قصائد حسينية مكتوبة عامة

23 June 2025 09:12

لو ثار الگمر ثار يشعل بالحرب نار
من يعرگ جبينة
منبع غيرة ويصول كض العسكر بچول
خلاهم رهينة
حط الحومه جواه وحده ومحد وياه
كفال الضعينة


گمر گمر وعيونه تنثر شهامة وغيرة وصور
سبع سبع وچفوفة حيدر علي مشربهن نهر
هلا هلا بغيرتنه هلا هلا بكاسر چم ضهر


محلاته طبهم بچفوفة راية
جاب الفرات وداس المناية
لو عينه تغضب سوة العمايل
چم غيمه يمطر فوگ الضماية

★★★★

ياهو يشبهة يا ناس لف الثامة عباس
خيال ومحارب
طبها الشايل الروس سيفه وجدمه اليدوس
صكار الحرايب
طب الحومه دهدير يصرخ بيهم يزير
سواها العجايب

علي علي بصولاته لمن برز ريشاته ترف
فحل فحل ما رده تعداد عسكر سبعين الف
گمر گمر يا غيرة چفك نهر ما يضمه ويجف


ياهو اليكدره حامي الحراير
وبعينه خله اليشوفه حاير
بيدة البداية وبيدة النهاية
يوم الحساب و بالحومة صاير

★★★★

يستانس بالحروب صوب يشمره يم صوب
حي الله المقاتل
ركعت يمه الارجال طاحت كل الاجبال
هداها بزلازل
تعثر گامت الناس حتى خياله عباس
بالحومة ينازل

زحف زحف من شردو ابد بعد ما شافو درب
دخل دخل والحومة من الخوف ما ضل بيها گلب
كلف كلف متعود بردان ظل يلفها الحرب


ما هزه جيش وصوت الصوارم
حي الله كافل نسل الفواطم
من زغره صاير وي الحرايب
وچفينة دوم اعله الشر تلاطم

★★★★

حيهم وين الاسباع صاح ورچفت الكاع
ما تحمل شمرته
سكتت كل السيوف صاب العسكر بخوف
من عينه وخزرته
شيكض ايده لو غار هوه وسيفه بتار
ما تبرد جمرته

دخل دخل ما همة لا جيش ولا عسكر ابد
شهم شهم گاع الله داسها وما كضة عدد
جمر جمر چفينه كفال لا ما يبرد بعد

ريشاته ترهب مثله كفيلة
ما صح يوادم واحد مثيلة
واكف زلمهم دارو ظهرهم
شردو ولا صح واحد يجيلة

★★★★

مهند شاكر

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

23 June 2025 09:12

لسان حال مولاتي زينب ل أبا الفضل (ع)
......................................
بدت لوعات الگلوب
عطاشى ودمعتي تلوب
اريدن منك الراي

اطفالك تناديك
وكلها تبوع عليك
تشوف بأيدك الماي

بعيونه الظلت تجادح بالنار
وبهذا الصار
ما يهوى الضيم

كض سيفه وغيضه مبين من يندار
وبراسه الحار
مطرها الغيم
....................
مودع والله وياك
گلبي وحزني يبراك
يا عزي وتجوتي

مربوط الگلب بيك
احسه ينبض عليك
ما ترضه بدمعتي

سار وكل همه يغير من هَل حال
وكدامه اطفال
بأولها يحير

وتوجه وبسيفه متعب لرذال
من عدهم نال
زلمه من يغير
....................
بگيت اتنطر اخبار
يخويه بكربلا شصار
مشتاكة العلم وين

صفگت الراح بالراح
وسمعته بأذني الصياح
يخويه ادركني يحسين


من عدها وظلينه نهل بالدمعات
من كالو مات
ما نرضه شلون

كامت تسئلني عليه كل الخيمات
هاي الوعات
يا بعد ام عون


..........................
يا دربي ويالامان
ويّاك العشك هان
اجه ليبعدني عنكم

اجه ليحدي بالظعون
اتأذة ويشتمون
ويرجع بالي يمكم

جابوها الهزل غربت بينه بليل
باكت كل حيل
من بعد النار

من بعدك ياخويه شوفونه الويل
والخاف يعيل
ب ال المختار


_____
خادم الحسين
الموفق
علي الكنعان

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

23 June 2025 09:10

انصارك اعلى المنايا .. يتنافسون البداية
درع المقاتل هيامه .. نحره لخيامك حماية

((((((((((—-)))))))))

طف نينوى .. بالشهامة ارتوى - ظل يصد منذهل
درس الوفه .. بكربلاء اكتفى - من الطفل والكهل

لو ذبحونه نحب احسين .. صدقوك القول انصارك
وحرگونا وذرّونا آلاف .. نلتذ بالموت بنارك
نستأنس بجروح السيف .. كونك تسلم بديارك

اصدور العزم والرحابة .. تتجسد ابهالصحابة
دم الينصرك وسامه .. نحره لخيامك حماية

((((((((((—-)))))))))

رف اللوه .. جنح طير بهوه .. عالخيام الصبح
بلهفة گلب .. دخلو اعلى الحرب .. والخساير ربح

تتسابگ خيل الأنصار .. فارس ويحشم فارس
نافع يلمع بيده الموت .. وبظهره مضهضب عابس
اذن آذان الشجعان .. حل يوم الفرض الخامس

بالحومة صارت عجايب .. حارت بأمرها الكتايب
المتمرس اعلى الشهامة .. نحره لخيامك حماية

((((((((((—-)))))))))

سيوف الزلم .. تحيا بس بالعزم .. ماغفت بالغمد
عندك وهب .. گلبه صافي الذهب - للحرب مستعد

خالط حبه فنون السيف .. ترجم حبه بأفعاله
غبطوه ربعه البالميدان .. هد وصاحو هنياله
ليث بصهوة مهرة يصول .. طشّر جمع الخيالة

طر الصفوف بجواده .. معرس طلبته الشهادة
لعيونك أرسل سلامه .. نحره لخيامك حماية

((((((((((—-)))))))))

سبعين ألف .. خايف ومرتجف .. حاوطوها الخيم
سبعين ألك .. أمّنو منزلك .. بالعزم والهمم

يتبسّم شيخ الأنصار .. كحلة عينه بأصحابه
رايات انصارك جنحان ..حر يستنگي الطلّابة
گلب الهايم بالحب سيف .. والطف سله من گرابه

يتهافتون لغرامك .. والحب نبع من خيامك
واليبدي بالطف غرامه .. نحره لخيامك حماية

((((((((((—-)))))))))

نجوم الحرب .. طاحو اعلى الترب .. كبرياء ووفى
صحت بشجن .. بعدَ صحبي اذاً .. على الدنيا العفا

ياحر يامسلم ياجون .. ياعابس هل من ناصر
دم انصارك غطى الگاع .. ظليت بوحدك حاير
خلصو مثل انجوم الليل .. طشرهم صبح العاشر

تتعاتب اويه الضحايا .. ودمعة عتابك نهاية
وين التصيبك سهامه .. نحره لخيامك حماية


((((((((((—-)))))))))

فلاح السالمي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

23 June 2025 09:10

من گال الحٌسين ارتحلو بالليل
فرك جفه حبيب وخضّر الحيل
سيف بسيف طك وارتجفت الخيل

نروح المن..ابن فاطمة ابلا مأمن..
اجدام الماتهد گبلك
عساهن كون ينگصن

بلایا اسيوف نلوي اذراعها ابلا خوف
دم ازلامك امن ايفور
سبعين ونسد الشوف

..................
هلا بالبعده ماحاجي ونجي اركاض
الدروع اگلوبنه وبيها الوفه فاض
تريد نحب نحب وتريد نغتاض

ندگ اصدور...ثلج يم نارنه التنور
كون نموت هسه ولا
عدلين ويمر عاشور

نگلك ليش عساه لاطاب النه العيش
اشترينه حبك ابلا سوم
مابينه اليگلك بيش ؟

....................................
مايسترها ليل النيه تنشاف
المثلك ياحُسين شلون ينعاف
چف الباري وي چفنه ولا نخاف

عن يا موت..اليخلدنا ويعيّش صوت
الا من ناصراً احنى
شرف فوگ الكصص منحوت

خلينا..الزهره عينها اعلينا
المنايا مانحسب الها
نلاكيها تلاكينا
..............................
انعم الله النا مكعاد بخيمكم
الرحمة أسمائنا ارتبطت بأسمكم
لاتجفينه يالطحنه ابختكم

متأخرين..نحبك كون من أسنين
شربنه مايها الدنيا
وماكو اليروي غير حسين

اليسمع بيك..يجي امفرفح على طاريك
اقنعه يعوفك الشافك؟
ابموقفنه اذا نخليك

.....................................

لذه وماتگرب الها الملذات
رگبنه اتطيح واخيامك امينات
يأوسع رحمة هاي اخر اللحظات

شلون اننام..لله بكربلاء اخيام
هاي الناس من ياناس
للرحمة تحظر اسهام ؟

الحب ايريد... نحظر الگلب گبل الايد
واحنى اگلوبنه ابچفك
سبعينك وبينه اتصيد

///////////////////
خادم الحسين ع

عباس علاوي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

23 June 2025 09:10

ظامي انتظرتك ترجع بجودك .. وينك يعباس
تشرّبني مايك وافرح بزودك .. وينك يعباس
هذا الطلب .. بنبرة عتب
وينك يعباس
@@@@@@@@@@@@

شتكسر يرايح گلبي مكسور ..خوف الخيام بخاطري يدور
غمضت عيني تخيلت .. مابيّه افگدك
طير وعلى عيونك سما الروح..شلون احتملها المثلك يروح
وشلون اتبعك لوردت .. ياخويه اسندك

تمنيت انا الرايح واودعك عاد من خوفي استراح
وأندار لعيونك واگلك خويه اخوك حسين طاح

ريت من اصيحك تسمع صياحي .. وينك يعباس
خويه وغيابك كاسر اجناحي .. وينك يعباس
نبرة تعب .. بنبرة عتب
وينك يعباس

@@@@@@@@@@@@@@

شديت گلبي بطارف الشوف .. يتلولح اعلى اكتار الطفوف
بكل اتجاه وكل درب طاحتلي راية
گبلك علي الاكبر خسرته .. غصني بنجيع الدم كسرته
ماعندي غيرك بالعمر لاعندي غاية

ترجيت ذرات الرمل من جربتك تنطيني ماي
مليت من هذا الصبر ماعنده حل لاعنده راي

بسمك صحت مايرجع اجوابي .. وينك يعباس
شما طوّلت ظل يكبر اعتابي .. وينك يعباس
ردت السبب .. بنبرة عتب
وينك يعباس

@@@@@@@@@@@@@@@

بين الصهيل وصوت الاصياح .. اتشمتو بيّه وهوّسو طاح
ماصدگتها ورددت ياهو اليگدره
تدنيت اسمعك صوتك ابعييد .. مافرزنتها الچلمة شتريد
طمنت گلبي واركضت للصوت ادوره

مابين چلمات الهمس مرّت وأسمعك گتلي اخوي
مفرع واجيتك من فرح ماادري من هَم يبن ابوي

بهاي ال يخويه فرّحت روحي .. وينك يعباس
تأكّدت حي وبطلت نوحي .. وينك يعباس
بس دمعي صب .. بنبرة عتب
وينك يعباس

@@@@@@@@@@@@@@@

يمك اجيت وحلفتني .. عالوجه طايح ماشفتني
خوفك أذبحك وآنا ردت الخوة أشمها
اندارن اليه جروح جسمك .. مو شعرك اعلى العين دمك
نازَعت روحي من ردت تشلع سهمها

هميت تندار اعلى ظهرك واعلى زندك انتچيت
بطلت من گتلك اخوك اهنا استهضمت وبچيت

شلتك بحظني وگتلك احچاية .. وينك يعباس
حيّرت أخيّك يالچنت رايه .. وينك يعباس
تجفي شعجب .. بنبرة عتب
وينك يعباس

@@@@@@@@@@@@@@@@

رد ظهري خالي وچفي خالي .. حاير شگللهم عيالي
حنية اضلوعي وخاطري ودمعي شيضمهن
صار الحسين مهبط الراس .. منكسر ظهره اخلاف عباس
خويه وخواتك من طحت طاحن خيمهن

حطيت راسي بحجر زينب خويه زينب مات اخوچ
گلتلها واعتبريني ميت وانتي مسبية وخذوچ

صاحت جبتني اترد تمشيني .. وينك يعباس
ميت صحت گالت عمت عيني .. وينك يعباس
مايه انشرب .. بنبرة عتب
وينك يعباس

((((((((((((((((((((((((((((((((((((((((((((((

فلاح السالمي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

23 June 2025 09:09

((ليش بزفافك))

ضــــــويتلك گلبي شمع
والحنه من فيض الدمع
اجمل ترافه بهيبتك يالواحد
ليش بزفافك بالنحر مـتواعد ..

""""""""""""""""""""""""""""""""""""""""""""""""'''""""

همس المـــدامع وجرن
لمن برز أبن الحســــــن .. للحـومه
چم خيمه شبت بالگلب
ويتعثر بروحي الــدرب .. ملچومه

شمـــا يبتعد عن النضر تچويني دمعات البُعد
وترسم على خدودي رمح وتصورتّ آنه بلحد
عطرك ترس عين السمه ياأحلا من عطر الورد

ياحسرتي مـــن ترتجل
ودموعي بوصافك تهل
گلب امك بجرحه يجاسم شارد
ليــــش بزفافك بالنحر مـتواعد ..

""""""""""""""""""""""""""""""""""""""""""""""""'''""""

شمـــا تلتفت گلبي يفز
وبنضرتك يبنـــي تحـــز .. الدمعه
يادمعـــتي مـــن تنرسم
وچنت انتضر هذا الحلم .. بالشمعه

عرسك جرح ناغه الگلب وأمنيتي بس راح أمل
وتّبدت امنيتي بعطش وتّذَبحـــت كـــــل الاهل
شفتك مثل ورگـــه بهــــوى ويّدنه لعيونك أجل

راح الهوى وبيمن أشم
أمـــــــك تتاني ياشهم
أنته ابني بس آنه اشوفك والد
ليـــش بزفافك بالنحر مـتواعد ..

""""""""""""""""""""""""""""""""""""""""""""""""'''""""

مــــن عاينت طاح الولد
وتذكـــــــــرت سهر المهد .. وأتعابه
من الحومه للخيمه جرح
عمه ينـــــــــــادي منذبح .. من جابه

وبصف علي الاكــــبر گعد گلبه بألف جمره أنچوه
وحـــط شِفته بأذنـــــه وبچه گلهم وحيد بنينوى
وزينب تگض بيدي صبر وتشبگني والمدمع سوه

وآنه اختنگ وأرجف تعب
وحّلَيًليّ من إيدي أنسلب

وظل يرفس بضلعي الگلب ماگاعد
ليــــــش بزفافك بالنــــحر مـتواعد ..

""""""""""""""""""""""""""""""""""""""""""""""""'''""""

وحملي على الگاع انفرش
وعطشانه يايمه عطـــــش .. لرسومك
مابيـــــــنك وبين الهــــزل
مشيَتّ أسيــــــــره وبحبل .. يايومك

جرح الهزل ذكرى وألم ولوعةّ سياط اعله المتن
هـــوه العشگ لازم صعب كون بهزل من تمتحن
يالعــــايش بصفي رمح تسمعني يايمه من أون

من تسمع بصدري الضمه
نحــــرك يسولفلي الدمه
وما يستچن گلب الجريح الفاگد
ليـــــش بزفافك بالنحر مـتواعد ..

""""""""""""""""""""""""""""""""""""""""""""""""'''""""

مــــــــن تعثر الناگه بچي
يبدي الحچي الماينحچي .. والخنگه
يبدي المتـــن من ينشرح
يشبهك يجاســــم بالذبح .. والشهگه

شما أنويّ بفرض العشگ شفت الحجر ساجد يمر
درب العشگـ چه بي تعب نسحگـ لطم فوگـ الجمر
ماهمني يايمه الحبل بس چَتَفّ عيوني الهجـــــر

چَتَفّ حياتي بالسبي
يوليدي يــوليد النبي
وشفت الجرى راسك يجاسم شاهد
ليـــــــــــش بزفافك بالنحر مـتواعد ..

عبد زينب
محمد الابراهيمي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

23 June 2025 09:09

((مو طفل))

زغيره خدودك اعله دموع الايام
طــالع بالنحـــر والــــوادم اسهام
طالع والعشگ حار
وأنته متاني محتار .. يبني للسهام

""""""""""""""""""""""""""""""""""""""""""""""""'''""""

اول خطــــــوه مـــن باب المخيم
شبگت حسين ليش بصدره تشتم
دريت أمــــوادعك مـــو مال تسلم
شفتك مـــو طفل رجال ابو هَــــمّ

كتلك روح احـسك يبني مخنوگ
روح اعله السهم واتنفس الشوگ
الدمع عبد الله مدرار
وأنته متـــاني محتار .. يبني للسهام

""""""""""""""""""""""""""""""""""""""""""""""""'''""""

تريد وياك تمشي هـاي العيون
يعبد الله بغيابك حالتي شلون
حبك يبني هادل حيل المـتون
ابوك حسين صافـنلك يمزيون

احسك للموادع شـايل جفوف
راح تعوف گلبي عليك ملهوف
عليك مّحتمه الآقدار
وأنته متـــاني محتار .. يبني للسهام

""""""""""""""""""""""""""""""""""""""""""""""""'''""""

عمــــرك والضعن متساوي بالنوح
الضعن كله انذبح من انت مذبوح
يابو الروح ألمن ضلــــــــت الروح
ألمن عمري أخلصه جروح بجروح

تطشر دمك اعــــله الگاع بهداي
السهم مو ماي وانته بعازةّ الماي
السهم مايعرف زغار
وأنته متــاني محتار .. يبني للسهام

""""""""""""""""""""""""""""""""""""""""""""""""'''""""

گماطك مــرتخي لو أنته مصدوم
تناغي حسين بس بصوت مكتوم
يبني اتبسمت مــــاهــــــزتك گوم
غمضـــت وحيـــاتي غمضت دوم

بكل گطرةّ دمه مـــن عندك أيوب
شگد شايل صبر عبدالله مصيوب
صرخه بوجه الأشرار
وأنته متاني محـــتار .. يبني للسهام

""""""""""""""""""""""""""""""""""""""""""""""""'''""""

الحضني بياجرح يوليدي رديت
تمنـــيت الســــهم بيه تمنـــــيت
يلب احشاي يبني وبسمةّ البيت
نار الشوگ مـــــن الخيمه خليت

راح الطم عليك بشـــــد الحبال
وأبچي عليك يبني بدمع العيال
الضعن من غيرك وسار
وأنته متــــــاني محتار .. يبني للسهام

عبد زينب
محمد الابراهيمي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

23 June 2025 09:08

((تتغير ارسومه))

يبنيتي أنـــــــه بحيره
أجيتچ وانتي ام غيره
وضلع أمچ يزينب گوه ملزومه
كل مـــــاشافني تتغير أرسومه
""""""""""""""""""""""""""""""""""""""""""""""""'''""""

بده وداع النحبهم وأعتــــــله نوحي
وكل لحضه ولد يشبگ على جروحي
يودعني وأحــــس ويه الدمع روحي

تطلــــع چلمــتي وياك
أموتن يبني من دونك
ياعشرةّ صبه يحـسين
وغلاتك گلبي مجنونك
أظل بسكتت الحيطان
أذا ماشوفن عيــــونك

وحگ عيناچ مشتاگه
أمنيتي اركب النــاگه
لو مو ناگه أمشي والزم هدومه
كل ما شافني تتغــــير أرسومه
""""""""""""""""""""""""""""""""""""""""""""""""'''""""

شما تصعد مره وأتخيل الحاله
وَياكم يـــــزينب وألـــزم عياله
فــــــــرگتكم ييمه والله چتاله

خَـــــدامةّ ضعن وياچ
يــــــــابعد أمچ وهمها
روحي مطشره لوعات
چفــچ رايـــــده يلـمها
خجلانه أگل لحســـين
زينــــــب گلت اكلــمها

يا هلبــت تساعدني
وأعرفها فلا أتردني
وغلاةّ العشره يمّ الخير مهدومه
كلمـــــا شـــــافني تتغير أرسومه
""""""""""""""""""""""""""""""""""""""""""""""""'''""""

شما صاح أبأسم وتبيد رجليه
بالصحره وسفر يــــراد بدويه
وترفرف تظل الحسره والنيه

يجـــرحني وداعك ليش
تظــــــل مّكَسره احوالي
يالـــــــــوالي تريد تروح
چـــــــا ياهو اليظل والي
وأشوفن بالرمش دمعات
دمعـــــك يالـــولد غــالي

تّيسَر ياضوه عيوني
تّيسَر يــــــابعد لوني
خليني أظل بالشوگ وهمومه
كلما شافاني تتغــــير أرسومه
""""""""""""""""""""""""""""""""""""""""""""""""'''""""

ركبــــن والصياح مــــن الدمع يطلع
برَچابّ الناگه أكضن وابچي وأتنوع
گمت اركض وأصيحن هلبت وترجع

أگــومن وأعثر من الآخ
والمحمل رجـــــف گلبه
فحطانه وأصيحن حيل
الفرگه وداعــــتك غربه
حاچيني مــته تعودون
يمـــــته الـــدارنه أطبه

يمته بداري اشـــوفنك
قسم وبروحي اضمنك
تگلي الخيل وآنه بهاي مندومه
كلما شافاني تتــــــغير أرسومه
""""""""""""""""""""""""""""""""""""""""""""""""'''""""

رديت بهـــيام التــــــارس الريه
الهوى فارگني لمن راحت أرقيه
أجر بجدامي گوه چـني مسبيه

جرح الفرگه هوه الموت
ودموعي برمش عيــني
أموت من البچــي والآه
بس واحد يحـــاچــيني
علمت السهر عـــالنــوح
وبالـــــونه يجـــاريــني

ميته هوايه أشوالي
المفارگ دره بحــالي
بقت صورةّ سوالف آخ من يومه
كلما شــــــافاني تتغــير أرسومه

عبد زينب
محمد الابراهيمي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

23 June 2025 09:08

((بيارغ هيبتي))


ألمن تجيني بيا دمع راحو بعد كل اخوتي
يهلال الاحزان شصـفه راحو بيارغ هيبتي
يامحرم ...
""""""""""""""""""""""""""""""""""""""""""""""""'''""""

شال .. يهلال .. ضعن الترافه الكله حنيه
اوف .. خوف .. بالــك ترد وتگلي مسبيه

يهلال النـــــــوايب لاتـــجي بسرعه
أشوفن بيـــك اخوي ومنكسر ضلعه
وأشوفن عيــــلتي بالنــــــار متلوعه
وأشوفن خيمتي الصارت مثل دمعه

تجرح گلب لمن تهل وتنزل مواقف دمعتي
يهلال الاحزان شصـفه راحو بيارغ هيبتي
يامحرم ...
""""""""""""""""""""""""""""""""""""""""""""""""'''""""

راح .. طــــاح .. عمري وهزيله صارت الحالي
وين .. حسين .. يهلال بيك أمفرهد الغالي

لاظل غالي عـدنه ولاستر خيمه
يتامه مطَشره يهـــــلال بالهيمه
أبوهم منذبح ياوسفه وهضيمه
وعمهم عالنهر بدمـــوعه ترنيمه

عمهم غده مطَشر وفه ومن ايده طاحت رايتي
يهلال الاحزان شصـفه راحو بيارغ هيبتي
يامحرم ...
""""""""""""""""""""""""""""""""""""""""""""""""'''""""

خيل .. حيل .. يهلال تسحگ والصدر عاري
آه .. ويلاه .. حيلي انهدم يهلال وي داري

يانوح ومصــيبه بداري منصوبه
يادمعه وحسافه بعمري مكتوبه
ويموت اليموت بصفه محبــوبه
وياحاير يصير وتنتــــهي دروبه

شفتّ بأديهم محبسه وحرگت لهاتي حسرتي
يهلال الاحزان شصـفه راحو بيارغ هيبتي
يامحرم ...
""""""""""""""""""""""""""""""""""""""""""""""""'''""""

هَيمّ .. ضيم .. الذابح اخوتي يحدي بضعوني
عيال .. بحبال .. كل زمخه بيهم ينخطف لوني

ماصدگ بحالي چفـــوفي تچتف
هذا الحال يهلال ومصـاب الطف
بأمرهم طشرونه وكيفهم نصطف
ولا واحد نشوفه بالطــــفل يرئف

لا نخوه عدهم لاحمه وآنه السعير بجمرتي
يهلال الاحزان شصـفه راحو بيارغ هيبتي
يامحرم ...
""""""""""""""""""""""""""""""""""""""""""""""""'''""""

نام .. جسام .. تعبچ يرمله اعله الرمح صاير
كيف .. سيف .. هذا الذبحته زفته باچر

مو باچر نزفه وبالجــــرح ونه
ذبحته بيا هضيمه بليلةّ الحنه
أمـــه تگول هلبت بالولد ضنه
يم رمحه وتگـــله ننتضر گلنه

صينيته مويآس وشمع دم وترايب حيرتي
يهلال الاحزان شصــفه راحو بيارغ هيبتي
يامحرم ...

عبد زينب
محمد الابراهيمي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

21 June 2025 01:45

ليله المباهله وتردون اعماالل🤍🤍🤍🤍

هاي القناه كل اعمال وفضل ليله المباهله ويومها انضموا ستورياات ومقاطع🥹💔👇
/channel/addlist/fxWufx8Ra8AzYzQy
انضموا قبل الحذف
#لااحلل_اخذ_الاعلان

قصائد حسينية مكتوبة عامة

19 June 2025 10:05

#قصائد_محرم_
#محرم_الليلة_الثامنة_

مولاتي رملة(ص) برحيل ولدها القاسم(ص)


گلبي عليك ملچوم
وحيلي يبني مهدوم
لذبحك ماشفت نوم…يا يُمه

ما ترجعلي هيهات
يوليدي حرامات
أوّن عليك شوغات…يا يُمه


شگد تگبر ردتّ ورسملك احلام
وي طولك حلم خلصتّ الايام
رايح للحرب بس ماخذ الروح
ادري ماترد گلبي يحس گام


مني رحت لا ماترد
هذا الفگد__لدموعي نيشان
دمك صبحّ هوة العرس
جوه الشمس__يايُمه ذبلان
طولك ابد مو للذبح
لا مايصح__فوگها عطشان


يا يمُه يجسام يوليدي وحبيبي…

________

عمري بعدك دموع
لعرسك ردّت الشموع
مو الطم علضلوع…يا يُمه

چبير بروحي إلصواب
گلبي لموتتك ذاب
بعدك يلولد شاب…يا يُمه


ذكره أمن الحسن حسبتك وياي
ما ردت الحرب تذبح ألي ارباي
بعيونك عطش والموت مفضوح
رايح للحرب ما شارب الماي


يذبحونك بعمر اهدعش
گلبي ارتعش__يوليدي للموت
ماحسبت هذا الوداع
يصبح ضياع__ماأستمع صوت
فوگ الرمل ماحسبت
يبني متت__ودموعي بسكوت


يا يمُه يجسام يوليدي وحبيبي…

_______

أون راح الولد راح
فز بروحي الصياح
طولك مو للجراح…يا يُمه

إگعدت يمك احاچيك
أمسحت دمك وناديك
يبني ميتة اعليك…يا يُمه


من جابوك ألي چا طلعت الروح
أبني وما عرفتك من الجروح
غير الميت يعوفونة!! بلموت
متت لكن وراها يبني مذبوح


ما رحمو بطولك أبد
اا يلولد__ماضلت اعيون
ابچيلك وگلبي جمر
بروحي كسر__يذبحونك شلون
طفيتة يوليدي الشمع
لطمتّ الضلع__خابتلي الضنون


يا يمُه يجسام يوليدي وحبيبي…

________

من گالولي مذبوح
احسّن طلعت الروح
شفتك كلك جروح…يا يُمه

بعدك امشي للشام
وراسك يبني جدام
امشي بلسبي ايام…يا يُمه


يسموني الغريبة بعدك شلون
اباوع علرمح وبچيلك عيون
ذخر ردتك ييُمه واحسب ايام
من گد العطش ماباقي كل لون


بلشام اناا تالي اصير
بعدك احير__وبچفوفي الحبال
درب اليسر كلش صعب
واااه الغرب___حاديها چتال
كلش صعب سوگ الهضم
اصعب ألم__مو چلمه تنگال


يا يمُه يجسام يوليدي وحبيبي…


________
#محرم_١٤٤٧هـ_

محسن الباوي

اللهم عجّل لوليك الفرج
________

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

19 June 2025 10:04

#قصائد_محرم_
#محرم_الليلة_السابعة_


مولاتي زينب(ع) من سمعت طاح اخوها ابوالفضل العباس(ص)….


الخيالة هدتّ من طحت…والخيمة طاحت
ما تسوة وگفتها بعد…محروگة صارت
لحضات وحسين الذبح…يوصل وريدة
حسبوها زينبكم گضت…وحسبوها ماتت


يبو فاضل
مو عطش تدري
فرگتك موتي…
زينبك اااانة
طلعوو صوتي…


حسين راح الجسمك وانة إطلعت
والعدة؟ للخيمة تريد الحرگ__
وين نمشي اخلافك خوية حرت
رگضتي بلحومة صارت صدگ__


وداعاً ياخوية وكفيلي…

________

عباس يانعم الأخو…موتك مصيبة
معناها من هسة بدت…چلمة غريبة
خمسين عمري والخدر…ما فارگيتة
يردوني اركض بلفلة…هاية العجيبة


يبو فاضل
چلمة الخوة
الها عطشانة…
لطيحتك خوية
انة تعبانة…


خوية الحّگ الزيّنب كلش گضت
والخيم حرگوها وضاع الخدر__
ميتة احسب اختك خوية متت
منّ الخيم اطفالي لاح الجمر___


وداعاً ياخوية وكفيلي…

_______

( من رجع مولاي الحسين(ع) الى المخيم وشافتة السيدة زينب(ع) وتگلة وين اخوي ابو فاضل،،،


ياخوية راجع وحدك…ومهبط الراس
من كسرتك انة اعرفت…مذبوح عباس
رديت ضهرك منكسر…وتصيح زينب
ألخوة ياخوية انتهت…ذبحوني ياناس


يبو فاضل
عسكري انتة
واكسرت ضهري…
انذبح دونك
طيحتك كسري…


خوية بعد اشوية يصير الذبح
ياهو يبقة لزينب هذا العذاب…
راسي خوية خلافك يبقة برمح
وجسمي جوة لحافر فوگ التراب…


وداعاً ياخوية وكفيلي…

________

حضروهن احبال السبي…وحضرو هزيلة
وصاحولي زينب علهزل…صعدي العقيلة
گوة اصعدت بيدي الحبل…معقولة زينب
للشام تاليها بسبي…ورحله طويلة


يبو فاضل
امشي مسبية
مو گدر زينب…
مدللة اااانة
والسبي يتعب…


ألشام ما يرحمني يتعبني حيل
وزينب المسبية كلها تصيح___
بعيد درب الشام وكلش طويل
لحضهْ خوية خلافك ما استريح__


وداعاً ياخوية وكفيلي…

________

هضموها زينب من متت…للشام تالي
من كربلة انة رحل …خدري ودلالي
متعلمة خوية عللخدر…ما اعرف الشام
شلون امشي وانة الماشفت…حتى خيالي


يبو فاضل
تعبوو زينب
وتعبت إجدامي…
امشي مچتوفة
وروّس جدامي…


شلون أمشي وراسك خوية أشوف
بعيني انضر راسك فوگ الرماح__
بسوگ ادخل خوية بين الألوف
كلها تعرف أسمي ياخدري راح__


وداعاً ياخوية وكفيلي…

________
#محرم_١٤٤٧هـ_

محسن الباوي

اللهم عجّل لوليك الفرج
________

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

19 June 2025 10:03

#قصائد_محرم_
#محرم_الليلة_السادسة_

سادتي الانصار(صلوات الله عليهم) كل واحد يسولف حبة وفنائة بمولاي الحسين(صلوات الله عليه) ورحمة وعطفة وحنانة….


(حبيب بن مضاهر الاسدي)

من بداية عمري شفتك
أستوطنت گلبي أنتماء__
وحددت يمك مصيري
وياك اضلن للفناء__
الما يعيش بفيّ رحمتك
يگضي كل عمرة هباء__
ألحب طهاره بتضحياتة
وراح اضحي بكربلاء__


ماريدة عمري بدونك حسين
انة برحمتك عشتّ السنين
عاشر محرم موعد! وفااااء
يطلبني؟ حبك أوفيلة دِين


افدي لعيونك روحي
وخلها تزيد جروحي
حلوة الجروح بحبك
يامن غرامك يوحي



ياحسين فداكَ نفسي…
ياحسين فداكَ نفسي…
١__________

(زهير بن القين)

شائت الاقدار اشوفك
وبأول حچايه رضيت___
شفت عطفك ماكو مثلة
ومثل گلبك مالگيت___
وقررت كلشي اعوفن
وبربح حبك اجيت___
مو خسارة موتي يمك
انة بعيونك حييت___


عمري خساره وحبك ربح
أحية بغرامك من انذبح
ما الگة مثلك موطن حنان
ولا من رئفتك محد يصح



هنيالي موتي بگربك
وشكبرة حضي بحبك
من العدم لعيونك
موتي يصير بركبك


ياحسين فداكَ نفسي…
ياحسين فداكَ نفسي…
٢_________

(وهب النصراني)

اعتنقت بگلبي دينك
وسلمت روحي لهواك__
جيت من ضِلمة حياتي
فتحت عيني بضواك__
وصار ديني مو كنائس
ديني مقرون برضاك__
معتقد خليتة حبك
وگلبي هنيالة لگاك__


طهرتة ذاتي بسمك حچيت
دين الكنائس عفتة وجيت
يارحمة الله وباب العطاء
موطن حياتي يمك لگيت


هنيالي اجيتك ناصر
وأحمي خيامك باچر
واختم حياتي بموتي
ياخذني يوم العاشر


ياحسين فداكَ نفسي…
ياحسين فداكَ نفسي…
٣________

(الحر بن يزيد الرياحي)


بخطوةّ الندمان اجيتك
وخطوتي كلها انكسار__
اعتذر جيت لحضرتك
وَقبلت مني اعتذار__
بلنهاية وگلبي قرر؟
وشحلاتة من قرار__
تندمت چي تالي جيتك
حبك انطاني شعار__


هارب اجيتك وطلب وصال
ودري بحميتك ماكو محال
تمنيتة عمري كلة بهواك
لمن اجيتك شفت الدلال


نادم اجيت اتوسل
وأدري بحنانك يقبل
عطفك چبير وگلبك
وجيت بهواك اتأمل


ياحسين فداكَ نفسي…
ياحسين فداكَ نفسي…

٤________

(مولاي جون )


من لطفك ايدك حياتي
انة عبدك انة جون__
ميزت لوني بمحبتك
وصرت للحب انة لون__
ياوسع گلبك رحمتة
مثلك انتة ما يكون__
ما يفرقّ لون حبك
نيةّ الحب بلعيون__


انة بخدمتك شفتّ الحيات
أللحضة بدونك يعني ممات
ميزني حبك ونطاني لوون
انتة سفينة حب ونجاااااات



عبدك عشتّ ايامي
شفتك وطن لحلامي
رغم انة عبدك لكن؟
خيرك يصب جدامي


ياحسين فداكَ نفسي…
ياحسين فداكَ نفسي…

٥_________
#محرم_١٤٤٧هـ_

محسن الباوي

اللهم عجل لوليك الفرج
__________

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

19 June 2025 10:03

#قصائد_محرم_
#محرم_الليلة_الخامسة_
مولاتي السيدة حميدة بفراق أبيها مسلم بن عقيل(صلوات الله عليهم)


تانيتك ترد__بوية مسلم غيبتك هدتلي حيلي
تانيتك ترد__ما نمت لحضه بغيابك انة ليلي

اشتاگ واتنطر تجيني
يابوية موتني حنيني…تانيتك ترد
________

أحط چفي على خدودي واگعد بوية أتنطر
يومية اگول تعود وحلمي بچيتك أخضر
حسبت ايامك الراحت وگلبي لفرگتك فطّر
ما متعودة ماشوفك أرجع بوية ما أكدر


راااح__من ريتي الهوة
راااح__فارگتك ضوة
رااااح__ما نرجع سوة..

لحضة مايهدة ونيني
يابوية موتني حنيني…تانيتك ترد

______

كل ساعة اگول اسمك واترس بلدمع چفي
حنانك ساكن بروحي ليش اعللهجر تچفي
ما يكفي الدمع والنوح بس عيونك التكّفي
بالي شاغله التفكير اريدن طولك بصفيّ


وووين__الگاك وتجي
وووين__هد حيلي لبچي
وووين__وبحضنك اجي…

علدرب مشبوحة عيني
يابوية موتني حنيني…تانيتك ترد

______

ااجاني حسين عمي بس؟ اجه بحسره
وصل يمي ومسح راسي وشهگ عبره
شلت راسي ولزم ايدي بعينة بينت نضره
كتلة والدي مسلم؟ وگلي خلصت السفره


مااات__غريب لوحدة
ماااات__ما بين العدة
مااات__الكوفة معنادة…

فدوة لسنينك سنيني
يابوية موتني حنيني…تانيتك ترد

_______

بلكوفة طحت بوية وحدك محد بحالك
لا يمك اخو اليفزع ولا واحد اجة اگبالك
غريب الكوفة ضل اسمك والعدوان تبرالك
بچيت اهواي يابوية وعمي حسين ينعالك


غريب__طحت امن القصر
غريب__خلصت العمر
غريب__حاطوك بغدر…

بدموعي اترسهن أديني
يابوية موتني حنيني…تانيتك ترد

________

انة هم اموت اهناك من الحادي ياخذني
اروح بشام وموتن بي وكلشي يرتحل مني
خدري ما يضل بوية؟ بيدي احبال تچتفني
واتعب علهزل واذبل وصيح الشام تعبني


اموت__بلشام العذاب
اموت__خرابة وعلتراب
اموت__وتناثر مصاب…


بلخرابه بس أنيني
يابوية موتني حنيني…تانيتك ترد

________
#محرم_١٤٤٧هـ_

محسن الباوي

اللهم عجل لوليك الفرج
________

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

19 June 2025 10:01

#قصائد_محرم_
#محرم_الليلة_الرابعة_
حزن مولاتي أم البنين(ص) على فراق الحسين(ص)


حِزني فگدك_يحسين
گلبي بعدك_مو زين
شلون أعيشن بلياك
اليوم أعدة_بعامين


من دونك،،،
صرت انعى يايمُه شكثر
چن خيمه! وتحوّلت جمر
گلبي چبيرة جروحة…

من دونك،،،
كل ساعة اموتن والتفت
منك خبر؟ ما حصلت
بعدك صرت مذبوحة…


يُمه متت
باول رحيلك انتة وعيالك
يُمه متت
وكلبي تركني يركض اجالك
يُمه متت
لمن اشوفة يبعد خيالك


وداع ما بعدة لقاء…..
________

كمت أناشد_وحتار
عنك أسمع_اخبار
ياهو منكم يگلي
يمتى يرجع_للدار


محتارة،،
أتمنى كون أسمع خبر
احسينچ رجع وية الگمر
وهاي بسلامة اضعونة…

محتارة…
وي روحي اسولف بلدمع
وصوت الدمع ما ينسمع
تمنيت اشوف اعيونة…


أبچي صرت
ليل انتضارك زيدّ غربتي
أبچي صرت
يمي العليلة مناوب دمعتي
أبچي صرت
وكبرت ملامح ليلي بوحشتي


وداع ما بعدة لقاء…
________

يوصل بشر ابن حذلم ومولاتي تحس بلصار تگلة احچي بهيدة يابشر گطعت گلبي)

بهيدة احچي_بلصار
شمالة لونك_يندار
كلها ماتت گلي
وكل خيمهم_بلنار


موتني،،،
من گلي حرگوها الخيم
وعباس مو بيدك العلم
كلشي انذبح بلحومة…

موتني،،،
بحسين اناشد ما حچه؟
دنگ بقة راسة وبچه
وگلي سليبة هدومة…


ويلي صحت
ذبحو حبيبچ علغبرة ضامي
ويلي صحت
هواية جروحة كل طولة دامي
ويلي صحت
وينادي عوفو اهلي وخيامي


وداع ما بعدة لقاء….
_____

(يوصل الضعن للمدينة وتتلكاه مولاتي ام البنين)

ها يزينب_ناديت
من وضعها_تأذيت
تمشي گوة وتبچي
من شفتها_حتاريت


يا يُمه،،،
درب السبي رحت بهزل
وتعب أديّ گيد الحبل
بلناس شحت غيرة…

يا يُمه،،،
مو اسمي غيروهـ الاسم
گالو غريبة وكمت أهم
هضموني وحدي بحيرة…


وين ألتفت،،،
كل أهلي ماتو وانة غريبة
وين ألتفت،،،
ما تگضي ولله بروحي لمصيبة
وين ألتفت،،،
بس روس أخوتي يمي قريبة


وداع ما بعدة لقاء…
________
#محرم_١٤٤٧هـ_

محسن الباوي

اللهم عجل لوليك الفرج
_______

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

23 June 2025 09:12

دكة ونص




حي الله عباس الگمر كفال لضعونه وشهم
الغيرة منه تبتدي وتسافر الفوگ النجم
يمسكت حلوگ البشر يا حيد يا ملح الحچي
يا ماي يلكلك نهر محد يشبهك بالعزم

يمعدل وكلك وفة تشهد لهسة كربلة
لمن دخلت بصارمك صارت قيامة وزلزلة
افعالك الحلوة صفت مثل اسمك انتة معدلة

كفال كفال ---
مدرسة الشهامة --صرختك القيامة
تدوي صفت بالحرب
قهار قهار ---
بسيفه گضه العساكر -- وانحزت المناحر
تيه الجيش الدرب
وفاي وفاي ---
غيرة يصب جبينه --حط الحسين بعينه
والخيم نص الكلب

@@@@

لوحات سطر بالعشك وانرسمت النة بموقفه
خل تسكت الدنيا بعد لمن نسولف علوفة
يا زلمة يوصل للكمر محد يشبهة بهل بشر
سكاي عباس وشهم نافذ بصيرة ومعرفة

يلكافل ضعون ولوة يا مرهب الكل بالحرب
رايتك رايه حيدره تغلب ابد ما تنغلب
يمخوف الكون وهلة ما تنكدر كلش صعب

بالخوف بالخوف ---
انهزمت الكتايب -- من زلمة الحرايب
بيدة يرف باللوة
معروف معروف ---
جفه يهد عشيرة -- من سطرته الجبيرة
ما يرهملهم دوة
ملهوف ملهوف ---
حامي دخل للحومة -- غصو بطاري اعلومة
اختنكو امن الهوة

@@@@

يمطشر اركاب الزلم بالعركة وصلت للسمة
ريشاتك اتهم بالنصر عالحرب دوم معلمة
من تدخل الحومة صعب يطلع بشر سالم ابد
بالروس غصت نينوه وانفرشت الكاع بدمة

انسحكت اشباه الزلم واحتارت امنين المفر
عباس طب وساعده غالب الجيوش وقهر
بحسين عزمه يبتدي واتحزم وشد الظهر

مهيوب مهيوب ---
لمن ترفله راية -- تتخورس الحچاية
حي الله شيخ السلف
بالكون بالكون ---
لا ما يصح نظيره -- وبصرخته الاخيره
بالكاع كلشي رجف
والله والله ---
اني احامي الديني -- يبقى امامي حسيني
محلاته لمن هتف

@@@@

نصر الله جاء والفتح هالآية معناها الكمر
شرد احجي عن زلمة كفو ما يهتم الكلشي وعبر
والقادة كلها اترجته تعب الجيوش الركض
حتى بخزرته يختلف عباس عن كل البشر

يا تارس الحومة رعب معروف بالگول وفعل
ما عندك اي شي يضل صعب بس تنوي يتحول سهل
معروف سيفك من تطب بالعركة ابد لا ما تمل

عباس عباس ---
يمتعب الخيالة -- محد الدنالة
بتار سيفه وشهم
ميتين ميتين ---
لمن دخلهم حارو -- ميتين كلهم صارو
والمنه شارد يهم
بركان بركان ---
لمن تطك نيرانه -- بس الرگب نيشانه
ايشيل سيفه ويلم



تمت ببركة مولاتي ام البنين


مهند شاكر

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

23 June 2025 09:12

للحروب الهواشم تبتسم
خططهم بالكتايب تنرسم
اذا ينعد عزم فارس بألف
ابو فاضل عزم كل الزلم

للقيامة .. بظهره سيفين ورمح
بالوسامة .. نظرته اتطيّب الجرح
بالمناقب .. لاتعد - ضنوة علي
عالليالي .. بطلّته يطلّع الصبح

استحق ريشة اعلى راسه من الشرايع والحرايب
واخذ يوم الجمل ريشة مُبارز والمعاقب
اعتلى بشهرة مقاتل بالحروب وبالمحافل
انكتب حامي الظعينة وفارس بأعلى المرتب

يبو فاضل دخيلك ~
@@@@@

ابو لكل المراجل والفضل
گمر يحيي الشواطي شما يهل
صعب طبعة ويهب خوف ورعب
لچن يم الحُسين يهل سهل

عالظعاين .. رايته ترفرف أمن
وبالصحاري .. يحكم خصومه بسجن
عالعساكر .. لو خطف يعصف عصف
وللمخيم .. يفرش أهداب الجفن

الحرب موسم ربيعة ويخطف الروس بحصادة
قلّده حسين القيادة وزيّن بطوله القيادة
بشط سيفه بهيامه وگلبه أبشط من حسامه
يحلم بخوض المعارك من اهد يوم الولادة

يبو فاضل دخيلك ~

@@@@@

گلب زينب واجه بهيئة جبل
عالامطهم سحب سيفه وحمل
عليه تشهد مضارب نينوى
وصَل طشّر جمعهم من وصل

لف لثامه .. وهد عليها وغبّرت
والخيام .. ( اللهُ أكبر ) كبّرت
من جواده .. يعدي الاخيول الرعب
الحومة طارت .. والرؤوس اتطايرت

مرد يمرد جمعها وكسّر اصفوف وحواجز
گضى وصيّح عليهم ياجمع - هل من مبارز
اخذ جربة حصصهم وانچفت گطرة گصصهم
تسحگ الخيل اعلى روس وتعثر ويهوي اليناجز

يبو فاضل دخيلك ~

@@@@@

جمِع سبعين ألف صابه الذعر
يهز جذع النخل خطف المهر
لبس لامة علي ومظهر علي
اذا خاض الملاحم ينتصر

رايته اترِف .. والصفوف امهدمه
من رگبهم .. صبغت الخيل الدمه
بكل مكان .. تشوفه هاجم يرتجز
والعساكر .. دنّگت مستسلمة

هجم والحومة طاحت وأول القادة الذبايح
رحى وتطحن سنابل تفتر بچف المطامح
ذبح بيها بخياله وخزرته ورمحه ونباله
ترس جربة طموحه وغيَّر بشطها الملامح

يبو فاضل دخيلك ~

/////////-/////////-//////////
فلاح السالمي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

23 June 2025 09:10

لم ربعه حبيب وصاح حي الهم
سرجو خيولكم للمعركة گلهم
يلا خل نهين اثخن شواربهم


سرجو الخيل ... بيهم حيل
خل اسيوفنه بهاماتهم سجيل

كون الروس وي ضرب السمر تنشال
نموت ومانخلي البالهواشم عال

......

شايب داخل اعله المعركة بنگاب
شايب صح ولاچن حيله حيل الشاب
تموج المعركة من احرورة الطلاب


كام يدوس ... فوگ الروس
تعثر بالفوارس من تفر الخيل

يكول انعدله لحسين الحمل لو مال
نموت ومانخلي البالهواشم عال

.....
لم ربعه ويامحلاته من لمهم
ريح وصرصرت بالجيش من طبهم
مايدرون لو فتلو شواربهم


مثل السيل ... عزرائيل
بعداد النفس ظل يقبض الأرواح

صارو بالوطيس اعلى الخصم زلزال
نموت ومانخلي البالهواشم عال

............

بيهم زلزلوها الگاع من طبو
واطيها اعله عاليها الحرب طبگو
خوف اجلدوهم خوف ورعب ترسو

بظهر الخيل .. حر ويميل
واحدهم بألف من يهجم الأنصار

هدو والكتايب طشروها ارمال
نموت ومانخلي البالهواشم عال

////////////////////////

خادم الحسين ع

حيدر اسد

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

23 June 2025 09:10

آخر مسه.... نتنفسه...والحن على اديار الاهل
خلي يرد.... وآنه ارخصه... هاليل يتخذه جمل
........
والرايد شرف.... مابعده شرف ... واسمه ايتخلد
يرخص منحره... شما مر الزمن... ذكره ايتجدد
.......
باجر..
من ينكشف لون الصبح.
تبدي مراسيم الذبح.... دماء
بأجر
ياربعي وانصاري تره
تبقئ النحور اموذره.... بعراء
...
فوگ امصابك.... واهوال العطش
تبقه امخضب.... وبلاية نعش
........................................................
شيخ الزلَم.... ذب الهدم.... وبين ع عيونه الزعل
صاح بدمع... لعمرك فده.. يحسين يرحون الاهل
.......
من ايام الزغر... الك عمري انذر.... يابو المحنه
شيجيب الصبح... زعلنه الحجي.. كلش هضمنه
......
باجر
اسحگ ع اخشوم العده
وفاي وگلبي شاهده.... النحيب
باجر
شيخ الزلم هاي السمه
ايمطرهه الك روس ودمه... حبيب
....
معصب راسة... ويكسر رگب
هاي انصارَك.... شراية گلب

..................................................
عابس بجه... بس ماحجه... ويسحبهن انفاسه بهظم
دنگ خجل... ظهرة انحنه.. برّد جمر غيضه وكظم
......
ويروحه حجه.... لو صار الصبح.... تبدي السوالف
للسيف الحجي... يصبح مو الي... واكتب مواقف
......
باجر
عابسكم ايذب الهدم
وايدور مابين الزلم.... يصول
باجر
نسگيهه بالدم كربله
وبالروس نترسه الفله... يگول
.....
صلينه اسمك..... والنية عشگ
انعلم الوادم..... عالصحبة الصدگ
................................................ ...........
شالو لوه..... وركضو سوه.... واتوجهو لخيامه
لباب اخته اجو..... ومن سولفو... امدنّگين الهامه
.......
خجل من دنگو.. احترام لبت علي.. عزة وجلالة
واحدنه ورع .... طلگ دنيته.... وودع عياله
......
باجر
نكتب مواثيق الوعد....
وبدمنه توقيع العهد.. لابوج
باجر
لو متنه موتتنه بهنه...
حته بمحرم كل سنه.... ويخوج
.....
تذكرنه العالم.... باجر لو حجو
راح يسمونه..... صحبان الكفو


////////////////////

خادم الحسين

واثق التميمي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

23 June 2025 09:09

((صدر المضيف))

هلا بصدر المضيف وصـــدر المروه
عّزوبيت الحســـــن بــالزاد والگهوه
هيه الشيخه ثـــــوب وماتجي بگوه
يبن نسل الشيوخ الخطوه بالخطوه

العمــك تعتني تبوسه وتنحني
تگله بخدمتك اليطيح اليـنبني

شگد فرحان عمك واگف بطوله
منو هـــــذا الحسن ربعه يگلوله
نورك صار عابر .. عذاب اعله العساچر

""""""""""""""""""""""""""""""""""""""""""""""""'''""""

يبن الحسن اسمك كشخت المنبر
يتنـــومس بعطـــرك سيدي العنبر
نخطف وجه الزلم من گالو تحظر
لون اهدومهم هــــم انگلب اصفر

يوردةّ حـيدرى الزلم صارت ورى
مثل عمه الگمر ذبحـــهم بالسرى

رعدت غيمته والحــومه مطاره
غبار اسود الجيش متيه اخباره
سيف اعله المناحر .. عذاب اعله العساچر

""""""""""""""""""""""""""""""""""""""""""""""""'''""""

يزماط الزلم جســــــام ينخونك
جبرائيل صلى الحضرت عيونك
امك خايفه الوادم يحســــدونك
جمال الله ونزل گامو يشوفونك

دلال ومرجـــله الهلا وأم الهلا
يميدان الحچي ويزلمةّ كــربله

اذا يرفع يمينه الـــــزلم تتكسر
يالمضيع الشرده وحاير العسكر
يسداد المعابر .. عذاب اعله العساچر
""""""""""""""""""""""""""""""""""""""""""""""""'''""""

عمك مبتشر ويشـــــــوفك تنازل
الفوارس لمه وانته الوحدك تقاتل
يالمخلي الدمه بوجه العده سايل
مالابس درع بس الحـــــرز شايل

بزنوده الحرز مناحر ظل يحز
يربان الحرب الفوارس هم تفز

گالــــــــو هذا ياهو بچفه كورنه
هدوم العرس لابس هذا ومحنه
صار الجيش حاير .. عذاب اعله العساچر
""""""""""""""""""""""""""""""""""""""""""""""""'''""""

رمله تصد عليك من الخيم وانته
تشيل الزلمه فوگ وينزل بسـكته
جـــــدك حيدرى بالـــروح رهمته
عباس الگمـــر بعــــيونك احملته

المراجل عرفته تصدله وعرفته
يضمـون الرگب جهنم صـــولته

حي الله المقاتل جاسم النشمي
غير انه الشجاعه البيه من عمي
ترس عين المناظر .. عذاب اعله العساچر

عبد زينب
محمد الابراهيمي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

23 June 2025 09:09

((رايح يالاكبر))


رايح يكلشي يصيحلك وين
رايح يالاكبر يــــبن الحسين
ماريده عمري بدونك
هيه الحيـــاةّ عيونك
رايح يالاكبر ...

""""""""""""""""""""""""""""""""""""""""""""""""'''""""

ليش الضوه يذبحونه
وجه النبي ينســــونه
وأنته بجلالةّ وجه الاسلام

صافن يظل لــساني
كاسر خلگ وجداني
ياتاج راسي وراس الخيام

عَمد المخيم طاح مـــن طاح
لَمن سمـــعني صَيَحـــت راح .. راح
ضلمةّ رحيلك كتلت الشــوف
يمه أعله روحي خَيَم الخوف .. الخوف

شَيَــبت حتى رموش العيون
فرفحت يمه العمتك ام عون
شو چنه غايب لونك
هيه الحيـــاةّ عيونك
رايح يالاكبر ...

""""""""""""""""""""""""""""""""""""""""""""""""'''""""

كبــــــرت دمعتي وآنه
الچندوب أظل حيرانه
حيرانه يابعد أمــــك شلون

المـثلك هوى ميمره
يدموع عين الزهره
تراب وهضيمه يغطي العيون

يبني يالاكبر حزني مفضوح
المثلك حرام يصير مــذبوح .. مذبوح
ماخــــذ أنفاس العين يرباي
وخليت بيه يســــولف الماي .. المـــاي

ياروح گلبي وعمري والحال
أنعاك يبني بســوط وأحبال
وشلونه حالي شلونك
هيه الحيـــاةّ عيــونك
رايح يالاكبر ...

""""""""""""""""""""""""""""""""""""""""""""""""'''""""

يانسمةّ الله الدافي
تاليها جدمي حافي
بكل عثره أصيحلك يرجواي

ريج الـــــــــدمع نشفته
عمري أعله طولك عفته
ياضوه الــــرايح ضلمه عيناي

هجــــرك يواحد تَعَب العين
هجرك لگيته بوجه الحسين .. الحسين
عطرك جزاني وين يــــاهيل
يدفعني گلبي بوحــشةّ الليل .. الليــــل

لاگـــيني دربك وين يبعيد
لونضره حتى دمعتي تهيد
متعلگه أنه بمــتونك
هيه الحيـــاةّ عيونك
رايح يالاكبر ...

""""""""""""""""""""""""""""""""""""""""""""""""'''""""

عگبك عمر مايسوه
رايح وصرت اتچوه
وين أنطيّ وجهي وإيدي بحبال

والهزله تدري بحالي
تدريني ابچي الغالي
تواسيني أحسها وتبچي عالحال

تنضر عليه الهــزله بدموع
چنها تگلي النـحر مگطوع .. مگطوع
گتلها الاكبر خــــده بتراب
ذاك البدر ياناگتي غــــاب .. غاب

والدمعه صـــــــارت بيه نيشان
بروحي سمعته يصيح عطشان
عطشانه ليك ضعونك
هيه الحيـــاةّ عيــونك
رايح يالاكبر ...

""""""""""""""""""""""""""""""""""""""""""""""""'''""""


لشـــــــام اطبن حيره
ياويلي صرت إيسيره
آنه ام الاكبر يمـــــي شمات

ودلالي ضج بجرحه
والليل صار إيذبحه
وزينب گلبها شَيب ومات

زينب گلبها يصيـــــح ويلاه
ماتـــــــــت رقيه وبالگلب آه .. آه
حتى الخرابه تبچي وتصيح
امك يالاكبر تمشي وطـــيح .. وطيح

من فرگت عيونك تراديت
من الحــزن يوليدي مليت
كلهم هلـــك يردونك
هيه الحيـــاةّ عيونك
رايح يالاكبر ...

عبد زينب
محمد الابراهيمي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

23 June 2025 09:08

((ماتتعده ساعه))


ماتتعده ساعه وماذكرتك
متوهمين من گالو تركتك
انشدوها العلــيله
اليحب اينام ليله
متوهمين من گالو تركتك
""""""""""""""""""""""""""""""""""""""""""""""""'''""""

احس بصورتك ملهــــــوف لهفان
حته بصـــــــورتك يحسين تعبان
تجاعيد الجفــــــن بالملگه عنوان
اَشربك ماي احسَك حيل عطشان

عطشان بصفنتـــــك
مجروح بدمعــــــتك
العشگ يحسين قاتل
لذلك ماتـــــت اختك

العشگ يرسم ملامح عالحياطين
المثلك ينترك لاصعـــبه يحســين
العشگ ياويل ويله
اليحب اينام ليـــله
متوهمين من گالو تركتك

""""""""""""""""""""""""""""""""""""""""""""""""'''""""

العاشـــگ صفنته تتفسر شلون
اذا ضگت العشگ لاتقرا العيون
تتحلم مـــــواكب ناس يمشون
وتتحلم بگبه وناس يبچـــــون

اذا دمعـــــك تجاره
تهيم اعــــله الزياره
والحضره اعله بالك
وبروحك منـــــــاره

اليضيع بمجلسك مايندل الناس
اليحبك يبتسمله هــــواي عباس
البعيد انته تجيله
اليحب اينام ليله
متوهمين من گالو تركتك

""""""""""""""""""""""""""""""""""""""""""""""""'''""""

بابك چنه گلبــــــك دوم مفتـوح
اليزورك واليروح تودعه وـيروح
روحك مــــن حنان الله يمذبوح
الينوح اعليك هم تبچيله وتنوح

يل اسمك محـنه
ابونه انته وأهلنه
شما نتبعد أعليك
بچفــــوفك تلمنه

بيك انته الشجون ويه التعابير
چم يوسف نقذته وهــادم البير
معشوگي ودخيله
اليحب اينـام ليله
متوهمين من گالو تركتك

""""""""""""""""""""""""""""""""""""""""""""""""'''""""

عله الشباچ چـــــم دلال ينخاك
چم دمعه بضريحك گالت وياك
طبيب وعالجتني شلون انـساك
يالعاري الجسد يحــسين اهواك

يالتوزع هــــدايه
وعيالك ســـــبايه
واخوانك مچاتيل
عالغبره ضمــــايه

منطي أخيام للماعدهم اخيام
بس ضعنك بلايه اخيام وينام
الضعن مهدود حيله
اليحب اينــــام ليله
متوهمين من گالو تركتك

""""""""""""""""""""""""""""""""""""""""""""""""'''""""

چــــــم مخدره شافــــوها الجناب
وچــم مــــــدلله متگبعه بتـــــراب
هوه السبي واحد والحچي اسباب
گلبــــــــك باب لكــــن حرگو الباب

باب الخــــــــير محروگ
الهوه يحسين مخــــنوگ
الحبل بچفوف الاحساس
وزينب صعدت النــــــوگ

چم بسمار اجاك وماطردته
چم حافر الضگته والحملته
يالدمعك تــسيله
اليحب اينام ليله
متوهمين من گالو تركتك

عبد زينب
محمد الابراهيمي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

23 June 2025 09:08

((موازين العشگ))


موازيــــن العشگ صعبه معانيها
كون الدمعه بس لحسين نجريها
محرم جيته احبال
محرم مـــو بالهلال ... كون تصير انسان
""""""""""""""""""""""""""""""""""""""""""""""""'''""""

ياليل اليمــرني وأنسه الدمــوع .. هضيمه
حزن عيوني بالوجدان موضوع .. يخـيمه
مــاتغفه دمعتي
محرم ياحسرتي .. يتيمه .. ويهيمه

هيچ الليل أخلصه
بالانفـــــاس غصه
وياقصه بالاشواگ
بــــــــالتنهيد قصه

محرم ينرسم نار اعله وجناتي
محرم يــــــــــاليالي الآه وناتي
كون أتصير رجال
محرم مو بالهـلال ... كون اتصير انسان
""""""""""""""""""""""""""""""""""""""""""""""""'''""""

دمع يطوي الملامح ياغريبات .. غــريبه
هلالك يامحـــــرم بي عذابات .. مصيبه
هلالك سهراني
ليل بليل أعـاني .. نحيبه .. ومصيبه

گمت ارسم مخيم
بس رسمي تلعـثم
عالوجنات دمعات
هواي أدموع تلـتم

من أول رساله الگالو استشهد
مسلم والجروح بضعنه ماتنعد
محرم حال من حال
محـــــرم مو بالهلال ... كون اتصير انسان
""""""""""""""""""""""""""""""""""""""""""""""""'''""""

بده حسين ودمعته التسبگ الشوف .. يناشد
أهــنا توگف رحلتي بأرض الطفوف .. يجاهد
أهنا تخلص رحلتي
أهنا تنــــزل دمعتي .. يواعد .. يناشد

بده يـــــرسم مخطط
أهناك أچفوف عالشط
اهنانه ادمـــوع زيـنب
أهــــنا نحــــر التگمـط

اهنا حافر يجيني ويسلب ضلوعي
هايه كــــربله وأهنــــانه موضوعي
محرم يعني چتال
محرم مو بالهــلال ... كون اتصير انسان
""""""""""""""""""""""""""""""""""""""""""""""""'''""""

ودگ الخيمه نور وچهبت الگوم .. تــريده
وهوه بفــــــاتحه الدلال ملچوم .. حميده
يگلها والله شاهد
ألچ يابـــويه والد .. تريده .. حميده

عضيده أگبال عينه
مثل نسـمه وحنينه
يگله خــويه عباس
الزمن يفتـــر علينه

الزمن ياخويه بچفوفه ذبحنه
خسران الزمـن وأحنه الربحنه
باچر كلشي ينگال
محرم مو بالهــلال ... كون اتصير انسان
""""""""""""""""""""""""""""""""""""""""""""""""'''""""

اول جلسه زينب خويه الخيام .. نهيبه
بچفوفچ حبل والسوگ بالشام .. غريبه
غريبه وراسي يمچ
وتشوف الحال أمچ .. تريبه .. وغريبه

يزينب انـــتي عفه
بس احجــــار كلفه
خويه الشـــام بلوه
عيون الناس صلفه

يكسرچ حــــــالنه وأحنه ذبايح
وكل ساعه طفل عالغبره طايح
ضعنچ بالدمع مال
محرم مو بالــهلال ... كون اتصير انسان

عبد زينب
محمد الابراهيمي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

21 June 2025 01:59

محرم ع الأبواب و هاي القناة لطميات حسينية
وصور ومقاطع حسينية شيعية
ل باسم الكربلائي❤𖣘
فقط ادخل ع هذا الرابط 👇😻💘
/channel/almahdyyyyy/200402?single
/channel/almahdyyyyy/200402?single
ڪُلِّ لطميات باسم موجودة ادخلوا👆

قصائد حسينية مكتوبة عامة

20 June 2025 11:32

/channel/aLRukab_313

قصائد حسينية مكتوبة عامة

19 June 2025 10:04

#قصائد_محرم_
#محرم_الليلة_السابعة_

مولاتي زينب(ص) تتكلم حيرة الحسين(ص) من يرجع من مصرع ابا الفضل العباس(ص)…


رجع مكسور
وكف؟ويدور…وداع الخوه ضياع

يخويه ام عون
بدونه شلون…كتلني يخويه لوداع

لكسر؟ ضهري
وخذ عمري…بترابة عفتلة ذراع


ويلي…رد اعلة الخيم
ويلي…بس؟حيله انهدم
ويلي…رد ابلا علم


صاحزينب صاحگطعو چفة لتلزم ايدچ
راحعفتة؟ وراحسهم بعينة صار عضيدچ


خووويه….

_______

يصد للگوم
أجتة تحوم…ويدير الخيامة وحيد

لرقيه يروح
ويموت جروح…اشبگني تگله اريد

تجرحه اهواي
تگله الماي…ضِمانة برحيلك يِزيد


ويلي…بس وحدك صرت
ويلي…ألمن؟ تلتفت
ويلي…لذبحك گربت


دارلمن دارصاحت زينب خويه ارجعلي
نارخاف النارتحرگ خيمه ويطلع ضلي


خووويه….

________

تصيح زغار
يعمه شصار…عطشهن ذبحله دلال

سكينة تصيح
تگوم؟اطيح…شجاوب؟ كتلني لسؤال

يخويه حسين
أفرن وين…وحيده اضلن محال


ويلي…رااايح تنذبح
ويلي…يضل طولك جرح
ويلي…وراسك علرمح


موتخويه الموتزينبْ گرب خويه وداعچ
صوتاخر صوترايد مهري من اذراعچ


خوووويه….

________

(أخر اللحضات توگف اباب الخيمة وتشوف اخوها الحسين يبقة لوحدة لا ناصر ولا معين)


بعد لحضات
وأصيحن مات…يخويه جرحنة يطول

رحت عطشان
تصد حيران…بوداعك تجينه لخيول

حرگ؟ والنار
يخويه احتار….وعليك الحوافر تجول


ويلي…يحتار الخدر
ويلي…نروح بكل كتر
ويلي…وبحرّ الضهر


وينيمشن وينكلها انذبحت محد عدهن
حسينراح حسينوسط الهيمه فرن كلهن


خوووويه…..

________
#محرم_١٤٤٧هـ_

محسن الباوي

اللهم عجّل لوليك الفرج
________

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

19 June 2025 10:04

#قصائد_محرم_
#محرم_الليلة_السادسة_
ورحلو الانصار وأمسى الحُسين(صلوات الله عليه) غريباً وحيداً



كَم تَدَّعي حُزناً وَأَنتَ مُرَفَّهٌ
إِن كُنتَ مَحزوناً فَما لَكَ تَرقُدُ
هَلّا بَكَيتَ عَلى الحُسَينِ وَأَهلِهِ
هَلّا بَكَيتَ لِمَن بَكاهُ مُحَمَّدُ


لا ما يبرد جرح العاشر
شلون حسين بصحره ينام…
جمره وتلهب لا ما تطفة
عل ضامي وحرگولة خيام…
شما نبچيها چبيرة الغربه
بشمس الحومة تلث ايام…


خل نبچي هواي__للضامي الماي
نايم عطشان__ماعندة فياي


ويلاه حسين…
ويلاه حسين…

__________

أَنَسيتَ إِذ صارَت إِلَيهِ كَتائِبٌ
فيها اِبنُ سَعدٍ وَالطُغاةُ الجُحَّدُ
قَتَلوا الحُسَينَ وَأَثكَلوهُ بِسِبطِهِ
فَالثُكلُ مِن بَعدِ الحُسَينِ مُبَدَّدُ


جيش وعسكر وهوّة لوحدة
وسط الگوم يدير العين…
والخيالة تحضرت كلها
وكلهم گالو ذبحو حسين…
صوب اخيامة يدير الناضر
وجروحة اندارت صوبين…


لخيامة يدير__وهواي يحير
ماتبقة خيام__محروگة تصير


ويلاه حسين…
ويلاه حسين…

_______

يا جَدُّ قَد مُنَعوا الفُراتَ وَقُتِّلوا
عَطَشاً فَلَيسَ لَهُم هُنالِكَ مَورِدُ
يا جدّ ذا نحر الحسين مضرّج
بالدم والجسمُ الشريف مجردُ


يم الماي وعطشو كلهم
وحتى اليرضع هم عطشان…
عبدلله بچم گطرة ويروة؟
ما شربوهـ وضل ذبلان…
ماي الله ليش يگطعونة
ويعطش كلمن بلصيوان…


ماصارت هاي!__يعطشون الماي
لليروي الكون؟__مامش سگاي


ويلاه حسين…
ويلاه حسين…

_______

كَيفَ القَرارُ وَفي السَبايا زَينَبٌ
تَدعو بِفَرطِ حَرارَةٍ يا أَحمَدُ
هَذا حُسَينٌ بِالسُيوفِ مُبَضَّعٌ
وَمُلَطَّخٌ بِدِمائِهِ مُستَشهَدُ


ما ترهم؟ يسبوها الغربه
وما ترهم؟ زينب عالنوگ…
يم العفة أحبال! وهزلة!
هاية لزينب لا متلوگ…
تنعى حسين العافت جسمه
وگلب الحره ضلّ محروگ…


موتها الشام__مشوها أيام
تعبها وصار__كل خطوة بعام


ويلاه حسين…
ويلاه حسين…

_______
#محرم_١٤٤٧هـ_

الفصيح: دعبل الخزاعي
الشعبي: محسن الباوي

اللهم عجل لوليك الفرج
_______

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

19 June 2025 10:03

#قصائد_محرم_
#محرم_الليلة_الخامسة_

غربةّ وضياع سادتي أولاد مسلم بن عقيل(صلوات الله عليهم)


خوف_وعطش_بلنار محروگة خيمنة
نار_وجمر_ضعنة من عمتنة ضعنة
كلهم_ذبح_عفنة عل غبره اهلنة


ألمن نروح لوووين
ذبحو حمانة حسين
وضعنة بأثر دخااان
وخيالة من صوبين


حرگو كل خيمنة وكلشي ما ضال
الخيالة الأجتنة موتت اطفال
عطشانين نركض بلهوة الحار
نصرخ بوية مسلم يهضم الحال


ااااه احنة اولاد الغريب
ااااه احنة اولاد الغريب

________

كلشي_انگضة_فرينة منّ هدوَّ علينة
ماكو_حمه_كلشي ماضل بين ادينة
ضاع_الأمل_بين الخيم نركض بقينة


نركض نلاگي الخيل
ونصرخ هضم ياويل
معناها كلنة نمووت
ماعدنة طاگة وحيل


خلّص كلشي بينة عاشر الصار
عفنة الخيمة شبت كل كتر ناار
ناس بلاية رحمة وما يعرفون؟
ما!! يِفرق بيدهم قتلّ الزغار


ااااه احنة اولاد الغريب
ااااه احنة اولاد الغريب

________

وبعد_الحصل_خفنة واحد يدري بينة
نمشي_بدرب_غربه ويسولف بچينة
نخاف_العدو_يلگانة وبسيفة يجينة


فوگ الترابة إنام
عفنة ورانة أخيام
ونذكر حميدة اهناك
تزيد بجرحنة ألام


حميدة خوية هسة حالچ شلون
لو بينة نشدتي ورحتي لم عوون
حسبالچ گضينة بچيّةَ ااااالخيل
هسة علينة دمعچ غاطي لعيون


ااااه احنة اولاد الغريب
اااه احنة اولاد الغريب

________

كضنة_العدو_من بعد غربةّ وطنة
وگال_الذبح_تشابگنة ولدمعة بطرفنة
أخوه_وألم_من قرّر علينة ذبِحنة


زغار بذبحنة نخاف
خلينة؟ مااا ننشاف
فرقنة كلمن صوب
مالك رحم وتخاف


خوان وذبحنة مو سوهَ نريد
فرقنة بذبحنة وامشي لبعيد
احنة اخوان ما تنطينة الگلوب
يلمالك گلب من عدنة شتريد


ااااه احنة اولاد الغريب
ااااه احنة اولاد الغريب

________
#محرم_١٤٤٧هـ_

محسن الباوي

اللهم عجل لوليك الفرج
________

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

19 June 2025 10:01

#قصائد_محرم_
#محرم_الليلة_الرابعة_

الوفية الطاهرة خادمة الحسين(صلوات الله عليه) ام قمر بني هاشم ام البنين عليها السلام …..


من خدمتچ للحسين
نبقة باسمچ نستعين
انطينة خدمه لكربلاء
نندبچ يام البنين…

داخل بعطفچ واريد
وعن كلامي ما ازيد
رايد الخدمه بفناء
وانحسب وية لعبيد…


احنة منچ طلبنة الخدمة
ومن حميتچ تجينة الرحمة
الشكر لله دوام النعمة__ونضل بهمة
ي ام البنين…

المدد منچ أمد اچفوفي
بغير عطفچ يشح معروفي
هذا گلبي كبر بي خوفي__أريدن أوفي
ي ام البنين…


انطيني مدد من خدمتچ
من رحمتچ__رايد وصال
بغيرچ اضيعن وافترگ
انتي الصدگ__غيرچ محال


مولاتي يا أم البنين أم البنين أم البنين…

________

نطلب دموع البكاء
اخذي جرحي لكربلاء
كلشي يخلص والدموع؟
هية مصداق الولاء…

ثابت بدمعي اكون
والدمع لا ما يهون
إطهر احساس اليحب
كل مدامع بلعيون…


الدمعة مصداق حزن كل فاگد
رااااااايد ادموع دخيلچ راااايد
عندي تقصير اجيتچ شارد__وابد لا مارد
ي ام البنين…

صعبه دنياي بدون الدمعة
بگبري لو موت تخضر شمعة
هية للموت تضل الرفعة__تغير وضعة
ي ام البنين…


يعني المدامع صك أمان
لل جنان__وية الحسين
الرايد خدمتة خل يصير
چن برير__عاف السنين

مولاتي يا ام البنين ام البنين ام البنين…
________

نطلب دموع البك
من دمعتچ والجروح
رايد لجرحچ اروح
للضعن ذاك الغريب
وي جروحچ انطي روح…

جرحي ماريدة يهيد
علبقة بلطف وحيد
ضامي وجروحة شكثر
وكلشي عنة ضل بعيد….


كون ما يبرد جرح للعاشر
الصار بلطف ابد ما صاير
وحدة والگوم ولا من ناصر__جرح ويكابر
ي ام البنين…

منّ الخيام اريدن جمره
تشتعل كون جروحي بحسره
لجرح لضعون اريدن كسره__يويلي وعبرة
ي ام البنين…


محد مثيلة وسفة طاح
كلشي راح__فوگ الرمال
هاي المصيبة الما تصح
منذبح__اعظم مثال

مولاتي يا ام البنبن ام البنين ام البنين…
________

رايد اجروح وعذاب
حسين ضامي وعلتراب
ياجرح يكفي وكول
ويادمع يكفي المصاب…

نايم بحر الضهر
والخيم صارن جمر
وطلعت رقية تصيح
بابا محتارة العصر…


ياهو ألها تضيع بدووووونك
شلون تگدر تعوف اعيووونك
وانتة التراب أخذ كل لونك…وسبية ضعونك
ي ام البنين…

كلشي بلشام مصيره الغربه
زينب تروح يوادم صعبه
غربه والشام يضيع دربة…صفت متغربة
ي ام البنين…


تمشي غريبة وهذا شام
ياحرام…تبچي وتصيح
لراس الرمح ضلت تدير
بس تحير…حسين الذبيح


مولاتي يا ام البنين ام البنين ام البنين….
________
#محرم_١٤٤٧هـ_

محسن الباوي

اللهم عجل لوليك الفرج
________

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

19 June 2025 10:01

#قصائد_محرم_
#محرم_الليلة_الرابعة_

مدح وافتخار مولاتي ام البنين(ص) بمولاي ابا الفضل العباس(ص)


احزام شد وليدي بعد اعيوني
انته أبني وما تخيّب اضنوني
انة ربيتك ذخر لحسينك
حرز شلتك يُمه فوگ امتوني..

الناس كلهم خلهم يعرفونك
انة بدويه ونذرت اعيونك
خلي اسمك ينذكر بلغيره
يل تحامي سيدك وضعونك…


شهم يبني ادريبك__يبو فاضل
الحومه تصبح عيدك__يبو فاضل
بيدي اخط تمجيدك__يبو فاضل..


صنع تربيتي…ابا الفضل..
زودي…ابا الفضل
فخري…ابا الفضل
گمر يضوّي بليلي….ابا الفضل

يا عباس يوليدي….
________

لو عطش جر النهر يم أيدة
بيده رايك سوّي كلشي يريدة
انته مخلوق لمحرم يومك
وراح تشهد يبني بيك البيدة

حسين خلة يعيش دوم اگبالك
وغير طوله لا تشيل انضارك
يل وفي يلماكو من نوماسك
جاي يوم العاشر ويبرالك


بيدي انا الربيتك…يبو فاضل
عل وفه غذيتك…يبو فاضل
ابني بس افديتك…يبو فاضل


نذر لحسينك…ابا الفضل
كامل …ابا الفضل
غيره…ابا الفضل
وفه ينضح جودك…ابا الفضل


يا عباس يوليدي…

________

عباس يل كلي فخر بزنودك
انته زودي وانه اشع من زودك
هاي چلمه وبلگلب خليها
موت لاكن خل يخضر عودك…

أوصيتي زينب يبني وانته الكافل
لو يجي العاشر ترّد العايل
أفني كلّ العسكر بزود ايدك
وخلي كل جموعهم تتمايل…


هذا يوم الغيره…يبو فاضل
وانته؟ كلك غيره…يبو فاضل
ما تضل كل حيره…يبو فاضل


شهم يوليدي…ابا الفضل
روحي…ابا الفضل
دمي…ابا الفضل
بيك ارفع راسي….ابا الفضل


يا عباس يوليدي….

________

گمر هاشم يل چبيره اعلومك
جبت عمري حتى اشوفن يومك
من الزغر ربيتك اعلل خوه
وانتة نشمي ما يشح تعلومك

(بعد انتهاء العاشر واجت الاخبار الى مولاتي ام البنين وشسوه ابو فاضل)

وصلت اخبارك إجت عباسي
كلف زودك راح ارفع راسي
ماكو واحد ينطي اخيه اچفوفه
ويصيح ولله مقصر بنوماسي


صح گطيعه اچفوفك…يبو فاضل
بس وصل معروفك…يبو فاضل
الوفة صاغ احروفك…يبو فاضل


كلف يانشمي….ابا الفضل
ضيغم…ابا الفضل
ألناصر…ابا الفضل
ابني وانة بزوده…ابا الفضل


يا عباس يوليدي….
________
#محرم_١٤٤٧هـ_

محسن الباوي

اللهم عجل لوليك الفرج
________

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313