dissidentby

08 March 2024 12:38

👑 8 сакавіка - дзень барацьбы за правы жанчын

У Беларусі вельмі шмат цудоўных жанчын. Яны - маці, яны - прафесіяналкі, яны - журналісткі, яны - мастачкі, яны - студэнткі. А яшчэ яны не баяцца праяўляць сваю грамадзянскую пазіцыю і нават з-за кратаў дараць нам свае ўсмешкі, каб мы працягвалі змагацца за лепшы свет і за свободу для ўсіх палітвязняў ❤️

З 2020 пад крымінальны пераслед патрапілі як мінімум 1332 жанчыны:
▪️171 жанчына наўпрост зараз у зняволенні;
▪️ 1 жанчына на хатнім арышце;
▪️ 516 жанчын на "хатняй хіміі";
▪️ 18 жанчын знаходзіцца ў ПУАТ;
▪️ 141 жанчына выйшла на волю пасля адбыцця пакарання;
▪️ 12 жанчын атрымалі штраф;
▪️ 105 жанчын вымушана пакінулі краіну, каб не быць арыштаванымі;
▪️ 2 жанчыны былі асуджаны на тэрміны з адтэрміноўкай;
▪️ 1 жанчына - Марыя Успенская - знаходзіцца ў шпіталі на прымусовым лякаванні;
▪️ 3 жанчыны былі дэпартаваны;
▪️ 15 жанчын пад падпіскай аб нявыездзе;
▪️ у адносінах да 4 жанчын спынілі крымінальны пераслед;
▪️1 жанчына на псіхіатрычным уліку;
▪️ Лёс 340 жанчын нам невядомы.

Падтрымаць жанчын вы можаце наўпрост даслаўшы ліст праз наш сайт. Акрамя таго, рабіце акцыі з іх патрэтамі, пішыце пасты, распавядайце ўсім сваім знаёмым пра сітуацыю ў Беларусі і дапамагайце жанчынам вакол вас 👍

dissidentby

07 March 2024 18:28

❗️ У Карэліі супрацоўнікі ФСБ забілі Мікалая Аляксеева - актывіста з Беларусі.

49-гадовы Мікалай Аляксееў загінуў 6 сакавіка ў Аланецкім раёне Рэспублікі Карэлія (Расія). Аляксееў — актывіст з Беларусі, удзельнік пратэстаў 2020 года.

Паводле інфармацыі расійскіх сілавікоў, напярэдадні Аляксеева высачылі каля суседняй вёскі, дзе ён хаваў выбухоўку. А калі яго прыйшлі арыштоўваць, аказаў супраціў і быў забіты. ФСБ называе яго членам «Палка Каліноўскага» і заяўляе, што Аляксееў збіраўся закласці выбухоўку ў будынку адміністрацыі Аланецкага раёна Карэліі.

"Наша Ніва" паведамляе, што Мікалай Аляксееў актыўна выступаў супраць Лукашэнкі, публікаваў фатаграфіі з пратэстаў у 2020 годзе, размяшчаў у сацыяльных сетках пасты аб парушэннях правоў чалавека ў краіне. Па інфармацыі расійскіх сілавікоў, у 2022 у Беларусі яго абвесцілі ў вышук за «абразу Лукашэнкі».

Сям'я Аляксеева - шматдзетная. Без бацькі засталіся чацвера дзяцей.

dissidentby

06 March 2024 11:31

🥷 Анархіст Вячаслаў Касінераў распавёў, як спрабаваў уладкавацца ў міліцыю

У нашай праграме «Шчыра кажучы» на дэтэктары хлусні Вячаслаў падзяліўся гісторыяй, як мог і чаму не захацеў працаваць у міліцыі. Чаму хлопец мог бы навучыць сілавікоў – даведайцеся, паглядзеўшы відэа.

Цалкам размову з Вячаславам глядзіце на YouTube-канале БЕЛСАТ NEWS.

dissidentby

04 March 2024 14:19

#dissidentby

🙌 Нашы вынікі ў студзені:

👉 17 чалавек атрымалі падтрымку:
- 1 вязень знайшоў свайго Вартаўніка;
- 17 чалавек атрымалі фінансавую дапамогу;
👉 177 лістоў вы пацвердзілі праз наш сайт, 93 ліста мы атрымалі на сайт і даслалі;
268 лістоў мы апрацавалі і захавалі ў Банк Лістоў;
👉 3475 BYN вы пацвердзілі праз наш сайт;
👉 227 запытаў мы атрымалі ў Тэлеграм-бот;
🆘 133 чалавекі мы дадалі на сайт за месяц;
👉 у дачыненні да 127 (мінімум) чалавек адбыліся судовыя паседжанні па крымінальных справах.

Як дапамагчы з перадачамі палітвязням?
▪️ Стаць Вартаўніком/ніцай і падтрымліваць канкрэтнага вязня/вязынку рэгулярна;
▪️ Зрабіць разавы данат ад 15$ або 30$ і атрымаць унікальны мерч;
▪️ Падпісацца на Patreon (гэта важна! грошы ідуць на перадачкі);
▪️ Разава падтрымаць вязняў;
❗️ Дапамагчы сабраць пасылку ў калонію;
▪️ Наш бот: @dissidentby_bot

🖤 Дзякуй!

dissidentby

01 March 2024 15:05

Знайшоўся Сяргей Ерамееў

Сяргей Ерамееў, якога вінавацяць у выбухах на чыгунцы ў Бураціі, знойдзены ў СІЗА «Лефортава» у Маскве.

Ягонае месцазнаходжанне спрабавалі вызначыць беларускія праваабаронцы. Ім дапамаглі ў гэтым расейскія калегі. Бліжэйшым часам да Сяргея Ерамеева паспрабуе патрапіць адвакат.

Сяргея Ерамеева арыштавалі летась у снежні. Яму закідваюць у віну арганізацыю падрываў двух грузавых чыгуначных саставаў у тунэлі БАМ у лістападзе 2023 года. У выніку чаго магістраль была цалкам паралізаваная. Пасля арышту Сяергея Ерамеева этапапавалі ў СІЗА ва Улан-Удэ. Пазней месяц ягонае месцазнаходжанне было невядомае.

Калі ласка, падтрымайце беларуса Сяргея Ерамеева лістом альбо бандэроллю.

Адрас:
111020, Масква, вул. Лефортаўскі вал, д.5, корп. 2, СІЗА-2

dissidentby

26 February 2024 13:57

#dissidentby

За мінулы тыдзень на волю выйшаў 1 палітвязень. Акрамя таго, некаторыя вязні былі асуджаны на тэрміны, не звязаныя з пазбаўленнем волі.

🔗 Новыя палітвязні: Наталля Гаўрон, Наталля Антонава, Ульяна Яковіч, Дзяніс Носаў, Аляксандр Сысоеў, Радзівон Касцінец.

👍 Вы заўседы можаце даслаць лісты палітвязням праз наш сайт ананімна і бясплатна.

Спіс палітвязняў: https://stayrebel.fun/by/political (даступны без VPN)

💬 Калі вам вядома пра судовыя выракі, калі ласка, паведамляйце праваабаронцам. Вы заўседы можаце ананімна напісаць нам праз сайт.

dissidentby

20 February 2024 13:10

#dissidentby

🔍 У Гродненскім Абласным судзе пачнуць разглядаць справу, звязаную з аэрадромам Мучулішчы.

У праўладным фільме "Гаспар не вышел на связь" распавялі пра затрыманых Вадзіма Пацэнка і Аляксея Кулікова. 26 лютага суддзя Раманоўскі Валерый Яцэнтавіч разгледзіць справу. Вадзіма і Аляксея будуць судзіць па пяці артыкулах, сярод якіх арт. 126 ч.3 "Акт міжнароднага тэрарызму" і арт. 358-1 "Агентурная дзейнасць".

⁉️ Што вядома пра абвінавачаных:

▪️ Вадзім Пацэнка - 22 гады, родам са Свіслачы. Служыў у войску, а пасля пераехаў жыць у Гродна. Займаўся спортам, напрыклад, прадстаўляў родны горад на юніёрскім спартыўным мнагабор'і. Па легендзе КДБ, агучанай у праўладным фільме на АНТ, павінен быў здзейсніць дыверсію ў Гродне. На кадрах допыту ён кажа, што яму нібыта паставілі задачу падарваць нафтабазу з дапамогай робата са сваёй нагі і выбухоўкі;

▪️Аляксей Кулікоў - у праўладным фільме расказваюць, што Аляксей нібыта здымаў на фота аб'екты ў Гродне — ваенкамат Гродна і Гродзенскага раёна, вайсковую часць 41780, нафтабазу раёна Аўльс, нафтабазу раёна генконсульства РФ. У Аляксея няма блізкіх сваякоў, якія б маглі яго падтрымаць у зняволенні.

Вядома, што мужчыны разам працавалі.

👍 Падтрымаць Вадзіма і Аляксея можна напісаўшы ліст праз наш сайт, а таксама даслаўшы пасылкі: Турма-1, Гродна, вул. Кірава 1, 230023

📍 Па справе дыверсіі ў Мачулішчах быў затрыманы Мікалай Швец, якога называюць галоўным выканаўцам. Таксама па гэтай справе быў асуджаны Дзмітрый Маставой, які нібыта перадаваў трансляцыю з аэрадрома беларускім тг-каналам. Мужчыну асудзілі на 10 гадоў пазбаўлення волі.

dissidentby

19 February 2024 14:04

#dissidentby

📌 Сябры, вы ведаеце, што мы ў кожнай сваей справе працуем і намагаемся працаваць вельмі ўважліва, каб сапраўды дапамагчы ў вашых запытах. Зараз у нас ёсць мажлівасць распачаць падтрымку для былых палітзняволеных, якія шукаюць працу або новыя навыкі.

🖥 Калі вам цікава і вам неабходна такая дапамога, калі ласка, пакіньце свае кантакты ў форме на нашым сайце. Наша праца заўсёды індывідуальная, таму звярніце ўвагу, што нам будзе неабходна правесці размову з вамі, каб надаць тую дапамогу, якая вам пасуе.

👍 Таксама нагадаем, калі ў вас/знаемых есць прапановы працы, калі ласка, паведамляйце нам.

dissidentby

14 February 2024 17:13

#dissidentby

❗️ Стала вядома, што ў межах рэйду 23-24 студзеня людзей затрымлівалі ў тым ліку ў межах справы адносна нашай ініцыятывы Dissidentby (29 лістапада 2023 улады РБ прызналі нас экстрэмісцкім фармаваннем). Пра гэта паведамляюць сведкі ў адкрытых крыніцах.

Мы таксама атрымалі пастановы аб узбуджэнні крымінальных справаў. Так, адносна людзей, якія на думку сілавікоў супрацоўнічалі з dissidentby, вінавацяць па арт. 361-4 ч.2 КК РБ.

Акрамя таго, асобна крымінальная справа ўзбуджана ў дачыненні да Касінеравай Марыны па ч. 1 і 3 арт. 361-1 КК РБ, у сувязі з чым адбываўся вобшук па месцы прапіскі.

"По мотивам политической и идеологической вражды создали экстремистское формирование, осуществляющее деятельность по планированию, организации, подготовке и совершению посягательств на независимость, территориальную целостность, суверенитет, основы конституционного строя, общественную безопасность Республики Беларусь.

Косинерова М.С. и иные лица на регулярной основе посредством созданных и управляемых ими ресурсов сети Интернет, размещают призывы, заключающиеся в:
- дискредитации действующей власти и правоохранительных органов;
- заведомо неправомерной легитимизации действий лиц, совершивших правонарушения и преступления, в том числе путем придания им псевдостатусов "политзаключенных" и "жертв режима";
- призывах к формированию экстремистских групп и структур в целях открытого активного противостояния сотрудникам правоохранительных органов, насилия над личностью, неповиновения и сопротивления представителям власти;
- распространении информации о деятельности экстремистского формирования в целях подстрекательства лиц к совершению преступлений и правонарушений экстремистской направленности под гарантии нивелирования последствий привлечения к ответственности".

⚡️ Мы працягваем сваю дзейнасць па дапамозе пацярпелым ад рэпрэсій і будзем працягваць пакуль усе не будуць вольныя.

🖥 Паведамляйце праваабаронцам пра палітычны пераслед: stayrebel.fun (працуе без VPN).

dissidentby

12 February 2024 21:30

#dissidentby

За мінулы тыдзень на волю выйшлі 5 палітвязняў. Акрамя таго, некаторыя вязні былі асуджаны на тэрміны, не звязаныя з пазбаўленнем волі.

🔗 Новыя палітвязні: Ірына Такарчук, Іван Сухамераў, Алена Тоцкая, Яўген Глушкоў, Сяргей Соц, Генадзь Жукель, Вікторыя Казакова, Вераніка Казак, Ілля Цялічэнка.

👍 Вы заўседы можаце даслаць лісты палітвязням праз наш сайт ананімна і бясплатна.

Спіс палітвязняў: https://stayrebel.fun/by/political (даступны без VPN)

💬 Калі вам вядома пра судовыя выракі, калі ласка, паведамляйце праваабаронцам. Вы заўседы можаце ананімна напісаць нам праз сайт.

dissidentby

06 February 2024 12:36

🔜 ПРЭС-КАНФЕРЭНЦЫЯ ПРАВААБАРОНЦАЎ ПА ТЭМЕ ПАЛІТВЯЗНЯЎ І ДАПАМОГІ ІХ СЕМ'ЯМ

Напрыканцы студзеня рэжым Лукашэнкі рукамі КДБ зладзіў у Беларусі чарговую акцыю застрашэння і рэпрэсій. Сілавікі правялі масавыя затрыманні сваякоў палітычных зняволеных, а таксама неабыякавых людзей, якія падтрымлівалі пераследуемых па палітычных матывах.

🔖9 лютага ў 14.00 на прэс-канферэнцыі прававую ацэнку сітуацыі дадуць спецыялісты ПЦ "Вясна", фондаў BYSOL і BYHELP, фонду "Краіна для Жыцця", ініцыятывы Dissidentby і грамадскай арганізацыі "Хрысціянская Візія".

Эксперты падзеляцца сваім бачаннем, агучаць карысныя рэкамендацыі для ўсіх, хто ўключаны ў працэс падтрымкі і дапамогі пацярпелым ад рэпрэсій.

📍Беларускі Моладзевы Хаб (Варшава, вуліца Doźynkowa, 6a).
✔️Рэгістрацыя не патрэбная, уваход вольны

dissidentby

04 February 2024 15:04

#dissidentby

🙌 Нашы вынікі ў студзені:

👉 20 чалавек атрымалі падтрымку:
- 7 вязняў знайшлі сваіх Вартаўнікоў/ніц;
- 2 разы вы дапамаглі нематэрыяльна вязням;
- 18 чалавек атрымалі фінансавую дапамогу;
👉 237 лістоў вы пацвердзілі праз наш сайт, 117 лістоў мы атрымалі на сайт і даслалі;
243 ліста мы апрацавалі і захавалі ў Банк Лістоў;
👉 1732 BYN вы пацвердзілі праз наш сайт;
👉 5 кг вы пацвердзілі праз наш сайт;
👉 424 запытаў мы атрымалі ў Тэлеграм-бот;
🆘 180 чалавек мы дадалі на сайт за месяц;
👉 у дачыненні да 118 (мінімум) чалавек адбыліся судовыя паседжанні па крымінальных справах.

Як дапамагчы з перадачамі палітвязням?
▪️ Стаць Вартаўніком/ніцай і падтрымліваць канкрэтнага вязня/вязынку рэгулярна;
▪️ Зрабіць разавы данат ад 15$ або 30$ і атрымаць унікальны мерч;
▪️ Падпісацца на Patreon (гэта важна! грошы ідуць на перадачкі);
▪️ Разава падтрымаць вязняў;
❗️ Дапамагчы сабраць пасылку ў калонію;
▪️ Наш бот: @dissidentby_bot

🖤 Дзякуй!

dissidentby

31 January 2024 13:48

#dissidentby

❗️ Працягваем фіксаваць затрыманні. 23 і 24 студзеня па ўсёй краіне пачаліся вобшукі і затрыманні праз КДБ сваякоў палітвязняў.

📣 Сведчанні некалькіх затрыманых, якія патрапілі ў ЦІП падчас рэйду:

“На Акрэсціна было шмат людзей, якіх затрымалі за тое, што яны калісьці даслалі пасылку ў СІЗА, зрабілі грашовы пералік або даслалі ліст. Сярод затрыманых большасць - гэта жанчыны, ёсць сталыя, якім 60-70 гадоў. Па 4-5 чалавек адпраўлялі ў “стаканы” без абутку, так стаялі да раніцы на халоднай бетонай падлозе, ежы не давалі. Амаль увесь час у кайданках, знімалі толькі ў камеры і стакане. Вертухаі заўсёды мацюкаліся і абражалі. У камерах вельмі холадна і сыра. У аўтазаках амаль не было месца, пауль нас вазілі з РАУСа на ЦІП”.

На сёняшні момант вядома пра 201 чалавека. Людзей абвінавачваюць па арт. 361-1 і 361-4 КК РБ. Таксама некаторых адпраўляюць "на содні" па КаАП РБ.

💬 Калі вам вядома нейкая інфармацыя пра затрыманні, а таксама дапамога, калі ласка, звяртайцеся да праваабаронцаў. Вы можаце напісаць нам па кантактах у апісанні каналу, а таксама на сайце stayrebel.fun.

Беражыце сябе і не пакідайце інфармацыйных слядоў і інтэрнеце.

dissidentby

29 January 2024 14:10

#dissidentby

❗️ Працягваем фіксаваць затрыманні. 23 і 24 студзеня па ўсёй краіне пачаліся вобшукі і затрыманні праз КДБ сваякоў палітвязняў.

На сёняшні момант вядома пра 185 чалавек. Людзей абвінавачваюць па арт. 361-1 і 361-4 КК РБ. Таксама некаторых адпраўляюць "на содні" па КаАП РБ.

💬 Калі вам вядома нейкая інфармацыя пра затрыманні, а таксама дапамога, калі ласка, звяртайцеся да праваабаронцаў. Вы можаце напісаць нам па кантактах у апісанні каналу, а таксама на сайце stayrebel.fun.

Беражыце сябе і не пакідайце інфармацыйных слядоў і інтэрнеце.

dissidentby

25 January 2024 14:00

#dissidentby

☄️ Палітзняволеных жанчын у калоніі наўмысна заражаюць каростай

Стала вядома, што ў ПК-4 есць людзі, хворыя на каросту, праз якіх заражаюцца палітзняволеныя. Санчастка кажа, што гэта звычайная алергія, але людзі працягваюць хварэць. Вядома, што заразілі Алену Маліноўскую.

Акрамя таго, медыкі адмаўляюць у аглядзе Вользе Маёравай. У жанчыны праблемы з горлам, але дапамогу яна не атрымоўвае. Таксама ей не передаюць грошы, якія залічваюцца на яе рахунак, і лісты ад блізкіх сваякоў.

Марыя Калеснікава зараз знаходзіцца ў ПКТ і вельмі схуднела. Часам яе адпраўляюць у медчастку.

⚠️ Калі вам вы ведаеце нейкую інфармацыю, калі ласка, паведамляйце нам па кантактах у апісанні каналу, а таксама праз сайт stayrebel.fun (даступны без впн).

dissidentby

08 March 2024 12:28

‼️Да Сяргея Ерамеева не пускаюць адваката

Беларускія праваабаронцы, аб'яднаныя ў Службу хуткай гуманітарнай дапамогі, працягваюць спробы прабіцца да Сяргея Ерамеева. Паводле апошніх звестак беларус, які абвінавачваецца ва ўчыненні падрыву двух цягнікоў у Бураціі, знаходзіцца ў СІЗА Лефортава, у Маскве.

Гэта ўдалося высветліць пасля шматлікіх зваротаў адвакатаў. Аднак, парушаючы закон, адваката да Сяргея Ерамеева так і не пусцілі. Абгрунтаванне: неабходна атрымаць дазвол следчага. Імя следчага супрацоўнікі ізалятара Лефортава даваць адмовіліся.

❗️Варта адзначыць, што працаўнікі ізалятара ва Улан-Удэ, сталіцы Бураціі, куды праваабаронцы даслалі афіцыйны запыт, падрабязна цікавіліся, хто і з якой мэтай наняў адваката Сяргею.

Беларускія праваабаронцы распачнуць усе неабходныя дзеянні, каб законнымі спосабамі дабіцца доступу да арыштаванага беларуса!

dissidentby

07 March 2024 17:12

#dissidentby

За мінулы тыдзень на волю выйшлі 6 палітвязняў. Акрамя таго, некаторыя вязні былі асуджаны на тэрміны, не звязаныя з пазбаўленнем волі.

🔗 Новыя палітвязні: Дар'я Мандзік, Раман Галуза, Уладзімір Каменнаў, Ігар Чарнавусаў, Павал Ліпневіч, Аляксандра Міхайленка, Андрэй Брэмшмідт, Андрэй Бурак, Эдуард Кашэцян, Дзіяна Завадская, Генадзь Васілюк, Віталій Красноў, Анатолій Краўчук.

👍 Вы заўседы можаце даслаць лісты палітвязням праз наш сайт ананімна і бясплатна.

Спіс палітвязняў: https://stayrebel.fun/by/political (даступны без VPN)

💬 Калі вам вядома пра судовыя выракі, калі ласка, паведамляйце праваабаронцам. Вы заўседы можаце ананімна напісаць нам праз сайт.

dissidentby

05 March 2024 20:00

Расскажем сегодня об инициативах по поддержке политзаключенных. Что можно сделать, чтобы помочь политзаключенным, и как добиться их освобождения. Об этом тоже поговорили. Dissidentby, Politzek.me, «Палітвязынка». Осторожно, лонгрид.

Читать на сайте или в обход без VPN

dissidentby

01 March 2024 22:02

🫰 «Служба хуткай гуманітарнай дапамогі» - адказ на ўзмацненне рэпрэсій у Беларусі

Чатыры вядучыя арганізацыі па дапамозе палітычным рэпрэсаваным абвяшчаюць аб стварэнні «Службы хуткай гуманітарнай дапамогі».

Што гэта за арганізацыі ⁉️

🔼Грамадская кампанія BY_Help – штрафы, аплата паслугаў адвакатаў, выплаты катаваным, рэабілітацыя былых палітычных вязняў у Беларусі і за межамі краіны;

🔼 Фонд BYSOL – індывідуальныя зборы для рэпрэсаваных, эвакуацыя з Беларусі, праграмы перанавучання для палітычных рэпрэсаваных;

🔼 Ініцыятыва Dissidentby – маніторынг і рэгістрацыя парушэнняў правоў чалавека, падтрымка палітычных зняволеных унутры Беларусі;

🔼Фонд «Краіна для Жыцця» – падтрымка семʼяў палітвязняў унутры Беларусі, юрыдычная і псіхалагічная дапамога ўсім рэпрэсаваным.

Служба мусіць палепшыць якасць і аператыўнасць аказання дапамогі рэпрэсаваным паводле палітычных матываў, а таксама дазволіць скаардынавана адказваць на новыя выклікі.

«Каардынацыя сумесных дзеянняў у «Службе хуткай гуманітарнай дапамогі» дазволіць нам аператыўна рэагаваць на запыты рэпрэсаваных, хутка выводзіць іх з-пад удару і надаваць у неабходныя тэрміны эвакуацыйную і рэабілітацыйную дапамогу пацярпелым ад палітычных рэпрэсій».

dissidentby

29 February 2024 16:46

#dissidentby
🫴 Павіншуй вязняў з днём нараджэння!

👉 Актыўная спасылка тут.

❓Як можна павіншаваць?
- даслаць ліст або тэлеграму. Даслаць ліст можна праз сайт dissidentby;
- даслаць грошы на асабісты рахунак вязня;
- правесці акцыю салідарнасці ў любым фармаце.

☝️ Калі ласка, правярайце месцазнаходжанне вязня перад адпраўкай лістоў - яно можа змяніцца.

▪️ Наш бот: @dissidentby_bot
👍 Канструктар перадач ТУТ

dissidentby

22 February 2024 19:23

#dissidentby

❗️ Працягваем фіксаваць затрыманні. 23 і 24 студзеня па ўсёй краіне пачаліся вобшукі і затрыманні праз КДБ сваякоў палітвязняў.

На сёняшні момант вядома пра 275 чалавек: як мінімум 120 чалавек ужо прыцягнулі да адміністрацыйнай адказнасці (90 справаў па ч. 2 арт. 24.15 КаАП за атрыманне гуманітарнай дапамогі), у дачыненні да 22 чалавек узбуджаны крымінальныя справы -16 з якіх у СІЗА.

💬 Калі вам вядома нейкая інфармацыя пра затрыманні, а таксама дапамога, калі ласка, звяртайцеся да праваабаронцаў. Вы можаце напісаць нам па кантактах у апісанні каналу, а таксама на сайце stayrebel.fun.

Беражыце сябе і не пакідайце інфармацыйных слядоў і інтэрнеце.

dissidentby

20 February 2024 11:52

⚡️⚡️⚡️Прычынай смерці Ігара Ледніка стала спыненне сэрца. Медыкі спрабавалі яго рэаніміраваць, аднак беспаспяхова.

Ігар Леднік памёр ў Мінскай раённай бальніцы, куды быў планава дастаўлены з Бабруйскай калоніі, дзе адбываў пакаранне.

Пра месца і дату развітання з сацыял-дэмакратам будзе паведамлена дадаткова.

dissidentby

16 February 2024 16:11

#dissidentby
Міжнародны камітэт па расследванні катаванняў у Беларусі апублікаваў грамадскае расследаванне таго, што адбывалася ў Цэнтральным РУУС г. Мінска з 9 па 13 жніўня 2020 года.

«“Хуткую” канкрэтна не прасілі, напэўна, усе баяліся, таму
што там былі людзі ў крыві, была кроў і на падлозе».

«Біў ужо да той ступені, што ён стаміўся яго біць, а начальнік кажа: “Давай, бі яшчэ”. Ён адказаў: “Я стаміўся”, а яму начальнік:
“Давай бі, я сказаў!”»

https://www.youtube.com/watch?v=-6pJ80t5OrE

dissidentby

13 February 2024 15:47

‼️МЫ ПАТРАБУЕМ ПАКАЗАЦЬ СЯРГЕЯ ЕРАМЕЕВА
Сумесная заява беларускіх праваабаронцаў

Вось ужо больш за паўтара месяца беларускія праваабаронцы спрабуюць звязацца з Сяргеем Ерамеевым і даведацца пра ягоны лёс.

🔼12 студзеня 2024 года ў СІЗА Омска прыехаў мясцовы адвакат, якому заявілі, што Ерамеева перавялі ў Іркуцк.

🔼29 студзеня ў СІЗА Іркуцка іншаму ўжо адвакату заявілі, што Ерамеева этапавалі ў Маскву.

🔼Днямі ў Маскве ў адпаведным СІЗА ўжо трэці наш адвакат атрымаў адказ, што “Еремеева тут нет и не было”.

Мы патрабуем дапусціць да Сяргея Ерамеева незалежнага адваката, каб пераканацца, што беларус з Наваполацка жывы і здаровы, і патрабуем забяспечыць яму права на абарону і празрыстасць крымінальнага працэсу.

Хто такі Сяргей Ерамееў, а таксама гісторыю яго пераследу і поўную заяву праваабаронцаў чытайце на нашым сайце:

BY версія:
https://by.stranafund.org/blog/news/my-trebuem-pokazat-sergeya-eremeeva

RU версія:
https://ru.stranafund.org/blog/news/my-trebuem-pokazat-sergeya-eremeeva

ENG версія:
https://en.stranafund.org/blog/news/my-trebuem-pokazat-sergeya-eremeeva

❗️Просім журналістаў і ўсіх неабыякавых дапамагчы з распаўсюдам гэтай інфармацыі, калі гэта бяспечна для вас.

dissidentby

09 February 2024 17:54

#dissidentby
У Варшаве адбылася вялікая прэс-канферэнцыя з нагоды рэйдаў сілавікоў па родных палітвязняў

Dissidentby і ПЦ Вясна паведамілі пра 229 чалавек, да якіх сілавікі прыйшлі пачынаючы з 23 студзеня. З якіх 43 былі падвергнутыя адміністрацыйнаму пакаранню — штрафу або арышту. 24 чалавекі былі затрыманы ў межах крымінальных справаў
па артыкулах 361-1, 361-2 і 361-4.

Вольга Зазулінская з Фонда "Краіна для Жыцця" распавяла, што па распачатых расправах працуюць 174 следчых, частка імён якіх ужо вядома і працягвае фіксавацца. Акрамя таго, падчас вобшукаў, затрыманняў і допытаў экстранна былі дастаўлены ў бальніцу 2 чалавекі. У ІЧУ затрыманыя знаходзіліся ў бесчалавечных умовах і падвяргаліся штодзённым здзекам і ціску.

Андрэй Стрыжак з Фонду BYSOL распавёў, што служба эвакуацыі працягвае працаваць і заўсёды гатова аказаць дапамогу пацярпелым. Аляксей Лявончык з BY_HELP пацвердзіў гатоўнасць арганізацыі дапамагаць са штрафамі, якія людзі атрымалі ў выніку палітычных рэпрэсій.

Наталля Гарковіч з "Хрысціянскай Візіі" асобна распавяла пра ціск на вернікаў з розных канфесій.

🔻 Сілавікі атакавалі салідарнасць, але мы працягваем аб'ядноўвацца і будаваць механізмы, якія немагчыма знішчыць рэпрэсіямі.

Калі ласка, паведамляйце праваабаронцам пра затрыманні. Гэта інфармацыя дапамагае нам прадстаўляць сітуацыю па Беларусі на міжнароднай арэне, а таксама аказваць пацярпелым неабходную юрыдычную, матэрыяльную, псіхалагічную і візавую падтрымку.

☝🏻 Даслаць інфармацыю вы можаце па кантактах у апісанні каналу, а таксама праз сайт stayrebel.fun (працуе без VPN).

dissidentby

05 February 2024 19:29

#dissidentby

За мінулы тыдзень на волю выйшлі 5 палітвязняў. Акрамя таго, некаторыя вязні былі асуджаны на тэрміны, не звязаныя з пазбаўленнем волі.

🔗 Новыя палітвязні: Аляксей Швяцоў, Алена В., Таццяна Сцепа, Наталля Ладуцька, Уладзімір Мазураў, Дзмітрый Сінюта, Яўген Емяльянаў, Аляксандр Яўціхаў, Аляксандр Малікаў, Дзмітрый Палякоў, Аксана Ючкавіч.

👍 Вы заўседы можаце даслаць лісты палітвязням праз наш сайт ананімна і бясплатна.

Спіс палітвязняў: https://stayrebel.fun/by/political (даступны без VPN)

💬 Калі вам вядома пра судовыя выракі, калі ласка, паведамляйце праваабаронцам. Вы заўседы можаце ананімна напісаць нам праз сайт.

dissidentby

02 February 2024 14:45

#dissidentby
🫴 Павіншуй вязняў з днём нараджэння!

👉 Актыўная спасылка тут.

❓Як можна павіншаваць?
- даслаць ліст або тэлеграму. Даслаць ліст можна праз сайт dissidentby;
- даслаць грошы на асабісты рахунак вязня;
- правесці акцыю салідарнасці ў любым фармаце.

☝️ Калі ласка, правярайце месцазнаходжанне вязня перад адпраўкай лістоў - яно можа змяніцца.

▪️ Наш бот: @dissidentby_bot
👍 Канструктар перадач ТУТ

dissidentby

29 January 2024 19:13

#dissidentby

За мінулы тыдзень на волю выйшлі 5 палітвязняў. Акрамя таго, некаторыя вязні былі асуджаны на тэрміны, не звязаныя з пазбаўленнем волі.

🔗 Новыя палітвязні: Уладзіслаў Федаровіч, Павал Кунцэвіч, Валерый Самсоненка, Уладзімір Лісіца, Ігар Федарэнка, Дзяніс Красько, Павал Яраш, Віктар Новік, Сяргей Зелянкоў, Вадзім Чараўко, Дзмітрый Халяўкін, Сяргей Кульша, Аляксандр Ільін.

👍 Вы заўседы можаце даслаць лісты палітвязням праз наш сайт ананімна і бясплатна.

Спіс палітвязняў: https://stayrebel.fun/by/political (даступны без VPN)

💬 Калі вам вядома пра судовыя выракі, калі ласка, паведамляйце праваабаронцам. Вы заўседы можаце ананімна напісаць нам праз сайт.

dissidentby

26 January 2024 15:24

#dissidentby

❗️ Працягваем фіксаваць затрыманні. 23 студзеня па ўсёй краіне пачаліся вобшукі і затрыманні праз КДБ сваякоў палітвязняў.

На сёняшні момант вядома пра 165 чалавек.

💬 Калі вам вядома нейкая інфармацыя пра затрыманні, а таксама дапамога, калі ласка, звяртайцеся да праваабаронцаў. Вы можаце напісаць нам па кантактах у апісанні каналу, а таксама на сайце stayrebel.fun.

Беражыце сябе і не пакідайце інфармацыйных слядоў і інтэрнеце.

dissidentby

24 January 2024 19:05

#dissidentby
Разам з @viasna96 на цяперашні момант налічылі больш за 130 затрыманняў. Вядома, пра распачатыя крымінальныя справы па 361-4 КК РБ.