13121
السلام على الحسين وعلى علي بن الحسين وعلى أولاد الحسين وعلى أصحاب الحسين عليه السلام قناة لنشر قصائد في رثاء محمد وآل محمد عليهم السلام
رئيسية/ علي الأكبر عليه السلام 2024
يالأكبر. ما اكدر. ساعة بليّاك
تجرحني. وتذبحني. كلمة فرگاك
يا تعب سنيني نار وتچويني
كلمة فرگاك كلمة فرگاك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
مو تدري يبني يا علي. اتنفّس بانفاسك
انت السعاده بدنيتي. معيّشني دوم احساسك
غالي واخاف من الهوى. لو هب عليك وجاسك
شلون اصبر ورمح الغدر. يوليدي يطلب راسك
ربّيتك غذّيتك من طيب الروح
دلّلتك كبّرتك. تاليهه تروح
وين تخليني. نار وتچويني
كلمة فرگاك كلمة فرگاك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
لو ادري بالطف تنذبخ. ما اوصل لواديها
ما عندي غيرك يا علي. هالكلمه فكّر بيها
كل أم تريد امن الإبن. من تكبر يباريها
بس آني حاربني الزمن بيك انفجع تاليها
حاربني. وعذّبني. دهري الغدّار
بدموعي وبظلوعي. تسعر چم نار
ليش تبچّيني. نار وتچويني
كلمة فرگاك. كلمة فرگاك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يا ما تعبت وساهرت. وعيوني ما شافت نوم
تكبر وبيك اكضي العمر. اتنطّرك يوم بيوم
ما حسبت طف كربله وغدر آل اميه المشؤوم
عطشان رايح للحرب ياعلي الأكبر مظلوم
ما ترجع. تتگطع. بسيوف اعداك
تفجعني. وتهضمني. شلون اتلگاك
والدمعه بعيني. نار وتچويني
كلمة فرگاك. كلمة فرگاك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
تشبه مُحمّد بالوصف نفس الشكل والصوره
وگفت نبي وهيبة نبي. ونورك يشع من نوره
امك وخاف أمن الهوى لو جاسك ومعذوره
يالأكبر وفگدك صعب. ابقة بحزن مكسوره
ما اقبَل وتحمل فكدك هيهات
مجبوره. ومقهوره. وجري الدمعات
فكدك يبليني. نار وتچويني
كلمة فرگاك. كلمة فرگاك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
خليني اودعك يا علي. املي النظر وشتمّك
لو رحت ما ترجع بعد. اشبكني يابعد امك
سيوف آل اميه تحضرت. منتظره تسفك دمك
ياعلي الأكبر چم عدو. يتشفّه يبني بجسمك
يوليدي وشبيدي. غير الله وياك
ادعيلك شد حيلك. امك وتناك
جرحك يعميني. نار وتچويني
كلمة فرگاك. كلمة فرگاك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
بالخيمه اتنطّر تجي ما ظل صبر يالأكبر
جابك حسين بياوضع. دامي النحر وموذّر
حيلي انهدم گلبي انمرد. شفتك ذبيح المنحر
بدموعي اصيحن ياعلي. حاچيني گلبي تفطّر
حاچيني. وراويني. چم طعنه البيك
آ يبني. جاوبني. بيش انداويك
امك حاچيني. نار وتچويني
كلمة فرگاك. كلمة فرگاك
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
نزلة/ القاسم ابن الحسن المجتبى عليه السلام 2024
حك الشباب عله الشباب. هذا يوم القاسم
٠٠٠٠٠٠٠٠٠٠٠٠٠٠٠٠٠٠٠٠
بالطفوف القاسم شقدم امس
للشباب الواعية اعظم درس
شاب لكن ضحّه للدين النفس
چم صفه من عنده واجب نقتبس
ثابت على الحق واليقين. ما خضع للظالم
حك الشباب عله الشباب. هذا يوم القاسم
٠٠٠٠٠٠٠٠٠٠٠٠٠٠٠٠٠٠٠٠
القاسم بعمر الورد يوم الطفوف
شاف عمه حسين ما بين السيوف
ما بخل دمه ولا هاب الألوف
نصر عمه القاسم باصعب ظروف
كلمن مشه بنهجه يفوز. التزم يا خادم
حك الشباب عله الشباب. هذا يوم القاسم
٠٠٠٠٠٠٠٠٠٠٠٠٠٠٠٠٠٠٠٠
يا شباب اتمسّكوا بابن الحسن
واجب انسير عله نهجه بكل زمن
هذا هوه القاسم اخلاقه حچن
قدوه للشاب الموالي الممتَحَن
والما تبع نهجه وقراه. هذا لاشك نادم
حك الشباب عله الشباب. هذا يوم القاسم
٠٠٠٠٠٠٠٠٠٠٠٠٠٠٠٠٠٠٠٠
نقتدي بافعاله واجب بالحياة
القاسم ابن الحسن ضحّه بكل ثبات
يا شباب وماخضع للمُغريات
نعرف الشاب الحسيني بهالصفات
واليقتدي بنهجه يعيش. هيبه بين الوادم
حك الشباب عله الشباب. هذا يوم القاسم
٠٠٠٠٠٠٠٠٠٠٠٠٠٠٠٠٠٠٠٠
شاف عمه بكربله واگف وحيد
ينادي هل من ناصر بعسكر يزيد
صاح لبيك وركض يفدي الوريد
ما نعيش بذل ولا عيش العبيد
ارخصني يا عم يا حُسين. آنه لجلك قادم
حك الشباب عله الشباب. هذا يوم القاسم
٠٠٠٠٠٠٠٠٠٠٠٠٠٠٠٠٠٠٠٠
لابس ثياب الحسن لمّن برز
أنه القاسم صاح بيهم ورتجز
بسيفه يگطع روس عدوانه ويحز
جيش امية احتار شيسوي وعجز
لوما الغدر يوگع مُحال. يفني جيش الظالم
حك الشباب عله الشباب. هذا يوم القاسم
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
مقدمة/ القاسم بن الحسن المجتبى عليه السلام 2024
المن رايح وعدمن تخلّيني
ميته احسبني اذا ما شوفك بعيني
٠٠٠٠٠٠٠٠٠٠٠٠٠٠٠٠٠
أنه الربّيت يبني وتعبت برباك
گلت تكبر وعيش بسدّك وبحماك
اذا ما شوف وجهك كل فجر ولگاك
اموت من الألم فگدك يأذيني
٠٠٠٠٠٠٠٠٠٠٠٠٠٠٠٠٠
الأم شعدها غير اوليدها الغالي
يشمعة عمري يبني وتعبي وآمالي
شحلاتك يالولد من توگف گبالي
شحلات ايام عمري البينك وبيني
٠٠٠٠٠٠٠٠٠٠٠٠٠٠٠٠٠
كبرت بعيني يبني وصورتك حلوه
حياتي بدون وجهك والله ما تسوه
بلوة فگدك وهجرك اشد بلوه
بعدك عالألم منهو اليواسيني
٠٠٠٠٠٠٠٠٠٠٠٠٠٠٠٠٠٠٠
يجاسم يُمّه جانت مُنيتي بنفسك
ازفك بيدي يبني وفرح بعرسك
ما چان على بالي كربله تفرسك
وسيف اللي يذبحك يذبح سنيني
٠٠٠٠٠٠٠٠٠٠٠٠٠٠٠٠٠
ما جان عله بالي حنّتك من دم
بدال الفرحه يبني بذبحك اتألم
بسيوف آل اميه شلون تتخذّم
مگطع بالسيوف وما تحاچيني
٠٠٠٠٠٠٠٠٠٠٠٠٠٠٠٠٠
يجاسم ريت گبلك ينكطع نحري
ولاشوفك ذبيح وينكسر ظهري
تدري بلا وجودك اختنگ تدري
حسبت احساب من تكبر تباريني
٠٠٠٠٠٠٠٠٠٠٠٠٠٠٠٠٠٠
اودعك للسيوف وادري ما ترجع
وحس گلبي بوداعك ذاب وتگطع
لا دمعه التّفيد ولا صبر ينفع
مصابك مو دمع من دم يبچّيني
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
فزاعية / ابا الفضل العباس عليه السلام 2024
يا عباس وينك يا ضوه العين
وين الجود خويه والعلَم وين
٠٠٠٠٠٠٠٠٠٠٠٠٠٠٠٠٠٠٠٠٠٠
عوف الماي عوف المشرعه وعود
يا عباس وينك يا ضوه العين
گلبي عليك خويه هواي ممرود
يا عباس وينك يا ضوه العين
بس لا طايح ومگطوع الازنود
يا عباس وينك يا ضوه العين
يبجي عليك ظل بخيمته حسين
يا عباس وينك يا ضوه العين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
زينب آنه يا عباس ناديت
يا عباس وينك يا ضوه العين
اوصل لشريعه شكد تمنّيت
يا عباس وينك يا ضوه العين
گلبي عليك مثل النار ما جيت
يا عباس وينك يا ضوه العين
منين انجيب كافل مثلك منين
يا عباس وينك يا ضوه العين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
هذا حسين ظهره عليك مكسور
يا عباس وينك يا ضوه العين
ظل بلا عضيد وگلبه مجمور
يا عباس وينك يا ضوه العين
اذا مكطوع جفك خويه معذور
يا عباس وينك يا ضوه العين
لا ناصر ينصره ولا اله امعين
يا عباس وينك يا ضوه العين
٠٠٠٠٠٠٠٠٠٠٠٠٠٠٠٠٠٠٠٠٠٠
منهو اليحمي بعدك هاي الاخيام
يا عباس وينك يا ضوه العين
تبجي عليك هاي اطفال ويتام
يا عباس وينك يا ضوه العين
وتدري بآل أمية هواي ظلّام
يا عباس وينك يا ضوه العين
خويه شلون من يحمي الصواوين
يا عباس وينك يا ضوه العين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
حاطتنه آل اميه سيوف ورماح
يا عباس وينك يا ضوه العين
بين الشامت ومابين ذبّاح
يا عباس وينك يا ضوه العين
تسمع بالخيم لطفالك صياح
يا عباس وينك يا ضوه العين
كالوا طايح ومكطوع چفين
يا عباس وينك يا ضوه العين
٠٠٠٠٠٠٠٠٠٠٠٠٠٠٠٠٠٠٠٠٠٠٠
من يحمي الخيم لو شبّو النار
يا عباس وينك يا ضوه العين
لو ذبحو اخوك حسين نحتار
يا عباس وينك يا ضوه العين
تقبل شمل اخوك يصير طشّار
يا عباس وينك يا ضوه العين
وتقبل اختك اطب لدّواوين
يا عباس وينك يا ضوه العين
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
رئيسية/ ابا الفضل العباس عليه السلام 2024
ظهري انكسر يا ناس من ودعت عباس
عالشاطي عفته. وصبري فگدته
من ودعت عباس
٠٠٠٠٠٠٠٠٠٠٠٠٠٠٠٠٠٠٠٠
آنه الحسين ابن الوصي شايل محن ما تنحصي
وستقبلتها بصبري
اولادي ونصاري سوه. واولاد اخوتي بنينوه
كلهم اخذهم دهري
ظليت أكابر عالألم. بس من برز راعي العلَم
ضاع الهوى من صدري
لمن وگع عالمشرعه شفته وچفوفه امگطعه
هذا الكسرلي ظهري
يم جسمه طاح الحيل. اشبگته ودمعتي تسيل
ظهري لزمته. وصبري فگدته
من ودعت عباس
٠٠٠٠٠٠٠٠٠٠٠٠٠٠٠٠٠٠٠٠
ظهري انكسر لمن شفت. متكطعه جفوفه وصحت
يا بالفضل حاچيني
مطفيه عينك بالسهم. والثانية امغطيها دم
ياريت طفوا عيني
مو راح اموت أمن القهر. عباس سولف يا كمر
بلا اخو لتخلّيني
يا بالفضل حيلي انهدم. عباس اشيلك للخيم
لو تبقى شتوصيني
من طيحتك مهضوم وستوحدوني الگوم
گلبي فجعته. وصبري فگدته
من ودعت عباس
٠٠٠٠٠٠٠٠٠٠٠٠٠٠٠٠٠٠٠٠
حاچاني بدموعه الگمر. يشبگني راد وما گدر
متگطعات چفوفه
مواعد اسكينه وعيلتك. بالماي اجيبه لخيمتك
ولجيّتي ملهوفه
بلا ماي اموت ولا ارد خليني عنهم مبتعد
يم النهر ماعوفه
بلا ماي ما ارجع عدل. عطشانه چم طفله وطفل
تنتظر جودي تشوفه
اعذرني خويه حسين. ما رد بلا چفين
لمن سمعته. وصبري فگدته
من ودعت عباس
٠٠٠٠٠٠٠٠٠٠٠٠٠٠٠٠٠٠٠٠
عباس ودعني وبچه. انفاسه طلعن من حچه
وصّل سلامي لزينب
گللهه ما يرجع بعد. عباس مصيوب ابعَمَد
خل تصبر ولا تنحب
حامي الظعن گلهه انغدر. كطعوا چفوفه عله النهر
كبلج اخوج اتسلّب
گلهه الگمر وفّه العهد. بچفوفه وجروح الجسد
لطاري السبي يتعذّب
خادم ألك ممنون. وتعذرني زينب كون
بدمعي شبگته. وصبري فگدته
من ودعت عباس
٠٠٠٠٠٠٠٠٠٠٠٠٠٠٠٠٠٠٠٠
عباس ابوالغيره الكفو. مات وتركني بلا اخو
روحه اطلعت بحضاني
عباس ياخويه صحت ظهري انكسر لمن متت
وتشمّتت عدواني
شلون ارجع بلا هيبتك. مو تدري ختنه بخيمتك
ياخويه تتلگاني
تسألني عنك ونفجع. يخنگني ياخويه الدمع
وتعثّر باحزاني
من يوگع العامود تعرف يراعي الجود
ما ترجع انته. وصبري فگدته
من ودعت عباس
٠٠٠٠٠٠٠٠٠٠٠٠٠٠٠٠٠٠٠٠
وگعت الخيمه وعرفتك. زينب يخوها وندبتك
وينك يحامي ظعوني
انت الجبتني امن الوطن. براية علي وتحدي الظعن
تذكر ينور عيوني
من تهجم خيول وزلم. من يحمي ضعنك يا شهم
مو تدري ميرحموني
تقبل يراعي المرجله. نطلع سبي من كربله
وعدوانك يچتفوني
نمشي بسبي عالنوگ. تقبل نطب للسوگ
وجهي لطمته. وصبري فگدته
من ودعت عباس
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
گعدية / ابا الفضل العباس عليه السلام 2024
وحدك امن الحرب رديت. خويه
ليش مكسور الظهر جيت. خويه
وين شيّال العلم
وين حمّاي الحرم
ليش مكسور الظهر جيت. خويه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
خويه من صوب الشريعه جيتنه ودمعك تسيله
محني ظهرك تمشي گوه. واحد ومهدوم حيله
وين ابو فاضل عضيدك. والعلم ياهو اليشيله
وحدك اجيت امن النهر
يحسين مكسور الظهر
جا وين عباس الگمر ما رجع لخته العقيله
وين حامي الظعن عباس. وينه
ليش تبچي دموع وحساس. وينه
راح اموت امن الألم
وين حمّاي الحرم
ليش مكسور الظهر جيت. خويه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
حسين يبن امي وحبيبي. ليش متجاوب علية
وين اخوك حزام ظهرك. وين سبع الغاضرية
لخيمة العباس رايح. ليش ياروح الزجية
مهضوم اخيي بدمعته
عالعيله وگّع خيمته
عباس طاحت رايته. راح ابن حامي الحميه
نكسر ظهري عله النهر صاح. يختي
ابوفاضل ما يـرد راح يختي
حيلي بمصابه انهدم
وين حمّاي الحرم
ليش مكسور الظهر جيت. خويه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
خل اسولفلج يزينب. يختي عن حامي الظعينه
من وصلته شلون شفته عله الشريعه امگطعينه
بالعَمَد مصيوب راسه. وبالسهم مطفية عينه
وچفوفه يختي مگطعه
وظهري انكسر من مصرعه
ظل طايح عله المشرعه. هناك ودعني بحنينه
يعتذر من عندج هواي. زينب
للخيم ما يرجع وياي. زينب
بالعَمَد راسه انهشَم
وين حمّاي الحرم
ليش مكسور الظهر جيت. خويه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
الج من عباس اخونه يختي يا زينب وصية
گلّي سلملي عله ختنه. الحيدرية الهاشمية
شلون ارد للخيمه وآنه. مگطعات ثنين ادية
گلّلهه وفّيت العهد
بلا ماي ما ارجع بعد
من گطعة چفوفي اشد. عالهزل تطلع سبية
مثل ابونه المرتضى انصاب. راسه
مات اخويه بحجري بصواب. راسه
رفض يرجع للخيم
وين حمّاي الحرم
ليش مكسور الظهر جيت. خويه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
توجّهت صوب الشريعة. وصحت يا بدر العشيره
يالجبتني امن المدينه. بهيبة وبهيئة اميره
شلون تقبل يابوفاضل. عالهزل اطلع اسيره
آنه العقيله ام الخدر
تقبلها يحديني الشمر
لا والي عندي ولا ستر. حيره ما تشبهه حيره
عالهزل مسبية للشام. وسفه
تشوف زينب تالي ضلّام وسفه
هذا واقع مو وهَم
وين حمّاي الحرم
ليش مكسور الظهر جيت. خويه
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
رئيسية/ انصار الإمام الحسين عليه السلام 2024
شفنه بموقف الأنصار
معنى الصحبه والايثار
وفّوا بالقتال
يا نِعمِ الرجال
معنى الصحبه والايثار
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اقروها فهموها. الصاحب لو صدك بالشده تختبره
من توگع. بي مفزع. يفزعلك گبل لا تطلب النصره
البي غيره. تفسيره. ما ينسه الملح والزاد والعِشِره
وهالصوره. مذكوره. بنصار الحسين انرسمت الفكره
بالطف واحد وسبعين
وفوا بالعهد لحسين
ثبتوا كالجبال
يا نِعمِ الرجال
معنى الصحبه والايثار
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
معروفه. مكشوفه. تتغربل الوادم ساعة الشده
الموصافي. ميوافي. يطمع بالحياة وينقض بعهده
بس ذوله. ضحّوله. اصحاب وصدك بالموزمه تسنده
غيرتهم شالتهم. ما عافوا حسين بكربله وحده
يوم العاشر بعاشور
دون خيامه وكفوا سور
دمهم لجله سال
يا نِعمِ الرجال
معنى الصحبه والايثار
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
أصحابه. وحبابه. بالطف من جمعهم ليلة العاشر
وصّاهم حاچاهم. آنه حسين گلهم انذبح باجر
ما رايد. كل واحد. بهذا الليل خل يتركني ويهاجر
وگفوله. وگالوله. منعوفك نظلّ وياك للآخر
بچفوفك نصير سيوف
بس انطينه رخصه وشوف
ونخونك مُحال
يا نِعمِ الرجال
معنى الصحبه والايثار
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
كدامه. بصمصامه. هوسله حبيب وشدّ الاعصابه
يالغالي. منبالي. منعوفك قسم بالباري وكتابه
لعيونك. يفدونك. كل واحد تشوفه بدمه وخضابه
بصولتنه. وغيرتنه. نسحك جيش امية ونگطع ارهابه
گلهم والنعم يسباع
من عدكم تموج الگاع
مرضعكم حلال
يا نِعمِ الرجال
معنى الصحبه والايثار
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
حل يومه. وللحومه. نزلوا بالسيوف انصار ابواليمه
يفدونه ويردونه. دمهم يختلط بالمصرع بدمه
ما ذلّوا ولا خضعوا. للكافر يزيد وحاربوا ظلمه
من اسمه. ومن عزمه. اخذوا هالشجاعه وقاتلوا خصمه
بسيوف ونبل ورماح
بالطف ضحّوا الأرواح
طاحوا عالرمال
يا نِعمِ الرجال
معنى الصحبه والايثار
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
من عابس. چم فارس يرجف خوف منّه وما يلاگونه
من كيفه. ذب سيفه. وذب درعه واجه عليهم يشوفونه
دم ينزف. وظل يهتف. حب حسين جنّنّي يسمعونه
من حبّه حط گلبه. لسهام آل امية المايرحمونه
عابس والصحابه وياه
ضحّوا للنبي ولله
لحسين امتثال
يا نِعمِ الرجال
معنى الصحبه والايثار
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
كعدية/ انصار الإمام الحسين عليه السلام 2024
يحسين اسمع هذا الصوت. منعوفك لا والله
انصارك نبقى وللموت منعوفك لا والله
انت الإسلام بذاته قران الله وآياته
منعوفك لا والله. منعوفك لا والله
٠٠٠٠٠٠٠٠٠٠٠٠٠٠٠٠٠٠٠٠٠
حسين ياوارث مُحمّد علمه وخلاقه الزكيه
ندري بالموت واجينه. ما تخوّفنه المنيه
احنه بايعناك عالحق. ما نبايع آل اميه
انصارك احنه عله العهد منعوف حبك للأبــد
ونّصرك بيوم الشدد. وتشهدالنه الغاضريه
متمثّل بيك الاسلام. منعوفك لا والله
خل تسمع كل الظلّام. منعوفك لا والله
بيك انحفظن كلماته قران الله وآياته
منعوفك لا والله. منعوفك لا والله
٠٠٠٠٠٠٠٠٠٠٠٠٠٠٠٠٠٠٠٠٠
واحد وسبعين عندك. بالحرب كلهم نشامه
ياحُسين انموت لجلك. احنه ما ردنه السلامه
عهد عاهدناك نوفي. احنه انصار الامامه
جنّنه حبك سيدي بس بيك واجب نقتدي
لدين الله بسمك نهتدي. ونربح بيوم القيامه
متهمنه سيوف العدوان. منعوفك لا والله
انصارك احنه الشجعان. منعوفك لا والله
بدمك تنبض نبضاته. قران الله وآياته
منعوفك لا والله. منعوفك لا والله
٠٠٠٠٠٠٠٠٠٠٠٠٠٠٠٠٠٠٠٠٠
شيعتك يحسين نفخر. احنه آمنّه بولائك
مو فقط بالسلم واجب. بالحرب ننصر لوائك
في سبيل الله نضحّي. يمتزج دمنه بدمائك
مو عن عبث هذا السعي. عالحق تبعناك بوعي
ونرفض يزيد ابن الدّعي مثلك ونطلب رضائك
موقفنه وياك بهاليوم. منعوفك لا والله
صرخة انصارك للدوم. منعوفك لا والله
بيك تسولف صفحاته قران الله وآياته
منعوفك لا والله. منعوفك لا والله
٠٠٠٠٠٠٠٠٠٠٠٠٠٠٠٠٠٠٠٠٠
كلمـة الأنصــار صدحت من حبيب ابن مظاهر
يا حُسين انطينه رخصه. دونك انضحي المناحر
بالحرب ضد آل اميه. نترجم الحب والمشاعر
گلهم ابواليمه ونِعِم. منكم ينبراس الزلم
يصحابي وفّيتوا بعزم. ابد ماخنتوا الضماير
صاحوا كلهم عد عيناك. منعوفك لا والله
اصحابك ونموت وياك منعوفك لا والله
بيك انترجم غاياته. قران الله وآياته
منعوفك لا والله. منعوفك لا والله
٠٠٠٠٠٠٠٠٠٠٠٠٠٠٠٠٠٠٠٠٠
شهروا سيوف المنية. وللحرب ركضوا غياره
قاتلوا دون ابواليمه. وماتوا بحبه وشعاره
الله خصهم بالكرامه. ونالوا العز والصداره
اعظم مكانه ومنزله. نصرو حسين بكربله
بغيره وبساله ومرجله. وردّدو هاي العباره
نستشهد دونك يحسين. منعوفك لا والله
عدلين انحبك ميتين. منعوفك لا والله
يشهدلك بحچاياته. قران الله وآياته
منعوفك لا والله. منعوفك لا والله
٠٠٠٠٠٠٠٠٠٠٠٠٠٠٠٠٠٠٠٠٠
سيدي خدامك احنه. كل زمن حاضر نشوفك
مثل انصارك قسمنه. نعوف كلشي ومانعوفك
كربله تشهــد علينه وانت تستقبل ضيوفك
خدامك احنه وشيعتك
عشنه وربينه بخدمتك
لا ما نسينه مصيبتك
نوصل مشي بزيارتك
نواسي بدموع المصيبه. امك الزهره الزوجيه
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
فايزي/ مسلم بن عقيل عليه السلام 2024
يا والدي ليمته انتظر عذّبني فرگاك
لا ميته حتى انسه الألم لا اكدر انساك
بويه يا مسلم. بويه يا مسلم
٠٠٠٠٠٠٠٠٠٠٠
مسلم يبويه تيتّمت لو بعدك بخير
بنتك حميده اتعذّبت ما عندي تفسير
ما ادري بيك بيا بلد ما ادري شيصير
بس ادري يا مسلم ابد ما ترحم اعداك
٠٠٠٠٠٠٠٠٠٠٠٠٠٠
ظليت اتاني عله الدرب صبح ومسيه
مسلم يبويه وكل خبر ما رد عليه
طفله وذبح گلبي الألم ما تدري بيه
اكعد ونام عله الدمع يابويه بجفاك
٠٠٠٠٠٠٠٠٠٠٠٠٠٠٠
بنتك حميده بياوضع مهدومة الحيل
أسأل عليك بكل وكت والمدمع يسيل
سهرانه عيني بغيبتك ما نامت الليل
دلّيني وين بيا بلد اتعنّه ولگاك
٠٠٠٠٠٠٠٠٠٠٠٠٠٠٠٠
كالولي للكوفه رحت بويه وتعنّيت
حيلي انهدم ياوالدي باللوعه حسّيت
يعني انغدرت بلا أهل بالكوفه ظليت
گوم آل اميه غدرتك متعطشه لدماك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
هذا الخفت منه حصل ياوالدي وصار
بالكوفه غدروك العده وصلتنه الاخبار
وحدك يمسلم بالحرب قاتلت الاشرار
اول شهيد استشهدت والباري علّاك
٠٠٠٠٠٠٠٠٠٠٠٠٠٠٠٠٠٠٠
مسلم يبوبه ما طحت بالكوفه غدروك
مچتوف من سطح القصر للگاع ذبوك
واليفجع ويدمي الگلب بحبال جرّوك
ظليت أون وجري الدمع يابويه ونعاك
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
نعي/ للسيدة خديجة عليها السلام لسان حال مولاتي فاطمة الزهراء عليها السلام
بعدني زغيره محتاجه لحنانج
ييمه ولا تحرميني امانج
مكانج لا يضل خالي مكانج
دعوفي الموت مو وكته اوانج
ييمه وفاطمه آنه بضمانج
خديجه و ألله خصج بالكرامه
عليج ويالوحي انزل سلامه
ابوي الهادي يرتاح بمقامه
يمج لو كعد ينسه الملامه
حالي بغيبتج حال اليتامه
كسرتي گلوبنه بهاي المصيبه
بنتج فاطمه آنه الحبيبه
بقيت بلايه ام مثل الغريبه
خديجه الغالية الحره النجيبه
جرحج ما طفه يسعر لهيبه
سيد زيد الفحام
https://youtu.be/_8NbgxBMBpw?si=6Y0IQwELXdbg4SC
السلام علي موسى بن جعفر
الحاج مصطفى النائب
الشاعر سيد زيد الفحام
#لندن
السلام عليك يا انيس النفوس وحبيب القلوب يا علي بن موسى الرضا مولاي اشفع لنا عند الله بقضاء الحوائج وشفاء المرضى
يالرضا ضيفك اجيتك اطلب ادواي
شفتك بأول الشده واگف وياي
٠٠٠٠٠٠٠٠٠٠
جيتك ودگيت بابك والدمع سال
تكرم الضيف اليجيلك صدك من گال
حاجتي منك ردتها وتعلم الحال
يالرضا ومن گلبي همي بچفك نشال
عطشت عيوني ولگيتك ياعلي الماي
٠٠٠٠٠٠٠٠٠
اطمئن گلبي بضريحك والحزن راح
من دخلت الحضره عطرك عالكلب فاح
ارتاح گلبي وكل موالي بحبك ارتاح
هم جبير ومن نخيتك أشعر انزاح
تسحر گلوب ونواظر جنّتك هاي
٠٠٠٠٠٠٠٠٠٠
ماكو زاير يعتنيك وخايب يعود
يالرضا بدارك تكرمه وانت موجود
باب للحاجات بابك ماهو مسدود
بالضريح شكد معاجز صارن شهود
ومن التضيك الدنيا بينه يمك الراي
٠٠٠٠٠٠٠٠٠٠٠٠
رغم كلّي ذنوب لكن بية حيّيت
ضيّفتني وگبل ومااشكيلك انطيت
استحيت هواي منك ورتجف جيت
وياي بالشده لگيتك ما تخلّيت
يالرضا وخجلان منك فضلك هواي
٠٠٠٠٠٠٠٠٠٠٠٠٠٠
بيدي شباچك لزمته وگلبي ناداك
يالرضا بجنّة ضريحك روحي تنخاك
لو متت تحضرني انته طلبتي هناك
وبعد طلبه تدري بيها وادري بحماك
ما ترد زاير يجيلك دوم وفاي
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
تعلن مؤسسة منبريون الحسينة عن ترويج الاعمال الحسينية عبر الفيس بوك واليوتيوب لغرض الوصل الى اكثر من (100 الف مشاهدة) للاستفسار @ahmed_alziwar0
07732320742
قصيده نزله للامام موسى بن جعفر عليه السلام
موسى بن جعفر. عشگ الموالين
٠٠٠٠٠٠
شيعته وأحبابه. ما نسينه مصابه
نحضر بتشييعه وجتمعنه ابّابه
نقره دوم أخباره ونهتدي بانواره
ما نفارگ موسى. كل وكت زواره
باب للحاجات باب الكاظم
تعتنيه من كل مدينه الوادم
كل موالي وكل محب بي هايم
بحب موسى خدام. صارو مجانين
موسى بن جعفر. عشگ الموالين
٠٠٠٠٠٠٠٠٠٠٠٠
وينه ذاك الظالم. چان حاكم آثم
لا أثر لا رايه. خل يشوف الكاظم
گبره يضوي وعالي. ما يطخ للتالي
صار مأوى الشيعه. هذا موسى الغالي
حضرته جنة وتلم عشاگه
ما نعوفه ومانطيق فراگه
بحضرته شيعة علي تتلاگه
وين القصر ذاك. وين السجن وين
موسى بن جعفر. عشگ الموالين
٠٠٠٠٠٠٠٠٠٠٠٠٠٠٠٠٠
نعتني مشايه. رايه تتبع رايه
للامام الكاظم. نحيي أمره الغايه
بالمواكب جينه. والعشگ يحدينه
نلطم عله مصابه. بالصحن ظلينه
نعش موسى اروحنه نهديله
عالجسر ما يبقه لحظه انشيله
حتى ذاك الگيد عنه انزيله
والي اليتامه. كهف المساكين
موسى بن جعفر. عشگ الموالين
٠٠٠٠٠٠٠٠٠٠٠٠٠٠٠٠٠٠
موسى يشبه طه. ورث علمه وجاها
سابع أهل العصمه. حگنه بي نتباها
الله عَظّم شانه. خالد بعنوانه
باقي موسى الكاظم. ونتهت عدوانه
رغم انف الظالم وأحكامه
نزور موسى ونفتخر خدامه
ونحيي بدموع ولطم أيامه
للكاظم دموم خل تنزف العين
موسى بن جعفر. عشگ الموالين
٠٠٠٠٠٠٠٠٠٠٠٠٠٠٠٠
اي وحق عيونه وغترته ومتونه
ما نعوف الكاظم خلهم يسمعونه
يمشي حبه بدمنه. والخطر ميّهمنه
من زيارة گبره. الله لا يحرمنه
لاشك الكاظم يسجل بيده
كلمن يزوره يحبه يريده
آخره ودنيا أمامه يفيده
وارث كرامات من جده لحسين
موسى بن جعفر. عشگ الموالين
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
https://youtu.be/AxYrJ_buaFY?si=_yiZ1V6sD4FxCAf4
Читать полностью…
علي الأكبر عليه السلام 2024
يا علي ....... ودّعتك للمنية
يا علي ٠٠٠٠٠٠٠ ميته ولا هالمسية
ما اكدر لحظه اعوفك
مذبوح شلون اشوفك
يا علي. يا علي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يا علي الأكبر حبيبي. آنه امك يا غلاتي
بلا ضواك الدنيا ظلمه يبني يا شمعة حياتي
شلون اودعك للمنية. وانت روحي وذكرياتي
منين اجتني الغاضريه. هدّمت كل ذكرياتي
طحت ٠٠ نحت ٠٠ صحت ٠٠ رحت ٠٠٠ يغالي رد علية
ذبح ٠٠ جرح ٠٠ رمح ٠٠ يسح ٠٠ نزف دمك بدية
لا تظن ٠٠٠٠ اتصبّر عالمصيبه
لا تظن ٠٠٠٠ تتحمّلهه الغريبه
كعبة وكل يوم اطوفك
مذبوح شلون اشوفك
يا علي. يا علي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يا شبه جدك محمد. ماكو مثلك بالبريه
وارث اخلاقه وجماله. وكل صفاته الاحمديه
شلون اصبّر روحي گلي. من تطيح عله الوطيه
بغضاً بجدك يغالي. ما ترحمك آل اميه
حرب ٠٠ غرب ٠٠ صعب ٠٠ گلب ٠٠ يلچمونه بمصابك
العذر ٠٠ جمر ٠٠ يضر ٠٠ صبر ٠٠ بعد ماكو بغيابك
يا صبر ٠٠٠٠ ينفعني بهالرزيه
يا صبر ٠٠٠٠ ينسّيني اليجري بيه
بالواقع وبطيوفك
مذبوح شلون اشوفك
يا علي. يا علي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يبني ربّيتك بديه. ودمعتي وسهر الليالي
تالي بالطف تمشي عني ياعلي الأكبر يغالي
شلون اعيش بلا وجودك. اسمع وجاوب سؤالي
كربله وسيف المنية. ما أجن يبني عله بالي
قتل ٠٠ يحل ٠٠ شمل ٠٠ يفل ٠٠ ولا يرجعلي خيرك
حزن ٠٠ احن ٠٠ اون ٠٠ ابن ٠٠ بعد ما عندي غيرك
حيرتي ٠٠٠٠ بمصابك ياحبيبي
حيرتي ٠٠٠٠ ياجرحي وياطبيبي
قدّر ظرفي وظروفك
مذبوح شلون اشوفك
يا علي. يا علي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ابني راح وگلبي يرجف. وندعيله بدمعي يرجع
بوجه ابواليمه اباوع ودعي ربي وعيني تدمع
لحظه لن شفته تغيّر. وجه ابواليمه وتصدع
گلي يا ليله المصيبه. ابنج الأكبر تگطع
وذر ٠٠ نذر ٠٠ نحر ٠٠ كبر ٠٠ علي بأسمه ومقامه
رسم ٠٠ قيم ٠٠ ألم ٠٠ سهم ٠٠ بقى بگلبي علامه
من طحت ٠٠٠٠ يالأكبر شيّبتني
من طحت ٠٠٠٠ بصوابك صوبتني
بدم شرياني حروفك
مذبوح شلون اشوفك
يا علي. يا علي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
جابو ابني للمخيّم. مگطع ومذبوح نحره
ما عرفته اوليدي هذا. إلا من شمّيت عطره
ماكو شي من جسمه سالم مگطع وطبره عله طبره
شخلّت سهام آل اميه. كسّرت يا ويلي صدره
ضوه ٠٠ حوه ٠٠ دوه ٠٠ روه ٠٠ علي بچف الزجيه
علي ٠٠ ولي ٠٠ الي ٠٠ هلي ٠٠ شفتهم بي ضحيه
للسبي ٠٠٠٠ امك من فارگتها
للسبي ٠٠٠٠ وي عدوانك عفتها
متعوده الزم چفوفك
مذبوح شلون اشوفك
يا علي. يا علي
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
رئيسية/ القاسم بن الامام الحسن المجتبى عليه السلام 2024
جاسم يوليدي وبسمة عيدي. ونور العين
من فدوه لأسمك. ارحم امك. رايح وين
ربّيتك بيدي وعشت وياك
ما ينشف دمعي ولا انساك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ينسخه امن الحسن بوصافه ورسومه
يوارث هيبته واخلاقه وعلومه
يجاسم يبني امك آنه مهضومه
صعب فكدك أخذني وياك للحومه
امك ورحمني. ولاتهضمني بهذا اليوم
ياخوف تذبحك. تلچم جرحك. هاي الگوم
تذبح ما ترحم يبني اعداك
ما ينشف دمعي ولا انساك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
صرت شاب شحلاتك يبني وتمنّه
ازفك بيدي جاسم يُمّه وتهنّه
ألبسك ثوب عرسك وعجن الحِنّه
لچن هاليوم عرسك ايّست منّه
من شفتك عازم. وانت القاسم تفدي الروح
فكّر بالربّت. بيك وتعبت وين تروح
شلون تفارگني بفيض دماك
ما ينشف دمعي ولا انساك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
حقچ يُمّه گلهه ودمعته بخده
فراگ الأبن عالأم شده من شده
لچن بس شوفي عمي حسن ظل وحده
غريب وبالحرب غير اهله ما عنده
ألمن يا يُمّه الحيل انضمّه. وعمي وحيد
دمي وكل جسمي فدوه لعمّي. كون يريد
راح ابقه بحزني ودوم انعاك
ما ينشف دمعي ولا انساك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يجاسم شفته عمك يكسر الخاطر
من گَوم آل اميه يطلب الناصر
انهض يُمّه ونصر عمك الطاهر
انت بدال ابوك تضحًي بالعاشر
گوم انصر عمك. وبذل دمك. لجل الدين
اكثر أذّاني. ودم بچّاني حال حسين
وحده بلا ناصر واگف ذاك
ما ينشف دمعي ولا انساك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
لبس زَيّ الحسن وتكشّخ بدرعه
وسل سيفه ونزل من يكدر يمنعه
كل فارس يجيله جاسم يصرعه
صبي وزلزل عساكر عجزت توكعه
ارعبهم سيفه وصار بكيفه. يحزّ رگاب
مذهول العسكر. جاسم كرر. داحي الباب
سُبحانه الخالق من سوّاك
ما ينشف دمعي ولا انساك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
آنه بخيمتــك يوليــــدي وتألّم
انتظرك تجيني ودمعي ينزف دم
حيلي بشوفتك ياجاسم اتهدم
بسيوف آل اميه مگطع مخذّم
مگطع يا روحي. ونزف جروحي. بحضني تنام
اگعد حاچيني. ولتخلّيني. يا جسّام
لو رايد روحي وتكعد هاك
ما ينشف دمعي ولا انساك
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
القاسم بن الحسن المجتبى عليه السلام 2024
عكب التعب ورباي شفتك ضحيه
صوّبني گبلك ريت سهم المنيه
٠٠٠٠٠٠٠٠٠٠٠٠
يبني تعـبـت بربـاك ليلي السهرته
عمري الگضيته وياك لجلك نذرته
تـاليــها مني تروح نـورك فـگـدتّـه
ابني ورحت ياحيف من بين اديـه
٠٠٠٠٠٠٠٠٠٠٠٠٠٠٠٠٠٠٠٠
يوليدي چنت وياي سلوت حياتي
شمعة وتضوّي البيت كل امنيـاتي
رحت وبقت بجفاك بس ذكريــاتي
ظلّيت انـوح عليـك صبح ومسيـه
٠٠٠٠٠٠٠٠٠٠٠٠٠٠٠٠٠٠٠٠٠٠
بعمر الورد ياحيف من فارگتني
ابچي وعميت العين لمن عفتني
بعدك عليّة شصار ريتـك شفتني
بس للـدمــع ظلّيت بس للأذيّـــه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠
راح التـعـب وربــاي مــاي وتبدّه
يبني اليخطفه الموت ياهو اليردّه
ريـت انـدفـن ويّـــاك هــذا الأودّه
ابقه وتغيب شلون تحت الوطيــه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
هسّه شعرت بجروح رمله وحزنها
من شـاهــدت بالعين ذبَحَت ابنـها
مذهـوله دم ودمـوع ينزف جفنها
جاسم ابنـها انصـاب بالغــاضـريـه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
للخيمه من جـابـوه يتجــاره دمّه
من منحره المذبوح طاحت تشمّه
من تلطم عله الراس معذوره امّه
بس هوه عدها وراح بسيوف اميّه
٠٠٠٠٠٠٠٠٠٠٠٠٠٠٠٠٠٠٠٠٠
عريس ابنها يصير ياما تمنّت
حسبت لبنهه حساب بس ما تهنّت
مو حِنّه تالي الصار بالدم تحنّت
رد للخيم مذبوح روح الزوجيه
٠٠٠٠٠٠٠٠٠٠٠٠٠٠٠٠٠٠٠
مگطع وذر جسام طبره عله طبره
رمله بگلب مفجوع تبچي عله صدره
مذهوله أم وتشوف دم يجري نحره
الاصعب وشد من هاي تطلع سبيه
سيد زيد الفحام
____________________________
نزلة/ ابا الفضل العباس عليه السلام 2024
ابوفاضل من توجّه للنهر
الموت اجاكم صاحوا وشاع الخبر
يا شمر يدناله
شردت الخيّاله
الموت اجاكم صاحوا وشاع الخبر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
شد على الشگره وهجم/هاشمي وبيده العلم/والغضب بعيونه
هذا ابن فارس مضر /توجّه لصوب النهر /فنهم يلاگونه
رجفت خيول وزلم / طرها ابوالغيره الشهم/والشرد خيعونه
يطگ راس براس گام بسطرته
ترجف گلوب الزلم من خزرته
يرعد بزلزاله
شردت الخيّاله
الموت اجاكم صاحوا وشاع الخبر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
نبط عرگ الهاشمي/وفل حصار العلگمي /ومجزرة سوّاها
طبگ سبع الگنطره / الميمنه عالميسره/تبچي دم خلّاها
صاحت الغوث العده/والذبح حل موعده/عالنهر ذلّاها
خيل تردم خيل خلّاها الكفيل
وگام يذبح بالزلم وين الثگيل
ترجف امن خياله
شردت الخيّاله
الموت اجاكم صاحوا وشاع الخبر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اخو زينب والنعم/يهزم وما ينهزم /يذبح بفرسانها
صور من ارض الحدث/روس توگع عالجثث/فارگت ابدانها
ابوفاضل بيها طب/يحصد بسيفه الرگب /ونهزم شيطانها
سوه بيهم ملحمه وطب للفرات
ترس جِوِده بماي غصبن عالطغاة
وتجّه لعياله
شردت الخيّاله
الموت اجاكم صاحوا وشاع الخبر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يترس الجربه حلف/والنهر شافه رجف/ضل يبوس چفوفه
للعساكر من طلع/ والهوى عليها انكطع /الموت هوه تشوفه
ابوفاضل لو زعل / احسب الجيش انقتل/اسوّه بيهم خوفه
مواعد اخته بماي يرجع مستحيل
إلا يملي الجربه ابن حاحي الدخيل
يروي كل طفاله
شردت الخيّاله
الموت اجاكم صاحوا وشاع الخبر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ابوفاضل ماله ند/سحك روس اهل الحقد/ومارحم عدوانه
هاشمي وفّه العهد /رجع بالماي الأسد /لعيلته العطشانه
ما يمس زينب ضمه/ لا وحك رب السمه/ماتظل حيرانه
گال اجيب الماي جابه امن العدو
ورتوه عبدالله من چفه وكفو
والرمح من شاله
شردت الخيّاله
الموت اجاكم صاحوا وشاع الخبر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
گدها حامي ختك يخوي/كفو منك يبن ابوي/هلا ياحامينه
بجربتك يابوالبخت/حرم وطفال ارتوت / بچفك اتروّينه
گلهه يختي ادلّلي / آنه بن حيدر علي/ يحصل التردينه
شنهي يختي الماي ويمنعوه عليج
إلا اخلّي النهر يركع بين اديج
بخزرته الچتّاله
شردت الخيّاله
الموت اجاكم صاحوا وشاع الخبر
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
مقدمة/ ابا الفضل العباس عليه السلام 2024
جيت ازورك يا گمر. وشعر بظهري انكسر
نعادت بعيني المصيبه. من طحت يم النهر
٠٠٠٠٠٠٠٠٠٠٠٠٠٠٠٠٠٠٠٠٠
جيت ازورك يابوفاضل. عمي يا سبع الطفوف
آنه بوصالح المهدي عالگبر انحب وطوف
ما برد دمك وهذا. اثر من دم الچفوف
وهذا ماي النهر يجري. وصوره بي منك اشوف
عالمُهُر شايل علم. وراجع لصوب الخيم
وزينب بخيمتها جانت. تنتظر منك خبر
٠٠٠٠٠٠٠٠٠٠٠٠٠٠٠٠٠٠٠٠٠٠٠
هنا طحت يا عمي ضامي. وهيه هاي المشرعه
بالعَـمَـــد راسك تصوّب والچفوف امگطعه
من اجاك حسين جدي. شگد بچه عليك ونعه
چفوف ما عندك تحضنه. ما گدرت اتودّعه
التكتل گبال العدو يصعب فراگ الاخو
جدي گام نكسر ظهره. والألم زاد وكثر
٠٠٠٠٠٠٠٠٠٠٠٠٠٠٠٠٠٠٠٠٠
ارد اسألك يابوفاضل. عمي ونطيني الجواب
ياهو اكثر جرح گلبك وانت طايح عالتراب
جروحك الينزف دماها. لو عتب ام الحجاب
زينب الظلت تنطرك. بالخيم تشكي بعتاب
ياهو اشد كطع الوريد. لو كسر ظهر العضيد
شگال گلبك يابوفاضل. راح اموت امن القهر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
جاوب المهدي بوفاضل. سيدي يبن النبي
اصعب جروحي واشدهن. عالگمر جرح السبي
زينب اختي يابوصالح. يحدي بيها الأجنبي
اشد من جروح ادية. من شتمها الناصبي
الچانت بعزّ الخدر. تالي يسببها الشمر
نظرة الشامت عليها. اشد من گطع النحر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يابوصالح والمصيبه الأشد من كطع الوريد
مچتفه زينب شفتها. تدخل لمجلس يزيد
يسأل عليها اسمعه. بيها يتشمّت يريد
شكد تمنّيت آنه عايش عندي سيف وعندي ايد
چنت احز راسه النذل. وذبح الحط الحبل
وآخذ بثار العقيله. إلّا راويهم سقر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
جيت اشكرك يابوفاضل. انت وفيت العهد
ثار زينب عمتي يمي. وهذا من عندي وعد
إلا اسبي اللي سبوها. اطمئـن وكثـر بعـد
اقتل ابن زياد بيدي وسحك بخيلي الجسد
وقتل ايزيد بعدد. جروح ابواليمه واشد
آل اميه والتبعهم ما يظل منهم اثر
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
نزلة / انصار الامام الحسين عليه السلام 2024
ما نعوفك هيهات يبن الزجيه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
انصارك احنه وعالعهد تعرفنه
لا دنيا عنك لا طمع يحرفنه
سلم وحرب واحد يضل موقفنه
موقف ولائي بحبك توالفنه
لكل فرد حبك صار نور وهويه
ما نعوفك هيهات يبن الزجيه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
لو گطعونه بالحرب منعوفك
بهيئة مُحمّد يا حُسين نشوفك
مولانا عفنه الكعبة جينه انطوفك
مو احنه ننكر بالشدد معروفك
نشتريها ويّاك تحله المنيه
ما نعوفك هيهات يبن الزجيه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
انت الحُسين ونفتخر اصحابك
النه الشرف من نندفن بترابك
نتخضب احنه بدمنه گبل خضابك
نتگطع اهون من مرار غيابك
نبقه نتحدّه وياك جيش آل اميه
ما نعوفك هيهات يبن الزجيه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
آمنّه بيك وعفنه كلشي وجينه
انت الامام وحجة الله علينه
نرفض يزيد ومانبابع دينه
تحت امرك احنه بكل وكت تلگينه
نطيعك ونرضي بهاي الله ونبيه
ما نعوفك هيهات يبن الزجيه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
نتبرّه من زمرة يزيد الملعون
انطينه رخصه وخل نشوف يثبتون ؟
ميهمنه خل أكثر بعد يزدادون
شباه الرجال وبالحرب ينهزمون
نحفرلهم اگبور بالغاضريه
ما نعوفك هيهات يبن الزجيه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
هز راية الأنصار شيخ الانصار
هوّس حبيب بكربله يريد الثار
هجموا على العسكر هجوم الاحرار
راووهم الموت وعذاب الكفار
وفّوا ولجل حسين ضحو سويه
ما نعوفك هيهات يبن الزجيه
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
مقدمة/ انصار الامام الحسين عليه السلام 2024
حي الله الصحابه وحي مراجلهم
دون ابن الزجية ستشهدوا كلهم
٠٠٠٠٠٠٠٠٠٠٠٠٠٠٠٠٠
حي الله الصحابه الوفّوا الكلمه
الله اختارهم لحسين ابواليمّه
الصحبه تريد واحد يصدق بدمه
وانصاره الحسين هواي غربلهم
٠٠٠٠٠٠٠٠٠٠٠٠٠٠٠٠٠٠
غربلهم حسين وثبتوا وفّو
مثل وگفت جبل لحسين من وگفو
صار حسين كعبه وهمّه بي حفّو
وهاي الوگفه بالطف تنحسب الهم
٠٠٠٠٠٠٠٠٠٠٠٠٠٠٠٠٠
الهم تنحسب ما خانو العِشِره
وفّوا بالعهد اصحاب ابوالعتره
لجل حسين هنياله الوهب نحره
بجوار حسين بالمحشر منازلهم
٠٠٠٠٠٠٠٠٠٠٠٠٠٠٠٠
منازلهم اهناك بجنّة الفردوس
موقفهم حسيني بكل زمن ملموس
تعلّمنه الوفه منهم وخذنه دروس
انصار الحسين بكربله انجلهم
٠٠٠٠٠٠٠٠٠٠٠٠٠٠٠٠
حبيب وعابس وجون وبكر وسلم
زهير ونافع ومسعود والأدهم
وكل باقي الصحابه تخلّدو مَعلَم
يكفيهم فخر لحسين مقتلهم
٠٠٠٠٠٠٠٠٠٠٠٠٠٠٠٠
مقتلهم كرامه مقتل الشجعان
ذلّوا آل امية بساحة الميدان
سيوف حسين صاروا ضد بني سفيان
وبلوح الخلود حسين سجلهم
سيد زيد الفحام
________________________________________________
نزلة / مسلم بن عقيل عليه السلام. 2024
مسلم هذا وهاي اخباره
٠٠٠٠٠٠٠٠٠٠٠
حي مسلم لو ردت تشوفه
أطّـهّــر ودخل للكوفه
بعينك راح تصد معروفه
من گبته اتشاهد انواره
٠٠٠٠٠٠٠٠٠٠٠
ما مات الضحّه بدم راسه
عايش يبقه بفكره وناسه
ومسلم ثبّت بالدم ساسه
شتكول البحسين اختاره
٠٠٠٠٠٠٠٠٠٠٠٠٠
عن مسلم رايد برهاني؟
لا تسأل وجه السفياني
أسأل طوعه وأسأل هاني
يحجولك عن دينه وثاره
٠٠٠٠٠٠٠٠٠٠٠
ما طخ لبن زياد وحكمه
من اجل الاسلام واسمه
مسلم ضحّه بنحره ودمه
وذل جيش الكوفه ابّتّاره
٠٠٠٠٠٠٠٠٠٠
ما عاف حسين ولا باعه
باخطر موقف مسلم طاعه
هز عرش الظالم وتباعه
فرسان بمسلم محتاره
٠٠٠٠٠٠٠٠٠٠٠٠
ذَكّر خصمه بفارس خيبر
ظل يحصد برگاب العسكر
يم مسلم يكرب من يگدر
يكطع راسه ويهدم داره
٠٠٠٠٠٠٠٠٠٠٠٠٠
ما يوكع لوما يغدرونه
مسلم مچتوف يهابونه
من قصر الظالم يرمونه
ما مات تخلّد بفكاره
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
رئيسية/ مسلم بن عقيل عليه السلام 2024
لا اخشى سيفُكَ فالتعَلَمْ يبنَ زيادْ
فأنا مسلم لذوي الكُفرِ لا انقادْ
لحُسينٍ روحي وديني
جبروتكَ لا يُثنيني
فأنا مسلم لذوي الكُفرِ لا انقاد
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
أنه الهز عرشك بسيفه ورعب اسمه
سفير حسين آنه وآنه ابن عمه
مسلم آنه زلمه ومن ظهر زلمه
ابد ما خاف منك احجي بالهِمّه
لا اخضعُ لكَ يبنٓ زيادٍ لا اخشاك
فأنا من عُشّـاقُ حُسينٍ اتحدّاك
إن تَقتُلني يُحييني
جبروتكَ لا يُثنيني
فأنا مسلم لذوي الكُفرِ لا انقاد
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
لا جيشك يهمني ولا كُبر قصرك
اقدم دم وريدي ولا اطيع امرك
يهودي وناصبي بافعالك وفكرك
عشت بالذلّه يبن زياد كل عمرك
إن تَقتُلني فأنا الفائزْ والمنصورْ
تفنى يبنَ زيادٍ وانا ابقى نورْ
فرِضى ربِّ يكفيني
جبروتكَ لا يُثنيني
فأنا مسلم لذوي الكُفرِ لا انقاد
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اميرك طاغي فاجر كافر ومرتد
واميري حسين ابن المصطفى الامجد
اليطيع حسين لاشك اسمه يتخلّد
أنه مسلم سفيره وبالولايه اشهد
لا اغدُرُ رَيحانَةُ طه لا واللهْ
عهدُ حُسينٌ عهدُ مُحمّد روحي فداهْ
بحُسينٍ زادَ يقيني
جبروتكَ لا يُثنيني
فأنا مسلم لذوي الكُفرِ لا انقاد
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يگلّه شهالشموخ البيك ما خايف
مثل وگفة اسد بين الزلم واگف
أنه ابن زياد اخيّرك بالك تخالف
تبايع لو تموت بموقفك عارف
لا يبنَ زيادٍ ليَزيدٍ لن اختار
الموتُ ولا ذُلُّ النفسِ وثوبُ العار
مكتوبٌ ذا بجبيني
جبروتكَ لا يُثنيني
فأنا مسلم لذوي الكُفرِ لا انقاد
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اضحّي بروحي وبدمي لبوالسجاد
ولا أخضع وعيش بذلّه يبن زياد
حيـاة بلا ابـوالأكبــر فلا تنـراد
اموت بسيف بس عايش بالاستشهاد
لنْ تَمحوَ ذِكِري يا ظالمْ سعيُكَ ضالْ
سَيُخلُدُني الموقفُ هذا للأجيالْ
مَن مثِلُكَ لا يُغويني
جبروتكَ لا يُثنيني
فأنا مسلم لذوي الكُفرِ لا انقاد
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اذا تقتلني مو مرّه الف مرّه
من حسين ابد هيهات اتبرّه
كل قطره بدمائي تعشكه كل ذرّه
ابن عمي وامامي حسين ابوالعتره
ستموتُ واحيى بدمائي حينَ تَسيلْ
فأنا رَبيبُ عليٌّ عمي وبنُ عقيلْ
اصبرْ واللهُ مُعيني
جبروتكَ لا يُثنيني
فأنا مسلم لذوي الكُفرِ لا انقاد
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
https://youtu.be/qhRvUvMYjy0?si=k049zOSKlfP81Ox1
Читать полностью…
السلام عليكم زوار الامام موسى بن جعفر عليه السّلام نسألكم الدعاء والزيارة
يالمعتني مشّاي للكاظميه
سلملي عالمسموم روح الزجيه
٠٠٠٠٠٠٠٠٠٠
يازاير اترجّاك اسمع كلامي
عني بنيابه تزور حضرة امامي
لموسى بن جعفر روح وصّل سلامي
گله اليخدمك ذاك دزلك تحيه
٠٠٠٠٠٠٠٠٠٠
گله اليخدمك ذاب گلبه وتفطّر
ارسَل سلامه وياي وشواگه أكثر
ملهوفه روحه عليك يتمنّه يحضر
يتمنّه يمك كون هاي المسيه
٠٠٠٠٠٠٠٠٠٠٠٠
يتمنّه يمك كون يحيي الزياره
ياموسى يامولاي ما تطفه ناره
عن حاله والتقصير يبدي اعتذاره
ما ينسه فضلك دوم حدّ المنيه
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
موسى بن جعفر عالجسر. گومو يشيعه انشيله
٠٠٠٠٠٠٠٠٠٠٠٠
مسموم بالله بياذنب وبياذنب ياذونه
بگيد السلاسل والسجن. تحت الارض يخفونه
يدرونه من بيت النبي وبالمصطفه يوصفونه
بالسم گضه ومات بسجن. ياويلي هدمو حيله
٠٠٠٠٠٠٠٠٠٠٠٠٠
فزّعو الروافض خل تجي. تشيل النعش لتعوفه
عالروس ينشال النعش. والشيعه كلها اطوفه
معروفه شيعة حيدره. وكت الشدد معروفه
تتحده ظلم الناصبي. ورواح هم تهديله
٠٠٠٠٠٠٠٠٠٠٠٠٠
شالتهم الغيره واجو. شالوا نعش واليهم
وتشيّع بهيبه وفخر. موسى وتفاخر بيهم
قَدمَو تعازي للرضا. قائدهم وحاديهم
عن والده گيد السجن. بيده الامام يزيله
٠٠٠٠٠٠٠٠٠٠٠٠٠٠٠٠
معصوم لاشك الرضا. يحفر گبر للكاظم
للحفره نزّل والده. بيده وتجهله الوادم
هذا الرضا الشال النعش. ما جاسه والله الظالم
تولّه الدفن هوه الرضا. بيده وأمر تغسيله
٠٠٠٠٠٠٠٠٠٠٠٠٠٠٠٠٠
بهذا الزمن وبكل زمن نحيي بدمع تشييعه
خدامه احنه وشيعته. أمر الامام انطيعه
مجلس عزاءه بحضرته. وللعالم احنه انذيعه
والمهدي حاضر بالعزَه يوم الفرج ندعيله
٠٠٠٠٠٠٠٠٠٠٠٠٠٠٠٠
باب الحوائج كل زمن والينه ما سد بابه
موسى بن جعفر مايرد. يكرم جميع أحبابه
يشفي المريض بحضرته. وعنده الرزق وسبابه
يربح اكيد وينسعد. كلمن يجي يشكيله
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
قصيدة لسيدي ومولاي موسى بن جعفر عليه السلام
اجيت وگلبي ملهوف عليك وعينك تشوف
ازورك يا امامي ازورك يا امامي
٠٠٠٠٠٠٠٠٠٠٠٠٠٠٠٠٠
اجيتك يا امام الجعفريه
دخلت بدمعي لرض الكاظميه
يموسى الغالي يا روح الزجيه
وگفت ابّابك وعينك عليه
ترحّب بية مولاي أحسك واگف وياي
ألك ودّي وسلامي ازورك يا امامي
٠٠٠٠٠٠٠٠٠٠٠٠٠٠٠٠٠
اجيتك ابچي يا موسى بن جعفر
على مصابك حزَن گلبي وتفسّر
بچيت هواي يم شباچك أكثر
ذكرت الصار بيك وبيّة اثّـر
السلاسل والسجن ذاك. يموسى هوايه اذّاك
اون وبچي بكلامي ازورك يا امامي
٠٠٠٠٠٠٠٠٠٠٠٠٠٠٠٠٠٠٠
السجن طاموره ظلمه وتخنگ الروح
گضيت ايام عمرك بيها مجروح
بسلاسل گيّدوك ودمك يفوح
بكلام الشامت السجان مذبوح
حقود السندي ملعون. يشتمك وانت مسجون
اظن سمّوك ضامي. ازورك يا امامي
٠٠٠٠٠٠٠٠٠٠٠٠٠٠٠٠٠٠٠٠
شفت نعشك يشيلونه اليشيّعون
لطم عالروس كلها وتبچي العيون
ذكرتك من جنت مولاي مسجون
ولعنّت الظالم الأذّاك هارون
طلع نعشك بدينه. عليك شگد بچينه
صحت بيك اعتصامي. ازورك يا امامي
٠٠٠٠٠٠٠٠٠٠٠٠٠٠٠٠٠٠٠٠
گعدنه بصحنك وحبك يلمنه
سمعنه المقتل وصحنه ولطمنه
يموسى الكاظم عليك انهضمنه
ونعرفك حاضر وموجود يمنه
على جروح السلاسل. بچينه وماكو فاصل
تعنّيت ابهيامي. ازورك يا امامي
٠٠٠٠٠٠٠٠٠٠٠٠٠٠٠٠٠٠٠٠٠٠
صحيح استشهدت مولاي مقتول
مصاب حسين أكثر وفجع انگول
علم عندك قتيل وداسته خيول
برمح راسه الشريف حسين مشيول
وبعد أعظم رزيه. خذوا زينب سبيه
بمصيبتهه ختتامي ازورك يا امامي
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
https://youtu.be/hvl5sb0W-a8?si=JY1So6JCW0W75zED
Читать полностью…