2064
Ёзувчи Байрам АЛИнинг телеграм канали. [Илтимос, мавзу кўчирганингизда манба кўрсатинг.] Боғланиш учун: @Bayram_Ali
#iqtibos
•••
Инсонлар айбларингизни кечириши мумкин, аммо муваффақиятларингизни асло кечиришмайди.
•••
Аёллар ҳаётнинг моҳиятини эркаклардан яхшироқ ҳис этса керак: шунинг учун улар ҳеч ким талаб қилмаса ҳам ўзларини қурбон қилишга мойилдирлар.
•••
Ижод ⸺ ички курашларнинг ташқи ифодасидир.
•••
Ҳар қандай муҳаббат ортида ўзиники қилиш худбинлиги ётади.
•••
Энг қаттиқ оғриқлар ўзлигингизни топишингизга сабаб бўлади.
#xayrlikech #kechinma #iqtibos
Изҳор этилмаган туйғулар ўлмайди...
© Зигмунд Фрейд
👉 @BeshinchiTomon
#xayrlikun #iqtibos
Ҳеч ким ҳеч кимни йўқотмайди. Кетган бошқасини, қолган ўзини топади.
© Шамс Табризий
@BeshinchiTomon
#xayrlikech #umr_manzaralari
Бир донишманд саройга кириб борганида, шох уни беписанд сўзлар билан кутиб олибди:
⸺ Мен салтанат эгасимен. Сен билан нодоннинг ўртасида нима фарқ бор?!
Шунда донишманд мийиғида кулиб:
⸺ Камина дунёнинг жуда катта, ўзимнинг ўта кичик эканимни биламен. Айрим нодонлар эса, буни билишмайди! ⸺ дея жавоб берган экан...
👉 @BeshinchiTomon
#iqtibos
Бугун саҳар чоғи, ҳали ҳеч ким уйғонмасидан аввал кўчага чиқиб, атрофга қарадим. Ахир одамларсиз дунё гўзалроқ эмасми?!..
⸺ Ф. Достоевский, «Телба»
👉 @BeshinchiTomon
#ruhiyat_manzaralari
"менинг мактубларим қушга айланди,
кейин учиб кетди жанубларига..."
#iqtibos
Ортингга тез-тез боқмоқни ўрган. Шунда қаердан келиб, қаёққа кетаётганингни унутмайсан.
⸺ Юнус Эмро
@BeshinchiTomon
#ruhiyat_manzaralari
«Шарқ юлдузи» таҳририяти жамоасида маданий ҳордиқ: савқи табиий шоир Islom Ali укамиз билан миллий маънавиятимиз негизларини ёд этиб...
@BeshinchiTomon
#xayrlikech #kechinma
Болаликда ҳовлимизнинг Эштемир боболар томорқасига туташ тарафида отхона бўларди. Отимиз сотилиб кетгани учун унинг деворлари нураб ётар, бир чети кўчган томининг тешигидан оқиб тушадиган хира нурда ўргамчак ини толалари ялтираб кўринарди. Камина бу отхонани деворлари-ю томидаги жами талафотлари билан яхши кўрардим. Чунки туйғуларга бой мурғак қалбимнинг самимий ҳасратларига гувоҳ эди у. Отамдан калтак ейманми, энамдан дакки эшитаманми, суйганим хиёнат, дўстим ғирромлик қиладими ⸺ шу томга қамалиб олардим. Ҳамма оғриқларимни, ҳуда-беҳуда қайғуларимни унга суйлаб берардим...
Жигарларим ҳозир ўша отхонани бузилиб кетган деб ўйлашади. Йўқ, бузилмаган, ҳатто бир кесаги ўзгармаган, чунки мен уни бус-бутунлигича ўз қалбимга кўчириб ўтганман. Шунинг учун ҳам, қарийб 20 йиллардан бери бирор ҳамдардга, далдага эҳтиёж сезмайман, оғайни. Нима кутсам ундан кутаман, нима олсам, ундан оламан...
Оғайни, билсанг, юрагида отхонаси йўқ одамлар жуда заиф, ночор одамлар. Сенда бундай хона йўқми, қур, яратиб ол уни...
⸺ Байрам АЛИ
@BeshinchiTomon
"Ҳаёт, ўлим, муҳаббат, ҳамдардлик, илҳом ⸺ буларнинг бариси мусиқада ифодаланади, чунки айнан мусиқада инсон азалнинг илк онларидан бошлаб эришмоққа уринган энг олий эркинлик бор. Ва фақат мусиқа барча замонларнинг догмаларини енгиб, доимо келажакка ундайди. Шунинг учун ҳам, у биз айта олмаган нарсаларни айтмоққа қодир...
#iqtibos #ruhiyat_manzaralari
«Оломонни бунча шод этар,
Бир аёлнинг шармисорлиги...»
⸺ Дилрабо Акромова
@BeshinchiTomon
#iqtibos #tabassum
Ҳали мактабга бормаган пайтим поезд остида қолиб кетганман. Одамлар қимирламай ётавер, деб бақирган. Темирйўлга қапишиб, жимгина ётаверганман. Устимдан қаторасига олтмиш-етмиш вагон ўтган. Бу машқни пухта ўзлаштирдим. Шу-шу, кейин ҳам устимдан не-не поездлар мени босолмай гулдираб-сулдираб ўтиб кетди...
⸺ Шароф Бошбеков
👉 @BeshinchiTomon
#rivoyat
ТИРИКЛИК ҚОНУНИ
Севган ёри ⸺ малика ўзига хиёнат қилганидан хабар топган подшоҳ икки яшар ўғлини олиб тоғу-тошларга чиқиб кетибди. Мақсад: ўғли аёл зотини кўрмасин, севги нима билмасин ва хиёнат тиғидан қалби ҳеч қачон оловланмасин...
Кунлар, ойлар, йиллар ўтибди ⸺ подшоҳ билан ўғли узлатда ҳаммадан беркиниб, оламдан бехабар яшайверишибди. Бу орада эса унинг ўғил балоғатга етиб қолибди. Бир куни улар қоялар орасида юрган экан, пастда гиёҳ териб юрган ёш бир қизга кўзи тушибди.
⸺ Ота, бу нима? ⸺ ҳайрон бўлиб сўрабди, умрида аёл зотини кўрмаган йигит ҳайратланиб.
⸺ Болам, бу қуш! ⸺ дебди подшоҳ безовта тортиб, ⸺ Сипо кўринишига алданма, аслида жуда хавфли! Мени десанг, унга зинҳор яқинлашмагин!
Орадан яна кунлар, ойлар ўтибди. Йигит энди маъюслик дардига йўлиқибди.
Алқисса, отаси ундан:
⸺ Болам нега маъюссан? Сенга нима бўлаяпти ўзи, ⸺ дея сўраганида, йигит бош эгиб:
⸺ Ота... Ўша хавфли қушни яна бир марта... атиги бир мартагина кўргим келаяпти... — дея жавоб берган экан.
@BeshinchiTomon
#xayrlikech #kechinma
Жигарларимнинг орасида энг ўзбошимчаси мен бўлдим. На уйланишда, на бошқа ишларда отам билан онамнинг йўриғига юрмадим. Яна денг, уларни энг кўп яхши кўрадиган ҳам ўзим деб ўйлайман. Сизга бир савол. Инсон ота-онасининг йўриғига юрмай ҳам яхши кўриши мумкинми?
Менимча, мумкин.
Бу постдан ҳеч қандай ҳикмат изламанг. Шунчаки кўнглимдан ўтган гапларни ёздим.
@BeshinchiTomon
#iqtibos
Муҳаббат билан бажарилган ҳар қандай иш, буюкдир.
⸺ Лев Толстой
👉 @BeshinchiTomon
#iqtibos
Мен кинода одамхўр образини гавдалантирганим учун шахсан қироличанинг қўлидан рицарлик унвонини олганман, нуфузли давлат мукофотига муносиб кўрилганман. Бу кулгили, аммо айни ҳақиқат. Ҳолбуки, ундан олдин турли олим, арбоб, қироллар, Британия жосуслари ва бошқа ижобий қаҳрамонларни жуда кўп ўйнаган эдим..
Шундай қилиб, тақирда битилгани барибир амалга ошади, фақат сен кутмаган муҳит, вазият, шаклда!
⸺ Энтони Хопкинс
👉 @BeshinchiTomon
Qadrli ota-onalar, mazkur bepul kanal yordamida yozuvchilar oilasi a'zolari — Muhabbat Yo‘ldosheva, Gulnoz Tojiboyeva va Xurshid Tojiboyevlarning eng sara mualliflik ertaklari, ibratli hikoyalari, topishmoq, she'r va tez aytishlarini mualliflik rasmlari bilan tomosha qilish, video formatida ko‘rish yoki audio shaklida tinglash, farzandingizga o‘qib berish imkoniyatiga ega bo‘lasiz. Ushbu ertaklar 0+, 3+, 5+, 7+ yosh darajalari bo‘yicha bog‘cha yoshidagi va boshlang‘ich sinf o‘quvchilariga mo‘ljallangan bo‘lib, ular jajji bolajonlarning tafakkurini boyitib, fikrlashini o‘stiradi. Bolalarga hayvonot dunyosi, ekologiya, atrof-olam, tabiat hodisalari va kundalik hayotimizda uchraydigan narsalar haqida ma'lumot beradi. Kanal mualliflari tomonidan bolalar adabiyotiga doir tanlovlar, shoir-yozuvchilar bilan uchrashuvlar va jajji kitobxonlar uchun yutuqli o‘yinlar o‘tkazib boriladi. Mazkur tanlovlarda yozuvchilar Muhabbat Yo‘ldosheva, Gulnoz Tojiboyevaning telegram va instagram sahifalari, rasmiy veb-sayti kuzatuvchilari hamda mazkur kanal obunachilari ishtirok etishi mumkin bo‘ladi. Qadrli ota-onalar va bolajonlar, bizni kuzatib boring. “Kitob – eng yaxshi sovg‘a” shiori ostida sizlarga eng sara asarlarni taqdim qilamiz. Dunyoni biz bilan ertaklarda ko‘ring!
/channel/ertaklarsayyorasi
#iqtibos
...Кейин яна бир гап: бизнинг ташвишимизни қилманг. Гарчи биз болаларимизни тарбиялаб вояга етказган эканмиз, ўқитган, оилали қилолган эканмиз, ўзимизниям боқиб оламиз. Ҳеч кимсага муҳтож еримиз йўқ...
⸺ «Боғбон» б/ф.
@BeshinchiTomon
#iqtibos #mutolaa
"...Мотиваторларни қўя турайлик, мотивацияга бунчалар муҳтож қатлам қаердан пайдо бўла қолди ўзи? Ундаги пуч рағбатга ўчликнинг, гўлларча қарамликнинг кундан-кун ортиб боришига сабаб нима? Наҳотки бу ҳам гиёҳвандликка ўхшаган янги дард, “наркоманлик” бўлса?
Агар бу борада ўзимнинг фикрим билан қизиқсангиз, мен «ҳар қандай руҳий муҳтожлик – аввало маънавий бўшлиқ туфайлидир» деган бўлардим. Маънавий бўшлиқ турфа сабаблар туфайли инсон умрининг турли даврида пайдо бўлади. Австриялик таниқли психиатр Зигмунд Фрейднинг айтишига қараганда, шахснинг кечинмалари у туғилганидан то ўлгунича онг ости қатламида сақланар экан. Бундан чиқди, инсондаги маънавий бўшлиқ ҳам ақл бовар қилмас даражада илгари пайдо бўлгани эҳтимолдан холи эмас. Ушбу бўшлиқ қанча илгари содир бўлса – шунча ёмон. Чунки йиллар ўтиши мобайнида киши руҳияти уни ўзига сингдириб шаклланади. Оқибатда бу инсоннинг табиатига айланиб қолади...
Демак, қадимда момоларимиз бешикдаги чақалоқларга алла айтиб ухлатганда бежиз шунчаки оҳанг эмас, «паҳлавоним», «ботирим» каби сўзлардан фойдаланмаган экан-да? Ким билсин, бугунги мотиваторлар балки айнан алласиз ўсган авлод маънавий тарбиясида йўл қўйилган камчиликнинг ўрнини тўлғазишга уриниб ётгандир?.."
#xayrlikech #kechinma #munosabatlar
«Севгидан нафратгача бир қадам, дейишади. Йўқ, аслида умиддан умидсизликкача бир қадам. Севгидан нафратгача эса ҳаммасини ўзгартиришга бўлган минглаб уринишлар мавжуд...»
👉 @BeshinchiTomon
#xayrlikun #rivoyat
Ривоятга кўра бир мухлиси Мавлоно Румийни олис бир юртдан излаб келганида, ҳазрат кўриниш бермаган эканлар. Бунинг сабабини сўрашса, Мавлоно "У менинг эмас, тасаввуридаги менимнинг ошиғидир", деб жавоб берибди...
Дарҳақиқат, биз кимнидир яхши кўрганимизда, аслида унинг тасаввуримиздаги қиёфасини яхши кўрамиз.
Севганларимиз ҳамиша тасаввуримиздаги менларига мос бўлсин!
Хайрли кун.
👉 @BeshinchiTomon
#iqtibos
УЛУҒ АДИБ ЧИНГИЗ АЙТМАТОВДАН ИҚТИБОСЛАР
•••
Худо бизни тақдиримизни ўзгартириши мумкин бўлган одам билан дуч қилади. Аммо унинг самараси Худога эмас, энди инсонларнинг ўзига боғлиқ...
•••
Ким кўп азоб чеккан бўлса, у жуда кўп нарсани англаган.
•••
Инсон табиати қандайлигини аниқлаш қийин. Ҳар ҳолда, турли инсоний муносабатлар ва характернинг чексиз комбинациялари шунчалик мураккабки, ҳеч қандай замонавий компьютер тизими ҳам энг оддий инсон табиатининг умумий чизиғини чизиб бера олмайди.
•••
Ҳаёт, ўлим, муҳаббат, ҳамдардлик, илҳом ⸺ буларнинг бариси мусиқада ифодаланади, чунки айнан мусиқада инсон азалнинг илк онларидан бошлаб эришмоққа уринган энг олий эркинлик бор. Ва фақат мусиқа барча замонларнинг догмаларини енгиб, доимо келажакка ундайди. Шунинг учун ҳам, у биз айта олмаган нарсаларни айтмоққа қодир...
•••
Ватанни олиб кетиб бўлмайди, фақат соғинчни олиб кетиш мумкин; агар ватанни хўжалик буюми каби олиб юриш мумкин бўлса, унинг қиймати арзимас бўларди.
👉 @BeshinchiTomon
#xayrlikech #tabassum
Севги баъзан қаҳрамонларни, баъзан лапашангларни яратади.
⸺ Байрам АЛИ
@BeshinchiTomon
📘 Temirpo‘lat Tillayev: O‘lim o‘pqoni
📖 Fragment va mundarija
Muqova: qattiq
Hajmi: 264 bet
Narxi: 50 000 so‘m
#xayrlikech #kechinma
Ой кундузи ёруғ эмас, лекин у тунда ёрқинлашади. Кундузи айтилган айрим гапларнинг акс-садоси ҳам худди шундай: тунда улар янада ёрқин ва чуқурроқдир...
© Байрам АЛИ
👉 @BeshinchiTomon
#iqtibos #ruhiyat
Инсонлар асл ҳаётини ичда яшайди, ташқи ҳаёт уларга фон учун керак.
⸺ Стефан Цвейг, «Аёл ҳаётидан 24 лаҳза»
👉 @BeshinchiTomon
#iqtibos
Шундай одамларни учратдимки, айби йўқ эди. Одамларнинг айблари ҳақида гапирдилар ва Аллоҳ уларда ҳам айбларни пайдо қилди.
Яна шундай одамларни учратдимки, айби бор эди. Одамларнинг айблари ҳақида гапиришдан тийилдилар ва Аллоҳ уларнинг айбларини яширди.
⸺ Ҳасан Басрий Раҳимуллоҳ
@BeshinchiTomon
#ruhiyat_manzaralari
Юрагим энг сўнгги япроқдек ғариб,
Тириклик шамидай милтирар ҳавас.
"Севасанми?" ⸺ дея нафас чиқариб,
"Севаман!" ⸺ деганча оляпман нафас...
⸺ Муҳиддин Абдусамат
👉 @BeshinchiTomon
