-
عريان سيد خلف للتواصل مع المدير @Go56d للتواصل مع الادمن @kk_100
يرد بيه الوداد بچلمة شلونك !
يمفحط الفكر والبال خيعونك !
انا يا دهر مو شچاي للحال.. "
ولا ضاگت عليه ورايد العون..
انه مدوخ الوكت بمطاول البال"
وانه وصفة صبر لمن يجزعون..!
_عطا السعيدي 🤎🕊️
ظرفـك سهـل ماينـقاس ويّ ظـرفيَ
جرحك عـيـن الأبره وجرحـي عـين ألبـوم
مفتـش ليلـه كـله ومارضـه يغفي..
سعد شميل
غبشت بليل انا المشتاك
عندي وي الجرح موعد
كاظم اسماعيل الكاطع
اذا حبيت أي انسان من بعيد…
خله بعيد لا تتقرب تحاول !
إني خيرتُكِ فاختاري
ما بينَ الموتِ على صدري
أو فوقَ دفاترِ أشعاري
إختاري الحبَّ أو اللاحبَّ
فجُبنٌ ألا تختاري
لا توجدُ منطقةٌ وسطى
ما بينَ الجنّةِ والنارِ
إرمي أوراقكِ كاملةً
وسأرضى عن أيِّ قرارِ
قولي. إنفعلي. إنفجري
لا تقفي مثلَ المسمارِ
لا يمكنُ أن أبقى أبداً
كالقشّةِ تحتَ الأمطارِ
إختاري قدراً بين اثنينِ
وما أعنفَها أقداري
مُرهقةٌ أنتِ وخائفةٌ
وطويلٌ جداً مشواري
غوصي في البحرِ أو ابتعدي
لا بحرٌ من غيرِ دوارِ
الحبُّ مواجهةٌ كبرى
إبحارٌ ضدَّ التيارِ
صَلبٌ وعذابٌ ودموعٌ
ورحيلٌ بينَ الأقمارِ
يقتُلني جبنُكِ يا امرأةً
تتسلى من خلفِ ستارِ
إني لا أؤمنُ في حبٍّ
لا يحملُ نزقَ الثوارِ
لا يكسرُ كلَّ الأسوارِ
لا يضربُ مثلَ الإعصارِ
آهٍ لو حبُّكِ يبلعُني
يقلعُني مثلَ الإعصارِ
إنّي خيرتك فاختاري
نزار قباني
لا تسأل شجاباني
كل هذا التعب وتگلي المن جاي
لو زايرلي ميت چا اتلگاني
أحمد نصير
لگينا الدِنيا
ما تنحَب
حِزن ودروب
ما تِنطب
دربَ مَكتوب
بي نبچي
ودربَ مَكتوب
بي نتعَب .
زعلي هلمره ثگيل لا توديلي غريب
على المرَاضه ولا گرايب
انا منك ما رضيت
المن مودِيلي غريب يصالحك وياي
خايب رخصت روحك ولك
اغلى لا ينكال عني چان عاشگلة رخِيص .
انتهت يل فتحت رياجي عله اسماك. هضيمه تعود الساني عله اسماك
بعد لو تنطبك كاعك عله سماك
فلا صحلك رفج لحضات بيه
كرم السراي
محمد الغريب ..
ترك الشاعر محمد الغريب بصمة لن تتكرر على خريطة الشعر العراقي، فلم يقلد أحداً ولن يستطيع أحد تقليده، كانت قصائده كائنات حيّة، فأنت تتمكن من سماعها كل يوم دون ملل كما تلتقي إنساناً كل يوم دون ملل.
وما أجمل هذا النص للراحل أبو سمر :
وين چنتي
وليش متأخرة عليّ كل هالسنين
وليش ما طيفچ إجه وفزّز صفنتي
وين چنتي
گبل تسع سنين مرّيتي اعلى عيني وما وگفتي
ليش من دگ الجرس ماصارن اعيونچ فرصتي
ليش من كف العمر هسه ظهرتي
وين چنتي
ياملك شيطان وتلبس ابجثتي
يادمع خسران ويثلّم وجنتي
يا ألم لف روحي سچين بخصرتي
وين چنتي
ليش ما جيتي گبل لاتوصل الفضة لگذلتي
وليش من عبرن محطاتي ركبتي
وليش فتحتي لمن ذبلت وردتي
والله لو عندي بخت چا لمچ من سنين بختي
وين چنتي
چان هسه دموع ماكو وخابصة العالم ضحكتي
و چان هسه همومي ميته
وعافيه بوجنة فرحتي
وين چنتي
وليش متعطله وصلتي
وين چنتي
#قلم
هَـلا بالعِندي يسواا عدال ميـه
بچفَن و اتنطَره يسلـم عَليـه
من درت وجهك ..وأمانك شـٓح عليه
خوفة الكاتل خَفت حتـى من أديه
علي مهدي
هاي هية
انه ظالم روحي بيدي وما على الظالم خطية... "
هيه عدهه انسان غيري وانـه رايدهه هيه
هايهيه ؟
مسرحية الكبير كاظم اسماعيل الگاطع
والله اعتبرها مسرحية او مسلسل عظيمة جداً
(سفرة مجانين)
جربت مرّة
وبعدها زنجر بگلبي القفل
يوم حب بارد جمعنه.. وعرفت
ما نشتعل
ردت اجيب الروح كوه
البيتك المسكون
لكن ما رضت دكت رجل
كانت الشرفه كمين
وخوفي من عدها يطل
كل شي بيها مو حقيقي
حتى هذا الگمر لعبه
من خلص دوره وطلعنه
نزلوه اهله بحبل
النوارس
مو طبيعيه النوارس
كل مهمتها تفرح الناس
وتبچي الجرف من تنكتل
ابيتك المسكون مجلوبه النوارس
على الناس جناحها يرامي نبل
والتماثيل اتحرك
وعلى طعنات السيوف
الحجر يضحك
وعلى الما يسوه تطيح الروس جمله
والشوارب تنفتل
الطيور ملثمه اباب الحدايق
بينهن ثارات ودموم وفصل
الساجيه البيتك عليها
مو مثل باقي السواجي
شكد عجيبه الساجيه البيتك عليها؟
ميها.. كل كطره شكل
شحصّل الكبلي وجي البيتك
وخدمه؟
ومثل الكلوب اشتعل
الشمس ترجع لاهلها
العصر عميه
اثيابها بطين الحدايق تنغسل
كل حصيلة ذكرياتك
كاتل ومكتول صرنه
والحقد بيناتنا همزة وصل
آه يا الكلك تناقض
خدك وكلبك عجايب
صوره مو طبق الاصل
خدك بلون الوفر ليلة ضباب
وكلبك بلون الكحل
وجان همك تستغلني
وغصن المكابر بروحي ترشّه ذل
وصرت باعيادك مغنّي
وصرت باعراسك طبل
وكاس واحد
مره من صحتك شربته. اسنين
خلاني اثمل
وشرد اكل للعيروني
واستحي وهسه آنا شايب
مهرتي حجلة طفل
وهي فصلين الروايه
وانتهى اول فصل
والف هنيالك عليه الفصل الاول
جان تعذ يبه سهل
هسه آنا وياك والبر
سفرة مجانين حره وانتهى
دور العقل
اثنينه بهاي الجزيره
لاشهود\ ولا قيود\ ولامثل
نمشي
ومغمضين نمشي
بالرمل غرّز جدمنه
ردنه نطلع ما كدرنه
وآه من يلتف على الساك الرمل
يوم مر.. ويوم ثاني
وما يسمعك هالرمل لو
كلت حل
يوم ثالث.. يوم رابع
والعطش والجوع اخذنه
والدمع ما ينشرب
والرمل ما ينوكل
يوم خامس-يوم سادس
وما نلحك على السابع يمكن
وبي نحتفل
وبعد شيفيد اعتذارك؟
ينقبل- ما ينقبل
بالسمه الغربان باعتنه وشرتنه
وقسمتنه نصير جم وجبة اكل
كتلك بيتي بيتي بيتك وانتَ راعي البيت
دموعك من تطيح يطيحن بخدّي.. "
لو كرصة تضل اقسمها انه وياك..!
احط برحي بسفرتك واكل الزهدي.."
غدة بيتي انكله بجدر مو ماعون!
ويكلي انزل تغدّه وكتله متغدي..
_سمير صبيح 🤎🕊️
دليني بدرب ما الك خطوة وياي
لاحگني بخيالك بيش تطلبني ؟
سمير صبيح
اذا تسئل عليّ مسموح
بذاك الصوب حايط بيتنا المجروح
حلو ومتعوب ياشوفته ترد الروح
تجي خطار مو ينفتح باب البيت
تلگى شچم گلب مفتوح
اوعدك بس تجي متروح
ضعنه ولا يصح نادر ، يدلينه اعله اسامينه ."
ناصر البدري
اتذكرت تاجر اعرفة
كلي من تبيع روحك مرني بلكت اشتريك
وتمت الصفقة وشراني...
وكام يمليني بشروطه
ما اريد وما اريد"
وما أريد ايدك طويلة كتله اكصرهن..!واجيك وطيرتها من المتن "
ورجعت ابشره وانذهل ها وين اديك ؟
_الكاطع🤎🕊️
دخان المَزابل يطم عين الكون
لجن عود البخور الحلفوا ببخته...!
_سعد البهادلي🤎🕊️
شضل بعد بالدلال حتى اتطلب تهيد شوفي بجفاك انعاب شتوچد الايد
Читать полностью…