2411
وەنەدی سنۮۆقڵەی شیشەینوو یاگێ لیرە و جەواهێرینە تاودێ پی نام ونیشانە چێوما پەی کیاندێ @mofahim
یارۆ تەلەفوون کەرۆ پەی 110 و ماچۆ :
فەرمانەو ماشینەکەیشا دزیەنا ،
پولیسیچ ماچۆ : تەقیلە تۆنی ؟ 🤔
ماچۆ : ئەرێ
پولیسیچ ماچۆ :
سەننۮڵی دمایۆ نیشتەنیرە هۆرزەو بۆ وەرەو 😀
@VANADIHOWRAMAN
ماواو خیاڵین یام بڵبەر ماوان ؟
ئەوەگێڵای :
پەی لاو زوانی ڕەسەنی هۆرامی❤️
داسنی : زەردەشتی
کسی کەدر بالا رفتن از درخت مهارت دارد : دارەوان
تابوت : دارەتەرم
جانور ناشناختە : دەعبا
غاصب ، اشغالگر : داگیر کەر ،
فورا : دەم ودەس ، گورج
اعتراف کردن :
درکنای ، پەنەئامای ، مل پۆرەکەردەی
سوزش پوست : درۆخنای ، کزنای
دوخت و دوز : بڕیامان ، دروومان
قصور : درێخ ، کۆتایی
شکاف بزرگ : دڕناڵە
سوزش معدە : دڵەکزێ
بارش همزمان برف و باران :
دوە دانگ
گچ آب = دۆغاوە
سیاە شدە از دود : دووکەڵین
نخ دولایە : دوەلا
حاملە : دوەگیانە ،
زمین دوبارشخم زدە :
دوە هێشە ، دوە گاوەسنە
شخم بهارە را در پاییز دوبارە شخم زدن :
شووموو وەرد
زهرخوردە : دەرمان وارد
نامزد : دەس گیران ، دەس گیرانە
دست بە سینە ایستادن ،
دەسە نەزەر
عمدا ، وعدە و وعید :
دەسی دەسی ، ئارۆ سەوا کەردەی ، ئەنقەسی
هنرمند و نقشگر :
دەس ڕەنگین ، هۆنەرمەند
@VANADIHOWRAMAN
واڵە و برای وەشەسیای فەرهەنگ دۆس !
چەنی سڵامێوە گەرمی و ئاواتەو وەشیتا
هەر پاسە کە زانمێ قسێ وەشێ و واتەو زانایا جە هەر وەڵاتوو ماوا و محاڵێنە بەشێوە هەمیتۮار فەرهەنگوو ئا ماواو محاڵینێ ، هۆرامانیچ بە هەر یەرە بەشەکەشەو سەرچەمەو و کانگاو قسێ وەشێ و ژیرانێن ، ئەر مامۆسێوە زانای هۆرامی پێسەو عەلادین سەجادی نەبیەی کە ڕشتەی مرواریش نیارە ڕەنگا فرەیوە چی گەوهەرا ئیسە دلێ تەپ و تۆزوو ویرەو شیەینە نەپێویێنێ ، ئێمەیچ دوە ساڵێوەن خجڵوو جەمەکەردەیۆ قسەوەشا و مۆچیاری مۆچیارا و زانایانمێ ، هەر پی بۆنەو پێسەو هەمیشەی ئەوجەما بە یاردای و دەس باریتانە ، تکاتا وەنە کەرمێ هەرکەس قسێ وەشێ و یام قسێ ژیرانێ ئینەی لاشەو پی شمارە تەلگرامیە کیانۆما پەی : 09188774476 ،
چێوێتەر کە ئەوەجەش بە عەرز کەردەن ئینەن ، ئا قسە وەشا یام واتەو زانیا کە کیاندێما پەی بە هیج کولوەجێ سووکایەتیش بە کەسێوە یام هۆز وتیرە و ماوا و محاڵ و دەگەیوەش چەنە نبۆ ، ڕەحموو خوۮایۆ ئاننۮە قسێ وەشێما هەنێ کە ئەوەجەما بە قسێ گولێ وزڕەتاڵێ نەبۆ ، برای وردیتا
حەمەی فەهیم
@VANADIHOWRAMAN
ژیوای :
پێسەنە ڕاویاروو دلێ قەتاری بی ٠
بەگردوو ئیزگایا و فاڕ و گۆڕا و پێشامەۮەکاشەو ،
زەمانێ کە ئامەیمێ دنیا سواروو ئی قەتاریە بیمێ ،
بلیتوو سەفەروو ئی قەتاریما ئەۮا و تاتەیما گێرتێنمێ پەی ٠
ئێمە هەر ئەجۆما پەی هەمیشەی ئینەی چەنیما !
وەلێم ئێزگەیوەنە چی قەتارەنە وەزارە و جیەیما مازا ٠
چەنی ویەردەو دەورانی ڕاویارێ هەمیتۮارێ تەرێ پێسەو ڕەفێقا و زاڕۆڵا و ئازیزاما مەیا دلێ ئی قەتاریە٠ فرەیوەیچشا دلێ ڕەێنە وەزارە کە تەنانەت نمەزانمێشا پەنە ٠
سەفەرکەردەی پی قەتاریە هامڕان چەنی : وەشی و خەم وخەجاڵەتی و خیاڵ پڵاوی و وەشی و تشی و خوۮا حافێزی و ئاواتێ عالێ ٠
سەفەری عال ئامێتەو یاردی دای و وەشەسیایی و سەرو زوان وەشی چەنی هام ڕاویاران ٠
ڕازەو زەریفەو ئی سەفەریە ئینێنە : وەنما مالووم نیا کام ئیزگەنە وەزمێرە !
هەکە چانەن مشیۆفرەعال ژیومێ و ساچمێ و بەخشمێ و پا بنیەیمێ پۆرە ٠
هەتا عانوو ئەرە وەستەیما یاوۆ و بەناچاری مشیۆ وەزمێرە ،خاترە و یاۮمانێ عالما دڵوو ماباقی ئا ڕاویارانە کە هەڵای ئینەی قەتارەکەنە بە یادگار جیا ئاستە بۆ ❤️
@VANADIHOWRAMAN
🌷 تافوو پیرانی🌷
دیۮم رێژاوەن روخسارم زەردەن
جە داخ یاران ، پیرانم کەردەن
(مەولەوی )
ڕێژاو و زەردە و یاران و پیران ، نامێ چواردەگێ هۆرامی زوانینە جە محاڵوو ڕێژاوینە کە داخەم مەشۆ ئیسە تەنیا زەردە بە زوانی هۆرامی قسێ کەرا ،
ئەوەگێڵای پەی لاو زوانی ڕەسەنی هۆرامی :
جانب : لا ، کلا ، قەراخ ، پاڵ ، قەبرخە🍁
اجتناب :
وێ پارێزنای ، دوورە لا گێرتەی ، ئیتریز🍁
اوباش :
لات و لووت ، شاڕلاتان ، بێ ئەۮا و تاته ،خوێڕی 🍁
کج : لار ، کەچ ، گێڕ 🍁
مردار : لاش ، کەلاک ، مرۮارەو بیە 🍁
سیل : لاو ، لافاو 🍁
لعل : لاڵ
ضعیف ، کم بنیه :
لاواز : لەجەر ، لەڕ ، بێ گریک ، بێهاز ، بێ گیان🍁
رشتە : تاڵ ، لۆ ، لزگ 🍁
خنیاگر : لۆتی 🍁
دراز و بی قەوارە : لۆق ، لار و وێر🍁
ملامت : لۆمە ، سەرزەنشت 🍁
لجن و گل ولای : هەڕ و لیتە 🍁
کهیر : لیری 🍁
لزج : لێق 🍁
چکیدە بزاق : لیک 🍁
آب دهان : گڵوێز ، تف 🍁
@VANADIHOWRAMAN
نەو وەهاروو شاروو نۆدشە
ئەوەگێڵای پەی لاو زوانی ڕەسەنی هۆرامی :
کمر کوە : لاپاڵ ، قەۮپاڵ
یک ورق کتاب : پەڕە ،
فقیر و پەریشان :
نەۮار ، ناتەمام ، نەبیە ، کەم دەس ، لات
کار هرزە : لاتیگەری ، ئەڵواتی ،
گوشت تهیگاە : لاتەڕاف
تهیگاە : هاڵیگا ،
شکاف در سنگ و کوە : دڕناڵ ، تڵیشە
منحرف :
لاڕا ، لادەر ، جە ڕا ترازیا ،
قسمت کلفت ران : لاڕان
خرید مشترک : لاروایی
بار کج : لارەسەنگ
سایە زوالی : لارە سێوەر
جنبیدن بە هر دو طرف راه : لارە لار ، گێڕە گێڕ
گوش بە حرف ندادن : لاری ، لاساری ، سەر خەری
تقلید و اداء در آوردن : چنایۆ کەردەی ، لاسایی
لاشخور : لاشور ، داڵاش ، داڵە هەرە وەرە
لنگ دراز : لاق درێژ ، قولدرێژ ،
درماندە : پەک کەوتە ، لاکەوتە ، لاکەفتە
@VANADIHOWRAMAN
نیشانەی نەورۆز وادٚەی وەهارەن
یا نەشئەی ئامای نامەی نیگارەن
❤️ مەولەوی ❤️
منیچ جە خزمەتوو مامۆساو ناسک خیاڵانە بێ ئەدەبیم کەردەن و واتەنم :
نیشانەی نەورۆز کابرای پووڵدارەن
کۆچ و کڵفەتش ،،، پەخش بازارەن
نگارەو نامەش بێ شۆن و پەینێ
وێم ئاسا هەڵای گیرۆۮوە دەینێ ۱
( فەهیم )
۱ دەی ئەوڵ مانگەو زمسانی
@VANADIHOWRAMAN
پیرە مەردێوە ئەراگێڵ
واتش بە ژەنەکێش :
بۆ گنمێوە ویروو ویەردەی وەڵینی ٠
من ملوو بەستەنیخانەو چەمەڕات بوو هەتا بەی ٠
هەکە ئامای پێوەرە عەینوو ئەوسای دەس کەرمێوە
قسێ عاشقانێ ٠
پیرە ژەنەکێچ قەبووڵ کەرد ٠
پیرە مەردەکە ئی ڕوەکەوە لوارە بەستەنی خانە ٠
دوێ سەعاتێ چەمەڕا بێ وەلێم ژەنەکێ ناما ٠
بەناهۆمیۮیۆ ئاماوە یانە و دیش ژەنەکێش گروای گرەوۆ !
بەسەرسامیۆ پەرساش وەنە چی گرەوی ؟
پیرە ژەنەکێ هەرسەکێش پاکێ کەردێ و واتش :
تاتەیم ناست بزیەورە !!
@VANADIHOWRAMAN
🍂 واتشا بە بارۆڵی :
پی دەرامەۮە کەمەو چەنی ژیوی ؟
واتش :
شوکۆر پەی خوۮای بە فرە و کەمیۆ ساچمێ ٠
خوڈا یاونۆش ٠
واتشا :
ئێمە خۆ بێگانێ نیەنمێ چی ڕاسەش مەواچی ؟
واتش :
کوچالەی دەس پەو گێروو و بازە وەختێچ تەقەتەقێ کەروو ، خوۮا گەورەن نمازۆ ئاورایینە مروو ٠
واتشا : مەردانە ڕاسش واچە ٠
خۆ نامەحرەمێ نیەنمێ ، چی ڕاسش مەواچی؟
بارۆڵی کەردەو جواب :
بنیەرە تاجرێوە مووسایی هەن ئینا بازارەنەو گرمانگێ بازێ زەڕم مۮۆ هەتا بارێم بار کەرۆ ٠
:واتشا :
دیت واتما ! ئەی ئەوەڵەو چیت نەوات ؟
بارۆڵیچ وات :
بێ ئینسافا یەرێ کەڕەتێ واتم :
خوۮا یاونۆش باوەڕتا نەکەرد ،
جارێ واتم :
تاجرێ یەهوودی یاونۆش باوەڕتا کەرد !
یانی خوۮا ئاننۮەو تاجرێوە مووسایی لاتاوه هەمیەتش نیا ؟
ئی گرنمەی کەرمێ وەلێم هیشتای ئیمانما نەمەرزیانەرە
کە کەسێوەهەن ئاگاۮارمانه ؟
هەتا ئی دوەدڵیە نەبۆ بە دڵنیایی : خوۮای نەبۆ
گرکەس بۆ بە خوۮات !!
@VANADIHOWRAMAN
نازک تەدارەک فەسڵ وەهاران
شیرین ئارایش هەرد و کۆساران
گوڵ چون ڕوی ئازیز نەزاکەت پۆشان
وەفراوان چون سەیل دیۮەی من جۆشان
🌷 مەولەوی 🌷
ساڵەی تازێ و ئەوە ژیوای تەبێعەتی و نەورۆزوو ساڵەو 1402 ڕۆجیاری وەنەو یوە یوەو شمەی وەشەسیا و ئازیزی مەبارەک بۆ ، خوۮاو ئازاۮی ساڵەی تازێ کەرۆ بە ساڵەو ئازاذ بیەی دەسوو دەرد و مەینەتاوە❤️
@VANADIHOWRAMAN
واوەی ساڵ تەر ئاما جە ڕاوە
پەڕەی تەر عەمری هەم هۆر دریاوە
دەوران هەر ئینەن هەر ئینەن کارش
هەر پێسەن باو و بەزم و بازارش
ئەر سەۮ وەرزشەن شنیای شەماڵی
هۆرامان بیەنەو ماواو خیاڵی
بەڵام پەی کەسێ ئاوەزێ دارۆ
ئەستەمەن ئەگەر وەشش بۆ ئارۆ
گێلان ئاسایی و بێ دەردان سفەت
نەژناسۆ ئێشی و نەوینۆ سەخڵەت
شەو و ڕۆ داییم زکرش یازەڕ بۆ
جە زوان لاڵ و جە گۆشی کەڕ بۆ
پینەچی بۆ پەی کەتنەو زۆردارا
یام بەڵایێ بۆ ، پەی دەردەدارا
سەرباروو باری پەی ئەوگارا بۆ
یاروو تەریۮا و مێملوو یارا بۆ
(فەهیم )
@VANADIHOWRAMAN
« ئارام ژیوە ! »
هيچێ چی دنیاو خوۮاینە پێسەو ئاوێ شل و نەرمە نیەنە ، کەچی پەی تاونایەو چێوە ڕەقەکا هام لفێوەش نیا !
نەرمی زۆرش مەڕیۆ سەروو سەخڵەتیرە و نەرم ونیانی سەروو ئاڵۆزیرە ، گر کەس ئینەی زانۆ وەلێم کەمتەر کەسێ بەرۆش ڕاوە !
بەشەر ، بە شل و نەرمی پێۮا بۆ و بە وشک و ڕەقی مرۆ ٠
گیواوڵێ عانێ خاکەنە مزیا شل و نەرمێنێ ، وەلێم سەرە مەرگنە تەق و ڕەق و قالۆرێنێ ،
جا هەرکەسێ وشک و وێ بەزل زانا واۮە و مەردەیش نزیکا و هەر کەسێ نەرم و نیانا کەیلوو وەشەسیای و ژیواین ٠
وەختارێ چانەن هیچ وەختێ چەنی تەبێعەتی و هام بەشەرات مەگژیە و
ئێش و ڕێشی بە سەر و زوان وەشی قەربوو کەرە وە
📚 با ژیومێ❤️
@VANADIHOWRAMAN
ژەنێوە پێسەو خاتوو مینای کناچێ ڕۆسەم سان🌼
ئامینەخانە کناچێ ئەفراسیاوی ژەنەوحەمەمین سانی
ئافتاوخانەوغەفاربەگی کە بەخانمێ هۆرامانی شۆرەتش پێۮا کەردەن 🌺
جە باری زانایی و دینیچەو هۆرامان ژەن وکناچی فرێش چەنە هۆرکەوتێنێ پێسەو :
خانمە گەورێ تەوێڵێ بە نامێ خەڵیفە لەیلێ کە دەرزش واتەن بە فرەیوە جە کوڕ و کناچا هۆرامانی🌼
خاتوو خاڵێ کناچێ پیر جارۆڵڵاو هۆرامانی 🌻
جە ئاسمانوو هۆنەریچەنە :
ژەنەشاعێرێما هەسارەئاسا پێویەینێ پێسەو :
جەهان ئاراخانمە کناچێ مەڵڵا نەشئەتی پاوەیی 🌙
کەوکەب خانمەو هۆرامانی ☀️
هۆرامیێ بێژ تاک وتراکێ گیل و بێ ئاوەزی
جیاوازیشا نەوسەن بەینوو کوڕ و کناچینە 🌟
عانێ ئەۮا سەروو بێشکێوە ئەڵڵا ئەڵڵاش کەردەن پەی کۆرپەیش کناچێش بەسۆزتەر لاونەینە ⭐️
چی بەرەگایچەنە :
ئەو خوۮای زیاۮبۆ ژەن و کناچێ هۆرامانی جە باروو هۆنەر و عیلمیوە نە تەنیا جە پیایا کەمتەرێ نیەنێ بەڵکوو جە فرەیاگێنە ئینەی سەرتەرەو ٠
ڕۆ ژەنێ جە گردوو ئەۮا و واڵەکاما مەبارەک بۆ💐
@VANADIHOWRAMAN
هۆرامانوو ژاوەرۆی : مێرگەواروو نیەری❤️
وەڵاتم چن ڕەنگینەن خاکش کڵەو چەماما
هەواو سارا و باخاتیش ساڕێش کەرووخەماما
مێرگەوارش حەیاتەن ،،،، بەهەشتی ڕوی زەمینەن
هەریەسێوەش گەوهەرێن وەشتەرجەخاک چینەن
تا شاهۆ و کۆساڵان و سارای مێرگەوارم بۆ
گێل و ساۮار و گێجنا ئەر ئارەزوی شارم بۆ
(فەهیم )
@VANADIHOWRAMAN
تویچ بە هەری وێت زانات هەر بازین
دنیا بێ عەدڵ و مەحکەمە و قازین
پەوکای پی جۆرە ،،،، خیاڵا بەردەنی
دنیاو هەرانە ،،،،،،، غەرقشا کەردنی
( فەهیم )
@VANADIHOWRAMAN
#
کۆرناوە :
موحەمەدی غەزالی هەرچێ فێر بێ دلێ دەفتەرانە نویسێشەو ٠ زەمانێ چەنی کارەوانێوە لوا پەی سەفەری و نویستەکاش نیەی تۆشەبەرەیوە بەردێش چەنی وێش و ڕانە چەتا گێرتێ !
غەزالیچ بە ئەوەلاڵیایۆ بە چەتەکاش وات : چێشم هەن بەردێش وەلێم کارتا نەبۆ سەروو ئێ تۆشەبەرێوە !
تەریۮیچ (چەتێ) تەماعێ گێرتێ و تۆشەبەرەشا کەردەو و دیشا بازێ دەفتەرێ نویسیەی نەبا هیچ تەرش نیا چەنە !
چەتەیوەشا پەرساش وەنە :
ئی دەفتەرێ چێشێنێ ؟
غەزالییچ واتش : ئینە عیلمەکەما !
چەتەیچ کەردەو جواب : عیلمێوە چەتە تاوۆ بەرۆش ئانە کەی عیلما ؟
ئی قسێ دزیە داش وەنەو دڵوو غەزاڵی و واتش : بەعەمرم مۆچیاری چینەم جە کەسی نەژنیە بێ ٠ وەروو وێشرە شەرتەش کەردە :
چیۆدمای عیلم وزانایی دلێ دەفتەروو گیانینە بنویسۆ ٠
@VANADIHOWRAMAN
٠
دەگاو بارام ئاوای 👆
هازەو بێ هازیم ! ماوام وەتەنم !
شیرینتەرجەگیان زەیۮم مەسکەنم
خیاڵ واچۆچێش قافیەش تەنگەن
پەی وەسفووحاڵیت زوانم لەنگەن
تەنیا مەر واچوو ،،،، یە هۆرامانەن
زەریفتەرجەچەم سەرتەرجەگیانەن
(فەهیم )
@VANADIHOWRAMAN
ڕەمەزان تلۆع سوبح شاۮیشەن
شەواڵ شووم ،،، نامورادیشەن
من وێنەی شەواڵ ، ئای زام سەخت وێم
تاڵەم چون شەواڵ ، ئای بەۮ بەخت وێم
غوڕەی ئەو قیبلەی ،،، من وەیک تارەن
وەنام ئێمەو ،،،،،،،،،،،،،،،، کام ئەغیارەن
جەژنەو ڕەمەزانی و زاڵ بیەی سەروو نەفسی ئەممارەیرە وەنەو ئیماندارا مەبارەکە بۆ 🌸🌸
@VANADIHOWRAMAN
کڵێپێوە تماشایی و زریف دەربارەو پیەیوە خەیر و خەیراتکەری کە تەماموو داراییش کەردەن خەرجوو وەی کەردەی هەتیما و ئیسە شۆنەو چن ساڵا دووریرە ئاماناو دیۮەنشا !
@VANADIHOWRAMAN
🍂
گۆرەکڵە :
بابا..! بەشەرێ ئێمە سەرەبڕا ، ئەزاو ئەننۮامیما وەرا ..!
وەلێم نە هەرا سەرە بڕا و وەنە گۆشتیچشا وەرا ؟
یانی بەڕاسی ئاۮی دەردەو واردەی نموەرا ٠٠٠!؟
ئی گردە جیاوازیە چێشا ٠٠٠!؟
باواو گۆرەکەی :
ڕۆڵەگیان..! هەرێ زەمین و زاردارێ هەم سوارێشا با هەم باریچشا پەنە بەرا پەوکای زیننێۮێنێ ٠٠٠!
ویرت نەشۆوە :
ڕازەو مەنەی دلێ زەمین و زارینە هەر ئینێنە٠٠٠!
@VANADIHOWRAMAN
ڕازەو بێ ئاژاولەیی یانەو مەڵا نەسرەدینی :
پەرساشا وەنەو مەڵا نەسەرەدینی :
چەنینا چل ساڵێن بی ئاژاولێ چەنی کەیوانوێت پێورە ژیودێ ؟
مەڵای کەردەو جواب :
ئێمە ڕۆ ئەوەڵی قەرارما دا : هەکە من ئاڵۆز بیانێ :
ئاۮە بلۆ ئاشپەزخانە و وێش خجڵنۆ بە کارێوە هەتا سەرەشەنە بەر مشۆ ٠
ئەگەریچ ڕەگوو بنا ملوو ئاۮەیچ غرەزینە بەرپڕا من بلۆرە دلێ حێوانەکەی و دەس کەروو ئاو و ئاڵف دەیشا و هەتا قوشقیە بۆ نەووە یانە ٠
شکۆر پەی خوۮای ئینە چل ساڵێن من فرەتەروو عەمریم دلێ ماڵیاتەکەینە ژیوو ٠٠٠٠٠
@VANADIHOWRAMAN
ئەوگێڵای پەی لاو زوانی :
ڕەسەنی هۆرامی ❤️
گرانی و نایابی خوار و بار : قات و قڕی
از زانوو بە پایین : قاچوو قول ،
کلاف نخ : قانگڵە ، گرۆلیە
غاز چران : قازوان
صدای کبک : قاقبۆ ، قاسپە
کلاغ سیاە : قاڵاو ، قاژە سیاوڵێ
جنجال و هیاهوو :
قرموو قاڵ ، هەرا و بەزم ، حەمەرە مزێ ،
مرگ عمومی ، قڕ
وعدە : قەوڵ ، واۮە
زیستگاە ییلاقی :
وارگە ، هەوار ، هۆبە ، هامنە هەوار
دغدغە : ورکە ، وتوو ویرە
پنبە : وڕێ ، لۆکە
میوە باد ریختە : واڕێزە
باد تند :ْٓ واگژە ، گەردەلوول ،
بیم وترس : واهێمە ، خۆفی ، سام
شایعات : ویتە ویت ، شاوارە ، دنگ وباس
سخنان پوچ و بیهودە :
ڕێسای ، وڕێ ، گەڕە لاوژێ
خرت و پرت : وردەواڵە ، خڕوو پڕ ،
گلە دوستانە : وردە گلەیێ ، گلە و بناشت
@VANADIHOWRAMAN
❤️ مەولەوی و مانگەو ڕەمەزانی ❤️
میکس و مونتاژ : سۆران فەهیم
@VANADIHOWRAMAN
🔻 هەکە لنین مەرد مالووم بی پیاو دوەموو شۆڕشی یانی تروتسکی وێ ورەش و خیانەت بار بیەن ، ئاخرسەر ماباقی ڕابەرا شۆڕشی پێسەو ئیستالین ، کامنف ، زینوویف و بوخارێنی وەڵاتوو ڕووسیەنە زنییەو و مکزیکنە بە دەسوو کابرەیوە کرها گیریەی بەنامێ راموون مرکادری بە یەخ ماڕ کوشتشا ، وەلێم پەنج ساڵێ دماتەرمالووم بی کامنف ، زینووف وبوخارینیچ دژمەنوو خەڵکی بیێنێ و دریەی گیر و گازوو فرەزوو بە دەسووروو ئیستالینی بەدەسوو هنریچ یاگودای ( یەکەم پیاو وەزارەتوو ئەمنیNKVD) دریەی قەنارە ٠
🔻 فرەش پەنەنەشی بەرکەوت هنریچ یاگودایچ جاسوسوو ئێمپریالیستا بیەن ! کابرا خوێڕی هیچێ جاسووس بیەن دلێ یانەو مڵکەکەیچشنە هەزاران عەکسی و فیلمێ قیزەونێشا دیێنێوە ! سەرە مەرگیچنە ماچۆ (( پاسەدیارا خوۮا هەن)) من هەزاران کەڕەتێ بێ ئەمری خوۮایم کەردەن هەتا خزمەت کەروو بە ئیستالینی ! من هەزاران کەڕەتێ بێ ئەمری خوۮایم کەردن و ئیسە دسوروو کوشتەیش دانا)) ئاۮیچ ئاخرسەر بە دەسوروو ئیستالینی و بەدەسوو یاگەدارەکەیش نیکولای یژوفی کوشیا ٠
🔻وەلێم بەینێش پەنەشی مالووم بی کە نیکولای یژوفیچ ڕەفێقێوە ناڕەفێق و دژمەنوو خەڵکی و چڵکاو وەروو بێگانا بیەنوو شۆنەو محاکێمەو گیر و گازێوەرە بە دەسوو یاگەۮارەکەیش یانی : لاورنتی بریا کوشیۆ ، وەلێم شونەو بەینێ تەریرە دماو مەردەی ئیستالینیرە کتوو پڕ گرکەس وەنەش مالووم بۆ خودوو لاورنتی بریایچ ( رەییسوو وەزارەتوو ئەمنی) خیانەتش کەردەن بە وەتەنی و جاسوسوو ئینگلیسیا بیەن کە بە دەسوروو خروشچفی دەسگیر کریۆ و جە دادگەیوەنە بە رەییسی گئورگیژوکوفی بە ئێعدام مەحکووم کریۆ ٠
🔻وەلیم کوچالەی دماتەر گئورگی ژوکوفیچ کابرەیوە قەڵب و دەردنەواردە دریۆ قەڵم و سەروو کاریۆ نمازاشوو شاربەدەروو ئوراڵی کریۆ تازە هەرچی بەرەگایچنە بەرگنۆ ئیستالین وێچش دژمەنوو خەڵکی و خیانەت باربیەن و نە تەنیا ئستالین بەڵکوو فرەتەروو ئەنۮاما پولیت بورویچ وێ ورەشێ بینێ ، ئاخرسەر قەبرەو لێنینیشا جەمێۮانوو سوروو موسکۆیەو بەردە پەی لاو دیواروو کرملێنی ، بەڵام دماتەر ئاشکرابی کە خرۆچف وێچش کەلەشەق و جەنگەران و دژمەن بیەن ، برژنفی سەروو کاریۆ لابەرد و تاعانێ مەرد جە ویلەیوە دەوروو مسکۆینە چێروو چەمۮارینە بێ و وەختارێچ جە ستامبروو 1971ینە مەرد بی بەشداری کەس و کاریش سرۆناشا !
🔻 وەلێم زەمانێ برژنفیچ مەرد و گورباچف ئاما سەروو دەوری تازە یاوەینە ئەیهوو ! ئی چەقەڵە پیرە یانی برێژنێفیچ فرەتەرین زەربەش دان وەنەو ڕوسیەو ساڵەهای ساڵ ئی وەڵاتش وستەن دماوە ٠ وەختارێ گورباچفی جوان دەسڵات کەوت دەسش بەرکەوت ، ئەسڵەن تەماموو کاربەدەسا حزبوو کومۆنیستوو ڕووسیەی خیانەت بار و پیاو ئێمپریالیستی بیێنێ و سەمەرەتەر ئانە بێ عانێ جەماهێروو شەورەوی وڕا مالووم بی خودووگورباچفِیچ خیانەت بار و پیاو ئێمپریالیزمی بیەن هەتا ئێتحادوو جماهێروو شەورەوی وڕنۆ !
سەرئەنجام ، شۆڕش ، دماو واردەی گردوو زاڕۆڵەکاش ، ئی کەڕەتە ، وێش و وەڵاتەکەیش هۆر لووشۆ و ڕوسیە لت لت بۆ ، ڕێک عەینوو مەعدەو بەشەری مەردەی کە وەختاری هیچ واردەیوەش نیا وێش وەرۆوە !
@VANADIHOWRAMAN
هۆرامانوو ئەودیمی ❤️ سەرگەتە ❤️
ئەوەگێڵای پەی لاو : زوانی ڕەسەنی هۆرامی
شهپر پرندە : شاباڵ
باز سفید : شاباز
جغد ، بوف : شابوو ، بوو ، بایە قوش
شاخە بزرگ درخت : شالەق
تبلیغات دروغین :ْْ
شات و شووت ، هاش وهووش ، درۆ و دەلەسێ
برنای زیبا : شاجوان
حق المرتع : شاخانە ، پووشانە
کوە و کمر :
شاخ و داخ ، کۆ و کەمەر ، هەرد و بەرد
صدای ریزش کوه : شراخە ، هاڕە
کوه نورد : شاخەوان ، کەشەوان
جشن شادی و عروسی : شاۮیانە
سکتە کردن از شادی : شاۮی مەرگ
تودە درو شدە گندم : شارا
نهفتە شدە :
شاریاوە ، ئەوەشاریا ، قاییم کریا
شهرنشین : شارسانی ، شاری
کمینگاە شکارچی : کۆلیت ، حەشارگە
شهرک : شارەک ، شارەکڵە
دە بسیار بزرگ : شارە دەگا
پوستە : قابڵوخ ، تۆکڵ
سرپوش ظرف : قاباخ ،
گاز گرفتن : قەپگێرتەی ، گاز گێرتەی
دربان : قاپیەوان ، قابچی ، دەربان
@VANADIHOWRAMAN
🌙
💎 پیەیوە پیسکە و ڕژد :
کاڵەکێوەش سانا هەتا بەرۆشەو پەی ژەنەکێش ٠
ڕارە نەوسی زور ئارد پەی ،
واتش : با قاژێش چەنە وەروو ،
وەلێم پەنەیچش عەیب بێ دەس هاڵی بلوە پەی یانە ٠٠٠
ئاخرسەر کڵاوە و نەفسی لوا سەرەش و وەروو وێشرە واتش :
قاژێوەش پێسەو خانزاۮەکا وەروو و ماباقیەکەش منیۆرە هەتا ڕاویارێ واچا : هەرکۆ بۆ ئینە خانی واردەن ،
هەڵبەت کابرا پی قاژیچە نەکاسیارە و واتش :
ئەویچش موەروو تا واچا : خان نۆکەرێچش چەنی بیێنێ و ماباقیەکەش ئاۮیشا واردەن ٠٠٠
دماتەر تۆکڵەکەیچش وارد و واتش : با واچا :
خان ئەسپیچش پەنە بیەن ٠٠٠
ئاخرسەر تۆمەکەیچش وارد و واتش :
ئیسە نە خانێ ئامان و نە خانێ لوان ٠
پیجۆرە ئی قسێ کەوتە دەموو خەڵکی و ماچا :
نەخانێ ئامان و نە خانێ لوان ٠٠٠
@VANADIHOWRAMAN
.
.
🌙
📚 داستانەو (( چۆ و پیاز و سکێ ))
تاوان بارێوەشا بەرد لاو حاکمی ٠٠٠٠
حاکمی وات :
یۆ چی یەرە سزایە هۆرچنە :
(( یام منێ پیازی وەرە ، یام 100 سکێ بۮە ، یام 50 چوێت دریا وەنە ))
کابرای تاوان باریچ وەروو وێشرە واتش :
پیازەکێ ڕەحەت وریا کام ئاوەزدار حازرا شقێ وەرۆ و یام زەڕ بۮۆ ؟
پیازیشا پەی ئارد ٠٠٠٠
دوێ پیازێش واردێ مەحەل بێ تاسیۆ ،
واتش :
فلاقە جە پیاز واردەی ڕەحت تەرا چۆکاریم کەردێ ٠
هەڵای 10 چوێشا نەۮابێ وەنە هەرسی پڕەی چەمێش وەروو وێشرە واتش :
پیای ژیر هەتا زەڕش بۆ چی مشیۆ دارکاری کریۆ ؟!
100سکێش دەی و وەرشا دا ٠٠٠
حاکمی وات :
ئەر ئەوەڵەو زەڕەکەت دابیەی ئەوجەش نەبێ هەم پیاز وەری و هەم فەلاقە کەریەی و هەم زەڕیچ دەی !!
ئینە پێسەنە فرەیوە جە وەنە بڕیای و تەگبیراما ،
ئاخرسەر دماو خەرج و زەرەرێوە فراوانی هەر ئا هەرمانێ کەرمێ کە مشیۆ ئەوەڵ ڕۆ کەردەیما !!
@VANADIHOWRAMAN
🌺 بەبۆنەو ڕۆ جەهانی ژەنێوە 🌺
باروو محاڵوو هۆرامانی جۆرێ هۆرکەوتەن کە کڵفەتوو یانەی بە ئاواجەمی بە ژەن و پیا و گەورە و وردیەو شان بەشانوو یۆترینی ئەرکوو یانەی بەرا ڕاوە ٠
ژەنەی هۆرامیە :
چون جە ئەۮا و تاتەیوە ڕەنج دەری بیێنە شەو و ڕۆ نەژناسەو بێ مردامان شان بەشانوو پیای هەرمانەش بەردێنە و هارەقوو میاچەماش وەشک نەبیەنەو🌷
ژەنوو کناچەو هۆرامانی دەس ڕەنگینێ و دڵسۆزێ و خەمەوەرێ یانەینێ 🌺
چەپەوانەو محاڵاتەری کە ژەنی لاشاوە بێ قەۮرە بیێنە ،
ژەنەی هۆرامیە بیێنە بەدەسڵاتدارە 🌸
سکەیوە قەۮیمیشا دیەنەو کە دیمێشەو نامێ ژەنێوە هۆرامیەبەنامێ (( ئاداد )) ێ هۆرکنیان و چەودیمەکەشەو وێنەو ژەنەکێنە ، کە سەلەمنۆ ئاژەنێ دەسڵاتدارە و فەرمان ڕەوەی بیێنە 🌼
خراب نیا زانمێ :
فرەتەروو پادشایا ئەشکانی (( داد)) ئینا ئاخروو نامەکێشاوە ٠
ژەنی هۆرامانەنە بیێنە بە بەسانە (( سوڵتان ))
پێسەو :
خاتوو هۆریزاۮسانە کە شۆنەو ئەسکەندەرسانوو هۆرامانیرە جە ساڵەو 1225 ی مانگینە بیێنە بەسانەو هۆرامانی🌟
خاتوو مونیرەسانە زیاتەر جە ساڵێوە سانە بیێنە
👇👇
🌷ژیوار🌷
وەتەن ! گریکوو لاشەی بێ هازیم
کانگاو دڵ وەشی و مایەو شانازیم
ژیواروو ژیوایم سەمروو رەنجیم
مشتێ نموونەو هەزاران گەنجیم
((فەهیم ))
ئەوەگێڵای پەی لاو :
زوانی ڕەسەنی هۆرامی ❤️
سرداب : زاخ ، زاخرخانە
زاغ چشم : زاق
مسلط : زاڵ
زخم : زام ، ڕێش
صدای سقوط سنگین :
زرمە ، هاڕە ، شراخە
باد زمستان : تۆف ، زلان ،
جیغ : زریکە ، قیژە
ناپسری و نادختری :
کۆڵەبەس ، کۆڵەبەسە
افشاشدە :
ڕسوا ، زڕیا ، تڕۆ
تناور و گوندە :
زل ، زەلام ، نەپۆڕ
بلال : قۆڵە زەڕات
حرامزادە : زۆڵ
باتلاق : زەلکاوە
فوری :
دەم ودەس ، گورج ، عازا ، پەلە پەل
چرک زخم : زۆخ ، هەو و کیم
درماندە :
دەسەپاچە ، زەبوون ، ئەرەمەنە
تجمل : زەرق و بەرق
نی : نەیجە ، زەل
سوز سرما : کزە ، زوقم
ریگ نرم : لم ، ماسە
صدای زیر : زێق
صدای بم : بۆڕ
سیلی :
شەپڵاخێ ، زیلێ ، کەشیۮی ، چەکە
@VANADIHOWRAMAN
مەولەوی و قافڵەیوە وەهاری🌷
میکس و مونتاژ سۆران فەهیم
@VANADIHOWRAMAN