1339
شاعر حسيني للمراسله عبر الخاص اضغط على الرابط @HaeiderALkhazaily .
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
يامسموم ياسيدي
يامظلوم يا سيدي
#####################
ذبل عودك خلص عمرك وسط حفره
ينور الله البقه يزهي وصبح حضره
على امصابك بجه قيدك مع الزهره
وصبـر ايوب مـا يوصل الك شعـره
يامسجون ياسيدي
يامظلوم يا سيدي
#####################
حـزن وكتك ترس صدرك يبو طلبه
عشت كاظم تظم همك وسط غربه
الصبر سيف وعلى گصتك اثر تربه
متت ساجد متت صابر على الصعبه
حي مدفون ياسيدي
يامظلوم يا سيدي
#####################
سره بجسمك غدر ضالم لمن سمك
يمن فدوه الك نغدي ونذر لاسمك
يمن بختك مثل بخت الگمر عمك
چم حاجه بأثر حاجه انگضت يمك
تگضي اتهون ياسيدي
يامظلوم يا سيدي
#####################
دمه ابچفك دمه ابنحرك مثل جدك
يمثل حسين ابـو اليمه انحفر خدك
على جسر الرصافه اموسد ألوحدك
وگف شامت على نعشك وكت فگدك
صاح الكون ياسيدي
يامظلوم يا سيدي
#####################
ثغر ضامي ودمه گلبك جمر يلهب
فلا واحد حمل صبرك ولا اتعذب
فقط زينب يبن فاطم لمن تنحب
على المظلوم ابو اليمه البقه مسلب
واصفر لون ياسيدي
يامظلوم يا سيدي
#####################
حيدر العمار الخزعلي
.
شهادة موسى الكاظم(ع)
________
بابـه باب الطالبيـن
اسمه حرز الخائفين
موسى بالشده سند
هذا حبل الله المتين
-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ
آه يا سـابـع جــرح بعــد الـوديعــه
يشبه ارسوم الحسن وكت الفجيعه
و بالكرم طبـق الاصل بابـه وسيعه
شارتـه شارت بـدر حاضـن شريعـه
عَمـه عباس الكفيل
بالشـأن لا مو قليل
خادمه الروح الامين
هذا حبل الله المتين
-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ
غيرته غيرة علي حامي دخيلـه
مـايـرد الا ابفــرح كلمـن يجيلـه
اليسئله بأسم الرضا لو يشتكيله
يمطر بچفه ويـرد يترس شليلـه
يَمه مضمون المراد
يُعبر السبع الشداد
هذا ذخر الطالبين
هذا حبل الله المتين
-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ
بالسجن عُمره خلص دون ابتسامه
تبچي حيطانه صفت بعـد الامامـه
و الصدى باقي يـرن وحي وكلامه
و العطر عنبـر يشـع لسه ابمقـامـه
تارس ابضيه المكـان
واختلف هسه الزمان
بالسجن تسمـع انيـن
هذا حبل الله المتين
-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ
عالجسر شاع الخبر چثه غريبـه
بالسلاسل بالنعش هايه المصيبه
عاين اچفوفه صفك بيده طبيبه
ما ألـه اخـوه سئـل ثـاره تجيبه
فَتَح اعيونه الطبيب
واشتعل بيه اللهيب
بالقهر ينشد حزين
هذا حبل الله المتين
-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ
فطر اشفافـه العطش جُبته سليبـه
اعمامته مو عالنعش واحمر مشيبه
الـدمـه مـن منحـره قَيـده عجـيـبـه
شاهدت بيـه كربلـه وجثه خضيبـه
چفه واچفوف العليل
الـدمـه منهـن يـسيـل
ومن تدقق ساجديـن
هذا حبل الله المتيـن
-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ
حيدر العمار الخزعلي
.
قصيدة ( ياموت وينك فرفحت)
يوم ام البنين ع
لسان حال ام البنين ع
••••••••••••••••••••••••••••••
ياموت وينك فَرفَحت
يـاريت وَياهـم رحـت
مَليت من عُمري صِحت .... ياموت وينك فَرفَحت
**
عـافوني نخله ابـلا سعـف مـا بيه جُمـار
چن ريشه وسط العاصفه بيه الوكت دار
ماعـندي ضحكه ولا فـرح و محَمله بنـار
و دياري ضلمه چـن كهـف داري گبر صار
ضليت عود بنص فله
و الماي صارت كربله
مليت من عمري صحت .... ياموت وينك فَرفَحت
**
وينـه اليگـلي لو چـذب باجر يَرجعـون
جَبلني ريته من مِشه وغمضلي العيون
ما سَبل ايدي لارضه امشي مع ام عون
حيرني الحسين وحرت اوصلهم شلون
ضليت ميته بلا دفن
للعين ما غمض جفن
مليت من عمري صحت .... ياموت وينك فَرفَحت
**
امنيتي ضلت نلتقي من الضعن سـار
آخِذ رُقيه بالحضن واحضنهه الصغار
واگعد اناغي للـطفل و اقـرالـه اشعار
عبدالله يشبه حيدره بس عوزه فقار
بـدگات گلبي انلچم
ياريت غيبتهم حلم
مليت من عمري صحت .... ياموت وينك فَرفَحت
**
من أيست من الضعن گُمت اندب الموت
يا مـوتي گتله مروتك و ابچي بلا صوت
اتمـنه كــون بِشيـمتك تهـديلـي تـابــوت
انقلي روحـي لكربله خل امشي بَسكوت
حاچيته گتله مُـروتك
ألحگلي بلكت فَزعتك
مليت من عمري صحت .... ياموت وينك فَرفَحت
**
يـَ م الحُسـين بكـربلـه تتــلاگــه الارواح
ياريت روحي تفترك عن جسمي و ارتاح
وارجع واشوفنهم صدگ وهمومي تنزاح
مــا راح اعـاتبهم تـره ليش الضعــن راح
ياريت يلتــم الشمـل
ويعود الاكبر والطفل
مليت من عمري صحت .... ياموت وينك فرفَحت
**
حيدر العمار الخزعلي
.
شهادة الرسول الكريم
النبي محمد (ص)
قصيدة ( نادت فاطمة )
---------------------------------------------------
بچـه حيدر علي ويه الزچيـه
على نعش النبي بهاي المسيه
ونادت فاطمة بآآه .. ويلاه آ ويلاه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
حگچ تنوحين المسه حگچ تلطمين
الموسد ابنعشه نبي معذوره تبچين
موعجبه يا فاطم ابد فوگه تموتين
تنشغلچ اقطاب السمه لمن تنشغين
بچت ارض وسمه بهاي الرزيـه
علـى نعـش النبي بهـاي المسيه
ونادت فاطمة بآآه
ويلاه آ ويلاه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
عُگبه ينتظرچ عجب و الدنيه تنـدار
يا كوثر الله ورحمته ما عدكم أنصار
باچـر يسلبـوكم عَلـن وابعتبـة الـدار
يوگع جنينچ والضلع ايصوبـه بسمار
علي يبقه ابحزن بعد الوصيه
على نعش النبي بهاي المسيه
ونادت فاطمة بآآه
ويلاه آ ويلاه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اتلث ليالي ابلادفـن يالزهره طاهه
وابنـچ يضـل ابكـربله مثله وراهـه
يبقه ذبيح ومنسلب ضامي بلضاهه
وزينب يفاطم علهزل تنصب عزاهه
على جسمه تصد هيـه وسبيه
على نعـش النبي بهاي المسيه
ونادت فاطمة بآآه
ويلاه آ ويلاه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ابشكله مسموم الحسن باچر يزهـره
وحده يضل بحجرته ورسومه صفره
لـتسمـه يا فاطم مَـره و القصـه مُـره
و التبچي گـدامـچ غـداً نبلـه تشمـره
هـايـه أم الجمـل و أم الأذيـه
على نعش النبي بهاي المسيه
ونادت فاطمة بآآه
ويلاه آ ويلاه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اصحابه ماعدهم شرف اهل السقيفه
سـاعـة مراسيـم الدفـن خلـو خليفـه
للشـورى گـالـو نحتكم حيـدر نعيفـه
واگلوبهم تنگـط حقـد لامـو نظيفـه
بايعت حَبتر غَصب عافت وليه
على نعـش النبي بهـاي المسيه
ونادت فاطمة بآآه
ويلاه آ ويلاه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
حيدر العمار الخزعلي
.
السلام عليكم ورحمة الله وبركاته
اخوتي خدام الحسين وفقكم الله جميعاً
كل من قرء قصيده من هذه القناة
تفضلكم بأرسالها عبر الرابط الخاص بنا
ليتم نشرها في منصات التواصل الاجتماعي لننال الأجر والثواب معاً ...
@HaeiderALkhazaily
حيدرالعمارالخزعلي
.
قصيدة ( بعد طف المنيه)
ــــــــــــــــــــــــــــــــــــــــــــــــــــــــــــــــــــــ
بعد طف المنيه .. مشت زينب سبيه
بدت رحلة حزنهه .. وتصد عالغاضريه
•-•-•-•-•-•-•-•-•-•-•-•-•-•-•-•-•-•-•
ارد اسـولفـلك عليهـــه خلـي بـالك واستمـع
من وگع كافل ضعنهه وانسحگ اشرف ضلع
رگضـت الـوادم عليهه وبـس حوافر تنسمـع
عجت الحومه و تشاهد يقترب منهه الجمع
اجت خيل ال اميه ... على زينب سويه
وحيده ابلا گمرهه .. وتصد عالغاضريه
•-•-•-•-•-•-•-•-•-•-•-•-•-•-•-•-•-•-•
حارت ابين العساكر و الخيم طاحن سوه
سلبو كلشـي ابثوانـي و الجمر ويـه الهـوه
طاير و ينـزل تشوفـه وچـن جهنـم نينـوه
من بعد طيحت گمرهه ماكو چاره ولادوه
العده دارت عليهه ... بعد طيحة وليهه
انكسر زينب ظهرهه .. وتصد عالغاضريه
•-•-•-•-•-•-•-•-•-•-•-•-•-•-•-•-•-•-•
شردت ايتام الهواشم چم فرس بيهم عثر
و زينـب ادور يـوادم عـن دَليـل وعـن اثـر
ساعه تصرخ ياسكينه ساعه تصرخ ياگمر
تيهـت خويـه رقيـه والحـرم كلهه ابخطـر
شكبر هاي الرزيه .. بنت خير البريه
جمر يلهب صدرهه .. وتصد عالغاضريه
•-•-•-•-•-•-•-•-•-•-•-•-•-•-•-•-•-•-•
من بعد هـاي المصيبـه زينب بظهـر الهـزل
تلتفـت صوب الشـريعـه ترفـع الايـد بحبل
تكله شاهد يابوفاضل هاذه حالي شحتمل
هـايـه چفيـن الاميـره مقيـده بأمـر النـذل
بحبل چفين اديه .. شگلت يابو الحميه
خلص زينب صبرهه .. وتصد عالغاضريه
•-•-•-•-•-•-•-•-•-•-•-•-•-•-•-•-•-•-•
العـذاب المـر عليهـــه لاتضـن شــالـه گلـب
تكتــم الونـه وتكــابـر تنشتــم لـو تنضـرب
ورمـن حتـه اديهــه تشگـــف ابيـن الغـرب
والقصور اعليهه دخلت بلسياط وبالغصب
لقصر ابن الدعيه .. اجت بنت الزچيه
ولا واحد حضرهه .. وتصد عالغاضريه
•-•-•-•-•-•-•-•-•-•-•-•-•-•-•-•-•-•-•
( حيدر العمار الخزعلي )
.
قصيدة ( جاسم زلمه امعدل )
ليلة الامام القاسم (ع)
ـــــــــــــــــــــــــــــــــــــــــــــــــــــــــــــــــ
.
باشـط بـس امدلل
جاسم زلمه امعدل
++++++++++++++++++++++++
يا شيخ بأفعـالك
يا ويله اليـدنالك
صاگرهم بخيالك ... ذابحهم
جاسـم طـُب اتباهـه
جدك حامي احماهه
واوصافك محلاهـه .. صاگرهم
صول وجول ابكيفك
ملك الموت وضيفك
گوم اذبحله ابسيفك .. جـَـزرهم
كامل انته امكمـل
باشـط بـس امدلل
++++++++++++++++++++++
طــــر البيـده وازئــر
خلي الجيش امطشر
اذبـــح كـل العسكـر .. واطويهه
اكتب فـوگ الغبـره
ذايـد عـن العتــــره
وروحي لابن الزهره .. انطيهه
انته الليث الغاضب
فدوه لهاذه الشارب
احكم يُمـه وحاسب .. وامحيهه
اليقبـل والما يقبل
باشـط بـس امدلل
++++++++++++++++++++++++
طَب وسَوه الغاره
خله الدم يتـجاره
شـردو مـن بتاره ... دولبهم
طاحت كلهه اگباله
مــا ضلــت خيـالـه
طگ الجيش وشاله .. حيرهم
غرگـ ارض الحومـه
فارس حلوه اعلومه
كـالعباس ارسـومـه .. شردهم
مثـل الدر و أجمل
باشـط بـس امدلل
++++++++++++++++++++++++
صاح اليوم المحشر
أدحـر أهــل المنكـر
شوفـو زلمـه حيدر .. سيدهم
روجه بروجه يطگهه
كـال اليـوم أحـركهـه
و اهلـي أخـذ حگهـه .. من عدهم
غار وثغره اتبسم
رجعو هوه اتقدم
محد منهم يسلم .. راعبهـم
اليبرز ليـه اجنـدل
باشـط بـس امدلل
++++++++++++++++++++++++
حته الشارد صاده
طشر روس القاده
يخبل حته اعناده .. فـرهدهم
فرهه بأيده ودارت
بيه الدنيه احتارت
چن المحشر صارت .. حومتهم
طخو كلهــــم يَـمـه
كلشي اگباله امدمه
جاسم اشجع زلمـه .. وذرهم
واجمل لمـن يزعل
باشـط بـس امدلل
++++++++++++++++++++++++
{{ حيدر العمار الخزعلي }}
.
قصيدة ( وينچ يُمه يالزهره )
.. ليلة العاشر ..
لسان حال زينب الحوراء عليها السلام
ـــــــــــــــــــــــــــــــــــــــــــــــــــــــــــــــــــ
غرگت بالدمع العيون
گامو بـالخيم يبچون
صاحت زينب الحره
وينـچ يُمـه يـالزهـره
×××××××××××××××××××××××××××
للخيمه اجاني حسين ابو اليمـه
هله بجيتك گلتلـه وانـه متعلمه
يجي يمي نسولف واهلي ملتمه
طلب نگعد سويه و اگعدت يمه
بـده بعياله يوصيني
كلته شبيك حاجيني
مصيبه بنظرته أقره
وينـچ يُمـه يـالزهـره
×××××××××××××××××××××××××××
لزم ايدي بده يحچيلي عالعاشر
يگلي الخيمه يا زينب ظهر باجر
عليچ اطيح ما تبقه وانه مسافر
على ضلوعي تدوس الخيل بلحافر
عنچ ما أضم السـر
مني ينگطع خنصر
ذبيح وعاري عالغبره
وينـچ يُمـه يـالزهـره
××××××××××××××××××××××××
حاچيته على الكـافل يرد وسفـه
على الشاطي يزينب ينگطع چفه
جربته أطيح مـا تبقـه على چتفه
يزينب طيحته باجر صدگ كلفـه
أردلج منحني ظهري
كفيلج ينذبح صُبري
يزينب كسرته كسره
وينـچ يُمـه يـالزهـره
××××××××××××××××××××××
سـولفلي على الغبـره علي الأكبـر
يطيح وجسمه بين اعدانه يطشر
واحير اشلون ألمن عظمه المكسر
يـزينب حتـه جـاسم باجر اموذر
وطفلي بالسهم منحور
راسـه بـالرمـاح ايـدور
گتله اگليبي شيصبره
وينـچ يُمـه يـالزهـره
××××××××××××××××××××××
على بنته يصـد و دمعته تجري
عليمن گتله دمعك يابعد خدري
يگلي اتروح ما ترجـع انـه ادري
تموت اهناك يازينب على نحري
لمـن لليسـر تـرحــون
زينب بالحبل تمشون
رقيه تموت متـيسره
وينـچ يُمـه يـالزهـره
××××××××××××××××××××××
يوصيني على ضعنه بطريق الشام
بخرايب زينب اعيالچ يخويه اتنام
ما تبقه الـزلم تحرس تطيح اخيـام
بـس نسـوان يازينب تضـل وايتام
من متنچ تسيل ادموم
والعسكر عليچ ايحوم
ضلمه بحسرة الگمره
وينـچ يُمـه يـالزهـره
××××××××××××××××××××××
حيـدر العمار الخزعلي
.
للتواصل واي استفسار
اضغط على الرابط
@HaeiderALkhazaily
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
جديد
قصيدة ( علي الهيبه علي )
________
علي بحر المراجل
علي ماردله سائل
علي اشجع مقاتل
علي الهيبه علي
:::::::::::::::::::::::::::::::::::::::::::::::::::::::::::::::::::
علي شامخ .. علي راسخ .. وسط قلب الغياره
علي فطـره .. علـي دره .. علي الكون وبحاره
علي قسور .. علي حيدر .. علي ما أذه جـاره
علي حامي .. علي داحي .. حصد روس بفقاره
علي حامي الرساله
علي فدوه لجماله
علي رمز البساله
علي الهيبه علي
:::::::::::::::::::::::::::::::::::::::::::::::::::::::::::::::::::
علي عالـم .. علي فاهـم .. علي سيـد عليهه
علي مصحف .. علي اشرف .. بعد طاهه نبيهه
علي انزع .. علي اشجع .. علي الكاسر اديهه
علي قَبلـه .. منو مثلـه .. علي الكعبه وليهه
علي سيف البطوله
علي غيره ورجوله
علي الدين واصوله
علي الهيبه علي
:::::::::::::::::::::::::::::::::::::::::::::::::::::::::::::::::::
علي قاهر .. علي حاضر .. علي لكل النوايب
علي غالب .. علي ضارب .. علي ذل الكتايب
علي قدره .. علي ثوره .. علي بحر العجايب
علي طاهر .. علي قادر .. علي ليث الحرايب
علي صاحب حميه
علي صُبح ومسيه
علي كلشـي إليــه
علي الهيبه علي
:::::::::::::::::::::::::::::::::::::::::::::::::::::::::::::::::::
علي يشطر .. علي يسطر .. علي ثابت يقينه
علي بارع .. علي قالع .. حصن خيبر يمينـه
منو مرحب .. اذا يغضب .. علي يهز المدينه
زلـم تركـع .. فـلا يـرجـع .. اذا طبهـه ولينـه
علي راعي الكرامه
علي هـوه الامامه
علي عالي مقامـه
علي الهيبه علي
:::::::::::::::::::::::::::::::::::::::::::::::::::::::::::::::::::
علي فارس .. علي حارس .. وَّحي رب الجلاله
علي كافي .. علي شافي .. علي منهو ابجماله
علي كامل .. علي شامل .. منو يوصل خصاله
علي نعمه .. علي رحمه .. علي عشنـه ابدلاله
علي والي علينه
علـي لازم ادينـه
علي هوه السفينه
علي الهيبه علي
:::::::::::::::::::::::::::::::::::::::::::::::::::::::::::::::::::
حيدر العمار الخزعلي
.
شهادة موسى الكاظم (ع)
بـاب الحـاجـه وتشبـه عمـك
موسى الكاظم فدوه لأسمك
+++++++++++++++++++++
تشبـه عمـك راعـي الغيـره
تحچي بفضلك ديره لديره
مامش شده آتضل اچبيـره
اكبـر شَـده اتحلهـه ابعزمـك
موسى الكاظم فدوه لأسمك
+++++++++++++++++++++
ذايع صيتك صاحب شاره
يمـك حـاتـم تخمــد نــاره
چفــك يكــرم ليـل انهـاره
فـاتـح صحنـك والكـل يَمـك
موسى الكاظم فدوه لأسمك
+++++++++++++++++++++
باب الخير وباب الرحمه
يمك يشفـه حته الاعمـه
هاي الناس اتوون ملتمه
لأجل امصابك تشكي بهمـك
موسى الكاظم فدوه لأسمك
+++++++++++++++++++++
قلب الخادم عاشگ وصلك
زاكي وطيـب طاهر اصلك
كـل الوادم تحچي بفضلك
صاحـب غيره تجـري بدمـك
موسى الكاظم فدوه لأسمك
+++++++++++++++++++++
ربـك يلعـن ذاكه الضالـم
راد ابسجنك يبقه الحاكم
يـوم المحشـر يركـع نادم
فــوگ اقدامك ذاكه السمـك
موسى الكاظم فدوه لأسمك
+++++++++++++++++++++
حيدر العمار الخزعلي
.
السلام على زينب الكبرى (ع)
________
شلون اغمض اعيوني حيره
ما وصل بدر العشيره
وينه عباس .. وينه عباس
@@@@@@@@@@@@@@@@@
خـل يشــد اعنـان مهـره يعتـنيـنـي
خل يجيب وياه چف يسدلي عيني
لخاطري لوعندي خاطر خل يجيني
هــوه الاتمنــاه يـرجــع مـو بنيـنـي
هايـه انفاسي الاخيره
ما وصل بدر العشيره
وينه عباس ... وينه عباس
@@@@@@@@@@@@@@@@
لو يزيح اتراب صدره بهل مسيـه
يوگف اگبالي واشوفه يصد عليه
راح احلفه بروح اخونه وبالحميه
يم الحسيـن انـدفـن بـالغـاضـريه
اكبر احلامي الزغيره
ما وصل بـدر العشيره
وينه عباس ... وينه عباس
@@@@@@@@@@@@@@@@
وينه ما بين بقالي بعمري لحضات
ارد اسئله بالله يرضه بگاع شمات
عيني تغفه والأماكن بيهه لجمات
هنانه دمعه هناك طفله ونار اهات
طفله ماتت مو چبيره
ما وصل بدر العشيره
وينه عباس ... وينه عباس
@@@@@@@@@@@@@@@@
خاف مـا يندل مكاني بديـره الشـام
دهري دولبني رجعـت بدون الايتـام
عيـن حمره متون زرگه و نار الخيام
لسه احس بجسمي تاكل والله مانام
راح اموت وهم اسيره
ما وصل بـدر العشيره
وينه عباس ... وينه عباس
@@@@@@@@@@@@@@@@
ادري ما معقوله يرجع و شيـرجعـه
راسه مگطوع وسهم عينه شيطلعه
بس دليلـي يـا خلايـق واش يقنعـه
يگلـي ميعوفـچ يزينب عنده فزعه
القلب صوته وضميره
ما وصل بـدر العشيره
وينه عباس ... وينه عباس
@@@@@@@@@@@@@@@@
حيدر العمار الخزعلي
.
جديد
قصيدة ( فدوه ننخاك )
شهادة الصديقه الزهراء (ع)
________
بيامكان ويا زمن
عاقد لأم الحسن
مأتم بعصر الفتن
فدوه ننخاك ... فدوه ننخاك
:::::::::::::::::::::::::::::::::::::::::::::::::::
بيامكان الزهره عاقد مجلس الهه
يالحزين الباقي وحدك من اهلهه
يمته نحضر كلنه يمك من اجلهه
ونلطم بهـاي المصيبه الما مثلهه
نترس المجلس دمع
ننحب لأجل الضلع
ننعه وانته تستمع
نلطم اوياك ... فدوه ننخاك
:::::::::::::::::::::::::::::::::::::::::::::::::::
بالمدينه يَّـم ابوهه لـو قبرهـه
حاضر انته هالمسيه ياذخرهـه
والله شـده لا زچيه ولا أثـرهه
يمته تضهر تجبر بأيدك كسرهه
أخضر لهسه الكسر
ننتظر ليل و فجر
تعلن وتبني القبـر
يعله بحماك .. فدوه ننخاك
:::::::::::::::::::::::::::::::::::::::::::::::::::
يـَّم علينه يابـو صالـح يا مـدد
مجلس امك لوقُرب نحر الولد
الله يدري انته هسه بيـا بلـد
بالخـرايب لـو بعد مِبعـد بَعد
وحده يدري بياكتر
گاعد ودمعك جمر
واحنه بحبال الصبر
يمته نلگـاك .. فدوه ننخاك
:::::::::::::::::::::::::::::::::::::::::::::::::::
ضني يم المات ابوهه آبنينوى
وهيه عاميهه الرماد البلـ هوه
بغربه خوله لسه تنطر بس لوه
تستجير اصيح بأسمك ياضوه
ضلمه والديره بخطر
ياابن فارس مُضـر
هايه خيبر و الخبر
عمتك اهناك ... فدوه ننخاك
:::::::::::::::::::::::::::::::::::::::::::::::::::
الخيام اردود وجت من جديد
بعلبك ارض وسمه نار وحديد
الاسيره اصيح وينك من بعيد
الطفل دم ابثيابـه مـن الوريد
اليهود بكل شبـر
سوو اشسوه شمر
بالسلاح وبالغدر
شاخت اعداك ... فدوه ننخاك
:::::::::::::::::::::::::::::::::::::::::::::::::::
حيدر العمار الخزعلي
.
قصيدة. (محفوظه صورهم )
-------------------------------------------
خـدامـه ايعـرفهـم .. يتعنـه لگبـرهـم
عنده كلش اعزاز .. محفوظه صورهم
===============================
الخدام كلهه امسجله عنده الاسامي
و الصور مـن تنعـرض ينظــر إمامـي
حسين بعيونه الخدم واسمـع كلامي
گـلـه أنتـه سيـدي و اهلـي وعمـامي
لتخاف المنيه .. مذبوح الزچيه
يمشي بيك جناز ..
عنده كلش اعزاز .. محفوظه صورهم
===============================
العاش بعيونه دمع لتضن يتـركـه
ولا تضن حته الگـبـر بـاجـر يضكه
حسين واگف للخدم ياهو اليحركه
والـي ما عنـده سَند گلــي شيفـكه
يحتار ابسؤاله .. لو منكر اجالـه
منه نظره يعتاز ..
عنده كلش اعزاز .. محفوظه صورهم
===============================
احنه من نبچي اله شنهو دمعنه
والله مولانـه تـره كـاسـر ضلعنه
فدوه نغديله و نـذر فدوه تعبنه
احنه من غيره عدم وبيه اقتنعه
ابخيره اكتفينه .. وبأوسع سفينه
باچر كلشي نجتاز ..
عنده كلش اعزاز .. محفوظه صورهم
===============================
الچانو اويانه أمس واضح دربهم
وندعـي الله للمضـو يقبـل عملهم
وين الحسين ومصابه هـم مثلهم
تخلص ايام الحيـاة ابحق بختهم
مابين المجالس .. ابسود الملابس
هذه اكبر انجاز ..
عنده كلش اعزاز .. محفوظه صورهم
===============================
الـرزق ام الحسـن تـرضـه عليـنـه
واحنـه لـزهره نـواسي لـو بچينـه
عدنه عشرين بصفر واجب مشينه
والطبـخ صـاير رسـم لامـو بدينـه
وضلوع الزچيه .. الخدمه الهويـه
واحنه بيهه نمتاز ..
عنده كلش اعزاز .. محفوظه صورهم
===============================
حيدر العمار الخزعلي
.
نعي
للسيده رقيه (ع)
ــــــــــــــــــــــــــــــــــــــــــــــــــــــــــــــــــــــ
يا صغر عُمـرچ رقيه و خلصـت ايامـچ
و لهسـه الخيـم چـن مشتعلـه جدامـچ
من الضرب ويلاه امرضرضه اعضامچ
والگلب مصيوب يااصغر سبيه
ماتت اعله الراس و الدمعه بجفنهـه
مجتوفه بخشن لحبال ومورم متنهه
بالخرابه علي السجـاد يا وادم دفنهه
والثياب السود اكفان لرقيه
ماتت ابحسرة أبو و الشوغه كتلتهه
وكت الغسل ياناس خافت الغسلتهه
ليش الجسم مطعون تسئل ابعمتهه
خوفي لامرض يندار بيه
هاي السياط اصيح زينب ورمنهه
كملي الغسل بهداي لتخافين منهه
مابيهه مرض لاداي و المثل سنهه
بحضن الأبو موش المنيه
ــــــــــــــــــــــــــــــــــــ
حيدر العمار الخزعلي
.
هوسات :
من دارت عليه الخيل .. زينب شبچت العشره
نادت يا گمر عدنان .. حسين أعظامه مطشره
ياريتك تجيب السيف .. تفـزع هشمـوا صدره
وتزيح ابسيفك عدوانه
يالكـافل زينـب حيرانه
زينب بالخيـام اتلوب .. گامـت تلطـم الهـامـه
من طاح أبـو السجـاد .. تسمـع طگـة أعظامـه
يالكافل گلبهه ايصيح .. جيب السيف واللامه
واتحـزم واركـب ميمـونك
واشلعهه النبله من عيونك
.
قصيدة ( ياليل الطف)
ليلة السابع
ليله الامام العباس (ع)
لسان حال زينب الحوراء (ع)
ــــــــــــــــــــــــــــــــــــــــــــــــــــــــــــــــــــــــ
ياليل الطف خل اعيوني
اتوچد درب النهر
گلبي اتگطع وين الكافل
مامش ضي الگمر
عباس امضيعته
يا ليل و انه اخته
ياليل الطف
°°°°°°°°°°°°°°°°°°°°°°°°°°°°°°°°
يا ليل المصيبه
ماترحم غريبه
ضاعـت بالفلـه و ابلا اهـل يـم الاعــادي
يا ليل اشجـرالك
چن حالي حِلالك
ياليل اهدعش گلبي انگطع مثل الايادي
وصلني لكفيلي
ما يصبر دليلي
خليني بكتر چفه اوون واصرخ وانادي
عباس انهض وانظر لوني
ظهري وگلبي انكسر
وين الفزعه مامش خيمه
وانته بطول النهر
بالغيره امحشمته
يا ليل و انه اخته
ياليل الطف
°°°°°°°°°°°°°°°°°°°°°°°°°°°°°°°°
يا ليلـي اجاني
الصوت لـ أذاني
أسمع كافلي ينادي هلـه بچيتـچ اليـه
منتظرچ اتاني
يازينب ثواني
بلكت انهض وطولي يرد واچفوف اديه
واتعنه لمكانچ
يالجابچ حنانچ
ونمشي سوه لصوب النحر نگعد سويه
چن الكافل يحچي واسمع
صوته بأذن الگلب
زرتي حسينچ گتله مگطع
شفته بموقف صعب
و الخنصر دورته
يا ليل وانه اخته
ياليل الطف
°°°°°°°°°°°°°°°°°°°°°°°°°°°°°°°°
طريت البوادي
يالكافل انادي
شميت العطر عنبر يهب تنزف جروحه
ناديته دخيلك
دليني واجيلك
ياليل واحس تركض اجت شبگتني روحه
حسيت بأمانه
المضوي سمانه
ياليل اگربت منه وخفت سهمه ألوحـه
واكبر عجبه شفت الجربه
مجلب بيهه الضرس
لازم بيهه ومن حاچيته
تحرك بيه يحس
مقهوره وعاتبته
يا ليل وانه اخته
ياليل الطف
°°°°°°°°°°°°°°°°°°°°°°°°°°°°°°°°
ثنيت ابـ ثنيته
امسحله بلحيته
وخرت الترب عنهه وصحت يابو الحميه
سالمته بزنوده
وبضربة عموده
حبيته و ردت كـون العمد طايـح عليـه
العين الوسيعه
نامت عالشريعه
مرميه بسهم والدم نزل فوگ الوطيه
بالدم سابح شفته امعفر
سهـم ابنص الگلب
گتله امروتك يابو الغيره
انه بديره غرب
هزيته و كلمته
يا ليل وانه اخته
ياليل الطف
°°°°°°°°°°°°°°°°°°°°°°°°°°°°°°°°
ضمدته ابعباتي
مـاتت امنياتي
ياليل و متت خشبه صرت نـاري سريـه
ماعندك قناعـه
ياليل وشجاعه
تطعني ابرمح وسط الگلب منك هديـه
تنهيلي حياتي
تخلص ذكرياتي
يا ليلي الگمر حزنـه دهر مو بس مسيه
دبـر امرك اگطع نحري
اشبع موت ودمه
كلش سهله موتت زينب
ثق ابرب السمه
الليل اتوسلتـه
يا ليل و انه اخته
ياليل الطف
°°°°°°°°°°°°°°°°°°°°°°°°°°°°°°°°
حيدر العمار الخزعلي
.
قصيدة ( مية سنه )
خدمه
ـــــــــــــــــــــــــــــــــــــــــــــــــــــــــــــ
وداعتـك ما ينگطع .. هـذا الدمع .. مية سنه
ولو عشت اكثر بعد .. نفس العهد .. خادم انه
خادمك دوم ... ابسود الهدوم ... مية سنه
++++++++++++++++++++++++++++++++
بروحي عايش ياأمامي و كسرتي كسرة ضلع
شلون اعيش بلايه ذكرك وانته راسك منگطع
عالمصيبه البيك صارت رافگ اسنيني الدمـع
روحي والخدمه شفتهه عشرة الخيط وشمـع
ابنار لو مو نحتــرك .. مـا نفترگ .. عشنـه ســـوه
خيط شمعه متصل .. وانته الاصل .. وانته الضوه
وانه ملزوم ... ابسود الهدوم ... ميه سنه
++++++++++++++++++++++++++++++++
العجـاف اتمـر عليهم و انـه بفيايـك عشت
العندي والمابين اديه كله من خيرك شفـت
الحيـاء بوجهـي باقي لني علتربه اسجدت
يالذبيح بغربه ضامي ماي الوجوه احفظت
باب غيرك ماندگ .. انته العشگ .. و انته الـدوه
نموت نحيه مايهم .. انته المهم .. و انته الهـوه
نحيه واندوم .. ابسود الهدوم .. ميه سنه
++++++++++++++++++++++++++++++++
بخاطري عايش ذبيح وشايفك فوگ الرمح
بـس احسـنـك مـلاذي وگلبي يمك ينشـرح
العجيبـه المرهم انته والدوه وانته الجـرح
منين ما أنظـر دَليل ونور چـن نـور الصبـح
يوم يحضرني الاجل .. خير العمل .. بعد العنه
خدمة حسين السبط .. بيهه شرط .. خير وهنه
آ يامظلوم .. ابسود الهدوم .. ميه سنهه
++++++++++++++++++++++++++++++++
ابخدمتـك مـن اباهـي رافگـت خير البشـر
ربعي اصحاب المواكب ربعي مشاية صفر
ما نعوفك مـو بدينـه بينه غيره من الگمـر
حته بالمحشـر نطـالب باجـر ابثـار النحـر
بساحة المحشر غداً .. ام الحسن .. تصرخ هلـه
بجيت اصحاب الوفه .. والعاطفه .. وحب كربله
خـَله ليّلوم .. ابسود الهدوم .. ميه سنه
++++++++++++++++++++++++++++++++
السنين اشمـا عشتهه الامنيه ويـه الخـدم
اسمي مكتوب وكتابي اتأشره بيدك بلقلم
ولو يصح ساعه نشوري ألفي شايلك علـم
بيه مكتـوب ابدمائـي مروتك يابو الشيـم
انطيح وانبوس القدم .. شيعه وخدم .. لو نلثمه
انطيـر بجنـاح الفـرح .. نشرب قدح .. من فاطمه
هاذه معلوم .. ابسود الهدوم .. ميه سنه
++++++++++++++++++++++++++++++++
حيدر العمار الخزعلي
.
قصيدة ( ماشفنه اي ذله )
خدمه
ـــــــــــــــــــــــــــــــــــــــــــــــــــــــــــــــــ
ماشفنه اي ذله
بالخدمه نتعله .. خدمتنه يا ناس
مصدر سعادتنه
بالجنه كشختنه .. والتاج عالراس
خدمتنه ياناس
∆∆∆∆∆∆∆∆∆∆∆∆∆∆∆∆∆∆∆∆∆
عوف السوالف والحچي والقيل والقال
عنـدي دليـل آبخـدمتي ايهـــد الجبــال
عبـاس مهيـوب الزلـم مـا مثلـه خيــال
دومـه ينـادي سيـدي يا خـويه ما گـال
خادم إله الكافل
لو يسئل السائل .. ولأخر انفـاس
ما ينظر ابعينه
واهداله چفينه ... الهيبه عباس
والتاج عالراس
خدمتنه ياناس
∆∆∆∆∆∆∆∆∆∆∆∆∆∆∆∆∆∆∆∆∆
فطرس هُبط من السمه آبلايه جنحين
الله استجاب لدعوته مـن هَـز الحسين
بكاروكـه چلب يندعي ادمـوعه شَطين
رد ونبت ريش الجنـح بجناحه الثنيـن
فطرس نزل خادم
يـم السبط نـادم .. لوتعرف الصار
رد ونبت جنحهه
ما شالته الفرحه .. لمـن رجع طـار
والتاج عالراس
خدمتنه ياناس
∆∆∆∆∆∆∆∆∆∆∆∆∆∆∆∆∆∆∆∆∆
ام البنيـن الاربعـــــه ضحـت بـالسبـــاع
صاحت سبيل بخدمته وتحملت اوجاع
وبنت الزچيه الطاهره چانت على الگاع
تفرشلــــه وادنـگ إلـه ولأمـره تنصـــاع
من زغره خادمته
هاي العقيله اخته ... مـا عـافتـه بيوم
امچلبه بذيالــه
واتكفلت اعيالـه ... مـن هجمو الگوم
والتاج عالراس
خدمتنه ياناس
∆∆∆∆∆∆∆∆∆∆∆∆∆∆∆∆∆∆∆∆∆
انه بخدمته افتخر و اليحچي بطران
باجر يموت ويكتشف يا هوه خسران
انه الخدامه و دمعتي سوتني انسـان
هيه الربـح بالأخـره مو مال و اخوان
الخدمه مركبنه
تنجي و تقرُبنه ... من باب الجنان
البـاري سواهـه
والمنجه خلاهه ... ابكـل الازمـان
والتاج عالراس
خدمتنه ياناس
∆∆∆∆∆∆∆∆∆∆∆∆∆∆∆∆∆∆∆∆∆
عندي بشاره للبچـه و الگلبـه مصيوب
بالخدمه يزداد البخت وتصير مهيـوب
لحسين سيد كل وكت سلطان الگلوب
الخدمه يَمه مُربحه وعِد غيره مگلوب
العــزه و النعمـه
بخدمة ابو اليمه ... وبدمعة العين
كل الفخر بيهه
وربك يجازيهه ... خـدام الحسين
والتاج عالراس
خدمتنه ياناس
∆∆∆∆∆∆∆∆∆∆∆∆∆∆∆∆∆∆∆∆∆
حيدر العمار الخزعلي
.