Xushnudbek.uz

24 December 2024 08:12

Shavkat Mirziyoyev 25-26-dekabr kunlari bo‘lib o‘tadigan Mustaqil Davlatlar Hamdo‘stligi davlat rahbarlarining norasmiy uchrashuvida, shuningdek, Oliy Yevroosiyo iqtisodiy kengashining navbatdagi yig‘ilishida kuzatuvchi maqomida ishtirok etish uchun amaliy tashrif bilan Sankt-Peterburg shahrida bo‘ladi.


👉 @xushnudbek 👈

Xushnudbek.uz

23 December 2024 14:45

Yangi yil munosabati bilan kanalimizda tanlov (giveaway) tashkil qildim.

Obunachilarimiz orasidan 10 kishiga 1 yillik Telegram Premium hamda uning yoniga har bir g‘olibga "Asaxiy Books yil bestsellerlari — 2024" to‘plami sovg’a qilinadi.

Mazkur to‘plamdan AsaxiyUz internet-do‘koni orqali oxirgi 1 yil davomida O‘zbekiston bo‘ylab eng ko‘p sotilgan naq 20 ta kitob joy olgan. Kitoblar ro‘yxati bilan bu yerda tanishishingiz mumkin (hozir chegirma berilgan).

⏳G’olib nomi 31-dekabr kuni soat 23:59 da ma’lum bo’ladi.

‼️ Tanlovda qatnashish uchun hech narsa qilishingiz shart emas.

Shu kanalga (@xushnudbek) obuna ekanligingiz kifoya. Biror tugmani bosish, qaysidir boshqa kanalga a’zo bo’lish, bu xabarni kimlargadir yuborish shart emas. Shunchaki @xushnudbek kanali obunachilari orasida borligingizning o’zi yetarli. Buning uchun sizga katta rahmat.

Qo‘shimcha ma’lumot: kitoblar to‘plami g‘oliblarning uy manziliga butun O‘zbekiston bo‘ylab bepul yetkazib beriladi.

❗️BU MUHIM: g‘olibni Telegramning o‘zi tasodifiy tanlov yo‘li bilan avtomatik aniqlaydi. Bunga hech kim, na men, na boshqasi aralasha olmaydi. Shunchaki kimning omadi chopsa, o‘sha g‘olib bo‘ladi.

Xushnudbek.uz

23 December 2024 11:30

❓Yangi yil bayramida necha kun dam olinadi?

✅ Qisqa javob: hozircha 4 kuni aniq, lekin yana o‘zgarishi mumkin.

📋 Batafsil javob: har yili qo‘shimcha dam olish kunlari oldindan ma’lum qilinadi. 2024-yil uchun Prezident farmoni mavjud, ammo hali 2025-yilgi dam olish kunlari haqida farmon chiqmadi. Shu sababli ham Yangi yil bayramidagi dam olish kunlari hozircha to‘liq ma’lum emas, sababi yil boshida taqvim qanaqa bo‘lishini bilmaymiz.

Ammo yil oxirida qanday bo‘lishi ma’lum:

❌✅ 28-dekabr (shanba) — 6 kunliklar uchun ish kuni, 5 kunliklar uchun dam olish kuni;

✅ 29-dekabr (yakshanba) — barcha uchun odatiy dam olish kuni;

✅ 30-dekabr (dushanba) — 6 kunliklar uchun qo‘shimcha dam olish kuni, 5 kunliklar uchun 14-dekabr (shanba) kunidan ko‘chirilgan dam olish kuni;

✅ 31-dekabr (seshanba) — barcha uchun qo‘shimcha dam olish kuni;

✅ 1-yanvar (chorshanba) — Yangi yil bayrami.

Bundan kelib chiqadiki, hozircha olti kunlik ish haftasidagi xodimlar uchun ketma-ket 4 kun, besh kunlik ish haftasidagi xodimlar uchun ketma-ket 5 kun dam olish kuni bo‘ladi.

Ammo 2025-yil uchun chiqishi kutilayotgan farmonda yil boshida yana qo‘shimcha dam olish kunlari e’lon qilinishi ham mumkin. Masalan, 2-yanvarni dam olish kuni deb e’lon qilsa bo‘ladi (besh kunliklarga 4-yanvar, shanbadan ko‘chirgan holda). Shunda olti kunliklar ketma-ket 5 kun, besh kunliklar ketma-ket 6 kun dam olishi mumkin bo‘ladi. 3 va 4 yanvar — barcha uchun ish kuni bo‘ladi. Bu shunchaki variant xolos, rasmiy tasdiqlangan emas.

Balki yil boshi uchun hech qanaqa dam olish kuni berilmas va barcha 2-yanvardan ishga chiqib ketishi ham mumkin.


👉 @xushnudbek 👈

Xushnudbek.uz

23 December 2024 06:40

Karimov Avazjon Qudratillayevich sport vaziri o‘rinbosari etib tayinlandi.

U bunga qadar sport vazirining maslahatchisi edi.


👉 @xushnudbek 👈

Xushnudbek.uz

22 December 2024 10:18

“Lolazor”ning 37-soni mehmoni Kanadada yashaydigan yurtdoshimiz Farhod Fayzullayev bo‘ldi.

📹 https://youtu.be/5P7Wu7RJVQg

Farhod aka bilan Kanadadagi mahalliy saylovlar, ta’lim, tibbiyot va sud tizimi, uy-joy narxlari, soliqlar, u yerdagi o‘zbek diasporasi haqida suhbat qurdik. Shuningdek, podkast davomida O‘zbekistondagi o‘zgarishlar, taksi va yetkazib berish xizmatlari, karta va navigatsiyalar bilan bog‘liq muammolar haqida ham so‘z bordi.

📹 https://youtu.be/5P7Wu7RJVQg


👉 @xushnudbek 👈

Xushnudbek.uz

21 December 2024 12:08

❗️20-dekabrdan uzrli sabablarga ko‘ra o‘qishni ko‘chirish bo‘yicha arizalar qabuli boshlandi

Arizalarni qabul qilish uchun 13 ta OTMda hududiy ishchi guruhlar tashkil etildi (yuqoridagi suratda ko‘rsatilgan).

⏳ Ishchi guruhlar 2025-yilning 20-yanvar kuniga qadar har kuni soat 9:00 dan 17:00 gacha (yakshanba – dam olish kuni; shanba – soat 9:00 dan 15:00 gacha) faoliyat koʻrsatadi.

📄 Ariza beruvchilar quyidagi hujjatlarni (offlayn) taqdim etishlari talab etiladi:

➖ o‘qishni ko‘chirish bo‘yicha ariza (ariza blankasi hududiy ishchi guruh tomonidan beriladi va talaba uni joyida to‘ldiradi);
➖ talabaning reyting daftarchasi yoki belgilangan shakldagi akademik ma’lumotnoma yoki transkript nusxalari (bittasi bo‘lsa yetarli);
➖ pasport nusxasi;
➖ uzrli sabablarni asoslovchi tegishli hujjatlar.

❗️Ma'lumot uchun, o‘qishni ko‘chirishga asos bo‘luvchi 2 ta uzrli sabab mavjud. Bular:

➡️ talaba oila qurishi munosabati bilan turmush o‘rtog‘i doimiy yashaydigan hududdagi oliy ta’lim muassasasiga o‘qishini ko‘chirish istagidagilarga;
➡️ davlat organlarining xodimlari ish joyi o‘zgargan taqdirda uning turmush o‘rtog‘i yoki voyaga yetmagan farzandi o‘qishini ko‘chirmoqchi bo‘lganlarga (tegishli vazirlik (idora) rahbarining tavsiyasi asosida).


👉 @xushnudbek 👈

Xushnudbek.uz

21 December 2024 09:45

Eh, tinib-tinchimagan odamlarey, kontent uchun nimalarni o’ylab topishmaydi-ya… Juda zo’r chiqibdi, qoyil!!!


👉 @xushnudbek 👈

Xushnudbek.uz

20 December 2024 09:33

🏨 O‘zbekistonga dunyoning 23 ta nufuzli mehmonxona brendi kirib kelmoqda

Bu haqda ayni paytda Prezidentning tadbirkorlar bilan bo‘lib o‘tayotgan muloqotida aytib o‘tildi.

Unga ko‘ra, mamlakatimizga Swissôtel, Sheraton, Ritz-Carlton, Novotel, Pullman, Marriott, ibis, Mercure kabi mehmonxona brendlari kirib kelmoqda.

Shuningdek, Boʻstonliqda 10 milliard dollarlik “Sea Breeze” nomli yirik turistik markaz qurilishini boshlashga kelishib olingani qayd etildi.


👉 @xushnudbek 👈

Xushnudbek.uz

19 December 2024 17:33

❗️Talabalar uchun qishki ta’til 25-dekabrdan boshlanadi

Barcha oliy taʼlim tashkilotlari talabalari, texnikum, kollej, kasb-hunar maktabi va akademik litseylar oʻquvchilariga joriy oʻquv yili uchun beriladigan qishki taʼtil 2024-yilning 25-dekabridan 2025-yilning 7-yanvariga qadar (shu kuni ham) davom etadi.


👉 @xushnudbek 👈

Xushnudbek.uz

19 December 2024 08:45

❗️Rasman: Mustafoyev Ulug‘bek Mavlonovich Jizzax viloyati hokimi vazifasini bajaruvchi etib tayinlandi.

U bunga qadar "Hududiy elektr tarmoqlari" aksiyadorlik jamiyati boshqaruvi raisi edi.

Viloyatni bunga qadar boshqarib kelgan Soliyev Ergash Alibekovich boshqa ishga o‘tishi munosabati bilan lavozimidan ozod etildi.

Bu haqda Prezidentning tegishli farmonlari qabul qilindi.


👉 @xushnudbek 👈

Xushnudbek.uz

18 December 2024 17:20

🇺🇿🇰🇬 Abdulla Aripov Qirg‘izistonning yangi bosh vazirini tabrikladi

Telefon muloqoti davomida bosh vazir Abdulla Aripov qirg‘izistonlik mavqedoshi Odilbek Qosimaliyevni ushbu lavozimga tasdiqlangani bilan tabrikladi.

Ma'lumot uchun, Odilbek Aleshovich Qosimaliyev bundan buyon Qirg‘iziston hukumatini boshqaradi.

Bugun, 18-dekabr kuni mamlakat parlamentida hukumatning yangi tarkibi qasamyod qildi.

Qosimaliyevdan oldin 3 yildan ortiqroq vaqt davomida Qirg‘iziston bosh vaziri bo‘lgan Aqilbek Japarov avvalroq lavozimidan ozod qilingan edi.

❓Aqilbek Japarov nima uchun ishdan olindi?

Prezident Sadir Japarov Aqilbek Japarovning ishdan ketishiga ayni paytda mamlakat Soliq xizmati rahbariyati va xodimlariga nisbatan ko‘rib chiqilayotgan jinoyat ishida manfaatlar to‘qnashuvi yuzaga kelishining oldini olish uchun qaror qilinganini aytdi.

Joriy yilning 3-dekabrida Soliq xizmatining poytaxt Bishkekdagi barcha to‘rt tumanidagi bo‘limlarida ommaviy hibsga olishlar o‘tkazilgan edi.

Ma'lum bo‘lishicha, soliq xodimlari korrupsion sxema tuzib, davlat byudjetiga 3,2 mlrd Qirg‘iziston somi miqdorida zarar yetkazgan.

Soliq xizmati aynan sobiq bosh vazir Aqilbek Japarov nazorati ostida edi.

👉 @xushnudbek 👈

Xushnudbek.uz

18 December 2024 07:05

Farg‘onadagi gaz quyish shoxobchasidagi portlash oqibatida 4 kishi vafot etdi

Kecha, 17-dekabr soat 13:45 larda Farg‘ona shahar Yangiyo‘l mahallasidagi “Petrolium” propan gaz quyish shoxobchasida 5 m. kub sig‘imli konteynerga gaz quyish jarayonida yoriq kelib chiqib, gaz moddasi tashqariga sizib chiqishi oqibatida, portlash va yong‘in sodir bo‘lgan.

Natijada 1 nafar fuqaro voqea joyida halok bo‘lgan, shu hududda bo‘lgan bir nechta fuqarolar turli darajada tan jarohati olib, shifoxonaga yotqizilgan. Ko‘rsatilgan tibbiy yordamga qaramasdan ulardan 3 nafari shifoxonada vafot etgan.

Mazkur holat yuzasidan Farg‘ona viloyat IIB tomonidan Jinoyat kodeksining 257-moddasi 2-qismi “a” bandi hamda 259-moddasi 2-qismi “a” bandi bilan jinoyat ishi qo‘zg‘atilgan.

Hozirgi kunda jinoyat ishi doirasida 5 nafar shaxs protsessual tartibda qamoqqa olingan, 2 nafar shaxslarni ushlash choralari ko‘rilmoqda. Tergov harakatlari davom etmoqda.


👉 @xushnudbek 👈

Xushnudbek.uz

17 December 2024 18:42

Bugun talabalar o‘rtasida Prezident sovrini uchun o‘tadigan O‘zbekistondagi eng yirik intellektual turnirga start berildi. Umumiy sovrin jamg’armasi — 5,4 mlrd so’m!

Zakovat Intellektual olimpiadasi doirasida 50 ta oliygohning 550 nafar talabalari Zakovat, Breyn-ring, Erudit kvartet, Shaxsiy o‘yin, Shaxmat va Shashka musobaqalarida o‘zaro kuch sinashmoqda. Umumjamoa hisobida g‘olib bo‘lgan 3 ta oliygohga Prezident sovrini topshiriladi.

Uchinchi marta o‘tkazilayotgan mazkur yirik musobaqani talabalar har yili orziqib kutadigan bo‘lib qolishgan. Bu nafaqat bilimlar bellashuvi, balki o‘zaro do‘stlik va fikr almashish maydoni hamdir.

Intellektual olimpiada doirasida qaysi oliygoh qanday natija ko‘rsatayotganini bilish uchun @zakovat kanalini kuzatib boring. O‘yinlar "Zakovat" kanalida jonli efirda ham uzatilmoqda.

Bilimlilarga omad yor bo‘lsin!


👉 @xushnudbek 👈

Xushnudbek.uz

17 December 2024 16:57

Elektromobillarni zaryadlash stansiyalarini tarmoqdan uzishayotgani xabar qilinmoqda. Energetika vazirligi esa raddiya berib, qaysi stansiyani uzishgan bo‘lsa, "Ishonch telefonlari"ga murojaat qilishlarini so‘radi

Bugun ijtimoiy tarmoqlarda hech qanday huquqiy asos ko‘rsatmagan holda elektromobillarni quvvatlash stansiyalarini ham o‘chirib qo‘yish boshlangani haqida xabarlar tarqaldi. Quyi bo‘g‘indagi mas’ullar holatni “tepadan shunday buyruq bo‘ldi” degan jumla bilan izohlayapti, deya yozdi KunUz nashri.

Energetika vazirligi bu kabi xabarlarni inkor qildi. Vazirlikning aytishicha, elektromobillarni zaryadlash stansiyalarini tarmoqdan uzish bo‘yicha hech qanday topshiriq berilmagan.

Shuningdek, vazirlik ekologiyamizni asrashga katta hissa qo‘shadigan elektromobillarni O‘zbekistonda ommalashtirish tarafdori ekanligini ma’lum qilib, elektromobillarni quvvatlash stansiyalarini o‘rnatgan tadbirkorlik subyektlaridan +99871-231-16-61 (ichki 7037, 7046 va 7057) raqamli "Ishonch telefonlari"ga murojaat qilishni so‘radi.


👉 @xushnudbek 👈

Xushnudbek.uz

17 December 2024 06:29

🚇 Toshkent metropolitenidan ilk marta bir kunda 1 mln yo‘lovchi foydalandi

Shu munosabat bilan metropoliten ma'muriyati "Chinor" bekatida millioninchi yo‘lovchini aniqlash uchun maxsus tadbir o‘tkazib, omadli yo‘lovchiga esdalik sovg‘asi hamda jamoat transportidan 1 yil davomida bepul foydalanish imkonini beruvchi transport kartasini taqdim etdi.


👉 @xushnudbek 👈

Xushnudbek.uz

24 December 2024 05:47

O‘zbekiston xalq artisti Shafoat Rahmatullayeva 83 yoshda vafot etdi.

Innaa lillahi va innaa ilayhi rojiun.


👉 @xushnudbek 👈

Xushnudbek.uz

23 December 2024 12:16

Ⓜ️Toshkent metropoliteni 31-dekabr kuni 21 soat ishlaydi

Yangi yil bayrami munosabati bilan metro poyezdlarining harakat jadvaliga o‘zgartirish kiritildi.

Unga ko‘ra, Toshkent metropoliteni ilk marotaba 31-dekabr tonggi 05:00 dan 1-yanvar tungi soat 02:00 gacha yo‘lovchilarga xizmat ko‘rsatadi.

Shuningdek, qo‘shimcha dam olish kunlarida metro poyezdlarining harakat jadvali yuzasidan rejaviy ishlar amalga oshirilayotgani aytildi. Bu bo‘yicha qo‘shimcha ma'lumot beriladi.


👉 @xushnudbek 👈

Xushnudbek.uz

23 December 2024 09:39

❗️Tuman va shahar hokimliklariga qo‘shimcha moliyaviy imkoniyatlar va vakolatlar berilmoqda

Bu bo‘yicha Prezident farmoni qabul qilindi.

Unga ko‘ra, 2025-yil 1-yanvardan quyidagi soliq va tushumlar to‘liq hajmda tuman (shahar)lar byudjetiga o‘tkaziladi:

🔹aylanmadan olinadigan soliq;
🔹yuridik shaxslarning mol-mulkiga solinadigan soliq;
🔹yuridik shaxslardan olinadigan yer solig‘i;
🔹davlat aktivlarini ijraga berishdan tushumlar.

Shuningdek, jismoniy shaxslardan olinadigan daromad solig‘ining kamida 50 foizi ham tuman (shahar)lar byudjetiga o‘tkaziladi.

🔰Bundan tashqari, mahalliy davlat hokimiyati organlariga tegishli bo‘lgan aksiyalar (ulushlar)ni sotishdan tushgan mablag‘larning 90 foizi Qoraqalpog‘iston Respublikasining respublika byudjetiga, viloyatlarning viloyat byudjetiga va Toshkent shahrining shahar byudjetiga hamda obyekt joylashgan tuman (shahar) byudjetiga teng ulushlarda taqsimlanadi.


👉 @xushnudbek 👈

Xushnudbek.uz

22 December 2024 18:10

Kechki mutolaa
(o‘qish yoki eshitish uchun 12 daqiqa vaqtingiz ketadi)

Nazar Eshonqul. San’at

Izoh: Omadsiz rassom bir kuni ko‘chada – aynan ko‘chada, chunki malikalarni boshqa joyda uchratish mumkin emas, buni ertaklar ham tasdiqlaydi, - shahar aylanib yurganida malikani ko‘rdi-yu, unga oshiq bo‘lib qoldi, muhabbat uni devonaga aylantirdi...

📖 Matnni o‘qish uchun: xushnudbek/nazar-eshonqul-sanat" rel="nofollow">https://teletype.in/@xushnudbek/nazar-eshonqul-sanat

🎧 Audio hikoyani eshitish uchun: https://youtu.be/s_aPZp4VKhY

🎙Bugungi hikoya audiosini Sug‘diyona Erdonova o‘qigan.

📚 “Kechki mutolaa” doirasida eʼlon qilingan barcha hikoyalar bu yerda.

#kechki_mutolaa


👉 @xushnudbek 👈

Xushnudbek.uz

21 December 2024 14:07

❗️Kontrakt mablagʻlarini toʻlash muddati 31-dekabrga qadar uzaytirildi

Davlat qabul komissiyasining tegishli bayoni bilan 2024/2025-o‘quv yilida oliy ta’lim muassasalarining quyidagi bakalavriat hamda magistratura talabalari uchun bаzаviу va tabaqalashtirilgan to‘lov-kontraktning bir yillik o‘qitish qiуmatidan 50 foizi miqdoridagi to‘lovlarni amalga oshirish va talabalar safiga qabul qilishni rasmiylashtirishning so‘nggi muddati 2024-yil 31-dekabri (shu kuni hаm) etib belgilandi:

➖ to‘lov-kontrakt jumladan, tabaqalashtirilgan to‘lov-kontrakt asosida talabalikka tavsiya etilgan abituriyentlar (1-kurslar);

➖ o‘qishi ko‘chirilgan (ko‘chirib tiklangan) va qayta tiklagan talabalar;

➖Qoraqalpog‘iston Respublikasida doimiy yashaydigan hamda umumiу o‘rta, o‘rta-maxsus va professional ta'lim muassasalarini tаmomlаgаn yoshlar uchun ajratilgan qo‘shimcha qabul kvotalariga talabalikka tavsiya etilgan abituriyentlar.

❗️Eslatma: Bu 2024/2025-o‘quv yilida qabul qilingan abituriyentlar uchungina amal qiladi. Amaldagi tartibga koʻra, ikkinchi va undan yuqori bosqich talabalar kontraktini toʻlash muddati OTM rahbari tomonidan uzaytirilishi mumkin.


👉 @xushnudbek 👈

Xushnudbek.uz

21 December 2024 10:49

Asaxiy “Yil bestsellerlari 2024” reytingini eʼlon qilibdi.

Undan yil davomida Asaxiy orqali Oʻzbekiston boʻylab eng koʻp sotilgan kitoblar oʻrin olgan.

Xushnudbek.uz

20 December 2024 11:20

Zakovatli ota-ona quvonchi

2024-yilgi Zakovat Intellektual Olimpiadasida umumjamoa hisobida Jahon iqtisodiyoti va diplomatiya universiteti chempion bo’ldi hamda Prezident sovrini sifatida 2 mlrd so’mga ega chiqdi.

Uchquduqlik Lazizbek aka Temirov bu yutuqdan ikki karra xursand bo’ldi. Sababi JIDU tarkibida uning o’g’li Azizbek Rasulov ham chempion bo’ldi.

Eng qizig’i, bundan biroz avval Lazizbek akaning yana bir o’g’li — Uchquduq tumanidagi 7-maktab o’quvchisi Aslbek Rasulov maktablar o’rtasidagi musobaqada Respublika chempioni bo’lgan edi.

Ikki o’g’il — ikki bilimdon — ikki chempion.

Demak, ota-ona ham bilimni qadrlaydigan insonlar toifasidan. Umrlaridan baraka topishsin! Shunaqa ota-onalar ko’paysin.


👉 @xushnudbek 👈

Xushnudbek.uz

20 December 2024 08:28

🇺🇿🇺🇸O‘zbekiston va AQSh o‘rtasida JSTga a'zo bo‘lish bo‘yicha muzokaralar yakunlangani rasman e'lon qilindi

Bu bo‘yicha AQSh savdo vakili Ketrin Tayning bayonoti e'lon qilindi.

Unda O‘zbekistonning Jahon savdo tashkilotiga a'zo bo‘lish bo‘yicha sa'y-harakatlari e'tirof etilgan hamda tovar va xizmatlar bo‘yicha ikki tomonlama bozorga kirish muzokaralari yakunlangani bildirilgan.

"O‘zbekiston 1994-yilda JSTga a’zo bo‘lish uchun ariza bergan va 2020-yilda bu yo‘nalishda faol ishlay boshlagan.

O‘zbekistonning muzokaralarni jadallashtirish borasidagi qat’iy sa’y-harakatlari tufayli so‘nggi ikki yil ichida sezilarli natijalarga erishildi. Jumladan, ikki tomonlama kelishuv muvaffaqiyatli yakuniga yetkazildi", – deyiladi bayonotda.

Xushnudbek.uz

19 December 2024 13:46

Abat Fayzullayev O‘zbekistonning 🇨🇾Kiprdagi birinchi elchisi etib tayinlandi.

U bir vaqtning o‘zida mamlakatimizning 🇮🇹 Italiyadagi elchisi ham hisoblanadi.


👉 @xushnudbek 👈

Xushnudbek.uz

19 December 2024 05:49

❗️“Inson aʼzolari va (yoki) toʻqimalari donorligiga qarshi koʻrsatma boʻladigan kasalliklar roʻyxati” tasdiqlandi

Ro‘yxatdagi kasalliklarda inson a'zolari donorligiga ruxsat berilmaydi.


👉 @xushnudbek 👈

Xushnudbek.uz

18 December 2024 10:46

Energetika sohasini subsidiyalash 2028-yildan to‘xtatiladi

Bosh vazir o‘rinbosari - iqtisodiyot va moliya vaziri Jamshid Qo‘chqorov Senatdagi yig‘ilishda nega tariflar oshsa ham energetika sohasiga byudjetdan subsidiya ajratilayotgani haqidagi savolga javob berdi.

Uning aytishicha, hozirgi tariflar xarajatlarni to‘liq qoplash darajasiga chiqqani yo‘q.


👉 @xushnudbek 👈

Xushnudbek.uz

18 December 2024 06:48

Intellektual olimpiada doirasida Breyn-ring o‘yinining chorak final juftliklari ma'lum bo'ldi. 8 ta jamoa chempionlik uchun kurashmoqda.

O'yinlarni kuzatib borish uchun:

➖ Onlayn matnli jadval;

➖ Audio translyatsiya;

➖ Foto hamda videolar.


👉 @xushnudbek 👈

Xushnudbek.uz

17 December 2024 17:48

Davlat xizmatlari sohasida sun'iy intellekt imkoniyatlari joriy etiladi

Bu haqda bugun, 17-dekabr kuni AOKAda bo‘lib o‘tgan matbuot anjumanida adliya vaziri oʻrinbosari Xudoyor Meliyev ma'lum qildi.

📜 Unga ko‘ra, kelgusida arxiv hujjatlarining matnini tanib olish va maʼlumotlarni axborot tizimiga kiritish jarayonlarini avtomatlashtirish imkonini beruvchi sunʼiy intellektga asoslangan yechimlar ishlab chiqiladi.

Bundan tashqari DXM xodimlarining ish sifatini yaxshilash, KPI belgilash, navbatlarni tartibga solish borasida ham sun’iy intellektdan foydalanish haqida o’ylanmoqda.

Shuningdek, quyidagi tizimlarda axborot va maslahat xizmatlarini sun'iy intellekt yordamida ko‘rsatish (Komil AI bot) yo‘lga qo‘yiladi:

🔹Yagona interaktiv davlat xizmatlari portali;
🔹“Litsenziya” axborot tizimi;
🔹Tadbirkorlik subyektlarini davlat roʻyxatidan oʻtkazish va hisobga qoʻyishning avtomatlashtirilgan tizimi;
🔹“Yagona darcha” bojxona axborot tizimi.


👉 @xushnudbek 👈

Xushnudbek.uz

17 December 2024 12:59

🇺🇿🇶🇦 Shavkat Mirziyoyev telefon orqali Qatar Amiri Tamim bin Hamad Ol Soniyni milliy bayram — Davlatga asos solingan kun bilan tabrikladi.


👉 @xushnudbek 👈

Xushnudbek.uz

16 December 2024 18:41

Iqtisodiyot va moliya vaziriga yangi o‘rinbosarlar tayinlangani xabar qilinmoqda

➖Abidxadjayev Umid Kutpitdinovich iqtisodiyot va moliya vaziri oʻrinbosari etib tayinlandi.

Bunga qadar u Makroiqtisodiy va hududiy tadqiqotlar instituti direktori edi.

➖Umurzakov Ilhom Oʻrinboyevich iqtisodiyot va moliya vaziri oʻrinbosari lavozimiga tayinlandi.

Bunga qadar u Davlat-xususiy sheriklik loyihalarini amalga oshirish departamenti rahbari edi.

Shuningdek:

➖ Haydarov Abdulaziz Abdulaxadovich Gʻaznachilik xizmati qoʻmitasi raisi etib tayinlandi.

Bunga qadar u iqtisodiyot va moliya vaziri oʻrinbosari edi.

➖ Atadjanov Murodbek Bekberganovich Pensiya jamgʻarmasi direktori etib tayinlandi.

Bunga qadar u Gʻaznachilik xizmati qoʻmitasi raisi edi.


👉 @xushnudbek