13121
السلام على الحسين وعلى علي بن الحسين وعلى أولاد الحسين وعلى أصحاب الحسين عليه السلام قناة لنشر قصائد في رثاء محمد وآل محمد عليهم السلام
https://youtu.be/8c0vzAmy9hc
سيد النعمة
الرادود معتز تويني
كلمات سيد زيد الفحام
https://youtu.be/188RTT9Pmxw
|| خادم الزهراء اا
الرادود يحيى عفارة
كلمات سيد زيد الفحام 2021
علي بن سويد يسأل الامام موسى بن جعفر عليه السلام
سؤال سؤال يمته الفرج يالطوّل غيابك
سؤال سؤال جاوبنه تسئل عنك احبابك
...............
خادمك ياموسى بن جعفر اجيتك
علي بن سويد اشوفك اعتنيتك
سيدي بياحال يالكاظم لگيتك
بسجن تحت الگاع تتنطّر منيتك
سجين سجين. من هالسلاسل چم جرح صابك
سؤال سؤال جاوبنه تسئل عنك احبابك
...............
سمحلي يامولاي اسأل عن ظهورك
سيدي يمته الفرج خاطر نزورك
طالت سنين الضلام انريد نورك
يمته تظهر سيدي ونهنه بحضورك
غريب غريب عايش غريب بقلّة اصحابك
سؤال سؤال جاوبنه تسئل عنك احبابك
...............
يمته تخلص من سجون الطاغي هارون
خلصت ارواح التحبك ما يحملون
شيعتك ياسيدي عنك يسألون
يندعولك بالفرج بدموع لعيون
دعاء دعاء مجروحه كلها تندعي ابابك
سؤال سؤال جاوبنه تسئل عنك احبابك
...............
ياعلي اخبر الشيعه خل يحضرون
الموعد الجمعه بجسر بغداد مضمون
قرب يوم الفرج ساعات وتشوفون
استجاب الله لدعائي لا تحزنون
نموت نموت. لو ترضه كلنه فدوه لترابك
سؤال سؤال جاوبنه تسئل عنك احبابك
...............
كلنه يوم الجمعه عالموعد اجينه
انتظرنه عله الجسر طلعت ولينه
ساعه لن شفنه النعش اگبل علينه
السندي بن شاهك وربعه الشايلينه
يصيح يصيح. يارافضي ما نعرف اصوابك
سؤال سؤال جاوبنه تسئل عنك احبابك
...............
عالجسر خلّو نعش موسى بن جعفر
بالحـديــد امگيّــد ولونه تـغـيّــر
والطبيب الشافه صاح الله اكبر
هـذا بالسم ميت وچبـده تفطّر
شهيد شهيد. ليوم الشهاده حاسب حسابك
سؤال سؤال جاوبنه تسئل عنك احبابك
...............
بالنيــاحـه وبالمــدامـع شيّعينـــاه
عالجسر مطروح موسى ما تركناه
ويلي عالمذبوح جده حسين ويلاه
بلا دفن ظل عالوطيه وتنزف دماه
ذبيح ذبيح يحسين عاري وسلبو ثيابك
سؤال سؤال جاوبنه تسئل عنك احبابك
#سيد_زيد_الفحام
_____________________________________
الإمام موسى بن جعفر عليه السلام
جنـون ولهـفـه بيه ازور الكاظميه
لعد موسى بن جعفر أئديله التحيه
............
اجيت بلهفتي وشوگي وهيامي
ازور واخدم الكاظم امامي
اسلّم ونحني ابابه بسلامي
اكيد يشوفني ويسمع كلامي
عــهــــــد لازم ازوره. تحس روحي بحضوره
اعوف الدنيا وحضر. أئديله التحيه
...............
عقيده الكاظم بگلبي اشوفه
ضريحه كعبتي احرم وطوفه
اعوف الدنيا كلها وما اعوفه
على گلبي انطبع اسمه وحروفه
على الفطره السليمه. احب روحه الكريمه
بدليـلي المـاتـغـيّـر. أئديله التحيه
.................
اجيت بدمعتي للكاظميه
اجيت بلهفتي ودمع الرزيه
ازور الكاظم بهاي المسيه
اواسي فاطمه وحامي الحميه
شكُر للباري اسجد. اجدد عهدي وعقد
مثل ماچان قنبر. أئديله التحيه
.................
اقبّل عتبته واشتم عبيره
وتبلّل تربته دموعي الغزيره
اعيش مصابه وتراودني حيره
اگول شلون مات بلا عشيره
عجيبه البي فضائل يگيّدونه بسلاسل
وسف چبده تفطّر. أئديله التحيه
...................
اشيّع نعشه وي جمع الغياره
نطوف بصحنه ونأدي الزياره
تظل بگلوبنه جمره وحراره
على الگضّه بسجن ليله ونهاره
حقد هارون سمّه. تسيل جروح جسمه
اصيح الله اكبر. أئديله التحيه
....................
خسر هارون وتلاشت قصوره
على التاريخ ما ظلتله صوره
الخلد موسى بن جعفر يزهي نوره
شبيه الكعبة گبره الكل تزوره
يشع نور الامامه. ضوه ليوم القيامه
دليلي بحبه يطهر. أئديله التحيه
#سيد_زيد_الفحام
______________________________________
السلام عليك ياموسى بن جعفر (( تجليبه))
ياموسى بن جعفر بيك رفِعتنه
منّك سيّـدي عـزنه وكـرامتنه
............
ياموسى بن جعفر بيك نتباها
دروس التضحية منك عرفناها
من سجن الرشيد الثوره شفناها
ثورة هاشمي حفظت عقيدتنه
...............
من قعر السجون تحارب العدوان
ضنو تنحجب بس لا عشت بركان
من مثلك سجين ويرهب السلطان
بسمك تبقى دوم وتعله رايتنه
.................
من گيد السلاسل صح نزف دمك
لكن ما خضعت ولا طعت خصمك
هز عرش الرشيد الناصبي اسمك
ومن صوتك علت ياموسى صرختنه
................
ياهيبة مُحَمَّد تمشي بين الناس
خافو من كراماتك بني العباس
هارون اللعين الظالم الخنّاس
أذّاك الاذيّة البيك أذّتنه
................
سجنوك بسجن مابي هوى ولانور
سجن السنّدي هذا الظالم المنكور
صبرت عله الاذيّة والظلم والجور
تعلّمنه الصبر منّك يهيبتنه
...............
سمّم چبدك السنّدي ومتت مسموم
مگيّد بالحديد بلا ذنب مظلوم
لكن ظل مقامك مرتفع لليوم
اسمك نور ياسابع أئـمّـتـنـه
.................
نعشك عالجسر ياموسى بن جعفر
بلا تشييع ظلّ ولونك اتـغـيّـر
جروحك دم تسيل وچبدك تفطّر
واجب مو دمع دم تجري دمعتنه
..................
فزعت شيعتك ياسابع العتره
حضرو نعشك وشالوك بالعبره
بس حسين ظل متوسد الغبره
بحسين الغريب اتظل مصيبتنه
#سيد_زيد_الفحام
____________________________________
الامام موسى بن جعفر عليه السلام
زاير اجيتك يا امامي
يالكاظم بحبي وغرامي
دمعاتي ترسلّك سلامي
زاير اجيتك يا امامي
................
گلبي وربّي. يشهد علية بزغري حبيتك
ناذر. زاير. ياموسى بن جعفر تعنّيتك
عارف شايف. نور الله يضوي ويسطع ابيتك
مهدي. تهدي. لدرب الهدايه سيدي ألگيتك
ياموسى بن جعفر دخيلك
مولاي اجيتك اشتكيلك
بالاخره بيك اعتصامي
زاير اجيتك يا امامي
...............
ناعي. وساعي. لزيارتك مولاي يالكاظم
تدري عمري. خلّصته الكم سيدي خادم
لطفك. عطفك. انت الرحيم الترحم الوادم
ودّي وعهدي. خادمكم ابقه لطلعت القائم
عالموعد احضر بالزياره
وعيوني تنظر للمناره
اشكيلك وتسمع كلامي
زاير اجيتك يا امامي
...............
جيتك لبيتك. يدفعني حبي وشايل الرايه
غالي ابّالي مولاي اواسي گلبك الغايه
جروحي بروحي. ياموسى بن جعفر الك آيه
اسمك. حلمك. دروس افهمت من حلمك هوايه
انت اللذي ذلّيت هارون
لمّن صبرت بسجنه مسجون
متحمّل لدينك تحامي
زاير اجيتك يا امامي
...............
احلف وهتف. للكاظميه روحي ملهوفه
اعلم وفهم گبرك ملائك تنزل اطّوفه
يروي. يضوي. من ابعيد گبرك يسطع انشوفه
النه. جنة. اتمنّه يا مولاي ماعوفه
ابابك اشم ريحة مُحَمَّد
جنّة وتشع مو چنّه مرقد
ماي الزيارة وانه ضامي
زاير اجيتك يا امامي
...............
عندك. عبدك. ياموسى يامولاي سجّلني.
اخدم ورسم. صوره لوجودك خالده بذهني
مثلك. لجلك. تهمل دموعي وبالگلب حزني
حزنك سجنك. يبقه بخيالي ومايفارگني
بالسم تگطع چبدك وذاب
بطاموره ظلمه وفرگة احباب
يمك بداياتي وختامي
زاير اجيتك يا امامي
#سيد_زيد_الفحام
___________________________________
السلام على ام المصائب زينب عليها السلام
ياريته لا طال العمر. بفراگ اخوتي
تابوت صارت دنيتي وتمنّه موتي
اتهنّه هيهات
اگضيها دمعات وتمنّه موتي
..................
گضت ايام اخوتي وظلّت ايامي
عشتها بدمعتي وجروحي وآلامي
ذبحو كل اخوتي واهلي گدامي
وخويه حسين شفته موذر ودامي
مذبوح شفته عله الثره ذيج المسيه
ودّوس صدره بلا رحم خيل ال اميه
ايامي مأسات
اگضيها دمعات وتمنّه موتي
..................
كتنّي فراگ اخوتي وجمرة الفرگه
بدخّان المخيّم روحي مختنگه
احسب لحظه لحظه لساعة الملگه
كل يوميّه اموت واحية بالحرِگه
آنه العشت بين اخوتي عيش الاميره
ما حسّبت من كربله. اطلع اسيره
طول المسافات
اگضيها دمعات وتمنّه موتي
..................
تطيب جروحي كلها إلّا جرح الشام
سل روحي وهضمني بطيلة الايام
صرت للناس فرجه والعيون سهام
تنظرني بشماته عيونها الظلام
تمنّيت اموت ولا اطب ديرة شماته
ولااسمع حسين انچتل جابوا خواته
اصعب الشدات
اگضيها دمعات وتمنّه موتي
..................
اذكر من دخلت الشام اذّوني
تمنّيت المنية ولا يشوفوني
مچتوفه بحبل عالناگه چتفوني
تلگّوني بشتم وحجار يرموني
بالسوگ من طب الظعن مچتوفه اديه
اسمـع يصيحون بحقـد. شتمو السبيه
ذيچ المعانات
اگضيها دمعات وتمنّه موتي
..................
عكب ذيج المصايب جيت ياموتي
بعد مهنو اليجيني يشيل تابوتي
اصيح بغربتي ومحّد سمع صوتي
شخلّتلي المصايب هدمت بيوتي
زينب عكب ذاك الشمل. امست غريبه
ياهو اليشيـل جنازتي هاي المصيبه
بالغربه حسرات
اگضيها دمعات وتمنّه موتي
..................
لا عباس يمي ولا ابواليمّه
نعشي بلا اخوتي ينرفع زحمه
عليّة جروحي والآلام ملتمّه
زينب آنه ملچومه بالف لچمه
هالليله ميته ومُنيتي كلكم تجوني
تحفرون يخواني الگبر. وتشيّعــوني
ليلة مُنـاجــــاة
اگضيها دمعات وتمنّه موتي
#سيد_زيد_الفحام
_____________________________________
#نعي..... لمصاب ام المصائب زينب عليها السلام
زينب من وطنها هجّروها
للشام ياوسفه ابعدوها
ظلّام امية الـ عذّبوها
بيد المصايب سلّموها
سلّت يويلي من حزنها
بدموعها اتجرّح جفنها
كثرن مصايبها وعمنها
ماتت الف موته اظنها
جاها الأجل مو بالمدينه
بالشام موتتهه الحزينه
دفنوها بالغربه الامينه
تمنّت يودّوها الحنينه
لحسين ولحامي الظعينه
#سيد_زيد_الفحام
https://youtu.be/NgoW3xm5LHM
ارض سامراء
الرادود مرتضى حرب
كلمات سيد زيد الفحام
العتبة العسكريّة المقدسة
1442هـ _ 2021
https://youtu.be/vClNgT5x2dw
مشتاگه
الرادود مرتضى حرب
كلمات سيد زيد الفحام
بغداد / حي الامانه
https://youtu.be/chZEgkf8eOE
مظلومه وتتحسر
الرادود حسن آشي
كلمات سيد زيد الفحام
ميمر // للإمام موسى بن جعفر عليه السلام
موسى بن جعفر مولاي بالمدمع تعنيتك
............
مشّاي اجيتك يالعشت وي روحي
اسمك دوه ويشفي جميع جروحي
جيت بدمعتي وبحرارة نوحي
لا مرض ردني ولاموت. شدني الحنين وجيتك
............
تاج عله راسي اسمك وشلتك تاج
وانه الاعرفك ما ترد كل محتاج
لرب السمه ياموسى حبك معراج
حاجتي يمك مولاي تگضيهه الية انخيتك
............
دگيت بابك ما اروح لأي باب
تنطيني اعرفك سيدي بدون حساب
ما خاب كلمن يعتنيلك ما خاب
باب الحوائج معروف بين العوالم صيتك
.............
عند الله جاهك سيدي اعظم جاه
كل زايـر اليگصد الك تـتـلگّـاه
من گبل ما يطلب الحاجه بيمناه
تنطيهه بيده وترضيــه لمن يطب ابّيتك
...............
ادخل ضريحك وذكر مصابك دوم
يامن عشت عمرك غريب ومظلوم
بسجن الرشيد اتعذّبت يامسموم
چي انت اعظم انسان ما رادو انسانيتك
.............
الله يلعنك كل وكت يا هارون
عذّبت موسى بياذنب يا ملعون
بگيد السلاسل گيّدت جسمه شلون
فعلك خسيس ومشؤوم وضّح خباثة نيتك
..............
مولاي يا موسى بن جعفر ظلّيت
عايش على مَرّ الزمن ما ذلّيت
جنة ضريحك شاهد وهذا الصيت
بگلوبهه وفوگ الراس احبابك مخلّيتك
#سيد_زيد_الفحام
______________________________________
السلام عليك ياموسى بن جعفر عليه السلام
ما همنه الخطر والموت. للكاظم تعنّينه
..........
للكاظم اجينه حشود
ما ينقص عددنه يزود
ايام الزياره شهود
نسحگ عالمنايا انفوت
ما همنه الخطر والموت. للكاظم تعنّينه
..........
گالو بالمرض ننصاب
صحنه بأي مرض منهاب
دكتور العلل بالباب
موسى الكاظم المبخوت
ما همنه الخطر والموت. للكاظم تعنّينه
...........
ما تمنعنه اي اخطار
لا كورونا لا اشرار
زوار ونظل زوار
زواره ونصيح بصوت
ما همنه الخطر والموت. للكاظم تعنّينه
............
يمنعنه المرض هيهات
مشايه وترف رايات
شيعه ونرفع الاصوات
ما يمنعنه اي طاغوت
ما همنه الخطر والموت. للكاظم تعنّينه
.............
فدوه الدنيا والارواح
ندخل حضرته ونرتاح
انشيع جنازته بنياح
جينه انشيله بالتابوت
ما همنه الخطر والموت. للكاظم تعنّينه
سيد زيد الفحام
____________________________________
الامام موسى بن جعفر الكاظم عليه السلام
الليله الفاجعه بالكاظميه
ضجّت بالنحيب الرافضيه
صوت الشيعه كبّر
ياموسى بن جعفر
ضجّت بالنحيب الرافضيه
..................................
آهات .. عبرات .. هاي الليله نستذكر مصابك
جيناك .. ننعاك .. من حرگة گلب نبچي عله بابك
ليش بياذنب اذّاك هارون.
خلّصت العمر مولاي مسجون
سم چبدك يموسى بأيد ملعون
من سجنه اطلعت متغيّر اللون
محمول بنعش بيد النواصب
لا عندك عشيره ولا گرايب
يل لونـك تـغـيّــر
ياموسى بن جعفر
ضجّت بالنحيب الرافضيه
..................................
مسموم .. ملچوم .. عافوك بجسر بغداد مطروح
نحلان .. وجعان .. من گيد السلاسل تنزف جروح
صاحو بيك مو بس مرّه مرات
ما مسموم لكن بالسجن مات
صوت السندي انكر كل الاصوات
صوت بليس يصدق مرّه هيهات
ملعون النسب سمّاك بيده
كل ظنّه الچذب ضدك يفيده
بيــك وما تـأثّـر
ياموسى بن جعفر
ضجّت بالنحيب الرافضيه
..................................
چم آه .. ويلاه .. نعشك عالجسر محد يشيله
مغلول .. مقتول .. عكب السجن والغيبه الطويله
يبن المصطفى الطاهر دخيلك
مسموم بنعش محّد يشيلك
الله يلعن السمّم دليلك
گلبك ذاب منّه وراح حيلك
ياسابع امام عله البريه
گطّع چبدتك سم المنيه
بعضـائـك تـنـثّـر
ياموسى بن جعفر
ضجّت بالنحيب الرافضيه
..................................
انصار .. ثوار .. فزعت شيعتك ليك بحميه
تبچيك .. تفديك .. برواح ودماها الرافضيه
شالو نعشك احبابك يمسموم
تبچي عليك ذيچ الساعه وتحوم
احنه لگبرك اركضنه يمظلوم
جينه انجدّد التشييع هاليوم
انشيّع نعشك بصحنك يغالي
يامظلوم صحنه بصوت عالي
بالتشييع نحضر
ياموسى بن جعفر
ضجّت بالنحيب الرافضيه
..................................
خـدام .. كل عام .. انشيّع نعشك بدمع الرزيه
والصوت .. للموت .. نبقه بخدمتك يبن الزچيه
نوصل حضرتك مولانا زوّار.
ياموسى بن جعفر نبقه احرار
ما نخشه المنايا وصوت الاشرار
احنه عله العهد مولاي انصار
جنّة مرقدك بلسم عللنه
يالحبك سفينتنه واملنه
حبك بينه يكبر
ياموسى بن جعفر
ضجّت بالنحيب الرافضيه
#سيد_زيد_الفحام
______________________________
تشييع الامام موسى بن جعفر عليه السلام
حيهم يالتحبونه. رايدكم تشيّعونه
............
موسى الكاظم المظلوم. رايدكم تشيّعونه
ظل عله الجسر مسموم. رايدكم تشيّعونه
من گيده تسيل دموم. رايدكم تشيّعونه
كلشي ولا تعوفونه. رايدكم تشيّعونه
...........
مطروح بجسر بغداد رايدكم تشيّعونه
مگيّد بالحديد اگياد. رايدكم تشيّعونه
نعشه بولية الاوغاد. رايدكم تشيّعونه
لا واحد وگف دونه. رايدكم تشيّعونه
.............
موسى الكاظم بياحال. رايدكم تشيّعونه
نعشه بعازت الشيّال. رايدكم تشيّعونه
سمّو چبدته الانذال. رايدكم تشيّعونه
بالسم انخطف لونه. رايدكم تشيّعونه
............
ياشيعة علي الكرار. رايدكم تشيّعونه
هذا ابن النبي المختار. رايدكم تشيّعونه
حيهم فزعه يالزوار. رايدكم تشيّعونه
بالشده التندبونه. رايدكم تشيّعونه
............
طالع من سجن هارون رايدكم تشيّعونه
يبقه عله الوطيه شلون. رايدكم تشيّعونه
فزعة هاشم تفزعون. رايدكم تشيّعونه
اكثر لا يأذّونه. رايدكم تشيّعونه
............
الكاظم سمّمو چبده. رايدكم تشيّعونه
ظل عله الجسر وحده. رايدكم تشيّعونه
ويلي ولا اهل عنده. رايدكم تشيّعونه
بغربه لا تخلّونه. رايدكم تشيّعونه
#سيد_زيد_الفحام
_________________________________
#نزله... لمولاتي زينب عليها السلام
خدامچ يازينب
خدامچ يازينب
..................
احنه خدامج يبت حامي الحميه
والله ما ننساچ ياروح الزچيه
عكب احزان الليالي الفاطميه
تحزّمينه لليالي الزينبيه
خدامچ يازينب
خدامچ يازينب
..................
بسمچ نقيم المجالس والمواكب
رغم انف المارضه وانف النواصب
شيعتچ مولاتي ما نخشه العواقب
فدوه فدوه ارواحنه يمّ المصايب
خدامچ يازينب
خدامچ يازينب
..................
كل گلب بجروحچ الماتشفه مجروح
شلون شفتي حسين عالتربان مطروح
شلون عندچ حيل ظل والحيل مذبوح
حگه يامولاتي زينب گلبچ ينوح
خدامچ يازينب
خدامچ يازينب
..................
واهمين الصاحو بأسمچ اسيره
انتي ما ذلّيتي لا عشتي اميره
نقسم بحامي الظعن بدر العشيره
احنه خدامچ نظل طول المسيره
خدامچ يازينب
خدامچ يازينب
..................
انتي يامولاتي نور الله وحجابه
ياشبيهة حيدر بعلمه وخطابه
من تحدّيتي يزيد بكل صلابه
مو اسيره مگبّعَه بعزّه ومهابه
خدامچ يازينب
خدامچ يازينب
..................
گلتي كد كيدك يبن هند اللعينه
احنا الله ويانه ما تگدر علينه
صح لسانچ والله يانبعة نبينه
ماتو وانتي بقيتي يالحزينه
خدامچ يازينب
خدامچ يازينب
#سيد_زيد_الفحام
____________________________________
مصاب ام المصائب زينب عليها السلام
گبل لا تصعد لسابع سمه بروحي
يملك الموت بالطف مرني بجروحي
.............
يملك الموت مرني بكربله الليله
ازور حسين اريد واگعد احچيله
عن ضيم السبي ومأساتي اشكيله
انوح بكتره بلكت يستمع نوحي
.............
يملك الموت روحي لروحه مشتاگه
ما متعوده عيشن ساعه بفراگه
احسب لحظه لحظه يمته نتلاگه
چنت مثل الجبل ونهدمن سفوحي
............
يملك الموت عنّه هواي بعدوني
اخذني وخل يشاهد حالتي ولوني
بعد ماشوف ومصابه العمه عيوني
كلشي بزينب لصوب الاخو يوحي
...............
آنه ام الخدر زينب نحل جسمي
من كثر البواچي ومحنتي وهضمي
صار ام المصايب والحزن اسمي
وسفه بلا اخوتي ينحمل لوحي
...............
اخذني لكربله لحسين ابواليمّه
مشتاگه اشكثر ابچي وأون يمّه
آخر شوفه شفته مخضّب بدمّه
اموت بكربله وبچي عله مذبوحي
................
يملك الموت گلّي شأخّرك عنّي
رتّك ساعة السلبو خدِر منّي
اموتن گبل اخوتي ولا يشوفنّي
نظرات الشماته العذّبن روحي
.................
ابعدني الدهر عن اخوتي الطيبين
عن عباس اخويه وعن حبيبي حسين
اخذ روحي يموتي وغمض العينين
ويدمعات المصايب عالوجن فوحي
..................
يزوّار الحبيب حسين واسوني
بضريح حسين اوصيكم تذكروني
روح بكربله كل جمعه تلگوني
وبالشام انبنت للآخره اصروحي
#سيد_زيد_الفحام
___________________________________
https://youtu.be/5Q48jzALKzY
|| الدنيا للمؤمن سجن ساعاتها ||
الرادود مرتضى حرب
كلمات سيد زيد الفحام
سامراء // العتبة العسكريّة المقدسه
#نزلة في فضل ارض سامراء المقدسة
ارض طيبه وكرامه حوَت نور الامامه
ارض سامراء ارض سامراء
..................
طاهره وقدسية. الله بارك بيها
بالامام الهادي والحسن يحميها
ارض سامره الشرف عنوانها
بالأئـمّـه قــدّسـت تـربـانها
صارو آل المصطفه صحبانها
الهادي وبنه العسكري قرآنها
بلد لهل الزعامه. حوَت نور الامامه
ارض سامراء ارض سامراء
..................
مُلك صارت هيه. للحسن والهادي
احنه حبّينــــاها. بكل زمان انّادي
يا ارض سامره زودچ عالي
فضلج ونورچ يظل للتالي
جنّة اهل البيت بيچ تلالي
من ضريح الهادي عاشر والي
خلد اسمه وكلامه. حوَت نور الامامه
ارض سامراء ارض سامراء
..................
بيها مرقد نرجس. والدت مهدينه
فاضله ومعصومه. بالشدد تنجينه
ومرقد الحرة حكيمه انشوفه
تنگضي الحاجات من انطوفه
بت مُحمَّد بالكرم معروفه
وبصفات ام الحسن موصوفه
رمز للاستقامه. حوَت نور الامامه
ارض سامراء ارض سامراء
..................
مأمن لكل خائف جنة الله ونوره
هذه ارض الرحمه. بالأمن مشهوره
بيها آل البيت ويحرسوها
قَدّسوها بدمهم وحفظوها
العسكري والهادي ماعافوها
ارض آل المصطفه سموها
بجوانبها السلامه. حوَت نور الامامه
ارض سامراء ارض سامراء
..................
بيها دار القائم كل وكت يرعاها
يكرم بخطّاره. ضيوفه يتلگّاها
من تجي الزوار تدخل داره
المهدي حاضر يكرم بزواره
يحسب الزوار من انصاره
بساعة اليظهر ويطلب ثاره
تظل بيها العلامه. حوَت نور الامامه
ارض سامراء ارض سامراء
#سيد_زيد_الفحام
______________________________________
الامام علي الهادي النقي عليه السلام
ياعلي الهادي عيونك شبيها
مو ماي تنزف دم بواچيها
لحسين جدك دمعك يسيل
مذبوح ضامي وسحگته الخيل
وا حُسيناه. وا حُسيناه
.................
علي الهادي امام وعاشر العتره
التشوفه بعينك احنا نجهل بأمره
تشوف الواقعه عن واقع ونظره
حگ لو دم تسيل ابخدك العبره
مو عن خيال ولا يخبرونك
عاشر محرم شفته بعيونك
عالگاع من ظهر الفرس طاح
الف وتسعميّة جرح صاح
وا حُسيناه وا حُسيناه
..................
بسامره غريب بدمعك ونوحك
لكن رايح لطف كربله بروحك
شفت جروح جدك هاجت جروحك
كل سهم اليلوح حسينك يلوحك
چم طعنه شفت بجمسه چم طبره
ياعلي الهادي ومنگطع نحره
معذور لو ناديت جدّاه
بالخيل داسو صدره ويلاه
وا حُسيناه وا حُسيناه
................
شفت يابالحسن بعيونك يذبحه
الشمر ذاك اللعين ويلچم بجرحه
حز راس الحُسين وشايله برمحه
وزينب من بُعد بعيونها تشبحه
لاشك شفت زينب ذُعُر بيها
خيل وزلم من هجمت عليها
لا اكو حسين ولاكو عباس
تركض ابين الخيل والناس
وا حُسيناه وا حُسيناه
................
سجين بدارك ومن كل كتر حُرّاس
هيّج من فؤادك ياعلي الاحساس
زينب بالطفوف بلا حمه العباس
تركض طلعت وتنظرها عين الناس
هاي المصيبه هدّمت حيلك
خلّتك تبچي صبحك وليلك
گلبك عليها هواي مجروح
مسبيه عكب خوانها تروح
وا حُسيناه وا حُسيناه
...................
اكيد النظره تفرق بينّه وبينك
شفت زينب سبيه مچتفه بعينك
لذلك خلّصت بدموعك سنينك
حضرنه الليله نجري الدمعه ونعينك
ياعلي الهادي نظره لحبابك
هاي المجالس كلها لمصابك
مثلك بچينه عله الغريبات
عمّاتك الراحن سليبات
وا حُسيناه وا حُسيناه
..................
مثل ما بالسّهم چبد الولي تثلّم
چبدك ياعلي بچف ظالم اتسمّم
ومثل ما گلبه ضامي وبالضمه تألّم
گلبك ياعلي الهادي تنازف دم
لكن تشيّع نعشك بهيبه
مو مثل ذاك مصيبته مصيبه
ظل جسمه عاري عالثره الحار
سحگته الخيل وصار طشّار
وا حُسيناه وا حُسيناه
#سيد_زيد_الفحام
______________________________________