XazonRezgi (Official Channel)

07 May 2025 12:20

Биласизми?

Ер юзида биринчи бўлиб қурилган бино Каъба.
* * *
Унинг илк меъмори Иброҳим алайҳиссалом.
* * *
Қаламни биринчи бўлиб қўллаган Идрис алайҳиссалом.
* * *
Соатни биринчи бўлиб қўллаган Юсуф алайҳиссалом.
* * *
Ислом тарихида бино қилинган илк масжид Қубо.
* * *
Мусулмонларнинг биринчи уруши Бадр жанги.
* * *
Илк вазирлик тизимини Аббосийлар ташкил қилган.
* * *
Ўтроқлашган биринчи туркийлар уйғурлардир.
* * *
Пул биринчи бўлиб Лидияда кашф қилинган.
* * *
Ой ва йиллари асосли бўлган илк тақвим ҳижрий тақвимдир.
* * *
Милодий тақвимни мисрликлар тузишган, римликлар такомиллаштирган.
* * *
Биринчи юрак кўчириш амалиёти Кристиан Бернард томонидан ўтказилган.
* * *
Дунёда энг кўп гаплашиладиган тиллар хитойча, ҳиндча, инглизча, испанча ва арабчадир.

Каналга аъзо бўлиш
http://t.me/xazon_rezgi

XazonRezgi (Official Channel)

07 May 2025 11:36

​
Бири кам дунёнинг...

Мени кўнгли осмон, бе армон дерлар,
Не истаса хозир ўшал он дерлар,
"Осмоннинг ойи" деб ич-этни ерлар,
Бири кам дунёнинг доим бири кам,
Мен ҳам сиз кабиман, бўлинг ҳотиржам.

Сира билмасмишман не экан қайғу,
Лабимда табассум, юзимда кулгу
Бемалоллик эмиш мақтовли туйғу,
Бири кам дунёнинг доим бири кам,
Юрагим тўрида кўнглим кўзи нам...

Ким билар менда не дард-у ,не синов,
Бировнинг ҳаётинг яшамас биров,
Тонгдан кимга шабнам, кимларга қиров,
Бири кам дунёнинг доим бири кам,
Ҳаммада балки бир, менда ўн алам.

Ариқда сув бўлмасмиш менда бўлмаса,
Қуёш нур сочмасмиш мен бир кулмасам,
"Айримлар" бунчалар ғалча бўлмаса?
Бири кам дунёнинг доим бири кам,
Таскин топинг мен хам сиз каби одам

Эгасиз қолмаган бу борлиқ, олам,
Мутлоқ хоким эрур ЯРАТГАН Эгам !
Якка ўзидандир ҳукми - чинакам,
Бири кам дунёда тўлар ўшал кам,
Аллоҳим сийласа, атаса бандам

Хазонрезги

Каналимизга обуна бўлинг👇
https://t.me/joinchat/AAAAAFB59SM9yhwXJGeW_g

XazonRezgi (Official Channel)

07 May 2025 11:01

❗️Киндик шакли инсон характерини ва умр кўриш давомийлигини белгилашини биласизми? 🤔

Жуда эски синов.
Қорин тугмачангизни расмдан топдингизми?

XazonRezgi (Official Channel)

07 May 2025 07:05

​#КЎНГИЛ_ИФОРИ

Сулаймон ака , сиздан бир илтимос. Ҳеч қачон , эшитяпсизми , ҳеч қачон мен ҳақимда шубҳага борманг. Айниқса ... Айниқса ойижон ҳусусларида ... Бу нарсани ўзим учун сўраётганим йўқ. Мен сизнинг ноўрин шубҳа , гумон сабаб азобланишингизни сира истамайман. Агар сиз мендан тариқчалик бўлса-да шубҳа қилсангиз , биргина гугурт бутун дунёга ўт қўйиши мумкин бўлгани каби мен ҳам шугина шубҳангиздан қовжираб адо бўламан.
Рост ...
Ишонинг ...

Сулаймон Ҳилолани елкасидан қаттиқроқ қучди. Шунда унинг кейинги кунларда жуда озиб кетганлигини , елка суякларида деярли эт қолмагани , ўзи ҳам бир ҳовуч суяк бўлиб қолганлигини ҳис қилди . Сулаймон буни ҳис қилиши билан қаттиқ даҳшатга тушди :

"Шу кетишда Ҳилола ҳам бирон дардга чалиниб қолса нима қиламан? Ойижоним , дадам - барчамиз нима қиламиз унда ?!- деб ўйлади у ,- ахир Ҳилола эмасми, айни дамларда барчамизни дардимизга бирдек малҳам бўлаётган?! Ахир Ҳилола эмасми , оилада айнан ойижонимнинг ўрниларида барча нарсага бош - қош бўлаётган?! Ойижонимнинг ҳам юракларига дармон бўлаётган, дадамнинг ҳам кўнглига мадор бўлаётган?! Барча келган - кетгувчиларнинг бирдек кутиб , эплаштираётган?!- Сулаймон ўйлаб қараса бу оиланинг энг оғир юки , ташвиши Ҳилоланинг ана шу нозик елкаларига тушиб қолибди,- ахир Ҳилола ҳали йигирма бир ёшга ҳам киргани йўқ- ку?! Бу тенги қизларнинг кўпчилиги ота- онасининг бағрида ноз-эркалигини қилиб юрган бир вақтда , Ҳилола..."

- Ҳилола, - деди Сулаймон овози товланиб,- ўзинг овқатланиб олдингми ? Рангингни қара ? Бўздек оқариб кетибди . Илтимос , мени ҳавотирсиз , бемалол юрсин десанг , ўзингни эҳтиёт қил. Биламан, кўпинча ўзингга яхши қарамайсан . Аммо ҳозир Ойижоним учун ҳам биз соғ бўлишимиз , ҳизматларида бардам- бақувват туришимиз керак. Сен ҳозир бориб бафуржа овқатланиб ол. Унгача Ойижонимга ўзим қараб тураман.

- Яхши. Хўп,- Ҳилола шундай дея Сулаймонга сўроқ ифодаси билан қаради :

- Сулаймон ака, мен бир нарсани ўйлагандим. Руҳсат берсангиз кечалари ойижоннинг ёнларидаги хонада тунасам. Уларнинг ёнларида фақат аёллар ётган куни мен ҳам ўша ерда ётардим. Кўряпсиз , кўпинча додажон айниқса кечалари улардан ажралгилари келмаяпти. Додажон бор пайтларида бир эшик нарида ётардим. Барибир бу хонада ухлагандек бўлмаяпман. Хаёлимда худди ойижон мени чақиргандек бўлаверадилар. Кечалари ўрнимдан туриб хабар олишга чиқсам сизни безовта қилиб қўяяпман. Шунга ...

- Ҳилола , кўнглимдагидек нарсани ўйлабсан. Ўша хонага икковимиз бирга кўчиб ўтамиз. Ортиқча нарса керакмас. Иккита кўрпача ва чойшаб етарли. Ўртадаги эшик очиқ турса , ойижонимни нафасларигача эшитилиб туради. Сен аввал овқатланиб ол , кейин бу масалани ўзим ҳал қилганим бўлсин.

Ҳилола "хўп" деб ўрнидан турди .

- Айтганча , Ҳилола , дадам кўринмайдилар ?

- Улар ...

#давоми_бор /102

Муаллиф: Хазонрезги

Каналга уланиш 👇:
https://t.me/joinchat/AAAAAFB59SM9yhwXJGeW_g

XazonRezgi (Official Channel)

07 May 2025 07:05

👆👆👆👆 аввалги қисмлар

#КЎНГИЛ_ИФОРИ

35- ҚИСМ

иссиғида еб олсинлар .

- Сулаймон ака, бу нима ?! - ҳайрон бўлиб сўради Ҳилола.

- Ҳасип. Ойижоним эрталаб "Чор- судаги Доно опа тайёрлаганга ўхшаган ҳасипдан бир тишлам бўлса қанийди" дегандилар. Буни ўша аёлнинг қизидан олдим.

- Ҳаа яхши ,- деди Ҳилола ўйланиб , - аммо уларга яқиндагина манний бўтқаси едиргандим. Ҳозирча қоринлари тўқ. Ундан кейин ширин бўтқа устидан ёғлиқ таом едирсак, кўнгиллари беҳузур бўлиши мумкин.

- Унда сал туриб едириб қўярсан.

- Хўп ...

- Ҳилола , биласан-а синфдошим Диёрнинг синглисини узатишяпти . Куёвлар келишига озроқ қарашиб юборишимни сўраганди. Бироз қарашиб юборай, тезроқ қайтишга ҳаракат қиламан. Бугун якшанбада ўзимизнинг уйда ҳам келди - кетди кўп бўлса керак.

- Майли , яхши бориб келинг.

Ҳилола ошхонага бориб ўралган ҳасипни очиб ичидаги буғларини чиқариб қайтадан ўраб қўйди. Таом анчагина экан.

Ҳилола кун чошгоҳга яқинлашганда илиб қолган таомни қайта иситиб ойижонисига олиб кирмоқчи бўлганда дарвозадан кириб келган Маҳина аммани кўриб юзи ёришди. Ҳилола сўнгги кунларда аммага жуда суяниб қолганлиги шу топда ич- ичидан ҳис қилди.

- Уйимда ҳам ўтиролмай қолибман. Юрагим тошиб кетаверди ,- деди Маҳина амма ўзининг истиқболига чопиб чиққан Ҳилола билан кўришар экан,- Мастураой яхшимилар ?

- Бугун анча яхшилар . Иситмалари ҳам унчалик чиқмади.

Маҳина амма келини ётган хонага йўл олди. Ҳилола эса ошхонага қайтиб қайноққина бўлиб исиган ҳасипни ойижониси ва Маҳина аммага алоҳида ликопчаларга сузиб улар ўтирган хонага олиб кирди. У Маҳина аммага чой қуйиб узатди ва таомга манзират қилди.

- Олинг , аммажон. Мен ойижонимга едириб қўяй.

Ҳилола ерда ётган Мастура опани бошини баландроқ қилиб олгач, ёнига кичикроқ дастурхонча тўшади.

- Ойижон , Сулаймон акам сиз сўраган ҳасипни олиб келибдилар ...

Мастура ҳасипни яхши кўриб ҳаммасини охиригача еди.

Ҳилоланинг "Яна олиб келайми ?" деган саволига эса "йўқ" дея бош чайқади.

Сулаймон туш пайти уйга қайтди. У келибоқ онасининг ҳузурига йўл олди. Бу вақтда Маҳина амма пешин намозини ўқиб олиш учун қўшни хонага чиқиб кетганди.

Ҳилола ҳовлида ювилган кирларни дорга илиб турган вақт ичкаридан Сулаймон ғазабга тўлиб чиқиб келди.

- Менга қара, вей,- деди у Ҳилолага ғазаб билан , - соат неччи бўлди ?!

Ҳилола эрининг тўсатдан нега бунчалик жаҳли чиққанига ҳайрон бўлди:
- Билмасам , бир бўлиб қолгандир ,- деди у бўшашганча .

- Билмасам? Билмайсанми ?! Нимани биласан ўзинг ?! - Сулаймон борган сари авжига чиқа бошлади.

- Сулаймон ака , тушунтириброқ айтинг , нимадир гуноҳ қилдимми ?

- Бу кишим яна тушунмаганмишлар ? Мен сенга нима дегандим ?! Ойижонимга ҳасип едириб қўй деб кетганмидим ?! Нега шу пайтгача бермадинг ?! Нега касал Онамни маҳтал қилиб қўйдинг ?! Ёки меҳрибончилигинг киши кўзигами ?!

- Сулаймон ака , сиз кетгандан кейин бир соатлар ўтганда едириб қўйганман. Яқинда яна овқатлантирдим.

- Мени онам алдамасалар керак ?! Уларни ёлғончига чиқаряпсанми ?! Бор қури , ўзим ҳам онамга қарай оламан.

Сулаймон Ҳилолага қулоқ солмай ошхонага кириб кетди. Жаҳл билан микротўлқинли печда ҳасипни иситди. Уни ликобчага сузиб онаси ётган хонага йўл олди .

Ҳилола изма - из унга эргашди. Аммо хонага киришга ботина олмай , остонада туриб қолди.

- Мана ойижон , сиз айтган ҳасипни олиб келдим . Келинг , ўзим едириб қўяман.

Сулаймон ҳасипдан кичик бир бўлагини олиб Онасининг оғзига солмоқчи эди , Мастура опа уни кўриб афтини буриштирди :

- Емайман . Яқинда едим- ку буни .

Сулаймон онасининг сўзларига ҳанг- манг бўлиб қолди.

- Ойижон , ахир ҳозир ўзингиз Ҳилола сизга ҳасип едириб қўйдими деб сўрасам "йўқ" дедингиз- у ?!

Мастура опа қатъий бош чайқади :

- Емайман, буни еганман... Обчиқиб кет , ҳиди кўнглимни айнитяпти.

- Сулаймон , буёққа қараб юбор .

Сулаймон зинадан туриб ўзини чақирган Маҳина амманинг ҳузурига каловланиб чиқди :

@Xazon_Rezgi /100

XazonRezgi (Official Channel)

07 May 2025 04:59

Титаникнинг чўкиши ҳақидаги янги тафсилотлар дунёни ларзага келтирди!

Маълумки, 1912 йил 14-апрелдан 15-апрелга ўтар кечаси энг катта фалокатлардан бири - Титаникнинг чўкиши содир бўлди. 30 йилдан кейин бир гуруҳ тадқиқотчилар материалларни синчковлик билан ўрганиб чиқиб, кутилмаган хулосаларга келишди. Маълум бўлишича, табиий офатнинг асосий сабаби умуман айсберг эмас, балки... Давоми👇🏻

XazonRezgi (Official Channel)

07 May 2025 03:59

Самарқандда аёл 7 ойлик чақалоғини кўчага ташлаб, хат қолдириб кетди‼️

Ижтимоий тармоқларда Самарқанд вилояти Оқдарё туманидаги Лойиш маҳалласида аёл фарзандини бир адёл ва 2-3 та кийимлари билан кўчага ташлаб кетган. Одамлар бориб болани қўлга олишганда, боланинг чўнтагида хат борлигини кўришган. Хатни очиб ўқишганда, унда шунда сўзлар ёзилган экан. 

Менинг болам... Давоми👇

XazonRezgi (Official Channel)

07 May 2025 03:29

ПАПЛЕН МАТОСИДАН КУЙЛАК ТИКТИРАМАН ДЕБ ФАСОН КИДИРИБ  НЕЧТА КАНАЛГА КИРИБ ЧИКДИМ БИЛМАЙМАН ЛЕКИН БИТТА КАНАЛНИ ТОПДИМ🤩

❤️Ёзги паплен фасонлар
❤️Ёзги паплен фасонлар
❤️Ёзги паплен фасонлар
❤️Ёзги паплен фасонлар

ХОХЛАГАН ЁШГА  ХОХЛАГАН ЖОЙГА КИЙИШГА ФАСОНЛАР ЖАМЛАНГАН КАНАЛГА КИРИБ  ФАСОНЛАРИ ЧИРОЙЛИЛИГИДАН ЧИКИБ КЕТА ОЛМАДИМ

💥ФАСОНЛАР💥
/channel/+DzY4Li09ViExNjQy
/channel/+DzY4Li09ViExNjQy
/channel/+DzY4Li09ViExNjQy

ЧИРОЙЛИ РАСМЛАР
/channel/+i-z4DrZPuYQ0Y2Iy
/channel/+i-z4DrZPuYQ0Y2Iy

XazonRezgi (Official Channel)

07 May 2025 02:59

Соч тўкилиш муаммосидан қутилдим
https://www.maxeffect.uz/faetonbio11

Сочлар яшин тезлигида ўсар экан

Бунинг учун ҳар бошингизни ювишдан аввал...

Батафсил бу ерда ўқинг
👇👇👇👇👇
https://www.maxeffect.uz/faetonbio11

XazonRezgi (Official Channel)

06 May 2025 19:01

Сени осмонимга олиб кетаман... 😔

/channel/Xazon_Rezgi

XazonRezgi (Official Channel)

06 May 2025 18:59

#ОСМОННИНГ_ОХИРИ

Муаллиф: Гулбаҳор Рахматуллаева (Хазонрезги)

- Мен ҳам мактабга, синфдошларимга, ҳаммадан ҳам энг кўпи сенга жуда ўрганиб қолгандим, -Ойгул тиззаларини қучоқлаб ўтирганча бошини эгди. Рустам унинг ёнига жойлашди.Ойгул гапида давом этди,- барчангизни жуда, жудаям яхши кўраман. Сизлар туфайли ойижонимни...- унинг шаҳло кўзлари жиққа ёшга тўлди,- ойижонимни соғинганимда овундим. Сизлар туфайли... кам-кам йиғладим...

- Ойгул, йиғлаяпсанми? - овози бўғилди Рустамнинг,- йиғлама... Агар кимдир хафа қилган бўлса номини айт. Ўзим адабини бераман...

Ойгул ўтирган жойида Рустамнинг елкасига суяниб йиғлай бошлади.

У узоқ, узоооқ йиғлади...

Ўксиб- ўксиб, ўртаниб йиғлар эди у.

Рустам лабларини маҳкам тишлаганча жим қотганди. Ахири Рустам Ойгулни тўхтатишга жазм қилди:
- Ойгул, томоғинг ҳириллашни бошлади. Кўзларинг қизариб, қовоқларинг ҳам шишиб кетади энди. Илтимос йиғламагин...

- Рустам, мен жуда сиқилиб кетдим. Биласанми нимага?

Рустамнинг "Нимага?" деб сўрашга юраги бетламади.
Ойгул эса уни жавобини кутмай ўзига ўзи гапиргандек ҳиқиллаганча паст овозда сўзлай бошлади:
- Ҳозир мени аълочи қиз дединг-а? Ҳа мени ақлим анча нарсага етиб қолди. Ҳадемай учинчи синфга ўтамиз. Январда тўққиз ёшга тўлгандим.
Рустам...- чуқур тин олди Ойгул,- биласанми уйдагилар, бобожоним, бувижоним, холам, хуллас ҳаммалари мени анчадан буён алдаб келишаётганларини ҳис қилардим. Ҳис қилардим-у аммо бу ёлғонлар ёлғон бўлса ҳам менга жуда ёқар эди. Улар " Маҳлиё узоққа-даволанишга кетган" деганларида ойижонимларни сабр билан кутардим.Ойижонимни охирги кўрган куним уларнинг ўзлари менга "Одобли, аълочи қиз бўлсанг тезда қайтиб келаман" дегандилар.
Аммо ўтган ҳафта...
Бобожоним билан бувим қаттиқ уришиб қолишди. Улар мени мактабдан келмаган деб бемалол гаплашардилар.
Ўша куни бувим бирам йиғладилар. Улар:

- Ойгул Маҳлиёйимдан қолган ёлғиз тирноқ. Шугинага овуниб аранг яшаб юрибман. Уни қайси юрак билан мендан тортиб олмоқчисизлар?

-27-

XazonRezgi (Official Channel)

06 May 2025 18:29

Бу рецепт билан 79 ёшли бувим мендан ёш кўринадилар. Эримга бу ёқмаганини кўриб бувим қўлимга уша рецепт ёзилган қоғозни бердилар.

Рецептни таркиби оддийлигини кўриб эрим иккаламиз ҳайратдан қотиб қолибмиз.

Икки марта қўллагандим терим қордек оқариб, шишадек тиниқлашди. Энди иссиқда қорайиш йўқ!

Рецептни оддийлигини қаранг
• 1 дона картошка ва
👉 Батафсил

XazonRezgi (Official Channel)

06 May 2025 17:20

​#КЎНГИЛ_ИФОРИ

- Ҳилола , атала пишмадими ?- зинада туриб баланд овозда сўради Сулаймон, - Ойижоним "Сўраганим қачонлар эди- у?!" деяптилар.

- Ҳозир, ҳозир тайёр бўлиб қолди ,- деди Ҳилола шошилганча ...

- Тезлаштир...

Мастура опа кечки пайт ҳовлига олиб чиқишларини сўради. У аравачада ўтирар экан Сулаймонга ҳам илтимос , ҳам дўқ аралаш гапини ўтказишга ҳаракат қилди:

-Хонадаги диванни ертўлага олиб чиқиб ташла . Менга ерга жой солиб беришсин. Ерда ётгим келяпти.

Сулаймон "Нима дейсиз?!" дегандек аммасига қаради. Аммаси ҳам унга "Ойижонинг нима деса шуни қил!" дея ишора қилди.
Сулаймон қўшнининг ўғлини чақириб келиб , кенггина диванни йиғиштириб ертўлага олиб тушиб қўйди.

Ҳилола бу сафар яна иккита кўрпани ўртасидан букиб солиб қайнонасининг ўрнини қалингина қилиб солиб берди.

- Ана энди яхши,- деди Мастура опа ўзини олиб кириб янги тўшалган ўринга ётқизишгач , - кўнглимдагидек жой бўлибди.

Бугун Мастура опанинг ёнида Мастуба ҳола ва кичик овсини қолишганди.

Маҳина амма "Уйимдан хабар олиб келай" деб кеч бўлганда йўлга отланиб қолди. Уни Мирсаид аканинг ўзи уйи - Себзорга ташлаб келди.

Ҳилола кечки таомни қайнонасига едириб бўлганда, Мастура опа яхши эди. У дориларини ичиб , уколларини олиб бўлгач, келинига шафтоли егиси келаётганини айтганда, Ҳилола зумда унинг айтганларини муҳайё қилди.

Барчаси яхши , барчаси кўнгилдагидек эди.

Тун ярмига бориб , Мастура опанинг яна иситмаси кечадаги каби баланд бўлиб кетди.

Бу сафар ҳам Ҳилола аёллар билан Мастура опанинг иситмасини тушириш учун тонг отгунча тик оёқда юриб чиқишди.

Тонг отганда Мирсаид ака профессор Нишоновга қўнғироқ қилишга мажбур бўлди. У аёли Мастуранинг икки кундан буён танасида бўлаётган ўзгаришлардан, ўз - ўзидан иситмаси чиқиб кетаётганлигидан хабардор қилганда , профессор Нишонов унга дорилар таркибига яна янгиларини қўшимча сифатида қўшишни тавсия қилди.

Муолажалардан сўнг учинчи куни Мастура опанинг иситмаси чиққан бўлса- да , у қадар юқори бўлиб кетмади.

Ҳилолани ҳайрон қолдирган нарса Мастура опа эртаси тонгда ўзини худди Маҳина опа айтгандек тута бошлагани эди.

- Сулаймон Сулаймон қани ? ... - Мастура опа эрта сахардан ўғлини сўраганда , барча ҳайрон қолди , сабаби унинг бунақа пайтда ўғлини безовта қиладиган одати йўқ эди ,- менга Сулаймонни чақириб беринглар ...

Ҳилола тезда Сулаймонни чақириб , ўзи ошхонага чойдан хабар олиш учун кетди.

У чой дамлаб қайтаётганда Сулаймон машинасини ўт олдириб кўчага чиқиб кетаётган эди. Ҳилола аввалига ҳайрон бўлди , аммо хонадагиларга индамади. "Она бўлгандан кейин ўғлида иши бўлади- да" дея ўзининг қизиқувчанлигини босишга ҳаракат қилди.

Ҳилола қайнонасига нонушта қилдириб бўлгач , Сулаймоннинг нима учун кетганлиги маълум бўлди . У қўлида елим халтага қадоқланган иссиққина нарсани Ҳилолага тутар экан , ўзи шошилгани каби аёлини ҳам шошилтирди :

- Бўл тез , Ойижоним буни ...

#давоми_бор /99

Муаллиф: Хазонрезги

Каналга уланиш 👇:
https://t.me/joinchat/AAAAAFB59SM9yhwXJGeW_g

XazonRezgi (Official Channel)

06 May 2025 17:20

👆👆👆👆аввалги қисмлар

#КЎНГИЛ_ИФОРИ

34 - ҚИСМ

Хонангизда спирт бўлса олиб чиқинг! Ойингизни иситмаси жуда баланд ...

Ҳилола телефонни қаерга ташлаганини ҳам фаҳмламади. Сулаймоннинг уйқу аралаш "Нима гап?" дея берган саволига қисқача "Ойижоним" деди- ю , трюьмо тагида турган спиртли баклажкани олиб югурди. Хонадан чиқаётгандагина тунги кўйлакдалиги ёдига тушиб , ортига тез қайтди.

Ҳилола хонага ўқдек отилиб кирганда Мастура опа ҳеч нарсани ҳис- қилмай беҳуш ётарди. Мирсаид ака уни ҳали оёғи , ҳали қўлларини уқалар , нуқул "Жон онаси, кўзингни оч" дерди. Маҳина амма эса бир четда йиғлаганча аллақандай дуоларни ўқир эди.

Ҳилола дарҳол Мастура опанинг устини очиб ташлади.

- Додажон , сурилиб туринг , - қатъий овозда буюрди у ва изма - из келган Сулаймонга спиртни тутқазиб буюрди ,- қўлимга қуйинг !

Сулаймон титраб - қақшаб Ҳилоланинг ҳовучига тўлдириб спирт қуйди.

Ҳилола Мастура опанинг кўкси ва елкалари билан спиртлаб ташлади , сўнгра Сулаймон билан ёнбошлатиб орқа кураклари билан яна спиртлади. Орада аёлнинг озиб тизза суяклари бўртиб қолган оёқларини ҳам авайлаб спиртлади. Охирида бош тарафига ўтиб бошидаги рўмолини аста ечди ва спиртли нам қўллари билан ойижонисининг пешонасини уқалади , сочларини бармоқлари билан тараб у ерларга ҳам спирт етказиш пайидан бўлди. У қўлларини яна намлаб Мастура опанинг томирлари ўйнаб лўқ- лўқ қилиб турган чаккалари ва пешонасини боса бошлади .

- Сулаймон ака , тумбанинг тортмасида ишлатилмаган система турибди . Илтимос , ўшани қадоғини очиб резина шлангини сал узунроқ қилиб кесиб олинг. Ошхонадан баклажкага илиқ сув солиб , ичига шлангни солиб келинг.
Сулаймон Ҳилоланинг айтганини бекаму кўст бажаргач , Ҳилола ингичка шлангни Мастура опанинг лабларини қўллари билан йириб очиб аста оғзига солди :

- Ойижооон , жооон ойижон ... - дея шивирлади Ҳилола қайнонасининг қулоғига энгашиб ,- мени эшитяпсиз -а ? Илтимос , шланг орқали сувни шимиб ичишга ҳаракат қилинг . Бироз тетиклашасиз .

Ҳилола шу кўйи юзларини Мастура опанинг юзларига босди :

- Илтимооос ...

Мастура опа аранг инграган бўлди. Бироқ кўзини очишга мажоли етмади . Кўп ўтмай шланг сал қимирлаган бўлди. Сув Мастура опа томонга қараб жила бошлади. Ҳилола дарҳол эрининг қўлидан баклажкани олиб Мастура опага ёрдам бериш мақсадида сал баландроқ кўтарди.

Шу аснода эрига имо қилди :

- Шундай ушлаб туринг.

Ҳилола бўшаши билан ташқарига отилди . Кўп ўтмай қўлида қўлида худди шундай баклажкадаги оч сариқ суюқлик билан қайтиб келди .

У чаққонлик билан шлангни иккинчи баклажкага солиб , яна Мастура опага эгилди :

- Ойижон , бу сафар иситма тушурадиган кукун дори тайёрладим. Илтимос , охиригача ичинг . Ич- ичингиздан терлаб , иссиғингиз тушади. У шундай деб қайнонасини бошини яна оҳиста боса бошлади.
Довдираганча серрайиб ўтириб қолган қайнотасига келин бўлгандан буён илк бора тиш ёрди :

- Додажон , ойижонни оёқларини озроқ спирт билан уқалаб туроласизми ? Оёқлари олов бўлиб ёнаяпти. Роса қақшаётган бўлса керак.

Мирсаид ака муъте боладек Ҳилоланинг айтганларини сўзсиз бажара бошлади.

Мастура опа иккинчи баклажкадаги дорини ичиб бўлгач , Ҳилола тоза сувдан яна озроқ ичирди. Қайнонаси бироз қимирлаши билан дарров тушунди :

" Бошқа сув ичмас эканлар"

Ҳилола Сулаймонга баклажкаларни йиғиштириб олиб чиқишни сўради. Ўзи қайнонасининг жавонда тахлолиғ турган юмшоқ ич кийимини ва тоза чойшаб олиб келиб ёнига чўкди. Чўзилганча Мастура опанинг пешонасига лаб босди.

- Додажон , бўлди. Иситмалари тушди. Тер чиқа бошлади. Ҳадемай сувдек бўлиб терлайдилар . Ўшанда кийимларини алиштириб олсак , шу бўйи тонггача ухлайдилар.

Мирсаид ака келинининг сўзларидан аёлининг атрофини бўшатиб қўйишни сўраётганини тушунди.
Аста ўрнидан туриб нариги бурчакка бориб омонат ўтирди.

@Xazon_Rezgi / 97

XazonRezgi (Official Channel)

06 May 2025 15:59

Har bir ayolning orzusi egizak
farzandlar bo'lsa kerak 😍

Egizak farzand , o'g'il yoki qiz farzand ko'rish
uchun nimalar qilish va qanday mahsulotlar
istemol qilinishini bilasizmi? 🥰

Bu borada o'zim sizga yordam beraman❤️
Menda allaqachon bir qancha mamnun
mijozlar mavjud, hoziroq kanalimga obuna bo'ling.

Maslahat va tavfsiyalarni o'tkazib yubormang!🥰

XazonRezgi (Official Channel)

07 May 2025 12:14

HAMMA NARSA YEB OZISH!

HAMIRLI TAOMLARDAN🥟🍕
SHIRINLIKLARDAN🍰🧁
OSHDAN🍘 NONDAN🍞
CHEKLANMASDAN OZISH✅
🌷🌷🌷🌷🌷🌷🌷🌷🌷🌷
HOMILADORLAR🤰
EMIZIKLILAR🤱
ISHLAYDIGANLAR👩‍💻
UY BEKALARI🧕
7 YOSHDAN👧80 YOSHGACHA👵
AYOLLAR OZIB VAZN QOTIRISH ORQALI QAYTA SEMIRMAYSIZ✅✅✅
🌷🌷🌷🌷🌷🌷🌷🌷🌷🌷🌷
🏃🏻‍♀10-MAY START🏃🏻‍♀‍➡️
🌷🌷🌷🌷🌷🌷🌷🌷🌷🌷🌷
1 OYLIK 45 MING
2 OYLIK 90 MING
3 OYLIK 135 MING

Konsultatsiya bepul‼️‼️

⬇️Guruhga kirish⬇️
/channel/tabiiyoziish
/channel/tabiiyoziish

@Dietolog_Odinahon

XazonRezgi (Official Channel)

07 May 2025 11:35

📚
Зах оёқдан ўтиб, томоқдан олди,
Иссиқ бошдан ўтиб, оёқдан олди.
Бизларни бехабар, беғам деганлар,
Билмадик, бу гапни қаёқдан олди?!

©️Мансур Жумаев

/channel/xazon_rezgi

XazonRezgi (Official Channel)

07 May 2025 07:06

#талаб_ва_истакларига_кўра

#КЎНГИЛ_ИФОРИ романини бир нафасда бошидан охиригача тўлиқ ўқишни истаганлар учун таклиф 👇

/channel/xazonrezgionlayn/23
/channel/xazonrezgionlayn/23

XazonRezgi (Official Channel)

07 May 2025 07:05

#КЎНГИЛ_ИФОРИ

- Ассалому алайкум, аммажон.

- Ваалайкум ассалом, - Маҳина амма алик олганча Сулаймонни тирсагидан ушлаб четга тортди,- болам , сен сал аввал келинни ножўя хафа қилдинг. Сени жанжалингни деб намозимни қандай ўқиганимни ҳам билмай қолдим.
Хуллас , гап шу. Ҳилола сен олиб келган ҳасипни Мастураойга аллазамон едириб бўлганди. Мен ҳам сени дуо қилиб бир ликопка еб олгандим ўшанда.

- Амма ... - Сулаймоннинг кўзлари катта - катта очилди,- унда Ойижоним нима учун ...

- Сулаймон... Бу гапларни гапириш мен учун жуда оғир . Бироқ эшитиш сенгаям осон эмас. Сен бир нарсани ёдингда тут. Онанг - бемор ! Дард билан олишяпти. Бу дегани кун- у тун , йигирма тўрт соат дард исканжасида дегани . Ундан кейин унинг бошида ўсимта борлигини унутма. Менимча айнан шунинг учун Ойижонинг гапларида адашиб , чалғий бошлади. Кўряпсан - ки, баъзи ўринларда ҳотираси панд бермоқда. Мен буни анчадан буён пайқай бошлагандим. Бугун эса бу чекланиш яққолроқ кўзга чалинди. Буёғига сен ва менинг қўлимдан келгани дуо ва сабр.

Сенга шуларни айтмоқчи эдим,- Маҳина опа ичкарига йўл олар экан Сулаймонга эслатиб қўйишни унутмади, - айтганча келиндан кечирим сўрашни унутмассан...

Сулаймон шундагина Ҳилоланинг ёнларидан йўқ бўлиб қолганлигига аҳамият берди.

У оғир қадамлар билан ўз хонасига йўл олди. Тахмин қилганидек Ҳилола ётоқхонадаги диванда ҳайкалдек қотиб ўтирар , хатто кўзларидан сидирилиб тушгани ёшларга ҳам эътибор бермас эди.
Сулаймон унинг ёнига оғир чўкди. Ҳилола қилт этмади. Сулаймон унинг елкасидан қучди:

- Кечир ... Билмабман... Ўйлабманки...

Ҳилола эрининг елкасига аста бош қўйди. Хўрсинди :

- Сизда айб йўқ. Сиз ҳам ҳозир мен каби айбсиз айбдорсиз.

Сулаймон ўзини йиғлаб юборишдан аранг тийиб , пўнг овозда сўзлай кетди:

- Бу дунёда ўрнини ҳеч ким боса олиши мумкин бўлмаган инсонинг кўз ўнгингда шамдек эриб борса ... буни тан олиб турсанг- у , аммо қўлингдан бир иш келмаса ... Оғир экан. Жудаям оғир экан...

Эҳҳҳ...

Ҳилола чидай олмаяпман... Чидаб бўлмаяпти... Қани шу топда қаршимда "Тила тилагингни ?!" дейдиган бирон кимса чиқса эди ...

- Сулаймон ака... - деди Ҳилола изтироб билан ,- биласизми ... Айтишларича Аллоҳ ҳеч бир бандасига ўз тоатидан ортиқ синовни раво кўрмас экан ...

Мен кейинги кунларда кўп ўйлаяпман...

Менинг тоатим шунчалик улканми ?!

Ростини айтаман... Мен адо бўлаяпман... Мен бу синовга сабр қила олмаяпман... Ҳолим келмаяпти . Кучим етмаяпти . Мен Аллоҳимга кунда йиғлаяпман... "Аллоҳим , ойижонимни бу аҳволда кўриш мен учун жуда... , жуда ..., жудаям оғирлик қиляпти ... Мен ҳам улар билан бирга аста - аста тугаяпман... Мен буларни кўтара оладиган даражада кучли эмасман, Аллоҳим ..." демоқдаман... - Ҳилола ўксиниб - ўртаниб йиғлай бошлади, - Сулаймон ака, мен англадимки , инсон бошқа бир инсонни "она" деб қабул қилиши учун албатта ундан туғилиши шарт эмас экан.
Сиз балки ҳайрон бўларсиз. Ишонмассиз. "Ўз онаси бор ,
бу гаплар шунчаки йўлига айтилаяпти" дерсиз. Тўғри ҳаётимда ўз онамнинг ўрнилари бор , бироқ ойижоннинг ҳам ҳудди ана шундай тенг қийматли алоҳида ўрнилари бор . Ойижон бу ўринга шу чоққача ҳеч бир инсонда учратмаганим кўнгилларидаги бир олам меҳр сабаб эришганлар.

Йўқ адашибман. Ойижоннинг бу дунёда ўхшашлари бор . Биласизми ким ? Улар менинг ўз адамлар. Икковларининг дунёқарашлари ҳам гўёки бирдек. Мен бу оилага келин бўлиб келиб , тез чиқишиб кетишим учун айнан ана шу ўхшашлик сабаб бўлди. Ва мен бир кашфиётни ўзим учун кашф этдим. Инсонда жамланадиган барча туйғулар бу она сути орқали берилар экан ва бир умрга у билан бирга қолар экан. Балки шу сабаб ҳам "Сут билан кирган, жон билан чиқади" деган ибора яралган бўлса керак. Улар бир онанинг сутини , яъни сизнинг бувингизнинг сутидан озиқланиб катта бўлишган ахир.
Айнан ана шунинг учун ҳам мен балки ўз онамдан кўра кўпроқ ойижонимга ўхшарман.

@Xazon_Rezgi /101

XazonRezgi (Official Channel)

07 May 2025 05:15

Дарё ўртасидаги мўъжазгина оролда иккита Эчки ўтлаётган эди. Бирдан сув кўпайиб, оролни кўма бошлади. Эчкилар жон талвасасида ҳар ёққа ўзларини ура бошлашди. Бу ҳолатни қирғоқда Қассоб зимдан кузатиб турган эди, тезда болтасини ишга солиб, қирғоқдаги катта бир дарахтни қулатиб, оролга “кўприк” қилиб ташлади. Эчкилардан бири “кўприк”ка сакраб чиқиб, қассоб сари чопқиллаб кетди. Иккинчиси ўзини пўртана бўлиб оқаётган тўлқинлар бағрига отди. Қассоб ўзидан нажот истаб келган эчкини хаш-паш дегунча сўйиб, гўштини нимталади. Иккинчи Эчки эса сувда узоқ-узоқларга оқиб, анча азият чекди-ю, аммо бир амаллаб қирғоққа чиқиб олиб, тирик қолди.

Алқисса: Гоҳида бизлар ҳам оғир вазиятларда осон ечимни танлаймиз – таваккал қилиб Оллоҳга ихтиёримизни топшириш ўрнига, ҳалоскор деб Қассоб сари чопамиз.

Носиржон ТОШМАТОВ

@xazon_rezgi

XazonRezgi (Official Channel)

07 May 2025 04:15

Ота-онамнинг олдиларига борсам, муаммолар ҳақида гап очмайман. Иложи борича ўтмишдаги қизиқ ва яхши хотираларни эсга солиб, суҳбатлашишга ҳаракат қиламан.

Уларнинг кўзларига қараб тураман, қайси мавзуда гап очилса, кўзлари чақнаб юзларига табассум югурса, ўша мавзуни давом эттираман.

Бирон бир ютуқларим ҳақида гап кетса, албатта, бунда уларнинг ҳиссалари катта эканлигини таъкидлайман.

Кеча Онам айтдилар "Болам сен келиб кетганингдан кейин даданг яхши ухлайдилар" деб. Менга бу жуда катта мукофотдай туюлди.

Ота-оналаримиз қариб боришяпти. Ҳар бир дақиқа ғанимат. Умрлари узоқ бўлсин!

Миркомил Зокиров

@xazon_rezgi

XazonRezgi (Official Channel)

07 May 2025 03:50

Уйғунлик

Кўп йиллик эр-хотин суҳбати:
— Хотин, анави нарса қаерда эди?
— Бояги ерга қўйиб қўйгандим.
— Ҳа, топдим. Раҳмат.

Ёқутой Азимова

@xazon_rezgi

XazonRezgi (Official Channel)

07 May 2025 03:15

Ҳайрат...

Каналга уланиш 👇:
https://t.me/joinchat/AAAAAFB59SM9yhwXJGeW_g

XazonRezgi (Official Channel)

07 May 2025 02:50

#хайрли_тонг

🍂 Aссалому алайкум!
Чоршанба тонги муборак бўлсин

Оилангизни бахт, омад ҳеч қачон тарк этмасин.

Соғ–саломат уйғотган Роббимизга ҳамдлар бўлсин!

Бошланган янги кун, барчамизга омадли келсин!

Каналга уланиш 👇:
https://t.me/joinchat/AAAAAFB59SM9yhwXJGeW_g

XazonRezgi (Official Channel)

06 May 2025 19:00

#ОСМОННИНГ_ОХИРИ

Муаллиф: Гулбаҳор Рахматуллаева (Хазонрезги)

Мени бу ёруғ оламда тутиб турган нажоткоримдан қандай айирмоқчисизлар? -деганларида бобожоним уларни уришиб бердилар:
- Бу нима деганинг, Обида? Тавба дегин? Маҳлиёга шунчалик куйиб, қолган болаларимизни шукрини қилиш ёдингдан чиқдими? Аллоҳимнинг иродасига қандай ҳам қарши чиқа олардик? Ўзи берди ўзи олди. Энди Маҳлиё гўрида тинч ётсин десанг, қизни отасидан жудо қилма. Ойгулга сен билан мендан кўра отаси ҳақлироқ,- дедилар ва ўзлари ҳам йиғладилар,- мен Ойгулни сендан кам яхши кўрмайман. Уни ўзимиздан узоқлашишини ўйласам юрагим вайрон бўлиб кетяпти. Аммо билиб қўй: Ойгулга бу ердан кўра отасининг ёнида бўлгани афзал. Шаҳарда ҳамма шарт-шароит бор. Қизимиз у ерда катта ўқишларда ўқийди. Ўзи истагандек шифокор бўлади. Бу ерда қолса биз унинг йўлига фақат тўғаноқ бўламиз холос. Ҳозирдан мункиллаб қанча ишга ярамаяпмиз. Ойгул мактабни битиргунча бормизми, йўқмизми?
Билиб қўй севги дегани фақат ўзини ўйлаш дегани эмас, ўзини фидо қила билиш ҳамдир. Ойгулни қанчалик севсанг, уни қўйиб юбор. Уям бахтли яшашга ҳақли...

- Тўғри,- дедилар бувижоним зорланиб,- аммо шу куёвингиз Жавлонни қилган ишидан кўнглим ёниб кетяпти. Сиз ҳудбин деб мени эмас, ўша куёвингизни айтинг.
Ёдингиздами? Маҳлиёни касали ошкор бўлганда Жавлонга ўласси ёлвордик: "Қизимизни беринг, уни ўзимиз бор-у йўғимизни тикиб даволатамиз" дедик. Аммо у қизимизни бизга бермади. "Усиз ўлиб қоламан" деб Маҳлиёгинамни ёнидан жилдирмади. Сиз-у мен эса болагинамнинг кундан- кунга сўлиб, сарғайиб адо бўлишига томошабин бўлиб туришдан бошқа иш қўлимиздан келмади. Сиз бўлсангиз ўша вақтдаям мени оғзимга урдингиз. "Қизинг эрини ёнида бахтли, уларни ўз ҳолига қўй" дедингиз. Қизимни ўз ҳолига қўйдим ва... ундан айрилдим.
Куёвингиз ўшандаям ўзини ўйлади. "Маҳлиёсиз яшай олмаяпман" деб ҳеч кимга қулоқ солмай Россияга кетди-ворди. Ҳатто жигарпораси Ойгул кўзига кўринмади-я? Ахир Ойгул Маҳлиёнинг омонати эди-ку?
Сиз яна ҳар доимдагидек Жавлонни тарафини олдингиз. "Уни тўғри тушун, қизингни шунчалар севар экан-ку, бутун бошли Тошкентга сиғмай кетяпти" дедингиз.
Мана кўринг севгини энди...

-28-

XazonRezgi (Official Channel)

06 May 2025 18:59

#ОСМОННИНГ_ОХИРИ

Муаллиф: Гулбаҳор Рахматуллаева (Хазонрезги)

Шу кундан эътиборан Ойгул Рустам билан янада яқин бўлиб қолди.
Улар то баҳор келиб полвонтепа қорлари эригунча вақтларини у ерда бир неча бор сирпанчиқ учиб ўтказдилар. Рустам учун Обида бувининг уйи ўз уйидек синашта бўлиб қолди.
Шохжаҳон эса Рустам суробини тўғрилаб қўйган кунидан бошлаб нафақат Ойгул, балки синфнинг бошқа қизларига қайтиб тишининг оқини кўрсатмади.

🍂

- Ойгул...

- Ҳа Рустам!?

- Бугун полвонтепага чиқайлик.

- Иложим йўқ, Рустам. Баҳор келганига томорқада ишлар кўпайиб кетди. Қарашмасам бўлмайди. Пиёзни ўтоқ қилишимиз керак.

- Бугун иккимиз полвонтепага чиқиб келайлик, кейин кечгача, эртага ҳам тушдан кейин ўтоққа қарашиб юбораман.
- Рустам, ростини айтсам бувим у ёққа бормагин деб тайинлагандилар. Уларнинг айтишлари бўйича ҳозир илонлар обдон захар йиғиб уйғонган пайт эмиш. Мен илондан жуда қўрқаман.

- Қўрқма, ёнингда мен борман-у. Юрақооол...

Ойгул жилмайди:

- Ҳа намунча юр, юр деб қолдинг? Сен бола бир нарсани ўйлаб қўйганинг аниқ!?

Рустам кўзларини айёрона қисди:

- Борсанг кўрасан.

- Майли. Борсам борақолай. Аммо айтиб қўяй ваъдангда туриб пиёзимизни ўташиб юборасан.

- Хўп, - Рустам ҳар сафаргидек Ойгулнинг папкасига қўл узатди,- бер бу ёққа.

Ойгул полвонтепага боргач оғзи очилиб қолди. Тепалик анвойи гул чечакларга бурканган эди.

- Вуууй... Бунча чиройлиии...

Рустам илжайиб бошини қашиди:

- Қалай ёқдими?

- Жудаям...

Ойгул тепалик томон югуриб кетди. У хилма-хил митти чечакларни авайлаб уза бошлади:

- Уйга олиб бориб гул вазага солиб қўяман

- Эҳтиёт бўл. Жуда ичкарига кирма. Бувинг айтганларидек рўпарангдан илон чиқиб мазанг қочиб қолмасин...

- Ҳооо... Сен борсан-ку? Ўзинг мени ҳимоя қиламан деб ваъда бердинг-ку? -Ойгул аста ортига қайтди,- мана бу ажойиб гул экан

- Бу гулнинг исми чучмома. Бунисини совунгул деймиз. Буниси эса...
Ойгул бирдан ғамгин тортди:
- Раҳмат, Рустам. Бугунги совғанг энг ажойиби бўлди. Сен билан полвонтепада сирпанчиқ учган пайтларимизни, бугунги кунни, бувижонимникида бирга ўтказган соатларимизни ҳеч қачон унутмайман.
Ўз уйимга қайтиб кетганимда ҳам доимо эслаб юраман.
- Нима?- эсанкираб қолди Рустам,-сен... Сен уйингга қайтиб кетасанми?
- Ҳаа...-ҳўрсинди Ойгул,- дадам Россиядан қайтиб келяптилар. Мактаб тугаши билан мени олиб кетарканлар.
Рустам бироз жим қолди. Сўнг умидвор оҳангда сўради:
- Шу ерда қолсанг бўлмайдими, Ойгул? Ахир мактабимизга ўрганиб қолдингку? Дилдора Тўлагановна ҳам сени "Энг аълочи ўқувчим" деб ҳар доим мақтайдилар.

-26-

XazonRezgi (Official Channel)

06 May 2025 17:23

#талаб_ва_истакларига_кўра

#КЎНГИЛ_ИФОРИ романини бир нафасда бошидан охиригача тўлиқ ўқишни истаганлар учун таклиф 👇

/channel/xazonrezgionlayn/23
/channel/xazonrezgionlayn/23

XazonRezgi (Official Channel)

06 May 2025 17:20

#КЎНГИЛ_ИФОРИ

Ҳилола таъкидлагандек кўп ўтмай Мастура опа дона- дона терлай бошлади. Ҳилола унинг сочлари ва пешоналарини юмшоқ дока билан артиб қўя бошлади. Устига эса енгил чойшаб ташлади. Шу алфозда ўн беш - йигирма дақиқача ўтгач Ҳилола остонада ўтирган эрини чақирди.

- Сулаймон ака ёрдамлашворинг.

Улар Мастура опанинг эҳтиёткорлик билан кийимларини алиштириб олдилар . Сўнгра тердан жиққа хўл бўлиб кетган чойшаб ва ёстиқ жилдларини ҳам .

- Сулаймон ака . Бояги иситма тушурадиган дори пешоб ҳайдайди. Ойижонни ...

Сулаймон барини тушунди. У Ҳилола ёрдамида ҳолсизлик ва уйқу сабаб кўзларини оча олмаётган ойисини эҳтиёткорлик билан тувакка ўтказди ва йиқилиб тушмаслиги учун маҳкам қучди.

Сулаймон ойижонисини қайта ўринга ётқизгач , Ҳилола унинг устига юпқа чойшаб тортди.

- Сулаймон ака , сиз энди бориб ухланг. Мен яна бироз шу ерда бўламан

Сулаймон унга савол назари билан боққан эди , Ҳилола гапни калта қилди :

- Эртага ўқишга бормайман.

Сулаймон индамай чиқиб кетди.

Сулаймон чиқиб кетгач Ҳилоланинг кўзи Маҳина аммага тушди. У ғужанак бўлганча жимгина тилини ютиб ўтирар эди.

- Аммажон , сиз туззукмисиз ? Қон босимингиз ошган кўринади.

Ҳилола зумда амманинг қон босимини ўлчади.

- Бирозгина ошган . Аммо жуда ваҳима қиладиган даражада эмас.

Ҳилола Маҳина амманинг кафтига яримта дори тутди.

- Буни ичиб олинг .

Амма дорини ичиб олгач бу сафар каттароқ дори берди.

- Бунисини тилингизнинг тагига ташлаб шимиб ётасиз .

Ҳилола қайнотасига бурилди :

- Додажон , бемалол чўзилиб ётиб олинг . Ойижоним тинчланиб уйқуга кетдилар . Ҳавотир олманг.

Ҳилола шундай деб чироқни ўчирди. Қоронғида эшик бир очилиб ёпилди . Мирсаид ака келинини чиқиб кетди дея гумон қилиб оёқларини чўзди.

Бомдодга айтилган азон овозидан кўзини очган Мирсаид ака ҳовлига отланди- ю , ғира - ширада Мастуранинг оёқларини қучганча ўтирган кўйи кўзи илинган Ҳилолага кўзи тушиб ҳайратда қотди. У аста йўталиб келинини уйғотмоқчи бўлди-ю , аммо тезда бу фикридан қайтди :

- Ҳозир уйғонса ошхонага чиқиб ғимир- ғимирини бошлайди. Ундан кўра бироз бўлса-да ором олсин ...

Мирсаид ака овоз чиқармасликка тиришиб хонани тарк этди...

* * *
Эртаси куни Мастура опа ҳар кунгидан бошқачароқ уйғонди. Гўёки у Мастура опа эмас , бошқа аёл билан алиштириб қўйилгандек эди.
У эрта сахардан Ҳилолани шошилтириб юборди.

- Ҳилола , қорним жуда очқаб кетди. Илтимос , тезроқ нонушта тайёрлаб беринг .

Ҳилола , оғзим тахир бўлиб кетди . Йогурт илидими?

Ҳилола, шўрвани дони пишмаган бўлса ҳам сувидан олиб келинг.Кўнглим беҳузур бўлиб кетяпти ?

Ҳилола, Маҳина аммангиздан сўраб уларникига ўхшатиб атала пишириб беринг.

Ҳилола , Мастубага қўнғироқ қилинг, йўлга тушмаган бўлса Фарҳод бозорининг бурчагидаги "бозор хонимдан" тўртта олиб келсин.

Ҳилола шу куни ошхона ва қайнонаси ётган хонанинг ўртасида югур- югур қилавериб оёғи чалишди. Бироқ шунга қарамай кайфияти жуда чоғ эди :
"Ойижоним иштаҳага киряптилар, бу яхшиликдан дарак, насиб қилса тез кунларда соғайиб кетадилар"- дея ўйлади у
Бироқ Ҳилоладан фарқли равишда Мастура опа таом сўраган ва иштаҳа билан еган сари Маҳина амманинг кайфияти тушиб борар эди.

Маҳина амма кечга бориб ёрилди. У атала учун қўй ёғини жазлай туриб хўрсинди:
- Бошланди...
- Нима бошланди , аммажон ?! - Ҳилола аммасининг ҳурсанд бўлиш ўрнига тушкунликка тушаётгангишини ҳазм қила олмай сўради

- Қадимгилар "Ёришиб ёққан ҳаводан қўрқ!" дейишган. Мастураойнинг ҳам бу даражада иштаҳага кириши яхшилик аломати эмас.

- Воой , нега ?! - бўшашди Ҳилола , - ахир еганлари яхши эмасми ?! Тезроқ куч тўплаб дармонга кирадилар.

- Айтишларича куни битаётган инсон бу дунёдаги пешонасига ёзилган ризқини иложи борича тезроқ еб олишга шошилар экан. Шу сабаб у атрофдагиларни ҳам шошилтирар экан. Гапларим рост бўлса кўрасиз, Мастураой қачонлардир ўзи севиб еган кўча таомларини ҳам сўрай бошлайдилар. Раҳматли чолимдаям шунақа бўлганди.

@Xazon_Rezgi /98

XazonRezgi (Official Channel)

06 May 2025 16:15

Ёнди 🙈☺️

/channel/Xazon_Rezgi

XazonRezgi (Official Channel)

06 May 2025 14:38

​​#Ҳаётий_ҳикоя

ОҚИБАТ

Ака тиришқоқ эди. Ака яхши топарди . Ука эса яхшигина боқибеғам эди. Тўғри-да , жонини койитиб нима? Акаси бор-ку! Хамма нарса ҳоҳлаган вақтида муҳаййё .
Ака бирон марта ўзига ўзи савол бермасди .Нима учун фақат мен ҳаракат қилишим, ишлаб топишим , таъминлашим керак деб . Бахтига аёли ҳам ўзига ўхшаган диёнатли чиқди.
Шу зайлда кунлар ўтди . Ука ҳам уйланди, бола-чақа орттирди. Тенг-тенги билан, ўхшатмасдан учратмас деганларидек, келинпошша худди уканинг ўзи, яъни аёл нусҳаси бўлди.
Йиллар ўтди. Канвойилар айтганларидек, замона айланиб "бошлар оёқ , оёқлар бош " бўлди. Ҳақиқатдан ҳам ... оёқлар бош бўлди.
Кунларнинг бирида ака оғир касалга учрагани маълум бўлиб қолди. Ҳарчанд беркитмасин бу ошкор бўлиб кетди. Аввал бошда билинмади, аммо вақт ўтган сари аканинг бор жамғарган пулларининг охири кўрина бошлади. Ҳеч ким касал бўлмасин экан. Касаллик ўзи бир дард бўлса, бошқалардан бетни шилиб бирон бир ёрдам сўраш иккинчи дард бўлар экан.
Ака касалхонада. Ука хабар олиб турибди . Эл қатори. Бирон нарса керак бўлса айтинг дейди тил учида. Унинг бу мулозамати аканинг кўзини ёшлайди. Шунча қилган меҳнатимни билди-я, дейди ўзича рози бўлиб ва ҳеч нарса керакмаслигини , керак нарса бу унинг ўзи, яъни ука эканлигини айтади. "Худога шукр !" Бу уканинг сўзлари . Ука руҳсат олиб ортга қайтади.
Бўлмади. Аканинг аҳволи оғирлашганда , унинг аёли минг истихола билан унинг ёнига қарз сўраб борди.
-Икки хафтада қайтарамиз, боқувдаги иккита буқамиз бор-ку , ўшаларни сотиб пулини олиб келиб беради жиянларингиз,- дейди янга ўғилларини тўйига атаб бораётган буқалари эсига тушиб ва баҳона топганидан қувониб.
Ука айтилган миқдордаги пулни индамай олиб чиқиб янгасига тутқазди. Янга қувонганича касалхонага жўнади.
Аканинг аҳволи шунча муолажадан кейин ҳам ўнгланиши қийин бўляпти.
Эрта сахардан жиринглаган эшик қўнғироғидан янга бир сакраб тушди.
- Ишқилиб тинчлик бўлсин-да! Катта ўғли отасининг олдида эди...
Эшикни очганда қайнисининг авзойини кўриб талмовсиради. Ўзида йўқ ука эса салом-аликсиз :
- Кеннойи , сизларда лафз борми ўзи ? Нима дегандингиз ? Кеча кечгача кутдим. Ахир кеча мол бозорга тушиб новвосларингизни сотиб, қарзингизни қайтаришингиз керакмасмиди ? Ўзингникидан топ деганлари шу экан-да а? Мен яна бир хафта мол бозор очилиб , молингизни сотиб, пулимни қилиб беришиингизни кутолмайман. У ер- бу ердан тўғрилаб беринг . Аборотдан қолиб кетяпман,- деди- ю, терс бурилиб , йўлига равона бўлди.
Эшикка беҳол суянганча , қайнисининг ортидан термулиб қолган янганинг кўзларидан милт-милт ёш қуйиларди. Янга бир ўзи йиғламаётганди . Унинг ёнида неча йиллик ҳамроҳ -" ОҚИБАТ" кўз ёш тўкарди...

Хазонрезги

Каналга обуна бўлиш 👇
https://t.me/joinchat/AAAAAFB59SM9yhwXJGeW_g