13121
السلام على الحسين وعلى علي بن الحسين وعلى أولاد الحسين وعلى أصحاب الحسين عليه السلام قناة لنشر قصائد في رثاء محمد وآل محمد عليهم السلام
گعدية / ابا الفضل العباس عليه السلام 2024
وحدك امن الحرب رديت. خويه
ليش مكسور الظهر جيت. خويه
وين شيّال العلم
وين حمّاي الحرم
ليش مكسور الظهر جيت. خويه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
خويه من صوب الشريعه جيتنه ودمعك تسيله
محني ظهرك تمشي گوه. واحد ومهدوم حيله
وين ابو فاضل عضيدك. والعلم ياهو اليشيله
وحدك اجيت امن النهر
يحسين مكسور الظهر
جا وين عباس الگمر ما رجع لخته العقيله
وين حامي الظعن عباس. وينه
ليش تبچي دموع وحساس. وينه
راح اموت امن الألم
وين حمّاي الحرم
ليش مكسور الظهر جيت. خويه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
حسين يبن امي وحبيبي. ليش متجاوب علية
وين اخوك حزام ظهرك. وين سبع الغاضرية
لخيمة العباس رايح. ليش ياروح الزجية
مهضوم اخيي بدمعته
عالعيله وگّع خيمته
عباس طاحت رايته. راح ابن حامي الحميه
نكسر ظهري عله النهر صاح. يختي
ابوفاضل ما يـرد راح يختي
حيلي بمصابه انهدم
وين حمّاي الحرم
ليش مكسور الظهر جيت. خويه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
خل اسولفلج يزينب. يختي عن حامي الظعينه
من وصلته شلون شفته عله الشريعه امگطعينه
بالعَمَد مصيوب راسه. وبالسهم مطفية عينه
وچفوفه يختي مگطعه
وظهري انكسر من مصرعه
ظل طايح عله المشرعه. هناك ودعني بحنينه
يعتذر من عندج هواي. زينب
للخيم ما يرجع وياي. زينب
بالعَمَد راسه انهشَم
وين حمّاي الحرم
ليش مكسور الظهر جيت. خويه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
الج من عباس اخونه يختي يا زينب وصية
گلّي سلملي عله ختنه. الحيدرية الهاشمية
شلون ارد للخيمه وآنه. مگطعات ثنين ادية
گلّلهه وفّيت العهد
بلا ماي ما ارجع بعد
من گطعة چفوفي اشد. عالهزل تطلع سبية
مثل ابونه المرتضى انصاب. راسه
مات اخويه بحجري بصواب. راسه
رفض يرجع للخيم
وين حمّاي الحرم
ليش مكسور الظهر جيت. خويه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
توجّهت صوب الشريعة. وصحت يا بدر العشيره
يالجبتني امن المدينه. بهيبة وبهيئة اميره
شلون تقبل يابوفاضل. عالهزل اطلع اسيره
آنه العقيله ام الخدر
تقبلها يحديني الشمر
لا والي عندي ولا ستر. حيره ما تشبهه حيره
عالهزل مسبية للشام. وسفه
تشوف زينب تالي ضلّام وسفه
هذا واقع مو وهَم
وين حمّاي الحرم
ليش مكسور الظهر جيت. خويه
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
رئيسية/ انصار الإمام الحسين عليه السلام 2024
شفنه بموقف الأنصار
معنى الصحبه والايثار
وفّوا بالقتال
يا نِعمِ الرجال
معنى الصحبه والايثار
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اقروها فهموها. الصاحب لو صدك بالشده تختبره
من توگع. بي مفزع. يفزعلك گبل لا تطلب النصره
البي غيره. تفسيره. ما ينسه الملح والزاد والعِشِره
وهالصوره. مذكوره. بنصار الحسين انرسمت الفكره
بالطف واحد وسبعين
وفوا بالعهد لحسين
ثبتوا كالجبال
يا نِعمِ الرجال
معنى الصحبه والايثار
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
معروفه. مكشوفه. تتغربل الوادم ساعة الشده
الموصافي. ميوافي. يطمع بالحياة وينقض بعهده
بس ذوله. ضحّوله. اصحاب وصدك بالموزمه تسنده
غيرتهم شالتهم. ما عافوا حسين بكربله وحده
يوم العاشر بعاشور
دون خيامه وكفوا سور
دمهم لجله سال
يا نِعمِ الرجال
معنى الصحبه والايثار
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
أصحابه. وحبابه. بالطف من جمعهم ليلة العاشر
وصّاهم حاچاهم. آنه حسين گلهم انذبح باجر
ما رايد. كل واحد. بهذا الليل خل يتركني ويهاجر
وگفوله. وگالوله. منعوفك نظلّ وياك للآخر
بچفوفك نصير سيوف
بس انطينه رخصه وشوف
ونخونك مُحال
يا نِعمِ الرجال
معنى الصحبه والايثار
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
كدامه. بصمصامه. هوسله حبيب وشدّ الاعصابه
يالغالي. منبالي. منعوفك قسم بالباري وكتابه
لعيونك. يفدونك. كل واحد تشوفه بدمه وخضابه
بصولتنه. وغيرتنه. نسحك جيش امية ونگطع ارهابه
گلهم والنعم يسباع
من عدكم تموج الگاع
مرضعكم حلال
يا نِعمِ الرجال
معنى الصحبه والايثار
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
حل يومه. وللحومه. نزلوا بالسيوف انصار ابواليمه
يفدونه ويردونه. دمهم يختلط بالمصرع بدمه
ما ذلّوا ولا خضعوا. للكافر يزيد وحاربوا ظلمه
من اسمه. ومن عزمه. اخذوا هالشجاعه وقاتلوا خصمه
بسيوف ونبل ورماح
بالطف ضحّوا الأرواح
طاحوا عالرمال
يا نِعمِ الرجال
معنى الصحبه والايثار
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
من عابس. چم فارس يرجف خوف منّه وما يلاگونه
من كيفه. ذب سيفه. وذب درعه واجه عليهم يشوفونه
دم ينزف. وظل يهتف. حب حسين جنّنّي يسمعونه
من حبّه حط گلبه. لسهام آل امية المايرحمونه
عابس والصحابه وياه
ضحّوا للنبي ولله
لحسين امتثال
يا نِعمِ الرجال
معنى الصحبه والايثار
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
كعدية/ انصار الإمام الحسين عليه السلام 2024
يحسين اسمع هذا الصوت. منعوفك لا والله
انصارك نبقى وللموت منعوفك لا والله
انت الإسلام بذاته قران الله وآياته
منعوفك لا والله. منعوفك لا والله
٠٠٠٠٠٠٠٠٠٠٠٠٠٠٠٠٠٠٠٠٠
حسين ياوارث مُحمّد علمه وخلاقه الزكيه
ندري بالموت واجينه. ما تخوّفنه المنيه
احنه بايعناك عالحق. ما نبايع آل اميه
انصارك احنه عله العهد منعوف حبك للأبــد
ونّصرك بيوم الشدد. وتشهدالنه الغاضريه
متمثّل بيك الاسلام. منعوفك لا والله
خل تسمع كل الظلّام. منعوفك لا والله
بيك انحفظن كلماته قران الله وآياته
منعوفك لا والله. منعوفك لا والله
٠٠٠٠٠٠٠٠٠٠٠٠٠٠٠٠٠٠٠٠٠
واحد وسبعين عندك. بالحرب كلهم نشامه
ياحُسين انموت لجلك. احنه ما ردنه السلامه
عهد عاهدناك نوفي. احنه انصار الامامه
جنّنه حبك سيدي بس بيك واجب نقتدي
لدين الله بسمك نهتدي. ونربح بيوم القيامه
متهمنه سيوف العدوان. منعوفك لا والله
انصارك احنه الشجعان. منعوفك لا والله
بدمك تنبض نبضاته. قران الله وآياته
منعوفك لا والله. منعوفك لا والله
٠٠٠٠٠٠٠٠٠٠٠٠٠٠٠٠٠٠٠٠٠
شيعتك يحسين نفخر. احنه آمنّه بولائك
مو فقط بالسلم واجب. بالحرب ننصر لوائك
في سبيل الله نضحّي. يمتزج دمنه بدمائك
مو عن عبث هذا السعي. عالحق تبعناك بوعي
ونرفض يزيد ابن الدّعي مثلك ونطلب رضائك
موقفنه وياك بهاليوم. منعوفك لا والله
صرخة انصارك للدوم. منعوفك لا والله
بيك تسولف صفحاته قران الله وآياته
منعوفك لا والله. منعوفك لا والله
٠٠٠٠٠٠٠٠٠٠٠٠٠٠٠٠٠٠٠٠٠
كلمـة الأنصــار صدحت من حبيب ابن مظاهر
يا حُسين انطينه رخصه. دونك انضحي المناحر
بالحرب ضد آل اميه. نترجم الحب والمشاعر
گلهم ابواليمه ونِعِم. منكم ينبراس الزلم
يصحابي وفّيتوا بعزم. ابد ماخنتوا الضماير
صاحوا كلهم عد عيناك. منعوفك لا والله
اصحابك ونموت وياك منعوفك لا والله
بيك انترجم غاياته. قران الله وآياته
منعوفك لا والله. منعوفك لا والله
٠٠٠٠٠٠٠٠٠٠٠٠٠٠٠٠٠٠٠٠٠
شهروا سيوف المنية. وللحرب ركضوا غياره
قاتلوا دون ابواليمه. وماتوا بحبه وشعاره
الله خصهم بالكرامه. ونالوا العز والصداره
اعظم مكانه ومنزله. نصرو حسين بكربله
بغيره وبساله ومرجله. وردّدو هاي العباره
نستشهد دونك يحسين. منعوفك لا والله
عدلين انحبك ميتين. منعوفك لا والله
يشهدلك بحچاياته. قران الله وآياته
منعوفك لا والله. منعوفك لا والله
٠٠٠٠٠٠٠٠٠٠٠٠٠٠٠٠٠٠٠٠٠
سيدي خدامك احنه. كل زمن حاضر نشوفك
مثل انصارك قسمنه. نعوف كلشي ومانعوفك
كربله تشهــد علينه وانت تستقبل ضيوفك
خدامك احنه وشيعتك
عشنه وربينه بخدمتك
لا ما نسينه مصيبتك
نوصل مشي بزيارتك
نواسي بدموع المصيبه. امك الزهره الزوجيه
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
فايزي/ مسلم بن عقيل عليه السلام 2024
يا والدي ليمته انتظر عذّبني فرگاك
لا ميته حتى انسه الألم لا اكدر انساك
بويه يا مسلم. بويه يا مسلم
٠٠٠٠٠٠٠٠٠٠٠
مسلم يبويه تيتّمت لو بعدك بخير
بنتك حميده اتعذّبت ما عندي تفسير
ما ادري بيك بيا بلد ما ادري شيصير
بس ادري يا مسلم ابد ما ترحم اعداك
٠٠٠٠٠٠٠٠٠٠٠٠٠٠
ظليت اتاني عله الدرب صبح ومسيه
مسلم يبويه وكل خبر ما رد عليه
طفله وذبح گلبي الألم ما تدري بيه
اكعد ونام عله الدمع يابويه بجفاك
٠٠٠٠٠٠٠٠٠٠٠٠٠٠٠
بنتك حميده بياوضع مهدومة الحيل
أسأل عليك بكل وكت والمدمع يسيل
سهرانه عيني بغيبتك ما نامت الليل
دلّيني وين بيا بلد اتعنّه ولگاك
٠٠٠٠٠٠٠٠٠٠٠٠٠٠٠٠
كالولي للكوفه رحت بويه وتعنّيت
حيلي انهدم ياوالدي باللوعه حسّيت
يعني انغدرت بلا أهل بالكوفه ظليت
گوم آل اميه غدرتك متعطشه لدماك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
هذا الخفت منه حصل ياوالدي وصار
بالكوفه غدروك العده وصلتنه الاخبار
وحدك يمسلم بالحرب قاتلت الاشرار
اول شهيد استشهدت والباري علّاك
٠٠٠٠٠٠٠٠٠٠٠٠٠٠٠٠٠٠٠
مسلم يبوبه ما طحت بالكوفه غدروك
مچتوف من سطح القصر للگاع ذبوك
واليفجع ويدمي الگلب بحبال جرّوك
ظليت أون وجري الدمع يابويه ونعاك
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
نعي/ للسيدة خديجة عليها السلام لسان حال مولاتي فاطمة الزهراء عليها السلام
بعدني زغيره محتاجه لحنانج
ييمه ولا تحرميني امانج
مكانج لا يضل خالي مكانج
دعوفي الموت مو وكته اوانج
ييمه وفاطمه آنه بضمانج
خديجه و ألله خصج بالكرامه
عليج ويالوحي انزل سلامه
ابوي الهادي يرتاح بمقامه
يمج لو كعد ينسه الملامه
حالي بغيبتج حال اليتامه
كسرتي گلوبنه بهاي المصيبه
بنتج فاطمه آنه الحبيبه
بقيت بلايه ام مثل الغريبه
خديجه الغالية الحره النجيبه
جرحج ما طفه يسعر لهيبه
سيد زيد الفحام
https://youtu.be/_8NbgxBMBpw?si=6Y0IQwELXdbg4SC
السلام علي موسى بن جعفر
الحاج مصطفى النائب
الشاعر سيد زيد الفحام
#لندن
السلام عليك يا انيس النفوس وحبيب القلوب يا علي بن موسى الرضا مولاي اشفع لنا عند الله بقضاء الحوائج وشفاء المرضى
يالرضا ضيفك اجيتك اطلب ادواي
شفتك بأول الشده واگف وياي
٠٠٠٠٠٠٠٠٠٠
جيتك ودگيت بابك والدمع سال
تكرم الضيف اليجيلك صدك من گال
حاجتي منك ردتها وتعلم الحال
يالرضا ومن گلبي همي بچفك نشال
عطشت عيوني ولگيتك ياعلي الماي
٠٠٠٠٠٠٠٠٠
اطمئن گلبي بضريحك والحزن راح
من دخلت الحضره عطرك عالكلب فاح
ارتاح گلبي وكل موالي بحبك ارتاح
هم جبير ومن نخيتك أشعر انزاح
تسحر گلوب ونواظر جنّتك هاي
٠٠٠٠٠٠٠٠٠٠
ماكو زاير يعتنيك وخايب يعود
يالرضا بدارك تكرمه وانت موجود
باب للحاجات بابك ماهو مسدود
بالضريح شكد معاجز صارن شهود
ومن التضيك الدنيا بينه يمك الراي
٠٠٠٠٠٠٠٠٠٠٠٠
رغم كلّي ذنوب لكن بية حيّيت
ضيّفتني وگبل ومااشكيلك انطيت
استحيت هواي منك ورتجف جيت
وياي بالشده لگيتك ما تخلّيت
يالرضا وخجلان منك فضلك هواي
٠٠٠٠٠٠٠٠٠٠٠٠٠٠
بيدي شباچك لزمته وگلبي ناداك
يالرضا بجنّة ضريحك روحي تنخاك
لو متت تحضرني انته طلبتي هناك
وبعد طلبه تدري بيها وادري بحماك
ما ترد زاير يجيلك دوم وفاي
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
تعلن مؤسسة منبريون الحسينة عن ترويج الاعمال الحسينية عبر الفيس بوك واليوتيوب لغرض الوصل الى اكثر من (100 الف مشاهدة) للاستفسار @ahmed_alziwar0
07732320742
قصيده نزله للامام موسى بن جعفر عليه السلام
موسى بن جعفر. عشگ الموالين
٠٠٠٠٠٠
شيعته وأحبابه. ما نسينه مصابه
نحضر بتشييعه وجتمعنه ابّابه
نقره دوم أخباره ونهتدي بانواره
ما نفارگ موسى. كل وكت زواره
باب للحاجات باب الكاظم
تعتنيه من كل مدينه الوادم
كل موالي وكل محب بي هايم
بحب موسى خدام. صارو مجانين
موسى بن جعفر. عشگ الموالين
٠٠٠٠٠٠٠٠٠٠٠٠
وينه ذاك الظالم. چان حاكم آثم
لا أثر لا رايه. خل يشوف الكاظم
گبره يضوي وعالي. ما يطخ للتالي
صار مأوى الشيعه. هذا موسى الغالي
حضرته جنة وتلم عشاگه
ما نعوفه ومانطيق فراگه
بحضرته شيعة علي تتلاگه
وين القصر ذاك. وين السجن وين
موسى بن جعفر. عشگ الموالين
٠٠٠٠٠٠٠٠٠٠٠٠٠٠٠٠٠
نعتني مشايه. رايه تتبع رايه
للامام الكاظم. نحيي أمره الغايه
بالمواكب جينه. والعشگ يحدينه
نلطم عله مصابه. بالصحن ظلينه
نعش موسى اروحنه نهديله
عالجسر ما يبقه لحظه انشيله
حتى ذاك الگيد عنه انزيله
والي اليتامه. كهف المساكين
موسى بن جعفر. عشگ الموالين
٠٠٠٠٠٠٠٠٠٠٠٠٠٠٠٠٠٠
موسى يشبه طه. ورث علمه وجاها
سابع أهل العصمه. حگنه بي نتباها
الله عَظّم شانه. خالد بعنوانه
باقي موسى الكاظم. ونتهت عدوانه
رغم انف الظالم وأحكامه
نزور موسى ونفتخر خدامه
ونحيي بدموع ولطم أيامه
للكاظم دموم خل تنزف العين
موسى بن جعفر. عشگ الموالين
٠٠٠٠٠٠٠٠٠٠٠٠٠٠٠٠
اي وحق عيونه وغترته ومتونه
ما نعوف الكاظم خلهم يسمعونه
يمشي حبه بدمنه. والخطر ميّهمنه
من زيارة گبره. الله لا يحرمنه
لاشك الكاظم يسجل بيده
كلمن يزوره يحبه يريده
آخره ودنيا أمامه يفيده
وارث كرامات من جده لحسين
موسى بن جعفر. عشگ الموالين
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
https://youtu.be/AxYrJ_buaFY?si=_yiZ1V6sD4FxCAf4
Читать полностью…
لسان حال مولاتي الزهراء عليها السلام
ظلعي التكسّر. لجلك يحيدر
٠٠٠٠٠٠٠٠٠٠٠٠٠٠٠٠٠
آنه الزچية فاطمه بضعة حبيب الله
اعرف مقامك ياعلي. معنى النبي معناه
ختارك إلهي بحكمته. بيدك يرف الواه
بيدك امر طه النبي. رب العرش خلّاه
والهادي أخبر. لجلك يحيدر
٠٠٠٠٠٠٠٠٠٠٠٠٠٠٠٠٠٠
نكروا وصيت المصطفه. أل يدّعون أصحاب
هجموا علينه بلاذنب عصروني خلف الباب
يا حيدر وظلعي انكسر. ينزف دمه وماطاب
كل هذا فدوه لشوفتك. احمل ولاتنصاب
اتحمّل أكثر. لجلك يحيدر
٠٠٠٠٠٠٠٠٠٠٠٠٠٠٠٠٠٠٠٠٠٠
لا لا يهمّك ياعلي. كسر الظلع لو دام
انت المهم سالم الي. اتحمّــل الالآم
كلشي ولا دمعك يهل. يالماتطخّ الهام
تبقه علي حامي الحمه وتبقه الولي الضرغام
دمي التطشّر. لجلك يحيدر
٠٠٠٠٠٠٠٠٠٠٠٠٠٠٠٠٠٠٠٠
مالومك عله اللي جره. يابالحسن معذور
لوما الوصية چا شفت سيفك يحزّ انحور
ما قصّرت عن فاطمه يابالحسن مشكور
ما ريد اشوفك منكسر. لا بل علي المنصور
بعيوني منظر. لجلك يحيدر
٠٠٠٠٠٠٠٠٠٠٠٠٠٠٠٠٠٠٠٠
اسمع وصيتي ياعلي يوم الأجل لو حان
شيّعني بيدك للگبر. بس انت والخِلّان
لتخلّي من گوم العده يحضرني اي شيطان
اخفي الگبر يابالحسن. لا تكشف العنوان
آلامي تسعر لجلك يحيدر
٠٠٠٠٠٠٠٠٠٠٠٠٠٠٠٠٠٠٠٠٠
هضموني ما ريد العمر اتمنّه موتي الحين
اشكي الجرالي لوالدي من عملة الجبتين
اشكيله عن كسر الظلع وبني وجراح العين
مجبوره اعوفك لا يصب. دمعك يبوالحسنين
وحزاني تكبر. لجلك يحيدر
٠٠٠٠٠٠٠٠٠٠٠٠٠٠٠٠٠
مو سهله اعوفك ياعلي لا والنبي المختار
لكن بعد ماظل صبر. حيلي انهدم ونهار
عينك عله حسين وحسن. اولادك الاطهار
وزينب زغيره عله الحزن باريها يا كـرّار
ودموعي تكثر. لجلك يحيدر
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
https://youtu.be/GjJEe4LktNg?si=GXkZyUKnFWQTxLdA
Читать полностью…
https://youtu.be/oUjkxH3HqGk?si=XklB_c5BBTs-rvLq
Читать полностью…
نزلة العزاء [ يمتى الفرج يا صاحب الثار ]
الـشاعـر: سيد زيدوالفحام
-
ليلة ٢٣ جمادي الاولى ١٤٤٥ هـ ـ في مسجد الرسول الأعظم (ص) - بغداد
#اللهم_عجل_لوليك_الفرج
💠telegram
/channel/m7bebasim
يمته الفرج يا صاحب الثار
الحاج باسم الكربلائي
الشاعر سيد زيد الفحام
قصيدة نزله لمواساة امير المؤمنين علي عليه السّلام
عَظّم اللهُ لكَ الأجرَ علي
عَظّم اللهُ لكَ الأجرَ علي
..................
حگهن عيونك اذا من دم بچن
بيدك عله الزهره لفّيت الچفَن
شگال گلبك من دفنت ام الحسن
يا علي وما أنصف وياك الزمن
ضدك اندار بحزن ما ينجلي
عَظّم اللهُ لكَ الأجرَ علي
..................
من شلت نعش الزجية بياوضع
محني ظهرك سيدي وتجري الدمع
شگال گلبك من شفت كسر الظلع
منشوكت نوحك يحيدر ينسمع
بس على الزهره نياحك يعتلي
عَظّم اللهُ لكَ الأجرَ علي
...................
من هلت بچفوفك تراب اللحد
عالزچية نزلت دموع الورد
ضاگ صدرك يا علي وذاب الچبد
ما حسبت حساب عنك تبتعد
فاطمه وبجروح فاطم تبتلي
عَظّم اللهُ لكَ الأجرَ علي
...................
يعينك الله شلون من هلت الثرَه
عالزچية ومامتت يا حيدره
خدها احمر والظلوع مكسّرَه
عالگبر مو ماي دمعك دم جرَه
تكثر احزانك ابد ما تنجلي
عَظّم اللهُ لكَ الأجرَ علي
.....................
فاطمه چانتلك الحب والهوى
اجمل الأيّام من عشتو سوه
من وجهّه ابيتك يشع الضوه
بياذنب كسروا ظلعها ونطوه
ماتت ومن دم مدامعها اتهَلي
عَظّم اللهُ لكَ الأجرَ علي
.......................
ما نلومك لون تبچي وتنهظم
جرح فگد الزهره واصل للعظم
يا علي انواسيك بدموع ولطم
شوكت يظهر ابنك ويفني الظلم
والأرض قسط وعدل بي تمتلي
عَظّم اللهُ لكَ الأجرَ علي
......................
ما يضيع الثار والمهدي وراه
بذولفقارك يظهر وشايل لواه
يرد حق الزهره من چف الخذاه
يبني مرقد فاطمه وندخل معاه
بالصحن يلتم شملنه الأوّلي
عَظّم اللهُ لكَ الأجرَ علي
سيد زيد الفحام
_____________________________________________________
نزلة / انصار الامام الحسين عليه السلام 2024
ما نعوفك هيهات يبن الزجيه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
انصارك احنه وعالعهد تعرفنه
لا دنيا عنك لا طمع يحرفنه
سلم وحرب واحد يضل موقفنه
موقف ولائي بحبك توالفنه
لكل فرد حبك صار نور وهويه
ما نعوفك هيهات يبن الزجيه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
لو گطعونه بالحرب منعوفك
بهيئة مُحمّد يا حُسين نشوفك
مولانا عفنه الكعبة جينه انطوفك
مو احنه ننكر بالشدد معروفك
نشتريها ويّاك تحله المنيه
ما نعوفك هيهات يبن الزجيه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
انت الحُسين ونفتخر اصحابك
النه الشرف من نندفن بترابك
نتخضب احنه بدمنه گبل خضابك
نتگطع اهون من مرار غيابك
نبقه نتحدّه وياك جيش آل اميه
ما نعوفك هيهات يبن الزجيه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
آمنّه بيك وعفنه كلشي وجينه
انت الامام وحجة الله علينه
نرفض يزيد ومانبابع دينه
تحت امرك احنه بكل وكت تلگينه
نطيعك ونرضي بهاي الله ونبيه
ما نعوفك هيهات يبن الزجيه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
نتبرّه من زمرة يزيد الملعون
انطينه رخصه وخل نشوف يثبتون ؟
ميهمنه خل أكثر بعد يزدادون
شباه الرجال وبالحرب ينهزمون
نحفرلهم اگبور بالغاضريه
ما نعوفك هيهات يبن الزجيه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
هز راية الأنصار شيخ الانصار
هوّس حبيب بكربله يريد الثار
هجموا على العسكر هجوم الاحرار
راووهم الموت وعذاب الكفار
وفّوا ولجل حسين ضحو سويه
ما نعوفك هيهات يبن الزجيه
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
مقدمة/ انصار الامام الحسين عليه السلام 2024
حي الله الصحابه وحي مراجلهم
دون ابن الزجية ستشهدوا كلهم
٠٠٠٠٠٠٠٠٠٠٠٠٠٠٠٠٠
حي الله الصحابه الوفّوا الكلمه
الله اختارهم لحسين ابواليمّه
الصحبه تريد واحد يصدق بدمه
وانصاره الحسين هواي غربلهم
٠٠٠٠٠٠٠٠٠٠٠٠٠٠٠٠٠٠
غربلهم حسين وثبتوا وفّو
مثل وگفت جبل لحسين من وگفو
صار حسين كعبه وهمّه بي حفّو
وهاي الوگفه بالطف تنحسب الهم
٠٠٠٠٠٠٠٠٠٠٠٠٠٠٠٠٠
الهم تنحسب ما خانو العِشِره
وفّوا بالعهد اصحاب ابوالعتره
لجل حسين هنياله الوهب نحره
بجوار حسين بالمحشر منازلهم
٠٠٠٠٠٠٠٠٠٠٠٠٠٠٠٠
منازلهم اهناك بجنّة الفردوس
موقفهم حسيني بكل زمن ملموس
تعلّمنه الوفه منهم وخذنه دروس
انصار الحسين بكربله انجلهم
٠٠٠٠٠٠٠٠٠٠٠٠٠٠٠٠
حبيب وعابس وجون وبكر وسلم
زهير ونافع ومسعود والأدهم
وكل باقي الصحابه تخلّدو مَعلَم
يكفيهم فخر لحسين مقتلهم
٠٠٠٠٠٠٠٠٠٠٠٠٠٠٠٠
مقتلهم كرامه مقتل الشجعان
ذلّوا آل امية بساحة الميدان
سيوف حسين صاروا ضد بني سفيان
وبلوح الخلود حسين سجلهم
سيد زيد الفحام
________________________________________________
نزلة / مسلم بن عقيل عليه السلام. 2024
مسلم هذا وهاي اخباره
٠٠٠٠٠٠٠٠٠٠٠
حي مسلم لو ردت تشوفه
أطّـهّــر ودخل للكوفه
بعينك راح تصد معروفه
من گبته اتشاهد انواره
٠٠٠٠٠٠٠٠٠٠٠
ما مات الضحّه بدم راسه
عايش يبقه بفكره وناسه
ومسلم ثبّت بالدم ساسه
شتكول البحسين اختاره
٠٠٠٠٠٠٠٠٠٠٠٠٠
عن مسلم رايد برهاني؟
لا تسأل وجه السفياني
أسأل طوعه وأسأل هاني
يحجولك عن دينه وثاره
٠٠٠٠٠٠٠٠٠٠٠
ما طخ لبن زياد وحكمه
من اجل الاسلام واسمه
مسلم ضحّه بنحره ودمه
وذل جيش الكوفه ابّتّاره
٠٠٠٠٠٠٠٠٠٠
ما عاف حسين ولا باعه
باخطر موقف مسلم طاعه
هز عرش الظالم وتباعه
فرسان بمسلم محتاره
٠٠٠٠٠٠٠٠٠٠٠٠
ذَكّر خصمه بفارس خيبر
ظل يحصد برگاب العسكر
يم مسلم يكرب من يگدر
يكطع راسه ويهدم داره
٠٠٠٠٠٠٠٠٠٠٠٠٠
ما يوكع لوما يغدرونه
مسلم مچتوف يهابونه
من قصر الظالم يرمونه
ما مات تخلّد بفكاره
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
رئيسية/ مسلم بن عقيل عليه السلام 2024
لا اخشى سيفُكَ فالتعَلَمْ يبنَ زيادْ
فأنا مسلم لذوي الكُفرِ لا انقادْ
لحُسينٍ روحي وديني
جبروتكَ لا يُثنيني
فأنا مسلم لذوي الكُفرِ لا انقاد
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
أنه الهز عرشك بسيفه ورعب اسمه
سفير حسين آنه وآنه ابن عمه
مسلم آنه زلمه ومن ظهر زلمه
ابد ما خاف منك احجي بالهِمّه
لا اخضعُ لكَ يبنٓ زيادٍ لا اخشاك
فأنا من عُشّـاقُ حُسينٍ اتحدّاك
إن تَقتُلني يُحييني
جبروتكَ لا يُثنيني
فأنا مسلم لذوي الكُفرِ لا انقاد
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
لا جيشك يهمني ولا كُبر قصرك
اقدم دم وريدي ولا اطيع امرك
يهودي وناصبي بافعالك وفكرك
عشت بالذلّه يبن زياد كل عمرك
إن تَقتُلني فأنا الفائزْ والمنصورْ
تفنى يبنَ زيادٍ وانا ابقى نورْ
فرِضى ربِّ يكفيني
جبروتكَ لا يُثنيني
فأنا مسلم لذوي الكُفرِ لا انقاد
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اميرك طاغي فاجر كافر ومرتد
واميري حسين ابن المصطفى الامجد
اليطيع حسين لاشك اسمه يتخلّد
أنه مسلم سفيره وبالولايه اشهد
لا اغدُرُ رَيحانَةُ طه لا واللهْ
عهدُ حُسينٌ عهدُ مُحمّد روحي فداهْ
بحُسينٍ زادَ يقيني
جبروتكَ لا يُثنيني
فأنا مسلم لذوي الكُفرِ لا انقاد
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يگلّه شهالشموخ البيك ما خايف
مثل وگفة اسد بين الزلم واگف
أنه ابن زياد اخيّرك بالك تخالف
تبايع لو تموت بموقفك عارف
لا يبنَ زيادٍ ليَزيدٍ لن اختار
الموتُ ولا ذُلُّ النفسِ وثوبُ العار
مكتوبٌ ذا بجبيني
جبروتكَ لا يُثنيني
فأنا مسلم لذوي الكُفرِ لا انقاد
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اضحّي بروحي وبدمي لبوالسجاد
ولا أخضع وعيش بذلّه يبن زياد
حيـاة بلا ابـوالأكبــر فلا تنـراد
اموت بسيف بس عايش بالاستشهاد
لنْ تَمحوَ ذِكِري يا ظالمْ سعيُكَ ضالْ
سَيُخلُدُني الموقفُ هذا للأجيالْ
مَن مثِلُكَ لا يُغويني
جبروتكَ لا يُثنيني
فأنا مسلم لذوي الكُفرِ لا انقاد
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اذا تقتلني مو مرّه الف مرّه
من حسين ابد هيهات اتبرّه
كل قطره بدمائي تعشكه كل ذرّه
ابن عمي وامامي حسين ابوالعتره
ستموتُ واحيى بدمائي حينَ تَسيلْ
فأنا رَبيبُ عليٌّ عمي وبنُ عقيلْ
اصبرْ واللهُ مُعيني
جبروتكَ لا يُثنيني
فأنا مسلم لذوي الكُفرِ لا انقاد
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
https://youtu.be/qhRvUvMYjy0?si=k049zOSKlfP81Ox1
Читать полностью…
السلام عليكم زوار الامام موسى بن جعفر عليه السّلام نسألكم الدعاء والزيارة
يالمعتني مشّاي للكاظميه
سلملي عالمسموم روح الزجيه
٠٠٠٠٠٠٠٠٠٠
يازاير اترجّاك اسمع كلامي
عني بنيابه تزور حضرة امامي
لموسى بن جعفر روح وصّل سلامي
گله اليخدمك ذاك دزلك تحيه
٠٠٠٠٠٠٠٠٠٠
گله اليخدمك ذاب گلبه وتفطّر
ارسَل سلامه وياي وشواگه أكثر
ملهوفه روحه عليك يتمنّه يحضر
يتمنّه يمك كون هاي المسيه
٠٠٠٠٠٠٠٠٠٠٠٠
يتمنّه يمك كون يحيي الزياره
ياموسى يامولاي ما تطفه ناره
عن حاله والتقصير يبدي اعتذاره
ما ينسه فضلك دوم حدّ المنيه
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
موسى بن جعفر عالجسر. گومو يشيعه انشيله
٠٠٠٠٠٠٠٠٠٠٠٠
مسموم بالله بياذنب وبياذنب ياذونه
بگيد السلاسل والسجن. تحت الارض يخفونه
يدرونه من بيت النبي وبالمصطفه يوصفونه
بالسم گضه ومات بسجن. ياويلي هدمو حيله
٠٠٠٠٠٠٠٠٠٠٠٠٠
فزّعو الروافض خل تجي. تشيل النعش لتعوفه
عالروس ينشال النعش. والشيعه كلها اطوفه
معروفه شيعة حيدره. وكت الشدد معروفه
تتحده ظلم الناصبي. ورواح هم تهديله
٠٠٠٠٠٠٠٠٠٠٠٠٠
شالتهم الغيره واجو. شالوا نعش واليهم
وتشيّع بهيبه وفخر. موسى وتفاخر بيهم
قَدمَو تعازي للرضا. قائدهم وحاديهم
عن والده گيد السجن. بيده الامام يزيله
٠٠٠٠٠٠٠٠٠٠٠٠٠٠٠٠
معصوم لاشك الرضا. يحفر گبر للكاظم
للحفره نزّل والده. بيده وتجهله الوادم
هذا الرضا الشال النعش. ما جاسه والله الظالم
تولّه الدفن هوه الرضا. بيده وأمر تغسيله
٠٠٠٠٠٠٠٠٠٠٠٠٠٠٠٠٠
بهذا الزمن وبكل زمن نحيي بدمع تشييعه
خدامه احنه وشيعته. أمر الامام انطيعه
مجلس عزاءه بحضرته. وللعالم احنه انذيعه
والمهدي حاضر بالعزَه يوم الفرج ندعيله
٠٠٠٠٠٠٠٠٠٠٠٠٠٠٠٠
باب الحوائج كل زمن والينه ما سد بابه
موسى بن جعفر مايرد. يكرم جميع أحبابه
يشفي المريض بحضرته. وعنده الرزق وسبابه
يربح اكيد وينسعد. كلمن يجي يشكيله
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
قصيدة لسيدي ومولاي موسى بن جعفر عليه السلام
اجيت وگلبي ملهوف عليك وعينك تشوف
ازورك يا امامي ازورك يا امامي
٠٠٠٠٠٠٠٠٠٠٠٠٠٠٠٠٠
اجيتك يا امام الجعفريه
دخلت بدمعي لرض الكاظميه
يموسى الغالي يا روح الزجيه
وگفت ابّابك وعينك عليه
ترحّب بية مولاي أحسك واگف وياي
ألك ودّي وسلامي ازورك يا امامي
٠٠٠٠٠٠٠٠٠٠٠٠٠٠٠٠٠
اجيتك ابچي يا موسى بن جعفر
على مصابك حزَن گلبي وتفسّر
بچيت هواي يم شباچك أكثر
ذكرت الصار بيك وبيّة اثّـر
السلاسل والسجن ذاك. يموسى هوايه اذّاك
اون وبچي بكلامي ازورك يا امامي
٠٠٠٠٠٠٠٠٠٠٠٠٠٠٠٠٠٠٠
السجن طاموره ظلمه وتخنگ الروح
گضيت ايام عمرك بيها مجروح
بسلاسل گيّدوك ودمك يفوح
بكلام الشامت السجان مذبوح
حقود السندي ملعون. يشتمك وانت مسجون
اظن سمّوك ضامي. ازورك يا امامي
٠٠٠٠٠٠٠٠٠٠٠٠٠٠٠٠٠٠٠٠
شفت نعشك يشيلونه اليشيّعون
لطم عالروس كلها وتبچي العيون
ذكرتك من جنت مولاي مسجون
ولعنّت الظالم الأذّاك هارون
طلع نعشك بدينه. عليك شگد بچينه
صحت بيك اعتصامي. ازورك يا امامي
٠٠٠٠٠٠٠٠٠٠٠٠٠٠٠٠٠٠٠٠
گعدنه بصحنك وحبك يلمنه
سمعنه المقتل وصحنه ولطمنه
يموسى الكاظم عليك انهضمنه
ونعرفك حاضر وموجود يمنه
على جروح السلاسل. بچينه وماكو فاصل
تعنّيت ابهيامي. ازورك يا امامي
٠٠٠٠٠٠٠٠٠٠٠٠٠٠٠٠٠٠٠٠٠٠
صحيح استشهدت مولاي مقتول
مصاب حسين أكثر وفجع انگول
علم عندك قتيل وداسته خيول
برمح راسه الشريف حسين مشيول
وبعد أعظم رزيه. خذوا زينب سبيه
بمصيبتهه ختتامي ازورك يا امامي
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
https://youtu.be/hvl5sb0W-a8?si=JY1So6JCW0W75zED
Читать полностью…
فتحة عزاء
ياروحي وعمري الغالي
ما تدري شصار بحالي
٠٠٠٠٠٠٠٠٠٠٠٠٠
آنه الزهره المظلومه
بعدك ثَكلة ومهمومه
بجروح شگد ملچومه
ونظر محرابك خالي
ما تدري شصار بحالي
٠٠٠٠٠٠٠٠٠٠٠٠٠
بويه الهادي وياروحي
جيت اتعثّر بجروحي
اشكيلك وسمع نوحي
وينك يالقدرك عالي
ما تدري شصار بحالي
٠٠٠٠٠٠٠٠٠٠٠٠٠
لاشك تعلم بخباري
بغيابك حرگوا داري
بغضاً هتكوا استاري
وصاب المحسن چتالي
ما تدري شصار بحالي
٠٠٠٠٠٠٠٠٠٠٠٠٠
كسروا ظلعي وعصروني
أنزف من دم خلّوني
صابوا طفلي واذّوني
وحيدر مچتوف اگبالي
ما تدري شصار بحالي
٠٠٠٠٠٠٠٠٠٠٠٠
اخذوا حيدر للمسجد
ياخوفي يروح وميرد
بيمن يابويه استنجد
بس حيدر ظل يبرالي
ما تدري شصار بحالي
٠٠٠٠٠٠٠٠٠٠٠٠٠٠٠٠
ناديت وينزف ظلعي
رجعولي اليمسح دمعي
راح اكشف راسي وادعي
لوما يرجع لطفالي
ما تدري شصار بحالي
٠٠٠٠٠٠٠٠٠٠٠٠
يالهادي وبعدك تدري
ما يسوه خلافك عمري
اتمنّه الموت وگبري
ولا عَيَش البي عُذّالي
ما تدري شصار بحالي
٠٠٠٠٠٠٠٠٠٠٠٠٠
بويه لوجهك مشتاگه
ونورك ما طيق افراگه
عمري وذبلت اوراگه
خذني لقربك يحلالي
ما تدري شصار بحالي
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
https://youtu.be/WBPdxny7d3s?si=xYfpIPUETRYSJPP3
Читать полностью…
يمته الفرج يا صاحب الثار
٠٠٠٠٠٠٠٠٠٠٠
ما ظل صبر يالمهدي مولاي
صحره الوسيعه وشوفتك ماي
كل جمعه ندعي جمعتك هاي
بالرايه يمته انشاهدك جاي
يالتدري بينه وتعلم الصار
٠٠٠٠٠٠٠٠٠٠٠٠
ما عدنه غيرك المن نروح
كثره المصايب كثره لجروح
ملّينه منّ الدمعه والنوح
گلب الموالي هواي مجروح
عن طلعتك نتنطّر اخبار
٠٠٠٠٠٠٠٠٠٠٠٠
يمته الفرج ونشاهد النور
وراية مُحمّد بيدك ادّور
چم ثار ألك ينتظرك تثور
لا تنسه ظلع الزهره مكسور
اباب الزجية شبّوا النار
٠٠٠٠٠٠٠٠٠٠٠٠٠٠
يالمهدي امك تنسعد كون
أسأل عليها ماتت شلون
كسروا ظلعها وزرگه الامتون
أخفت گبرها عن العيون
زعلانه عالآذوها بالدار
٠٠٠٠٠٠٠٠٠٠٠٠٠٠
عندك علم من رب الاكوان
الكسروا ظلعها فلان وفلان
حاسبهم بسيفك يسلطان
اظهر يمهدي والوعد حان
ما اسلمو للموت كفار
٠٠٠٠٠٠٠٠٠٠٠٠٠٠٠٠
ولاتنسه ثار اليهدم الحيل
حسين الذبيح السحگته الخيل
لمصابه دمعك من دم يسيل
طول النهار لآخر الليل
وراسه الشريف برمحه يندار
٠٠٠٠٠٠٠٠٠٠٠٠٠٠٠
يالمهدي وكبر كل الالآم
عمتك سبيه تروح للشام
عيون الشماته سيوف وسهام
تقبلها يالموعود تنضام
زينب غريبه بولية اشرار
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
قصيده نزله في رثاء فاطمه الزهراء عليها السلام وابنها الامام المهدي عجل الله فرجه الشريف
عَجّل اللهُ ظهورْ المنتظر
٠٠٠٠٠٠٠٠٠٠
لا يفرحون النواصب والطغاة
شما يطول الزمن ودّور الحياة
لابد المهدي يسل سيف النجاة
وياخذ بثار الظلع منّ الجُناة
عن رسول الله ثبت هذا الخبر
عَجّل اللهُ ظهورْ المنتظر
٠٠٠٠٠٠٠٠٠٠٠٠٠
هذا وعد الله حتم لازم يصير
بسيف ذولفقّار وبأمر القدير
المهدي لازم ياخذ بثار الأمير
يشفي گلب حسين والظلع الكسير
للظلم وهل الظلم ميظل اثر
عَجّل اللهُ ظهورْ المنتظر
٠٠٠٠٠٠٠٠٠٠٠٠٠٠٠
لابد المهدي يجي بحكم الرسول
يحاسب العافوا وصيّه والأصول
يصلب الجبتين يم باب البتول
الأسّسوا اصل الظلم ذلهم يطول
ومن بعدها ربنه يصليهم سقر
عَجّل اللهُ ظهورْ المنتظر
٠٠٠٠٠٠٠٠٠٠٠٠٠٠٠٠٠٠
لا يأمنون الغفوا تحت التراب
الله يظهرهم اله وكت العقاب
الثاني والأول يحاسبهم حساب
عن كسر ظلع أمه وجروح المصاب
يحاسب الأذّه الزچية والحضر
عَجّل اللهُ ظهورْ المنتظر
٠٠٠٠٠٠٠٠٠٠٠٠٠٠٠٠٠
من صفات المهدي اسمه المنتقم
ياخذ بثاراته منهم بالأسم
باجر يشوفونه واقع مو حلم
بالعدل يحكم الدنيا وبالعِلِم
ويله ياويله اليعادي امّ الغُرَر
عَجّل اللهُ ظهورْ المنتظر
٠٠٠٠٠٠٠٠٠٠٠٠٠٠٠٠٠٠٠
الكسر ظلع الزهره والصاب الجنين
هوه نفسه اسّس لقتل الحسين
من عقاب المهدي يهرب گلي وين
للقصاص ايطلعه مهدينه الأمين
يگطع چفوفه مثل گطع النحر
عَجّل اللهُ ظهورْ المنتظر
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
نزلة لمولاتي فاطمة الزهراء عليها السلام
بويه ما رحموني
ابچي دم خلوني
.....................
فاطمه آنه العفتهه بالظلع موجوعه
ما دريت اصّار بية ثاكله ومفجوعه
ما شفت راحه بغيابك لوعه تتبع لوعه
لا تظن يرتاح بويه الينجرح بظلوعه
من رحت هضموني
ابچي دم خلوني
.....................
تحوّلو عــدوان بويه من غبت اصحابك
نكشفو ونقضوا عهدهم ما رضوا بكتابك
بويه يومين عله دفنك من غبت بترابك
هجموا بنار السقيفه بويه حركوا بابك
فاطمه واذّوني
ابچي دم خلوني
.....................
بويه اعرفه اللي عصرني والسطرني ابعيني
فاطمه گالوله گلهم "وأن" ما تعنيني
حرگ بابي ومن دفعني قاصد يأذّيني
عن علي ابقه ادافع والله ما يثنيني
ما سألت شلوني
ابچي دم خلوني
.....................
الله لا ينطي العصرني الله ياخذ روحه
صابني وطيّح جنيني ما كمت مجروحه
بياذنب ظلعي يكسره ودمعتي مسفوحه
والله من يوم السقيفه عترتي مذبوحه
همهم يقتلوني
ابچي دم خلوني
.....................
من ألم ظلعي يبويه صعبه اجر نفاسي
ما عشت چم ليله بعدك يا اعز كل ناسي
بويه من كثر المصايب والله شيّب راسي
كل دقيقه تمر علية ينجرح احساسي
بياذنب ظلموني
ابچي دم خلوني
..........................
كلها عافتني يبويه بس علي اليرعاني
من يجي يرتاح ظلعي والألم ينساني
بويه وصّيته بوصيّة لو متت بحزاني
لا يشيّعني الظلمني بالأخصّ الثاني
انهظم يردوني
ابچي دم خلوني
سيد زيد الفحام
[صورة 39.jpg]