13121
السلام على الحسين وعلى علي بن الحسين وعلى أولاد الحسين وعلى أصحاب الحسين عليه السلام قناة لنشر قصائد في رثاء محمد وآل محمد عليهم السلام
دنيا بلا حسين ومنبر وخدمه
البرعم الحسيني علي الاسدي
كلمات سيد زيد الفحام
https://youtu.be/4kAn29V31mc
ارجو الاشتراك بقناتي اليوتيوب 👆 اعزائي خدام الحسين عليه السلام ليصلكم كل جديد
{{ ما احتمل فرگاها}}
الرادود محمد البيضاني
كلمات سيد زيد الفحام 2021
واسط // النعمانية
موشح للأمام علي الهادي عليه السلام
الدنيا للمؤمن سجن ساعاتها
ياعلي الهادي وعشت نكباتها
..........
ياعلي الهادي يبن طه الأمين
نبقه نذكر محنتك طول السنين
عشت دنياك بعذاب الظالمين
وانت من مكة وشرف ساداتها
..........
من بني العباس عانيت شكثر
بسجن سامره عشت كل العمر
جابك المتوكل واصدر امر
تراقب عليك الحرس نظراتها
.............
منك ايخافون اشباه الرجال
بالعلم مولاي لو صار النزال
لاشك يخسرون اصحاب الضلال
يالحويت المعرفه وآياتها
.............
ظنو يسجنوك ويضيع العلم
ياعلي الهادي بنظرهم تنهزم
ما دروا مايختفي نور النجم
دولتك ظلت ترف راياتها
..............
هاي سامره التشع برهان الك
مرقدك بيها ويخدموك المَلَك
انت عايش والسجن نورك هِلك
ملوك راحت ماتت بحسراتها
..............
ياعلي الهادي تعيش بشيعتك
نوصل انزورك نطوف بحضرتك
نحيي يامولاي يوم مصيبتك
ونختتمها بكربله ومأساتها
.............
وبضريحك نذكر حسين الغريب
جدك المذبوح عالغبره سليب
لاشك تشاركنه بالون والنحيب
عالعقيله زينب وآهاتها
سيد_زيد_الفحام
_________________________________
https://youtu.be/g-ULr8NrlZM
ارجو الاشتراك بالقناة اليوتيوب 👆 ليصلكم كل جديد بإذن الله تعالى
|| حدبت بمصابكم ||
الحاج باسم الكربلائي
كلمات سيد زيد الفحام
واسط العزيزية
https://youtu.be/nv-vCHYst3c
ارجو الاشتراك بالقناة على اليوتيوب 👆 ليصلكم كل جديد بإذن الله جله جلاله
امي الحنينه
الرادود احسان الواسطي
كلمات سيد زيد الفحام 2021
عزاء خدام الثقلين واسط. النعمانية
ام البنين عليها السلام
حدّبت بمصابكم شيّبت بغيابكم
يا بنيني. يا بنيني
................
يالمشيتو وباقي بعيوني اثركم
ماكو رجعه گلبي ايّس من سفركم
رحتو عني وظلّت ابّالي صوركم
راسي شيّب من رجع ليّة خبركم
دم بچيت ابّابكم شيّبت بغيابكم
يا بنيني. يا بنيني
................
الوالده حگها عله ابنها تبچي وتنوح
يكتل فراگ البنين ويجرح الروح
شلون لو عالغبره سمعت عنه مذبوح
تبچي دم بمصيبته وتتنفّس جروح
سلني عطر ثيابكم. شيّبت بغيابكم
يا بنيني. يا بنيني
................
يا بنيني الاربعه الكم سلامي
عفيه ماقصّرتو وي تاجي وامامي
ارفعتو راسي فدوه نفّذتو كلامي
عليكم ابچي واكثر عله الطاح ضامي
اسوّه بيه صوابكم. شيّبت بغيابكم
يا بنيني. يا بنيني
................
من مصاب حسين يبقه مصابكم دون
صح جرحكم يچوي گلبي لكن يهون
حسين اعظم منكم ومن عندي تدرون
مصابه هد حيلي وفجعني وغيّر اللون
صاب گلبي الصابكم شيّبت بغيابكم
يا بنيني. يا بنيني
................
بمكم المفجوعه ماظل قوه لا حيل
اكثر عله حسين حگهه دمعتي تسيل
منهو منكم يابنيني داسته الخيل
وذر من جمسه الحوافر گامت تشيل
گاعده بعتابكم شيّبت بغيابكم
يا بنيني. يا بنيني
................
ثنعش طبره ابنحر ابوالسجاد طبروه
ويلي ريحانة مُحَمَّد ضامي ذبحوه
بالخيول الاعوجيّه شلون داسوه
برمح عالي گبال زينب راسه شالوه
تيتّمت احبابكم شيّبت بغيابكم
يا بنيني. يا بنيني
................
آنه امكم فاطمه المجروح گلبي
عگب ابواليمه اموت دعيت ربي
چني اسمع صوت يم عباس طلبي
صحت ريت حسين هذا اليوم قُربي
عارفه باسبابكم شيّبت بغيابكم
يا بنيني. يا بنيني
................
گبل لا تغمض عيوني لنّه يمي
حسين ابوالسجاد شفته وزال همي
گتله ياموت اخذ روحي صار حلمي
روح ابوالسجاد هاي تصيح بسمي
اندفن بترابكم شيّبت بغيابكم
يا بنيني. يا بنيني
#سيد_زيد_الفحام
_____________________________________
https://youtu.be/Q1bSFosIZ4Y
[[باجر المهدي يشيل الراية]]
اداء الرادود مرتضى حرب
كلمات سيد زيد الفحام 2021
البصرة
ام البنين عليها السلام
وصلو الخبر لبني الگمر گلوله امك ماتت
..............
من المدينه لكربله. وينه اليوصّل صوتي.
لراعي الوفه والمرجله گلوله گرّب موتي
گلوله ماتت بلكت يرد ليّه
عيوني انعمن وتگرّمن رجليّه
آخر حياتي خل يشوف شبيّه
معقوله ابني ما يحنّ عليّه
يحضر الي هيبة علي. گلوله امك ماتت
...............
ام البنين بحاجتك. اسرع يراعي الرايه
تلگيها ميته الربّتك. تنتظرك الوفّايه
تشيّع نعشها وتحضر تواسيها
تحفر گبرها بيدك تواريها
يابالفضل يالفگدك مأذّيها
انت الوفيت بكربله وافيها
من فرگتك ومصيبتك گلوله امك ماتت
................
معقوله ما يگدر يجي. عايفني ابچي وانحب
گلوله امك ترتجي. تقسم عليك بزينب
مشتاگه للعباس عيني تشوفه
بهيبة جماله برايته وبچفوفه
ام البنين لشوفته ملهوفه
ويّاه ارد لكربله وماعوفه
امّ وابن وردة وغصن. گلوله امك ماتت
.................
طبع الولد تالي العمر. بالوالده يوصّونه
بس آني ابني بالگبر. غاب ومتت من دونه
اتمنّه اشوفه وخل تغيب انفاسي
من گطعت الچفّين شيّب راسي
يحضرني اي والله يگول حساسي
ابني واعرفه من يحن عباسي
نعم الذخر ما يعتذر گلوله امك ماتت
...................
ياموت اجه هذا الوفي من كربله اتعنّالي
بشوفت حبيبي اكتفي. اخذ النفس مابالي
لكن اجاني مگطّات زنوده
خاطر يراويني وفاها عهوده
وعينه بسهم متصوّبه وممروده
ميّة هلا ببني الوفاني بزوده
گلبه انصدع لمن سمع گلوله امك ماتت
#سيد_زيد_الفحام
_________________________________
في رثاء ام البنين عليها السلام
شتتوقع حيدر رايدها. يا نور وياسرّ العدها
رايدها تخلّف لحسين اربع اولاده الطيبين
يا نور وياسر العدها
...............
حيدر اليعلم خفايا كل الاصلاب
يعلم ويعرف اكيد بعلم الانساب
من عقيل اعلم علي بنساب الاعراب
راد ينطينه درس ما عاف الاسباب
لهل الاختصاص يريــد ينطي لكل شخص دوره
عقيل البالنسب معروف استشاره وما عبر شوره
رايد حُرّه يگلّه تحبني برايك يابيت يناسبني
يعرفها تسرّه امن سنين. اربع اولاده الطيبين
يا نور وياسر العدها
...............
ياعقيل اختارلي من بيت شجعان
أمرأه متربية كون بنور الايمان
منها رايد ينولدلي اشجع انسان
ينصر حسين ابني يوم العازه لو حان
اشور عليك ياحيدر. تگصد للكُلابية
ترهم بت حُزام وياك. هيه الوصّفت هيه
معروفه الحرّه بعفّتها. وتناسب شخصك سيرتها
ستكشفها بطالعها الزين. اربع اولاده الطيبين
يا نور وياسر العدها
...............
فاطمه ام البنين الترفع الراس
اقترنت بحيدر امير واشرف الناس
خدمته وصارت فخر للمرأه مقياس
مثل ماراد الوصي جابتله عباس
بحجرها تربّه وتغذّه. شجاعه وغيره ومروّه
ضحّه بكربله لحسين اسد والجابته لبوه
ما عاف حسين ولا دينه. عباس وتشهد چفينه
وصّاهم حيدر بالدين. اربع اولاده الطيبين
يا نور وياسر العدها
...............
هذه ام الاربعه الحره الوفيه
قدمت اولادها لروح الزجيه
تگلّه ياعباس اوصيك بوصيه
دون اخوك حسين اوگف للمنيه
وفّـو كلهــم لأمهم ضحو دون ابواليمه
وعباس الكفل زينب ضحّه لزينب بدمه
شال الرايه وفّه اعهوده. بنبلة عينه وگطع زنوده
بصاية حيدر متربّين. اربع اولاده الطيبين
يا نور وياسر العدها
...............
عكب وقعة كربله وفگد الغوالي
ظلت تنوح وتون طول الليالي
عالغريب حسين تبچي بصوت عالي
موحش البيت بغياب حسين خالي
ما ناحت عله الاولاد. بس لحسين دمعتها
وفيّه وضحّت بكلشي تواسي الزهرة غايتها
آ يحسين تصيح وتنحب. بهذا الصوت تلگّت زينب
تسأل يابت حيدر وين. اربع اولاده الطيبين
يا نور وياسر العدها
...............
من حزنها توفّت الليله وهضمهه
تمنّت العباس حاضر كون يمهه
يشيّع جنازتهه ويخفف ألمهه
شبيدها بطف كربله طفّو نجمهه
شالوهه بنعش ماتت ام الاربعه الحره
وصّتهم يدفنوها يم المجتبه وگبره
حتى تظل يم گبر الزهره تواسيها بمأسات العتره
حيدر وصّه بنور العين. اربع اولاده الطيبين
يا نور وياسر العدها
#سيد_زيد_الفحام
_________________________________________
https://youtu.be/49vPOV_7HPM
ام الحسن وام حسين
الرادود خالد الكربلائي
كلمات سيد زيد الفحام
#الكوت
https://youtu.be/Y5A2DBqHj4o
ما رايد مدح عالخدمه لا شُهره
الرادود مهدي المنكوشي الزينبي
كلمات سيد زيد الفحام
قناة كربلاء الفضائية
https://youtu.be/-hsL_7sMzC4
ابچي وأون
الرادود علي الناصر
كلمات سيد زيد الفحام 2021
https://youtu.be/NriaQwL8kQM
دفنو صورها
الرادود محمد الرميثي
كلمات سيد زيد الفحام 2021
لسان حال زينب عليها السلام بفراق الزهراء عليها السلام
ياموت اخذ روحي گبل موت الحبيبه
مو تدري فگد الأم اشد وعظم مصيبه
بعيوني بعيوني دفنو صورها
............
امي الحبيبه الطاهره من الله رحمه
عطر امي احله امن الورد لمّن اشمّه
بلا امي داري بلا ضوه تخنگني ظلمه
بدال امي لو يرضه الاجل روحي اسلمه
شمعة حياتي ونطفت شلّي بحياتي
من ماتت امي اطشّرت كل ذكرياتي
بعيوني بعيوني دفنو صورها
.................
مثل امي ماكو بدنيتي طيبه وحنينه
ربّتنه بچفوف الصبر تعبت علينه
للفقره چانت تطعم ولهل المدينه
بطيبة گلبها وفطرته لا ما لگينه
ملح السوالف چانت مرتب حچيها
نسلم عليها كل صبح ونبوس اديها
بعيوني بعيوني دفنو صورها
.................
منّ الله مو من اي بشر هاي الكرامه
عند الله جاه امي نبي امّ الامامه
تعطف على الفقره وتحب كل اليتامه
الله اصطفاها بحكمته وانزل سلامه
بسابع سمه رب العرش سلّم عليها
مستودع السر الخفي من الله بيها
بعيوني بعيوني دفنو صورها
.................
بضعة نبي وزوجة وصي امي الشريفه
ظلموها وسفه بلا ذنب اهل السقيفه
ماقبلو بحيدر علي يصبح خليفه
هجمو عليها ونكسر ظلع العفيفه
ليش الصحابه نكرت العِشِره وملحهه
عصروها بالباب وهوت ينزف جرحهه
بعيوني بعيوني دفنو صورها
..............
زينب أنه وگلبي انجرح من عملة الباب
زغيره وشفت امي انولت مابين الاجناب
عصروها طاحت فاطمه والمحسن انصاب
ايد عله ابنها لزمته وايد عله لحجاب
آنه ويه فضّه سنّدت امي الزچيه
تبچي عله ابنهه الماسلم منّ المنيه
بعيوني بعيوني دفنو صورها
...................
ماتت قهر ام الحسن من عصرت فلان
شيّعها حيدر بالنعش بدموع الاحزان
قرآن يبچي ومنفجع شايلّه قرآن
صعبه ومصيبه لفاطمه حيدرها دفان
امنه الحبيبه فاطمه حيدر دفنها
واراها مكسورة ضلع وحمر جفنها
بعيوني بعيوني دفنو صورها
#سيد_زيد_الفحام
______________________________________
في رثاء الامام علي الهادي عليه السلام
ياوارث علـوم النبي ياعلي الهادي
حبك عقيده بمذهبي ياعلي الهادي
بايعتك بتكويني
عاشر امام لديني ياعلي الهادي
....................
اوصياء المصطفى ليوم القيامه
١٢ معصوم الله خصكم بالامامه
من علي الكرار للمهدي استقامه
لغيركم ما تحله يالهادي الزعامه
عاشرهم انت سيدي ياعلي الهادي
هادي بضيائك نهتدي ياعلي الهادي
يالحلبك مكفيني
عاشر امام لديني ياعلي الهادي
....................
بعالم الذر بايعتكم الله شاهد
عترة المختار واحد بعد واحد
ما يهمني الماقبل بيك ويعاند
آمنت بيك اني يالهادي واعاهد
من عالم الذر للحشر. ياعلي الهادي
احسبني خادم وفتخر ياعلي الهادي
بيكم اعيش سنيني
عاشر امام لديني ياعلي الهادي
....................
سيرتك يابالحسن سيرة مُحَمَّد
فعلاً بشخصك رسول الله تجسّد
كلشي راح ومنهجك باقي وتخلّد
بيتك عله قصور عدوانك تسيّد
بيك اعتصامي وارتقي ياعلي الهادي
عاشر أئمّتنه النقي. ياعلي الهادي
اتوسّلَك تنجيني
عاشر امام لديني ياعلي الهادي
....................
وارث علوم النبي وسرّه وخصاله
رغم ظلم اعداك ادّيت الرساله
حاربوك بلا ذنب اهل الضلاله
ظالم يروح ويجي ظالم بداله
عمرك گضيته بغربتك. ياعلي الهادي
محجوبه عنّك شيعتك. ياعلي الهادي
تبچي لمصابك عيني
عاشر امام لديني ياعلي الهادي
....................
ارض سامره خذَت منك عُلاها
شرفتها بجسمك وطَيّب ثراها
يشفي كل معلول ذاريها وهواها
الزارك بسامرّه يعني زار طه
جنّة ضريحك جنّتي ياعلي الهادي
شوفتها تسوه دنيتي. ياعلي الهادي
خادم الك خليني.
عاشر امام لديني ياعلي الهادي
....................
ياعلي الهادي احبك عن درايه
عاشر اهل البيت يانور الهدايه
امن البدايه ملتزمكم للنهايه
كل عمل مرفوض لو مابي ولايه
حبكم فرض طول الزمن ياعلي الهادي
من حيدر لشبل الحسن ياعلي الهادي
هذا الأمر يعنيني
عاشر امام لديني ياعلي الهادي
#سيد_زيد_الفحام
__________________________________
قصيده في رثاء سيد محمّد سبع الدجيل عليه السلام
سبع الدجيل اتحبك الناس
باب الحوائج مثل عباس
نبع الكرامات
تنسانه هيهات
باب الحوائج مثل عباس
.................
يالربيت ابيت اشرف كل بيوتات العرب
من نسل طه مُحمَّد اطهر واشرف نسب
من علي الهادي وعلومه وارث علوم وادب
سيد محمّد اعـــذره يعجز ال عنّك كتَب
بيده الامام الهادي ربّاك
غيره وعلم وخلاق غذّاك
ياطيّب الذات
تنسانه هيهات
باب الحوائج مثل عباس
.................
راسخ الايمان بالله صاحب الگلب السليم
سيد محمّد طريقك عالصراط المستقيم
عالم وزاهد مجاهد مؤمن وداعي وحكيم
للحسن تدري الامامه قانع بهاي وعليم
منك تهاب وترجف اعداك
هيبة مُحَمَّد چانت وياك
نور السموات
تنسانه هيهات
باب الحوائج مثل عباس
.................
تشبه العباس كلّك. هاشمي وبيك الفخر
بالشجاعه وبالوسامه وطلعتك نفس الصور
مثل ما لحسين بالطف لحظه ماعافه الگمر
للحسن ماعفته لحظه سيفه وحزام الظهر
مدح الامام العسكري بيك
يرفع مقامك من يساويك
تقره الروايات
تنسانه هيهات
باب الحوائج مثل عباس
.................
وي علي الهادي واخوك. الحسن بالغربه عشت
الهادي ودّاك ابمَهَمّه. نفذت امره ورحت
عيون عدوانك تتبعك. بين اديها من طحت
غدرتك مولاي لاشك سيدي بسمّهم متت
لاشك بني العباس سمّوك
بديرة بلد مولاي قتلوك
والضحّه مامات
تنسانه هيهات
باب الحوائج مثل عباس
.................
هذا قبرك صار جنة بكل زمن بي نحتمي
تحمي زوارك تحبهم. هذا طبع الهاشمي
صاحب الشاره بعطائك تروي كل واحد ضَمي
باب للحاجات بابك حَيــدريٌّ فاطمــي
احبابك احنا بصحنك انطوف
تشفي العلل بعيونّه انشوف
تعله الصلوات
تنسانه هيهات
باب الحوائج مثل عباس
.................
سيد محمّد نعرفك. ما ترد ضيفك مُحال
من يجي ابابك تشوفه اهلا تگلّه تعال
من تشوف بعينه دمعه عالبقه بحرّ الرمال
حاجته تنطيها بيده. گبل لا يبدي السؤال
تفزعله من يذكرلك حسين
دين وتردله بساعته الدين
بحر الفيوضات
تنسانه هيهات
باب الحوائج مثل عباس
#سيد_زيد_الفحام
_________________________________
https://youtu.be/wRs3bYWKf0g
ارجو الاشتراك بالقناة على اليوتيوب 👆 ليصلكم كل جديد بإذن الله تعالى
|| يا موت اخذني ||
الرادود حسين الزبيدي
كلمات سيد زيد الفحام 2021
عزاء خدام الثقلين واسط النعمانية
ميمر // ام البنين باب الحوائج الى الله جله جلاله
شما صعبت الحاجه عليك عد فاطمه تلگاها
اقـره الحمـد والتوحيـــد لَمّ الگمر ونخاها
.............
أم البنين امجربه بكل شده
كلمن گصدها بحاجه حاشه ترده
بحسين لو حلّفها تحضر عنده
عن گلبه تجلي النايبه وتسعده
باب الفرج للمهموم رب العرش خلّاها
...............
اذكر حسين بدمعتك يوميه
الهه اتّجه وهديلهه اللطميه
من تبچي عالمذبوح والمسبيه
احسب يخادم حاجتك مگضيه
ابمجلسها ابچي عله حسين وبدمعك اترجّاها
................
امّ البنين الضحّت اربع اقمار
عوّضها ربنه وخلّه عدها الاسرار
اخذت كرامه امن النبي وحامي الجار
انخاها وطلب حاجتك لا تحتار
قصة بِشر ناعي حسين. تواسيها من تقراها
..................
لو ما گدرت لمرقد الحره تروح
للغاضريه اتعنّه يم المذبوح
طوف بضريح حسين وذكرها ونوح
تفرج عليك الشده والهم يروح
عنها بنيابه امن تزور تتوفق بطرواها
...................
سلّم عليها بدمعك ودنگ الراس
گللهه يامولاتي هزني الاحساس
عنچ نيابه راح ازور العباس
تسمع كلامك حتى لو بالانفاس
تتشكّرك وتجازيك يوم الحشر بحماها
....................
زورلهه تلّ الزينبي ولا تنساه
موضع قدم زينب الوگفت فوگاه
امّ البنين شگد تمنّت تلگاه
مثل العقيله تشوف ابنها وتنعاه
تتمنّه وي زينب كون للسبي تروح وياها
#سيد_زيد_الفحام
_________________________________________
https://youtu.be/jX1KkuuQzGQ
{ ودوني لحسين }
الرادود حيدر الكربلائي
كلمات سيد زيد الفحام
#نزلة...... لسان حال ام البنين عليها السلام توصي الخدام
اوصيكم يخدام. تخدمون الزجية
بمصابي تقيمون. ليالي فاطميه
....................
آنه ام الكافل خادم حسين
من كثر ماعاشگ ضحّه چفين
آنه ام الاربعه تعرفوني
ما اقصّر والله من تنخوني
مو بعيده بساعة التردوني.
بمجلس الزهره اون تلگوني
يعشّاگ المجالس حمايتكم علية
بمصابي تقيمون. ليالي فاطميه
....................
صيتي من مولاتي. يالموالين
لفاطمه مخلوقه قُرّة العين
هالمجالس بسمي لتكتبوها
لفاطمه ام الحسن اهدوها
ارضه عنكم والله من ترضوها
يالموالين بصدق خدموها
عهد منّي اسجّل. اساميكم بديه
بمصابي تقيمون. ليالي فاطميه
....................
ذكرو ظلع الزهره. يالتخدمون
عالزجيه وياكم. من تلطمون
بمجلسي أم الحسن تتصدّر
تگعد بهيبتهه يم المنبر
خادمه الزهراء آنه وافخر
روحي لو تطلبهه ما اتعذّر
حبها الينفع هناك يم رب البريه
بمصابي تقيمون. ليالي فاطميه
....................
يالله لطمو ويايه صبّو الادموع
فاطمه مكسوره. كسرو الاضلوع
حاضرين المجلس آنه وياها
فاطمه تأشرلي عالواساها
اكتب اسمه الخادم الوافاها
وترفع الاسماء هيه لطه
مرفوعه بتواقيع حمّاي الحميه
بمصابي تقيمون. ليالي فاطميه
....................
قدّمت للزهره. اربع اقمار
بكربله وفّوها اخذو الثار
الخير كلّه بفاطمه تشوفونه
الجنة لليخدم صدگ مضمونه
الرضت عنه فاطمه خيعونه
باجر باعله الرتب تلگونه
لزمو بأمّ لحسين. تشفع بالمنيه
بمصابي تقيمون. ليالي فاطميه
....................
فاطمه التنطيكم طلبو حاجات
كل وكت ترعاكم. تنسه هيهات
عالعهد ام البنين اوياكم
آنه والزهره فلا ننساكم
احنه نشفي يالخَدَم مرضاكم
آخره ودنيا عهد نرعاكم
بالمحشر تدخلون للجنّة سويه
بمصابي تقيمون. ليالي فاطميه
#سيد_زيد_الفحام
____________________________________
https://youtu.be/mimwHqoLcSk
ماتت امي الغاليه
الرادود احمد الخاقاني
كلمات سيد زيد الفحام
استراليا 🇦🇺 سدني
حسينية آل ياسين
https://youtu.be/yuDOr0wBFzM
شكرا جزيلا
الرادود يحيى عفارة
كلمات سيد زيد الفحام
لبنان 🇱🇧
https://youtu.be/OmIVCYEV_Ug
اعظم سمه
الرادود محمد المطوع
كلمات سيد زيد الفحام 2021
https://youtu.be/twFNTdZxR90
ماتت امي الغاليه
الرادود باقر المطوع
كلمات سيد زيد الفحام 2021
تشييع نعش الزهراء عليها السلام
ماتت باحزانها وكلشي ناح عليها
فاطمه المظلومه. واجب انواسيها
نحضر انودعها
وي علي انشيّعها
واجب انواسيها
....................
ماتت الليله بحزنها فاطمه وألمهه
بالنعش شايلها بيده. علي روحه يمهه
للگبر ماخذها حيدر ورّدته يشمهه
يالله خل انواسي گلبه نهتف بأسمهه
فاطمه عد عينچ شيعتچ وحبابچ
جينه يامولاتي عالعهد بمصابچ
رايتج نرفعها
وي علي انشيّعها
واجب انواسيها
....................
علي يبچي شحال گلبه للگبر خذاها
يشعر بكسرت ظلعها ينحب لأذاها
علي هذا الطاح حيله دمعته وراها
واجب انعينه يشيعه بزهرته وعزاها
محني ظهره الوالي والنعش بمتونه
بي حياته وروحه. والجمر بعيونه
مابعد يسمعها
وي علي انشيّعها
واجب انواسيها
....................
جنازة الزهره غريبه. صاحت المدينه
شيّعو نعش الزجية بس علي وبنينه
وخُلّص اصحاب الامامه تبعو الحنينه
احنا شيعتها خدمها. للنعش اجينه
بالدموع انشيلها جنازة المظلومه
بياذنب اذّوها بالضلع ملچومه
الطاهره ابمنبعها
وي علي انشيّعها
واجب انواسيها
....................
موكب التشييع هذا فاطمي ولائه
كل سنه يحيي المصيبه دائمي عزائه
يالثـــــــارات الزجيــة ياعلي ندائه
يبقى للموعود يدعي يظهر بلوائه
ياخــذ بثاراتـهه من يوافي عهوده
يبني مرقد عالي. بدولته الموعوده
للحشر نتبعها
وي علي انشيّعها
واجب انواسيها
....................
هذا عهد الرافضيه للحشر عهدنه
نبقه خدام الزجية فاطمه مددنه
كل سنه التشييع هذا يكثر بعددنه
ما نعوف الزهره والله خاسر اليضدنه
ماتغيب انشوفها كل وكت بگلوبنه
فاطمه انواليهه. تغفرلنه ذنوبنه
سر خفي موضعها
وي علي انشيّعها
واجب انواسيها
....................
بالليالي الفاطميّة ننصر الزجية
بالمواكب والمجالس ننشر القضيه
عن ضلامتها واذاها صرخة فاطميه
وننتظر تظهر علينه رايه مهدويه
من يجينه الغايب رايته يشوفوها
فاطمه ايوافيها يحاسب الظلموها
ينگطع مدمعها
وي علي انشيّعها
واجب انواسيها
#سيد_زيد_الفحام
_____________________________________
فاطمه الزهراء عليها السلام
بياذنب ظلموها فاطمه وعصروها
تبچي دم خلوها. تون
..........
هاي ام الحسن آيه فلا نعرف فضلها
اصطفاها الخالق لدينه. مثل حيدر جعلها
اليحبهه يقبل اعماله فرض واجب يجلها
اليعاديها خسر دينه ولا يگدر يذلها
من مُحَمَّد هيه. راضية ومرضيه
للنبي مهديّه. غصن
..............
وصّه المصطفه بيها. گبل ساعة رحيله
لچن ماوافو اصحابه حقد نكرو خليله
حزينه الزهره مفجوعه. عله الهادي عليله
اجوها وهجمو عليها. يعصرون الجليله
نادته يالجاني بت مُحَمَّد آني
جاوباها الثاني. "وأن"
................
عصرها الثاني عالحايط. وره الباب ودفعها
لمّـن طيّـح المحسن. يويلي وطگ ضلعها
دعت يارب اخذ حقي ضربها من سمعـها
سطرها وطاحت الزهره نزف من دم دمعها
عذبوها هوايه. تصبر موصّايه
للنبي شكّايه. تحن
................
ما عاشت بعد طه. ليالي من عمرها
دعت باريها ياخذها خلص بالون صبرها
حزينه وصّت الزهره علي يخفي گبرها
گضت مفجوعه غضبانه عله الثاني العصرها
بالدمع ودّعها. للگبر شيّعها
حيدر وسَمّعها حزن
................
عله الثاني وعله الأول دواعيها وغضبها
ما رحمـــوها ظلمــوها جرح ينزف گلبها
عليهم دعي كل ساعه شكت للباري ربها
حزينه وماتت بهمها. وعلي نفّذ طلبها
بس علي واساها عمره ما اذّاها
ينحب بفرگاها. يئن
...................
احنا عله العهد نبقه محبّيها وخدمها
عله اعناد اليبغضوها. يظل خالد اسمها
ربح كلمن يواليهه. خسر كلمن ظلمها
فلا نترك مجالسهه. ولا نخشه خصمها
احنه دوم وياها والله ما ننساها
بالحشر بحماها. امن
#سيد_زيد_الفحام
________________________________