13121
السلام على الحسين وعلى علي بن الحسين وعلى أولاد الحسين وعلى أصحاب الحسين عليه السلام قناة لنشر قصائد في رثاء محمد وآل محمد عليهم السلام
https://youtu.be/XL-vXvEtFk0?si=IoQ_YM-NhIFQzVpa
Читать полностью…
ميمر // شجاعة اباالفضل العباس عليه السلام
زينب اجت للعباس. جابتله جربه ورايه
..........
يابالفضل جيتك يروحي ورجواي
اطلب طلب وعرف بطبعك وفاي
اطفال اخوك حسين محتاجه الماي
شده وصعب حلهه يكون إلا عله ايدك هايه
........
گاللهه امري ادلّلي ودگ صدره
ألماي اجيبه لخيمتج والزهره
ياويله واليمنعني اكسر ظهره
امن العلگمي املي الجود. ورَوي الطفل من مايه
.......
گالتله گدها والنعم يا عباس
انت الكفيل وبالشدد رفعة راس
ساقي العطاشة سقينه يابوالنوماس
راية علي ترفرف دوم بچفوفك امعلّايه
........
سل سيفه عباس وهجم عالعدوان
شردت زلمهه وخيلهه امن الميدان
شي ماتت وشي نامت عله التربان
طب للنهر يملي الجود دگ عالشريعه الثايه
..........
ماي النهر بچفوفه لمن شاله
عطشان وجه حسين يتراواله
ماشرب رد بالجود يروي اطفاله
مو غايته يشرب ماي. يرضي الامام الغايه
.........
رد للخيم عباس والماي وياه
لعبدالله راح الضامي شاله وروّاه
وروّه اليتامه العطشت بچف يمناه
وخته العقيله تحيّيـه ما يخلف الهه حچايه
.........
گال ومثل ما گال سوه الكفّال
بالجربه جاب الماي روّه الاطفال
ذل آل امية عله النهر لمن صال
روس وجثث سوه الجيش عالمشرعه مدمّايه
سيد زيد الفحام
_''''________
https://youtu.be/HO7R3FBJL2M?si=HbadZ4WpbESKxVB1
Читать полностью…
https://youtu.be/dVhlgTy9XJQ?si=FGKOn6DwEIqTE070
Читать полностью…
السلام عليك يا ابا عبد الله الحسين
حُسيناّ وا حُسيناه
حُسيناّ وا حُسيناه
٠٠٠٠٠٠٠٠٠٠٠٠٠٠٠٠٠٠٠
حمدت الله وشكرته هواي. لمحرم هذا خلّاني
لعزائك سيدي يحسين. البست دشداشة احزاني
احس عمري بده بعاشور. وغيرك ما ردت ثاني
مكاني بمجلسك كل يوم. انوح وابچي تلگاني
حُسيناّ وا حُسيناه
حُسيناّ وا حُسيناه
٠٠٠٠٠٠٠٠٠٠٠٠٠٠٠٠٠٠٠
اتنفس هوى الخدمه. وذوب بقصّتك يحسين
عليك ابچي ونوح هواي. لحدما تنعمي هالعين
هذا المهدي يبچي دموم. وين الگال احبك وين
اليوافيلك شرط معروف. مثل عباس بالچفين
حُسيناّ وا حُسيناه
حُسيناّ وا حُسيناه
٠٠٠٠٠٠٠٠٠٠٠٠٠٠٠٠٠٠٠
يلوموني شكثر تبچي. وگلهم مو مثل ابنه
علي السجاد عمره ينوح. مات وماخلص حزنه
ما يبچيلك اي انسان. بس البي الف طعنه
المامچوي بجمر عاشور. ما يستوعب المحنه
حُسيناّ وا حُسيناه
حُسيناّ وا حُسيناه
٠٠٠٠٠٠٠٠٠٠٠٠٠٠٠٠٠٠٠
لو اگضي العمر دمعات. ابچي وانحب واقره
ابد ما اوفي گطرة دم. من دم جسمك ونحره
ابچي وبلكي اواسي بهاي. دمعة امك الزهره
وبلكت احضه يامولاي. منك سيدي بنظره
حُسيناّ وا حُسيناه
حُسيناّ وا حُسيناه
٠٠٠٠٠٠٠٠٠٠٠٠٠٠٠٠٠٠٠
انت الضامي حد الموت. وآنه شرب لذيذ الماي
انت اتگطعت بسيوف. وآنه الماشعرت بهاي
انت الخيل داست بيك. وآنه بلا جرح لا داي
حرام اتقارن آنه وياك. ذنب عند الله اثمه هواي
حُسيناّ وا حُسيناه
حُسيناّ وا حُسيناه
٠٠٠٠٠٠٠٠٠٠٠٠٠٠٠٠٠٠٠
راسك عالرمح مرفوع. وراسي بلا جرح وصواب
انام بلا شمس مرتاح. وانت موسّد عله تراب
ثوب العز لبسته وياك. وانت بلا دفن وثياب
حيل مقصر ابحقك. حزني وبس دمع سچاب
حُسيناّ وا حُسيناه
حُسيناّ وا حُسيناه
٠٠٠٠٠٠٠٠٠٠٠٠٠٠٠٠٠٠٠
عهد وياك اظل يحسين. عمري لخدمتك منذور
اقره بكل وكت ورثيك مو بس بشهر عاشور
جبتني بجمرة مصابك. احس منها الگلب مجمور
اجيك بلهفه يامولاي. كلما بية دهري يدور
حُسيناّ وا حُسيناه
حُسيناّ وا حُسيناه
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
فاطمة العليلة عليها السلام
ليش ماخذ كل خواتي. وما خذتني
للمـرض ولـذكـــريـاتي. سلّمتنـي
بويه يا روح البتول
ادري بغيابك يطول ما خذتني
٠٠٠٠٠٠٠٠٠٠٠٠٠٠٠٠٠٠٠٠
يالخذت اهلي وخواتي گلي بية شفكرت
حسّبت تاخذني بويه. وللمسيرة اتحضرت
ليش بويه حسين كلي. ما خذتني اتعذّرت
ودعتني ورحت عني وآني بغيابك حرت
طفله يابويه وعليله. حيّرتني
ياهو بعدك اشتكيله. يالعفتني
حزني بعدك ما يزول
ادري بغيابك يطول ما خذتني
٠٠٠٠٠٠٠٠٠٠٠٠٠٠٠٠٠٠٠٠
من شفت اختي رقيه وفاطمه وباقي الخوات
وياك طلعن روحي طلعت ضاگت بعيني الحياة
حسين بويه وماخذتني چي عليله وحيلي مات
ودعتني ومن وداعك اهون هواي الممات
كون اموت ولا اشوفك. تمشي عني
تدري ما اكدر اعوفك. ادنه مني
اي وحق جدي الرسول
ادري بغيابك يطول ما خذتني
٠٠٠٠٠٠٠٠٠٠٠٠٠٠٠٠٠٠٠٠
طفله بس شيّبني هجرك. يمته من هجرك ترد
من كثر ما ابچي ونعه. ذبّلت حتى الورد
ليل ونهار عله بابك. احسب لجيتك و عِد
ليش ناسي بنية عندك. يمته اشوفك ونسعد
احسب لجيتك ثواني. بويه وينك
تدري ما يرحم زماني. مناطرينك
والسئل عنك شگول
ادري بغيابك يطول ما خذتني
٠٠٠٠٠٠٠٠٠٠٠٠٠٠٠٠٠٠٠٠
بويه لا طارش وصلني. ولارجع منك خبر
راح اموت امن البواچي. ارجع وعوف السفر
طفله عايفني وعليله. مگبّعَه بضيم وقهر
مدري وين ليامدينه. بويه ودّاك الدهر
گلبي خايف لا تغدرك. آل اميه
بويه تدري وماتعذرك. ناصبيه
انحب ودمعي سيول
ادري بغيابك يطول ما خذتني
٠٠٠٠٠٠٠٠٠٠٠٠٠٠٠٠٠٠٠٠
بويه من طبع العليله. لازم وياها ابو
ليش عفتوني وحيده. لا أهل لا من اخو
البيت مظلم من جفاكم. صار الي شبه العدو
لا عشت راحه بغيابك. لا ضگت طعم الحلو
عالدرب مشبوحه عيني. يا خبركم
بويه بشواگي وحنيني. انتظركم
طفله شاغلني الذهول
ادري بغيابك يطول ما خذتني
٠٠٠٠٠٠٠٠٠٠٠٠٠٠٠٠٠٠٠٠
انتظركم لحظه لحظه. ولن وصل ناعي القَدَر
يصيح يا اهل المدينه. وگلبي بصياحه انفطر
ذبحوا حسين وبنينه. وصدره بالخيل انكسر
بالرمح مرفوع راسه. وجسمه بالگاع انتثر
الطم عله الراس وبچي. من سمعته
حيل ماظل عندي وحچي ما سألته
داستك حتى الخيول
ادري بغيابك يطول ما خذتني
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يوم العاشر / لسان حال مولاتي زينب عليها السلام 2024
زينب يوم عاشر فگدت ابن امها
بين خيول امية وحارت بهمها
٠٠٠٠٠٠٠٠٠٠٠٠٠٠٠٠٠٠
زينب يوم عاشر صعدت عله التل
من شافت الكون اتغيّر ومختل
تدور عن اخوها وحايره شتسئل
ما ظل بس عليل امن الأهل يمها
٠٠٠٠٠٠٠٠٠٠٠٠٠٠٠٠٠٠
صاحت من على التل والدمع يجري
متت يحسين لو بعدك عدل مدري
اذا حي خويه ردلي تحيّرت بامري
ورقية عليك تبچي لا تيتّمها
٠٠٠٠٠٠٠٠٠٠٠٠٠٠٠٠٠٠٠
اذا حي ارفع ايدك خل اشاهدها
الحرم غيرك بعد بالخيمه ما عدها
بس ابنك عليل وروحي ماردها
المرض كلما يلچمه لروحي يلچمها
٠٠٠٠٠٠٠٠٠٠٠٠٠٠٠٠٠٠٠
وهي بهالحال لن تسمع صهيل الخيل
اجه الميمون ليهه ينادي بالياويل
ودم حسين من ظهر الجواد يسيل
لخوها حسين تمشي وياه يحشّمها
٠٠٠٠٠٠٠٠٠٠٠٠٠٠٠٠٠٠
لزمت زينب اعنانه بگلب محزون
وين حسين اخويه تنشده يالميمون
شلون تعوف اخويه بلا حمايه شلون
بچه الميمون ما يكدر يكلّمها
٠٠٠٠٠٠٠٠٠٠٠٠٠٠٠٠٠
عرفت من صهيله موسّد التربان
مثخن بالجروح وحاطته العدوان
اظن سمعت وحك جدي النبي عطشان
شاطت من قهرها وحترگ دمها
٠٠٠٠٠٠٠٠٠٠٠٠٠٠٠٠٠
وهي بهالحال لن شافت رمح مرفوع
وراس حسين اخوها تشاهده مگطوع
لطمت راسها بحرگه وألم ودموع
منظر راس اخوها هواي ألّمها
٠٠٠٠٠٠٠٠٠٠٠٠٠٠٠٠
هجمت عالخيم خيل وزلم صوبين
لا عباس يمها ولا اخوها حسين
المن تتّجه محتاره تطلع وين
مابين اليسبهه وبين ظالمها
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ليلة الوداع 2024
آخر ليله يمنه. نشكيله بألمنه
باجر من يلمنه. لو حركو خيمنه
عكب أهل الحميه أعظم كل رزيه
ما بين آل اميه مهضومة وسبيه
____________
يالفواطم گومن امشن. لخيمة ابن امي السمح
هذه آخر ليله بيها نشوفه باجر ينذبح
خل نودع حسين اخونه ومانعوفه
نسهر وياه للصبح كعبه ونطوفه
يمنه بس هالليله باجر ما نشوفه
خل نودع حسين ابو الروح العطوفه
نشكي بدمعة العين. كلنه بخيمة حسين
لمن تهجم الخيل. نشرد نتّجه وين
نسأل عن وضعنه ياهو اليبقه النه
ياهو اليدري بيه. مهضومة وسبيه
____________
ندخل الخيمه بدمعنه. نكعد گبال الامام
نودعه بدموعه المصيبه. ونختصر باقي الكلام
نگلّه باجر لو عفتنه شلون بينه
آل اميه خيمنه تحركهن علينه
كل ستر ما يبقه باجر بس عبينه
شلون لو چتفوا يبوالاكبر ادينه
باجر جم مصيبه. بعيون الغريبه
راسك من تشوفه. والجثه سليبه
لا يطلع صبحنه. لا ينزف جرحنه
صعبه الهاشميه. مهضومة وسبيه
____________
طبّن لخيمة اخوهن. زينب وكل الحرم
ابواليمه ستقبلاهن. حچن بدموع الألم
صدك باجر تنذبح وتسحگك الخيل
عالرمح راسك نشوفه ودمك يسيل
لا فكر لا راي عدنه ولايضل حيل
خويه من يجمع شملنه لو يجي الليل
بذبحك ياولينه. احسبنه انسبينه
عالهزّل سبايا. نتستّر بدينه
ترضاها العقيله. عالناگه الهزيله
التشبه للزجيه. مهضومة وسبيه
____________
لا تلچمن گلبه كافي. حسين مجروح الگلب
گومن امشن للكفلنه. وجابنه بطول الدرب
گومن امشن نعتني لعباس اخونه
شلون بينه انگله باجر يبن ابونه
آل اميه لو طحت كلهم يجونه
تقبل يسلبون بينه الحاربونه
ونشوف الفجيعه بچفوفه الگطيعه
يوگع راسه مهشوم. باجر عالشريعه
يقبل كمر هاشم. يسبون الفواطم
اخته الفاطميه. مهضومة وسبيه
____________
من سمع عباس اخوهن. غضب وهتز اللوه
گلها يا زينب ابشري. إلا زلزل نينوه
آنه كافل خدرج وحامي الفواطم
بكربله مو ملحمه اصنع ملاحم
إلا اترس گاعها جسوم وجماجم
يختي زينب وآنه كدها كمر هاشم
صاحن يا گمرنه. تسلم يا ذخرنه
مادام انت عايش. نتباها بخدرنه
لكن من نفگدك نفكد عزنه بعدك
والأكثر اذيه. مهضومة وسبيه
سيد زيد الفحام
______________________________________________
نزلة / عبدالله الرضيع عليه السلام 2024
بيدي اهز مهدك ويرجع خالي
يُمّه يا عبدالله ارحم حالي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
بياذنب عطشان يبني تصرخ يشوفونك
يمه عبدالله حبيبي ضامي ويذبحونك
يبني مو بالماي بالدم رادو يسكتونك
حرمله بسهمه يويلي طفه نور عيونك
صوره من ذبحك تظل ابالي
يُمّه يا عبدالله ارحم حالي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يبني ابوك حسين لية منذبح من جابك
ركبتك مكطوعه يبني ومتّشح بخضابك
اشلع النبله بوريدك لو اشدّ صوابك
طحت من هول المصيبه وشيّبت بمصابك
منذبح رديت الي يالغالي
يُمّه يا عبدالله ارحم حالي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يبني محتاره شسوي منذبح بحضاني
ريت گبلك صاب گلبي حرمله السفياني
شلون اجر النبله يبني يبّست شرياني
خاف اجرحك يا حبيبي منظرك اذّاني
راح أظل ابچي واون للتالي
يُمّه يا عبدالله ارحم حالي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
گمت الوليلك ييُمّه بلكي تفتح عينك
بكثر ما مذهوله آنه بحضني وصرخ وينك
ما شربت الماي يُمّه ضامي ومأذّينك
الله لا ينطي اللي فرّق يبني بيني وبينك
لا حياة ولا عُمُر يحلالي
يُمّه يا عبدالله ارحم حالي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
النبله يا عبدالله يبني غيّرت اوصافك
ذابل امن الموت يبني والسهم ما عافك
يبسن امن الضمه ويلي مفطرات شفافك
ينهدم حيله بمصابك يبني كلمن شافك
نحرك المذبوح اشوفه گبالي
يُمّه يا عبدالله ارحم حالي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
راح اموت امن البواچي والحزن واللوعه
ريت ميته وياك يبني ولااظل مفجوعه
رتّ احضنك ياحبيبي ورگبتك مكطوعه
الفاگد اوليده ييُمّه ما تفيده دموعه
والرماك بسهمه ظل يبرالي
يُمّه يا عبدالله ارحم حالي
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
القاسم بن الحسن المجتبى عليه السلام 2024
اگعد يجسام
بجروحك سهام
لا حِنّه يبني ولا شمع
زفيتك بونّه ودمع
اگعد يجسام
٠٠٠٠٠٠٠٠٠٠٠٠٠٠٠٠٠٠
كل أم يجاسم للولد تتمنّه لو صار
يكبر بديها وللعرس. تتأمل اخبار
ليش اني من دون النِسَه بمصابك انهار
زفوك بسيوف ونبل يا شمعة الدار
شاب ويذبحوك
بالدم يحنّوك
بدال الفرح بيك انفجع
زفيتك بونّه ودمع
اگعد يجسام
٠٠٠٠٠٠٠٠٠٠٠٠٠٠٠٠٠٠
مثل الحسن وجهك يشع يا أحله كل شاب
خدك مثل خد الورد مو مالت تراب
لو ادري يبني بكربله يوليدي تنصاب
ما چنت اجي يبن الحسن وتحمّل مصاب
ياتعبي ورباي
ما حسّبت هاي
بالسيف نحرك ينگطع
زفيتك بونّه ودمع
اگعد يجسام
٠٠٠٠٠٠٠٠٠٠٠٠٠٠٠٠٠٠
اربعطعش عام ورحت. من بين اديه
وياك احس عمري انذبح بالغاضريه
بياذنب تتگطع وذر. بسيوف اميه
ميت وصيح بلا وعي. جاوب عليه
ما ظنت الروح
ترجعلي مذبوح
صوتك بعد ما ينسمع
زفيتك بونّه ودمع
اگعد يجسام
٠٠٠٠٠٠٠٠٠٠٠٠٠٠٠٠٠٠
ياما تعبت وساهرت. بسنينك هواي
ما ريد عرسك والفرح. بس رتّك وياي
جاسم ييُمّه بلا ابن. خلتني دنياي
عطشان ذبحوك العده. وتهنّه بالماي
يا حلو الاطباع
ضاع الامل ضاع
ذاك الشمل ما ينجمع
زفيتك بونّه ودمع
اگعد يجسام
٠٠٠٠٠٠٠٠٠٠٠٠٠٠٠٠٠٠
ما تدري رمله بياوضع امك يجسام
ما اكـدر اتنفس بعــد انفاسي آلام
مثلك يجاسم بالگلب مصيوبه بسهام
لا تغمض عيونك صحت لعيونك احتام
ما ينفع النوح
للتنزف جروح
ما ادري راسك يرتفع
زفيتك بونّه ودمع
اگعد يجسام
٠٠٠٠٠٠٠٠٠٠٠٠٠٠٠٠٠٠
متأذّي گلّي بياجرج ياشمعة البيت
ما ينحصن ياجرح اشد محتاره ظليت
گبلك يجاسم انذبح. ياما تمنّيت
ولا شوفك بهذا الوضع. سلني وتأذّيت
ما احمل فراگ
كل لحظه اشتاگ
ما يشفه جرحك يتّسع
زفيتك بونّه ودمع
اگعد يجسام
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
رئيسية/ علي الأكبر عليه السلام 2024
يالأكبر. ما اكدر. ساعة بليّاك
تجرحني. وتذبحني. كلمة فرگاك
يا تعب سنيني نار وتچويني
كلمة فرگاك كلمة فرگاك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
مو تدري يبني يا علي. اتنفّس بانفاسك
انت السعاده بدنيتي. معيّشني دوم احساسك
غالي واخاف من الهوى. لو هب عليك وجاسك
شلون اصبر ورمح الغدر. يوليدي يطلب راسك
ربّيتك غذّيتك من طيب الروح
دلّلتك كبّرتك. تاليهه تروح
وين تخليني. نار وتچويني
كلمة فرگاك كلمة فرگاك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
لو ادري بالطف تنذبخ. ما اوصل لواديها
ما عندي غيرك يا علي. هالكلمه فكّر بيها
كل أم تريد امن الإبن. من تكبر يباريها
بس آني حاربني الزمن بيك انفجع تاليها
حاربني. وعذّبني. دهري الغدّار
بدموعي وبظلوعي. تسعر چم نار
ليش تبچّيني. نار وتچويني
كلمة فرگاك. كلمة فرگاك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يا ما تعبت وساهرت. وعيوني ما شافت نوم
تكبر وبيك اكضي العمر. اتنطّرك يوم بيوم
ما حسبت طف كربله وغدر آل اميه المشؤوم
عطشان رايح للحرب ياعلي الأكبر مظلوم
ما ترجع. تتگطع. بسيوف اعداك
تفجعني. وتهضمني. شلون اتلگاك
والدمعه بعيني. نار وتچويني
كلمة فرگاك. كلمة فرگاك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
تشبه مُحمّد بالوصف نفس الشكل والصوره
وگفت نبي وهيبة نبي. ونورك يشع من نوره
امك وخاف أمن الهوى لو جاسك ومعذوره
يالأكبر وفگدك صعب. ابقة بحزن مكسوره
ما اقبَل وتحمل فكدك هيهات
مجبوره. ومقهوره. وجري الدمعات
فكدك يبليني. نار وتچويني
كلمة فرگاك. كلمة فرگاك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
خليني اودعك يا علي. املي النظر وشتمّك
لو رحت ما ترجع بعد. اشبكني يابعد امك
سيوف آل اميه تحضرت. منتظره تسفك دمك
ياعلي الأكبر چم عدو. يتشفّه يبني بجسمك
يوليدي وشبيدي. غير الله وياك
ادعيلك شد حيلك. امك وتناك
جرحك يعميني. نار وتچويني
كلمة فرگاك. كلمة فرگاك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
بالخيمه اتنطّر تجي ما ظل صبر يالأكبر
جابك حسين بياوضع. دامي النحر وموذّر
حيلي انهدم گلبي انمرد. شفتك ذبيح المنحر
بدموعي اصيحن ياعلي. حاچيني گلبي تفطّر
حاچيني. وراويني. چم طعنه البيك
آ يبني. جاوبني. بيش انداويك
امك حاچيني. نار وتچويني
كلمة فرگاك. كلمة فرگاك
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
نزلة/ القاسم ابن الحسن المجتبى عليه السلام 2024
حك الشباب عله الشباب. هذا يوم القاسم
٠٠٠٠٠٠٠٠٠٠٠٠٠٠٠٠٠٠٠٠
بالطفوف القاسم شقدم امس
للشباب الواعية اعظم درس
شاب لكن ضحّه للدين النفس
چم صفه من عنده واجب نقتبس
ثابت على الحق واليقين. ما خضع للظالم
حك الشباب عله الشباب. هذا يوم القاسم
٠٠٠٠٠٠٠٠٠٠٠٠٠٠٠٠٠٠٠٠
القاسم بعمر الورد يوم الطفوف
شاف عمه حسين ما بين السيوف
ما بخل دمه ولا هاب الألوف
نصر عمه القاسم باصعب ظروف
كلمن مشه بنهجه يفوز. التزم يا خادم
حك الشباب عله الشباب. هذا يوم القاسم
٠٠٠٠٠٠٠٠٠٠٠٠٠٠٠٠٠٠٠٠
يا شباب اتمسّكوا بابن الحسن
واجب انسير عله نهجه بكل زمن
هذا هوه القاسم اخلاقه حچن
قدوه للشاب الموالي الممتَحَن
والما تبع نهجه وقراه. هذا لاشك نادم
حك الشباب عله الشباب. هذا يوم القاسم
٠٠٠٠٠٠٠٠٠٠٠٠٠٠٠٠٠٠٠٠
نقتدي بافعاله واجب بالحياة
القاسم ابن الحسن ضحّه بكل ثبات
يا شباب وماخضع للمُغريات
نعرف الشاب الحسيني بهالصفات
واليقتدي بنهجه يعيش. هيبه بين الوادم
حك الشباب عله الشباب. هذا يوم القاسم
٠٠٠٠٠٠٠٠٠٠٠٠٠٠٠٠٠٠٠٠
شاف عمه بكربله واگف وحيد
ينادي هل من ناصر بعسكر يزيد
صاح لبيك وركض يفدي الوريد
ما نعيش بذل ولا عيش العبيد
ارخصني يا عم يا حُسين. آنه لجلك قادم
حك الشباب عله الشباب. هذا يوم القاسم
٠٠٠٠٠٠٠٠٠٠٠٠٠٠٠٠٠٠٠٠
لابس ثياب الحسن لمّن برز
أنه القاسم صاح بيهم ورتجز
بسيفه يگطع روس عدوانه ويحز
جيش امية احتار شيسوي وعجز
لوما الغدر يوگع مُحال. يفني جيش الظالم
حك الشباب عله الشباب. هذا يوم القاسم
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
مقدمة/ القاسم بن الحسن المجتبى عليه السلام 2024
المن رايح وعدمن تخلّيني
ميته احسبني اذا ما شوفك بعيني
٠٠٠٠٠٠٠٠٠٠٠٠٠٠٠٠٠
أنه الربّيت يبني وتعبت برباك
گلت تكبر وعيش بسدّك وبحماك
اذا ما شوف وجهك كل فجر ولگاك
اموت من الألم فگدك يأذيني
٠٠٠٠٠٠٠٠٠٠٠٠٠٠٠٠٠
الأم شعدها غير اوليدها الغالي
يشمعة عمري يبني وتعبي وآمالي
شحلاتك يالولد من توگف گبالي
شحلات ايام عمري البينك وبيني
٠٠٠٠٠٠٠٠٠٠٠٠٠٠٠٠٠
كبرت بعيني يبني وصورتك حلوه
حياتي بدون وجهك والله ما تسوه
بلوة فگدك وهجرك اشد بلوه
بعدك عالألم منهو اليواسيني
٠٠٠٠٠٠٠٠٠٠٠٠٠٠٠٠٠٠٠
يجاسم يُمّه جانت مُنيتي بنفسك
ازفك بيدي يبني وفرح بعرسك
ما چان على بالي كربله تفرسك
وسيف اللي يذبحك يذبح سنيني
٠٠٠٠٠٠٠٠٠٠٠٠٠٠٠٠٠
ما جان عله بالي حنّتك من دم
بدال الفرحه يبني بذبحك اتألم
بسيوف آل اميه شلون تتخذّم
مگطع بالسيوف وما تحاچيني
٠٠٠٠٠٠٠٠٠٠٠٠٠٠٠٠٠
يجاسم ريت گبلك ينكطع نحري
ولاشوفك ذبيح وينكسر ظهري
تدري بلا وجودك اختنگ تدري
حسبت احساب من تكبر تباريني
٠٠٠٠٠٠٠٠٠٠٠٠٠٠٠٠٠٠
اودعك للسيوف وادري ما ترجع
وحس گلبي بوداعك ذاب وتگطع
لا دمعه التّفيد ولا صبر ينفع
مصابك مو دمع من دم يبچّيني
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
فزاعية / ابا الفضل العباس عليه السلام 2024
يا عباس وينك يا ضوه العين
وين الجود خويه والعلَم وين
٠٠٠٠٠٠٠٠٠٠٠٠٠٠٠٠٠٠٠٠٠٠
عوف الماي عوف المشرعه وعود
يا عباس وينك يا ضوه العين
گلبي عليك خويه هواي ممرود
يا عباس وينك يا ضوه العين
بس لا طايح ومگطوع الازنود
يا عباس وينك يا ضوه العين
يبجي عليك ظل بخيمته حسين
يا عباس وينك يا ضوه العين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
زينب آنه يا عباس ناديت
يا عباس وينك يا ضوه العين
اوصل لشريعه شكد تمنّيت
يا عباس وينك يا ضوه العين
گلبي عليك مثل النار ما جيت
يا عباس وينك يا ضوه العين
منين انجيب كافل مثلك منين
يا عباس وينك يا ضوه العين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
هذا حسين ظهره عليك مكسور
يا عباس وينك يا ضوه العين
ظل بلا عضيد وگلبه مجمور
يا عباس وينك يا ضوه العين
اذا مكطوع جفك خويه معذور
يا عباس وينك يا ضوه العين
لا ناصر ينصره ولا اله امعين
يا عباس وينك يا ضوه العين
٠٠٠٠٠٠٠٠٠٠٠٠٠٠٠٠٠٠٠٠٠٠
منهو اليحمي بعدك هاي الاخيام
يا عباس وينك يا ضوه العين
تبجي عليك هاي اطفال ويتام
يا عباس وينك يا ضوه العين
وتدري بآل أمية هواي ظلّام
يا عباس وينك يا ضوه العين
خويه شلون من يحمي الصواوين
يا عباس وينك يا ضوه العين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
حاطتنه آل اميه سيوف ورماح
يا عباس وينك يا ضوه العين
بين الشامت ومابين ذبّاح
يا عباس وينك يا ضوه العين
تسمع بالخيم لطفالك صياح
يا عباس وينك يا ضوه العين
كالوا طايح ومكطوع چفين
يا عباس وينك يا ضوه العين
٠٠٠٠٠٠٠٠٠٠٠٠٠٠٠٠٠٠٠٠٠٠٠
من يحمي الخيم لو شبّو النار
يا عباس وينك يا ضوه العين
لو ذبحو اخوك حسين نحتار
يا عباس وينك يا ضوه العين
تقبل شمل اخوك يصير طشّار
يا عباس وينك يا ضوه العين
وتقبل اختك اطب لدّواوين
يا عباس وينك يا ضوه العين
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
رئيسية/ ابا الفضل العباس عليه السلام 2024
ظهري انكسر يا ناس من ودعت عباس
عالشاطي عفته. وصبري فگدته
من ودعت عباس
٠٠٠٠٠٠٠٠٠٠٠٠٠٠٠٠٠٠٠٠
آنه الحسين ابن الوصي شايل محن ما تنحصي
وستقبلتها بصبري
اولادي ونصاري سوه. واولاد اخوتي بنينوه
كلهم اخذهم دهري
ظليت أكابر عالألم. بس من برز راعي العلَم
ضاع الهوى من صدري
لمن وگع عالمشرعه شفته وچفوفه امگطعه
هذا الكسرلي ظهري
يم جسمه طاح الحيل. اشبگته ودمعتي تسيل
ظهري لزمته. وصبري فگدته
من ودعت عباس
٠٠٠٠٠٠٠٠٠٠٠٠٠٠٠٠٠٠٠٠
ظهري انكسر لمن شفت. متكطعه جفوفه وصحت
يا بالفضل حاچيني
مطفيه عينك بالسهم. والثانية امغطيها دم
ياريت طفوا عيني
مو راح اموت أمن القهر. عباس سولف يا كمر
بلا اخو لتخلّيني
يا بالفضل حيلي انهدم. عباس اشيلك للخيم
لو تبقى شتوصيني
من طيحتك مهضوم وستوحدوني الگوم
گلبي فجعته. وصبري فگدته
من ودعت عباس
٠٠٠٠٠٠٠٠٠٠٠٠٠٠٠٠٠٠٠٠
حاچاني بدموعه الگمر. يشبگني راد وما گدر
متگطعات چفوفه
مواعد اسكينه وعيلتك. بالماي اجيبه لخيمتك
ولجيّتي ملهوفه
بلا ماي اموت ولا ارد خليني عنهم مبتعد
يم النهر ماعوفه
بلا ماي ما ارجع عدل. عطشانه چم طفله وطفل
تنتظر جودي تشوفه
اعذرني خويه حسين. ما رد بلا چفين
لمن سمعته. وصبري فگدته
من ودعت عباس
٠٠٠٠٠٠٠٠٠٠٠٠٠٠٠٠٠٠٠٠
عباس ودعني وبچه. انفاسه طلعن من حچه
وصّل سلامي لزينب
گللهه ما يرجع بعد. عباس مصيوب ابعَمَد
خل تصبر ولا تنحب
حامي الظعن گلهه انغدر. كطعوا چفوفه عله النهر
كبلج اخوج اتسلّب
گلهه الگمر وفّه العهد. بچفوفه وجروح الجسد
لطاري السبي يتعذّب
خادم ألك ممنون. وتعذرني زينب كون
بدمعي شبگته. وصبري فگدته
من ودعت عباس
٠٠٠٠٠٠٠٠٠٠٠٠٠٠٠٠٠٠٠٠
عباس ابوالغيره الكفو. مات وتركني بلا اخو
روحه اطلعت بحضاني
عباس ياخويه صحت ظهري انكسر لمن متت
وتشمّتت عدواني
شلون ارجع بلا هيبتك. مو تدري ختنه بخيمتك
ياخويه تتلگاني
تسألني عنك ونفجع. يخنگني ياخويه الدمع
وتعثّر باحزاني
من يوگع العامود تعرف يراعي الجود
ما ترجع انته. وصبري فگدته
من ودعت عباس
٠٠٠٠٠٠٠٠٠٠٠٠٠٠٠٠٠٠٠٠
وگعت الخيمه وعرفتك. زينب يخوها وندبتك
وينك يحامي ظعوني
انت الجبتني امن الوطن. براية علي وتحدي الظعن
تذكر ينور عيوني
من تهجم خيول وزلم. من يحمي ضعنك يا شهم
مو تدري ميرحموني
تقبل يراعي المرجله. نطلع سبي من كربله
وعدوانك يچتفوني
نمشي بسبي عالنوگ. تقبل نطب للسوگ
وجهي لطمته. وصبري فگدته
من ودعت عباس
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
https://youtu.be/274wOJnX9bI?si=uFE6IhGJcIfTe4BK
Читать полностью…
قصيدة ابا الفضل العباس عليه السلام
صلّى اللهُ على العباسُ الكفيل
_
هذا ابوالغيره كفيل الهاشميه
طلعت وياه من طلع للغاضريه
هيبته هيبة علي حامي الحميه
قاهر العدوان صگّار آل اميه
اذّاها. وبچّاها. عالشاطي الزلم
بصولاته. وضرباته. يرجمهم رجم
والحومه. بعلومه. صاحت والنعم
عنده الحل بالشدد ماكو مستحيل
صلّى اللهُ على العباسُ الكفيل
_
ابو راس الحار ما يرحم عدوّه
بنار سيفه چم بطل مات وتچوّه
خوّة العباس وكت الشده خوّه
ضامي گبل حسين بالطف ما تروّه
لعضيده سيف ايده. وحزام الظهر
ماعافه. وبچتافه. شال اكبر خطر
صد عينه. لحسينه. من طب النهر
ما أشرب گلّه والقدمته قليل
صلّى اللهُ على العباسُ الكفيل
__
كافل اخته زينب وحارس خدرها
ومن يجنّ الليل يتحوّل گمرها
يخاف حتى الهوى يم زينب يمرها
لاشك يگطعه ابوالغيره بأثرها
دلّلهه. وصار الهه. حمّاي واخو
وي زينب مايتعب. كفّال وكفو
وشحدّه يتعدّه. بوجوده العدو
وصّاه بيها علي حمّاي الدخيل
صلّى اللهُ على العباسُ الكفيل
___
من تنخّت زينب بأسمه وتحزّم
اغضب العباس سل سيفه وتقدّم
سوه من روس آل امية بحر من دم
جيش امية بضربه من سيفه تهدّم
رد صايل. والعايل. داس بجثّته
لخيامه. وايتامه. تارس جربته
فرحانه. ولهفانه. اخته تلگّته
روّه طفال وحرم ماء السلسبيل
صلّى اللهُ على العباسُ الكفيل
___
يبوفاضل احنه خدامك هتفنه
بحبك وبفعالك الحلوه انشغفنه
سيدي خدمتكم وحبكم شرفنه
بهالمجالس نرضي قائمكم هدفنه
ندعيله. بكل ليله. للمهدي الفرج
نشكيله. ونفديله. ارواح ومهج
مهدينه. متانينه. مبعوث الحجج
من يظهر تعتلي اصوات الأصيل
صلّى اللهُ على العباسُ الكفيل
سيد زيد الفحام
________
https://youtu.be/lDIKFb2WpXo?si=U7oMNFIVO7Yl-7-T
Читать полностью…
قصيده نزلة في رثاء الإمام العباس عليه السلام
تصيح الهاشميه يسبع الغاضريه
نريد الماي نريد الماي
................
زينب تعنت لخوها تصيح يحماي
جابت الجربه بديها بديها تطلب الماي
خويه عطشانه اليتامه والحرم هاي
ماكو غيرك بالكلايف لخته وفاي
يبن حامي الحميه يسبع الغاضريه
نريد الماي نريد الماي
...................
من سمع عباس صوت اخته الجليله
طلع منّ الخيمه مسرع للعقيله
ياهلا بأختي الأبيّة والأصيله
سهله هاي الطلّبه طلبي المستحيله
وفي وكلّك حميه يسبع الغاضريه
نريد الماي نريد الماي
……………………
وسفه بوّجودي اخلّيكم تعطشون
راح اجيب الماي وانه بهاي ممنون
إلّا اگص الرّوس لجلج وفگس عيون
بسيفي راح افنيها كلها ومايظلون
جثثهم عالوطية. يسبع الغاضريه
نريد الماي نريد الماي
……...................
والنّعم گالتله انت بهاي معروف
انت موت الزّلم منك يرجف الخوف
آل اميّة من تشوفك تزحف زحوف
من تجيها صفوف تبقه ادّوس بصفوف
تهابك آل اميه. يسبع الغاضريه
نريد الماي نريد الماي
………………………
اغضب العباس وتعنّه عله مُهره
سيفه يلمع بالشمس والرايه خضره
تعنّه صوب النهر والجربه عله ظهره
سوّه من دم آل اميّه الگاع حمره
عذاب الناصبيه. يسبع الغاضريه
نريد الماي نريد الماي
……………………………
هذا ابوالغيره فزع عالماي فزعه
منهو يگدر يوگف بوجهه ويمنعه
عجزت الفرسان كل فارس يصرعه
لو لزم راس العدو بيده يقلعه
يصگّار المنيه. يسبع الغاضريه
نريد الماي نريد الماي
…………………………
بزوده طب للماي والجربه بيمينه
يملي بيها وماشرب حامي الظعينه
تذكّر حسين وعطاشه امناطرينه
واليتامه تصيح عمنه الراح وينه
تناديلك رقيه. يسبع الغاضريه
نريد الماي نريد الماي
………………………
وفّه بعهوده ورجع يروي الضمايه
زينب تنادي هلا بصاحب الرايه
الماي جابه وشربت الاطفال مايه
گلها خلّيت الزلم تبچي ورايه
كفو گالتله هيه. يسبع الغاضريه
نريد الماي نريد الماي
سيد زيد الفحام
_________
يا ابا عبد الله الحسين
انا توسّلنا. واستشفعنا بك يامولانا
_____________
اهلي ربوني عله حبك. ما عفت يالغالي دربك
ترضه بية شما اتعبك. ياحسين. ياحسين
اشكر الله عله الهدايه. عندي حبك والولايه
ابقى خادم للنهايه. يا حسين ياحسين
نهواكَ لا زلِنا واستشفعنا بك يامولانا
_____________
خدمتك أعظم كرامه. بالحياة وبالقيامه
مصدر الحب والسلامه. ياحسين. ياضاحسين
بگلبي مو بالعين اشوفك. هذا عهدي وما اعوفك.
لكربله اكصد وطوفك. ياحسين. ياحسين
بالقلبِ آمنّا. واستشفعنا بك يامولانا
_______________
المايشوفك گلبه اعمه انت نور بگاع ظلمه
عالبشر مولاي رحمه. ياحسين. ياحسين
انت دين الله حفظته. بدمك الطاهر نصرته
منهج الباطل رفظته. ياحسين. ياحسين
لولاكَ ما كُنّا. واستشفعنا بك يامولانا
_________________
خادم بحبك هويتي. ومجلسك يحسين بيتي
تحضر بساعة منيتي. ياحسين. ياحسين
ما اعوفك لحظه وحده. واليعوفك ما اودّه
غير بابك ما اگصده. ياحسين. ياحسين
نَزوركَ جئنا. واستشفعنا بك يامولانا
____________________
عمري گاضي بهالمجالس. بالعشگ علّمني عابس
حبك مسويلي واهس. ياحسين. ياحسين
كل سنه وكل عام اخدمك. بالحواس الخمسه اسمك
جسمي عندي وگلبي يمك. ياحسين. ياحسين
عشقاً تهيّئنا. واستشفعنا بك يامولانا
سيد زيد الفحام
______________________________________&&
ليلة الوحشة
حركوها الخيام. صحراء وضلام
گامت عالتراب. اطفالك تنام
٠٠٠٠٠٠٠٠٠٠٠٠٠٠٠٠٠٠٠
علي يا حاضر الشدات تحضر من يندبونك
بويه بكربله شصاير. تعال وشوف بعيونك
حسين مگطع ومذبوح. بسيوف اليبغضونك
تجي الليله لحراستهم حرم وطفال يردونك
ياحامي الدخيل. مذبوح الكفيل
ماظل هاشمي بس هذا العليل
٠٠٠٠٠٠٠٠٠٠٠٠٠٠٠٠٠٠٠٠٠
يبويه طفالي ترجف خوف. من نار وهجوم الخيل
بعدنه بهالرعب والنار. يا حيدر وجانه الليل
من يحرس يتامه حسين. وآنه بلا فكر لا حيل
احضر يا علي احضر. اصيحن والدموع تسيل
يا حيـدر تعـال. احرس هالعيال
مرعوبة وتنوح من عكب الدلال
٠٠٠٠٠٠٠٠٠٠٠٠٠٠٠٠٠٠٠٠٠٠٠٠
تعال وشوف ذاك حسين. بويه موسّد التربان
عاري بلا دفن مذبوح. دامي وسلبته العدوان
بحوافر خيلهم سحگوه. تشـفّـوا بي بني سفيان
حرت امشي لخوي حسين لو ابقه احرس النسوان
بالطف الشهيد. يمك مو بعيد
مسلوب الرداء. محزوز الوريد
٠٠٠٠٠٠٠٠٠٠٠٠٠٠٠٠
يبويه ولو گلت عباس. كفيلج وينه ما يفزع
ظل عله النهر مذبوح. بسيوف العده اتكطّع
چفوفه مگطعه وبالعين. سهم الجربه ما يطلع
تعال احرسنه يابوحسين. صدك معقوله ما تسمع
ليلة وحشه هاي. لا عز لا حماي
لا كافل اشوف. لا گمره بسماي
٠٠٠٠٠٠٠٠٠٠٠٠٠٠٠٠٠
من صوب الغري لن صوت. آنه الليله احرسكم
يزينـب والـــدج يمـج. علي وماواحد يمسكم
بالعز والشرف والنور. من يكدر ينافسكم
يزينب صبروا لا تشكون. الله بنفسه قدّسكم
نصبر عالبلاء. مضمون الجزاء
لاشك ما يضيع. يم رب السماء
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
نزلة/ ليلة الوداع. 2024
اعظم جروح الگلب. جرح الوداع
٠٠٠٠٠٠٠٠٠٠٠٠٠٠٠٠٠٠٠٠٠
كل جرح لابد اله فتره ويطيب
إلا جرح الرايد يودع حبيب
واني هاي الليله بجروحي اشيب
راح اودع حسين بدموع ونجيب
يهضم وكلش صعب. جرح الوداع
اعظم جروح الگلب. جرح الوداع
٠٠٠٠٠٠٠٠٠٠٠٠٠٠٠٠٠٠٠٠٠٠
شلون اودع حسين يا عالم شگول
ودري باجر تسحك بصدره الخيول
ريت ليل العاشر اعلينه يطول
ولا يروح حسين والهيبه تزول
اول جروح الحرب. جرح الوداع
اعظم جروح الگلب. جرح الوداع
٠٠٠٠٠٠٠٠٠٠٠٠٠٠٠٠٠٠٠٠٠٠
شلون اودع الكافل وحامي الظعن
چفوفه يم شاطي النهر يتكطعن
كبل ابوالغيره يذبحوني عسن
ولا اشوف چفوفه دم يتسايلن
خَلّه دمعي دم يصب. جرح الوداع
اعظم جروح الگلب. جرح الوداع
٠٠٠٠٠٠٠٠٠٠٠٠٠٠٠٠٠٠٠٠٠٠
ليلة اوداع اخوتي ليلة جرح
راح أظل سهرانه وبچي للصبح
باجر ابن امي وحبيبي ينذبح
وراس اخويه حسين ينشال برمح
بسمه بعيون الغرب جرح الوداع
اعظم جروح الگلب. جرح الوداع
٠٠٠٠٠٠٠٠٠٠٠٠٠٠٠٠٠٠٠٠٠٠
آنه مو أي مره زينب بت علي
من يعوفوني خوتي منهو الألي
جابني العباس گلّي ادلّلي
لا تعوفيني غريبه يا هلي
يعصر دموعي غصب. جرح الوداع
اعظم جروح الگلب. جرح الوداع
٠٠٠٠٠٠٠٠٠٠٠٠٠٠٠٠٠٠٠٠٠٠
هذه آخر ليله ملتم الشمل
كلها باجر تنذبح حتى الطفل
والمصيبه الكبره والماتنعقل
انسلب ياوسفه ونجر بحبل
علّتي بطول الدرب. جرح الوداع
اعظم جروح الگلب. جرح الوداع
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
رئيسية/ ليلة الوداع 2024
شفتها بليلة العاشر
حزينه وتكسر الخاطر. اويلاه
تودع اخوتها مهضومه
تصيح وتبچي مالومه. اويلاه
٠٠٠٠٠٠٠٠٠٠٠٠٠٠٠٠٠٠٠٠٠
رجع بية الزمن للطف. حلم بس شفته بالعين
وداع ام الخدر زينب. شفتها تودع حسين
حزينه امگبّعه بهمها. تون من لوعة البين
طبت خيمة ابن امها. تودعه وبيها نارين
نار اوداعه وغيابه
ونار جروحه ومصابه اذا راح
اخوها وكعدت تنشده
غريبه وتنسبي بعده. اذا راح متنساه اويلاه
٠٠٠٠٠٠٠٠٠٠٠٠٠٠٠٠٠٠٠٠٠
سمعتها تگلّه يبن امي اريدن منك جواب
صدك باجر يذبحونك. صدك يسلبني سلّاب
اشوف بسهم المثلّث يخويه گبالي تنصاب
بحوافر خيلهم خويه يطشرونك بلتراب
عسن لا طر صبح باجر
ولاشوفن اثر حافر. بلظلوع
مثل ما كسروا الزهره
اشوف بعيني چم كسره. بلظلوع اثر آه اويلاه
٠٠٠٠٠٠٠٠٠٠٠٠٠٠٠٠٠٠٠٠٠٠
صدك ياخويه اسمعها. فقط هالليله ويّاك
صعب يحسين توديعك. صعب يالغالي فرگاك
توصيني وتودّعني. أنه وكل اهلي بحماك
بعد وضحت غداً زينب. سبية بولية اعداك
أنه الماشافوا خيالي
سبية عله الهزل تالي. الى الشام
وحگك يا ضوه عيوني
اموت ولا يودّوني. الى الشام. بلاياه. اويلاه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اخوها حسين جاوبها. اسمعه ودمعي سچاب
يگلها يختي يازينب. اقاتل دون الاحجاب
اذا ما ينسفك دمي. وذا ما راسي ينصاب
يرد دين الشرك والذل يموت الحق ولكتاب
ابد ما بايع الظالم
ابد للذلّه ما ساوم. أنه حسين
عزيز لآخر انفاسي
اخوج ومااطخ راسي. أنه حسين سمعناه. اويلاه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠
گبل فجر الحزن طلعت. شفتها تريد عباس
تلگّاها بهلا يختي. هلا يارفعة الراس
عظيمه وكعدت كباله. بأبوها الوالي تنقاس
صدك رايد تودّعني. وظل بلايه حـرّاس
جبتني امن الوطن آيه
كفيلي وبيدك الرايه. يعباس
اذكرك بالعهد جيتك
يمن صيت الوصي صيتك. يعباس نخيناه. اويلاه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اسمعه يگلها يازينب. بچيتي وآنه موجود
قسم باجر اراويهم. سقر وعيونج شهود
امية وكل عساكرها. وعددها شما بقى يزود
اگص رگابها بسيفي و رد اسحگهم اردود
يويله اليوصل خيامج.
اذبحه بسيفي كدامج. تأمرين
يزينب آنه كفّالچ
احامي خيامي وطفالچ تأمرين. بعد لا اويلاه
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
رئيسية/ عبدالله الرضيع عليه السلام 2024
منذبح هاج الطفل
جبته ميت مو عدل
مرتوي بجرح النبل
٠٠٠٠٠٠٠٠٠٠٠٠٠٠٠٠٠٠٠٠٠
رباب اتحمّلي الموقف وعرفج ما تحملينه
أنه حسين وجبت ابنج. هذا اللي تشوفينه
النبله برگبته ظلّت. ذبحت وردت سنينه
رباب يعينج المعبود ابنج من تشيلينه
غارگ بدم النحر
ما روه بماي النهر
صبري لا صبرج يقل
مرتوي بجرح النبل
٠٠٠٠٠٠٠٠٠٠٠٠٠٠٠٠٠٠٠٠٠٠
شكول آنه الابو شفته. انذبح عبدالله بحضاني
يرفرف بين اديه وصاح. بابا وحيل اذّاني
مثل طير انذبح عطشان. شبكني ودمّه چوّاني
ترست من دمه چف ايدي. رميته ومارجع ثاني
للسمه دمه انرفع
قطره منّه ما وگع
يذهل الما ينذهل
مرتوي بجرح النبل
٠٠٠٠٠٠٠٠٠٠٠٠٠٠٠٠٠٠٠٠٠
رباب يعينج الباري. عله اوليدج سهم صابه
رضيع بلا ذنب مذبوح تروّه بدمه وخضابه
تشوفين السهم طلعيه يحز برگبته صوابه
اعذرج يا رباب الصار. ابد مو هيّن مصابه
ما روه ومات بضمه
بحضنج وينزف دمه
ما حسبتي ينچتل
مرتوي بجرح النبل
٠٠٠٠٠٠٠٠٠٠٠٠٠٠٠٠٠٠٠٠٠
اهدئي وخل تجي يمج تصبرج زينب الحره
تجي تشيل الطفل منج. تجرّ النبله من نحره
لا آنـي أبـوه اگــدر ولا انتي الج قدره
دخليها عله زينب هاي. شبيهة فاطمه الزهره
تعلمت طول الزمن
علمصايب والمحن
تحمل الما ينحمل
مرتوي بجرح النبل
٠٠٠٠٠٠٠٠٠٠٠٠٠٠٠٠٠٠٠٠٠
الربــاب تلـوج بالخيمه. تون وتناغي عبدالله
بحضنها مخضّب بدمه وتنادي بلا وعي اسماللّه
مذهوله عله ابنها هواي دللّو تبچي وتگلّه
بچت ارض وسمه واملاك. عليها وكل مَلَك صلّه
فاجعـــــة أمّ وابـن
عبرت حدود الحزن
ونذهَل منها العقل
مرتوي بجرح النبل
٠٠٠٠٠٠٠٠٠٠٠٠٠٠٠٠٠٠٠٠٠
خذت منها الطفل زينب تشم عبدالله وتقبله
تصيح بصوت يوليدي. حبيبي وسحبت النبله
الرباب عله الوجه تلطم. تودعه وتبجي منذهله
وزينب بين ادين حسين. بدمعها سلّمت طفله
يحفر بسيفه اللحد
يدفن اوليده ويرد
والدمع من دم يهل
مرتوي بجرح النبل
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
نزلة/ علي الأكبر عليه السلام 2024
ياعلي الأكبر. حارب المنكر
خل يشوفونك. بالحرب حيدر
٠٠٠٠٠٠٠٠٠٠٠٠٠٠٠٠٠٠٠
آنه ابوك حسين يا روح الزجيه
يا علي الاكبر يسيف الله ونبيه
ياشبيه المصطفى وحامي الحميه
گوم سل سيفك وهزّ الغاضريه
لوالدك أثأر وهزم العسكر
خل يشوفونك. بالحرب حيدر
٠٠٠٠٠٠٠٠٠٠٠٠٠٠٠٠٠٠٠
يبني راويهم علي وضرباته بالسيف
خل يشوفونك وراهم حتى بالطيف
ياعلي غدروني اخذ من عدهم الحيف
ناصبي وسفياني منهم بالك تعيف
خلهه تتكرر. معركة خيبر
خل يشوفونك. بالحرب حيدر
٠٠٠٠٠٠٠٠٠٠٠٠٠٠٠٠٠٠٠
ياعلي الأكبر اودعك حان الوداع
آنه ربّيتك بدية ارباي ما ضاع
رتّك لهاليوم يبني والخبر شاع
كون من روس آل اميه تترس الگاع
والجثث بالبر. خلهه تتنثّر
خل يشوفونك. بالحرب حيدر
٠٠٠٠٠٠٠٠٠٠٠٠٠٠٠٠٠٠٠
سمعاً وطاعه يبويه وصاح عيناك
درعك الأكبر يبويه وسيف يمناك
ملحمه بالطف اسوي وهزم عداك
دم وريدي وراسي بويه فدوه لدماك
ادري تتصدّر. حاشه تتعذر
خل يشوفونك. بالحرب حيدر
٠٠٠٠٠٠٠٠٠٠٠٠٠٠٠٠٠٠٠
نزل للميدان بيده السيف مشهور
علي الأكبر كام يذبح روس ونحور
هذا من جده علي الكرار مذخور
الجيش من سيفه رجع للشام مكسور
امن الغدر احذر. يبني لا تعثر
خل يشوفونك. بالحرب حيدر
٠٠٠٠٠٠٠٠٠٠٠٠٠٠٠٠٠٠٠
بكر ابن غانم تحدّه وصاح وينه
وعلي الأكبر راحله بصولة علِينه
گطع راسه بضربه وحده وفگس عينه
جاب راسه لوالده وحامي الظعينه
حگي بيك افخر. يعجب المنظر
خل يشوفونك. بالحرب حيدر
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
علي الأكبر عليه السلام 2024
يا علي ....... ودّعتك للمنية
يا علي ٠٠٠٠٠٠٠ ميته ولا هالمسية
ما اكدر لحظه اعوفك
مذبوح شلون اشوفك
يا علي. يا علي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يا علي الأكبر حبيبي. آنه امك يا غلاتي
بلا ضواك الدنيا ظلمه يبني يا شمعة حياتي
شلون اودعك للمنية. وانت روحي وذكرياتي
منين اجتني الغاضريه. هدّمت كل ذكرياتي
طحت ٠٠ نحت ٠٠ صحت ٠٠ رحت ٠٠٠ يغالي رد علية
ذبح ٠٠ جرح ٠٠ رمح ٠٠ يسح ٠٠ نزف دمك بدية
لا تظن ٠٠٠٠ اتصبّر عالمصيبه
لا تظن ٠٠٠٠ تتحمّلهه الغريبه
كعبة وكل يوم اطوفك
مذبوح شلون اشوفك
يا علي. يا علي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يا شبه جدك محمد. ماكو مثلك بالبريه
وارث اخلاقه وجماله. وكل صفاته الاحمديه
شلون اصبّر روحي گلي. من تطيح عله الوطيه
بغضاً بجدك يغالي. ما ترحمك آل اميه
حرب ٠٠ غرب ٠٠ صعب ٠٠ گلب ٠٠ يلچمونه بمصابك
العذر ٠٠ جمر ٠٠ يضر ٠٠ صبر ٠٠ بعد ماكو بغيابك
يا صبر ٠٠٠٠ ينفعني بهالرزيه
يا صبر ٠٠٠٠ ينسّيني اليجري بيه
بالواقع وبطيوفك
مذبوح شلون اشوفك
يا علي. يا علي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يبني ربّيتك بديه. ودمعتي وسهر الليالي
تالي بالطف تمشي عني ياعلي الأكبر يغالي
شلون اعيش بلا وجودك. اسمع وجاوب سؤالي
كربله وسيف المنية. ما أجن يبني عله بالي
قتل ٠٠ يحل ٠٠ شمل ٠٠ يفل ٠٠ ولا يرجعلي خيرك
حزن ٠٠ احن ٠٠ اون ٠٠ ابن ٠٠ بعد ما عندي غيرك
حيرتي ٠٠٠٠ بمصابك ياحبيبي
حيرتي ٠٠٠٠ ياجرحي وياطبيبي
قدّر ظرفي وظروفك
مذبوح شلون اشوفك
يا علي. يا علي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ابني راح وگلبي يرجف. وندعيله بدمعي يرجع
بوجه ابواليمه اباوع ودعي ربي وعيني تدمع
لحظه لن شفته تغيّر. وجه ابواليمه وتصدع
گلي يا ليله المصيبه. ابنج الأكبر تگطع
وذر ٠٠ نذر ٠٠ نحر ٠٠ كبر ٠٠ علي بأسمه ومقامه
رسم ٠٠ قيم ٠٠ ألم ٠٠ سهم ٠٠ بقى بگلبي علامه
من طحت ٠٠٠٠ يالأكبر شيّبتني
من طحت ٠٠٠٠ بصوابك صوبتني
بدم شرياني حروفك
مذبوح شلون اشوفك
يا علي. يا علي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
جابو ابني للمخيّم. مگطع ومذبوح نحره
ما عرفته اوليدي هذا. إلا من شمّيت عطره
ماكو شي من جسمه سالم مگطع وطبره عله طبره
شخلّت سهام آل اميه. كسّرت يا ويلي صدره
ضوه ٠٠ حوه ٠٠ دوه ٠٠ روه ٠٠ علي بچف الزجيه
علي ٠٠ ولي ٠٠ الي ٠٠ هلي ٠٠ شفتهم بي ضحيه
للسبي ٠٠٠٠ امك من فارگتها
للسبي ٠٠٠٠ وي عدوانك عفتها
متعوده الزم چفوفك
مذبوح شلون اشوفك
يا علي. يا علي
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
رئيسية/ القاسم بن الامام الحسن المجتبى عليه السلام 2024
جاسم يوليدي وبسمة عيدي. ونور العين
من فدوه لأسمك. ارحم امك. رايح وين
ربّيتك بيدي وعشت وياك
ما ينشف دمعي ولا انساك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ينسخه امن الحسن بوصافه ورسومه
يوارث هيبته واخلاقه وعلومه
يجاسم يبني امك آنه مهضومه
صعب فكدك أخذني وياك للحومه
امك ورحمني. ولاتهضمني بهذا اليوم
ياخوف تذبحك. تلچم جرحك. هاي الگوم
تذبح ما ترحم يبني اعداك
ما ينشف دمعي ولا انساك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
صرت شاب شحلاتك يبني وتمنّه
ازفك بيدي جاسم يُمّه وتهنّه
ألبسك ثوب عرسك وعجن الحِنّه
لچن هاليوم عرسك ايّست منّه
من شفتك عازم. وانت القاسم تفدي الروح
فكّر بالربّت. بيك وتعبت وين تروح
شلون تفارگني بفيض دماك
ما ينشف دمعي ولا انساك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
حقچ يُمّه گلهه ودمعته بخده
فراگ الأبن عالأم شده من شده
لچن بس شوفي عمي حسن ظل وحده
غريب وبالحرب غير اهله ما عنده
ألمن يا يُمّه الحيل انضمّه. وعمي وحيد
دمي وكل جسمي فدوه لعمّي. كون يريد
راح ابقه بحزني ودوم انعاك
ما ينشف دمعي ولا انساك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يجاسم شفته عمك يكسر الخاطر
من گَوم آل اميه يطلب الناصر
انهض يُمّه ونصر عمك الطاهر
انت بدال ابوك تضحًي بالعاشر
گوم انصر عمك. وبذل دمك. لجل الدين
اكثر أذّاني. ودم بچّاني حال حسين
وحده بلا ناصر واگف ذاك
ما ينشف دمعي ولا انساك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
لبس زَيّ الحسن وتكشّخ بدرعه
وسل سيفه ونزل من يكدر يمنعه
كل فارس يجيله جاسم يصرعه
صبي وزلزل عساكر عجزت توكعه
ارعبهم سيفه وصار بكيفه. يحزّ رگاب
مذهول العسكر. جاسم كرر. داحي الباب
سُبحانه الخالق من سوّاك
ما ينشف دمعي ولا انساك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
آنه بخيمتــك يوليــــدي وتألّم
انتظرك تجيني ودمعي ينزف دم
حيلي بشوفتك ياجاسم اتهدم
بسيوف آل اميه مگطع مخذّم
مگطع يا روحي. ونزف جروحي. بحضني تنام
اگعد حاچيني. ولتخلّيني. يا جسّام
لو رايد روحي وتكعد هاك
ما ينشف دمعي ولا انساك
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
القاسم بن الحسن المجتبى عليه السلام 2024
عكب التعب ورباي شفتك ضحيه
صوّبني گبلك ريت سهم المنيه
٠٠٠٠٠٠٠٠٠٠٠٠
يبني تعـبـت بربـاك ليلي السهرته
عمري الگضيته وياك لجلك نذرته
تـاليــها مني تروح نـورك فـگـدتّـه
ابني ورحت ياحيف من بين اديـه
٠٠٠٠٠٠٠٠٠٠٠٠٠٠٠٠٠٠٠٠
يوليدي چنت وياي سلوت حياتي
شمعة وتضوّي البيت كل امنيـاتي
رحت وبقت بجفاك بس ذكريــاتي
ظلّيت انـوح عليـك صبح ومسيـه
٠٠٠٠٠٠٠٠٠٠٠٠٠٠٠٠٠٠٠٠٠٠
بعمر الورد ياحيف من فارگتني
ابچي وعميت العين لمن عفتني
بعدك عليّة شصار ريتـك شفتني
بس للـدمــع ظلّيت بس للأذيّـــه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠
راح التـعـب وربــاي مــاي وتبدّه
يبني اليخطفه الموت ياهو اليردّه
ريـت انـدفـن ويّـــاك هــذا الأودّه
ابقه وتغيب شلون تحت الوطيــه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
هسّه شعرت بجروح رمله وحزنها
من شـاهــدت بالعين ذبَحَت ابنـها
مذهـوله دم ودمـوع ينزف جفنها
جاسم ابنـها انصـاب بالغــاضـريـه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
للخيمه من جـابـوه يتجــاره دمّه
من منحره المذبوح طاحت تشمّه
من تلطم عله الراس معذوره امّه
بس هوه عدها وراح بسيوف اميّه
٠٠٠٠٠٠٠٠٠٠٠٠٠٠٠٠٠٠٠٠٠
عريس ابنها يصير ياما تمنّت
حسبت لبنهه حساب بس ما تهنّت
مو حِنّه تالي الصار بالدم تحنّت
رد للخيم مذبوح روح الزوجيه
٠٠٠٠٠٠٠٠٠٠٠٠٠٠٠٠٠٠٠
مگطع وذر جسام طبره عله طبره
رمله بگلب مفجوع تبچي عله صدره
مذهوله أم وتشوف دم يجري نحره
الاصعب وشد من هاي تطلع سبيه
سيد زيد الفحام
____________________________
نزلة/ ابا الفضل العباس عليه السلام 2024
ابوفاضل من توجّه للنهر
الموت اجاكم صاحوا وشاع الخبر
يا شمر يدناله
شردت الخيّاله
الموت اجاكم صاحوا وشاع الخبر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
شد على الشگره وهجم/هاشمي وبيده العلم/والغضب بعيونه
هذا ابن فارس مضر /توجّه لصوب النهر /فنهم يلاگونه
رجفت خيول وزلم / طرها ابوالغيره الشهم/والشرد خيعونه
يطگ راس براس گام بسطرته
ترجف گلوب الزلم من خزرته
يرعد بزلزاله
شردت الخيّاله
الموت اجاكم صاحوا وشاع الخبر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
نبط عرگ الهاشمي/وفل حصار العلگمي /ومجزرة سوّاها
طبگ سبع الگنطره / الميمنه عالميسره/تبچي دم خلّاها
صاحت الغوث العده/والذبح حل موعده/عالنهر ذلّاها
خيل تردم خيل خلّاها الكفيل
وگام يذبح بالزلم وين الثگيل
ترجف امن خياله
شردت الخيّاله
الموت اجاكم صاحوا وشاع الخبر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اخو زينب والنعم/يهزم وما ينهزم /يذبح بفرسانها
صور من ارض الحدث/روس توگع عالجثث/فارگت ابدانها
ابوفاضل بيها طب/يحصد بسيفه الرگب /ونهزم شيطانها
سوه بيهم ملحمه وطب للفرات
ترس جِوِده بماي غصبن عالطغاة
وتجّه لعياله
شردت الخيّاله
الموت اجاكم صاحوا وشاع الخبر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يترس الجربه حلف/والنهر شافه رجف/ضل يبوس چفوفه
للعساكر من طلع/ والهوى عليها انكطع /الموت هوه تشوفه
ابوفاضل لو زعل / احسب الجيش انقتل/اسوّه بيهم خوفه
مواعد اخته بماي يرجع مستحيل
إلا يملي الجربه ابن حاحي الدخيل
يروي كل طفاله
شردت الخيّاله
الموت اجاكم صاحوا وشاع الخبر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ابوفاضل ماله ند/سحك روس اهل الحقد/ومارحم عدوانه
هاشمي وفّه العهد /رجع بالماي الأسد /لعيلته العطشانه
ما يمس زينب ضمه/ لا وحك رب السمه/ماتظل حيرانه
گال اجيب الماي جابه امن العدو
ورتوه عبدالله من چفه وكفو
والرمح من شاله
شردت الخيّاله
الموت اجاكم صاحوا وشاع الخبر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
گدها حامي ختك يخوي/كفو منك يبن ابوي/هلا ياحامينه
بجربتك يابوالبخت/حرم وطفال ارتوت / بچفك اتروّينه
گلهه يختي ادلّلي / آنه بن حيدر علي/ يحصل التردينه
شنهي يختي الماي ويمنعوه عليج
إلا اخلّي النهر يركع بين اديج
بخزرته الچتّاله
شردت الخيّاله
الموت اجاكم صاحوا وشاع الخبر
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
مقدمة/ ابا الفضل العباس عليه السلام 2024
جيت ازورك يا گمر. وشعر بظهري انكسر
نعادت بعيني المصيبه. من طحت يم النهر
٠٠٠٠٠٠٠٠٠٠٠٠٠٠٠٠٠٠٠٠٠
جيت ازورك يابوفاضل. عمي يا سبع الطفوف
آنه بوصالح المهدي عالگبر انحب وطوف
ما برد دمك وهذا. اثر من دم الچفوف
وهذا ماي النهر يجري. وصوره بي منك اشوف
عالمُهُر شايل علم. وراجع لصوب الخيم
وزينب بخيمتها جانت. تنتظر منك خبر
٠٠٠٠٠٠٠٠٠٠٠٠٠٠٠٠٠٠٠٠٠٠٠
هنا طحت يا عمي ضامي. وهيه هاي المشرعه
بالعَـمَـــد راسك تصوّب والچفوف امگطعه
من اجاك حسين جدي. شگد بچه عليك ونعه
چفوف ما عندك تحضنه. ما گدرت اتودّعه
التكتل گبال العدو يصعب فراگ الاخو
جدي گام نكسر ظهره. والألم زاد وكثر
٠٠٠٠٠٠٠٠٠٠٠٠٠٠٠٠٠٠٠٠٠
ارد اسألك يابوفاضل. عمي ونطيني الجواب
ياهو اكثر جرح گلبك وانت طايح عالتراب
جروحك الينزف دماها. لو عتب ام الحجاب
زينب الظلت تنطرك. بالخيم تشكي بعتاب
ياهو اشد كطع الوريد. لو كسر ظهر العضيد
شگال گلبك يابوفاضل. راح اموت امن القهر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
جاوب المهدي بوفاضل. سيدي يبن النبي
اصعب جروحي واشدهن. عالگمر جرح السبي
زينب اختي يابوصالح. يحدي بيها الأجنبي
اشد من جروح ادية. من شتمها الناصبي
الچانت بعزّ الخدر. تالي يسببها الشمر
نظرة الشامت عليها. اشد من گطع النحر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يابوصالح والمصيبه الأشد من كطع الوريد
مچتفه زينب شفتها. تدخل لمجلس يزيد
يسأل عليها اسمعه. بيها يتشمّت يريد
شكد تمنّيت آنه عايش عندي سيف وعندي ايد
چنت احز راسه النذل. وذبح الحط الحبل
وآخذ بثار العقيله. إلّا راويهم سقر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
جيت اشكرك يابوفاضل. انت وفيت العهد
ثار زينب عمتي يمي. وهذا من عندي وعد
إلا اسبي اللي سبوها. اطمئـن وكثـر بعـد
اقتل ابن زياد بيدي وسحك بخيلي الجسد
وقتل ايزيد بعدد. جروح ابواليمه واشد
آل اميه والتبعهم ما يظل منهم اثر
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠