Вясна / Правы чалавека ў Беларусі

30 April 2025 13:45

🎥«Цень радасці»: «Вясна» прэзентуе фільм пра пра рэсаалізацыю былога палітвязня

Праваабарончы цэнтр «Вясна» прэзентуе кароткаметражны фільм «Цень радасці» пра 36-гадовага былога палітвязня Артура, які пасля трох гадоў зняволення пачаў жыццё з нуля ў Польшчы. Праз яго вочы глядач бачыць цяжкасці адаптацыі: моўны бар’ер, пошук працы, сацыяльную ізаляцыю, настальгію па радзіме і спробы захаваць надзею.

«Мне здавалася, што я досыць хутка магу інтэгравацца ў грамадства, калектывы. У тым ліку я разлічваў на сваю хуткую адаптацыю ў іншай дзяржаве і да іншага менталітэту. Але ўсё аказалася не зусім так вясёлкава».

Вясна / Правы чалавека ў Беларусі

30 April 2025 12:56

💔Amnesty International: «У 2024 годзе ўлады працягвалі вынішчаць усе формы публічнай крытыкі»

Міжнародная праваабарончая арганізацыя Amnesty International прэзэнтавала чарговы даклад аб сітуацыі з правамі чалавека ў свеце ў 2024 годзе. Асобная ўвага ў ім надзяляецца парушэнням правоў чалавека ў Беларусі.

Праваабаронцы адзначылі: знаходзячыся ў асноўным у міжнароднай ізаляцыі, у 2024 годзе Беларусь працягвала эканамічнае, палітычнае, дыпламатычнае і ваеннае ўзаемадзеянне з Расіяй. Працягвалася рыторыка пра знешнія пагрозы з боку суседніх дзяржаваў-чальцоў ЕС і Украіны, а ўзброеныя сілы Беларусі праводзілі дзейнасць, публічнай мэтай якіх з'яўлялася падрыхтоўка да ваеннай канфрантацыі.

У кастрычніку Спецыяльны дакладчык ААН па сітуацыі з правамі чалавека ў Беларусі заявіў, што ўзаемадзеянне краіны з сістэмай ААН па правах чалавека «дасягнула найніжэйшай гістарычнай кропкі».

Чытаць па спасылцы 👉 https://spring96.org/be/news/117862

Вясна / Правы чалавека ў Беларусі

30 April 2025 10:34

❗️Палітзняволеная Вікторыя Кульша, якую будуць судзіць пяты раз, абвясціла бестэрміновую галадоўку

Палітзняволеная Вікторыя Кульша не выйшла на волю ў красавіку 2025 года па заканчэнні тэрміну, бо яе перавялі ў гомельскі СІЗА-3 у межах чацвёртай крымінальнай справы паводле ч. 1 арт. 411 Крымінальнага кодэкса (злоснае непадпарадкаванне законным патрабаванням адміністрацыі калоніі). Раней ёй ужо тройчы прызначалі пазбаўленне волі па гэтым артыкуле.

Былая палітзняволеная Паліна Шарэнда-Панасюк паведаміла, што Вікторыя ў СІЗА абвясціла бестэрміновую галадоўку — ужо шостую за час у зняволенні.

«Вікторыя з моманту знаходжання ў СІЗА-3 Гомеля распачала бестэрміновую галадоўку! Гэта будзе яе шостая галадоўка ў зняволенні, гэтым разам — да канца: альбо мы даможамся яе вызвалення, альбо яна загіне».

Вясна / Правы чалавека ў Беларусі

30 April 2025 09:49

Аб'яднаны Пераходны кабінет Беларусі хочуць прызнаць «тэрарыстычнай арганізацыяй»

Адпаведную заяву ў Вярхоўны суд даслаў генпракурор Андрэй Швед.

Вясна / Правы чалавека ў Беларусі

29 April 2025 17:50

За ўдзел у перадачы «Палітбомонд» завочна распачалі крымінальную справу супраць актывіста Уладзіміра Шанцава

Як паведаміў праваабаронца Леанід Судаленка, за ўдзел у перадачы «Палітбомонд» на YouTube-канале «6tv Bielarus», які рашэннем старшыні КДБ ад 29.11.2023 г. прызнаны «экстрэмісцкім фармаваннем», крымінальная справа распачатая і супраць 74-гадовага в. а. старшыні Аб'яднанай грамадзянскай партыі (АГП) Уладзіміра Шанцава.

🔗Хроніка палітычнага пераследу

Вясна / Правы чалавека ў Беларусі

29 April 2025 16:04

🇬🇧Нагадваем, што ў «Вясны» ёсць англамоўная версія сайту

На ёй аператыўна з'яўляюцца галоўныя навіны, звязаныя з правамі чалавека ў Беларусі. Вы можаце дасылаць спасылкі на тэксты вашым замежным сябрам, каб яны разумелі ўзровень рэпрэсій у Беларусі, ці дзяліцца імі самі ў сацсетках, калі для вас гэта бяспечна.

Апошнія цікавыя тэксты:

🔹"I'd pass you around." Five stories of sexualized violence by the Belarusian security forces

🔹Five Belarusian volunteers sentenced in absentia to 12 to 20 years of imprisonment

🔹"It's better not to end up here." Belarusian teenagers taken on prison tours across the country

🔹Experts: "Coercive psychiatric treatment could amount to inhuman or degrading punishment"

🔹Detainees transferred to a pre-trial detention centre for "promoting extremism" : what is known about the Hajun case

https://spring96.org/en

Вясна / Правы чалавека ў Беларусі

29 April 2025 11:05

Супраць грамадскага дзеяча Алеся Лагвінца завочна распачалі новую крымінальную справу

Пасля шэрагу інтэрв'ю незалежным СМІ Следчы камітэт распачаў новую крымінальную справу супраць выкладчыка і праграмнага дырэктара Вольнага Беларускага Ўніверсітэту Алеся Лагвінца, які знаходзіцца за межамі Беларусі. 1 ліпеня 2024 года яго ўжо завочна асудзілі да 10 гадоў зняволення па так званай справе «20 экспертаў», а таксама дадалі ў спісы «экстрэмістаў» і «тэрарыстаў».

У суботу, 26 красавіка, трое асобаў, якія прадставіліся супрацоўнікамі КДБ, апыталі цесця і цешчу Алеся. Таксама ў іх прысутнасці апячаталі дом Лагвінца на падставе рашэння следчага А. А. Шрубіка ад 31 сакавіка 2025. Новую крымінальную справу распачалі паводле чатырох артыкулаў КК, па якім ужо судзілі Алеся летась.

Супрацоўнікі КДБ выказалі зацікаўленасць у наўпроставым кантакце з Алесем, але той каментуе:

«Жадання і патрэбы ў камунікаванні з прадстаўнікамі незаконных уладаў ці спецслужбаў Беларусі ў мяне няма».

Вясна / Правы чалавека ў Беларусі

29 April 2025 09:01

Збор сродкаў да Міжнароднага дня абароны правоў людзей з інваліднасцю

«Хуткая гуманітарная дапамога» запускае новы збор для падтрымкі людзей з інваліднасцю, якія апынуліся ў складанай сітуацыі праз палітычныя рэпрэсіі.

Куды пойдуць сродкі?

🔸медыкаменты і медыцынскія сродкі (напрыклад, вазкі, бандажы, прылады для рэабілітацыя і іншае);
🔸аплата медыцынскіх маніпуляцый, умяшанняў і кансультацый медыкаў;
🔸аплата сацыяльных таксі і іншых транспартных паслуг, што неабходныя для атрымання медыцынскай дапамогі.

Арганізатары плануюць сабраць 10 000 еўра. Памер выплат для кожнай сям'і будзе залежаць ад іх патрэб. Максімальная сума выплат — 300 еўра.

Падтрымаць збор можна па спасылцы

Вясна / Правы чалавека ў Беларусі

28 April 2025 14:03

У івацэвіцкай ПК-22 «Ваўчыныя норы» эпідэмія каранавіруса. Асуджаныя хварэюць цэлымі атрадамі, скардзіцца забаронена

У медчастцы калоніі не хапае лекаў, вязняў лечаць парацэтамолам, як ад звычайнай прастуды. Але, як удалося даведацца @MAYDAYMog, сімптомы хваробы ідэнтычныя COVID-19. Улічваючы, што ў пандэмію на COVID-19 перахварэлі практычна ўсе, хворыя выдатна ведаюць свой дыягназ без лекараў.

Дакладна вядома, што некалькі цяжкахворых ужо адпраўленыя ў Рэспубліканскі агульнасаматычны шпіталь ДВП МУС. Эпідэмія доўжыцца, як мінімум два тыдні, але адміністрацыя ПК-22 не хоча ўводзіць каранцін, бо гэта прывядзе да поўнай змены рэжыму працы папраўчай установы. Кіраўніцтва калоніі забараняе казаць аб праблеме недахопу лекаў.

Вясна / Правы чалавека ў Беларусі

28 April 2025 09:04

Сына дзейнага амбасадара Беларусі ў Грузіі судзілі за ўдзел у пратэстах

Суд Маскоўскага раёна Мінска вынес прысуд па справе 40-гадовага Паўла Ліса. Камерцыйнаму дырэктару кампаніі ITTAS прысудзілі хатнюю хімію за ўдзел у пратэстах 2020 года. Яго імя дадалі ў «спіс экстрэмістаў».

Павел — сын 67-гадовага высокапастаўленага чыноўніка Анатоля Ліса, піша «Наша Ніва».

Ліс-старэйшы з 2022 года працуе амбасадарам Беларусі ў Грузіі, а да таго зрабіў адметную кар’еру — кіраўнік Навагрудка, дэпутат Палаты прадстаўнікоў, кіраўнік Мазыра, намеснік міністра прыроды, памочнік Лукашэнкі па Гомельшчыне, намеснік кіраўніка Адміністрацыі прэзідэнта, кіраўнік Брэсцкай вобласці.

Павел Ліс працаваў намеснікам прарэктара БДУІР (2012—2016), дырэктарам Галоўнага інфармацыйна-аналітычнага цэнтра Міністэрства адукацыі (2016—2019), пасля чаго пайшоў у IT.

Вясна / Правы чалавека ў Беларусі

27 April 2025 15:05

У Беларусі прызналі «экстрэмісцкай» назву гурта «DZIECIUKI»

Адпаведнае рашэнне было прынятае судом Ленінскага раёну Гродна 24 красавіка. «Экстрэмісцкімі» прызнаныя сацсеткі гурта, лагатып, а таксама «візуальны матэрыял альбо тэкст "DZIECIUKI" з якімі-небудзь надпісамі або без выкарыстання надпісаў».

Таксама ў «экстрэмісцкі» спіс трапіла старонка ў Instagram «shodbelarus» і яе лагатып.

Вясна / Правы чалавека ў Беларусі

27 April 2025 11:02

🧹Шукаем людзей, якіх прымушалі ўдзельнічаць у суботніках

Для прадастаўлення звестак у ААН, збіраем інфармацыю аб суботніках і аб мерах, якія прымаюцца супраць тых, хто ўхіляўся ад такой працы.

Калі вы гатовы падзяліцца інфармацыяй, напішыце, калі ласка, нам — @zvarot96

Вясна / Правы чалавека ў Беларусі

26 April 2025 19:04

💔Ціск на «Вясну» напярэдадні і пасля пратэстаў 2020-га году

Ужо напярэдадні выбараў-2020 на «Вясну» адбываўся ціск. Супрацоўнікаў затрымлівалі, давалі ім суткі адміністрацыйных арыштаў ці штрафы. Падчас выбараў праваабаронцы працягвалі асвятляць палітычны пераслед па ўсё краіне, а пасля 9 жніўня — аказваць дапамогу затрыманым і збітым, а таксама іх сваякам.

17 верасня 2020 году супрацоўнікамі ГУБАЗіК у Мінску была затрыманая каардынатарка валанцёрскай службы ПЦ «Вясна» Марфа Рабкова. У кастрычніку быў затрыманы і змешчаны пад варту ў СІЗА валанцёр ПЦ «Вясна» Андрэй Чапюк. Марфа дагэтуль знаходзіцца за кратамі, Андрэя вызвалілі ў красавіку 2025 году.

Агулам у 2020 годзе 18 сябраў і валанцёраў «Вясны» падвергліся пераследу і рэпрэсіям з боку беларускіх уладаў. Вясноўцы пры выкананні імі выключна мірнай праваабарончай дзейнасці пераследуюцца дзяржавай рознымі спосабамі.

🔹18 вясноўцаў падвергліся пераследу за праваабарончую дзейнасць у 2020 годзе

💳Падтрымаць «Вясну» на Patreon | Аднаразовым данатам

Вясна / Правы чалавека ў Беларусі

26 April 2025 17:00

📍Як Вясну пазбавілі рэгістрацыі ў 2003 годзе

У 2003 годзе Міністэрства юстыцыі ў рамках барацьбы з незалежнымі дэмакратычнымі няўрадавымі арганізацыямі вырашыла закрыць «Вясну» — як і шматлікія іншыя арганізацыі. «Вясну» абвінавацілі ў парушэннях падчас назірання ў 2001 годзе. У кастрычніку 2003 году арганізацыю пазбавілі рэгістрацыі пасля некалькіх папярэджанняў пра фармальныя парушэнні. Напрыклад, у адным было ўказана на наяўнасць недахопаў на бланку і пячаткі арганізацыі (прапушчанае двухкоссе, а на пячаткі слова «цэнтр» было напісана з вялікай літары).

У знак пратэсту і нязгоды з судовым рашэннем Алесь Бяляцкі, Уладзімір Лабковіч, Валянцін Стэфановіч, Алег Жлутка, Уладзімір Вялічкін, Мікола Лемяноўскі, Зміцер Салаўёў і Аляксей Колчын селі на падлогу ў судовай залі і пачалі скандаваць «Ганьба!».

🔹«Хто аддаў загад – знішчыць "Вясну"? 20 гадоў таму ліквідавалі Праваабарончы цэнтр «Вясна"

💳Падтрымаць «Вясну» на Patreon | Аднаразовым данатам

Вясна / Правы чалавека ў Беларусі

26 April 2025 15:04

📝«Вясне» 29 гадоў. Як стваралася арганізацыя?

Праваабарончы цэнтр «Вясна» з’явіўся ў 1996 годзе. Тады Алесь Бяляцкі быў дырэктарам музея Максіма Багдановіча ў Мінску, але пасля разгонаў масавых пратэстаў ён пачаў дапамагаць рэпрэсаваным разам з іншымі супрацоўнікамі музея. У гэты час у Бяляцкага і ўзнікла ідэя стварэння праваабарончага цэнтра. Яны пакавалі ежу ў пакункі з эмблемай музея Багдановіча, і калі людзі выходзілі з Акрэсціна, то ім давалі такі пакуначак. Гэта было пэўнай сатысфакцыяй, знак прызнання таго, што чалавек пацярпеў несправядліва.

🔹Успаміны Алеся Бяляцкага пра стварэнне Вясны

З гэтага часу актыўна пачала працаваць ініцыятыўная група па дапамозе ахвярам. Тады вясноўцы думалі, што гэтая праца працягнецца адзін-два гады — і памыліліся. Сітуацыя пагаршалася: як у заканадаўчай сферы, так і ў агульнай — увесь час ішлі масавыя рэпрэсіі, затрыманні, збіццё людзей.

🔹Як пачыналася «Вясна»? Шэсць гісторый пра ўзнікненне арганізацыі

💳Падтрымаць «Вясну» на Patreon | Аднаразовым данатам

Вясна / Правы чалавека ў Беларусі

30 April 2025 13:21

📝Праваабаронцы просяць адмовіцца ад дыскрымінацыі ў будучым законе аб амністыі

Восем праваабарончых арганізацый звярнуліся да Палаты прадстаўнікоў перад разглядам праекта закона «Аб амністыі ў сувязі з 80-годдзем Перамогі ў Вялікай Айчыннай вайне». Копію звароту накіравалі ў Савет Рэспублікі Нацыянальнага сходу Рэспублікі Беларусь і Адміністрацыю прэзідэнта Рэспублікі Беларусь.

У звароце ўздымаецца пытанне аб тым, каб адмовіцца ад дыскрымінацыйнага падыходу і распаўсюдзіць дзеянне амністыі на ўсіх асоб, асуджаных паводле так званых «злачынстваў экстрэмісцкай накіраванасці».

Праваабаронцы перакананыя, што падобнае рашэнне стане праявай палітычнай дальнабачнасці, гуманізму і павагі да фундаментальных правоў чалавека, неабходным для пераадолення глыбокага нацыянальнага крызісу і прасоўвання Беларусі ў бок міру, справядлівасці і паступовага аднаўлення прававой дзяржавы.

Чытаць па спасылцы 👉 https://spring96.org/be/news/117863

Вясна / Правы чалавека ў Беларусі

30 April 2025 11:31

📝Маніторынг пераследу хрысціян у Беларусі за красавік 2025 года

«Хрысціянская Візія» сабрала розныя красавіцкія выпадкі разам, размеркаваўшы іх па раздзелах:

🔹Пераслед праз абвінавачванні ў экстрэмізме;
🔹Пераслед хрысціянскай супольнасці;
🔹Навіны палітзняволеных хрысціян.

Чытаць па спасылцы

Вясна / Правы чалавека ў Беларусі

30 April 2025 10:07

❗️Палітзняволенага Яна Папковіча другі раз асудзілі за «злоснае непадпарадкаванне адміністрацыі калоніі»

Як стала вядома праваабаронцам «Вясны», 14 красавіка ў Магілёве палітзняволенага Яна Папковіча асудзілі паводле ч. 1 арт. 411 Крымінальнага кодэкса (злоснае непадпарадкаванне законным патрабаванням адміністрацыі калоніі). Яму прызначылі яшчэ дзевяць месяцаў зняволення.

Гэта другая крымінальная справа паводле гэтага артыкула супраць 32-гадовага палітвязня. Ціск за кратамі на яго не спыняецца з моманту затрымання.

Былога інкасатара «Белгазпрамбанка» і экс-спецназаўца Яна Папковіча затрымалі 2 верасня 2022 года — напярэдадні таго, як ён збіраўся з'язджаць у Польшчу. Падчас затрымання Яна моцна збілі, таксама стрэлам паранілі ягонага сабаку.

Чытаць па спасылцы 👉 https://spring96.org/be/news/117855

Вясна / Правы чалавека ў Беларусі

30 April 2025 09:01

Дапамога экс-палітвязню, які адбыў тэрмін за фота расійскай вайсковай тэхнікі

Дзмітрыя Шувалава абвінавацілі ў тым, што ён адпраўляў у чат-бот «Nexta» фота і відэа вайсковай тэхнікі. Пракурор Аляксей Ярошык запрасіў для Дзмітрыя 2 гады 6 месяцаў калоніі агульнага рэжыму. Менавіта такі прысуд і вынес Дзмітрый Куроўскі.

«Калі я вызваліўся, ціск на нас не скончыўся. Праз тры тыдні мяне зноў затрымалі і пасадзілі на 15 сутак за «экстрэмізм». Пасля гэтага мы канчаткова вырашылі з'язджаць. Стала зразумела, што жыць спакойна не дадуць, кожны дзень быў у стрэсе і страху. Мы баяліся любога званка, кожнай машыны, якая праязджае, нікому не давяралі.

Некалькі тыдняў таму мы ўсе разам выехалі з Беларусі. Узялі з сабой дзве валізкі самага неабходнага (у асноўным гэта дзіцячае адзенне, лекі, крыху нашых рэчаў) і паехалі.

Цяпер мы жывём у шэлтары, шукаем кватэру, думаем, як і што рабіць далей. Хочам знайсці жыллё, працу, уладкаваць дзяцей у садок і школу і наладзіць далейшае жыццё».

Вясна / Правы чалавека ў Беларусі

29 April 2025 17:18

У дачыненні да праваабаронцы Леаніда Судаленкі распачалі новыя крымінальныя справы за «іншае садзейнічанне экстрэмісцкай дзейнасці, здзейсненае паўторна»

Пра гэта праваабаронца напісаў на сваёй старонцы ў Facebook.

«9 красавіка заведзена справа за стварэнне і публікацыю 28.05.2024 відэа «Вясна прыйдзе» на YouTube-канале «Viasna96».

Яшчэ дзве справы ўзбудзілі 20 і 24 лютага — за ўдзел у перадачы «Палітбомонд» на YouTube-канале «6TV Bielarus», які рашэннем старшыні КДБ ад 29.11.2023 г. прызнаны «экстрэмісцкім фармаваннем».

Маё хадайніцтва аб допыце праз відэасувязь было адхілена. Беларускае заканадаўства, маўляў, не прадугледжвае магчымасці такога фармату допыту для падазраваных. Мне прапанавана з’явіцца ў Следчы камітэт да 5 мая.

Усе пастановы падпісаны капітанам юстыцыі Сямёнцавым І.В. і ўзгоднены начальнікам Гомельскага РАСК палкоўнікам юстыцыі Вараб’ёвым Д.Е. Копія таксама накіравана пракурору Гомельскага раёна Аляксандру Шынкарову.

Па тым жа эпізодзе з «Палітбомондам» крымінальная справа ўзбуджаная і супраць 74-гадовага в.а. старшыні Аб'яднанай грамадзянскай партыі (АГП) Уладзіміра Шанцава».

Вясна / Правы чалавека ў Беларусі

29 April 2025 14:02

🧹Шукаем людзей, якіх прымушалі ўдзельнічаць у суботніках

Для прадастаўлення звестак у ААН, збіраем інфармацыю аб суботніках і аб мерах, якія прымаюцца супраць тых, хто ўхіляўся ад такой працы.

Калі вы гатовы падзяліцца інфармацыяй, напішыце, калі ласка, нам — @zvarot96

Вясна / Правы чалавека ў Беларусі

29 April 2025 09:34

Супраць Паліны Шарэнда-Панасюк распачалі дзве крымінальныя справы

Пра гэта паведаміў яе муж Андрэй Шарэнда ў Facebook.

«Учора стала вядома, што супраць маёй жонкі Паліны Шарэнды-Панасюк лукашысты завялі новыя крымінальныя справы па арт. 422 (ухіленне ад прэвентыўнага нагляду) і 361 (заклікі да санкцый). Таксама адбыліся допыты родных Паліны».

Вясна / Правы чалавека ў Беларусі

28 April 2025 16:31

⁉️Маўчанне адваката: ці заўсёды гэта здрада?

Часта сваякі абвінавачанага сутыкаюцца з тым, што адвакат адмаўляецца распавядаць падрабязнасці справы. Гэта не заўсёды з'яўляецца прыкметай лаяльнасці да ўладаў. Праблема — у заканадаўстве.

«Гэтае пытанне не ўрэгулявана на дастатковым узроўні Крымінальна-працэсуальным кодэксам і заканадаўствам аб адвакатуры, калі размова не ідзе аб непаўналетнім абвінавачаным. Як адзначалася, у выпадку адабрання падпіскі аб неразгалошванні адвакат наогул нічога не можа паведаміць нікому без дазволу следчага і ці суддзі пад пагрозай крымінальнага пераследу. У іншых выпадках адвакаты вымушаныя максімальна скарачаць зносіны з блізкімі падабароннага, каб не быць абвінавачанымі ў парушэнні, якое можа пацягнуць іх выключэнне з адвакатуры».

Вясна / Правы чалавека ў Беларусі

28 April 2025 12:03

🗣Калі вы знаходзіцеся ў бяспецы — распавядзіце пра палітычны пераслед, з якім сутыкнуліся вы ці вашыя блізкія ў Беларусі

Калі вас арыштоўвалі, судзілі па палітычных матывах, калі вашых блізкіх ці сяброў звальнялі, прымушалі «каяцца» на камеру, калі вы былі вымушаныя бегчы з краіны праз страх — гэта важна.

• Нават калі вы цяпер у бяспечнай краіне — ваш голас мае значэнне.
• Нават калі прайшлі месяцы ці гады — ваша гісторыя важная.
• Нават калі здаецца, што нічога не змяніць — ваша праўда будуе сведчанні супраць беззаконня.

❗️Па вашым жаданні, інфармацыя, якую вы дашлеце, не будзе нідзе апублікаваная і будзе выкарыстоўвацца толькі для статыстыкі. Мы не патрабуем ад вас асабістай ці ўразлівай інфармацыі — паведамляйце толькі тое, што лічыце важным і бяспечным для сябе і для людзей у Беларусі.

Кожная гісторыя — гэта кавалачак вялікай карціны таго, што адбываецца ў Беларусі.

@ViasnaSOS | @SOSViasna | @Viasnainfo

Вясна / Правы чалавека ў Беларусі

27 April 2025 17:01

🌿«Шануйце людзей, якія знаходзяцца каля вас». Фільм «Вясны» «Цень радасці» выйшаў на вялікім экране

Фільм «Вясны» «Цень радасці» паказалі ў Варшаве, Вільні і Хельсінкі ў рамках фестывалю «NoFilter Kino», на паказе калекцыі беларускіх короктометражных фільмаў. «Вясна» наведала паказ у Варшаве, куды прыйшлі таксама рэжысёр і герой фільма.

Герой фільма — Артур Жвірыдоўскі. Яму 36 гадоў і ён былы палітвязень. Артура асудзілі на тры гады калоніі. Цяпер ён жыве ў Польшчы.

Назва — «Цень радасці» — паходзіць з дыялогу самога Артура. У фільме паказана, як ён наведвае і канцэрт беларускіх выканаўцаў. Тады Артуру задалі пытанне: «Ці адчувае ён цяпер радасць?».

«Я не магу сказаць, што я тут, што магу цалкам адчуваць гэтую радасць, таму што я прывязаны да сваіх родных і блізкіх, якія знаходзяцца ўдалечыні ад мяне. Быццам бы не так далёка — але ўсё ж такі практычна недасягальна, і мне няма з кім падзяліцца гэтай радасцю. Таму гэта ўсяго толькі цень радасці».

Вясна / Правы чалавека ў Беларусі

27 April 2025 13:00

📄 Што пачытаць у нядзелю? Сабралі для вас галоўныя матэрыялы «Вясны» за тыдзень:

🔹Гісторыя «Вясны»: ад узнікнення да сёння. Што адбывалася з арганізацыяй гэтыя 29 гадоў?

🔹«Па коле б цябе пусціць». Пяць гісторый сексуалізаванага гвалту

🔹Затрыманыя пераведзены ў СІЗА за «садзейнічанне экстрэмізму»: што вядома пра «справу Гаюна»

🔹Як пачыналася «Вясна»? Шэсць гісторый пра ўзнікненне арганізацыі

🔹«Не вызваляе ад адказнасці». Што трэба ведаць пра яўку з павіннай?

🔹Эксперты ААН: «Прымусовае лекаванне можа быць прыраўнавана да бесчалавечнага або зневажаючага годнасць пакарання»

🔹«З адвакатам лепш»: Павел Сапелка тлумачыць, чаму нават у час рэпрэсій права на абарону мае значэнне

🔹«Цяпер гэта нерэальная задача». Чаму ў Беларусі няма НУПЧ

💳Падтрымаць «Вясну» на Patreon | Аднаразовым данатам

Вясна / Правы чалавека ў Беларусі

27 April 2025 09:02

У «Спіс экстрэмістаў» дадалі яшчэ 36 прозвішчаў — цяпер у ім 5228 чалавек

26 красавіка МУС зрабіла традыцыйны апдэйт «Пераліка грамадзян Беларусі, замежных грамадзян або асоб без грамадзянства, якія маюць дачыненне да экстрэмісцкай дзейнасці».

Сярод іншых, у спіс дадалі супрацоўніцу «Пеленга» Карыну Праташчык, грамадзяніна РФ Андрэя Варанцова, кіраўніка беларускага Ernst & Young Паўла Лашчанку, а таксама цэлую сям'ю, асуджаную па народным арт. 342 КК, — Лахтанаву Аляксандру, Лахтанава Дзмітрыя, Лахтанаву Інэсу і Лахтанава Яўгена.

Да допіса далучаны апошні «Пералік грамадзян, якія маюць дачыненне да экстрэмісцкай дзейнасці».

⁉️«Мама, я экстрэміст». Якія абмежаванні накладаюцца на асоб, уключаных у «Спіс экстрэмістаў»

Вясна / Правы чалавека ў Беларусі

26 April 2025 18:01

Першае зняволенне Бяляцкага — у Дзень Народзінаў «Вясны» ўзгадваем пра пераслед Алеся Бяляцкага

4 жніўня 2011 году арыштавалі старшыню арганізацыі Алеся Бяляцкага. Дзяржава спрабавала знайсці кампраметуючы матэрыял супраць сябраў «Вясны». Сродкі, якія арганізацыя выдаткоўвала на дапамогу ахвярам палітычных рэпрэсій, на правядзенне адукацыйных мерапрыемстваў, на выданне кніжак і гэтак далей былі палічаныя асабістым даходам, з якога не быў сплочаны падатак. І таму была распачатая крымінальная справа. Гэта было вельмі сур’езным выпрабаваннем арганізацыі. Улады ставілі задачу знішчыць «Вясну». Але гэтага не атрымалася.

🔹«Не загнаць мяне ў роспач»: літаратурная гісторыя Алеся Бяляцкага

Алесь Бяляцкі правёў у калоніі амаль тры гады зняволення: яго выпусцілі ў чэрвені 2014 году.

🔹Алесь Бяляцкі: Паехаў варыць сочыва, а патрапіў у турму…

💳Падтрымаць «Вясну» на Patreon | Аднаразовым данатам

Вясна / Правы чалавека ў Беларусі

26 April 2025 16:04

🔗Першыя палітзняволеныя і рэгістрацыя арганізацыі — як стваралася «Вясна»

У 1997 годзе ў краіне з’явіліся сапраўдныя палітзняволеныя — пасля адной з акцый пяцёра чалавек былі асуджаныя да абмежавання свабоды ў выглядзе «хіміі». Для гэтых людзей Алесь Бяляцкі збіраў грошы проста на адным з мітынгаў: хадзіў з вялікім поліэтыленавым пакетам (таму што грошы тады былі таннымі), і людзі наскідалі яму цэлы мех гэтых «зайчыкаў». Гэтыя грошы перадалі кожнаму «хіміку».

У лютым 1998 года была зарэгістравана мінская гарадская арганізацыя «Вясна 96». Рэгістрацыя цягнулася паўтара месяца. У 1998 годзе стала зразумела, што трэба пашырацца. Арганізацыя знайшла кантакты актывістаў з рэгіёнаў, якім цікавы правы чалавека. У 1999 годзе была зарэгістраваная рэспубліканская арганізацыя.

Ужо тады на яе пачаўся ціск: вобшукі, канфіскацыя тэхнікі, затрыманні і пратаколы.

🔹Праваабарончая дзейнасьць у Беларусі. Ад вытокаў да апошніх дзён

💳Падтрымаць «Вясну» на Patreon | Аднаразовым данатам

Вясна / Правы чалавека ў Беларусі

26 April 2025 14:02

⁉️Ці варта заключаць дамову з адвакатамі, якога прызначылі на першы допыт?

Сваім меркаваннем дзеліцца праваабаронца Павел Сапелка.

«У Беларусі няма дзяржаўных адвакатаў: усе адвакаты маюць фармальна аднолькавы статус, з'яўляюцца сябрамі тэрытарыяльных калегій адвакатаў і ажыццяўляюць дзейнасць у складзе юрыдычных кансультацый.

Безумоўна, лепш, калі адвакат атрымлівае годную ўзнагароду за працу па дамове, а не падачку ад бюджэту, разлічаную на ўзроўні дзённага акладу без надбавак дробнага дзяржслужачага: тады ён ці яна можа больш часу прысвячаць вядзенню справы, падрыхтоўцы да працэсуальных дзеянняў і да суда. Аднак калі матэрыяльныя ўмовы не дазваляюць аплаціць працу па прапанаванай адвакатам стаўцы, то можна прадоўжыць адносіны з ім як з прызначаным.

Часта гэта не цягне сур'ёзных змен ва ўзаемаадносінах абвінавачанага і абаронцы, хоць, безумоўна, усё залежыць ад прафесійных якасцяў адваката».