قصائد حسينية مكتوبة عامة

19 July 2025 06:48

اسئلة دينية📿🖇

مااسم زوجة الامام العباس عليه السلام؟؟ 🧐👇🖤🔥


اسماء✋🏼🖇

ـــــــــــــــــــــــــــــــــــــــــــــــــــــــــــــــ

لبابة✋🏼🖇
ـــــــــــــــــــــــــــــــــــــــــــــــــــــــــــــــ

ليلى✋🏼🖇
ـــــــــــــــــــــــــــــــــــــــــــــــــــــــــــــــ
#لااحلل_اخذ_الاعلان

قصائد حسينية مكتوبة عامة

18 July 2025 10:44

عليمن هالسياط وهالسفر وين
وعليمن هالحبال مگطعه الايدين
بعد هم يرجع و يروينا عباس
يعمه وهم بعد نرجع للحسين
* *
من يمسى المسه زينب تچل بايتام ابو اليمه
تشوف ارسومه باطفاله تذكره وتنده باسمه
ويجون اطفاله ملهوفين وينه حسين ياعمه
تخاف شتحجي عن راسه ومنو يرجعهم لجسمه
حزينه وكل سؤال يرجف العين
عليمن هالدموع وهذا الونين
الراس الينمسح هم بعد ينباس
يعمه وهم بعد نرجع للحسين
* *
وحده تگلها ضميني وبلكت يستقر خوفي
وعن ايدي الحبل رخيه راح يگطع چفوفي
يعمه سياطهم ضهري حننه وحفرن جتوفي
ولو مطلوبه دين الهم الصار علينا مايوفي؟
وكون بهالعذاب نوفي الدين
ليش علينا ماضلت صواوين
وينعاش انتضار الماي باحساس
يعمه وهم بعد نرجع للحسين
* *
واجت وحده اشتكت همها تگلها اجدامي تاذيني
مامتعوده اركض خوف والخيمات تچويني
انه الجان ابوي حسين ضي عيني يسميني
وهسه عله الدرب بسياط ابن كاهل يدليني
لون يرجع دلالي وذيج السنين
واعيشن وي ابوي حسين مرتين
يعمه بثوبه اشم المسك والياس
يعمه وهم بعد نرجع للحسين
* *
واجت بت مسلم لزينب وحيده وتهل دمعتها
تگلها شلون بالراحت سبيه وضاعو اخوتها
تدوس بموگد الحسرات والنيران لهبتها
تگلها لكربلا عطاب ماتتشافى چويتها
يعمه شحالهم عدلين ميتين
بامل منهم اعيش وضكتي تلين
ولون من العده تحميهم الناس
يعمه وهم بعد نرجع للحسين
* *
وطفل من العطش يبجي يگصد زينب بونه
وزينب من تشوف الماي يم حسين تتمنه
حلم عدها يروي اضماه اخوها الماشرب منه
يسگي مفطرات شفاه والعطشان يتهنه
يگلها العطش تعبني الركض زين
واضم روحي كمت بعبي النساوين
يعمه يطيب متني من الطگ انجاس
يعمه وهم بعد نرجع للحسين
* *
لخادم الحسين ع
علي العزامي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

16 July 2025 20:38

القصيدة "الحسين ع (تشابيه وبجينه)
الشاعرة 'فاطمة هاشم الحسيني
.........

تشابيه وبجينه الواقع شلون
ذبحك بالصدك من شافته ام عون


⊱━━⊰✾ياصاحب الزمان✾⊱━━⊰

تشابيه وبجينه شلون بالواقع
الله يعين زينب روحك تنازع
تمثيل وغركَ بدموعنه الشارع

يم زينب حقيقه من يذبحون
تشابيه وبجينه الواقع شلون

⊱━━⊰✾ياصاحب الزمان✾⊱━━⊰


تشابيه وركضنه اعليك انتعثر
والبلساحه كلها احبابك اتصور
بس زينب ركضها شمت العسكر


هاي ام الخدر كامو يصيحون
تشابيه وبجينه الواقع شلون


⊱━━⊰✾ياصاحب الزمان✾⊱━━⊰


تشابيه وعليك حسين فرفحنه
الله ايعين زينب بالصدك صحنه
تمثيل اليصير وحيل يجرحنه

نبجي واحنه ندريهم يمثلون
تشابيه وبجينه الواقع شلون


⊱━━⊰✾ياصاحب الزمان✾⊱━━⊰


عمت عيني اعله زينب جانت اكبالك
ويم اعيونها ذبحاك جتالك
شاطت فرفحت والروح تنعالك

شافت علضلع لمن يسحكون
تشابيه وبجينه الواقع شلون


⊱━━⊰✾ياصاحب الزمان✾⊱━━⊰


شافت بالحقيقه اضلوعك انسحكَت
كل هذا وعليك ابهيده من ونت
خلتك ذبيح وللخيم ردت

ردت لليتامه لا يخافون
تشابيه وبجينه الواقع شلون


#الشاعره_فاطمه_هاشم_الحسيني

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

16 July 2025 20:38

موشح

ياهو اليواسيه بالدمع اليسيل
دور هاشم فارغه وطبها العليل
* *
من وكف سجادها بطرف الديار
لاگه ابن حذلم وقصاله الاخبار
وگاله انعه حسين ابوي بگلب حار
طب ليثرب واجزل عليه العويل
* *
طب ليثرب واندب حسين الذبيح
ضل ثلث ايام ع الغبره طريح
لا جريح ويلتم صواب الجريح
ولا يرد وننطر غيابه الطويل
* *
طب ابن حذلم ينادي لا مقام
بالمدينه ولا امان ولا سلام
ابن حيدر صار مضرب للسهام
انكطع راسه وبعد رضت صدره خيل
* *
خيل مابيهن اصيل الداسته
وناس مابيهم اسلام الذبحته
وبعد ذبح حسين حرگو خيمته
وبت رسول الله سبوها ع الهزيل
* *
طب علي والناس كلها تلگته
عن ابو الاكبر الوادم نشدته
صدك راح حسين ذبحو صحبته
وصدگ لا ضلكم محامي ولا كفيل
* *
راح لديار الهواشم بالدموع
يوگف بكل باب يحجيله ويلوع
ووصل دار احنه الضهر واحنه الضلوع
يگلها ماواحد بقالج من عقيل
* *
يگلها نارج خفتت ومابيها نور
وهالاباده نار تلهب بالصدور
وبيج بس النايحه ضلت تدور
گضو عنچ بين مسحوگ وچتيل
* *
راح يمشي وگصد باب ام البنين
يگلها يادار الشباب مذبحين
وابو فاضل لا يسار ولا يمين
بعد چفه شيعدل الحمل اليميل
* *
كفكف دموعه وگصد دار الحسن
رجع دون القاسم اشتات الضعن
والشباب اللي تكطع وانسحن
خله صبح الدار صارت بعده ليل
* *
كصد دار ام عون والموكب حزين
تلگته ام الحزن بالهم والونين
واحد يعازي الثاني عله الحسين
گلب مفجوع وجسم منهك هزيل
* *
لخادم الحسين ع
علي العزامي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

15 July 2025 09:29

هيّ أمُنيتَي أنّ أرتدِي لبّاس خدّامَك!

لكُل بنية تحّب الخَدمةةةة هالقناة لفَتاة عاشقّة للخَدمة تتمنّىٰ تخَدم مَولاها بـ أقرب وقت💔
/channel/H313AR/57151?single
/channel/H313AR/57151?single

قصائد حسينية مكتوبة عامة

13 July 2025 15:33

هذا الاكير ما أبهاه 
ممسوس من ذات الله 
ــــــــــــــــــــــــــــــــــــــــــــ
مغوار للحق معينا 
اخلاق من طه ودينا 
قال الحق حسيني حسينا 
لا ارهب بالموت معاه 
ــــــــــــــــــــــــــــــــــــــــــــ
مقدام لا يرهب موتا
قلبا قد حاكى الملكوتا 
لا يقبل للحق سكوتا
منصور لاجيش ثناه 
ـــــــــــــــــــــــــــــــــــــــــــــ
قد خاض في الطف نزالا 
طعناته لله تعالى 
قد جندل جندا أبطالا 
وتشحط بكر بدماه 
ـــــــــــــــــــــــــــــــــــــــــــــ
بطل في الدين وفي الكون 
فله ذكر ملأ الكون 
قال لنفس صبرا كوني 
حوض الكوثر بان عطاه 
ـــــــــــــــــــــــــــــــــــــــــــــ
ابن حسين صال وكبر
سبحان الله بما صور 
اجمل مافي الكون الأكبر 
 يوسف قال وما احلاه 
ـــــــــــــــــــــــــــــــــــــــــــــــــــ
قمرا في ليل غساق 
قد نور أرضا لعراق 
صولاته كالعم الساقي 
عند الماء أعطى يداه
ـــــــــــــــــــــــــــــــــــــــــــــــــ
لا يقهر في يوم السله 
كثرتهم في عينه قلة 
يهتف هيهات للذلة 
هزام لا يخشى عداه 
ــــــــــــــــــــــــــــــــــــــــــــــــــــ
درس بالاجيال تسامى 
علمنا لا نهوى حراما 
إماما ما كان اماما 
لابيه روح ودماه
ــــــــــــــــــــــــــــــــــــــــــــــــــــ
خادم خدام الحسين ع 
مجيد عبد الرضا القريشي 
نسالكم الدعاء 

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

12 July 2025 09:28

من هو يوصل هالمكتوب ويگل لمحمد
چف اختك ذاك المهيوب بحبال مگيد
من هو يوصله الاخبار... مسبية وضربوني احجار
____
كلماتي الك اكتبها ويجر الصدر نوحة
كلمة فاگدة الخوان راحو مني فد روحه
ولو شفت بكتابي دم هذا حسين وجروحة
ولو شفت الرمح مرسوم يعني غادرت روحه
يعني ضاعت الاحلام
وانه تحيرت بيتام
مسبية رحت للشام.و سفاني انكسر لوحة

رد لربه بدمه حسين ويسولف قهرة
وعالرمح يرتل ايات الراس ونحره
يشهد عليدار وصار .. مسبية وضربوني احجار
____
بمحمد زماني حيل جار ومارحم بيه
مثكولت ولد واخوان وللظلام مسبية
يمحمد عبرت السوگ عندك هاي مرضية
اختل روحي بين النوگ لو واحد نظرليه
گوة هالجدم منگول
وتجرنه بحبال خيول
ايتام وحرم شنگول غير الغيرة عربية؟

بحرگة گلبي ذاك اليوم بس الله العالم
استر نفسي والنسوان من عين الوادم
انه الماشافتني أنظار ... مسبية وضربوني احجار
____
انه الماهمني كل كلفه بس ذبني نظر هالناس
عدهم عيد يمحمد يدگون الطبل واجراس
تلگونا بشتم واحجار بلا غيرة ولا نوماس
لليحميني ما اعتاز لو يمي عدل عباس
من طاح الكمر عالماي
صارت سودة كل دنياي
انكسر ظهر الحسين بهاي فارگ ريته الانفاس

ما اكتبلك هالمكتوب ولا اروي الكلفه
بس الكافل يم الماي طاح بلا چفة
لايمنه عنده وليسار ... مسبية وضربوني احجار
____
مبتليه بنسا وايتام ويمك صور المشهد
اعله احجابي والسجاد كلساعه انه اتهدد
ساعة اندور اليطيح وساعه عالهزل نصعد
وخلونا بخرابة تراب تقبل هاي يمحمد
وانه حرمه انكسرلي اجناح
والطف ترستني اجراح
ولسان العده ذباح.. لو شتم علي واحمد

من شوقة گلبي ناديت ياحيدر وينك
ولد ام التاكل اكباد يشتمون بدينك
شتمو امي وحامي الجار ... مسبية وضربوني احجار
____
يخويه اصعب امر شفته من ودونه عند يزيد
لازم عصته ويضرب راس ذاك الحيد
وجامع ناسه واعوانه ومزين الگصر چن عيد
هضمني گال اخذت الثار ابدر ونبوة انكر وتوحيد
نكر وحي الله والقءان
حرگ اياته عالتربان
ويضرب منحر القربان... على خيك يمد الايد
واليمه رادونه عبيد منه يشرونه
واحنه صفوة خلق الله لامايدرونه
ريحانه طه المختار ... مسبية وضربوني احجار
___
بخرابة والصلاة گعود شخلت كربله بيه
بلا عونه ولاوليان بارض الشام مسبية
يمحمد حجارة وسوط من كل صوب مرمية
واذا متعجب من الصار عاين لوعة رقية
جسمها من الضرب ورم
ومن نيران المخيم
اذنها ايام تجري دم... يخوية بلاية ترچية
من درب الشام وعاشور صارت كالعودة
ولمن شافت راس حسين طاحت ممدودة
وصارت موتتها بهالدار ... مسبية وضربوني احجار
___
خادم زينب ع
مجيد عبد الرضا القريشي

نسألكم الدعاء

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

10 July 2025 08:23

قرب دفن اجساد 😭💔 تردون ستوريات لـ دفن اجساد طاهرة ومحتارين منين تاخذون؟!🥺💔جحبتلكم قناة ڪلها ستوريات بدو حقوق 🏴دخلو شوفوها🥲👇🏻
/channel/addlist/fxWufx8Ra8AzYzQy
اقتباسات لـــــ دفن اجساد واقعة الطف🖤

قصائد حسينية مكتوبة عامة

09 July 2025 11:23

• مراسل عام ٦١ هـ

عاجل | بعد أن خطَّ بيده على قبر والده: "هذا قبرُ الحسين بن علي بن أبي طالب، الذي قتلوه عطشانًا غريبًا"، اﻹمام علي ابن الحسين يعود من كربلاء الى الكوفة.

قناة مراسل الركب الحسيني ٦١ هـج
@aLRukab_313

قصائد حسينية مكتوبة عامة

08 July 2025 11:35

ليلة الثالث عشر (دفن الاجساد الطاهره)

بجفوفك خضاب بهدومك تراب
عمه فدوه احجيلي علة غيبتك
ليش من ان سألك تهل دمعتـك
* *
جل ضلام عله الخرايب والخرايب وحشه حيل
وحايره بتعداد الاسرى الحره ماضل بيها حيل
حـال الـتـدور السـراج بـليـلهـا وضـاع الـدلـيـل
لا تــفـز ايتامها بـسـكـتـه وتــدور عـلـه الـعـليـل
طبها وبالدموع ضل يبجي ويلوع
تگله عمه احجيلي عن سر لوعتك
وليش من نسألك تهل دمعتك
* *
يگلها ياعمه الطفوف واخ من حزن الطفوف
جنت يم حسين ابوي الوذرت جسمه السيوف
ناس يمه تريد دفنه وعجزت تشيله الچفوف
وطير فوگه ينوح يمه يخضب جناحه ويطوف
وانه بكربلاء سويت العزاء
تگله عمه احجيلي قصة سفرتك
وليش من نسألك تهل دمعتك
* *
يگلها ياعمه بچينا عله الاجساد الذابلات
مجبّليهن للحسين وبالسيوف مسبلات
ورحنا عمه لصوب اخوج الضامي بحدود الفرات
ودورينا جفوفه وادري عله الشريعه موزعات
حسيته بهيام ينشد ع الخيام
يگلي يمكن شنهو حالة عمتك
وليش من نسألك تهل دمعتك
* *
تگله ابوك بلايه راس شلون وسدته الثره
يكلها نزلت الحسين و وسدت بس منحره
وتركت يمه الذراري الهاشميه امجزره
بحضنه خليت الرضيع وذاب گلبي لمنضره
وحفرت لحبيب باكتار الغريب
عمه واحجيلي بمصارع صحبتك
وليش من نسألك تهل دمعتك
* *
عمه والينضر انصارج يسرع عليه مدمعه
يم الحسين بعشگها موذره ومگطعه
چن مدارات الغرام نجوم يمه موزعه
نزلتهم والسلام من المتيم تسمعه
لحسين السلام من صحبه الكرام
تگله جاشنهي اليزيد حيرتك
وليش من نسألك تهل دمعتك
* *
عمه واحتاريت حيره من كصدت المشرعه
ومثل كسرة ضهر ابوي انكسر گلبي لمصرعه
يضل بالموقف وحيد وبقه وحيد بموقعه
وحرت بچفوفه الگطيعه وهم حرت بموادعه
ياعمه التراب من ذاك المصاب
تگله ساعدني ع نوحي بونتك
وليش من انسألك تهل دمعتك
* *
خادم الحسين ع
علي العزامي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

06 July 2025 21:59

الَلي يسألونَي من ويّن أخـذ منشَوراتـي
أخذُها من هالقناه التجَنن 🦋💙

دخلوا عيني شوفوها شڪَد حلوة قبل لا أحذف ✨🤍
👇🏻👇🏻
/channel/smile_1997/93309
/channel/smile_1997/93309

قصائد حسينية مكتوبة عامة

06 July 2025 13:50

• مراسل عام ٦١ هـ

وَامَصْيَبَتا وَاحْسِيناهْ

قناة مراسل الركب الحسيني ٦١ هـج
@aLRukab_313

قصائد حسينية مكتوبة عامة

06 July 2025 12:18

ليلة الحادي عشر

هاي زينب           تلم عيله بلا خيام
هاي زينب          لا كفيل ولا محام
بين طفله مسلبيها          وبين التريد لوليها      ضاعن بهذا الظلام
-----------------------------------------------------------------------------------
بعد ماحرگو خيمنا هامت اطفال وحراير
بين التلهب هدمها وبين التدوسه الحوافر
وبين التدور الحسين وماندلت وين صاير
كمت الم بالعيله وحدي والعليل يضل يناطر
يايتامه                كلمن يكض بيد اخـوه
يا يتامه               الضايع امرضرض لگوه
والحزن چلچل عليها            وبين التريد الوليها      ضاعن بهذا الضلام
------------------------------------------------------------------------------------
اطفالنا ب بين الحوافر والخيام مضيعيها
لكن امصيبه لعقيل الينفطر گلبك عليها 
واليذبحه السهم مثل التنسحب روحه ببچيها
عطش ماتو والذبول عله الشفايف بان بيها
يامصيبه             سعد عالغبره وعقيل
يامصيبه             وياحزن گلبي الثگيل
اطفال اخوتي مسحگيها             وبين التريد الوليها      ضاعن بهذا الضلام
------------------------------------------------------------------------------------
وصوت عن  فاطمه يدور حاير ليا كتر هامت
شردت بحرگ الخيام وحته عن الماي صامت
مشيت للحومه وشفتها فوگ نحر حسين نامت
تمسح الدم بردنها عليه مثل الطير حامت
بين ابوها              وبينها معاتب همس
بين ابوها              وبينها طلوع الشمس
وانه بين اسمع حجيها             وبين التريد الوليها      ضاعن بهذا الضلام
------------------------------------------------------------------------------------
رجعت ماشفت الرباب وسكت من الحرم ونها
گلبي دلاني عليها دلالــة الـروح وحزنهـا
لگيت عبدالله عله چفها مسبل ايديه بحضنها
بحيره تنعه عله الحسين وتدمع العين عله ابنها
ياحزنها             الفاگده حسين وضناها
ياحزنها             الكرهت الروح وهواها
وابجي ضليت لبجيها             وبين التريد الوليها      ضاعن بهذا الضلام
------------------------------------------------------------------------------------
وصلت الحد اليتامه وانه واصل حد سكوتي
وياجدام التجر بيه وكون توصلني حذا اخوتي
وصلت يم جفوف اخوي اليسمع همومي وشكوتي
وكتله ماحسبت هاي يصير موتك گبل موتي
يالجبتني                   عالترايب عفت اخيك
يالجبتني                   وراح ارد بدون فيك
وبين التقرر سبيها             وبين التريد الوليها      ضاعن بهذا الضلام
------------------------------------------------------------------------------------

خادم الحسين
علي العزامي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

06 July 2025 12:17

بويه بويه . . . عطشانه وجبتلك ماي
بويه بويه . . . يم الخيم رد وياي
طفله محتاره واجيت                      رأس عندك مالكيت
                                  ***
                                  ***
هود عليه الضلام وزاد شوكي لشوفتك
وذكرى ضل دخان ورماد وحزن من خيمتك
كل شي طايح بالطف وطاحن مدامع طفلتك
وكف بس الماي بيدي خاف متت بعطشتك
بويه بويه . . . . جيتك بس كتلني الخوف
بويه بويه . . . لوني من العده مخطوف
يمك وبيك احتميت                      رأس عندك مالكيت
                                  ***
وصلت يمك بس لكيت جسم دامي ومنذبح
خاف اشبكك ويشبكتي تهمل دموع الجرح
رايده اشبع شوف منك وامشي بطلوع الصبح
من بعد لمسة جفوفك دمعي ماضن ينمسح
بويه بويه . . اسمع بس صهيل الخيل
بويه بويه . . . ينقل نوحي صوت الليل
من شفت جسمك بجيت                      رأس عندك مالكيت
                                  ***
ردت اشبكك عثرت جفوفي بضلوع مهشمة
جيت أشم صدرك لكيته جروح متروس ودمه
وكمت أحسب خاف جفه وخنصر ايده يألمه
من السهم ممرود چبده مدري ماذيه الضمة
بويه بويه . . . كلي ياجرح ياذيك
بويه بويه . . . . . . ومن الشبگه يدي عليك
بوسه بالخد اشتهيت                      راس عندك مالكيت
                                  ***
ردت اشوفن حلم طيفك ماشفت بس الالم
الباقي منك بس قميصك لونه بالدم انرسم
شفت ضربه باثر ضربه والسهم فوك السهم
منين ما تنشال توگع لأن جسمك منهشم
بويه بويه . . ماتخمد جمر فرگاك
بويه بويه . . . روحي اتمنه تمشي وياك
ماخذت روحي ومشيت                      راس عندك ما لكيت
                                  ***
خاف اسولفلك وضعفه وياذي كلبك هالكلام
من طحت هجموا علينه وحركو علينا الخيام
النار بهدوم اليتامه وطشرتنه بهالضلام
جيتك وعفت الهزايل والسبي نية الختام
بويه بويه . . . . . بس اشبگني وارجع نام
بويه بويه . . . . . خلف أمشي واضل بالشام
من دلالك ايسيت                      رأس عندك ما لكيت
                                  ***
رايحه مودعتك الله حضرو نوك الهزل
جفت الدمعه عله خدي مابعد منك وصل
السوط ياذي وأني طفله وجفي يجرحها الحبل
والورد لو بيد غربه يموت ما يبقه عدل
بويه بويه . . . . . . هذا آخر وداع وياك
بويه بويه . . . . . بكل شوك انتضر ملگاك
وعله راسك دوريت                      رأس عندك مالكيت

لخادم الحسين
علي العزامي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

05 July 2025 12:13

يعلــويات اوصــيچن وصــيه
لاتتفارگــــــن ضــلن سويــــه
كـــون تــحبن حسين
ثنين امشن وره ثنين
خـاف اتيه مـــن عدچن رقيه
»»»»»»»»»»»»»»»»»»»»»
اليله اخــــر ليله يمچن خـل أگــومن شــم اشمچن 
وحـــده وحـــده وداع فرگه لاطيحن فوگي كلچن
بويه اشبعن شوف مني وروحن النوب اعله عمچن
يلحبايب مــوش بيدي الموت اخـذني گـــوه منچن
اليله مـــن البچي خـــل نعمي العيــون
مناشــــغ للصــبـــح والتنــعه ام عـــون
وداع الميت يريد  مشابگ مو من بعيد
خطيه انه وعلي كلش خطيه
يعلويات اوصــيچن وصـــيه
»»»»»»»»»»»»»»»»»»»»»»
بويه باچــر بلصحاري حــافيه اضلن تفيي الحافيه
الگاع شوچ وماي ماكو ونار تلهب والخيم ماطافيه
كـل سوالفهم شتايم ماكو چلمه تحل عليچن دافيه
يابعد عافيت ابوچــن باچــر بيا سـوط تلگن عافيه
هســــه وماعــــرف ياهنه الزغـــار
مـن كثـر التعب شــو كلـچن اكـبار
مـاميز خــواتي  ياهــن مــن بناتي
الشيب بكل مـره وتاهت عليه
يعلـويـات اوصــيچن وصــيه
»»»»»»»»»»»»»»»»»»»»»»»
انه مامــــــوتني كلشــي بس ركضـــچن مــــوتاني
مـــن اجـوچن بالسلاسل يالله شفت المــوت اجاني
گمـــت كلي وطـاح نصي وهــوه هـــذا العـــطلاني
حيــل مــابيه وأگــومــن تفرهــد الطف فرهــداني
ابوچــــن واعتذر مــــن عدچن هـواي
شماگـــــوم انثلم يالبـــــت احـــــشاي
الحوافر طشرتني  عله الطف وزعتني
زين ومـــــن لكيتن نفس بيه
يعلويات اوصيچن وصيــــــه
»»»»»»»»»»»»»»»»»»»»»»»»
اخ ياشــلعان گلـــبي وضيـــم باچــــــر والشــماته
مــــــن يصيحـــون بضعنچن وينه المـدلل خــواته
ويـــــن ابــو الـرايــه الثجيله خله يحمي مــدللاته
وزينب تحـــشم بخـوهـــا والعــطش يبس لهـــاته
باچـــــر للـــحرم ماينسمـــع صـــوت
ومدري اشچم طفل من زينب يموت
باچـــر يالفواطم   انسن گمر هاشــم
سبيه تكفلن بــويه بسبيه
يعلويات اوصيچن وصيه
»»»»»»»»»»»»»»»»»»»»»»»»»
الشــام بلوه النــوگ بلوه كلشي راح يصــير بلوه
موش تــوه التعب دوم ويانه عايش مـوش تـوه
بويه فــدوه لاتضيجن خلـگ زينب بـويه فــدوه
كـــون تچــوه گبل لاتعثــر تصيرن كــون تچــوه 
چبيـــره والمــــشي يتعــبها للشـــام
چـــوة بيها شكثـــر نيـــران الخيــام
زينب اه يزينب شكثـر وياي تتعــب
ماوفي وعلي بچلمت جويه
يعلويـات اوصيچـن وصــيه
»»»»»»»»»»»»»»»»»»»»»»»»»»»
خادمكم،،،،،،،،،،،،
مصٌطّفِّئ أّلَصٌأّلَحٌيِّ

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

18 July 2025 10:45

القصيدة "من وين صوت القرآن ؟؟
الشاعرة "فاطمة هاشم الحسيني
.....................

ضلمه وسبي بنص عدوان
من وين صوت القران ؟؟

عذب صوته
رغم موته

يقرا الكهف والانسان
من وين صوت القران ؟؟


⊱━━⊰✾ياصاحب الزمان✾⊱━━⊰


ليل واحزان وهظم بين الغرب
فاكَدات يوننن و ونهن صعب
فجأه واسمع صوت رد روحي عذب


قره بحركَه
وانا مدنكَه

ياناس بجه النسوان
من وين صوت القران ؟؟


⊱━━⊰✾ياصاحب الزمان✾⊱━━⊰



بنص يتامه وآه والون معتلي
خوف من كل صوب وبعازة ولي
لني اسمع صوت بيه ريحة علي


نطق دمه
دخيل اسمه


هون عليه الاحزان
من وين صوت القران ؟؟


⊱━━⊰✾ياصاحب الزمان✾⊱━━⊰


توني اسكتها الرباب الما هدت
والزم ام القاسم شكد فرفحت
اسمع آيات الكتاب اترتلت!!!!!


صفت سكته!!!
ملاك انته؟


ذكرني ببن العدنان
من وين صوت القران ؟؟


⊱━━⊰✾ياصاحب الزمان✾⊱━━⊰


هاي الي جم يوم من حزن الحزن
بين حقد اعداي مايغمض جفن
اليتامه والثكاله بس تون

تون كلها
شصير الها

تعبو كَلبي الخلصان
من وين صوت القران؟؟

⊱━━⊰✾ياصاحب الزمان✾⊱━━⊰


دورت لن صوته من عالي الرمح
هذا هوه حسين بلسم للجرح
رتل ايات الكهف رغم الذبح

دوه الحسره
نطق نحره

طيبلي كَلبي التعبان
من وين صوت القران؟؟

#الشاعره_فاطمه_هاشم_الحسيني

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

17 July 2025 14:13

لا حول ولا قوة إلا بالله العلي العظيم
أنا لله وإنا إليه راجعون

قصائد حسينية مكتوبة عامة

16 July 2025 20:38

بظلمة دنيتي نور لگيتك لگيتك ...دمعة طفل مهضوم جريتك جريتك
يعشگ الي ربا وياي بحشاي ودماي ...من الزغر لليوم يحسين وياي
____
يا مالك مشاعرنا وكت ماكو مشاعـــــــــــر
ثورتك اية نقراها امس واليوم باچــــــــــــــر
صاير انته خط عمري وامير احلامي صاير
كهفي الامن بسدة لون ظليت حايـــــــــــــــــر

بكل لحظاتي موجود اشوفه اشوفه...موطن للملا صار طفوفه طفوفه
يدولة التنشد الخير للناس حماي...من الزغر لليوم يحسين وياي
____
فصولي الي رعت عمري مواسمها شريفة
ربيع الي روى گلبي وابد ماعاف صيفــــة
شجرة شامخة بعزها رغم هلت خريفـــــة
شتاكم ماشفت بردة لان دافي مضيفــــــة

يرابي بمهجة الروح حضرتك حضرتك ...مواسم عذبة مو نوح نظرتك نظرتك
عشگ واتعلگت بيك بالراح والجاي ...من الزغر لليوم يحسين وياي
____



زماني والمكان انته يا ربان السفينـــــــة
علينا امواج لوثارت امانك يرسي بينــــه
مجالسكم هوه لصدري زحف الها اجينة
ايتلاشه كل مرض بيه ويدمعاته الحزينة

يخير الماعرف شر مداره مداره ... حكه دمعي اعليك تجاره تجاره
شعاع وطيفه عالكون ممدود وسماي ...من الزغر لليوم يحسين وياي

ـــــــــــــــــــــــــــــــــــــــــــــــــــــــــــــــــــــــ

رويت الكون وافلاكه لجن ظليت ضميان
اليشوفك نجمه بعيونة عجيبة يصير عميان
يا انسان بس مثلك فلا موجود انســـــــان
كل شي ينسي وانته وجودك ماله نسيـــان

خلودك منهو يمحيه بكياني بكياني ... ياضامي الروه بضماه حناني حناني
عجيبة ماحنة اعليك ويخون الماي ...من الزغر لليوم يحسين وياي
____




حنان بصدرك نشوفة رغم بالخيل ينــداس
لهذا اليوم اشتمه عطر وي هاذي الانفاس
يحجة ويا ابو رحمة ربت بكتارك النــاس
بعدك يا نفس هوني صدك من كال عباس

عابس من يجن بيك نعذره نعذره ... لئن كل الكرم بيك ينظره ينظره
غيرك ما لكه دوم للخير حداي ...من الزغر لليوم يحسين وياي

____

مكصر اني وياكم نعيك شما كتبتــــــــه
اقره ومستحي منكم ودمع عيني سجبته
محقق طلبتي دومه وشحقق من طلبته
حسين يريد اخلاقي واخافن لو خذلته

بين الناس مهيوب يريدك يريدك ... صومك والصلاة دوم نشيدك نشيدك
تبعد عن اليخون وتصير وفاي ...من الزغر لليوم يحسين وياي
____
مجيد عبد الرضا القريشي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

16 July 2025 20:38

(حواريه بين الامام السجاد ع وابو حمزه الثمالي )

يامصيبه التبتدي بيها وياغريبه نوحك عليها
ويبتدي الگلب الحزين ويذكر مصاب الحسين
* *
روايه عن گلب عطشان يرويها گلب ممرود
من طب الثمالي عليه لگاه كل يوم حزنه يزود
يگله من تشوف الماي تذكر حزن ابوك اردود
يبو الباقر حزن گلبك مايهده وتحطله حدود
يا امامي وهالقتل عاده
وهذا جرحك بيمن ضماده
يگله مايهده الونين ويذكر مصاب الحسين
* *
يبو حمزه سؤالي عليك تعرف سبب مكنونه
هم شايف طفل عطشان بمثلث يفطمونه
ذبيح ومن لذيذ الماي هم شايف يحرمونه
غصن اليبس من الماي يسهل من يكسرونه
وهيجي نحره من السهم جاسه
بجف ابوي وخمدت انفاسه
وضل يعدد بالبنين ويذكر مصاب الحسين
* *
يبو حمزه وبعد دمعات من حسين مذروفه
رد ومنتجي عله السيف لازم ضهره بجفوفه
وزينب بين حزن وخوف تشعر كلها مخطوفه
الخيمه التضل بس احبال يعني بنار محفوفه
من اجانه وفاگد عضيده
يگلها اخيج گطعو وريده
وراح عباس الحنين ويذكر مصاب الحسين
* *
وبعد عن غربته نبچي بلا ناصر بقه وفزاع
يدير عيونه لانصاره الغابو عن عيونه بساع
الفرشوله الهلا الملگاه دمهم فرش ذيج الكاع
واثمن طعش من هاشم مشو عنه بلايه وداع
يدير عينه لمذبح اولاده
وفاض دمعه لمصرع الساده
وين غابو عنه وين ويذكر مصاب الحسين
* *
ومصاب حسين مامثله حصل بالكائنات مصاب
ودعنه ودمه اولاده عله شيبه بقية خضاب
ساعه ولن شفت راسه عله راس الرمح للنشاب
وجسمه عله الثرى مدمّى وبكل كتر بيه صواب
بالحوافر طحنو ضلوعه
ولكسرهن دگه مسموعه
وتنسمع عبر السنين ويذكر مصاب الحسين
* *
يبو حمزه الحزن واجب والك مني السعي مشكور
ولكن هم سمعت النا نسا بين الخيام تدور
بعبيهن لهيب النار وتنادي بگلب مذعور
والمايحترگ بالنار ماجاسه الحزن معذور
يالسبايا انگالت عليهن
وبعد اخوهن ياهو حاديهن
همهن الهم الدفين ويذكر مصاب الحسين
* *

خادم الحسين ع
علي العزامي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

15 July 2025 09:10

#عاجل #عاجل

لڪل محبين الملأ #مسلم_الوائلي😳🥰♥️، ﺟـبتلڪم قنـاةَه خاصة 😌تنشر ستوريات وصور وتصاميم للملأ✔️🔕، القناة الأولى بالمنشورات والتصاميم 🗞🔊والترتيب🥰👇✔️..
/channel/addlist/fxWufx8Ra8AzYzQy
لمحبين ملا مسلم الوائلي فقط👆😍
#لا_احلل_أخذ_الاعــلان

قصائد حسينية مكتوبة عامة

12 July 2025 15:21

خل تسمع الوالت أمية .. دولتنا دولة زينبية
بفضل الشعائر دوم تنقام ..ما تنتهي ودمعة رقية
___
اقسم وانه گد القسم شيعي وربيت اعله الكتب
بين المجالس واللطم أعلى السواتر والحرب
لاطاغية ولاناصبة ما گدر يثنيني غصب
ربتنا زينب عالشرف ماذلها أسر ولا ضرب

صوت الشعائر والمئاتم ... ابأسم زينب يبقى قائم
واقعنا صارت مو بالأحلام ..ما تنتهي ودمعة رقية
___
دولتنا دوله رافضة فارسها حيدر والعلم
اسم الحسن بيها الختم بدلة مضيفه والكرم
من ثورة حسين العزم يشرحها دمعي النسجم
دولة مواطنها الخدم مابيها انسان انظلم
من زينب اخذت هالكرامة.. تبني المواكب والخدامة
بفي الفدك هذا الشعب نام ..ما تنتهي ودمعة رقية
___
لوردت شعب الله صدگ الختاره من هذا الملا
اسأل مجالس عترتي واتجه يم طف كربله
يم كافل الدولة عهد خطه بچفوف البسمله
عد زينب بخيمة ستر شيعتنا هي الفاضلة

گال النبي من زار الحسين.. ويمه گمر مكطوع الايدين
ابالف حجة والف من صام ..ما تنتهي ودمعة رقية
___
خل اليسمع المايقتنع عدنا مع زينب عهد
لاما يهمنا منهجك وي ناصبي لو من لحد
مترهي تحچي بهالزمن واعلينه مملي بالحسد
من داعش لداري اجت منهو الطلع منهو اللبد

ترفعلي صوتك بالبذاءة .. وتريد من عندي البراءة
تاج الحشد لاتظل بالاوهام ..ما تنتهي ودمعة رقية
___
ما نساوم بل نقاوم هذا من زينب امر
ندحر عروش الطواغي وندحر جيوش الشمر
باقية هذه العقيدة نحيا بيها ونستمر
انته للسفياني منهج واني قائم انتظر

گالتها زينب واحنه گلنا. ... والله ما تمحي ذكرنا
‏اسعوا سعيكم طول الأيام ..ما تنتهي ودمعة رقية
___
ما ريد شارع لا وطن بس ذكر زينب يعتلي
خليني عايش بالفقر بس اشهد أن علي
خلك غني انته بگصر بس خالي وما منتلي
شنهو الحياة شنهو الوطن بغير الحبيب الأولي
هاي الحياة شنسوي بيها .. ابغير زينب ما نبيها
جسمي بعراق وروحي بالشام ..ما تنتهي ودمعة رقية
___
خادم زينب مجيد عبد الرضا القريشي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

10 July 2025 08:29

الَلي يسألونَي من ويّن أخـذ منشَوراتـي
أخذُها من هالقناه التجَنن 🦋💙

دخلوا عيني شوفوها شڪَد حلوة قبل لا أحذف ✨🤍
👇🏻👇🏻
/channel/maesbih00cm/322177
/channel/maesbih00cm/322177

قصائد حسينية مكتوبة عامة

09 July 2025 18:37

هاي اخر لليله انه وياك.
باجر وعلى التل خوية انعاك
اخر ليل ويختَم عمرك باجر تسحك خيل الصدرك
::::::::::::
اخر لليلة ويه حسين بالدمعات نكضيه
من تكصد اله الحره خل نسمع شنو لبيه
شيسولف هو وياه ويا قصة اليرويه
عن يااول المذبوح دمع حسين يحجيه

وشراح تكله بهذا الليل.
عن كطعت نحره وسحك الخيل
وعن ياموقف هو يسولف
باجر منهو اليوكع بالطف
:::::::::::::::



اول كلمة من حسين شنهو الغالي وصاه
صبري على الجره يختي وبهالكلمه بجاه
باجر انتي للخدر يزينب خويه لحماه
كفيلة بدال ابو فاضل اذا رحت سبي وياه

باجر يازينب لتشوفين
ع الغبره طيح انصار حسين
واول واحد يوكع منه
وجهه اليشبه وجهه الجنة
:::::::::::







الجنه نشوف بي نور النبي إلاحمد
باجر بالسيوف الصدر هل تمرد
تروح الروح هي وياه من عالغبره يتوسد
الاكبر يابعد روحي انفاسه بغدر تخمد

باجر مصباحه نعيش الالم
من يوكع بالدم هالجسام
خاف احجي عالشاطي الحاله
روحج تطلع من الحاله
……………
رجعت زينب تسأله وتطلب منه هالطلبه
شراح يصير وي عباس والله الحاله كد صعبه
يكله السيف ياخذ سيف لحسين الاخو قلبه
لمن تكطع جفوفه يتيه حسين لن دربه
خافن يحجيه بوجه الروح
وزينب لو تطلع منه الروح
ياموقف تتحمل زينب. من تسمع عالشاطي مخضب
بده يشرح ابو اليمه باجر عالنهر قصه
وكلما تستمع زينب تصيبن بالصدر غصه
كله علنهر باجر جف مكطوع من نصه
اركض على الكمر سهم بعينه بالفصه
ليشوف ويسمعني الكفال
وقلبي ياذيني بهذا الحال
باجر ويكسروه الظهري
يازينب ويضيعن عمري
::::::::؛؛::








زينب سمعت العباس هو يطيح صاحت اه
يعني باجر بعاشر ماروحن يخويه وياه
يضل فوك النهر نايم وزينب تنسبي بعداه
ومااكدر انه اوصله من يطيح خويه ضواه

وطيح خيامي بلهب النار
بس يوكع جفه لراعي الدار
:::::::::::
رد حسين يحجي بهم وقلبه بي الف لجمه
يكله خوية بس صبري لو صارت علي هجمه
حتى الطفل يازينب يحرم من حنان امه
بدل هل الماي عبد الله باجر ينسفك دمه

وارجع وبيدي رضيعي وياي
مكطوع ونحره راد الماي
وباجر خيل عليه التنطر
عشر خيول الكوم تحضر
::::::::::
ترد تكله باللوعه والدمع بدمه نازف
يعني لا أمل عندي وتروحون خوية اعرف
باجر للسبي اتحضر وبصبحه يجيني الطف
وللتل روحي هل تركض عليك حسين تتلهف

ياريته يطول خويه الليل
ولاشوف بصدرك خيل
هاي الليله ثكيله عليه
باجر افكد كل العيله

الشاعر والرادود حسنين العميدي الحلي


الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

08 July 2025 16:59

نرتَدي العَباءة الزينِبية..لأنهَا أجَمُل زيَنة
يفرحٌ بهَا قلبّ الزهَراءُ عندمْا تنظَّر ألينا،

من اجمللل القنوات لفتاة زينبية مهدوية تعشق العباءة ادخلو🥳🤍🦋.
قناه اتجننن اتفوتكم...⇣↡🦋
/channel/maesbih00cm/323713
/channel/maesbih00cm/323713

قصائد حسينية مكتوبة عامة

07 July 2025 19:59

اذا تسمعني لو تسمع ونيني
مـا ودعتك أمنيتي تـجيني

يـا عـباس إذا تلحگ عليه
أختك ما يسموهه السبيه

يابو فاضل

///////////////////////////////////

أبتده ضيم السبية ممشى زينب بت علي
و الجروح البيه كبرت جي أروح بـلا هلي
ومن رحت دون الكفلني يعني باجر أنولي
ومـو بــهمه خويه كلمن بالهموم انه أبتلي


اختك الجانت أميره باجر أتسمى الأسيره
بعدك اليحمينه ياهو يا مـصيبتنه الجبيره



اذا گـال الـشمر باجـر يـضامي
أضربوهه الاسيرة بلايا حامي


يضي عيني إذا تفزع اليه
اختك مـا يسموهه السبيه

يابو فاضل

.............................

من حرب روحتنه صارت والسبي اكبر حرب
بـكربله سيف الـذبحكم هسه ذابحني الدرب
ظلي يـالما شافه واحد شافته عيـون الـغرب
و المتن كـل عمره سالم مـا سلم مـن الضرب


أختك انه و عذبوني بالحبل من جتفوني
وينك وتفزعلي وينك خويه كلش آلموني

النوايب لـو اوصفـهـه مـصيبه
صعبه اختك يسموهه الغريبه

رجعني و أخذ ايدك بديه
أختك ما يسموهه السبيه

يابو فاضل

..............................

بـناگه هـزلـه صعدوني و الـدرب عـثـره قـهر
معلعله بضيم الصحاري جي طحت يم النهر
وعـينك الـجانت مـكاني هـسه باعدنه الدهـر
مصاحبه عيونك سهامك وانه صاحبهه السهر


وانتهت كـل الأمـاني صحره مو عينك مكاني
والعذاب اليمشي بيه مـمشى أميال الـثواني



أحاجي بالضعن بس راسي مرفوع
گـلت ذله و مـهانة عدنـه ممنـوع


يبو فاضل انا الحرة الأبيه
اختك ما يسموهه السبيه

يابو فاضل

............................

صعبة والهاضمنه خويه بينه يمكن ما دره
أحـنـه قـران و صفينـه آيـه آيـه مـوذره
كـلهم الـتّمو عليـه و ذبح الـحسين اذكره
خويـه كلمن مـا قرانه شارك بـحز منحره


رأس الحسين النزف تنعه لجروحه الكهف
والرمـح مـن التفتله يبجي وبدمه هـتف


بجيت وغيرته جن يهتز الراس
مـن گلي الشمر چـا وينه عباس


دعيت الرب يگربلي المنيه
أختك مـا يسموهه السبيه

يابو فاضل

...............................

شوگي الحجاية الحنينه من تگلي مدللـه
يـا حنين خلافك انـه مشكلة تـجر مشكلة
ارد ابلغك عن خدرنه سلسله بصف سلسلة
انهض وكوم اعله حيلك كافي نومة كربله

ياهو اليحامي خدرنه من السبي خويه تعبنه
أحـنه نسوان ويتامى لاجّـن الـمحد رحمـنه



بـممشانـه أبـد مـا شفنـه راحـه
ضمه وموت وبجي ودم ومناحة


بصبرنه تنفرج هاي البليه
اختك ما يسموهه السبيه

يابو فاضل




محمد كاظم العقابي ✨✏️

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

06 July 2025 19:54

السلام على الحسين😔💔مصيبة مااعظمها واعظم رزيتها هالقناة كلها اعمال ليلة العاشر👇🏴
/channel/addlist/fxWufx8Ra8AzYzQy
مسلم الوائلي عاشوراء🏴👆💔❗️
#لااحلل_اخذ_الاعلان

قصائد حسينية مكتوبة عامة

06 July 2025 13:49

• مراسل عام ٦١ هـ

وَامَامَاهَا وَاحْسِيناهْ


قناة مراسل الركب الحسيني ٦١ هـج
@aLRukab_313

قصائد حسينية مكتوبة عامة

06 July 2025 12:17

لا تروح الخيم ياخذها الصياح
حسين خويه وياكم امن واستراح
تريد تمشي،،،،،،وتالي وين تعوفني
تريد تمشي، ،،،، وبعد وين تشوفني
* *
حسين خويه تروح وين وياهي بايتامك تحير
الوحده غربه بديره غربه وهاي عدوانك تدير
راح كـفـال الضــعينــه ورايح انت ليــا مصير
اغصان اخوتي وضيعوني عود باطراف السعير
هذا حدي حيلي دوب يعيني
هذا حدي ولو طحت شيشيلني
هذا حالي امنهد ماعباس طاح لا تروح الخيم ياخذها الصياح
* *
دار وجهه وسال دمعه وگال يازينب محال
بعد ماتجمعنا خيمه وبعد مايحصل وصال
ساعه والنار بخيامج وشيلم هاي الطفال
صبري روحج لو حسين كبالج يضل ع الرمال
كون رايح وصيه امانه انطيني
كون رايح بعد گلبي حسيني
صدرك ومن رگبتك گبل الجراح لا تروح الخيم ياخذها الصياح
* *
حسين ياريحة الزهره الطالبه مني طلب
باجر تشوفين اخوج معزم وناوي الحرب
بوسه من صدره ورگبته لا يشوهها الضرب
وشمي بهدومه رسول الله گبل لا تنسلب
روح خويه روح والروح بوراك
روح خويه شنضن ونضل برجاك
روحي كون تروح يكتلها النياح لا تروح الخيم ياخذها الصياح
* *
رفعي طرف الخيمه عمه الدنيا صارت مضلمه
ذاك ابوي ع الرمح شيبه احمر بفيض الدمه
الغيم دخان المشاعل للخيام محزمه
طلعي ياعمه بخواتي ولوذن بفي السمه
وين اروحن وين روحي وحيلها
وين اروحن والجدم شيشيلها
ومن طلعت الراس فوگ الرمح لاح لا تروح الخيم ياخذها الصياح
* *
شفت فوگ الرمح راسه وگلت ياجدي النبي
ياعقيل ويابو طالب بس ولا من طالبي
ياهو يفزع للعقيله وياهو يسمع مطلبي
فصلولي بگد حربهم وي علي ذبح وسبي
يال هاشم بالحسين اذوني
يال هاشم بلا خيم خلوني
طاح ابوالاكبر وياه كل حيلي راح لا تروح الخيم ياخذها الصياح
* *
زينبك ياروح زينب من بعد هذا العمر
واگفه عله التل وانادي حسين اروحن ينتضر
صوت مارد ليه منك جاني بس صوت الشمر
زينب حسينج ذبحته وباجر عليج اليسر
ياهضمها الفاركت وليانها
ياهضمها الغربت بحزانها
الدمع عن الوحده رافگها سلاح لا تروح الخيم ياخذها الصياح
* *

خادم الحسين ع
علي العزامي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

05 July 2025 12:57

• مراسل عام ٦١ هـ

الإمام الحسين في وصيته ﻷخته زينب: جدّي خيرٌ مني ، وأبي خيرٌ منّي ، وأُمّي خيرٌ منّي ، وأخي خيرٌ منّي ، ولي ولكلّ مسلم برسول الله (ص) أُسوة .

قناة مراسل الركب الحسيني ٦١ هـج
@aLRukab_313

قصائد حسينية مكتوبة عامة

05 July 2025 12:13

يبن امي
يبن امي
حسين
___
عمت عين العطش يحسين عطشان
وعمت عين الوگــــف عالماي ضـدك
تگعــــــد تنتچي وتگــــــوم فحطان
وناگـــــــع بالدمــــــع يحسين خدك
مبين مـــــــن مشيتك حيــــل تعبان
للباب وتـــرد يحسين حــــــــــــــدك
شحلاتك چنـت امس واليـوم ذبلان
ريجــــك ناشف وممرود چبــــــــدك
،،
بهداي اوي روحك خويه بهداي
شنهي الماي حتئ تموت علماي
____
اشـــــم ريحت هجر يحسين ووداع
چنــــــك ناوي تمشي اليــــوم عنـــه
مستعجل عليمن تونــــه شفانـــــــك
چا گلنــــــــــــه اذا مليـــــت منــــــه
تسولـــف يمنه طـول اليــوم بالموت
اگرب مني صــــار اعليــــــــــك چنه
كـل ونــــــه التونها گبــــــال الخيام
سهم چنــــها وعلي وماچــنها ونــــه
،،
سولفلي شجرالك شنهي ماذيـــك
خذت حيلي وعلي يالحيل مابيك
_
تگوم بيا وكـــــــت يالحيد وطيـــح
بســك خوفتنـــــــــه حسين بســـك
تحچي ويانـــه بس ماندري شتگول
ناصـــي وينسمع يادوب حســــــــك
احيـــــر بروحي لو بالخيل لـــو بيك
لو حيــــــر ابناتـــــــك لو بــولـــــدك
شتگول الشماتـــــــه اعليك يحسين
وانتـــــــــــه من الشماته هواي عدك
،،
ياضيجت خلگنـــه اوجــــع الصفاح
بس ترتاح انتــــــــــه ام عون ترتاح
____
بعـــــد چلمــت يخيتي تموت وياك
وتضــــل چلمت غريبــــه مرافگتني
وبعد عــــــن متني ايدك راح تنشال
وتضـــــــل بس السياط تلوح متني
اخـــــر گعــــــده هاي وياك يحسين
بعــــد ساعـــــــــه المهازل ماخذتني
امــــوت منيتــــــــي بالعباس ورتاح
اكيف بس بناتــــــــــــــك كاضتــني
،،
الهوه ابلعومي گام بيا علي يفوت
لو وياي تگعد لــــــــو سوه نموت
___
مصطفئ الصالحي
شور گعده

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313