XazonRezgi (Official Channel)

10 May 2025 14:15

Замон тезлашмоқда, айрим янги одобларга ҳам эхтиёж пайдо бўляпти:

• Кимдандир пластик карта орқали қарз олсангиз, қайтаришда хизмат хақини ҳам қўшиб ўтказинг;
• Бошқаларнинг қанча ойлик олишини сўраманг. "Ишда левийлар борми?" дея иржайманг;
• Кимгадир телефон қилганингизда иккинчи йўналишга тушсангиз, битта чақириқдан кейин алоқани узинг. У одамга Сиз қидирганингизни англаш учун шу кифоя. Узлуксиз чақириқларингиз билан суҳбатини хира қилманг;
• Кимгадир қўнғироқ қилсангиз ва у жавоб бермаса, бир секунддан кейин ҳам жавоб бермайди. Қайта-қайта қўнғироқ қилаверманг. Умуман, жавоб бериш у томоннинг хуқуқи, зинҳор мажбурияти деб қараманг;
• Кимдир бирорта суратни кўрсатиш учун телефонини берса, фақат ўша суратни кўриш билан чекланинг. Бармоғингиз билан кейингиларига ўтиб кетманг. Хаққингиз йўқ бунга;
• Ҳаддингиз сиғмаган одамга, яна жамоат орасида иккинчи хотин, оила масалаларида қочирим қилманг;
• Чоррахаларда тўхтаб турилганда ёнингиздаги машинадагиларга олайиб қараманг. Ҳеч ким ҳақингизни еб кетмаяпти. Умуман айтганда буткул қарамасангиз янада яхши. Чунки улов ҳам бировнинг мулки, унинг ичи кимнингдир хонадони мақомида;
• Кимдир телефонида нимадир қидираётган бўлса тикилиб турманг, бошқаларнинг телефон экранига рухсатсиз ва ўта заруратсиз қараманг;
• Умумий овқатланиш масканида атрофингизда аёллар ва болалар бўлса, сўзларингизни ҳам, овозингизни ҳам, кулгингизни ҳам назорат қилинг!

©интернет

@xazon_rezgi

XazonRezgi (Official Channel)

10 May 2025 12:31

УЗУК СОТУВЧИ
(ҳаётий воқеа)

Бир неча киши Мисрга бордик. Дўконга кирдик. Бир узук ёқиб қолиб нархини сўрадик.
– 1400 жунайҳ, – деди. Бир оз нархини тушириб беришини илтимос қилдик.
– Қаерликсизлар? – деди.
– Ўзбекистонлик, нарҳини, Бухорий юртидан, – дедик.
– Бухорий юртидан экансиз, сизларга 20 фоиз чегирма қилиб берамиз, – деди. Бизга ёқиб кетди.
– Яна қандай олимлар бўлган? – деб сўради.
– Имом Термизий, – дедик.
– МашаАллоҳ, у киши ҳам сизларданми? – деди бири ишонқирамай.
– Ҳа, биздан кўплаб алломалар чиқишган, – дедик.
– Яна ким?
– Имом Замахшарий, – дедик.
Сотувчи “МашаАллооооҳ” деди-да, қўллари билан кўзларини ёпди. Панжалари орасидан ёш оқа бошлади. Кейинроқ билдик, у киши Имом Замахшарийнинг ашаддий мухлислари экан. Бир оз суҳбатлашгандан кейин:
– Сизлардан фойда олмайман. 620 жунайҳга тушган, шуни берсангиз бўлди, – деди. Шу пайт орамиздагилардан фақат ўзбеккагина хос бўлган «гап» чиқди: “Шундан икки дона беринг…”
Мен уялиб кетдим. “Майли, бераман” деди. Узукни бераётганда ёнда турган кишилардан бирлари «намоз ўқишармикин?» деб қолди. Сотувчи қўлини узатаётганча тўхталиб қолди. “Ҳа, намоз ўқийсизларми?” деди. Савол билан жавоб орасида узилиш пайдо бўлди. Чунки, жавоб айтарли йўқ эди…
Бир оз сукутдан кейин “Жумъа намозига чиқиб турамиз” деди кимдир. “Бошқа намозларничи?” деди ҳайрон бўлиб. Зўрғагина “Йўқ” дея олдик. Сотувчининг қўли муаллақ туриб қолди. Бироз сукут қилди-да, ачиниш билан “Майли, мен мусулмонман, айтган нархимга бераман, аммо сизлар қайтиб Имом Бухорийни тилингизга олманг, ҲАҚҚИНГИЗ ЙЎҚ!” – деди…

🔘Газетадан

@xazon_rezgi

XazonRezgi (Official Channel)

10 May 2025 07:43

#талаб_ва_истакларига_кўра

#КЎНГИЛ_ИФОРИ романини бир нафасда бошидан охиригача тўлиқ ўқишни истаганлар учун таклиф 👇

/channel/xazonrezgionlayn/23
/channel/xazonrezgionlayn/23

XazonRezgi (Official Channel)

10 May 2025 07:42

#КЎНГИЛ_ИФОРИ

- Қизим , бу нарсани сен учун сўраётганим йўқ. Ҳозир Ойижонингни поклаш учун кирасан. У ерда ўзингни маҳкам ушлашинг, шаҳдам тутишинг керак. Энг охирги имконинг қадар уларнинг сўнгги ҳизматларини қилиб қолишинг керак. Мендан буни аданглар илтимос қилиб айттириб юбордилар. Улар шуни таъкидладилар- ки , сен аввало адангларнинг - сингилларига , қайнотангнинг -тан- маҳрамига , жуфтингнинг - онасига ва ниҳоят ўзингнинг - ойижонингга бу дунёда жисм- у танинг билан қилишинг мумкин бўлган энг охирги ҳизматингни сидқидилдан адо қилар экансан.

Роҳила опа Ҳилолани ойнанинг олдидан четга тортди :

- Кел қизим , белингни маҳкам қилиб бойлаб қўяй.

У шундай деб Ҳилоланинг белини ҳалитдан бери қўлида ушлаб турган майин ва катта дока рўмол билан кўйлагининг ичидан сириб бойлаб қўйди.

- Буни охиригача ичасан, - Нигора синглисига қайноқ новвот чой тутди.

Нигора Ҳилолани ўтқазиб гали билан чой хўплатиб , озроқдан ширинлик едира бошлади.

Ҳилола опасининг қўлидан таомланар экан, кўзларидан дув - дув ёш тўкилар , ора- сирада нафаси тиқилиб энтикиб қоларди...

- Эркаклар ичкаридан чиқа бошлашди. Энди борақол ...

Роҳила опа қизини кўзида ёш билан кузатиб қолди :

- Оҳ , болам- а... Бундай келин бўлиб ,келинликнинг гаштини ҳам сура олмадинг- а... Тоълеингга шўрликкина Ойижонинг тирик юрсалар нима эди- я ?! Буви бўлиш бахти ҳам насиб қилмаган опажоним- а ?!

Роҳилахон опа шундай деб бирдан сергакланди :

- Аллоҳим , қадаринг шу бўлса биз ожиз бандаларинг қандоқ ҳам қаршилик қила олардик?! - деди у шикаста овозда шивирлаб ,- Билиб - билмай исён қилиб ўйлаган фикрларим учун ўзинг кечир . Мастура опамни жаннат аҳлингдан қилгин. Қиёматда аршнинг соясида тургувчи бандаларинг сафида бўлишларини раво кўр... Пайғамбаримиз Саллолоҳу Алайҳи Вассалламнинг қўлларидан кавсар сувларини шодланиб ичмоқликни насиб айла! Амин Аллоҳу акбар !

Ғассол аёл Мастура опани сувга олганда ҳайратдан кўзлари катта - катта очилди :

- Ё Аллоҳ ! - дея хитоб қилди у ,- Ўзингсанг ҳар нега Қодир!

У атрофида тизилиб турган аёлларга кўп гапиришни истамади, гапни қисқа қилди :

- Онажонимдан жаннат ифори келмоқда...

У барча аёлларга иш тақсимлаб берди . Ҳилолага эса ўзининг ўнг тарафидан жой берди :

- Сиз сув қуйиб турасиз...

Ғассол аёл Мастура опани барча қоидаларга амал қилиб поклади. Ишининг охирида Маҳина опа киришда қўлига тутқазган ярим литрлик баклажкадаги сувни олди. У баклажкани оғзини очиб Ҳилолага тутди.

- Ойижонингизга жон бераётганларида охирги сувни томизиш сиздан бўлган экан. Энди зам- замни ҳам сиз беринг.

Ғассол аёл Мастура опанинг пастки жағини аста ўзига тортди :

- Онажон ... Зам- замдан ичиб олинг ... Сўнгги манзилга кетаётганингизда ер юзидаги энг гўзал мўъжизавий неъмат ҳамроҳингиз бўлсин ...

Мастура опанинг оғзи аста очилди . Ҳилола Ойижонисининг оғзига зам- зам қуйди.

- Бўлди...

Ғассол аёл қолган зам-замни челакда атайин қолдирган сувга қўшди. Сўнгра ўша сувни марҳуманинг юз- кўзидан қўли билан сочма қилиб сепган бўлди.

- Қани энди хайрлашиб қолинг.

Хонадаги аёллар Мастура опага "Мендан рози бўлинг, сиздан мингдан минг розимиз" дея хайрлашиб , кафанлашга киришдилар . Ҳилоланинг эса гапираман дея тили тутилди. У ўзини матонатли тутишга минг уринса- да , бунга бардоши етмас эди.

- Ойижон , сиздан кечирим сўрайман,- деди Ҳилола юраги тутдек тўкилганча , - сизни охирги кунларда кўп қийнаб қўйдим. "Овқат енг" дея сизга кўп азоб бериб қўйдим. Сиз эса менинг кўнглимга қараб , жонингиз анча қийналди.
Мен сизга яхши бўлсин деган эдим. Таомлансангиз қувватга кирасиз, сўнгра соғаясиз деб ўйлабман. Мени кечиринг , Ойижон... Мендан рози бўлинг , ойижон...

@Xazon_Rezgi / 120

XazonRezgi (Official Channel)

10 May 2025 05:15

Савдогар ва Жин

Кунларнинг бирида бир савдогар саҳродан Аловуддиннинг сеҳрли чироғини топиб олди.
- Тила тилагингни, - деди жин.
- Сендан истагим шуки, вақтни ортга қайтариб берсанг?! - сўради саводогар.
- Бундан сенга нима наф? Сен яхшиси мол-дунё, зебу-зар, қасру-кошоналар сўра бажо келтирай.
- Менинг ҳамма нарсам бор аммо, - маюсланди савдогар. - Мен узоқ йиллардан бери савдогарлик билан шуғулланаман. Мол-дунё деб ҳали у юртда, ҳали бу юртда бўлиб ота-онам хизматини қила олмадим. Уларнинг дийдорига тўя олмадим. Савдогарлик қилиб узоқ юртларда юрган чоғим улар бу оламни тарк этишди. Уларни йўқотгандан сўнг топлаган мол-дунёйим ҳам татимай қолди. Менинг бор бойлигим ол! Фақат вақтни ортга қайтариб бер. Ота-онамни жуда соғиндим. Уларсиз менга мол-дунёнинг кераги йўқ. Уларнинг хизматини қилай, уларга яхши кўришимни айтай, дуосини олай, хатоларимни тўғрилай, илтимос сендан вақтни ортга қайтариб берсанг!
- Эҳ нодон, одам, - хўрсинди жин. - Агар вақтни ортга қайтаришнинг имкони бўлганда мен минг йиллардан буён кимдир озод қилишини кутиб шу хумчада ўтирармидим!...

(Хулоса ўзингиздан)

©Оқил Тўрақул

@xazon_rezgi

XazonRezgi (Official Channel)

10 May 2025 04:15

Ёшликни эслаймизми? У даврлар бошқача эди барибир...

/channel/+Ur5SSKVZ5B46VEQW 😍

XazonRezgi (Official Channel)

10 May 2025 03:50

​​БИР ҚОП УН

Бу ҳикояни бир дўстимиз айтиб берди. Ҳозир Европага ишлагани кетаётганлар ўқиса, айни муддао бўларди.

Бир ўзбек Финландияга ишлагани бориб, ун тегирмонига унни етказиб берувчи ҳайдовчи бўлиб ишга киради.
Катта машина, тонналаб юкларни у ёқдан бу ёққа ташиб юриб, "шопир"имиз бир ҳолатга эътибор қилиб қолади:
пишириқ қиладиган фабрикага унни олиб борса, ҳеч ким ун тўла қопларни санаб олмаяпти, ҳеч ким қоғоз-қалам қилмаяпти. Шунда хаёлига келган режасидан "Қандингни ур, шопирбола", деб хурсанд бўлиб кетади.

Эртасига, айни иш буюрилган куни "Ким билиб ўтирибди, шунча қоп ундан икки қопини уйга тушириб кетсам?" – деб уйига тушириб ҳам кетади.

Аммо европаликлар биз ўйлаганчалик анойи эмас экан: ҳамма жой компютерлаштирилган, ҳисоб бўйича маҳсулот чиқмаган. Пишириқ фабрикаси дарров тўполон-жанжал қилмасдан, шартнома шартини бажармаган тегирмонга, факс жўнатган.

Тегирмон хўжайини барча ишчиларни йиғиб дала-дўмбара қилмасдан, айнан шопирболани чақириб, тушинтириб гапирган:
– Фалончи, нима бўлди? Олиб борган юкингиз кам чиқибди-ку?
Шопиримиз олдиндан тайёрлаб қўйган баҳонасини айтибди:
– Йўллар ўйдим-чуқур бўлса, билмасам, тушиб қолган бўлса, бордир.
Хўжайин ўйланиб туриб:
– Майли, ишлаб тургин-чи, кўрамиз – деб, бошқа жойларни тафтиш қилиб кетибди.

Кечга яқин шопиримизни чақириб, уриб-сўкмасдан
– Фалончи, бугун бирга кетамиз. Машинага икки қоп унни юклаб олгин, – деб буйруқ берибди (аслида илтимос қилган).
Икковлон йўлда икки қоп унни ташлаб кетишибди. Шопиримиз ҳайрон бўлиб сўрабди
– Жаноб, нега унни йўлга ташлаб кетяпмиз?
– Бир дўстимга керак экан, шунга. Уйигача олиб бормаймиз, ўзи қачон келса, олиб кетади.

Шопиримиз кейинги кунлари юк ташиш асносида қизиқиб ўша йўлдан юрар эмиш-у, ҳеч ким ҳалиги унларни олиб кетмасмиш.
Бир кун ўтибди, икки кун ўтибди, учинчи кун хўжайин шопирни чақириб,
– Ҳалиги икки қоп унни олиб келайлик, дўстимга керак бўлмай қолибди, – депти.
Шопир унни машинасига юклаб бўлгач, хўжайин шопирдан сўрабди:
– Мана, шу икки қоп ун очиқ жойда уч кун турди. Мен ҳайронман, сенинг машинангдан тушиб қолган ун қаёққа кетди экан-а?

Шу жойида шопирнинг аҳволини тасаввур қилиб кўргандирсиз?

Хўжайин шопирга қараб, "Энди мен сени қаматаман. Ҳеч қаерга ишга олмайдиган қиламан. Кейин олдимга ялиниб келасан", дейиш ўрнига "Энди бу ишингни қайтиб қилма", деб айтибди, холос.

P.S. Мен сизга Европа одамлари бировнинг ҳаққига ҳиёнат қилмаслигини ва бировнинг ишончини суистеъмол қилмаслигини ёки ўғрилик қилиш шармандалик эканлигини айтмоқчи эмасман. Шунчаки, биз ҳам одам бўлиб келдик, муносабат, муомила ва ишда биз хам одамий булайлик демоқчиман.


Саидакром Абдурахмонов

@xazon_rezgi

XazonRezgi (Official Channel)

10 May 2025 03:15

Йигит бир қизнинг хонадонига совчи бўлиб борди. Бўлажак қайната уни дарвоза олдида кутиб, ичкарига олди. Ичкарида ўтиришар экан, қизнинг отаси йигитга синчиклаб боқди ва: Сизга битта саволим бор?,– деди.
Йигит севиниб кетди, ахир битта савол билан қизни ўзига қайлиқ қилиб олади–да! 
– Амаки, саволингизни бераверинг,– деди йигит. 
– Агар саволимга тўғри жавоб берсангиз, қизимни сизга бераман. Акси ҳолда, Аллоҳнинг тақдири,– деди бўлғуси қайната. – Саволим шундан иборат: Бамдод намозининг азони соат нечада айтилади? 
Йигит иккиланиб, юзлари қизарди: Уч яримдамиди? Ёки бешта кам тўртдами? 
Йигит бирон нарса дея олмади ва қизнинг отаси унга қараб: 
– Менинг гавҳарим қимматлидир! Сенинг маҳринг унга етмади!,– деди.

© Дониёрбек Раимжонов

@xazon_rezgi

XazonRezgi (Official Channel)

10 May 2025 02:40

​☀️🌤 #хайрли_тонг

     Ассалому алайкум,  дилга яқин яхши инсоним ...

     Умрингизни яна бир қайтарилмас тонги муборак ва хайрли бўлсин!
   
     Омонат дунёда омон бўлинг!

     Аллоҳим ҳар бир қилаётган хайрли ишингиздан, босган ҳар бир қадамингиздан рози бўлсин.
   
     Жисмингизга соғлиқ, қалб оламингизга ҳотиржамлик тилайман!
      
     Топганингиз ҳалол бойлик, қилган ибодатларингиз ажр-у савобларга тўла бўлсин!

     Шанба кунингиз хайрли ва файзли бўлсин...

Каналга уланиш 👇:
https://t.me/joinchat/AAAAAFB59SM9yhwXJGeW_g

XazonRezgi (Official Channel)

09 May 2025 18:29

Товуқ гўштини асло еманг! Сабабини билсангиз, шокка тушишингиз аниқ⁉️

14 йил деганда Аллоҳ менга ўғил фарзанд насиб этди. Уни роса эркалатиб катта қилдим. Ўғлим 12 ёшга тўлганда спортга боришни бошлади. Семирмаслик учун йиллар давомида товуқ гўшти еб юрди. Бир куни уйимизга отамни зиёрат қилиш учун 70 йиллик қадрдон шифокор дўсти келди. Ўғлим товуқ еб турганини кўриб, товуқни олиб, отиб юборса бўладими?! “Бу нима қилганингиз?” десам, жаҳл билан сабабини тушунтириб берди. Сабабини эшитиб, шокка тушиб қолдим. Дарҳол телефонни қўлимга олиб, товуқ ейдиган танишларимни огоҳлантирдим.

Отамнинг дўстининг айтишича: болага кўп бора товуқ гўшти берилса, бола вояга етганда…

XazonRezgi (Official Channel)

09 May 2025 17:23

Икки марта ўлмаслик учун бир марта таҳқирлаганнинг олдига қайта борманг!

©аллаким

@xazon_rezgi

XazonRezgi (Official Channel)

09 May 2025 16:33

Шеърий лаҳзалар...

/channel/Xazon_Rezgi

XazonRezgi (Official Channel)

09 May 2025 15:04

#талаб_ва_истакларига_кўра

#КЎНГИЛ_ИФОРИ романини бир нафасда бошидан охиригача тўлиқ ўқишни истаганлар учун таклиф 👇

/channel/xazonrezgionlayn/23
/channel/xazonrezgionlayn/23

XazonRezgi (Official Channel)

09 May 2025 15:03

​#КЎНГИЛ_ИФОРИ

- Мастура опани поклаш учун навбат талашаётганларнинг барчасининг худди бизники каби ўз ҳикояси бор.

- Опа , Аямизни қачон сувга оламиз ?! - сўради аёллардан бири , - соат ўнга яқинлашаяпти. Улгурмай қолмайлик.

- Уларни барвақт ювинтириб қўйсак, кечроқ келганлар хайрлашайлик деб тихирлик қилишлари мумкин. Шунинг учун уларни чин уйларига олиб чиқиб кетадиган вақтга тайёр қилиб берамиз. Қолаверса , яна бир ўғилларининг Россиядан етиб келиши кутилаётган экан. Биз уларни сувга олгунимизга қадар улгуриб келсалар яхши бўларди.

Ғассол аёл шундай деб эшикка яқин ўтирган аёлларга буюрди :

- Илтимос, яна бир марта эркакларни чақиринглар , охирги марта видолашиб олишсин ... Поклаганимиздан сўнг , юзлари қайтиб очилмайди...- у шундай деб аёлларга юзланди ,- сизлар эса эркакларнинг келишига йўлни бўшатиб қўйинглар ...

Орадан кўп вақт ўтмай кўчадан яқин қариндош , жигар бўлган эркак- у , йигитлар тўп- тўп бўлиб Мастура опа ётган хонага кириб унинг атрофида гир айлана бўлиб тизилиб ўтиришди. Сиғмаганлар яна иккинчи қаторни ҳосил қилиб ўтиришди. Қолганлар эса навбатларини кутиб тик қолишди. Сулаймон Мирсаид акани суяб олиб кирди. Мирсаид ака бир кечада шилиниб тушибди. Қўллари тинмай қалтирарди. Бир томонда Мирсаид ака , бир тарафда Асрор ака ўз Мастураларининг бошида паст ва бўғиқ овозда чирқираб йиғлаб фарёд чекишар эди. Шу пайт ҳовли тарафдан раста бўлиб қолган овоздаги йигит фарёди эшитилди:

- Сўнгги дамига улгурмаганим , онаааам...

Бу Акромжон эди. У хонага кириши билан ўзини Мирсаид аканинг бағрига отди :

- Ота , мен яна етим бўлиб қолдимми ?! Бағрим тўлди деб қувонганимда юрагим яна қовжирадими ?

У Мирсаид акадан ўзини олиб Мастура опанинг бошига энгашди. Юзларидан тинмай ўпар ва йиғлаб - йиғлаб сўзларди:

- Тўйингнинг тўрида тураман деган ваъдангиз қани , аяжооон ?! Уйлаганингда даврадан чиқмай ўйнайман деган сўзларингизга нега вафо қилмадингиз , аяжооон ?! Мени ташлаб кетишга кўзингиз қандоқ қийди, аяяя ?! Дийдор қиёматга қолдими , жоним аям ?! Кўзларингизни йўлларимга интизор қилган мен аблаҳни кечиринг ... Мен ўзимни қандай кечираман энди , аяяяя?

Шу пайт Акромжоннинг кўзи рўпарасида ўтирган Сулаймонга тушди :

- Акаааа , жон Акааа?! Буларнинг бари туш денг . Мени чимчилаб уйғотиб юборинг...

Шу вақт ғассол аёл Муҳаббатни овози янгради :

- Вақт бўлди ! Марҳуманинг сўнгги иззатини қилайлик...

Акромжон Мастура опани маҳкам қучди :

- Менинг аям марҳума эмаааас ... Марҳума эмааас...

Шу пайт Сулаймон Акромжоннинг билагини маҳкам қисди :

- Акром ...

#давоми_бор /118

Муаллиф: Хазонрезги

Каналга уланиш 👇:
https://t.me/joinchat/AAAAAFB59SM9yhwXJGeW_g

XazonRezgi (Official Channel)

09 May 2025 15:03

#КЎНГИЛ_ИФОРИ

сўнгги туни. Уни чиройли дуолар билан икром қилайлик.

Асрор ака бу аёлни танимади, аммо махалланинг канвойи , илмли аёлларидан бири эканлигини юракдан ҳис қилди.

У индамай ўрнидан туриб , аёлларга ўз вазифаларини бажаришлари учун жой бўшатди.

Аёллар хонанинг ўртасига қиблага тўғри қилиб пахталари кўпчиб турган оҳорли кўрпалардан учтасини уч буклаб устма- уст ўрин солишди. Устидан янги оҳор чойшаб тўшашди. Бош тарафига ҳам жилдланган ёстиқ қўйишди. Сўнгра Сулаймон ва жиянлар ёрдамида Мастура опанинг бош тарафини қиблага тўғрилаб уни ҳозиргина солинган ўринга ётқизишди. Марҳуманинг қўлларини икки тарафига силаб текислаб қўйишди.

Унинг устидан яна янги оппоқ чойшаб ташлашди. Мастура опа шу ётишда жуда хушрўй бўлиб кетган эди . Ўратилган оппоқ майин дока рўмол остидан ҳали оқ ораламаган жингалак сочлари мўралаб турар , биров атайдан ёғ суртиб ялтиратган каби қоп- қора бўлиб кетган ўсиқ қошлари ҳимо билан керилган каби , сочларининг такрори мисол жингала қуюқ киприклари оппоқ атиргул гулбаргидек нозик юзларига кенг соя ташлаган , бетоблик чоғларида ранги кетиб қолган лабларига қайтадан ақиқдек ранг кириб жилваланар эди.

Синглисининг бошига келган Зоҳида опа йиғлай - йиғлай, уни қайта - қайта ўпарди :

- Сингилжоним , сен шунчалар чиройлимидинг , сен шунчалар ҳам дилбармидинг ?!

Синглиси Мастуба опа эса бу тарафда афғон чекарди :

- Ал - Мусаввир сифатли Аллоҳ ўзи суйган бандаларини даргоҳига шундай хушрўй қиёфада олар экан. Илоҳим қабрингиз жаннат боғларидан бир боғча бўлсин , опажон...

- Марҳума эртага жума намозига чиқариладиган бўлди.

Қариндошлар махалла оқсоқолидан бу хабарни эшитиб сергакландилар :

- Жума ...

Улар ўз изтироблари билан бўлиб кунни ҳам унутишган экан. Жума сўзи барчаларининг ёнган кўкракларига субҳидам эпкинидек ором бахш этди.

- Энди бўлди , барчангиз ўтиринг, - деди Мукаррам опа Ҳозир йиғидан эмас, дуодан фойда. Йиғи ўзингиз учун , дуо эса исми жисмига мос Мастура синглимиз учун . Ҳар ким қодир бўлганча дуо қилсин... Мендан сўнг такрорланг...

Тонг отиши билан кўча юзи, ҳовли марҳуманинг ҳурмати учун ташриф буюрган одамларга тўлиб кетди. Издиҳомнинг кўплигидан махалла фаоллари кенгашиб аёлларни ҳовли ва уйдаги хоналарга , эркакларни эса кўчага жой қилиб жойлаштиришга келишдилар.

Аммо бу таҳлит тартибни сақлаш жуда қийин бўлди . Келган инсон бор- ки , "онам"лаб , "опам"лаб , "синглим"лаган куйи Мастура опани сўнгги бор кўриб қолишга интилар , у ётган хонага киришга муштоқ бўлар эди.

Ҳилола илк бора қаттиқ таажжубланди. "Ойижон кейинги йилларда деярли уйдан чиқмаган бўлсалар , бунча инсоннинг кўнглидан қандай жой олиб улгурган эканлар ?!"

- Мастураой ойижонингиз анча йиллар махаллада аввал котибалик , сўнгра аёллар маслаҳатчиси бўлиб ишлаганлар, - деди Маҳина амма Ҳилоланинг кўнглидагиларни ўқиб тургандек, - у туфайли қанча оилалар ажралишдан сақланиб қолган, қанча ёшлар ҳаётда ўз ўрнини топган. Яна қанчалари... Эээҳҳ... Барчасини айтиб ҳам , етиб ҳам бўлмайди. Инсон зотининг ҳотирасидан булар чиқади деб ўйлайсизми ? Айниқса ўзига беғараз, дилдан яхшилик қилган инсон оламдан ўтганда сўнгги бор розилик сўраш , шу билан ўзининг ўша инсон олдидаги охирги бурчини, охирги ҳаққини бажариш илинжида келганлар булар .

Соат тўққизларда ғассол аёл келди. У келиши билан Мастура опа ётган жой билан ёнма- ён жойлашган хонада ғала- ғовур, чувур- чувур кучайиб кетди. Аёллар марҳумани покловчи ғассол аёлга қарашиш учун навбат талашардилар.

- Мен кираман, мен кираман... Мен... Мен ҳам савоб умидидаман. Мени опамлардан қарзим катта.

Ғассол аёл бундай вазиятларни кўравериб пишиб кетган экан. Қаттиқ турмаса иш пишмаслигига кўзи етди . Шу сабаб қўшни хонага чиқиб шарт гапирди :

@Xazon_Rezgi / 116

XazonRezgi (Official Channel)

10 May 2025 13:59

#ҲАЁТ_ҲИКОЯСИ
Малика келин бўлиб тушган хонадони катта оила эди.
Эрини ажрашган аммаси, ва аммасини қизи Ёдгора ҳам улар билан яшарди.
Тушлик пайти ошхонада.
—Келинойи, ҳалиги салатиздан қилиб беринг, жуда егим келяпти. -Малика Ёдгорага кулиб қаради.
—Ҳўп, кечга қилиб бераман.
Ёдгора овқатга қошиқ солдию, ўқчиб ўрнидан туриб ташқарига чиқиб кетди. Малика ортидан ҳавотир олиб борди.
—Яхшимисиз Ёдгора? -сўради Малика.
—Келинойии... -Ёдгора йиғлаб юборди. —Мен ҳомиладорман.
—Нимаа? -Маликани кўзлари катта-катта очилди. Турмуш қурмаган қиз ҳомиладор?
—Ким? -деди бир ютиниб. —Болани отаси ким?
—Шокир акам...
Малика, Ёдгорадан ўз эрини исмини эшитиб кўзи тиниб кетди...

XazonRezgi (Official Channel)

10 May 2025 12:14

Икром хотини вафот этганидан кейин анча йиллар ўтиб уйланди.Ўғли 10-синф бўлиб каттагина йигит бўлиб қолгани учун аввалига бироз қаршилик қилди аммо ўгай онаси ўзидан унча катта бўлмагани учунми ўрганиб кетди.Аммо охирги пайтлар Икром аёлида ўзгаришлар сеза бошлади.Кўпроқ бўянадиган,кийимларни ҳам калтароқ киядиган бўла бошлагач Икром тергади лекин иши кўпайиб эътибор қила олмай қолди.Ўғли ҳам энди кўчада саёқ юрмас доим уйда ўгай онаси билан дарс қилаётганини кўриб Икромни ҳаёлига ёмон ўй келмабди аммо бир куни ишдан эртароқ қайтиб хонаси томон юраркан пойгакда ўғлини оёқ кийимини кўриб дахшатга тушди,қўллари қалтираб эшикни очди не кўз билан кўрсинки у ерда хотини ва ўғли...

XazonRezgi (Official Channel)

10 May 2025 07:42

​#КЎНГИЛ_ИФОРИ

- Қизим , бу кечирим сўрайдиган иш эмас. Бунга ўз вазифасини сидқидилдан бажариш дейилади. Аллоҳим барча аёлларга сиздек оқила келин берсин,- деди ғассол аёл,- мен шу касбимнинг ортидан қанчадан - қанча воқеаларга гувоҳ бўлдим. Қанчадан- қанча инсонларга сўнгги либосини бичиб кийдирдим. Қанча ёмонни кўрдим. Қанча яхшини кўрдим . Барчасидан бир ибрат , хулоса олдим. Мен боя Ойижонингизни сувга олаётиб ҳайрон бўлганимни сездингиз- а ? Одатда бундай ҳайратим, ҳайроналигим сабабини кўпда ташимга чиқармайдиган инсонман.
Аммо бу сафар айтаман. Сиз қайнрнангизни касал ётган ҳолларида бутун жисмиларини гулдек ораста тутибсиз, бу дегани бир келин, бир қиз сифатида ўз вазифангизни сидқидилдан бажарибсиз. Қилган меҳнатларингизга сиз ҳам рози бўлинг. Аллоҳ сиздан рози бўлсин... - ғассол аёл шундай дея пешонасидаги терни артди ,- энди эшикларни очамиз. Онажонимизнинг кетиш соатлари етди .

Онажон ... Сўнгги манзилингизга хуш боринг!

У ер саодат манзилингиз бўлсин. Аллоҳим "бандам" дея, Росулимиз Саллолоҳу Алайҳи Вассаллам "умматим" дея ёрлақасинлар. Ҳур қизларга ҳамроҳ бўлинг. Бу дунёда тотган заҳматларингиз у дунёда бошингиздан ҳидоят, шафоъат , офият нурлари бўлиб ёғилсин...

Аёллар йўл бўшатдилар ... Хонадаги поклашда ишлатилган анжомлар тезда олиб чиқиб кетилди.

Марҳума эркаклар олиб кирган тобутга солинди.

Кўп ўтмай тобутни кўтардилар . Тобутнинг энг бошида Сулаймон ва Акромжон оналарига елка тутишган эди.

Тобут уйдан чиқиб кетаётганда оломон бир гувранди. Ҳилоланинг назарида бутун ҳовли ва уйлар ўз ўрнидан бир силтаниб, кўтарилиб тушгандек бўлди . Ҳилола яшил духоба ёпилган тобутнинг ортидан югургиси келди аммо оёқлари ўзига бўйсунмай тош қотганди.

Ҳилола оломон ортидан қўлларини умидсиз чўзди...

Зумда ...

Ер, осмон , одамлар ... Барчаси бир чирпирак бўлди-ю ...

-Келин ҳушини йўқотди !

- Сув беринглар !

- Сув сепайлик...Олиб келинг...

- Пиёз ҳидлатайлик...

- Фойдаси бўлмаяпти...

- Оғзига ҳам солиб кўринг- чи...

Ҳилола бу гапларнинг барини эшитиб ётар , аммо зил босган қовоқларини йириб кўзини оча олмас, танасини ҳаракатлантира олмас эди.

Тўпалонда кимдир уни оғзини пиёзга тўлдириб қўйибди. Ҳилоланинг нафаси бўғилди.

"Бу одамлар ҳозир мени ўлдириб қўйишади ,- ўйлади Ҳилола ,- Ойижоним қаерда эканлар ?!"

Шу пайт унинг жонига Малоҳат оро кирди.

- Ҳилоланинг атрофига қалашиб туриб олибсизлар! - деди у аёлларни нари суриб , - ҳаво ўтсин бу ерга ҳам . Нарироқ туринглар . У шундай деб Ҳилоланинг бошига энгашди,- кимнинг иши бу ?! Кўнглини ағдариб оғизига пиёз тўлдириб қўйиш?! Тавба қилдим- эй ?!

Малоҳат Ҳилоланинг оғзини йириб очиб пиёз бўлакларини бирма- бир чиқариб ташлади .

Шу вақт Саодатхоннинг овози эшитилди.

- Йўл беринглар ...

Ҳилола димоғини ёргудек бўлган нашатир спирт ҳидидан ўзига келди :

- Иммм...

- Ҳайрият-ей ана энди ўзига келди,- деди кимдир.

Кўп ўтмай Ҳилола ўзини ётоғида кўрди . Уни у ерга бир амаллаб суяб олиб киргандек бўлдилар .

Остонада Нигора кўринди:

- Синглим...

Ташқаридан шикаста овозда ўқилган қуръон тиловати эшитилар эди...

Ҳилола орадан қанча вақт ўтганини фарқламади.
Бир вақт қулоғига "Эркаклар қайтишди" деган овоз чалинди. Ҳилола тўр парда ортидан Сулаймонни гандираклаганча зинага келиб ўтирганини кўрди. Унинг дўпписи, елкалари , кўйлагининг қўл қисмининг у ер , бу ери майин тупроққа беланиб турар эди.

- Ойижонни Сулаймон акам қабрга қўйибдилар ,- ўйлади Ҳилола хўрсинганча.
У шу ҳақда ўйлаган заҳоти бир таниқли инсоннинг машҳур сўзлари ёдига тушди:

- Хайр , тупроққа айланган онам ...

Салом , онамга айланган тупроқ ...

#давоми_бор / 121

Муаллиф: Хазонрезги

Каналга уланиш 👇:
https://t.me/joinchat/AAAAAFB59SM9yhwXJGeW_g

XazonRezgi (Official Channel)

10 May 2025 07:42

👆👆👆👆 аввалги қисмлар

#КЎНГИЛ_ИФОРИ

41- ҚИСМ

Акромжон ука ... Ойижоним бизнинг олдимиздаги ўз фарзларини бажариб бўлдилар. Энди ...
Энди фарзларини бажариш навбати бизники ...

Юр , ташқарига чиқайлик. Ойижоним Аллоҳнинг ҳузурига фариштадек пок боришлари учун йўл берайлик. Ўзи шундоғам сени кўп ...кутдик...

Акромжон Сулаймонга дардли қараб турарди. Акасининг сўзлари унга қаттиқ таъсир қилди. Акасига "хўп" дея бош эгди.

У охирги маротаба Мастура опани маҳкам қучди . Юзидан ўпар экан, ожиз шивирлади:

- Ая...Аяжооон . Борар манзилингиз Фирдавс жаннати боғлари бўлсин.

Аяжооон... У ердаги туққан онамга салом денг ... Уларга "Акромжонингиз менинг ҳам болам бўлган" денг. Аяжооон , мен Аллоҳимдан ҳар куни дуо қилиб сўрайман. Ҳар иккингизни бир жаннат аҳлидан қилсин ...

- Бўлди , болааам... - Асрор ака Аркомжоннинг бошига эгилди . Унинг қўлтиғидан кўтарди,- сен билан менинг дардимиз бир экан- у, аммо сингилжоним айтилган вақтдан кеч қолиши мумкин эмас.

Асрор ака Акромжонни етаклаб хонадан чиқар экан, қуйилиб келаётган кўз ёшларини тўхтата олмас эди :

" Сингилжоним, яна қанча инсоннинг дардига дармон бўлгансан ?! Мен синглим деб бўзласам , бу йигит "аяжон" деб чирқираса ?! "Опажон" деб кўксини муштлаётганилар қанча ?! Айт , синглим ?! Ўзинг учун ҳам яшаганмидинг, мунисам?!"

Бу пайтда нариги хонадаги аёлларнинг шивир - шивири кучайди :

- Тавба , бу йигит Мастура опанинг ҳудди ўзи- ку ? Ростдан тутинган ўғлими ? ! Адашмаяпсизларми ?! Аллақаерлари Сулаймонга , аллақаерлари Мирсаид акага ҳам ўхшар экан ?!

- Эээ айланай , "Туққан эмас , боққан она" деб шунга айтишади- да . Акромжон Сулаймон билан бир ўринда ётиб катта бўлган экан. Мирсаид ака уни уйга олиб келганда ўн икки ёшларда бўлган. У вақтда ўз онаси тирик бўлган. Орадан кўп ўтмай у аёл жонини эгасига топширган экан. Акромжоннинг сингилиси ҳам бор экан. Аммо ҳозир туғуқхонада экан. Мастура опанинг ўтганини у қизга билдиришмабди.

- Бу йигитнинг томирларида қон эмас меҳр оқар экан- да ?! Шу сабаб ўзига меҳр берган инсонларга ўхшаб кетган экан...

Эркаклар Мастура опа билан хайрлашаётган вақтда Роҳилахон опа Ҳилолани ошхонага тортди.

У ерда Ҳилоланинг опаси Нигора чой тайёрлаб турган экан.

- Қизим , бир бурда нон тишлагин. Кечадан буён ичингга битта ушоқ ҳам киргани йўқ.

- Егим йўқ , ойижон,- Ҳилоланинг томоғи қирилиб , товуши бўғилиб қолганди. Овози базўр эшитилди.

- Болам , рангингни қара . Куйиб кетганидан оппоқ юзларинг қоп- қорайиб кетибди. Кийимингдан елка суякларинг қирра - қирра бўлиб бўртиб ётибди.

- Егим йўқ,- қайта такрорлади Ҳилола

@Xazon_Rezgi /119

XazonRezgi (Official Channel)

10 May 2025 04:59

👀Расмда биринчи нимани кўрдингиз

❗️Ушбу расмда сизнинг энг
катта заиф томонингиз нимада эканлигини очиб беради😀


Жавоблар..

XazonRezgi (Official Channel)

10 May 2025 03:59

ALLOHNING ENG KICHIK SAVOLI NIMA❓

Eng kichigi shu bo‘lsa kattasi qanday bo‘larkin 😰

BU SAVOL EY INSON...❓🥵

XazonRezgi (Official Channel)

10 May 2025 03:32

OZISH MARAFONIGA MARHAMAT
OZISH MARAFONIGA MARHAMAT

ENG SIFATLI VA ARZON
NARXDA VAZN TASHLAYSIZ
HAR 5 KUNDA YANGI MENYU
HAR 5 KUNDA YANGI NATIJA
📞📞📞📞📞📞📞📞📞📞
DAVLAT STANDARTIDAN OʻTGAN DIPLOM VA SERTIFIKAT
DIEOLOG NAZORATI

1️⃣OY 50 MING
2️⃣ OY 100 MING
3️⃣ OY 150 MING

OZISH MARAFONGA MARHAMAT
OZISH MARAFONGA MARHAMAT

https//t.me/SADOQAT_DIETOLOG
https//t.me/SADOQAT_DIETOLOG
https//t.me/SADOQAT_DIETOLOG
GURUHNI KORISH

XazonRezgi (Official Channel)

10 May 2025 02:59

14 КУНДА 14 КИЛО ОЗДИМ
https://www.maxeffect.uz/gauntforte11

Бу арзончи восита кунига 1 килодан ёғ эритар экан

Буни билиш учун шу линкга ўтиб кўриб олинг
👇👇👇👇👇
https://www.maxeffect.uz/gauntforte11

Aдминлар удалит қилиб ташламасидан кўриб олинг

XazonRezgi (Official Channel)

09 May 2025 18:45

#хайрли_тун

/channel/Xazon_Rezgi

XazonRezgi (Official Channel)

09 May 2025 17:25

Бошингизга иш тушса, яқинларингизнинг эшигига боринг, мабодо эшик очилмаса кўзингиз очилади.

© аллаким

@xazon_rezgi

XazonRezgi (Official Channel)

09 May 2025 16:59

🌺Sizni
😍😍😍😍😍😍😍😍 kompaniyasiga onlayn ishga taklif qilaman✅

A'ZO BOLISH MUTLAQO 💙💙💙

2️⃣0️⃣🔣 2️⃣6️⃣🔣 7️⃣0️⃣🔣
❤️❤️❤️

Ishga maʼsuliyatli xodimlarimiz NASTAVNIKLAR tomonidan ragʻbatlantirilib boriladi
- HAR 21 kunda 6 900 000 gacha
Daromad 😀😀😀😀😀
😀😀😀😀😀😀😀😀
FAQAT ANIQ ISHLIDIGANLA JIDDIY BIZNES QILAMAN DIGANLAR UCHUN
🟢 Shunchaki qiziqqanlar 😀😀😀
🟢Bekorchilar 😀😀😀😀

✅ Ishimizda pul sarflanadi✔️

Unutmang harajatsiz harakat
nolga teng❗️

/channel/faberlickomp1
/channel/faberlickomp1

XazonRezgi (Official Channel)

09 May 2025 16:00

OZISH MARAFONIGA MARHAMAT
OZISH MARAFONIGA MARHAMAT

😀Hamma narsa yeb ozish
😀Sunnatga muvofiq ozish
😀Uy sharoitida qiyinchiliklarsiz
😀1oyda 4-16kg ozish
😀Osilishlarsiz natija
😀Yuzlar tiniqlanib
😀Ichaklar tozalanib
😀Qabziyat yo’qolib
😀Detox menyular ham bor
😀Kunlik darslar
😀Muhim bilimlar
😀Figura korreksiya
😀Muhimi vazn qotirish bor
😀Qayta semirmaslik imkoniyati
🌸🌸🌸🌸🌸🌸🌸🌸🌸🌸🌸
OZISH MARAFONIGA MARHAMAT
OZISH MARAFONGA MARHAMAT


https//t.me/SADOQAT_DIETOLOG
https//t.me/SADOQAT_DIETOLOG
https//t.me/SADOQAT_DIETOLOG
GURUHGA KIRING 👆👆👆👆👆

XazonRezgi (Official Channel)

09 May 2025 15:04

Сўнгги дам улгурмаганим ОНАМ 😢...


Каналга уланиш 👇:
https://t.me/joinchat/AAAAAFB59SM9yhwXJGeW_g

XazonRezgi (Official Channel)

09 May 2025 15:03

#КЎНГИЛ_ИФОРИ

- Марҳумани сўнгги йўлга кузатиш учун поклаш - кириб кўриш билан битадиган жараён эмас. Менга иш берадиган аёллар керак. Бели чидамайдиганмас. Учта аёл бўлса етади. Барчалари комил таҳоратли бўлишсин. Тушундингиз- а ? Ўзаро келишиб , ким киришини айтарсизлар Айтганча , марҳуманинг қизлари биринчи навбатда кириши керак эди. Аммо қизлари йўқ экан. Шу сабаб ёлғиз келинлари биринчи навбатда кирадилар. Айтиб қўяй, бу марҳуманинг сўнгги илтимослари ҳам бўлган экан.
Келинимиз қанилар ?

Ғассол аёл ўртага чиққан Ҳилолани жуда ёш ва бунинг устига тол ҳивичдек нозиклигини кўриб ҳайратда қотди. Аммо унга қарши бир оғиз сўз айтмади.

Ҳилола унга қайта салом берди .

- Ваалейкум ассалом , қизим. Аллоҳ умрингизни зиёда қилсин. Марҳума опамиз сизни алоҳида айтиб кетганларига қараганда , улар учун жуда қадрли бўлганингиз кўриниб турибди.

- Менга ҳам руҳсат беринг. Опоғойимни сувларини ўзим ташиб берай. Хўп денг , хўп деяқолинг, - дея зор -зор йиғлади қўшни келин Малоҳат , - агар улар орага тушмаганларида мен ҳозир қаршингизда турмаган ва уч нафар фарзанднинг онаси бўлмаган бўлардим . Менинг у кишидан қарзим жуда кўп , илтимос...

Ғассол аёл Муҳаббатнинг бу сафар "ўткирлиги" ўтмади.

Йиғи - сиғи , ёлвориш билан Мастура опанинг сўнгги ҳизматини қиладиган аёллар сони етти нафарга етди.

Ғассол аёл Мукаррам опадан сўради :

- Билмайсизми , Мастура опа Малоҳатга қандай яхшилик қилган эканлар ?!

- Бир вақтлар, аниқроғи ўн бир йил аввал Мастурахоннинг қўшнисининг ўғли Раҳматжон билан Малоҳат бир - бирларига кўнгил қўйишган эди. Раҳматжоннинг онаси ўғлининг кўнгли учун қизникига совчиликка борган, аммо қиз тараф ўз қизларини буларга беришга унамаган. Сабаби Раҳматжонлар ўзбек, Малоҳатнинг оиласидагилар эса қозоқ бўлишган. Қозоқларни биласиз . Жуда ғурурли ва урф- одатларини маҳкам ушлайдиган халқ бўлишади. Малоҳатнинг уйидагилар ҳам "Қизимизни берсак, фақат ўзимизнинг қозоққа берамиз" дейишади.

Бу қатъий рад жавобидан икки ёш жуда қаттиқ тушкунликка тушадилар. Раҳматжон эса бор чорани бу ерлардан бош олиб бошқа юртга кетишда деб билади.

Йигитнинг изиллаб йиғлаб турган онасидан бор гапларни эшитган Мастурахон ўша куниёқ ланғиллаган қоқ пешинда уч махалла наридаги Малоҳатларникига яёв борганлар.

Ўзларини кутиб олиб дастурхонга таклиф қилган хонадон эгаларига шундай сўзларни топиб - топиб гапирган эканлар- киии ...

- Сизлар ким бўлибсизлар- ки , Аллоҳ илоҳий муҳаббат неъмати билан сийлаган кўнгилларга айирмакашлик қиласизлар ?! Муҳаббат - Аллоҳдан. Агар бу муҳаббат эмас, шунчаки кўнгил хуши бўлган-да , бу ерга келмасдим. Нима фарзандингизнинг сиз ўйлаган нарсага фаҳми етмасмиди ?! Етган албатта! Сизларнинг қарши бўлишингизни аввал бошдан билган. Аммо асл муҳаббати ҳар қандай шароитда ҳам ўз сўзини айта олади, билиб қўйинг. Сиз бўлса "Сен - ўзбек, мен - қозоқ" деб ўтирибсиз. Аммо биз бир яхлит мусулмонмиз . Миллатларимиз орасида никоҳ мумкин эмас деб ҳеч қаерга ёзиб қўйилмаган. Марҳамат, шундай ёзилган жойи бўлса кўрсатинг, тан бериб ортга қайтай.

Мастураой ўша куни тик оёқда анча гапларни гапирибдилар. Охири хонадон эгаси уларни тўхтатибди :

- Бир пиёла чойимизни ичмасангиз сизга қиз йўқ ...

Кўп ўтмай ёшларнинг тўйи бўлди. Ва барча Раҳматжоннинг дидига қойил қолди. Малоҳат махалланинг олди келини бўлди. Бу яқин атрофда Малоҳатчалик қайнона- қайнотасининг дуосини олган келин топилмаса керак. Буларнинг бари Мастурахоннинг шижоати билан бўлган эди.

Ғассол аёл Мукаррам опага ажабланиб қараб қўйди:

- Ҳаа , сиз бу воқеаларни шундай айтиб бердингизки , бари кўз ўнгимдан кинотасмадек ўтди. Малоҳатнинг қайнонаси ҳам шу ердамилар ?! - сўради у

- Ҳа шу ерда , - деди Мукаррам опа ,- қаршингизда. Малоҳат менинг бешта қиздан кейин туғилган ёлғиз ўғлим Раҳматжоннинг аёли .
Мукаррам опа атрофдагиларга ишора қилди :

@Xazon_Rezgi /117

XazonRezgi (Official Channel)

09 May 2025 15:03

👆👆👆👆 аввалги қисмлар

#КЎНГИЛ_ИФОРИ

40- ҚИСМ

-Онасиии , - деди Мирсаид ака ҳам умидсиз оҳангда , - онасиии...

Шу пайт Ҳилола бирдан сергакланди :

- Саодатхон опа , қаранг ! Ойижонни бўйниларидаги йўғон томир ҳали ҳам уряпти. Қўлларидагиси ҳам ! Юракларини уқалайми ? Кўп киноларда шундай қилиб ҳаётга қайтаришади - ку ? ! Майлими шундай қилсам?! - Ҳилола дувиллаб йиғлаганча гапирарди .

Саодатхон бош чайқади :

- Ойна борми ?!

Ҳилоланинг қулоқларига гап кирмади. У Мастура опанинг бўйин томирларига бармоғини босганча "Ана , ана , томир уряпти" дея тинмай кўз ёш тўкарди.

Маҳина амма ҳам юм- юм йиғлаганча ўрнидан туриб ювиниш хонасидан думалоқ ойнани топиб келди.

Саодатхон ойнани сочиқ билан яхшилаб артди ва Мастура опанинг бурун ва лабларига бирмунча вақт тутиб турди. Сўнгра уни олиб хазина қидирган каби синчиклаб тикилди.

- Холажоним энди орамизда йўқлар. Аллоҳ жойларини жаннатлардан ато қилсин ,- деди Саодатхон ва Маҳина аммага юзланди,- аммажон , бу ёғига ўзингиз бош - қош бўлмасангиз бўлмайди.

Маҳина амма дастлаб Саодатхоннинг нима демоқчилигини англамади. Бироздан сўнг эса барчасига тушунди. У нариги хонага кириб , у ерда турган сандиқнинг устидаги кўрпачаларни тап-тап ерга тушира бошлади. Кўп ўтмай қўлида кичикроқ бир тугунча билан қайтиб чиқди.

Маҳина амма тугунчадан оппоқ рўмол ва аллақандай матоларни чиқарди . У Саодатхон билан оқ рўмолни чиройли қилиб буклаб , Мастура опанинг энгагини боғлашди. Сўнгра оёқларини ростлаб энсизроқ оқ мато билан икки бошмалдоғини бир- бирига қўшиб боғлашди.

Мастура опанинг ярим очиқ қолган кўзларини Маҳина амма "Мендан рози бўлинг, келинжон" дея силаб, силаб юмдириб қўйди.

Сулаймон онаси оғирлашиб қолганда Зоҳида холасини олиб келишга кетган экан. Уйга қайтиши билан онасини даҳани боғлиқ ҳолда кўрди- ю, ўкириб йиғлаб юборди. У онасини ёнидан жой олди , энгашганча юз- кўзларидан тинмай ўпар ва изиллаб йиғлар эди.

- Ҳай болам , ўзингни тут,- деди эри билан етиб келган Мирсобит амакисининг аёли Комила келинойи ўртанганча,- жаноза ўқилмагунча ойинг ҳаммасини эшитиб ётадилар, йиғлаб унинг ҳам руҳига азоб берма. Ундан кейин маййитга кўз ёшинг томса , умрбод тушингга кирмайди деган гап бор.

- Келинойи ... - деди Сулаймон ўксиб - ўксиб ,- Мен бу гапга ишонмайман. Ахир ҳамма билмаса ҳам сиз яхши биласиз-ку, ойижонимларни қанақа эканликларини. Улар мени ташлаб кетадиган она эмасдилар. Улар тушларимга кирмай қўядиган она эмаслар ... Мен "Ойижооон" десам бааас. Ойижоним ... Албатта , албатта ёнимга келадилар. Дийдорларига муштоқлигимни билсалар бас ... Қанча йиғлаганим, кўз ёшларимнинг неча томчиси юзларига томганининг фарқи йўқ улар учун ... Мен ишонаман... Ойижоним мени йиғлаганим учун айбситмайдилар ...ҳечам айбситмайдилар ... Мен бутун уйни бошимга кўтариб уввос солаётганим йўқ- ку ахир . Мен ҳам Аллоҳнинг бир ожиз бандасиман. Бу вақтда қандай йиғламай туриш мумкин ... Ахир дунёдаги энг азиз инсонимдан айрилдим...

Орадан ярим соат ўтмай ҳовлини одам босиб кетди.

Барча дил- дилидан ўртаниб йиғлар эди.

Айниқса Асрор аканинг нолаларига чидаб бўлмади. У Мастура опанинг бошида ўтириб аччиқ - аччиқ кўз ёш тўкканча видолашар экан , кўнглидаги сўзларини сўнгги бор синглисига айтиб қолишга интиларди:

- Онаш синглим... Жоним синглим... Кўз қувончим... Акасини етим ака қилиб ташлаб кетган чиройлигим... Тақдиридан қочиб кетолмаган эрка кийигим. Дардларингга дармон бўла олмаган ношуд акангни кечир , азизам. Энди онамнинг исларини қайдан излайман?! Кўнглимнинг хуш ифорини қаердан топаман?! Жонимга таскин қидирганда кимнинг истиқболига чопаман? Ўзи сени неча йилда топган эдим. Дийдорингга тўя олмай кўксимни муштлаб қолавераманми ? Энди ширин дийдоринг қиёматга қолдими ?

Асрор ака Мастура опанинг кўзларини силади , сўнг уни силаган ўзи кафтларини ўпди.

- Марҳуманинг сўнгги иззатини қилиб чиройли ўрин тўшаб ўша жойга олайлик,- деди барча Мукаррам келинойи дея мурожаат қилаётган ёши улуғ аёл , - бу синглимизнинг ўз хонадонида кечираётган

@Xazon_Rezgi / 115