13121
السلام على الحسين وعلى علي بن الحسين وعلى أولاد الحسين وعلى أصحاب الحسين عليه السلام قناة لنشر قصائد في رثاء محمد وآل محمد عليهم السلام
استشهاد رسول الله صلى الله عليه وآله
احسد الموت الخذاك
ما اعيش بلا هـواك
ظلمه داري بلا ضواك
بويه بويه. بويه بويه
.............
بويه محتاجه لهواك الينعش الروح
ما يطفّـن نار گلبي دمعـي والنوح
فاطمـه آنه العفتنـي بقلعة جـروح
رحت عني وجرح فگدك باقي ميروح
من عكب ذاك الدلال
يامُحمّد حالي حال
اركض بحلمي وراك
بويه بويه. بويه بويه
.............
ما مصدگه لسّه يابويه بوفاتك
بويه كلسا للصلاه الزم عباتك
گاعده ابمحرابك بساعة صلاتك
انتظر تدخل علية بذكرياتك
يضم وجهـك يا تـراب
ياشمس تجلي السحاب
ريت مدفونه معاك
بويه بويه. بويه بويه
.............
البيت اظلم من بعد وجهك يغالي
يا مُحمّد بويه يا بدر الليالي
بويه كلما انظر المحراب خالي
ينجرح گلبي ووجّهلك سؤالي
يالنمت تحت الرمال
هم ترد لو لا مُحال؟
احسب لساعة لقاك
بويه بويه. بويه بويه
.............
فاطمه آنه الحبيبه دمي دمك
ريت ميته وندفن يابويه يمك
ولا اظل بالدنيا يجرح بية خصمك
ماكو من بعدك الي بس ابن عمك
ضد علي وضدي الصحاب
ردّوا نگلبوا ذئاب
تبعوا فلان الهجاك
بويه بويه. بويه بويه
.............
هجموا عله الدار بويه وعذّبوني
وانه خلف الباب دفعوه طيّحوني
بويه حرگوا بابي بالنار وچووني
بأمر منّ فلان بالسوط اضربوني
عصر احشائي اللعين
من طحت طاح الجنين
ميت وينزف دماك
بويه بويه. بويه بويه
سيد زيد الفحام
__
نعي لمصاب رسول الله محمد صلى الله عليه وآله
غالي الأبو ويكتل رحيله
ولو غاب مايحصل مثيله
يجرح گلب بنته وخليله
راح اللذي همي يزيله
ضليت من بعده عليله
راح المصطفه سيد البريه
راح الكل وكت ينشد عليه
انه ام الحسن بنته الزچيه
يريت بداله تاخذني المنيه
ولاشوف من بعده الاذيه
ودعني ابوي وراح منّي
تراب الگبر اخفاه عنّي
ابچي عله گبره وطال ونّي
ظني انگطع ياناس ظنّي
بعده المصايب هالأجنّي
ابويه المصطفه توسّد. ترابه
راح الچانت عيوني. ترابه
يون گلبي وصحت حگه. ترابه
جرح ما يشفه ينزف للمنيه
#سيد_زيد_الفحام
__'______
#زيارة_الأربعين
جيتك ياحبيبي حسين. مشاي بگلب مجمر
من بابي المشي مشروط. حد بابك يبوالأكبر
مشايه مشايه. مشايه مشايه
............
زاير وخدم الزوار. جيت لحضرتك مشاي
اذكر چبدك العطشان. كلما قدّمولي الماي
امشي ومنشغِل ويّاك. يالعايش نبض ويّاي
ألهج بسمك واقراه وي طول الدرب بشفاي
كلما اقترب منّك. إسرِع مو مشي بهداي
شما اتعب ازيدن شوگ. ليك ولهفتي تكبر
مشايه مشايه. مشايه مشايه
............
اواسي زينب بدمعي. ومشي بدرب ممشاها
من ردّت تنوح عليك. درب الشام اذاها
بگلبي وبالحواس وياي. خطوه بخطوه ألگاها
محدبه امن التعب ويلاه. والأيتام ويّاها
چن اسمع صداها يصيح. تشكي جروح بلواها
گبرك وين يبن امي. تمشي ونوبه تتعثّر
مشايه مشايه. مشايه مشايه
............
اريد اتعب وحس بالضيم. تعب الفاگده الخوان
تعب عالهـزيـله تنـــــوح بين اشماتت العدوان
خاطر انحسـب مشـاي. حيله امن السبي خلصان
زينب عـذّبـوها هـواي. وآنه بلا جرح خجلان
وانت الماشربت الماي. واجب اوصلك عطشان
عابس كون اصيرلّك. وكون بحبك اتوذّر
مشايه مشايه. مشايه مشايه
............
وي طول الدرب تخدم خدامك يبوالعتره
ما تعرف تعب لا خوف للزوار متحضره
اشوفن شايب محزّم. واگف منحني ظهره
ينادي ياهلا بيهم. يحيّي ضيوفك بعبره
وبين اللي فرش بيته. يجونه بكل سنه عشره
خدامك يبوالسجاد. وكت زيارتك تكثر
مشايه مشايه. مشايه مشايه
............
بصحنك نلتقي ونلتم بيوم الأربعينيّه
بين اليبچي ويزورك. بين اليقره لطميّه
بين اليخدم الزوار. يطبخ طبخه يوميّه
ورجال الأمن خدام. تحمي بشيعتك هيه
كلنه بدفترك يحسين. سجّلنه بحِسِن نيّه
مشايه نجي كل عام. عالموعد الك نحضر
مشايه مشايه. مشايه مشايه
سيد زيد الفحام
____________
https://youtu.be/7-bWArr7GJc?si=B8xg9HgES2GGUCqW
يا حبيبي يا حُسين
الرادود قاسم الخادم
الشاعر سيد زيد الفحام
محرم 2023م
https://youtu.be/QFLUhKBgQIk?si=WmIg9JzotVH0TNE9
Читать полностью…
https://youtu.be/xetof9kYUZM?si=ktJYzkv9QpGoouA3
عهد الأربعين
الشبل جعفر الربيعي
الشاعر سيد زيد الفحام
https://youtu.be/xv6HYWKUEMs?si=3lUpMpBmgBJ48fTA
Читать полностью…
زيارة الأربعين
شدينه رايه برايه. كل شيعتك مشايه
يا أبا عبدالله. يا حُسين
................
والله ما همنه التعب. واليجي ليك انحسب
زاير الله بعرشه
كل سنه هذا العهد. مدد يا حيدر مدد
نتّحـد بالممشه
ما نعوفك يالطريقك جنه
ياحُسين وكل زمن نتعنّه
والمواكب عالدرب نصبوها
يلگي بيها الزاير شيتمنّه
وتعنّت الوفايه. كل شيعتك مشايه
يا أبا عبدالله. يا حُسين
..................
سيدي وطول الدرب. بيك مشغول الگلب
يالملكت احساسنه
مشي نوصل للصحن. كربله هيه الوطن
بيها نرفع راسنه
يبدي من البصره ممشه احبابك
حتى لو نوصل زحف يم بابك
يا حُسين وكلشي ما يمنعنه
نلطم ونجري الدمع لمصابك
نواسي العقيله الغايه. كل شيعتك مشايه
يا أبا عبدالله. يا حُسين
..................
مشي نتحدّه الخطر. امن البحر حتى النحر
هذا ممشه الشيعه
اجت من كل الدول. لكربله حبها انتقل
يم ضريحه تذيعه
عالجدم نوصل مشي ونتباها
نواسي زينب جينه نتلگّاها
هيه وطفال وحرم مشايه
بربعين حسين ما ننساها
نكتبها مثل الايه. كل شيعتك مشايه
يا أبا عبدالله. يا حُسين
................
بيامصيبه وياوضع. رجعت تصب الدمع
زينب المظلومه
وصلت لطف كربله. وياها كل العايله
امن السبي مهضومه
بس رقيه ما اجت ذكروها
بالخرابه ماتت ودفنوها
ماتت عله الراس من ٱلامهه
آل أمية بلا ذنب ظلموها
شافت عذاب هوايه. كل شيعتك مشايه
يا أبا عبدالله. يا حُسين
.............
شحال زينب من اجت. تشكي لخوتهه وبچت
يم گبر عباسهه
تگلّه ياخويه الوفي. صدك تقبل انسبي
والجمر بنفاسها
عالگبر ظلت تون مجروحه
بالگلب مو بالنحر مذبوحه
الينشتم والينسبي لعدائه
ما يفيده ونين گلبه ونوحه
دمعتنه تجري لهايه. كل شيعتك مشايه
يا أبا عبدالله. يا حُسين
سيد زيد الفحام
__
واضح معروفك. هيهات انعوفك
المشايه ضيوفك. نوصل ونطوفك
حبك بينه لا ما نتعب
حبك بينه لا ما نتعب
بالاربعينية. موعد شيعتك
بالاربعينية. نوصل حضرتك
هاي الملايين
مشايه يحسين نوصل حضرتك
.......
راية المشاية رفت وعتنينه
سيدي يحسين زوارك اجينه
نواسي زينب باالمشي وكل السبايا
رجعت لگبرك يبوالأكبر حزينه
شوف شبيها ردت زينب
شوف شبيها ردت زينب
ردت يواليهه. من درب السبي
ردت يواليهه. ياروح النبي
دمعتها بالعين
مشايه يحسين نوصل حضرتك
.................
زغار وكبار اعتنتلك تمشي كلها
شيعيتك يحسين ما واحد يذلها
لا نهاب الموت لا نخشه المخاطر
بحبك الشدات من تصعب نحلها
زامط بينه لا ما نرجع
زامط بينه لا ما نرجع
ما توگع الرايه راية ثورتك
ما توگع الرايه احنه بخدمتك
زحف الموالين
مشايه يحسين نوصل حضرتك
.....................
والله دربك سيدي ماصح نظيره
موكب بصف موكب بطول المسيره
بخدمتك اهل المواكب ما يتعبون
لخدمت الزوار بيهم والله غيره
ميعوفوها خدمت دربك
ميعوفوها خدمت دربك
حي الله خدامك. مدّو سفرتك
حي الله خدامك. صانو نعمتك
شما مرّت سنين
مشايه يحسين نوصل حضرتك
...................
الزاير بدربك ملك من بيته حد ليك
شيطلب شيتمنّه يلگه من مواليك
بيا هلا تعزّبله خدامك يصيحون
شنهو رايد منهم يگلوله لبيك
بس مر بينه خل نتبرّك
بس مر بينه خل نتبرّك
قدسية الزاير. من اسمك تره
قدسية الزاير دنيـه وآخـــره
شيعه ومجانين
مشايه يحسين نوصل حضرتك
...................
ما نحس بأي تعب رغم المسافات
ولو وصلنه لكربله ننسه المعانات
من نطب الحضره نصرخ واحسيناه
نلتم بربعينك يمك انبات
ما ننساها آلام الطف
ما ننساها آلام الطف
گلناها للتالي. منعوفك ابــد
گلناها للتالي نبقى عله العهد
هذا العهد دين
مشايه يحسين نوصل حضرتك
سيد زيد الفحام
الامام الحسن المجتبى عليه السلام
خويه ياروح الزجيه
مو سهل فگدك عليه
عذّبك سم المنيه
يا حبيبي. يا حبيبي
.......
آنه اخوك حسين ياهيبة ابونه
وتعطف علينه مثل امنه الحنونه
يالحسن بصواب چبدك عذبونه
ما ابالغ لو گلتلك يتّمونه
بالطشت چبدك نظرته
وظهري بمصابك كسرته
يعينك الله عله الأذيه
يا حبيبي. يا حبيبي
.......
الله يلعن (جَعدَه) بالذل والمهانه
سمّتك ياخويه بچفوف الخيانه
صايم وچبدك تگطّع من مكانه
بالطشت طاح وتوذّر يا رجانه
آنه ودموع اليتامه
نندعيلك بالسلامه
يا شبل حامي الحميه
يا حبيبي. يا حبيبي
.......
خويه دير الألم لية واخذ راحه
كافي تتعذّب يوجه الله وصباحه
ما تفيد دموع عيني والمناحه
وگلبي من جرحك يألمني بجراحه
يالحسن حالك هضمني
والجرح چبدك لچمني
الله يلعن آل اميه
يا حبيبي. يا حبيبي
.......
خويه يحسين آني حالي اهون هواي
لا ذبح لا طعنه بية وانت وياي
باجر يذبحوك ضامي بجانب الماي
بكربله وزينب تشوفك فكّر بهاي
يومك اعظم من مصابي
قطره من بحرك عذابي
تنذبح بالغاضريه
يا حبيبي. يا حبيبي
.......
ارد اودعك ياحُسين واجري دمعي
ريت مثل ظلوعك يدوسون ضلعي
وانتي يازينب اسولفلج اسمعي
من يذبحه الشمر لخيامج ارجعي
للحرگ لمن يجوكم
فرّوا بالبر من عدوكم
اختك واختي سبيه
يا حبيبي. يا حبيبي
سيد زيد الفحام
_______
مسير السبايا الى الشام 2023
يبن امي حسين _ تعلم وين _ ودّونه
طبينه الشام_ والظلّام _ اذّونه
عن حال العلويات
يشهد باب الساعات _ اذّونه
......
يكتل دربنه.
وكلش تعبنه
لكن اشد من هالتعب وگفتنه عالباب
مچتوفه ادينه.
وتنظر علينه
عيون الشماته والعبي متغطيه بتراب
بشمس الظهيره
وحيرتنه حيره
ابوّابة الشام شكثر حجزونه الاجناب
برمح النواصب
راسك يراقب
حال اليتامه والحرم سابيها سلّاب
مشدوهه البال _ عالاطفـال _ مرعوبه
ماخذها الخوف _ وانت تشوف _ مسلوبه
تشكيلك چم مأساة
يشهد باب الساعات _ اذّونه
......
يبچن بناتك
خويه وخواتك
خلّونه نوگف بالشمس محّد رحمنه
لمجلس عدونه
ما دخّلونه
حدما كمل عيد الفرح خويه نهضمنه
المن نعاتب
شفنه المصايب
يتعايدون اسمعهم بمقتل زلمنه
براسك يغالي
سهروا ليالي
دفوف وطبُل وتشمّتوا ياوسفه يمنه
بأمر امن يزيد _ نبقه يريد _ يم بابه
ساعات هواي _ يرضي بهاي _ احبابه
نتحسّر مچتوفات
يشهد باب الساعات _ اذّونه
......
بعينك شفتنه
چم مرّه متنه
اباب الشماته امن النظر والله انخزينه
نجري المدامع
مامن مدافع
بس العليل امن المرض نسمع انينه
وين الهواشم
تحمي الفواطم
مسبيه ليش بلا ولي محّد يجينه
وين الكفلنه
ينظر وضعنه
براس الرمح راسه ارتفع مطفيه عينه
يرضه بهالحال _ بين ارجال _ خلّونه
يقبل عباس _ كل الناس _ شافونه
اتألّمن امن النظرات
يشهد باب الساعات _ اذّونه
......
وبروس اهلنه
لمّن دخلنه
متجمهره الناس بفرح تنظر علينه
بين اليسبنه
وبين اليذمنه
ولاچن بنات المصطفه والله انسبينه
راسك يشوفوه
بحجاره يرموه
من شفنه دم راسك جره لجلك بچينه
ياخويه صحنه
ريت انذبحنه
مثلك ولاشفنه السبي بهاي المدينه
مذبوحه وياك _ ريت هناك _ ياعمري
ولاشوف اعداي _ صعبه هواي _ لو تدري
راووني شگد لوعات
يشهد باب الساعات _ اذّونه
......
وعظم رزيه
ادخل سبيه
لمجلس يزيد بيا وكت يسأل عليه
من مستحاتي
متّ بعباتي
وجهي سترته امن الخجل بچفوف اديه
اتمنّه موتي
ولا يعله صوتي
ويسمعني وسفه الماسمع بحلامه بيه
لمّن تعدّه
مجبوره اردّه
ما اقبل الذل بت علي حامي الحميه
اخضع هيهات _ للشمات _ والظالم
ثوره واصرار _ يبقه الثار _ للقائم
صوتك يصدح مامات
يشهد باب الساعات _ اذّونه
.....
دهري الهضمني
منهم حرمني
لو چانوا ويايه اخوتي ما طب سبيه
لكن زماني
منهم خذاني
للشام اجيت بلا اهل بيد آل اميه
ياخويه صعبه
راسك يضربه
بالخيزرانه عله الثغر يبن الزجيه
بجرحه ومصابه
تالي بخرابه
ماتت على راسك قهر بنتك رقيه
مجروحه عليك _ حلمت بيك _ مشتاگه
ماتت عالراس _ والانفاس _ حرّاگه
وشگد حملت شوغات
يشهد باب الساعات _ اذّونه
سيد زيد الفحام
_'__________________________________
موشح لمصاب رسول الله مُحمّد (صلى الله عليه وآله)
اليوم مات الهادي نور اكوانها
وعمّت بكل الارض احــــزانها
...........
اليوم مات المصطفه طه الأمين
مات بالسم ونفطر گلبه الحنين
سمّموه اهل السقيفة الظالمين
ضد مُحـمّــد سعّـروا نيرانــها
........
الدنيا والاكوان صارت مظلمه
مات طه بحضن حمّاي الحمه
ساعد الله شحال بنته فاطمه
تشوف ابوها يموت محّد عانها
.........
بس علي الكرار يم راس الرسول
يواسي طه بموته ويواسي البتول
والصحابه طلعت بموقف خجول
عافت الهادي ونست عنـوانــــها
.........
عافت الهادي الصحابه وخانته
بالسقيفــــه اجتمعت وماتبعته
ضد وصيته جتمعت وضد عترته
عالخلافه وابعـدو صحبــانــها
.........
بعده مامدفون طه بحفرته
بايعوا واحد ونكروا كلمته
بس، علي يم الرسول بموتته
يا صحابة العارضت قرآنها
.........
وصّه طه المصطفه حيدر يصير
بعده، لكن ما رضو يصبح امير
بايعو غيره وغضب رب القدير
العترة ظلموها شكثر عــدوانـها
..........
ظلّت الزهراء مفجوعه وتون
عاشت بآلامها وجرح الحزن
فاطمه لوالدها كل لحظه تحن
تهدم جبال الارض اشجانها
سيـــد زيــــد الفحــــــــــامـ
________
ميمر // في مصاب رسول الله صلى الله عليه وآله
مات النبي وليش الناس ما حضروا يشيّعونه
بس حيدر وياه للموت غمّضها بيده عيونه
..........
من حقنه نسأل عالجره نريد جواب
ما حضروا التشييع ليش الاصحاب
بدار السقيفه جتمعوا لياأسباب
بس واحد ويالمصطفه داحي الباب
وصّاهم بحيدر ليش ما قبلوا يطيعونه
............
آمرهم المختار ليش اختلفو
عن جيش "اسامه" تخلّفو ما ثبتو
عافو الجيش وللمدينه رجعو
ضد النبي بدار السقيفه جتمعو
كرسي الخلافة يريدوه امر النبي يعصونه
............
گالوا عليه يهجر ورفضوا امره
امر الخلافه ألنه مو للعتره
عالباطل اتّفقوا كبار الزمره
ضد الوصي حامي الحمه والزهره
بايعوا غير الكرار وهوه الوصي يعرفونه
............
مشغول حيدر بالنبي وماعانوه
يتسابقون عله الخلافه وعافوه
يدرون بي هوه الوصي وماتبعوه
امر النبي امر الله لكن رفضوه
والسبب واضح معروف حيدر علي يبغضونه
............
ليش النبي المختار آخر عمره
اصحابه وكت الموت ليش تغدره
بس حيدر الكرار يعرف قدره
من مات چفّن جسمه شاله لگبره
نزّله لگبره اوّاراه بيده ودموع عيونه
.............
هذا التخاذل والغدر تفسيره
ما رادوا الكرار رادوا غيره
حسدوا علي وتجاهلوا تقديره
فضّلوا شر صاحبهم بضد خيره
لا علم عنده ولادين عالمرتضه يفضلونه
سيد زيد الفحام
________
https://youtu.be/EWb8vcnhSLI?si=_PyNAGF2lMzzvRl-
Читать полностью…
https://youtu.be/UFROZCihuHc?si=mPE4P7lgDAElafKs
Читать полностью…
https://youtu.be/gfo9JjOVTAg?si=okAYEE9WGwvTT9g5
Читать полностью…
https://youtu.be/D1RH1aq4i_I?si=faMFIZ-UwVqDTOcL
Читать полностью…
هوسات لأستقبال زوار الامام الحسين عليه السّلام
هلا ومية هلا بزوار ابواليمه
كل زاير يجينه نقدره ونخدمه
ما نسأل عليه من يا بلد اسمه
(( ونگلّه تفضل يعيوني ))
..................................
يزاير بينه مر لا تعبر الموكب
سنه متانين احنه لجيّتك نحسب
كلشي تريد عدنه محضّريه شتحب
((. خلينه نخدمك مر بينه. ))
................................
شرف النه يزاير لو بتت يمنه
بيتك هذا حسبه رتاح حشّمنه
بيك الديره تضوي وهاي وادمنه
((. ملتمّه بجيتك فرحانه. ))
سيد زيد الفحام
_______________________________
قصيده رجوع زينب والسبايا يوم الاربعين
انهض تلگّاني. جيتك باحزاني
يا كفيلي. يا كفيلي
..........
من طحت يم الشريعه ما دريت بحالي
عالهزل زينب سبيه لا خدر لا والي
تدري لو ما تدري خويه ياكفيلي الغالي
امشي عالناگه الهزيله والشمر يبرالي
والدرب اذّاني. جيتك باحزاني
يا كفيلي. يا كفيلي
..........
وينه گبرك يبوفاضل ياگمر دلّيني
جيت ازوه وشكي همي رتّك تواسيني
صدك يا عباس خويه ما اظن ناسيني
ليش تقبل امشي عنك والشمر يسبيني
چم جرح بچاني. جيتك باحزاني
يا كفيلي. يا كفيلي
..........
خويه مشتاگه اجيتك يابوفاضل وينك
جيت انوح عليك خويه ولطم بچفينك
هنا عفت جسمك يخويه دامي ومگطعينك
والچفوف هنانه طاحن والسهم نص عينك
ما نسيتك آني. جيتك باحزاني
يا كفيلي. يا كفيلي
..........
آنه زينب يابوفاضل يا كفيل ظعوني
بت مُحمّد والله وسفه بالحبل چتفوني
راسك ويايه يشاهد حالي من هضموني
بالسهم مطفيه عينك ما تشوف عيوني
ماكو من يرعاني. جيتك باحزاني
يا كفيلي. يا كفيلي
...........
ما دريت شصار بينه يالنمت بترابك
شفنه آلام ومصايب يا گمر بغيابك
ترضه يا عباس ننسب ياكفيل احبابك
عالرمح راسك يغالي ينزف امن صوابك
ابچي دم خلّاني. جيتك باحزاني
يا كفيلي. يا كفيلي
............
هذا ماي النهر يجري ما گطع جريانه
خويه مو عطشانه ماي لشوفتك عطشانه
جيتك امن السبي خويه معذّبه وتعبانه
جيت اخبرك عن عذابي ياگمر لهفانه
من درب عدواني. جيتك باحزاني
يا كفيلي. يا كفيلي
سيد زيد الفحام
_____________________________________________
للأمام الحسن المجتبى عليه السلام
اصيح ودمعي سچاب. يموت اليفگد احباب
حبيبي يالحسن ليش. تگطع چبدك وذاب
...............
اليفگد احباب الگلب يتمنّه موته
لا نياحه تفيده لا ينفع سكوته
شلون لو گلبه انفجع بكبر اخوته
يبقه شبه الميت ومبحوح صوته
بچيت عيون ودموع. عله المسموم ويلوع
اشوفه يعالج الروح. تغيّر لونه ونصاب
......................
من دخلت عله الحسن ياحاله شفته
يجرح بچبده الألم وينوح سكته
لونه متغيّر يويلي وماعرفته
صحت وا ويلاه يبن امي وشبگته
يخويه الصار ويّاك. دخيلك احنا بحماك
يبعد اختك يمظلوم. وحيد بعازت اصحاب
..................
يختي يازينب تره چبدي تگطّع
وين امشي لياكتر گليلي اطلع ؟
والله من كثر الألم مااگدر اهجع
جعده سمّتني وحس جسمي تصدّع
الچنت اعطف عليها عسه انشلّت اديها
سگتني سم عدوّي علية سدّت الباب
..................
يعينك الله عله الألم يبن الزچيه
هذا چبدك بالطشت ينزف بديه
يعني گربت يالحسن ليك المنيه
تغيب عني يالچنت خيمه عليه
يريت ابدالك انموت. وتظل رحمه عله لبيوت
يشمس الدنيا والكون. هضيمه يضمّك تراب
.....................
اقسه من جرحي ومصابي دمعتچ هاي
نشّفي دمعاتچ يزينب صبري ويّاي
باجر تشوفين موقف اصعب هواي
عالرمل مطروح اخوچ ويطلب الماي
عله حسينچ تنوحين. يذبحونه وتشوفين
تدوس بجثّته الخيل ويجيج الشمر سلّاب
.........................
شلون اشوفك بالنعش ميت يغالي
يالچنت مثل البدر تضوي الليالي
يالحسن يالصورتك دوم عله بالي
شلون محرابك اشوفه بعيني خالي
اخذني لگبرك اَرتاح. بعد ما احمل جراح
يضدني دهري غدّار. يويلي شضاملي مصاب
#سيد_زيد_الفحام
_________
گبرك وين حاچيني يعباس
.......
جيت امن السبي بعيال ويتام. گبرك وين حاچيني يعباس
احچيلك عـذابي بطبّت الشام. گبرك وين حاچيني يعباس
مسبيه وحملت جـــروح وآلام گبرك وين حاچيني يعباس
تتفرج علية وتنظر الناس گبرك وين حاچيني يعباس
.............
ميته ولا رحت للشام ياريت گبرك وين حاچيني يعباس
گوم وشوف حالي شلون رديت گبرك وين حاچيني يعباس
من ضيم السبي عباس سلّيت. گبرك وين حاچيني يعباس
من حچيّ الشماته شيّب الراس. گبرك وين حاچيني يعباس
..............
زينب آنه اختك ياضوه العين. گبرك وين حاچيني يعباس
جيتك من عذاب الشام والبين. گبرك وين حاچيني يعباس
بية اصّار وسئلني چنت وين. گبرك وين حاچيني يعباس
كلشي يطيب ألّا جرح الاحساس. گبرك وين حاچيني يعباس
.............
للطف جيت خويه بعد لغياب. گبرك وين حاچيني يعباس
عندي وياك دمعه وشكوه وعتاب. گبرك وين حاچيني يعباس
شلون تعوف زينب بين الاجناب. گبرك وين حاچيني يعباس
جرح الشام ظل يسعر بالانفاس. گبرك وين حاچيني يعباس
.............
طر تراب گبرك ونهض وگوم. گبرك وين حاچيني يعباس
يا عباس جينه امن السبي اليوم گبرك وين حاچيني يعباس
گلبي عليك يسعر حيل ملچوم. گبرك وين حاچيني يعباس
جينه امن الشماته بلايه حراس. گبرك وين حاچيني يعباس
..............
تحت تراب نايم وختك تصيح. گبرك وين حاچيني يعباس
من گد التعب لو عثرت اطيح. گبرك وين حاچيني يعباس
تميل ويالهوى لو هبت الريح. گبرك وين حاچيني يعباس
حزني بأي حزن هيهات ينقاس. گبرك وين حاچيني يعباس
سيد زيد الفحام
___________
ميمر // استشهاد الامام الحسن عليه السلام
الليله الحسن بالسم مات. ذاب وتگطع چبده
........
هذا الحسن سبط الرسول المختار
وارث علي حامي الحمه وحامي الجار
مستودع علوم النبي والاسرار
من وصّفوه بالاوصاف. يشبه مُحمّد جده
.........
يشبه مُحمّد بالخلُق والايمان
لوما الحسن لا دين ظل لا قرآن
ثبّت اساس الدين ذلّ العدوان
مختاره رب الاكوان ثاني الأئمّه بعهده
.........
حارب بني سفيان حدما غدروه
ما صالح العدوان لكن خذلوه
هدنه بشروط الحسن سوه ولاموه
جُهّال ما فهمو ليش. ضايع عليهم قصده
.........
راد الحسن يكشف حقيقة خصمه
لا ذمّه عد حاكمهم ولا رحمه
وهذا الجَرَه اعلن عدائه وظلمه
اتأمّر عليكم صاح. لا للحسن لا ودّه
..........
عاش الحسن مظلوم جهلوا قدره
حاكم بني سفيان صَـدر امره
ضد الحسن ينهون بالسم عمره
نفذت امر الطاغوت. بنت المنافق جعَده
...........
سمّت ابن بنت النبي الملعونه
گطّعت چبده وراح شكله ولونه
اهله واخوته يعالج يشوفونه
ودع هله بحجر حسين. مات الحسن شيردّه
..........
مات الحسن ياناس مهدوم الحيل
بس ما تگطع ما علت صدره الخيل
مو مثل ابوالسجاد دم نحره يسيل
ولا عالرمح راسه انشال. لا ظل مسلّب مُدّه
سيد زيد الفحام
______________________________________________