2411
وەنەدی سنۮۆقڵەی شیشەینوو یاگێ لیرە و جەواهێرینە تاودێ پی نام ونیشانە چێوما پەی کیاندێ @mofahim
گۆشێم خانوو !
چەمێم قووجنوو !
قەپە گیروو زوانیم !
وەلێم دەرقەتوو وێم نمەوو !
ئاوەزیای چ سەخڵەتا !
وەشڵەیم پا وەیوڵا کە ئاڵۆچێەنێرە جاموو دلێ ماشینیرە ٠
بێ خەموو قۆرتا ژیوای خجڵوو هۆر پڕای وێشانێ !!!
وەشڵەێم ژیوای ئاخرەو رووبە ئەوەڵڵ بیەی و بەپیری ئامێنمێ دنیا ٠٠٠
ئاعانە جە پێشامەۮەیوە عەشقینە لوینمێوە تافوو جوانی ٠٠٠
چەودما بیەینمێوە بە زاڕۆڵەیوە بێ گوناع و نیمەشەوێنە
بەلاونای ئە‌ۮای سەرەما نیایەوە و مەردێنمێ ٠٠٠
@VANADIHOWRAMAN
هۆرامانوو ژاوەرۆی 🌷
دەگاو هەشەمێزی 🌷
ئەوەگێڵای پەی لاو زوانی ڕەسەنی هۆرامی :
کس ناشناس :
کابرا ، یاروە ، یارۆ ، فڵانەکەسە ، فڵانەکەس
کعبە ، بیت اللە : کابە ، یانەو خوۮای
چلچلە : پلیزگردی
کسی کە علف می کوبد : گەرەکەر
جمجمە : کاپۆڵ
نوع بیماری دام براثر پرخوری : گەر پێچ
گلابی : مرۆ ، هەمرۆ
بیرون آورد مغز گردو از پوسته
با کارد یا چاقو : کاردوەژێ
پوستەای کەمار میاندازد : کراژی
ستارە سحری :
هەسارەو ڕۆی
کهربا : کارەبا
قنات : کارێز
مقنی : کارێزکەن
کاسنی : چەقچەقە
غذای کە بە همسایە بخشند : کاسەهامسا
سفالگر : کاسەکەر ، هەوەڕگەر
خود فروختە :
وێورەش ، کاسەلێس ، چڵکاو وەر
کافر : خوۮا نەشناس ، خوۮا نەژناس
کفرستان : کافرسانی
تیغ مو تراش : کافرمان
عنکبوت :
جوڵاکەر ، جۆڵاکەرە ، کاکڵەمووشان
مغز گردو : مەژگە
@VANADIHOWRAMAN
هارە ! خۆسەیدی کەردی مۆچیاری
چی بیەیی غەڕەو بەینەتوو یاری؟
ئیسە بێ ناز و دوورکەوتەی یاران
کەوتەنی نەپای ، سەنگ هەواران
( فەهیم )
@VANADIHOWRAMAN
۱۳ = خڕ : ئا وردە تەوەنێنە کە پەێ پەڕ کەردەیۆ بەینوو دیواری و پەڕ کەردەیۆ دلێ بلووکا بە کاربریۆ
۱٤ = دیۆڵێ : تەوەنەی ساف و باریکە و میکلێنە کە منیاش سەروو دەسەک و پردۆ یانەی
۱٥ دنگی یام دننە : هاوانێ تەوەنینەی گەورێنەکە چێوش چەنە کوا
۱٦ = دەسە دنگ : تەوەنێنە پێسەو دەسە ئاوەننی
۱۷ = سیرە کۆڵێ یام هێلەساوە : تەوەنێوە سافەنە پێسەو هێڵێ کە ئەوسا یانەش پەنە ناوێنێ
۱٨ = هەسان : تەوەنێوە ساف و کەوێنە کە چەقوە و کاردی و ترێشتەو دارێ و تەوەر و تەورداسش پەنە تێژ کەرێنێ
۱۹ = هارە گلێر : تەوەنەی سافەو گردەنەکە مەژگەو وامی و دەخڵ و دانش پەنە ساوێنێوە
۲۰ = مەڕە : غارێوە تەوەنینا
۲۱ = رێز : وردەتەوەنی کە فارسیەکەش بۆ بە سنگریزە
۲۲ = قەڵوەز یام قەڵواز : ئا تەوەنێنە کە ئاوی سەرشەرە پڕۆرە و پێسەو تافی بەڵام نزمتەرا
۲۳ = درک : تەوەنێنە کە دلێ لەواسەو مشتێنە راش بۆوە
۲٤ = توازە : ئا لتە تەوەنێنە کە عانوو تەوەن ماڕای جە تەوەنەی گەورەتەرێ جیا بێوە
۲٥ = دوڵاو : کە ئەسڵەکەش دۆڵەو ئاوێ بیەن پێسەنە دۆڵەی وەختوو تەڕ و تووشی ئاویش چەنە گلێرە بۆوە👇 @VANADIHOWRAMAN
مەولەوی و ئەحمەۮبەگی کۆماسی
میکس و مونتاژ :
سۆران فەهیم
@VANADIHOWRAMAN
فارسی 👇
قرار و خواب زحافظ طمع مدار ای دوست
قرار چیست ؟ صبوری کدام ؟ خواب کجا؟
هۆرامی 👇
قەرار و خاب زوحافێز تەمەع مەدار ئەی دووست
قەرار چیست ؟ سەبووری کودام ؟ خاب کوجا ؟
فارسی 👇
کنار امن کجا کشتۍ شکسته کجا
کجا روم من از اینجا به پای بسته کجا
هۆرامی 👇
کەنار ئەمن کوجا کەشتی شکەستە کوجا
کوجا رەوەم مەن ئەز ئینجا بە پایێ بەستە کوجا
هەراڵە برەمێ وەرزوو وەهاری
مەرمانا شێوەو قامەتوو یاری
یارم هۆرامان ، دڵدارم وەتەن
خاکش تووتیای دیۮەی نەسرەوتەن
(فەهیم )
@Vnadihowraman
سۆزێوە پەی :
برای ڕەحمەتی کاکە ئیسماییلی فێرۆزی باخەوانوو باخوو وەشەسیایی و عەشقی🌷
@VANADIHOWRAMAN
نە وەهار مەنەو نە سوور هەراڵەش
بێ شۆن بی لالە و جام و پیاڵەش
بێ سۆزەن نەواو ، ژەرەژا کەشی
وەهارعەمرئاسا جەدەسما بەرشی
(فەهیم )
@VANADIHOWRAMAN
ئەوەگێڵای پەی لاو زوانی ڕەسەنی هۆرامی 🌺
یگانە فرزند = تاقانە
مرغ حق = تاق تاقکەرە
تاب و توان ، شکیبایی = تاقەت
آزمودن = تاقی کەردەیۆ
آزمایشگاه = تاقیگا
پراکندە = تاک و ترووک ، پژگیا ،
بخت و اقبال ، چاره ، تاڵە ، شمس
غارت = تاڵان
گیاە مورد علاقە کبک = تاڵشکی
بەغارت رفتە = تاڵانی
تلخی کنایە از درد و رنج ، = تاڵی وسۆڵی
مزە = تام
نژاد و اصل = ڕەگوو ڕیشە ، تان و پۆ ، بنەچە
گناهکار = تاوانبار
غرامت پرداز = تاواندەر
اندک زمانی = تاوێ ، قولێ ، کوچالەی ، دالەیۆ
ذوب شدن ، حل شدن = ئەوەتاویای ، تاویایەو
مخصوص = تایبەتی ، ئەنقەس
طایفه = قەوم وقەلاجە ، هۆز ، قەوم وقیلە
طرف و نزدیکی = تخون ، قەرە
از هم در رفتن = ترازیای
ربودن = ترافنای ، ڕفنای ، ئەڕفانای ، دزیەی
ترسو = تەرسەزاڵ ، بێ زات ،
ترش و شیرین = مزر
@VANADIHOWRAMAN
ئەرمەنم پەی چێش یام چین وماچین
یا خەیر وەشتەرین ماوای سەر زەمین
من نە وەرچەم تەنگ ڕەگەز پەڕەسنا
نە بە شەرابوو نەزانی مەسنا
جەلاش شیرینەن هەرکەس وەڵاتش
وەنەش مەبارەک دیاری وخەڵاتش
وەلێم یەسێوە خاکوو وەتەنیم
تاڵێ موو سەرەو پیا و پیرە ژەنیم
جەلام ئازیزتەر جەگەنجوو شاران
نەۮاری وەشەن تا دووری یاران
( فەهیم)
@VANADIHOWRAMAN
* چەنی :
بنیاۮەمی گەورەی ، نیمەگەورەی و
وردی بژناسمێ ؟*
✅ دەرزوو 1
ئینسانی گەورە وەڵێ گرکەسینە سڵام کەرۆ ٠
ئینسانی نیمەگەورە پەلەیوەش نیا پەی سڵام کەردەی ٠
ئینسانی وچکلە :
چەمەڕان هەتا سڵامش کەرا ٠
✅ دەرزوو ٢
بەشری گەورە :
ئەوەڵ ویرێ کەرۆوە جا قسێ کەرۆ ٠
بەشەری نیمەگەورە :
ئەوەڵ قسێ کەرۆ جا ویرێ کەرۆوە ٠
بەشەری گولانە :
هەر وێرێ نمەکەرۆوە ٠
✅ دەرزوو ٣
بنیاۮەمی گەورە :
خرابی خەڵکیش ویرمشۆوە ٠
بنیاۮەمی نیمەگەورە :
خاسی خەڵکیش ویرمشۆوە ٠
بنیاۮەمی ویکلە :
دۮان نمەنیۆ پانەیرە کە چێوێش ویر مشۆوە ٠
✅ دەرزوو ۴
ئینسانی گەورە :
قسێ هەقێ قەبووڵ کەرۆ ٠
ئیسانی نیمە گەورە :
قسێ هەقێ قەبووڵ نمەکەرۆ
ئیسانی گولانجڵە :
دژمەنوو قسێ هەقێن ٠
✅ دەرزوو ۵
ئینسانی گەورە :
قەرەبوو هەڵەو وێش کەرۆوە ٠
ئینسانی نیمە گەورە :
هەڵەو وێش دووبارە کەرۆوە ٠
ئینسانی وردیکڵە :
مل نمەۮۆ ژیوایشەنە هەڵەش کەردەبۆ ٠
✅ دەزوور ۶
بنیاۮەمی گەورە :
ئاوڕوو خەڵکیشا گەرەکا ٠
بنیاۮمی نیمەگەورە :
تەنیا ئاوڕوو وێش گەرەکا ٠
بنیاۮەمی مێقلە :
ئینا ویروو ئاوڕوو بەردەی خەڵکینە ٠
✅ دەرزوو ۷
ئینسانی گەورە :
تاریفێ ئێۮ و ئەوی کەرۆ ٠
ئینسانی نیمە گەورە :
تەماشەو ئێۮ و ئەوێ کەرۆ ٠
ئینسانی وردیکڵانە :
فیفێ کەرۆ پێۮ و پەوێ ٠
✅ دەرزوو ۸
ئیسانی گەورە :
ڕۆ بە رۆ ڕفێقێش فرەتەرێ با ٠
ئینسانی نیمەگەورە :
ڕفێقێش زیاۮێ نمەبا ٠
ئینسانی وچکلە :
ڕەفێقێ نمازۆ دەور و بەرشەنە
✅ دەرزوو ۹
بەشەری گەورە :
زەڕی خەرجوو ماباقی کەرۆ ٠
بەشەری نیمە گەورە :
تەنیا زەڕش پەی وێش گەرەکارێ ٠
ئینسانی مێقلالە :
وێش کەرۆ خەرجوو زەڕی ٠
✅ دەرزوو ۱۰
ئینسانی گەورە :
خەڵکی یۆ وزۆ ٠
ئیسانی نیمەگەورە :
یۆ گێرتەی پارێزنۆ ٠
* ئینسانی مچکلە :
ئاوژالێ منیۆ وە *
✅ ئی بەشەرا :
دەور و بەروو ئێمەنە ژیوا ئێمە جە کام دەسەینمێ ؟
چن حەیفا ئەرگەورێ نەبیمێ !
@VANADIHOWRAMAN
سەمەر و موهەننا :
دوێ مەدرەسەیی و ئەننۮامێ تەقالادەروو کتێبخانەو گردی بێسارانینێ کە دماو تەمامیای مەدرەسەیرە پێسەو فرەتەروو ڕەفێقاشا چەنی ئەۮا و تاتەیشا کۆچ کەرا پەی هەواری و دلێ مڵکا ، هەر چن ڕاشا دوورە و سەخڵەتەنە و ئێۮێێچ زاڕۆڵێنێ ، وەلێم گر ڕوێ بە پەی مەیاوە کتێبخانەو بێسارانی و کتێبێ بەرا بە ئەمانەت هەتا وەناشاوە ٠
هەتا هۆرامان ، وریەی با ڕۆڵێش
مەرەجیۆم ڕوێ وەی پڕۆ کۆڵێش
هۆرامان داییم چەمش ناڕاوە
تا ئی نەماما ،، لاش کەرا لاوە
( فەهیم )
چەنی دنیەوە خانەئاوایی جە کتێبخانەو بێسارانی و کاناڵەو هەواڵ یاونای بێساران ماوای 🌷❤️🌷
@VANADIHOWRAMAN
🍂
حەکایەتەو
مەشوولەی و هەشپشێ !
هەشپشێوە دلێ یاگە و بانوو پیەیوە دوەڵەمەننۮینە ژیوێ و واردەیچش وەنەو کابرای بێ ٠
شەوێوە مەشوولەیوە بیە مێمانەو هەشپشێ ٠
هەشپشێ وات : ئێشەو مەلەوە و چی دلێ لێف و دوشکە نەرموو گەرمینە پەی وێت ویارەش ٠
مەشوولەیچ نەلاوە ، عانێ کابرا وەرمی بەردەو پاسەش گەست هایش بیەو وەرمش زڕیا ٠
دەوڵەمەننۮ دەسوورشدا گێڵا لێف و دۆشکەکەرە ، بێژ هەشپشەکی چێوێ تەرشانەیسەو ،
داخینەچێرووناخوونینە تلێقناشا ، وەلێم مەشوولە ڕەما بێ ٠
کەسێ دەسوو بەۮ ڕەسەنیۆ بەرشیەیش نیا ، تەنانەت ئەر وێچش هیچ چەنە نامابۆ پێۮ و پەوی عەزیەت کەرۆ ٠
@VANADIHOWRAMAN
رەحمەت واران بی سەرشاتە ماوا
وەرکەمەرەکەو وەر تاقڵەو کاوا
هەتا هۆرامان مەنەن دنیاوە
وەشەسیانی لاو هۆرامیاوە
( فەهیم )
@VANADIHOWRAMAN
📘✍
🔹 کابرەیوە :
شەویوە دێر وەخت عانێ دەگاکێ تاتەیشەو شماڵەنە گێڵای گێڵێوە جیاتی ئانەی جاۮەی ئەسڵیۆ بەیوە کەوتەو ویروو قسەکێ تاتەیش کە واچێ : جاۮەی قەۮیمیرە بەیوەچون دارەسانا و جەنگەڵا وەشتەرا !
🔸 ئی پیا ماچۆ : منی گێل کەوتا شۆنەو قسەکێ تاتەیم و لوانێ دلێ خاکی هەڵای 20 کیلۆمترێ جاۮە ئەسڵیۆ دوور نەکەوتە بێنێوە کە ماشینەکەم کوشیاوە و هەرکارێم کەرد نەکەوتەو ڕا ٠
دلێ جەنگەڵی خەریک بێ تاریک کەرۆ
، دەسی بێ دەسەڵات ماشینم جیا ئاسوو بە پەی سەرووجاۮەکەیرە کەوتا ڕا ، وارانیچ دانەش دا و یەکسەرە فیسیانێ ٠
🔸دیم دەنگێوەئاما و ماشینێوە بێدەنگ لامەنە مردا و منیچ گورج بەرەکەم کەردەو پڕانێ سەروو سەنۮەڵیەکەی و نیشتارە ٠ ئاننۮە تەڕبیەبێنێ ناوەزیام بۮیەودلێ ماشینەکەیرە ، هەکە ئامانیۆ وێرە و سەرەم بەرز کەردەو هەتاخانە ئاواییش کەروو دیم کەسێ نیا پەشتەو فەرمانیۆ و ماشین چۆل و هۆڵا !
🔹خجڵ بێ زێڕە کەروو ماشینیچ بێ دەنگ جمارە ٠ کوتووپڕ ئاسمان برووسکەوێش شانا ، تەماشەم کەرد ماشینەکە یاوا سەروو قەمچێوە و ئازاو ئەننۮامیم نیشت لەرزە ، تەنانەت نەتاوێنێ هاوارێ کەروو ماشینیچ ملش نیا ٠٠٠
🔸چا وەختەنە بابای ڕەحمەتیم وەروو چەمامەو پێویا ، ئاننۮەم زانا دەسێوە شیشەکێوە ئاما دلێ ماشینی و فەرمانەکێش چرخناوە پەی دلێ جاۮەی ! هەر جارێ ماشین رووەکەرێ رووبە دەرە و هەڵەتی دەسێوە ئێ و فەرمانەکێ گێڵنێوە پی لارە ٠
🔹دوورەو شەوقێوەم دی تا واچی چ کنم بەرەم کەردەو وێم وست بەر و ڕەمانێ ڕووبە ئا دەگێ کە شەوقوو چراوەکێ پێویێ٠
🔸لوانێ قاوەخانەرە و هەر ڕاوە سەروو زەمینیۆ ئێژیانێرە ، دماو ئانەیە ئامانیۆ وێرە جەرەیانەکەم کۆرناوە پەی خەڵکەکەی عانێ قسەکێم تەمامیەی تا چن سانیەوە گر بێ دەنگێ بێنێ ، ئێننۮەم زانا بەرەو قاوەخانەی کریاوە و دوێ نەفەرێ تەڕ و تڵیسێ وێشا کەرد قاوە خانەرە ٠
🔹یۆشا قێڕناش حەمە بۮیەش پەی !ئینە هەر ئا دەعبانە عانێ ئێمە بۆقە نیێنمێ ماشینەکەیۆ پڕانە دلێ ماشینەکەی !
@VANADIHOWRAMAN
دزی با شەرەف :
میرزا ئەدیب :
شاعێر و نویسەننۮەی پاکستانی (1999) نە دلێ کتێبێوەشەنە نویستەنش :
جە ساڵەکا 60 ینە شۆنەو کسمێوە دەرد واردەیرە رووبە ( دهلی ) جمانێرە ٠ ڕوێ خیاباننە ئوتووبووسسێوەنەە وەسارە ، عانێ دەسم کەرد کیسەمرە مەحەل بێ شێت بوو تەماموو 9 ڕوپیەکەیم و نامەێوە کە نویسەبێم پەی ئەۮایم کیسەبڕی بەردەبێ ٠
قاقەزەکەنە نویسەبێم :
ئەۮا ئازیزەکێم !
سەروو هەرمانەکێمەو نەمەنەنا ئی مانگێ 50 ڕوپیەکەو خەرجی مانگانەیتم پەی جۆر نمەبۆ! چن ڕوێ بێ قاقەزەکەم کیسەنەبێ وەلێم وەروو بێ زەڕی نەتاوابێم وزووش پۆس ، کیسەبڕ ئاۮیچش چەنی زەڕەکی بەردەبێ ٠
نۆ ڕوپیێ زەڕێوە فرەنیا وەلێم پەی کەسێوەکە کسم وکار و دەرامەۮێوەش نەبۆ نۆ هەزار ڕوپیێچ فرەتەر مێژۆ ٠
بەینێوە بێکار بێنێ ، ڕوێ نامەێوە ئەۮایم ئاما نەیارێنێ کەرووشەو تەرسێنێ ئەۮام وەروو بێ دەسەڵاتیم و خەرجی نەکیاسەیم دڵگرانە بیێ بۆ ٠
بەهەرحاڵ پاکەتەکەم هۆرتەکناو قاقەزەکەم وەناوە
مەحەل بێ شاخێ بزنوو ، ئەۮایم نویسیەبێ :حەواڵەو 50 ڕوپیەکەیتم دەس گیربی ، ڕۆڵەگیان تۆ چننۮه ئینسانێوە گەورەنی !
هەرچن کسم و کارێوەت نیا وەلێم دیسان زەڕت کیاسێنا پەی ، خوۮای گەورە خەیرەو عاڵەمیت بارۆ ڕا ٠
سەرسام بیەبێنێ کێ ئی زەڕشە کیاسێنە پەی !
چن ڕوێ پی حاڵ و ئەحواڵەو ویارام هەتا نامەێوەتەرم ئاما پەی ٠
نامەکەنە نویسیا بێ :
ناموو نیشانوو یانەکەیتم سەروو پاکەتوو نامەکەو ئەۮایتەو دەس کەوت ٠
41 روپیێم نیاسەروو نۆ رووپیەکەو وێتەو پاناموو نیشانەو کە سەروو پاکەتوو نامەکەیۆ بێ حەواڵەم کەردە پەی ٠
من دماو ئانەیە کیسەکەم بڕیەیی نامەکەتم وەناوە ئەۮاو تۆم بە ئەۮاو وێم نیارە و واتم : چی مشیۆ دەینوو ئاورایی ئەۮایت بێ گەردەنم !
وێم نیا یاگێ تۆ ودماقەرانوو مانگانەکەو ئەۮایتم کیاسە پەی٠
من ئا دزنا کە زەڕەکەم بەردی !
ڕاو خوۮاینە گەردەنم ئازاۮ کەرە !
" * بازەجارێ دزێ باشەرفتەرێنێ چانیشا کە وێشا بەشەر منیارە و چەمشا نیا ئاورا و تژنەیۆ هەر ئینەی ویروو بەۮ بەخت کەردەیشانە ٠
@VANADIHOWRAMAN
۲٦ = تل : تەختە تەوەنێوەنە گەورێ و ئەغڵەب گردەنە کە تەنیا مەر بە تلنای جمنیش
۲۷ = تورم : تەوەنەی قنج و بەرزەنە پێسەنە کەلە قەننۮی
۲٨ = پیچەک : تەوەنەی مێقلانێنە عانێ خیاڵشا بۆ یۆی هاگادار کەرا یاوزاش پەی وێش وە یام ماڵاش شیشێ دلاقەیرە
۲۹ = هارە ئاساو : تەوەنەی پانەنە کە ئەوسا خەلە و دەخڵ و دانشا پەنە هاڕاێنێ ، ئی هارە ئاساوا دوێ بێنێ سەرهار و چێر هار چێر هار یاگێ وێشەنە نەجمێ وەلێم سەرهار گێڵای گێڵێ
۳۰ = دەس هار یا دەس هاڕ : هار ئاساوی گولانجڵەبێ و دەسەیوەش بێ وبەدەس سوڕنێنێشە و چێوش پەنە هاڕێنێ ،
مامۆسا سەیدی عانێ وەشەسیاکێش هارەکەرۆ ئی دەس شێعرێوەش بەنامێ هارە سەختەنی چنۆ پۆرە
@VANADIHOWRAMAN
بازێ چا نامێ تەوەنا کە ئینەی زوانی هۆرامینە :
۱ = سەخت : تەوەنێوەنە کە بەسەختێ پۆرەشەرە ویەری ، ئاکەسیچە کەتاوۆ بلۆش پۆرە ماچاش پەنە :
سەختیار ( کوەنورد )
۲ = کەڵەلان : ئا تەوەنێنە کە کەڵێ کەراش بە لانە
( لانەو کەڵا )
۳ = کۆبەس : تەوەنێوەنە کە کۆێ گەورەش گیردان
٤ = موورێ : ئاتەوەنێنە کە چوار گۆشە و یەرەگۆشە تاشاش و جە یانەنە پەی دیاری کەردەی گۆشە و سووچوو یانەی نریۆ کار
٥ = تەوەنەو بەسی : تەوەنێوەنە کە ئینا چێروو تاشێ گەورەینە
٦ = تاش : تەختە تەوەنێوەن
۷ = کەمەر : ئاتەوەنێنێ کە فرە سەختێ نیەنێ وبەشەر تاوۆ ویەرۆ پۆرشارە
٨ = تەوەنەو سرۆنای ، یام سرامای یام ئەلحەۮە
کە منیاش سەروو ئەلحەۮەو مەردەیۆ
۹ = ما ، یام مایە : رشتە کۆیێوەن ساف و سەخت کە گوزەرکەردەیش ئەر مەحاڵ نەبۆ ئاسانیچ نیا
۱۰ = وەزەنی : کۆێوە تەوەنینی ساف و بەرزا کە بەشەر نمەتاوۆ چەنەش هۆر وەزۆ
۱۱ = ددانە : تەوەنەی وچکلێ و باریکەنە کە جە دیوار نیەینە منیاش چێروو تەونەی تەرێ
۱۲ پاسارە : تەوەنەی ساف و پانەنە کە منیاش چوار لەوو بانیرە تا نازۆ ئاوی بەیرە دیوارەرە @VANADIHOWRAMAN 👇
فارسی 👇 ( حافظ)
دوش از مسجد سوی میخانە آمد پیرما
چیست یاران طریقت ، بعداز این تدبیرما
هۆرامی 👇 (حافێز )
دووش ئەز مەسجێد سویێ مەیخانە ئامەد پیر ما
چیست یاران تەریقەت بەعدەز ئین تەدبیر ما
فارسی 👇 (حافظ )
ما زیاران چشم یاری داشتیم
خود غلط بود آنچه می پنداشتیم
هۆرامی 👇 ( حافێز )
ما زو یاران چەشم یاری داشتیم
خود غەلەت بوود ئانچێ می پێنداشتیم
فارسی 👇 (مولانا)
تۆ نەچنانی کە منم ، من نە چونانم کەتویی
تۆ نە بەرانی که منم ، من نه بەرانم که تویی
هۆرامی 👇 ( مەولانا )
تۆ نە چۆنانی کێ مەنەم ، مەن نە چۆنانەم کێ تۆیی
تۆ نە بەر ئانی کێ مەنەم ، مەن نە بەر ئانەم کێ تۆیی
فارسی 👇( مولانا)
من همه در حکم توام ، تو همه در خون منی
گر مه و خورشید شوم من کم ازآنم که تویی
هۆرامی👇( مەولانا )
مەن هەمە دەرحوکم تۆئەم تۆ هەمە دەرخون مەنی
گەر مەوخوەرشید شەوەم مەن کەم ئەز ئانەم کێ تۆیی
@VANADIHOWRAMAN
هۆرامی چەنی بنویسمێ ؟
شێوە خەتی فارسی 👇
خلل پذیر بود هر بنا کە می بینی
مگربنای محبت کەخالی ازخلل است
شێوە خەتی هۆرامی👇
خەلەل پەزیر بوەد هەر بێنا کێ می بینی
مەگەر بنای موحەبەت کێ خالی ئەز خەلەل ئەست
شێوە خەتی فارسی 👇
گفتم غم تۆ دارم گفتا غمت سر آید
گفتم کە ماە من شۆ گفتا اگر برآید
شێوە خەتی هۆرامی👇
گوفتەم غەم تۆ دارەم ، گۆفتا غەمەت سەر ئایەد
گۆفتەم کێ ماه مەن شۆ ، گۆفتا ئەگەر بەر ئایەد
فارسی 👇
گفتم زمهرورزان رسم وفا بیاموز
گفتا ازخوبرویان این کار کمترآید
هۆرامی 👇
گۆفتەم زۆ مێهروەرزان رەسم وەفا بیامووز
گۆفتا ئەز خوبروویان ئینکار کەمتەر ئایەد 👇👇
@VANADIHOWRAMAN
ئەوەگێڵای پەی لاو :
زوانی ڕەسەنی هۆرامی ❤️💐❤️
سرانجام =
دماتەر ، دمایی
کنایە از ترس زیاد = دڵەلەرزێ ، دڵە خورپێ ،
عقرب =
دمارەکۆڵ ، مارەکۆڵ
سخنور و سخنگو :
دەم ڕاس ، قسەزان
پرگوی شتابگو =
دەم هەراش ، فرە دۆ
گفتگوی دوستانە میان دوتن = دەمەتەقێ
اداء درآوردن = دەمەلاسکێ ، لاسایی ، چەنەی
منقرض شدن =
دما بڕیا ، ڕیشە بەرئاما
عقب افتاده = دماکەوتە ، جیامەنە
آش دوغ =
دۆخەوا ، دۆخوا
نوعی رقص =
دوە دەسماڵە
بارش برف و باران باهم = دوەدانگ
از دور زیبا نما و از نزدیک زشت =
دوور کوش
از دسترس خارج = دوورە دەس ، جەدەس بەرشیە
نوعی انگور در هۆرامان = دەرەبۆڵە
سخن چین =
دوەزوان ، فتنە
بدزبان و فحاش =
دژمان ورەش ، کەچ کەلام ،
تشک کوچک =
دۆشەکڵە
سالاد خیار و ماست = دۆغرمە
خانە دو طبقه =
دوەنۆهم
جای غله هنوز آرد نشده در آسیابهای قدیمی =
دۆڵیانە
تنبک نواز =
دمەک ژەن
دوبار شخم زدن زمین=
دوەهێشە
آوارگی =
دەربەدەری ، وەیلانی ، سەروەنە شێویایی
راە دهانە درە
دەربەن ، دەروەن
@VANADIHOWRAMAN
ئوستاد سەر مەشق نەقش نەقاشان
بەرئارەندەی گوڵ جە تاقڵەی تاشان
ناسکی گوڵی و سەختی تەوەنی
سەلەمناش پەنەم بیەنی و هەنی
( فەهیم )
@VANADIHOWRAMAN
🍂
ئاوەزی کەموو ، زۆری فرەتەر !
پاۮشەیوە لوای لوێ پەی ڕاوێ ٠ ڕارە شێتێوەش دی کە زاڕۆڵا دەورە دان و گەمەش پەنەکەرا ٠ْ شێتەکەیچ بەین بەینێ تەوەنێ شانێ پەی یۆی و جارجارێ دژمانێوە دی بە یۆی تەریشا ٠ شایچ دەسوورش دا ئاردشا و پێوەرە جمەیرە ٠ دلێ ڕینە چن سوالێوەش پەرسەی وەنەو شێتەکەی کە ئاوەزدارانە جوابش دەیوە شایچ سەرەش سڕ مەنە و پەرساش وەنە :
" وەروو چێشی چەنی من پێسەو ماباقی نمەجمیوە؟ "
شێتەکەیچ وات :
" قوربان! وەروو ئانەی تۆ ئاوەزت جە من کەمتەرا و زۆرت فرەتەر ٠ تەرسوو قووشقی بی و دەسوور بۮەی کوشام . پەوکای دەسی بێ دەسەڵات مەجبوورنا ساچووت چەنی🍂
@VANADIHOWRAMAN
ئەوەگێڵای پەی لاو :
زوانی ڕەسەنی هۆرامی
گذشته : ویەردە ، ئەوسا ، چەیوەڵ
مشورت : تەگبیر ، ڕاوێژ
آراستن :
ڕازنایۆ ، ئەوەڕازنای
آراسته :
ڕازیاوە ، ئەوەڕازیا
افسانە : ڕازە
همواری زمین :
ڕاسایی ،
سارایی ، تەختایی
صادق :
ڕاس واچ
رهزن :
ڕاگیر ، چەتە ،، تەریۮە ،
رام شدە ،
ڕام بیە , لێنی ،
تعلیم دادن :
فێرکەردەی ، ئاردەینە ، تالیمدای ، مەشق پەنەکەردەی
یخ زدن :
ڕچیای ، بیای
کورە راە ، مالرو :
ڕچێ ، تووڵە ڕا ، توولە ڕا ، باریکەڕا
راە در برف کوفتن باپا : ڕچە ماڕای
پوسیدە : پویا ، ئەرە ڕێزا ، ڕێزارە
رستگار : رزگار ، نەجات بیە
لخت و برهنە :
رووتەڵ ، رووت ، زەڕنە قووتە
پرکندە و برهنە ، رووتیاوە ، ئەرەرووتیا
ندار و گدا : رووت و ڕەجاڵ ، روتوو و قووت ، کزۆڵ ، ڕەش و رووت
روزنە :
ڕۆچن ، ڕۆچنە
متکبر :
ڕۆح زل ، وێ بەزلزان ، قۆز
شرمساری :
رووسیاوی ، تەرێقی ، خەجاڵەت باری
@VANADIHOWRAMAN
جەژن و جەژنانەم هەر یەک جەردەیێ
بەردەوە پەی هەرد موترێب پەردەیێ
❤️ مەولەوی ❤️
جەژنەو چەنە ویەردەی و ڕزابیەی بەڕەزایش وەنەو یوە یوەو ئازیزا مەبارەکە بۆ❤️🌷❤️
@VANADIHOWRAMAN
لۆلاو
ئەوەگێڵای پەی لاو
زوانی ڕەسەنی هۆرامی❤️
دسپخت بچەها = چاشتە قولێ
چهار زانو نشستن = چوار مشقی
شقایق = چارەچەقیلێ ، نان و دۆ بڕە
راە حل = چارەسەر
یک چهارم = چواریەک
سرنوشت = چارە نویس
ناگریز =
چاری ناچار ، دەسی بێ دەسەڵات
زمین ناهموار : چاڵ و چۆڵ
چاە آب = چاوانه ، بیرە
چشم برآمده = چەم بۆق ،چەم بەرپڕا
گذشت = چەم پۆشی ، پاپۆرەنیای
سرسری نگاە کردن =
چەم پۆرە خشنای ، چەم پۆرە گێڵنای
برهم زدن پلکها = چەم ترووکنای
نظارت = چەمۮاری
انتظار = چەمەڕا
وبا = چەمە قووڵە
چشمک زدن =
چەمەقرتێ ، چەمەرەگێرتەی
بازی چشم بند = چەمەشارکێ
@VANADIHOWRAMAN
وەختێ کە مەولاو گر سینەسافان
مەعدوومی سەرعیل تەمامی جافان
مەلوو خیاڵیش ،،،،،، هۆرامی وەنۆ
دیوانی بەرزش ،،،،،،، وێمانە ژەنۆ
کەی ڕەوان بیناو ، زوانیم وڕنوو ؟
ناکەسان ئاسا ، ناکەس هۆر پڕنوو
( فەهیم )
ئەوە گێڵای پەی لاو زوانی ڕەسەنی هۆرامی :
خاموش ، ساکت : مات ، بێدەنگ
ورم : ماسای ، کیس ، هۆرئامای،
متعجب ، ماق ، واق ، سەرسام ،
قابلە : مامانە
اعتصاب : مانی ،
کنه ، ساس : مچی ، گەنێ
اجرت ، مزد : مس ، مزە ، هەقەدەس
ترش وشیرین ، ملس : مزر
نیم مشت : لاگویل
مشت گرە کردە : مشتەکۆڵە
مشمە : مقاو ، نەوشی وڵاخی
ژست : مڵق ، وێگێرتەی
مزاحم : مڵۆزم ، مێمڵ
مغز استخوان : مۆخ
مهرە ، مۆرەخێ ، مۆرە ، بڕبڕێ
جڕ : مۆریانە
تجمع حیوان : مۆڵ
مقصود ، منظور : مەرام
خواهش ، تمنا ، استدعا : تکا ، ئەوە لاڵیای
غار ، مەڕە
تمرین : مەشق
شنا کردن : مەلێ
پماد ، مرهم : مەڵهەم
راکد ، متوقف : مەننۮ
رختخواب پیچ : مەوجە
@VANADIHOWRMAN
☀️ چن دەنگێوە جە زوانی هەورامینە☀️
برمە ، پرمە ، زرمە ،
گرمە ، پژمە ، سڕمە ،
کرمە ، خرمە ، قرپە ،
خرپە ، چرپە ، خرچە ،
کرچە ، پرتە ، سرتە ،
ورتە ، قرتە ، فرتە ،
جێڕە ، چۆڕە ، مێڕە ،
گێڕە ، فێڕە ، قێرە ،
وێڕە ، زێڕە ، پێڕە ،
نێڕە ، هۆڕە ، بۆڕە ،
قۆڕە ، جیزە ، گیزە ،
ویزە ، میزە ، جووزە ،
پرخە ، مرخە ، مرقە ،
مڵقە ، چڵپە ، شڵپە ،
شڵقە ، زڵقە ، فڵتە ،
پڵتە ، نێخە ، شرێخە ،
برووسکە ، چەخماخە ،
ترێشقە ، ترێقە ، پرێقە
زرێقە ، سەڕە ، نەڕە ،
لەرزە ، شەکە ، شۆکە ،
لەرە ، شەقە ، رەقە ،
قرمە ، قاسپە ، قاقبە ،
زرنگە ، شراخە ، لێزمە ،
رەهێڵە ، منجە ، قنجە ،
فنجە ، منگە ، نسکە ،
ویتە ، فیتە ، قیتە ،
وێقە ، هێڕە ، سێخە ،
شەپە ، تەپە ، فتە ،
فچە ، گارە ، گڕە ، قرازە
کڕە ، نقە ، قۆزە ،
نووزە ، قرووزە ، خرنگە
درنگە ، زڵە ، قاڵە
گومە ، لرفە ، بڵێسە ،
کڵپە ، ناڵە ، لووشە ،
فیشە ، میشە ، حیلە ،
پژگە ، سۆزە ، سووسە ،
زڕە ، خوڕە ، مڕە ،
وڕە ، قڕە ، شڕە ،
باڕە ، قاڕە ، هاڕە ،
هاژە ، بۆڵە ، سۆڵە ،
چرکە ، لرخە ، نرکە ،
چرتە ، فرتە ، پرتە ، تەپە ،
فێقە ، چێقە ، زێقە ، زرێقە ،
پریکە ، قڕە ، زریکە
فیشقە ، پێقە ،
سڵمە ، قرچە ، چزە ،
گژە ، گفە ، گیفە ،
لوورە ، تکە ،
واقە ، چەقە ، تەقە ،
کشە ، فشە ، مشە ،
خشە ، چفە ، فسە ،
@VANADIHOWRAMAN
ڕوێ :
پاۮشەیوە قەسرەکێشنە نیشتەبێرە دەنگوو کابرەیوش ژنی کە هەراڵەو ساوا کەرێ ٠
عانێ دەلاقەو قەسرێوە تەماشەش کەرد دیش پیەیوە دەگایی بارێوە ساویش نیەینێ ئۆڵاخەکەیش و ملای ملۆ پەی بازاری ،
پاۮشایچ دڵش شی وەنەو ساوەکاو بە وەزیروو دەرباریش وات :
5 لێرێ خەزانەنە بەرەو چا ساوامە بارە پەی !
وەزیریچ پەنج لێریش بەردێ و بە یاردی دەرەکەیش وات :
ئی ٤ لێرەیە گێرە و ساوی بارە !
یاردی دەروو وەزیریچ چڕیش وەنەو فەرماندەو قەسرێ و واتش :
ئی ۳ لێرەیە بەرە و ساوی بارە !
فەرماندەو قەسرێچ چڕیش وەنەو ئەفسەروو دەروازەو قەسرێ و واتش :
ئی دوە لیرەیە بەرەو چا ساوامە بارە پەی !
ئەفسەریچ چڕیش وەنەو سەروازی و واتش :
ئی یەک لیرەیە بەرەو چا ساوا بارە !
سەروازیچ ڕەما شۆنەو کابرای ساو ورەشیرە و یەخێش گێرت و واتش :
کابرای دەگایی قوول و هوولوو چێشیتا ؟
مەر بی خەبەرنی ئیگە قەسرەو پاۮشەینەو پی دەنگە زلاتەو وەرموو عالاحەزرەتیت شێونان ؟
ئانا دەسوورش دانا پەنە وزووت زیندان !
کابرای ساو ورەشیچ وێش وس ملوو پاڵایا سەروازیرە و واتش :
بێ جام کەرد سەرکار !
ئی باروو هەسەرێ دەس ڕەنجوو ساڵێما گردی بەرە و مەبەرەم پەی زیندانی !
سەروازیچ تایێ بارەکەیش بەرد پەی وێش و ئەو تاکەیچش بەرد پەی ئەفسەرەکەی و واتش :
ئانا بە لیرەیوە نیمەو بارەکەیم ئارد !
ئەفسەریچ ساوەکاش بەردێ پەی فەرماندەو قەسرێ و واتش :
ئانا دوێ کیلوێ ساوی بە دوێ لیرێ !
فەرماندەیچ ساوەکێش بەردێ پەی یاردی دەروو وەزیری و واتش :
ئانا کیلوێ ساویم ئاردێ بە ۳ لیرێ !
یاردی دەروو وەزیریچ لوا پەی لاو وەزیری و واتش :
ئانا نیم کیلوو ساویم ئاردێ بە ٤ لیرێ !
وەزیریچ ٥ ساوێش بەردێ پەی شای و واتش :
ئانا پەنج ساوێم ئاردێ بە پەنج لیرێ !
پاۮشایچ وەروو وێشرە ئجیاش ئا خەڵکە ئینای چێرو دەسەڵاتوو ئاۮینە وەختارێ باخەوانش ساوێوە مۮۆ بە لیرەیوە وخەڵکەکەیچ لیرەشا لاوە بێ هەمیەتارێ و ساناش وەنە! تەمام دارەینێ و خاستەر ئانەن ماڵیاتشا زیاۮ کەروو هەتا خەزانەو قەسرێ پەڕتەر بۆ ٠
ئاخرسەر خەڵکەکە کەم دەس تەرێ بیێ و دزێ و دزدەسەکێشا دەس لوا تەر و داراتەر 😳
@VANADIHOWRAMAN