Вясна / Правы чалавека ў Беларусі

26 October 2025 14:43

📍Паведамляйце «Вясне» пра затрыманні, ператрусы і «выклікі на размову»

Мы збіраем і захоўваем факты пераследу, што асабліва важна ў цяперашніх умовах.

Па жаданні, ваша інфармацыя можа застацца непублічнай. Вы таксама можаце перадаць такія звесткі праз вашых сяброў, што жывуць за мяжой.

@ViasnaSOS | @viasnainfo| @viasna_bot

Вясна / Правы чалавека ў Беларусі

26 October 2025 11:42

“Трэніроўкі лічыліся спробай да ўцёкаў”, — былы палітвязень пра СІЗА-2

Відэааператара і журналіста Вячаслава Лазарава асудзілі да пяці з паловай гадоў пазбаўлення волі. Ён распавёў, як можна было займацца спортам у камеры віцебскага СІЗА.

"Я доўга хварэў, таму што быў адзіным, хто не паліць у камеры, — кажа Вячаслаў. — Узімку вокны не адчыняюць, і ў тым ліку праз гэта ходзіць шмат вірусных інфекцый. Я спрабаваў неяк аднаўляцца, пачаў гартавацца, займацца спортам. Праўда, гэта можна было рабіць толькі ў "сляпой зоне" камер, бо трэніроўкі лічыліся спробай да ўцёкаў. Я і праўда быў гатовы бегчы, калі б была такая магчымасць. Я нават даведаўся як запалкамі адкрыць кайданкі, запамінаў калідоры, каб паспрабаваць знайсці шчыліну.

Гэтыя думкі дапамагалі мне падтрымліваць сябе: складана вытрываць адчуванне бездапаможнасці. І можна пераступіць праз многае, што адбываецца з намі, але самае цяжкае — што ты не можаш уплываць на тое, што робяць з блізкімі".

Чытаць размову цалкам 👉spring96.org/be/news/118947

Вясна / Правы чалавека ў Беларусі

25 October 2025 16:31

🌿Падтрымаць «Вясну» стала яшчэ прасцей!

Мы абараняем правы чалавека ў Беларусі ўжо амаль 30 гадоў. Нягледзячы на ўсе перашкоды і цяжкасці, «Вясна» працягвае працу на карысць людзей. Нам патрэбная вашая падтрымка!

Мы сабралі ўсе магчымыя спосабы дапамогі на адной старонцы: donate.spring96.org.

Не заставайся ў баку — ахвяруй на дзейнасць праваабаронцаў!

Вясна / Правы чалавека ў Беларусі

25 October 2025 13:43

"Мог зараджаць усіх пазітывам". Сукамернік пра палітвязня Уладзіміра Кнігу

Былы сілавік і валанцёр каманды Святланы Ціханоўскай Уладзімір Кніга ўтрымліваецца за кратамі больш за пяць гадоў. Былы палітвязень Алег Краўцоў распавёў "Вясне" пра знаёмства з Уладзімірам у гродненскай турме № 1.

"Кожны вечар ён рыхтаваў моцны чай для ўсіх жадаючых у камеры і запрашаў далучыцца. Людзі збіраліся і станавіліся ля стала. Вова заўсёды пачынаў чаяванне са словамі "Сёння быў выдатны дзень...", далей ён пералічваў тыя падзеі, якія адбыліся за гэты час. Гэта стала такім добрым рытуалам, калі можна было пачуць словы, якія ўсяляюць надзею і ўпэўненасць у заўтрашнім дні. А сканчаў ён сваю прамову словамі: "Быць дабру!", а мы яе паўтаралі, пасля чаго Вова частаваў усіх свежазапаранай гарбатай. Хоць у яго былі свае праблемы, ён усё роўна мог зараджаць усіх пазітывам. Гэта дарагога каштуе".

Вясна / Правы чалавека ў Беларусі

24 October 2025 19:27

😱КДБ заблакаваў у Беларусі Укантакце

«На падставе прадстаўлення Камітэта дзяржаўнай бяспекі доступ да інфармацыйнага рэсурсу абмежаваны. Працягласць абмежавання на дадзены момант невядомая», — каментуе Дзяржаўная інспекцыя па электрасувязі, заўважыла “Наша Ніва”.

У спіс для абмежавання доступу яго ўнеслі 24 кастрычніка. У Беларусі ўжо сацсетка не адкрываецца.

UPD. БелДІЭ выдаліў «Укантакце» са спісу заблакаваных сайтаў. Доступ аднаўляецца.

Вясна / Правы чалавека ў Беларусі

24 October 2025 16:27

Следчы камітэт распачаў спецвытворчасць супраць Вадзіма Крывашэева

У верасні 2020-га Вадзіма Крывашэева звольнілі з пасады дырэктара РЦАП па фрыстайле за "дрэнную ідэалагічную працу ў калектыве". Ён з'ехаў з Беларусі. Цяпер супраць яго распачалі крымінальную справу паводле некалькіх артыкулаў Крымінальнага кодэкса Беларусі: ч. 3 арт. 426 (перавышэнне ўлады або службовых паўнамоцтваў), ч. 1 арт. 357 (змова або іншыя дзеянні, здзейсненыя з мэтай захопу ўлады), ч. 3 арт. 361 (заклікі да прымянення санкцый або іншых дзеянняў, шкодных для нацыянальнай бяспекі), ч. 3 арт. 361-1 (стварэнне або ўдзел у экстрэмісцкім фармаванні).

Следчыя заклікаюць Вадзіма Крывашэева з’явіцца ў Следчы камітэт.

🔗Хроніка рэпрэсій 👉spring96.org/be/news/118948

Вясна / Правы чалавека ў Беларусі

24 October 2025 14:33

Следчы камітэт распачаў спецвытворчасць супраць Дзмітрыя Баніта

40-гадовага Дзмітрыя абвінавачваюць паводле пяці артыкулаў Крымінальнага кодэкса: ч. 1 арт. 130 (распальванне іншай сацыяльнай варожасці або варажнечы), арт. 369 (абраза прадстаўнікоў улады), арт. 364 (гвалт у дачыненні да міліцыянтаў), арт. 188 КК (паклёп), арт. 230-1 (незаконныя дзеянні ў дачыненні інфармацыі аб прыватным жыцці і персанальных даных).

Мужчыну запрашаюць вярнуцца ў Беларусь і прыйсці ў Баранавіцкі міжраённы аддзел Следчага камітэту.

Вясна / Правы чалавека ў Беларусі

24 October 2025 13:40

❗️Вячаслаў Лазараў : «На прамзоне я бачыў больш здарэнняў, чым за ўсё жыццё»

Відэааператара і журналіста Вячаслава Лазарава затрымалі ў 2023 годзе. Яго асудзілі да 5,5 гадоў пазбаўлення волі, а яго жонку Таццяну Пыцько — да трох гадоў калоніі за супрацу з «Белсатам». Дачка пары, якой на той момант быў адзін год, знаходзілася ў органах апекі і бабулі. Нядаўна Вячаслава вызвалілі і прымусова перамясцілі на тэрыторыю Літвы.

Ён распавёў «Вясне» пра сваё затрыманне і час, праведзены ў калоніі.

«Калі я ўбачыў вялікія аўтобусы і знаёмыя твары, не змог стрымаць слёз. Ужо потым высветлілася, што ў нас няма ніякіх дакументаў, але вялікі дзякуй літоўскаму боку, які пайшоў нам насустрач у гэтым пытанні. Вядома, цяпер я адчуваю адказнасць за тых, хто там застаўся. Мне пашчасціла выйсці — а там засталіся людзі, якіх трэба вызваліць у першую чаргу. Таму трэба дапамагаць ім, хто як можа. Рэчы, якія тут нічога не каштуюць, дорага каштуюць там — пра гэта трэба памятаць».

Вясна / Правы чалавека ў Беларусі

24 October 2025 11:00

📍Паведамляйце пра перавод на турэмны рэжым і новыя крымінальныя справы супраць палітвязняў

Калі палітвязні трапляюць у калоніі, ціск на іх працягваецца: іх пазбаўляюць званкоў, спатканняў і перадач, змяшчаюць у штрафны ізалятар (ШІЗА) або памяшканне камернага тыпу (ПКТ). На палітвязняў «вешаюць» шматлікія парушэнні, за што іх пераводзяць на турэмны рэжым або ўзбуджаюць новыя крымінальныя справы па арт. 411 Крымінальнага кодэкса (злоснае непадпарадкаванне патрабаванням адміністрацыі папраўчай установы).

Праваабаронцам вядома пра як мінімум 115 палітзняволеных, якіх перавялі на турэмны рэжым і пра яшчэ 73 чалавекі, якіх асудзілі паводле арт. 411 КК.

🌿Калі вам вядома пра палітвязняў, якіх працягваюць пераследаваць у калоніях, — калі ласка, пішыце праваабаронцам на @ViasnaSOS, @Viasnainfo

Вясна / Правы чалавека ў Беларусі

23 October 2025 17:01

Facebook-старонка адваката Алеся Міхалевіча прызнаная «экстрэмісцкай»

Адпаведнае рашэнне было прынятае судом Горацкага раёну 15 кастрычніка.

Таксама «экстрэмісцкі спіс» папоўнілі Telegram і YouTube-каналы «Re:BELarus», сайт і старонкі ў сацсетках ініцыятывы «Sveriges Belarusier/ Беларусы Швецыi», а таксама Telegram-каналы «Літарка» і «Толькі анонсы».

Вясна / Правы чалавека ў Беларусі

23 October 2025 15:00

📍Паведамляйце «Вясне» пра затрыманні, ператрусы і «выклікі на размову»

Мы збіраем і захоўваем факты пераследу, што асабліва важна ў цяперашніх умовах.

Па жаданні, ваша інфармацыя можа застацца непублічнай. Вы таксама можаце перадаць такія звесткі праз вашых сяброў, што жывуць за мяжой.

@ViasnaSOS | @viasnainfo| @viasna_bot

Вясна / Правы чалавека ў Беларусі

23 October 2025 13:05

Як розгалас пра жудасныя ўмовы ўтрымання людзей з «нізкім статусам» палепшыў іх жыццё

Пасля таго, як вызваленныя з ПК-22 сталі распавядаць пра бесчалавечныя ўмовы, у якіх знаходзяцца людзі з так званым «нізкім статусам», гэтым людзям стала крыху прасцей жыць.

«Апошнім часам стаўленне да іх пачало мяняцца. Раней у іх была асобная паліца ў бібліятэцы — і калі звычайны зняволены возьме кнігу з яе — то мог сам атрымаць “нізкі статус”. Цяпер яны могуць браць агульныя кнігі, толькі наведваюць бібліятэку апошнія, калі там нікога няма. Для іх зрабілі асобнае памяшканне для прыёму ежы, дзе можна разагрэць сабе што кіпяцільнікам ці заварыць кавы. Апроч таго, раней ім не дазвалялі мыцца ва ўмывальніках — нават не ведаю, як яны раней давалі гэтаму рады. Цяпер вылучылі два крайніх умывальнікі, аднак яны могуць заняць іх толькі ў час, калі там нікога няма».

Вясна / Правы чалавека ў Беларусі

23 October 2025 10:15

🇪🇺«Супастаўныя з маштабам рэпрэсій сталінскага перыяду». Еўрапарламент прыняў Рэзалюцыю па Беларусі

Еўрапейскі парламент прыняў Рэзалюцыю па сітуацыі ў Беларусі праз пяць гадоў пасля фальсіфікацыі вынікаў прэзідэнцкіх выбараў.

📍«Рэжым Лукашэнкі ад самага пачатку свайго існавання быў адзначаны наўмысным разбурэннем нацыянальнай ідэнтычнасці беларусаў і беларусак, уключна з іх мовай і культурай»;

📍«Пераследы і рэпрэсіі пры рэжыме Лукашэнкі дасягнулі ўзроўняў, супастаўных з маштабам рэпрэсій сталінскага перыяду, а ў некаторых адносінах і пераўзыходзяць яго, што фактычна прывяло да знішчэння свабоды выказвання меркаванняў і думкі»;

📍«Еўрапарламент вітае рашэнне Літвы перадаць пытанне аб сітуацыі ў Беларусі на разгляд пракурора Міжнароднага крымінальнага суда, каб пачаць расследаванне злачынстваў супраць чалавечнасці, учыненых рэжымам Лукашэнкі, і заклікае іншыя дзяржавы падтрымаць гэтую ініцыятыву».

Чытаць па спасылцы 👉 https://spring96.org/be/news/118940

🌿Чытаць з Беларусі праз сайт-люстэрка

Вясна / Правы чалавека ў Беларусі

23 October 2025 09:03

Рабочага з Мікашэвічаў асудзілі па чатырох палітычных артыкулах і назвалі «тэрарыстам»

Палітзняволенаму Ігару Калуеву 51 год. Ён з Мікашэвічаў. Мяркуючы па сацсетках, мужчына працаваў на розных рабочых спецыяльнасцях у родным горадзе. Ігар любіць жывёл — у сацсетках ён рэгулярна рэпосціў аб'явы пра тое, як ім дапамагчы. Таксама ён рэпосціў навіны з грамадска-палітычных паблікаў.

Ігара Калуева затрымалі ў лістападзе 2024 года. Яго асудзілі ў Брэсцкім гарадскім судзе па чатырох артыкулах — «уваходжанне ў склад экстрэмісцкага фармавання» (ч. 3 арт. 361‑1 КК), «заклікі да санкцый ці іншых дзеянняў, накіраваных на прычыненне шкоды Беларусі» (ч. 3 арт. 361 КК), «абраза прадстаўніка ўлады» (арт. 369 КК) і «абраза Лукашэнкі» (ч. 1 арт. 368 КК).

Сутнасць абвінавачанняў невядомая, але амаль напэўна звязаная з ягонай актыўнасцю ў сацсетках, піша «Наша Ніва». Дакладны прысуд Ігару таксама невядомы, але звязаны з пазбаўленнем волі.

А нядаўна Калуева дадалі ў спісы «экстрэмістаў» і «тэрарыстаў».

Вясна / Правы чалавека ў Беларусі

22 October 2025 15:52

❗️Пяцёх жыхароў Навагрудку асудзілі да калоніі па «справе дваровых чатаў»

У Гродзенскім абласным судзе 21 кастрычніка агучылі прысуд пяцём палітзняволеным: Таццяне Палубок, Вользе Аляшкевіч, Ігару Хіневічу, а таксама мужу і жонцы Аляксандру і Ірыне Лебедзь.

Паводле звестак «Вясны», іх прызналі вінаватым паводле ч. 3 арт. 361-1 КК (стварэнне экстрэмісцкага фармавання альбо ўдзел у ім) і прызначылі па 2,5 гады зняволення кожнаму і кожнай, а таксама штрафы памерам 800 базавых велічыняў.

Палітзняволеных затрымалі па «справе дваровых чатаў» год таму. Таксама «Вясне» вядома, што ў Беларусі скончыліся яшчэ два суды па гэтай справе, амаль усе фігуранты былі асуджаныя да пазбаўлення волі.

Чытаць па спасылцы 👉 https://spring96.org/be/news/118935

🌿Хроніка палітычнага пераследу

Вясна / Правы чалавека ў Беларусі

26 October 2025 12:31

🌿Падтрымаць «Вясну» стала яшчэ прасцей!

Мы абараняем правы чалавека ў Беларусі ўжо амаль 30 гадоў. Нягледзячы на ўсе перашкоды і цяжкасці, «Вясна» працягвае працу на карысць людзей. Нам патрэбная вашая падтрымка!

Мы сабралі ўсе магчымыя спосабы дапамогі на адной старонцы: donate.spring96.org.

Не заставайся ў баку — ахвяруй на дзейнасць праваабаронцаў!

Вясна / Правы чалавека ў Беларусі

26 October 2025 10:36

📄 Што пачытаць у нядзелю? Сабралі для вас галоўныя матэрыялы «Вясны» за тыдзень:

🔹Дзень бацькі за кратамі: распавядаем гісторыі палітзняволеных мужчын

🔹Былы палітвязень ПК-22: "За ўсё лета я толькі аднойчы змог купіць цыбулю"

🔹Палітвязня Аляксея Галаўко асудзілі за "злоснае непадпарадкаванне адміністрацыі калоніі"

🔹Абраныя лаўрэаты прэміі "Голас пакалення свабоды" – 2025

🔹Андрэй Пачобут узнагароджаны прэміяй імя Сахарава

🔹"Супастаўныя з маштабам рэпрэсій сталінскага перыяду". Еўрапарламент прыняў Рэзалюцыю па Беларусі

🔹"Сістэма адыгрываецца на ім". Сукамернік распавёў пра Уладзіміра Кнігу

🔹Палітвязень Вячаслаў Лазараў : "На прамзоне я бачыў больш здарэнняў, чым за ўсё жыццё"

💵Падтрымаць «Вясну» 👉 donate.spring96.org

Вясна / Правы чалавека ў Беларусі

25 October 2025 14:50

"Ты супрацоўнічаеш з "Белсатам"? — Яны пра мяне кепскія рэчы пісалі"

У ПК-15 дадаткова ціснуць на журналістаў, якія там апынуліся. Пра гэта распавёў былы палітвязень Вячаслаў Лазараў.

"Калі мяне прывялі да начальніка калоніі, я пачаў размаўляць на беларускай мове, але мяне выгналі, — успамінае мужчына. — Так адбывалася пяць разоў запар. Потым начальнік калоніі сказаў: "Ты супрацоўнічаеш з "Белсатам"? — Яны пра мяне кепскія рэчы пісалі. Ты ведаеш, што калі табе на вочы патрапіць вадкасць для апрацоўкі дрэваў — ты застанешся сляпым? Ага, у цябе задраны каўнерык — значыць, 15 сутак". Так я ўпершыню трапіў у ШІЗА, з якога не вылазіў: за першыя паўгода я правёў там 80 дзён".

Чытаць размову цалкам 👉spring96.org/be/news/118947

Вясна / Правы чалавека ў Беларусі

25 October 2025 12:32

🌿Праваабарончая праграма “Вясна”

🔹1:23 Два журналісты — Анджэй Пачобут і Мзія Амаглобелі — сталі лаўрэатамі Прэміі імя Андрэя Сахарава 2025 года “За свабоду думкі”.

🔹7:08 Жаночыя турмы і пенітэнцыярная сістэма ў Расіі—якая яна? Разбіраемся разам з сацыялагіняй, даследчыцай і журналісткай Таццянай

🔹25:41 Канферэнцыя «Медыцына Беларусі: права і эканоміка. Выклікі» прайшла ў Вільні

Вясна / Правы чалавека ў Беларусі

24 October 2025 16:50

У ПК-15 вязняў прымушаюць працаваць для вайсковай вытворчасці

Былы палітвязень Вячаслаў Лазараў распавёў пра ўмовы працы ў калоніі № 15. Афіцыйна працоўны дзень доўжыцца з 8 да 16, але часта зняволеныя застаюцца да позняга вечара. Звычайна яны занятыя фізічна цяжкай працай — напрыклад, дрэваапрацоўкай.

"На прамзоне я бачыў больш здарэнняў, чым за ўсё жыццё, — распавядае Вячаслаў. — Праз умовы працы выляталі бярвёны, ударалі па руках і нагах. Я бачыў, як адлятала бензапіла і рэзала твар людзям. Станкі настолькі старажытныя, што адна з дэталяў стрэліла ў столь і адрыкашэціла зусім побач з адным палітвязнем — а важыла яна кілаграм 20. Проста цуд, што яна не забіла яго".

Пасля працы зняволеныя фармальна атрымліваюць заробак, але максімум, які бачаць палітвязні, — гэта сем рублёў. Але самым зневажальным у гэтым, на думку Вячаслава, было тое, што шмат што ў калоніі робіцца для вайсковай вытворчасці — і ўсе вымушаныя ў гэтым удзельнічаць.

Чытаць цалкам 👉 spring96.org/be/news/118947

Вясна / Правы чалавека ў Беларусі

24 October 2025 15:25

«Каб спыніць эпідэмію, трэба яе прызнаць». У ПК № 22 эпідэмія каросты

Сапраўдная бяда ў калоніі — эпідэмія каросты. Яна часта перадаецца праз матрацы, якія зняволеныя перадаюць адзін аднаму — напрыклад, калі пасля карантына хтосьці хоча замяніць матрац на таўсцейшы.

«Калі вязняў з каростай размяшчаюць у медсанчастцы, то матрацы аддаюць на “пражарку” — і гэта крыху ратуе. Але каб спыніць эпідэмію, трэба яе прызнаць і зрабіць паўнавартасныя мерапрыемствы. А куды яны будуць высяляць усіх людзей? Так яны ў адным месцы вырашаюць пытанне — але ў іншым гэта зноў вылазіць”.

Вядома, што каб падтрымаць здароўе, раз на месяц вязні могуць напісаць заяву на медычную перадачу. Але часам і ў ёй могуць адмовіць цалкам ці выкрэсліць вітаміны. Пытаюцца: “А навошта табе гэта? У нас добра кормяць і вітамінаў хапае"».

Вясна / Правы чалавека ў Беларусі

24 October 2025 13:49

У «Спіс экстрэмістаў» дадалі яшчэ 18 прозвішчаў — цяпер у ім 5916 чалавек

24 кастрычніка МУС зрабіла традыцыйнае пятнічнае абнаўленне «Пераліка грамадзян Беларусі, замежных грамадзян або асоб без грамадзянства, якія маюць дачыненне да экстрэмісцкай дзейнасці».

Сярод іншых, у спіс дадалі палітвязня Івана Замяціна, асуджанага за данаты, фігурантаў "справы Гаюна" Яўгена Мязеца і Юрыя Несцерава, а таксама двух чалавек, якіх асудзілі паводле «народнага» арт. 342 КК, але вызвалілі ад адказнасці «ў сувязі з выхадам тэрміну прыцягнення».

Да допіса далучаны апошні «Пералік грамадзян, якія маюць дачыненне да экстрэмісцкай дзейнасці».

🔗Хроніка пераследу
⁉️«Мама, я экстрэміст». Якія абмежаванні накладаюцца на асоб, уключаных у «Спіс экстрэмістаў»

Вясна / Правы чалавека ў Беларусі

24 October 2025 12:38

🔗Паведамляйце праваабаронцам пра затрыманні і судовыя працэсы па «справе Гаюна»

«Вясна» мае інфармацыю пра як мінімум 109 пацверджаных фігурантаў «справы Гаюна», якіх змясцілі пад варту. Агульная ж лічба затрыманых значна больш. Затрыманні адбываюцца па ўсёй Беларусі да гэтага часу. Па звестках «Вясны», напачатку кастрычніка затрымлі мінімум двух мужчын. Таксама вядома, што некаторых затрыманых адпускаюць да суда пад залог.

З пачатку верасня ў «Спіс экстрэмістаў» дадалі 73 чалавекі, асуджаных за «садзейнічанне экстрэмізму». Гэта больш чым траціна ад усіх людзей, якіх дадалі ў спіс за гэты час. Частка з гэтых людзей — фігуранты «справы Гаюна», пра якіх невядома праваабаронцам.

Таксама ў Беларусі амаль кожны дзень адбываюцца суды па гэтай справе. Фігурантам прызначаюць як «хімію» з накіраваннем, так і калонію. Справы некаторых людзей перадаюць з Мінску ў рэгіянальныя суды.

🌿Калі вашых блізкіх затрымалі па гэтай справе, паведаміце, калі ласка, праваабаронцам праз тэлеграм @Viasnainfo

Вясна / Правы чалавека ў Беларусі

24 October 2025 09:57

❤️Бязмежная салідарнасць: гайд па падтрымцы палітвязняў з-за мяжы

З кожным годам падтрымліваць палітычных вязняў становіцца ўсё складаней. Улады намагаюцца любым спосабам знішчыць салідарнасць беларусаў і блакуюць магчымасці па падтрымцы тых, каго ўтрымліваюць за кратамі. Але, спіс тых, каму трэба нагадаць, што яны не пакінутыя сам-насам з рэпрэсіўнай сістэмай, папаўняецца штотыднёва.

Цяпер, калі тысячы беларусаў раскіданы па ўсім свеце, "Вясна" сабрала магчымыя спосабы, як падтрымаць і парадаваць палітзняволеных з-за мяжы.

Чытаць матэрыял па спасылцы.

✊Не забывайце, што наша сіла — ў салідарнасці. Поўны і актуальны спіс палітвязняў — prisoners.spring96.org.

Вясна / Правы чалавека ў Беларусі

23 October 2025 15:45

Што рабіць і не рабіць, калі вам напісалі з КДБ? Парады юрысткі «Вясны»

Апошнія тыдні беларускія спецслужбы значна актывізаваліся ў спробах выходзіць на кантакт з беларусамі эміграцыі. Але як сябе весці ў такіх выпадках? Юрыстка «Вясны» Святлана Галаўнёва адказала на пытанні Еўрарадыё.

«Калі адказваць на пытанне, як рэагаваць на паведамленіі, я б у першую чаргу задумалася, а ці дакладна мы ведаем, хто нам піша? Ці сапраўды гэта супрацоўнік дзяржбяспекі, а не нейкі пранкер ці махляр?

Паколькі мы не можам быць дакладна ўпэўненымі, бо ніякіх дакументаў ці здымкаў тых, хто дасылае нам паведамленні, у нас няма, дык і рэагаваць на гэта мы можам адпаведна — хутчэй не рэагаваць і не ставіцца да гэтага як да таго, што патрабуе нейкай рэакцыі.

Мы заўсёды раім у камунікацыі з міліцыяй, следчымі, любымі дзяржорганамі, калі яна не на тваю карысць і не табой ініцыяваная, мінімізаваць яе ці звесці толькі ў нейкія афіцыйныя, усталяваныя заканадаўствам траекторыі. Нешта трэба? Выклікайце на допыт праз афіцыйны запыт».

Вясна / Правы чалавека ў Беларусі

23 October 2025 14:03

КДБ сцвярджае, што на тэрыторыі краін Еўрасаюза рыхтуюць беларускую вызваленчую армію

Першы намеснік старшыні Камітэта дзяржаўнай бяспекі Рэспублікі Беларусь Сяргей Церабаў паведаміў, што «палітычныя апаненты беларускіх уладаў рыхтуюць на тэрыторыі краін Еўрасаюза вызваленчую армію колькасцю да 15 тысяч чалавек».

Паводле яго словаў, у якасці асновы такой арміі разглядаюцца «незаконныя ўзброеныя фарміраванні з ліку грамадзян Беларусі, якія дзейнічаюць на тэрыторыі Польшчы, Украіны і Літвы».

Вясна / Правы чалавека ў Беларусі

23 October 2025 11:32

⁉️Ціск на сваякоў палітэмігрантаў: што важна ведаць

Гэта форма рэпрэсій, мэта якіх — запалохаць і прымусіць замаўчаць тых, хто крытыкуе сістэму. Узгадваем наш архіўны тэкст, у якім Юрыдычная служба «Вясны» тлумачыць, якія правы ёсць і як дзейнічаць, каб абараніць сябе.

• Ці маюць права выклікаць бацькоў або сваякоў у органы «ў сувязі з дзеяннямі» іх дзяцей?
• У якіх выпадках такі выклік з’яўляецца законным, а калі — гэта форма ціску?
• Як павінна выглядаць афіцыйная позва/паведамленне аб выкліку?
• Ці можа допыт або «размова» адбывацца па тэлефоне? Што рабіць, калі пытаюцца, дзе жыве сваяк за мяжой?
• Якімі правамі валодае сваяк, калі яго выклікаюць як сведкі?
• Ці можа ён адмовіцца адказваць на пытанні, калі гэта нашкодзіць яму ці блізкім?
• Што варта зрабіць сваякам перад тым, як ісці на выклік?
• Як сябе паводзіць падчас размовы, калі задаюць правакацыйныя або асабістыя пытанні?
• Куды звяртацца па кансультацыю?

Чытаць па спасылцы 👉 https://spring96.org/be/news/118634

🌿Чытаць з Беларусі без VPN

Вясна / Правы чалавека ў Беларусі

23 October 2025 09:45

💔«Сістэма адыгрываецца на ім». Сукамернік распавёў пра Уладзіміра Кнігу

Былы сілавік і валанцёр каманды Святланы Ціханоўскай Уладзімір Кніга ўтрымліваецца за кратамі больш за пяць гадоў. За гэты час яго змяшчалі ў штрафныя ізалятары і памяшканне камернага тыпу, узмацнялі рэжым, двойчы асудзілі за «злоснае непадпарадкаванне законным патрабаванням адміністрацыі турмы» (арт. 411 КК). Больш за два гады палітвязень знаходзіцца ў рэжыме інкамунікада — без сувязі са знешнім светам.

Былы палітвязень Алег Краўцоў распавёў «Вясне» пра знаёмства з Уладзімірам у гродненскай турме № 1.

«Трэба разумець, што ён былы вайсковец, таму для гэтай сістэмы ён здраднік. Таму сістэма так адыгрываецца на ім. Яны яго хочуць знішчыць... Мне балюча ўявіць, што з ім адбываецца там».

Вясна / Правы чалавека ў Беларусі

22 October 2025 16:40

У гомельскай ПК-4 жанчынам на спатканне з роднымі забараняюць браць гігіенічныя пракладкі

Працяглыя спатканні асуджаных са сваякамі прадугледжаны крымінальна-выканаўчым кодэксам на тэрмін да трох сутак і праходзяць у спецыяльна абсталяваных памяшканнях на тэрыторыі папраўчай установы.

У гомельскай папраўчай калоніі №4 уведзена правіла, што ў «гасцініцу для спатканняў» на тэрыторыі калоніі асуджаныя жанчыны павінны прыходзіць з пустымі рукамі і толькі ў робе, выдадзенай зняволенай папраўчай установай. Ім не дазволена браць з сабой ні зменнай бялізны, ні ручнікоў, ні прадметаў гігіены, у тым ліку жаночыя пракладкі. Усё гэта павінны зараз прывозіць з сабой сваякі, якія едуць на спатканне.

Сваякі вязуць з сабой нават сланцы для душа і халаты, бо туалетныя і душавыя пакоі размешчаны не ў адным будынку, піша @MAYDAYMog.

🔗Хроніка палітычнага пераследу

Вясна / Правы чалавека ў Беларусі

22 October 2025 15:02

💔Былому палітзняволенаму з анкалогіяй патрэбна падтрымка на эміграцыі

66-гадоваму пенсіянеру з Мінска, удзельніку пратэстаў 2020 года пасля арышту, «хатняй хіміі» і эвакуацыі ў Польшчу патрэбна экстранная падтрымка. У Кастуся Шышко выявілі анкалогію, і ён мае патрэбу ў дарагіх кансультацыях дактароў, падтрымцы і лячэнні.

Хоць мужчына дасягнуў пенсійнага ўзросту, пенсію ў Польшчы ён не атрымлівае, а «браць на працу пенсіянераў не вельмі і хочуць». Дзякуючы працавітасці і настойлівасці ў беларуса ёсць падпрацоўкі, каб аплаціць пакой у кватэры і харчаванне, «але на барацьбу з хваробай сродкаў зусім няма», — падкрэслівае Канстанцін.

«Прашу вас аб падтрымцы, таму што сам я магу не зладзіцца. Дзякуй вам ад усёй душы! Я веру ў лепшую будучыню і абяцаю не здавацца. Жыве Беларусь!»

Падтрымаць мужчыну фінансава