قصائد حسينية مكتوبة عامة
17 June 2025 08:53
لمولانا قمر بني هاشم عليه السلام
مغضب شايل صمصامه
طالع وبظهره اخيامه
وياهو اليوگف گدامه ... عباس عباس
گـاصد بچفوفه وزوده
ايحط الشط كله بجوده
وفنّه اليمنع مگصوده ... عباس عباس
يرفّ غيره وعزم
عله متونه اللوه
اولا ترده الزلم
عله الشاطي نوه
~~~~~~
زمجر أبـن البدويه
وعجت روس الحربيه
رافع راس العلويه ... عباس عباس
محرب ويجيب الراده
ويتخير ضل بالقاده
وتتنومس بيه الساده ... عباس عباس
جحيم امهنّده
ابن فارس مضر
كشف جيش العده
وتشخص عالنهر
~~~~~~
يتراجف كلشي اگباله
الماي . الگاع . الخياله
أسمه الساقي ويحلاله ... عباس عباس
يملي الجربه بحنّيته
عدّه اعياله امتانيته
اعليهم أمه اموصيته ... عباس عباس
وِفِه حگ الرِبِه
كفيل العايله
جعلها بشاربه
دخِيله كربله
~~~~~~
رد والجود اعله امتونه
وتخلس نظرات عيونه
متعلّي العسكر دونه ... عباس عباس
وصلهم حَد الكوفه
لاچن ياوسفه اچفوفه
انغدرن والجيش يطوفه ... عباس عباس
شكثر جسمه انجرح
لچنّ موته الخجل
بسهم جوده انذبح
وعليه حَلّ الأجل
~~~~~~
باب حسين ومحبوبه
وظهره وكشّاف اكروبه
ادخيله مچلبين بثوبه ... عباس عباس
منّ عده الحب انريده
ودين الباري وتوحيده
ونضلّ خدام اعضيده ... عباس عباس
طلبنه امروّته
يثبتلنه القدم
ودخلنه بصايته
نضل الهم خدم
~~~~~~
سجاد الگريزي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
17 June 2025 08:51
مصيبة
سيدي و مولاي علي الأكبر عليه السلام
فرع الرأس و شگه زيجه
مات الأكبر فوگ أيده
نگع السانه بلسانه
و شمه من نحره و وريده
ياهو ميت ما اعرفه حسين مدري أبنه الأكبر
جابه يمي و گلي زينب وليدي سالم گلبي لنطر
وآنه أشوفه رسوم ماكو و گلبي والله أعلي تفطر
حسين يحچي و ما أسمعه بس سمعته شگال بلبر
زينب = صيحي ليله و گابلني
زينب = جبته هاذا الأكبر أبني
زينب = لازم أيدي و ما يهدني
=====================
أجت ليله تشوف أبنها
و مدري ليش أيدر لبنها
أجت تركض ركض ثكله
الثكله لمبين حزنها
ليله كالت وينه لأكبر و هوة أبنها يمها صاير
بچت لمن شافت حسين بس تكله شبيك حاير
كلها اذا الأكبر أبنچ و ريت معميه النواضر
گعدت أتشمه و تگله يبني شمسويه الحوافر
زينب = يمكن نشلن أجدامي
زينب = گومي طيحين خيامي
زينب = وليدي مات و هوة ضامي
=======================
حسين مدد طوله يمه
وشبگ أبنه و ضل يشمه
ثنينهم بلدم خضابه
مدري ياهو الطاح دمه
ضل يشيل حسين من دم أبنه و يخضب لحيته
خضباها و گله يبني الليله أبوك نهجم بيته
وآنه يمهم نهجم گلبي حسين چن ساعة منيته
باوعالي حسين بلطف يحچي بس مخنوگه ريته
زينب = الليله مدري شلون بينه
زينب = چن يخويه تيتمينه
زينب = علـ ضنه أنعي يلحنينه
=======================
گمت و أنعه علي الأكبر
و ضل ينود حسين بلبر
عمه يمشيبنه كلنه
گلبي يلغالي يتحسر
گوم عمه يا حبيبي گوم لحسينك يغالي
يلـمـدلل يلـنـحبك يلـمسامـرها اللـيـالـي
حسين گلي دلليته أرجعت أنعه و تعب حالي
گلي زينب دعيلي أموتن چا على الدنيا شبقالي
زينب = والله گطعتي دليلي
زينب = خلص خويه و باد حيلي
زينب = الليله مدري شلون ليلي
======================
گام يتجه اعله حيله
و ضل يلم أبنه بشليله
وصل صاير علي الأكبر
ينهطر كلما يشيله
وصل صاير بعد عمته و وصل صار حسين گلبه
ضل يروح حسين و يرد حسين تيه أضن دربه
الغربه مو من مات أبنه بيوم لو ما شافه غربه
كلشي هين گله يبني فراگ عينك حيل صعبه
زينب = مات أبني و مات كلشي
زينب = بدونه مابياش أمشي
زينب = گطع گلبي و مرد هرشي
اللهم عجل لوليك الفرج
علي حسين الخفاجي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
17 June 2025 08:50
لمولاي الحسين عليه السلام
1 محرم الحرام
كل عام و انته تنذبح
چا ليش يا عز الأهل
كل عام و انته بلا أخو
و گاطع شرايين الأمل
چا ليش يلفي محرمك
و يرجع يوافيك الأجل
وترجع تهل أمك قميصك = و ترجع تبچيها
مكتوب الك شو كل سنينك = أمك تأذيها
و ما ينصبر عنك يغالي = تنعاك تدريها
آنه الوالده و الگلب لهفان
وأدور عزة أوليدي وين ما چان
و أصيح أحاه يبني المات عطشان
تبچي أعليك = أمك فاطمة الزهره
تبچي أعليك = و الدمعه تهل حمره
يا مضلوم = أتناديك بـ مدامعها
تبچي أعليك = وبـ أحشاهه ألف حسره
==========================
محرم يأذي فاطمه
يتجدد ألها مقتلك
عگبك ولا مرهه فرح
طول العمر تبچي ألك
مهظومه من يوم الچنت
بمهدك تناغي بدمعتك
من المهد لحد ذاكَ مهرك = تنزل مدامعهه
الزهرة تون شما انته تكبر = الحنيه تفجعهه
ذبحك جزه كسرة ضلعهه = شتگول تسمعهه
آنه الوالده يحسين يبني
يامن ريت ذباحك ذبحني
أسعدني على أبني يلتحبني
واويلاه = أم و تنعه سلواهه
و اويلاه = ياهو اليبچي وياهه
تنوح حسين = بدمعة فاجده و ثكله
واويلاه = حيل الغالي أذاهه
========================
كل عام و المدمع يهل
من تفارگ أعيون الضنه
أمك تحبك يلـ ولد
بدونك ولا شافت هنه
الزهره الزجيه تبهذلت
تنحب على طول السنه
تگعد گرب نحرك تشمه = و تشمه دم نحرك
ما شبگتك خافت تلچمك = ما ينشبگ صدرك
بحسرتها چن لمضيعه چنها = و تدورك تدورك
أدور بلمجالس مثل المضيعه
بلچن صوت ناعي اعله الولد ينعه
و أصيح احا على أبني الماسلم ضلعه
يا مذبوح = و طلعت روحك تنوحك
يا مذبوح = بصف أمك أجت روحك
عميه العين = تمنت أمك الزهره
يا مذبوح = و لا شافتهن جروحك
========================
كل عام وانته بس جسد
وأمك تبوسك بلنحر
مذبوح بس بعدك حلو
و تبقه انته بس أجمل بشر
يحسين يلـ طولك نده
و بلحافر أنطش و أنتثر
يامن تضل فوگ الترايب = و گبال وجه أمك
بصدرك جزت خيل اعوجيه= و أنطش عطر دمك
بس فاطمه تنوح أعله جسمك = وبدمك تشمك
وينه اليواسيني بدمعته
على أبني الذي حزوا رگبته
و ضلت ثلث تيام چذثته
تلث تيام = أبن الزهره علـ غبره
تلث تيام = و أمه تشمه من نحره
ليش حسين = يلغالي تعذبها
تلث تيام = وحدك ضامي بلصحره
اللهم عجل لوليك الفرج
علي حسين الخفاجي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
17 June 2025 08:50
لحن تراث
﴿ نار بدليلي تسعر ما تنطفي يلـ أكبر ﴾
لـ مولاتي أم البنين عليها السلام
أم البنين تنادي يبني و يعز أفادي
يمتى ترد أعليه يحسين يابو رقيه
يبني و يعز أفادي
.
أم البنين أبلوعه تنعه العزيز الغالي
كالتله يمه وليدي
يحسين يابو جروحي يلگطعت دلالي
عطرك ييمه بـ أيدي
فراگك ضهدني و حالي ما ينحمل يا حالي
يلگطعتلي وريدي
نار الهَجر مستعره. و بحالي أنته الأدره
و ناري ولا مطفيه. يحسين يابو رقيه
===================
يحسين ضلت عيني لسه لدربكم تربي
و گام الهظم يكتلني
يلدللتني بروحك صار المصاب بگلبي
يوليدي لا تهظمني
لنعاك چن أم ثكله أنعه و أتيه دربي
يا يمه يـ متعبني
يوليدي هاذا فراگك يكسر گلب أحبابك
والحسره ضلت بيه يحسين يابو رقيه
====================
أتنطر ترجع يبني فدوة أربعاتهم ولدي
كونك تضل معتبر
يمه نمرد دلالي بلدنيا هاي شعندي
نيران بيه و تسعر
ضاگ الدهر بفراگك بيه القهر ضل يحدي
نصين دلالي نطر
حمره تضل عيوني. يوليدي ما تلفوني
بغربه عشت مرميه. يحسين يابو رقيه
======================
غالي ورة غالي يروح بس أغله واحد انته
كلهم فده لعيونك
يبني الهظم آذاني و گلبي تگطع بته
مابيه أضل أبدونك
يويمه أموت بدمعي موت الينوح بسكته
رد يبني رد بضعونك
ضاع العمر يلغالي يلعذبت دلالي
و صار الهظم بيديه. يحسين يابو رقيه
======================
شفت بحلم يوليدي ضعنك يرد مو هوه
و زينب ترد مهظومه
جبلت عليه و تنحب زينب أجتني أبلوه
تحچيلي بس ملچومه
حسين أنذبح يا يمه و مشوني عنه گوه
و تغسل من دمومه
گمت و طحت علـ الغبره. گالتلي هيجي أمره
وهاذا الحلم يوميه. يحسين يابو رقيه
اللهم عجل لوليك الفرج
علي حسين الخفاجي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
17 June 2025 08:50
للـ أنصار ﴿ صلوات الله عليهم ﴾
دمع كسرتي
ينزل عكب ذيج الزلم حرام
جرح الاحبهم
مر اعله گلبي مو حلم سهام
ردت أمشي و ألگاكم
و انكسر گلبي
أنه متيه دربي شألگه منكم احچولي
صرت وحدي و أنعاكم
و الدمع يجري
ألا من ناصراً كلفه و ما تلحگولي
صرت وحدي صدگ يخواني
حالي بهل وكت بچاني
أناشد علـ جثث بدموعي
اليضل لوحده موش آني
=====================
حلم يمرني
هلبت و أفز من الحلم و أشوف
أخواني يمي
و يرجع شملنا مو طرگ سيوف
أنكسر گلبي بسكتتكم
يا دمع عيني
أنتم أقرب صحبه ليه لا تعوفوني
أنكسر كلشي و رايتكم
طاحت من أيدي
يريت بهل مصيبه أنتم بس تشوفوني
آنه الما بقت لي حجايه
طاحت دمعتي و يلـ رايه
أخافن قصرت عذروني
يلـ نومه علـِ مسنايه
====================
عذابي أنتم
يلجنتوا بلسم و الجرح يطيب
هسة آنه وحدي
حاير عگبكم بلغرب غريب
الدمع تعبــلي عيوني
و الهظم بيه
أنه الكل عمري ما باچي طاحت دموعي
صدگ ما ضن تنسوني
الغربه توميلي
الخيل نعرضت گبالي و رفن ضلوعي
مابيه صدگ أنخاكم
هوة آنه ضعت شألگاكم
دمعي من القهر ضيعني
و أنتم صحبتي شأنساكم
====================
غريبه روحي
و سوالف ماكو القهر عذاب
مصيبه كلفه
ما مر مثلها بلعمر مصاب
سند ماكو بـتاليتي
و الضهر خالي
ألا من ناصراً بلبر و الهوى يردني
الهوى لـِ يمر بريتي
أختنگ منه
غريبه الدنيا و دموعي أمسح بردني
ماعندي أمل ولـ فرگه
خلت بلنفس چم شهگه
شتاگيك أكعد تسمعوني
مشتاگ شكثر للملگه
اللهم عجل لوليك الفرج
علي حسين الخفاجي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
17 June 2025 08:48
خادم يتوسل بالامام الحجه (عج )
يامـهـدي العمر مايبقه دايم
اريد ابدفترك تكتبني خادم
كلـشـي بدون الخدمة هيمة
ماتـغـفـه عـينـه المالة خيمة
يامـهـدي الـعـمـر لحظه رايــد انـه عـمـرين
مايكفي عمر واحـديكضي ابخدمة حسـين
اليطيح ايچلب ابكلشي وانه مديت چفين
يبو خير الجروح انته ارزقـني ابجرح زين
يالمبجاك دم ارد ابچي وياك
ابيامجلس حبيبي گلي الگاك
يالـصـيحتك ذبـح وهـظـيمـة
ماتـغـفـه عـيـنـه المالة خـيمة
٭٭٭٭٭٭٭٭٭٭٭٭٭٭٭٭٭٭٭
گصيرة الدنيه وعيوني اخاف اتغمظ ابساع
وهسه الموت عالغفلة ياخذ مـو على اوداع
اليموت وينتهي عمرة يروح وتاخـذة الگاع
بس العندة ابو اليمه تـشوفه ابعلو الاشراع
شيسوي ابحياته المااله حسين
دنـيـة وآخـرة مايـسوة فـلسين
مـاكـو مـطـر مـــن دون غـيـمـة
ماتـغـفـه عـيـنة الـمـالة خـيـمـة
٭٭٭٭٭٭٭٭٭٭٭٭٭٭٭٭٭٭٭
مجـالـس عـمري وقـرايـه اعمـي بيها العيون
على الغربة الخذت زينب اه يازينب ام عون
ابثوبي الاسود اوياكم شحلاته اوياكم اللون
بـلـكي وبالـگـبر باچـر اصـيـرن خادم لجـون
ادگ صدري ابلطم بسكون مسموع
اليدنگ راسه يبـچي هـنـاك مرفوع
كــــون انـكــسـر كــســـرة ألــيـمـــة
ماتــغــفـه عـيـنـه الـمـالـة خـــيـمــة
٭٭٭٭٭٭٭٭٭٭٭٭٭٭٭٭٭٭٭
حته ابـصـحـبتـي رايــد ادور نـاس خــدام
اريـد الـي يـذكـرني دوم ابـحــرگ الـخـيـام
اريدن ناس متعوبه ابلطمها امحزمة احزام
لـمـحرم حيلهـه اتضمه وبديها تحسب ايام
عشيرة الخدم وتلمنة المجالس
ونصوغ البچي مـثـل المحابس
يامـهـدي بالـفـطـرة الـسلـيـمـة
ماتـغـفـه عـيـنـه الـمـاله خـيمة
٭٭٭٭٭٭٭٭٭٭٭٭٭٭٭٭٭٭٭
تايه والگلب اسود خـذت مـن عمري الذنوب
الـمـالة لـطـمة وياكم مـحب مالاگي محبوب
عـزاء حسـين بـس هوة يصفي هاي الكلوب
التشوفه الزهرة بالمجلس لازم جفنه متعوب
اريد انسان اصير وكلشي مااريد
غـيـر اللـطـم مـاعـنـدي مـواعـيـد
انـتـه الأبـــو وروحـــي يـتـيـمـــة
ماتـغـفــة عــيـنـه الــمـالة خـيـمـة
حسين على الگرغولي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
17 June 2025 08:47
يـااول جـفـن مـاغـمـض الــعـيـن
اخاف ايغيب عنها طول الحسين
الاتحب السهر،،،،،تخلف بس گمر
يـعيـن وعـيـن مانامت،،يحنيه وجرح شالت
مذهولة وخذاها امگاود البين
شيب انفاسها اتحول، ،،جفن ومرافگ المحمل
اذا تذبح نفسها تلگة الحسين
حست هالدرب ياخذ شكو احباب
لـذالك دوم تــنـطـرهــم عـالـبـاب
مشه بس من مشه ماگاطعة الياس
لان تدري الحسين ابظـهـرها عباس
راح الـهـا الـنضر،،،،،تـخلف بس گمر
٭٭٭٭٭٭٭٭٭٭٭٭٭٭٭٭٭٭٭
اعله حب حسين عيشتها،،،وعله فرگاه موتتها
اذا غاب النجم مايرهم الليل
اگبال اعيونها اتشوفه،،،وتضل لعيونه ملهوفه
تشمة وماتشم لوريحة الهيل
هيجي تشوفه شريان ابوسط عين
حـگـهـا هـواي عـمـي هـذا الحسين
يـمـة حـسـيـن چـانـت ماتگلة
تخاف اتذكر بمة وينسة شگلة
اذا يعلن سفر،،،تخلف بس گمر
٭٭٭٭٭٭٭٭٭٭٭٭٭٭٭٭٭٭٭
اذ شافت گمر هاشم،،،،،يعني حسينها سالم
مثل وجه الگمر بين السمة ايبات
الگمر من الشمس لونه،،،،شمايكبر ضوه اعيونه
واذا غاب الگمر يعني الضوة مات
اليـفـهـم بالـسمة شما ظلمت ليل
بس عدها الحسين وداسة الخيل
صـمـلـة عليك يمة اترف العيون
اخوتك لو طحت كلهم يطيحون
الحيل اشماعثر،،،تخلف بس گمر
٭٭٭٭٭٭٭٭٭٭٭٭٭٭٭٭٭٭٭
گالو هاي بدويه،،،وهية اتگول علويه
شمحلاته النسب للسادة ياناس
الاتعاشر علي وصبرة،،،اگيد اتصير هم زهرة
دوم اتضل ترة مرفوعة الراس
صارت للحوائج باب مـحـلاه
ابكثر متصيح يمة ياحسيناه
كـريـمـه ومـن تـحـلـفـهـا تـرة بيه
وحگ اعيون زينب هـيـة تگظية
لحوائج هالبشر، ،،تخلف بس گمر
٭٭٭٭٭٭٭٭٭٭٭٭٭٭٭٭٭٭٭
اتمنت موتها ابكترة،،،،وتسكن كون يم گبرة
عدها حسين كلشي وكلشي موجود
ماتدري انذبح ظامي،،،وراسه اعله الرمح دامي
وعظيدة اعله النهر مگطوع الازنود
شما خنكة تمرها اتفز الاجروح
معناها الحسين ابهاية مذبوح
ام وثـاكـلـة وتـتـنـطـرة ابهاي
وحسين انذبح ماشارب الماي
اذا دمة انهدر،،،تخلف بس گمر
حسين علي الگرغولي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
17 June 2025 08:46
اعيون غربة امتانية الكسرة ابگفاي
الغيم ينشـف يابوفاضل وانته ماي
ضل يمنه العطش راحت اذيتة
تـرضـاهـا اخـوك ايـطـيـح بيتة
لاچمني گلبي ومستعز،،من الصبح بيه يبز
فزيت وبحلمي الهجر،،،بس انته ترهملي حرز
يافـرحـة هـلــي الـعـطاش بـيـر ومـزهـر ابـــصـحـرة
انـتـه اول غـصـن ريـحـان خضر وي بـچـي الزهـرة
ابكل خطوة انكسر عباس والنــضـرة تــجــر نـضـرة
اضم دمعي البچيته اعليك لچن عين البچت حمرة
الوجــــع ماينشاف ويلوحه النضر
لاچـــن ايدي امچلبه بحزام الضهر
شكثر يشتاكلك گلبي وخطيتة
تـرضـاها اخـوك ايـطـيح بـيـتة
٭٭٭٭٭٭٭٭٭٭٭٭٭٭٭٭٭٭٭
اصعب شي من انته ابغرب،،،،وبلا اخو وكت الحرب
تتلفت اهويه لأن،،،حيل الفراگ ابلا گلب
صعب درب المسير اوحيد اذا ايدك على ضـهرك
تـضـيـع اخـوانـك وتنـشال بس تنشال من نحرك
تـضـيـعـلك گـمـر مـهـيـوب حـتـه الظلمة تنتظـرك
لـچـن لـو عـنـدك الـعـباس ابحلم محد تره يمرك
مالـي غـيرك اگـعـد ابـفي اللوه
تمشي عني يختلف حته الهوه
ليش الماله اخو امبينه ابمشيتة
تـرضـاها اخـوك ايـطـيـح بـيتـة
٭٭٭٭٭٭٭٭٭٭٭٭٭٭٭٭٭٭٭
ياكشخة اخيامي وعلي،،،مو بس اخو انته الي
ديرة اوطن يمك صفن،،عباس يالمة هلي
يعينه الله اليضيع اخوان شلة اخلاف عيناهم
يـتـمـنـه يـمـوت ابــساع ويـدفــنــونه ويـاهـم
شـمـادور عـلـيـهـم ليش بـيـن اگـبـور يلگاهـم
تضل روحه تدور اخوان كــل ساعه ايتعناهم
لچمة الـفـاگد اخـو مـيـمره نـوم
تشوفه من ايطيح مايگدر يگوم
الوجع گاعدلي بخلافك لگيتة
تـرضـاهـا اخـوك ايـطيح بيتة
٭٭٭٭٭٭٭٭٭٭٭٭٭٭٭٭٭٭٭
عيني عليك وعالعلم،،،يلعايف الظلمة ابخيم
عينك اصدلها اشكثر،،،،خايف عليها امن السهم
اول خـــويـــه اسمـعـهــا واخر خويه من جــودك
اشيضل بحسين ياعباس مـــن تـتـگـطـع ازنــودك
يل امفشل الشريعة ابماي گصتك تنزف اوعــودك
ثلـث تـيام اضـل عـطشان يـاخــويــه عـلى مـودك
ادركني خويه اشلون الي لمن تصيح
خـاف اتـاخــر تــــره اوگـف واطـيـح
حسين اخلافك ايموت ابحميتة
تــرضـاهـا اخـوك ايـطـيـح بيـتة
٭٭٭٭٭٭٭٭٭٭٭٭٭٭٭٭٭٭٭
منين الصبر عگبك بعد،،،لامن اخو لا من ولد
انته الچنت كلشي الي،،خلافك بعد مالي سند
لونـشـدتني زينـب ويـن راعـي اخـيـامنه الكافل
عـمـود الخيمة اطيـحنه المعنى طاح ابو فاضل
حـنـين الـمـاي البـجـودة چـنـه امن السـمـه نازل
وسكـينه تصيح ابصوت مايـك للـخـيـم واصــل
مـن تطيح انته خيمنه تـحـتـرگ
زغـار وكـبـار ابـحوافـر ننسـحگ
النضر عباس ياخوية عميتة
تـرضـاها اخوك ايطيح بيتة
حسين علي الگرغولي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
17 June 2025 08:46
عندما خاطب الامام الحسين ع الانصار وقال
"هذا الليل قد غشيكم فاتّخذوه جملاً، وليأخذ كلّ رجل بيد رجل من أهل بيتي، ثمّ تفرّقوا في سوادكم ومدائنكم، حتّى يفرّج الله، فإنّ القوم إنّما يطلبونني، ولو قد أصابوني لهوا عن طلب غيري".
فأبوا ذلك كلّهم."وقالو
ماعدنه غيرك يسوة واحد عشگ
كلها چذب يحسين وانته الصدگ
سبيعن زلمة حطنه بحزامك
يحسين كلنه انطيح گدامك
انصار،،،للثار،،،مـن بـاب الـعـشـگ يادمـعـة المغرب
اجيناك،،لگيناك،،،وكت الحرب واگف وگفت امعزب
يابو علي عشرة عمر صحبتنه تستاهل
انطيح ابكثر ماكربلة فطرها ابو فاضل
اچـفـوفنه انـمـت ألك مـدت بشر سائل
ياحيل يبرد سيدي وعالسادة اكو عايل
شنعوفك وخـيـرك يغـرگ الزمن
احنه الكبرنه ابخبزت ام الحسن
مانـنـسه يـامــولاي ايـامـك
يحسين كلنه انطيح گدامك
٭٭٭٭٭٭٭٭٭٭٭٭٭٭٭٭٭٭٭
احلام،،،ايام،،،شهر ربعك طلعنه وشيخنه امشيب
سبعين، ،، ميتين،،،قائدنه حبيب اهلال ومحدب
اخـتـارنه ابـكـيـفك بـعـد وانـثرنه بالهيمة
فصلنه گدام الضعن خيمه احله من خيمة
وكـت الـعـطش يابوعلي نكشخلك ابغيمة
جـنـديك الـعـاشـگ يـهـب بالغربة تسليمة
وكفت زهير وعابس ابصف وهب
لمـعـة الـحـر والباقي مثل الذهب
انصار بس احسبنه خدامك
يحسين كلنه انطيح گدامك
٭٭٭٭٭٭٭٭٭٭٭٭٭٭٭٭٭٭٭
عالروح،،،للروح،،،بيارغنه ابفرح مولاي شلناها
لاوين،،يحسين،،،حـتـه ابيوتنه وعيناك عفناها
هـيـهات نـمـشي ونـفـترگ ماترهم انعوفك
واحنه انفطمنه امنالزغر يحسين بحروفك
يابـو الـمـحـنـه التنفرش من باب معروفك
العـمـيان لـو صدت الك هم ترهم اتشوفك
ماتنخفي شمسك يوجه الصبح
ياغبشة الله البيـهه حيل الفلح
احلامنه طاحت على احلامك
يحـسين كلـنه انطـيح گدامك
٭٭٭٭٭٭٭٭٭٭٭٭٭٭٭٭٭٭٭
ياخوف،،وسيوف،،چــفـك مـانــهـده لــو تگـطعنه
هلحان،،،اذان،،،صـلاة الـعـشـگ يـمك راح تجمعنه
حـيـل الـعـشگ يمك عثر ضاع ابغمگ كلبك
شـفـنـه العطش يمك يحن ويغازل ابرسمك
الـمـايـلـگـه مـاي ابـكـربـلـة يتباوع الوجـهك
حته الحمام الماله عش يغفه ابطرف هدمك
نـفــديـك لازم جـيـنـه نـتـوســلك
مــو شـفـنه حته التعب يركظ الك
ونطوف جينه ابعتبة اخيامك
يحـسين كلـنه انـطيح گدامك
٭٭٭٭٭٭٭٭٭٭٭٭٭٭٭٭٭٭٭
بحماك،،،وياك،،،دارت كربلة ورماحها انحدت
عالموت،،والصوت،،،فدة صحنه وبيارغنه ابهلة انعگدت
عـطـشت صـوارمنـه ابكـثر ماللدمه حنن
ارزقـنـه موته ابحظرتك والجثث ينجرن
مانحمل انشوف الخيم يحسين يحتركن
اشـلـون ابـنـاتك عالجـمر مولاي لوركظن
هايـه رگبـنه وياك تهوه الــذبح
لاسامـح الله عليك مــن الرمح
حسرات شيطلعهن اسهامك
يحسين كلنه انطيح گدامك
حسين علي الگرغولي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
14 June 2025 09:18
#لمولاي مسلم أبن عقيل)(صلوات الله عليه)
مسلم غريب بكوفته...صار وتبدت حيرته
ياوسفه والغدرت علي هم غدرته
خطواته تشرح غربته...يا هظمته ويا حسرته
ومبين بعينه الحچي من دمعته
حبر عالورقه الرسايل والصدگ مبيوع عدهم
همه نفس الكتبو إقبل من أجه أتبخر عددهم
باعوا السيف بدراهم وخسرو وضيعو رشدهم
بأبخس ثمن،،، باعوا ضمايرهم ترى
بأبخس ثمن،،، خسروها دنيا وآخره
مسلم وسف.... محد يراعي حرمته
......
چم ألف منهم بايعه... وچم ألف گالو شايعه
والهظمه چف البايعه رد ضيعه
ألكوفه كلها عافته... بس طوعه منهم نصرته
محد فتح بابه أله ولا شرعه
من قبل ما يختبرهم ما لگه بيهم الموقف
سعف كثرتهم لگاها بالهوى وبالصنته يرجف
عن طريق الحق جدمهم بأول المشوار يزلف
شح الوفه،، وماندت أگصصهم خجل
شح الوفه،،،، بوادم مواقفهم فشل
وحده بقى.... وبعيونه بانت كسرته
.........
ليل ويدير بناظره... مهظوم محد ناصره
أمبين غريب بمشيته يا كسرته
أمن حسين مرسول وثقه.. يتلفت الوحده بقه
ياحيرة اعيونه ودمعته وغربته
يلتفت يمنه ويساره وهذا حال اليبقه وحده
لا أخو اليلزمله ضهره ولا أبن عم اليسنده
الليل لو چلچل يخنگه وشدة الحيران شده
ألمن يصد،،،، ومن العطش لونه ذبل
ألمن يصد ،،،،وبالكوفه ماعنده أهل
محد عرف... قدره وفزعله النصرته
..........
ياحال ألبحاله سده... والهم بدلاله حده
ماينوصف حاله وبعد محد أله
يم بابها طوعه وگف.. بس هيه التنصره عرف
فتحت الباب ونادته مية هلا
عاينت برسومه حسره وشاهدت بعيونه حيره
گلهه آنه هنانه غريب بلا گرابه ولا عشيره
بچت لمن سولف ألهه وعرفت أتحتم مصيره
خيمة بخت.. طوعه ونعم من هلأسم
خيمة بخت.... بموقفها تنعد عالزلم
التعشگ علي... بس هيه تعرف قيمته
..........
ياويلي من طر الفجر.. وتحاوط بجيش الكفر
مغضب طلع وبچفه صمصام القدر
وبحومته مسلم ثبت... وتتجادح عيونه غدت
چنه علي ومن سيفه ماصح المفر
حاوطوا من كل جهاته وكله أصرار وعزيمه
حفرو المسلم حفيره درو مايرضى بهزيمه
سلمو ورقة أمانه وغدرو بمسلم حريمه
ضاع الوفه ،،،من طاح بچفوف الغدر
ضاع الوفه ،،، وشمروه من فوگ القصر
وبعد الذبح .. بحبال جرو جثته
..........
✍️ حسين حمدان الدلفي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
14 June 2025 09:16
ياهلا بضعنك يغالي وهلا بكل القافله
طلَعَ الضعنُ عَلينا امن المدينه لكربله
خطواته الكلهن تنباس.. ضعنك بي بخت العباس
———————-
هلا تنگل هلا بگد المسافات
رمل خطواتكم يتسوه تربة
الگاع الكم گفض شنسوي بالگاع
اهل البيت انتم واحنه غربة
هلا بكل الاجه امن احسين لحسين
الخادم فتح بيته وفتح گلبة
اهلا ياخيرات الله .. يمشرفنه بعبدالله
احسين انفاسك تتصلى
اگلوب الوادم كلها بيوتك .. ياراعي الديرة
اتكتر يحسين اتكتر … احنه النتعبلك نگدر
نبني اخيامك مو بالبر
الما يبنيلك خيمة ابيته .. ماراضع غيرة
حط رحالك واحنه نطلع نبني لضعونك خيم
كل سواد ابيوت اهلنه انثوبه لقماش العلم
كل خدامك رفعة راس .. ضعنك بي بخت العباس
———————
هلا يابو علي و ارحب يعباس
هلا بقاسمكم وبنفاس الاكبر
مواكب كون نترس درب الاعراگ
وعله كله الضعن بالماي نفتر
هوادجكم خشب والخشبه الاتطيح
نلم هذا الخشب ونصنعه منبر
گاع الطف من گبل اسنين .. مكتوبه بأسمك يحسين
عوف الگاع اگعد بالعين
انصب خيماتك عالغيمة .. خاف يعطشونك
بنص الضوضاء انت الراي.. يم كل مشمس انت فياي
انت الما تحتاج الماي
الماي الذليته بشفتك .. مات اعله اعيونك
مايك ايغرگ الصحاري وجوه كل خيمه انفرش
وجي يمن بروحه عفته الماي طلگته بعطش
هو العافك عنده احساس ..ضعنك بي بخت العباس
————————
خدامك كفو وكلهم معازيب
واحدهم فتح بيته وشليله
نوج تنورنه ونذبحلك الماي
بزرنه نذبحه يمك هم قليله
يمولاي اسمحلنه انلاگي الانصار
امهات الخدم تتلگه العقيله
نوّخ نوگك وتهنه .. خل نشتم بيك الجنّة
الخادم يخدم يتمنه
هاي الخدمه ابخت الزهره .. وربك محروسه
يالما تتوفه اديونك.. هاي الوادم يردونك
خل نترس بير اعيونك
اشيطلع دم ذريته اللازم .. رملك ويبوسه
موتت الخادم بروده وعيشة الخادم جمر
و الدقيقه البيها خدمه تسوه ثلثين العمر
تسوه الدنيا وما تنقاس.. ضعنك بي بخت العباس
——————-
نزرع كربله بماي وبساتين
لو ندري العطش يمك يعاند
بوب ابيوتنه نسويها كاروك
ينام ابنك رغد وامچانه بارد
واخيام المواكب يم الاخيام
ننصبها وندگها بوتد واحد
غيرة وجاست خدامك ..إزرعنه اباب اخيامك
خل نتبرك بجدامك
ونوزع ماي اعله اضعونك.. من بطن الغيمه
تحرس خيماتك وادم … واحدهم رتبة خادم
ونجيب شموع القاسم
وللقاسم ما نشعل شمعه.. نشعله الخيمه
ونحرس اعيون الكفاله نبله خافن تعبره
ذوله خدامك نشامه وناس كلها معتبره
بنسمه اعيونك ماتنجاس .. ضعنك بي بخت العباس
————————
فطره وهيج نتجرأ يالحسين
نگلك خل نعزبك يا دخيلك
بس احنه بشر ما نخدم انموت
الهلا يحسين نحچيها بسبيلك
مو طب العرب محتاجه وايطيب
الهلا وكل الهلا اتطيب عليلك
يمعلمنه امن انعزب .. ما نتعب بس انتعب
من المغرب للمغرب
كون بلون المغرب جنها .. اعيونه السهرانه
انت التختار اليسوه .. كون يموت اعله الخوه
احنه الراحولك فدوه
احنه بكلشي تحسه يغثك .. عابس تلگانه
ياهلا بريحة محمد احنه يثرب بالفله
(طلع الضعن علينا امن المدينه لكربله)
نقرالك يم كل الناس .. ضعنك بي بخت العباس
————————-
علي هادي الخزعلي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
14 June 2025 09:16
استقبال محرم الحرام
اجه .. البخت .. فرشولة السِنين
ضوه .. الخدم .. عاشور الحُسين
أيام و يجينة .. ابو روح الحنينة
عاشور الحُسين
———————-
همو اديكم .. طب عليكم .. روحه بيكم .. يارجالة
رفعوا الاعلام .. شيخ الاعوام .. ظلن ايام .. إلهلالة
ايفرفح العربي اعله ضيفه ضيفو عاشور الاصب
لكل شخص قادم كرامة وهذا ضيف اعله العرب
ضيف الحسين شمعزته وجيته نشريها برگب
گرب .. عطر .. خدمتنه الحنين
دوه .. وهوه .. ودين العاشقين
عم عطرة المدينة .. ابو روح الحنينة
عاشور الحُسين
——————-
عادة عدنة .. تخص سلفنة .. لليحبنة .. وما يحبنة
لليجينة .. نحطة عالراس .. وننطي يا ناس .. دم گلبنة
احنه ضيف العادي هذا انصبّة يا مية هله
كيفَ والقادم محرم والحچي بي كربله
يله لَبسوا الدنيا اسود وصلتنه القافله
بده .. يقل .. عدّاد الزمان
گرب .. ضعن .. صمام الامان
واحد منّة بينة .. ابو روح الحنينة
عاشور الحُسين
—————————-
جازي خيرة .. شعدنه غيرة .. المستديرة .. كلها بسمة
سيّد النور .. هذا عاشور .. اختصارة .. خدمة خدمة
احنه ضاوين بخدمتة من رخصتك يالضوة
احنه نتنفس محرم هذا روتين الهوة
للعليل احنه بلطمنة بكل سنة انثوّب دوة
دمع .. زلم .. مو هيّن يطيح
فده .. ونذر .. لعيون الذبيح
نموت وما وفينة .. ابو روح الحنينة
عاشور الحُسين
————————
كلنه نعرِف .. الخدمة موقف .. اعليها مشرف .. ابو فاضل
بعالم الحب .. للمجانين .. والله الحسين .. حبة قاتل
احنه من ندگ صدرنه يعني نختم عالعمر
اليوعد ابنادم نعرفة يدگ چفوفه اعله الصدر
احنه صحبان الطويلة ومن نحب ما ننگدر
شرف .. چبير .. ربّانة العزاء
كنز .. ثمين .. دمعة كربلاء
وادم مشترينة .. ابو روح الحنينة
عاشور الحُسين
————————-
ماكو اشرف .. منها والطف .. خدمة الطف .. العظيمة
فقرة كلنه .. وكل حلمنه .. للخدامه .. نبني خيمة
نشتري الخدمة برگبنه وننطي روس وما نبيع
وليلة العاشر تكتله الربته اعيون الرضيع
نحسب احساب لمحرم گمنه من واحد ربيع
فقط .. حُسين .. سلطان القرار
عشگ .. عبر .. لگلوب الزغار
ربّان السفينة .. ابو روح الحنينة
عاشور الحُسين
————————
نظل نتاني .. اعله الثواني .. والمباني .. اعليها راية
يا محرم .. شمنك اكرم ؟ .. مو وسيلة .. انت غاية
انت مو موسم تجينة الموسم يخلص تره
انت الملوحة الـ بهلنة وانت عفية معتبره
و بس على ايامك محرم ننسأل بالاخرة
صرت .. ملك .. امهيمن عالشهور
شهر .. بچي .. تاج اعله العصور
يلحقك علينة .. ابو روح الحنينة
عاشور الحُسين
————————-
علي هادي الخزعلي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
14 June 2025 09:15
#محرم_الحرام
من تهل يا شهر ..تنگطع رگبة طفل
وما يظل واحد عدل… ببيت الاحسين
يالهلالك نحر .. وانگطع من الگمر
انت تدري اعله النهر .. تطفي يا عين؟؟
لا اله الا الله
ابو فاضل طاح الواه
——————-
انت ذباح بطلعتك ارجع ارجع لا تهل
تذبح انت وما تفرّق لا چبير ولا طفل
اشما اباوع بيك صورة زينب تهزها الهزل
لا تهل ظم روحك اهلالك مصيبة
بيك لازم نقرة زينب يا غريبة
بيك ما نحسب دقايق شيبة شيبة
يا اساس السبي .. ويا اساس التل هذاك
يالجبت موت بگفاك .. وتمطر جروح
يالبچالك نبي .. وام وابنها ينذبح
وراسه شابگ عالرمح .. ونحره بيه روح
انت موقف ما ننساه
ابو فاضل طاح الواه
————————
من اگلك ارجع ارجع مو اقلل قيمتك
يا عطر ذبحة ابنها الزهرة تكره شمّتك
وما تسميك المحرم يا ابو مذبح سمّتك
عدت يوم السطرة ذاك وكسرة الباب
وطلّعت روح ام الاحسين امن الاصواب
بيش نتلگاك وانت امكّطع ارگاب
يالطلعتك رمح .. توگف بعين اليشوف
هلّتك تگطع چفوف .. امن اخو زينب
ليلك ابلا صبح .. وريحتك توحي لحرگ
خيمة مبنية بعشگ .. ونار تلهب
وكلشي ميت واويلاه
ابو فاضل طاح الواه
——————-
مره جيب وياك ضحكة دوم جايب كربلة
انت سابي الـ(عمّه) زينب وانت راعي السنسلة
يالهلالك چنّه خنجر گطع راس البسملة
بنجمتك يهلال نحسب خمس اصابع
واصبع امن ايد الاحسين لهسه ضايع
إله اموت امن البچي بليلة السابع
يالذبحت الگمر .. وطشرت كل الخيم
وطيحت وي العلم .. عيون ومتون
انت اسمك خَطر .. من اباوعلك اموت
ونبلة بعيوني تفوت .. وصوت ميمون
بلا يساره ولا يمناه
ابو فاضل طاح الواه
—————————-
يا محرم دير وجهك زينب تشوفك حبل
الروس ماي اتطلبك انت وزينب تطلبك هزل
صيفك يجمّر محرم وبالشته تمطر نبل
ياهلال وسيف چنك گاطع الراس
محني چنك حنيّة احسين اعله عباس
بيك صورة خيمة تسوه وتحرگ الناس
شعندك ويه الخيم .. وليش تركض عالستر
وليش فرحّت الشمر .. وسكنه تبچي
ماكو واحد سلم .. يالگضيت العائلة
وركضِتهم كربلة .. وياك شحچي
راح اگلك بس احاه
ابو فاضل طاح الواه
——————
انت شايل روس تضوي وشبعت اتراب وحجر
مو نخل زينب ضعنها شلون بحجار نشمر
وراس عبد الله الزغير امن الرمح كلش كبر
شوفلك غيمة چبيرة وهِل خفّية
طلعتك تذبح محمد ع السبية
انت گطّاع التراچي المن رقية
انت صورة قصر .. وطفلة تشبگ عالطشت
وچم محمد عطشت .. وجم زچية
كلشي منك حذِر .. عالترابة شنومت ؟
بالخرابة شموتت .. هاشمية
تدري لونك لو شفناه
ابو فاضل طاح الواه
———————-
علي هادي الخزعلي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
14 June 2025 09:15
خادم متوفي يتكلم ..
رجّعني يارب وافتح العين
يگضي العزه وموتني بعدين
متعود الطم گبري مخنوگ
زلمة انه احب ابچي اعله الاحسين
__
عالمگبرة ابعيده المجالس
واليمي موته وماكو حرگة
تعرفني ربعي بطاري الاحسين
متعود اعله الثوب اشگة
بالنص احب كلش وگفتي
وهسه اللحد خانگ حرگتي
متعلم امن اجزع عالاخيام
ايشيلوني ربعي ودمعتي الثام
بس هسه شالوني اعله تابوت
و ماادري گبري ابصفمن ووين
~~~
اقرولي حته اتنفس اهناك
خنگة خرابة المغربية
فوگ الوجه ما ريد كافور
حطولي طين امن العزيّة
شفت التراب الفوگ گبري
والتل ذكرته ومال ظهري
حطوا اعله گبري احجار الاكبار
حسين اعله صدرة ارماح واحجار
ذمة برگبته اليشعل ابخور
ابدخانه اشم حرگة صوواين
~~~
بطعم الدمع يلگوني فرحان
لواسمع ابمجلسنة باچر
متره وربع شتكفي للچان
يركض اذا يسمع حوافر
امن الممكن اكسر گبري واطلع
من أسمع اليذبح تربّع
لحّد يرش فوگ الگبر ماي
خافن حرگتي تزعل اوياي
العطّش حبيبي الكاسر اگلوب
ايأثر عليه وذكرة مو زين
~
بس عاليهّفي الجمرة ترتاح
هفولي لاتبرد جمرتي
ايهفيلي چنة اليلطم الشور
وبلطمته ايحرّك حرگتي
اتطلعني من لحدي المصيبة
امن اسمع قصيدة(مو غريبة)
يومية اگوم افتر عالگبور
هلبت گبر بي عشرة عاشور
عدكم سبية وزلمة مذبوح
صحت اشكثر بس كلها ميتين
~~
چفنوني بثياب العزة السود
قانوني هذا و مو وصية
ذكرني بحبال السبيات
من الچفن چتف ادية
العاشر يمرني ويا ندامة
عندي الچفن بس عوزي قامة
وبروحي حسرة اتنشّف الماي
صعبه تچتّف رجل مشّاي
آنه الابيْت ابّيتي زوّار
لكن متت وامچاني شبرين
~~~~
علي هادي الخزعلي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
17 June 2025 08:51
سيدي و مولاي الحسين عليه السلام
يخاطب أخيه قمر بني هاشم عليه السلام
وين ما عده الله طولك
الليله أشگن زيجي يمه
مطشرينك يلمعتبر
و جسمك شلون آنه المه
ريت أعمه و لا أشوفن هيج حالك
ليش طاوعني دليلي و أجه گبالك
خويه وين الثكله ثكله متانيتني
أكعد و حاجيني خويه هدل متني
هاك حيلي و گوم ألحك على عيالك
يا أخوي تفرهدينه يا أخوي
يا أخوي كوم لينه يا أخوي
شگد أصيح و ما تجيني شكد أصيح
يا أخوي تيتمينه يا أخوي
=======================
فرفحتني و باد حيلي
يا گمر كل الضعينه
لبلمخيم كلها تصرخ
شوكت چا عمنه يجينه
يابو فاضل گوم ليه حسينك آنه
أنته جسمك علترايب مو مچانه
ليش ساكت خويه والله نگطع گلبي
گول چلمه و خل أرد ما أتيهه دربي
حسين أخيك بلمدامع شگ ردانه
راح اموت و ساكت انته راح اموت
راح اموت حالي شفته راح اموت
ضهري مال خان بيه ضهري مال
راح اموت و موتي سكته راح اموت
========================
شلون ألمك يلمطشر
و انته حيلي و راح حيلي
گبال شماته آنه كاعد
خويه ألم بيك بشليلي
هدمي خويه ضل يگطر دم سنينك
گوم ليه يلمطشر وآنه أعينك
ما سمعت الخويه منك ليش تبعد
محلفك بـ أمنه الزجيه خويه أكعد
عوف كلشي و رد عليه أفتحلي عينك
يلحنين هاي هيه يلحنين ؟
يلحنين هاك أديه يلحنين
لا تروح آنه وحدي لا تروح
يلحنين حن عليه يلحنين
======================
الخيل غارت خويه لحك
الخيل غارت وانته نايم
بيك غرگانه الشريعه
و دمك مشبع الصوارم
شلون بيه لو تضل عل غبره طايح
يابو فاضل صوتي راح أمن نوايح
خويه ضاع الليله عمري و ضاع كلشي
خويه متگطع دليلي و مات هرشي
والله خويه الذبح راسك لگلبي ذابح
يا غريب يابو فاضل يا غريب
يا غريب و انته كافل يا غريب
ما اروح خويه عنك ما اروح
يا غريب حملي مايل يا غريب
=======================
يا أخوي الموت أهون
ولا اشوفك هيج صاير
يابو فاضل وينه جسمك
خويه شمسوية الحوافر
مطشرينك ليش خويه و باقي عاري
من يمنتي توگع انته و من يساري
خويه أختك ياهو ألها يل عفتني
وين أضمك هاي زينب ليه أجتني
خويه زينب ياهو ألها بهل ضهاري
يا كفيل ياخو زينب يا كفيل
يا كفيل جتني تنحب يا كفيل
لا تروح و تترك أختك لا تروح
يا كفيل گلبي شيب يا كفيل
يا قمر بني هاشم 💔
اللهم عجل لوليك الفرج
علي حسين الخفاجي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
17 June 2025 08:51
السيدة رمله أم الأمام القاسم
تخاطب سيدي و مولاي
القاسم
﴿عليهم السلام ﴾
بعرسك ذبيح بحنتك. يبني و يا سلوتي
.....
ييمه أريدك ترد
يعذب دليلي البُعد
يجاسم يعطر الورد = لا لتروح
تعذبك ييمه الشمس
أريدك تحلي العرس
ترد چنك أنته من أمس = مو مجروح
يرد ضَيك گمر و تطفي أنته القهر
الدمه بوجهك يضل من يا وكت = و انته فوك الترب
تگطع گلبي ألك ييمه شعطلك
دحاجيني يبعد أمك ترة = ما ضل عندي گلب
بعرسك ذبيح بحنتك يبني و يا سلوتي
=======================
يجاسم يبعد الگلب
العمر والله دونك صعب
لخيمنه أريدك تطب = گوم وياي
يروحي و يأنس العمُر
يعذبك ييمه الضهُر
الشمس انتم الكم ذخُر = و مامش ماي
يذخر أمك أفه نورك شو طفه
شمس الله بقت تأخذ مدد = منك و انته الضوه
دليلي بس يرف يمضيع العرف
شو مالك نفس و أمك بقت = دونك متشم هوه
بعرسك ذبيح بحنتك. يبني و يا سلوتي
=========================
أعرفك تلاگي اليجيك
العرس خيل أجه و مر عليك
دمه و حنه صارن بديك = يا ملچوم
يكون آنه أزفك بچي
و أكوم أوگع و أرتچي
و يضل يمه كله الحچي = يا محروم
العرس يبني نذبح و دليلي آنه نجرح
يبعد أمك يلب گلبي القهر = يمك لا ما يشح
خلص يبني الصبر أكومن و أنهطر
شعجب ساكت وأنه حالي صدگ = ساوم حال الذبح
بعرسك ذبيح بحنتك يبني و يا سلوتي
==========================
أعله طولك تمر الخيول
أشوفك ييمه و شگول
العمر بعدك أشما يطول = أبقه أبچيك
يعذب يجاسم جفاك
يكون آنه أموتن وراك
أخذ روحي أخذ گلبي هاك = حسره أعليك
العمر دونك حلم أعيشه و أنلچم
يميت يمتى أموت و أرتحل = حتى نرجع سوه
يلمهدل المتن ترجع ما أضن
يلمگطع الأمل يلگطعت = گلبي و گاطع هوه
بعرسك ذبيح بحنتك يبني و يا سلوتي
============================
تمنيته يبني حلم
وأفز و الگه أبني الشهم
بجسم أبني آنه ألم = ما صدگ
ييمه بدموعي أرتجيك
و تضل أيدي يبني اعله ديك
سكت گلبي يمه عليك = و ضل ميدگ
يبعد أمك أريد. يفز أبني الوحيد
تفز يبني و ترد بيه النبض = يمه گلبي نگطع
يجاسم لا تغيب. ييمه يلحبيب
لتگلي متت هم ما ترد = ياهو مات و رجع
بعرسك ذبيح بحنتك يبني و يا سلوتي
اللهم عجل لوليك الفرج
علي حسين الخفاجي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
17 June 2025 08:50
مولاتي العليله عليها السلام
تخاطب مولاي علي الأكبر عليه السلام
حاجيني يبعد اختك يلأكبر مو عليله آنه
أبوي يحمل جروحي حَمل بيده صيوانه
لمهم كــل اهل بيته و كـلمن ياخذ مچانه
و ضليت آنه محتامه ميته و روحي ذبلانه
ملجومه أخيتك يا بعد گلبي
حاجيني دخيلك تيهت دربي
حاجيته أبوي و نزل عيونه
ما ياخذني أضن و يأخذ ضعونه
حاجيته و بچه و مارد
أبوي الما يرد أحد
مدري شسولف بعينه
دموعه تبعثرت علـ خد
==================
أروح وياكم اخذوني أخيتك آنه لتردها
يابس دمي من كلتوا العليله رايحه شعدها
أول تالي يلـ أكبر أختك تبقه وحدها
حاجيني نگطع گلبي أختك ياهو ياخذها
ما تدري يروحي شصاير بروحي
مجروحه أخيتك و انتم جروحي
اخذوني يخويه وياكم اخذوني
عيوني من البواچي يذبلن عيوني
أهلي و من تعوفوني
بجفاكم تموتوني
ليله چن ألف ليله
خذوني وياكم خذوني
=================
يبعد اختك يلب گلبي لـ ابوي البل وجه داير
طارش انته روح أبچي بلكي تغير الخاطر
عليك الخوه يا خويه گلبي لبسمته يناطر
ما عندي صبر يعگوب مو يوسف تره مسافر
لحسينك يخويه أجبل بـ كلشي
وكله أختي العليله شلون ما تمشي
أول تالي ميته شلون تجفوني
مو آنه مريضه شلون عفتوني ؟
أهلي و أمشي وياكم
شما تمشون أدناكم
خويه يا علي الأكبر
بدمعاتي ترة أقراكم
=================
شوف منلـ قهر خويه رداني مبلل بدمعي
أبوي الماخذاني ويا بدمعاته نطق رجعي
بفراگه لون الليل و بصبحيتي أدك ضلعي
ياخويه نكسر گلبي ياخويه و تعب وضعي
ياخويه أروحن فدوة لسنينك
أكدر آنه أمشي و شوفني بعينك
شكد أبچي هظيمه ينكسر حالي
ميته ولا أشوفه الضعن يبرالي
وين الله و يجيني الموت
حالي چن خشب تابوت
وينه اليسمع جروحي
مهظومه و فگدته الصوت
اللهم عجل لوليك الفرج
علي حسين الخفاجي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
17 June 2025 08:50
شجاعه
لـ مولاي مسلم أبن عقيل عليه السلام
صرفن أردانه و چل على الكوفه
غمگ بسيفه. و عينه ملهوفه
محد يجرعه مُر لون يهجم
يهجم الدنيا بيوت هم يهجم
هلهلت طوعه و دخل للكوفه
بدمهم يحني رحيح جفوفه
چنه أبو فاضل تريس بيها
مسلم و طگاته ما موصوفه
هلا ويا هلا
دخل للفله
بچثثها شمر
وصل كربله
يشيل الشهم
و يگطف زلم
و تضل طوعه بس.
تگله ونعم
=======================
بموتهم شارط. بسيفه الباشط
جيش ضد واحد. فوگها يزامط
عارك و غمگ. و الگصص تعرگ
اليوگف گباله. بيمنته ينطگ
أغتاض بيها و من نزل خلاها
الروس ما تنعد شلب سواها
بس أبو طاهر تگوطر بيها
الحومه بلخنصر لوه و جراها
يتگابل صعب
چبير الحرب
على المعركه
يكر و يطب
أبد ماكو حل
لونه نزل
يگص الرگب
و يسوي الأجل
=====================
شافت أعلومه. و رجفت الحومه
نزلت الدنيا. لطارف هدومه
شافوا الصارم. و ركظوا الوادم
هاذا مو واحد. كل بني هاشم
تشيخ و طب بيها شاف العيله
الزلم مو نسوه و بقت تبچيله
محد يلحگ يفر من أيده
ركضوا و سووا هدمهم شيله
يكرها الصمد
نفر چن عدد
يخلص ذبح
ويصيح بعد
يدگ الصدر
وعليهم يمر
يشيل الزلم
و يشمر شمر
====================
ضاج أبو طاهر. و الله بس ساتر
تلثم و طبها. طبت العاشر
طبت الكافل. بكوفته نازل
مالت الدنيا. وهوة ما مايل
أتريس اعله الحومه أبن الساده
ياهو يجبل بلحرب يتماده
غير أبو طاهر تبعتر بيها
شرد أجنود الزلم و القاده
يصول و يطر
بخيت اليفر
لواهم لوي
و دماهم تدر
سفير العرب
صعب لو ضرب
عليهم وكف
و ذبحها الرگب
=====================
تبختر الأشوس و ركها بذراعه
طبعه يتبختر. و حلوه أطباعه
الدنيا ممروده. وشيخها أبزوده.
شرد الوادم. برفت أزنوده
هاذا مسلم مو قليله أعماله
شرداها الخيل و الخياله
يشرق يغرب يضل أعليها
ياهو يگدر بلحرب يدناله
الوصل يبتلي
يطگ چن علي
گضاها الخلگ
ولاهم ولي
أبد ماكو أمل
گضاها الفحل
نزل وحده
و بطل من نزل
اللهم عجل لوليك الفرج
علي حسين الخفاجي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
17 June 2025 08:48
لسان حال مولاتي فاطمة العليلة ع بعد رحيل والدها
حاچـيـني يادار ابـهلچ ويـن
عافـونه بس عافـونه ميتين
تعبنه حيل افراگ اهلنه
يوميه ماخذ حيل مـنـه
ناشـدتچ وگلبي انـفطر ياعلـة اونيـني
يادار وين اهلي مشو بلكت تحاچيني
معقولة ماخذهم زعل المافارگو عيني
چالـيش لو طبـيت الچ محد يلاگـيني
من ابتوت گلبك لو شخص راح
تگـضـيهـا ونـة وكـضـة اصـفـاح
يمرون لا اهل المـحـنة
يومية ماخذ حيل منة
٭٭٭٭٭٭٭٭٭٭٭٭٭٭٭٭٭٭٭
الـيـمـد چـفـه اعـلـه الـحـلم لابـد يـرد خـالـي
والـصـور ماتـشـفـي الگلب بلكت تجي اگبـالي
عــايـفـني شــلـي بالـعـمر مـــن رحـت يالـغـالي
غـير البـچــي والـمـگـبـرة عـگـبـك بـعـد مـالــي
وكل ما افز من دگت الباب
عـبـالي ردو لـيـة الاحـبـاب
شمحلة الابو لمن تحضنة
يـومــيـه ماخـذ حيل منة
٭٭٭٭٭٭٭٭٭٭٭٭٭٭٭٭٭٭٭
ياعـطـرك اشتمه ابكـثر عطاب گلبي وهجرك
يالمامخلي امچان الي مو راح ناقص ضعنك
لا مـو عـلـيلـة وداعـتــگ لـمـن اكـضـن چفك
الـعـافـيـة تـردلي تـرة لوعـيني شافت وجهك
يابـوية لمن تـگـعد وياي
حنية اشبع واشبع افياي
وعـيـوني كل مادورنه
يومية ماخذ حيل منه
٭٭٭٭٭٭٭٭٭٭٭٭٭٭٭٭٭٭٭
ضمة اهدومك مو حرز ضـمـة عتب خليها
بحجة الي ترجع الي كل ساعة اسفط بيها
البنية من تفگد ابـو مـن ابـعـيد بان اعليها
غير الابـو مـن الهـضم ياهـو بـعـد يحـميها
ابكثر الدلال العايفة هناك
اتمنة اشوفك واگعد وياك
يابوية رد غير انتة جنه
يومية ماخذ حيل منه
٭٭٭٭٭٭٭٭٭٭٭٭٭٭٭٭٭٭٭
ضـاعـت بـيـاغـرهـم هـلـي ورفـت عليها اجفوني
وعــزاز گـلبـي الــغـربـو بـيـمـن اكــحـل اعـيونـي
شگد صوتي بـح لـمـن مشو بس همه ماسمعوني
يانـاس رحـمـوني مـتـت بلـكـي لـهـلـي تـودونـي
يادارنة العـطـشانة للعين
شيطبچ ومابيچ الحسين
اخبار ماوصلـتني عنه
يومية ماخذ حيل منه
حسين علي الگرغولي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
17 June 2025 08:47
اول حرمة گالت كلشي ماعـنـدي
فدة لحسين اروحن انه وي ولدي
ولد الحرة والحرة،،،تطيح لخلفة الزهرة
بلتني امحبتك بلوة،،،،،يماي وبيك نتروة
اعلمودك خلفت عباس،،،،اخذه يروح الك فدوة
اخذني انه واولادي اروح اوياك
اطلبك يمه طلبة حگ
أبحليبي رضعتهم بس سوالف بيك
وحليب الحرة مايعتگ
تره هذا الهوة ماهو هوة ابلياك
بدونك كلشي يتشبگ
تروح ابلا اخـو يـحـسين ماتـرهم
وانه امخلفة زلم بالحرب ماتنضم
لون عندي ولد عشرة،،،تطيح لخلفة الزهرة
٭٭٭٭٭٭٭٭٭٭٭٭٭٭٭٭٭٭٭
لمحبتك كل شخص ينجر،،،روحي وبزري الك واكثر
عدوة امحبتك يحسين،،،تشبه رحية العنبر
عميه اعيونهه التضم ولدها اعليك
وانته ابعازت الخوان
كاسرني الضعن هذا اليروح اوياك
يشبه نشغة الرضعان
من هالساعة دم اولادي اريدة ايصير
حنه وتارسة البيبان
اخذ اولادي حـرمل طشه بالبيدة
الـمـو راسـة ابرمح وياك مااريدة
مو بس مرة الف مرة،،،،تطيح لخلفة الزهرة
٭٭٭٭٭٭٭٭٭٭٭٭٭٭٭٭٭٭٭
اذا شفت العطش مايل،،،الماي ابوجه ابو فاضل
النهر من زغرة چان اوياه،،، ابجرة حاجبه نازل
چذاب الگمر ذاك اليجي باليل
اشو عباسنه من الصبح يطلع
الضوة والماي والمدري بعد يحسين
اعلمودك كلشي يتگطع
انه ناذرته واولادي اليروح اوياك
بعد للبيت مايرجع
فدوة يطيح يم حسين وحروفة
انه اموصيته يمك يشمر اچفوفه
ابني ورايتة الخضرة،،،فدوة لخلفة الزهرة
٭٭٭٭٭٭٭٭٭٭٭٭٭٭٭٭٭٭٭
الفزعة موقف ابكلشي،،،تمشي وياك هم نمشي
الولد خلفة حرب يحسين،،،اريدنهم كحل رمشي
ياعين التنام والنه حگ ماخوذ
عمية العين اذا تغفه
عمر السالفه لو دخن العباس
لون الجيش مايصفه
وكل هذا الحچي ومختصر فشلة تباب
ابساط ورايح ايكفه
شتلگه ابديرة طبها الكافل ابسيفه
بعد تدري باخوك ايفصل ابكيفه
اخوك ابكيفك اتأمرة،،،فدوة لخلفة الزهرة
٭٭٭٭٭٭٭٭٭٭٭٭٭٭٭٭٭٭٭
امشي اوياك خليني،،،لخيمكم يانضر عيني
لعبد الله اصير افياي،،،اناغيه ويناغيني
متعوده اعله عبد الله اشوفه اشلون
ماي ابچفي اشربنه
تسوة الغربة عندي هزة الكاروك
اريد ابروحي اهزنه
ابدال السهم خلي ام البنين تصير
نعاوي وبيها انيمنه
زغير وعالعطش مايرضـه المدلل
اريـد ابـدمـعي يروه ودوم يتبـلل
انه اندار يم عمرة، ،،فدوة لخلفة الزهرة
حسين علي الگرغولي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
17 June 2025 08:47
ياجسام،،،خلي سيفك يندار
ياجسام،،،عرسك ايصير الثار
بعد امك يمن، ،،ياجرح الزمن،،،ياتعب العمر، ،،ياحيل الحسن
يفراگك صعب، ،،،ماخذلي گلب،،،عمك وحدة،،،ابنص هاي الحرب
شد رايك ،،،واحزامك،،،، باوع للسمة
تلكها،،، ابعيناها،،،تشوفك فاطمة
ياجسام،،،فرحه ماضن تحتار
ياجسام،،،،عرسك ايصير الثار
٭٭٭٭٭٭٭٭٭٭٭٭٭٭٭٭٭٭٭
جاسم ياضوه،،،ياشم الهوة،،،عرسك حومتك،،،هاية نينوى
الحنه البلشمس،،،بيدك تلبس،،،دمك والشمع،،،رسملك عرس
من سيفك،،،وبكيفك، ،،يل كلك عزم
طب ليهه،،،،وذريها،،كل هاي الزلم
ياجسام،،،ابسيفك سوي الماصار
ياجسام،،،،عرسك ايصير الثار
٭٭٭٭٭٭٭٭٭٭٭٭٭٭٭٭٭٭٭
ابني وكشخته، ،،خضرة اعمامته،،،عباس وطلع،،،شفته ابشمرته
موسم منجله،،،يحصد بالهلة،،،،روس اويه الرگب، ،،،تارس كربلة
من الخوف،،،ضاع الشوف،،،والاخرس هتف
وداهه ،،ورداهه،،،لحد صوب النجف
ياجسام،،،ابخزرتك شب النار
ياجسام،،،،عرسك ايصير الثار
٭٭٭٭٭٭٭٭٭٭٭٭٭٭٭٭٭٭٭
ناذرتك نذر،،،ياتعب العمر،،،لحسين النفس،،،ويامرك امر
يابزر الدلال،،،ياسور الجمال،،،احله امن الورد،،،بعيون الجبال
بسنينك،،،لحسينك،،،مد روحك علم
وبعيناك،،يم مولاك،،،تتلكه السهم
ياجسام،،،گدر الفزعة اگدار
ياجسام،،،،عرسك ايصير الثار
٭٭٭٭٭٭٭٭٭٭٭٭٭٭٭٭٭٭٭
محلاته الولد،،،چن طير السعد،،،مد جنحه وعبر،،،والحومه حسد
رباي البيه سهر،،،مر لمحة بصر،،،جسام انذبح،،،ردالي نحر
شل حالي،،،هالغالي،،،كسران العمر
شميته،،، وضميته،،وفيت النذر
ياجسام،،،عطر دمك ينزار
ياجسام،،،،عرسك ايصير الثار
حسين علي الگرغولي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
17 June 2025 08:46
ابجرح الطف شفت طاحن عمودين
كـســرن بالمـواجـع ضـهـر الحسـين
هـنــه ثــنــينـهن طـاحــن لــعـبــاس
عـمـود ابخيـمـتـه والـثـاني بالـراس
راح عباس،،،،اعلى وجه حسين بين،،راح عباس
على الراس،،،تگابلنه ولطمنالة على الراس
لـيل لـيل اعله الـبـواچي والـخـيـم ماتـنـچـهب
الـبـلمـهـد شـيسكـته خاطر يقتنع ماكو شـرب
شمرت كل طوس اهلنه لان ماضل عدنه حب
الـمـاي الـبـچـف ابـوفـاضل مـاي ماشايل ذنب
فّـي عباس چـان ارمـوش عالـعين
بـس ابـماي جـودة ايعدل الحـسين
الچان ابماي اروحه يوزع احساس
عـمـود ابخـيـمـته والـثـاني بالراس
٭٭٭٭٭٭٭٭٭٭٭٭٭٭٭٭٭٭٭
اخذ روحي،،،الچان فّي دوم اعلى راسي، ،اخذ روحي
عاف نوحي،،،دمعي طاح اعلى الترابة،،،عاف نوحي
مـن مشـه عباس اخيي روحـي رفـت مو لـواه
الهضمني شلون اودعـه وماكو مـاي اشمر وراه
هـنانه معروفه اليـفارگ كسـرة الـخـاطر سراه
باوعت لحـسين وحدة وماكو اخـو لازم گـفاه
خـرسـة حـچـايتة الماعندة خـوان
ايـد اعله الضـهـر وايـد اعلة تربان
الهوة عباس عدنه وطيب الانفاس
عـمـود ابـخيـمـتـه والثاني بالراس
٭٭٭٭٭٭٭٭٭٭٭٭٭٭٭٭٭٭٭
شلي بالماي،،،اذا مو انته يمي،،، شلي بالماي
تعمه عيناي،،،اذا ماشوف طولك،،،تعمه عيناي
يـحـفـر ابـروحـة شـريعة لو سمع طاري الـعـطـش
نــهــر مــن جـودة يـطيـح ويـــم الاخيام انـفـرش
يـاشـريـعـة لـعـين زيـنـب ضـامـة لــطـولك نـعـش
مــن وگــع عــبـاس كـلشـي صـارلـي ليـل اهدعش
گالو طاح واسمع صوت السيوف
مال حسين شفتة وذب الچفوف
هنا شـفـنـه شكثر تتشمت الناس
عـمـود ابـخيمته والثاني بالراس
٭٭٭٭٭٭٭٭٭٭٭٭٭٭٭٭٭٭٭
للمحنه،،،طالبتك يخويه،،،، للمحنه
اتروح عنه،،،مو بحساب كلبي،،،اتروح عنه
مـن كـرم حيلة ابو فـاضـل مامخلي ابروحـه دم
چان حتـه حـسـين يفـرح مـن يـرف يـمـه العلـم
مـن رمـو سـهـم اعلـه اخية ركـظ يتلـگـة السهـم
حسين حس طاح ابو فاضل ركظ طيحها الخيم
صـاح حســين زينب راح الـفياي
گّطع روحه اخـوچ وماشرب ماي
من دم راسة شفته تارس الطاس
عـمود ابخيـمته والثـاني بالراس
٭٭٭٭٭٭٭٭٭٭٭٭٭٭٭٭٭٭٭
الوحدة الحسين،،،كاسر خاطري،،الوحدة الحسين
چنة ميتين،،ذبلنه اخلاف عينك،،،چنة ميتين
مـن تـگـابـلـنـة وگـعـدنه ولـمـة اخـواني گـضــت
راح عــــبــاس وبـــعــدهـا مــاكــو عـلـوية روت
حسين حاير شفته وحدة وعينه عالشامت بقت
الـمـالة اخـو بالـغـربة يفگد حيلة وعـيونـه عمت
اول مـرة هـيج حسـين محتار
يخط جدمه وعلينه گوة يندار
بله شـلـون لـو گـدامي ينداس
عمود ابخيمته والثاني بالراس
حسين علي الگرغولي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
15 June 2025 23:59
محرم ع الأبواب و هاي القناة لطميات حسينية
وصور ومقاطع حسينية شيعية
ل باسم الكربلائي❤𖣘
فقط ادخل ع هذا الرابط 👇😻💘
/channel/AHL_ALBEET_E/309419?single
/channel/AHL_ALBEET_E/309419?single
ڪُلِّ لطميات باسم موجودة ادخلوا👆
Читать полностью…
قصائد حسينية مكتوبة عامة
15 June 2025 10:49
أشهد أن علياً ولي الله
Читать полностью…
قصائد حسينية مكتوبة عامة
14 June 2025 09:16
يمسلم .. سلطة ما رايد
ورفضته.. الـ عالعرش گاعد
اليهمك .. ثقة القائد
—————-
يچلمة من الله ياهو اليگدر يچزك
كشامة ابوجه الاسمر محد يميّزك
يكعبة و يا امارة التگدر اتهزك
ينحر الغيرة انت اتضيعة اليحزك
طب عله الكوفة .. وضيّع كل معالمها
هاني تلميذك .. إرحب يا معلمها
بيد امر سيفك .. مسلم يله سلمها
زلمهم تخذف من اسمك
اعله خدهم بعده چف عمك
خزرتك كافية وزايد
اليهمك ثقة القائد
——————
يمرواح المواقف ذرّي اليعجبك
تره الگلبه رچيچ يذبك يذبك
يطف الكوفة ارحم عقل اليكتبك
يهنيالك حُسين يگلك نحبك
انت شخصيتة .. وچان يشوفك مراية
وسلمك بيدك … ورقة دعوة والراية
مثل ابو فاضل … هم يحبك هواية
يچفة من مسح راسك
اكادت توگف انفاسك
تِجلّة وعنه ما باعد
اليهمك ثقة القائد
————-
الرسالة تريد واحد صدرة بي گلبين
اجه من الله محمد وانت من حسين
سلاح الغيرة انت وجنت ذو حدين
ونسل ولدة تگطعه اليحچي بالوجهين
عمك مدربك … فنّك كله تحت ايده
الما تصيدة انت .. سهم عيونك يصيده
الكوفة ساحتكم .. طبها وسوي الاتريده
شحلاها الصيدة البعينك
اعِدها الكوفة صفينك
يمهرك ما لحگ شارد
اليهمك ثقة القائد
——————
يما تنطي وجه يالتحرگ انفاسك
ثغر قصر الامارة الطأطئ وباسك
نخلهم رطّب من احرورة البراسك
واذا چتفوا اديك شيچتف احساسك
ياهوه امن الله .. يمغشم اليچتفونك
ثائر السادة .. تستاهل يلقبونك
والقصر طيحة .. وهدمه بثورة عيونك
محنّك انت من زغرك
رسالي خلّصت عمرك
يقوّة والقصر بايد
اليهمك ثقة القائد
——————-
گبل لا تطلع اعله حسين طوفتة
صعد سوگ العبي امن السيف جردتة
صعدت اعله القصر والقصد وضحتة
يمسلم قصدك الما ينگدر دستة
القصر خليته …. سعفة نخلة مايسوة
اول ابنادم …. وجهه يسولف امروة
وي ابو فاضل … متمرس على الخوة
يفارس و الوغة احلامة
اظنه امكّمط بـ لامة
عشت حد ما متت واحد
اليهمك ثقة القائد
____
افه الماصخ يمسلم يشمر المالح
يكلمة والد وللگاع ما طايح
رسول امن المخيّم للقصر رايح
القصر عبد الصنم وانت عبد صالح
والقريشيين …. ما حبّو شخص مرسل
والعوِج طبعه .. يكرة واحد معّدل
امن المطر خايف … عدهم حتى المبلل
تشرّف طوعة غيرتهم
يساحگ خشم سيرتهم
يسيفك مو سمه وراعد
اليهمك ثقة القائد
————————
علي هادي الخزعلي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
14 June 2025 09:16
شهرك محرم غالي
من اولك للتالي .. ننتظرك اعله نار
بهالجية يا غالينة
مفرحنه ومبچينة .. يا اجمل انتظار
————-
يومية نحسبلك سوة ..احساب المريض اعله الدوة
يالجيتك هبة هوّة .. واتهب عله الغرگان
اثلاثينك تعادل دهر .. يگضن مثل سرعة مطر
ومن تخلص الخدمة بصفر .. نلزملك البيبان
اهلا بعد عين الخدم يل من بعد تنباس
إلبيت الك والنه الخله وانحطك اعله الراس
تتشيّخ الناس ابعگل بس احنه بالعباس
اسمك حياة الخادم
ونتاني توصل سالم .. احيينه بالعزاء
تانينه جية العاشر
ام و ابنها مسافر .. عيشنه كربلاء
—————
يا احلى شي مر بالعمر … يمفضل اعلينه شكثر
متانينه فيّك ينكسر .. طالت شمس فرگاك
كونك بشر چا تنشبگ .. وكونك هوه افيه تنشهگ
رشة مطر عالمحترگ .. ملگانة وي ملگاك
حظرنه حرگان الگلب احرگنه عالمذبوح
يمحرم تريد الصدگ اسمك يرد الروح
روحة جنازة ام تره تموتنه من تروح
خيرك امغزر بينه
يالشهرك امربينه .. بچينة عالخيام
احنة العرب بالملگة
الضايفنه موت نعشگة .. مختصر الكلام
——————
ع الخدمة طگ گلب الخدم .. طلعنه من بير العدم
يالروحتك عين وسهم .. واحسب وجعها شلون
انترست شوارعنه خيم ..نيشنّه السطوح بعلم
وثبتنه الك موطئ قدم .. يا روح اليتانون
غيّمنه الاعيون بدمع نمطرها عاشر يوم
چنك عفو من تقترب ويطلع المحكوم
ومن تگضي تعصرنه عصر چن ليلة المعدوم
حتى الزغير يتاني
وواحد يگل للثاني .. بهذا الشهر دلال
بانيله موكب خدمة
وعبد الله يمكن اسمة .. تلگاه ابن حلال
———————
يمهيمن اعله الازمنة .. إلساعه بغيابك سنة
الدنيا بقدومك آمنة .. صمام امان الروح
بيك التراث العالمي .. نبدله التراث الفاطمي
يالعايش بلحمي و دَمَي .. يا ريحة المذبوح
كل المواهب حضّرت شوف البيارغ سود
الشاعر يجدد بالشعر وايلّحن الرادود
وحتى الي موهبته الرسم راسم شريعة وجود
والراوي قلمه محظرة
بكل سنة يطلع فكرة .. هاي السنة شيجيب؟
الكاتب تشوفه الزهرة
وبالجنة جاهز قصرة .. اليكتب على الغريب
——————
كل المواكب فتحت .. وبوب الجوامع فرفحت
راية محرم لوّحت .. مامش عذر مقبول
عوفوا الخلافات المضن .. اتأخرنه عن ملگة الضعن
و اتحظر لأم الحسن .. لو سألتك شتگول
شرّف محرم يا هله وواگف على البيبان
تدري الزعل مثل الرمح وتشمرة عالعطشان؟
تدري الخلافات الخيم تحرگها عالنسوان؟
شمحلاها من نتصافة
يطردنه لو نتعافة .. ادخيل الله يا حسين
يل مظهرك ايماني
وبداخلك شيطاني .. لا تعكس الثنين
———————
علي هادي الخزعلي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
14 June 2025 09:15
#محرم_الحرام
يالحسن…
خلي بمضيفك هالسنه تخدم اخوك الناس
يالحسن…
والخدمة صارت مملكه وبيها الملك عباس
—————————-
غير انت قائد عالخدم.. فتحة مضيفك كعبة
اليخدم اخوك امن الگلب..من اسمه گمت اتحبة
گبل الطفوف بچم سنة .. صاحب احسين اتچهبة
چا هسه لو شفت الخدم.. شتحط عليهم رتبة
يالحسن…
بخاچيتك اتلم الخدم عش ويلم اطيور
يالحسن..
اليشتم گهوتك بالهوه ايحس بطعم عاشور
——————————-
اقدس مماليك البشر …. خدمتكم القدسية
وســكان هاي المملكة …. الاول بالاعزوبـــية
بيها الاجر حظ وبخت .. يوميه مو شهـــرية
اتعينه بمضيفك كل سنه.. اليشتغل بحسينية
يالحسن…
قائدها انت المملكة وعباس بيها يقود
يالحسن …
الزي الموحد للخدم بس الثياب السود
——————————
كل الدول الهن علم .. والخدمة دولة بعلمي
وراية چبير المشرعة …. بيها الشعار الرسمي
ادخيل اعله بختك يالحسن .. عيّني يمك حلمي
يوميه تدعي امي الصبح.. خادمكم ايصير اسمي
يالحسن..
بس اكتب اسمي بدفترك خل انسه كل الجاي
يالحسن ..
الدنيا التركّض بالبشر ما تسوه گطرة ماي
———————
اعله اجروح اخوك المنذبح.. سجلّني عالبچاية
مملكتك اتريد السبع .. واليعرگ امن احچاية
جربنه وتشوف الزلم .. جمرة احنه وامغطاية
ازرعنه بمحرم سيدي.. انخظرلك بمشاية
يالحسن…
قانون مملكتك شرط گلب اعله گلب نصير
يالحسن..
ونشد حزمنه بهالشهر شدة دلو اعله البير
——————————-
غربلنه خل نطلع زلم … المو زلمه رجعه وعيده
واليخدم احسين بصدگ … بس اليتعبه ايريده
چوينه من راس الگلب … والگلب حرگة اتزيده
شما بيك غـرگنه بچي .. الــخير ومــدة ايـــده
يالحسن ..
الما چلّب بإيدك عدل ينوخذ وي الريح
يالحسن..
ثمرة ويطيحها الهوه ما يرجع امن ايطيح
————————-
العنده مضيف ايحط قفل… ويفتحه بس لاحبابه
وانت مضيفك يالحسن .. من الله شالع بابه
انت القيادي اعله الكرم .. حاتم زغير احسابه
ياهو الكِرَم حنطه وذهب.. لكن قديمة اثيابه؟
يالحسن ..
فدوه اعله چيس امك دمع اكرمنا عالخيمات
يالحسن ..
طش العمر حدرك نذر يمك سبع فدوات
——————————
علي هادي الخزعلي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
14 June 2025 09:15
#محرم_الحرام
احچايتنه وحده وماتصير اثنين
إنا خُلقنا للبچي اعله احسين
وانگله ذاك الما رضه وزعلان
فوگ الحواجب ما تعلت عين
———————-
گال ابو الزهره بروايه بالحچي الكلش ثگيل
الله يخلق شيعه تبچي اعله ابنچ البطف قتيل
وهذا واحد عينه صلفه ايگلي حچيك مستحيل
وانه الطمنه اعله حلگه من اگله اعله الدليل
مو عن عبث صار البچي دمع العشگ قائد
آنه بشر مخلوق اله وما باوع لواحد
الگلبه جمر اقرب طلع لو گلبك البارد
المرتاح لا يتدنه للمخنوگ
الگلبه ثلج لا يحچي عالمحروگ
موش بمزاجك نمشي ها يفلان
فوگ الحواجب ماتعلت عين
———————-
من نزل وحي الله جايب للنبي الحچيي الصحيح
الزهره گامت تبچي گالت ياهو يبچي اعله الذبيح
والرسول يگلها وادم تترس اعيون الضريح
شيعه واحدهم يزهره ينطي راسه وما يطيح
يالتحچي عاليبچي بصدگ هذا الحچي تسمعه؟؟
الله ووحي وزهره ونبي وحيدر علي موقعه
يگلولك الشيعه تره مخلوقه للدمعه
لا تنقد ولا تحچي يم الناس
بالك يهذا يسطرك العباس
وادم بخيته التبچي عالعطشان
فوگ الحواجب ماتعلت عين
————————
آنه احب واحد يحبني وبيدي ينطيني شأريد
وانت جاي اتگلي عوفه وانه اعوضك بالمزيد
وراح اگلك چلمه وحده وبيها ما اگدر اعيد
لو تصب ذهبك عليه ما اصافح چف يزيد
ما تگدر لگلبي وعلي ولا تگدر لعيني
لو تمطر الدنيا ذهب ما اعوفن احسيني
آنه اقنع بماي العزه عود انت تغنيني؟؟؟
راح احچي وياك بخلق وآداب
يوسع جمل گالوها عرض الباب
الفوگ السفينة يقلقة ياطوفان
فوگ الحواجب ما تعلت عين
——————-
ايگلي المن لابس اسود عدنا مكروه الحداد
گتله لو ميت ابوكم تگلب العالم سواد
آنه تربية محرم وانت تربية زياد
عالخيم مو البس اسود والله كون البس رماد
يلتفرح براس السنه خل السنه تفيدك
مارس طقوسك وحدك لا تحچي ما اريدك
يم البچي ويم للطم بالك تهز ايدك
ما تخجل وبيك العتب شيفيد
العاشر بواچي وانت عندك عيد
براسي علي وبراسك الشيطان
فوگ الحواجب ما تعلت عين
—————————-
محترگ گلبي اعله زينب وانت مو من مستواي
انه من احچي اسكتك انت نار وانه ماي
انه من ابنيلي موكب لا تظل تهدم وراي
غيبتي تشور واحذرك انه الحسين بگفاي
شما انقد منك تره ايگلي انت محروسي
من خير الحسين انترِس لو وشلن طوسي
مو مثلك لـ عيد الغَرِب اصرفهن فلوسي
راويني عرض اجتافك ومشكور
ومنا ورايح لا تجي بعاشور
ما نگدر انعبر حچي الغلطان
فوگ الحواجب ما تعلت عين
————————
علي هادي الخزعلي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
14 June 2025 09:15
بيش اخدمك .. بيا وجه يالون اجيلك مستحي
بيش اخدمك. واليخدمك لوبخيت و لو وحي
بدي بعيوني النده . عالخيمها مفرهده
==========
مِسْتحي لك شيب غُربة انصبغ من اذنوبي لوني
منچفي بواهس وحشتك ما اريد اليلموني
وبفطاريتي احبك بيك يا ما ساوموني
يالصدگ حافظ گطرتي المثلي غيرك يعيروني
ما اعبرك .. عبرتني من الذنب چم گنطرة
وجوه ناسي.. اخلاف وجهك مگبرة بصف مگبرة
روحي گوة مركدة .. عالخيمها مفرهدة
=========
ابّوصلة عالم خدمتك صفّي دربي الما منظّم
إعترافي اذنب واجيلك وانت ميخالفتك ارحَم
الينظم اعله الناس فشلة يبو سكينة اعليك ينظم
الماي گالو ماله ريحة و مايي بي ريحة محرم
يا فرصتي .. البيها اغربل كل محاصيل الفرص
من خجلتي .. راح اجيك امدنگ اتناكث گصص
عبد يمك موعده ..عالخيمها مفرهده
========
هسه هم غيرك يهزني مشت وادم واجت وادم
صاحبت ما والموني دربي بس وياك والم
علمتنه وعلمينه شلون نصنع جيل فاهم
من طفلنه نلبسة اسود كشختة مشروع خادم
علموني .. سنسلة زنجيلي اغله امن الذهب
بجاذبيتك .. عيسى ما كفالة من شافك وهب
گلبي گبرك معبده .. عالخيمها مفرهده
=============
دوران الشمس حولك يعني گبرك احلى كوكب
ورق حاجة گلبي كونه وبضريحك هيچ ينذب
يا ابو "عبد الله الشفيع"ومن خدمْتَك صرت ارتب
امعدل امسويني حيل وخوش زلمةوگمت انحب
فوگ روحي .. امطر اجروحك طعن سبعين الف
للمجالس .. وجّه ابوجهي تره وجهي صلف
خلي نيتي امحدده .. عالخيمها مفرهده
===========
إختلافيتي أحبك خل يطعنون اختلافي
طعم حرياتي چتفك لا يفلون انچتافي
وشملذ هاك المحنة من اسولف بإعترافي
من عفيت عله الرياحي اعرفت وقت التوبة صافي
من تبتلك .. ناوشتني العفية من حلگ الهله
وصيحتلي .. عيني توسع خاف ضّيجة كربله
دمعي طاح لوحده .. عالخيمها مفرهده
===========
(كُتب من توراة موسى لمصحف الله)حچن عنك
جرحك بكل سالفة رب يا دخيل اليوجعنك
چم كُرية دم تحبك چم گلب ما تاب منك
ألمثل عِكسه إنت حته الما يعرفك هم يثمنك
بست راسك..طفل چنت وصورته بصدر القميص
ينلچم خاف ..امن الهوة ألبد مثل لبدة حريص
هذا حُبي ومشهده .. عالخيمها مفرهده
==========
علي هادي الخزعلي
الـقنـــوات الـرسميــة ✔️
🔹 @
🔸@
🔺@
Читать полностью…
18543