13121
السلام على الحسين وعلى علي بن الحسين وعلى أولاد الحسين وعلى أصحاب الحسين عليه السلام قناة لنشر قصائد في رثاء محمد وآل محمد عليهم السلام
شوط كربلائي [ ابمجالس فاطمة الزهرة تربينة ]
الـشاعـر: سيد زيد الفحام
-
ليلة ١٧ ربيع الآخرة ١٤٤٦ هـ
هيئة خدمة علي الاكبر (ع)
كربلاء المقدسة
#اللهم_عجل_لوليك_الفرج
💠telegram
/channel/m7bebasim
قصيدة شور
ياحيدر. ياحيدر
ياحيدر. ياحيدر
ياعلي بية الوجع ما ينحمل
ضلعي ينزف والدمع من دم يهل
لاني ميته ولاني عدله بس جروح
بياذنب ابچي وجنيني ينقتل
فاطمه واذوني ابجي دم خلوني
وصّه بيه الهادي. تالي ما رحموني
امن الكسر محنيّه. بالجمر مچويّه
يا علي تتحمل. احجي ضيم البيّه
ياحيدر. ياحيدر
ياحيدر. ياحيدر
٠٠٠٠٠٠٠٠٠٠٠٠٠٠٠٠٠٠٠٠٠٠٠
ياعلي كسر الضلع ماظن يطيب
لا تجي وتشوف حالي يالحبيب
حالي يجرح گلبك وخوفي عليك
لا تموت امن البواچي والنحيب
الينجرح بضلوعه. ما تفيده دموعه
بوالدي وبوليدي ياعلي مفجوعه
من عذاب جروحي. والله طلعت روحي
عنك وعن زينب. اخفي وني ونوحي
ياحيدر. ياحيدر
ياحيدر. ياحيدر
٠٠٠٠٠٠٠٠٠٠٠٠٠٠٠٠٠٠٠٠٠٠٠
من عصرني الظالم بحقده الدفين
ما رحمني ولا رحم حتى الجنين
ما كفاه كسر الضلع وبجي وصيح
يا علي رد وسطر وجهي اللعين
من سطرني بعيني. غايته يأذّيني
والوصية الحالت. بينك ومابيني
ظلعي خل يتكسّر. ما صحت ياحيدر
لو نخيتك اني. ادري ما تتعذر
ياحيدر. ياحيدر
ياحيدر. ياحيدر
٠٠٠٠٠٠٠٠٠٠٠٠٠٠٠٠٠٠٠٠٠٠٠
راح اودعك ياعلي حان الوداع
بعد ما احمل مصايب وفتجاع
الله لا ينطي الكسر ضلعي اصيح
ويلعن الچان السبب بالانقطاع
لو متت عزّيني. للگبر ودّيني
علي الله يعينك. بيدك تواريني
فاطمه المظلومه. من زغر محرومه
بياذنب يا دنيا. اندفن مهضومه
ياحيدر. ياحيدر
ياحيدر. ياحيدر
سيد زيد الفحام
نزله لمولاتي فاطمة الزهراء عليها السلام
ثار الزجية وثار محسنها
بيد الامام المهدي ضامنها
٠٠٠٠٠٠٠٠٠٠٠٠٠٠٠٠٠٠
بيدي الامام المهدي من يظهر
ثار الزجية فاطمه وحيدر
وثار الجنين المحسن الاطهر
اسمع خبر يالناشدت عنها
بيد الامام المهدي ضامنها
٠٠٠٠٠٠٠٠٠٠٠٠٠٠٠٠٠٠
لا يفرح الاذّاها والظالم
ما تبقى تبجي للأبد فاطم
يشفي الظلع من يظهر القائم
وهل السقيفه ينتقم منها
بيد الامام المهدي ضامنها
٠٠٠٠٠٠٠٠٠٠٠٠٠٠٠٠٠٠
من يظهر المهدي ويسل سيفه
ياخذ امن الصاب الضلع حيفه
يرضي الزجية المهدي تكليفه
مرقدها يعله ويزهي موطنها
بيد الامام المهدي ضامنها
٠٠٠٠٠٠٠٠٠٠٠٠٠٠٠٠٠٠
ثاراته بالشيخين يبديها
منّ الدفعها وعتده عليها
يبدي القصاص وامّه يرضيها
كشف العصابه وكل بواطنها
بيد الامام المهدي ضامنها
٠٠٠٠٠٠٠٠٠٠٠٠٠٠٠٠٠٠
حق الزجية يرجع بچفه
يكشف كبرها والضلع يشفه
يملي الأرض بالرحمه والرئفه
ارض وسمه قادر يوازنها
بيد الامام المهدي ضامنها
٠٠٠٠٠٠٠٠٠٠٠٠٠٠٠٠٠٠
ميخلّي ظالم عايش وحاقد
يفني النواصب ما يضل واحد
تصفى النفوس بدولة القائد
ناس التعيش وياه يطمّنها
بيد الامام المهدي ضامنها
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
https://youtu.be/B3qWSagXkto?si=XJrEwpfWxw3o9mrJ
Читать полностью…
السلام عليكم ورحمه الله وبركاته
اخواني الاعزاء خدام الحسين عليه السلام
مع الاسف اكو حاله جاي تتكرر وهي سرقة القصائد من أصحابها اي شعرائها حيث يمسحون اسم الشاعر ويكتبون اسمائهم بعض النفوس الضعيفه
لذلك لا ابرئ ذمة اي احد ياخذ قصيدتي وينسبها له وساخاصمهُ عند الامام الحسين عليه السلام يوم القيامة
خادمكم سيد زيد الفحام
الجمعة ١٣ـ٩ـ٢٠٢٤م
ميمر / لأستشهاد الامام الحسن العسكري عليه السلام
للعسكري بسامراء. خل نوصل اندگ بابه
.........
هذا الحسن من نسل طه ودمه
حجه وامام ختاره الله بعلمه
تتشرف املاك السماء اتخدمه
نگصد نزوره ونحي مأتم يمه
لاشك اباب الزوار. واگف يحيّي احبابه
.........
هـذا الامـام المايرد خطّاره
يتلگّه من باب الصحن زوّاره
يفرح بجيّة شيعته وانصاره
يشعر براحه كلمن يطب داره
يكتب اسامي الزوار. هوه الحسن بكتابه
...........
ندخل ضريح العسكري ونتهنّه
جنة عدن لا احله منّ الجنّه
يم الحسن نگضي العمر نتمنّه
ما خاب كلمن زاره يطلب منّه
يازاير اطلب ونخاه. لا مايرد طَلّابه
.............
يگضي الحوائج مايرد اي انسان
مفتوح بابه بكل وكت للحيران
تشهد بفضله وبي تلوذ الجيران
للجانبين اصبح امان وايمان
معروف يشفي الامراض. ماي الحسن وترابه
.............
ابن الامام الهادي جده المختار
نفس المعارف عنده نفس الاسرار
يالحايـر بهـمّـك بعــد لا تحتــار
دگ بابه وطلب من سليل الاطهار
همك يكشفه وينزاح. من تسجد عله عتابه
.............
احنا اعتنينه عله العهد خدامه
انزور الامـام ونخـدم بأيّـامه
نستذكر جروح الحسن وحلامه
مسموم مات بغربته وآلامه
ننصب مآتم ونصيح. آ يالحسن ومصابه
#سيد_زيد_الفحام
__
نزله... للرسول محمد صلى الله عليه وآله
بويه بغيابك. ما عودتني
ابچي لمصابك يالدللتني
...................
بويه البنية سندها الوالـد اليرعاها
بالدلال تعيش بويه من يعيش وياها
تموت لو فارگها ساعه من حزن بلواها
شلون لو چان الأبو. يالغالي شخصك طه
اتمنّه موتي. من فارگتني
ابچي لمصابك يالدللتني
...................
چنت اشوف الدنيه حلوه. منّ شوفك يمي
بوجهك اليسطع جماله. ينجلي كل همي
كون اموت وياك بويه هذا اصبح حلمي
ولا اظل بجروح گلبي وبشماتة خصمي
آلامي زادت. من ودعتني
ابچي لمصابك يالدللتني
...................
ماكو مثلك بالخليقه شايل انسانيّه
تمطر عله الناس رحمه والدي وحنيّه
انت بس انت يبويه. تدري بيه شبيّه
يالچنت تنشد عليه وماتمل يوميّه
مفجوعه بعدك. ريتك شفتني
ابچي لمصابك. يالدللتني
...................
ياحبيب الله مُحمّد جرحك يأذّيني
فاطمه الزهراء اني. انحب مخلّيني
بويه تدري بالمصايب لو غبت تلفيني
تهجم عليه الصحابه بعدك تعاديني
مهضومه وبچي. المن عفتني
ابچي لمصابك يالدللتني
...................
نكرو الكرار بويه يالرسول اصحابك
بس علي ويّاك باقي. منشغل بمصابك
غسّلك بيده يبويه وچفّنك بثيابك
بالگبر واراك بويه ظل يشم اترابك
يالهادي ويّاك. ريتك خذتني
ابچي لمصابك يالدللتني
سيد زيد الفحام
___________________________________
https://youtu.be/y4BARh4ve7U?si=PrUrYjPP5KyWkiZq
Читать полностью…
https://youtu.be/g05h1u7NEtw?si=jffKA3UtXnlVJSpp
Читать полностью…
#زيارة_الأربعين
جيتك ياحبيبي حسين. مشاي بگلب مجمر
من بابي المشي مشروط. حد بابك يبوالأكبر
مشايه مشايه. مشايه مشايه
............
زاير وخدم الزوار. جيت لحضرتك مشاي
اذكر چبدك العطشان. كلما قدّمولي الماي
امشي ومنشغِل ويّاك. يالعايش نبض ويّاي
ألهج بسمك واقراه وي طول الدرب بشفاي
كلما اقترب منّك. إسرِع مو مشي بهداي
شما اتعب ازيدن شوگ. ليك ولهفتي تكبر
مشايه مشايه. مشايه مشايه
............
اواسي زينب بدمعي. ومشي بدرب ممشاها
من ردّت تنوح عليك. درب الشام اذاها
بگلبي وبالحواس وياي. خطوه بخطوه ألگاها
محدبه امن التعب ويلاه. والأيتام ويّاها
چن اسمع صداها يصيح. تشكي جروح بلواها
گبرك وين يبن امي. تمشي ونوبه تتعثّر
مشايه مشايه. مشايه مشايه
............
اريد اتعب وحس بالضيم. تعب الفاگده الخوان
تعب عالهـزيـله تنـــــوح بين اشماتت العدوان
خاطر انحسـب مشـاي. حيله امن السبي خلصان
زينب عـذّبـوها هـواي. وآنه بلا جرح خجلان
وانت الماشربت الماي. واجب اوصلك عطشان
عابس كون اصيرلّك. وكون بحبك اتوذّر
مشايه مشايه. مشايه مشايه
............
وي طول الدرب تخدم خدامك يبوالعتره
ما تعرف تعب لا خوف للزوار متحضره
اشوفن شايب محزّم. واگف منحني ظهره
ينادي ياهلا بيهم. يحيّي ضيوفك بعبره
وبين اللي فرش بيته. يجونه بكل سنه عشره
خدامك يبوالسجاد. وكت زيارتك تكثر
مشايه مشايه. مشايه مشايه
............
بصحنك نلتقي ونلتم بيوم الأربعينيّه
بين اليبچي ويزورك. بين اليقره لطميّه
بين اليخدم الزوار. يطبخ طبخه يوميّه
ورجال الأمن خدام. تحمي بشيعتك هيه
كلنه بدفترك يحسين. سجّلنه بحِسِن نيّه
مشايه نجي كل عام. عالموعد الك نحضر
مشايه مشايه. مشايه مشايه
سيد زيد الفحام
____
رجوع مولاتي زينب عليها السلام
زينب ردت امن الشام. ما واحد تلگّاها
عدها هموم عدها جروح. المن تشكي بلواها
٠٠٠٠٠٠٠٠٠٠٠
زينب ردت امن الشام. مسبية وتهل عبره
وصلت كربله بيا حال. تبچي وبالگلب جمره
نزلت من على الناگه. لگبر حسين ابو العتره
ركضت والجدم مدمي
تصرخ والدمع يهمي
آ يحسين يبن امي
زينب للگبر ركضت. والكل ركض ويّاها
٠٠٠٠٠٠٠٠٠٠٠٠٠٠
من وصلت لبواليمه. زينب عالكبر طاحت
آنه اختك يبعد اختك. شيّبني السبي صاحت
ايام الجنت ويّاك. بالعز والخدر راحت
يحسين شكثر آلام
بالكوفه ودخول الشام
آنه ام الخدر انضام
وگفتي بمجلس ابن زياد. هاي شلون انساها
٠٠٠٠٠٠٠٠٠٠٠٠٠٠٠٠٠
تبجي عله الكبر زينب. خويه حسين حاچيني
معقوله التراب يصير. حاجب بينك وبيني
يريت الموت أخذني ولا أظل بعدك يضي عيني
من كثر المصايب هاي
خويه تغيّريت هواي
اطفال وحرم وياي
بس بنتك رقية هناك. ماتت خويه عفناها
٠٠٠٠٠٠٠٠٠٠٠٠٠٠٠٠٠٠
ماتت بالخرابه عليك. ما تحمل الم وجروح
ماتت من حزنها عليك. ظلت بس تون وتنوح
شبگت راسك وماتت. وطلعت من جسمها الروح
طفله وتبچي ليل انهار
من سوط العده الاشرار
يحسين بمتنها آثار
بجروح السبي وهمها. من ماتت دفنّاها
٠٠٠٠٠٠٠٠٠٠٠٠٠٠٠٠٠٠٠٠٠٠٠
ماريد العمر يحسين. ريت وياك دفنوني
آنه الماچنت انشاف. خويه حسين شافوني
بية اتشمّت الملعون. يزيد اگباله چتفوني
شلّي بهالعمر بعدك
خلّيني انزل بلحدك
اروي بدمعتي چبدك
ياريت اندفن ويّاك. روحي الضيم اذّاها
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
لسان حال مولاتي زينب عليها السلام يوم الاربعين
خويه وينك. جايه من درب اليسُر
خويه وينك. جايبه جروح شكثُر
خويه وينك. تدري ضيّعت الكبُر
خويه وينك. خويه وينك
٠٠٠٠٠٠٠٠٠٠٠٠٠٠٠
آني زينب. حسين يبن امي وحبيبي رد علية
ما شفتني. جيتك بيا حال مهضومة وسبية
وينه گبرك. ارد اشم ترابه وشكي الصار بية
عذبوني. بيا وكت عالناكه مچتوفه ادية
خويه دليني عله گبرك ياحسين
صدك ما تسمع نحيبي والونين
جيت ازورك وبچي دم بالاربعين
هذا حالي مو مثل ما چنت امس
هذا حالي. غيّرت شكلي الشمس
هذا حالي. ميته من دونك احس
خويه وينك. خويه وينك
٠٠٠٠٠٠٠٠٠٠٠٠٠
اشتكيلك. خويه من يا لوعه ابدي ويا مصيبه
ابدي بيها من رحت للشام عالناكه غريبه
تدري بية. يحدي بية الشمر مجتوفه وسليبه
بت محمّد. عالهزل تنشاف زينبكم عجيبه
تنظر عيون الشماته بلا خجل
وآنه حرمه بلا كفيل ولا اهل
لا عشيرة ولا وفزع واحد سئل
من زلمنه. بس عليل بكربله
من زلمنه. امگيّدينه بسلسله
من زلمنه. ماكو يحمي العايله
خويه وينك. خويه وينك
٠٠٠٠٠٠٠٠٠٠٠٠٠
والمصيبه خويه للشام بقساوتهم خذونه
من وصلنه. شتم وحجار وشماته ستقبلونه
والله متنه. لمجلس يزيد النذل من دخّلونه
انتهينه. الناس تتفرج علينه وما حمونه
يضرب براسك يبواليمه النذل
وآنه اباوع خويه والمدمع يهل
فوگ هذا الصار مچتوفه بحبل
يا هضيمه. بية يتشمّت عدو
يا هضيمه. يشتم باقدس ابو
يا هشيمه. بعازت لفزعت اخو
خويه وينك. خويه وينك
٠٠٠٠٠٠٠٠٠٠٠٠٠
جينه يمك. امن السبي يحسين يم گبرك اجينه
تدري بينه. حرم وطفال شكثر نحنه وبچينه
يا ولينه. انفض تراب الگبر ونظر علينه
مو شكلنه. مصايب الشام الجرت شمسويه بينه
راسك براس الرمح ينزف ألم
لحالي شيّب ادري ولحال الحرم
جبته ليك لكربله وحيلي انهدم
رد علية حسين يبن امي صحت
رد علية. خويه يم گبرك طحت
رد علية ليش ياخويه رحت
خويه وينك. خويه وينك
٠٠٠٠٠٠٠٠٠٠٠٠٠
لا تگلي. وين يازينب رقيه الدلّلتها
ما جبتها. ماتت وبالشام يبن امي ادفنتها
يتمتّها. بالخرابه اشكد بچت من فاركتها
بالمناحه. خويه شبكت راسك وماتت شفتها
چم يتيمه العذّبوها وچم طفل
خويه واليبچي عليكم ينقتل
وسوط عدوانك مثل رمي النبل
عذبونه. خويه من درب لدرب
عذبونه. عالهزل بين الغرب
عذبونه. دارت علينه الحرب
خويه وينك. خويه وينك
اللحن على لحن قصيدة الشيخ حسين الاكرف ( اوعديني )
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
#زيارة_الأربعين
مشـايه جينـه ننعـاه
درب المشي ما عفناه
وا حُسيناه وا حُسيناه
.............................
اذّن وصاح الوحي حلّت ايّام المشي
بكربــــلائه نلتقي يوم اربعينه
كل سنه بهذا الدرب. نمشي والمدمع يصب
للحُسين وكل گلب. هايج حنينه
شاب وزغير وكهل. كلها تمشي وتبتهل
للحُسين وتنقبل. من زائرينه
زواره نقســــــم بالله
درب المشي ما عفناه
وا حُسيناه وا حُسيناه
.............................
هذا درب البي عشگ. لبوالأكبر من صدگ
كل گلب بسمه يدگ. يقره الزياره
راحه مابي اي تعب والمشه بدربه انحسب
مثل ما ضحّه وهب. وعلن شعاره
ما يهمنه اي خطر. فدوه لحسين النحر
والعشگ مابي مفر. دمّه انتصاره
لا مو بدينه نهـــــــواه
درب المشي ما عفناه
وا حُسيناه وا حُسيناه
............................
وي مسير القافله. معتنين لكربله
نمشي مشايه اله. شبل الزچيه
نواسي زينب والحرم. من اجت تشكي الألم
تعثر ومدمعها دم. للغاضريه
تشكي لخوتها الجره. من خذوها ميسّرَه
عكب سبع الگنطره راحت سبيه
نشارك حزنها جينــاه
درب المشي ما عفناه
وا حُسيناه وا حُسيناه
............................
جينه نمشي عالعهد بالملايين العدد
نعتني من كل بلد. نوفي بعهدنه
هالزيارة تختلف بيها كل موكب هتف
خدمة الزاير شرف. ترفع مجدنه
والمواكب حاضره عالدرب متكاثره
تخدم بكل مقدره الهم شهدنه
هـذا الدرب عشگنــاه
درب المشي ما عفناه
وا حُسيناه وا حُسيناه
............................
لازم نأدي الفرض نطوي لحسين الارض
غصباً عله اليعترض. نوصل نزوره
حسين يدري بشيعته. ما تعوف زيارته
منّ نطب ابحضرته. نشتم عطوره
لا شك المهدي يجي. يوصل لجدّه مشي
نندعيله ونرتجي يقرب ظهوره
من يظهر المهدي وياه
درب المشي ما عفناه
وا حُسيناه وا حُسيناه
#سيد_زيد_الفحام
____________________________________
|| زوار حسين تعنينه ||
رفعنه الرايه يالغالي /اجينه لحضرتك./نريد زيارتك
ترسنه الدنيا مشايه / يبواليمه الك / خدم وانت الملك
نواسي الرجعت بهمها/ غريبه معذّبه / سبيه مترّبه
|| خدام لزينب سمونه ||
..............
الزيارة الاربعينية / عشگناها عشگ/ نحبك من صدگ
المواكب بالدرب كلها/ توزّع نعمتك/ وترفرف رايتك
حُسين وهالاسم يروي/ اذا مرنه ضمه/ يمهجة فاطمه
|| نتعب والزهره تقوّينه ||
.................
اجينه عله العهد نمشي/تحدينه الخطر/كتبنه عله النحر
مجنانينك يبواليمّه /عوابس بالعشگ/ابد ما نفترگ
ضريحك نبقه زواره/ ولانرجع ابــد / عهد هذا عهد
|| زوارك جينه تلگانه ||
..................
نجي انزورك يبوالعتره/يسلطان الارض/ونغيض اليعترض
مثل موج البحر جينه/وعدنه بكربله/تسير القافله
نواسي امك الزهره/تجي ويانه مشي/يماشيها علي
|| والزهره وحيدر ويّانه ||
...................
عله عناد اليبغضونه/نجيك بكل سنه/ونواسي المحزِنه
مشي وخلهم يشوفونه/ ملايين العدد/الك من كل بلد
نصيح بصحنك وندعي/إلهي بالحجج/تعجلنه الفرج
|| والمهدي الغايب ندعيله ||
#سيد_زيد_الفحام
_______________________________________
https://youtu.be/j2e2DE1BB_g?si=UoHlOVjlRbBRCzwL
Читать полностью…
https://youtu.be/f1A_OMg03bQ?si=PI0ELlXGSreaBlTD
Читать полностью…
https://youtu.be/eBqbZ8jvKog?si=f7SPjZhMjfgVh_lW
راحت امي الغاليه
الملا مرتضى حرب
الشاعر سيد زيد الفحام
#كركوك
برعاية العتبة العسكرية المقدسة
نزلة لمولاتي فاطمة الزهراء عليها السلام
تنزف جروحي. عذبوا روحي. يموعود
والله أذّوني بچّوا عيوني. يموعود
٠٠٠٠٠٠٠٠٠٠٠٠٠٠
فاطمه امك يمهدي تدري بالصار
هجموا علية يغالي وحركوا الدار
دفعو الباب عله صدري انصاب بسمار
يمته تظهر يا حبيبي وتاخذ الثار
اظهر لثاري. ما طفت ناري. يموعود
يبني ظلموني. بچّوا عيوني. يموعود
٠٠٠٠٠٠٠٠٠٠٠٠٠٠
لذت خلف الباب يبني وضلعي مجروح
ومن عصرني الطاغي بيده شاغت الروح
طاح يالمهدي جنيني ودمي مسفوح
وأثر سطرة أيده هذه يبني متروح
سطرته بعيني. نار تجويني. يموعود
ضربو امتوني. بچّوا عيوني. يموعود
٠٠٠٠٠٠٠٠٠٠٠٠٠٠
ما صحت وينك يحيدر ظلعي مكسور
مچتف بأمر الوصية. ادري معذور
صحت يابويه مّحمّد ضربو النور
اكشف ترابك وعاين وجهي مسطور
ادري تكليفه. ما يسل سيفه. يموعود
لهالسبب جوني. بچّوا عيوني. يموعود
٠٠٠٠٠٠٠٠٠٠٠٠٠٠
لا تظن ضلعي يطيب واشفه ورتاح
لحدما تظهر يمهدي دمعه ونياح
ادري عندك يبقه ثاري ثاري ما راح
ثار ضلع امك يمهدي ومحسن الطاح
انتظر تظهر. يا شبل حيدر. يموعود
ثكله خلوني. بچّوا عيوني. يموعود
٠٠٠٠٠٠٠٠٠٠٠٠٠٠
فاطمه امك يمهدي حقي مغصوب
يمته يبقه يابوصالح گبري محجوب
عَجّلَ اللهُ ظهورك گلبي مكروب
اظهر وزيح الضُلامه وشفي لگلوب
بيدك الرايه. سيفك الغايه. يموعود
تدري هضموني. بچّوا عيوني. يموعود
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ولادة النورين ( النبوة والإمامة )
ليلة مولدك اجمل ليالينه
نفرح بسمك ونبعث تهانينه
مُحمّد يا ابونه ويانبي الرحمه
رب الكون رادك مرسل علينه
سبحانه الإله الصوّرك من نور
وختارك رسوله وقائد لدينه
مثلك يا مُحمّد ما يصح بالكون
لا أوصاف شخصه ولا مضامينه
واجب نفرح بميلادك بهاليوم
ونشعلّك شمع ونعلّك الزينه
شجرة وأثمرت منها 12 معصوم
أئمّه وكل أمام بعلمه يهدينه
سادسهم الصادق صادق الأقوال
امام المذهب بعلمه وعناوينه
بنفس يومك يطاهه جعفر الصادق
انولد والكون شع بنور والينه
النبوه والإمامة الليله نور بنور
شعّن بالسمه وزاد الفرح بينه
سيد زيد الفحام
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
https://youtu.be/4Peu5-DYNk0?si=9btafzqwaFj3DTs6
Читать полностью…
في مصاب رسول الله مُحمّد (صلى الله عليه وآله)
من هالمصيبه ابدت اعظم رزيه
مات النبي ونجرح گلب الزچيه
.......................
الليله ودّع عترته الهادي مُحمّد
مات مغدور النبي ياناس نشهد
بعترته وصّه الصحابه وبيها ردد
عالزچيه وحيدر واولاده اكّـد
بغيابه ما ينذكر. امر الوصيه
مات النبي ونجرح گلب الزچيه
.......................
ويلي من مات النبي وغمّضها لعيون
طاحو عليه حيدر وفاطم ينوحون
والحسن وحسين يم جدهم يونّون
راح ذاك الچانو بجاله يعيشون
راح النبي وعترته شافو اذيه
مات النبي ونجرح گلب الزچيه
.......................
غمضن عيون النبي والزهره يمه
شبگته ام الحسن تبچي وتشمّه
بويه بويه تصيح مفجوعه وتكلمه
للگبر ويّاك اخذني الدنيا ظلمه
يابويه لا تبتـعـــد ايـدك بديه
مات النبي ونجرح گلب الزچيه
.......................
من رحل طه النبي وعّلن غيابه
ناحت الاكوان والعترة لمصابه
عافت المختار مطروح الصحابه
بالسقيفه جتمعو ونكرو كتابه
يم النبي بس علي حامي الحميه
مات النبي ونجرح گلب الزچيه
.......................
عالخلافه جتمعو وعافو نبيهم
عصو امره وبايعو واحد بديهم
رفضو الراده النبي قائد عليهم
الثاني والاوّل تولّوها بحچيهم
ضد فاطمه وضد علي. صارو سويه
مات النبي ونجــرح گلب الزچيه
.......................
الگالو عله الهادي "يهجُر" مايطيعوه
بآخر انفاس الرسول الهادي اذّوه
لأن وصّه بحيدر الكرار كرهوه
لاشك الثاني والاوّل همه سمّوه
اسّسو ظلم وحقد. للغاضريه
مات النبي ونجرح گلب الزچيه
سيد زيد الفحام
___________________________________
https://youtu.be/s4xHon0V278?si=RUb9KafgHzIQqOHs
Читать полностью…
https://youtu.be/heCH3lTXYwc?si=_LvD82uWDqyBtOo0
Читать полностью…
مولاتي زينب عليها السلام عند قبر كفيلها
رديت ألك يا عباس. مجروحه من عين الناس
عالناكه شافوني. يا خويه هضموني
رديت ألك يا عباس
٠٠٠٠٠٠٠٠٠٠٠٠٠٠٠٠٠٠٠٠٠٠
يعباس اختك آنه اللي جبتني وياك
اميره مدلله يا بالفضل بحماك
تعال وشوف حالي من بعد عيناك
سبية مچتفه عله الناكه بيد اعداك
تعبانه من درب الشام جبت الحرم والأيتام
يا كافل ظعوني. يا خويه هضموني
رديت ألك يا عباس
٠٠٠٠٠٠٠٠٠٠٠٠٠٠٠٠٠٠٠٠٠٠
إنه الماچان واحد ينظر خيالي
تعال وشوف خويه بغيبتك حالي
على الناگه الهزيلة مچتفه تالي
وتتفرج علية الناس يالوالي
اصعب وشد المأسات. مسبية بين الشمّات
تقبلهه يسبوني. يا خويه هضموني
رديت ألك يا عباس
٠٠٠٠٠٠٠٠٠٠٠٠٠٠٠٠٠٠٠٠٠٠
صدك عباس زينب تدخل الديوان
تتشمّت عليهه وتنظر العدوان
آنه ام الخدر والدين والقرآن
يتمرجل علية ويحچي ياهو الچان
ما تدري يابوالنوماس. يا وسفه مكطوع الراس
ما نامن عيوني. يا خويه هضموني
رديت ألك يا عباس
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
من درب السبي رديت تعبانه
من يوم الطحت لليوم عطشانه
عجب ما گمت لية وگتلي هذا آنه
اجيت بگلب ضامي وروح لهفانه
فك الگبر خويه وگوم زينب اجت ليك اليوم
مفجوعه ظلموني. يا خويه هضموني
رديت ألك يا عباس
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
أظل يم گبرك انعه لو تكوم وياي
ما ضل حيل بية امن المصايب هاي
شحلات الموت يمك ما ردت دنياي
اجيب منين اخو مثلك بعد وفاي
يالمنطي لختك چفين. يحصل بعد مثلك وين
بالغربه أذّوني. يا خويه هضموني
رديت ألك يا عباس
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
رجوع مولاتي زينب عليها السلام لسان حالها يقول
هيه هذه كربله. وين گبر حسين چا دلوني
٠٠٠٠٠٠٠٠٠٠٠٠
وين گبر حسين مگطوع النحر
وين اخوي الطاح مكسور الظهر
عفته عالتربان متوذر وذر
جيت اخبره شسوه بعياله الدهر
اشكي آلام السبي. مو دمع من دم تسيل عيوني
٠٠٠٠٠٠٠٠٠٠٠٠٠٠٠٠٠٠٠٠
آنه زينب جيت من درب الألم
كربله هاي وأثر حرك الخيم
وين اخوي حسين مو حيلي انهدم
جيت ازوره وجبت وياي الحرم
عجب ما ينهض الي يدري لو ما يدري من هضموني
٠٠٠٠٠٠٠٠٠٠٠٠٠٠٠٠٠٠٠
عمه يالسجاد دليني ابعَجَل
وين گبر حسين ابوك بيا محل
ارد اشم ترابه وشكيله الحصل
وريت يم گبره يوافيني الأجل
خل يشاهد حالتي. زينب المسبية ما رحموني
٠٠٠٠٠٠٠٠٠٠٠٠٠٠٠٠٠
هذا راسه وياي جبته امن السبي
راس اخوي حسين چن راس النبي
جرّح شفافه اللعين الناصبي
گبال عيني الظالم ويتشفّه بي
دمعتي سالت دمه. بمجلس يزيد شكثر أذّوني
٠٠٠٠٠٠٠٠٠٠٠٠٠٠٠٠٠٠
عمه يالسجاد حاچيني بعد
وين گبر الكافل الصان العهد
وين ابوفاضل كفيلي والسند
تكفل بخدري واجيت لهالبلد
ارد اعاتب كافلي. شلون يقبل للغرب يسبوني
٠٠٠٠٠٠٠٠٠٠٠٠٠٠٠٠
آنه زينب ارد اسولف لخوتي
شسوت بحالي عكبهم دنيتي
حنّت لحالي وبچت دم ناگتي
من دخلنه الشام آنه وعيلتي
لا كفيل ولا ولي. عالهزل مچتوفه من شافوني
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
نعي لسان حال زينب عليها السلام عند رجوعها يوم الاربعين.
يلحباب. اجيت امن السبي ليكم يلحباب
بلتراب يخوتي مگبعه بهمي وبلتراب
ولاطاب. عكبكم جرح البگلبي ولاطاب
ولعتاب يحگلي النايحه عليكم ولعتاب
بلحساب. ابد ما چان يخواني بلحساب
الاجناب اروح ميسره ما بين الاجناب
ضوه العين. زينب آنه جيتك يا ضوه العين
الگبر وين صحت بدموع يبن امي الگبر وين
تره حسين يصيح الگلب يازينب تره حسين
تنشدين. اندفن بترابه چا المن تنشدين
تعرفين ذاك الگبر من عطره تعرفين
تونّين. بهيده عله الگبر لمن تونّين
تموتين اخاف امن البچي وهمچ تموتين
صحت آه. الك مشاتگه يحسين وصحت آه
لگينـــاه. جسمك ماكو بس گبرك لگيناه
حچيناه. يخويه الضيم يم گبرك حچيناه
حملناه. يخويه العبئ من بعدك حملناه
سمعناه. الشماته والشتم بعدك سمعناه
جمعناه. الظعن يحسين يم گبرك جمعناه
النهر ذاك. صحت ياگلبي نتعنّه النهر ذاك
الوفه هناك اندفن يم النهر كلّه الوفه هناك
صحت هاك. يعباس انظر لحالي صحت هاك
تره اعداك سبوني وسلّبو خدري تره اعداك
الي وياك. عتب ومناشده ودمعه الي وياك
بيمنـاك. جبتني امن الوطن خويه بيمناك
ندبنـاك. يخويه بساعة الرحنه ندبنــاك
سيد زيد الفحام
_________________________________________
طلعت المشّايه. رايه تتبع رايه
٠٠٠٠٠٠٠٠٠٠٠٠٠
يا هلا ومية هلا بزوار الحسين
ستقبل العباس كل هاي الملايين
وفاطمه تسجل اسامي هالموالين
عشك عابس بالعشك كلهم مجانين
هلا بالوفايه. رايه تتبع رايه
٠٠٠٠٠٠٠٠٠٠٠٠
يا هلا بزوار ابواليمه اليوافون
بالمشي يكبر عزمهم ما يتعبون
لزينب بهذا المشي رادو يواسون
لاشك وياهم علي والزهره يمشون
للحُسين الغايه. رايه تتبع رايه
٠٠٠٠٠٠٠٠٠٠٠٠
والمواكب بالدرب ما تنحصي هواي
كلها تهتف بالدرب اهلا يمشاي
سلّمنّه عله الحبيب الماشرب الماي
نكضي خدمتنه ونجي ما نخلف الراي
والمواكب هايه. رايه تتبع رايه
٠٠٠٠٠٠٠٠٠٠٠٠
نواسي زينب بالمشي اهلا يزوار
نوصل بيوم اربعينه زغار وكبار
ندعي الله يفرّجلنه لصاحب الثار
يظهر وهاي الاجت مشايه انصار
بينه يقره الايه. رايه تتبع رايه
٠٠٠٠٠٠٠٠٠٠٠٠٠
كل سنه يزود العدد والعالم يشوف
للحبيب حسين نوصل ممشه ونطوف
عهد لو رجلينه تعبت نوصل زحوف
والله ما يمنعنه لا تهديد لا خوف
ما حصونه هوايه. رايه تتبع رايه
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
https://youtu.be/zh0O7YER1zg?si=6Ym3kHvJOiXljuOO
Читать полностью…
https://youtu.be/1wc089UMFKk?si=oLqWxGZFAjRQ5V5s
Читать полностью…