42763
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
🔴 «Аб'ектыў» – галоўныя падзеі дня!
У сённяшнім выданні:
🔸Лідары Францыі, Вялікай Брытаніі, Польшчы і Нямеччыны – у Кіеве
🔸У Магілёве затрымалі дзяўчын-падлеткаў, якія падчас святочнага салюту 9 траўня паказвалі сярэдні палец
🔸Пасля Шры-Ланкі Мельнікава паляцела ў Дубай. Расследаванне выдання “Палітыка”
🔸Індыя і Пакістан дамовіліся аб спыненні агню пры пасярэдніцтве ЗША
🔸У Беларусі распачаўся сезон барацьбы з інвазійнымі раслінамі. Як выкараніць баршчэўнік і залатарнік? Што рабіць, калі сок расліны трапіў на скуру?
Далучайцеся да нашага эфіру ⤵️
Каментар пра дачку генерала каштаваў яму свабоды
Андрэй Аўсіевіч – сын і ўнук святароў, праваслаўны вернік і былы палітвязень. Лукашэнкаўскі сілавік «замовіў» хлопца за каментар пра сваю дачку, і Андрэй правёў у турме 3,5 года❗️
Цяпер Андрэй звяртаецца да беларусаў па дапамогу, бо пасля вызвалення пераслед не спыніўся, і ён быў вымушаны бегчы з радзімы, маючы пры сабе толькі адзін заплечнік.
👀 Глядзіце гісторыю Андрэя ў праграме «Беларус беларусу» на YouTube-канале «Белсат LIFE» 🎥
💁🏻♂️ Расейскі журналіст, на якога жорстка наехаў Азаронак, прынёс Лукашэнку свае прабачэнні
Раней у сваім рэпартажы Андрэй Калеснікаў звярнуў увагу на нямогласць самаабвешчанага кіраўніка Беларусі, якому было цяжка перасоўвацца падчас параду ў Маскве.
📍Чытайце болей па спасылцы
🤔 Чаму італьянцы баяліся, што новы Папа возьме сабе імя Пій?
А таксама пра агульную атмасферу, якая панавала ў Вечным горадзе пасля смерці старога пантыфіка і ў часе выбараў новага.
📍Пра гэта і не толькі расказала ў каментары «Белсату» беларуска Марыя (імя змененае)
📍Джэй Ды Вэнс пазітыўна выказаўся пра новага Папу Рымскага. Раней той крытыкаваў адміністрацыю Трампа ў сваіх сацсетках
Вэнс зазначыў: гэта «выдатна», што Папам абралі грамадзяніна ЗША. І пажадаў яму ўсяго найлепшага на пасадзе.
👀 Глядзіце падрабязней на старонцы
💬 «Хутчэй за ўсё, грузінскі ўрад і спецслужбы не хочуць бачыць тут моцную беларускую дыяспару»
Чарговага беларуса не ўпусцілі назад у Грузію пасля кароткачасовага выезду для абнулення легальнага тэрміна знаходжання.
📍Расказваем што адбылося і публікуем каментар юрыста з гэтай нагоды
🥶 «Не май месяц». Калі ў Беларусі ўжо нарэшце пацяплее?
Ноччу з 8 на 9 траўня ў Беларусі былі абноўленыя ажно 23 мінімумы тэмпературы. А раніцай 10 траўня ў Кобрыне ішоў дождж са снегам.
🤔 Што адбываецца і калі можна будзе схаваць курткі ў шафу?
🚀 Раніцай на Зямлю ўпаў апарат «Космас-482», які СССР запускаў у 1972 годзе
Мэтаю палёту гэтага апарату было даследаванне Венеры, аднак да мэты «Космас-482» не дабраўся і ў выніку дзесяцігоддзямі кружляў на калязямной арбіце.
📍Вось куды, меркавана, упаў касмічны апарат
🤯 У Азаронка люта бамбанула ад рэпартажу расейскага калегі
У эфіры сваёй праграмы «Азарёнок напрямую» прапагандыст абрынуўся на Андрэя Калеснікава, бо той падкрэсліў, як нязграбна і павольна перасоўваўся Лукашэнка на прысвечаных Дню Перамогі мерапрыемствах у Маскве.
На сітуацыю звярнула ўвагу @nashaniva.
📍Вось як Азаронак назваў Калеснікава (увага, шмат ненарматыўнай лексікі)
😳 Пакістан абвясціў пра пачатак ваеннай аперацыі супраць Індыі
У адказ на «індыйскую агрэсію» пакістанскія сілы заявілі пра намер ударыць па стратэгічных аб’ектах на тэрыторыі суседняй краіны. Ваенная аперацыя будзе мець назву «Буньян уль-Марсо».
Паводле ўладаў Пакістана, мэтамі ўдараў сталі авіябазы ў горадзе Удхампур у індыйскай частцы Кашміра і ў Патханкоце, а таксама склад звышгукавых ракет у Беасе.
Армія Індыі назвала дзеянні Пакістану «вопіючай эскалацыяй».
Кім Чэн Ын апраўдаў удзел КНДР у вайне супраць Украіны
Паводле яго, паўночнакарэйскія салдаты абаранялі «братнюю нацыю».
«Я лічу ўсіх адважных салдат, што ўдзельнічалі ў Курскай аперацыі, героямі і найвышэйшымі прадстаўнікамі гонару нацыі», – сказаў Кім.
Лідар КНДР таксама заявіў, што Пхеньян дазволіць выкарыстанне сілы, калі ЗША працягнуць здзяйсняць «ваенныя правакацыі супраць Расеі».
💥Ранішняе шоу на «Белсаце»
Як пачаць суботнюю раніцу з пазітывам і цікавымі адкрыццямі? Далучайцеся да нашага ранішняга шоу з вядучымі Кацярынай Раецкай і Дзянісам Дудзінскім.
Сёння гаворым пра тое, адкуль узялося слова «спадарства», што такое касплэй, куды беларусам варта завітаць у гэтыя выходныя — і не толькі.Глядзіце жывы эфір тут: youtube.com/watch?v=5bQj-hwdsio
💥 #галоўнае за 9 траўня
✔️Колькі каштуе святкаванне 9 траўня? Паглядзелі, як і на што выдаткоўваюцца грошы
✔️Расейскі амбасадар у Варшаве зноў сутыкнуўся з цяжкасцямі падчас ускладання кветак
✔️А прарасейскія актывісты ў той жа лакацыі ледзь не сарвалі працу нашай журналісткі
✔️Як Рым сустрэў новага Папу. Рэпартаж з-пад Сікстынскай капэлы
✔️Улады РБ цяпер прызнаюць ветэранамі вайны 1941-1945 гадоў не толькі франтавікоў, але і тылавікоў
✔️Амерыканца, што нелегальна патрапіў у Беларусь праз свае праблемы з памяццю, усё ж адпусцілі да родных
✔️Расея ўкладае ў Беларусь найбольш грошай. А хто ідзе следам за ёю?
✔️Сёлета ў Беларусі рэзка вырасла колькасць пажараў. Прычына не самая відавочная
✔️У Беларусі не адбудзецца «фестываль танкаў», бо ў ім знайшлі сляды «экстрэмісцкай» кампаніі
#рэпрэсіі:
▫️Стала вядома, што брат Ігара Лосіка ужо месяц знаходзіцца ў няволі
▫️У адной з калоніяў зноў пачалі ціснуць на палітвязняў, каб тыя пісалі прашэнні пра памілаванне на імя Лукашэнкі
💬 «Для Лукашэнкі цяпер галоўнае ўстрымацца і не заняць чыйсці бок у канфлікце Індыі ды Пакістану»
У свеце разгараецца новая вайна, прычым гэтым разам паміж дзвюма ядравымі дзяржавамі. Ці можна сказаць, што гэта на руку Крамлю і ягонаму васалу з Драздоў?
А таксама:
❓Куды знік Віктар Лукашэнка?
❓Што будзе падчас вучэнняў «Захад 2025»?
❓Пацяпленне ў адносінах ЗША і Беларусі?
👀 Свежы выпуск праграмы «Карані праблемаў» ужо даступны для прагляду на канале «Белсат NEWS»
😉 У свеце з’явіўся ровар для аматараў паляжаць!
Проста паглядзіце, як ён працуе 🤔
⚛️ Закуліссе «мірнага атаму», пра якое не прынята казаць
Магістарка ўстойлівага развіцця і аспірантка ў экалагічнай інжынерыі Таццяна Новікава прэзентавала сваё даследаванне, датычнае выкідаў АЭС ды іхнага ўплыву на навакольнае асяроддзе.
📍Знаёмім вас з ім падрабязней па спасылцы
🔍 Новы геаграфічны пункт у «эпапеі Мельнікавай»: Аб'яднаныя Арабскія Эміраты
Выданне «Polityka» сцвярджае, што экс-спікерка Каардынацыйнай рады накіравалася ў Дубай усяго праз тыдзень пасля прыбыцця на Шры-Ланку з Лондану.
📍Падрабязней чытайце па спасылцы
🕷Павук высвятляе, чаму ў беларускіх падручніках не ўзгадваюць пра супрацу СССР і нацысцкай Нямеччыны
Сталін лічыў Гітлера саюзнікам ажно да чэрвеня 1941 года, калі той раптам не засадзіў свайму «сябру» нож у спіну.
Аднак у школьных ды ўніверсітэцкіх праграмах беларускіх навучальных установаў пра гэта не раскажуць. Чаму так?
👀 Глядзіце і слухайце новае выданне «Шухер шоу» проста цяпер
🕊 Колькі насамрэч загінула ў Беларусі ў другую сусветную?
У тыя гады загінуў кожны трэці, кажуць у Беларусі. А яшчэ нядаўна ў СССР лічылася, што загінуў кожны чацвёрты беларус.
У новым выпуску праграмы «Міфы вайны» расказваем, як маніпулюе лічбамі дзяржаўная прапаганда, гаворачы пра колькасць ахвяраў Другой сусветнай вайны ў Беларусі.
📺 Глядзіце на YouTube-канале «Белсат HISTORY»
📍У Магілёве падлеткі паказвалі сярэднія пальцы падчас салюту на 9 траўня
Гэта раз'юшыла прапагандысцкія ТГ-каналы, там пішуць, што дзяўчыны ўжо затрыманыя (а некаторыя нават самастойна прыйшлі ў міліцыю).
🔍 Чытайце болей на сайце
🤔 Беларус атрымаў нетыповую польскую візу. Раней такіх амаль не выдавалі
Праўда, унікальнасць гэтай візы нашага суайчынніка наўрад ці парадавала.
Пра сітуацыю даведалася @zerkalo_io.
🔍 Чытайце па спасылцы, у чым справа. І праверце на ўсякі выпадак свае шэнгенскія візы, калі маеце іх у пашпарце
📺 Навіны за 5 хвілін
⬆️ Колькасць вакансіяў для пакістанцаў у Беларусі можа вырасці яшчэ болей
🔻У Менску прайшоў парад да Дня Перамогі, Лукашэнка пагражаў суседзям
🔻Пакістан пачаў вайсковую аперацыю супраць Індыі
🔻У Кіеў прыехалі лідары ЕЗ на сустрэчу «Кааліцыі ахвочых»
Глядзіце ў кароткім выданні навін на Белсаце 💻
😨 У Горадні зрабілі Райхстаг, каб пасля ўзяць яго штурмам
А таксама:
🔹У Горках капалі алею і знайшлі закладку часоў вайны
🔹Менскі барыста прыгатаваў каву «шашлычы́на»
🔹Гарэлка «Сукалень» – прынада для дармаедаў
🔹Ад чаго мядзведзі з Беларусі бягуць у Літву?
🔹Хакеіст Авечкін падарыў джэрсі Лукашэнку
Жыццё ў лукашэнкаўскай Беларусі не перастае падкідваць тэмы для жартаў вядоўцам «Хай Так TV» Міхасю Зую і Дзмітрыю Есяневічу.
👀 Глядзіце новы выпуск «Хай Так TV» проста цяпер на канале «Белсат LIFE»
На гэта можна глядзець бясконца…
Хлопец робіць робатаў са старых запальнічак. І атрымліваецца даволі файна!
🇪🇺 Еўрапейскія лідары прыехалі ва Украіну
Прэм’ер Вялікай Брытаніі Стармер, прэзідэнт Францыі Макрон, канцлер Нямеччыны Мерц і прэм’ер Польшчы Туск упершыню разам наведалі Кіеў.
Кіраўнік Офіса прэзідэнта Украіны Ермак паведаміў, што бакі маюць шмат працы і нямала тэмаў для абмеркавання:
«Неабходна завяршыць гэтую вайну справядлівым мірным шляхам. Трэба прымусіць Маскву пайсці на спыненне агню», — адзначыў украінскі чыноўнік.
☕️ Не ведаеце, што пачытаць за ранішняй каваю?
Сабралі для вас найбольш цікавыя матэрыялы «Белсату», які вы маглі прапусціць:
🔺 «Крамбамбуля» выдала першую за 8 гадоў песню
Праект Лявона Вольскага «выйшаў з лесу» пасля доўгага маўчання з песняй пра перамогу. Паслухаць яе можна па спасылцы (праз VPN).
🔺 Як у Беларусі адзначылі Дзень Перамогі?
Дзеці ў савецкай форме і гульні з вайсковай тэхнікай: сабралі фотаздымкі таго, як улады рэжыму арганізавалі святкаванне 80-й гадавіны заканчэння Другой сусветнай вайны. Глядзіце на нашым сайце (праз VPN).
🔺 Еўропа дамовілася на трыбунал за напад на Украіну
Ці закране ён Лукашэнку і ягоных паплечнікаў? Разабраліся ў нашым матэрыяле (праз VPN).
#штопачытаць
🎸«Трэба нам перамагчы войскі цёмнае начы»
«Толькі перамога» – новая песня «Крамбамбулі». Гэта першая песня, якую гурт выпусціў за апошнія восем гадоў.
«Без Перамогі, нашай новай, сапраўднай Перамогі, а не той, колішняй, пакрытай, бы павуціннем, спекуляцыямі і фальшам, не ўдасца бачыць яскравыя фарбы свету, чуць чароўную музыку жыцця і дыхаць на поўныя грудзі. Паглядзіце адно аднаму ў вочы! Колькі можна жыць пад прыгнётам і выконваць акупацыйныя законы?! Ці не вартыя мы паўнавартаснага, годнага, сапраўднага жыцця?»
🙏 «Палітвязні ў нашай Айчыне не будуць абыякавыя для Папы»
Хто такі новаабраны Папа Рымскі Леў ХІV?
Як пантыфіка, яго называюць тым, «які клапоціцца пра мігрантаў і жабракоў». А якой будзе палітыка новага Папы? І як яна паўплывае на свет, у тым ліку на Беларусь?
Беларускі каталіцкі святар Дзмітрый Прыступа перакананы, што Леў ХІV не пакіне беларусаў і Беларусь. Паслухайце.
Больш пра асобу Папы Рымскага Льва ХІV даведваліся нашы журналісты. Глядзіце ў праграме «Аб'ектыў». 👈
☝️Маладзён, які забіў вартаўніцу на тэрыторыі Варшаўскага ўніверсітэту, расказаў пра свае матывы
З ягоных тлумачэнняў вынікае, што забойства не было спланаваным, а ахвяра была выпадковай. Падобна, што ідэя нападу прыйшла ў галаву затрыманаму непасрэдна перад забойствам.
📍Болей падрабязнасцей шукайце на старонцы
☝️Лукашэнка загаварыў, як беларускі нацыяналіст. Што здарылася?
Пра перавагу над суседзямі Лукашэнка заявіў напярэдадні Параду Перамогі ў Маскве. І нагадаў пра 1000-гадовую беларускую гісторыю, якую збіраецца шанаваць.
Адначасна згадаў, што «затрымаўся пры ўладзе», і просіць яго пацярпець. Акрамя беларускага народу, у каго яшчэ заканчваецца цярплівасць трываць так званага прэзідэнта? Каму самапрызначэнец адрасуе свае заявы пра перавагу беларускай гісторыі?
Гэтыя і іншыя актуальныя тэмы абмяркоўвалі ў праграме Сяргея Пелясы «ПраСвет». Больш чытайце па спасылцы.👈