13121
السلام على الحسين وعلى علي بن الحسين وعلى أولاد الحسين وعلى أصحاب الحسين عليه السلام قناة لنشر قصائد في رثاء محمد وآل محمد عليهم السلام
لسان حال مولاتي الزهراء عليها السلام
ظلعي التكسّر. لجلك يحيدر
٠٠٠٠٠٠٠٠٠٠٠٠٠٠٠٠٠
آنه الزچية فاطمه بضعة حبيب الله
اعرف مقامك ياعلي. معنى النبي معناه
ختارك إلهي بحكمته. بيدك يرف الواه
بيدك امر طه النبي. رب العرش خلّاه
والهادي أخبر. لجلك يحيدر
٠٠٠٠٠٠٠٠٠٠٠٠٠٠٠٠٠٠
نكروا وصيت المصطفه. أل يدّعون أصحاب
هجموا علينه بلاذنب عصروني خلف الباب
يا حيدر وظلعي انكسر. ينزف دمه وماطاب
كل هذا فدوه لشوفتك. احمل ولاتنصاب
اتحمّل أكثر. لجلك يحيدر
٠٠٠٠٠٠٠٠٠٠٠٠٠٠٠٠٠٠٠٠٠٠
لا لا يهمّك ياعلي. كسر الظلع لو دام
انت المهم سالم الي. اتحمّــل الالآم
كلشي ولا دمعك يهل. يالماتطخّ الهام
تبقه علي حامي الحمه وتبقه الولي الضرغام
دمي التطشّر. لجلك يحيدر
٠٠٠٠٠٠٠٠٠٠٠٠٠٠٠٠٠٠٠٠
مالومك عله اللي جره. يابالحسن معذور
لوما الوصية چا شفت سيفك يحزّ انحور
ما قصّرت عن فاطمه يابالحسن مشكور
ما ريد اشوفك منكسر. لا بل علي المنصور
بعيوني منظر. لجلك يحيدر
٠٠٠٠٠٠٠٠٠٠٠٠٠٠٠٠٠٠٠٠
اسمع وصيتي ياعلي يوم الأجل لو حان
شيّعني بيدك للگبر. بس انت والخِلّان
لتخلّي من گوم العده يحضرني اي شيطان
اخفي الگبر يابالحسن. لا تكشف العنوان
آلامي تسعر لجلك يحيدر
٠٠٠٠٠٠٠٠٠٠٠٠٠٠٠٠٠٠٠٠٠
هضموني ما ريد العمر اتمنّه موتي الحين
اشكي الجرالي لوالدي من عملة الجبتين
اشكيله عن كسر الظلع وبني وجراح العين
مجبوره اعوفك لا يصب. دمعك يبوالحسنين
وحزاني تكبر. لجلك يحيدر
٠٠٠٠٠٠٠٠٠٠٠٠٠٠٠٠٠
مو سهله اعوفك ياعلي لا والنبي المختار
لكن بعد ماظل صبر. حيلي انهدم ونهار
عينك عله حسين وحسن. اولادك الاطهار
وزينب زغيره عله الحزن باريها يا كـرّار
ودموعي تكثر. لجلك يحيدر
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
https://youtu.be/GjJEe4LktNg?si=GXkZyUKnFWQTxLdA
Читать полностью…
https://youtu.be/oUjkxH3HqGk?si=XklB_c5BBTs-rvLq
Читать полностью…
نزلة العزاء [ يمتى الفرج يا صاحب الثار ]
الـشاعـر: سيد زيدوالفحام
-
ليلة ٢٣ جمادي الاولى ١٤٤٥ هـ ـ في مسجد الرسول الأعظم (ص) - بغداد
#اللهم_عجل_لوليك_الفرج
💠telegram
/channel/m7bebasim
يمته الفرج يا صاحب الثار
الحاج باسم الكربلائي
الشاعر سيد زيد الفحام
قصيدة نزله لمواساة امير المؤمنين علي عليه السّلام
عَظّم اللهُ لكَ الأجرَ علي
عَظّم اللهُ لكَ الأجرَ علي
..................
حگهن عيونك اذا من دم بچن
بيدك عله الزهره لفّيت الچفَن
شگال گلبك من دفنت ام الحسن
يا علي وما أنصف وياك الزمن
ضدك اندار بحزن ما ينجلي
عَظّم اللهُ لكَ الأجرَ علي
..................
من شلت نعش الزجية بياوضع
محني ظهرك سيدي وتجري الدمع
شگال گلبك من شفت كسر الظلع
منشوكت نوحك يحيدر ينسمع
بس على الزهره نياحك يعتلي
عَظّم اللهُ لكَ الأجرَ علي
...................
من هلت بچفوفك تراب اللحد
عالزچية نزلت دموع الورد
ضاگ صدرك يا علي وذاب الچبد
ما حسبت حساب عنك تبتعد
فاطمه وبجروح فاطم تبتلي
عَظّم اللهُ لكَ الأجرَ علي
...................
يعينك الله شلون من هلت الثرَه
عالزچية ومامتت يا حيدره
خدها احمر والظلوع مكسّرَه
عالگبر مو ماي دمعك دم جرَه
تكثر احزانك ابد ما تنجلي
عَظّم اللهُ لكَ الأجرَ علي
.....................
فاطمه چانتلك الحب والهوى
اجمل الأيّام من عشتو سوه
من وجهّه ابيتك يشع الضوه
بياذنب كسروا ظلعها ونطوه
ماتت ومن دم مدامعها اتهَلي
عَظّم اللهُ لكَ الأجرَ علي
.......................
ما نلومك لون تبچي وتنهظم
جرح فگد الزهره واصل للعظم
يا علي انواسيك بدموع ولطم
شوكت يظهر ابنك ويفني الظلم
والأرض قسط وعدل بي تمتلي
عَظّم اللهُ لكَ الأجرَ علي
......................
ما يضيع الثار والمهدي وراه
بذولفقارك يظهر وشايل لواه
يرد حق الزهره من چف الخذاه
يبني مرقد فاطمه وندخل معاه
بالصحن يلتم شملنه الأوّلي
عَظّم اللهُ لكَ الأجرَ علي
سيد زيد الفحام
_____________________________________________________
قصيدة نزلة لمولاتي فاطمة الزهراء عليها السلام
انّنا نقول يكفينا حُب فاطمه
.........
اشهد اشهد يازمن /فاطمه ام الحسن/ بالشدد تحمينه
حبها من الله فرض /واليشكّ ويعترض/ هذا ناقص دينه
بعالم الذر احنه واليناها
ألتزمنه بحبها ما عفناها
بالمجالس والله ما ننساها
ونلعن اليبغضهه والأذّاها
حُزننا يطول. يكفينا حُب فاطمه
............
حجة الله فاطمه/آية من رب السمه /طاهره ومعصومه
حبها حُب المصطفه/بيها كل شيعي اكتفه/بالعرش مرسومه
خيمة الزهره تفيّيّ علينه
هيه أمنه يعني منّه وبينه
تحضر بهاي المجالس لينه
صك شفاعه بالحشر تنطينه
كلمة الرسول. يكفينا حُب فاطمه
............
بنورها الماينطفي /ستودع السر الخفي/الله منّ ختارها
حُبها مصدر مذهبي /أم أئمّه وبت نبي / وحده من اسرارها
فاطمة مولاتي أعظم آيه
خيرها علينه وفضلهه هوايه
بكل بلد نحيي المجالس هايه
نواسي دمعتها بدمعنه الغايه
مجمع الأصول. يكفينا حُب فاطمه
...........
الله فضّلهه وعلت /عالبشر وتكاملت /راضيه ومرضيّه
يربح البيهه التزم /لا خساره لا ندم /وحاجته مگضيّه
فاطمه شرّفها ربنه العالي
وحنه نخدمها بشرف للتالي
احنه ضد عدوانها ومنبالي
بس علي يبقه الامير الوالي
افضل الحلول. يكفينا حُب فاطمه
..........
ويلي من كسر الضلع /ماتت تصب الدمع /بلا ذنب اذّوها
والله ما ننساه ابـد / ثارها وهذا العهد / نذبح الظلموها
باجر الموعود ياخذ ثارها
يبني مرقدها بچفوفه ودارها
والخَدَم كلها تصير أنصارها
وتوصل لطف كربله زوارها
تهتف العقول. يكفينا حُب فاطمه
سيد زيد الفحام
____________
https://youtu.be/VFUG1dptxIc?si=RQUvnpzZqXzWft7a
مشتاگه
الرادود مرتضى حرب
الشاعر سيد زيد الفحام
ون وبجي بهداي || ملا أمير الأسدي || الشاعر السيد زيد الفحام
https://youtube.com/watch?v=Kb1KJL6xSgw&si=vsGIY5tqMB9_J1cv
https://youtu.be/fHAF1PdchU4?si=ioS-Fb8GOBccbu-i
Читать полностью…
اجمل قصائد لاستشهاد فاطمة الزهراء ع تجدونها هنا
/channel/ininafwf
https://youtu.be/nJj3x5DrLcc?si=tXmMi-e_DOQvuiBz
Читать полностью…
ميمر// للامام الحسن العسكري عليه السلام
جمرة مصابك مولاي. ما تطفه تسعر بينه
...........
يالعسكري مولاي نقسم بالله
يومك فجعنه وكل زمن ما ننساه
لوما حضرنه لنعشك وما شلناه
ننصب مجالس كل عام. بمصابك اتواصينه
............
ننصب مجالس سيدي ونبچي عليك
بلطم الصدور وبالمدامع نرثيك
يالحسن يا مولاي نتمسّك بيك
ما عفنه گبرك هيهات. بهاي المواكب جينه
.............
نلعن بني العباس كل صبح وليل
بلا ذنب يبن الهادي اذوكم حيل
سم وسجن جور وعذاب وتقتيل
والسمّك بهذا اليوم. سمّم گلب هادينه
............
عالمعتمد يارب عذابك أضعاف
لا هاب منك يا إلهي ولا خاف
ظالم نذل يقتل وريث الاشراف
سَم الحسن بيده ومات. نشلت يريت يمينه
............
ما ننسه يومك يالحسن لا هيهات
نذكر مصابك باللطم والدمعات
معروف عنك تگضي كل الحاجات
كل حاير وكل ملهوف. لگبرك يجيك اتعينه
...........
بهاي المجالس تحضر ويانه تنوح
لمصاب ابواليمه الغريب المذبوح
عالرمح راسه بايد چتاله يلوح
وجسمه البقه بلا تغسيل. يالعسكري مگطعينه
سيد زيد الفحام
--------------------------------------------------------------------
https://youtu.be/8FmN1Q_Q868?si=VAkfJv1Yo0MueIvE
Читать полностью…
https://youtu.be/zpj2MvQWhBc?si=tJFsWPIZ4Df5jC95
Читать полностью…
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
فتحة عزاء
ياروحي وعمري الغالي
ما تدري شصار بحالي
٠٠٠٠٠٠٠٠٠٠٠٠٠
آنه الزهره المظلومه
بعدك ثَكلة ومهمومه
بجروح شگد ملچومه
ونظر محرابك خالي
ما تدري شصار بحالي
٠٠٠٠٠٠٠٠٠٠٠٠٠
بويه الهادي وياروحي
جيت اتعثّر بجروحي
اشكيلك وسمع نوحي
وينك يالقدرك عالي
ما تدري شصار بحالي
٠٠٠٠٠٠٠٠٠٠٠٠٠
لاشك تعلم بخباري
بغيابك حرگوا داري
بغضاً هتكوا استاري
وصاب المحسن چتالي
ما تدري شصار بحالي
٠٠٠٠٠٠٠٠٠٠٠٠٠
كسروا ظلعي وعصروني
أنزف من دم خلّوني
صابوا طفلي واذّوني
وحيدر مچتوف اگبالي
ما تدري شصار بحالي
٠٠٠٠٠٠٠٠٠٠٠٠
اخذوا حيدر للمسجد
ياخوفي يروح وميرد
بيمن يابويه استنجد
بس حيدر ظل يبرالي
ما تدري شصار بحالي
٠٠٠٠٠٠٠٠٠٠٠٠٠٠٠٠
ناديت وينزف ظلعي
رجعولي اليمسح دمعي
راح اكشف راسي وادعي
لوما يرجع لطفالي
ما تدري شصار بحالي
٠٠٠٠٠٠٠٠٠٠٠٠
يالهادي وبعدك تدري
ما يسوه خلافك عمري
اتمنّه الموت وگبري
ولا عَيَش البي عُذّالي
ما تدري شصار بحالي
٠٠٠٠٠٠٠٠٠٠٠٠٠
بويه لوجهك مشتاگه
ونورك ما طيق افراگه
عمري وذبلت اوراگه
خذني لقربك يحلالي
ما تدري شصار بحالي
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
https://youtu.be/WBPdxny7d3s?si=xYfpIPUETRYSJPP3
Читать полностью…
يمته الفرج يا صاحب الثار
٠٠٠٠٠٠٠٠٠٠٠
ما ظل صبر يالمهدي مولاي
صحره الوسيعه وشوفتك ماي
كل جمعه ندعي جمعتك هاي
بالرايه يمته انشاهدك جاي
يالتدري بينه وتعلم الصار
٠٠٠٠٠٠٠٠٠٠٠٠
ما عدنه غيرك المن نروح
كثره المصايب كثره لجروح
ملّينه منّ الدمعه والنوح
گلب الموالي هواي مجروح
عن طلعتك نتنطّر اخبار
٠٠٠٠٠٠٠٠٠٠٠٠
يمته الفرج ونشاهد النور
وراية مُحمّد بيدك ادّور
چم ثار ألك ينتظرك تثور
لا تنسه ظلع الزهره مكسور
اباب الزجية شبّوا النار
٠٠٠٠٠٠٠٠٠٠٠٠٠٠
يالمهدي امك تنسعد كون
أسأل عليها ماتت شلون
كسروا ظلعها وزرگه الامتون
أخفت گبرها عن العيون
زعلانه عالآذوها بالدار
٠٠٠٠٠٠٠٠٠٠٠٠٠٠
عندك علم من رب الاكوان
الكسروا ظلعها فلان وفلان
حاسبهم بسيفك يسلطان
اظهر يمهدي والوعد حان
ما اسلمو للموت كفار
٠٠٠٠٠٠٠٠٠٠٠٠٠٠٠٠
ولاتنسه ثار اليهدم الحيل
حسين الذبيح السحگته الخيل
لمصابه دمعك من دم يسيل
طول النهار لآخر الليل
وراسه الشريف برمحه يندار
٠٠٠٠٠٠٠٠٠٠٠٠٠٠٠
يالمهدي وكبر كل الالآم
عمتك سبيه تروح للشام
عيون الشماته سيوف وسهام
تقبلها يالموعود تنضام
زينب غريبه بولية اشرار
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
قصيده نزله في رثاء فاطمه الزهراء عليها السلام وابنها الامام المهدي عجل الله فرجه الشريف
عَجّل اللهُ ظهورْ المنتظر
٠٠٠٠٠٠٠٠٠٠
لا يفرحون النواصب والطغاة
شما يطول الزمن ودّور الحياة
لابد المهدي يسل سيف النجاة
وياخذ بثار الظلع منّ الجُناة
عن رسول الله ثبت هذا الخبر
عَجّل اللهُ ظهورْ المنتظر
٠٠٠٠٠٠٠٠٠٠٠٠٠
هذا وعد الله حتم لازم يصير
بسيف ذولفقّار وبأمر القدير
المهدي لازم ياخذ بثار الأمير
يشفي گلب حسين والظلع الكسير
للظلم وهل الظلم ميظل اثر
عَجّل اللهُ ظهورْ المنتظر
٠٠٠٠٠٠٠٠٠٠٠٠٠٠٠
لابد المهدي يجي بحكم الرسول
يحاسب العافوا وصيّه والأصول
يصلب الجبتين يم باب البتول
الأسّسوا اصل الظلم ذلهم يطول
ومن بعدها ربنه يصليهم سقر
عَجّل اللهُ ظهورْ المنتظر
٠٠٠٠٠٠٠٠٠٠٠٠٠٠٠٠٠٠
لا يأمنون الغفوا تحت التراب
الله يظهرهم اله وكت العقاب
الثاني والأول يحاسبهم حساب
عن كسر ظلع أمه وجروح المصاب
يحاسب الأذّه الزچية والحضر
عَجّل اللهُ ظهورْ المنتظر
٠٠٠٠٠٠٠٠٠٠٠٠٠٠٠٠٠
من صفات المهدي اسمه المنتقم
ياخذ بثاراته منهم بالأسم
باجر يشوفونه واقع مو حلم
بالعدل يحكم الدنيا وبالعِلِم
ويله ياويله اليعادي امّ الغُرَر
عَجّل اللهُ ظهورْ المنتظر
٠٠٠٠٠٠٠٠٠٠٠٠٠٠٠٠٠٠٠
الكسر ظلع الزهره والصاب الجنين
هوه نفسه اسّس لقتل الحسين
من عقاب المهدي يهرب گلي وين
للقصاص ايطلعه مهدينه الأمين
يگطع چفوفه مثل گطع النحر
عَجّل اللهُ ظهورْ المنتظر
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
نزلة لمولاتي فاطمة الزهراء عليها السلام
بويه ما رحموني
ابچي دم خلوني
.....................
فاطمه آنه العفتهه بالظلع موجوعه
ما دريت اصّار بية ثاكله ومفجوعه
ما شفت راحه بغيابك لوعه تتبع لوعه
لا تظن يرتاح بويه الينجرح بظلوعه
من رحت هضموني
ابچي دم خلوني
.....................
تحوّلو عــدوان بويه من غبت اصحابك
نكشفو ونقضوا عهدهم ما رضوا بكتابك
بويه يومين عله دفنك من غبت بترابك
هجموا بنار السقيفه بويه حركوا بابك
فاطمه واذّوني
ابچي دم خلوني
.....................
بويه اعرفه اللي عصرني والسطرني ابعيني
فاطمه گالوله گلهم "وأن" ما تعنيني
حرگ بابي ومن دفعني قاصد يأذّيني
عن علي ابقه ادافع والله ما يثنيني
ما سألت شلوني
ابچي دم خلوني
.....................
الله لا ينطي العصرني الله ياخذ روحه
صابني وطيّح جنيني ما كمت مجروحه
بياذنب ظلعي يكسره ودمعتي مسفوحه
والله من يوم السقيفه عترتي مذبوحه
همهم يقتلوني
ابچي دم خلوني
.....................
من ألم ظلعي يبويه صعبه اجر نفاسي
ما عشت چم ليله بعدك يا اعز كل ناسي
بويه من كثر المصايب والله شيّب راسي
كل دقيقه تمر علية ينجرح احساسي
بياذنب ظلموني
ابچي دم خلوني
..........................
كلها عافتني يبويه بس علي اليرعاني
من يجي يرتاح ظلعي والألم ينساني
بويه وصّيته بوصيّة لو متت بحزاني
لا يشيّعني الظلمني بالأخصّ الثاني
انهظم يردوني
ابچي دم خلوني
سيد زيد الفحام
[صورة 39.jpg]
لسان حال امير المؤمنين علي عليه السّلام عند دفن مولاتنا فاطمة الزهراء عليها السلام
يا فاطمه گبلچ تمنّيت
ميت ولارد وحدي للبيت
يا حيلي يا عافيتي
يا روحي يا أم بيتي
ميت ولارد وحدي للبيت
...............................
هذا العمر عشناه سوه. نتنفّس بنفس الهوى. يا محله عيشتنه
حسدونه يا أم الحسن. وايامنه ما طوّلن. ما شفنه راحتنه
بعد النبي وذاك العهد. ظهروا حقدهم والحسد نكروا كرامتنه
انتي يا ريحانة الجنة وعطرها
بياذنب أنهوا حياتج من زغرها
شمعة حياتي ونطفت ليش
اليفگد انفاسه بيمن يعيش
نكبر سوه تمنّيتي
يا روحي يا أم بيتي
ميت ولارد وحدي للبيت
.................................
لمّن دفنتج بالگبر. ما ظل بعد حيل وصبر ونهدمت اركاني
يا فاطمه وبعدج علي. ظل بالمصايب مبتلي وجروحي وحزاني
رديت مكسور الگلب. صدكيني تيّهت الدرب. رحت بدرب ثاني
شلون اطب للدار وحشه ومضلمه الدار
من يواسيني بغيابج حيلي منهار
كلما اصد بعيوني للباب
ضلعج اذكره وگلبي ينصاب
من ضلعج تأذّيتي
يا روحي يا أم بيتي
ميت ولارد وحدي للبيت
..................................
ايامنه الحلوه مضت. بلمح البصر عني ختفت شبسرعه عفتيني
فراگج جرح ما ينحمل. لا آني ميت لا عدل فگدج يأذّيني
يالعشتي بعروگي نبض. مو سهله ادفنج بالأرض ياشمعة سنيني
الله يلعن كلمن السبب أذيتچ
الثاني والأول سبب حزني ومنيتچ
يا فاطمه يا سلوة الروح
بعدج علي عايش بلجروح
لآخر نفس وفّيتي
يا روحي يا أم بيتي
ميت ولارد وحدي للبيت
.................................
ودعتج وحيلي انهدم. وبغيبتج زاد الألم. ما ينوصف حالي
دنيا بغيابج مگبره يا فاطمه وبعدج تره ما ظل بعد غالي
شلّي بحياتي ودنيتي من بيتي گطعوا زهرتي. بيت العلم خالي
ياوكت للدار اطب من غير ملگه
وين اروح ليامكان الدنيا خنگه
بمحرابج اكعد لو اجه الليل
اشتاگلچ والمدمع يسيل
لولادي ما ظليتي
يا روحي يا أم بيتي
ميت ولارد وحدي للبيت
.................................
رديت بجروح الدفن. يا فاطمه ابچي واون متوجّه لداري
شلون ادخل بدونج حرت. گوه عله دمعي كابرت. ما تنشف اعباري
تلگتني زينب باكيه. وين الرضيّة الراضيه. بالمدمع الجاري
بيش اصبّر زينب مصابج هضمهه
اغله شي بالدنيا عد كل طفله امهه
عفتيها طفله شلون تنساچ
ما شبعت وداع وحچي وياچ
حنّتلچ وحنّيتي
يا روحي يا أم بيتي
ميت ولارد وحدي للبيت
سيد زيد الفحام
............................................................
https://youtu.be/UMFTWGc0XWg?si=1Vk2AaNAJUDNc6dC
يا تعب السنين
الرادود مالك الكربلائي
الشاعر سيد زيد الفحام
https://youtu.be/_F7kl2wPkaM?si=3RQMxbWvPmpXIBI2
بعدك عذّبوني
الرادود علي السهلاني
الشاعر سيد زيد الفحام
موشح للامام المهدي عجل الله فرجه الشريف
الف وربعميت عام امن الصبر
تبچي من دم سيدي وگلبك جمر
...........
تبچي من دم عالغريب المنذبح
مو مثلنه تشوف راسه عله الرمح
مثل گلب حسين گلبك ينجرح
كل محرم والجرح ما ينجبر
..........
كل محرم تنزف جروحك دمه
تذكر جروح السبي وجرح الضمه
متاني يوم الفرج من رب السمه
دمعه وحزان وألم جبت العمر
.............
دمعه وحزان وألم طول السنين
يمته تظهر تاخذ بثار الحسين
تقتص امن هل السقيفه المجرمين
مو صحابه چانوا أصحاب الكفر
..............
مو صحابه الظلموا الزهره البتول
هجموا عليهه بحقد بعد الرسول
صوّبوها وضيّعوا فرض الأصول
نكسر ظلع الزهره اذّاها الكسر
...............
نكسر ظلع الزهره ونصاب الطفل
يمته تاخذ ثارها وتحيي العدل
بيا ذنب هاي الوديعة تنقتل
تندفن بالليل وتضيع الگبر
.............
تندفن بالليل بجروح وحزن
يشفه ظلع امك يمهدي لا تظن
لحد ساعة طلعتك تبچي وتون
فاطمة مظلومه يا راعي الأمر
............
فاطمه المظلومه امّ المصطفه
لا تظن لجروحهه يحصل شفه
والدليل بهاي مرقدها اختفه
ظلت لساعة ظهورك تنتظر
سيد زيد الفحام
__________________________________
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
قصيده كعدية لمصاب مولاتي فاطمة الزهراء عليها السلام
من يوم العفتني يسيل دمعي
رديت بحزن مكسور ضلعي
گومك يا مُحمّد بعدك عذّبوني
.............
آنه بنتك يا مُحـمّـد. فاطمه الزهره الزجية
من غبت عني وعفتني ما دريت اشصار بية
بالحطب والنار بوية. هجموا اصحابك علية
بالباب منهم من لذت
دفعوه علية ونصبت
ضلعي نكسر وتعذّبت
طحت من عظمُ الرزية
بويه الثاني بچفوفه عصرني
سبني ومارحم حالي وسطرني
ضلعي الدامي يشهد. بعدك عذّبوني
................
متت من حزني ومصابي. ومن قهر غدر الصحابه
بالگبـر دفنـونـي بويه. وظلعي ملچوم بترابه
روحي صعدت ليك تشكي. من جرح خصمي وعذابه
رديت مكسوره الضلع
مهضومه وبعيني الدمع
تقبلهه وجهي ينصفع
وتدخل لبيتي العصابه
لوما بالصبر وصّيت حيدر
چان بذولفقاره يعيد خيبر
حزني وجرحي يشتد. بعدك عذّبوني
...................
بيا ذنب صابو جنيني. ونختم بجروح عمري
الليله دفنوني بمصابي. ينزف وماطاب كسري
علي وصّيته بوصية. يخفي عن الناس گبري
ما ريد من اهل الحسد
واحد يجي لگبري بعد
ما أرضه عنهم للأبــد
السببوا للموت قهري
ليش بياذنب صابوا جنيني
منهم ما ردت واحد يجيني
بابهم عليهم انسد. بعدك عذّبوني
................
من غبت محّد بقالي. بس علي واربع نشامه
رتدت الاصحاب كلهه. ضدك وضد الامامه
چتّفوا حيدر يبويه. نكروا افضاله ومقامه
لوما صحت ردوه الي
چا ما رجع سالم علي
رادو يقتلون الولي
وتصبح اولادك يتامه
حيدر لزمت چفوفه الوصية
صابر عالأذه ويعطف علية
لون الدنيا اسود. بعدك عذّبوني
..............
روحهه يم روح ابوها. صعدت تسولف هضمهه
فاطمة شبگت مُحمّد شمّته وخفف ألمهه
گلهه يبنيتي اصبري. عالجَرَه ولصدره ضمهه
ثارج امانه برگبته
المهدي بيمينه ورايته
ياخذ الثار بطلعته
يفني عدوانج حكمهه
لابد يظهر المهدي يجاهد
ياخذ ثارج ويبني المراقد
يمته وگلبي يبرد. بعدك عذّبوني
طور القصيدة / آنه ام البنين ودهري ذبني
سيد زيد الفحام
___________
https://youtu.be/8za42pFCJJg?si=r5W6Yq7LBfvTynOF
Читать полностью…
https://youtu.be/ltRIdP2wdxk?si=HZ30gNfsXpUd2FJo
Читать полностью…
مولاتي فاطمة الزهراء تودع ابوها رسول الله صلى الله عليه وآله
نار يچويني الدمع. وشعر بكسر الضلع
لا تيتم فاطمه. لا تيتم فاطمه
....................
يارسول الله مُحمّد. بويه يانبض الگلب
فاطمة آنه الحبيبه بنتك ودمعي يصب
لا تودّعني دخيلك ابچي وفراگك صعب
انهضم بعدك يبويه. لو نمت تحت الترب
ليش يابويه انفجع وشعر بكسر الضلع
لا تيتم فاطمه. لا تيتم فاطمه
..........................
ياضوه عيوني وحياتي. عيّشتني مدلله
عمري ما ريده بغيابك. بويه بوجودك حِله
باجر يحرگون بيتي بويه لو منك خِله
والمصايب فوگ راسي. بالألم متواصله
باب داري يندفع. وشعر بكسر الضلع
لا تيتم فاطمه. لا تيتم فاطمه
..........................
بآخر انفاسه الزكية. فتح عينه لفاطمه
گلهه صبري عالمصايب بنتي يانور السمه
آنه سلّمتج امـانه. بيد حمّاي الحمه
انتي اول من يجيني. بالايام القادمه
صوت وحيك ينگطع. وشعر بكسر الضلع
لا تيتم فاطمه. لا تيتم فاطمه
........................
بدمعه ودعها يويلي. وغمضت عيونه بحزن
شبگت الزهره ابوها. گامت تنوح وتون
وين رايح بويه عني. انهضم من تندفن
اگضي ايامي مناحه. ودنيتي صارت سجن
بعدك يسيئ الوضع. وشعر بكسر الضلع
لا تيتم فاطمه. لا تيتم فاطمه
........................
فاطمة آنه وعفتني. بويه لجروح الدهر
گومك يغدرون بينه وانت تدري بهالخبر
يعني من هاللحظه أشعر ضلعي يابويه انكسر
علي وحده بلا مناصر. من يرد عنّه الخطر
ترضه وجهي ينصفع. وشعر بكسر الضلع
لا تيتم فاطمه. لا تيتم فاطمه
...........................
ريت ميته ولا اشوفك. تندفن تحت الثره
يا مُحمّد جرحي ينزف. والمحن متكاثره
فاطمة وظلموني بعدك. دمعي بغيابك جره
الدنيا ظلمه وحيل وحشه. نلتقي بالآخره
يمته يمك ننجمع وشعر بكسر الضلع
لا تيتم فاطمه. لا تيتم فاطمه
سيد زيد الفحام
-------------------------------------------------------------------
https://youtu.be/BhbBqnzRNwU?si=Yiny4vVGZAiRnHja
Читать полностью…