Еўрарадыё | Еврорадио

25 April 2025 14:31

На вайне ва Украіне загінуў сын намесніка дырэктара ЦРУ. 21-гадовы Майкл Глос служыў у разанскім дэсанце.

Глос патрапіў у расійскае войска ў 2023 годзе пасля таго, як некалькі месяцаў падарожнічаў па свеце. Падчас паездкі ў Турцыю ён задумаўся пра тое, каб паехаць у Расію. "Ён хацеў ваяваць з ЗША. Але па-мойму, на яго моцна паўплывалі відэа з тэорыямі змовы", — распавёў знаёмы амерыканца.

Пасля падарожжа па гарадах Расіі Майкл Глос заключыў кантракт з Мінабароны РФ, прайшоў падрыхтоўку ў трэніровачным цэнтры "Авангард" у Маскоўскай вобласці, а пасля трапіў у полк ПДВ у Разані. Ён загінуў 4 красавіка 2024 года ў Данецкай вобласці.

Еўрарадыё | Еврорадио

25 April 2025 13:24

"Хто там шукаў працу з вялікай колькасцю выходных?" Аддзяленне "Беларусбанка" ў Барысаве працуе тры дні на тыдзень. Акрамя суботы і нядзелі выходныя там — панядзелак і пятніца.

Адзін з каментатараў растлумачыў, што ў гэтае аддзяленне супрацоўнікі прыходзяць працаваць з іншага якое працуе па панядзелках і па пятніцах, але закрытае па середах і па чацвяргах. "Так што не ўсё так салодка".

Еўрарадыё | Еврорадио

25 April 2025 12:16

"З тысячы чалавек будуць у нас, дапусцім, 60 ці 100 чалавек замежнікаў. Гэта нармальная практыка", — Лукашэнка пачаў сам апраўдвацца за запрашэнне ў Беларусь 150 тысяч пакістанскіх рабочых.

Ён прызнаў, што ў Беларусі праблемы з прадукцыйнасцю працы. Яна "ў два-тры разы ніжэйшая, чым у Еўрасаюзе": "Нам давядзецца ў бліжэйшай будучыні пагадзіцца на тое, што ў нас будуць працаваць людзі з іншых краінаў. І перш за ўсё краінаў азіяцкіх".

60 ці 100 чалавек з тысячы — гэта агулам ад 540 тысяч да 900 тысяч замежнікаў, калі лічыць ад цяперашняга насельніцтва Беларусі. Лукашэнка адзначыў, што працоўныя мігранты мусяць быць "разгрупаваныя па тэрыторыі Беларусі".

Еўрарадыё | Еврорадио

25 April 2025 11:28

У Балашыхе пад Масквой выбухнуў аўтамабіль чарговага расійскага генерала. Намеснік начальніка Галоўнага аператыўнага ўпраўлення Генштаба Узброеных сіл Расіі Яраслаў Маскалік загінуў.

У 2015-м вайсковец прыязджаў у Мінск — ён уваходзіў у кантактную групу па Данбасе.

Еўрарадыё | Еврорадио

25 April 2025 10:41

Цягнік збіў дзяўчыну на вакзале ў Оршы. Яна цудам засталася ў жывых.

Дзяўчыне 23 гады, яна прыехала ў Оршу з Сенненскага раёна, піша @orshaeu. Яна была ў навушніках і заўважыла цягнік у апошні момант, але паспела зрабіць крок назад.

Еўрарадыё | Еврорадио

25 April 2025 09:56

Каго глядзець/слухаць сёння на @euroradio? Трымайце анонс эфіраў на пятніцу:

14:00 — гісторык і палітычны аглядальнік Аляксандр Фрыдман

15:00 — блогер і палітык Аляксандр Кныровіч

16:00 — прадстаўнік аб'яднання BELPOL Уладзімір Жыгар

Глядзіце стрымы EuroradioLive">на ютуб-канале Еўрарадыё, задавайце пытанні!

Еўрарадыё | Еврорадио

25 April 2025 09:12

Арыштаваныя актывы расійскага выдаўца гульняў World of Tanks, World of Warships і Tanks Blitz. Сутнасць прэтэнзій да кампаніі "Леста Гульні" пакуль неясная. Там кажуць, што "праблема вырашаецца" і "працоўныя працэсы ідуць у стандартным рэжыме":

"Мы нічога не парушылі і нам няма чаго баяцца".

Раней "Леста" ўваходзіла ў склад Wargaming, кіпрскага распрацоўшчыка з беларускімі каранямі. У 2022 годзе Wargaming вырашыў сыйсці з беларускага і расійскага рынкаў. Гэтая частка бізнесаў кампаніі была прададзеная "Лесце".

Днямі прапагандыст Аляксандр Шпакоўскі, які цяпер працуе ў Расіі, заявіў, што "адзін з топ-менеджараў кампаніі Wargaming <...> прафінансаваў няўдалую спробу дзяржаўнага перавароту на суму 296 тысяч долараў":

"Трэба разумець, што ў 2020 годзе, ад якога ўжо аж зубы зводзіць, у адной запрэжцы з замежнай агентурай да ўлады рвалася буйная па беларускіх мерках буржуазія. І гэтая праслойка сваіх спробаў не пакіне. Пакуль проста ўзялі часовую перадышку".

Еўрарадыё | Еврорадио

25 April 2025 08:20

У Мінску абвясцілі пераможцаў аўтамабільнай прэміі "Маскот-2024". Меркаванні кіроўцаў і экспертаў наконт лепшага аўтамабіля года разыйшліся.

Паводле аўтааматараў, лепшым стаў поўнапамерны красовер Volvo XC90. А вось эксперты абыйшлі ўвагай шведскую машыну, аддаўшы перавагу прадукцыі расійскага аўтапрома — універсалу Lada Vesta SW Cross.

Ну-ну.

Еўрарадыё | Еврорадио

25 April 2025 07:39

Албанія адмяніла бязвізавы рэжым для грамадзянаў Беларусі. 24 красавіка ўрад гэтай краіны ўхваліў рашэнне, прапанаванае міністрам Еўропы і замежных справаў. Яно адразу ж набыло моц.

Бязвіз з Албаніяй у Беларусі дзейнічаў са снежня 2019 года. Па звычайных пашпартах беларусы маглі знаходзіцца там да 30 дзён з даты ўезду.

Еўрарадыё | Еврорадио

24 April 2025 20:05

"Такіх грошай у людзей няма": як чыноўнікі малююць заробкі беларусам

Паводле звестак Белстат, у Беларусі сярэдні заробак расце, расце і расце.

Чытаць тут: euroradio.fm/takikh-groshay-u-lyudzey-nyama-yak-chynouniki-malyuyuc-zarobki-belarusam

А гэтая спасылка адкрыецца і без VPN

Еўрарадыё | Еврорадио

24 April 2025 19:26

Чаму ў Беларусі такое неэмпатычнае стаўленне да людзей з абмежаванымі магчымасці?

На гэтае пытанне ў эфіры @euroradio адказвае лекар Станіслаў Салавей.

Цалкам стрым тут: youtube.com/watch?v=AORf8Ar0xNk

Еўрарадыё | Еврорадио

24 April 2025 18:12

Забруджанне вады, хваробы: якая небяспека ад сажалкі-назапашвальніка пад Жодзінам?

"Парушэнне працы нырак, печані, нервовай сістэмы і павышэнне рызыкі анкалагічных захворванняў".

Еўрарадыё | Еврорадио

24 April 2025 17:16

Расследаванне: беларускі "Ізавак" пастаўляе прадукцыю расійскаму ВПК.

А калісьці кампанія супрацоўнічала з Apple і Tesla.

Чытаць тут: euroradio.fm/belaruski-izavak-pastaulyae-pradukcyyu-rasiyskamu-vpk-rassledavanne

А гэтая спасылка адкрыецца і без VPN

Еўрарадыё | Еврорадио

24 April 2025 16:26

Ад 12 да 20 гадоў. У Мінску "завочна" асудзілі пяцярых беларускіх добраахвотнікаў палка імя Кастуся Каліноўскага.

Акрамя буйных тэрмінаў ім таксама прызначылі штрафы ад 21 000 да 147 000 рублёў.

Еўрарадыё | Еврорадио

24 April 2025 15:31

На ABBA падалі ў польскую пракуратуру. Скандал разгарэўся вакол нібы няякасна аказаных паслуг па відэапрадакшне.

Чытаць тут: euroradio.fm/na-abba-padali-u-polskuyu-prakuraturu-arganizacyya-vysunula-sustrechny-isk

А гэтая спасылка адкрыецца і без VPN

Еўрарадыё | Еврорадио

25 April 2025 14:04

Цягнікі ізноў пойдуць з Беларусі ў Літву? Пакістанцы трыгенрулі прыхільнікаў Лукашэнкі. Стрым з Аляксандрам Кныровічам

Літва не адмовіла "Беларускай чыгунцы" адразу, а вырашыла падумаць над прапановай вярнуць рух пасажырскіх цягнікоў паміж Мінскам і Вільняй. Ці магчыма гэта на фоне патэнцыйнага прыбыцця ў Беларусі 150 тысяч пакістанцаў з сем'ямі і абмежаванняў, уведзеных на ўезд у Літву для аўтамабіляў на беларускіх нумарах?

Абмяркуем гэта з блогерам і палітыкам Аляксандрам Кныровічам. Таксама пагаворым пра тое, колькі працоўных мігрантаў з Азіі трэба ўвесці ў Беларусь, каб замяніць тых, хто з'ехаў на Захад, і чаму гэтая лічба найбольш трыгерыць прыхільнікаў Лукашэнкі. Глядзіце стрым тут, задавайце пытанні: https://www.youtube.com/watch?v=7K6kpJYCxJ4

Еўрарадыё | Еврорадио

25 April 2025 13:02

“План Трампа”: ці скончыцца ён выхадам ЗША з NATO і мірных перамоў? Стрым з Аляксандрам Фрыдманам.

Трамп "здзіўлены і ўпотай раздражнёны" тым, што Пуцін не праявіў "большай гнуткасці" для спынення вагню ва Украіне. Відаць, каб дамагчыся гэтай гнуткасці, у Маскву ў чацвёрты раз прыляцеў Сціў Уіткаф. Тым часам ва Украіне рыхтуюцца да таго, што вайну давядзецца працягваць без дапамогі з боку ЗША.

На "кітайскім фронце" ў ЗША таксама нічога не атрымліваецца. Падобна да таго, што Вашынгтон рады быў бы адкаціць сітуацыю на момант да пачатку гандлёвай вайны. Але цяпер умовы ўжо дыктуе Пекін — і там ад амерыканцаў патрабуюць увогуле адмяніць тарыфы на кітайскія тавары.

Ці можа канфлікт паміж Пакістанам і Індыяй скончыцца ядзернай вайной? Чаму рэжым гатовы амніставаць асуджаных па наркатычных артыкулах, але на палітычных працягвае ціснуць? Гэтыя ды іншыя тэмы абмяркоўваем з палітычным аглядальнікам, гісторыкам Аляксандрам Фрыдманам: https://www.youtube.com/watch?v=NGX-8Fbfj_4

Еўрарадыё | Еврорадио

25 April 2025 11:50

1500 легкавікоў і 32 аўтобусы чакаюць пад Брэстам выезда з Беларусі ў Еўрасаюз. А ўвогуле на межах з Польшчай, Літвой і Латвіяй сабралася 3700 аўтамабіляў — гэта калі ўлічыць і легкавікі, і аўтобусы, і фуры.

Шалёныя чэргі ўтварыліся пасля Вялікадня і ўсё ніяк не хочуць рассмоктвацца. Беларусы, якія на святы прыехалі дадому, цяпер вяртаюцца ў краіны ЕС.

Еўрарадыё | Еврорадио

25 April 2025 11:02

Літва разглядае прапанову Беларусі пра ўзнаўленне руху пасажырскіх цягнікоў. Адмова пакуль не прагучала.

"Прапанова атрыманая. Яна абмяркоўваецца адказнымі органамі. Калі будзе прынятае канчатковае рашэнне, мы праінфармуем грамадскасць", — цытуе "Новая газета. Балтия" прэс-сакратара Міністэрства транспарту і сувязі Літвы Лукаса Пашкявічуса.

"Беларуская чыгунка" звярнулася з аналагічнымі прапановамі таксама да Латвіі і да Польшчы. Пасажырскае спалучэнне Беларусі з краінамі Еўрасаюза было спыненае ў 2020 годзе: спачатку праз пандэмію COVID-19, а пазней на фоне пагаршэння палітычнай сітуацыі.

Раней на аналагічныя ініцыятывы Беларусь атрымлівала адмовы.

Еўрарадыё | Еврорадио

25 April 2025 10:21

Беларусы склалі "Гайд палітзняволення" — унікальную кнігу, заснаваную на малюнках палітвязняў. "Яе мэта — нагадаць, што за сухімі зводкамі і лічбамі стаяць жывыя людзі, чые лёсы закранулі тысячы сэрцаў".

Кніга выйдзе на беларускай і ангельскай мовах. Беларуская версія ўжо даступная — яе можна бясплатна замовіць, напісаўшы ў дырэкт акаўнту @project361.1 у інстаграм.

Памятайце пра бяспеку: пры камунікацыі ў інстаграме заўжды бачны ваш нікнэйм. Мы не рэкамендуем замаўляць "Гайд палітзняволення", калі вы жывеце ў Беларусі ці ездзіце туды, і калі па вашым нікнэйме можна зразумець, хто вы.

Еўрарадыё | Еврорадио

25 April 2025 09:35

Адміністрацыя Трампа паказала Украіне і Расіі "фінішную прамую" на шляху да міру, і цяпер "трэба, каб яны сказалі «так»". Такую пазіцыю Белага дома агучыў сёння Дзяржаўны сакратар ЗША Марка Рубіа.

Ён анансаваў новыя сустрэчы па мірным урэгуляванні ва Украіне. Якраз цяпер у паветраную прастору Расіі ўвайшоў амерыканскі самалёт, на борце якога, імаверна, знаходзіцца прадстаўнік Трампа Сціў Уіткаф. Мяркуецца, што ён сёння чарговы раз пагаворыць з Пуціным.

Таксама Рубіа пракаментаваў расійскі ракетны ўдар па Кіеве, назваўшы яго напамінам усім, чаму гэтая вайна павінна скончыцца.

Еўрарадыё | Еврорадио

25 April 2025 08:41

Кранальнае і жахлівае фота. Пара загінула, трымаючыся за рукі, падчас расійскай ракетнай атакі на Кіеў уночы на 24 красавіка.

У Кіеве сёння абвешчаная жалоба.

Дональд Трамп, даведаўшыся пра атаку, заклікаў Пуціна скончыць абстрэл. "Уладзімір, СПЫНІСЯ!", — напісаў ён ва ўласнай сацсетцы Truth. А крыху пазней, адказваючы на пытанне журналіста, ён сказаў, што разлічвае, што прэзідэнт Расіі прыслухаецца да яго закліку.

Але той не прыслухаўся. Ужо гэтай ноччу расіяне ўдарылі дронамі па Паўлаградзе. Адзін з іх трапіў у пяціпавярховік — загінулі трое мірных жыхароў, у тым ліку дзіця.

Еўрарадыё | Еврорадио

25 April 2025 08:00

Расце напружанасць паміж Індыяй і Пакістанам. Сёння вайскоўцы абмяняліся стрэламі на мяжы.

І так не вельмі добрыя адносіны паміж краінамі сапсаваліся пасля таго, як тэрарысты расстралялі 26 турыстаў у індыйскай частцы Кашміра. МЗС Індыі ануляваў візы, выдадзеныя пакістанцам, і спыніў рух праз адзіны пункт перасячэння сухапутнай мяжы. Пакістан закрыў сваю паветраную прастору для індыйскіх авіякампаній.

І ў Індыі, і ў Пакістана ёсць ядзерная зброя.

Еўрарадыё | Еврорадио

24 April 2025 21:06

Важныя падзеі і сэнсы чацвярга, 24 красавіка, у праграме ЕЎРАЗУМ:

01:01 Вакцынацыя ад ВПЧ: чаму гэта неабходна

08:12 Навіны спорту

09:57 Уварвацца ў чужы сусвет: ці паразумеюцца тыя, хто з’ехаў і хто застаўся?

20:50 Навіны шоў-бізу

23:32 Як спыніць падзенне экспарту з Беларусі

Еўрарадыё | Еврорадио

24 April 2025 19:45

Сёння ўдзень Еўрарадыё апублікавала тэкст пра юрыдычныя разбіральніцтвы паміж кампаніяй Lodka Productions і Асацыяцыяй беларускага бізнесу за мяжой (ABBA). У загалоўку гэтага тэксту была дапушчаная памылка: насамрэч ABBA не складала сустрэчны пазоў супраць Lodka Productions.

Выпраўляем яе і прыносім прабачэнні Асацыяцыі беларускага бізнесу за мяжой і асабіста яе сузаснавальніцы Марыне Гірын.

Еўрарадыё | Еврорадио

24 April 2025 18:45

Святлану Ціханоўскую запрасілі на пахаванне Папы Рымскага. Пра гэта яна паведаміла ў сваім тг-канале @tsikhanouskaya

Ціханоўская даручыла свайму дарадцу Дзянісу Кучынскаму ўзначаліць дэлегацыю і ўзяць удзел у афіцыйных мерапрыемствах з нагоды пахавання Папы, якое адбудзецца 26 красавіка.

Еўрарадыё | Еврорадио

24 April 2025 17:32

Беларускі самбіст Эдуард Куцко стаў чэмпіёнам Еўропы па баявым самба. На турніры ў Лімасоле ён перамог сапернікаў з Босніі, Сербіі, Арменіі, а ў фінале разграміў расіяніна Аляксея Іванава — 8:0.

Гэта другое “золата” беларусаў на турніры, дзе яны выступаюць у нейтральным статусе. Раней чэмпіёнкай Еўропы стала Марыя Кандрацьева.

Еўрарадыё | Еврорадио

24 April 2025 16:41

Беларускі гурт Molchat Doma выступіць на буйным польскім летнім фэсце Open'er. Ён пройдзе ў Гдыні з 3 па 5 ліпеня.

Сярод хэдлайнераў заяўленыя Linkin Park, Massive Attack, Nine Inch Nails. Ну і Molchat Doma, вядома.

Еўрарадыё | Еврорадио

24 April 2025 15:55

Незалежныя эксперты ААН раскрытыкавалі карную псіхіятрыю ў Беларусі. Яны паведамілі пра 33 выпадкі прымусовага псіхіятрычнага пакарання.

Еўрарадыё | Еврорадио

24 April 2025 15:10

Лукашэнка не паедзе на пахаванне папы Рымскага Францішка. Замест яго туды накіруюць Ігара Сергеенку.

Да снежня 2024 года Сергеенка кіраваў адміністрацыяй Лукашэнкі, зараз ён спікер парламента. З лістапада 2020 года ён знаходзіцца ў санкцыйным спісе ЕС.

Развітанне з Францішкам пройдзе 26 красавіка ў Ватыкане.