها السلام
ـــــــــــــــــــــــــــــــــــــــــــــــــــــــــــــــ
كلشي اخلافك بويه اتغير
كلشي اخلافك بويه اتغير
_____
ضلمه الدنيه بفگدك طاهه
عميه العين وانته اضواهه
انته الدنيـه و كـل معناهـه
بـدر الكـون العالي الازهـر
كلشي اخلافك بويه اتغير
_____
خالي شلون يضل محرابك
و انته الكون ايصلي ابابك
بعـدك ويـن اتروح احبابك
طعنه بقلبي فراگك خنجر
كلشي اخلافك بويه اتغير
_____
يـا اهــوال البعـدك صارت
كلمــا أذن روحي احتارت
چنهه اتموت توج و فارت
اسمع اسمك رسمك يحضر
كلشي اخلافك بويه اتغير
_____
اشصار بحـالي كونك تعلم
بعـدك صدري بويه اتهشم
نـار بثـوبـي و بـس اتلچـم
ساعة فگـدك دارك تسعـر
كلشي اخلافك بويه اتغير
_____
طاح المحسن من عصروني
خلف الباب و زرگه امتوني
واحد يصرخ من سطروني
خـل اتمـوت و خـل تتكسر
كلشي اخلافك بويه اتغير
_____
كلمات : حيدر العمار الخزعلي
قصيدة ( البوصله)
للمشايه
ـــــــــــــــــــــــــــــــــــــــــــــــــــــــــــــــ
كلشـي يأشـر كربلـه
حتى اتجاه البوصله
كربله ... كربله
:::::::::::::::::::::::::::::::::::::::::::::::
تتفـرع اهوايه الطرق بلـتالـي تتلاگـه
حتـى تكفــي للبشـر عشـاگـه عشـاگـه
حتى الخريطه تختنگ ويصير الملاگه
يـم الحسـين بكربله اليصعـب افـراگه
يندله الاعمه البلفله
حتى اتجاه البوصله
كربله ... كربله
:::::::::::::::::::::::::::::::::::::::::::::::
تتحزم احزام الخدم وتعزب ابخيره
مـن المواكـب تنبنـي تتغيـر الـديـره
تتحول الـوادم خدم تتراكض بغيره
اتعزب بدم الگلب وتحسهه تقصيره
كل المواكب مُلك إله
حتى اتجاه البوصلـه
كربله ... كربله
:::::::::::::::::::::::::::::::::::::::::::::::
تتسلط اتحس الارض وتفرغ ابكتره
اتگـبن ابثگـل البشر تتمـايـل لگبــره
چنهه تصير مقعره والمركز الحضره
نقطة وزنهه گبته مـا تنحرف شعره
و الگبه تصرخ ياهلـه
حتى اتجاه البوصلـه
كربله ... كربله
:::::::::::::::::::::::::::::::::::::::::::::::
تتجمـع امـلاك السمه و تسوي القرايـه
يَــم العـرش و لگبـتـه تتعنــه مشـايــه
تفتـح قميصـه تنشـره و تشيله كالرايه
لوتلگه موكب عالشمس لاتعجب بهايه
مـن الكسـاء المنـزلـه
حتى اتجاه البوصلـه
كربله ... كربله
:::::::::::::::::::::::::::::::::::::::::::::::
تتفايض انهـار البشر و اتحدر لگـاعـه
ابحضرته چنهم بحر خدامه واتباعـه
يتلاطم الموج ويمـد يتعاله كالساعه
چنهم بحر مابي جزر يتكاثر اطباعـه
ما يجزر المَـد و عِلـه
حتى اتجاه البوصلـه
كربله ... كربله
:::::::::::::::::::::::::::::::::::::::::::::::
كلمات :
حيدر العمار الخزعلي
.
باذن الله سيتم نشر قصائد السبي في هذه القناة
/channel/Saadhadi83
قصيدة ( مشايه مشايه)
ـــــــــــــــــــــــــــــــــــــــــــــــــــــــــــــــ
مشايه مشايه ... مشايه مشايه
••••••••••••••••••••••••
عيني ... ذبلهه السهر
انطر .. عشرين بصفر
موعد .. عندي عالنهر ... گاصد
گاصد حسين و عضيده وشايل الـرايه
ركضة طويريج ركضه وركضه للمشايه
بالرايه ... بالرايه ... مشايه ... مشايه
••••••••••••••••••••••••
تدري ... دگات الگلب
تشبه ... لطبول الحرب
گلبي ... ينشد عالدرب ... وينه
وينه دليني واخذني يلله خل نمشيله
زينب الحره اجتـه من السبي تشكيله
شچايه ... شچايه ... مشايه ... مشايه
••••••••••••••••••••••••
ثوره ... طوفان البشر
نسمع ... اوراق الشجر
تگوه ... صاحت والحجر ... ذايب
ذايب بحـبك دليلي و الحجر هـم ذايب
والملايك مَد جنحهه ويه راس الشايب
عنايه ... عنايه ... مشايه ... مشايه
••••••••••••••••••••••••
تعبك ... احله من الشهد
اهـلي ... و انـه و الـولد
فدوه ... لأسمك يا سند ... غالي
غالي والزهره الزچيه باجر تلاگينه
گاصده من المدينه لكربله تماشينه
حمايه ... حمايه ... مشايه ... مشايه
••••••••••••••••••••••••
الهيمه ... جَـنه تنگُلب
بيهه ... حته الـبصُلُب
يمشي ... ويغص الدرب ... باجر
باجر تصيح المواكب يا هله يخدمونه
واليعزب لو مشينه تبقـه تجري عيونه
وفايه ... وفايه .... مشايه .... مشايه
••••••••••••••••••••••••
گُبتك ... مرهم للجرح
گـلبي ... يمك ينشرح
عشگي ... انته والربح ... تـالي
تالي بالجنه اشوفك وانته راسك عالي
گاعد بصف العرش مو عالرمح يالغالي
يَـ دوايه ... يَـ دوايه ... مشايه ... مشايه
••••••••••••••••••••••••
كلمات :
( حيدر العمار الخزعلي )
.
قصيدة ( جرحك وحملك ثگيل)
شهادة الامام السجاد (ع) زين العابدين
ـــــــــــــــــــــــــــــــــــــــــــــــــــــــــــــــ
جرحك وحملك ثگيل
عانـك الله يـ العـليـل
•-•-•-•-•-•-•-•-•-•-•-•-•-•-•-•-•
•-•-•-•-•-•-•-•-•-•-•-•-•-•-•-•-•
وسفه يمعصوم
ما تگـدر اتگـوم
والعسكر ايحوم .. عالخيمه بالشر
يحرگ صواوين
يشتـم نسـاوين
يتـرك نيـاشـين .. واسياطه تفتر
تلسع بالمتـون
ياكحل العيون
بيكم يعرفـون .. ساده من الذر
بـاعـوكــم بمـال
راووكـم اشكال
يا زيـن الرجـال .. ياسيد البَـر
يا أبو الصبـر الجميـل
عـانـك الله يالـعليـــل
•-•-•-•-•-•-•-•-•-•-•-•-•-•-•-•-•
•-•-•-•-•-•-•-•-•-•-•-•-•-•-•-•-•
من گد الجروح
چنك عُمُـر نوح
بالغصه مذبوح ... يبن الرساله
بچفوفك احبال
منهن دمه سـال
بيك الزمن مال .. مابي عداله
يـا زيـن العبــاد
بلمعصم اصفاد
ما تطلـب الزاد .. و المي محاله
بالـرگبـه زنجيـل
وانته ضوه الليل
يـ مبچي جبريل .. وَّحي الجلاله
ابحمـلك الهـزل تميـل
عـانـك الله يالـعليـــل
•-•-•-•-•-•-•-•-•-•-•-•-•-•-•-•-•
•-•-•-•-•-•-•-•-•-•-•-•-•-•-•-•-•
حملك مينشال
و يهــد الجبال
حاير بالاطفال .. يَـبن الوديعـه
تمشي مع الروس
ابجرحـك ادوس
عالناگه محبوس .. هاي الفجيعه
تارك على الگاع
أجساد السباع
مبتور الـذراع .. فوگ الشريعه
يلشايف الخيل
بالحـافر أشـيل
صـدر التراتيـل .. الذبحو رضيعه
منحره اگبـالك يسيل
عـانـك الله يالـعليـــل
•-•-•-•-•-•-•-•-•-•-•-•-•-•-•-•-•
•-•-•-•-•-•-•-•-•-•-•-•-•-•-•-•-•
يمرافگ الموت
تبچي بلاصوت
و الناگه تابـوت .. بـديـار أُميــه
نسلك ذخر صـار
و بصلبـك الثـــار
مهدي هـالاحـرار .. راعي القضيه
أبذمتـك الــديــن
هوه ودمه حسين
جرحك يمد ويـن .. يبن الزچيه
يا باقي عاشـور
يـالحـافر أگبـور
تدفن بلى انحور .. والله رزيه
دافن أچفوف الكفيـل
عـانـك الله يالـعليـــل
•-•-•-•-•-•-•-•-•-•-•-•-•-•-•-•-•
•-•-•-•-•-•-•-•-•-•-•-•-•-•-•-•-•
بالكوفه والشام
تنشر بالاسـلام
تدفـن بالايتـام .. خوله و رقيه
تخطب بالقصور
شامخ ممكسور
واگليبك ايفور .. عمتك سبيـه
مشاركهه الاحزان
تمشي بالاوطـان
بالعيلـــه سفــان .. صبح ومسيه
صبرك مـينقاس
بـالغـيره عبـاس
تسوه الـف راس .. زين البريـه
نـارك ابنـص الـدليــل
عـانـك الله يالـعليـــل
•-•-•-•-•-•-•-•-•-•-•-•-•-•-•-•-•
•-•-•-•-•-•-•-•-•-•-•-•-•-•-•-•-•
كلمات : حيدر العمار الخزعلي
.
قصيدة ( زمزم يجري دمه)
لسان حال الحوراء زينب (ع) وهي تخاطب امها الزهراء (ع) وتشرح لها حال الحسين (ع)
ـــــــــــــــــــــــــــــــــــــــــــــــــــــــــــــــ
زمزم يجري دمه .. يُـمه شلون ألمه .. ابنـچ نحـره مگطوع
يُمه سهام ينفض .. فوگه الخيل تركض .. عشره فوگ الضلوع
°°°°°°°°°°°°°°°°°°°°°°°°°°°°°°°
وحيد من البشر ماعنده تابوت
بقه اتلاثه تره وابساحة الموت
سليب ابـلا هدم دلالـه مفتـوت
واليهظم واشد نبچيله بسكوت
من التل نزلنه ... نركض صوبه كلنه ... عيني تذرف ادموع
عشره فوگ الضلوع
°°°°°°°°°°°°°°°°°°°°°°°°°°°°°°°
وگـف گلبي احس لمن وصلته
موش حسين چنه وما عرفته
لگيته ابلا نحر وانحب شبگته
شفت سهم ورمح يُمه بچبدته
نحره گمت اشمه ... شمرو راسه يمه .. خده لحمه مشلوع
عشره فوگ الضلوع
°°°°°°°°°°°°°°°°°°°°°°°°°°°°°°°°°
شضمـد و اشألف يا يُمه ممـرود
متهـشم جبينه و زرگــه الخدود
والدم اعله عينه وجفنه مسدود
و تـراب بلحيته وسيفـه ممـدود
فوگ الگاع شفته .. يبست يُمه شفته ... ضهره بصدره مطبوع
عشره فوگ الضلوع
°°°°°°°°°°°°°°°°°°°°°°°°°°°°°°°
تعـذب من وگـع محــد فزعلـه
جثه اعليه الشمـر لمـن وصلـه
رفس صدره بحقد اسمع يگله
بطـى العبـاس لــو عنك تخلـه
يضحك يُمه يَمه .. رايد بس يألمه .. يشتم صوته مسموع
عشره فوگ الضلوع
°°°°°°°°°°°°°°°°°°°°°°°°°°°°°°°°
شفت دمه صبغ ابيض مشيبه
عمت عيني ولاشفت المصيبه
يـ يُمه اعمامته و جبته سليبه
ضايع خنصره وياهو اليجيبه
مدري اشگال بيه .. من عفته وسبيه .. تالي راسه مرفوع
عشره فوگ الضلوع
°°°°°°°°°°°°°°°°°°°°°°°°°°°°°°°°°°
كلمات : حيدر العمار الخزعلي
.
قصيدة ( علگ روح)
بحق الامام الحسين (ع)
ـــــــــــــــــــــــــــــــــــــــــــــــــــــــــــــــ
شديتك علگ روح ... شديتك
لاگـيتك بالجـروح ... لاگـيتك ~(1)
ياحرز وكت الشدد
يا أمان بكل عهد
تسوه مالي والولد
يحسيني ... يحسيني
*
ماشفت مثلك جرح
ينولد وكت الذبح
يا ملاذي يا سمح
يا عيني ... يا عيني
*
ياحروف البسمله
يا ذبيح بكربله
يَالفرض والنافله
يا ديني ... ياديني
*
يـا سنيني و دنيـتي
انته عمري و قصتي
تمشي ويـه دگـــتي
تدريني ... تدريني
*
حبيـتك يـ مذبوح ... حبيتك
لاگـيتك بالجـروح ... لاگـيتك
»»»»»»»»»»»»»»»»»»»»
««««««««««««««««««««(2)
شفتك بعين العقل
بالدمع من ينهمل
بالگلب من يشتعل
تچويني ... تچويني
*
تارس اگليبي حزن
جوه ضلعي مندفن
كلمتـك لسـه تــرن
تاذيني ... تاذيني
*
يالردت ناصر إلك
منخلق لأجلك فلك
بالــذهب مــا بدلك
تكفيني ... تكفيني
*
ارد اموت ابلچمتك
خل اعيش بجنـتك
روحي بالذر رادتـك
تحييني ... تحييني
*
لبيتك و انه بنوح ... لبيتك
لاگـيتك بالجـروح ... لاگـيتك
»»»»»»»»»»»»»»»»»»»»
««««««««««««««««««««(3)
الهـوه اليمـك دوه
اقسم براعي اللـوه
انته و الدگـه سوه
بگليبي ... بگليبي
*
اذكـرك ويـه النفس
الهوه اعليك انحبس
اذكر اترضـك فرس
يا شيبي ... يا شيبي
*
شاغل العالم صرت
تبقه حيّ وما متت
حاولت وصفك گلت
يا عَـيبي ... يا عَـيبي
*
لايـذ بسدك درع
والوگف ضدك شمع
ماله خيط ولا نفع
يا طيبي ... ياطيبي
*
شميتك تره اتفوح ... شميتك
لاگـيتك بالجـروح ... لاگـيتك
»»»»»»»»»»»»»»»»»»»»
««««««««««««««««««««(4)
اشرگ آبـ ماي الشرب
تهمل اعيـوني غصب
شنسه وانته عـالترب
حاچيني ... حاچيني
*
ضامي مگطوع النحر
جسمـك امـوزع وذر
تـربي عينـك عـالنهر
ماذيني ... ماذيني
*
حاير بحال الضعن
بالفواطم من مشن
لليســر مـن انسـبن
سابيني ... سابيني
*
تمشي وياهن رمح
تنطـر لحـد الصبح
ياكل بجرحك ملح
عاميني ... عاميني
*
وانعيتك يمطروح ... وانعيتك
لاگـيتك بالجـروح ... لاگـيتك
»»»»»»»»»»»»»»»»»»»»
««««««««««««««««««««(5)
قصتك اتوگف العقل
منذبح بيدك طفل
تمشي اختك عالهزل
للكوفه ... للكوفه
*
مچتفه بحبل السبي
والتراب اعله العبي
ينحب اعليهه النبي
مچتوفه ... مچتوفه
*
خيمتك صارت جمر
كافل اضعون الخدر
جوده ينزف عالصدر
معروفه ... معروفه
*
نهجك انتركه حلم
و العهد عهد الزلم
والحزن صاير رسم
مـنعوفه ... مـنعوفه
*
ياريتك عُـمر نـوح ... ياريتـك
لاگـيتك بالجـروح ... لاگـيتك
»»»»»»»»»»»»»»»»»»»»
««««««««««««««««««««
كلمات / حيدر العمار الخزعلي
.
قصيدة (قاضي الحاجه)
بحق الامام الكاظم (ع)
~•~•~•~•~•~•~•~•~•~•~
قاضي الحاجه دم نبچيله
موسى الكاظم انه ادخيله
-•-•-•-•-•-•-•-•-•-•-•-•
باب الحاجه و باب العازه
مـَنجه الـوادم من تتوازه
موسى بفضله ما يتجازه
يترس ايدك من تحچيله
-•-•-•-•-•-•-•-•-•-•-•-•
تحچي الوادم دوم بجوده
بحـر و تعجز تلگه احدوده
سفرة خيره اتضل ممدوده
اسم الكاظم حرز انشيله
-•-•-•-•-•-•-•-•-•-•-•-•
موسى الكاظم جد الساده
فدوه لأسمه واسم اولاده
اليطلب منه اينال امـراده
يقضي الحاجه بنفس الليله
-•-•-•-•-•-•-•-•-•-•-•-•
صاحب شـاره مثل الكافل
يشفي العله وينطي السائل
اليدخل صحنه يرد متفائل
صاحب شاره الكل تمشيله
-•-•-•-•-•-•-•-•-•-•-•-•
خلص عمره بنص طاموره
بظلم العاش ابين اقصوره
هاذه الكاظم كلـهه اتـزوره
وين الكـاد وعرشه وخيله
-•-•-•-•-•-•-•-•-•-•-•-•
شابه ليله لشمس انهـاره
كاظم غيضه وتلهب ناره
واعد اهلـه وكـل انصاره
يوم الجمعه ويدري الحيله
-•-•-•-•-•-•-•-•-•-•-•-•
كلمات : حيدر العمار الخزعلي
.
اجمل قنوات التلجرام لنشر وتلحين القصائد الحسينية👇
/channel/+QYhwKvqAiD7e_b1P
اجمل قنوات التلجرام لنشر وتلحين القصائد الحسينية👇
/channel/+QYhwKvqAiD7e_b1P
قناة فيها كل ما تحتاج من قصائد مع الحان جديد وحديثة
/channel/kamelAbdullah
مؤسسة منبريون الحسينية مؤسسة تختص بنشر القصائد الرئيسية والمقدمات والنزلات وقصائد النعي والابوذية وقصائد الشور وكل ما يحتاجهة الرادود الحسيني بالإضافة إلى وجود كروبات خاصة بالتلحين وتلبية الطلبات ودعم الشعراء رابط القناة 👇👇👇
/channel/+PZwpTt2HLXcvUQZh
أما روابط باقي القنوات تجدونها هنا👆👆
اجمل قنوات التلجرام لنشر وتلحين القصائد الحسينية👇
/channel/+QYhwKvqAiD7e_b1P
بنت احسينك انه اسكينه
وينـك يا عـم ألحـك لينـه
••••••••••••••••••••••
يابو الغيـره حسين اتـوذر
فوگ الغبره ودامي المنحر
بين الخيل و عظمه اتكسر
عين اعليك و عين اعلينه
وينـك يا عـم ألحـك لينـه
••••••••••••••••••••••
كونـك شفت اليطبر نحـره
حز الراس و يرفس صدره
ضلع حسين الچان بظهره
يـم الخيمـه مـن صـدينـه
وينـك يا عـم ألحـك لينـه
••••••••••••••••••••••
تفرهد خدره آبين العسكر
بين الخيل الضعـن اطشـر
دار اعلينه الجيش و يفتر
گـوم ابطولك يا سـاقينـه
وينك يا عـم ألحـك لينـه
••••••••••••••••••••••
بنص الحومه تنوح ايتامه
تصرخ وين الهز صمصـامه
كونه يعود يحامي اخيامه
لـو تسمعنه بس حاچيـنه
وينك يا عـم ألحـك لينـه
••••••••••••••••••••••
عوف الجربه و مايك عوفه
زينب تعتـب چي مچتـوفـه
تصرخ كونه ايجيب چفوفه
يشلع سهمه النـام ابعينـه
وينك يا عـم ألحـك لينـه
••••••••••••••••••••••
شرد احچيلك صعبه الحاله
حـارت بينـه ابنـص خيـالـه
وسط النـار وسوط اچمالـه
مـن يرمـونه يلسـع بيـنـه
وينك يا عـم ألحـك لينـه
••••••••••••••••••••••
فوگ الهزل كونـك تدري
نار ابثوبي و نار بصدري
گلبي اتگطع والدم يجري
مـــن اعيوني يـا واليـنـه
وينك يا عـم ألحـك لينـه
••••••••••••••••••••••
كلمات : حيدر العمار الخزعلي
.
قصيدة ( ذَبو عگلهم)
للمشايه
ـــــــــــــــــــــــــــــــــــــــــــــــــــــــــــــــ
ذَبو عگلهم .. فزعوله كلهم
بأربعينه ... بأربعينه
••••••••••••••••••••••••••••
شدو چفافيهم حزم و انقسمو اثنين
مشايه صارو لو خدم الشيعه لحسين
البصره اول من مشت و تكحـل العين
مالاحت الگاع الشمس سدوهه فجين
الوفايه منهم .. فِـزعت زلمهم
بأربعينه ... بأربعينه
••••••••••••••••••••••••••••
العماره صاحت ياعلي وتهلي ذي قار
طبگو مواكبهـم سـوه مـا طفـو النـار
اهل السماوه هوسو يا صاحب الثـار
الــزايـر العـدنـه يطـب يتمـلك الـدار
شدو حزمهم .. رفعو علمهم
بأربعينه ... بأربعينه
••••••••••••••••••••••••••••
الحله سكنت بالدرب عافتـهه البيوت
صارت مواكبهم وطن وترحب بصوت
فاضت عليهم بالمشـي مشـاية الكوت
بالسچه ما تلگه شبـر ما تگـدر اتفوت
ماكو مثلهم .. عالي عزمهم
بأربعينه ... بأربعينه
••••••••••••••••••••••••••••
اهل المضايف و الكرم اهل الحميه
شيعة علي اهل النجف و القادسيه
صـَفت مـواكبهم سره لأبـن الزچيه
تتباهه بيهـم كربلـه صبـح و مسيه
مرعب عددهم .. خدام اسمهم
بأربعينه ... بأربعينه
••••••••••••••••••••••••••••
بـديالى وفايـه شكثـر حـد المنـايـه
ما عافـو برغم الحصل حبل الولايه
سامره ،كركوك الفخر بالخدمه ثايه
ماعافو المنهج ابد و انطـو ضحايه
لمو جرحهم .. رخصوله دمهم
بأربعينه ... بأربعينه
••••••••••••••••••••••••••••
بالخدمه تتعالـه رمز ارض الجوادين
تبقـه وفيه العاصمه ابـزود الأمامين
أم المــواكـب كربلـه تنبــع ميـاميـن
كلهـم بيـارغ عاليـه خـدام الحسين
الخدمه عدهم .. مولوده يمهم
بأربعينه ... بأربعينه
••••••••••••••••••••••••••••
كلمات : حيدر العمار الخزعلي
.
#دعم_مؤسسة_منبريون_الحسينية_رقم4
#ملاحظة الدعم 3 ساعات وينمسح من القناة ذمة
للاشتراك بالدعم @ahmed_alziwar0
................... ............... .......
1- الشاعرة بتول الهاشمي
@Batool1998Batool
2- الشاعرة رافضية وافتخر
@vgdtyhjjk
3- الشاعرة ام كرار الساعدي
@shrahpk
4- الشاعرة ام عباس الحسيني
@omabbasalhoseini
5- الشاعرة ام اسعد
@um1966ahmed
6- الشاعرة ام مهدي العيداني
@zainabiat88
7- احباب الزهراء (ع) لنشر القصائد الحسينية
@keitinf
8-الشاعر حيدر العمار الخزعلي
@Hauij
9- الشاعر عباس مالك العفريت
@abbmmnn
10- المأتم الخالدة
@AlHosaene
11- الشاعر قاسم الغزالي
@Qasm12340
12- الشاعر مهيمن يوسف الموسوي
@mys_313
13- الشاعر فلاح الفكيكي
@ELHusseih
14- الشاعر ستار جبار الزاملي
@azmghjk
15- الشاعر سيد سجاد للعميد
@befgl
16 صوت الحسين ع
@fhdvbj
17- الشاعرة ام رقية الحسناوي
@hhssrraa
18- الشاعر سيد احمد ابو طبيخ
@ahmed199677777
19/الشاعر حاتم ما شاء الله القريشي
@a_b_d_201
................. .............. ........... ....
مؤسسة منبريون لنشر القصائد المنبرية
/channel/ahmed_alziwar2
قصيدة ( ليل انهار )
السلام على الامام السجاد زين العابدين عليه السلام (ع)
ـــــــــــــــــــــــــــــــــــــــــــــــــــــــــــــــ
ليل انهار الدمعه ابعينك
ليل انهار الدمعه ابعينك
•••••••••••••••••••••••
دمعك يهمل فوگ اخدودك
فـارث لحمك حبـل ازنودك
خاسف چتفك ثگل اقيودك
فوگ الناگه وناصر دينك
ليل انهار الدمعه ابعينك
•••••••••••••••••••••••
شفت حسين مطشر جسمـه
فـوگ الگــاع و ينـفــر دمـــه
و زينب تنحـب طاحت يمـه
نادت وينك شيل احسينك
ليـل انهـار الدمعـه ابعينك
•••••••••••••••••••••••
ذبحــو عمـك صگـر البيـده
صوبـو عينـه وگطعـو ايـده
فوگ الجاري يجري اوريده
وانته احبال تحز چفينك
ليل انهار الدمعـه ابعينك
•••••••••••••••••••••••
بيدك دافن شيخ العتره
ندري بگلبك طاح بگبره
لمن شفته مطشر صدره
دافن بيدك شمس سنينك
ليل انهار الدمعـه ابعينـك
•••••••••••••••••••••••
بقصر الكوفه مرافگ اهلك
عـن الاكبــــر كلهـه اتسألك
وين القـاسم نــاس اتگـلك
وين ابدورك يـ مگيدينك
ليل انهار الدمعه ابعينك
•••••••••••••••••••••••
اوف الشام اشسوت بيكم
دم أتسـايـل مـن رجليكـم
نـار احجـار الكـل ترميكم
يلهب ثوبك و مـچوينك
ليل انهار الدمعه ابعينك
•••••••••••••••••••••••
كلمات
حيدر العمار الخزعلي
.
قصيدة ( يا موتي اشتتاني )
لسان حال الحوراء زينب (ع) بعد واقعة كربلاء
•••••••••••••••••••••••••••••••••
يا موتي اشتتاني .. بالطـف الغـوالي
مخبوطه جثثهم .. والروس بعوالي
•••••••••••••••••••••••••••••
تمنيتك لـو تحضر مـا تبطي و تتأخر
تگطع بيدك الانفاس
تاخذ روحي وترحل وانه بضهر الهزل
مثل حسين وعباس
من فوگ التل صحتلك و انته حاير بالاهل
گتلك اوياهم اخذني ساعة آحسين انچتل
متجاوب سؤالي .. و المدمع يلالي
مخبوطه جثثهم .. والروس بعوالي
•••••••••••••••••••••••••••••
احسن واگف يمي و ابلع ريگـي بدمـي
شفتك بالطف اهواي
شفتك يم الخيمه تمشي بصفي بهيمه
شفتك بجروف الماي
گتلك ارحمني يموتي أگرب ومالك دخل
انه سهله ما اتعبك و انته عندي چالعسل
نـاديلـي تعـالـي .. و ألفيك ابحبالي
مخبوطه جثثهم .. والروس بعوالي
•••••••••••••••••••••••••••••
يا موتي لو تحظر اخلص من العسكر
ترحم روحي وارتاح
تخمد ناري البيـه و ما عيشن مسبيه
وامشي بسوط الذباح
يالخذت الحسين اخذني يالخذت ذاك الفحل
المعبي جرفين آبجربته و الله دلالـي اشتعـل
يالماخـذ دلالي .. من بعده شبقالي
مخبوطه جثثهم .. والروس بعوالي
•••••••••••••••••••••••••••••
لو باشط لو تگدر ارحـم وجهي الاصفر
حشم ياموت الخيل
خل ترفسني بصدري اگطع بيدك نحري
و اذبح زينب بالليل
اليوم اريدنك تجيني جايب وياك الأجل
چَـفن اجروحي بعباتي مابقه بغيرك أمل
المـوذر بچـالي .. و اتعـذب لحـالـي
مخبوطه جثثهم .. والروس بعوالي
•••••••••••••••••••••••••••••
تانيتك فوگ التل من حرگوه المحمل
لمن طاح الوفاي
اگطع دابر أمري نشف دمعي اليجري
بيدك يا موت الراي
ادعي بدروبي طلبتك وانته ماعندك خجل
موسهل اطلب و اتاني وانه بت خير العمل
لو حيدر اجـالي .. اشكيله الجـرالي
مخبوطه جثثهم .. والروس بعوالي
•••••••••••••••••••••••••••••
حيدر العمار الخزعلي
.