Telegram-канал alialoussawi - قصائد حسينية مكتوبة عامة: Unsorted

قصائد حسينية مكتوبة عامة

14 June 2025 09:14

#محرم_الحرام

كون اوگف واصيح اصياح مال آذان
أحبك وحگ حبك لله والقرآن
مو بس من گلب ولسان احب احسين
احب احسين من الله وگلب ولسان
•••••••••••••••••••>>>>>
ابداعة بابك المفتوح .. الأضيع ويمه يلگوني
اعله اعيوبي اشتريني حسين .. هاي الناس باعوني
أنه المتعود احچي اوياك .. اتمرض من يسكتوني
آنه اشتاگلك مرتين .. كلما ترمش اعيوني

أدبني اعله ايدك يالمصحي اگلوب
دربك ما يحب اليمشي بالمگلوب
مثل اچتاف نافع من تأسر هيچ
چتفني اعله اشباچك علگ متعوب
•••••••••••••••••>>>>>>>
بالله وبيك بوية احسين .. ضعت دليني ما اندل
بحر الدنيا غرّگ ناس .. اريد ابّحرك اتبلل
إحرگ گلبي حرگ اخيام .. الخدمة اتريد الامعدل
كون من اسمك ابچي اعليك.. مو اله اسمع المقتل

إگطع نحر عيني وخل تصب نهران
بچيني اعله جرحك حته اصير انسان
الله يسولفك يبديها بسم الله
چا آنه امن اسولف اختم القرآن؟؟!
•••••••••••••••••••>>>>>
ابطرگ گلبي اجيت اعليك.. امروتك لا تضيعني
خاف اطلع گُبَل مولاي .. بصبعك بوية رجّعني
يكتلني البرود اوياك ... حِرگة خيمة شبّعني
حسين ذنوبي صارت بير .. من هالبير طلعني

آنه بشاربك من ازل ما معذور
أخذني لكوكبك كوكبنا ما مگدور
خير ابراسي سويت انعم الله اعليك
الوادم ولد ابوهم وآنه ابن عاشور
••••••••••••••••>>>>>>
شبّگني وشرط بالباب .. بابك كلّه حُريّة
مناراتك تحبها اهواي ..روحي الكربلائية
ارتباط اسمي اوية اسمك صار ..امفضّل كلش اعلية
مثل رگبة طفل مولود .. بيضه بخدمتي النيّة

يل ايحبونك اشگد وانت بس واحد
وانت السالفة البيها الرمح شاهد
الجنّة وسندس الجنّة ، الشجر ، والماي
خيط اعمامتك يسواهن وزايد
•••••••••••••••>>>>>>>
سودة بوجهي انام اشلون..وانت اعله الرمح نايم
صامت عيني عن ملگاك ..دخيلك فطّر الصايم
مسؤليتي كبرت حيل .. من اتلقبت خادم
من روحي واغار اهواي .. اشلون اتحبّك الوادم

اغار امن الحمام ايحبك اكثر گام
ياكل يمك وفوك المنارة اينام
ضگت ملحك وشفت الملح ماهو ارخيص
تره الملح اليغزر بالذهب ينسام
••••••••••••••••••••••>>>>>
الوادم من تحب تختار. . وانه الحابه مگطع
مو طماع احب يحسين .. اليحب بالحبه ما يطمع
اعله غيرك لو تصب العين .. إفصل دمعتي امربّع
بوجه ابيض ونية ماي .. بخدمتي وياك اريد اطلع

لا تحرمني اخدمك خدمتك خَيْرَة
احبك منها لله بفطرة الفقرة
ابوسه بگصته الحظ الجمعني اوياك
من لا شيء اجيت لخيمة الزهرة
••••••••••••••••••>>>>>>
علي هادي الخزعلي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313