2064
Ёзувчи Байрам АЛИнинг телеграм канали. [Илтимос, мавзу кўчирганингизда манба кўрсатинг.] Боғланиш учун: @Bayram_Ali
#ruhiyat #munosabatlar
Инсонлар мушукларга нисбатан оқибатсизроқ. Чунки мушук елкасини силаган одамга елка тутади, инсон эса елкасини силаган одамга орқа ўгиради.
⸺ Зигмунд Фрейд
↪️ @BeshinchiTomon
#umr_manzaralari
Донишманддан сўрашибди:
⸺ Билим ва ақл эгаларини қандай ажратиш мумкин, тақсир?
У жавоб берибди:
⸺ Билим сўзга, ақл сукутга мойил бўлади.
↪️@BeshinchiTomon
#xayrlikech #kechinma
Бола эдик. Синфдош қизнинг тоби қочиб, дарсларга қатнолмай қолди. Уч оғайни ботирлар: мен, Қодир ва Мирза ўзимиз доим уришиб юрадиган ўша қиздан ҳол сўрашга бордик. Шунда қизнинг касаллик захмидан оқариб кетган юзи бизга аввалгидан суюмлироқ кўринди. Бироз ёш ғилтиллаб турган қуралай кўзлари олдингидан чақноқроқ туюлди. Эгнидаги эски уй кийими ҳам ўзига ниҳоятда ярашиб турар, у шу либосида очилиб кетгандай эди...
Қизнинг уйидан чиққач, мен ошналаримга нима деганман, айтайинми? "Чит кўйлак қизларга ёмонам ярашаркан", деганман бошимни қашлаб. "Ҳа, форма кий деб тихирлик қилгунча, малимлар мактабдаги бари қизга шу куйлакдан кийдирса бўларкан" деб маъқуллаган, Қодир...
Дўстим, синфдош қизни бизга одатдагидан сулувроқ кўрсатган сезимнинг номи нима, биласизми? Унинг номи соғинч! Чунки инсонлар кимнидир соғинганида, кўзлари кўришдан тўхтайди. Кўздан кўра ўткирроқ басират нигоҳлари ишга тушади. Шунинг учун ҳам, биз яқинларимизнинг асл сийрати ва тийнатини фақат соғинганимизда кўра оламиз...
Омон бўлсин, барча Соғинганларимиз...
Хайрли кеч.
⸺ Байрам АЛИ
@BeshinchiTomon
Худо қўш қўллаб берса шундай бўларкан-да. Бир инсонни ҳам рассомлик иқтидори, ҳам нозик шеърий таъб, ҳам насрий уқув билан сийлар экан-да. Рассом ва адиб Сайфулла Қулаев бунга бир мисол...
Сайфулло ака ҳамиша катта гапиради. Ва гапининг устидан чиқади. Шунинг учун унинг маърифий, маданий, адабий соҳаларда амалга оширган ишлари катта-каттадир.
Мавлуд муборак бўлсин, тақсирим.
Тўқсон билан тўқнашиб, юз билан юзлашганда ҳам ҳар мақомга йўрғалайдиган соҳиру моҳир, хуллас беназир қаламингиз ҳеч тинмасин. Ўзбекистонга келишингизни кутамиз, биз учун ҳамма вақт ардоқли меҳмонсиз.
Ҳурмат билан, инингиз.
↪️@BeshinchiTomon
#iqtibos #munosabatlar
Муносабатларга энг кўп путур етказадиган нарса сўзлар эмас, аслида сукутлардир.
⸺ Байрам АЛИ
↪️@BeshinchiTomon
#xayrlikech #kechinma
Меҳрми? Садоқат? Ғамхўрлик?!.. Бутун мавжудотларга хос бўлган фазилатлар билан мақтаниш нимага керак, тушунмайман сира! Инсон "мен инсонман!", деб қаддига уриши учун унда жудаям юксак бир нарсалар бўлиши лозим!..
Хайрли кеч.
⸺ Байрам АЛИ
@BeshinchiTomon
#iqtibos
Ҳаёт ортга қараб тушунилиши, аммо олдинга қараб яшалиши керак.
© Сорен Кьрекегор
👉 @BeshinchiTomon
#xayrlikun #masal #tabassum
Бир адирда тўртта донишманд яшарди. Йигит уларни бирма бир топиб, қуйидагича савол берди:
⸺ Ҳаётни дарёга ўхшатадилар. Мен унда қандай сузайин?
⸺ Оқимга қараб суз. Оқимга қарши сузмоқ, коинотнинг иродасига қарши бормоқдир, ⸺ биринчи донишманд жавоб берди.
⸺ Оқимга қарши бор! Ҳаёт, курашмоқдир, ⸺ бу иккинчи донишманднин маслаҳати эди.
⸺ Оқимга қараб ҳам, унга тескари ҳам суза кўрма! Керакли тарафга қараб суз... ⸺ учинчи донишманд эса, мана шундай маслаҳат берди.
Йигит, ниҳоят ярим тунда тўртинчи донишмандни ҳам излаб топди. Уни бир амаллаб уйқидан уйғотгач, ўша саволни такрорлади:
⸺ Ҳаёт дарёсида қандай сузайин, э донишманд?! Оқимга қаршими, оқим бўйлабми, ё керакли тарафга қарабми?..
⸺ Буни билмадим-у, ⸺ дея ғудранди, шунда уйқусини бузганларидан норози бўлган тўртинчи, энг доно донишманд, ⸺ ишқилиб суз, болам, қайси тарафга бўлсаям тезроқ суз. Бундай ҳамма билан маслаҳатлашиб юраверсанг, охири чўкиб кетасан!
⸺ Байрам АЛИ таржимаси.
👉 @BeshinchiTomon
#МУНДАРИЖА
✨«Шарқ юлдузи» журналининг 2025 йил, 4-сони нашрдан чиқди. Мундарижа билан танишинг. Журналда асарлари эълон қилинган муаллифлар ижодини имкон қадар мактаб ва Олий ўқув юртида таълим олувчи ёшлар орасида тарғиб қилинг.✨
Бизни кузатиб боринг:
Telegram| Facebook | web-sayt
#rivoyat
Аъробий дунё мени алдади, ишончимни поймол қилди деб дод соларди. Шунда фикр эгаларидан бири айтди:
⸺ Аслида дунё сенга ваъда бериб, қасам ичган эмас, ўзинг унга имон келтирдинг, ортидан чопдинг!
↪️ @BeshinchiTomon
#kechinma
Замонавий психология кўп холларда инсонни ўтмишдан узилишга тарғиб қилади. Шарқ мумтоз фалсафаси эса, аксинча, ўтмишга таянишга. Булардан биринчиси бизга вақтинча иштиёқ, ғайрат берса, иккинчиси оқилона, иш берадиган қарорларнинг манбаи.
Оғайни, гапнинг индаллоси, ҳамма вақт келажак ⸺ ўтмишини эсдан чиқармаганларники!
⸺ Байрам АЛИ
↪️ @BeshinchiTomon
#iqtibos
Ҳақсизликка индамай бўйин эгадиганлар ⸺ ҳақсизлик қилганлар билан тенгма-тенг гуноҳкор. Чунки, ҳақсизликнинг ёйилиши ва куч олишига айнан унга бўйин эгадиганлар сабаб бўлишади.
⸺ Робиндранат ТАГОР
↪️ @BeshinchiTomon
Драматург Шароф БОШБЕКОВдан табассумга мойил иқтибослар:
•••
Мен туғилмасимдан олдин бу дунёнинг расвоси чиқиб бўлган экан. Менинг сираям айбим йўқ.
•••
Менинг мучалим йўлбарс. Тор сўқмоқда кучукми, мушук билан тўқнаш келиб қолсам, “Шу билан тенг бўлиб юраманми?” деб йўл бераман. Буни баъзилар “Итдан қўрқди” деб тушунишади.
•••
Душманингга бахт тила, токи у ўз бахтига ўралишиб, сенга ёмонлик қилишга на вақт топа олсин, на хоҳиш.
•••
Виждон нима? Инсоннинг ичида виждон деган орган йўқ. Юрак бор, талоқ бор, виждон йўқ. Лекин шу йўқ виждон оғриса, азоб берса, одамнинг ҳаёти зулматга айланади.
•••
Мен кўпинча ҳажвий асарлар, кинокомедиялар ва юмористик пьесалар ёзаман. Аслида йиғлаб юбормаслик учун куламан.
Манаба: oyina.uz
@BeshinchiTomon
#iqtibos
Охир оқибат инсонларнинг ташқи кўринишларини эмас, ахлоқини эслаб қоламиз.
⸺ Нажиб Маҳфуз
👉 @BeshinchiTomon
#iqtibos #munosabatlar
Аёллар эркакларга нисбатан жасурроқ, чунки улар бутун борлиғини битта инсон учун қурбон қилишга қодир.
© Зигмунд Фрейд
👉 @BeshinchiTomon
#xayrlikun #masal
Ҳайвонлар йиғилиб, ўрмон ҳокимини сайламоқчи бўлишибди.
⸺Мен сизларга, ⸺ дебди ўз дастурини эълон қилиб Қуён, ⸺ душманни етказмай қочишни ўргатаман!
⸺Мен, ⸺ дебди Айиқ, ⸺ душман ҳужум қилса курашишни ўргатаман.
⸺Мен, ⸺ дебди Қумурсқа, ⸺ ҳалол меҳнат қилиб беминнат яшашни ўргатаман. Бу сизларни дард, офат ва душманлардан асрайди.
⸺Мен эса, ⸺ дебди сўз ўрни келган Кийик, ⸺ озодлик ва ҳар нарсадан огоҳликни ўргатаман!
Навбат, ниҳоят Шерга келибди. У ўз дастурига қаттиқ ишонгани сабаб, вазмин қадам ташлаб ўртага чиқибди.
⸺Менга бўйсунсаларинг кам бўлмайсилар. Яъни, қорнларинг оч қолмайди! ⸺ дебди у.
Ҳамма баравар қарсак чалиб, Шерни ҳоким қилишибди. Дарҳақиқат, барча ҳайвонлар учун, қорин ташвишидан муҳимроқ ташвиш йўқ!
⸺ Виктор Алимасов
↪️@BeshinchiTomon
#iqtibos
Муҳаббат ⸺ Аллоҳга элтувчи энг қисқа йўлдир.
⸺ Жалолиддин Румий
↪️@BeshinchiTomon
#xayrlikech #kechinma
Бу ҳаётда ҳакамлар тўлиб ётибди.
Инсонлар ҳакамга эмас,
дўстга муҳтож...
Хайрли кеч.
👉 @BeshinchiTomon
#xayrlikech #kechinma
Қуш осмонга фақат ўлжа қидириб чиқмайди. Ўлжа қушнинг тирик қолишини таъминласа, шамол қаршилигига учраш унинг мана шу тирикликни ҳис этиши учун зарур...
Энди англагандирсиз, одам боласининг курашларга нима учун бу қадар ўчлигини?!
Хайрли кеч.
© Байрам АЛИ
👉 @BeshinchiTomon
#rivoyat
Бир донишманддан сўрашибди:
⸺ Дунёдаги энг оғир нарса нима?
⸺ Ёмон хулқ, ⸺ жавоб берибди донишманд. ⸺ Чунки у фақат ўз эгасига эмас, унинг атрофидагиларга ҳам юк бўлади!
↪️@BeshinchiTomon
#ruhiyat #munosabatlar
Яхши, ё ёмон одамлар йўқ, фақат жуда узоқ ёки жуда яқин масофалар бор.
© Евгений Медреш
👉 @BeshinchiTomon
#iqtibos
Қачондир ҳеч кимни эшитгинг келмай қолса, менга қўнғироқ қил ⸺ жим туришга ваъда бераман.
⸺ Габриэль Гарсия Маркес
↪️@BeshinchiTomon
#xayrlikech #kechinma
Кўнгли синган одамларда ажиб илтифот бўлади. Чунки улар эътиборнинг қийматини бошқалардан кўпроқ англайдилар.
⸺ Байрам АЛИ
↪️ @BeshinchiTomon
#ruhiyat #munosabatlar #arxiv
Аёл бирор инсонга бефарқ бўлиши мумкин. Аммо рақобатнинг заррагина қутқуси билан бир зумда унинг қалбида ўзи бефарқ инсонга нисбатан қайноқ туйғулар пайдо бўлади.
⸺ Олег Рой
👉 @BeshinchiTomon
#iqtibos
Ҳикматлар дераза ойнасига ўхшайди: бизга ҳақиқатни кўрсатиши ҳам мумкин, биздан ҳақиқатни тўсиб қўйиши ҳам мумкин.
⸺ Жуброн Халил
👉 @BeshinchiTomon
#umr_manzaralari
⸺ Нима сабаб сукутларинг мўл?
⸺ Тил қалб уйининг посбонидир. Ҳар сабабга эшик очса, ичкарида ҳаловат йўқолади.
⸺ Байрам АЛИ
↪️ @BeshinchiTomon
#xayrlikech #ruhiyat_manzaralari
ҲАЁТ
Оёғинг остида
Ҳар куни ўйин,
Ҳар кун ўзинг билан
Бошланади жанг.
Энди айт, мен қандай Одам бўлайин —
Сен итлик қилсанг...
© Хосият Рустамова
👉 @BeshinchiTomon
#umr_manzaralari
⸺ Севги, баъзида шунчаки хавотир...
⸺ Қанақа хавотир?!
⸺ Уни йўқотиб қўйсам-чи, деган...
⸺ Байрам АЛИ
👉 @BeshinchiTomon
#xayrlikech #kechinma
Яратган гоҳида биз қадрига етмаган неъматларини биздан қайтиб оларкан. Биз қадрига етмаган... бандаларини ҳам.
© Байрам АЛИ
👉 @BeshinchiTomon
#masal #umr_manzaralari
⸺ Низо, келишмовчиликлар қандай туғилади? ⸺ деб сўрабди, шогирдлари Суқротдан. Файласуф жавоб берибди:
⸺ Одамлар муҳаббат ўрнига ҳақиқат излай бошлаганда!
⸺ Байрам АЛИ таржимаси.
👉 @BeshinchiTomon
