قصائد حسينية مكتوبة عامة
01 July 2025 13:27
٣٢| درب الشام |
——— أَلْمُسْتَهَلْ ———
,, تنــظر عيونـــي ,,
,, بحبل جـــتفوني ,,.
,, الغرب شـتموني ,,
على.. لهزل .. درب .. صعب
——— ١ ———
امشي ماعندي ضـهر •• عالنهـر جـف الـگـمـر
والـدرب كـله حـچــر •• وعثراته بكد نوحي
فراگم مــاينــحمــل •• تالي اصعــد عالهــزل
مجروحه اديه من الحبـل •• اه يا كبر جـروحي
إنه زينــب جـــنت مـــدللة عبــاس
هسه أبين شمات وعــدة وارجــاس
,, اطــب الــديـــره ,,
,, انضرب وجبــيره ,,
,, الغــرب ياحيــره ,,
على.. لهزل .. درب .. صعب
——— ٢ ———
سوالفك بيه تمـر •• تهبني ريح من العطـر
دمعي صب بين اليسر •• عل هزّل ومجتفة
خيالي ماشافه بشــر •• بت علي وخت الكـمـر
وهسه انطك بالحجـر •• ياحيف و ياوسفة
بسلاسل كيــدوني وصعد انه النـــــوك
وادم تضحــك وشمات نص الســـــوك
,, النبض اليعرفه ,,
,, الغرب مو كلفة ,,
,, الجرح مايشـفة ,,
على.. لهزل .. درب .. صعب
——— ٣ ———
نمشي خطوات السبي •• والجمر طرف العبي
يصير هيج أبت نبي •• والله ما معقولة
وحيدة ماعــنــدي أهل •• بالغـــرب ماكو أمــل
بالدرب دمعــي نــزل •• عل متوذر طولة
هضيمة الوكت هيج يسوي بحوالي
واخذ مني شكو بنص الكلب غالي
,, اذكرت حز نحره ,,
,, اعثرت عل غبره ,,
,, تعبت بالصحره ,,
على.. لهزل .. درب .. صعب
——— ٤ ———
بالدرب نمشي شكثر •• خويه ياحامي الخدر
انته بجفوفك ستر •• انظر انه وحيده
انه مسبيه بقهر •• صعبه حرمه بلا ضهر
منيتي موجود الكمر •• ويحاميلي بيده
عطشــانه رقــيه اتشــوفك انته ويــن
نــمشي بجزع صــاحت يبويه حسيـن
,, الخيم من شــبت ,,
,, الحرم من طلعت ,,
,, الشام من طبـت ,,
على.. لهزل .. درب .. صعب
——— ٥ ———
الشام طبينه بجزع •• جم طفل بينه وكع
شامت بسوك وطلع •• وادم تضرب بينه
يرتل القرآن اشوف •• عالرمح راسك يطوف
شامت بسوك وألوف •• ياخويه نادينه
صحنه يابو فاضــل حالي بجه الطـــيــر
ترضـــاها يخـــويه بآمري هيج يصــيــر
,, بسـكــته ونــاتي ,,
,, تنــزل دمعـــاتي ,,
,, وجرحي واهـاتي ,,
على.. لهزل .. درب .. صعب
———————————-
اللهم عجَّل الوليِك الفـرج
السيد عبد الرحمن الموسوي✍🏻
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
01 July 2025 13:27
٣٠ | اصحاب الحسين |
——— أَلْمُسْتَهَلْ ———
عشگ يمـهـم .. مشة ابدمهم .. حچي ألهم .. يگـوة
أهـل غيـــرة .. هــوة الديرة .. حِسِن سيرة .. الخوة
——— ١ ———
زلم لفـت عمايـم .. الحرب بالحومه دايم
يحدون الصوارم .. ســاعة وتصير المعارك
حبيب ابنُ مظاهر .. المــــرجف العساكر
وبرير اعليها ثائر .. كل حلگ بچفوفه فارك
يشدون البيارغ عالگصـص غيره ٠٠ غطوها العساكر
بوكت كل الزلــم ظلت فرد حيره ٠٠ مَطروها مناحر
صدگ صحبة .. وطعم خوة .. وبخت شارة .. البيهم
زلم عالحــگ .. أذا هـدّو .. أمر كـــلـــه .. ابديهم
——— ٢ ———
نزع روحه ونطاهه .. حبيب و قدّماهه
لبو اليمه هــــداهه .. وگصّته اتنگــــــط مراجل
الحنان ابدمة يمشي .. حبيب اموفّي كلشي
لخلي الحومه نعشي .. واسحگ بروس الجحافل
واحد وتسعين عمرة مــــرجف الگـاع .. بي هيبــة غياره
بالحومة لو ينكته خاجيته الشمر ضاع .. والكون كله دارة
صفت سكته .. ولا واحد .. تره البيهم .. يحچي
حبيب وطب .. ترة اگباله.. الحرس كله .. يبچي
——— ٣ ———
وگف شيخ الشجاعه .. انحنى لحسينه طاعه
وعي عنده وقناعه .. والحسين اختاره صاحب
يشگ اهدومه عابس .. اله محّد ينافس
مثل لـــون النوارس .. نيّته وهــــــد عالكتايب
عابس عطره عنبر من يشمه حسين .. والشيمه ابصفاته
فدوه للوفاء الشـــــايله مــــن وين .. عابــس واشغلاته
الوفه ابدمي .. ترا يمشي .. العيون انته .. ضواهه
ادگ صدري .. واگول ابشر .. ترى الطبها .. محاهه
——— ٤ ———
دوه صوت الحرايب .. وگف بالحومه شايب
الذي يسال يجاوب .. سيفه والمنبر مهرته
انكشف بيهه العلامه .. عمــر بدل كلامه
يحس يوم القيامه ٠٠ بصارم الشيخ وطبرته
نفخ بالحومة ابن ظاهر لهيب ونار .. رجفهه المنايه
والسبعين زلمة امطشره طشـــــار .. ماظلت الحايه
ترة الفكـر .. يجي يمنه .. وعــــلي نمـحي .. وجودة
اسمعو همه .. الذي گاله .. الشمر يسحب.. جنودة
——— ٥ ———
وهب نصراني ناده .. تحزم للقياده
انه ابدم الشهاده ٠٠ لازم اتحنيني امي
غيور وكله هيبه .. شباب وكله طيبه
تفنن عالكتيبه ٠٠ وصاح لحسين افدي دمي
زهير اتعلم الخوة مــن ابو فاضل .. مدرسة الهواشم
ترة ساس الوفه وكل الوفه شايل .. كفال الفواطم
تره الخـــوة .. اذا تعـــرف .. تـــرة بعـــازة .. شدة
تــره ابيـــن .. ابو الغيـــرة .. انعرف وكـت.. الهدة
———————————
اللهم عجَّل الوليك الفـرج
#عبدالرحمن_الموسوي✍🏻
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
01 July 2025 13:26
(( تكتله المحنه))
بيـه ونه
بيه حنه
واليظـــل الوَحَده تكتله المحنه
بيه حيره
للعشــيره
والملامح صارت بروحي چبيره
ياهـــــــــلي راحت محاملكم حزينه
حتـــى باب البيت گمت اسمع ونينه
يمته اسمع صوت ابوي يگول اجينه
يا دمعتي .. الخلــــــت آثـار بوجنتي
الرافگت نفـخت حسرتي
يا دمعتي .. كافي من حيلي واخذتي
كافي مو زادت غــــربتي
بويه حسين ...
""""""""""""""""""""""""""""""""""""""""""""""""'''""""
يــــالعفتني
بويه أجتني
كمت اشوفنها المنيه فوگ متني
تــدري بيه
هـــم سبيه
آنه هم دست الجـمر اشبه رقيه
والدموع بعيـــني بويه تصيح وينه
مـــــن البچي والنوح علمت المدينه
يمته اسمع صوت ابوي يگول اجينه
يافرگتك .. شابت من الفرگه بنتك
گـاعده بعتبت غرفتك
يافرگتك .. يسولف الليل بحسرتك
وتغفه العـيون بدمعتك
بويه حسين ...
""""""""""""""""""""""""""""""""""""""""""""""""'''""""
بــيا نـويه
الغاضـريه
يعني ما تاني بصباح ولا مسيه
من حناني
بويه اتاني
آنه اولكم غــريبه وتدري اعاني
شبيدي مكتــــــوب العمر كله حزينه
بيا درب ضليـــــت منتضره الضعينه
يمته اسمع صوت ابوي يگول اجينه
عني شلتوّ .. ويــــــن واليـــاغربه رحتوّ
شگد صحت بس ماسمعتوّ
عني شلتو .. وهــــم ذكـــرتوني وصفتوّ
بويه هم بــ اسـمي صحتوّ
بويه حسين ...
""""""""""""""""""""""""""""""""""""""""""""""""'''""""
دمعي جاري
بالانتضــاري
والغريبه يصيحــــلي يابويه جاري
وياجـروحي
وهاي روحي
ومن فرگتك يالحنين بجمره نوحي
آنـــــه ودموعي نذكــــــرك مانسينه
آنـــه ويّ روحـــي عليــــــك تعلمينه
يمته اسمع صوت ابوي يكول اجينه
تبده صبري .. بــــويه ياريعان عمري
الفرگه ما اعرفها تدري
تبده صبري ..وصارت الدمعات تجري
ويــاحزن بالروح يسري
بويه حسين ...
عبد زينب
محمد الإبراهيمي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
01 July 2025 13:23
#قصائد_محرم_
#محرم_الليلة_السابعة_
مولاتي زينب(ص) تتكلم حيرة الحسين(ص) من يرجع من مصرع ابا الفضل العباس(ص)…
رجع مكسور
وكف؟ويدور…وداع الخوه ضياع
يخويه ام عون
بدونه شلون…كتلني يخويه لوداع
لكسر؟ ضهري
وخذ عمري…بترابة عفتلة ذراع
ويلي…رد اعلة الخيم
ويلي…بس؟حيله انهدم
ويلي…رد ابلا علم
صاحزينب صاحگطعو چفة لتلزم ايدچ
راحعفتة؟ وراحسهم بعينة صار عضيدچ
خووويه….
_______
يصد للگوم
أجتة تحوم…ويدير الخيامة وحيد
لرقيه يروح
ويموت جروح…اشبگني تگله اريد
تجرحه اهواي
تگله الماي…ضِمانة برحيلك يِزيد
ويلي…بس وحدك صرت
ويلي…ألمن؟ تلتفت
ويلي…لذبحك گربت
دارلمن دارصاحت زينب خويه ارجعلي
نارخاف النارتحرگ خيمه ويطلع ضلي
خووويه….
________
تصيح زغار
يعمه شصار…عطشهن ذبحله دلال
سكينة تصيح
تگوم؟اطيح…شجاوب؟ كتلني لسؤال
يخويه حسين
أفرن وين…وحيده اضلن محال
ويلي…رااايح تنذبح
ويلي…يضل طولك جرح
ويلي…وراسك علرمح
موتخويه الموتزينبْ گرب خويه وداعچ
صوتاخر صوترايد مهري من اذراعچ
خوووويه….
________
(أخر اللحضات توگف اباب الخيمة وتشوف اخوها الحسين يبقة لوحدة لا ناصر ولا معين)
بعد لحضات
وأصيحن مات…يخويه جرحنة يطول
رحت عطشان
تصد حيران…بوداعك تجينه لخيول
حرگ؟ والنار
يخويه احتار….وعليك الحوافر تجول
ويلي…يحتار الخدر
ويلي…نروح بكل كتر
ويلي…وبحرّ الضهر
وينيمشن وينكلها انذبحت محد عدهن
حسينراح حسينوسط الهيمه فرن كلهن
خوووويه…..
________
#محرم_١٤٤٧هـ_
محسن الباوي
اللهم عجّل لوليك الفرج
________
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
01 July 2025 13:23
#قصائد_محرم_
#محرم_الليلة_السادسة_
ورحلو الانصار وأمسى الحُسين(صلوات الله عليه) غريباً وحيداً
كَم تَدَّعي حُزناً وَأَنتَ مُرَفَّهٌ
إِن كُنتَ مَحزوناً فَما لَكَ تَرقُدُ
هَلّا بَكَيتَ عَلى الحُسَينِ وَأَهلِهِ
هَلّا بَكَيتَ لِمَن بَكاهُ مُحَمَّدُ
لا ما يبرد جرح العاشر
شلون حسين بصحره ينام…
جمره وتلهب لا ما تطفة
عل ضامي وحرگولة خيام…
شما نبچيها چبيرة الغربه
بشمس الحومة تلث ايام…
خل نبچي هواي__للضامي الماي
نايم عطشان__ماعندة فياي
ويلاه حسين…
ويلاه حسين…
__________
أَنَسيتَ إِذ صارَت إِلَيهِ كَتائِبٌ
فيها اِبنُ سَعدٍ وَالطُغاةُ الجُحَّدُ
قَتَلوا الحُسَينَ وَأَثكَلوهُ بِسِبطِهِ
فَالثُكلُ مِن بَعدِ الحُسَينِ مُبَدَّدُ
جيش وعسكر وهوّة لوحدة
وسط الگوم يدير العين…
والخيالة تحضرت كلها
وكلهم گالو ذبحو حسين…
صوب اخيامة يدير الناضر
وجروحة اندارت صوبين…
لخيامة يدير__وهواي يحير
ماتبقة خيام__محروگة تصير
ويلاه حسين…
ويلاه حسين…
_______
يا جَدُّ قَد مُنَعوا الفُراتَ وَقُتِّلوا
عَطَشاً فَلَيسَ لَهُم هُنالِكَ مَورِدُ
يا جدّ ذا نحر الحسين مضرّج
بالدم والجسمُ الشريف مجردُ
يم الماي وعطشو كلهم
وحتى اليرضع هم عطشان…
عبدلله بچم گطرة ويروة؟
ما شربوهـ وضل ذبلان…
ماي الله ليش يگطعونة
ويعطش كلمن بلصيوان…
ماصارت هاي!__يعطشون الماي
لليروي الكون؟__مامش سگاي
ويلاه حسين…
ويلاه حسين…
_______
كَيفَ القَرارُ وَفي السَبايا زَينَبٌ
تَدعو بِفَرطِ حَرارَةٍ يا أَحمَدُ
هَذا حُسَينٌ بِالسُيوفِ مُبَضَّعٌ
وَمُلَطَّخٌ بِدِمائِهِ مُستَشهَدُ
ما ترهم؟ يسبوها الغربه
وما ترهم؟ زينب عالنوگ…
يم العفة أحبال! وهزلة!
هاية لزينب لا متلوگ…
تنعى حسين العافت جسمه
وگلب الحره ضلّ محروگ…
موتها الشام__مشوها أيام
تعبها وصار__كل خطوة بعام
ويلاه حسين…
ويلاه حسين…
_______
#محرم_١٤٤٧هـ_
الفصيح: دعبل الخزاعي
الشعبي: محسن الباوي
اللهم عجل لوليك الفرج
_______
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
01 July 2025 13:22
#قصائد_محرم_
#محرم_الليلة_العاشرة_
مولاي سيد الشهداء(ص) وداع عيالة وأختة زينب (ص) واطفالة….لكن منظر الاطفال كسر گلب الحسين يوگفون جدامة ويگلولة وين نروح بعدك ياحسين💔…
أخر أمل انتة؟ صرت
مانبقة بعدك لو متت
الخيالة متحضرة وإجت..عگبك منو اليحمينة
يذبحونك انتة ونفترگ
هذا الحچي ليهضم صدگ
نخاف الخيم من تحترگ..والخيل تهجم لينة
من رحت بلخيمة صرنة__الخوف هدنة
وتعَبانة…
تشابگينة وگمنة نبچي__بدمع نحچي
من ضِمانة…
فوگ كل هذا عطشنة__تشب خيمنة
تضل ورانة…
أطفال وبس؟ نركض نطيح
والطايح ياااا بوية يصيح
بس ألمن؟ صرختنة بعد
من تبقة بلحومة ذبيح
الوداع ياحسين،،،،
___________
أخر وداعك بي جرح
ندريك؟ رايح تنذبح
وعنةّ بعد طولك يشح…ومحد يضل للخيمة
العطشان ما يحمل تعب
أطفال مااااااا ألنة ذنب
اعلينة الخيم راحت تشب…وتالي نفر بلهيمة
الهيمة ركضتها چبيرة__ولله حيرة
شلون بينة…
الخيل من تسحگ تموّت__ما تفوت
يا هضمنة…
امن العطش كلش تعبنة__نريد اهلنة
حيل متنة…
بس نار وبس دخنة غدِت
والخيل الما ترحم اجت
يم زينب فرينة نخااااف
عمتنة بس كلش گضت
الوداع،،،ياحسين
_______
(اهنا مولاتي زينب(ص)من قدمت المهر لخوها الحسين(ص)…
من جدمت ليك المهر
بية انذبح خوية الصبر
أخر وداعك والعصر..ماتبقة يمنة اعيونك
من گتلي يازينب بعد
رايح يخوية وما ارد
حسيت دلالي انمرد…ماترجع ايذبحونك
إوداع زينب هوة هدك__تدري بعدك
اتضلّ غريبة…
مايضل بعدك خدرها__ايضيع امرها
شگد عجيبة..
الچانت بعينك اميرة__تصير اسيرة
وبس مصيبة…
عطشانة ويا خوية الضهر؟
كلش حار ويلهب جمر
تعبانة ما بية استراح
ما اگدر بلهيمة أفُر
الوداع،،،،ياحسين
_______
اهنا تسولف مولاتي بعد ما ذبحو اخوها الحسين عصر العاشر وتكمل مولاتي…
عجه وعساكر والزلم
الكاروك منهم ماسلم
ماضل أثر من الخيم…حترگت خيمنة وراحت
اطفال؟ ماتت من ضِمة
وطفال بل بر هايمة
وطفال من نزف الدِمة…ذبلت يويلي وماتت
من خلص ياخوية كلشي__گالو امشي
للسباية…
بلذبح خلصو اخوتچ__ما يجونچ
ماكو راية…
والأميرة ماضي صارت__روحي حارت
شلون هاية…
جابوها وحضروها الهزل
ما ترهم جابولي الحبل
مو گدري لا ولله ابد!!!
مسبية وماعندي أهل
الوداع،،،ياحسين
_______
#محرم_١٤٤٧هـ_
محسن الباوي
اللهم عجّل لوليك الفرج
_______
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
01 July 2025 13:22
#قصائد_محرم_
#محرم_الليله_الثامنه_
مولاتي رمله(ع) تشوف وليدها مولانا القاسم(ع) لابس ثياب ابوه مولانا الحسن(ع) ورايح للحرب توكف گباله مولاتي بكلب مكسور وتشوفة بهذا المنظر وتگول…
فز الگلب مدري شحصل من شفت
ابني لبس ثوب الحسن وعرفت
هاي النهايه ومنهة ما ضن؟ يرد
جيت وشبگته بدمعتي چا متت
يبني وحلم دلالي_تكبر بعد اريدك
وبيدي ازف جمالك_مو ينگطع وريدك
طولك ضوه بعيوني_چانت حلم وگفتك
من الهوه اخافن_مو للحرب ازتك
هاي الحرب؟ يعني موت
بدمعي كمت ارتجي…
وداعك جرح بية صار
حيلي گضة من لبچي…
للخيمه امشي وارد
تنضر؟ علي ونضرك…
شما جدمك انته ابتعد
بطرف الخيم انتچي…
ويلااااه ييمه.. يعريس الطفوف
_________
عريس ردته اوليدي وحسب عمر
يا كسرتي الماضن بعد تنجبر
ابني شحلاته ذكره من الحسن
غصن الترافه من رحل منكسر
متعلمه اصد جماله_چنت الحسن اشوفه
بيش الدهر طلبني_بعمر الورد اعوفه
يمه شحلاته جاسم_ابني وحلم عيوني
كل امنياتي ماتت_وخابت بعد ضنوني
تعنه ومشه وگلبي صاح
يبني بدت غربتي…
ودعته اصعب وداع
زادت علي محنتي…
هوه مشه والگلب
حسيته يركض اله…
ادري بعد ما يرد
يعني انطفت شمعتي…
ويلااااه ييمه.. يعريس الطفوف
________
اصعب وداع بعمري لمن رحت
لحسين طولك يبني انة انذرت
وخضر جمالك يبني لوحة وفه
لاكن فرگتك بيها كلش حرت
مني خذت جمالك_يا كربله شخذيتي
من هضمتي بوداعك_حسيت اجت منيتي
مات الورد ييمه_كله ذبل بدووونك
ولليل الهجر هضمني_ارسم كمت عيونك
جرحي بعد ما يطيب
ولاكو دوه يصير اله…
مني خذت لهفتي
كلشي خذت كربله…
محتاره وبچي شكثر
ودموعي ترسم حلم…
يبني الهجر مو سهل
يلمنذبح بل فله…
ويلااااه ييمه.. يعريس الطفوف
________
خدك ييمه شعنده جوه الشمس
وانه امنياتي؟؟ يبني چانت عرس
نايم على حر الرمل يل ولد
مابية اشهگ يمة صرت النفس
ضامي متت ييمه_وصارت دمه خصالك
ولونك بعد تغير_ذابل خلص جمالك
مني الحرب خذتك_شگد تعبت دليلي
چاشحچي يمه گلي_موتك خذالي حيلي
راح امشي عنك وروح
كلشي خلص من متت…
راح اگضي عمري دموع
انعه لمصابك صرت…
ليش ابني حسره انذبح
تطلبني بيش الحرب…
ميت يجاسم صفيت
يمه عفتني اتعبت…
ويلااااه ييمه.. يعريس الطفوف
________
خضب جمالك يبني نزف الدمه
وحسنك تبدل كلة من الضمه
عطشان يبني من رحت للحرب
طشيت دمعي وندعي للسمه
سالم ترد ييمه_وترجع الي وشوفك
مو تنذبح حسافه_اوكف جرح وطوفك
الحنه جرح عذابي_يبست بعد حسافه
يا هضمتي الچبيره_مني خذوو ترافه
طولك بده بعيني شوگ
ليش الحرب تكسرك…
مشتاگه يبني شكثر
توكف تجي ونضرك…
چندوب اضلن اون
ورسم عيونك تجي…
ياروحي جاسم ذبل
مو طبعي يبني اهجرك…
ويلااااه ييمه.. يعريس الطفوف
________
#محرم_١٤٤٧هـ_
محسن الباوي
اللهم عجّل لوليك الفرج
________
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
01 July 2025 13:20
أصحاب حسين
صارو للوفه اسطوره
٠٠٠٠ ٠٠ ٠٠٠٠
نزلو عالمنايه الموت ماهمهم
غيره ومرجله رفت شواربهم
برگاب العده حنو صوارمهم
جيلا جيل نقلو إلنه هالصوره
أصحاب حسين صارو للوفه اسطوره
٠٠٠٠ ٠٠ ٠٠٠٠
صيد بكربله وتزاودو عالصيد
ماجنها حرب وتگول عدهم عيد
مذره اسيوفهم وتكيف عله الويد
جيوش يزيد من سبعين مذعوره
أصحاب حسين صارو للوفه اسطوره
٠٠٠٠ ٠٠ ٠٠٠٠
رجال حسين ذوله البالحرب كلفين
صاحو بت علي يازينب تبشرين
گبل حسين كلنه انطيح گبل حسين
هاي أرواح فدوه لروحه منذوره
أصحاب حسين صارو للوفه اسطوره
٠٠٠٠ ٠٠ ٠٠٠٠
ذوله الهوسو مادنگو هامه
حسين الحير التاريخ بأزلامه
فرع شيخهم وذب العمامه
صحنه بصوت هل فرسان مشكوره
أصحاب حسين صارو للوفه اسطوره
٠٠٠٠ ٠٠ ٠٠٠٠
عجزان الشعر ولي مدح بيهم
شماننصب مئاتم مانوفيهم
الله اختارهم واختار اساميهم
وأعله الموت كلمن منتظر دوره
أصحاب حسين صارو للوفه اسطوره
٠٠٠٠ ٠٠ ٠٠٠٠
خادم اهل البيت ع
فلاح طالب الماجدي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
01 July 2025 13:07
الليله السادسه (الانصار)
هنا يفرسان العقيده موقف لزينب نريده
يم خيام الهاشميه عهد بدمانا نعيده
* *
صوت من جمع الانصار وتبتدي بالبسمله
استفتحو بشيبة حبيب وشوفو عزمه بكربله
خل تجي اثگال الرجال تشوف عصف الزلزله
بسيفه كل مثقال ذره اسرع عذاب ينزله
صاح يليوث الحرايب ردت منكم هالمطالب
نفتدي بت الزچيه ونقتدي بسيد الغوالب
* *
التمو عليه الغيارى وگالو آمر ياحبيب
احنا موعدنا الصباح وانما الصبح قريب
للفدا كلنا حضور ويدرك الجنه اليغيب
وي رسول الله اليقضي نحبه لعيون الغريب
ياحبيب وتدري بينا تهون النفوس لولينا
نهز گاع الغاضريه للخيم گوم احدي بينا
* *
من سمع عباس صوته طلع مدرع بالعلم
صاح بيهم ياحبيب بعزمي تنشد الهمم
سيفي صاعقة السماء المنه ما واحد سلم
گال ابن ضاهر عهدنا نعيده لسراج الامم
نامو لا نامت اعداكم نحور صحبتكم فداكم
درع عنكم للمنيه وسور نصبح عن حماكم
* *
ياحسين وهذا صوت لنصرتك مثل الرعيد
كلمة الحر وعد عنده وهذا ميعاد الوعيد
والله لو ذبحونا لجلك الف مره ولا نحيد
راينا الموت بهواك وراينا الراي السديد
والله لو حرگونا لجلك ياحسين ولا نملك
عدنا بس هاي الرجيه نخوض بحر الموت گبلك
* *
ياعقيله انصارج احنا واعتنينا لخيمتج
احنا آيات السَكينه والامان لخوفتج
نحقق وصية الموده للرسول وقربتج
وترخص انحور الضياغم دونج ودون اخوتج
تصرخ اليـوم الحناجر باجر نقدم المناحر
دون ابن خير البريه نستعد للموت باجر
* *
لخادم الحسين ع
علي العزامي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
30 June 2025 16:58
هلا بمسلم ياهلا
هلا بمسلم ياهلا
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مسلم تحـــزم عليها وشـــــــــن عليها الغاره
ابـــــو ثار وماتنخــه بزلمه ياخـــــــــــذ ثاره
القصر والبالقصر ضلت خايفـــــــه ومحتاره
اليله ابن عــم الحسين اليله شــــــــد اوزاره
اليله كـــــل البالقصـر يتنخون
بلكي مسلم يتعب ويرتاحـون
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
غطت الكوفه بكبرها وطاح ثلمه مــن القصر
صارت الحيطان حمره من الذبـح ذاك العصر
شكثر ذابـــــح زلم مسلم محــد يعرف شكثر
مگبل مگابلها چان الغـــــدر بس لهل الغــــدر
الله حــــي البألحرب مايرتاح
تذري گام يذري مثل المرواح
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ابــــن هاشـــم وال هاشـــــم تغلب وماتنغلب
الحرب كل ماگضت مسلم يرجــع يرد الحرب
الهوه راد يگطعه مسلم اشــوه اذا بس الدرب
حيله من حيل ابو فاضل والگلب نفس الگلب
ناس مسلم گالت وگالت ناس
هذا مــو مسلم الطب العباس
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الكوفــــه شبــت نار بيها ونار ابـــد ماتنطفي
وزلـــم مثـــــل الماي گامــت بشوارع تنچفي
تتعـــب وتكتفي الوادم هوه ابــــــد مايكتفي
المايموت يگول مسلم لبو الاكبر مـــــو وفي
خاف عابس گالو اعله مجنون
انه اكثـــــر منـــه يل ماتدرون
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
نزال المسلم
،، مصطفئ الصالحي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
30 June 2025 09:52
لسان السيّدة فاطمة العليلة عليها السّلام
نايمه وفزيت والڪَاڪم تحضرون
بويه ڪَلي وَيـن تردون بهل ضعون
بويه بسلا قررت هساا السفر
والله مـــِْن تروح ڪَلبيــہ ينفطر
بويه بويه بويه بويه
ــــــــــــــــــــــــــــــــــــــــــــــــــــــــــــــــــــــــ
اااخ شــدوهـــــا الضـــعون ودعـــــوني
وبــُسسہ اصـد لوجوهڪم تهمل عيوني
صحـت بويه ححـسين وياڪم خذونــي
ضعن مـن اضعونكم فــدوٰꪆهہَ حسبونــي
(بـضعن مـــِْن ضعونڪم خلو يهلنـــــه)
(البـيت مـــِْن يروح سڪَفه شيبقه منه)
لا تخلوني وحيده وانتضــــــــر
والله مـــِْن تروح ڪَلبيـہ ينفطر
بويه بويه
ــــــــــــــــــــــــــــــــــــــــــــــــــــــــــــــــــــــــ
بويه حن شويه مـــِْن ارڪض وراڪم
ݪـيشـﮧٓ حادي الضعن شبسرعه خذاڪم
بويــــــه تدريني صعب احمل جفاڪم
ما يصدك ڪَلبيــہ يهـــــلي فارڪَاڪم
(بويــــه ما اتحمل الفرڪَه ثڪَيله)
(ومن يصير فراكَ والله مالي حيله)
ما انام الليل وأڪَضي بس سهر
والله مـن تروح ڪَلبيــہ ينفطـر
بويه بويه
ــــــــــــــــــــــــــــــــــــــــــــــــــــــــــــــــــــــــ
شـٰ‌ـٰڪَـۛۛــد اناطر وأنتضر يمته يجوني
وينـــدك البــاب ويجــون يفرحـــوني
والله يا شوفتهم التمـــــلي عيــونـــي
بــُس اضنن هاي هيـــه فارڪَونـــي
(بويه ادز ڪتاب يمڪم ما وصلك)
(اڪتب المرسال بويه ارجع البنتك)
بويه شوف شٖشٖـلون باليني الدهر
والله مـــِْن تـروح ڪَلبيــہ ينــفطـر
بويه بويه
ــــــــــــــــــــــــــــــــــــــــــــــــــــــــــــــــــــــــ
فاطمة الزينبية.
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
30 June 2025 09:51
يطوعه لا توصيني تراني ارباة ابو الأكبر
يطوعه مفتدي حسيني وقليل انطي دمه المنحر
تراني عاشگ حسيني ****أمامي ودنيتي وديني
يطوعه راح ابينلهم بأني خير من أنذر
*__*
على الباب يطوعه سفير الهدايه
أعرفچ وفيه والي بجيتي غايه
يطوعه الأمر دار على ابن الولايه
على حسين يجمعون جيوش الغوايه
يطوعه يطلبونه بدم ****لون يوصل فلا يسلم
أسف چف الذي بايعني باجر صارمه يُشهر
يطوعه راح ابينلهم بأني خير من أنذر
*__*
يمسلم هلا بجيتك وبيتي دارك
وأقبل چفوفك فخر بأختيارك
دموع الفرح كون تطفيها نارك
إلك خادمه وطوعه تسمع قرارك
يطوعه گاصد الكوفه ****الحسين وجاهزه طفوفه
واشوف انجمعت الكوفه على حرب وذبح ابن حيدر
يطوعه راح ابينلهم بأني خير من أنذر
*__*
يطوعه وإلج مني هاي الوصيه
إذا شفتي عيد الفرح عد اميه
تدورين على ابنيتي طفله وسبيه
وتمسحين دمعها وتبوسيها اليه
وتشوفي مجرحه ايديها ****الحبل تلگينه ماذيها
وحگ چفها ارد اسل سيفي وأخلي الكوفه طف احمر
يطوعه راح ابينلهم بأني خير من أنذر
*__*
وتطب روس عالرماح گطيعه ودميه
ويطب راس عيونه على اخيته ربيه
تگليله مسلم يبلغك تحيه
ولوه الاعادي وطلب بس اخيه
ووصيتي عينه عالطفله ****اخوك وطلبتي سهله
واعرفك خزرتك سيف بنضرتك تحمي هالخدّر
يطوعه راح ابينلهم بأني خير من أنذر
*__*
يمسلم واعرفك جمع مايهمك
لحيدر ينسبونك وعزمه عزمك
يضيفي وفلا سهله للموت اسلمك
لون تنشره بدمي يرخص لدمك
اريدك تفتدي حسينك تعيد امجاد صفينك
واريد ببين جفينك جماجم كون تتكسر
يطوعه راح ابينلهم بأني خير من أنذر
* *
خادم الحسين ع
علي العزامي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
30 June 2025 09:50
هتزت الحومه ودوت ب اركانها
ونزل دواس الوغئ وفرسانها
#######################
ريح وسموم ودوي وشد الطراد
ومر عله العسكر المر ب قوم عاد
چن علي بيوم الجمل وارض السواد
زجر بيها وكص ركب شجعانها
#######################
صف ردم صف وعله بطفها الغبار
وتاه ع الفرسان ليل من النهار
چن منادي بنصهم يصيح الفرار
حتارو وضاك الهوه ب ميدانها
#######################
غضب فراس الزلم واعلنها موت
ناخت وخيم عله الحومه السكوت
تزلزلت كربلا وماضل بيها صوت
وفرع وضهضب كمر عدنانها
#######################
وجر بيها ومالت وطكاها حيل
وطوه السبعين الف ب جفوفه الكفيل
غيم وذرها وطبك خيل عله خيل
وكطع دابر رومها وعربانها
#######################
زوم طك زوم وچهبها وبيها صاح
زلزلاها ولوه عله ركبها الصفاح
اليوم اشبع اجيوشها اركاض وطياح
القاده والمو قاده اكص السانها
#######################
#الخادم
#علي_چاسب_الموسوي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
30 June 2025 09:50
السيدة الرباب تخاطب عبد الله الرضيع (ع)
يمة نام بهيدة يانوم العوافي
در حليبي وصحت بس ياوسفة غافي
يل عفت حضني وغفيت علة الرمح باجر رسومك يغيرها الصبح
@@@@@@@@@@@@@@@@@@
يمة نام بهيدة ياشمعة سنيني
ياتعب عمري وسهر عيني وحنيني
بلكت تمر لو حلم يمة علة عيني
ايست منك بعد يل ما تجيني
يل نطرتك ليله ليله وشهكة شهكة تالي ماتالي برمح شاء الله ملكة
لو سمعت امناغة افز واركضلة حافي
@@@@@@@@@@@@@@@@@@
ياحنيني الراح هيج بلا محنة
ياضوة عيوني ويجنك عطر اهلنة
شكد بجينة شكد نحبنة شكد ندهنة
باجر اغدي ميسرة وحمل ضعنة
ردت بس اسكيك يمة ومنها نمشي يل وكع من البواجي عليك رمشي
يادمع عين العكب عينك يوافي
@@@@@@@@@@@@@@@@@@
لو شفت طفلة اركض بحركه واشمها
بلكي اشم ريحة وليدي بحضني المها
ركبتك فوك الرمح بس روحي يمها
باجر بكل طايفة ويكشخ سهمها
باجر بطرك العبي وماهمة اهلنة ديرة ديرة نفوت ومفرهد ضعنة
ضوه عيوني خلافك عينك يمة طافي
@@@@@@@@@@@@@@@@@@
ياتعبنة وياسهر عمري الكضيتة
وياسهر ذيج الليالي الماجنيتة
لون دربك شوك هم دستة ومشيتة
راسك عله الرمح ياريت انة ميتة
يامنية خذيني حشمت المنية من بعد عينك فلا صحتلي دنية
حتة بحلامي من اشوفك هم تجافي
@@@@@@@@@@@@@@@@@@@
ياعزيز امك عفتلي المهد خالي
كلشي راح وفرهدو عزي ودلالي
راسك كبالي واشوفه برمح عالي
حالي بعدك يمه حال الضيم حالي
بنص براري مجتفين بلا حماية من كثر حر الشمس حمرة العباية
اخ شيعيد الوكت يل غربة كافي
@@@@@@@@@@@@@@@@@@
#الخادم
#علي_چاسب_الموسوي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
30 June 2025 09:49
ياعلي الأكبر يروحي - فرگتك اصعب جروحي
@@@@@@@@@@@@@
امشي واتعثر اجيتك كلبي ما ينطيني اعوفك
كمت اسولف وي روحي بلكي ما ميت اشوفك
من وصلتك عيني فاضت دمعي اتبدة بجفوفك
حيلي تعبني ... وشوفتك يبني ... تردني طايح
المثلك بحنته ... ملتهي ووكته ... مو مذابح
كلبي طايح من مجانه
رايح الاكبر حنانه
هسة المن ابجي كلي
وجم عزيز الفاركانه
####
شلون اشيلك وانه كوة شايل اجدامي امنجيتك
كلها تضحك وانة ابچي روحي راحت من بچيتك
طايح وجم طعنة تنزف تشهك بدمك لكيتك
شفتك ودمك ... مغطي كل جسمك ... يا حسرتي
ويلي تتلضة ... وعينك مغمضه ... يا تچوتي
يا عذابي ويا عذابك
روحي راحت وي شبابك
شوفتك طايح مصيبة
چفي اتحنه بخضابك
#####
يا شريج بروحي ريض خل احط خدي اعله خدك
بلكي موتك من يصدلي ينكسر كلبه ويردك
شلون ارد الامك انة ويا عزيز اليبقى بعدك
شفتك من بعيد ... ضامي ماي تريد ... يا مصيبة
وعالترب يبني ... غافي مو حضني ... يا مصيبة
ركت ويبست شفافي
ومن كمت يا بوية حافي
لو رحت صعبة علية
بطيحتك طاحت جفافي
#####
شلون اردك للمخيم دامي وجروحك جبيرة
حيلي خلصان برحيلك اتحيرت بالرجعة حيرة
راح اكضي ايامي محني هاي الي الوكفة الاخيرة
راحت ايامي ... من متت ضامي ... بعز شبابك
خلصت دموعي ... وذابت شموعي ... يا مصابك
يا علي الاكبر هضيمة
تنوخذ يبني غنيمة
عكبك العسكر ولاني
واسمع بأذني الشتيمة
#####
مهند شاكر
الـقنـــوات الـرسميــة ✔️
🔹 @
🔸@
🔺@
Читать полностью…
18543