قناة صاحبة الضلع المكسور للشاعرة ام كرار الزينبيه

20 September 2026 12:03

🏴عظم الله لنا ولكم الاجر بهذا المصاب الأليم وتقبل منا ومنكم القليل بالكثير بحق محمد وال محمد اللهم صل على محمد وآل محمد وعجل فرج مولانا الإمام المهدي المنتظر🏴

◾️فلنرتدي ثوب الأسى ولتعتلي
آهاتنا ودموعنا نجريها

◾️فوديعة النبي بعد شجونها
ماتت وكسر الضلع.   يؤذيها

◾️مهضومة رحلت بنت محمد
عن هذه الدنيا إلى.   باريها

◾️رحلت وخلفت القلوب لفقدها
حرى وأعين  شيعة     تبكيها

لسان حال مولاتنا زينب ع

الحنينه البين ياوسفة.   بعدهه
ازغيرة بالعمر أمنه.       بعدهه
الدنيا الزهرة ماتسوه.    بعدهه
((الدنيا اخلافها وحشة ورديه ))

نبجي  واليضد.   ام حسن.  لمنه
وعكب أمنه الدهر بحزانه.     لمنه
نظل    نشتاك. كل الوكت لمنه
((ونون لفراكها صبح ومسيه ))

💔السلام على فاطمة الزهراء السلام على المكسور ضلعها والمسطور خدها والمغصوب حقها والمخفي قبرها , جعلنا الله وإياكم ممن يزورها في الدنيا وينال شفاعتها في الآخرة بحق محمد وال محمد 🤲🏻🤲🏻

قناة صاحبة الضلع المكسور للشاعرة ام كرار الزينبيه

20 September 2026 10:12

قصيدة عن استشهاد الزهراء عليها السلام

شلون حالك ياعلي
من ودعتها فاطمه
♾️♾️♾️♾️♾️
شلون حالك سيدي
أبهذا المصاب
يوم جفك هال
عالزهرة التراب
ياعذاب الكلب
مامثله عذاب

ادفنتها والدمع
صب من دمه
♾️♾️♾️♾️♾️♾️
ادفنتها وروحك
اوياها ادفنت
من تراب اللحد
جنك شيبت
شلون ترجع
ياامامي اتحيرت

البيت جرحك
يالحزين ايالمه
♾️♾️♾️♾️♾️♾️
ايهيج جرحك
لو نظرت البيتها
شلون حالك
كلي من دفنيتها
زهرتك بالدمع
ظن رويتها

وونتك حتى
الدليل اتهدمه
♾️♾️♾️♾️♾️♾️
بيا اراض مولاي
دافن زهرتك
راحت اوياها
الزجيه ضحتك
ونار تنزل
عالحبيبه دمعتك

ومن تون وياك
حزنانه السمه
♾️♾️♾️♾️♾️♾️♾️
كلها حزنانه
وتهل ويلي الدمع
والكون يامولانه
أصبح منفجع
شالت ام حسين
مكسورت ضلع

ونارها بالكلب
ظلت مضرمه
♾️♾️♾️♾️♾️♾️♾️
مضرمه نيرانها
ولا ماطفت
وتالي مهضومه
يوالينه ارحلت
والدار وحشة
من بعدها هالصفت

غاب منها النور
ظلت مظلمه
♾️♾️♾️♾️♾️♾️♾️
✍🏻ام زهراء الزيداويه البصراويه

قناة صاحبة الضلع المكسور للشاعرة ام كرار الزينبيه

20 September 2026 10:10

ضجت الافلاك واملاك السمه
اه واويلاه.     ماتت.     فاطمه


اه واويلاه. والصوت اعتله
زلزل الاكون ورتج.   المله
فكد فاطم كل ارضنه زلزله

وكلب كل عاشك فكدها المه
اه واويلاه.     ماتت.   فاطمه
♾️♾️♾️♾️♾️♾️♾️♾️
اليوم     كلهاتنوح.  لفراك البتول
وراحت تواسي علي فحل الفحول
ارحلت مهمومه.   يا. بنت الرسول

بحزن شالت عنه ويلي العالمه
اه واويلاه.  ماتت       فاطمه
♾️♾️♾️♾️♾️♾️♾️♾️
ميت يشيع بميت.   هلمسه
حيدره كوه النفس.   يتنفسه
شلون يدفن بيده سيدت النسه

شلون حاله هالمسه حامي الحمه
اه واويلاه.   ماتت      فاطمه.
♾️♾️♾️♾️♾️♾️♾️♾️
شلون حالة حيدره أبهذا الوضع
يشيع الزهرة  بدليله    المنفجع
عكب ماغسلها من ذاك الدمع

افراكها ام حسين كلبه هدمه
واه واويلاه.    ماتت.    فاطمه
♾️♾️♾️♾️♾️♾️♾️♾️
هدماه افراكها وظل   ينتحب
ودمعته نيران عالوجنه تصب
فارك المحبوبه مو بيده غصب

نارها بالروح  ظلت.   مضرمه
اه    واويلاه.   ماتت.    فاطمه
♾️♾️♾️♾️♾️♾️♾️♾️
نارها ماطفت ظلت   تستعر
ابابها وبكلبه ماهاد.   الجمر
من بعدها ابد مايسوه العمر

الدار والدنيا بعدها. مظلمه
اه واويلاه    ماتت.    فاطمه
♾️♾️♾️♾️♾️♾️♾️
✍🏻ام زهراء الزيداويه البصراويه

قناة صاحبة الضلع المكسور للشاعرة ام كرار الزينبيه

20 September 2026 10:09

🏴🏴🏴🏴عظم الله لنا ولكم الاجر بهذا المصاب الاليم

دموع جرت واضلاع تكسرت وخد بكف الظالم سطرت ودماء جنين بلا ذنب سفكت وصراخات علت ودار بها النيران اضرمت  واطفال على صغر سنها تيتمت وتلوعت
فويح لتلك الشرذمة القليلة على ماذا اقدمت وعلى دار من تجرءت واي ذنب اقترفت واي جريمة ارتكبت وقلب من افجعت وصدر من اوجعت انها لشر عمل عملت ومن رسول الله ماخجلت
من بنت نبيها اقتربت وابشع جريمة بحقها ارتكبت وحزينة بقت كاظمة غيضها ولغير ربها ماشكت ومظلومة متالمة قد رحلت وبظلمة الليل قد دفنت فالدنيا لفراقها حزينه مظلمة اصبحت والجنة بنور وجهه اشرقت فسلام على فاطمه الزهراء البتول الحورية الانسيه الطاهرة الزكية سلام على ام ابيها وعلى طه الرسول ابيها و علي  زوجها وبنيها وسلام على مناصريها ومحبيها سلام عليها يوم ولدت ويوم استشهدت ويوم تبعث حية سلام عليكي ياام الحسنين سلام عليكي يابنت خير المرسلين السلام عليكي يازوجة امير المؤمنين السلام عليكي ياوالدة السبطين سلام الله عليكي مني ومن كل المؤمنين من الان الى قيام يوم الدين
🏴🏴🏴🏴🏴🏴🏴🏴🏴
ولعنة الله على من ظلمكي واغتصب حقكي واحرق داركي واسقط جنينكي وسطر خدكي وكسر اضلاعكي والم قلبكي وواوجع صدركي
عليهم لعنة الله والملائكة والناس أجمعين من الان الى قيام يوم الدين اللهم امين يارب العالمين
🏴🏴🏴🏴🏴🏴🏴🏴
🏴يوم حزين يملوه الانين لمكسورة الضلعين سيدة نساء العالمين🏴🏴🏴🏴🏴
عظم الله لنا ولكم وتقبل منا ومنكم صالح الأعمال بحق محمد وال محمد اللهم صل على محمد وال محمد وعجل فرج مولانا الامام المهدي المنتظر🏴🏴🏴🏴🏴🏴🏴🏴🏴

قناة صاحبة الضلع المكسور للشاعرة ام كرار الزينبيه

20 September 2026 10:07

-

أماه يا زهراء لا تغمضي عينيكِ عنّا فـــــ نحنُ أحوجُ ما نكونُ إليكِ، كل شيء بات غريباً وقد ضاق بنا الفضا، إملئي قلوبنا بــــ النور فقد تاهت في ظلماتِ الدنيا، واسقي أرواحنا من رحيقِ طُهرِكِ ، وأزهري علينا بـــــ نورِكِ ورضاكِ وعطفكِ فــــــ نحنُ دونكِ سراب تائهين في دروب الحياة!💔
أماه دثرينا بــــ عطفكِ دعائكِ عبائتكِ سيدتي

#إلـــــــهي بـــ المدفونة سراً
#إلــــــهي بــ أنين الزهرااء"ع"
#بــــ وجع قلب علي"ع"
#بـــــ حسرة الحسن"ع"
#بــــ دمووع الحسين"ع"
#وبـــــ نحره الشريف💔
#وغربة زينب"ع"

#إلـــــــهي بــــ الضلع المهشم..
فرج عنا فرجاً قريباً #بـــــ ظهوور حبيبنا #المـــــــهدي المنتظر عليه السلام وأنصرنا على القوم الظالمين وإحمي وطننا وأحبتنا ومجاهدينا وأهالينا يااا رب فاطمة وآلها"ع"💫

مدد مدد مدد #يااا زهرااء🕊

#إلــــــــهي_بـــــ_فاطمة_وآل_فاطمة"ع'♥️
عجل لوليك الفرج يااا رب #فاطمة"ع"🩸

▪️▪️عظم الله لنا ولكم الأجر والثواب بحق محمد وال محمد

قناة صاحبة الضلع المكسور للشاعرة ام كرار الزينبيه

20 September 2026 09:40

قصيدة لفقد الزهراء عليها السلام على طور ((طلعن من خيمهن مادرن وين))
حال اولاد الزهراء بعد رحيل امهم ع

يمه. يمه. يمه. يمه
ـــــــــــــــــــــــــــــــــــــــ
راحت عنهم امهم مادرو وين
عنها ايناشدون وتهمل.  العين
وگفو على الباب بكلب محزون
زينب والحسن ويلاه   وحسين

ينادون بحزن.  وين أمنه اخذتوها.
ــــــــــــــــــــــــــــــــــــــــــــــــــ
وين أمنه مشت ظلوا ينشدون
ازغار اعله اليتم وامهم يريدون.
مايحمل كلبهم حزن وفراك
و اليفكد عزيز ابحاله شلون

اليفكد اعزازه. شلون يصير حالة
ــــــــــــــــــــــــــــــــــــــــــــ
مايحمل كلبهم حزن وفراك
وفكد الام يعالم حيل حراك
الطفل من يفكد امه يعيش مهموم
الحضنها بكل وكت دلاله يشتاك

ويريدها اكباله.    الحضن امه يحن
__
الطفل يشتاك لأمه يريدها اكباله
ولو غابت تظل دموعه هماله
الله ايساعد الحره واخيها حسين
وياكلب الحسن هاليوم ياحاله

ماترد ليهم.  شكد صاحو وراها.
ـــــــــــــــــــــــــــــــــــــــــــــــــ
شكد صاحوا لجن مافاد الصياح
ولا ينفع ونين وذاك  النياح
ولا ون النفع لا فادت ادموع
الدمع لو دم يهل مايرجع الراح

للدار شيردها    النامت بالحد 
ــــــــــــــــــــــــــــــــــــــــــــ
زينب والحسن وحسين يبجون
ويسكتوهم الناس ومايسكتون
وعلي محتار شيسوي هالايتام
يصبرهم ومنه اتهل.  العيون

وتتهامل عيونه. يصبرهم علي
_

✍ام زهراء الزيداويه البصراويه

قناة صاحبة الضلع المكسور للشاعرة ام كرار الزينبيه

20 September 2026 09:38

‏مقطع صوتي من خادم العترة الطاهرة

قناة صاحبة الضلع المكسور للشاعرة ام كرار الزينبيه

20 September 2026 09:37

قصيدة بعنوان(( سولف ياقلم))

اكتب ياقلم    محنة.     الزهره
وحبرك خل يشب بالروح جمره

سولف وحجي الصار
من هجمو على الدار

اكتب ياقلم  محنة     الزهره
➖➖➖😭➖➖➖
اكتب ياقلم  و حجي المصيبه
وخل نسمع نبض حبرك نحيبه
اشصار اهناك بالزهره الغريبه.

سولف ذاك المصاب
من لاذت وره الباب
وعليها اخبرنه.  ياظالم. تجره
اكتب ياقلم  محنة.  الزهره
➖➖➖😭➖➖➖
ياظالم تجره    ووجر. النار
وياهو الي عصرها من الاشرار
وبصدر ام حسن نبت البسمار

ومن كسرو  ضلعها
دم ظن صب دمعها
وياهو الترك عالخد أثر سطره
اكتب   ياقلم   محنة. الزهره
➖➖➖😭➖➖➖
ياجف السطرها   اعله   وجنها
ومن الضربه صب دمعه جفنها
ومن محسن طفلها من حرمها

الكان اسمه الخليفه
من  اهل السقيفه
اذكر اسمه ولاتخفي امره
اكتب ياقلم محنة الزهره
➖➖➖😭➖➖➖
اذكر اسمه وخلهم يشوفون
اصرخ ياقلم خل يشهد الكون
والسدو اذنهم خل يسمعون

ابهيبه من تخاطب
وهد صرح النواصب
وكلمن شارك ابمحنتها اذكره
اكتب. ياقلم. محنة.  الزهره
➖➖➖😭➖➖➖
واحد واحد اذكرهم.   ولاتهاب
الجاب الحطب والحرك الباب
وابد لا لا تگلي ذوله أصحاب

ذوله مو صحابه
بل زمرة عصابه
العالم عن فعلهم كله اخبره
اكتب ياقلم.   محنة.  الزهره
➖➖➖😭➖➖➖
خبر الكون كله.   عن فعلهم
وعلى ظلم الزجيه من جمعهم
هذوله ياقلم شنهي. حكمهم

ابقانون. الأحكام
قليل ابحقهم اعدام
حتى الموت من عدهم تبره
اكتب ياقلم  محنة. الزهره
➖➖➖😭➖➖➖

✍ام زهراء الزيداويه البصراويه

/channel/hooral

قناة صاحبة الضلع المكسور للشاعرة ام كرار الزينبيه

20 September 2026 09:35

يالغربيتي الله وياچ
يم گلب الحنين شلون ننساج
عني زماني وين وداچ


✍ام زهراء الزيداويه البصراويه

/channel/hooral

قناة صاحبة الضلع المكسور للشاعرة ام كرار الزينبيه

20 September 2026 09:33

بوذيات بين الإمام علي والسيدة زينب  بعد رحيل الزهراء ع

أمنه ماغمض عالهم    جفنها
وايام.    الفرح  ويلي   جفنها
اشوفن بويه شديته      جفنها

((وبدمع العين غسلت الزجيه))

يبويه امج مشت عنه.   وشالت
ودمع عيوني عالفرگه     وشالت
ابفگدها هدمت روحي   وشالت

((وحنى اضلوعي فگدها ابهل مسيه))

ارضنه ياعلم.   . بويه       وردها
وذبل من الحزن روحي     وردها
يبويه احييها الي امي.      وردها

((من اترد ترد الروح اليه))

شيردها امج بعد للدار.      راحت
ومن حزني عليهااصفگت   راحت
اخلاف عيونها   مابعد      راحت

((الراحة وام حسن راحن سويه))

ابفرگاها الدهر بويه     وجرنه
وبحبال اليتم ربطنه     وجرنه
يبويه عظم الله أجرك   وجرنه

((بفراگ.  الزجيه   الهاشميه))

الدهر عن دارها امكم.    بعدها
واجرن  اه  عالفرگه.      بعدها
صرتوا أيتام ياوسفة        بعدها

((انه اوياكم تيتمنه سويه))

نلومه اليوم كل واحد    يلمنه
ونون وماهاده ساعة .    يلمنه
ياحضن البعد أمنه .      يلمنه

((ازغار ويتمونه اهل الرديه ))

يزينب عالدهر بويه    وشلنه
فجعنه افراگها امج     وشلنه
يريت اوياهاظلمونه     وشلنه

((ويه الزهراء محلاها المنيه))

يريت اضلوعي كسروهن   وياها
ازغيرة   وموتها  گرب       وياها
ابجيتها السمه زادت         وياها
َ
((ومن عدها الأرض وحشه وخليه))

راحت بهجة الدنيا       واملنه
وبعدها الدمع مليناه      واملنه
جانت خيمه اتلمنه      وام النه

((ونامت يااسف تحت الوطيه))

المصايب روحي فگد أمي.   لونها
وبعده ايون نبض گلبي.       لونها
ترد. الدارها   ساعة            لونها

((واخبرها اشكثر هضم العليه))


بعد   هيهات. طيف امج.    يمرنه
ومرار الضيم     والفرگه.    يمرنه
الفگدها     ابد.  مايبرد.     يمرنه

((ولا يهده الحزن للموت بيه))

✍ام زهراء الزيداويه البصراويه
/channel/hooral

قناة صاحبة الضلع المكسور للشاعرة ام كرار الزينبيه

20 September 2026 09:30

https://youtu.be/UtUEwPLyvnU?si=UtGdrftVxZIDAM9z

قناة صاحبة الضلع المكسور للشاعرة ام كرار الزينبيه

20 September 2026 09:29

قصيدة بعنوان ((حسبي الله)) عن السيده الزهراء عليها السلام لسان حال فضه خادمة الزهراء عليها السلام


حسبي الله اعلئ الدفع باب الزچيه
حسبي الله وطاحت الزهرة رميـه

اضلوعها طگن سوه// وبعد متشم الهوه

حسبي الله //حسبي الله

➖➖➖➖➖➖➖➖

حسبي الله اعلئ الضلم بضعة نبينه
ندعي يوميه العصر نرفع اديـــــنه
شلون حالتها صفت صعبه وحزبنه
وحالت حسين البكه يجهر ونيــــنه

دمعته اتفطر الگلب//حمره تفجع كل محب
حسبي الله// حسبي الله

➖💫➖💫➖💫➖💫
انه فضه وسمعت طگت ضلعها
وشفت بت المصطفى يفجع وضعها
انكسرت ايده ان شاءلله كلمن دفعهـا
احمر ايسيل اعلئ ابنها ضل دمعها

فضه من صاحت الي //خاف يسمعها علي
حسبي الله //حسبي الله
💫➖💫➖💫➖💫➖
خاف يسمعها علي صاحت يفضه
لحكي شيلي، المحسن كومي ركضه
اضن من كسرة ضلوعي وكف نبضه
وضلعي ببن الباب والحايط تشضه

والضلع مني انهشم//ودمعي بخدودي انرسم
حسبي الله //حسبي الله
💫➖💫➖💫➖💫➖
الضلع مني تهشم. نادت ابصوت
من الرعب انظر وجهه لونه مبهوت
والهوئ للريه احسه كوه ايفوت
وبنبضها جن احسن كرب الموت

الون اشوفه منخطف /والوضع ماينوصف
حسبي الله. حسبي الله
💫➖💫➖💫➖💫➖
حالها ماينوصف. ومغيرة الون
وطافيه من الدمع والصطره العيون
وانظر حسين وحسن بالدار يبجون
وزينب الوحدها تنعه ويلي شلون

حالهم يهضم هضم /مايحملون اليتم
حسبي الله. حسبي الله
💫➖💫➖💫➖💫➖
مايحملون اليتم. ومصيبة امهم
وجرح. الخدين. ياويلي دمعهم
عكب عين ام الحسن ياهو اليلمهم
يتيتمون من. الزغر هذا قدرهم

وياهم تنوح السمه /ماتت امهم فاطمه
حسبي الله. حسبي الله
💫➖💫➖💫➖💫➖
تمت بااقلام خادمات اهل البيت عليهم السلام
✍🏻الشاعرة ام إبراهيم الحلفي
✍🏻ام زهراء الزيداويه البصراويه
🤲🏻نسالكم الدعاء 🤲🏻

قناة صاحبة الضلع المكسور للشاعرة ام كرار الزينبيه

04 September 2026 12:44

‏صورة من خادم العترة الطاهرة

قناة صاحبة الضلع المكسور للشاعرة ام كرار الزينبيه

03 September 2026 17:26

*📖ليلة الجمعة الدعاء لعشرة📖*

عن مولانا الإمام الصادق عَلَيهِ السّلام: مَن دعا لعشرة من إخوانه الموتى ليلة الجمعة أوجب الله له الجنة.

*رحم الله والديكم لـ كل من يقرأ سورتي الفاتحة والتوحيد ثلاث مرات مع الصلوات المحمدية عشر مرات والدعاء إلى والدي حسن ابن محيبس واختي كفايه بت حسن وإلى جميع الأموات جزاكم الله خيرا*


من لطف الله تعالى على عباده أن المؤمن يثاب على دعائه كما يثاب على عمله، سواء قضيت له الحاجة أم لم تقض.

قناة صاحبة الضلع المكسور للشاعرة ام كرار الزينبيه

01 September 2026 11:44

‏صورة من ام حسين الحجيمي 🤍

قناة صاحبة الضلع المكسور للشاعرة ام كرار الزينبيه

20 September 2026 10:13

نعي مناوب مولاتنا زينب تخاطب والدتها الزهراء ع
♾️♾️♾️♾️♾️♾️
يمه
مو وكت الفراك. يايمه ابد مو وكت الفراك
تدرينه حراك.  وحيل البعد تدرينه حراك
دلالي مشتاك  يالطيبة الج دلالي مشتاك
♾️♾️♾️♾️♾️♾️
مابيه حيله.  افراكج كلف مابيه حيله
ماصح بديله.  شخصج ابد ماصح بديله
ينام ليله. المفارك شلون. . ينام ليله
♾️♾️♾️♾️♾️♾️♾️
يمه
كلبي الزغيرون مايحمل هضم كلبي الزغيرون
يعمي العيون و اتراب المكابر يعمي العيون
بحالي اشلون  أظل الوحدي ابحالي اشلون
♾️♾️♾️♾️♾️♾️
ماغمضت العين على افراكج ابد ماغمضت العين
يم كلب الحنين. افراكج صعب يم كلب الحنين
ماظن تردين. للدار ابد ماظن تردين
♾️♾️♾️♾️♾️♾️
يمه
كبرني الف عام ييمه الحزن كبرني الف عام
مصوب اسهام دلالي يون امصوب اسهام
الزينب اشضام ماادري الزمان الزينب اشضام
♾️♾️♾️♾️♾️♾️♾️
لا مو محله. هذا السفر لا مو محله
بالروح خله. . جم لوعة وألم بالروح خله
وكليبي سله افراكج صعب وكليبي سله
♾️♾️♾️♾️♾️♾️♾️
زيدها بلواي. دهر الحزن زيدها بلواي
من يكعد وياي بعدج بعد من يكعد اوياي
من تجفي دنياي المن امر من تجفي دنياي
♾️♾️♾️♾️♾️♾️♾️
يمه
مانمت ليلي بعدج ابد مانمت ليلي
معذب دليلي.  بعدج بقى معذب دليلي
يابعد حيلي امصابج كلف يابعد حيلي
♾️♾️♾️♾️♾️♾️♾️
جاوين وداج. الدهر الحزن جاوين وداج
يالحلو ملكاج. اشتاكينه الج يالحلو ملكاج
من نكعد وياج. ترد أرواحنه من نكعد وياج
♾️♾️♾️♾️♾️♾️♾️
مو وكت الغياب يم الحسن مو وكت الغياب
يانوم التراب. كلش صعب يانوم التراب
من انظر الباب. كلبي يون من انظر الباب
♾️♾️♾️♾️♾️♾️♾️♾️
✍🏻ام زهراء الزيداويه البصراويه

قناة صاحبة الضلع المكسور للشاعرة ام كرار الزينبيه

20 September 2026 10:12

بوذيات عن الزهراء عليها السلام

جروح ام الحسن هاجن  ولاجن
وليالي الفرح هال راحن ولاجن
سطرها الظالم.   بخدها. ولاجن

((ابوها المصطفى سيد البريه))
_

الحزن لمصيبة الحرة . علانه
ودهر الكدر   هالناشر.  علانه
بقى ينحب على الزهرة  علانه

((ولبس ثوب الحزن حامي الحميه ))
____

✍🏻ام زهراء الزيداويه البصراويه

قناة صاحبة الضلع المكسور للشاعرة ام كرار الزينبيه

20 September 2026 10:09

قصيدة عن استشهاد الزهراء عليها السلام

يا فاطمة الخدام الج وفايه
لو كبر عندج نعتني مشايه
وكبل الجدم تسبكنه كون الرايه

كلنه بحزن ننعيلج. كون بعجل نمشيلج . يافاطمه مولاتنا
عزيزت روحنه. ينار جروحنه نجريها الج دمعاتنا
اجت بمصابج.  تنوح احبابج. بالجف ترف راياتنا

جينه نعتذرلج يم الحسين
ندك اعله الصدور وتهمل العين
عنه كون يامولاتي ترضين

الشيعي بفراكج صعب ياحاله
بحسره ينعه. اودمعته هماله
الزار كبرج يم حسن هنياله

يافاطمه الخدام الج وفايه
♾️♾️♾️♾️♾️♾️♾️
نجي ونزورج. ونوفي نذورج   ونعلي حيل اهاتنا
ونهل دموعنه. وندك صدرونه ونجهر الج بصواتنا
اجينه الليله.  دمعنه نسيله ونهديها الج خطواتنا

الج هذا الوعد من  النشامه
ابد ماننسه حزنج   للقيامه
يزهرة بموتتج   كلنه. يتامه

لمصيبتج كلنه بحزن ونينه
ماتنطفي نيران حزنج بينه
ابحركة وبلوعة كلب نادينه

يافاطمه الخدام الج وفايه
♾️♾️♾️♾️♾️♾️♾️♾️
نتعنه الج بجموعنه. لجلج تصب دموعنه  الخدم عدهم غيره
ندوس المنايا بزودنه. وتتعنه ليج جنودنه. ونطوي بجفنه الديره
نحيي ابحسره امصابج. ونشم يحره اترابج  ماتبقى بعدج حيره

ندوس اعله المنايا وتشهد الناس
وشرط نعشج نشيله فوك عالراس
يالحره اترابج.      وجب. ينباس

بكل رواية انوح لجل امصابج
نتمنه نوكف يم حسن يم بابج
وبلهفه نشتم يالحبيبه اترابج

يافاطمه الخدام الج وفايه
♾️♾️♾️♾️♾️♾️♾️♾️
نجيج بحيلنه.  وتهمل عينه. والمهدي كون ويانه
يطالب ثارج.  ويطفي نارج  وسيف العدل عنوانه
وكبر يبنيلج.  ويظل ينعيلج  وماتنطفي نيرانه

بجفه المهدي بسمج ياخذ الثار
ويبني الحضرة الج وتهل الأنوار
وبزوده يطفي.    بكلبج.   النار

وتشع علينه يالحنينه  انوارج
وأبوابها تفتح يحره.   اديارج
وبالحضرة كلها تجتمع زوارج

يافاطمه الخدام الج وفايه
♾️♾️♾️♾️♾️♾️♾️♾️
يجيج القائم. بجفه الصارم  وبكيفه ياخذ ثارج
بعزم مهدينه. يدك يمينه. يتعنه الدارج
يجي ابتاره. ويجيب أنصاره وتشد حزمها انصارج
تعنه الدارج

الج يم الحسن عهد الميامين
نجيج وناخذ احنه الثار ثأرين
ثار المحسن وكسرت الضلعين

المهدي تتجادح شرار عيونه
ووياه نمشي وابد  ميمنعونه
نعشك الموت وكلهم يعرفونه

يافاطمه الخدام الج.  وفايه
♾️♾️♾️♾️♾️♾️♾️♾️
كل شدة تحلينها. وحاجاتنه تكضينها. وجفج حملنه يشيله
والمجلسج لو جينه. يهود كلبنه ونينه. وبسمج الرب ندعيله
يعجل فرج مولانا  ويملي العدل دنيانه. نصيح الليله

باجر تفرج  وغايبنه.   يظهر
وفجر يوم العدلة بخير ينطر
واسوار الظلم   كلها.  اتكسر

لو ظهر مهدينه بعد.    الغيبه
ترجف اعداه الوالي من الهيبه
ومنهم الثار امربع الا يجيبه

يافاطمه الخدام الج وفايه
♾️♾️♾️♾️♾️♾️♾️

✍ام زهراء الزيداويه البصراويه

قناة صاحبة الضلع المكسور للشاعرة ام كرار الزينبيه

20 September 2026 10:08

-

خل يكون أساسنا *"حبُّ فاطِمة الزَّهراء"*

أتركوا كل مابأيديكم وخلونا كلنا نروح لأمنا السيدة الزهراء ونحچي وياها هذهِ الليلة عن كل مايألمنا على ان تأخذ بأيدينا أن تجعلنا شيئاً تحبهُ…

تقربوا من الله حبًا بفاطم
نلتزم بصلاتنا حبًا بفاطم
نلتزم بأرثها حبًا بفاطم
ترك الأغاني حبًا بفاطم
ترك الغيبة حبًا بفاطم
ترك النفاق حبًا بفاطم
أبر بوالديي حبًا بفاطم
ترك النميمة حبًا بفاطم
نلتزم بدراستنا حبًا بفاطم
نلتزم بحشمتنا حبًا بفاطم
نكون رساليات حبًا بفاطم
ألتزم بواجباتي حبًا بفاطم
أسير على نهجها حبًا بفاطم
نرتبط بصاحب الزمان حبًا بفاطم
ترك العلاقات المحرمة حبًا بفاطم…

توكلوا علىٰ الله وعلىٰ السيدة فاطمة الزهراء
"عليها السلام" خلونا كلنا نكون بنات
رساليات
ملتزمات
ممهدات
فاطميات
زهرائيات
زينبيات
مهدويات

أهواية عطوفة علىٰ بناتها وراح تسمعنا وتأخذ بأيدينا الىٰ حيث تَحُب… 

خل نتعهد لمولاتنا حبًا وتقربًا لله ولها بأن نترك المعاصي أن نكون بنات يرضىٰ عليهم رب العالمين وترضىٰ عليهم، ونكون من قول وفعل بنات السيدة الزهراء عليها السلام ونكون نستحق هذا الأسم المقدس الذي لاينالهُ الإ ذو حظٍ عظيم..

*((وَمَا يُلَقَّاهَا إِلَّا ذُو حَظٍّ عَظِيمٍ))*

والي معروف عن بنات الزهراء عليها السلام انُ هن ملتزمات..:
بعفتهن
بصلاتهن
بألتزامهن الديني
بدراستهن وتطويرها
وتمسكهم بأمهن الزهراء
وتمسكهم بصاحب الزمان...الخ.

خلونا نكون بنات السيدة الزهراء عليها السلام خل نتساعد مع بعضنا لنكون شيئاً تحبهُ السيدة…💔

-

قناة صاحبة الضلع المكسور للشاعرة ام كرار الزينبيه

20 September 2026 09:41

📌الأيّام الفاطميّة:
الرّواية الأولى: ٨ ربيع الثّاني
الرّواية الثانية: ١٣ جمادى الأولى
الرّواية الثالثة: ٣ جمادى الثّاني

"اَلسَّلامُ عَلَيْكِ أَيَّتُهَا الصِّدِّيقَةُ الشَّهِيدَةُ"

قناة صاحبة الضلع المكسور للشاعرة ام كرار الزينبيه

20 September 2026 09:39

قصيدة للزهراء ع على طور ((طلعن من خيمهن))حال الإمام علي  بعد فقد الزهراء ع

زهراء. زهراء. زهراء. زهراء
__

يون المرتضى ودلاله نصين
وذبلت من دمعها ويلي العين
فكد زهرة حياته وحيله مهدود
ولفركاها ظل يزيد    الونين

تهمل عيونه. على افراك الزجيه
_
على افراك الزجيه دمعه يسيل
ومن كثر الحزن وي الهوى يميل
يجر بالجدم لمن يمشي بالكوه
خذت وياها يوم الراحت الحيل

مهدود كل حيله. يوم الرد علي
___
رد للدار يسحب جدمه بالكوه
وبجمر الحزن  دلاله.   اتجوه
مشت عنه الحنينه وبعد شيردها
وبعدهي دنيته يدريها ماتسوه

ماتسوه دنياته. عكب عين ام حسن
___
اخلاف الطاهرة ماتسوه دنياه
وحيل افراكها.   ياعالم.  اذاه
عافته. وحيد. ابين.   الهموم
وبعد هيهات ترجع تكعد وياه

وتشوفها عيونه. ماترجع بعد
_
بعد ذاك الشمل مايرد هيهات
وعلي بفراكها دلاله هم   مات
بس ذكراها ظل للدوم سلواه
ويصحه اعله الدمع ليليه ويبات

ماينسه ذكراها. للموت ام حسن
___
ماينسه ذكرها وذيج    الأيام
ودلاله الفكدها مصوب اسهام
ليل انهار ظل  لفراكها  ينوح
سهران ويون وعيونه.  متنام

سهران كل ليله. يون وينتحب
__

✍ام زهراء الزيداويه البصراويه

قناة صاحبة الضلع المكسور للشاعرة ام كرار الزينبيه

20 September 2026 09:38

🏴يوم حزين لفقد سيدة نساء العالمين 🏴

الحزن من الزغر لام حسن يبره
وكسر اضلوعها هيهات.    يبره
اليموت الها عزيز أتريد.   يبره

((وجبرتها ام حسن نار واذيه ))

المصايب فاطمة  اتعنن. وجنها
وضربها الظالم واحمر.    وجنها
الانس   حزنانه. عالزهرة. وجنها

((واملاك السمه نصبت عزيه ))

عظم الله اجركم ياشيعة وموالين بهذا المصاب الأليم
حفظكم المولئ من كل سوء ومكروه وابعد عنكم كل شر وبلاء وجعلنه واياكم من الشاكرين الذاكرين وجمعنه واياكم تحت رحمته يوم الدين

🤲🏻امين يارب العالمين 🤲🏻

قناة صاحبة الضلع المكسور للشاعرة ام كرار الزينبيه

20 September 2026 09:36

نعي مناوب بين جبل الصبر وامير المؤمنين ع

زينب ع

بويه
طالع ابليل طالع ابليل. اشعندك يبويه طالع ابليل
ودموعك اتسيل ودموعك اتسيل محني الظهر ودموعك اتسيل
ويه الهوه اتميل ويه الهوه اتميل من الحزن ويه الهوه اتميل

علي ع

بويه
ماظل بعد حيل ماظل بعد حيل بعد ام حسن ماظل بعد حيل
ماظني اتشيل ماظني اتشيل عني ابعجل ماظني اتشيل
وترابها انهيل وترابها انهيل اتنام ابگبر وترابها انهيل

زينب ع

ماشي بيها ماشي بيها وين أمنه الحنينه ماشي بيها
عينك عليها عينك عليها مكسور الضلع عينك عليها
لمن تواريها لمن تواريها بهداي لمن تواريها

علي ع

بويه ادري بيها بويه ادري بيها ضلعها منكسر بويه ادري بيها
صديت ليها صديت ليها عند الغسل صديت ليها
محنيه اديها محنيه اديها من الألم محنيه اديها

زينب ع

عاينتها   عاينتها . بيا   عين   بويه عاينتها
خاف الجمتها خاف الجمتها متوجعه خاف الجمتها
من غسلتها من غسلتها گلي اشفت من غسلتها

علي ع

بويه
ازرگ ضلعها ازرگ ضلعها بعيني شفت ازرگ ضلعها
يهمل دمعها يهمل دمعها ويه الغسل يهمل دمعها
بويه وجعها بويه وجعها الماي اظن بويه وجعها

زينب ع

مالومه اظنها مالومه اظنها ميته وتون مالومه اظنها
هيج المها هيج المها والماي اظن هيج المها
بلل جفنها بلل جفنها دمع اعيونها بلل جفنها

علي ع

يلهب جمرها يلهب جمرها بضلوعها يلهب جمرها
محني ظهرها محني ظهرها من الألم محني ظهرها
خلص عمرها خلص عمرها بين الحزن خلص عمرها

زينب ع

بويه
شيردها لينه شيردها لينه. أمنه بعد شيردها لينه
بالهم بقينه بالهم بقينه واخلافها بالهم بقينه
اتيتمينه.           اتيتمينه. ازغار بويه اتيتمينه

علي ع

لاتونين  لاتونين بعدج ازغيره لاتونين
گلبي تهيجين گلبي تهيجين ابوناتج جرح گلبي تهيجين
من تنوحين من تنوحين يزيد الحزن بويه من تنوحين

زينب ع

بويه
شيفيد النواح شيفيد النواح أمنه ارحلت شيفيد النواح
ماتهده الجراح ماتهده الجراح وبفراگها ماتهده الجراح
اوياها العمر راح اوياها العمرراح شالت اوياها العمر راح

علي ع

بعد الزجيه بعد الزجيه راح العمر بعد الزجيه
جانت تجيه جانت تجيه والبيتنه جانت تجيه
ماالها جيه ماالها جيه عنه ارحلت ماالها جيه

✍ام زهراء الزيداويه البصراويه
/channel/hooral

قناة صاحبة الضلع المكسور للشاعرة ام كرار الزينبيه

20 September 2026 09:35

بسم الله الرحمن الرحيم
اللهم صل على محمد وآل محمد وعجل فرج مولانا الإمام المهدي المنتظر

((محاضره ونعي عن  مظلومية مولاتنا الزهراء عليها السلام ))
قال تعالى
بسم الله الرحمن الرحيم

(إِنَّ الَّذِينَ يُؤْذُونَ اللَّهَ وَرَسُولَهُ لَعَنَهُمْ اللَّهُ فِي الدُّنْيَا وَالآخِرَةِ وَأَعَدَّ لَهُمْ عَذَاباً مُهِيناً) (الأحزاب/57)

صدق الله العلي العظيم

من هي مولاتنا الزهراء عليها السلام
هيه فاطمه بنت رسول الله صلى الله عليه واله وسلم وامه خديجه الكبرى ام المؤمنين عليها السلام وزوجه علي عليه السلام وأولادهاالحسن والحسين وزينب وام كلثوم والمحسن الذي اسقط جنين ومات
عليهم سلام الله اجمعين عاشت مولاتنا عليها السلام حياتها صابرة قانعه راضيه مرضيه وكانت لها مكانة عظيمه عند والدها رسول الله صلى الله عليه واله وسلم
حيث سميت باام ابيها وسميت بضعة الرسول ويذكر انه في يوم من الايام اسر الرسول ((ص))اليها بسر فبكت ثم اسر اليها بسر ثاني فضحكت فسالت لماذا بكيتي في المرة الاولى وضحكتي في المرة الثانيه فلم تجاوب الا بعد وفاة والدها حيث قالت ان ابي بالمرة الاولى اخبرني بقرب وفاته فبكيت واخبرني في المرة الثانيه باني اقرب اهل بيته لحوق به فضحكت وبقت مولاتنا عليها السلام  بعد فراق ابيها حزينة باكيه لاتهدا لا ليل ولانهار
حتى تجرحت عيونها من كثرة البكاء والنحيب وكانت تقول ماعلى من شم تربة احمد ان لايشم مدى الزمان غواليا صبت عليه مصائب لو انها صبت على الايام صرنه لياليه واتخذت لها بيت تجلس فيه تبكي سمته بيت الاحزان وفي يوم من الايام هجم على دارها مجموعة ممن يسمون أنفسهم الصحابه ولكن الله ورسوله متبرين منهم وعندما هجمو على دارها قيدو الامام علي عليه السلام بالحبال وسحبوه خارج البيت فلاذت مولاتنا الزهراء عليها السلام خلف الباب حفاظ ورعايه للستر والحجاب ولكن عدو الله امر بحرق
الدار على من فيها وجاي بشخص ضخم دفع الباب وكانت الزهراء عليها السلام خلف الباب وكان في الباب مسمار فنبت ذالك المسمار بمتنها الايمن اه واه ويلاه  واه مظلوماه واه زهراء  وكسر ضلعها واسقط جنينها وسطر خدها بلا رحمه وبلا شفقه اوخوف من الله تعالى اوكرامه لأبيها رسول الله صلى الله عليه واله وسلم
وبقت مولاتنا عليها السلام طريحه الفراش لا تقدر على الحركه ويوم بعد يوم ساءت حالتها وقبل ان تنتقل الى  جوار ربها أوصت مولانا علي عليه السلام بان يغسلها ويدفنها ليل وان لا يحضر تشييع جنازتها من ظلمها حقها وان يخفي قبرها حته لا يزورها من ظلمها لان من زارها استحق شفاعتها وقضت نحبها حزينه متالمه ذهبت وهيه محمله بالجراح والهموم لتشكو الى ربها مانزل بها ممن يدعون انهم صحابة رسول الله ص
فقد ظلموها واغتصبو حقها ولم يراعو حرمة دارها ولا قرابتها من رسول الله صلى الله عليه واله وسلم واسقطو جنينها وروعو أطفالها وكسرو ضلعها وسطرو خدها وهكذا انتقلت مولاتنا الحزينه المظلومه الى الرفيق الاعلى ودفنت في اليل ولحد الان لا يعرف مكان القبر الشريف فلعنه الله تعالى وملائكته والناس أجمعين على من ظلم مولاتنا الزهراء عليها السلام لعنهم الله تعالى لعنه عاد وثمود وخصمهم يوم القيامه رسول الله ص وسيعلم الذين ظلمو اي منقلب ينقلبون اللهم العن كل من شارك واعد وستعد وحرض وخطط للهجوم على دار الزهراء عليها السلام وادخلهم نار لايهدى لهيبها ولاينطفي سعيرها ولاتعفو عنهم ولاترحم من يترحم عليهم ومن ناصرهم واجمعه معهم في جنهم ياارحم الراحمين
فقد جرحو قلوبنه وابكو عيوننه وافجعونه واوجعونه بمظلوميه الزهراء عليها السلام بحرق دارها حرقو قلوبنه وبكسر ضلعها هشمو صدورنه وبفقد جنينها هدمو ارواحنه  اشعلو في قلوبنه نار لاتهدى ولاتنطفي الا باخذ القصاص العادل منهم حرمونه من شم عطر قبر الزهراء عليها السلام حرمهم الله تعالى من شم عطر الجنه فسلام على مولاتنا فاطمه يوم ولدت ويوم استشهدت ويوم تبعث حيا
وهكذا انطوت ختمت حياة الايمان والجهاد ولسان حال مولاتنا زينب عليها السلام يقول 

نعي

زهره ييمه لا تونين
توجعين الگلب لمن تنوحين
نصير ايتام يمه لو ترحلين

ثوب اليتم ماليه حيله
والحمل يمه من يشيله
روحي صفت بعدچ عليله

ايسمونه يايمه ايتام
گلبي على امي حيل محتام
ابحضنچ ييمه نغفه ونام

ردو النعش يالي تشيعون
لو غرب گليبي تشلعون
وايتامها لا ما يهيدون

اسم الله اعل اسمچ يالزچيه
ريت الجرح يايمه بيه
ولاشوفچ حزينه هلمسيه

رحتي يالحنينه وين نلگاچ
يم چلمه هلا وياحلو ملگاچ
اتمنى الموت اخذني ورحت وياچ

صحت ابحزن وينچ ييمه
من عگب عينچ دنيه ظلمه
گلبي الحزن والنوح سهمه

ظلي ويانه يمه فدوه
الدنيه من غيرچ متسوه
رحتي يمن للروح سلوه

افراگچ ييمه ماحملته
والحزن وي الضيم شلته
ون الگلب معرفت علته

يمه نار ابدليلي حيل تسعر
گلبي على امصابچ تفطر
غيم زماني وحزن مطر

جسمني الدهر يايمه نصين
لاوين انطي الوجه لاوين
على افراگچ يون الحسن وحسين

قناة صاحبة الضلع المكسور للشاعرة ام كرار الزينبيه

20 September 2026 09:32

قصيدة لسان حال مولانا علي بعد فقد الزهراء ع

الليلة دلالي يون. الفاطمة بعده يحن
عاودت من الدفن  والدمع همال
♾️♾️♾️♾️♾️♾️
رديت بحزني واهاتي ودمعات العين
وانظر زينب تبجي اكبالي وينوح حسين
والحسن بنظراته يصدلي ويجر لونين
وجنهم بالدمعة يسألوني وين امهم وين

بعينهم انظر عتاب. مني يردون الجواب

عاودت من الدفن. والدمع همال
♾️♾️♾️♾️♾️♾️♾️♾️
أعتاب وحسرة بدمعتهم أيتام ازغار
ونظرتهم تحجيلي أحزان وضيم الماصار
وي ونتهم جن انظرها حزنانه الدار
ياراس اليمسح من عدهم دلالي حتار

دمعي بعيوني نحبس. وختنگ مني النفس

عاودت من الدفن     والدمع همال

♾️♾️♾️♾️♾️♾️
محبوسة الدمعات بعيني والروح تميل
واطفالي ينوحون اكبالي والدمع يسيل
ياجف يسمح راس.  ايتامي ومهدود الحيل
ياحضن البعد يدفيهم لو صار الليل

حضن امهم الدافي برد. وطيفها الغالي ابتعد

عاودت من الدفن. والدمع همال
♾️♾️♾️♾️♾️♾️♾️♾️
طيف امهم. راح.     وفاركنه ومابعد يعود
وبتراب اندفنت ياوسفة وماتت لورود
وظلت بس اهات الذكرئ وأيام السود
والباب وبسماره وناره وحسرتها شهود

ابابنه ظل الأثر. دمها وحزان الدهر

عاودت من الدفن. والدمع همال
♾️♾️♾️♾️♾️♾️♾️♾️
اثار الدم  ومحسنها.     ونار ودخان
وصار أحمر انظر بعيوني لون البيبان
وللدمعة البسمار وجرحه اصبح عنوان
يكلف حيل افراگ الزهره ولكل تعبان

افراكها كلش صعب. بعدمايهده الكلب

عاودت من الدفن    والدمع همال
♾️♾️♾️♾️♾️♾️

✍ام زهراء الزيداويه البصراويه

قناة صاحبة الضلع المكسور للشاعرة ام كرار الزينبيه

20 September 2026 09:29

قصيدة لسان حال الزهراء تخاطب جبل الصبر زينب ع

اتهون يايمه محنتي/ للغريب اتصب دمعتي
           يمه زينب/ يمه  زينب
اتصورت حال الحسين/ابكربله وزاد الونين
         يمه زينب/ يمه زينب

➖➖➖😭➖➖➖
يمه اوصيج ابوصيه  كلمه بس سمعيها مني
امصيبتي هينه وبسيطه لايشغلج يمه وني
ونتي كلها اعله يومه حسين يازينب كسرني
الضلع والبسمار سهله ومحنتي والمحسن ابني

غايبه يوم الطفوف/لاني يمه اولا اشوف
         يمه زينب /يمه زينب

➖➖➖😭➖➖➖
لونضرته ايذوب گلبي وانسه الام الضلع
شوفته تكسر الخاطر من اشوفنه انصدع
حسين من نفسي اغلا عندي اتفهمي هذا الوضع
ايون عليه بحسره ونته خافيه  ماتنسمع

امصيبتي لجله تهون/ فدوه اله هاي العيون
                 يمه زينب/ يمه زينب

➖➖➖😭➖➖➖
ونته مخفيه يمه والضلوع مكسره
وبالسهم مصيوب وجثته متناثره
من العطش انظرها شفته ااه ييمه مفطره
وعله صدره الشمراشوفه كاعد يحز منحره

وليدي اشوفه منطرح /وبيه جم جرح وجرح
يمه زينب /يمه زينب
➖➖➖😭➖➖➖
عالتراب وليدي انظره غارك بفيض الدمه
وبحوافر خيل اميه جثته متهشمه
والخلك حزنانه لجله وغيمت حتى السمه
وانتي اشوفنج حزينه الفركته ومتألمه

الوحدج بين الألوف / وكلها ملتمه الصفوف
يمه زينب /يمه زينب
➖➖➖😭➖➖➖
الوحدج بين الاعادي والإخوان مطرحين
لاحسين ولاكفيلج بيا حنين تحشمين
لا اخو لاخيمة عندج الوجه تنطينه وين
اشجم عزيه اهناك يمه على خوانج تنصبين

شجم عزيه تنصبي/ وانتي جدامج سبي
   يمه زينب /يمه زينب
➖➖➖😭➖➖➖
تمت بااقلام خادمات اهل البيت عليهم السلام
✍🏻الشاعره ام إبراهيم الحلفي
✍🏻ام زهراء الزيداويه البصراويه
🤲🏻نسالكم الدعاء 🤲🏻

قناة صاحبة الضلع المكسور للشاعرة ام كرار الزينبيه

20 September 2026 09:27

قصيدة بعنوان ((وداع يافاطمة ))

انودع الليلة الزجية
بالونين وبالنحيب
خل يجي يشيع الزهرة
كل بعيد وكل قريب
♾️♾️♾️♾️♾️♾️
نودع الليلة الزجية والدمع من دم يسيل
بلهفة نتعنه نعشها وي علي كلنه نشيل
الوحده حامي الحميه منكب وطالع بليل
فاكد اليوم الحبيبه وعالبعد ماعنده حيل

حالته تكلف علينه
مفارك اليوم الحبيب
♾️♾️♾️♾️♾️♾️♾️
مفارك اليوم الحنينه وكلبه بحسره يون
والنعش مشيول بيده وبيه رايح للدفن
من الحزن مهدود حيل وروحه عالزهرة تحن
ذبلوا زهرة حياته وغيم اعليه الحزن

شلون مادنياه تظلم
والشمس عنه تغيب
♾️♾️♾️♾️♾️♾️♾️
ذبلوا زهرة حياته حيدر وگلبه انجوه
من دفن بيده الزچيه انكطع بنفاسه الهوه
يحس وي  ساعة دفنها خلص وعمره انطوه
لان ماكو ابداره زهره ضمله مابيها ضوه

وراسه ابيض، صار حيدر
ونترس من كاعه شيب
♾️♾️♾️♾️♾️♾️
راسه شيب من دفنها وعمره حس كلش كبر
ونحنه طوله اعلئ ولفه وگلبه ذاب امن القهر
هم شفت واحد ابظلمه ياعلي يدفن گمر
قبل وكته الورد ذوبل والغصن طگ ونكسر

حيدر ايگول وي خلي
مالي بالدنيه نصيب
♾️♾️♾️♾️♾️♾️♾️
نعين حيدر علمصيبه نعينه بدموع التصب
بهل مسيه وهوه يمهه وعلگبر رايح يطب
نار بلدلال تلهب والگلب بلهم يشب
شلون من ماتت الزهره وثارهه الماينطلب

وحيد حيدر هيج يصبح بلحزن وحده وغريب
♾️♾️♾️♾️♾️♾️♾️
وحيد من بعد الزجيه ومن بعد غدر الصحابه
ويذكر الزهره الزجيه شما تصد عينه اعله بابه
خل نكوم نعينه كلنه نهون عليه بمصابه
نصير عون وياه عليهم ننحسب باجر كرابه

المحب ماعنده وسيله
  بس دمعته والنحيب
♾️♾️♾️♾️♾️♾️♾️♾️
✍🏻ام زهراء الزيداويه البصراويه

قناة صاحبة الضلع المكسور للشاعرة ام كرار الزينبيه

04 September 2026 10:52

"طاب يومكم"
🌹 أسال الله العظيم ؛أن يتقبل منكم الطاعات🌹 ،،،
وان يسوق اليكم من رزقه وفضله ما يغنيكم ،،،
و ينزل عليكم من بركاته ما يكفيكم ،،،
و يدفع عنكم من نقمه ما يؤذيكم ،،،
و يرزقكم من عافيته ما يشفيكم ،،،
و يبارك لكم في اهلكم واحبابكم و ذويكم ،،،
❤صباح الخيرات والبركات والدعوات المستجابة❤وجمعة طيبة مباركة عليكم وعلينا وعلئ كل امة محمد

قناة صاحبة الضلع المكسور للشاعرة ام كرار الزينبيه

01 September 2026 11:44

‏صورة من ام حسين الحجيمي 🤍

قناة صاحبة الضلع المكسور للشاعرة ام كرار الزينبيه

01 September 2026 11:44

‏صورة من ام حسين الحجيمي 🤍