2411
وەنەدی سنۮۆقڵەی شیشەینوو یاگێ لیرە و جەواهێرینە تاودێ پی نام ونیشانە چێوما پەی کیاندێ @mofahim
هۆرامانوو لهۆنی ،
پاییزوو شاروو نەوسۆۮی
ئەوگێڵای پەی لاو زوانی ڕەسەنی هۆرامی :
اتفاق : پێشامەۮ ،
اجرت و دسمزد : هەقە دەس
اجناس : کاڵا ،
احترام : قەۮر
احتیاج : ئەوەجە ،
احتیاط : پارێز ، پەروا
احسان : خاسی ، خەیرە
احیانا ، ئەرئاماو ،
احضار : چڕیەی
اختناق ، خنیکیای ، تاسیای ،
اخیرا : تازەیی ، چی دمایۆ
اربعین : چلێ
ارتجاع : دماکەوتەیی ، کۆنە پەرەسی
ارتعاش ، لەرە ، لەرزیای
ارزاق : تفاق ، واردەمەنی
ارشد : گەورە
ارفاق : ئاسان گێرتەی ، یاردی دای ، دەس بار
@VANADIHOWRAMAN
✍ ڕەفێقێوە واچێ :
عانێ ئەۮام چاشتی کەرێ ئەردلێشنە مووێم ئێستەیوە قەرقەشەیوە بەرپا کەرێنێ و زەمین و زەمانی شێونێنێ پێوەرە !
وەلێم ئیسە کە نەمەنێنە زەمین و زەمانی شێونوو پێوەرە هەتا تاڵە موێش بێزوو وە ٠٠٠ !!
@VANADIHOWRAMAN
ئالوارو مونرۆ :
گاوبازی نامۮاری ئەسپانیایی
عانێ زاناش گاوەکە گەرەکش نیا چەنیش گژیۆ گۆشەیوە مێۮانوو گاوبازیەکەینە نیشتەرە و دەسش کەرد گرەوای ٠
ئی گاوبازە یاوانە ئی حێوانە بە چەمێ هەرسینێشەو ئاشتی وازا ٠
ئەی شەڵڵەی ئا جەنگەران و شەڕاشوا کەجەنگی هۆرگیسنا و ئینەی شۆنەو عەزیەت و ئازاروو بەشەراوە ئاننۮە ئی گاویە ئاوەزدارێ بیەینێ 😳
@VANADIHOWRAMAN
دەلاقەی کۆنە و شیشێ لێڵ و مات
یانەی بێ تفاق و دڵ کەیل ئاوات
نمەز واچوو چێش ، زوانم لەنگەن
زەوقم وێم ئاسا ، قافیەش تەنگەن
ئاوەز ئاوەزش ، شۆن نادیارەن
زەمانە چەنی ، ناکەسان یارەن
(فەهیم )
@VANADIHOWRAMAN
قسێ ئاوەزدارا :
زەمانێ کە ماندێللا دانشگاو حقۆقینە دەرز وەنێ ئوستادێوە چەرمە پۆس بەنامێ ( پیترزی ) پەڕەدڵ قینیش بێ چەنە ٠
ڕوێوە ئاغەی پیترز سالۆنەو نانواردەینە خجڵوو نانواردەی بێ کە ماندێللا بە قاوەسینیێوە ئاما ولاشنە نیشترە ٠
ئوستادی پەنە وات : تۆ هەڵای ئاوەزت نیا بزانی خووگ و پەلەوەر پەی نانواردەی لاو یۆترینیەو نمەنیشارە ؟
ماندێللا چەنی ئەۮا و تاتەیوە تەماشەو زاڕۆڵەی بێ تەربیەتیشا کەرا پا فیاتە دیاش پەی و واتش :
پڕۆفسۆر من باڵێ گێروو وە و
لوا پەشتەو مێزێ تەرینە نیشترە ٠
ئاغەی پیتریز کەخشمەنە سوور بیەبێوە بڕیاوەنە هەقەکەرۆوە ٠
ئیڕوەکەوە کەلاسەنە پەرساش وەنەو ماندێللای : ئەر خیابانەنە دەموو ڕارەلوایەو دوێ کیسێت ئێستەینێوە کەیۆشا زەر و ئەویتەر ئاوەزبیەی کامی هۆر گێرێنی ؟
ماندیللا دەم و دەس واتش : ئانەشا کەزەڕەکەش چەنەن ٠
ئاغەی پیترز بە فیفی کەردەیۆ واتش : ئەر من بیەینێ جیاتی تۆ ئاوەزەکەی هۆر گێرێنێ ٠
ماندێللایچ شانەیوەش هۆرتەکنا و کەردشەو جواب :(( هەرکەس هەرچێش نەبۆ ئانەی هۆرگێرۆ ))
ئاغەی پیترز کە تووڕەیینە ئاما بێوە قوڵێ ڕوەو سەروو بەرگەو ئێمتحانوو ماندێللایۆ نویستش : ئەحمەق ٠
ماندێلایچ نەما بەرگەکەی و لواوە پەشتەو مێزەکێشوو نیشترەوشونەو کوچالەی بێ دەنگیرە هۆرسەو بە ئەدەبەو واتش :
ئاغەی پیترز !
جەنابت نامەکێ وێت سەروو بەرگەکەیمەو نویسێنە وەلێم ویرت شیەن نمرەکەم بۮەی پەنە ٠
فێرێ بیمێ هەمیشە جیاتی قوشقی بیەی ڕاو ژیری و ئاوەزی گێرمێ وەر ٠
@VANADIHOWRAMAN
شێعرەو :
مامۆسای ڕەحمەتی هەیاس غەریبی🌷
بە دەنگوو : سۆهەیب و زانای
@VANADIHOWRAMAN
من زاڕۆڵەو دوێ کەسانا 👨👩👦
*ڕوێ کە ئاوەزیام :
من زاڕۆڵەو دوێ نەفەرانا !*
تەقەش دا وەنە بەرەی و ئاما چوەر٠
بەڕاوەبەروو بەشێوە ئەدارەی بێ ٠
فرمێوە پەڕەوبیەو ئەرەمەرزیاش دەسەو بێ ، شۆنەو وەش و تشیێ کۆتایرە فرمەکەش دانێ پەنە و واتش :
تەماشەش کەرە چ زەریفارێ !
لامەو فرمێوە بێ پێسەو ماباقی فرمەکا ، فرمەکە خانمێوە پەڕکەردەبێوە هەتا مەرزیۆرە ٠
پەرسام وەنە چێشش زەریفا ؟
واتش :
موشەخەسات و کەسایەتیش وەنەوە!
چێروو لچاوە دەسم کەردبە وەنایەو کەسایەتیش
نامێ ٠٠٠٠
نامێ خانەوادەگیە ٠٠٠٠٠
زاڕۆڵەو ٠٠٠٠
دیم وەرشەنە نویستەبێش :
" ڕەزا و پەروینە "
دالەیۆ ماتم کەرد !
هەکە ماتی منش دی زەردەخەنەیوە گێرتوو واتش :
منیچ هەر چامردانی ٠
چەودما پاخانمێم وات :
" چ زریفا دوێ نامێت نویسێنێ"
کەردشەو جواب :
چەمەڕا بێنی تەنیا نامێوە بنویسوو!؟
من ئەولاۮوو دوێ کەسانا نەکەسێوە!
تاوێ بێدەگ بیانێ ٠
کەتەو ویرم هەمیشە وەختوو پەڕکەردەیۆ فرمەکا دەم ودەس وەروو " زاڕۆڵەو ٠٠٠٠"
تەنیا نامێوە نویسێنێ
نامێ تاتەیم " جەمشید "
هەتا ئیسە چی ناوەزیانم !؟
چ عاڵەم ئاشکران !
ئی چننۮە ساڵە من گۆشوو گاوینە وتەنا !
چن ڕوێ دماتەر ٠٠
فرمەکەم پەڕکەردەو دام دەسوو کاربەدەسەکەیۆ ٠
یوە یوە نامەو چێوەکام دلێ کامپیوترەکەو وەروو دەسیشەنە نویسێ !
هەرچن گرچێوێم بە خەتی وەش و زریف نویسیەبێ وەلێم پەی دڵنیایی بەدەنگی بەرز وەنێشاوە هەتا منیچ بژنەووشا !
نامێ !؟
نامێ خانەوادەگیەم !؟
تا یاوا لاو بەشوو زاڕۆڵەی
" زاڕۆڵەو٠٠٠٠٠"
کەمن وەرشەنەنویسەبێم :
" جەمشید و مەنیجێ"
تەماشەیوەش کەردا و وەڵێ ئانەینە چێوێ پەرسۆ واتم :
دیارا من زاڕۆڵەو دوێ نەفەرانا !
تەنیا زاڕۆڵەو نەفەرێ نیەنا ٠٠٠٠!
چ زریف و دڵنشینا !
تا ڕوێ مەنێنمێ ویرما نەشۆوە ئەولاۮوو دوێ کەسانمێ !
زاڕۆڵەو ٠٠٠٠❤️ 🌷 ❤️
@VANADIHOWRAMAN
ئەوەگێڵای پەی لاو :
زوانی رەسەنی هۆرامی🌷
راموونەیوە جوابوو ئی کەلیما گردشا بە دێوە ( د )
دەس پەنە کەرا :
گوشت حیوان مریض = دەرد مەردە ،
مبتلا بە بیماری = دەردەۮار ،
مشقت = دەردی سەر
بیماری مرغ = دەردە گەرگ
تاب مقاومت = دەرەقەت
کلاە بردار = دەزبڕ
فورا = دەم و دەس
نامزد = دەزگیران
برابر و نزدیک هم = دەسان دەس
عمدا = دەسەن قەس ، دەسان قەس ، ئەنقەس
رهاکردن کار = دەس بەردار
صرفه جویی = دەس پۆ گێرتەی
شروع کردن = دەس پەنەکەردەی
دک کردن = دەس پۆنیای ، رەۮکەردەی
فقیر = دەس نەویەردە ، دەس تەنگ ،
انعام دادن بە استاد و شاگرد =ٓ دەس وەشانە
نامەای کە با دست نوشتە شود = دەس خەت
رگبار = دەزرێژ
ولخرج = دەزباۮ ، هەڵە خەرج
دستمال دست = دەسەسڕ
دست ساز = دەسکار
تغیر دادن حالت چیزی = دەسکاری
حیوانی کە بە وسیلە دەست ذبح شود = دەس کوژ
بهرە = دەس کەوت ، خێرە
نامزدی ، دەس گێرتەی
دوران نامزدی = دەزگیران داری
کمک مالی = دەس گرۆیی ، باربوو
نان منت خور = دەسننەو وەر
@VANADIHOWRAMAN
پاییز بارخانەش 🍁 پێتەو جە باخان
سەردەن سەرهەردان چۆڵەن ئێڵاخان
هانێ بێ نازێ و بوڵبۆڵ خەم نە کۆڵ
شاروو خامووشان سارا دەرە و دۆڵ
( فەهیم )
@VANADIHOWRAMAN
تەیموورە شەل ( تیمورلنگ )هەڵمەتەش دا وەنە وەڵاتوو عوسمانی و حکوومەتوو عوسمانیش ماڕا و پاۮشاە عوسمانی بە دیلی گیریا ٠٠٠
تەیموور قەسرەنە نیشتەبێرە و واتش : پاۮشاو عوسمانیم باردێ پەی ٠٠٠
شاشا ئارد ، هەکە تەیموو چەمش کەوت پەنە : دەسش کەرد خوای ٠ پاۮشاو عوسمانی چەمێوەش کۆر بێ واتش : بەچەم کۆریم خوی؟! تەیمووریچ واتش : نە
واتش من شاو عوسمانینا پلە و پایەم پێسەن تۆ هەر ئینە زاڵ بیەنی ڕەوا نیا وەرەچەموو گەورا دەرباریتەو سووکم کەری ٠٠٠
تەیمووری کەردەو جواب : لاو منەو قەۮر و حورمەتدارنی !
بە چێوێ تەری خوانێ ٠
شاو عوسمانی وات بە چێشی خوای؟
تەیمووری وات :
بە هەڕ بەسەری خەڵکوو ئێران و عوسمانی خوو کە ئاخر و عاقیبەتشا کەوتەن دەسوو من و تۆی شەل و کۆری ٠٠٠
@VANADIHOWRAMAN
ئی کەلیما وەڵێنە عەرەبی یام فارسیێ بێنێ ، وەلێم ئیسە بیێنێ بە هۆرامی :
تعریف = تاریف
بهرە = بارە
خلعت = خەڵات
كل من الوجه : هیچ کول وەجێ
معشوقە = ماشقە
طعم = تام
محنت = مەینەت
طالع = تاڵە
قناعت = قنیات
سهیل = سوەیل
محبت = مەوبەت
لعل = لاڵ
بعضی = بازێ
کسب = کسم
عبدالان = ئەوۮاڵان
ارواح = ئەروا
قحطی = قاتی
شعلە = شۆڵە
عزیز = ئازیز
معلوم = مالووم
اجل = عەنجەڵ
اهمیت = هەمیەت
کاشف بەعمل آمد = کاشی بە عەمەڵ ئاما
سەباح = سەبا - سەوا
یعنی = یانی
عرق = هارەق
حق = هەق
عالم = ئاڵەم
نونهالان = نەوهاڵان
صحرا = سارا
ضعیف = زاییف
معلق = مەولەق
قهر = قار
فهم = فام
تدبیر = تەگبیر
تٲمل = تامڵ
مٲواء = ماوا
بحث = باس
@VANADIHOWRAMAN
چی قەزەی ئی گاوێ نەگنا وەنەو فرەتەروو ڕابەرا دنیەی ، ئەویشا جەنگی هۆر گیسناو ئێۮە کوشنایش کوشنۆوە ٠
بە فەرمایشوو پیروو شیرازی سەعدی ڕەحمەتی :
هەر و گاوێوە هەرمانە بەرا
ماقووڵ تەرێنێ جە نابەشەرا
@VANADIHOWRAMAN
✍️ قسێوە مەکینە
جە شەورەوی کومونیستینە پیرەژەنێوە ملۆ دەرمانگا و بە مونشیەکەی ماچۆ :
« زەحمەت کێشە وەختێوەم بنیەرە پەی هەتا دۆکتۆروو گۆش و چەمی وینۆم .»
مونشیچ ماچۆ ئەۮا گیان :
«دوکتۆروو گۆش و چەمی ؟!
چێمنە دۆکتۆرێ نیا ، ئیسە ناڕەحەتی تۆ چێشارێ ؟»
پیرەژەنەکیچ کەرۆوە جواب :
« * خەلێوەن چی وەڵاتەنە ئانەی کە مژنەوو نمەوینوو وە ئانەیچ کە وینوو نمەژنەوو * »
مونشیچ ماچۆ : ئەۮالێ گیان !
« نامێ ئی نەوشیە *سوسیالیسما* دەردەی بێ دەرمانەنە.»
#میخائیل_میلنی چینکو
@VANADIHOWRAMAN
گۆرانیەو : ئازیز بە گیانت
گۆرانی واچ : مەجید_دێوەزناوی
@VANADIHOWRAMAN
🔺حەزرەتوو عومەری
سڵاموو خوۮایش وەنە بۆ عانێ عەمر کوڕوو عاسیش کەرد بە فەرمانداروو میسری پەرساش وەنە : ئەر دزێوە گێری چێشش پەنەکەری ؟ جوابش داوە دەسش بڕوو ٠
🔹عۆمەری فەرماوا : منیچ ئەر دەورانوو دەسەڵاتداری تۆنە ئاورایێ بەی پەی لایم دەسوو تۆ بڕوو !!
@VANADIHOWRAMAN
یاۮیوە جە برای کۆچ کەردەی کاکە هەیاس غەریبی ❤️
@VANADIHOWRAMAN
🍁 پاییزوو هۆرامانی 🍁
وەتەن بەهەشتنی ! پەی ساحێب دڵا
پاییزت وەشتەر ،،، جە وەرزوو گوڵا
خالق ڕۆی ئەزەڵ پاسەش نەخشنانی
دلێ وەڵاتانە ،،،،،،،،،، تۆ هۆر ئامانی !
جەو بۆنە واتشا : ،،، بە تۆ هۆرامان
بیەنی بە ماواو ،،،،، شیرین کەلامان
@VANADIHOWRAMAN
پاییزوو 🍁 بڵبەری🍁
ئەوەگێڵای پەی لاو زوان ڕەسەنی هۆرامی ❤️
زەمینی نەکاڵیا = باهێر ،بایێر
خمیازە =
وێژێ ، باوێشکێ
ناپدری : باوەپیارە
کوتولە =
باوا قودرەت ،باوەعەمرە
اولین بازدید عروس از خانە پدر = باوەخون
کتف =
شان و مل ، باهوو ، باڵەکێ شانەی
خط مرزی بین دو مزرعە =
بڕێ یانێ جە یۆ بڕیای ، باوەر یانێ یاگێ باوەڕی
وزیدن باد =
واهۆرکەردەی ، واکەوتەی
گرد باد = واگژە ، وەیوڵە جنانێ
گەوجە فرنگی =
بایجانە سورێ یام سورلێ
بوف کور = بایەقوش
آلبالو = هاروو براڵوو
آلبالوی کوهی ، براڵوی
شالیزار = جاڕەبرێنج
درخشش =
دروشیایۆ ، برێقەدایۆ ، وریشەشانای
نوعی بیماری بز = بەلە باقە
بچە خوک = کۆڵە
گدار ، گذرگاە رودخانه = وێڕی
@VANADIJOWRMAN
سەمەر پیره کناچڵە هۆرامیەکێ شارە دەگاو بێسارانی هۆرچنیاو کتێبوانی کشوەری جە بەشوو زاڕۆڵا و نەو جواناو سی و یەکەمین دەورەو حەفتەو کتێبوو وەڵاتینە ٠
۲۴ ئابانی _تاران تالارەو وەحدەتی
@VANADIHOWRAMAN
هیلیان مریچڵێوە دلێ گاراجێوە دەرەو دێبنەو ئەوێهەنگینە٠
20 / 8 / 1402 ڕۆجیاری
چن ڕەنجت کێشا وچن ڕێزێت ئاردێ
زەڕنگەر ئاسا ،،،،، قەتارت وەناردێ ،
سەرسامووعەقڵیت حەیرانوو ژیریت
سەرەم سڕمەنەن جە هۆش و ویریت
بەچێش گیرێت دەی ڕێزێ ڕۆخانەی؟
بیێ بە نەقشوو ،،،، دیمەنوو یانەی
چی قەزەیت نەگنا ئا چا بێ مەغزا
کوشتێ هەقوازا ،،، لاشاوە فەرزا
( فەهیم )
@VANADIHOWRAMAN
🌼ئەوەگێڵای پەی لاو :
زوانی رەسەنی هۆرامی🌼
راموونەیوە :
هۆرامی ئی کەلیما بە( خ) وە دەس پەنەکەرۆ :
پابوسی =
خاکوو پا ، پاماچ کەردەی
خانەبەدوش = خانەبەکۆڵ
بدگمانی بەهمسر = خانەگومان ،
النگو = خرخاڵ
خش خش باد =
خشە خش ، خشپە خشپ
بەغضب خداگرفتار = خوۮا گیر
میوە خشک خیساندە در آب = خوەشاو
گردن کلفتی =
خووگە ملێ ، ملهۆڕی ،
تملق = خوڵتە
خاک سائیده شده = خوڵە پۆتە
رنگرز = خومچی ، رەنگ ڕەژ
چرخیدن =
خولیای ، چرەخیای ، سووڕیای
دعوت = خوڵکە
سبزقبا ( پرندە ) = خومەڕەژە
گنجانیدن = خوجنای ،
باسواد = خوەننەوار
بیکارە = خوێڕی ، بەتاڵ پا ،
وسیلە خم کردن چنبر دف و غربال = خەرکەمان
عقل و هوش ازدست دادن = خەرەفیای
اندوهناک = خەفەتبار ، خەمین
خلعت و پیشکش = خەڵاتی
غرق در خون = خەڵتانوو ونێ
بدگمانی و شک = خەرێڵە
@VANADIHOWRAMAN
🌷️نامێ ئا شار و دەگایا🌷
️کەبە️هۆرامی قسێ کەرا
@vanadihowraman
تۆ واچێ بەشەرێ ئەننۮامێ لاشەیوەبا ؟
دەردەو من تەنیایی نیەنە 🌾
بەڵکوو
مەردەی خەڵکێوەن کەنەبیەیشا
نامێ نیان ساچیای 🌾
بە خوێڕیگەری ماچا : خواینای 🌾
بەخوایچەو ئی گەوجیگەریە :
منیا ملوو حێکمەتوو خوۮای 🌾
(گاندی )
@VANADIHOWRAMAN
ماچا دوێ قوتبێ ،،،،، ئاچی عەرزەنە
شش مانگێش ڕۆن و ششتەر شەوەنە
ئەرێ من جە کام قوتبەنە ژیوو ؟
ساڵەهای ساڵا یەکسەر شەوەنە
(فەهیم )
@VANADIHOWRAMAN
سەنگەرا قەڵاو باوی وێمانەی !
زانایا عیلمی و ئاوۮانی یانەی !
شێرە کناچا ! وەتەنی وەشی !
وەنەشەوباخا وچنوورا کەشی !
هۆرامان چەمش هەرئینا راوە
باڵاتا پێویۆ 🌷 دانشگایاوە
ژیری و ماقوولێ ، بیەن کاڵاتا
وەفا و سەنگینی بڕیان باڵاتا
(فەهیم) @VANADIHOWRAMAN
هۆرامانوو ئەودیمی ، شاروو بیارێ
ئانە وەهاروو ئینەیچە پاییز
خەڵاتی خوۮایی وەتەنی ئازیز
@VANADIHOWRAMAN
ڕوێ جە ڕوا نگارێوە بێ
جەرگەو یارانە دڵدارێوەبێ
ئیسە ها ویەرد زەمانەو جوانی
پەناش بەردێنە عەسا و گۆچانی
( فەهیم )
@VANADIHOWRAMAN