Telegram-канал vent_here - Vent Here: Other - каталог телеграмм

Vent Here

18 August 2026 04:00

Hey Unihorse 🦄
I am 🎭 ጎዳና
I need to vent
ስለ ጥሩዎቹ ቀኖች አስባለሁ። ደስ እንል ነበር። በጣም። ቢሰምርልን ታሪካችን በየጎጆው እንደተቀለሰው ከአንድ ባህር የተቀዳን አንድ አይነት አልነበርንም። በተደላደለ ልብ ማንንም ባልተፈላሰሰበት ሞልቶልን የተዋደድን አልነበርንም። ካለቀበት ፍቅር ላይ ተፈናቅለን በየአንካሳ ልቦቻችን ነበር የገጠምነው። ስባሪዬ ከስባሪው የገጠመ ነበር። ወጣት እና ቆንጆ ስንሆን ግዜን በኪሳችን ቀብድ ሰጥተን ያስቀመጥናት ይመስለናል። አማራጮች ያሉን ፤ ቡኒው ቢቀር ቀዩ የሚመጣ አይነት ህም... አንዳንድ የማይደገሙ ሰዎች አሉ። ስለመውደድ ስናስብ በሰባራም ልብ ቢሆን አእምራችን ሮጦ የሚቆምባቸው፤ የልባችን ግድግዳ ላይ በትልቁ ፈርመው ያለፉ... እንደእሱ እና እንደ እኔ ያለን መንገድ አንዴ የሚያመጣን ክስተቶች ...በሄድንበት መንገድ መመለስ ሽንፈት የሚሆንብን አለን።
እንደማይረሳኝ አውቃለሁ። እንደማይመጣም አውቃለሁ። ይቅርታ ለደካሞች አትሆንም። ለእኔም ለእሱም። ግን እውነት ደካሞች ብቻ አይደለንም፤ ቂም ላይ እንዴት ያለን ጎበዞች ነን! ሁላችንም ብርቱ ጎን አለን አይደል? አዎ እኔም እሱም ቂም ላይ ብርቱዎች ነን። ህመማችንን እንደገና ዛፍ ፣እንደቄንጠኛ ሴት ገላ፣ እንደ ጋለሪ ግድግዳ ስናሸበርቀው ጎበዝ የሆንን። ገነትን እያሳዩ ቃል ቢገቡልኝ ይቅር እንደማልለው አውቃለሁ። ይህንን ማጅራቱን ተብሎ ተስፋውን የተሰረቀ ይረዳኛል። የምፀልየው ጌታ በልቡ አድሮ ለይቅርታ ደጄ እንዳይደርስ ነው። አምላክዬ ሆይ አደራህን ቂሜን እንዳታስፈታኝ እለዋለሁ። እንዳይረሳ ደጋግሜ ደጋግሜ አስታውሰዋለሁ። ሲበላ፣ ሲራመድ ፣ የሌላ ሴት የዳሌ ቅንብብ ሲያይ ትዝ እንደምለው አውቃለሁ። በየሴቷ ጉድጓድ ውስጥ እንደሚፈልገኝ አውቃለሁ ምናልባት አንዷን <<እንደሱ አትሳቂ>> ብሏት ይሆናል። የእኔን ፈገግታ አስታውሶት፣ ምናልባት አንዷን ቀጥሯት ቀርቶ ይሆናል፤ የምወደው ቦታ ላይ ቀጥራው.. የሚረሳኝ አይነት ቀላል ቁርኝት አልነበረንም፤ ሊረሳኝ ግን እየለፋ ነው። ያለመምጣቱ ነገር የሚያስመጣው ምክንያት ጠፍቶ ወይ የተሸረሸረች የፍቅር መንገድ አጥቶ አይደለም። አብረን የረመረምናትን መንደር እንዳይረግጣት እየለፋ ስለሆነ እንጂ። አደራህን ጌታሆይ ጥረቱን ቁጠርለት፤ ደግ ምስሌን ሰርዝና አእምሮው ላይ ክፋ ክፋዬን አትምበት። እሱን ይቅር ካልኩ ራሴን ይቅር አልልም። ከእሱ ተጣልቼ መኖር ችዬበታለሁ ከእኔ ጋር ግን አልችልም።

አደራ
ለይቅርታ ደጄ እንዳይረግጥ
እኔም አልሄድ አልረሳለት።

Telegram • Instagram • Twitter