13121
السلام على الحسين وعلى علي بن الحسين وعلى أولاد الحسين وعلى أصحاب الحسين عليه السلام قناة لنشر قصائد في رثاء محمد وآل محمد عليهم السلام
https://youtu.be/GptSr_AvAwI
قصيدة مظلم البيت
الرادود سيد مصطفى الحسيني
كلمات الشاعر سيد زيد الفحام
فتحة العزاء [ شايلها ابهويتي ]
🏴
الـشاعـر: سيد زيد الفحام
ليالي الفاطمية - ليلة ١ جمادى الآخرة ١٤٤٤ هـ ـ في جامع وحسينية المرحوم عبد مسلم اسد | النجف الاشرف - الكوفة المقدسة
#اللهم_عجل_لوليك_الفرج
💠telegram
/channel/m7bebasim
قصيده للقاسم بن موسى بن جعفر عليهم السلام
العايش حياته بغربه
ما يشفه جرحه بگلبه
يالقاسم وعشت الحال
بالغربه هجرانك طال
ياسيدي. ياسيدي
.....................
ياوارث علوم النقي موسى بن جعفر
غصنك فرع من شجرته بالحكمه اثمر
هيبة مُحمّد هيبتك چن علي الأكبر
يالقاسم ونورك يشع من نور حيدر
عند الله قدرك عالي
وهذا الشرف للتالي
ليش الدهر ضدك مال
بالغربه هجرانك طال
ياسيدي. ياسيدي
.....................
من بني العباس شكثر شفت الاذيّه
ظلموك ليش بياذنب يبن الزجيّه
منّ المدينه اتهجّرت لرض المنيّه
لرض العراق اتوجّهت ذيچ المسيّه
يالقاسم باحزانك
ما عافتك عدوانك
يالشايل هموم ثگال
بالغربه هجرانك طال
ياسيدي. ياسيدي
.....................
اسمك خفيته وماردت تتعذب الناس
مطلوب دمّك سيدي من بني، العباس
تشتغل سَقّه وانت بن چفّينه تنباس
اسم الغريب بكل وكت يجرح بالاحساس
عايش غريب ابدمعك
بس الله يدري بوضعك
لمثلك صعب ما تنگال
بالغربه هجرانك طال
ياسيدي. ياسيدي
.....................
طول العمر مخفي النسب محّد يعرفه
سرّك حچيته من ردت بالموت تغفه
مطروح بفراش الاجل وضعك شوصفه
للشيخ يالقاسم صرت سرّك تكشفه
من گتله آنه القاسم
ياعم وبوي الكاظم
ظل يلطم الشيخ وگال
بالغربه هجرانك طال
ياسيدي. ياسيدي
......................
ياسيدي القاسم متت بالغربه وحدك
لا اهل يمّك سيدي.لا اخوه عندك
شيخ العشيره اللي حفر بالدمعه لحدك
محّد بچه عليك ونعه شابهت جدك
بس بنتك المظلومه
ظلت تون مهضومه
بالغربه نعشك ينشال
بالغربه هجرانك طال
ياسيدي. ياسيدي
.....................
احبابك احنه وشيعتك لا مانعوفك
نوصل ضريحك سيدي دوم ونطوفك
معروف عنك كل وكت تكرم ضيوفك
يالقاسم وطول الزمن عايش نشوفك
باب الحوائج بابك
يالمانسيت احبابك
ما ننسه اسمك عالبال
بالغربه هجرانك طال
ياسيدي. ياسيدي
سيد زيد الفحام
__________
زينب عليها السلام تخاطب امها فاطمة الزهراء عليها السلام
صرنه من بعدج يتامه يُمّه يُمّه
ورسمن بعيني علامه. يُمّه يُمّه
متنج ودم الضلع
حگه گلبي ينفجع. يُمّه يُمّه
......
أمنه يا ام الوفه
والكرم والعاطفه
خيمه چنتي ويلتم بفيّچ شملنه
شوفتج راحه ودوه
عشنه بچفوفج سوه
بحضنج الدافي ربينه البي محنّه
يُمّه يانبض الگلب
فراگج علينه صعب
يُمّه مو بس بيتنه مظلم وطنّه
من وكت رحتي امندينه يُمّه يُمّه
بغيبتج ظلمه المدينه. يُمّه يُمّه
عيوني ذبّلهه الدمع
حگه گلبي ينفجع. يمه يمه
.....
وياج عشنه امن الزغر
احله ايام العمر
انسبّح الله بوجهج ويشرق صبحنه
انتي رحمه من السمه
آية الله العالمه
انظلمتي بيا ذنب بالدنيا صحنه
يُمّه وعيونج تره
البيت اصبح مگبره
رحتي وبجرح اليتم يُمّه انجرحنه
وردة وبأوّل شبابج. يُمّه يُمّه
بيا ذنب سنّو عذابج. يُمّه يُمّه
ليش گلبج ينصدع
حگه گلبي ينفجع. يمه يمه
.....
ما رحم بيج الزمن
فاطمه يم الحسن
عذّبوج الجانوا بمظهرهم اصحاب
هجموا عليج بحقد
ونتي من طبع الورد
تهدم الحيل وتكسرج دفعة الباب
ضلعج وگلبي انكسر
وباقي لليوم الأثر
بياذنب عصروا جنينج يُمّه ونصاب
انشلت ايده الصاب ضلعچ. يُمّه يُمّه
مو دمع دم سال دمعج. يُمّه يُمّه
ليش بابج يندفع
حگه گلبي ينفجع. يمه يمه
.....
زينب آنه بلايه أم
يتم وجروح وهضُم
ليش عفتيني بعذابي ودمعة العين
خالي محرابج اصد
صدك عنج ابتعد
فاطمه يُمّه الحنينه رحتي لا وين
عفتي زينب للحزن
ابچي يم بابج وون
الحسن ساعه يواسي گلبي وساعه الحسين
ميته ياريت بمصابج. يُمّه يُمّه
وندفن ريت بترابج. يُمّه يُمّه
ولا اعيش بهالوضع
حگه گلبي ينفجع. يمه يمه
.....
يُمّه ما يسوه العمر
بعدج ولامن صبر
ينفع ويرتاح گلبي من ونينه
الله لا ينطي الكسر
ضلعج وشفتي القهر
لحد آخر ساعه من عمرج حزينه
رحتي للباري العلي
وشالج لگبرج علي
محني ظهره امن الحزن الله يعينه
انتي روحه وذكرياته. يُمّه يُمّه
يدفن بگبرج حياته. يُمّه يُمّه
ضل نحيبه ينسمع
حگه گلبي ينفجع. يمه يمه
سيد زيد الفحام
______________________________________
ام ابيها فاطمة الزهراء عليها السلام
من منبر مُحمّد نرفع الصوت
احنه ويالزجية نعيش ونموت
.......
عدوان الزجية خل يسمعونه
عن هاي المجالس ما يبعدونه
كل شيعي وموالي الزهره بعيونه
مبخوت التمسّك بيها مبخوت
احنه ويالزجية نعيش ونموت
.......
نبقه على العهد هيهات نتغيّر
منعوف الزجية لگطعت المنحر
صرخة وتعتلي من دكة المنبر
ما نخشه الظلم ما نخشه طاغوت
احنه ويالزجية نعيش ونموت
.......
تربّينه ابمجالس فاطمه أمنه
وعرفنه اللي يحبنه واليخاصمنه
ما نترك الزهره ولا مآتمنه
صوت الرافضه ما يبقه مكبوت
احنه ويالزجية نعيش ونموت
........
نثأر للزجية ونلعن القاتل
ياهو اليسوه منهم خاطر انجامل
واحدهم ذنبهم للعرش، واصل
ياهو المنهم بنار الله ميفوت
احنه ويالزجية نعيش ونموت
........
الهجموا بالحطب والنار وجّوها
دفعوا فاطمه وبالباب عصروها
كسروا ضلع منها وحيل اذّوها
نلعنهم عَلَن ما يكفي بسكوت
احنه ويالزجية نعيش ونموت
........
خدام الزجية وحاشه ننساها
منجامل عدوها التبچي خلّاها
جريمة مقتل الزهره كشفناها
الثاني القاتل البالقسوه منعوت
احنه ويالزجية نعيش ونموت
........
ميهمنه الأسم گلناها الف مرّه
احنه امن اليعادي الزهره نتبرّه
شلون عله الزجية الجاني يتجرّه
يحرگ بيتها من دون الابيوت
احنه ويالزجية نعيش ونموت
سيد زيد الفحام
______________________________________________
مولاتي فاطمة الزهراء
عكب عيونك. تعمه عيوني
كسروا ضلغي ما رحموني
شسوّو بيه ما تدري
بعدك ما ردت عمري
ما رحموني
..............
مُحمّد يارسول الله وابو العتره
أنه الاية العظيمه وبنتك الزهره
اخبرك عالجرالي واسچب العبره
ضلع مكسور بويه وعالوجه سطره
ناس التحقد عالوا بيه
دفعوا بابي. بويه عليه
آه وصوّبو صدري
بعدك ما ردت عمري
ما رحموني
..............
يريتك بويه حاضر من اجو ليه
فلان وربعه كلهم هجموا عليه
خلف الباب انحب من دروا بيه
عصروني وطحت مصيوبه مچويه
شفت المحسن. طاح مدمّه
روحي وگلبي. طاحن يمّه
محنيّه انكسر ظهري
بعدك ما ردت عمري
ما رحموني
..............
خذوا حيدر علي مچتوف من يمي
وراهم بويه اركض وعثر بجدمي
صحت يهل السقيفه خلّو ابن عمي
لا ادعي عليكم وصرخ بدمي
اخذو حيدر نكرو حكمه
لوما اطلع سفكو دمه
جارت دنيتي ودهري
بعدك ما ردت عمري
ما رحموني
..............
مُحمّد بويه ريت اتغطّه بترابك
بنتك فاطمه ظلموها بغيابك
اثر كسر الضلع ظل ينزف ابابك
بعدك ما دريت اشسوّوا اصحابك
ادعي الباري. ياخذ روحي
بويه شينفع. دمعي ونوحي
ابچي ومانفع صبري
بعدك ما ردت عمري
ما رحموني
..............
بقيت ابچي بغيابك ما غفت عيني
دعيت الله اموت ويختم سنيني
كسر ظلعي جرحني وظل يأذّيني
ونار فراگك بكل لحظه تچويني
بويه الهادي. تسمع صوتي
ما مرتاحه. الراحه بموتي
افضل اختفي بگبري
بعدك ما ردت عمري
ما رحموني
سيد زيد الفحام
______________________________________
https://youtu.be/CEC5FTprGfY
سعيد بن جبير رضوان الله تعالى عليه
وجودك يا سعيد
الرادود عمار الكناني
الشاعر سيد زيد الفحام
مصاب الامام مُحمّد الجواد عليه السلام
يالطايح بطولك جرح
مسموم ياوجه الصبح
وتلث ليالي عله السطح محّد يشيلك
.............
شباب بياذنب سمّوك. يوارث طه دين ودَم
عليك بگــد مجـرّاته صلّه الخالق وسلّم
وريث المصطفى الهادي امام بكل علم تعلم
حياتك يالجواد جروح عشت نور ومتت بالسم
الله اصطفاك امن الصِبَه
برتبـة امــام المرتَبَـه
ونطاك اعظم مَنّـقَـبَــه. أل كل تجيلك
...............
شباب بأوّل سنينك نصرت بعلمك الإسلام
تحدّيت اليبغضونك. نصوا وانت عليت الهام
عمالق بالفكر والدين. يم علمك صفوا اقزام
مُحمّد اسمك وجدك مُحمّد مصدر الاحكام
وارث صفات المصطفى
بحر الكرم والمعرفه
نورك يشعّ وماطفه. واضح سبيلك
..................
اضحت كل وكت مولاي تتهافت عليك الناس
هذا الغاض عـدوانك تعرفهم بني العباس
عليك المعتصم ناصب عداوه امن الجدم للراس
سمّم چبدك الظالم لأن بيك النبي ينقاس
يالعمرك بعمر الورد
سمّوك اصحاب الحقد
بديار غربه مبتعد. من يعتنيلك
..................
مثل جدك ابواليمه ضامي وبالچبد مجروح
ثلاثه بلا دفن مولاي. بقيت عله السطح مطروح
غريب بلا اهل لا ناس بچه عليك العرش واللوح
لا طارش سمـع منك وصيّة وللمدينه يروح
لهلك يوصللهم خبر
عن حالك اليدمي النظر
مسموم وتگطع وذر ينزف دليلك
...............
صحيح بلا دفن ظليت ضامي وگلبك تفسّر
لكن ما گطــع راسك شمر من مگفت المنحر
ولا بخيول اميه انداس. صدرك مثل ابوالأكبر
مصابك يالجواد يهون. لمصاب حسين يتحسّر
گلبك يبوالهادي انفجع
بمصاب جدك ما هجع
براس الرمح راسه ارتفع. تبچيله ليلك
...............
شهيداّ من متت مولاي ما مرّ السبي ابّالك
عيالك بالمدينه هناك. ما راحن سبي عيالك
شحالك لو شفت زينب تطلع للسبي اگبالك
يسكّتها الشمر بالسوط. من تتصارخ اطفالك
هاي المصايب اذّتك
اكثر وشد من چبدتك
تبچي عله حالة عمّتك. مهدوم حيلك
سيد زيد الفحام
_________________________________________
ميمر // ام البنين باب الحوائج الى الله جله جلاله
شما صعبت الحاجه عليك عد فاطمه تلگاها
اقـره الحمـد والتوحيـــد لَمّ الگمر ونخاها
.............
أم البنين امجربه بكل شده
كلمن گصدها بحاجه حاشه ترده
بحسين لو حلّفها تحضر عنده
عن گلبه تجلي النايبه وتسعده
باب الفرج للمهموم رب العرش خلّاها
...............
اذكر حسين بدمعتك يوميه
الهه اتّجه وهديلهه اللطميه
من تبچي عالمذبوح والمسبيه
احسب يخادم حاجتك مگضيه
ابمجلسها ابچي عله حسين وبدمعك اترجّاها
................
امّ البنين الضحّت اربع اقمار
عوّضها ربنه وخلّه عدها الاسرار
اخذت كرامه امن النبي وحامي الجار
انخاها وطلب حاجتك لا تحتار
قصة بِشر ناعي حسين. تواسيها من تقراها
..................
لو ما گدرت لمرقد الحره تروح
للغاضريه اتعنّه يم المذبوح
طوف بضريح حسين وذكرها ونوح
تفرج عليك الشده والهم يروح
عنها بنيابه امن تزور تتوفق بطرواها
...................
سلّم عليها بدمعك ودنگ الراس
گللهه يامولاتي هزني الاحساس
عنچ نيابه راح ازور العباس
تسمع كلامك حتى لو بالانفاس
تتشكّرك وتجازيك يوم الحشر بحماها
....................
زورلهه تلّ الزينبي ولا تنساه
موضع قدم زينب الوگفت فوگاه
امّ البنين شگد تمنّت تلگاه
مثل العقيله تشوف ابنها وتنعاه
تتمنّه وي زينب كون للسبي تروح وياها
#سيد_زيد_الفحام
_________
مولاتي فاطمة الزهراء عليها السلام
كلشي يهون. بس كونك سالم ياحيدر
كلشي يهون. ارفـع راسك لا تتأثر
معذور بجرحي وكسري
متوصي بصبرك ادري
.....
منو المايدري بيك بساحة الميدان
من تلبس قبائك ترجف الفرسان
بوكت چان بعبايه مغطي وجهه فلان
چنت انت الوحيد التهزم العدوان
زلمه الحيد كون بيوم الخندق زلمه
زلمه الحيد. يقتل عَمرو ويسفك دمه
افديك بروحي وعمري
متوصي بصبرك ادري
.......
وكت خلّه الجبان يهدد بقتلك
يحرگ بابك ويتمرجل عله اهلك
قسم لوما الوصية امن النبي خِلّك
ما واحد تدنّه ولاوصل ظلّك
عرفوا بيك. ما ترفع سيف ولا رايه
عرفوا بيك. متوصي وخدمتهم هايه
فوضت لربك امري
متوصي بصبرك ادري
.......
يحيدر لا يهمّك ضلعي وصوابه
المهم دين الله يبقه بحكمه وكتابه
والهجموا علية وصاروا ذيابه
يحاسبهم مُحمّد باجر ابابه
وسط النار. يرمون الأول والثاني
وسط النار. كل واحد ظالم أذّاني
مصيوبه وينزف صدري
متوصي بصبرك ادري
.......
عله هونك ياعلي لا تحرگ بروحك
دمعك لا يهل لا تلچم جروحك
ما ريد استمع ونّك ولا نوحك
كسر ضلعي يهون ولا اذه يلوحك
يا كرار نظرات الشامت ما ترحم
يا كرار. امشي بزودك لا تتألّم
ليّهمّك دمي اليجري
متوصي بصبرك ادري
.......
الكسر ضلعي وعصرني ومارحم وضعي
عليــه صبح ومسيه وكل وكت ادعي
سبب موتي ومصابي ولوعتي ودمعي
فلان الناصبي الضدّ النبي يسعي
لا والله. ما ارضه عليهم ظلموني
لا والله. ما رحمو حالي واذّوني
ضحّيت لخاطر ستري
متوصي بصبرك ادري
..........
أنه الزهره الزجية وسر خفي عندي
ألهـي الياخذ بثاري بأعـزّ ولدي
شما طال الزمن لابد يجي المهدي
ياخذ ثاري بيده امن الوگف ضدي
لا ميروح. ثار ضلوعي وثار المحسن
لا ميروح. بيد المهـدي ولابــد يعلن
من يظهر يبرد جمري
متوصي بصبرك ادري
..........
اذا گربت وفاتي وغمضت عيوني
بضلام الليل ياحيدر تشيّعوني
وبعد اهل السقيفه لا يتبعوني
بعد لسّه الأثر بجفوني ومتوني
بالتشييع. ما ريد الظالم يحضرني
بالتشييع. ياحيدر اكثـر يقهـرني
ادفنّي وضيّع گبري
متوصي بصبرك ادري
سيد زيد الفحام
_______________________________________________
فتحة العزاء [ من منبر محمد ]
🏴
الـشاعـر: سيد زيد الفحام
ليالي الفاطمية - ليلة 17 جمادى الاولى 1444 هـ ـ في جامع الحاج علي باش | بغداد
#اللهم_عجل_لوليك_الفرج
💠telegram
/channel/m7bebasim
نزله لمصاب فاطمة الزهراء عليها السلام
يافاطمه يازهرة سنيني
مو بالگبر ضميتج بعيني
.........
مو هيّن فراگج ابد يالچنتي عافيتي
اضلم بقه يم الحسن ما ينسكن بيتي
حتى الهوى بعدج تره ضاع وخنك ريتي
وياج اموت واندفن يافاطمه امنيتي
عشرة عُمُر ما بينج وبيني
مو بالگبر ضميتج بعيني
.........
بعدج علي يافاطمه ما ينوصف حاله
سلني الحزن يافاطمه والفرگه چتّاله
حيدر أنه گلبي انجرح والدمعه همّاله
والي اليتامه منفجع يتّمتي اطفاله
بعدج صحت ياهو اليواسيني
مو بالگبر ضميتج بعيني
.........
بعيوني بانيلج گبر وتحرسج جفوني
اوصافج الماتنّسي مرسومه بعيوني
ابچي لمصيبة فاطمه كلما يسألوني
عفتيني ليش وروحتج ما تحله من دوني
يافاطمه وهجرج يأذّيني
مو بالگبر ضميتج بعيني
.........
چنّچ نسيتي فاطمه آنه الوصي حيدر
يوميّه يم گبرچ اجي ابچي وأون وسهر
لمن يجي ابالي الضلع انحب بعد اكثر
دمعاتي توگع عالگبر وضلوعي تتفطّر
معذور لو جرحچ يبچّيني
مو بالگبر ضميتج بعيني
.........
لوما الوصية فاطمه محّد وصل بابج
اگطع يمينه ورگبته يافاطمه الصابج
لكن وصية امن النبي اصبر عله صوابج
ثارج يردّه المنتظر يالنمتي بترابج
ما انسه آني وحاشه تنسيني
مو بالگبر ضميتج بعيني
.........
يم گبرچ آنه المرتضى واولادج ويايه
حسين وحسن يافاطمه وزينب اجت هايه
مفجوعه من ضيم اليتم بالدمعه شچّايه
طاحوا على گبرچ سوه ونهضموا هوايه
بعيوني ولِدچ لا توصّيني.
مو بالگبر ضميتج بعيني
.........
زينب زغيره عله الحزن ياويلي فجعوها
لكن اشد وصعب بعد بالطف يأذّوها
اخوتها يمها تنذبح وسفه ويسلبوها
مجتوفه زينب عالهزل ياوسفه يسبوها
عالناگه مجتوفه وتناديني
مو بالگبر ضميتج بعيني
سيد زيد الفحام
___________________________________
مصاب فاطمة الزهراء عليها السلام
يالراجع بلا روحك ومحني الظهر بجروحك
وين ادفنت روحك وين. ام الحسن وام حسين
خاف الگبر ياذيها
...........
ثگل المصيبه الصابتك يابويه هدّت حيلك
بيدك دفنت الغالية ونّطفت نجمت ليلك
محتاره ابچي لفاطمه يابويه لو ابچيلك
فگد امي جرّح مهجتي من ياجرح ابديلك
بكسر الضلع بچّوها من دنيتك اخفوها
تحصل بعد منها منين. ام الحسن وام حسين
خاف الگبر ياذيها
.................
بويه شكبر صبرك علي لمن دفنت الزهره
من وسّدتها بالگبر بآخر وداع ونظره
يابويه وتراب اللحد شاغلني كلش امره
كل خوفي بس لا ينلچم ظلع الزجية وكسره
جرح الضلع ألمها. تراب الگبر يلچمها
مجروحه من غدر البين. ام الحسن وام حسين
خاف الگبر ياذيها
...............
ردّيت للبيت وردت. تسقبلك ام البيت
ماهيه راحت فاطمه وحدك يحيدر ظليت
يم بابها اسمع بچي. شفتك يبويه وناديت
مو هينة فرگة فاطمه مالومك شما ونّيت
بچفوفك مشيّعها وبدموعك مودعها
لا جرح بيها وجرحين. ام الحسن وام حسين
خاف الگبر ياذيها
...........
اشتاگ لمي بكل وكت يابويه ما انساها
اغفه عله اديها وانسعد. عشت بدلال وياها
امي الحنينه فاطمه مثل امي وين الگاها
انشلّت يمين اللي كسر. ظلع امي والاذّاها
ما تنوصف طِيبتها. والدنيه ما رحمتها
الربّتنه ضحّت للدين. ام الحسن وام حسين
خاف الگبر ياذيها
..............
يازينب يگلها علي بيدي ادفنت غاليتي
يبنيتي راحت فاطمه وبعيوني مظلم بيتي
عافيتي چانت وختفت تحت الترب عافيتي
من مرّت ايدي عله الضلع كسر الضلع شل ريتي
وشفت بوجهه السطره وعين الزجية الحمره
تذكرها ادري بكل حين. ام الحسن وام حسين
خاف الگبر ياذيها
.................
لو عيني شافت بس ضلع من امچ يكسرونه
بالطف تشوفين الأشد دلّالچ يفجعونه
حسين الغريب بكربله گدامچ يذبحونه
بخيل اعوجيه عله الثره يازينب يسحگونه
ضلوعه العده يرضّوهن عشرتهن يكسروهن
جرحك يضل بيني وبين. ام الحسن وام حسين
خاف الگبر ياذيها
سيد زيد الفحام
____________________________________
نزله / لمصاب مولاتي فاطمة الزهراء عليها السلام
لا فتى إلا علي
لا ولي إلا علي
ما نبايعكم
ما نبايعكم
....................
فاطمة آنه الشريفة بت مُحمّد عالعهد
ما نذل يهل السقيفه ما نبايعـــكم ابــد
بس علي يبقه الخليفه بالذكِر والمعتقد
الله راده وما نخالف ( قل هوَ اللهُ احد)
حجه من رب السمه
بس علي حامي الحمه
ضد منافعكم
ما نبايعكم
.....................
ما يبايع عـلي هوه. من بعد طه امام
بس اله تلوگ القياده اول واخر كلام
احنه ماضيكم نعرفه ما نبايع للحرام
علي من مد ايده مُكره خاطر يعم السلام
بالوصية ملتزم
خذلته شباه الزلم
السلطه دافعكم
ما نبايعكم
.....................
يالظلمتونه نگلكم نخضعلكم مستحيل
شما تأذونه بحقدكم نبقة عالحق ما نميل
عترة الهادي مُحمّد احنه ما النه مثيل
اليعادينه ويضدنه يخسر ويصبح ذليل
باطل المايمتثل
للوصي وحتماً يذل
وي مطامعكم
ما نبايعكم
.....................
حتى لو ضلعي كسرته حتى لو ابني وگع
ما اطخ يفلان راسي وما يغيّرني الوجع
فاطمه ابقه بولائي. للأميـر الما خضع
علي بس هوه امامي وما يهمني المجتمع
بياذنب ضلعي انكسر
وانه بت سيد البشر
ما اسامحكم
ما نبايعكم
......................
سمعوا يالثاني والاول يا اصل كل الفتن
غاضبه عليكم دعائي لحدما لفني الچفَن
آنه ما راضية عنكم لاخر ايام الزمن
كل مصايبنه بسببكم. المضن اصل اليجَن
الله يلعنكم صحت
من أذيّتكم متت
هذ واقعكم
ما نبايعكم
.....................
باجر المهدي يجيكم ياخذ بثار الضلع
ضلعي وعيوني يطيبن افرح وانسه الدمع
يبني مرقد گبري بيده للسمه السبعه يشع
يأذّن المهدي وسمعه بسم حيدر يرتفع
غصباً اعله هل الظلم
يرجع لأهله الحكُم
من يحاكمكم
ما نبايعكم
سيد زيد الفحام
_____________________________________
#موشح للأمام مُحمّد الجواد عليه السلام
ياوريث المصطفى وحامي الحمه
ناحت عليك وبچت ارض وسمه
............
ناحت عليك السمه ولبست سواد
والارض لمصيبتك علنت حداد
شيعتك تبچي عله فگدك يالجواد
ودور هاشم والمدينه مظلمه
...........
تاسع اهل البيت ياشبل الرضا
اختارك الله للعلم والموعضه
بأول سنينك حزن عمرك گضه
سمّتك ليش، الأيادي الآثمه
............
الله رادك عالبشر حجه وامام
يالصرت منهاج للحب والسلام
يعجز بوصفك يبوالهادي الكلام
يالچنت عالناس خير ومرحمَه
............
من بني العباس عانيت شكثُر
يالجواد وقـابلـتـــهـم بالصبُر
المعتصم قدم الك سمّ الغدُر
ونّتشر سمّ اللعين ويالدمَه
.............
يالمتت مسموم ضامي ومنجرح
بلا دفن ظليت ميّت عالسطح
انت واسيت الامام المنذبح
يالجواد ومثله اذّاك الضمه
...............
شيّعوك ومابقيت عله الثره
مو مثل جدك الگطعوا منحره
ظلوع جدك بالخيول مكسّرَه
ويلي وعظامه الشريفه امهشّمَه
#سيد_زيد_الفحام
___________________________________
https://youtu.be/iLbOa3AEgz0
اول عشك
الرادود علي الخزعلي
كلمات سيد زيد الفحام