13121
السلام على الحسين وعلى علي بن الحسين وعلى أولاد الحسين وعلى أصحاب الحسين عليه السلام قناة لنشر قصائد في رثاء محمد وآل محمد عليهم السلام
https://youtu.be/eyWKI5T-MsI
ياوردتي
الرادود مرتضى حرب
كلمات سيد زيد الفحام
زينب عليها السلام تودع امير المؤمنين عليه السلام
اجت زينب لبوها وشافت الطبره
تحچي وياه وخنگت زينب العبره
....
حچت وياه بس ما سمعت جوابه
مغشي عليه غاب بشدّت صوابه
اصفر لون وجهه بلون الاعصابه
الليله يموت عنهم والد العتره
......
فتح بعيون زينب عينه والدها
آخر ساعه ويّاها ويشاهدها
غير الدمعه والآهات ما عدها
يگلها وداعة الله بطارف النظره
.......
زينب تبچي يمه ولزمت چفوفه
سلّم للمنيه بعينها اتشوفه
صاحت ياعلي بدموع مذروفه
لا ترحل يبويه بداعة الزهره
.......
غمّض عينه عنها وطلعت انفاسه
ما طاب الجرح ظل ينزف براسه
ودع زينب وزينب اعز ناسه
ظلت تنحب وتتحسّر بكتره
..........
صاحت صوت بويه ويانظر عيني
اخذني وياك چا المن تخليني
سنين بلا علي ما ريدها سنيني
التعيش بلا ابوها تعيش منكسره
.........
شبگت جسم ابوها العافهه بونها
راح الچان ينشد كل وكت عنها
اذّنها المصايب حيل اذّنها
باست چف ابوها وشمّته بصدره
سيد زيد الفحام
_________________________________
نزله للإمام علي امير المؤمنين عليه السلام
حُصنُنا المنيع. ولايةِ المولى علي
............
احنه وقّعنه العهد / شيعه نبقى للابد / بس علي والينه
بالولايـة نلتــــــزم / احنه عالمبدأ زلم / كلشي ما يثنينه
مانبـايع بس عـلي اليستـــاهل
هوه حق وهل السقيفه الباطل
بكلشـي حيـدر اول ومتكــامل
ما يهمنه الناصبي والجـــــاهل
رحمةُ السميع ولايةِ المولى علي
............
حب علي حامي الحمه / يسري وي مجره الدمه / مستحيل انعوفه
غصبــــاً عله المــــارضه / وصي طه المـرتضـى / كل زمان انشوفه
للخلافه ما يصح بس حيدر
هـذا موقفنـه ولا يتغيّـــــــر
ما نعــوفـه حتّـى لو نتــوذّر
فـدوه للكــرار گطـع المنحــر
جنّةُ الجميع ولايةِ المولى علي
............
خل يموت الناصبي / علي من بعد النبي./ ما نبايع غيره
صرخة الحق تعتلي / لا فتى إلّا عـــــــلي / ورتفع تقديره
عـلي نقمه عالشرك والمشركين
ذولفقــاره حَـز رقــاب الظالمين
عـلي عالأيتــام كالـوالـــد حنين
بيته بيت الفقره يأوي الخائفين
زهوةُ الربيع. ولايةِ المولى علي
............
حُب علي نور وأمِن / لا مخاوف لا حزن / للمشه بمنهاجه
بالممــات وبالقبـر / عالصراط وبالحشر / كل بشر يحتاجه
علي والهادي النبي خط واحد
افتهــم ياناصبـي يا حـاقــــــد
المايحب حيدر يكتبوه جاحد
لو الف عـام بصلاته سـاجــــد
سوفَ لا نضيع ولايةِ المولى علي
............
عن درايه وعن علِم / عن عقيده وعن فهِم / اتّبعنه افكاره
ما يغيّــــــرنه الزمن / حد ظهور ابن الحسن / احنه دوم انصاره
بالمجـالس هـاي نعـــلن ثوره
والله لو نتگطّــــــــع ونـتـذرّه
مـن عـلي هيـهـــــات ما نتبرّه
اي وحگ ضلع الزجيه وكسره
مَنزلٌ رفيع. ولايةِ المولى علي
سيد زيد الفحام
_____________________________________
استشهاد امير المؤمنين علي عليه السلام
جابـوا التابــوت ميّـت ياعــلي ما مصدگه
بويه اصيح ومادرت عينك الي. ما مصدگه
وزنك جبال
بنعش تنشال ما مصدگه ما مصدگه
.................
الله خَلّه بچف يمينك كلشي مرهون
تحـي امــوات وتغـيّــر كلشي بالكون
شلون اصدگ الموت ياخذ روحك شلون
وانت رزق الناس بچفوفك يعيشون
إلّا ذا انـت رضيـت بهالرحيـــــل ما نلومك
لفاطمه شتاگيت ياحامي الدخيل. ما نلومك
حايـــر البـال
بنعش تنشال ما مصدگه ما مصدگه
.................
يا ابو الايتـام يا كهـف المساكيـــــن
مو سهل فگدك يبويه وتغمض العين
بويه بغيابك بعد يحصل علي منين
ألمـن تـروح اليتـــامه وتتجّـه ويـن
ابابك الايتــام ياحيدر تنوح. يا وليهه
افتح عليهم عيونك لا تروح. يا وليهه
واقــع الحال
بنعش تنشال ما مصدگه ما مصدگه
.................
للگبـر شالــوك شالــوا روحـي ويّـاك
نعشك بچتف الحسن وحسين ينعاك
وآنه صيحـن ياعـلي يتّمني فـرگــاك
ناحت عليك اليتامه وفرحـت عـداك
تنـدفـن بتــــراب ما معقـوله هاي. يا ابونه
ظلمه صارت ياعلي داري وسماي. يا ابونه
والدمع سـال
بنعش تنشال ما مصدگه ما مصدگه
.................
بويه جانه العيد ريته لا يجينه
لا يـدگّ ابوابنه بعــدك حـزينـه
چنت كل مصباح عيد تهل علينه
رحـت لتـراب الگبر وتيتّمينه
غابت البسمه بغيابك يا امير من عفتنه
زغيرنه تيتّم يحيدر والچبير. من عفتنه
يا بشــر گـال.
بنعش تنشال ما مصدگه ما مصدگه
.................
آنه زينب ليش چا زينب عفتـها
دنيا بغيــــابـك يحيـدر ما ردتـها
ظلمه بعيوني عكب عينك شفتها
ليش روحي وياك بويه ما خذتها
شلون اعيش بدار ما بيها ضواك. افجعتنه
ريت ميته وماعشت لحظه وراك. افجعتنه
جروحك ثگال
بنعش تنشــال ما مصدگه ما مصدگه
.................
چنت تتمنّه الشهاده بكل مسيّة
نلت ما تتمنّه ياحامي الحميّة
استشهدت دفنوك بتراب الوطيّة
روحك الليله ألتقت روح الزچيّة
بويه عالمختار والزهره البتول سلّمنّه
خاف عنكم غيبتي اكثر تطول سلّمنّه
والحمل مال
بنعش تنشال ما مصدگه ما مصدگه
سيد زيد الفحام
___________________________________________
نزله لوفاة مؤمن قريش ابو طالب رضوات الله عليه
حبيب الله وامينه كفل طه نبينه
ابو طالب ابو طالب
.................
هذا ابوطالب عظيمه اخباره
هاشمي وسيّد قريش بداره
عجزت العدوان تمحي آثاره
كافل المختار الله اختاره
عله اعناد اليضده رسول الله يوده
ابو طالب ابو طالب
.................
فخر يكفي ربّه طه ابيته
بالسمه وبالارض شايع صيته
بگلبه مؤمن بالنبي وبنِيته
من كفل طه وكفل تربيته
منو الشايل صفاته كفل طه بحياته
ابو طالب ابو طالب
.................
خل يموت الگال مشرك عنّه
ما يعرفه الگال خايب ظنّه
والرسول الله تشكّر منّه
يعني لاشك مؤمن وبالجنّه
ابو الشيبه الكريمه. ابو النيّة السليمه
ابو طالب ابو طالب
.................
نعرف اسباب اللذي يبغضونه
لأن والد حيدره يذمّونه
بعلي زلّه ما لگوا يرمونه
راحوا لوالد علي يكفرونه
عله اعناد النواصب. رسالي ابو طالب
ابو طالب ابو طالب
.................
كافر يگولون ما اجفاهم
لأن ما طخّلهم وذلّاهم
ساند المصطفى وتحدّاهم
رادو يأذونه ما خلّاهم
حمه الهادي مُحَمَّد ولا لحظه تردّد
ابو طالب ابو طالب
.................
ترحّم عليه من رحل هادينه
مات مؤمن بالنبي وبدينه
والدلائل واضحه وتكفينه
بيده ابوالزهراء غمّض عينه
رسول الله بوفاته رفع نعشه بعباته
ابو طالب ابو طالب
سيد زيد الفحام
________________________________
https://www.facebook.com/الصفحة-الرسميه-للشاعر-سيد-زيد-الفحام-103580675182680
السلام عليكم اخواني الاعزاء خدام الحسين عليه السلام يرجى منكم متابعة هذا البيج (( الصفحة الرسمية للشاعر سيد زيد الفحام )) على الفيس ومشاركته قدر المستطاع ولكم الأجر والثواب
خادمكم الأقل سيد زيد الفحام
استشهاد الامام جعفر الصادق عليه السلام
دمعتك صبح ومسيه
عالعقيله الهاشميه
عمتك زينب
عمتك زينب
عالهزل راحت سبيه
..........
سيدي ياجعفر الصادق اجينه
شيعه حملتنه الخواطر للمدينه
نسأل عليك بمشاعرنه الحزينه
وانت من سابع سمه عينك علينه
نسأل بهاي الزياره
ياجرح اكثر مراره
راسك الشيّب
راسك الشيّب
سيدي من يا رزيه
................
يالچنت تنصب عزاء وتجري لدموع
ياجرح اكثر يألمك تبچي وتلوع
سبي زينب عمّتك لو كسر الاضلوع
ياجرح خلّاك حدما متت مفجوع
والله ياشيخ الهواشم
خلّصت عمرك مآتم
منفجع تنحب
منفجع تنحب
بيها تلعن آل اميه
.....................
جعفر الصادق جوابي يالتسئلون
لعمّتي زينب تسيل وتجري لعيون
والله لو احچي الاعرفه ما تحملون
شيعتي من گد بواچيكم تموتون
رئفةً بيكم خفينه
واقع الصاير علينه
والحصل اصعب
والحصل اصعب
شيّبتنه الغاضريه
.....................
مو صعب سم الجرعته اهون هواي
لكن الاصعب مصاب الماشرب ماي
ظل ثلث تيام مرمي بعازت افياي
شافته بهالحاله زينب فگدت الراي
لا تلوموني بنياحي
لعمّتي اكثر جراحي
عالهزل تركب
عالهزل تركب
مخدرة حامي الحميه
....................
الليله مجلسنه بمصابك خل نواسيك
نبچي يالصادق اجينه وننحب عليك
چبدك تگطّع وذر والسم فتك بيك
لعنة الله عله اليبغضك واليأذّيك
شكراً لدمعة وفاكم
ذكروا عمّتنه بعزاكم
نفذو هالمطلب
نفذو هالمطلب
والمجالس جعفريه
........................
آني صح مسموم چبدي وگبري مهدوم
بس اريد عله العقيله النايحه اليوم
بساعة الحرگوا خيمها اطيح وتگوم
وعالنهر عباس طاح الراس مهشوم
من عكب كافل خدرها
للسبي اصبح امرها
وسفه تتسلّب
وسفه تتسلّب
بضعة الزهره الزچية
#سيد_زيد_الفحام
___________________________________
البقيع قضيتنا
السلام على أئمة البقيع روحي لهم الفداء
توسّلنه ودعينه
متى الغايب يجينه
يرد يبني البقيع بچف يمينه
............
دعينه وصحنه يارب البريه
إلهي عجّل الطلعه البهيه
بحق جده النبي وامه الزجيه
يرب (مكّن لَهُ) عالناصبيه
عله الهدمو بقيعه
يحط سيف الشريعه
يرد حق امّه من اهل الظغينه
..............
يجينه المهدي يمته وياخذ الثار
قبور اربع أئمه صارت حجار
دعينه وكل گلب بي تستعر نار
متى لرض البقيع انروح زوار
قبور بلا زياره
بلا حضره ومناره
البقيع اليمته يبقى مهدّمينه
...............
الحسن سبط النبي ومكنون سرّه
امام بياذنب مهدوم گبره
علي السجاد قدر الهادي قدره
حقد هدمو ضريحه وصاح صبره
اما آنَ الأوانُ
لِمَن يُنهي الهوانُ
يعزّ كل المراقد من يجينه
...............
ضريح الباقر مهدّم نشوفه
يمنعونه النواصب ما نطوفه
ومزار الصادق وعلمه وصنوفه
حقد هدموه حقد مسحو حروفه
أئمّتنه الميامين
عليهم تبچي كل عين
لبِنهم ندعي يحضرهم بقينه
.................
وعد من الله هذا لبني فاطم
يحكمون الأرض والكون لازم
يجي المهدي وعد وبچفّه صارم
يحاسب من يجي كل بغي وظالم
يرد يبني المراقد
بأجل وجمل مشاهد
وترد تزهي بقبور اهله المدينه
...................
كلامي للنواصب لا يفرحون
قرب وقت الظهور البي يشكّون
مفر ذاك الوكت ماكو ويفرّون
عله ايد المهدي ذل لابد يشوفون
يذلّون بحسابه
يموتون بعقابه
وعد رب السمه وقربن سنينه
......................
يجينه المنتظر مُحيي الشريعه
يدلينه بقبر امّه الوديعه
بمناير وبقبب يرفع بقيعه
ويحاوطهن صحن قبر الشفيعه
بمواكبنه ولوانه
نجي نقدّم عزانه
مثل يوم الحسين واربعينه
#سيد_زيد_الفحام
_____________________________________________
https://youtu.be/Naf1AFgI1uk
يا امامي
الحاج الملا جليل الكربلائي
كلمات سيـد زيــد الفحــام
#تهدمت_والله_اركان_الهُدى
بويه ياحامي الحمه
راجع بجرح السمه
شيبتك تگطر دمه.
ياعلي ياعلي
.....................
بويه يانسمة صبحنه وراحة البال
اليشوفك ياعلي كل همه ينزال
يا ابو لكل اليتامه وكل الاطفال
وشايل هموم الرعية بثگل الاجبال
وسفه ياعطر الورد
لاحتك چفّ الحقد
شانئك ريت انعمه
ياعلي ياعلي
......................
بليلة القدر العظيمه لخالق الروح
رحت للمسجد تصلّي خاطر تروح
ياعلي لابد شهيد اطّيح مجروح
براسك الطبره تجيك ودمك يفوح
هذا ابن ملجم رفع
سيفه وبراسك ركع
بالعدواة مسمّمَه
ياعلي ياعلي
........................
انهدمت اركان الهدايه وصاح جبريل
حيدر انصاب بصلاته بسيف قابيل
سيف ابن ملجم فجعنه وهدّم الحيل
ياعلي بجرحك اجيت ودمك يسيل
شالك حسين وحسن
تمشي ما تگدر اظن
ذكّرتني بفاطمه
ياعلي ياعلي
.............................
جرحك براسك چبير وينزف دموم
هدم حيلك ياعلي وما تگدر تگوم
چف ابن ملجم خبيثه وسيفه مسموم
يعني موتك شي اكيد وصار محتوم
يالنويت عله السفر
تارك بگلبي اثر
بالليالي المؤلمه
ياعلي. ياعلي
.................................
للرحيل انرسمت بوجهك علامه
ما اظن تنهض يبوحسين بسلامه
ابابك تنوح وتون شوف اليتامه
منهو من بعدك يراويهه ابتسامه
يالچنت الهه سند
تتّجه المن بعد
ماكو بعدك مرحمه
ياعلي. ياعلي
...........................
ما نفع جرحك دوه وايّس طبيبه
يعني ساعة موتتك كلش قريبه
منين اجتني ياعلي هاي المصيبه
لَسّه گلبي مصوّب بجرح الحبيبه
لَسّه بصواب الضلع
گلبي ذايب منفجع
والفجيعه قائمه
ياعلي. ياعلي
#سيد_زيد_الفحام
________________________________________
موشح // لسان حال السيدة زينب عليها السلام
تصيـح زينـب يخـوتـي تانوني
بنعش ابويه ريضوا لتفجعوني
تصيح زينب يخوتي عوفوها
جـنــازة الكــرار لتـشـيـلـــوها
ارد اودعـه طلبتــي نـفــذوها
ارد اودع المـرتضــه خلّـونـي
ارد اودع المـرتضــه يحبــابي
بلكي مـن يسمـع يـردّ جـوابي
گلبي ذاب من الحزن ومصابي
بغيـر ابويـه انـفـجــع تـدرونـي
آنه زينـب عذّبـتـنـي مصيبتــه
هـذا ابويـه ومااعيـش بغيبتـه
بالله خلـوها يخـوتـي جنـازتـه
بالمنـاحــه واللطــم عينــونــي
طاحت عله النعش تصرخ ياعلي
ارد سـألك يالرحـت منهـو الألي
بـويــه يالـكـــرار يانعــم الـولـي
ريـت ميتـه ولا شفـت بعيـونـي
رادت تموت عله ابوها ام الحزن
تصيـــــح واويـلاه يابويه وتون
شـالـــوا جنـــازة ابــوها للـدفـن
تصيـح وي حيدر علـي دفنـوني
ظلــت الـدار ابغيـــابـه مظلــمه
زينــب تنــادي يحمـــاي الحـمه
ريت گبلك خضّبوا راسـي بدمه
ولا بجــرحــك ياعلــي يأذّونـي
تگلّه يابويه هظمنــي مصـــابـك
ريـت ميـتــه وانـدفـن بتــرابـك
ولا اعيـشــن ياعلــي بغـيــابــك
چم مصـاب تشـوفه راح عيوني
سيد زيد الفحام
___________________________
نزلة للأمام علي عليه السلام
انت الأميـــــــر ومانبـايع ثاني
غصباً عله المايرضه والسفياني
.......
قائدنه ياحيدر علي بس انت تستاهل
انت الصراط المستقيم وغيرك المايل
كلمه وحچيناها شكثر مانعرف انجامل
انت الخليفه للنبي وما نقبل بجاهل
مـنّ الله تنصيبــك امـر ربّـانـي
غصباً عله المايرضه والسفياني
.......
وصانه بيك المصطفى من الله تنصيبك
عكب النبي اول وصي عالأمّه ترتيبك
احنه عله هذا المعتقد نتمسّك بطِيبك
ما عدنه غيرك ياعلي نقسم وحگ شيبك
فدوه لكلامك ياعلي القرآني.
غصباً عله المايرضه والسفياني
.......
ياهو الشطر راس ابنَ ود ياهو الشطر مرحب
كل الصحابه تراجعت بس انت تتأهّب
انت التحل كل معضله والمشكله التصعب
لوما وجودك ياعلي ما يبقه اي مذهب
بكل المواقف موقفك انساني
غصباً عله المايرضه والسفياني
.......
مثلك خليفه ياعلي ما شافت الأمّه
ماظل يتيم ابدولتك ما فرّجت همّه
تفتر على ابيوت اليتم بالقصعه والبسمه
والفقره يمك كل وكت نلگاها ملتمّه
حتى الفقير بدولتك ميعاني
غصباً عله المايرضه والسفياني
.......
صابك ابن ملجم غدر وكت الصلاه ساجد
ما واجهك وجه لوجه هذا العدو الحاقد
انهدمت اركان الهُدى بصوابك الواعد
للباري اكرمت النفس دم شيبتك شاهد
نلت الشهاده مصرعك ايماني
غصباً عله المايرضه والسفياني
.......
غصباً عليهم ياعلي نتمسّك بحبّك
ماعدنه بس دربك علي نمشي بأثر دربك
سلمك سلمنه ياعلي وجنودك بحربك
ما نخشه عدوانك ابد نتشرّف بقربك
نكسر خشم كل ناصبي وعدواني
غصباً عله المايرضه والسفياني
سيد زيد الفحام
__________________________________
جرح امير المؤمنين علي عليه السلام
(( اقْتَرَبَتِ السَّاعَةُ وَانْشَقَّ الْقَمَرُ ))
راس ابوالحسنين بالسيف انطبر
بالصلاه حامي الحمه
تخضب بفيض الدمه
راس ابوالحسنين بالسيف انطبر
.............
بمسجد الكوفه الجريمه انحاكت بدافع كفُر
القاتل الملعون حاضر مخفي سيفه وينتظُر
دخـل للمسجـد ولينــه أذّن وصلّه الفجُر
سجد حيدر وبن ملجم صوّبه بسيف الغدُر
ارتجت الاكوان من صاب الولي
كلشي صاح بصوت واحد ياعلي
ورتفع صوت السمه
تخضب بفيض الدمه
راس ابوالحسنين بالسيف انطبر
.............
طاح بيت الدين لمّن حيدر بمحرابه طاح
انهدمت اركان الهدايه بالسّمه جبريل صاح
من جرح حامي الحميه مو جرح نزفت جراح
نفجعت گلوب اليتامه عنها ابوها الغالي راح
نشلّت ايمينك يبن ملجم عسه
سيفك هواي عله بوالعتره قسه
تقتل البرّك لِمَه؟
تخضب بفيض الدمه
راس ابوالحسنين بالسيف انطبر
.............
طاح بالمحراب حيدر ساجد وصابه الرجس
والله لو بالحرب يعجز شعره من حيدر يمس
هوه لو زلمه ابن ملجم وين چا عنّه امس
حيدر الذلّ الخوارج مابرز هذا النجس
الگلبه اسود لا تظن يطهر ابد
حِسبه عن طه واهل بيته ابتعد
وحيدر بسيفه ارتمه
تخضب بفيض الدمه
راس ابوالحسنين بالسيف انطبر
.............
ناصبي ومسموم سيفه وحيل شدّد ضربته
طاح بالمحراب حيدر فايض بدم طبرته
شيبة الكرار تگطر ويلي من دم هامته
"فُزتُ" وتحقق مرامي من تصوّب صرخته
طايح ابمحرابه حمّاي السُنن
مستند حيدر عله حسين وحسن
بالچفوف الآثمَه
تخضب بفيض الدمه
راس ابوالحسنين بالسيف انطبر
.............
ألّحسن وحسين شالو علي صگّار الزلم
ما گدر يمشي يويلي حيله من جرحه انهدم
الشال ثگل الدين كلّه اليوم مشيول بألم
راجع ومطبور راسه وشيبته مصبوغه دم
زينب تلگّت ابوها وشافته
من كثر نزف الدمه ماعرفته
بالدموع اتكلّمَه
تخضب بفيض الدمه
راس ابوالحسنين بالسيف انطبر
.............
شبگته وصاحت يبويه شصاير بحالك علي
شيبتك بالدم خضيبه مصوّبينك يالولي
جرحك براسك اشوفه بالمصيبه ممتلي
بويه لا تفجع دليلي منهو بغيابك الي
تمّم صيامك يحيدر لا تغيب
لا تگلّي بويه جرحك ما يطيب
والفجيعه المؤلمَه
تخضب بفيض الدمه
راس ابوالحسنين بالسيف انطبر
سيد زيد الفحام
________________________________________
لسان حال رسول الله مُحَمَّد صلى الله عليه وآله
عند فراق السيدة خديجة عليها السلام
بس يمچ ألگه الراحه. ياوردتي الفوّاحه
نوّرتي كل سنيني ليش بعَجَل عفتيني
ياوردتي الفوّاحه
...................
يا اوّل عشگ بالروح عليّة مفصّله تفصال
الله يحبني وختارچ اليّة وعشنه راحة بال
اشوفچ ياخديجة ارتاح عن گلبي المحن تنزال
رسول الله أنه وبعدچ حزين وجرحي بالدلّال
مشكوره يا ام بيتي اشهد صدگ وفّيتي
وكت الشدد عنتيني. ليش بعَجَل عفتيني
ياوردتي الفوّاحه
...................
عظيمه وفي سبيل الله اموالچ نفقتيها
بالله وبيّـة آمنتـي ورسالة ديني شلتيها
آلام الفُقـر والعـوز من اجلي حملتيها
من عيش الترف وياي عيشة فقره عشتيها
ام فاطمه المهيوبه. بنور العرش محجوبه
من مثلچ توافيني ليش بعَجَل عفتيني
ياوردتي الفوّاحه
...................
رضيتي بكلشي من اجلي يعظّم اجرچ الباري
خديجة الراضيه الحره عليمه بقدري وسراري
مُحَـمَّـد آنه من دونچ حزين ومظلمه داري
فراگچ يصعب علية وتسيل لشوگچ اعباري
مثلچ صعب ألگاها. وايامچ شمحلاها
بعيونچ تخليني ليش بعَجَل عفتيني
ياوردتي الفوّاحه
...................
خذاچ الموت من عندي. وشلتچ بالنعش ورده
دفنتچ بالگبر بيدي وگبرچ وسّعت لحده
ودعتچ وداع المات خِلّه وغيره ما عنده
اول مره بغيابج احس بجمرة الوحده
مرّ الصبر بغيابچ. اشتم عبير ترابچ
نظراتچ تسلّيني. ليش بعَجَل عفتيني
ياوردتي الفوّاحه
...................
وفية وما نسيتچ يوم احنّ واذكر العشِره
هذا اني العشت بجفاج رهين اللوعه والعبره
خلّيتيلي منچ نور شبيهچ منظر ونظره
اذا اشتاگ الچ ماحير اروح لفاطمه الزهره
عن فاطمه مشكوره. نفس الشكل والصوره
والدها وتواسيني ليش بعَجَل عفتيني
ياوردتي الفوّاحه
#سيد_زيد_الفحام
_______________________________