Тўланган устама қайтариб олиниши мумкинми?

@Yurist_Xizmati 5200-савол:

Ўқитувчи 15 фоиз устама олган. Устама тўлаш бўйича ишчи гуруҳ қарори, мактаб директорининг буйруғи чиққан. Ревизияда устама ўқитувчига нотўғри тўланган деб топишган. Мактаб маъмурияти олинган устама пулини яъни 5 ойда 3 млн 448 минг сўмни ўқитувчига тўлайсан деяпти. Ҳужжатларни ишчи гуруҳ кўриб чиқиб 15 фоиз устама берилсин деган бўлса, бу ерда мактаб директори, ишчи гуруҳ айбдор эмасми. Пулни ким тўлаши керак. 823 қарорнинг 16 моддасида ишчи гуруҳ раҳбари жавобгар дейилган

ЮРИСТ ЖАВОБИ:

❗️Сизга тўланган устамани қайтариб олиш ҳам мумкин эмас.

Меҳнат кодекси 269-моддасига асосан ходимга ортиқча тўланган иш ҳақи (шу жумладан меҳнат тўғрисидаги қонунчилик ёки меҳнат ҳақидаги бошқа ҳуқуқий ҳужжатлар нотўғри қўлланилганда) ундан ундирилиши мумкин эмас.

Ушбу норманинг мазмунига кўра ҳисоб-китобда бўлган техник хатолик оқибатида тўланган ортиқча иш ҳақи қайтариб олиниши мумкинлиги белгиланган.

💁‍♂ Мисол учун сизга 2 000 000 сўм иш ҳақи ёзилиши керак эди, лекин бехгалтериядаги хатолик туфайли сизга 2 200 000 сўм иш ҳақи чиқди. Шу ҳолатда сиз ортиқча тўланган 200 000 сўмни қайтаришингиз лозим.

❌ Лекин иш берувчи ўз ихтиёри билан тўлаган, шунингдек қонунни нотўғри қўлланиш оқибатида тўланган ортиқча иш ҳақи қайта ундирилиши мумкин эмас.

Энди қаранг! Фуқаролик кодексининг 1023-моддасига асосан қонунчиликда ёки битимда белгиланган асосларсиз бошқа шахс (жабрланувчи)нинг ҳисобидан мол-мулкни эгаллаб олган ёки тежаб қолган шахс (қўлга киритувчи) асоссиз эгаллаб олинган ёки тежаб қолинган мол-мулкни (асоссиз орттирилган бойликни) жабрланувчига қайтариб бериши шарт.

✅ Қоиданинг мазмунига кўра агар бу пул сизга асоссиз ёки қонунчиликка зид ҳолатда тўланган бўлса, уни қайтаришингиз керак.

Бироқ ФК 1030-моддасига асосан иш ҳақи ва унга тенглаштирилган тўловлар, пенсиялар, нафақалар, стипендиялар, ҳаёт ёки соғлиққа етказилган зарар товони, алиментлар ва фуқарога турмуш кечириш воситаси сифатида берилган бошқа пул маблағлари, унинг томонидан виждонсизлик қилинмаганда ва ҳисоб-китобда хатолар бўлмаганда асоссиз орттирилган бойлик сифатида қайтариб берилмайди.

➕ Қўшимча маълумот! Меҳнат кодексининг 248-моддаси ҳамда Вазирлар Маҳкамасининг 275-сон қарорига биноан қўшимча тўловлар (шу жумладан мукофот пуллари, устама ҳам) ўқитувчи иш ҳақининг таркибига киради.

✉️ Юристга савол юбориш

📞 Юрист билан қўнғироқ орқали боғланиш

📝Барча турдаги ҳужжатларга буюртма бериш

Расмий каналимиз:
👉 @Yurist_Xizmati 👈

Читать полностью…

Xizmatchilarning asosiy lavozimlari va ishchilar kasblari klassifikatori (XALIKK-2024) bekor qilinib, uning oʻrniga Mashgʻulotlarning milliy klassifikatori OʻzMSt 641:2025 (MMK) tasdiqlandi.

💠 MMK Oʻzbekiston Respublikasi hududida mavjud va qoʻllanilayotgan mashgʻulotlar nomlarini aks ettiradi va ularni bajariladigan ish turiga qarab koʻnikma darajasi va ixtisosligi boʻyicha klassifikatsiyalaydi.

Ushbu milliy standartga Xizmatchilarning asosiy lavozimlari va ishchilar kasblari roʻyxati III boʻlim sifatida qoʻshildi.

MMKdan:
🔸mashgʻulotlar va kasbiy faoliyat turlarini tasniflash;
🔸xizmatchilarning asosiy lavozimlari va ishchilar kasblarini tizimlashtirish;
🔸ishchilarning malaka razryadlari diapazoni va xizmatchilarning lavozimlari toifalarini belgilash;
🔸malaka darajalarga qoʻyiladigan talablarni aniqlash uchun foydalaniladi.

✍️ Ushbu milliy standart 2025-yil 18-avgustdan kuchga kiradi.

✉️ Yuristga savol yuborish

Rasmiy kanalimiz
👉 @Yurist_Xizmati 👈

Читать полностью…

II гуруҳ ногиронларига солиқ имтиёзи қандай амал қилади?

@Yurist_Xizmati 5199-савол:

Assalomu aleykum hurmatli yuristlar! Savolim quyidagicha men maktabda boshlang'ich sinf o'qituvchisi bo'lib ishlayman 2-guruh nogironiman oyligim (начисление) 3165000 12%lik daromad solig'i bizdan kamroq ushlanishi kerak agar oylik 3500000gacha bo'lsa daromad solig'i ushlanishi kerakmas deyishgan edi lekin mendan har oy 200.000dan ushlab qolinadi ta'til pulidan ham 800.000dam ortiq ushlangan aslida mendan daromad solig'i qancha ushlanishi kerak iltimos qonuniy javob bersangiz.

ЮРИСТ ЖАВОБИ:

Солиқ кодексига кўра, II гуруҳ ногиронлиги бўлган шахслар (шу жумладан сиз каби педагоглар) учун 12 фоизлик даромад солиғи бўйича қисман имтиёз назарда тутилган.

Бу имтиёз Солиқ кодексининг 380-моддасига асосланади. Яъни:

🔹 II гуруҳ ногиронлиги бўлган шахслар, ҳар бир ойда олинган даромадининг, меҳнатга ҳақ тўлашнинг энг кам миқдорининг 3 баравари миқдоридаги қисмидан даромад солиғи тўламайди.

____
2025-йил 1-августгача амал қиладиган ҳолат:
🔹 Ўзбекистон Республикаси Президентининг 2024-йил 12-августдаги ПФ-108-сон Фармонига кўра:
➖ Меҳнатга ҳақ тўлашнинг энг кам миқдори (МҲЕКМ) — 1 155 000 сўм. Демак, сиз учун ҳар ойда 3 × 1 155 000 = 3 465 000 сўм миқдоригача бўлган иш ҳақи даромад солиғидан озод қилинади.
____
💁‍♂ Мисол учун, Сизнинг ойлик ҳисоб-китоб (начисление) маошингиз 3 165 000 сўм деб берилган. Бу миқдор имтиёз чегараси — 3 465 000 сўмдан кам бўлганлиги учун, қуйидагича хулоса қилинади:

•  Сиз ушбу ойда тўлиқ даражада даромад солиғидан озодсиз;
•  Яъни сиздан ҳеч қандай 12% даромад солиғи ушлаб қолинмаслиги керак эди;
•  Агар сиздан ҳар ойда 200 000 сўм атрофида солиқ ушлаб қолинаётган бўлса, бу ҳолат қонунга зид ҳисобланади.

____
Таътил пули бўйича:

🔹 Йиллик меҳнат таътили учун бериладиган тўловлар ҳам меҳнатга ҳақ тўлашга оид даромадлар сирасига киради, шунинг учун ҳар бир ойда қанча миқдорда ҳисобланган бўлса, ўша ойлик қисмидан 3 МҲЕКМ миқдоридаги чегирма татбиқ этилиши керак.

💁‍♂ Масалан: Агар сизга таътил учун 5 000 000 сўм тўлов берилган бўлса ва бу тўлов бир ойда бирйўла ҳисобланган бўлса, у ҳолда:

•  3 465 000 сўмгача бўлган қисми имтиёз сифатида озод қилинади;
•  Қолган: 5 000 000 – 3 465 000 = 1 535 000 сўм
•  Шу 1 535 000 сўмдан 12% солиқ = 184 200 сўм ушлаб қолиш мумкин холос.

Агар ундан кўпроқ (масалан, 800 000 сўм) ушлаб қолинган бўлса — ортиқча солиқ ушлаб қолинган бўлади.
____
Ўзбекистон Республикаси Президентининг 2025-йил 2-июндаги ПФ–91-сон Фармонига кўра, 2025-йил 1-августдан бошлаб:
🔹 Меҳнатга ҳақ тўлашнинг энг кам миқдори (МҲЕКМ) — 1 271 000 сўм этиб белгиланди.

Демак, юқоридаги қоидага кўра (СК 380-м) 1 271 000 × 3 = 3 813 000 сўм. 2025-йил 1-августдан бошлаб, агар сизнинг ойлик даромадингиз 3 813 000 сўмдан ошмаса, сиз даромад солиғидан тўлиқ озодсиз.
____
💁‍♂ Хулоса қиладиган бўлсак, Сиз II гуруҳ ногиронлиги бўлган педагог сифатида ойлик даромадингиз 3 465 000 сўмдан кам бўлса, даромад солиғи умуман ушлаб қолинмаслиги керак. Агар бу имтиёз сизга қўлланилмаётган бўлса, эҳтимол сизнинг ногиронлик ҳужжатларингиз бухгалтерияга тақдим этилмаган ёки бухгалтерия нотўғри ҳисоб-китоб қилган. Сиз бухгалтерияга ёки адлия бўлимига ёзма ариза билан мурожаат қилиб, имтиёз татбиқ этилишини, ортиқча ушлаб қолинган солиқ суммасининг қайтарилишини талаб қилиш ҳуқуқига эгасиз.

✉️ Юристга савол юбориш

📞 Юрист билан қўнғироқ орқали боғланиш

📝Барча турдаги ҳужжатларга буюртма бериш

Расмий каналимиз:
👉 @Yurist_Xizmati 👈

Читать полностью…

Sherobod tumanida sodir bo‘lgan yong‘in to‘g‘risida ma’lumot

Bugun, 23-iyul soat 15:52 da Surxondaryo viloyati FVBga “112” tizimi orqali, Sherobod tumani “Qizilolma” MFY hududida joylashgan Surxon davlat qo‘riqxonasiga qarashli hududda taxminan 5 gektar maydonda quruq o‘t yonayotganligi to‘g‘risida xabar kelib tushgan.

Mazkur xabarga asosan, yong‘in-qutqaruv ekipajlari qutqaruvchilari, tegishli tashkilotlar xodimlari voqea joyiga yetib borishgan. Hozirda yong‘in bartaraf qilinmoqda. Ushbu yong‘inni bartaraf qilish uchun yetarli kuch va vositalar jalb qilingan.

Vaziyat to‘liq nazoratga olingan.

✉️ Yuristga savol yuborish

Rasmiy kanalimiz
👉 @Yurist_Xizmati 👈

Читать полностью…

#Тезкор Сурхондарё вилояти Шеробод тоғларида катта ёнғин содир бўлди.

Видео Хўжанқон қишлоғидан олинган

✉️ Юристга савол юбориш

Расмий каналимиз:
👉 @Yurist_Xizmati 👈

Читать полностью…

Ижарага қўйганда вақтинчалик рўйхатдан ўтказмаганлик учун жарима борми?

@Yurist_Xizmati 5197-савол:

Ижарага куйганда вактинчалик руйхаттан уткизмаганлик учун ижарага куйувчига йоки ижарада турганга жарима кулланиладими

ЮРИСТ ЖАВОБИ:

❗️Иккисига ҳам жарима бор.

Маъмурий жавобгарлик тўғрисидаги кодекси 223-моддаси бўйича Ўзбекистон Республикаси фуқаросининг доимий яшаш ёки вақтинча турган жойи бўйича рўйхатдан ўтмасдан яшаши:

👉 базавий ҳисоблаш миқдорининг иккидан бир қисмидан уч бараваригача миқдорида жарима солишга сабаб бўлади.

Энди қаранг! Ушбу норманинг иккинчи қисмида фуқаролар томонидан ўз турар жойларида шахсларнинг шахсини тасдиқловчи ҳужжатларсиз, доимий яшаш ва вақтинча турган жойи бўйича рўйхатдан ўтмасдан яшашига йўл қўйилиши:

➖базавий ҳисоблаш миқдорининг беш баравари миқдорида жарима солишга сабаб бўлиши белгиланган.

❗️Шу сабабли ушбу масалада ҳар икки шахсга ҳам жавобгарлик чораси қўлланилиши мумкин.

✉️ Юристга савол юбориш

📞 Юрист билан қўнғироқ орқали боғланиш

📝Барча турдаги ҳужжатларга буюртма бериш

Расмий каналимиз:
👉 @Yurist_Xizmati 👈

Читать полностью…

⚡️Давлат ОТМларига ўқишга қабул қилишнинг давлат буюртмаси параметрлари тасдиқланди

Президент фармойиши, 18.07.2025 йилдаги Ф-43-сон

✉️ Юристга савол юбориш

Расмий каналимиз:
👉 @Yurist_Xizmati 👈

Читать полностью…

⚡️Мактаб битирувчиларига касб-ҳунар таълими тўғрисида сертификат берилади

Мактабгача ва мактаб таълими вазири ҳамда Камбағалликни қисқартириш ва бандлик вазирининг қўшма буйруғи (14.07.2025 й. АВ рўйхат рақами 3647-сон) билан Умумий ўрта таълим муассасалари битирувчиларини ўрганган касб-ҳунари бўйича амалий имтиҳондан ўтказиш ва уларга электрон сертификат бериш тартиби тўғрисидаги низом тасдиқланди.

 
Касб-ҳунар таълими йўналиши бўйича амалий имтиҳонни ўтказиш санаси ва вақти мактаб педагогик кенгаши томонидан тасдиқланади ва ҳудудий касб-ҳунарга ўқитиш марказига расман хабар қилинади, шунингдек, имтиҳон бошланишидан камида 15 кун олдин мактабда эълон қилинади.
 
Амалий имтиҳонни ўтказиш учун мактаб директорининг буйруғи билан камида 5 кишидан иборат таркибда комиссия тузилади. Ҳар бир касб тури бўйича баҳолаш мезонлари ва имтиҳон саволлари Мактабгача ва мактаб таълими вазирлиги томонидан тасдиқланади.
 
Амалий имтиҳон 10-11-синф ўқувчилари томонидан ўрганиладиган касб-ҳунар таълими ўқув дастури асосида ўтказилади. Имтиҳонда амалий топшириқни бажариш учун ҳар бир касбнинг мураккаблиги ва хусусиятидан келиб чиққан ҳолда 120 дақиқагача вақт ажратилади.
 
Комиссия аъзолари натижаларни 100 баллик тизимда баҳолайдилар:
📌 86-100  –  "аъло";
📌 72-85  –  "яхши";
📌 56-71 – "қониқарли";
📌 0-55  –  "қониқарсиз".
 
✅ 56 ва ундан юқори балл тўплаган битирувчи амалий имтиҳонни топширган ҳисобланади.
 
Ўқув йили давомида касб-ҳунар таълими битирувчисининг чораклик баҳолари ва амалий имтиҳон натижалари (25 июнга қадар) электрон платформага киритилади. Шундан сўнг педагогик кенгаш сертификат бериш тўғрисида қарор қабул қилади.
 
Битирувчиларга сертификат ҳар йили 30 июнгача, амалий имтиҳонни такроран топширган битирувчиларга эса 10 июлга қадар берилади. Битирувчилар сертификатни электрон платформа орқали бепул юклаб олишлари мумкин.
 
Ҳужжат 14.07.2025 йилдан кучга кирди.

✉️ Юристга савол юбориш

Расмий каналимиз:
👉 @Yurist_Xizmati 👈

Читать полностью…

Қўрқинчли манзара ва аламли оқибатлар: Кўкдаладаги портлаш тафсилотлари

16 июл куни Қашқадарёнинг Кўкдала туманида портлаш рўй берди. Аҳоли уйларига тарқатиладиган баллонларга газ тўлдириш станциясида ёнғин чиқиб, 4 киши ҳалок бўлди, яна бир неча киши жароҳатланди. Воқеа оқибатида станцияга туташ жойлашган ресторан ҳам бутунлай ёниб кетган.

👉 @Yurist_Xizmati

Читать полностью…

Ўқитувчи малака ошириш курсига борганида иш хақи қандай туланади?

@Yurist_Xizmati 5193-савол:

Ўқитувчи малака ошириш курсига борганида иш хақи қандай туланади? Масалан, айтайлик, унинг 28 дарси бор, чет тили сертификати (50%) ва 823 дан хам устамаси бор (30) фоиз. Ойлик қандай туланади? Бизда хозир фақат дарс учун тулашяпти, устама,дафтар текширганлиги учун ва синф рахбарлигига пул туланмаяпти.

ЮРИСТ ЖАВОБИ:

Меҳнат кодексининг 280-моддасига эътибор беринг! Унга кўра иш берувчи, ходим хизмат сафарида бўлган давр ва ходим ишдан ажралган ҳолда ўзи ва иш берувчи учун мажбурий бўлган қайта тайёрлашдан ёки мажбурий малака оширишдан ўтган давр ҳамда бошқа ҳолатларда кафолатли тўловларни амалга ошириши шарт.

МК 286-моддасига кўра, иш берувчи қуйидаги ҳолларда ходимга унинг ўз меҳнат мажбуриятларини бажариши билан боғлиқ харажатларни компенсация қилиши шарт:

▪️хизмат сафарларида бўлганда;
▪️иш берувчининг йўлланмаси билан касбий тайёргарликдан, қайта тайёрлаш, малака ошириш ва стажировкадан ўтганда.

❗️Эътибор берган бўлсангиз, МК 280, 286 ва бошқа моддаларда малака ошириш ва хизмат сафари алоҳида-алоҳида кўрсатиляпти.  Хизмат сафари ва малака ошириш даврида ходимнинг ўртача иш ҳақи сақлаб қолинади. Бунда Меҳнат кодексининг 257-моддасига асосан ходимнинг ўртача ойлик иш ҳақи ҳисобланади.

☝️Ушбу модданинг учинчи қисмига кўра Меҳнатга ҳақ тўлашнинг вақтбай тизимидаги ходимларнинг ўртача иш ҳақи ходимнинг ўртача иш ҳақи сақланиб қоладиган ойдан олдинги охирги календарь ой учун тариф ставкаси (лавозим маоши) миқдоридан келиб чиқиб, ходимнинг ўртача иш ҳақи сақланиб қоладиган ойдан олдинги ўн икки календарь ой учун устамалар, мукофотлар ва бошқа тўловлар (ушбу Кодекс 248-моддасининг учинчи қисмида назарда тутилган иш ҳақининг қўшимча қисми) суммасининг ўн иккидан бир қисми ўртача иш ҳақига жамланган ҳолда белгиланади.

➕ Мана шу қоидага кўра ходимнинг устамалари унинг ўртача иш ҳақини ҳисоблашда қўшилади.

✅ Демак, сизга малака ошириш даврида ўртача ойлик иш ҳақингиз тўлаб берилади.

✉️ Юристга савол юбориш

📞 Юрист билан қўнғироқ орқали боғланиш

📝Барча турдаги ҳужжатларга буюртма бериш

Расмий каналимиз:
👉 @Yurist_Xizmati 👈

Читать полностью…

⚡️Қамоқдан озод қилинган шахсларга нафақа тўлаш тартиби белгиланди.

✉️ Юристга савол юбориш

Расмий каналимиз:
👉 @Yurist_Xizmati 👈

Читать полностью…

Qisqarishga tushgan xodimlarning huquqlari

Bugungi kunda global iqtisodiy vaziyat, raqamlashtirish jarayonlari va tashkiliy oʻzgarishlar tufayli koʻplab korxonalarda xodimlar qisqartirilishi kuzatilmoqda. Bu jarayon nafaqat xodimlar, balki ish beruvchilar uchun ham murakkab va masʼuliyatli davr hisoblanadi. Qisqarishga tushgan xodimlarning mehnat huquqlarini himoya qilish, ularga qonunchilikda belgilangan kafolatlarni taʼminlash muhim ahamiyat kasb etadi. Keling ushbu maqolada qisqarishga tushgan xodimlarning asosiy mehnat huquqlari va bu borada mavjud huquqiy kafolatlar haqida gaplashamiz. Demak, korxonaga qisqartirish kelganda, xodimlarning quyidagi huquqlari mavjud.
➖➖➖➖➖➖➖➖➖➖➖➖➖➖

1️⃣ Oldindan ogohlantirish huquqi

Mehnat kodeksining 165-moddasi birinchi qismi 2-bandiga koʻra texnologiyaning, ishlab chiqarish va mehnatni tashkil etishning oʻzgarishiga, ishlar (mahsulot, xizmatlar) hajmining qisqarishiga bogʻliq boʻlgan tashkilot xodimlarining soni yoki shtati oʻzgarganligi holatida xodimga kamida ikki oy oldin yozma ravishda ogohlantirish xati berish shart. Soddaroq aytganda, ish beruvchi xodimni qisqartirish sababli ishdan boʻshatishdan kamida 2 oy oldin ogohlantirishi shart. Agar ogohlantirish muddati kamida 2 oy boʻlmasa, xodimga qoʻshimcha kompensatsiya toʻlanadi.

➖➖➖➖➖➖➖➖➖➖➖➖➖

2️⃣Korxonada mavjud ish oʻrinlariga imtiyozli joylashish huquqi

Mehnat kodeksining 144-moddasiga asosan xodimning hozirgi ishi (masalan, uning lavozimi yoki vazifalari) biron sababga koʻra davom ettirilmasa (masalan, qisqartirish, texnik sabablar yoki boshqa holatlar), ish beruvchi quyidagilarni amalga oshirishi kerak:
1. Xodimni boshqa ishga oʻtkazish: Ish beruvchi xodimning mutaxassisligi va malakasiga mos keladigan boshqa ishni taklif qilishi shart. Yaʼni, agar xodimning bilim va koʻnikmalariga mos keladigan boʻsh lavozim boʻlsa, uni shu lavozimga koʻchirish kerak.
2. Boshqa ishni taklif qilish: Agar xodimning mutaxassisligiga mos keladigan ish boʻlmasa, ish beruvchi korxonada mavjud boʻlgan boshqa boʻsh ish oʻrinlarini taklif qilishi kerak. Bu ish xodimning malakasiga toʻliq mos kelmasa ham, unga moslashtirish imkoniyati boʻlishi mumkin.
3. Ishdan boʻshatish oxirgi chora: Agar ish beruvchi xodimga mos ish taklif qila olmasa yoki xodim taklif etilgan ishni qabul qilmasa, faqat shundan keyingina uni ishdan boʻshatish mumkin.

➖➖➖➖➖➖➖➖➖➖➖➖➖

3️⃣Ish qidirish uchun vaqt olish huquqi

Mehnat kodeksi 165-moddasi toʻrtinchi qismi mazmuniga koʻra xodim ishdan boʻshatilishi haqida ogohlantirish xati olgandan boshlab, ushbu muddati davomida haftada kamida bir kun ishga chiqmasligi va bu kunda yangi ish qidirishi mumkin. Bunda ishga chiqmagan kuni uchun ish haqi toʻliq saqlanadi.

➖➖➖➖➖➖➖➖➖➖➖➖➖

4️⃣Kasaba uyushmasidan rozilik olish

Mehnat kodeksining 164-moddasiga asosan korxonada jamoa kelishuvi yoki jamoa shartnomasi boʻlib, unda “xodimni ishdan boʻshatish uchun kasaba uyushmasi rozi boʻlishi kerak” degan qoida yozilgan boʻlsa, ish beruvchi mehnat shartnomasini bekor qilishdan oldin kasaba uyushmasi qoʻmitasining roziligini olishi majburiy hisoblanadi.

➖➖➖➖➖➖➖➖➖➖➖➖➖

5️⃣Ishda qolishda imtiyozli huquqi

Mehnat kodeksining 167-moddasiga binoan korxonada texnologiya oʻzgarishi, ishlab chiqarish jarayonlari yaxshilanishi yoki ish hajmi qisqarishi sababli xodimlar sonini qisqartirish kerak boʻlsa, quyidagi qoidalar qoʻllaniladi:
1. Xodimlarni ishda qoldirishda malakasi yuqori va mehnat unumdorligi yaxshi boʻlgan xodimlarga imtiyoz beriladi. Yaʼni, agar bir necha xodim bir xil lavozimda ishlasa, ular orasida koʻproq tajribaga ega va samaraliroq ishlaydigan xodim ishda qoldiriladi.
2. Malaka va mehnat unumdorligi bir xil boʻlgan xodimlar mavjud boʻlganda normaning ikkinchi qismidagi toifadagi xodimlarga imtiyoz beriladi.

➖➖➖➖➖➖➖➖➖➖➖➖➖

➡️ Davomini maqolada batafsil o‘qing

✉️ Yuristga savol yuborish

Rasmiy kanalimiz
👉 @Yurist_Xizmati 👈

Читать полностью…

⚡️Ҳайдовчилик гувоҳномаси олиб бериш эвазига пул талаб қилган инспектор ушланди

❗️Тошкент шаҳар ИИББ Жамоат тартибини сақлаш бошқармасининг Патруль-пост хизмати инспектори хизмат мавқеини суиистеъмол қилган ҳолда ўзганинг ишончига кириб, унинг Навоий вилоятида яшовчи, 1995 й.т. танишини давлат имтиҳонидан муваффаққиятли ўтказиб, унга ҳайдовчилик гувоҳномасини олиб беришини айтади.

💵ДХХ Тошкент шаҳар бўйича бошқармаси ва Бош прокуратура ҳузуридаги Департамент ходимлари ҳамкорлигида Юнусобод туманида ўтказилган тезкор тадбирда инспектор 1500 АҚШ доллари ва кириш имтиҳони учун тўланиши лозим бўлган 1 млн 900 минг сўм пул маблағларини олган вақтида ашёвий далиллар билан ушланди.

⚖️Ҳолат юзасидан унга нисбатан Жиноят Кодексининг 168 ва 211-моддалари билан жиноят иши қўзғатилиб, қамоқ эҳтиёт чораси қўлланилди.

Ҳозирда тергов ҳаракатлари олиб борилмоқда.

✉️ Юристга савол юбориш

Расмий каналимиз:
👉 @Yurist_Xizmati 👈

Читать полностью…

⚡️Ikkinchi kun test natijalari e‘lon qilindi

2025-yil 15-iyul kuni o‘tkazilgan oliy va professional ta’lim muassasalariga o‘qishga kirish test sinovi natijalari e’lon qilindi.

✅ Test sinovida ishtirok etgan abituriyentlar o‘z natijalarini 4 xil usulda bilishlari mumkin:

1️⃣ my.uzbmb.uz saytining “Natijani olish” bo‘limidan pasport seriyasi va raqami hamda shaxsiy identifikatsiya raqamini kiritgan holda.
2️⃣ mandat.uzbmb.uz sayti orqali abituriyent qayd varaqasi yoki abituriyent ruxsatnomasida ko‘rsatilgan abituriyentning ID raqamini kiritgan holda.
3️⃣ Bilimni baholash agentligining quyidagi telegram botlariga abituriyent qayd varaqasi yoki ruxsatnomasida ko‘rsatilgan abituriyentning ID raqamini yuborgan holda:
👉@bmba_natija_bot
👉@bmba_natija_1bot
👉@bmba_natija_2bot

4️⃣ SMS xabarnoma xizmati orqali:
Abituriyentlar test natijalarini 5100 raqamiga qayd varaqasi yoki ruxsatnomada ko‘rsatilgan abituriyent ID sini yuborgan holda ham bilishi mumkin.
Bunda SMS yuborilgan telefon raqamiga test natijasi bo'yicha SMS xabarnoma yuboriladi (xizmat haqi mavjud).

✉️ Yuristga savol yuborish

Rasmiy kanalimiz
👉 @Yurist_Xizmati 👈

Читать полностью…

⚡️ИШ БЕРУВЧИЛАР УЧУН СУҒУРТА ТАРТИБИ ЯНГИЛАНДИ – КИМ ҚАНЧА ТЎЛАЙДИ?

2025 йил 15 июль куни Вазирлар Маҳкамасининг 443-сон қарори қабул қилинди. Бу қарор иш берувчининг фуқаролик жавобгарлигини мажбурий суғурта қилиш тартибига долзарб ўзгаришлар киритади. Қисқача қилиб тушунтираман:

☑️ Тарифлар янги тартибда белгиланди: Эндиликда суғурта тарифлари 20 та касбий хавф даражаси бўйича аниқланади ва 934 хил фаолият турига қараб ҳисобланади. Яъни, ҳар қандай иш берувчи ўз фаолиятига қараб қайси хавф гуруҳига киради, деган нарса аниқ белгиланади.

☑️ Суғурта мукофотининг минимал миқдори жорий қилинди: Базавий ҳисоблаш миқдорининг 0,25 баравари (ҳозирги БҲМ – 375 000 сўм бўлса, 93 750 сўм атрофида) — энди иш берувчи шундан кам тўламайди. Бу — ишчи учун суғурта ҳимояси кафолатлансин, дегани.

☑️ Тўлов масаласида ҳам ўзгариш бор: Суғурта компаниялари эндиликда қайта тиббий кўрик натижаларига қараб суғурта тўловини амалга оширади. Яъни, бахтсиз ҳодиса бўлса, ишчи қай даражада шикастлангани расмий тиббий хулоса билан аниқланади ва шунга яраша тўлов берилади.

✉️ Юристга савол юбориш

Расмий каналимиз:
👉 @Yurist_Xizmati 👈

Читать полностью…

🔹 Янги иш ўринлари вакансиялари
🔹 Хусусий секторларда иш ўринлари (5 млндан 10 млнгача)
🔹Таълимга оид энг сўнги янгиликлар
🔹 Бола пули олиш
🔹📖 Олий таълимда имтиёз асосида қабул қилиниш шартлари
“Темир дафтар”га кириш
“Аёллар дафтари”га кириш
“Ёшлар дафтари”га кириш
🔹 Кам таъминланган оилаларга бериладиган имтиёзлар

Kanalga a'zo bo'ling va davlat tomonidan beriladigan barcha yordamlar haqida bilib oling!!!
👇👇👇👇👇👇👇👇👇👇👇👇👇

Читать полностью…

#Rasmiy_bayonot

Magistratura va doktoranturaga hujjat topshirishda sertifikat talabi bekor qilinmagan

Ijtimoiy tarmoqlarda 2025-yil 19-iyuldagi PF–114-sonli Prezident Farmoni noto‘g‘ri talqin qilinmoqda. Shu munosabat bilan Oliy ta’lim, fan va innovatsiyalar vazirligi quyidagilarni ma’lum qiladi.

Mazkur Prezident Farmoni bilan ayrim normativ-huquqiy hujjatlarga o‘zgartirishlar kiritildi va ba’zilarining ayrim bandlari o‘z kuchini yo‘qotdi.

Xususan, 2021-yil 19-maydagi PQ–5117-sonli Qarorning 6-bandi to‘rtinchi xatboshisi chiqarib tashlandi. Ushbu bandda magistratura va doktoranturaga hujjat topshirishda xorijiy til sertifikati talabining ilk joriy etilishi nazarda tutilgan edi.

Biroq, mazkur normaning chiqarib tashlanishi xorijiy til bo‘yicha sertifikatlar talabi butunlay bekor qilindi degani emas.

Sababi, 2024-yil 24-maydagi PF–81-sonli Prezident Farmoni bilan magistratura mutaxassisliklari va oliy taʼlimdan keyingi taʼlim ixtisosliklariga qabul qilishda xorijiy tilni bilish darajasini belgilovchi milliy yoki xalqaro sertifikatlar quyidagi darajalarda talab etilishi belgilangan:

🟢xorijiy tillar yoʻnalishlari boʻyicha — kamida C1 darajasida;
🟢gumanitar, biologik va turdosh fanlar, matematika va statistika, biznes va boshqaruv, huquq, xizmat koʻrsatish, ijtimoiy va xulq-atvorga mansub fanlar, jurnalistika va axborot, axborot-kommunikatsiya texnologiyalari taʼlim sohalari boʻyicha — kamida B2 darajasida;
🟢boshqa taʼlim sohalari hamda madaniyat va sport mutaxassisliklari boʻyicha — kamida B1 darajasida.

Shu munosabat bilan Oliy ta’lim, fan va innovatsiyalar vazirligi PF–81-son Prezident Farmoni bilan belgilangan xorijiy tilni bilish darajasini tasdiqlovchi milliy yoki xalqaro sertifikatlar talabi hozirda ham amalda ekanini eslatadi va bu borada tarqalayotgan noto‘g‘ri talqinlarga e’tibor bermaslikni so‘raydi.

✉️ Yuristga savol yuborish

Rasmiy kanalimiz
👉 @Yurist_Xizmati 👈

Читать полностью…

Таваллуд кунингиз муборак бўлсин, ҳурматли Шавкат Мирзиёев!

Шавкат Мирзиёев 1957 йилнинг 24 июль куни Жиззах вилоятининг Зомин туманида туғилган. Ҳозирда 68 ёшни қаршиладилар!

"Муҳтарам Президентимиз 68 ёшингиз муборак бўлсин! Барча Ўзбек халқи номидан сизга бахт, омад, соғлик-саломатлик, оилавий хотиржамлик ва давлатни бошқаришда улкан муваффақиятлар тилаб қоламиз. Оилангиз ва барча Ўзбек халқи бахтига доимо соғ-саломат бўлинг!!!"

© Юрист хизмати жамоаси

👉 @Yurist_Xizmati

Читать полностью…

#Дахшат
Шеробод тоғларидаги дахшатли ёнғин аҳоли томон яқинлашаётгани айтилмоқда 🔥

Видео аҳоли томонидан Хўжанқон қишлоғидан олинган

✉️ Юристга савол юбориш

Расмий каналимиз:
👉 @Yurist_Xizmati 👈

Читать полностью…

Ходимга қўшимча иш юклаш учун унинг розилиги талаб этилади❗️

@Yurist_Xizmati 5198-савол:

Men maktab psixologiman. Meni 2025 yil may oyida 1shtat psixologligi bor lekin menga 1shtat manaviyatchiligini yukladi direktor asosiy manaviyatchi o'qishga ketganligi sababli MEN pul to'lanadimi. Yuklatilgan manaviyatchiligini uchun qonuniy asoslab bering

ЮРИСТ ЖАВОБИ:

Меҳнат кодексининг 116-моддаси биринчи қисмига кўра ходимнинг розилиги билан унга иш кунининг (сменанинг) белгиланган давомийлиги мобайнида худди ўша иш берувчида қўшимча ҳақ эвазига меҳнат шартномасида шарт қилиб кўрсатилган асосий иш билан бир қаторда, асосий ишидаги каби айнан ўша касб (лавозим) бўйича ёки бошқа касб (лавозим) бўйича ҳам қўшимча ишни бажариш топширилиши мумкин.

Ушбу модданинг иккинчи қисмида вақтинча йўқ бўлган ходимнинг мажбуриятларини меҳнат шартномасида белгиланган, асосий ишидаги айни ўша касб (лавозим) ёки бошқа касб (лавозим) бўйича ишдан озод этилмаган ҳолда бажариш вақтинча йўқ бўлган ходимнинг ишини бажариш ҳисобланади.

💁‍♂ Шунга кўра вақтинча йўқ бўлган ходимнинг вазифасини бажариш бошқа ходим зиммасига юклатилади. Сизда ҳам айнан шундай ҳаракат амалга оширилиши керак.

⚠️ Лекин ходимга қўшимча иш юклаш учун унинг розилиги талаб этилади. Бунда розилик ёзма шаклда олиниши лозим. Шунга кўра сиздан ҳам ариза олиш талаб этилади. Шундан сўнггина сизга қўшимча вазифа юклаш мумкин. Бунда мазкур вазифа юкланиши ҳақида алоҳида буйруқ ҳам чиқарилади.

Бунда ушбу кодекс 259-моддасига асосан бир неча касбда (лавозимда) ишлаганда, хизмат кўрсатиш доираси кенгайганда, иш ҳажми кўпайганда ходимнинг асосий лавозимдаги иш ҳақига қуйидагилар учун қўшимча тўлов белгиланади ва тўланади:

➖ бюджет ташкилотлари ходимлари учун — бир неча лавозимда ишлаганлик учун тариф ставкасининг (маошининг) эллик фоизидан кўп бўлмаган миқдорда.

✅ Бунда лавозим юклатилган ходимга шу лавозим маошининг 50 фоизигача қўшимча ҳақ тўланади.

✉️ Юристга савол юбориш

📞 Юрист билан қўнғироқ орқали боғланиш

📝Барча турдаги ҳужжатларга буюртма бериш

Расмий каналимиз:
👉 @Yurist_Xizmati 👈

Читать полностью…

Жисмони тарбия дарсларини бошланғич синф ўқитувчилари ўтишга ҳақлими?

@Yurist_Xizmati 5196-савол:

Жисмоний тарбия дарсларини бошлангич синф ўқитувчилари ўтиш керакми еки жисмоний тарбия ўқитувчисими юқори синфларда дарс етарли эмас бу йил 28 соат дарс чиқяпти юқори синфлардан шунга қонуний жавоб керак

ЮРИСТ ЖАВОБИ:

✅ Гап бошланғич синфлардаги жисмоний тарбия фани ҳақида кетаётган бўлса, унда ўқитувчилар ҳақли.

Халқ таълими вазирлигининг 2020 йил 10 август кунидаги 03-02/01-1807-сонли кўрсатмасида умумий ўрта таълим муассасаларининг бошланғич синф ўқитувчиси дипломида “Бошланғич таълим ва спорт-тарбиявий иш” ихтисослиги берилган булса, улар умумий ўрта таълим муассасаларининг бошланғич синфларида “она тили”, “ўқиш”, “тарбия”, “математика”, “атрофимиздаги олам”, “табиатшунослик”, “тасвирий санъат”, “технология”, “жисмоний тарбия” фанларидан дарс бериши мумкин.

☝️Юқорида бошланғич синф ўқитувчиси дарс бериши мумкин бўлган фанлар рўйхати аниқ келтирилган. Айнан мана шу қоидага кўра бошланғич синфлардаги жисмоний тарбия фани бошланғич синф ўқитувчиси томонидан ўтилади.

💁‍♂ Бунда “Умумтаълим муассасаларида синфларни комплектлаш ҳамда тарификация рўйхатларини шакллантириш тартиби тўғрисида”ги низом (рўйхат рақами № 3271) қоидаларига кўра жисмоний тарбия дарси бошланғич синф ўқитувчисига тариф асосида берилади.

✉️ Юристга савол юбориш

📞 Юрист билан қўнғироқ орқали боғланиш

📝Барча турдаги ҳужжатларга буюртма бериш

Расмий каналимиз:
👉 @Yurist_Xizmati 👈

Читать полностью…

Ўқитувчиларни микроҳудудга жалб қилиш бекор қилинганми?

@Yurist_Xizmati 5195-савол:

Ассалому алайкум укитувчиларни микрохудудга жалб килиш бекор килинганми? Агар бекор килинган булса неччанчи йил ва кайси карор асосида

ЮРИСТ ЖАВОБИ:

❌Педагогнинг мақоми тўғрисидаги қонун 5-моддасига мувофиқ педагогни касбий фаолияти билан боғлиқ бўлмаган ишларга жалб қилиш тақиқланади.

👆Эътибор берган бўлсангиз, қоидада касбий фаолиятга боғлиқ бўлмаган ишларга дейилган. Бунда ҳудудларни ободонлаштиришга ва қишлоқ хўжалиги ишларига жалб қилиш, аҳолининг солиқлар, коммунал тўловлар ва бошқа қарздорлиги тўғрисидаги маълумотларни, битирувчиларнинг бандлиги таъминланганлиги ҳақидаги ҳисоботларни шакллантиришини ва тақдим этишини талаб қилиш ва бошқалар педагогни касбий фаолияти билан боғлиқ бўлмаган ишлар тоифасига киради.

💁‍♂ Энди қаранг! Вазирлар Маҳкамасининг 2017 йил 15 мартдаги 140-сон қарори билан тасдиқланган “Умумтаълим мактаби тўғрисида”ги низомнинг 39-бандига кўра мактаб ёшидаги болаларни умумий ўрта таълимга қамраб олиш туман (шаҳар) ҳокимликларининг қарори билан умумтаълим муассасаларига бириктирилган ҳудудлар (микроҳудуд) доирасида умумтаълим муассасаси томонидан рўйхатга олиш орқали амалга оширилади.

Бунда бириктирилган ҳудудлар (микроҳудуд) доирасида доимий яшаш ва вақтинча турган жойи бўйича рўйхатга олинган ва ҳақиқатда яшовчи оила фарзандлари инобатга олинади.

👆Эътибор берган бўлсангиз, болалар умумтаълим муассасаси томонидан рўйхатга олиниши белгиланган.

✅ Шунга кўра бу масалада мактаб директор бу вазифани бажариш учун мактаб ходимларни жалб қилишга ҳақли.

✉️ Юристга савол юбориш

📞 Юрист билан қўнғироқ орқали боғланиш

📝Барча турдаги ҳужжатларга буюртма бериш

Расмий каналимиз:
👉 @Yurist_Xizmati 👈

Читать полностью…

Интизомий жазоси бор ўқитувчи устамага даъвогар бўла оладими?

@Yurist_Xizmati 5194-савол:

Assalomu alaykum  men biologiya o'qituvchisi  bo'lib maktabda ishlayman, 313 bo'yicha chora oldim, yani 3- chorakda bir o'quvchini baholamaganim uchun,endi ustama hujjatlarimga bu ta'sir qiladimi? Iltimos javobni kutib qolaman

ЮРИСТ ЖАВОБИ:

Меҳнат кодексининг 299-моддаси бешинчи қисмига кўра интизомий жазонинг амал қилиш муддати ичида ходимга нисбатан рағбатлантириш чоралари, шу жумладан меҳнатга ҳақ тўлаш тизимига кирмайдиган ва меҳнат натижаларига асосланмаган мукофотлар ҳам (байрамлар, шу жумладан касб байрамлари, юбилейлар муносабати билан ва ҳоказолар) қўлланилмайди.

🙅‍♂️ Мана шу қоидага кўра интизомий таъсир чораси қўлланилган ходимлар моддий рағбатлантирилмайди.

⏺Энди қаранг! Ушбу модданинг тўртинчи қисмида иш ҳақи, мукофотлар, қўшимча тўловлар, устамалар ва меҳнатга ҳақ тўлаш тизимида назарда тутилган бошқа тўловлар рағбатлантириш турлари жумласига кирмаслиги белгиланган.

Бундан кўриниб турибдики, ходимга интизомий таъсир чораси қўлланилган бўлса, унга тайинлаган устамалар тўлашда давом эттирилади.

✅ Шундай экан сиз келаси ўқув йили учун ВМ 823-сон қарор бўйича бемалол устамага даъвогарлик қилишингиз мумкин.

✉️ Юристга савол юбориш

📞 Юрист билан қўнғироқ орқали боғланиш

📝Барча турдаги ҳужжатларга буюртма бериш

Расмий каналимиз:
👉 @Yurist_Xizmati 👈

Читать полностью…

❗️2025 йил учун ТОП-1000 таликка кирган ОТМлар рўйхати эълон қилинди

Ўзбекистонда 2025 йилдан бошлаб халқаро рейтингларда (QS, THE, ARWU) юқори ўринларни эгаллаган хорижий олий таълим муассасаларини битирганлар учун янгилик

ТОП-1000 таликка кирган ОТМларни битирган талабаларнинг дипломлари синовсиз тўғридан тўғри тан олинади.

✉️ Юристга савол юбориш

Расмий каналимиз:
👉 @Yurist_Xizmati 👈

Читать полностью…

Бюджет ташкилоти ходимларига бюджет ҳисобидан моддий ёрдам бериш мумкинми?

@Yurist_Xizmati 5192-савол:

Ассалому алайкум. Бюджет ташкилотининг штатлар жадвали тузилганда лавозим оклад ва АВ-3561-сон билан руйхатдан ўтган низомга асосан моддий рағбатлантириш фонди маблағлари асосида йиллик меҳнат фонди шакллантирилади ва штатлар жадвалини жами суммаси шаклланади. Савол қуйидагича: бюджет ташкилоти ходимларига бюджет ҳисобидан моддий ёрдам бериш мумкинми? Штатлар жадвалида фақат ойлик лавозим ва рағбат учун маблағ шакллантирилган. АВ-3561-сон низомда устама ва мукофот бериш кўзда тутилган. Шундай ҳолатда БЮДЖЕТдан моддий ёрдам берса "маблағлар мақсадсиз сарфланган" деб эътироф этилмайдими?

Бошқарув органларига ВМ-147-сон қарори билан бюджетдан моддий ёрдам режалаштирилади, улар олса бўлади, шундай маблағ режалаштирилмаган ташкилотлар ҳам айнан бюджетдан моддий ёрдам олиши мумкинми?

ЮРИСТ ЖАВОБИ:

«Бюджет ташкилотлари ходимларини моддий рағбатлантириш махсус фонди тўғрисида»ги Низом (22.10.2024 йилда рўйхатдан ўтган, рўйхат рақами 3561) 1-бандида ушбу фонд тиббиёт муассасалари, барча турдаги умумтаълим мактаблари, ўрта махсус ва профессионал таълим муассасаларида шакллантирилмаслиги белгиланган.

Шунга кўра агар сиз ушбу муассасаларда эмас, балки тўғридан тўғри бюджетдан молиялаштириладиган ташкилотда ишласангиз ушбу низом қоидалари сизга нисбатан қўлланилади.

Бироқ бунинг учун:

1️⃣Биринчи галда ташкилотда Моддий рағбатлантириш махсус фонди шакллантирилган ва унда маблағ бўлиши талаб этилади.
2️⃣Иккинчидан, ушбу маблағлардан фойдаланишнинг алоҳида тартиби ташкилот раҳбарининг буйруғи ёки юқори турувчи ташкилот томонидан белгиланган буйруқ ёки алоҳида низом асосида амалга оширилади.

Сабаби юқоридаги низомда моддий ёрдам пулини бериш асослари ва тартиби кўзда тутилмаган. Шунингдек, унинг миқдори ҳам аниқ белгиланмаган. Шу сабабли ходимга ушбу фонд орқали моддий ёрдам бериш тартиби ички локал ҳужжатлар билан аниқланади деб ҳисоблаймиз.

📝Моддий рағбатлантириш (шу жумладан моддий ёрдам) асослари ва тартибини сиз жамоа шартномаси ёки ички меҳнат тартиб қоидаларидан кўришингиз мумкин. Бу масала ички локал ҳужжатларда қайд этилгани туфайли саволингизга аниқ жавоб бера олмаймиз. Агар ички меҳнат тартиб қоидаларида аниқ миқдор ёки меҳнатга ҳақ тўлаш энг кам миқдорининг қандайдир миқдори белгиланган бўлса, унда сизга ҳам ўша миқдорда моддий рағбатлантириш олиши мумкин.

Бу ноаниқ жавоб дейишингиз мумкин. Ҳақиқатдан ҳам шундай. Чунки янги таҳрирдаги Меҳнат кодексининг 299-моддасига кўра ишдаги ютуқлар учун ходимга нисбатан рағбатлантириш чоралари қўлланилиши мумкин.

Бунда рағбатлантириш турлари (шу жумладан моддий ёрдам), уларни қўллаш тартиби жамоа келишувларида, жамоа шартномасида, ички меҳнат тартиби қоидалари ҳамда меҳнат тўғрисидаги бошқа ҳуқуқий ҳужжатларда ва меҳнат шартномасида белгиланади.

💸Қоиданинг мазмунига кўра ходимларни моддий ёрдам миқдори ва тартиби корхонада ўрнатилган ички меҳнат тариб қоидалари ёки бошқа локал ҳужжатларда белгиланади.

💁‍♂ Шунга кўра сизнинг саволингизга аниқ жавоб беришнинг имкони бизда йўқ. Негаки ҳар бир корхона ички меҳнат тартиб қоидаларини ўзи тузади ва у фақат шу корхонада амал қилади. Агар сиз ишлаётган корхонада ички меҳнат тариб қоидалари йўқ бўлса, унда бу миқдор жамоа шартномасида у ҳам бўлмаса, корхонадаги касаба уюшмалари билан келишган ҳолда белгиланади.

✉️ Юристга савол юбориш

📞 Юрист билан қўнғироқ орқали боғланиш

📝Барча турдаги ҳужжатларга буюртма бериш

Расмий каналимиз:
👉 @Yurist_Xizmati 👈

Читать полностью…

❗️Bolalarni o‘zaro urushtirgan bloger Chechenka javobgarlikka tortildi

Ijtimoiy tarmoqlarda ayol kichik yoshdagi bolalarni o‘zaro urishtirayotgani tasvirlangan videoxabar tarqaldi.

Mazkur holat Bolalar ombudsmani tomonidan o‘rganilib, holatga huquqiy baho berish maqsadida 14-iyul kuni IIVga tegishli so‘rov berildi.

🔴Toshkent shahri, Yakkasaroy tumani IIB tomonidan aniqlanishicha, blogerlik bilan shug‘ullanuvchi ayol A.G. (1993- yilda tug‘ilgan) 13-iyul kuni Toshkent viloyatida oilaviy dam olish vaqtida kichik yoshdagi o‘g‘li va jiyanini go‘yoki hazillashib urishtirgan va bu holat tasvirlangan videoni o‘z instagram sahifasiga joylashtirgan.

✅Kecha, 15-iyul kuni fuqaro G.A. bola manfaatiga zid harakatlari uchun Ma’muriy javobgarlik to‘g‘risidagi kodeksning 47-moddasi (Bolalarni tarbiyalash va ularga ta’lim berish borasidagi majburiyatini bajarmaslik) bilan javobgarlikka tortildi.
Hozirda mazkur oila mutasaddilar tomonidan alohida nazoratga olingan.

⛔Bolaning tarbiyasi uchun birinchi navbatda ota-ona mas’uldir. Farzandi uchun shaxsiy namuna bo‘lish o‘rniga bolani agressiv xulq va shafqatsizlikka chorlaydigan ota-onalarning o‘zi, afsuski tarbiyaga muhtoj. Bu kabi bola manfaatlariga zid holatlarga murosasiz bo‘lish barchaning birdek vazifasidir, zero bola davlat va qonun himoyasidadir.

✉️ Yuristga savol yuborish

Rasmiy kanalimiz
👉 @Yurist_Xizmati 👈

Читать полностью…

Табибнинг ўзи бемор

Тошкентда "ГАИ" ва мотоциклчи пойга ўйнади

Улар шаҳар марказидаги Мустақиллик шоҳкўчасида қувлашмачоқ ўйнаб, тезликни 100 км/соатгача оширган. ЙҲХБ ҳолат бўйича баёнот берди, лекин ходимнинг ҳам, мотоциклчининг ҳам қилмишини қоралагани йўқ.

✉️ Юристга савол юбориш

Расмий каналимиз:
👉 @Yurist_Xizmati 👈

Читать полностью…

5 соат дарси бор ўқитувчи, таътил пайтида қанча вақт мактабда бўлиши керак?

@Yurist_Xizmati 5191-савол:

Assalomu aleykum men pensiyaga chiqqan boshlangʻich sinf oʻqituvchiman. Mening 5soat darsim bor. Tatil paytida necha soat ishlashim kerak?

ЮРИСТ ЖАВОБИ:

Меҳнат кодексининг 184-моддасига мувофиқ иши юқори даражадаги руҳий, ақлий ва асабий зўриқиш билан боғлиқ бўлган, яъни алоҳида хусусиятга эга бўлган тиббиёт ходимлари, педагоглар ва бошқа тоифадаги ходимлар учун иш вақтининг давомийлиги ҳафтасига кўпи билан ўттиз олти соат қилиб белгиланади.

❗️Шунга кўра барча педагог ходимлар учун ҳафталик иш соати 36 соатдан ошмайди, бунда қонун чиқарувчи 1 ставка учун мазкур меёрни белгилайди.

❗️Демак, ўқувчиларнинг ёзги таътили даврида ҳам педагог ходимлар ҳафталик иш юкламасини амалга ошириши талаб этилади. Бунда ходимлар (1 ставка ишлайдиган) кунига 6 соат иш жойида бўлиши талаб этилади.

🙅‍♂️Бироқ агар ходимнинг ставкаси 1 ставкадан кам бўлса, унда уни кунига 6 соат мактабга бўлишини талаб қилиб бўлмайди.

✅ Сиздаги ҳолатда жами дарс соатларингиз 5 соатни ташкил этса, бу тахминан 0.25 ставкани ташкил этади. Бундай ҳолатда сиз шу ставка мос равишда мактабда бўлишингиз етарли.

✉️ Юристга савол юбориш

📞 Юрист билан қўнғироқ орқали боғланиш

📝Барча турдаги ҳужжатларга буюртма бериш

Расмий каналимиз:
👉 @Yurist_Xizmati 👈

Читать полностью…

❗️IMEI-код бўйича божхона қўмитаси расмий муносабат билдирди

Шу кунларда ижтимоий тармоқларда мобил қурилмаларнинг IMEI-кодларини рўйхатдан ўтказиш нархлари гўёки ошиб кетгани ҳақида хабарлар тарқалмоқда.

Аслида-чи?

Мобил қурилмаларнинг IMEI-кодларини рўйхатга олиш учун тўлов базавий ҳисоблаш миқдорининг 20 фоиз миқдорида. Яъни шу кунларда 75 минг сўмни ташкил қилади ва бу тўлов оширилгани йўқ!

Хўш, у ҳолда "Илгари 30-40 доллар эди, энди эса 100 доллардан 400 долларгача ошди" қабилидаги гап-сўзлар қаердан пайдо бўлмоқда?

Жавоби жуда оддий!

Бу катта эҳтимол билан мамлакатга ноқонуний йўллар билан олиб кирилган мобил қурилмаларни сотаётган шахслар харидорлар олдида буни хаспўшлаш учун UzIMEI тизимни рўкач қилишмоқда, холос!

Эслаб қолинг, агар Сиз сотиб олаётган телефон мамлакатга қонуний йўллар билан импорт қилинган бўлса, бунда телефоннинг сим картаси нечта бўлишидан, электрон сим картаси бор-йўқлигидан қатъий назарда IMEI-кодлари импортёр томонидан аллақачон рўйхатдан ўтказилган бўлади!

Масалан, шу йилнинг ўзида Ўзбекистонга қиймати 188 млн долларлик 1 млн 813 минг донадан зиёд телефонлар расмий импорт қилинган.

Аммо, ноқонуний йўллар билан олиб киришга уринишлар ҳам йўқ эмас. Жорий йилнинг ўтган даврида божхона органлари томонидан қиймати 16,4 млрд сўмлик 44 минг донадан зиёд телефонларни ноқонуний олиб киришга уринишларнинг олди олинди.

Агар телефон ноқонуний йўллар билан олиб кирилган бўлса ёки декларацияда кўрсатилмаган бўлса, у ҳолда унинг IMEI - кодларини рўйхатдан ўтказишда қурилманинг божхона қийматидан 30 фоиз миқдорида ягона божхона тўлови ундирилади.

Стоп! Энди тушундингиз-а?

Агар сиз норасмий манбалардан сотиб олаётган ва тизимда рўйхатдан ўтмаган телефоннинг божхона қиймати айтайлик 1000 АҚШ доллари бўлса, демак 300 АҚШ доллари миқдорида ягона божхона тўлови тўланганидан кейингина, у UzIMEI тизимидан рўйхатдан ўтказилади.

Яъни, 30 фоизлик божхона тўловини Сизга гўёки IMEI-кодларни рўйхатга олиш учун тўлов тарзида талқин қилишмоқда.

Шундай экан,

Биринчидан, ўзингиз билан олиб кираётган мобил қурилмаларни божхонадан ўтишда албатта йўловчи божхона декларациясида кўрсатинг! Бунда қурилмада нечта IMEI коди бўлса барчасини ёзишни унутманг!

Айтайлик, ёнингизда олиб кираётган телефонлар сони 2 тадан кўп бўлса, ортикчасини олиб кириш мумкин эмас экан-да деган фикрга борманг!
Сиз уларни ҳам божхона кирим ордери асосида божхона тўловларини тўлаган ҳолда бемалол олиб киришингиз мумкин.

Иккинчидан, мобил қурилмаларни харид қилаётганда уларни расмий дўконлардан сотиб олинг ва албатта IMEI-кодларини рўйхатга олинганини текширинг!

Агар телефон сотиб олаётганингизда мобил қурилма тизимдан рўйхатдан ўтказилмаган ёки битта сим карта учун ўтказилиб, электрон сим карта учун рўйхатдан ўтказилмаган ҳолатларга дуч келяпсизми, демак бу қурилмалар мамлакатга ноқонуний йўллар билан ёки декларацияланмаган ҳолда кириб келган ҳисобланади!

Бу каби телефонларни харид қилар экансиз, келгусида телефон бузилиб қолса, расмий сервис хизматларидан ҳам фойдалана олмайсиз!

Шундай экан, энг яхшиси, IMEI-кодлари рўйхатдан ўтказилмаган телефонларни сотиб олманг!

✉️ Юристга савол юбориш

Расмий каналимиз:
👉 @Yurist_Xizmati 👈

Читать полностью…

Saida Mirziyoyeva Prezident Administratsiyasi rahbari sifatida quyidagi vakolatlarga ega bo‘ldi:

📌 Lavozimga tayinlash va ozod etish huquqi.
U Prezident maslahatchilari o‘rinbosarlari, Administratsiya tarkibiy bo‘linmalari rahbarlari va boshqaruv xodimlarini lavozimga tayinlash va lavozimidan ozod etish huquqiga ega.

📌 Shtatlar jadvalini tasdiqlash
Administratsiya xodimlarining shtatlar jadvalini tasdiqlash huquqi ham yuklatildi.

📌 Loyihaviy boshqaruv.
Mahalliy va xorijiy mutaxassislarni to‘g‘ridan-to‘g‘ri shartnoma asosida jalb qilish, ularning natijalarini moliyalashtirish va bunda maxsus jamg‘arma hisobidan foydalanish.

📌 Ish haqini belgilash.
Mahalliy va xorijiy ekspertlarga to‘lanadigan haqni milliy yoki chet el valyutasida belgilash vakolati ham Administratsiya rahbari ixtiyorida.

✉️ Yuristga savol yuborish

Rasmiy kanalimiz
👉 @Yurist_Xizmati 👈

Читать полностью…