قصائد حسينية مكتوبة عامة
19 June 2025 10:00
#قصائد_محرم_
#محرم_الليلة_الثالثة_
مولاتي فاطمة العليلة(ص) معَ وداع أبيها الحسين(ص) تحچي وياهـ وتگلة قبل لا أودعك گلي بوية شوكت موعد رجوعك حتى اعيش على أمل اللقاء والانتظار،،،،
ماريد؟ أودعك
گلي برجعتك
شگد أحسب ويمتة ترّد
يَذبح وداعك
وانة عليلة
تدري الهجر يمرد مرد
شلون أگدر فرگاك
تعلق گلبي اوياك
عيني تصد ممشاك__جِرحتني
تحَضر ضعن النوّگ
وضل گلبي لمحروگ
نار بروحي الشوگ__كتلتني
لحضة وداعك موتتني
ليش بركابك ما خِذتني
هجرك فِتح باب لعذابي
علتي؟ وفرگتك ألمتني
ااه_سارن ضعونك
ااه_ميتة بدونك
___________
وية سكينة
تمنيت اروحن
وعلتي گلت بلكت تطيب
صعبه علية
كلكم مشيتو
وتدري لهلة يحنّ الغريب
مودع بس؟ بهداي
خل تشبع عيناي
ادري الفرگة هواي__واتلوع
خطوةّ هجرك نار
شلون؟ أرجع للدار
شوفي! وگلبي احتار__ماترجع
ماترهم الفرگة الطويلة
تدري بگلب بنتك عليلة
لازم اشوفك حتى أطيبن
بس ضعنك مطولّ رحيلة
ااه_سارن ضعونك
ااه_ميتة بدونك
_______
مچلبة بثيابك
بوية العفتهن
بحضني أشمهن يلا إنام
وياخذني حزني
واغفة بدمعتي
حدما يمر وكت الضلام
اسئل شنهي الصار
وهجرك فك اسرار
طير الجاب اخبار__بدمومة
گلي ضل عطشان
بنص وادم حيران
خيامة بس دخان__بلحومة
مذبوح ما يرجع حبيبچ
يا فاطمة زيدي بنحيبچ
الحلوه؟عيونة ذبلوهن
ما تنطفي جمرة لهيبچ
ااه_سارن ضعونك
ااه_ميتة بدونك
_______
وكسرتني عمتي
زينب غريبة
رد الضعن بس شرجع؟
ردتّ وحيدة
مو كلها رجعت
وزاد الألم بية وجع
عمتي شصاير بيچ
حزنچ چنّ عاميچ
ضيمچ شو غاطيچ__احچيلي
گالت ماكو اخيام
وگالت ااه الشام
جرحي ولا يلتام__يا ويلي
أحچي؟على العاشر عذابة
لو؟ أحچي خلوني بخرابة
لو؟ أدفن بأيدي رقية
لو علسبي ذاكة ومصابة
ااه_سارن ضعونك
ااه_ميتة بدونك
_______
#محرم_١٤٤٧هـ_
محسن الباوي
اللهم عجل لوليك الفرج
_______
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
19 June 2025 09:59
#قصائد_محرم_
#محرم_الليلة_الثالثة_
لمولاتي فاطمة العليلة(صلوات الله عليها)
#بندرية_
طگ گلبي بوية وحنيت
وحشه عليّ صار البيت
ليل الهجر فجرة طال
لذاك الحنان اشتاگيت
من رحت من عيني_يحسيني
كمت احس بغربتك من تبتعد…
صرت احاچي بروحي_وجروحي؟
تگلي ماضنة بعد حلمچ يرد…
چنت أحلم أمشي وياكم فوگ الناگة
معقولة عيوني بهجرك ماااا تتلاگة
مااگدر بوية اتحمل ضيم افراگة..تعبانة هواي
بعيونك لمن دارت أخر نضرة
رديت وروحي خلافك بيها الكسرة
مو هين تدري غيابك ضيم شكبرة..يكسر مگفاي
بوية حسين اا يحسين يابوية….
________
كلش تعب گلبي حيل
وي الهوة گمت اميل
لعبدلله هواي اشتاگيت
يگضي دمع صار الليل
اهواي اخوي اشتاگة__بفراگة
كمت اناغي بصفنتي وارسم مهد…
دمعي تارس عيني__ياذيني
يمي كاروكة اهزن بي ورد…
لعبدلله اشتاگ وتاخذ روحي الحيرة
تدروني شلون اتحمل انة زغيرة
بس دمعي ضل خلافك مالي غيرة..ترجع هيهات
ماضل خاطر بغيابك ما كاسرتة
من اسمع تحچي الوادم عاف ابنيتة
راح وضلت محتارة شگد ناطرتة…تذرف دمعات
بوية حسين اا يحسين يابوية…
________
جرحي بعد ما يطيب
جاني الخبر ضل غريب
حسين انذبح ما يجيچ
عيشي العمر بس نحيب
احسين ابوي الغالي__أمالي
كلها هسة بموتتك ماتت بعد…
امنيتي اشوف عيونك__من دونك
بوية چا گلي بعد المن اصد…
شلون يذبحونك ضامي ويعطش نحرك
مااا عدهم كل حنية تعبو گلبك
من شفت بزينب طلعت ماضل صبرك..تندب يم عون
ياحسرة گلبك لمن زينب صاحت
ياخوية ادركني خيامك كلهن طاحت
وبلهيمة اطفالك بلبر تالي احتارت…ياخوية شلون
بوية حسين اا يحسين يابوية…
________
عمتي بضعن من اجت
نضرت علية وبچت
گالتلي كلشي انتهة
ورقية هم ما بقت
وسفة عمه ارقية__مسبية
ماتت بدرب السبي تالي وگضت…
وردة ما رحموها__أذوها
لشام ما يرحم ابد مابي بخت…
مايرحم درب الشام شگد عذبني
مو مرة؟ هواي بدربة چا موتني
من ديرة وادخل ديرة ما يرحمني..موتني الشام
انة المحد يعرفني؟ وعرفو اسمي
هاي الكسرة الموتتني وحرگت دمي
چنت بهيبة خواني وكلهم يمي…وتجمعنة خيام
بوية حسين اا يحسين يابوية…
________
#محرم_1447_
محسن الباوي
اللهم عجل لوليك الفرج
________
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
19 June 2025 09:59
#قصائد_محرم_
#محرم_الليلة_الثانية_
وصول ضعن الحسين(ص) الى أرض كربلاء…
بداية احزان مولاتنا فاطمة الزهراء(ص) على ولدها الحسين(ص)
___________
هاي الليلة تبدي جروحي
أبني وغربتة تاخذ روحي
أندب حبيبي ويا مذبوحي
باچر عطشان يذبحونة
باچر تتعب أبني عيونة…وحدة ومحد يمة
ما يكفيهم ذبحة نحرة
ألحافر يوصل يم صدرة..صدرة لچنت؟أشتمة
ضامي بكربلة
يضل محد الة
بجروحة ينام
بشموس الفلة
وصل ضعنة لكربلة…
_______
أنتة المحنه كلها عيونك
شنهي القساوه ويعطشونك
العاشر ييمُه يخرب لونك
يبني لوحدك باچر صعبة
وتعاين بس وادم غربة..ماعندك كل ناصر
ألتكسر گلبي أدير بعينك
ولا واحد يوليدي يعينك…ياضيمك يا عاشر
يتعالى النحيب
يسمونك غريب
ما تبقة لخيام
من طولك يغيب
وصل ضعنة لكربلة…
_______
أنشرته قميصك والدم بيدي
وأندب يوادم هذا وليدي
زيدي يروحي بونچ زيدي
مايرحمني يبني العاشر
كاسرني؟ وكاسرلك خاطر..يلماكو من ضيمة
والتهضمني خلافك زينب
محد الها وكلش تتعب…ماتبقة كل خيمة
يوليدي تحير
بعيونك تدير
ماعندك مُعين
تاليها تصير
وصل ضعنة لكربلة
_______
بلطف أبني نوخّ ضعنة
يعاين رقية ويكثر حزنة
يموت بعذابه العاشر مِحنة
وردة رُقية وحيل زغِيرة
والعاشر لوعاتة چبيرة…تركض فوگ الجمرة
وتصرخ بابا وين اعيونك
راح اذبل يابوية بدونك…ضيم الطف شكبرة
يحرگوها الخيم
تتناااااثر ألم
واغصان الدلال
كلها تنهدم
وصل ضعنة لكربلة…
_______
#محرم_١٤٤٧هـ_
محسن الباوي
اللهم عجل لوليك الفرج
_______
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
19 June 2025 09:58
#قصائد_محرم_
#محرم_الليلة_الاولى_
يرجع شهر محرم على مولاتنا العقيلة زينب (صلوات الله عليها) وتَعيد الذكريات
والجروح بعد سنه ونص من اللألم الغربة…
ماكو لحضه بلاية دمعة
وماكو ساعة؟ بلا مناحة…
سنه ونص وااانة غريبة
گلبي ما تهدة جراحة…
ذكرياتي كلها تجرح
وهل محرم ذكره بية…
شنسة منة ومن عذابة
العاشر شگد بي اذية…
أبدي__منين
واكضي__لوين
من ذَبح اهلي لوّن حرگت خيامي
لو؟__للماي
الشح__إوياي
وزيّد جروحي العطش موتلي ضامي
گلبي__احتار
منْ__النار
ياهو يِطفيلي جمر يسمع كلامي
اااه محرم ياجرح روحي
اااه منك كبرت جروحي
___________
جايب جروحة محرم
راح اعيدن ذكرياتي…
العطش! والخيمة! والبر
هذن؟ ذبحّن امنياتي…
ياهو؟ تتحمل عيونة
گبالة مذبوحة خوتة…
وما تضل عندة عشيرة
العشيرة؟ كلها موتة…
كلهم__موت
شح__الصوت
شما أصيحن يهلي ما يرجع جوابي
هدت__خيل
تريد__الحيل
عمري خمسين وكبر بية عذابي
كلشي__اندار
بضهرّ__الحار
إطلعت اركض بدة بية اغترابي
اااه محرم ياجرح روحي
اااه منك كبرت جروحي
_______
منين ما ديرن الاگي
خيل وجيوش وعساكر…
چم طفل مات باثرها
أطفالي ما سلمت يعاشر..
لو رقية الوردة ذبلت
تحيرت ضايع امرها…
گصيرة خطوّاتي تگلي؟
الهيمة ياعمة شكبرها…
وين__نروح
عمه__جروح
كلشي ضاع بكربلة وضاعت غلاتي
عمه__ام عون
هاي__شلون
عمه؟ اخاف امن الحرگ يوصل عباتي
ثلاث__سنين
وعفت__حسين
عفتة مذبوح وگضت يمة أمنياتي
اااه محرم ياجرح روحي
اااه منك كبرت جروحي
_______
حتى ما خلوني أوّدع
من گضت ذيچ المسية…
جابو النوگ الهزيلة
يعني راح امشي سبية…
أستغربت مو هيچ شاني
بلسبي مو انة؟ روحن…
كمت احچي وية روحي
كون باول خطوة اموتن…
رحله__وشام
امشي__ايام
لا اخوتي! ولا دلال! امشي اسيرة
بيدي__احبال
وبان__اخيال
الطلعه كسرت هيبتي وانة الاميرة
الشام__عيون
شلون__يهون
وطولي ماشاف الشمس ياخدري حيرة
اااه محرم ياجرح روحي
اااه منك كبرت جروحي
_______
#محرم_١٤٤٧هـ_
✍️محسن الباوي
اللهم عجل لوليك الفرج
_______
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
19 June 2025 09:55
#ليلة_العاشر
گعدو سوه بالخيمه وتهل العيون
تعاين الراسه وهوه يعاين للمتون
گَعدت وداع و نوح
مسبيه وي مذبوح
افجع لقاء ...في كربلاء ...التقى حسين بكسرت الساده
طب للخيام......وألقى السلام ..... وادموعه تجري وللخدر ناده
اجته هيبة الزهره.....بس هالمره منكسره ....ضماها لعِد صدره ....ونشغ نشغه جبيره
ما گالتله عطشانه ...وهو يابس السانه ....يمچ گلها هذا أنه .....بعد وكت الحصيره
من اوگع اعله الغبره تحضني السيوف
ومن مصرعي للخيمه ما يوصل الشوف
نلتقي روح بروح
مسبيه وي مذبوح
.
.
.
.
السهم الثكيل ...من عنده اميل ....يوگع بگلبي وتنچوي روحي
احجار ورماح ....ما استراح ....وحار الرمل بس يترس جروحي
ادور بالفله ابروده .....ضامي وشفتي ممروده ....اباوع للسمه سوده ....وحجر مارد جبهتي
اصابع ايدي مو عشره ....على الحاجب اكو طبره .....تمنع شوفي والزهره ....اسمعج لو ندهتي
حضري رداء العاشر ماينسلب كون
ما ميت اني باجر مثل اليموتون
تشوفينه ثوبي جروح
مسبيه وي مذبوح
.
.
.
.
عطشان أصيح ....تدفني ريح ....خاصرتي تچوتها الرمح باجر
تسحگني خيل ....يا خويا حيل.... ينثرني فوگ الكاع جم حافر
اذا شفتي بلحيتي الدم ....وعظم الترقوه تهشم ...شمر يعني الي تقدم .....ولزم شيباتي بيده
يطبرني اثنعش طبره ...لحد ما تنشغ الزهره....ارفس رجلي بالغبره ....بعد ما ارد بعبده
عالوجه من يگلبني تچويني الارمال
ولو گطع راسي بسيفه يسحگني خيال
جفوفج اليه تلوح
مسبيه وي مذبوح
.
.
.
.
بعد عذاب .....اخيامج تراب.....تحترگ وتفرين بالصحره
اطفالي الضهر ....تسحگ جمر.....والگاع من حر الشمس حمره
وره اخيامي الطفل مدفون ....والگبره العِده يمشون ..يطلعون ابني ويگطعون...اله راسه الضهيره
يا زينب علي الاصغر ....من نحره الرمح اكبر..... يوگع منه إذا يفتر ....رگبته شكد گصيره
باجر اطفال أهوايه تسحگها الخيول
مات الحسين بحسره كل شامت يكول
وياج روحي تروح
مسبيه زي مذبوح
.
.
.
.
لَمَن تجين .....بليل الحزين ....لمي يزينب جسمي المطشر
تل من حجار ...اعله جروحي صار....بِعديه يخويا واشكي للمنحر
الجسد من كل كتر مطعون.....مثگلته السهام شلون .....ترفعينه وبلايه امتون ..اتركيني يزينب
اظافر رجلي مشلوعه ....صدري مكسره اضلوعه ... باجر روحي موجوعه ....وعلي يازينب اتعب
لميها خويا اشلائي بهاي العبايه
شاء الله انتي واهلج باجر سبايه
عليج النظر مشبوح
مسبيه وي مذبوح
الشاعر عبدالله الشويلي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
19 June 2025 09:54
#للانصار_ع
محروسات اخيامك
سبعينك گدامك
خل تتباهه الساده وتبشر
أنصار وخدامك
بالعاشر بوصلة العاشگ تأشريتها الخيم
ما معقوله نعوفك وانت مطلعنا من العدم
شارب شارب نوگع يمك احنا أنصار وخدم
من هسه مطوقين الساحة وكلمن شايل علم
دمدم عابس دمدم
والنصراني تحزم
الازدي وصولاته الترهب
يشفيلك آلامك
.
.
.
.
جُندب يشبه للصيداوي ما تثبتله الزلم
جونك فدوه اللون عيونك شافك اجمل حلم
وابنَ مظاهر يسجد لله لو شافك مبتسم
يتنعى الشاطي يبوس ايدك من تنشد الحزم
بذاك العبدي الادهم
فار الدم فار الدم
وابن القين تحزم ليهم
ابشر هاي ازلامك
.
.
.
.
اجمل ما بالدنيا عيونك كلشي بدونك قبُح
عدنا العالم ماصخ كله وبس اخيامك ملح
وبينا العباس شكد غزر يمغزر بالجرح
عالخيل نبات وما ننزل الظلمه بحبك صبح
طمئن زينب گلها
انصهره اليوصلها
من رخصت ابو فاضل صحنا
خلي انقبل اجدامك
.
.
.
.
حبك در منثور اعلينا يا ميعاد العشگ
يا ابو اخيام التنبض غيره يا ابو الحب الصدگ
گلوب انصارك قبل اخيامك يلهب بيها الحرگ
بالخيل يسحگونه ونمضي الا انت تنسحگ
عرج الغيره البدوي
طگ يحسين ويچوي
افرح يبن الزهره بربعك
خلهه اترف اعلامك
.
.
.
.
خلصانه الدنيا ومحلاهه نخلصها بكربله
وياك احنا وما نتفارگ باء وبالبسمله
عالم من الحب انعيشك شفنه بعينك هله
فزعت عطشانين الضامي نفزع وانموت اله
هاي الموته التسوه
غيرك لا ما نهوى
لا مو بس بالواقع نفزع
نفزعلك بحلامك
الشاعر عبدالله الشويلي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
19 June 2025 09:54
شور كعده للأنصار
عفتوني وحدي بس سيفي عندي
يصحابي كومو وياي
يبست لهاتي واسمع بناتي
تبچي وتريد الماي
روحي بهتت ما بقى بعافيتي حيل
گمت اشوف من العطش كربله ليل
گومو يهل الغيره مخنوگ الحسين
ارتخى حيلي وصرت عالمهره اميل
مكسور الگلب .....وذبحو بحضني طفل
عيني اعله الدرب....بلكي جون يرد عدل
عابس ما تجي .....الموت ما لايگ الك
احجي وماكو رد .....هاي ما صارت قبل
برير....حسين ضل ابوحده
برير...يحشم أبين العده
.
.
.
.
ضليت احشم منذا يقدم
مهري وبچالي الريح
ترضوها اگلكم گومولي كلكم
ويمكم دمعتي اطيح
گمت أصيح وشبر ما يعبر الصوت
من وجع روحي احشم باليموت
واحد وسبعين طيحه گلبي طاح
اتراب ويه النفس يخرج من يفوت
كاتلني العطش .....گلبي احر من الشمس
ما مر بي عذب ...ريجي من اول امس
گومو لنصرتي ...الگوم كلها تحزمت
صاحوا ما برز ......واني ابو عزت نفس
نحييل...حتى مهري من الضمه
نحييل ...وعينه تنظر للسمه
.
.
.
.
يبنَ مظاهر هل من مناصر
يمك گلتها اهواي
ياعم ولوني ومو نفسه لوني
ردتك تكوم وياي
بحزني يمك وبغربتي راح طيح
وانت ذاك الجنت تركض من صيح
يا بياض الخيم نومك مو ثكيل
كوم طيب خاطري يمك جريح
ماخذني التعب .....جرح اكبر من جرح
هذا آنه العدل .......ويفتر گبالي الرمح
گد مابيه حر ...الغيم اشوفنه شمس
ياهوه گبل .....روحه قبله تنذبح
حبيب .....هاك انظر شيبتي
حبيب .....بيضه صارت لحيتي
.
.
.
.
گربوا اليه والغاضريه
متروسه خيل وناس
روحي الحبيبه صارت غريبه
عنها رحل عباس
وين ما اندار شيء لبني اشوف
ساعه أعثر بزلِمه و ساعه بجفوف
حسره ميت على اخوتي يالانصار
منو شايف منحني يگابل الوف
هاي أربع فرق ....تگربت يهل الشيم
واگف بالحرب ....وبالي كله اعله الخيم
عَجَت كربله ......اتراب واطبول شكثر
ومحتاج الگمر ......وين شيال العلم
اخوي ....انكسر ضهري بطيحته
اخوي ...شمحله طوله ورايته
عبدالله الشويلي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
17 June 2025 08:56
امحرمك علينه من يهل
دمعنه اعله الوجن يهل
اعله فگدك نلبس السواد
لـهضمتك نشتعل هضم
اعله صدرك دگة اللطم
بجزعها نعلن الحداد
بالسمه قميصك ... أمـك تنشره
العـاش بمصابك ... لا بد ينظره
بچفه لـجروحك ... ينخسف صدره
الطيّنلك ثوب ...
واسه المختار .. واسه الكرار .. واسه الزهراء
عزياتك دين ...
واصل الأيمان .. وقطب الاحزان ... طف عاشوراء
_______
دمعنه محزمّ ويصب
يلايح خدك الترب
يضامي ويمك الفرات
بالحشه تسعر الخيم
ومنكسر خاطر الخدم
اعله ضعن ابلا ستر يبات
طشرو دلالك ... ومدمعه هامل
بلا خيم عيالك ... ولا علم كافل
انسلبت المحامل ... عگب بو فاضل
ضعنك مسلوب
چن هدمك صار ... بلا فيّ ودار ... وبچفه احبال
يلرحلك راح
عنك مجبور ... عالهزله ايدور ... متعوب الحال
_______
عليك امكدره السمه
يمن فتّ چبدك الضمه
وسعد أمـك الـنـعاك
وصالك للعرش وصِل
اليعوفك بالحشر يذل
ويموت بـعزّته البچاك
يـربح الكرامه ... الذلّ الك روحه
الموكبه دموعه ... ومآتم جروحه
يسعد الزچيه ... بخدمته ونوحه
نيشان الحب
تطبير الهام ... ودم الخدام ... فدوه لعيناك
عايش مجروح
ويلچمه الماي .. وترخص مولاي ... روحه اليهواك
_______
يمنطي لذّه للعمر
نواسي صاحب الأمر
بشعائر خدمتك نصيح
الغريب الباقي ينتظر
اعله ثارك والدمع جمر
أسير بهضمته وجريح
غايب ونحسّه ... عايش ويانه
بناظره يظلل ... اعلينه واحزانه
لثارك وظهوره ... الروح عطشانه
ننطر وياه
ومشبوحه العين ... مولاي حسين ... لرداد الثار
لحد جية الغاب
ننحب وانوح ... وماتهده الروح ... وماتطفه النار
_______
سجاد الگريزي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
17 June 2025 08:56
لمولاتنا فاطمة العليلة عليها السلام
رَحَلّ رحّل العشيره ... وكسر گلبي بمسيره
مشه حسين وعمامي .. وصفيت ابيته اسيره
والعلّه بيه .. ودمعي جاري
عليهم من راحو ... مهضومه
والعلّه بيه .. بنشغه اعاين
ضعنهم عافاني ... مضيومه
والعلّه بيه ... وكلها غابت
وخلوني امن دواهم ... محرومه
من غابو صار بـ حالي ... علّتين
علّتي وچملها الوالي ... احسين
بمگفاه دمعي اتلالي ... نهرين
أبو روحي ... جزه روحي ... دلاله
رحل ويلي .. عن عيوني ... جماله
صفه بعده ... خِلي بيته .. وبچاله
______
مشه الدارتني عينه ... وكبر شوگي لحنينه
بـقـت بعيوني صورة ... الـي رافـع يمينه
أومي بأديه ... لأيده الرفعها
بـ آهاتي وحسراتي ... اعله ضعونه
أومي بأديه ... وگلبي خايف
چن ماكو أي ملگه .. اوي عيونه
أومي بأديه ... وجرحي بكبرهم
واتلاشو عن عين ... المحزونه
تتلاشو اگبال انظاري ... الأنوار
شالت شمسي واقماري ... امن الدار
واظلم متكدر انهاري ... اعليّ صار
عشت چني ... بوسط داري ... يتيمه
وسره بگلبي ... جمر حزن ... الهضيمه
الأبو راح ... وصرت بعده ... بلا خيمه
______
النظر بغيابه ساهر ... أعيش لملگه باچر
يرد واعدني الاكبر ... وارد لحضانه اناطر
الملگه يمته ... جفني ساهر
وعيوني اعله الاكبر ... مشبوحه
الملگه يمته ... اعليه طَوّل
معلوله ومحزونه ... ومجروحه
الملگه يمته ... كلشي ينشد
واجوبتي اعله لساني ... مذبوحه
احسب بدموع اجروحي ... الأيام
وماجاني بواقع نوحي ... واحلام
وتكبر كل لحظة بروحي ... الألام
انه اعليله .. وابو الأكبر ... طبيبي
بيدي ذابل .. أمل ملگه ... حبيبي
نَحَل عودي .. وحزن هجره ... نصيبي
______
منهد ما ودعوني ... ولا جـفّـن عيوني
ومثل رمل الصحاري ... بجفاهم صار لوني
مارد عليه ... امدلل بناته
ابويّ لشهگاتي ... وحناني
مارد عليه ... بضعن الهواشم
واتگلب مثكوله ... بـ أحزاني
مارد عليه ... الغايب رسوله
بحسرتي اعله الاكبر ... أتاني
لا ردني لـفـيّ احضانه ... ولا راد
يمته ويخلص هجرانه ... بميعاد
عن حاله انشد حيرانه ... الاوفاد
ولا واحد ... طفه ناري .. بجواب
بلا اخباره ... طحت گطره ... بتراب
لگبر جدي .. اروح اشكي ... العذاب
______
سجاد الگريزي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
17 June 2025 08:55
لمولاتنا حميدة بنت مسلم عليهم السلام
وي ضعن ابو اليمه اطلعت
مدلوله عالنوگ اصعدت
اتنطرك ريـه لـ هوه
لجيتك من الكوفه انطرت
بقافلة الضوه ... اتنطرك هَوه
وگلب ابنيتك ... بالغيبه انچوه
مشبوح النظر ... ولا منك خبر
معتازه انظرك ... تلفي امن السفر
يبويه وأرگض لصدرك ... واتغطه بحنينه
حميده ودمعتي بطولي ... وبغيابك حزينه
متانيتك اعيون حسين ... وقافلة الهواشم
وكلها بـ عازة اخبارك ... چا يمته تجينه
~~~~
يابو حميده الهَم كبر
بعظم الصبر بويه نخر
واولادك بليل الضعن
ناظرهم لجيتك سهر
سهران الگلب ... وخالي كل درب
يمطول الهجر ... مدمعنه يصب
شوگك ماهده ... ويسعر موگده
عاليمته يرد ... مكسور الصده
يمرسول اولا مرسال ... من يمك وصلنه
يكبرن ويه المتانه ... لهفتنه وأملنه
لاچمنه البعد يبعيد ... وآهات انتظارك
تلفينه شوكت بويه ... عطشانيك كلنه
~~~~
خوف الهجر ما ينجرع
ونعي الگلب ما ينسمع
مرسول اجه لشيخ الضعن
وفزيتلك فرحه بدمع
كل ظني گضن ... ايام المحن
لبنيتك ترد ... يلصدرك وطن
بروحي الحايره ... ودمعي ناظره
يبشرني بـ رجع ... عمي امناطره
گصدني وشاهدت ويلي ... بعيونه الهضيمه
شبگني بشبگة اجروحه ... وبروحه الظليمه
يمسح راسي بچفوفه ... بـحنيّـة دلاله
وعرفتك رحت للتالي ... وصبّحت اليتيمه
~~~~
حبل الوصل يلما تمر
متگطع بسيف الغدر
وبااحزانه ضعنك نوخت
قافلته بالطف منكسر
بهيمة كربله ... اخيام القافله
انصبن والگلب ... خوفه امعلعله
وعاشور الدمه ... حَل اوي الضمه
وضل لوحده ... مهجة فاطمه
وحيد ولا بگه ناصر ... لـ اچبير العشيره
وراح وطاحت اخيامه ... واعياله أسيره
مچتوفه وبلا هودج ... بويه اعله الهزيله
وبس اعليل ويانه ... وحيرة گلبه حيره
~~~~
سجاد الگريزي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
17 June 2025 08:55
بكربله ... ضعن السبط واشبوله
بكربله ... بهيمتها صار انزوله
حـط رحاله بهالمچان
قافله ... نصبت خيم واليها
قافله ... بس چان المتانيها
العطش منصوب چان
وبدت حرب الضمه
وكفيل اهل السمه ... انتخه بيه الرَكِب
خفگ بيد الگمر
لواءه اعله النهر ... ورجع جايب عَذب
روّه رُقيه وروّه سكينه
من چفوفه اشطمعه الماي
لآل الزهره وهو بزغره
تكليفه امن الله السگاي
بكافلها تتنومس غدت ... بت فاطمه بكفّالها
ومنّ المدينه بذمّته ... وساتر صبح لخيالها
_____
راحله ... عاشر محرم جاها
راحله ... وصارت ألوف أعداها
ضدها مجموعه الحشود
والضعن ... ضامي لهذيج ايامه
والضعن ... خوفه اعله روس اعمامه
بكل نبض خوفه يزود
يشاهد بس اسيوف
بكل كتر باارض الطفوف ... رايده نحر الحسين
ليل عاشور الضعون
ولا غفت بيها العيون ... اتودع بـ راعي الحَنين
دمع المخاوف ليلة وداعه
بخد الخِدّر لاله اجروح
بحضن الحسين وزايد شوگه
وباچر تنظر ليه مذًبوح
خلصت يليل اموادعه ... نبله اطلعت امن قوسها
وحلّ الصبح گابع حزن ... ودگ الحرب ناقوسها
_____
صبّحت ... اگلوب الحرم مالومه
صبّحت ... انحور الوفه للحومه
اتوسدو فوگ التراب
ابعسكره ... حسين بدليله اصوابه
ابعسكره ... محد بقه امن اصحابه
وطولهم لاحه الغياب
مشو هَدّوه بضجيج
الـى ربهم حجيج ... بالدم احرام الوفاء
ولبن عقد الوله
الهواشم بس اله ... بـقـتـله ابكربلاء
اواحد واحد طب للحومه
طاحو چـن گطرات الغيث
وكاشف كروبه كافل ضعونه
راح ومنهو لصوته ايغيث
ضل وحـده بطف كربله ... ايمينه خلت ويساره
ظهره انكسر عالمشرعه ... وگلبه انفطر لـ انصاره
_____
بغربته ... أبن النبوه حاله
بغربته ... اصبح يودع اعياله
وداع مابعده أمان
اخته اله ... تبچي لرحيل اعيونه
اخته اله ... جابت رسن ميمونه
فراگ لابد منّه حان
مشه وصار النهار
أظلم امن الليل صار ... عالضعن بالطفوف
وگـع فـوگ الصعيد
ضامي محزوز الوريد ... شسوت بحاله السيوف
صعدت عالتل اخته ادوره
يبن امي الحگ تتنخاه
جمر اخيامك فوگاه تسحگ
اجدام اعيالك واويلاه
مذبوح مسلوب الهدم ... ابن امها تنظر حاله
وردت تلم ضعنه بهضم ... واليسر جاب احباله
_____
سجاد الگريزي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
17 June 2025 08:54
لمولاتنا فاطمة العليلة عليها السلام
دار اظلم وطفله ... بالدمعه تتسله
واليـهـا من سافر ... بيها الهضم خلّه
راح وترك نار الجفه
تسعر حنين وعاطفه
وياه أخذ كل الأهل
وقنديل ديوانه طفه
كل العشيره بسفرته
راحو تحت ظِل رايته
وبس فاطمه بداره بقت
عافاها تنعه بغيبته
داره دار احزان بنته ... عگبه متكدره ومظلمه
راح وبمگفاه عمرها ... طاح فوگ اثاره هضمه
وصارت اخلافه حزينه ... وتغفه واتفز اعله لچمه
~~~~
يوم السفر ليله ... من غابت العيله
بيه عالجمر ساهر ... دلال الِـعّليله
ماراحت اوي العايله
علّتها چانت معضله
اوّاعدها يلّفيها عَلي
لو أمّن يردها أله
شبگاها والمدمع حِدّر
اعليها ويتم شابگ نحر
عاشت احساس الما أله
بعد السفر تچوه وظهر
عاشت احساس اليتيمه ... منّ شبگها وقبّلاها
غاب ابو الأكبر يويلي ... والحزن كلّه لفاها
وظلّمت كل المدينه ... الچانت عيونه ضواها
~~~~
چم ليله مرّتها ... بحسين كسرتها
مارد خبر منه ... ومجموره حسرتها
بـلـ ياعلي متصبّـره
وتجزي الليالي وناطره
ويمته اعله يتمه ومالگت
نشده وبقت متمرمره
مشتاگه والشوگ ايغلي
وتنادي بدموع اتّـهَلي
بنبرة وحيده امعلعله
يافرگتك يابو علي
شحت اخباره عليها ... وعلي الأكبر ماأجاها
عله فراش العلّه تنحب ... وحچي الوادم ألّماها
هذا بيت البيه عليله ... الضلت ومحد خذاها
~~~~
يم گبر ابو البضعه ... يم تربته تنعه
امن الفرگه تشكيله ... بالّـ لوعه متگبعه
تگله يـ جد طال السفر
بس لا ابو سكينه بخطر
بضعونه سبطك مارجع
ولأخته الاكبر ماحضر
بساعات هجرانه أعد
ولاچمني گلبي بهالبعد
وبـس لا يستـار الأبو
لاح الأجلّ ومايرد
والله مشتاگه لحنانه ... وحضني كل لحظه يريده
وروحي عطشانه اعله روحه ..ودمعي رايد مسحة ايده
وكون اموت ولا يجيني ... ناعي ينعه بـ حز وريده
~~~~
سجاد الگريزي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
17 June 2025 08:54
لمولاتنا العليلة عليها السلام
المستهل :-
تـراقب صوتك عين آمالي
تركّب بـ اعيالك عالنوگ
ماصحت اسمي ودمعي يلالي
ودلّال ابنيتك محروگ
حزني وعويله ... يابو العليله
دلّال ابنيتك محروگ
~~~~
ويـلـي يالناوي برحيلك ... ويذبح ابنيتك غيابك
چنت اراقب يمته صوتك ... تصيحني وأمشي بركابك
وكلها استعدت للسفر
وبعيوني انـظـر آنه
يلگتلي علّتچ والخطر
منعن تجين ويانه
بويه وداعت نور اجبينك
علّتي امن اتفارگ وياك
الأكبر گتلي يردني لعينك
امن اتأمن وأرجع لحماك
ماعدي حيله ... يابو العليله
دلّال ابنيتك محروگ
~~~~
يلمشيت بكل خواتي ... ويلخذت كل العشيره
خطوه خطوه عني تبعد ... وحيرتي بظهرك چبيره
ياوطن شال امن الوطن
ما تنحمل هالفرگه
طحت اعله آثارك حزن
مايگضي أله بملگه
جروح الدنيه اعليه اندارت
من مگفاك اعليه اندار
والمدلوله الچانت صارت
مثكوله وتنحب بالدار
صارت نحيله ... يابو العليله
دلّال ابنيتك محروگ
~~~~
فرغت ابيوت الهواشم ... وصبّحت ظلمه المدينه
خالي ديوانك يبويه ... وتارس الدنيه ونينه
غبت ويتاماك انصبت
يابو علي بديوانك
ماتم بواچي وشيبت
من غاب ملگه احسانك
ويّه الفقره وهضم ايتامك
بنتك تبچيك وتنعاك
عطشانك گلبي ومحتامك
وينك مكسوره بفرگاك
الفرگه طويله ؟ ... يابو العليله
دلّال ابنيتك محروگ
~~~~
حسين يابويه العليله ... ليل وانهار اعله ونّها
ومالي غير المثلي ضلت ... أم البنين وحضنها
يم گبر جدي المصطفى
نكعد ونشكي وننعه
عالدنيه يابويه العفه
يلّـطولت بالرجعه
يامن شح مرسول اخبارك
ياساتر بس لا مخطور
نتگلب ضـلينه بـ نارك
وگلب المتنطرك مجمور
احمولك ثگيله ... يابو العليله
دلّال ابنيتك محروگ
~~~~
سجاد الگريزي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
17 June 2025 08:53
لمولانا علي الاكبر عليه السلام
المستهل :-
الطف ينادي الله ُ اكبر
حسين اتمدد يم الأكبر
فارش طوله بطول اوليده .. اتخضب شيبه بدم اوريده
~~~~~
الوارث محمد بالوجه ... وبمشيته واعلومه
الجده علي واسمه علي ... اليوم الحرايب يومه
طب الحرب عن والده ... يرد العِده ملّزومه
اسيوف الغدر لن لاحته ... وگصدت تخرب ارسومه
حقد وبغض بـ طه ودينه
كلها اجتمعت ضد حسينه
اوّجه الأحفاد بهالبيده .. اتخضب شيبه بدم اوريده
~~~~~
منّ الأبو استأذن دخل ... للحرب رافع هامه
وصال اولا فارس گدر ... ثابت يضل گدامه
وبكر ابن غانم رگبته ... رد بيها صوب اخيامه
ويم والده راعي الفخر ... جاباها تحت اجدامه
غانم رد لحسين بحيله
من نار اضماه ضل يشكيله
وخشبه لسانه المنّه ايريده .. اتخضب شيبه بدم اوريده
~~~~~
من الخيم رد للحرب ... ماي وطلع من نبعه
وي والده وأمه وهله ... متوادع ابلا رجعه
بچبده الضمه نار بحطب ... وبمهجته تلسعه
طاح وغصن شجرة علي ... اسيوف العده تگطعه
يمّه حسين بنزف جروحه
اتوسد والهَمّ تارس روحه
اتمدد يمّه وشابگ أيده ... اتخضب شيبه بدم اوريده
~~~~~
مامثل الاكبر عالأرض ... اعليه السمه تتحسر
مثل الورد من ينعصف ... بالريح جسمه اطّشر
وكت الظهر طاح البدر ... وگلب الحسين اتفطر
ورد للمخيم منكسر ... وشايل اوليده الأكبر
مكسور ورد شايل تَعبه
جرح بظهره وجرح بگلبه
ويتّچه بعباس اعضيده ... اتخضب شيبه بدم اوريده
~~~~~
بالخيمه جاباه والده ... وحط عالترب مدلوله
وليلى اعله ابنها المنذبح ... طاحت عليه مثكوله
تقبله وتشمه امن النحر ... واطشّ دمعها لطوله
وتنعه بيمذبوح الولد ... واشفافه ما مبلوله
آه تنادي راح اوليدي
ماي ارباي اتبده امن ايدي
بجفن العين اتبلل جيده .. اتخضب شيبه بدم اوريده
~~~~~
سجاد الگريزي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
17 June 2025 08:53
لمولانا علي الاكبر عليه السلام
علي الأكبر استأذن والده حسين
وطب المعركه وتتجادح العين
علي الأكبر برز
شبيه المصطفى وبچفه فقار
بيه طه وعلي والشافـه يحتار
عن وصفه عجز
برز من الخيم بالهيبه محفوف
النبوه والأمامه بصورته اطوف
بسيفه الجيش ينظر قادم الموت
وتبسمر بالأرض من شدة الخوف
اهتزت الثره ... بصولته
تشطر الزلم ... ضرّبته
وللسمه تطير ... رگاب
شبل ابو علي ... وقدرته
وحاميّ الحمه ... شمّرته
وسوه بالطفوف ... عُجاب
~~~~~~~
طرّ گلب الحرب والجيش مشطور
وخطفة سيف چنها نفخة الصور
ترعب بالعده
صاد الچان حاسب روحه صايود
وصوت الزلم خانس يم ابو الزود
دخيل امهنّدِه
يدير المعركه ابّـتاره بـ افنون
ومن دمها الكتايب حمرةّ اللون
عجت ساحة الطف زلم واتراب
وجيش الشام شلّع منّه العيون
العادته تِذل ... مجبره
راعبهـا ابـن ... حيدره
لوحده والخصوم ... ألوف
مقّود الوغى ... حـاكمه
سوّه ملحمه ... صارمه
وناظر الحسين ... يشوف
~~~~~~~
مثل جده علي كضّاي كلفات
مايلحگ الفر من عده هيهات
وعالراده يكرّ
ابن غانم بـرزله وصيته وياه
وآخر آمل چان بجعبة اعداه
اعله الاكبر ينتصر
اشتدت بينهم وتصاعد اغبار
وصرير اسيوفهم بس ينسمع صار
وسكتت والغبار انكشف للشوف
وابن غانم صريع اموسّد العار
جسمه عالأرض ... منصرع
تنومس الضعن ... والشرع
بزوده كـربـلاء ... شهود
للخيم رجع ... منّـتصر
اتلگه والده ... مبتشر
وگلبه بالعطش ... ينود
~~~~~~~
رد امن الحرب لخيامه عطشان
ومن ثگل الحديد بگلبه نيران
وشفته مفطره
مـنّ حسين يطلب مـاي ويـلاه
وخشبه لسان ابوه من شدّة ضماه
وروحه حايره
گله ياعلي منتظرك اهناك
عالكوثر محمد يروّي اضماك
وصار وداع عطشان اوي عطشان
مصيبه وصدّعت أركان الافلاك
وللحرب رجع ... مستهم
يشمر الزلم ... عـالزلم
والغدر خذاه ... ذبيح
عالأرض وگع ... منغدر
وگلب ابو علي ... منكسر
وينعه بالمصاب ... جريح
~~~~~~~
سجاد الگريزي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
19 June 2025 10:00
#قصائد_محرم_
#محرم_الليلة_الثالثه_
#ثگيل_
بعد رحيل والدها الحسين(ص) بدأت غربة مولاتي فاطمه العليله(ص) تكبر يوم بعد يوم وصار الدمع مرسالها الوحيد لتكون على قيد اللقاء اهنا مولاتي تگعد ودموعها تسولف وتگول...
وينك،،بويه،،دمعي بدية
اعيوني،،تريدك،،هاي المسية
ردلي،،وبيدك ،،الزم رقيه،،ها يبوية ها يبوية
___________
اخذت احلام__مني الايام
راح ابوي لكربله
وعيني ضلت هامله…ودمعي سؤالي
ذبلت العين__بويه يحسين
انتة عيني ومهجتي
رحت وانة بغربتي…عشت الليالي
بلحضه وحده كلها راحت انة عني
شگد صحت انة ولاكن خاب ضني
ندري الي يفارگله واحد يكضي صبره
وانة كل اهلي جفوني شكبره حزني
وين،،اعيونك،،ذيچة الحنينة
كون،،وياكم،،وية الضعينة
صرت،،ابفگدك،،ماهية زينة...ها يبويه ها يبويه
_______
تعبت الروح__بس للجروح
هيچي صارت حالتي
اهواي كبرت محنتي…بلباب اتاني
انضر الباب__وعيني تنصاب
يهلي ردولي اتعبت
طاحت دموعي ومتت…ذابل حناني
تعب گلبي وگرّبت لروحي المنية
حيل مشتاگه اشوف اختي رقية
ودعتها لچن گلبي رااااد يطلع
ابچي ودموع لهضم طاحن بدية
يختي،،وداعچ،،تعبلي حالي
يبقة،،اخلافچ،،دمعي يلالي
ابچي،،وأرسم..اهلي بخيالي..ها يبويه..ها يبويه
_______
ودو مرسال__يشرح الحال
ارد اشوف اخباركم
ماكو رجعه لداركم…لحيره خذتني
انه بتكم___شگد ردتكم
ليش عفتو احساسي
كوه اجر انفاسي…وگليبي هدني
بعد ما اصبر اريدن بويه عينك
كمت كل ساعه اردد بويه وينك
الفارگ اهله يعيش غربه وموتة غربه
ارد احضنك بويه ردلي انطيني ادينك
بويه،،فراكك…موتني سكته
ارجع،،هجرك…سواني ميته
ابچي،،وأسمك…حسره كتبته…ها يبويه..هايبويه
_______
جتني الاخبار__بلخيم نار
دخنه صارت كربله
وعمتي زينب بلفله…صارت غريبه
وانته مذبوح__طلعت الروح
نايم بگلبك عطش
اسمعت ماشالك نعش…هاي المصيبه
نايم بحر الضهاري وحدك شلون
وتنضر گبالك غريبه صارت ام عون
مو ذبح؟ انته مماتك نار الاخيام
تنضر لحيرة بناتك غارت اعيون
ماتت،،كلها،،هاي النهايه
بلطف،،گالو،،كلكم ضمايه
وجسمك،،بلحر،،فاكد فيايه…ها يبويه..ها يبويه
_______
(اهنا بعد ما رجع الضعن مولاتي العليله تحاچي مولاتي زينب ودگلها...
رقيه چاوين__اشتاگت العين
عمتي زينب ناشدت
رقيه خلصت ذوبلت…شافت حسين
شافت الراس__وماتت احساس
وانة بية الحيره
بديره امشي لديره…لشام موزين
الشام يكتل وانه حرمه ما رحمني
علهزيله دهري تالي هيچي ذبني
نكسر خاطر گلبي كلش عذبوني
وكافلي فگده هضمني وحيل هدني
صرت،،لوحدي،،بحزني غريبه
فوگ،،الناكه…شفت المصيبه
هاي،،الغربه..كلش عجيبه…ها يبويه ها يبويه
_______
#محرم_١٤٤٧هـ_
محسن الباوي
اللهم عجل لوليك الفرج
_______
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
19 June 2025 09:59
#قصائد_محرم_
#محرم_الليلة_الثانية_
لخدام الحسين(ص)
وصلىٰ الله على الباكين على الحسين(صلوات الله عليه)
عـيش دمعة __
المالـه دمعة ! مالـه روح…
ما يعيش الما ينوح…
لينكسر لحسين گلبــه
ويشعر بجمرة عذابة
يعـرف يميّـز الجروح….
والطهــارة تريد دمعـة__عيش دمعة
عيش دمعة…
ويـن ما تسمع حُسين…
اهنانه حط ترحـال جرحـك
وسافِر بدمعك ونين…
كل خضار الدنية يذبل
وتبقـه بس الدمعة دين…
والدمع بلظلمة شمعة__عيش دمعـة
عيش دمعة…
لا تضيع ، عيش صوت بكل عزاء…
وخلي جرحـك كربلاء
ضيـع من الدنية كلها
والگة روحك بلبكاء…
يلتريد الخدمة رِفعـة __عيش دمعة
عيش دمعة…
إبچـي والنية خيم محترگة نـار…
يعني ماي ادموعك اتقدمـه اعتذار…
لأن ما يطفـي الخيـم !!
بكربلة ضاع القرار…
والخيم محتاجة فزعة__عيش دمعة
عيش دمعة…
بكلشي تخسر؟
بكلشي تخسر؟ والربـح بس الدموع…
وكل جزع مكروه عدنـه ؟وللحسين ابقة جزوع…
نار خليها حرگتك واشعل احساسك شموع…
ما خسر لدموعه طبعه__عيش دمعة
عيش دمعة…
وسولف بدمعك سؤال؟…
اشلون رهمت !! ماي يعطش
ظامي متوسد رمال…
اشلون رهمت علترابة
والشمس تچوي الخيال…
ومنكسر يا وسفة ضلعه __عيش دمعة
عيش دمعة…
بكربله مو بس نحر ؟ ذبحوا حياة…
ذبحوا الرأفة الحنينة
ومات كلشي وياها مات…
چان ذات حسين وحده بس عدوه بلايه ذات..
ما رووه ومات ظامي
بالرغم يمه الفرات…
ظامي يهضم حيل وضعه__عيش دمعة
عيش دمعه…
واحچي بدموعك كلام..
بكربلة لا خيمة ظلت
كلها محترگة الخيام..
اهناك كلشي يريد دمعة
اهناك كلشي يريد حرگة
اشلون فرن بلصحاري بعد يا دمعة التكفّي
ويا جرح مسك الخِتام…؟!
والنهاية كلها دمعة __عيش دمعة
___________
#محرم_١٤٤٧هـ_
محسن الباوي
اللهم عجل لوليك الفرج
_______
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
19 June 2025 09:59
#قصائد_محرم_
#محرم_الليلة_الاولى_
تتجدد أحزان مولاتي فاطمة الزهراء(ص) أول يوم محرم وتنشر قميص وليدها الحسين(ص) الملطخ بلدماء وتستذكر شلون اجتة وهوة على التراب وتگول…..
حسين…
أمه واجيتة لمصرعة
كلش چبيرة الفاجعة
ضايع جماله بكربلة،،،
حسين…
حنيتة ضلت علترب
ضامي دليلة بلا شرب
وعينة لخيامة هاملة،،،
بعاشر أجيتة_أبني ولگيتة
فوگ الترابة ييمه ييمه…
ضايع جمالة_محد اجالة
وحدة بعذابة ييمه ييمه…
ويلي حبيبي جرحك عذاب
حلوه عيووونك مو للتراب
ليش بجمالك عاش المصاب…يايُمه
تمنيت احضنك يُمه وتطيب
وترجعلي يبني لا؟ مو غريب
بهاي المصيبة زاد النحيب…يايُمه
واويلاه ياحبيبي…
________
حسين…
محد مثيلة بطيحتة
مو هينة تجرح غُربتة
بس جرحة لازم ينذكر،،،
حسين…
العاشر غريب لوحدة
وجرح المخيم ضاهدة
من عاين لخيمة جمر…
يصد لخيامة_ماهي بسلامة
يلهب جمرها ييمه ييمه…
وتبدة لونة_غارن عيونة؟
زينب نضِرها ييمه ييمه…
طلعت غريبة تندب حسين
أبن أمي وينك خوية الحنين
نار المخيم سدتلي عين…يايُمه
نومك مصيبه تفّت الگلب
زينب غريبة وانتة بترب
ضاعت بدونك تاهـ الدرب…يايُمه
واويلااه ياحبيبي…
________
حسين…
ماكو ليجيلة يغسلة
ضل طولة نايم بلفلة
ضامي حبيبي وبلشمس،،،
حسين…
كسرولي گلبي بذبحتة
بين العساكر حيرتة
والدنية دارت بلعكس،،،
حاير حبيبي_لهاية نحيبي
يلباقي وحدك ييمه ييمه…
چبيرة المصيبة_عيونك غريبة
محد يسندك ييمه ييمه…
تعاين صحبتك كلهم ذبح
وعباس أخيّك لا ما يصح
شتحمل ييمه چا يا جرح…يايُمه
منعو عليك الماي الزلال
ورشقو عليك اسهام ونبال
رغم انتة؟ ميت فوگ الرمال…يايُمه
واويلاه ياحبيبي…
________
حسين…
ذابل جمالة ومنكسر
خيمة عيالة تشب جمر
أطفالة ينضرها ويحير،،،
حسين…
ينضر رقية بدمعتة
وهنانة كبرت كسرتة
بابا اريدك لا تدير،،،
وردة رقية_شتحمل أذية
شگد تعبوها ييمه ييمه…
ازغيّر عمرها_لعاشر كسرها
وتالي سبوها ييمه ييمه…
صاحتلة بابا وين الحضن
متعلمة حضنك بوية وطن
وانتة لرقية گلبك يحن….يايُمه
من؟ الترافة؟ ومن الدلال
ما يرهم!! الها شد الحبال
هاية لمصيبة غَيرتها حال…يايُمه
واويلااه ياحبيبي….
________
#محرم_١٤٤٧هـ_
✍️محسن الباوي
اللهم عجل لوليك الفرج
________
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
19 June 2025 09:55
#ليلة_العاشر
ويلاه ويلاه العطش
شمسوي بحسين
بعد ما حل النزل ....وأخذ كل زلمه القتال ..وگف مكسور الگلب
من نظر تبچي الزغار .......قرر يخوض الغمار ....ويمشي ضامي للحرب
صاح والحومه سواد .....منو يقدملي الجواد .....ولنها زينب بالدرب
تگوُد بالمهره وتصيح......گطعت گلبي الجريح ....عيونهم گامت تصب
گالتله أمانة امك الزهره
شمته بصدره وقبلت نحره
وطاحت دمعته عالوجه حمره
.
.
.
.
آيِّس امنِ الدنيا راح .....واعتله صوت الصياح ....حمل حملة حيدره
فرق بعزمه الألوف .....ما ثبت جمع السيوف .....گبال سيف القصوره
گلب يمنتها شمال .....هزها واشتد القتال .....عاد يوم الزمجره
وباوع الصوب الخيام ...ومطرت اعليه السهام ....وما وصلها ناظره
ما وصل شوفه الاهله وضعونه
صارت ضباب الدنيا بعيونه
ولون الحسين اختلف مو لونه
.
.
.
.
وگف حتى يستراح ...والسهم بالگلب طاح ....والمهر وياه مال
تحاوط أمن اربع جهات .....ماتت بعينه الحيات ..واختلف عنده القتال
صدره من العطش حار .....مزاحم الرمايه صار ....ومطرت عليه النبال
اندار واندارت وياه .....وبين بوجهه ضماه ....وباله كله اعله العيال
شد حيله بس الحجر هد حيله
طاح وسند صارتله الكحيله
حار الرمل والاهل توميله
.
.
.
.
جابو الخيل الثگال ....وانسحگ ذاك الدلال .....والعرب شدت حزم
تشگگ الثوب العليه.....احتارت السيافه بيه.....اطشر بجسمه وتلم
صاير اعليه ازدحام .....ولنها حرمه من الخيام .....طلعت كبال الزلم
صعدت بتل العذاب ....وشافت تحوم الذئاب ....وصاحت انهض يالشهم
گالتله گوم بداعت الزهره
لاچن سهام اهواي واتعذره
كام اوگع وانكسرت بصدره
.
.
.
.
رفع اجفوفه وتشوف....ماكو خنصر بالجفوف.....يگلها ردي للخدر
ذاق انواع العذاب ..تارس اجروحه التراب .....والعطش ماخذكتر
بين كل الضجه هاي ....صاحهم اسقوني ماي ...احشائي احس بيها جمر
ولن شمر بالسيف اجاه.....وذبح رأسه من كفاه ....آه يا سيف الشمر
وانشال راسه عالرمح دامي
مات الحسين بكربله ضامي
وصاحت رقيه ماتت احلامي
الشاعر عبدالله الشويلي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
19 June 2025 09:55
#الامام_الحسن_ع
بتاريخ الحرب نلگه الحسن اول مقاله
بقْرار الزمن ضحه بضعن أشرف سُلاله
اذا حضر محلاته
ابا الفضل ترباته
اله صولات اذا زعل .....فحل الگاع وابن فحل ....برق ونار اذا نزل ....... فوگ الروس الطير يحط
وله نلگاه يزل قدم ....علم وزود وأبوه علم ....الجمل انهار لمن هجم.....وخَله الوادم كله تنط
جناب السيد الآمر فخامه وفذ نشوفه
سياده ويامعاليه الحرب والحب يطوفه
يكف الحومه ابو محمد اذا سرفن جفوفه
اقليه المَعَ شخصه لچن بس حائه عالِم
إهانه للزلم صمته لذات الله ملازم
عسل ملح جلماته
ابا الفضل ترباته
.
.
.
.
كلف الزود ورِع فطن.....گطع ارگاب گطع لسن ..... عُمق النور حمل حسِن.....فنان ورسام وحيد
علي سماه فتى الحرب ....لذا نلگاه سهل صعب..اله ذرعان غضب تصب .....بس عالتسوه تحط وتصيد
ارتجالي ومحضره يرهب علي ثاني خِصاله
زعامه وقائد وعارف شعظم قدره وجلاله
جوابه للسئل يطلع قبل صوته وسؤاله
سياسي منصف وبارع ممهد كربلائي
على حب فاطمة الزهره الحسن ثاني فدائي
بقت ترف راياته
ابا الفضل ترباته
.
.
.
.
أسد يحوم على الرگب ....زلم اطيح اذا غضب ...ابو كلفات صِگر عرب ......خيال وسيد عالناس
حلو ممشاه ترف وقر ....اذا ينخاه علي يكر ....لمن ايغير مثل صَگر.....اتخرج من عنده العباس
اذا حيدر قلع خيبر بيمينه الكلها غيره
الحسن قالع فتن عصره الزغيره والجبيره
الجمل وام الجمل شاهد فلا نلگه نظيره
ابو الأكبر ورث حيدر وأخذ أفعاله كلها
اوريثه صار ابو فاضل وابو فاضل اهلها
اخذ عزم من ذاته
ابا الفضل ترباته
.
.
.
ترا ذكراه يقل عجب .....وَهُو معصوم حسب نسب ....وهب
حسين ضعن وهب....قدم نسوان وشبان
لذا هاليوم اله اللطم .....ترا لساه بقى بظلم .....وعلي يا ناس هظم هضم ....المايذكر مولاه خسران
حقيقه بعالم الخدمه نقرها يالعوابس
بفضل مولانا ابو محمد عقدناهه المجالس
ومثل جف الگمر جفه على اللطامة حارس
نعاهد احنا ابو صالح يناس بهل المسيه
الحسن يجري بخلايا الدم مثل ما يجري أخيه
ضوه الخيم شيباته
ابا الفضل ترباته
.
.
.
.
حرف الحاء حرب وَحب....حرف السين عطف يصب ...حرف النون مثل گلب ....وخيمه النقطه بنص النون
خيمة شوگ على المحب ....نعطش ليش الحسن عذب ....عالاعداء أشد صلب ....بس للخدمو ينطي عيون
اخذ ياء الحسين وحطها بحروفه الثمينه
يصير حسين ابو القاسم إذن أوسع سفينه
لذا كل الركب ببها نجى بدنياه ودينه
شعظم قدره الرسول الله على اجتافه يحمله
محرم بالحسن حتما نشوفه أحله وأحله
الفضل ترا لنظراته
ابا الفضل ترباته
عبدالله الشويلي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
19 June 2025 09:54
#للخدمة
ذيج الحياة وهذا الحسين
عالم .... قرر الوين
تمشي.... بدمعت العين
بابين عندك وانت تختار
باب الحسين وباب للنار
بين الخلود وعدمه خيّر مسار القدم
بالدنيا لازم تنچوي لو تنجوي بالخيم
مو عاقل الباع الوفه واشترى دنيا العدم
العباس عاف المشرعه وكله ركض للسهم
وي آل هاشم أنكر الذات
والمات وي حسين ما مات
كون النفس لحسين آهات
شمحله العمر لو يكضي بالخدمه
صفيها نيتك عندك حسين
المن ....ضام العين
افهم ....كلنا ميتين
دارين عندك تمشي يا دار
باب الحسين وباب للنار
.
.
.
.
لو تنسي لو تنذكر بيدك اختار الدرب
ذاكه وهب كلشي ترك واختار عقله الحرب
وعلمنا جون المابچه لحسين ماله گلب
درب الحسين شكد صعب وبس الزلم للصعب
عاين وهب نصراني بس صار
جندي حسيني وغيرته نار
وبرجعته الحر فاق الاحرار
فز الضمير بداخله اورده
انظر العابس شگگ الثوب
ولسه .... ذكره مكتوب
عابس ....رجل مهيوب
شختار شوذب والمن اندار
باب الحسين وباب للنار
.
.
.
.
تخيل يرد بيك الزمن وتحضر حرب كربله
سبعين ألف ضد السبط وسبعين واحد اله
وينطون ملك الري الك بس ترمي وي حرمله
اويه ابو الأكبر تنذبح شتختار يا مسأله
تسمع الصوت امنِ الصواوين
هل من مناصر ينصر حسين
وتشوف ربعه كلها ميتين
ودمعته بعينه ومنحني ضهره
معقوله ما راضي الله وتروح
يمه ... وتوهب الروح
وتالي ....تصير مذبوح
تشوف الشمر وتشوف الازغار
باب الحسين وباب للنار
.
.
.
.
كل البشر تعشگ لچن بس علي حبه صدگ
تحب علي لوما تحب هو الگلب يحترگ
ميثم التمار انصلب والسبب چان العشگ
يا أبا الحسن يا أبا الحسن سلمان گلبه يدگ
وشأخذ من دنياه وشعاف
غير ابو حسين بعينه ما شاف
كل العرب من هيبته اتخاف
من بيت حيدر فارسي اصله
المقداد عاف الدنيا واختار
حيدر...شايب وغار
بالحب..صار تذكار
شايب وصار وغيره ما صار
باب الحسين وباب للنار
.
.
.
.
الدنيا عِله والدوه چف علي وچف الگمر
بحر المتاعب والحزن لا تغرگ بهل البحر
والدمع تذكرت السفر ولابد يحل هالسفر
المجلس متاع الاخره الما لطم صدره خسر
بيوم القيامه انت حيران
اتخيل الزهره تنادي يفلان
انت الخدمت بيت الاحزان
وياي گوم الجنه تنتظرك
الوي الحسين اليوم وياه
باجر....بصفه تلگاه
ومنه....يسمع ال آه
تنصر حسين اتخاوي الأنصار
باب الحسين وباب للنار
الشاعر عبدالله الشويلي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
19 June 2025 09:54
#لام_البنين_ع
مملكه من الوفه والشيم
عاصمه وعدها راعي العلم
ربت اليسوه للخوه فزعه بيها
وغيره الكافل ابو فاضل صنع اديها
منو اللي شايف بعمره
بيرغ للبدو بصحره
ما رفعت ولا مره
عدهم ضرة الزهره
عدهم ام الاربعه بيرغهم اسمها
وچي تنحب على الخيم ولاچمهم المها
الحد هسه تشوف البدو ما عافت خيمها
العذب لاهل البدو لو نبع
نخو جف الكفيل وطلع
البدو حَچايه اوفايه من حچيها
وغيرة الكافل ابو فاضل صنع اديها
.
.
.
سُلاله للوفه جفها
اللغه تعجز توصفها
بس الساقي يعرفها
گلب للغيره شايفها
وگلب الحيهم والهله والفزعه الثجيله
بعيون الحظ والبخت خلتها العقيله
بحيل أمه أبا الفضل طاح وباقي حيله
وصته اعله الجفوف السمر
تنگطع عالنهر من يمر
وگطع اجفوفه وتشوفه ام أخيها
وغيرة الكافل ابو فاضل صنع اديها
.
.
.
.
كتبت عالعلم چلمه
وينه اليرجع امدمه
راسه الينگطع زلمه
لو حشم ابو اليمه
أنه الجبت اربع ولد حكمه بيها باجر
حتى الحومه تنگطع من اربع محاور
والشاهد أبو الفضل گطاع الگناطر
على جيوش العدو يالعمر
طير ابابيل اريدك تمر
غَربل العسكر موت احمر طَب عليها
وغيرة الكافل ابو فاضل صنع اديها
.
.
.
.
هالدره الكلابيه
نسميها الحسينيه
بگلبها خيمه مبنيه
ساكن بيها ابو ارقيه
ما موجوده بكل زمن هالروح النقيه
شسوت لله يا تُرى هالحرمه الابيه
وخلاها تجي وره فاطمة الزجيه
بالضعن نفترض لو مشت
جان هم يكفلها راعي البخت
الغذته خوه ومروه وَفْى ليها
وغيرة الكافل ابو فاضل صنع اديها
.
.
.
.
رايتها اعله كل رأيه
نبيه وتنقرا ايه
حُسينية بخت هايه
دگت للدمع ثايه
نور الخدمه الماطفه البيها نشد عزمنا
واجب نشكرها بدمع لو رفرف علمنا
هي الخلت كربله تسري بمسرى دمنا
بينا زرعت دموع وجمر
شما لطمنا وجَب تنشكر
زلم سوتنا وانطتنا من بچيها
وغيرة الكافل ابو فاضل صنع اديها
الشاعر عبدالله الشويلي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
17 June 2025 08:56
كربله حبل السمه الماينگطع
والمكارم سجدت اعله اعتابها
والشرع وايمانه مصداقه الدمع
من يطيح اعله السكن بترابها
بيها عِزّ الدين والحگ
ورضا المعبود بوصال حسينه
اليمّها گصة الزلم تعرگ
والّي ما قدّسها خـلّـه بدينه
هاي أرض الوفه ... ومنبع العاطفه
وللمفاخر صفه ... للعرفها
بين رب العُلَى ... واليعبده صِله
ياعظم كربله ... وياشرفها
______
روضة الحب والشرع أرض الحسين
وصوغة الرب للعبد معگوده
انشدتلها اتباع امير المؤمنين
مثل شبّات الگصب مشدوده
للغيارى اصبحت قبله
بالنحور وبالارواح اطوفها
واخو حسين اعليها ظلّه
ايفيّي وبخيراته يملي اچفوفها
الكربله مگصده ... ماترده العده
ونيّته امسدده ... بعين كافل
العنده مثل الگمر ... اميّز اعله البشر
وحرزه وكت الخطر ... ابو فاضل
______
گاع طاح اعليها التحبه البتول
وسال دمه وخدّه فوگ ارمالها
بيها صدر حسين معبار الخيول
صار واهتز العرش لـ اهوالها
اتغرب وكل العشيره
والصحابه عالتراب انحورها
وكبل ذبحه احتار حيره
ايعاين اخيامه انهتك مستورها
ظهره من انكسر ... عالوگع عالنهر
طاح محني الظهر ... باانكساره
ضامي كوثر هله ... ومنسلب بالفله
وگـع والعايله ... جتها غاره
______
طاحت اخيام النبي واهل الخيام
فرّت امن الـنـار والخياله
المالها اخوه ولا كفيل اولا عمام
جاها ذباح الأهل بـ احباله
ضعن ابو الأكبر تطشر
ولمّته اخته بيا علي امن الهيمه
لكن امن الّتمّ تيسرّ
وآه ياسبي الثكالى وضيمه
حدر ضعن النبي ... امعلعل ومنسبي
واعله راي اجنبي ... هضمه وضعه
عالهزل من بعد ... لولت ام الولد
وشيردّه بعد ... انگطع نبعه
______
مصيبه بآل البيت مرت والجبال
اهتزت اعله ابنات حامي ادخيله
الچانن ابيت الوحي بستر ودلال
عگب اهلهن راحن اعله اهزيله
مو مقام الـ طه جدهن
احبال واهزيله وزجر حاديهن
والنعاوي بسكته عدهن
ويلي ممنوعه البواچي اعليهن
ضعن ماضل اله ... حسين لا كافله
وزينب امعلعله ... ومالها احد
نار زجر اليسر ... بالگلب تستعر
ياعظم هالأمر ... عد محمد
______
سجاد الگريزي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
17 June 2025 08:55
لمولانا الحسن المجتبى عليه السلام
حِسن المعبود وإحسانه
للمختـار اول ريحانه
الله وأهله التعرف شانه ... سر امن الأسرار
بهيـئة بشر اتكـوّن نوره
لمّن حَل ضَوّه المعموره
بيه روح الكوثر مسروره ... وي حمّاي الجار
مخلوق .. من نور
اعليه الشمس تندار
سيماء ... مرسول
بوجهه النبي المختار
مهيوب ... غطريف
شمرة علي الكرار
عله ارسومه انرسم ... المراجل والكرم
الحسن عالي الشرف ... للـمروة عَلَم
يبو محمد مدد ... يبو محمد مدد
~~~~~
العِزّةّ الله امبينه بشخصيته
مهجة طه وشمعة بيته
گلب الزهراء وحنيته ... حزام اعضيده حسين
من اصياره لكضة سيفه
تكلف عالرايد توصيفه
ويتيه بعالم تعريفه ... اتخلصه ادموع العين
اليبچيه ... ينطيه
من المعونه اشكال
إدراك ... والّـمام
وفطنة ويغيّر الحال
ايخليه ... مشغوف
بعشگ النبي والآل
ويقينه بكل زمن ... يحفظه امن الوهن
اولا يزلف أبـد ... التحت ظِل الحسن
يبو محمد مدد ... يبو محمد مدد
~~~~~
صنديد وصولاته اشراعه
بالحگ ماتّـلاوه اذراعه
وتقرله الحربيه الطاعه ... لو طبّها المقدام
عاگر جمل الفتنه بزوده
خلّه ايام العادوه سوده
واعلومه بكلهن مشهوده ... ذَلّ اجيوش الشام
بصفين ... عالجيش
وكّر عليه صايود
وعالدين ... بالروح
بالنهروان يذود
والسيف ... چن نار
بيوم الجمل مشهود
طبع بيه ما يفر ... ولا يعرف يكرّ
مثل عَوده علي ... جبل ماينعبر
يبو محمد مدد ... يبو محمد مدد
~~~~~
أقوال النور اعله اللسانه
قـوّت شرع الله واركانه
وفـاتح للوادم ديوانه ... للكل ما محدود
للضدين الي يگصدونه
للعابد أو للي دونه
مصبوب الفقه بماعونه ... كرم ودين يجود
ديوان ... للنور
دين الله بيه مرفوع
فيّاض ... بالخير
ما خله طير ايجوع
بالجود ... مشهود
الـ ليل الفقير اشموع
أبن عقد الوله ... الحسن راعي الهله
عيونه اعله المحب ... حرز من كل بَلَه
يبو محمد مدد ... يبو محمد مدد
~~~~~
الدنيه واهل الدنيه البيها
يعرف ب اولها وتاليها
ماگدرت تلويه بيديها ... جارت حيل اعليه
رغم التدليس واحقاده
ماگدرو يخفون امجاده
حي وميت شيخ الساده ... ماينضم طاريه
واعداه ... رادوه
يموت الشرع وياه
باحقاد ... هدموه
گبره وعله ذكراه
بكل جيل ... ينعاد
دينه وكرم يمناه
يضـل حـيّ الذكر ... لحد يوم الحشر
ويضل جرح البقيع ... بلي يعشگه كسر
يبو محمد مدد ... يبو محمد مدد
~~~~~
سجاد الگريزي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
17 June 2025 08:55
استقبال محرم الحرام
المستهل :-
شهر المحرم هَل عله العين
والزهره نشرت ثوب أحزانه
يالبيه ثلاث ايام يحسين
فوگ الأرض من غير دفانه
___
شهر المحرم جايب هلاله
حزن الغريب وغربة عياله
ونشرت قميصه بدمه الزچيه
ودمع المحنه ينوح لجماله
عمري بحداده ... ودمعه وسواده
يواسي الزچيه بفگد الأبن
بـ أي واحسيناه ... أي واغريباه
أتلگه شهره بثوب الحزن
بفگدك گلبها يسعده الونين
من تلگه وادم إلها عوّانه
يـ ابن النبوه ومعدن الدِين
فوگ الأرض من غير دفانه
___
بگـلـبي عـزاءك دايـم وجوده
عمري لمحرم باقي اعله موده
كل همّي أبچي اعليك وأسولف
وديـن التَـولّـي أوّفـي بعهوده
جيتك غديري ... وطالب مصيري
أبقه اعله دربك ثابت قدم
ياكل وجودي ... ولذةّ خلودي
أستشعر الحب نار بخيم
اليبچي اعله جرحك طاهر الطين
ومخيّمك بـحشاه نيرانه
اختلت لمن طحت الموازين
فوگ الأرض من غير دفانه
___
بعالم خدمتك خليني هايم
وفطرس محبتك جنحه المآتم
أمنيتي أبقه بدرب الخدامه
بالدنيه اضل وبـ آخرتي خادم
غرگني خيرك ... عبدك واسيرك
كل همّي ترضه ياكل هلي
يارحمة الله ... دلالي صله
لقبلة عيونك يابو علي
ابابك وگفت وماد الايدين
بمجلسك گلبي ثبّت مچانه
يلّمنذبح بس فيّك اثخين
فوگ الأرض من غير دفانه
___
اعيونك تصدلي بااربع جهاتي
خلت محبتك معنى لحياتي
بحزنك يضامي ودمع الهضيمه
خليني انوحك لآخر مماتي
دمعي وعبرتي ... ونوحي وحسرتي
ياضامي والماي ماصح الك
فوگ الوطيه ... وشمس الثريه
كشفت جروحك ويلي لهلك
امحلفك اجرحني بـ أم البنين
الّمن رحت عذبها المتانه
يلمنسلب يلما لك امعين
فوگ الأرض من غير دفانه
___
سجاد الگريزي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
17 June 2025 08:54
لانصار المولى الحسين عليهم السلام
المستهل :-
احنه اصحابك ... سور احبابك
مخلوقين لنصرتك
كلنه جنودك ... نمشي بزودك
مخلوقين لنصرتك
هيهات ... شر يوصلك
هيهات ... ما نخذلك
مخلوقين لنصرتك .... مخلوقين لنصرتك
~~~~~~
يالعزيز ... كل عزيز
يرخص وبس انته غالي ... بالعمر
ابين اديك ... نرتجيك
في سبيلك تأذن النه ... ننّـحرّ
الّـولاء ... بالـدماء
ينختم واحنه بفداءك ... نفتخر
ألك احنه انخلقنه ... يمحبوب الرسول
وعلي وياك الشهاده ... شهد طعمه الوصول
ومصـاديق العباده ... ترضرضنه الخيول
كلنه دروعك ... نحمي اضلوعك
فدوه لشيبة لحيتك
گبل الأكبر ... خل نتوذر
فدوه لشيبة لحيتك
بـثـروات ... منبدلك
هيهات ... ما نخذلك
مخلوقين لنصرتك .... مخلوقين لنصرتك
~~~~~~
ياحسين ... نمشي وين
اجهنم الدنيه ابّـدونك ... والحَسن
جينه ليك ... اوّصَه بيك
الله بلسان الرساله ... بكل زمن
الخاصموك ... الحاربوك
حقداً وبغضاً بِـبوك ... المؤتمن
لَمَنّ شافو يمينه ... عِلت يوم الغدير
عبس وجه ام جملهم ... لأن صار الأمير
وبده ارهاب السقيفه ... عله آل البشير
واحنه وياكم ... ماعفناكم
شيعه وجينه لبيعتك
نرضي الزهره ... بهاي النصره
شيعه وجينه لبيعتك
أصوات ... نهتف ألك
هيهات ... ما نخذلك
مخلوقين لنصرتك .... مخلوقين لنصرتك
~~~~~~
يالحبيب ... ياعجيب
باطنك سر وإمـام بظاهرك
بكربلاء ... الله شاء
ينحفظ وجه الشريعه بمنحرك
الحگ يريد ... حَز وريد
وانته حگ الله وأجينه ... اناصرك
يـ حب الله ورسوله ... ضمايرنه تصيح
خساره الما رگبته ... تحت جدمك تطيح
الربح ترضه علينه ... وربح غيرك شحيح
أنهه وأأمر ... وين تقرر
بس أشرلنه بيمنتك
هالسبعينك ... فدوه لعينك
بس أشرلنه بيمنتك
نقتات ... من منهلك
هيهات ... ما نخذلك
مخلوقين لنصرتك .... مخلوقين لنصرتك
~~~~~~
دمنه حار ... غيره فار
واحنه شراية مواقف ... خالده
بالطفوف ... بالسيوف
نرسم لعينك ملاحم ... بالعِده
والرجال ... بالنزال
انخلها يم رجلك جسوم اموسده
بموازين الحرايب ... لِلِّـسيوف الكلام
حلال الله جبتهك ... حربها اعله الحرام
وعله اعداءك صبحنه ... أبابيل الخيام
جيش الضدك ... فنّه لـحدك
يوصل واحنه بجبهتك
طفك شاهد ... ويله الرايد
يوصل واحنه بجبهتك
صولات ... عالقاتلك
هيهات ... ما نخذلك
مخلوقين لنصرتك .... مخلوقين لنصرتك
~~~~~~
يالحبيب ... بچف حبيب
راية انصارك ترفرف ... بالسمه
ما نهيد ... لا نحيد
عنك لحدما يخضبنه الدمه
من نصير ... بالهجير
نرضي جدك والصميده وفاطمه
وعلي لو ماغدرهم ... ولا نوگع محال
وتشاهدنه الثريه ... نجوم اعله الرمال
عله قبلة محبتك ... تگطعنه النصال
لله النيه ... يابو رقيه
انصلي افروض محبتك
بدم نتوضه ... وفوگ الرمضه
انصلي افروض امحبتك
أيـات ... ونـرتـلك
هيهات ... ما نخذلك
مخلوقين لنصرتك .... مخلوقين لنصرتك
~~~~~~
سجاد الگريزي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
17 June 2025 08:54
لانصار المولى الحسين عليه السلام
المستهل :-
يتنومس الـسيـف بگلب شياله
اليفرح إذا كثرت سيوف اگباله
هاي الصفه ... بااهل الوفه ... انصار الحسين
________
انصار ابن حامي الحمه ... للموت عقدو نيه
منّ الحسين استأذنو ... روس الوفه الشيعيه
طـبـو شواهين الخيم ... واختضت الحربيه
كل سيف منهم بالوغى ... خلّه الزلم مرميه
مهيونه خلوها وصريعه القاده
گطعو رگب تبغض علي وأولاده
لجل الخيم ... ثبتو قدم ... انصار الحسين
________
اثنين اربعه اطب للحرب ... سبط الرسول اصحابه
اتلاگو املاگه اوي الذبح ... بشوگ الّگه غيّابه
يتنافسون اعله الفخر ... وكلمن بروحه صوابه
واحد غده يوصي البگه ... اعله حسينهم واحبابه
مسلم ابن عوسجه أول ناصر
طاح وعله حسينه يدير الناظر
وصّه بدمع ... براعي الشرع ... انصار الحسين
________
من طب حبيب بشبيته ... شيّب عدّوه بحيله
سبعين عمره وبالحرب ... ينمحي الصار اجبيله
شد حاجبه وشد عالعدو ... ضوگ العايل ويله
وخله الزلم من الرعب ... متصوفره واذليله
سبعين ماچنهن اعداد اسنينه
رد حيله من شاف بغربته حسينه
غيره وعزم ... هاي الزلم ... انصار الحسين
________
زمجر زهير ومن هجم ... حط بالكتايب خوفه
والجيش يسره وميمنه ... يموج اعله كيف اچفوفه
وبعده برير اعله العده ... صال بخطاب احروفه
سيفه ولسانه بصولته ... وجّرن ب اهل الكوفه
والحرّ وصل لشام اثر طگاته
مرعوبه خلّه اگلوبها بصولاته
الجاي وقَبل ... محد مثل ... انصار الحسين
________
بدين الخيم آمن وهب ... وايمانه زكاه نحره
ونافع وجون اعله الترب ... وفوّ حبيب الزهره
شگ ثوبه عابس بالعشگ ... ماراد ثكل ايأخره
عن نصرة الـ بعد الظهر ... محد يضل اينصره
وجون ابيض الموقف مثل خوانه
يـم النبي ولـ ابنه غدو عوّانه
اتخضبو ... واتذبحو ... انصار الحسين
________
طاحو مثل غيث السمه ... وشمعه طفت يم شمعه
وامچانهم خله بـگـلـب ... شيخ الهواشم صدعه
ومن صار وحده بكربله ... ابـلا إخوته ولا ربعه
يندب اساميهم غده ... ولا من مجيب ايسمعه
وحده وغريب وذابلات اعيونه
وجتّه تگود اخته برسن ميمونه
اتقدمه إله ... وراحو هله ... انصار الحسين
________
سجاد الگريزي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
17 June 2025 08:54
لمولاتنا فاطمة العليلة عليها السلام
المستهل :-
ليلة رحيلك خلصت ابساع ... يبويه
وعلعل ابنيتك صبح الوداع ... يبويه
يلراشد ابنيتك ... أظلم صبح بيتك
يبويه .... يبويه
~~~~~
يـ لتارك بـ بنتيك علّه
ليل اوداعك خطّفة نبله
وبيها اتصوب ... گلبي الينحب ... يابويه حسين
صعدت اهلي وآنه بـ همي
ماصحت اوي الراحو أسمي
وين امچاني ؟ ... وكل اخواني ... بـ ضعنك ماشين
عفتني لوحدي بنار الجِفه اچّوه
ومالي بسفرتك يابو علي حظوه
تمنع عِلتي گلت ومشيتي گـوه
لو تدري بگفاك اغيابك اشسوه
صارت گعدتي امگابله الباب .... يبويه
لـ ( يمته ترد ) مالاگيه اجواب ... يبويه
بدموعي تانيتك ... أظلم صبح بيتك
يبويه .... يبويه
~~~~
بـ اگفاك اتفطر دلالي
وفوگ العله اتعلعل حالي
أغفه بدمعي ... وأكعد نعي ... مشتاگه هواي
شنهي الدنيه اخلاف اعيونك
أصـفر لـونـي بغيـبة لونك
أذبل وانحل ... ياراعي الحل ... دليني الـراي
لچندوب ابقه يابن فاطمه أنحب
معلوله وحنانك يـلأبو اتغيّب
بكل لحظة غياب اشتاگلك واتعب
وعـلـه جمر الهجر دلالي يتگلب
كون تـرد وبـعينك اتشوف ... يبويه
حيلي تراده ولوني مخطوف ... يبويه
اداويني حنيتك ... أظلم صبح بيتك
يبويه .... يبويه
~~~~
واعدت الروح المشتاگه
الأكـبر يرجعلي ونتلاگه
لحضنك ارجع ... ويهده المدمع ... اوّعدك ما حان ؟
كاتلني الخوف واتحسّر
ولاخته ولا ردلها الأكبر
ليش اتعطل ... بالروح اسئل ... أبيّت الأحزان
خطر بس لا يبويه بسفرتك لاحك
وعن ليل العليله طـال مصباحك
بوين اتكون خوف ابينتك صاحك
عالمختنگه يمته هـبّـة ارياحك
يمته نسيمك ينعش الروح ... يبويه
ويروف عطفك نزف الجروح ... يبويه
بجروحي ناديتك ... أظلم صبح بيتك
يبويه .... يبويه
~~~~
آنه وأم عباس بدارك
ننعه ونتنطر اخبارك
بشوغه وحسره .. ونشغه وعبره .. عشّنه بفرگاك
مهضومه تواسي بمهضومه
مضيومه وتنعه لمضيومه
ضيم وحرگه ... حزن وفرگه ... الحال بلياك
چـف ام البنين ايعين الِعليله
لگبر المصطفى ليليه نمشيله
اعله شحة اخبارك وفرگاك نشكيله
وندعيلك تـرد يابويه بـالعيله
ندعي ودمعنه غطه التراب ... يبويه
ترجع علينه بضعن الاحباب ... يبويه
سالم ترد ريتك ... أظلم صبح بيتك
يبويه .... يبويه
~~~~
سجاد الگريزي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
17 June 2025 08:53
لمولانا علي الاكبر عليه السلام
جيش واسيوف وسهام ... وحقد أكثر
رايـده السبط الإمام ... تحزله منحر
وقـلّـه أنصار الخيام ... بالمعسكر
وطاحت انصاره فداءه بكربلاءه
اتوسدو حر الرمال
وابتده دور الهواشم والصوارم
حاميه لطبت النزال
استاذن الأكبر إمامه والشهامه
امجلله بنور الجلال
الوالد إذن للولد ... وگلب الشريعه انمرد
اليشبه محمد بالوجه ... وبكل خصاله
طب الحرب مستهمّ ... رايد ايضوّگ الزلم
طگة علي حامي الحمه ... جدّه ونزاله
الحومه من طباها .. الّزلم خضّاها .. بصارمه
بيا علي صولاته ... شاطره طگاته ... وحـاسمه
~~~~~~
سيفه گطاع النصال ... علي الاكبر
اطايرت روس الرجال ... وغيره يسعر
وياهـو يوصلّه محال ... ياهو يگدر
يرعب الجده الصميده سيفه بيده
وارث افنون الأمير
عاشر امحرم نهاره ... بااقتداره
صبح چن ليل الهرير
عالثره امصرع الفوارس منّ ينافس
برحة الحومه يدير
وضل للأعادي أمل ... بكر ابن غانم نزل
وحسين ينظر للأبن ... وبگلبه ناره
وبطگته راس العدو ... وصله لرجل الأبو
واستبشرت عين الخيم ... بهذا انتصاره
بزوده تلمع عينه ... رد عزيز حسينه ... لـ والده
استقبله بااشواگه ... بگلبه نار افراگه ... وموگده
~~~~~~
امن الحسين ابنه يريد .. جمر چبده
ماي وامتعبه الحديد .. حيله هـدّه
ومدمعه اجواب العميد .. فوگ خده
الّـعذب عـنّـه تحرم ... والمخيم
گطره مابيها وتنود
وخشبة لسانه لوحيده ... ما هو بيده
والعطش فتّ الچيود
ومنتظر جدك يالاكبر ... بـ چفه كوثر
بيه تتـروه وتـهود
يگله ودموعه تصب ... ونصين صار الگلب
واتوداعو مثل الدمع ... بفراگه للعين
رد بضماه للحرب ... وكيد الغدر منصب
غدرو شبيه المصطفى ... ووحيد الحسين
طاح كوكب طه ... والخيم عافاها ... بدمه راح
حِسنه ويلي امترب ... من نزيفه اتخضب .. بالجراح
~~~~~~
حسين لوليده اعتناه ... بهمّه يسعه
اتمدد وياه ونعاه ... وحاني ضلعه
والعرش ويلاه بچاه ... دمعه دمعه
وي طول ابنه بحنينه ... وبونينه
اتمدد حسين الغريب
السبعه والسبعه تنوحه ... وبجروحه
شيبه من دمهن خضيب
شاله منّ الگاع گوه ... ماله قوّه
وجابه لخيامه تـريـب
وناده البقاله بـ ألم ... عينوني حيلي انهدم
وبالخيمه خلّو جثته .. ويّ المطاعين
وعليه هوّت ليّلته ... تمسح دمه الربّته
وتنعه وتعاونها غدت ... كل النساوين
والبچي بـالخيمه ... عالوداع وضيمه ... الخلفاه
وبالعفه ينعونه ... عالعمر من دونه ... ظلّماه
~~~~~~
سجاد الگريزي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
17 June 2025 08:53
لمولانا القاسم بن الحسن عليهم السلام
منّي طلع شبل الحسن ... لحسينه
يستأذنه يخوض المنايه ... لعينه
لامـة ابـوه المجتبى لبّست طـوله بأيدي
لعمّه النحر يفدي عزِم ابن الكريم اوليدي
جاسم مشه بگد الورود ... اسنينه
شاف الحسين ... ماله معين
وحيد وغريب ... وفوگ التراب انصاره
اموصيه ابوه ... ينصر أخوه
بطف كربلاء ... وحـان الوعد واخباره
راح الحبيب ... راح الحبيب
~~~~~
طب الحرب واربعطعش ... أعوامه
وجيش العده يرجف غده ... گدامه
راسي ارتفع لمن شفت سيفه ارتفع بچفوفه
بس جرحي چان امن البعد ويلي وبعد ماشوفه
وأنظرله بدموع الگلب ... وآلامه
گلبي ينوح ... خوفي يروح
ويترك جروح ... بروح الحسين وروحي
بالحومه اشوف ... نحر وسيوف
اتذبحه تريد ... وبدر اربعطش مذبوحي
وليدي خضيب ... راح الحبيب
~~~~~
سيف الغدر لاح الأبن ... واويلي
وبيت الربه اتهدم عليه وحيلي
طاح اعله رملة كربله وعله الخيام اعيونه
وجاباه عمّه بكسرته وجروحه فوگ امتونه
واعليه طحت بدمعتي ... وعويلي
انعه وأصيح ... وليدي ذبيح
امغض العيون ... وليل انگلب مصباحي
البچه الرجال ... فوگ الرمال
شاب الخيام ... فراگه كسرلي اجناحي
جروح ونحيب ... راح الحبيب
~~~~~
يفوح الوفه منّ الولد ... واجروحه
وقافلة ابو الأكبر عليه ... مجروحه
ويـاي زينب عمّته تنعه وتعاون بيّه
مكسوره كله القافله وتنشغ بصفي ارقيه
وياي العلاوي بالهضيمه ... تنوحه
وانده يحيد ... عمّك وحيد
يوليدي گوم ... افتح يجاسم عينك
صبّح عجيب ... ولا منّ مجيب
من يستغيث ... محدّ يغيث احسينك
عمك غريب ... راح الحبيب
~~~~~
سجاد الگريزي
الـقنـــوات الـرسميــة ✔️
🔹 @
🔸@
🔺@
Читать полностью…
18543