قصائد حسينية مكتوبة عامة

13 June 2025 19:16

#محرم_الحرام



منتصرين منتصرين .. احنه الويانه حسين
منتصرين .. منتصرين
—————-
قائدنة صانعله زلم .. بث بعرگنة الخّوة

وعشنة اويه الحسين الحرب .. عالمرة گبل الحلوة

هزينة جذع المعركة .. وطاحت زلمنة التسوة

وعباس خض شچوة وفة .. وبين زبدها الشچوة

طاحت زلم عالگاع صارو مراقد
اطاهن نجاح حسين كل الشهايد

متدربين متدربين .. تحت اشراف الچفين
متدربين متدربين
——————
زلمتنة خدة الينجرح .. ايحس جرحة شامة بخدة

ومو دم يطّلع (يا علي ).. المن صدرة حُب يتبدة

واحدنة تارس راسه حُب .. وحُب الأنا ما عندة

تترس سچاچينة عطر .. اليگطع وريد الوردة

همة بگفاهم ماي ما عطّشانة
واحنه بگفانة حسين والله بگفانة

عطشانين عطشانين .. همة واحنه الراوين
عطشانين عطشانين
——————-
غربيل المصافة اشتغل .. والطاح يعني معدل

الما يمشي وي ابن الشمس .. ايطب بالضوة وما يندل

الما ينظم لعسكر علي .. ايظل بيزيد امبهذل

واليخدم حسين بطمع .. تاليته تشبه بجدل


خط رجعة مره يصير ما يأتي مرتين
والحُر رجع لله بغربيل الحسين

فكر زين فكر زين .. غربل روحك مرتين
فكر زين فكر زين
———————
الصاحب يسحبك للخُلد .. و اشمتنه حبل الصاحب

بنافع تتطبق هالمثل .. مالة الصاحب ساحب

الطف احتجاج اعله الظلم .. و مو ورد نلزم شارب

وغيّر حبيب القاعدة .. وعالعين طاح الحاجب

فوگ الحواجب عين ما تعله يدرون
وبالطف حواجب شيب طاحت عالعيون

ما ناصين ما ناصين .. احنة النكسر كل عين
ما ناصين ما ناصين
——————
عابس يشگ ثوبة بقصد .. هذا الجنون المُفرَط

والرايد ايحج للذبح .. ما يبقة ثوبة امخيّط

جرح العشگ گد ما قوي .. ايظل يلوي ايد المخيّط

والعنده صعده لجنتة .. بالموتة ما يتشرّط

المات بشمس يا ناس يُحشَر تره افياي
اليشرب حچي العباس ما يقنع بماي

اليطفي العين اليطفي العين .. الله يرزقة بشمسين
اليطفي العين اليطفي العين
——————-
علي هادي الخزعلي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

13 June 2025 19:15

السيدة سَكِينة مع عمها العباس ع

حي الله عمّي .. وسبع الجحافل
تنضح فضايل .. وانت ابو فاضل
احلى روّاي .. وجهك الماي
———————
عباس اجت سَكِينَة .. چي شافتك سَكِينَة
يا مستقرنة
مو من عطش اجيتك .. مشتاگة ضيعيتك
يادم نحرنة
اشتاگيت اشوفة غاير .. سيفك على الضماير
يعلن نصرنة

يفرّاس الحريبة .. يبو النظرة الرهيبة
الحرب مو فد عجيبة .. مثل ماي الشرُب

يعمّي ابهرني اريدك .. يما تكتل شريدك
النهر قطرة اعله ايدك .. يسحّاگ الصعُب

والنعم منك .. يبن الاصالة
زمزم يعباس .. عينك زلالة
شنعطش بهاي .. وجهك الماي
————————
يا عمي مو ضماية …. أُميّة خيمنة راية
ذيچ الترفرف
يالريشتك هوانه .. يالگصتك ضوانه
يل بسمة نحلف
يا زينبي وبتولي .. يالموقفك بطولي
يالخوة تنزف

جبتلك مو جربتك .. جبتلك معصب اختك
دخيله انه اعله بختك .. ينوماس الخيم

يممتاز المقاتل .. يالمعطش الفصايل
صرخلك يابو فاضل .. بعلو صوته السهم

معزب الچثيرين .. والنبلة ضيفك
و لو جاعت النار .. يشبعها سيفك
اگرب احذاي .. وجهك الماي
————————
يالرايتك عباتي …. ماي ومشة بلهاتي
طولك يعمّي
من انت يمي احسّة .. حتى الهوه ألمسة
من تحچي بسمي
ودتني زينب آنه …. تنطينه هالامانة
من شيلة امي

تگلك خل يشدها ..اعله زنده ولا يهدها
ام حسن سطرة اعله خدها .. يردها اعله الشمر

وتدگ خيبر أُمية .. بصلاوات الزچية
يبو الضربة المُضيّة .. التظل طول العمر

يرجع للتراب .. زلمة التضربة
واكبر بطل راح .. سيفك يشُربة
نافذ الراي .. وجهك الماي
——————-
من حظرة الفواطم .. لحظرة ضوه الهواشم
جبت الرسالة
مو يشتكن عطشهن .. صولتك تنتعشهن
بمشهد بسالة
صح العطش خذانه .. بس انت محتوانه
ونبع الكفالة

يعمي بصولة وحدة .. نهر بينه ايتبده
وعبد ضحكة اعله مهدة .. تطگ وينتعش

بصدى صوت المهند .. گلب زينبنه يبرد
يمحروس بمحمد … و امانك ينفرش

يم الخيم ماي .. ويم النهر نار
دافئ عالاخيام .. ويم الشمر حار
تحبه ملگاي .. وجهك الماي
———————-
احنه العطش نذلة .. چي يمنه انته يحلة
بوجهك نعبرة
ربايت علي شيعطشة .. وشيخوفة وانت عشّة
يا احلى شجرة
يا عسكري ويقائد .. يالكاسر القواعد
بالجام مهرة

ركوبك عالاصيلة .. يبل ريج العقيلة
يراعي المستحيلة .. يگصاص الرگب

المخيّم كله ناطر .. وصولك للمناحر
شواربهم گناطر .. تحولها العرب

مو وحدة الحسين .. والراية تفتر
وبس انت عباس .. وحدك معسكر
شكراً اهواي .. وجهك الماي
——————-
علي هادي الخزعلي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

13 June 2025 19:15

#محرم_الحرام


رنة نواقيس الحذر .. من النجم طالع گمر
شايف نهر يمشي لنهر.. گمر گمر
========
بسم رب الخيّم بسمل .. فر مهرة ولوه الجامة
طلع يضوي بحيث اتشوف،، بيضة انگلبت الشامة
بعدة ايودع وما جاي ... وتوة امرتب اللامة
اخر واحد امن الجيش .. رعشن ايدة واجدامة

إمعدل او يمشي نسق .. يمشي ويرتل بالفلق
من الحسد مو من خطر .. گمر گمر
===========
اقصد بالنجم يا ناس .. كل خيمة امن المخيّم
وطلع منهن گمر بي ماي،،على ارياگ العطش غيّم
فارس حيدري وفرّاس .. ابشيلة امة يتحزّم
بترانيمه الحروبية .. گام ابزودة يترنّم

بالراية ايدة امبخرة .. كظاها كظة گنطرة
والراية خاچية ظهر .. گمر گمر
=============
ابثنيّات العطش والموت… طلعت سكنة بالجربة
زمزم ليش ماموجود ... وخيمة زينب الكعبة
النهر متروس كلة اثگال .. وروس بروس مترتبة
حنطة لو ترش عالروس .. ما طاحت ولا حبة

شافاهم وهز رگبته .. بس راد يسحب جربته
شردوا رعب سطر سطر .. گمر گمر
===============
سيد شارته اتشوّر .... وابو فاضل عبد صالح
الطايح من خزرته ايگول،طلعت امن الحرب رابح
چفتهم چفتت الكردوس ،،من يچفت عله الطايح
العرف والمو عرف صاحوا .. توجع ضربة المالح

والوگفوا ابجيّتْ البطل .. بيهم انحسبوا عالنخل
جردهم احساس البشر .. گمر گمر
=============
ارتجل والحومة صنتت صوت، وبس البيرغ ايكبّر
سد الطف ابو فاضل .... وابن امة البعد يعبر
اليريد ايعرف بُعد الگوم .. يظل سنتين بس يشبر
جهامة وبخت هيبه وحيد ... زلمة امعتبر اتعتبُر

اختاض السبع گص الرگب
سيفة الهوة وهمة الگصب
داعيله گلب امة العبر .. گمر گمر
============
گطع حتى الضوة اعليهم.... مو بس گاطع ارگبهم
من گد الرجيف الگوم .. ما ثبتت شواربهم
يفل گام ابگفة انگابة ... بزغ وجهه ويشع طبهم
شَطُب حرف الخطأ عباس .. حالف الة يشطبهم

وكّر عله القادة الصگر .. والحرب مجموعة شعر
وعباس چان اسبك شطَر .. گمر گمر
=============
علي هادي الخزعلي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

13 June 2025 19:12

الليلة السابعة
محرم الحرام 1447
ليلة مولانا أبا الفضل العباس علية السلام
_

سلام الله على العباس
سلام الله على العباس
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
غار غار عليهه العنيد الراقي
ثگيلات حروفه وتثگل أوراقي
ولا مثله بنادم يشبهه بوحده
ولا واحد مثله كفيل وساقي
جبل عمره _ علي بكبره _ علي الثاني بصفاته
حلو شكله _ گمر واحله _ گمر ترهب حلاته
فات وفلهه وفتلهه _ فر بتاره بشتلهه ابو فاضل
ضكت وتخوصرلهه وتريل كص رجلهه ابو فاضل
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
دار دار ارحاهه وقطبهه العلوي
دوت وابن القالع يحبهه التدوي
نشف كلشي وضلت جربته تروي
طلع وي سطراته الحليب البدوي
ابو الهده _ فتل زنده _ المربيته حره
ابن ساده_ فنه القاده _ يذبح عشره عشره
رخه لثامه وخزرهه_ طك تاليهه بصدرهه ابو فاضل
غزهه بسيفه وغزاهه_ لملمهه وطشراهه ابو فاضل
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
شال شال أسباع وشمرهه الباشط
خبط جفه الصافي ويصفي الخابط
ابن بت حزام وحزام حسينه
توسط عسكرهه السبع ويزامط
فرش أيده _ على الصيده _ علي ومن علي حيله
اليلوحه _ يجر روحه _ ابو جفوف الثكيله
طرهه وطاريهه چزه _ هز المحد يهزه ابو فاضل
چلت ماچل ذراعه _ ماطول بيهه ساعة ابو فاضل
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
فات فات بزوده وعليهم وكر
لزمهم بجفوفه علي وكض خيبر
أسد الله الوالد جنابه شيطلع
أبد مايشبهله لأنه الحيدر
سحك جدمه _ شكو زلمه _ لحد سابع وطيه
ابو الكلفه _ علي بجفه _ ضربته حيدريه
من الحيدر دروسه _ أكبر شارب يدوسه ابو فاضل
أمك تسوه كتيبه _ بس المالح تجيبه ابوفاضل
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد حيدر الصافي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

13 June 2025 19:12

الليلة الثامنة
محرم الحرام 1447
ليلة علي الاكبر علية السلام

ياعلي ألاكبر
ياعلي ألاكبر
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
بان إلى الحرب جواد يعتلي
في شخصه موت وحتف منزلي
صاح بصوت أرعب الكل به
أنا علي أبن الحسين أبن علي
حله توه العرك توه
نزل تربايت اللبوه
تباين من عرينه
الأكبر زغرو گباله
وهگ با الجيش وثگاله
عصف بيهه الثخينه
مالت والشهم يهواهه من تميل وتموج
والتمشي عدل خلالهه ما تمشي عدل عوج
ذل أكبارهه وأزغارهه وشدهه با السروج
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
ليث ودك الجيش ذاكه اليوم دك
وكفه أحنى الرقاب وامتلك
يوم عجيب والفتى كان عجيب
دارت رحاها وأرتطم فك بفك
يلم كبارهه وطشهه
مثل حش الگصب حشهه
نثر با الروس ينثر
نزر ما حاجه يتوصه
جمعهم هوس بنصه
يحر وخلفه الحر
فات عليهم الضرغام وافتلت كتايب
جر عنان ميمونه يجر ذيج الشوارب
اهله شيوخ يوم الكون حي الله المحارب
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
منه رأت مالم يراه المنضري
عباسها الثاني علي الأكبري
قد أمسك الهامات وأهتم بها
يفري بهامات العدا صار فري
غضب صايودهه الصيده
نكث روس الزلم بيده
يفر بيهه ويقاتل
هلا بعباسهه الثاني
ردمهه الداني با الداني
مثل عمه ابو فاضل
خضاهه وخزرهه وطلع المضموم منهه
فر رسن الكحيله ولف الاسباع برسنهه
والتحجي كبل ساعات گصاهه لسنهه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
قالو بأن الحرب فيها كر وفر
لاكنه كر ولم يبقى نفر
ضنو بأن المرتضى جاء لهم
ك شطرت الكرار ابطال شطر
يشمرت علي لخيبرهه
عبس والزلم شمرهه
كلف وعلومه كلفه
يدوس ابطالهه بجدمه
ردمهه الزلمه با الزلمه
لوه العسكر بچفه
ذب الخيل فوگ الخيل والزلمه عله زلمه
دمه الحار والخيال خله بطوله دمه
هاذه الحيل من عباس راعي الحيل عمه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد حيدر الصافي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

13 June 2025 19:11

الليلة السادسة
محرم الحرام 1447
ليلة الأنصار عليهم السلام

يا اباعبد الله
يا ابا عبدالله
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
وعد الحب بده وبان القرار -والطاعه رمز الانتصار
صعبه الخدامه وماتلوگ - مالاگت لغير ألانصار
زلمك يبو سكينه خواضه ماواحد سبگهه
مابردو بساعه والطاعه منطيهه حگهه
ماعشگت الفاني ربعك تضل انت عشگهه
والزلم تنعرف وكت الشدايد
با العلم والحلم لمن تجاهد
الاهل تتنترك گالوله فدوه
ياحسين الگلب بي أنت گاعد
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
مملي عقلهم با العلم - مابيهم المو شهم
يلعشگك يگلوله دين - والماتعشگك مو زلم
ياسيد الغيره والغيره مقرونه بسمك
دمنه والنملكه تسواهن ترابات جدمك
زلمك زلم كلفه هد بيهه وكت الحرب زلمك
ننتضر بس أمر منك يقدم
والرگب تنحني گبال المخيم
با الحرب لاتهم من عدنه كلمه
الارض من نهد نترسهه با الدم
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
دگو صدرهم للقتال - محد خضع بيهم محال
أبشر يبن حيدر علي - نسحگهه هامات الرجال
بس أشر وشوف الاسباع لمن تدخل تحارب
نرتاح اذا صعبت نكيف عله الصعايب
خل تفرح ام عون نعتهه الزلم من الشوارب
لاتهم بت علي آمن خدرهه
والعمر ينذر فدوه لعمرهه
والهوه لو يغث مايوصل يضل
والزلم با العزم نمحي أثرهه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
دونك نموت ألنه الشرف - من عدنه مايرتد طرف
كلش زغير علينه هاذ - ربعك ولا يكفيهه طف
بينه يبو الاكبر تحزم عليهم وهد
بمچان السروج الك روس عله المطهم نشد
من كر الانصار نخلي سبعهه اليوم يشرد
مايضل اي سبع نفنيهه الاسباع
والخيم مابشر يوصلهه بذراع
احنه الك سيدي نفديهه الارواح
بس جثث من نطب نترسلك الگاع
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد حـيـدر الـصـافـي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

13 June 2025 19:09

٠ | رحلة خادم |

——— أَلْمُسْتَهَلْ ———
ماظل بالعمر ياحسين .. كلشي مخلص الباچر
نيتنه ابياض الشيـــب .. گد مانبچي بالعاشر


حسيـــــــــــن ياباعـبـدلله

——— ١ ———

اعلى واهس رحمتك ياحسين خليني
ومحطات الـــــــعشگ وياك وديني
اعلى ذكرك سيدي اتفز دمعتي بعيني
اشگد وياك اخطــــــأ ونتَ منطيني

لو غيرك طردني حسين .. مايتحمــــــل افعالي
رغم افعالي نار اخيـــام .. وباقي ابخدمتك عالي

حسيـــــــــــن ياباعـبـدلله

——— ٢ ———

ماقدرت جرحــــــك ذاك بالعاشر
من واگف وحيـــــــد ومالك ناصر
استلذت ابطعم ذنبي ومنك مهاجر
تاليهه اليعوفك هـــــوه ظل خاسر

ابخدمتك سيدي انهابيت .. رغم ماسوه گدامك
يالمقدرني انته اهواي .. وحاسبني اعلى خدامك


——— ٣ ———
يالمنطي خيامك شنهــــــــو انه انطيت
اشو مذنب ومن خـــــــــدامك انعديت
اشوكت اصحه وصير انسان الأهل البيت
ونه الماسوه كلشي وبسمــــــك اتعليت

وبروج الذنب غرگان .. وچفك ذاكَ ينقذني
شنو مقدم الأجل عيناك .. وهاگد سيدي اتحبني

————
كلي امقصر انه حـــــسين گدامك
عبدك ذنبه نار وحـــــارگ اخيامك
أنه الماي التعــــــزز على ايتامـك ؟
رغم كلشي اقبلتني ابقسم خدامك

من رادت سكُينه الماي .. رفضته الخاطر عيوني
رغم چان العطش چتال .. ومنكم ماحرمتوني

——— ٤ ———

نخطأ بالقــــصد ..! ونگول يعذرنـه
اشگد انجرحك احنه وسيدي اتحبنه
لو غيرك بشــــــــر من گبل يطردنه
سهام اذنوبنه وبــــــالخدمه قابلنه

ياقايل الحُر حسيـن .. ساجد طولي بعتابك
حلات دمعه من اطيح .. وانه اتوسل ابابك

حسيـــــــــــن ياباعـبـدلله

——— ٥ ———

اللهم عجل الوليكَ الفرج

السيد عبدالرحمن الموسوي✍🏻

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

13 June 2025 19:08

| شيخ الانصار |

——— أَلْمُسْتَهَلْ ———

سرفن اردانه بالــحــرب
شيخ الأنصار ومن يطب

——— ١ ———

صارت حرب بالمـــيـــدان وطبلها حبيب
وشردها الزلم والخيـــــل ويگلبها نحيب
ويركض جيشهم حــفاي وبرگبهم يصيب

ناس ابناس تترادم
يتيه اعليـــهه الدروب
وجه القـــادة مرعوب

مايلحكَ نفس يشهكَ
ابسيفـــــه يگطع الراس
منهم يمحــــي الانفاس


اعليهم امــضيع الدرب
شيخ الأنصار ومن يطب

——— ٢ ———

ذوله ازلام ربع حسيــن لو طبوا سوه
من گد ماثگالت ثار يمحــــون الهوه
من شاف الانصار حسين دلاله ارتوه


ابسيفة وطافهه الحومة
حبيب وصاحب حسين
شرگها الحومة نصـين

عابس رچــف العسكر
ابسيفة الباشــط وطاب
ابحكَ حسيـــــن طلاب

معيشهم بســـاعة رعب
شيخ الأنصار ومن يطبّ

——— ٣ ———

قلة بهل وكــت صَّحبان الي توفي بصدكَ
صاحب زلمـــة وكت الضيج دمة يحتركَ
مثل اصِّحاب ربـــع حسين طبگوها طبكَ

عاشگ والعشگ بلوه
هيچ اصـــــحاب تنراد
گبلك للـــــــحرب هاد


طبگها اليمنة واليسر
شايــب بالحرب شاب
غيمـه وبالحرب طاب


وبسيفه يصلبهم صلب
شيخ الأنصار ومن يطب

——— ٤ ———

عابس شكَ قميصة اجنون دكَ صدرة فخر
اليوصل يم خيـــــــــام الآل ميظــــله أثر
حنه ازلام ربع حسيـــــــــن النطگ الظهر

الحركه مانأجلهه
اليوم عليكم الصار
روس أصيــر طشار

وطبول الحرب دگت
يوم اعليهم انذار
خوف ابراسهم دار


الجيــــش كـلة ينشطب
شيخ الأنــصار ومن يطب

——— ٥ ———
عينك ماتشوف الجيش منهم منهزم
واليوگف بوجه القيـــن بسيفـة ينثلم
وبـ هذا الحرب نســوان ماطلعوا زلم


ربعك احنـه ونسندك
بظهرك نوگف احيود
كلشي اتريد موجود

ابشر بالــذي اتريده
احنه أولــــها ونـــفوت
گبلك سيـــــدي انموت

ألاف منهــــــــــم تنرهُب
شيخ الأنـــصار ومن يطب
——————————
اللهِم عجَّل الوليِك الفرج

كُتبت .. عبدالرحمن الموسوي ✍🏻

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

13 June 2025 19:08

| من سحگنك |

——— أَلْمُسْتَهَلْ ———


ماخلن بيك الخيـــــل ٠٠ من سحگنك
هب عطرك مثل الهيل ٠٠ وشتمــــنك
على عطرك اجيت
جسمك مالگيت
من سحگنك


——— ١ ———

انترس دخان شوفي حسين
من احتـــــــــرگن اخيمنه
وتصفـــــح علينه الجيش
مثل السبـــــــحة طشرنه
دخان الخيــــــــم وتراب
غير كل مــــــــــــلامحنه
وحگ خدري الـعزيز عليك
دربنه حسيـــــــــن تيهنه

من الخيمة اعلى تـــــــل ٠٠ عيـــــني دورك
شفت اخيول العـــــشرة ٠٠ سحگت صدرك
ابروحي اشگد بچيت
جسمك مــــالگيت
من سحگنك

——— ٢ ———
هــــــوه المنذبحله الراس
المن خــــــــــيل ساحگته
جسمــــــة اتوزع من الخي
ل .. گوه ابعيــــــني شاهته
انفرش كل طوله فوگ الگاع
حر الشمـــــــــس سالبته
من كثر الســـــــــهام البي
طول ابن امــــــــي ضيعته

هاذه انتَ خويه حسين ٠٠ ماهـو اعرفتك ؟
من گد ماسحگـــــــت ٠٠ خيل امغيرتك
عنــــك دوريت
جسمك مالگيت
من سحگنك

——— ٣ ———

يلابس بيــــــاض الثوب
لمن للحــــــــرب طالع
جسمك مالگيته حسين
بين اخيــــــولهم ضايع
ثگيل الحافر من ايدوس
بكل رفسة ضـــلع شالع
من كثر السـيوف اعليك
جسمك بالــطعن شابع

گلبك مشلوع حسين ٠٠ حــــــذوة حافر
الدخيلك يبـــن امي ٠٠ حسين بيك اصاير
بدموعي ارتويت
جسمك مالگيت
من سحگنك

——— ٤ ———
للعطشان گلبـــــه الماي
مشيته اتصــــــير بالگوه
ونه بهيمه اركضت ومتاه
تفز برويحــــــتي الـخوه
بلكي بدمعتي الحـــسين
من ثگل العطــــش يروه
شفت جسمــك عالتربان
من عطرك گــــــلت هوه

طولك اليســــد العين ٠٠ ليش موذر
امسلبينك يبــــن امي ٠٠ ونايم بالحر
گوه انه انتچيت
جسمك مالگيت
من سحگنك
————(٥)———-

حرگوها الخيام حسين
وكلشي البيهه يحترگن
بناتك من وسط الخيام
كلهن طلعـــن يركضن
يچوي عيونهــن دخان
بين ادروبهـــــن عثرن
تعبهن ظـــــهر عاشور
من الخوف يتعــــذبن


چم واحد عمه يصــيح ٠٠ ويهد حيلي
لاحضت اچفوف اصغار ٠٠ تأشـر ويلي
بعبـاس انتخيت
جسمك مالگيت
من سحگنك
————————-
اللهم عجَّل الوليِك الفـرج

كُتبت .. عبدالرحمن الموسوي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

10 June 2025 18:48

رسالة من الحسين وللحسن ترسل
اما بعد موضوع البقيع انحل

_

من بعد السلام وفيضة دموعي
راح احجيلك شويه عله موضوعي
صح عندي ضريح وكبه مبنيات
بس انا لهسه مهدمه ضلوعي

مع ذلك بهذا الحال ما اقبل
اما بعد موضوع البقيع انحل
____

اوديلك ضريح من الذهب كله
واسويلك صحن أكبر من القبله
واوديلك عدد مشايه ما مسبوق
واسوي الأربعين بكبتك احله

واسويلك زيارة ومجلس ومقتل
اما بعد موضوع البقيع انحل

_

لان ضحيتلي بالطف بخمس اولاد
لذلك أنا يمك دافن السجاد
وكون انت عدل ويانه بالطف غاد
انا و ولدي نوكفلك بالاستعداد

واخليلك حراسه من الخيم للتل
اما بعد موضوع البقيع انحل

____

اخوي انت الجبير الينهي واليامر
اخذ من كربله شتريد الك حاضر
ولأن ماكو شريف بدولة الكافر
اخذ شباج الاكبر حصة الباقر

الباقر جان عد الاكبر مدلل
اما بعد موضوع البقيع انحل

____

اما عن لسان المذهب الناطق
الشيعي الجعفري وآل بالعلم سابق
من در النجف نصعنلك الشباج
ونزوره علي ويستاهل الصادق

هديه من الخليفة الحيدر الأول
اما بعد موضوع البقيع انحل

__

وبشر ام البنين الرافعتلي الراس
ما ناسيج يالكلج وفه ونوماس
لاسويلج ضريح أشده عقول الناس
واعلك فوك كبتج راية العباس

وابنيلج مناير للسمه توصل
اما بعد موضوع البقيع انحل

____

باجر يظهر المهدي ويشد ازره
وكل مرقد تهدم باجر يعمره
ويسوي المدينة ملاصف مرايات
واكبر كبه بيهن فاطمة الزهره

وبس الشيعي يدخل غيره ما اقبل
اما بعد موضوع البقيع انحل


محمد الموسوي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

10 June 2025 18:44

ياشيعتي سمعوني — نار الهظم بعيوني
ما مهتم لحرگ الدار
گلبي احترگ تدروني
بنص الگلب__نار دوت نار دوت نار
موزينه __الاخبار الاخبار الاخبار
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، بگلبي نار _نار من هذا الزمن _ ونار ضلع ام الحسن
منها شيب حالي
بگلبي نار _ شيعتي بنص الفتن
_ ونار عماتي نچون
حسره منها أبالي

نااااري _ بگلبي _ ياشيعه _ وهذا زمان الفتن
ومحد _ بيكم _ يدعيله _
عجل يبن الحسن

كونوا زيناً انه وصيت الوصيه _ادعوا للمهدي يشيعه بكل مسيه
السوه شينه شينته ترجع عليه وعالزجيه

كونوا لنا كل ساعه __ الزينين وأهل الطاعه
ادعوا العزيز الزهراء__ هلبت يرد بمتاعه
عدكم __ حرگ دار حرگ دار حرگ دار
موزينه الأخبار الأخبار الأخبار
،،،،،،،،،،،،،،،،،،،،،،،،،،،،،،،،،،،،،،،،،،،،
صيروا ماي _ بيكم انطفي الخيم _ بيكم انشيل العلم
نحطكم بنص عينّه

صيرو ماي _ لاتصيرون الحطب _ حسين ضامي وماشرب
يبس نحر حسينّه

وينه _ اليندب _ يا شيعه _
كل جمعه من الصبح
المهدي _ الغايب _ وجروحه _ نترست منكم ملح

صيرو ماي وطفو نار الغاضريه
والفرج والندبه اقروهن سويه
من اجلكم عمتي راحت سبيه وي رقيه

يا شيعه كافي هوايه _ زينبكم بلا رايه
أين استقرت والسوگ _ مو مقر حرمه وأيه

بالطف شنو الصار __شنو الصار_شنو الصار
موزينه الاخبار الاخبار الاخبار
________
بهالزمان_ الظلمه زادت عالضوه__ التموا ياشيعه سوه

صيروا نفس الرايه

والامان كلمن بقوله صدق ايفوز إذا بالحق نطق
ماخلف بحجايه

قولوا فينا ماشئتم__ واحنه اهل المعرفه

عوفوا __المنكر_والباطل_ مو الكم هالصفه

انتم الطينه العجنها الله بهدايه

اتحذروا من الفتن يهل الولايه

انتم الدمعه التطيح عله السبايا
بالروايه

شيعوا انخلقتوا بطينة __ وشيعتنا وادم زينه

يبجون دوم عله حسين __ ايفوز البچه عله حسينه

مكشوفه الاسرار الاسرار الاسرار

موزينه الاخبار _الاخبار الاخبار
كلبي احترك تدروني

________
بالحنين ماكو احن من أبد وكلشي بالدنيا زبد

بس محبة هاشم

للحسين خلي كلبك يختلي وصيح ياحيدر علي

والفرج للقائم

دينك عهدك _صير انته كالقابض عالجمر

شوف بكلبك ايمانك__ واختبره من الصبر

بشر الله الصابرين عله المصيبه

وماكو اشد من صاحب الامر ومغيبه

والمصيبة الاعظم وزينب غريبه

اتظل غريبه

اهل المحنه عليكم __ من خوفنه نوصيكم

الدنيا مو استقرار __ والأخره اتانيكم

ياشيعة _ الانذار __ الانذار _' الانذار

موزينه الاخبار الاخبار __ الاخبار

كلبي احترك تدروني

_______

محمود الموسوي ✍️

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

10 June 2025 18:43

‏هلال عاشورك خذاني للحزن ذاك الجبير
‏وكلبي يعصرني من اذكره وخيمة محتركه أصير
‏ شما كلت يحسين امدن إيدي بس شوفي الكصير

‏ عاشورك شيريد اشرلي من بعيد هلاله العماني
‏ يذكرني بالوداع تعبي وحناني ضاع وحزنك خذاني

‏يا شهر حزن سموني
‏بس خيم تشوف عيوني
‏شما تهل جمر سئلوني
‏عمرج خلص عذاب
‏هلالك اليريته ما هل
‏تعمدت شماتة وتسأل
‏واليگلي بت مَن اذبل
‏من حُرّت المصاب
@@@@@@@@&@@&&

تسأل اعليه الفواطم شفنه فوك البيت راية
وشفنه لونچ شو تغير والمن مطلعه العباية
والمن الجربة اعله ايدج مادرن هاي البداية

ياخويه جرحي اجه وسن رمحك اتجه
يذكرها روحي
لمن مشه الظعن بخطواته بينن حزني وجروحي

تجبل بحزن وابچيلك
يا شهر اجيت احچيلك
قصة الجرح من ليلك
بيوم الخيم تضيع
تلفي والعلم مو هوه
تمشي والجدم يتچوه
اغرگ بحنين الخوّة
وصورة ذبح رضيع

@@@@@@@@@@@@@

بيك شفنه هواي شفنه من التعب والنوح شاهد
شفنه ماي بدون جربة ودم عكس شو فوك صاعد
هلالك ارماح وعساكر وظال بس حسين واحد

بيك انكسر ظهر مو كافي يا شهر. يكفي الخذيته
تل اصعد بدمع وشفت انكسر ضلع لوضلعي ريته

گلبي عالرمح تاليته
وظعني عالدول فريته
ذاري بالشمس خليته
المستوحد الأخير
ماگضى الدمع يومية
يشعل الندامة البيه
صاحو اسمي يالمسبية
عگب الكفلني اصير
@@@@@@&&&&&&&&

بالخرابه وانت شاهد عشنه حاله من الونين
ياشهر شفنه رقية تسبّح باسم الحسين
وشوگها لشوفة ابوها فت گلبها من الحنين

منك بده الحنين يكتل ع الحسين بهاي الخرابة
بموته الگلب رضى وسيف الهجر مضه بليلة مصابه

حزنك المشه بدلالي
ياشهر چفوفه اهلالي
بعده ع النهر يقرالي
بالخوة و اعتذار
شوگي بس اشوف اخياله
ينفي هجمة الخيّالة
هيبة والخيم تبراله
مابيها طاري نار

@@@@@@@@@@@@@@@@

بيّه كل ايامك اتمر خيل وطعنات وخناجر
توني اريد اجمع شتاتي گالو نطب سوك باچر
ذكرياتك بيه كلهن عاشر يمرني اعلى عاشر

يمته تجي واموت وهلاك اليفوت بگبري ايتعده
هلالك حنه الظهر مو كافي يا شهر عمري التبده

ياشهر اشوف حسيني
وخله يعمه ناظر عيني
يالخذت هواي انطيني
امنيتي اسمعه صوت
يا شهر قليله ايامي
بواقع ابچي وبأحلامي
آخر أمنياتي الظامي
يشرب عذب واموت

@@@@@@@@@@

يوسف عيد

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

10 June 2025 18:43

ياحسين . . هل شهر حزن ونوايب
ياحسين . . كل گلب بلنوح ذايب
ياحسين . . ياحسين
•••••••••••••••••••••••••••
هل شهر الحزن والنوح والدمعه
ومثل كل عام اهالينه بحزن تنعه
مفجوعين منكسرين محزونين
بگلبب كل ام طفل شايب الك فجعه

نبجي اذا ينگال حسين بترابه
يادمعه الخدين ترسم خرابه
ونبجي بجرح مملوح اه يامصابه

ياحسين .. انت ياحزن الزجيه
ياحسين .. انطينه لوعه من رقيه
•••••••••••••••••••••••••••
هل شهر المصايب يسجب العبره
نضره ياحبيب الزهره بس نضره
بجينه لحد ماترضه يامولاي
وعيشنه بلهيب الخيمه والصحره

عيشنه جمره وياك وعطشنه دمعه
ولْضعنك المسلوب خلينه ننعه
وللاكبر وجسام اشعلنه شمعه

ياحسين .. نستلذ بيهه البواجي
ياحسين .. بيك مملوحه المحاجي
••••••••••••••••••••••••••
هل شهر البكاء والهضمه واللوعه
ويلي يلغريب الهشمو اضلوعه
عيشنه الجروح التجوي جوه الخيل
وخلي گلوبنه بطاريك مفجوعه

مايبرد الدلال ريت لغربتك
وبحرگت الدمعات نبجي لهضمتك
من طلعت اعله النوگ مسبيه اختك

ياحسين .. انطينه جرح ابلا نهايه
ياحسين .. دمعة اليبجيك آيه
••••••••••••••••••••••
يحسين الحزن يتوالم وي العين
هل شهرك علينه وانت تطلب دَين
مطلوبين الك يحسين مطلوبين
يل دم منحرك ثبت حبيبي الدِين

يل راسك اعله ارماح وجسمك توذر
واعيالك ابلا حيل مجتوفه بلبر
وزينب صريعة روح ذابحهه منحر

ياحسين .. بزينب وضعن العشيره
ياحسين .. جلمتي امنيتي الاخيره
ياحسين

/////////////////////////
الشاعر الموفق

حيدر علي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

10 June 2025 18:41

#ياكريم_الزهراء
#ياحسن_ابن_علي دخيلك

قصيدة:: الى مولاي الحسن المجتبى
(صلوات الله عليه)

باب للحب والكرامة ولهفة الدنية الحسن
دموع عشگي وحزن گلبي اباب حبة يلتگن
دخيلة أبن حيدر جمالة لليحب أوسع وطن

دنية لاذت باسمك
يالحسن ياشيخها
كلها يمك تسجد
ياملك تاريخها
حسن أبن علي ..حسن أبن علي ..حسن أبن علي

ياملاذي وياحبيبي الدنية غابة وريح خوف
والامان بروحي يكبر كون تاخذ بالجفوف
نعَرف گلبك يبو محمد تنطي للماشاف شوف

دخيلك ياكريم السادة
دخيلك گلبي راد مرادة
--------------------------
يبو محمد شوف گلبي بأسمك بحبة يدگ
والعشگ من يعبر اسمك چذبة هذا مو عشگ
شرعت انت ابياضك روح قانون الصدگ

ياملاذ الضايع
وبمحبتك قانع
مطر چنها حروفك
ومن عطائك ناكع
حسن أبن علي ..حسن أبن علي ..حسن أبن علي

وي حليب امي رضعتة عشگك المالة مثيل
إنه شفتك اغلى چلمة صاحب وأب وخليل
يبن فاطم بية أقبل إنه عد أسمك دخيل

دخيلك گبي نذر أسيادة
دخيلك ياكريم السادة
--------------------------------
ياملك مملكة گلبي بگلبي راسملك ضريح
شما تجير الدنيا ازورك وبحماك إنه أصيح
تاخذ دموعي بحنانك دمعة لعيون الذبيح

عشگك يدليني
يمر دمعة بعيني
نعمة عايش عاشگ
وحبك مربيني
حسن أبن علي ..حسن أبن علي ..حسن أبن علي

من عطائك گلبي يخجل وانت منطي لكلب عين
المايشوفك بيها گلبة ملثگ بذنب السنين
المايمر بذكر أسمك كسر خاطر للحُسين

دخيلك ياچبير القادة
دخيلك ياكريم السادة
------------------------------
عايش برحمة محبتك وانت سلطان الزمان
الما يخلي أسمك كلمتة ماعرف معنى الامان
سيدي دخيلك أخذني خل أسافر بالحنان

گلبي رزقة چفوفك
وبنهر معروفك
عشت ب ادخيل اسمك
وبدخيل حروفك
حسن أبن علي ..حسن أبن علي ..حسن أبن علي

انتة المخلي العيون تعيش لعيونك غرام
انت نجمة مرافگتني للجنون وللهيام
إنه احب مو شخص عادي إنه محبوبي أمام

دخيلك ياوريث أجدادة
دخيلك ياكريم السادة ..
------------------------------------
مصطفى علي الموسوي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

10 June 2025 18:41

قصيدة وداع الامام الحسن مع اخيه
الحسين عليهما السلام


نتوادع يحسين بغربة
عيني وعينك شنهي تشوف
انه بسِم ياخويه أتگطع
وانته بحافر لو بسيوف
جرحي فدوة يروح لجرحك
بالطف زينب  تنظر ذبحك
٠٠٠٠ ٠٠ ٠٠٠٠
يبن امي انه وياك نتوادع اشلون
عطشانة دوم عليك يحسين العيون
بصورة جمالك ليش باجر يخربون
بالطف غريب تموت ماتحصل امتون

اتظل ياخويه بذيج الهيمة
لاتشيع ولاتغسيل
كلشي مسلب حته الخنصر
وياقسوتها وياك الخيل

بايع كلشي مضاعف ربحك
باچر زينب تنظر ذبحك
٠٠٠٠ ٠٠ ٠٠٠٠
تختلف عني هواي يا لبّت حشاي
وحدك غريب اتموت وبعازة الماي
خويه اليصير وياك ماصاير وياي
يبقه الخدر يحسين تايه بلا راي

لاتبچي ياروح الزهرة
مجروح يصبر مجروح
ضم دموعك يوم العاشر
بيه كل لحظة تطلع الروح

شيضم ليلك شيضم صبحك
باچر زينب تنظر ذبحك
٠٠٠٠ ٠٠ ٠٠٠٠
يحسين اخذ جسام يعّوض غيابي
وشماتصد عليه إتذّكر شبابي
يمك يخويه ايهون جرحي ومصابي
شما أشوفك بهالحال يكثر عذابي

چم مرة تحنيها ضلوعك
من خوانك كله تطيح
تبقه لوحدك مامن ناصر
بذيچ الساعة خويه تصيح

تتصبر والدمعة تفضحك
باجر زينب تنظر ذبحك
٠٠٠٠ ٠٠ ٠٠٠٠

لو چبدي اگول آلاف بالسم تگطّع
تظل عيني خويه اعليك بالحسرة تدمع
روحك ابين عداك يبن امي ٠٠تطلع
وزينب حچي الشمات نسبيها تسمع

الله يعينك ويعين اختك
شافت منظر مامشيوف
چنك تربة بنص الهيمة
والتسجد مو ناس سيوف

وشايل راسك بالطف رمحك
باجـر زينب تنظر ذبحك
٠٠٠٠ ٠٠ ٠٠٠٠
أكبر جرح بالكون جرح العقيلة
ماعدها اخو من الضيم حي تشتكيله
بعد الخدر ياحيف تركب هزيلة
وراسك يخويه ارماح باچر تشيله

زينب لو ماتت بالحسرة
حگها انگول وماتنلام
شمات وحرمه بلاوالي
وكلها اتصيح الشام الشام

تعثر سكته ووادم تضحك
باچر بالطف تنظر ذبحك
٠٠٠٠ ٠٠ ٠٠٠٠
خادم اهل البيت ع
فلاح طالب الماجدي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

13 June 2025 19:16

#محرم_الحرام


هاي السنة انحج يا ابو الاكبر وياك .. وهنانه اثوّب
ما عدنه كعبة بطفك اعليها نطوف .. بس عدنه زينب
————
ما رحنه هاي السنة لمكة نحجها
الحجة الصدك من كربلاء نرجها
تتكشخ الناس بحلي بس يحسين
ربعك دمه و موش الذهب زبرجها
ونگلبه صافي الحومة باچر مجها
حج الحرب عدنه يعادل حجّين

قد دخلنا الحومة دين .. بسلامٍ آمنين
احنه سدك ياحسين .. وما يعبر عليك الهوة

طلع عابس للصراع .. من ثنيات الوداع
ما تشيل الغِيرة گاع .. عرّگنه صحرة نينوة

الوادم مشت للكعبه حجّت يحسين .. بس حجنه اهيب
ماعدنه كعبة بطفك عليها نطوف بس عدنه زينب
——————-
ما نحرم اعله الحج غداً نتحزم
باچر يحّلي الحجة مالتنه الدم
مامش حجر اسود لچن عدك جون
إلدنيا تمطر هيل من بي نشتم
باچر مواقفنه تحجّي الابكم
والاعمه لو مر بينه ترجعله اعيون

انت مصحف باكملة .. واحنه سورة زلزلة
وهاي بقعة كربلة .. تغبطها مكة اعله الشرف

احنه حجاج الذبح .. مو جبل نصعد رمح
رگب نگطع للملح .. ومامش جفن بالعركة رف

الوقت المناسب للطواف انت احسين .. يلكلك انسب
ماعدنه كعبة بطفك اعليها نطوف .. بس عدنه زينب
_____
امن اشتد وطيس المعركة وصار زماط
طفنة اعله خيمة زينبك سبع اشواط
الاحوط وجوباً عابس ايشگ الثوب
من شاف ثوب الغيرة رايدله اخياط
من گصة الطف ظل يبيّن نگاط
وظلت تطيح ارگاب ووياها ذنوب

جان تلنه الزينبي .. عَرَفة بلايه نبي
الاعجمي اويه العَرَبي .. من كل صنف جينه نحج

جابه حبك مو ذهب.. طفك مسنِع وهب
من صدگ يا للعجب .. دمه ويه دمك ينمزج

سبعة العجائب وانت عدك سبعين .. كل واحد اعجب
ماعدنه كعبة بطفك اعليها نطوف .. بس عدنه زينب
————
تبات بمنى الحجاج واحنه نساهر
اضحيتنه نگطع روس يوم العاشر
و مو بالحصى بسهام رميي الجمرات
وشيطان آمية نرجمه بالدم باچر
والحج فلا مقبول للما ناحر
كبشين منهم فديه عن الخيمات

بكربلا ماكو منى … بس خيمنه الآمنة
وهيه اعز من الضنه .. مثل النِفس عدنه الخيم

اسهام نرمي و مو جمر .. على الشيطان الشمر
بحجنه ما ردنه اجر … هنياله اليكتله السهم

المروة وصفا امن العلگمي و للخيمة .. و الراية مذهب
ما عدنه كعبة بطفك اعليها نطوف .. بس عدنه زينب
———————
مسجد حرام اخيامك وما تزغر
بالطف محمد ماكو عدنه الاكبر
وما عدنه زمزم عدنه بس العباس
ومامش بلال بطفنه نافع كبّر
الركن اليماني الخندق الما يُعبَر
من حجنه هذا امنين يلگون الناس

ومفتي انصارك حبيب .. گال موتوا اعله الغريب
يفتهم حبنه اللبيب .. هذا العشگ فوگ العقل

قاري قرآنك برير .. والدعاء يقراه زهير
حجة الطف كلها خير .. بالموقف الحب ينصقل

اليدرس عشگنه بساع يوگف عقلة .. وعيونه تتعب
ماعدنه كعبة بطفك اعليها نطوف .. بس عدنه زينب
—————-
أنصارك وعد عينك احنه الغالي
اللهم صلي احسين وجهه يلالي
يشيلون روس اصحابك بروس ارماح
و مو عالرمح عالناس راسك عالي
وبس انت خير من الله والطف خالي
خل تتعب السبعين كونك مرتاح

الناس وين واحنه وين .. احنه خدّام الحُسين
للبشر ما ننطي عين .. بس ننطي دم بالخاتمه

الحجة تمّت والسلام .. والذبح مسك الختام
دخيل كعبات الخيام .. زينب سكينه وفاطمه

حجتنه خلصت صرنه حجّاج حسين .. والطف تذّهب
ما عدنه كعبة بطفك اعليها نطوف .. بس عدنه زينب
——————-
علي هادي الخزعلي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

13 June 2025 19:15

((لمولاي العباس عليه السلام))


زينب تعالي وعدلي مگفاي
ذبحوا چبير اخيامي عالماي
جيتچ ومكسور ظهري ومظهري
اهلال صار اعليه عمودي الفقري
———————
يا نهيبتنه الچبيرة … طاح شريان العِشيرة
طاح ذاك الما مطيح كلمة مني

من تدنيت اعله جثتة .. لا عرفني ولا عرفتة
حاسة شم الاخّوة الساعدتني

صدمة يازينب تذب بالي اعله صدمة
خل يجيني حسين گلي وآنه يمة
زرعة الشتلة برمل مزروع سهمة

الچان ايعرفني بصوت الاجدام
ما يسمع مخليتة الاسهام
الچان من امتار يعرف منظري
اهلال صار اعليه عمودي الفقري
————————
بريشتة التامر وتنهي … نگّبت شيبات وجهي
واليجي امنّگِب لحيتة امشيّع اكبار

جيتج اتخوّف مشيتي .. والهوة امجمّر بريتي
وجرحي الامخيّط يزينب فل الازرار

مات اخو اعيوني وبعد ماشوف دربي
من شبگت عيونه طلّع روح گلبي
لا تعيّشني وره العباس ربي

طيحي المخيم زينب بساع
طاحت سمة العباس عالگاع
من طحت فوگة السهم طب منحري
اهلال صار اعليه عمود الفقري
————————
طاحت الراية التلمنة .. طيحي يازينب خيمنة
طاحت چفوف الترتبلچ عباتچ

امشينة للخيمة السكنها .. ارد اذب عيني بحظنها
بيها خل نسوي مجلس وي خواتچ

بخيمة العباس ننصب فاتحتنه
احنه نلطم وانتي زينب ناعيتنه
اله اخلي الراية تلطم ثالثتنه

اله اطحن اعيوني اعله الضلوع
واله اترس الجربة امن الدموع
اليوم شط دموعي يوصل للغري
اهلال صار اعليه عمودي الفقري
——————
طاح اخوي وطاح بيتي .. وخيمته شيبة بلحيتي
ذكرياتة براسي طلعن شيب كتّال

شابگ الجربة و الولي .. قوس مابي سهم طولي
چني زين العابدين امحدب اهلال

مات قائد عسكري وآمر سريتي
وآنه جريت العمد مقصودة نيتي
وبعمود الخيمة عكازة مشيتي

هم الها حد طاقة الانسان
مذبوح اخوي وآنه عطشان
هو واحد بس تتطشر عسكري
اهلال صار اعليه عمودي الفقري
——————-
الفاگد اخوانه شيجبرة.. عمامته يشدها اعلى ظهرة
مفرع وذبيت درعي وگلبي عالگاع

راح ابو حچايات حلوة ..عظم الله اجرج يخوة
راد عود يگوملي وطاح اعله الذراع

الظهر ما ينذبح وانه انذبح ظهري
وركضة امتيهين يركض شيب شعري
چفوفه مگطوعات مدري سنين عمري

هاي الخسارة التگطع الراس
والمشرعة مخسرتني عباس
وذمة الماي وعلي اولا تنبري
اهلال صار عليه عمودي الفقري
———————-
علي هادي الخزعلي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

13 June 2025 19:15

لمولاي ابا الفضل العباس ع

قتاله .. وفعاله.. حچن بالطف جهوده
بنزاله .. وجماله .. گمر والنجمة جوده
عباس قتال اسباع .. عباس شيخ اعله الگاع
                خياله .. خياله
——————————————
شال النهر من گاعه … و داره بجربته بساعه
والطف سفينه بلا نوح.. والريشة ذيج اشراعه

يصدوله .. بزغ طوله .. حلف ذوله
اندمهم صدگ
الرگب صيده .. اجن بيده .. الايريده
النفس ما ينشهگ
بميادينه.. كمل دينه.. بشر عينه
التخزره يحترگ

يطبهم .. رگبهم.. يطيحن جوه رجله
اليشوفه .. يعوفه.. دخيلك من يگله
حچاي لازم ينطاع.. عباس شيخ اعله الگاع
                 خياله .. خياله
————————————
شاهينه چنه وطالع .. من دمهم او لا شابع
سبعين الف صاروا گاع.. خالسهم امن السابع

نزل حامي ..صرخ ضامي .. أنه ابهامي
يدوس اعله الزلم
ابو الكلفه .. من اتحلفه.. يجي بچفه
الهوه الما ينلزم
منو ايحدّه .. يكر وحده .. لَمِع خده
يكسّر عالنجم

بوگفته.. وخبرته .. يريد ايذل عقلهم
چبير ابشموخه.. نخل ما ينزل الهم
عباس كل خده اشعاع .. عباس شيخ اعله الگاع
                     خياله .. خياله
————————————-
ايحاچيهم ايغليهم .. من يسكت ايذل بيهم
غيم اسود وشايل ماي.. بس يرعد ايبچيهم

سحب سيفه .. نثر حيفه ..مشه بكيفه
قيافه اعله النهر
الهوه ايعيشه ..فتح ريشه.. العدو وجيشه
يونسه اشما كثر
بخت ساده .. حچه اعناده.. على القادة
شبخ رجله وعبر

تعتبر .. تبختر .. اظن زينب دعتله
كفلها .. ويگلها .. الوفي احچاية التكتله
ماي الگصص ما ينباع .. عباس شيخ اعله الگاع
                    خياله .. خياله
——————————-
قَط مابرد چانونه .. طاقة شمس بمتونه
بس يم اخوته العباس.. القطب الشمالي اعيونه

بشر كله .. ادب ظله .. يصير احله
اذا جاسه الزعل
ملك غيرة.. صگر ديرة .. تعابيرة
گمر چنه وكمل
اذا جته .. عباة اخته .. سمه گصته
يمطّرها خجل


مؤدب .. يزينب .. ابد ما گلها مرة
تعلم .. يگلها .. يمولاتي او يحرة
وايصيح تعبچ ما ضاع .. عباس شيخ اعله الگاع
                   خياله …. خياله
—————————————-
صح هوه حيل اهواية.. بس ما يثنّني احچاية
جي عد حسن ظن احسين .. انطاها حگها الراية

الايغثة .. يرد جثة .. بعد ورثة
ابن بت البدو
ابو احچاية .. عدل راية .. النهر ماية
يحب چفه ابدفو
الكرم حصة.. واجت فرصة .. شلع فصة
الاعزوبي الكفو

يكرهم .. يطرهم .. اذا عم سكنه غيّم
مهمته.. يحامي ..    اميرات المخيّم
متروس كل طوله ابداع .. عباس شيخ اعله الگاع
                          خياله … خياله
————————————-
علي هادي الخزعلي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

13 June 2025 19:12

حسين واحسينا   حسين واحسينا

بدت ثورة محرم
بدت دمعتنه تضخم
بدت رايتنه تغرم.   (  بدات )
خـلي الزلم تكـوم لا يبرد الحجي
ساعتهه هاي كون ما ينضم البجي
يـهل العـزه الـعزه ذمـه وامانه هم
على اليرضن الحسين خلونه ننتجي
لجل الحسين الفزعه مريوده
النعمه الجبيره اصير محسوده
عوفـو المقـصر يلتهي بـروحه
لحـد يـخلي الـرايه مـشـدوده

حسين واحسينا   حسين واحسينا
_\
الحزن لايك علينه
الحزن من الله بينه
الحزن حرز الضعينه.   ( الحزن )
سر الحزن فعل فل ينتهي الكلام
الما يعرف الثبات ما يعـرف الخيام
لون العطش قريب واليعطش ابن اصول
حب الخـدامه نـار ومـطعـم بـغرام
بدار العشك نفرش نعاوينه
هاوينه درب الخدمه هاوينه
علـمـنه جـرح الـماي علـمنه
نوزعه بثواب الساتر علينه

حسين واحسينا   حسين واحسينا
_\
العزه _ باب الخدامه
العزه _ رفعه وكرامه
العزه _ دين النشامه.   ( العزه )
سمو بسم علي للخدمه والونين
دين اللطم درب للماكو عنده دين
تتكشخ الخلگ تلبس لبس جديد
بس أحنه نختلف كشختنه بيهه طين
هايه ليالي المنذبح هايه
وفايـه يرادلـهـه وفـايه
يستاهل أبن الزهره نترسهه
كل الشوارع رايه يم رايه

حسين واحسينا   حسين واحسينا
_
حسين _ أسمه طهاره
حسين _ حبه حراره
حسين _ عشگ الغياره
عاشور ابو الحزن عاشور ابو الهضم
الخدمه بلا تعب مابيهه كل طعم
عينوهه فاطمه با الصيحه ياخدم
حي على البكاء حي على اللطم
اهلاً بشهر البي تعب يسوه
واليعطش من دموعه يتروه
نتعب محرم با التعب يحله
راحه بمحرم دوم مو حلوه

حسين واحسينا   حسين واحسينا
مشترك
✍🏻انور السهلاني
✍🏻 سيد حيدر الصافي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

13 June 2025 19:12

الليلة السابعة
محرم الحرام 1447
ليلة مولانا ابو الفضل العباس علية السلام

اي واعباساه
اي واعباساه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
الشمس تتكبر عليك _ يلمبيوگ فيك
خضارك يذبل بساع _ أذا ينگطع ريك
يموت ولا يسمعه العدل حچي الشماته
گالولي يلحسين أنذبح عباس أخيك
لاوين أروح هسه آنه وحدي والدنيه ضدي كلشي عدو
لاوين أروح ابچي عله حالي _ ويگلي حالي _ انت منو
لاوين أروح _ خلوني أشيب _ كسرولي ضهري _ ماعندي أخو
منين أجيبن بعد كفال منين أجيبن عضيد
چنت أحسب تضل الخوه ما أضلن وحيد
هسه گربت عليه الحوافر كلهه صدري تريد
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
شلي بلايه خوان _ بهايه الدنيه شلي
شيبي من وكت صار_ عبرت بشيبي حلي
شي أكبر من الموت _ گمت أدواره أدور
أخيه وماعرفني _ ياهو أنت يگلي
بچاني أخوي _ چان أبتسامه _ بلايه عمامه _ بذني الحروف
بچاني أخوي _ لو ردت أحركه _ شي منه يوگع _ شجمع شعوف
بچاني أخوي _ من ماعرفني _ دم عله عينه _ مابي يشوف
مابقالي حيل وماكو قوه ومني ماتن أدين
هيه هايه حالت كل حنين يكسره واحد حنين
نزلن دموعي يمه وگتله آنه أخوك الحسين
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
يم النهر محروگ _ گلبي من الاعزاز
دارت وانه جناز _ الجنت محسبه جناز
ضهرك فرغ يحسين ونخلقن فراغات
چنت بس ماي محتاز _ هسه أخوان محتاز
ماگام ألي _ خويه الشماته _ تباوعلي فدوه _ يم الفرات
ماگام ألي _ ماتسوه بعدك _  والله ثواني_ هاي الحياة
ماگام ألي _ حرك چفوفك _ گتله الهضيمه _ ومگطعات
شلون أشبگه وجفوفه نگطعن لاشبگ لاچفوف
طوله ذاك الچبير الهيبه مگصراته السيوف
ما أشوفن طريچي صفيت وهوه هم ما يشوف
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
حالك مايضل زين _ الخوه تغير الحال
خصوصاً لمن تشوف _ أخوك مگطع أوصال
بهاذه الموقف تحير ياشلعان الگلوب
ماشايل چفوفك وأخوك تريده ينشال
بمچاني صير _ شتسوي خويه _ لو بيه صاير _ هاذه الحصل
بمچاني صير _ عورته گلبي _ ولچمتني روحي _ نفسي ثگل
بمچاني صير _ لا بيه أعوفك لا بيه أشيلك _ صاير وصل
هسه اذا ماگمتلي الوادم بيه يتشمتون
ساعه وبرماح وب الحجاره عليه يتگابلون
ماكو واحد اليسندني بعدك فز يحامي الضعون
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
أرد من ضيم للضيم _ وفوگ التعب أتعب
يشفه حدب الضهور _ شيشفي العمره حدب
لو رايح للسيوف ومذبوح أحسن هواي
ولاذبحوه أگلهه  عباسج يزينب
راح الكفيل _ مات المحامي_ راح انه اموتن _ اخر كلام
راح الكفيل _ حضريهه حالچ _ وعله دلالچ _ اقري السلام
راح الكفيل _ من هسه شوفي _ لطفالي مأوه _ بحرگ الخيام
خويه زينب دلالچ مات بموت أخونه الكفيل
خويه هيه چم ساعه وراسي منه دمه يسيل
خويه من بعد هاي اللحضه تحضري للهزيل
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد حـيـدر الـصـافـي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

13 June 2025 19:11

الليلة الثانية
محرم الحرام 1447
لصاحب الزمان عجل الله تعالى فرجه

____
أذكروني ياشيعة جدي
أذكروني غريب المهدي
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
ياهو زعل سيده _ ياهو عافه لوحده
خل يحاچي الليله گلبه وخل يتوب
ياهو يرضه أبقه وحيد _ ياهو يرضه أبقه شريد
ياهو يدري سهام بيه من الذنوب
منو يقبل أمامه بصحره _ بس يبچي مخلص عمره
شني نفعه اليدري بكلشي _ ومايدري عيونك حمره
أركض وأگعد وارجع اركض واگعد وارجع اركض حسره
كلما ذكرو جدي الركضن فوگه خيول معصبه عشره
عينوني عله مصابي گلبي وضهري أنكسرن نفس الكسره
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
الليل والمصباح هم _ بيه محترگه الخيم
ويلتم الدخان فوگ الراس شيب
وره الشيب الموت بيت _ وانه گبل الشيب ميت
الشمس تنزل للگبر گبل المغيب
مايرضه يفارگني التل _ الفوگ التل كل جروحي
يدري الله بطلعت زينب _ من طلعت طلعت روحي
أصرخ وأبچي وأشهگ للخمسين  الترسن كل ذاك البر
تتعثر مره بعون ومره بعبدالله ومره بجعفر
تكبر كلما تتدنه عله حسين وكلما أتذكرهه أكبر
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
خله يدري المادره _ انه بعيوني مره
بلشرف منهه الشرف ياخذ وصل
عمتي گعده من العطش _ صلت بليل هدعش
والصبح گالولهه صعدي الهزل
خدر المهيوب بقبيله _ يكفله الذابحله كفيله
الصعدو عله ناگه سليمه _ تاليهه بناگه هزيله
چانت حالتهه تعجب مهيوبه ومحسوده بذاك الحال
المچتوفه بطوگ اخوان ومامرهه الهم أنچتفت بحبال
لاناگه ولا رايه ولا بيت اليرهب فيه ولاكفال
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
أتجمعو آنه يتيم _ الضيم خلف بيه ضيم
وحدي لا عندي أهل لا من ربع
والله تعبان ارد انام _ الدنيه كلهه بعيني شام
الشام يشلع گلبي لو ذكرو شلع
عاده الزلم تموت ألنه _ ننهضم ونخفي الهضمه
بس ماصارت ياوادم _ عد هاشم تنسبي حرمه
مهضومه ومفجوعه وموجوعه الماشايف ضلهه الجيران
تاليهه تطر السوگ بناگتهه التعرج وتطب ديوان
حگهن ذني عيوني يصبن دم گد النهران
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد حـيـدر الصافي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

13 June 2025 19:09

| جواد اليتامة |

يالمظيفك عامر انتَ اعلى الفقير
اليندب أسمك بالشدد لا مايحير
حظرتك جنــة عدن
والمحب يمك سكن
يبو الهادي … يبو الهادي

——— ١ ———

العندة حاجة ماتردة يالجواد
انتَ باب الله وتــوزع بالمراد
يلي عندك جاه يـم رب العباد
كون ما تنساني في يوم المعاد

حظرتك كعبة ونطوف احنه عليك
من امد ايدي تحــــن وتمد اديك
شگد ترف گلبك حنيـن
بي ترافة مـن الحسين
يبو الهادي .. يبو الهادي

——— ٢ ———

الهوه الداخل حضرتك بي دوه
للمريض أموصفينة هــل هوه
لو علّيل أسمك يندبه هم قوه
الضامي بأسمك زال حره وارتوه

أنتَ شمس الكاظَّمية الشـــارقة
وصفي يعجز عن جمالك بي تقة
رادتـــك روحي أكيد
يمشي حبك بالوريد
يبو الهادي .. يبو الهادي

——— ٣ ———

خدمتك أكـبر تجــــــارة بالعشــگ
كلشي تنطي لليخدمـك مـــن صدگ
ارزقـني دمعــة بمجلسـك خل احترگ
ناذر انه صـــدري يمــــــك لو ادگ

وادم أتگلك علي شگد ماكريم
يالمظيفك وكلـت بي كل يتيم
تفخر اتشبع الفقير
گلبك يعيش ويطير
يبو الهادي .. يبو الهادي

——— ٤ ———

سيدي بعدك شباب بهـل مصاب
يالشباب الماعشت مثـل الشباب
ياثگل عشرينك بحـــــظن التراب
فگدك مخلي بگلب ناسك صواب

بالشمس ظلت صَّريعة جنازتك
ما اجت ذيــــچ الخلگ من شالتك
يالبقيـــــت بلا أهـل
صعبة وياك الحصل
يبو الهادي .. يبو الهادي

——— ٥ ———

انتَ سلطان العشگ حبك حلال
خدمتك باب الكــرامة والــدلال
منك انه شما رحـــت گتلي تعال
انه ناذر روحي يمــــــك للمحال

بخيرك مغرگني ياديرت عشگ
حبك معلمني وياك الــصدگ
اليمشي دربك ماتعب
بدمع أسمــــك كتب
يبو الهادي .. يبو الهادي
————————
اللهم عجَّل الوليِك الفــرج

السيد عبدالرحمن الموسوي ✍🏻

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

13 June 2025 19:08

| قمرُ الخيام |

——— أَلْمُسْتَهَلْ ———


من ضي جمالك هالشـــــمس مخلوقه
ونظـرت عيــــونك ابــــــد ما مطروقه
انصاغ الرمش
مــــن العرش
وانته عيونك سـر الماي .. يابالفضل

———————(١)

يجرت حاجبك چن نهر فوكَ العين
ريشاتك آنخلقن من رموش حسين


لاحظ وصفـن زين
شكل الجربه امنين
تشبه جفن الــعين .... الجربــه

الخوه انزرعت بيك
هيه اتلوگ اعليك
درعَ حسين ايديك …. الگلبــه


الگمر يخجـــل مــن تلمحة بنظرة
شاف العمامة الفوكَ راسك خظرة
أجمـل بشر
أسمه الگمر
وعليّك اتلــــــوگ الوفاي .. يابالفضل

———————(٢)
من تغــــرف بديك نهر وشلته
قصدن من حروره البيك نشفته

كيف جرف الماي
من انتَ عليه جاي
طولك سوه افياي .. النهر


الجرف يغازل بيك
من اتمدها أيديك
يتشرف يرويــــك .. يالگمر


ماي الفرات اتروه من اجفينك
من عالجرف گاعد يغازل عينك
طــولك بحر
يروي النـهر
خيرك ياعباس اهــــواي .. يابالفضل
——————(٣)

يدرع اخيام زينب طــولك ايسد عين
يكشخ من يسولف بيك اخوك حسين

اشمحلاهه الغتـره
اعله امتونك خضره
أبچفـــــك شـامره .. عله متونك

الريــــح أيغـــازل
سيفـك من شـايل
يامحلـــه الكافــل .. أيسمونك


ماخذ سوادة اليل من عيونك
انتَ الهوه البدنيه اليشمونك
كامل صفه
رمز الـوفه
لخيامك انتَ السقاي .. يابالفضل

———————(٤)
انته اول اخو تختلف عن الناس
لذالك ميزاك الله بأســم عباس

لو نضرب مقياس
عن اگلوب الناس
يطلع بس عباس .. وحنيتـة


رب الكون انطاه
وابعلمـــه علاه
لحسينيه خــلاه .. يمنتــة

حامل لواء حسيــــن الله اختارك
كاشخ انتــــــه ابيمـــنتك بتارك
نعـــــم الاخو
الكافـــل كفو
يندب حُسين و مـــولاي .. يابالفضل

———————(٥)
آيه العظمى هوَ الساجد الخاشع
العبدُ المطيع الـــــــربهِ راكـــع

قد ابـــــــدع الله
الكافل مــن سواه
ابنظراته اشمحلاه .. بالعسكر

وامقــــــــدم جفين
جربه وسهــم ابعين
الكافل لجل حسين .. كلشي ابدر


الخوة كلـــــها اتأسست بالكــافل
انصاغت الخــــوه بأسم ابو فاضل
ماكـــــو مثل
راعي الفضل
واعله المُخيم حمّاي .. يابالفضل
————————
اللهم عجل الوليكَ الفرج

السيد عبدالرحمن الموسوي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

13 June 2025 08:55

قــَرب ؏ـيدُ الغَدير 😍🤍
‏جِئنا ڪمن قَدْ جَاءَ فِي يَوْمِ اَلْغَدِيرِ ،
   قُلْنَا قِبلنَا حَيدرًا نَعِمَ اَلْأَمِير 💕🌱"
تــﺣحـبـꪆטּ ۿِـيـج
اقتباسات ♥جبتلڪم قناة ڪࢦـش
احبها منشوراتها نازكة وجميلةة✨🥰💜👇👇👇
/channel/RAZAQ_313/85428?single
/channel/RAZAQ_313/85428?single
انـضموا قناة تـجنن تفـوتڪم 🥺🧿♥️↟↟

قصائد حسينية مكتوبة عامة

10 June 2025 18:44

هذه نيران بيتي. ذكرتني بالخيام
أحرقت فوق النساء ورموها بالسهام
عمتي فرت بخوف نحو جثمان الإمام

بيتي من. احترك يا ناس. شفت ألما تشوفه العين
بناتي شردن من النار واحتارن يروحن وين
لاجن زينب بيا حال من فرن بنات حسين
تطفيمن وهي بلا ماي. والمخيم دوه صوبين

حايرة تركض المن عالنهر ذبيح. زينب تصيح تكوم وتطيح
حايرة. هيه حرمة والحمل بنات. صوب الفرات. ركضن خوات

المخيم مشتعل والركضن عبي
قتل من قتل. سبي من سبي
=====================
يا حريق الدار هون إن في القلب حريق
إن.جدي في العراء مات في الدم غريق
ذ.بحوا نحرا رضيعا قطعوا عنه الطريق

يانار الكلب يا نار. موحكهه للدموع اتسيل
حسين بكربله مذبوح. وبصدره تدوس الخيل
مصيبة زينب ويه النار. وحدها تهد الحيل
تطلع للغرب تنشاف. والخيمه جمرهه يسيل

كربلة. كلها غربة والخيم دلال. اجفوف وحبال. صاحت تعال
عايله. بلايه والي وزينب النحيب. جرح السليب. ماله طبيب

والطلابه الحبل. والحادي اجنبي
قتل من قتل. سبي من سبي
=======================
أطفأت نيران بيتي. إنما الجرح يسيل
لا خياما، لا رقية لا شهيدا لا. قتيل
زينب ليس لديها. أي حام أوكفيل

شيطفي الكلب والروح. مهضومه وعلي ياناس
من حركوا خيام حسين. ما ضلت بعد حراس
زينب طلعوهه شلون. هاي الشيبتلي الراس
الحارسهه كبل عباس. تمشي ويه الذبح سلام عباس
مدوهنه. طلعوهه بت علي عجيب. الكافل سليب. ومامش مجيب
مدوهنه. يامصيبه تشبه المصاب. فوك التراب. طاح الحجاب

زينب اعله الهزل. بأمي وأبي
قتل من قتل. سبي من سبي
========================
أين ثأر الله أين. أطالب بالدم أين
كم لنا ظلع وباب. نطلب الأعداء دين
أول.الثارات قلها. يا لثارات الحسين

ثارك عالرمل مذبوح عاري وماكو عنده فياي
وثار ابنه الرضيع انصاب. نحره من سهم رماي
وثار اعله النهر مطروح. وخيامه تريد الماي
وثار الركضن من الخوف. مو مثل الركض بهداي

ياعلي. حرمه تعثر ياعلي تكول. وذيج الخيول. ضلت تجول
ياعلي. كلها صاحت تركض الزغار. ياعمه نار. وين الفرار

ثار الله يهل. بيد الطالبي
قتل من قتل. سبي من سبي

//////////////////////////
سيد محمود الموسوي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

10 June 2025 18:43

من اكتب ثلث دكات للصادق ارتاح
الهم السلاها الروح من عدها ينزاح

بوجهه السماحه تشوف راعيها العلوم
وزع علم عل الكون وضل قلبه مهموم
مو دمع منه ايطيح لا طاحت ادموم
بقلبه اللچم والضيم من كثر الجراح

تسولف بعلمه الناس حلها المسائل
وضح طريق النور واطه الدلائل
هذا ابن راعي الدين شيخ القبائل
بجف ايده حد الموت كل عالي يلاح

بل العلم يرقه الكون مو بل الدنانير
كل صعبه عد الناس خله الها تفسير
ابيته مافد يوم بردت تنانير
والصادق لكل خير تلكه اسمه مفتاح

كل حاكم وطاغوت يكره وجوده
والعارض اهل البيت تاليته سوده
جابه بني العباس ثبت صموده
جلمته الجانت سيف منهج للاصلاح

قلبه بحريك البيت كلش تأثر
اتذكر اطفال حسين ودمعه تفجر
من خافت النسوان والعيله بل البر
عله الخيم هجمت خيل وخياله بارماح

التلجم الوجدان والتحرك الروح
جده لثلث ايام عل الغبره مذبوح
ينعى ويون اعلي من ايذكره مذبوح
للسيد العطشان بصوت الحزن صاح

اللهم صلي على محمد وآل محمد
اللهم عجل لوليك الفرج
الخادم المقصر /علي حسين راضي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

10 June 2025 18:43

حسين مولاي

اجه شهر الحزن ياگلبي زيد النوح
عوف ذنوبك وي عسكر الحر روح
بصدرك احرك اخيام أشهك الدخان
كلبك عطر عنبر منبه يبقه يفوح
الطم وجهك وارسم عليه نيشان
حلات الحب تضل طول الدهر مجروح

لجل الخيم ياگلبي شب نار
لاتضل مثل الجاي خطار
كون لمحرم تشتعل نار
وتنوح دم وي طالب الثار

حسين مولاي
_____
اريد اسحك اضلوعي وي سحك الخيل
واريد هدومي كون تصير لجلك ليل
اجه شهرك وماميت مثل كل عام
الوم بروحي وابجي ويل يتبع ويل
مامعميه عيني لهسه الك مولاي
لمصيبه صدرك المفروض اهد الحيل

كون البواجي عليك للدوم
وكون اسود م̷ـــِْن الليل الهدوم
ياحزني كون تعادل البوم
وتگضي الليالي نوح مو نوم

حسين مولاي
________
گرب شهر المصيبه وذبلت الزهره
عله كسر الضلوع اگضي العمر عَبره
اكضيهه بواجي وبدمعتك شوف
دوس الخيل فوگ حسين هم عِبره
طيحت گمر فوگ النهر تضوي الليل
بلماي التشربه حس باثر جمره

احرك بروحك نار الدموع
تتبده يلا تضوي الشموع
لْـۆ تذكر اسمه انذر تلوع
يستاهل الضحالك اضلوع

حسين مولاي
_______
اجه شهر المصيبه تحزملهه احزام
نكسر حته بوگفتك لاجل طاري الشام
باجر تنسبي الماطالعلهه خيال
زينب والهضيمه بلخرابه تنام
عمت عيني المصايب لسه يمه وياج
اجه عاشور والوحشه مثل كل عام

ارد ابجي گد دخان الخيام
واحمل وجع گد ذيج الاسهام
ياضيم كلبج ياأم الايتام
الموته هله هم يگدر ينام

حسين مولاي


الموفق

الشاعر حيدر علي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

10 June 2025 18:41

يا كريم بني هاشم
...................
يا أبو الهلا ومعزب الطير
يا كل ستر طاريه بالخير
من كهوتك لحرورة بالنار
مو كهوة غيرة بدلته يدير


بافعاله يسكت كل حجي ومو كل حجي يلوك عليه


يمخلي للمر كشخته وحتى الملح سولف بيه


.............................
هيبة علي وتربات الشيوخ
بيك البشر تحتار وتدوخ
كالو عليمن طالع منين ؟
من جده هاشم نسخه منسوخ


من جده تعلوم الكرم يشَبّع اليمر بطاريه


يمخلي للمر كشخته وحتى الملح سولف بيه

......................................
يمعزب القاسم للحسين
ابشوفة مضيفك تبرد العين
العباس منك ماخذ اوصاف
بساعة زماط يذبلة جفين


السويته ما واحد قبل مثلك شهم ومسويه


يمخلي للمر كشخته وحتى الملح سولف بيه
.........................................
يا زود ما مثلك بعد زود
ابن الحيود مخلف حيود
لو ينذكر اسمك يجي العيد
يمشبع الخطار والدود


يالسفرته انمدت خلك يعطش نهر هم يسكيه


يمخلي للمر كشخته وحتى الملح سولف بيه

_________

خادم الحسين عليه السلام
الشاعر // علي الكنعان

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

10 June 2025 18:41

محرم الليله الثانيه مولاي الحسن المجتبى (ع)

شوگي يحدي .. للحسن ودموعي تتبده جمر
شوگي يحدي .. بلايه ملگه شيسوه مولاي العمر

شوگ الحبيب شما بعد يزداد عشگه البالروح
يالحسن روحي معلگه وي تراب گبرك والنوح
مفضوح شوگ الي يحب شوگ اليحبك مفضوح

دمعاتي مسامر تحجيلك
واشواگ عيوني تبجيلك
من ادروب المابيهه ملاگه
ادخيلك يامولاي ادخيلك

يارأي الخليقة دموعي ترجاك
اوصل گاعك وابچي اعله مثواك

من عذابي أتوسلك
شوگي ياخذني إلك
_______
ياحبيبي .. يالحسن ياسيد الحب والحنان
ياحبيبي .. مانصف گدرك يمولاي الزمان

عشت بوسط غيمة حزن واستشهدت هم محزون
بگاع البقيع لهل الوكت مطعون گدرك مطعون
بلا گبه لا راية ترف ياغربتك يمته تهون

گبرك مابيه رفت راية
ولا زوار تسوي قراية
لجمة وهضمة يبن الزهرة
بلا دمعة ولاحس نعاية

المفروض الكريم الكل تهابه
موش گبورهم تصبح خرابة

باقي گبره بلا صحن
ياغربتك يالحسن
________
غربة غربة .. عايش ابين المواجع والحنين
غربة غربة .. لچمة افراگك فلا تبره وتلين

من البقيع لكربله اهواي ملجوم اهواي
انت غريب بلا صحن وحسين ظامي بلا ماي
للباقي عاري بلفله ظل گبرك بلايه فياي

يبدي بچبدك جرح العاشر
بيهه تواسي جروح الحافر
يتغرب ظعنك عالهزّل
وانت أعرف وأعلم بالصاير

غربة وماگضت ذيچ المصايب
لليوم اعله اهل زينب نوايب

يالبقيعك منهدم
ظعنك بعازة زلم
______
بين اگلك .. يمته ازورك بين اسولفلك عذاب
بين اگلك .. يامصاب اليدمي گلبك يامصاب

طبرة ابوك بهامته لو ضْلع امك والباب
جرح السهام اعله النعش لو جبدك من السَم ذاب
لو جرح اخوك بكربله وحده صريع اعله اتراب

كلهن عايشهن دلالك
مولاي احزانك تبرالك
نوح وهضمة وكسرة خاطر
يالمتغرب بالهم حالك

ذايب جبدك ودمعك يجاري
عله مصاب الي ظل بالصحره عاري

عذبتكم كربله
الزهرة تنعى معلعلة
_______

الشاعر حيدر عبد

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

10 June 2025 18:40

حال العليلة (ع)
___
1
سلوتي دمعتي
على الخد تبدت خذت دلالي
ضحكتي وشمعتي
مطفية من يوم رحت يغالي
حبيبي

شفتك بدمع الرسايل
ياحبيبي اليل صعبة
الشوك مسموع بجينه
وماكو اهلي البيت غربة

موحش علينه البيت ماريدة
راح الي جان يضمنه بوريدة
ولو مرني خوف بضلمه اكض ايدة
حبيبي حبيبي
...................................................
2
شوفتك بوكفتك
اتمنى لو بس تمرني بمنامي
بنيتك وردتك
مكسوره من بعدك صفت يحامي
حبيبي

ليل ياخذني على طولك
واحجي وي شوغات هجرك
تيهيت سنين عمري
بشوكي محتامه وانطرك

منين الصبر ينجاب بعدك
لو حافرين بگلبي لحدك
أنا العليلة بلايه فكدك
حبيبي حبيبي
...................................................
3
دنيتي وتجوتي
من غيبتك فاهي بيتك يجلمود
عمتي وخيمتي
تبجي وتناطر شوفتك يبو زود
حبيبي

ردلي خل ترجع ضحكتي
يا بعد كل غالي عدي
وايدك ترافك ادية
وبيها تمسح دمع خدي

ونكول شنهي الدنية لو لا
طبت سهام بعين يمنا
احنا القبل مو جنه بحما
حبيبي حبيبي
..................................................
4
يا هلي ما الي
ولاواحد يضل ونيس بحياتي
بس جروح كله نوح
ما أريده عمري الأريدة مماتي
حبيبي

جنه لو مرينه يمك
تترس الدنية بسمتك
ترتل القران بذني
بويه مشتاكه لمحنتك

شنهو العمر من يكضي دمعات
محد تحمل كدي لجمات
يذبل الورد لو بس ابو مات
حبيبي حبيبي
..................................................
علي الكنعان

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313